عەبدوڵڵا پەشێو// فەرهاد پیرباڵ

ئێمە گرفتاری ڕۆژە ڕەشەکانین گلەیێەک لە شەو نیە...



ــــــــــــــــــــــــــــــــــــــــــــــــــــــ

بۆ بارانی هەر ئاسمانێک نووشتامەوە
ئاوی لێڵ بوو..!


#پەشێۆ
#مەرزیە فەریقی
ـــــــــــــــــــــ

گەل خوێندەوار بێ ، قەت ژێر ناکەوێ
لە ڕاست بێگانە سەری نانەوێ
چینی تازەی کورد بە خوێندەواری
بەرز ئەکاتەوە ئاڵای ڕزگاری




#هەژار
ـــــــــــــــــــ

وەک ئەحمەد کایا دەڵێ :

دایە ، ئەو بێشەرەفانە سەر و ڕیشی
مردوویش سپی دەکەن...

ــــــــــــــــــــــــــــــــــــــــــــــ

#بە_کاتی_خوێندن


کۆمەڵە چیرۆکی (کارەسات)📚
#جەلال مەلەکشا✒️

نازانم چۆن ئاوێتەت بم؟
سنوورێکم بۆ بکێشە،
بۆت ئەبم بە نــیــشـتـمان ..☀️



https://t.me/Farhad_pirbal_official

ئاگر بە ئاو دە کوژێتەوە
دڵی بە مردن
تەنیا بە مردن ...!


#پیرباڵ
ــــــــــــــــ

بۆ زووخاوی مێشک..🤌

ـــــــــــــــــــــــــــــــــــ

عەدالەت ئەوە نییە زاڵمەكان بكوژیت، ئەوەیە شتێكی جیاواز بخەیتە جێگای زوڵم.

ئەوەی تۆ باسیدەكەیت دادپەروەریی حاكم و دادگا و یاساكانە، من باسی عەدالەتی خۆمت بۆدەكەم.


#بەختیار عەلی
ــــــــــــــــــــــــــــ

مەرگی هەرکەس
ئەو کاتەیە
کە بێدەنگە
لە عاستی زوڵم و بێدادی
ناچریکێنێ بۆ ئازادی!

#ک_د_ئازاد

دەسگیرانداری وەکو ئەوەیە..
پایسکڵت لە بۆ بکڕن و نەهێڵن سواری بیت...


#پیرباڵ
ـــــــــــــــ

بەڕێز مستەفا دادار تایبەت
یارە ژیکەڵانەکەم ...

خۆشم دەوێی 🫀

#ڤالانتاین
#چەنگیز_سیگارچی
#عەبدوڵا_پەشێو

نیشتمانی من شانیشتمان بوو،
ئاخ، سەدەی پیتڕۆڵ
ئاخ، گاز و کیمیا!
ئاخ چییان لێ کرد:
تەرەسی عۆجە و
گای بنەی خۆیی و
گەوادی دنیا!

#پەشێو
ــــــــــــــــ

لەڕۆژی خۆشەویستیدا ، بە چاندنی نەمام و دار
خۆشەویستی خۆم بە نیشتمان نیشان دەدەم ...




‌‌🌱☀️

دوو لەت بین و
چوار لەت بین و
هەزار لەت بین
تیخی نەفرەت: هەر خۆمانین.
پشت و قامچی، باڵدار و داو: هەر خۆمانین
پێ و بەرپێنە، ئاگر و ئاو: هەر خۆمانین

عەبدوڵڵا پەشێو

هەموو شتێک جوانە لە تۆ:
نازکردن ، تاسە ، گفتوگۆ،
بەڵێندان ، سەردان ، هاتوچۆ.

هەموو شتێک جوانە لە تۆ :
وردە نیگا چاو و برۆ.




#پەشێو
ـــــــــــــ

گەر وشەی "تاقەتم نیە" لە مێشکم دەرکەم
زۆرترین داهێنان ئەکەم...

بەس "تاقەتم نیە"



#پیرباڵ
ـــــــــــــــ

ئەو دۆست بوو وەفای بۆم نەبوو
بێگانە بڵێ چی..؟؟


#دیوار نووس
ـــــــــــــــــــــــ

سەرت داخە و  ملت کەچ کە ،
چاو مەگێڕە بۆ ئەستێرە و ئاسمان و خوا  …
ئەوەی بستێک خاکی نەبێت ،
خوا و ئەستێرە و ئاسمانی کوا  ؟!

✍عەبدولڵا پــــــــەشێو

وڵاتێک وا ،
خوێنی لاوی فرۆشت ئاڵای کڕی
ئێستا جوان سەیری بکە باڵای شڕی...





#بەختیار عەلی
ـــــــــــــــــــــــــــ

نیشتیمانم
نازانم نە جیهان وەک تۆ بچووکە،
نە تۆ گەورەی بەقەد جیهان..!

