Eltuz portali @eltuzportali Channel on Telegram

Eltuz portali

19 Feb, 07:42

EP: Qarshida ichimlik suvi isrof bo'lmoqda

"Assalomu alaykum,Eltuz!

Qashqadaryo viloyati, Qarshi tumani, Charog‘il MFY hududidan o‘tgandan keyin, yangi qurilgan ko‘prik oldida ichimlik suvi isrof bo‘layotgani haqida xabar bermoqchiman. Muammo Qarshi tumani Chuqindi bazasi ro‘parasida yuzaga kelgan.

Mazkur holat bo‘yicha amaliy yordam berishingizni so‘rayman."

@eltuzportali - muammolar yechimi!

1,538

Eltuz portali

19 Feb, 06:40

EP: “Yakkabog‘dagi ayrim gaz quyish shoxobchalarida tanish-bilishchilik kuzatilyapti”

“Qashqadaryo viloyati Yakkabog‘ tumanidan murojaat yo‘llayapmiz. Gaz tanqisligi ortidan ayrim gaz quyish shoxobchalarida tartibsizlik va tanish-bilishchilik yuzaga kelmoqda. Ayrim shoxobcha xodimlari haydovchilardan ma’lum mablag‘ olib navbatsiz gaz quymoqda. Bu holat navbatda turgan haydovchilarning haqli e’tiroziga sabab bo‘lmoqda. Ba’zida nazorat o‘rnatilmagani oqibatida markaziy yo‘llar yopilib qolmoqda. Holatga e’tibor qaratilishini so‘raymiz”.

@eltuzportali - muammolar yechimi!

1,558

Eltuz portali

18 Feb, 11:26

EP: Ish haqini o‘z nuddatida to‘lamayapti

"Assalomu alaykum, hurmatli Eltuz jamoasi.

Biz Farg‘ona viloyati, Uchko‘prik tumani "Toza Hudud" xodimlari ish haqlarimizni o‘z vaqtida ololmayotganimiz haqida murojaat qilmoqdamiz. Ishchilarning oyliklari 15-20 million so‘m bo‘lib to‘planib qolgan, ammo bosh buxgalter turli bahonalar qilib, muammoga yechim bermayapti. Telefon orqali murojaat qilsak, "ertaga", "indinga", "balansda mablag‘ yo‘q" degan javoblar bilan ishni cho‘zmoqda.

Bu holat qachongacha davom etadi? Biz ushbu rahbarlardan charchadik! Ularni nazorat qiladigan tashkilot bormi yoki ular istagan ishini qilaveradimi?

Viloyat rahbari Mirzaolim esa prokuraturaga "oyliklar yanvar oyigacha berilgan" degan hujjat taqdim qilgan. Biroq, biz hali ham maosh olganimiz yo‘q. Uchko‘prik tumani prokuraturasi ham bu holatga ko‘z yummoqda, degan savol tug‘iladi.

Biz, oddiy ishchilar, o‘z mehnatimiz evaziga halol oylik olishni xohlaymiz. Tegishli tashkilotlardan ushbu masalani nazoratga olishlarini va yolg‘on hisobotlarga barham berishlarini so‘raymiz. Agar bu muammo hal etilmasa, yana murojaat qilamiz va mas’ul shaxslarga qonuniy chora ko‘rishingizni talab qilamiz."

@eltuzportali - muammolar yechimi!

1,783

Eltuz portali

18 Feb, 08:44

EP: “Bu yo‘ldan na mashina yura oladi, na piyoda...”

“Xorazm viloyati Qo‘shko‘pir tumani Shixmahshad MFY Sharqona ko‘chasidan murojaat yo‘llayapmiz. Ko‘chamiz yo‘li qishda loy, yozda changga botadi. Ayniqsa, yog‘ingarchilikda bu yo‘ldan na mashina yura oladi, na piyoda! Bolalarimiz shu yo‘ldan maktabga qatnaydi. Mas’ullardan ko‘chamizni asfaltlab berishlarini so‘raymiz”.

@eltuzportali - muammolar yechimi!

1,682

Eltuz portali

18 Feb, 03:31

“Bozorni rejalashtirmay, qism-qismlarga bo‘lmay, birdaniga buzib tashlash qanchalik to‘g‘ri?”

@eltuzportali - muammolar yechimi!

1,742

Eltuz portali

17 Feb, 07:32

EP: “Obi hayot uvol bo‘lmoqda”

“Namangan viloyati POP tumani XO‘JABOD MFYdan murojaat qilmoqdamiz. 2 oydan buyon, ichimlik suvi uvol bo‘lib oqib yotibdi. Suv ta’minoti korxonasiga ta’mirlab berishlarini so‘rab bir necha bor murojaat qildik, lekin natija yo‘q. Obi hayot uvol bo‘lmasin, tezkor chora ko‘rishlarini iltimos qilib qolamiz”.

@eltuzportali - muammolar yechimi!

1,900

Eltuz portali

16 Feb, 09:46

EP: Gaz ballonimni qaytarib beringlar

Assalomu alaykumh hurmatliy Eltuz jamoasi, men Matniyazova Nazira Ismailovna Xorazm Viloyati Bogot Tumani Bogzor maxallasi Shafaq kochasi 8-uydan murojat qilmoqdaman.

