Farohiy

Suratdagi insonni taniganlar bormi ?

Zamonamizning yetuk olimlaridan, ko’plab asarlar muallifi, xalqimiz kitoblarini sevib o’qib kelayotgan,barchamizga sevimli «Saodat asri qissalari» asari muallifi Ahmad Lutfiy Qozonchi hazratlari

https://t.me/farohiy

Amal maydonida g’arib emassiz, Sho’rlik ahvolimni aslo sevmassiz,
Ehtimol siz meni shogirt demassiz,
Sizni Alloh uchun sevdim ey Ustoz…

Farohiy

Abdulloh Ozod yozyabdilar:

Ustozning rioyasini qilaylik

Ushbu sahifadagilarga yoki sahifada yoʻq boʻlsa ham, ustoz bilan tez-tez messenjer orqali xabarlashib turadiganlarga bu murojaat yetib borsa, ularga bir iltimos bor edi.

Ustozning koʻzlarining nuri ketib boryapti…
Eʼtibor bersangiz, telefonlariga qaraganlarida koʻzlarining oldiga juda yaqin olib kelib qaraydilar. Kamiga telefonlarining yorugʻligini yuqori qilib oladilar, chunki shunday qilmasalar, yaxshi koʻrmaydilar.

Biror kun avval bir sahifa admini ustozni xatmi Qurʼon bagʻishlash uchun chaqirgan ekanlar. Suhbat boshlanishidan oldin ustoz telefon qildilar. Bir ishni aytdilar. Planshetlari yoniq, undan suhbatga kirmoqchi ekanlar. Ishni aytdilar, shuni qilyapman, oʻzlari esa 5-6 ta odamdan kelgan xabarni ochib, javob berib chiqyaptilar. Javoblarini eshitib turibman: «Mayli, xoʻp, siz ham duo qiling», «Mayli, kelsangiz boʻladi», «Xoʻp, taqsir». Yaʼni biror jiddiyroq masala emas, kimdir duo qilishlarini soʻragan, kimdir ziyoratlariga kelmoqchi va hokazo. Endi oʻylang, har kuni qancha odam ustozga mana shunday umuman muhim boʻlmagan, keraksiz murojaatlarini yoʻllaydi, ustoz ularga javob berib chiqadilar?

Ustoz juda koʻngilchanglar, birovni hecham xafa qilib qoʻygilari, xizmatga qoʻygilari kelmaydi. Ustozga kimdir yozsa, ularga javob bermasdan qoʻymaydilar. Nechta boʻlsa, hammasiga javob berib chiqadilar. Ammo har safar murojaatlarni oʻqib, javob berib chiqar ekanlar, koʻzlarining nuri ketib boradi.

Iltimosim, murojaatim shuki, ustozga yaxshi boʻlishini, tan-u sihatlari sogʻ boʻlishini xohlasak, ularga yozmaylik, ustozning rioyasini qilaylik.

Oʻzing yaqin boʻlib, bizga aql oʻrgatma, deyishingiz mumkin. Keling, haqiqatni aytay. Ustoz bilan 2 yildan beri ijtimoiy tarmoqlardagi faoliyatlariga bilan ishlab kelayotgan boʻlsak, bir martagina shaxsiy iltimosni soʻraganman. Undan boshqa biror marta na oʻzimni, na boshqalarning savollari-yu salomlarini yetkazganman. Yaqinda bir kishi aytdi: «Sizga maza, doim ustozning yonida yurasiz». Yoʻq, aslo unday emas. Qachon ustoz bilan birga boʻlgan boʻlsam, ustoz chaqirgan boʻladilar. Bu ham doim emas, 2 oyda bir boʻlib qolishi mumkin. Oʻzim ziyoratlariga borishni, koʻrishishni hech soʻramaganman.