ــــــــــــــــــــــــــــــــــــــــــــــــــــــ

#پەشێو

دەزانم بۆ چی دڵ پڕ لە قینی ،
لە چەقی ڕێگەش هەرگیز نامبینی :

چونکە هەژارم ،خاوەن تەلار نیم
بەندەی سەربەرزیم، بەندەی دینار نیم

چونکە لە جیاتی دیاری یا سامان
پێشکەشم کردی دڵێک تا نەمان

ـــــــــــــــــــــــــــــــــــــــــــــــــــ


#پەشێو

باوک هەمیشە حەز دەکا کوڕی لە خۆی پیاوتر بێ





#پیرباڵ

لە ڕێگەی نێوان
لێکدابڕان و
پێکگەیشتنی من و تۆش، گیانە
گەلێک باوەش هەن
بەڵام، هەموویان
ڕێی باوەشی تۆم پێ نیشان دەدەن
ــــــــــــــــــــ
عەبدوڵڵا_پەشێو

مژدە

گوێم لێ بگرن!
مژدەم پێیە، بۆ هەمووتان:
کەفەڵپان و ڕیوەڵەتان،
زڕتەبۆز و بوودەڵەتان،
سیخوڕ و بەچکەسیخوڕتان،
سکرتێر و تڕژمێر و میراخوڕتان،
یەک یەک وەزیر و گزیرتان
قونکی پیاز و سەری سیرتان
دەیڵێمەوە،
مژدەم پێیە بۆ هەمووتان:
سەر و سەکوت بە بۆیاخ و بێ بۆیاختان،
فایلسووک و فایلقورسی شار و شاختان
ملیۆنێر و ملیاردێرتان
یەکژنداری بەردکونکەرە و
دەژنداری بنزگتێرتان،
گوێم لێ بگرن،
چونکە ئێوە لەم دنیایە،
کۆبوونەوەی شەووڕۆژتان دوایی نایە،
چونکە ئێوە،
هەموو عومر
ئەم بۆ لای ئەو،
ئەو بۆ لای ئەم،
هەر خەریکی ڕاکەڕاکەن
چونکە ئێوە لە گۆڕیشدا
بێ یەکتری قەت هەڵناکەن،
خەونم دیوە
مژدەم پێیە بۆ هەمووتان:
کە دەشمرن،
خەمتان نەبێ، دڵنیا بن…
لە دۆزەخدا کۆ دەبنەوە،
کۆ دەبنەوە و هاوێر نابن!

عەبدوڵڵا پەشێو

Mezarî Hezaran Şikofey ĥezim...

مەزاری هەزاران شکۆفەی حەزم...






#جەلال مەلەکشا

سەرمای گەلێ شارانم دی
بەڵام پەنجەم لە گۆ نەچوون
چونکە سەرمای هەموو جێیەک تیشکێ ڕۆژی نیشتیمانی منی تیایە
گەرمای گەلێ شارانم دی
بەڵام گیانم وەرز نەبوو
چونکە گەرمای هەموو شارێ سروەیەکی نیشتیمانی منی تیایە

نیشتیمانم تۆ وەک تانەی لەسەر چاووم
تۆ وەک تەمی، لە گشت لاوە دەورەت داوم
تۆ ئاوێنەی، لە ناو تۆدا هەمو دنیا بە دی دەکەم
تۆ تەیمانی، بە هۆی تۆوە هیچ نابینم
نە کەل دەبینم، نە زەوی
نە خوا دەبینم، نە ئاسمان
جا نازانم نە جیهان وەک تۆ بچوکە
نە تۆ گەورەی بەقەت جیهان
نیشتیمانەکەم کوردستان

🎧گۆرانی: نیشتمان
🎙گۆرانی‌بێژ: #عەدنان کەریم
👤شاعر: #عەبدوڵا_پەشێو
📕کتێب: #شەو_نییە_خەونتان_پێوە_نەبینم

(مامۆستا پەشێۆ بۆ مامۆستا بێکەس )




دووهەزار و پێنج سەد ساڵه،
وەکئیستە واین
یەڪ نەگرتووین...
لەوکاتەوە،چەڪ هەڵگرتووین
بەڵام هێشتا سەرنەکەوتووین...
کەچیئەڵێین:هەر سەرکەوتووین.
ئەڵێین:ئێمە هەر نەمردووین...

‌#بێکەس


ـــــــــــــــــــــــــــــــــــــــــــــــــــــــــــــ

برام ؛ شێرکۆ
ڕاست دەکەی تۆ
دوو هەزار و پێنج سەد ساڵە
دەنووین، دەخۆین ،لەسەر درۆ
بەڵام هەیهۆ ، کەی لای ئێمە
پەسەند بووە پیاوی ڕاستگۆ


#پەشێو

لێم گەڕێن جارێک
له چەقی ڕێگه، به ڕۆژی ڕووناک
بێ فتوای مەلا و ئیزنی عەشیرەت
له ترس ڕەها، له تانه بێباک
تێر ئاوێزانی کچه کوردێک بم
هەناسەی بۆنی نێرگزی لێ بێ
بەری دەستیشی، تام و بۆنی خاک

#پەشێو

لەم نیشتمان هەمیشە ڕۆڵەکان ، پێش دایکیان ئەمرن ..!

ــــــــــــــــــــــــــــــــــــــــــــــ

هەندێک هەن لە "زستان" دەچن، خۆشماندەوێن، بەڵام دەبنە هۆکاری نەخۆشبوونیشمان...!

#مەحموود_دەروێش

_بووکیان دزی .
+زوڕنامان خۆش.
_بووکیان کڕی.
+دەهۆڵمان خۆش.
_بووک ئێوە خۆش.
+هەڵپەڕکێی ناو سەهۆڵمان خۆش!


زاوا ، هەڵسە ،
هەڵسە ، ڕابە !
زوڕناکانیان وردوخاش کە.
زمانەکانیان لە ئاش کە .


#پەشێو

xiwênî min be gerdinî zolfit.🫀

Mamlê

ساڵەهایە ،
ساڵەهایە،
نازانین کلیلی ئاسمان
لە گیرفانی خۆماندایە!




#پەشێو

  " ئـاشـتـی "


خوا دەزانێ
باڵای تـفـەنــگم خۆش ناوێ !
بەڵام ، ئــــــــاخ ، کۆترەکەی ئـاشـتی
کڕە وەکوو شێرە بەفرینەی بەیانی ،
لەسەر لوولەی تۆپی ماتی وەستا ڕەجەب
دەنووکی خۆی
خستۆتە ژێر باڵەکانی.

وەک بیستوومە ،
ئەو کۆترە مانگرتووە ،
لە ئاسمانی وڵاتێکی بێ ئاڵادا ،
ووبە شریخەی تفەنگ نەبێ ،
قەت لە شەقای باڵی نادا؛


#پەشێو

📚حەوت وەڵام بۆ پەشێو و چەند شێعرێکی قەدەغە
✍نووسەر: #هیوا_مەلائادەم
📚زمان: #کوردی
📚شوێن: #سلێمانی
📚بابەت: #ئەدەبیات #عەبدوڵڵا_پەشێو




https://t.me/Farhad_pirbal_official

_پارەت نیە تەنانەت ئەنوگوستیلەیەکیش بکڕیت بۆ یارەکەت؟                                                        
                                                         
_لاسکە گیایەک هەڵگرەوە و لە پەنجەی یارەکەتی بئاڵێنە!




#پیرباڵ

ڕۆژە ناخۆشەکان تێ دەپەڕن و
بەفرە سەختەکان دەتوێنەوە و
زریانە توندەکان دەڕۆن..
گوڵەکان دووبارە چرۆ دەکەنەوە و
دڵەکان ئاشت دەبنەوە و
ڕوخسارە بریندارەکان چاک دەبنەوە..
شەپۆلەکان لە کەناری نیشتمان ئارام دەبنەوە و
لوولەی تفەنگەکانمان گوڵ دەگرن..
بەڵام ئازیزم، ئەو کاتە زۆر درەنگ دەبێت،
چیتر لە سووچی شەقامەکان نامبینیت و ملپێچەکانت لێ وەرناگرم!





🔴فیلمی کوردی: 1988 (2023)

🍿چیرۆک:

چیرۆکی کیمیابارانکرانی شاری هەڵەبجە له باشووری کوردستان لەلایەن ڕژێمی دیکتاتۆری بەعس لە بەهاری ساڵی 1988ـی زایینی، کە بووە هۆی شەهیدبوونی پێنج هەزار هاونیشتیمانی کورد و برینداربوونی هەزارانی دیکەش

ئەم مەخلووقاتە سەمەرانەی دەرەوە گەلێک زمان
دەزانن، درۆزنترین نەوەی بەشەرن لە مێژووی
تۆرەمەی مرۆڤایەتیدا.




#پیرباڵ

#سمایل_سەردەشتی🎵

تـــــۆ
ئەی ئەوەی من لەسەر فڕین سزا دەدەیت ،
پێم بڵێ باڵەکانی خۆت کوانێ ..؟



#بەختیار عەلی

کۆتایی ئێمە کاتێکە کە کۆتایی هەناسە هات . . .


✍#شێرکۆ_بێکەس

سەردەکەوین!
چونکە دوێنێ
تۆپە قوڕێکی دەستکردم
دایە دەست مناڵێکی کورد،
ئەو ،لەباتی بووکەشووشە،
تفەنگێکی بچکۆلانەی لێ درووست کرد!


ــــــــــــــــــــــــــــــــــــــــــــــــــــــــــــ
#پەشێو
ـــــــــــــــــــــــــــــــــــــــــــــــــــــــــــــ

لێوم کافرە ،خوێنی حەڵاڵە

گۆی مەمک و لێوت فێری غەزاکە..



#پەشێو

‌_ ئــــازادیت دەوێ ؟
_هەرچی چوارچێوەیەکی لە دەوروبەرتە بیشکێنە
وەرە دەرەوە !

_کارت نییە ؟
_لەسەر سنووری خەون و وەدیهێناندا قاچاغچێتی بکە !




#پیرباڵ

ئێمە درەختی زڕ و بێبەر نین
تا لە چوار لاوە بمانبڕنەوە . .!

ئێمە تووتن نین
چەرچی و بازرگان
بمانفرۆشن و بمانکڕنەوە . . !

ئێمە بەهەنیەی دنیاوە تف نین
بە سووکەدەستێک بمانسڕنەوە . . !

ئەو دڵە پاکەی گوانەنەوتێکی
داگیرکەرانە سبەی ملیۆنان ڕمی باڵدارە . .!

ئەو نیشتمانەی بەردەبازێکی بەرپێی
هەمووانە سبەی ملیۆنان سەنگەری سوارە. . !

#هەستن_هەڵۆی_شاخان_هەستن
#لە_هەستاندا_ئێوە_یەکن_یەک_بیر_و
#یەک_ڕێ_و_یەک_مەبەستن.!

هەستن هەڵۆی شاخان هەستن لە هەستاندا ئێوە زۆرن سەد ملیۆن چاو سەد ملیۆن قاچ سەد ملیۆن مەچەک و دەستن هەستن هەڵۆی شاخان هەستن . . . .!