Hazrat bilan bogʻliq voqea bor edi. Ikki kishi hazratning ziyoratlariga boradi. Kotib hazrat ilm bilan mashgʻul ekanini aytadi, ziyoratchilarning biri kutib turaman deb qoladi, ikkinchisi ilm bilan mashgʻul boʻlsalar, bezovta qilmay, deb qaytib ketadi. Hazrat kelgan ziyoratchi bilan koʻrishib, uni kuzatganlaridan keyin boya kelib ketgan boshqa ziyoratchi haqida kotib aytadi. Hazrat xursand boʻlib, oʻsha odamni bir necha daqiqa duo qilgan ekanlar.

Biz ham har safar ustozga xabar joʻnatsak, ziyoratlariga borsak, albatta ustozni ilmdan toʻsgan, qimmatli vaqtlarini band qilgan boʻlamiz. Aksincha boʻlsa ilmga xizmat qilgan boʻlamiz. Ustozga xizmat qilmoqchimisiz? Marhamat, telegramdan xabar yozmang, duo qilishlarini, marakaga kelishlarini va boshqa masalalarni soʻramang, ziyoratlariga bormang. Ayni damda mana shu narsa ustozga eng katta xizmat boʻladi.

Bu murojaat samimiy yozildi, hech qanday maqsad, manfaat koʻzlanmadi, Oʻziga ayon.

Kutubxona qurmagan jamiyat - qamoqxona qurishga mahkumdir !

https://t.me/farohiy

#sheriyat

Кенгбағирлик
 
Ислом кенг бағирлик шубҳасиз, аммо
Иззат, самимият, ҳақиқат ҳамдир.
Ҳақ билан ботилни чулғамас асло,
Хорлик, сохталикка зиддият ҳамдир.
 
Кунпараст ҳайитнинг қутловин билмас,
Мавлидга чорланмас бирор насоро.
Улар мутаассиб, фалон дейилмас,
Бағри кенг бўлишга чиқармас фатво.
 
Минг йиллар тарихдан кечсин мусулмон,
Ўзлигин топтасин, маҳв этсин тамом.
Белига зуннорни тақса ҳам ҳамон,
Розилик топмагай, кўрмагай икром.

Ҳусайнхон Яҳё Абдулмажид 🌟

https://t.me/farohiy

Jum’a muborak!

Farohiy

Siz nima degan bo’lardingiz ?

https://t.me/farohiy

#sheriyat

Ислоҳ
 
Билардим, ҳар нени кузатар Аллоҳ,
Фаришталар котиб, ҳар ён қўриқчи.
Одамлар ҳам танқид қиларди ҳар гоҳ,
Ҳатто таъқибимда қанча айғоқчи.
 
Аммо тузалмадим, ўзгармадим, оҳ,
Асл қилмишларим бўлмади канда.
Мен фақат ўзгардим ва топдим ислоҳ
Ўзимга ўзимни соқчи қўйганда.

🌟 Ҳусайнхон Яҳё Абдулмажид

https://t.me/farohiy

Husayn Buxoriy 🌟

Furqon surasi 4-5 oyatlar

https://t.me/farohiy

Аҳмад ибн Ҳанбал айтадилар:

Аллоҳдан ҳадис ёдлашни сўрадим. Сўраганда "офиятда ёдлай" деб сўрамадим. Шундан кейин ҳадисларни ёд олдим. Фақат қамоқда, занжирбанд бўлган ҳолда.

Агар Аллоҳдан ҳожатингни сўрасанг, "офиятда" деб сўрагин!

https://t.me/farohiy

Соҳилдаги гўдак нидоси
(Суриядан ҳижрат қилган оиланинг Истанбул соҳилида ўлик ҳолда топилган тўрт ёшли мурғак ўғлони Ийлон тилидан)
 
Мунгли бу танамга бўзлаб йиғлама,
Кўнгилни ғашлама, юрак тиғлама.
 
Балки, йиғла, уммат, ожизлигингга,
Бўзла, инсоният, ночизлигингга.
 
Инсон ҳуқуқидан сўз очма, башар,
Лоақал жим тургин, инсонсан агар.
 