✍#عەبدوڵڵا_پەشێو

"سەدان ساڵە"

سەدان ساڵە،
لە وێرانەماڵی خۆمدا،
کتکەکۆرەی گۆشەی متبەقی سوڵتانم
سەدان ساڵە،
حەوشوبەرەی خۆم واڵایە و
لە بەردەرگەی دزانی خۆم پاسەوانم

* * *
سەدان ساڵە،
ڕۆژێک دەبم
بە مەیتەری والیی بەغدا
ڕۆژێک لە تاران کوتاڵم
ڕۆژێک لیفکەم
پشتی ژنی سوڵتان دەشۆم
ڕۆژێک گەسکم شام دەماڵم!


عەبدوڵڵا پەشێو

"کاک"

پێش ئەوەی بێمە بەردەمت
کام بیری جوان خورپەدارە،
کام دێڕ هەڵبەست زۆر بەکارە،
شانەی دەکەم وەک پەرچەمت.
لە ماوەی چاوقوچانێکدا
هەزار و یەک خەونی شیرین
دەمکەن بە مەم، دەتکەن بە زین!

لە خەیاڵما
پایز بەهاری لێ دەتکێ.
درەختی ڕووت
گەڵای سەوزی پێوە دەلکێ.
بەڵام سەد ئاخ، ئەی دەروونپاک،
کاتێ بانگم دەکەی بە "کاک"
کاک وەکوو مار
بەرەو گوێچکەم گینگڵ دەدا...
کە دێمە گۆ
خۆی لە زمانم لوول دەدا
هێدی هێدی
قووتم دەدا...
کفنی زەردی نائومێدی.

من لە دڵتام...
لە دەروونتام...
لە گلێنەی چاوی ڕوونتام.
شەرم مەکە!
بە ناوی ڕووت
ناوم بێنە پڕ بە گەرووت.
با لە یەکتر ئاشکرا بین
تا کەی لەناو ئاگرا بین؟

نە تۆ خوشکەی، نە من کاکم
خۆشەویستی دەروونپاکم...!

عەبدوڵڵا پەشێو

ئێوارەیێک لە دارستانێک دا
شێــرێ بیــری ئـەکــردوه‌وه
چــۆن سبه‌ی
په‌لاماری پڵنگه‌که‌ی هاوسێی بدا؟

پڵنگه‌که‌ش بیری ئه‌کرده‌وه که چۆن،
به‌یانیی ڕێوی بگوورێ‌ و که‌وڵی بکا؟

ڕێویش بیــری ئه‌کرده‌وه
چۆن بگاته هێلانه‌ی ئه‌و کونه شاخه‌وه
زه‌رنه‌قوته‌ی کۆتر بخوا؟

کۆتریش بیری کرده‌وه
چۆن ئه‌تـــوانێ؟!
ڕاوچــــی‌و
باڵنـــــده‌و
ئــــــاژه‌ڵی
ناو دارستــــان هه‌موو یه‌ک خا؟!

چۆن ئه‌توانێ؟!


#شێرکۆ_بێکەس

وەڵامی لۆژیکی دوکتور فەرهاد پیرباڵ بۆ ئەو ڕەخنەگرانەی بێڕێزی بە سروودی (ئەی ڕەقیب) دەکەن و لەبەری هەڵناستن.
https://t.me/Farhad_pirbal_official

ئیسماعیل محەممەدی کۆچی دوایی کرد…🥲🙌🏻


خەزانی پاییز لە ژینمی داوە
گەڵای عومری من زەرد هەڵگەڕاوە
من موسافرم خەفەت لە کۆڵمە
بۆ ئاخری ڕێگا زۆرم نەماوه
https://t.me/Farhad_pirbal_official

کاتژمێرم بۆ چییە، کە هەموو کاتەکانم وەک یەکن...

#پیرباڵ

کارێک،
دوو بەرەکی کردی
دەگەڵ دارستانی گەورە
بەئاسانی؛

تەور و ئاگر، نەیان توانی!

#ک_د_ئازاد

ئـــاڵا☀️

باڵت لێکدە و هەر بشنێوە،
ئاڵای پیرۆز، سۆمای چاوان،
ئەی درەختی بەژنسۆری
بە ڕووباری خوێن پاراومان!
تۆ بەری دەستی زەردەشتی
پەلکەزێڕینەی بەهەشتی
کۆیلەییمان گەلێک دیوە،
بۆیە تۆمان هەر لە بیرە.
هەڵکردنت هەڵبڕینی
قەفی تەناف و زنجیرە.
تۆ بەری دەستی زەردەشتی
پەلکەزێڕینەی بەهەشتە


#پەشێو

«ئەڕۆم دایە؛ ئەگەر نەهاتمەوە،
ئەبم بە گوڵ لەو چیایە.»






☀️

#فەرهادـپیرباڵ

وەهم بۆ مرۆڤ لە حەقیقەت زۆر پێویستترە...





#پیرباڵ

لەقی ﺷﮑﺎﻭﯼ گوڵێکم ﮐﺮﺩە قەڵەﻡ
بە ﺧﻮێناوﯼ ﺑﻮﻟﺒﻮلێکی ﮐﻮﮊﺭﺍﻭ
ﻧﻮﻭﺳﯿﻢ:
ﺋﺎﺳﻤﺎﻥ قەڵەمڕەﻭﯼﺑﺎڵندەیە!
ﻧﻮﻭﺳﯿﻢ:
ئەوین ﯾﺎﺳﺎﯼ بێ خەﻭﺷﯽ ﺩڵدﺍﺭە
گوڵﻭﺋﺎﺳﻤﺎﻥﻭﺋﺎﺯﺍﺩﯼ
ﻗﺎﻧﻮﻭﻧﯽ ﺧﻮﺍﯼ ئەﻭیندارە


#جەلال مەلەکشا

مافی مرۆڤ
درۆیەک بوو ڕۆژێ لە ڕۆژان
لە دەمێ هەڵوەریوی مێژوو دەرچوو....!