Нифоқу ёлғонга тўлган, эй олам,
Бир нафас сукут қил, сўзлайин мен ҳам.
 
Дунёга келгандим, кўп вақт бўлмади,
Балоғатга ҳали ёшим тўлмади.
 
Ота-онам билан яшардим сокин,
Севардим, ўпардим ватаним хокин.
 
Мен ўйнаб юргандим мутлақ беозор,
Ҳеч кимга кўнглимда йўқ эди ғубор.
 
Ўзгалар оёғи бош бўлмиш бизга,
Ўз қўлимиз етмас ҳаттоки тизга.
 
Айбимиз – қўрқармиш биздан қўшнимиз,
Семизроқ экандир яна қўзимиз.
 
Баногоҳ уйимни тутди бир олов,
Ўтинлар хўп ёнар, кўринмас косов.
 
Бир-бирин ўмарди қадим қардошлар,
Қўл-оёқ узилди, кесилди бошлар.
 
Бошларда ақл йўқ, кўз кўр, тил соқов,
Қўл-оёқ хиёрсиз, бир-бирига ёв.
 
Мен оловдан қочиб, чўкдим денгизга,
Дунёни тарк этдим, одамлар, сизга.
 
Денгиз ҳам вужудим юта олмади,
Дардимни уммон ҳам кўтаролмади.
 
Сувининг шўрлиги кўзим ёшидан,
Тўлқинлар юрагим ютган тошидан.
 
Бугун мен ётибман соҳилда сокин,
Юзларим ўпармиш ўзга юрт хокин.
 
Кўз ёшимни денгиз ювиб ётибди,
Бошимни тўлқинлар силаб ётибди.
 
Майли, жонсиз танам кўрсин ҳам дунё,
Виждонсиз нигоҳлар тушмасин аммо.
 
Бошим силамасин, қилурман ҳазар,
Золимга узалган қўл бўлса агар.
 
Совуган жасадим ўпмангиз, зинҳор,
Ҳаққа очилмаган лабдан этгум ор.
 
Боқманг кимлигимга, сабаб сўраманг,
Бир инсон фарзанди инсон деб қаранг.
 
Ҳали, эй инсонлар, берасиз жавоб,
Мурғак бу жонимдан сўралур ҳисоб.
 
Демангиз чўкмишдир жажжи бир бадан,
Исломий ҳамият, инсонлик чўккан.
 
Жоним олиб қочдим, борганим ажал,
Қорнингиз тўқликдан ёрилган маҳал.
 
Менку жаннат сари учдим қуш бўлиб,
Қардошларим асранг, кетмасин ўлиб.
 
Отам Иброҳимга етишдим омон,
Сизларни кутмасин Фиръавну Ҳомон.
 
Кўзни очинг, қайтинг ўзлигингизга,
Бўлди, расм чизманг кўзлигингизга.
 
Майли, не қиларсиз, қилинг, нетаман?
Барини Роббимга айтиб бераман.
 
Мусулмон мусулмон зулмидан қочса,
Бошқалар унга ёт эшигин очса,
 
Араблар эшигин қоқмаса араб,
Ўзга остонада турса мўлтираб,
 
Эй Уммат, ҳаётдан кечганинг яхши,
Денгизларга чўкиб кетганинг яхши!
 
Ҳусайнхон Яҳё Абдулмажид

 04.09.2015

https://t.me/farohiy

#sheriyat

Беруний

Шарқу ғарб ақлини ром этган ақл,
Ердан оёқ узмай самолар кезган,
Борлиқни қоғозга қилгувчи нақл,
Ойнинг ҳароратин ерданла сезган,
Биласизми, бобом Беруний у зот?
Муҳаммад Беруний бизларга аждод!
 
Ер учун бирбирин қирганда олам,
Бобомиз заминни кашф этар эди,
Оврўпо қуёшга сиғинган у дам,
Даҳомиз осмонни забт этар эди,
Авлодлар, аждодга келтирманг иснод!
Муҳаммад Беруний бизларга аждод!
 