#شێرکۆ_بێکەس

“مافی مرۆڤ” (٢٠٠٧)

#فەرهاد_پیرباڵ

"کۆنگرەی شووشان"

دوێنێ کۆنگرە بوو...
کۆنگرەی شووشان بوو
هەر وڵاتێک و شووشەیەکی نارد
هەر شووشەیەک و
بەسەرهاتی خۆی پوختە گێڕاوە:

چەند قاوەخانە و چەند ماڵ گەڕاوە،
لەسەر چەند مێزان تاج لەسەر بووە،
چەند دەمی دیوە و چی تێ کراوە!

پێش ئەوەی کۆنگرە کۆتایی پێ بێ
بوتڵێکی ڕەشی
لە سپێدەوە کڕ و کپ و مۆن
قوت بۆوە و هاتە بەردەم میکرۆفۆن:

"خوشکان، برایان!
من وەکوو ئێوە سەربردەم نییە،
نە مێزم دیوە، نە کۆڕی یاران
نە گەشتی لادێ، نە باڕی شاران

ڕاستیتان دەوێ؟!
ئەو ڕێیە دوورەم بۆیە بڕیوە
تا پێتان بڵێم:
من شووشەی بەعسم
لە پاش و پێشی مرۆڤ بترازێ،
هیچم نەدیوە!"

عەبدوڵڵا پەشێو

خۆری ئێمە لە خۆرئاواوە هەڵهات...☀️


#ROJAWA

دەتناسمەوە!
لە تۆفانی شەستوسێدا
تۆ بووی... شەوێک
بەرەو شاخ بووی بە ڕێنمام...

تۆ بووی لەناو ئەڵقەی گڕدا
شێعرەکانت چەپاڵە دام...
تۆ بووی خەونت بۆ زین کردم
ڕەشمەی برووسکەت لە مست نام...

دەتناسمەوە!
هەر جارێکی کەوشەنێکم پەڕاندبێ
لەگەڵما بووی هەنگاو هەنگاو...
تۆ بووی مۆتەی ترست دەکوشت
دنەت دەدام بۆ ناو ئاگر...
بۆ ناو گەرداو!

دەتناسمەوە!
لە هەر جێیەک گرماندبم
تۆ چەخماخە و گەواڵە بووی لە سەرمدا...
ئەتۆ کاڵای ئاودامانی
گوللەبەند بووی لە بەرمدا...

نەخێر؛
هەرگیز باوەڕ ناکەم چرکەیەک بێ تۆ ژیابم!
ڕێی تێ ناچێ؛
بێ کووژەکەی دلۆڤانیت
بە دۆزەخی ئەم عومرەدا
ڕەت بووبم و هێشتا مابم!

☀️☀️☀️
# پەشێو

عەبدوڵا پەشێو بۆ مەزڵوم کۆبانێ

هۆ ژێنێڕاڵ

ڕۆحم بۆ تۆ ...
چاوم بۆ تۆ ...

تۆ گەورەتری لە گیڤارا و چەنگیزخان و عوومەر موختار ...

https://t.me/Farhad_pirbal_official

‍ مانیفێستی کۆبانێ

برینی شنگال شەو و ڕۆژ دەتریوێنێ.¹
دەشێ ڕۆژێک لە ڕۆژان،
ژانەکەی لە زیڕە بکەوێ،
بەڵام قەت ناشێ ساڕێژ بێ.
وێنەی سەر شاشەکان مێردەزمەن،
شەوان لێت وەژوور دەکەون،
سواری سەر سنگت دەبن و
چەمۆڵەت لێ دەنێن.
ئێستاش، دوای شنگال،
جەستەمان شەبەقی برینێکی نوێی تێ بووە:
برینی کۆبانێ.
شیروەشێن، هەمان شیروەشێنە،
جەستە هەمان جەستەیە و
خوێنەکەش هەر هەمانە،
بەڵام ئێشەکەیان جودایە.
ناتوانم باسی ئەو جیاوازییە
بە زمانی سەربازی، زانستی
یا لێکدانەوەی لۆژیکی بکەم،
هەر ئەوەندە دەڵێم،
شنگال خاڵێکی لەو جێیە دانا،
کە ئەخلاقسزیی سیاسی گەیشتە لووتکە و کۆبانێش
یەکەم ڕستەی بۆ مێژوویەکی تازە تۆمار کرد و
بووە کاراترین کارگەی نەتەوەسازی.
لە ماوەی کەمتر لە دوو مانگدا،
چاخێک تێپەڕی و
بەراییی چاخێکی نوێ پشکووت.


*
هەموو ڕۆژێ دەمەوێ
داستانێک بنووسم...
سارد دەبمەوە.
چما داستان لەسەر داستان دەنووسرێ؟
دەمەوێ، بۆ چەند پەیڤێک،
پەنا ببەمە بەر ئەفسانە،
چەند پەیڤێک،
کە شایانی بەژنی کۆبانێ بن،
بەڵام کۆبانێ خۆی بووە بە ئەفسانە و پێویستی بە ئەفسانەنووس نییە!