Билимни иймонда топганлари он,
Илму дин ўртасин ажратмай сира,
Башар карвонига бўлдилар сарбон,
Дунёю охират бахти яксара,
Буюк Берунийга, мана, биз авлод!
Муҳаммад Беруний бизларга аждод!
 
 
Беруний, Хоразмий, Ибн Синолар
Минг йилда бир келар, дейдилар, борсан,
Минг йилдир туғмадинг бундай даҳолар,
Шоядки уларга ҳомиладорсан,
Эй ватан, ўтмишинг айлагин бир ёд,
Муҳаммад Беруний сенга бир авлод!

🌟 Ҳусайнхон Яҳё Абдулмажид

https://t.me/farohiy

#sheriyat

Миллий алла
 
Аллаалла, болажоним,
АллоҳАллоҳ, де, жоним!
Алла_алла, дей, ухла,
АллоҳАллоҳ, деб ухла!
 
Умрим боғи ғунчаси,
Қалбим қўри кулчаси,
Жону таним парчаси,
Сенсан орзум барчаси!
 
Аллаалла, ўғлоним,
АллоҳАллоҳ, де, жоним!
Алла_алла, дей, ухла,
АллоҳАллоҳ, деб ухла!
 
Қўчқор бўлма, қоплон бўл,
Довюрак, мард, арслон бўл,
Ҳам булбули бийрон бўл,
Не бўл, комил инсон бўл!
 
Аллаалла, арслоним,
АллоҳАллоҳ, де, жоним!
Аллаалла, дей, ухла,
АллоҳАллоҳ, деб ухла!
 
Дард кўрма ҳеч, мурғагим,
Жисминг менинг юрагим,
Қудратли бўл, билагим,
Сен Раббимдан тилагим!
 
Аллаалла, дармоним,
АллоҳАллоҳ, де, жоним!
Аллаалла, дей, ухла,
Аллоҳ-_Аллоҳ, деб ухла!
 
Берсин Нуҳнинг умридан,
Гўзал Юсуф ҳуснидан,
Иброҳимнинг меҳридан,
Ҳам Аҳмаднинг хулқидан!
 
Аллаалла, султоним,
АллоҳАллоҳ, де, жоним!
Аллаалла, дей, ухла,
АллоҳАллоҳ, деб ухла!
 
Йиғлама, эй юпанчим,
Қувнаб юргин, қувончим,
Тойилмагин, таянчим,
Ишонч оқла, ишончим!
 
Аллаалла, болажоним,
АллоҳАллоҳ, де, жоним!
Алла_алла, дей, ухла,
Аллоҳ_-Аллоҳ, деб ухла!

🌟 Ҳусайнхон Яҳё Абдулмажид

02.02.2015. Тошкент.

https://t.me/farohiy

Sizlarga ham ilindikda)

https://t.me/farohiy

#sheriyat

Дўстлар
 
Ўзликни бир он ҳам унутманг, дўстлар,
Бор бўлинг, кўп яшанг, хўп яшанг, дўстлар.

Гўрнинг зулматлари кифоя бизга,
Ёруғ бу жаҳонда ёришинг, дўстлар.

Қабрнинг торлиги етар инсонга,
Қисқа бу ҳаётда кенг бўлинг, дўстлар.

Ўлим айирар тез бирбирингиздан,
Ҳозир ажралишга шошилманг, дўстлар.

Ҳақиқат очилар, охират яқин,
Дунёда ёлғонга тил бурманг, дўстлар.

Ўзгани қоралаб, оқламанг ўзни,
Сиз ҳам бир ўзгасиз, унутманг, дўстлар.
 