*
سەدان ساڵ شۆڕەسوارانی ڕۆژهەڵات
ببوونە کۆنە مەرەکەبی سەر کاغەز و
تەنیا بە خەیاڵی ڕۆژهەڵاتناساندا دەهاتن، کەچی ئەوەتا،
نەوەی میدییەکان
هەسپی مێژوویەکی تازەیان زین کردووە و بەرەو ئاسۆیەکی هەزارڕەنگی لینگ دەدەن.
ئەو سوارانەی من باسیان دەکەم
لە ڕەگەزێکی دیکە و لە تیرەیەکی دیکەن.
پێشتر نەمانبینیون، نەمانناسیون.
ئاخر، ئەوانەی پێشتر
یا لەناو تۆز و غوماری سەرپەڕێنەکانی سەدەی حەفتەمدا ون بوون،
یا شاعەباسێک ڕایپێچان
سەرحەدەکانی بۆ بپارێزن،
یا لووسکەیەکی جەنگیزخان
بە مەیتەر لە ئاستانە دایمەزراندن،
یا بوونە فشەحیزبی خۆخۆری بێ پڕۆژە و ستراتیژ،
حیزبی سایکسبیکۆپەرست و
لۆزاندۆست و
بتەوان و
موفاوەزاتچیی کورسی مووچه.

*
ئەوانەی من باسیان دەکەم
لە ڕەگەزێکی دیکە و تیرەیەکی دیکەن: کیژگەل و کوڕگەلی کۆبانێن،
ئەوانەن،
کە چاویان بریسکەی ئاتەشگەکانی بابوباپیرانی تێدایە،
ئادگاریان
پڕاوپڕە لە گزنگی گاتاکانی زەردەشت.
ئەمانە
کۆتاییان بە مێژووی هەڵاتهەڵات و ڕاکەڕاکە و نووزانەوە و شەڕەپەڕۆ و ئاڕئاڕ و قاچاخچییاتیی سنووران هێنا.
ئەمانە
لە ڕەگەزێکی دیکە و تیرەیەکی دیکەن.
ئەمانە
سەرەتای قڕبوونی سەرکردەی بندیوار و سکرتێری بندیوار و
وەزیری بندیوار و ڕاوێژکاری بندیوار و جەنەراڵی بندیوار و
هەموو شتێکی بندیوارن.
ئەوانە،
ئەو جگەرگۆشانەی من،
بە زگی قۆپاو و رەنگی پەڕیو و کلاشینکۆفی سەدەی ڕابردوو،
بەرامبەر تانک و زرێپۆش،
بەرامبەر تاعوونی ڕەش و
قاسەی پڕی نەوتفرۆشان چەقیون و بە دنیادا جاڕ دەدەن،
دەڵێن:
نا، ئێمە لە قەڵای دمدم داناگەڕێین،
بە فتوایەک پایتەختی سۆران جێناهێڵین و ناچینە خزمەت سوڵتان.
هەزار گفتولفتی شیرینی شای ئێران تەفرەمان نادا و
نامانباتە بەر سێدارەی چوارچرا.
ئێمە هەزار پەیمانی جەزایر
بە قرۆشێک ناکڕین.
ئێمە لە ڕەگەزێکی دیکە و تیرەیەکی دیکەین.

*
تەماشایان دەکەم،
جارێک و دووجار و دە جار...
لە پڕمەی گریان دەدەم.
نازانم گریانەکەم هی خۆشییە،
یا نیشانەی پێشبینییەکی تاڵ،
یا هی هەردووکیانە؟
ئەوان بە زەردەخەنەیەک دڵم دەدەنەوە، حاڵیم دەکەن، کە ڕۆژی سایکسبیکۆپەرستان و پیرەجامبازانی موفاوەزاتچی تەواو.
لەمەولا، کێ زات دەکا
ئەو سنوورە حەرامزادانە بە سنوور بزانێ؟ کێ زات دەکا بڵێ:
"کوردستانی عێراق" ، "کوردستانی ئێران" ، "کوردستانی تورکیا" ، "کوردستانی سووریا"،
کوردستانی جیبۆتی و
جڕتاوە؟ کێ... ؟
مەگەر هەتیوچەکانی کڵاوڕەش و کڵاوسوور،
مەگەر ئەوانەی، لە سەدەی بیستویەکەمدا، بە ئەقڵییەتی موختاری گوند،
دەوڵەت بەڕێوە دەبەن،
ئەوانەی
بە دووربین تەماشای ئەوپەڕی دنیا دەکەن،
کەچی بە زەڕەبینیش بنپێی خۆیان نابینن!

*
جەیلان،
ئەو تەوارەی
لە توخمی هەڵۆیانی زاگرۆس بوو،
ئەوەی لەگەڵ گوللە ژوانی دانا،
چما هەر جەستەی گوڵبەدەمی خۆی پێکا؟
نا، ڕابردوویەکی پڕ لە شەرمەزاری و سنووری حەرامزادەی سیمالکەشی پێکا.
*

ئارین،
ئەو پڵنگەکیژەی، لەباتی دەستی یار، ئاگربەندی لە کەمەری خۆی ئاڵاند،
چما هەر بۆ ئەوە
جەستەی پیرۆزی خۆی ئاگر دا ڕەوەئەسپێخۆرێک بۆ دۆزەخ ڕادا؟
نا، ئەو لەگەڵ خۆیدا
خەندەقی براکوژان و
شەڕەپەڕۆی بەرەبابان و
تانکەری قاچاخچییانیشی ئاگر دا.
ئەمانە، گەلۆ،
لە ڕەگەزێکی دیکە و لە تیرەیەکی دیکەن!