Сиз ҳам бир ўзгасиз, унутманг, дўстлар…

Ҳусайнхон Яҳё Абдулмажид


https://t.me/farohiy

Xatm Qur’on duosi

2021 Qohira

https://t.me/farohiy

#sheriyat

Тилимдан бир тилим

(Тил бойлигига ишора)

Боши қотган, кўзи қотган, юзи қотганлар
Дили қотган, тили қотган, ўзи қотганлар.

Кўзи чиққан, бели чиққан, иши чиққанлар
Тили чиққан, қўли чиққан, тиши чиққанлар.

Кўзи учган, эси учган, тиши учганлар
Қоши учган, ўзи учган, сўзи учганлар.

Иши куйган, пули куйган, дили куйганлар
Ичи куйган, кўзи куйган, тили куйганлар.

Дили тушган, йўли тушган, пули тушганлар
Кўзи тушган, иши тушган, ичи тушганлар.

Дили кетган, қўли кетган, ола кетганлар
Ўта кетган эси кетган чола кетганлар.

Бу нечук тил, не чучук тил ва не ўксук тил,
Уни асранг ва авайланг буни уққанлар!

Ҳусайнхон Яҳё Абдулмажид

22.09.17

https://t.me/farohiy

Sizlarga ham ilindikda🙂‍↔️🫠

(Tandirdan hozir uzdik🌝)

https://t.me/farohiy

So’ragan edingiz🌟

Manzilimiz

#quron

Қалблар бироз ором олсин истадик…

“Аё, Аллоҳнинг зикри ила қалблар ором топмасми?!”

https://t.me/farohiy

Onam yurgan ko’chalar…

https://t.me/farohiy

Biz ham yaxshi ko’rdik…🥹

https://t.me/farohiy

“Inson oxirat uchun yashaydi”

Husayn Buxoriy

https://t.me/farohiy

#muhabbat
Aslida Ona uchun barcha farzandlari birdek sevimli, ammo, katta bo'lgunicha kichigi, qaytib kelgunicha safardagisi, tuzalgunicha betobi sevimliroq bo’larkan…


https://t.me/farohiy

#seningmehmoning

Kel do’stim bir faraz qilib ko’raylik ,
Zora dardli qalblar bir orom olsa,
Ne bo’lardi agar bir zum bo’lsa ham,
Rasululloh sening mehmoning bo’lsa?.

Qulog’ing garangu ko’zing ko’r bo’lar,
Unutib qo’yasan butun dunyoni,
Oyog’ing ostida yer yo’qdak go’yo,
Baxtlisan kezasan butun samoni.

Ko’zinga kulbadek ko’rinar uying,
Shoxlar orzu qilgan qasr bo’lsa ham,
“Qanday ikrom qilsam?” bo’ladi o’ying,
Axir u zot uchun butun dunyo kam.

“Qanday kutsam?” debon qalbda hayajon,
Uylarni chinnidek qilmoqda ahling,
“Qo’chqorning qo’lidan sho’rva qilsammi?”
Hayajon kuchidan ishlamas aqling!

Hamma narsa tayyor - ovqat, dasturxon,
Qo’yildi eng qimmat idish tavoqlar,
Ovqatga solindi barra qo’y go’shti,
U zot sevarlar deb hatto qovoqlar.

Endi kutish qoldi, kelsalar bo’ldi,
Tayyorgarlik a’lo, sharoitlar zo’r,
Moddiy holat yaxshi, ammo birodar,
Qalbingni ozgina taftish qilib ko’r…

Habibulloh kelib so’rsalar gar:
“Ahvolingiz qanday, aziz ummatim?
Allohning kalomi o’qilyaptimi?
Unutilmadimi mening sunnatim?”

Barchangiz kelishib, o’zaro ahil,
Yashayabsizlarmi bo’lib bir jon-tan?
Ayollaringizga muomala qanday?
“Hajjatul vado”da aytgandim zotan.

Yetimlar qay holda, kambag’allar-chi?
Bevalarga bormi holis e’tibor?
Erkaklarning rashki yo’qolmadimi?
Ayollarda bormi uyat,nomus,or?

Qanday o’stiryapsiz farzandlaringiz?
Sahobalarimmi ularga mayoq?
O’zingizdan so’zlang, sog’indim sizni!
Eshitdim, sizlar ham ekansiz mushtoq!

Shu onda bo’g’izga tiqilar tiqin,
So’zingni topolmay terga botar til,
Tilda aytolmagan ko’p dardlaringni
Yig’lab-yig’lab so’zlar g’aflat bosgan dil.

Qanday anglatasan Rasulullohga
Bugungi ummatning ayanchli holin,
Axir holimizni ifodalamoq
Juda ham qiyin-ku juda ham qiyin.


Shu onda yuraging tub-tublaridan
Vulqondek otilar olovli bir oh,
Boshingni ko’tarmay aytasan uzr:
“Bizlarni kechiring, Yo Rasululloh!

Habibim, suyanchim, ko’zimning nuri,
Ota-onam sizga bo’lsinlar fido,
Sizni ranjitguvchi gapni aytguncha,
Bu jon tanda turmas - bo’laman ado

Sizdan kegin bizlar o’zgarib ketdik,
Ummatingiz bilmas izzat neligin,
Sizsiz ko’ngil yarim yetim bo’ladek,
Kimsa to’ldirolmas uning kemtigin.

Sizsiz biz yo’qotdik o’zligimizni,
Hatto bir amal yo’q qilingan tuzuk,
Hatto asrolmadik yo’qolib qoldi,
Sizdan qolgan o’sha muborak uzuk.

Fitnalar yemirdi o’z ichimizda,
O’z qo’limiz otdi o’zimizga o’q.
Bugun yo Habibim, aytgulik sizga
Muhabbatdan boshqa hech narsamiz yo’q!”

Javobing shu qadar, emasdir ortiq,
Tag’in do’stim mendan qilmagin araz,
Balki, sen bunchalar yomon emassan,
Axir bu shunchaki, oddiy bir faraz.

So’zim boshidagi “Do’stim” xitobi
Senga emas aslo, ranjima do’stim.
Farazdagi javob meniki asli,
Shu bechora mezbon o’zimman, o’zim.

Aslida nafsimga atalgan edi,
Bu she’rdagi barcha ta’na-yu itob,
So’zimni yakunlay cho’zilib ketdi,
Dardim yozilsa gar bo’ladi kitob.

Kel, nafsim, bir faraz qilib ko’raylik,
Zora gumroh, g’ofil qalbing uyg’onsa,
Ne bo’lardi agar, bir zum bo’lsa ham,
Rasululloh sening mehmoning bo’lsa!…

https://t.me/farohiy

Eshigingga keldim!
Va men "Men" bo'lishdan
voz kechdim!
Yetar-ki Sen:
— "Kim u?" - degin.
Kim bo'lishimni istasang,
"o'sha" bo'lishga keldim.

Jaloliddin Rumiy

https://t.me/farohiy

ДЎСТЛИК СОҒИНЧИ

Юракка қадалди дўстимнинг гапи,
Кўнгил дарвозасин мен таққа ёпдим.
Чорасиз инграган мусофир каби
Курашдан тўхтадим, чарчадим, Роббим!

Тилларда достондир бу кун садоқат,
Тинглаблар толиқдим осмон сўзларни.
Энди учратсанг ҳам учратгил фақат
Қиёматда туриб берар дўстларни!


https://t.me/farohiy

Суннатга хиёнат

https://t.me/farohiy

23 yoshimda meni sevganlar,
33 yoshimda sevolmas endi…

Madina, dunyolar yorishar, kulsang,
Izlab oʻtirmagum boshqa tabibni. Vohki, sen shunchalar chiroyli bo’lsang
Husni qanday boʻlgan, bilmam,
Habibni?!