هێلسنكی- ٢٠١٤/١٠/١٢
لاپەڕەکانی ٣١١تا ٣٢٣
____

¹شنگال: شارێکی ئێزدنشینی کوردستانە، ڕۆژی ٢٠١٤/٨/٤ لەشکری پارتخێڵەکانی باشوور ڕادەستی داعشیان کرد بوو بە جەرگبڕتین ژینۆساید لە مێژووی کوردستاندا.

__
📚دیوانی #سەوڵم_پۆڵا_کەناریش_دوور
#عەبدوڵڵا_پەشێو

🆔 https://t.me/Farhad_pirbal_official
🔹🔶🔹🔶
کۆتایی دیوانی #سەوڵم_پۆڵا_کەناریش_دوور

✔️ kycپاي نتورك كي واي سي✔️


مدارک لازم جهت ایدی کارت وkyc👇

🪪لطفا
🔸 نام و نام خانوادگی به لاتین
🔹 تاریخ تولد میلادی
🔶 اسکرین شات از قسمت پروفایل پای(فقط اسمی که نوشتین رو اسکرین بگیرید)
🔷 عکس پرسونلی
نام پدر
ارسال بفرمایید

🟨 ادرس و كد پستي ايدي كارت به شما داده ميشه

ايدي جهت ثبت سفارش:
@Pinetwork_kurdi

برینی قووڵ
حیکایەتی متمانەیە!
بەو کەسانە؛
لە دۆستی گیانی گیانی ڕا
بوونە دوژمن و بێگانە!

#ک_د_ئازاد

بمرە توشەرەفت زوو بمرە
زووتر بمرە
با لەم هەموو ناشرینبوونە رزگارت بێ
بمرە با لەوە زیاتر نەتکەن بە کاڵایەکی هەرزان و سوکترت بکەن لە بازاڕی بێنرخی خۆیاندا
بمرە جانی جانان بمرە
لێرە بمرە
لەبەر کەس نا
تەنها لەبەر خۆت
لەبەر زیندوومانەوەی خۆت
لە ناو (ئوتێل ئەوروپا)دا و بەچەشنی (سانتیاگۆ دی کۆمپۆستێلا) بمرە
نەک لە لای (مناڵباز) و (پەتاتە خۆرەکان) و (حەشیشەکێشەکان)ی هەولێر
تکایە
تکایە بیرت نەچێ
هەرچەند بیریشت چووە
بەڵام ئەزانی تۆ فەرهاد پیرباڵی؟!

لە هەر وڵاتێک قانوون لە سەرەوەی فەلسەفە خۆی نوواند، ئەرکی فەیلەسووف بریتی دەبێ لە هەڵوەشاندنەوەی کۆی ئەو سیستەمەی قانوونی کردۆتە کەڵەگا بەسەر فەلسەفەوە: چونکە فەیلەسووف ڕازی نیە قانوون لە سەرەوەی حەقیقەت باڵادەست بێ.

تاریکی قەت سۆمای چاوی پێ نادزریەت ...☀





#مامۆستا شەماڵ

دەستنووسی فەرهاد پیرباڵ بۆ
چاپی نوێی(ڕەئیس ڕەمەزان)  .




✍️📚

تا پرتەقاڵ و مۆز و سێو مابن
کۆبوونەوەکان قەت تەواو نابن
گەر دەتانەوێ
ئەو سیسارکانە، وەک کەو، کەوی کەن
لە بەغدا چۆنن
لە کوردستانیش
کوولەکەی سەریان وا پێ نەوی کەن؛

توخوا، ئەمجارە، کە کۆبوونەوە
چەرەز و میوەی سەر مێزەکانیان
هەموو وەلا نێن
هێسکوپرووسکی ئەنفالەکانیان
لەبەردەم دانێن!

پەشێو

    "دوو ئاوابوون "

دانی ئێواران
سەرنج دەدەمە
ئاوابوونی خۆر...
دەزانم، منیش،
زوو بێ یا درەنگ،
دەبێ ئاوا بــم.

بەڵام! مخابن،
دەمی ئاوابوون
وەکوو زەردەپەڕ
سیحراوی نابـــــــم!
ــــــــــــــــــــــــــــــــــ
#عەبدوڵڵا_پەشێو

لەشارەکەت زەلیلە شێر ،

باوی ڕێوییە !




#سوارە ئێلخانی زادە

عەرەب نەیتوانی ئەژنۆم بشکێنێ: کورد تاڵانیشی کردم.
تورک نەیتوانی زمانم ببڕێ: کورد...سەریشمی شکاند.
ئێران نەیتوانی موحتاجی دەرگا و دەستانم بکا، کورد موحتاجی دەستی قەحپانیشی کردم.

فەرهاد پیرباڵ"

نووسینی : عەبدوڵڵا پەشێو
خوێندنەوەی : عەبدوڵڵا پەشێو

https://t.me/Farhad_pirbal_official

چ سپڵەن ئەو سەگانەی گورگەمێشن
کەلاک بۆ گــورگـی برسی ڕادەکێشن



#هێمن

کوردم خۆشدەوێ ....
کورد جەنگاوەرە...   
سا توخوا وەرە!      
خۆ من کوردم و تا سەر هێسک کورد.....