Xayrulla Hamidov


Bizga qo’shiling 😊

Ijobati ya Rab ijobati…

Sollallohu alayhi vasallam

https://t.me/farohiy

https://t.me/farohiy

Hozircha bizda joylashga narsa yo’q…

Keling suratlar gapira qolsin )

https://t.me/farohiy

#Jajjimuslmon

(bolalar uchun kichik barnoma yakuni)

Amri ma'ruf

Amri ma'ruf beshinchi,
Udir inson sevinchi.
"Amr" demak buyurmak,
"'Ma'ruf" yaxshilik demak.
Yaxshilikka buyurmoq
Amri ma'rufdir, o‘rtoq!
Neni qil desa Alloh,
U yaxshilik, bo‘l ogoh!


Nahyi munkar

Nahyi munkar oltinchi,
Munkar – shayton quvonchi.
"Nahiy" demak qaytaruv,
"Munkar" – yomon ish deyuv.
Yomonlikdan qaytarmoq
Nahyi munkardir, o‘rtoq!
Neni qilma der Alloh,
U yomonlik, bo‘l ogoh!


Tavallo

Yettinchisi – tavallo,
U do‘st tutmoq, ey dono!
Alloh uchun do‘st tutmoq,
Alloh do‘stin do‘st bilmoq.
Kimki Allohni sevar,
Alloh suyganni suyar.


Tabarro

Sakkizinchi – tabarro,
Do‘st tutmaslik mutlaqo.
Kimki Allohga dushman,
Uni dushman bil bezan.
Kim Allohga do‘stdir, bas,
Dushmanini do‘st tutmas.

Xotima

Bular Islom negizi,
Vojibdir har sakkizi.
Barchasin tutgan inson,
Beshak komil musulmon.
Kim bularda tugalmas,
Komil musulmon emas.
Islom – yaxshilik dini,
Go‘zal ezgulik dini.

Husaynxon Yahyo Abdulmajid

1435. Zulhijja 26/20.10.2014

https://t.me/farohiy

#Jajjimuslmon

(bolalar barnomasi davomi 1)

Usuluddin

Usuluddin sakkizdir,
Bilsin o‘g‘ildir, qizdir.
"Usul" "negiz"lar demak,
Usiz Islom yo‘q, demak.
Birma-bir aytay, tinglang,
Yod olib, amal aylang.


Tavhid

Birinchi asl tavhid,
Bu yo‘lda o‘lgan shahid.
Allohga inonmoqdir,
Bir-u bor deb bilmoqdir.
U yakka-yu yagona,
O‘zgarishdan begona.
O‘xshashi yo‘q zotida,
Misli yo‘q sifotida.
Xotiringdan ne kechmish,
U o‘shandan pok emish.


Adl

Ikkinchisi adldir,
Adlsizlik jahldir.
Har so‘zda-yu har ishda,
Yotish-turish, yurishda,
To‘g‘ri, odil bo‘lmoq u,
Odoblarni tutmoq u.


Imomat

Uchinchisi – imomat,
Qilmoq kerakdir odat.
Dunyo-oxirat ishi,
Teng kelganda tashvishi,
Oxiratni tanlamoq,
Dunyoni ortga surmoq.


Nubuvvat

To‘rtinchisi – nubuvvat,
U bashar uchun izzat.
Payg‘ambarga ishonmoq,
Rasulni barhaq bilmoq.
Kimda yo‘q bunga iymon,
Mo‘min emas u inson.

Davomi bor...

Husaynxon Yahyo Abdulmajid

1435. Zulhijja 26/20.10.2014

https://t.me/farohiy

#Jajjimuslmon
(bolalar uchun kichik barnoma 2)

Alloh taolo

Alloh bordir va birdir,
Ishonmagan kofirdir.
U yaratgan odamni,
Katta-kichik olamni.
Bizni yo‘qdan bor qilmish,
Ko‘plab ne'matlar bermish.
U Rahimdir ham Rahmon,
Bizni sevar mehribon.
U yaratmish neki bor,
Bizga qilmish xizmatkor.
Biz bandamiz U Zotga,
Shunga keldik hayotga.
Kimki bunga ishonmas,
U hech yaxshi insonmas!