☀️🎵


#پەشێو

خۆشەویستم !
نامەکانم بسووتێنە.
ئەو هۆنراوەی بۆت نووسیوم
سێدارەی بۆ دامەزرێنە.
دڵگیر مەبە...
لەلای ئێمە، نەک تۆ، پیاویش
لەسەر وشەیەکی باڵدار
قۆڵبەست دەکرێ ، دەدرێ لە دار .


#پەشێو

‏ئاخۆ دەبێ
ئەو ڕۆژە بێ
کاوەی کوڕم
جانتای سەفەر کاتە شانی
دەڵاڵانی بەر گاراجی
شاری سنە، هاوار بکەن؛
سلێمانی ... سلێمانی؟

#مەلەکشا

کە خۆم ناسی
وتم:دایە! ئەمن کێم و چیم؟
وتی:ڕۆڵە تۆ کوردی و
نیشتمانت کوردستانە
بەڵام ناوی نیشتمانت
لە سەرنەخشەی جیهان نیە،بێنیشانە!
وتم: دایە! باوکم کوانێ؟
بۆ چی هەرگیز دەستی حەزی نەگوشیوم؟
بە کام تاوان من هەتیوم؟



#جەلال مەلەکشا


ساڵیادی کۆچی مامۆستای نەمر
" جەلال مەلەکشا "یادی هەرمان


☀️🌱

سـەرۆک هێندە یاساکانی شەڕ مەگۆڕە
درۆمان لەگەڵ کۆترە سپییە بۆ ناکرێت




#بەختیار عەلی

جگەرەکه،
له بەینی پەنجەکانیدا
بوو به سووتەک
بەره بەره
منی سووتەک
له بەینی لێوەکانیدا
بووم به جگەره...

#پەشێو

کرێکارین ، کرێکارین
     
پەروەردەی ئێش و ئازارین

ئارەقڕێژین  
                  
ژین دەنێژین
                  
تا کوو بــژیـن...                 



#پەشێو

شیلان و هەڵبجە و نیشتمان....


❤️

🎬#فیلم
"1988" [2023]
🏷نوێترین بەرهەمی سینەمای کوردستان


🔴فیلمی کوردی: 1988 (2023)

🍿چیرۆک:

چیرۆکی کیمیابارانکرانی شاری هەڵەبجە له باشووری کوردستان لەلایەن ڕژێمی دیکتاتۆری بەعس لە بەهاری ساڵی 1988ـی زایینی، کە بووە هۆی شەهیدبوونی پێنج هەزار هاونیشتیمانی کورد و برینداربوونی هەزارانی دیکەش.

🎭ژانێر: مێژوویی، جەنگ
🎙زمان: کوردی، عەرەبی، فارسی
🎬دەرهێنەر: هێژوان زەندی
https://t.me/Farhad_pirbal_official

ئەمنتان فرێدا

فەرهاد پیرباڵ

ئەی خوێنشیرین،                
گەنجینەی منی ئاوارە!   
      
دووری دوورتر لە ئەندیشەم...



#

پشت لە نەوا و ڕوو لە کڕێوە
📚نووسەر: #عەبدوڵڵا_پەشێو





https://t.me/Farhad_pirbal_official

قــــــەت لە دنیادا نەبوو بێجگە لە ناخۆشی بەشم
مــات و داماو و پــــــەشێو و بێکەس و چارەڕەشم



#هێمن

فەرهاد پیرباڵ بە شاڵاوکۆسرەت ڕەسوڵ دەڵێت؛مەبە بەخزمەتکاری مەسرور شاڵاوکۆسرەت ڕەسوڵیش جواب دەداتەوە و دەڵێت؛ وافێرنەکراوین

هەر کات مێژوو دەخوێنمەوە
بە هەردوو دەست چاوم دەگرم
دەڵێم
نەکا لە شەرمانا
لە بەر دەمی دێڕێک بمرم
پەڕەی مێژووی کورد هەر وایە
تا سەیری کەی شەرمی تیایە
یان زێدی خۆی فرۆشتووە
یان کورد
خودی خۆی کوشتووە

( عەبدوڵڵا پەشێو )

وەرە کاروانکوژەی کاتی بەیانیم..!




#هێمن

ڕۆژێک لەناو خێمەیەک بخەوە
بزانە بێ ماڵی چەند ناخۆشە

بزانە سەقفێک و دوو هەیوان چ کۆشکێکە...

                    


  #پیرباڵ

سەرمایەدار گەر نەتوانێ سێبەری درەختێک بفرۆشێ، دەیبڕێتەوە...! ‌



#مارکس

هەست دەکەم هیچ کەس لێم تێناگا....


#پیرباڵ

ئەم هەوەس بازانە جێی متمانە نین !

هێمن

ئیدی دەبێت من سەری حکومەت
ببڕم ...!
یان حکومەت سەری من ببڕێت ..!



#پیرباڵ

ئەگەر کچێکم هەبێت...


ئەوەندە ناڵێم لەکوێ بوویت؟
بۆ کوێ ڕۆشتیت؟
ناڕۆمە ژورەکەیەوە
کەلوپەلەکانی ژێرەوژوور ناکەم؛

بەڵام بەیانیان
سەیری سەرینەکەی ئەکەم بزانم تەڕ نییە
کەسێک شەوان دڵی نەڕەنجاندووە!

✰بەختیار عەلی✰

وابزانم لەناو گۆڕیش هەر ناتدۆزمەوە....



#پیرباڵ

کە من کڕ دەبم ، تـــــۆ مەمدوێنە
تا مـیـوەی داری سـەرم پـێ نـەگـا...


#پەشێو