Qur'oni Karim

Qur'on – Allohning so‘zi,
Qalbimiz rizq-u ro‘zi.
Bizga hayot dasturi,
Allohning so‘nmas nuri.
Uni o‘qib, tinglarmiz,
Sevib amal qilarmiz.


Rasululloh sollallohu alayhi vasallam

Alloh elchisi Ahmad,
Ya'ni Hazrat Muhammad.
Bizga payg‘ambardir u,
Mehribon rahbardir u.
Sunnati qonun bizga,
Ibratdir o‘g‘il-qizga.
Bizlar uning ummati,
Orzumiz shafoati.


Jannat va do‘zax

Bu dunyo o‘tkinchidir,
Odamning yupanchidir.
O‘limdan so‘ng hayot bor,
Unda do‘zax, jannat bor.
Do‘zax juda yomon joy,
Kirganning holiga voy!
U dahshatli bir olov,
Yonar tinmayin lov-lov.
Jannat bir ulkan bog‘dir,
Kirganning vaqti chog‘dir.
Undadir barcha ne'mat,
Abadiy baxt-saodat.
Unga kirgan baxtiyor,
Undan qolgan bo‘lgay xor!

Men INSONman

Men insonman, odamman,
Odam avlodidanman.
Inson bo‘lib yashayman,
Yaxshi ishdan tinmayman.
Maqsadim – jannat topmoq,
Robbim Allohni ko‘rmoq.
Men sodiq musulmonman,
Chun hazrati insonman.

05.11.2013/01.01.1435. Toshkent.

Davomi bor…

https://t.me/farohiy

#Jajjimusulmon

(bolalar uchun kichik barnoma 1)

Men kimman?

Mening Robbim Allohdir,
Bunga qalbim guvohdir.
Payg‘ambarim Muhammad
Ummatiman toabad.
Kitobimdir Qur'onim,
Unga fidodir jonim!
"Kimsan?" desangiz qay on,
Aytaman: "Men musulmon!"

Din

Bilsang, din, ey musulmon,
Iymon, islom va ehson.

Iymon

Iymon rukni oltidir,
Aytay sizga birma-bir:
Avval keltirmoq iymon
Haq Allohga begumon.
So‘ngra malaklariga,
Keyin kitoblariga.
So‘ngra iymon keltirmoq
Rasullarga, ey o‘rtoq!
Oxiratga ishonch ham,
Ishonch dilga quvonch ham.
Qadar yaxshi-yomoni,
Allohdan bilmoq oni.

Islom

Islom rukni nechtadir ?
Sizga aytsam, beshtadir:
Iymon-u, namoz, zakot,
Ro‘za va haj, tutgin yod.

Ehson

“Ehson ne?" deb so‘rsalar,
Aytay, sinab ko‘rsalar:
Allohga toat qilmoq,
Ko‘rib turgandek har choq.
Ko‘rmas esang sen Uni,
U ko‘rib turgay seni.

Davomi bor...

Husaynxon Yahyo Abdulmajid

05.11.2013/01.01.1435. Toshkent.

Bizning manzil

#Taklif

Ustoz tomonlaridan she’riy tarzda yozilgan “Jajji Musulmon” (bolalar uchun kichik barnoma)ni sizlar bilan ulashmoqchi edik.
Barnoma biroz katta(yozma shakli), shuning uchun kun davomida bo’lib-bo’lib tashlasakmi ?, yoki hammasini birdanmi ?

(Barnomada - Islom nima ? Iymon nima ? Ehson nima ? shu kabi savollarga javob kichkintoylarga munosib hamda yodlash uchun juda qulay tarzda nazm holida jamlangan)

Fikringizni yozib qoldiring👇

1-Hayotim Onamsiz

2-Hayotim Onamla


https://t.me/farohiy