Mening ga balonimda gazyoqolganiga 4 kun boldi qishning kunida tashqarida choy ,ovqat qilish qiyin bo'lyapti.
Gaz idora xodimi Nizombekga telefon qilsam, boramiz deydi lekin 4-5 kundan beri darak yo'q.
Sizlardan Iltimos, ushbu murojatimni yoritib berishingizni so'rayman.
Xurmatliy Prezidentimizga yetib borishida, suyultirilgan gaz balon olishimda amaliy yordam sorayman.

@eltuzportali - muammolar yechimi!

2,031

Eltuz portali

16 Feb, 09:25

EP: Alisherning yetakchilari quturib qolgan ko'rinadi

Assalomu alaykum hurmatli Eltuz tahririyati men Qashqadaryo viloyati koson tuman Esaboy MFY da yashayman 2-guruh nogironi Murodov Alimardon Murodovich bo'laman. 2024-yil dekabr oyida Esaboy MFY binosiga farzandimning kontrakt masalasida yoshlar yetakchisi Xasan Nazarovni yoniga borib yordam so'ragan vaqtimda menga qo'pol muomala qilib haqoratladi. Bu holatni uchaskavoy IIB Xodimi ko‘rib turib X.Nazarovga chora ko'rish o'rniga menga to‘xmat qilib sudga olib borishdi. Sud meni isbotlovchi videolarimni ko‘rib ishni ko‘rmasdan hujjatlarni IIB ga qaytardi. Yuqoridagi holatlardan norozi bo'lib Qashqadaryo viloyat IIB hamda Qashqadaryo viloyat Prokuraturasiga ariza bilan murojaat qildim natija bo'lmadi.
Men IIB vazirligiga hamda Yoshlar Agentligiga murojaat qildim natija bo'lishiga ishonmay qoldim.

@eltuzportali - muammolar yechimi!

1,892

Eltuz portali

16 Feb, 09:20

EP: Yo'qolsin byurokratiya

Assalomu aleykum Eltuz kanali xodimlari.
O‘zbekiston mahallalari bo‘yicha bir taklifimni olib chiqsangiz.
Yurtimizda raqamli texnologiyalarga o‘tib ishlash keng ko‘lamda yo‘lga qo‘yilgan bo‘lsada, hozirgi kunda qog‘ozbozlikdan haliyam voz kechish jarayoni juda past.
Ayni damda Respublika Viloyatga, Viloyat Tumanlarga, Tumanlar Mahallalrga keladigan topshiriq eletronni platforga ham kiritilyapti va tuman bo‘limlari ularni birlashtirib, qayta Viloyat, Respublikagacha papka qilib jo‘natishmoqda.
O‘rta har bir tuman 4 ta sektorga bo‘lingan bo‘lsada, topshiriqlar sektorga ham yig‘ilmoqda.Sektor rahbarlari o‘ziga birkitilgan mahallalar bilan doimiy ishlarni tashkil etib kelayotgan ayni damda, uyushmaning mahalla uchun umuman reaksiyasi yo‘q, yoki biror mahalla muammosini, aholi takliflarni sektorsiz hal eta olishmaydi.Shuning uchun bosqichma bosqich tuman bo‘limlarini qisqartirib, to‘g‘ridan to‘g‘ri platforma orqali ishlarni yo‘lga qo‘yish lozim.Mahallalarni nazorat qilish, ularning topshiriqlarini va ish jarayonlari muvofiqlashtirishni to‘laqonli sektorlar ixtiyoriga o‘tkazish juda yaxshi samara beradi.Mahalla sektor rahbarining hududlardagi turli yo‘nalishlardagi ishlarni tashkil etishga juda yaqin va aniq idora bo‘lib qolgani aks etmoqda.Qissadan hissa aholisi ko‘p mahallalarda qo‘shimcha mahalla ochib, tuman bo‘limi faoliyatlarini yakunlash bu byudjetga, iqtisodiyotga foyda keltiradi.
Buxoro viloyatidan faol Nuroniylar.

@eltuzportali - muammolar yechimi!

1,686

Eltuz portali

16 Feb, 03:30

EP: Adolat ustun bo‘lsin!

Biz – Buxoro viloyati, Shofirkon tumani Jo‘sho‘ra MFY va Arabxona MFY mahallalari aholisi, jamiyatimizda adolat va qonun ustuvorligini talab qilamiz. Ammo afsuski, ayrim shaxslarning noqonuniy yo‘llar bilan davlat mablag‘larini o‘zlashtirishga urinishi halol mehnat qilayotgan fuqarolarga nisbatan adolatsizlikdir!

Qonun ustuvorligi buzilmoqda!

Soxta hujjatlar orqali nogironlik pensiyasi va davlat grantlarini qo‘lga kiritish holatlari qishlog‘imiz aholisi o‘rtasida haqli e’tirozlarga sabab bo‘lmoqda.

Jumladan:
✅ Jabborova Gulmira – o‘zining yaqinlari yordamida soxta hujjatlar tayyorlab, noqonuniy ravishda davlat mablag‘larini egallagan.
✅ Yunusova Shahlo (Tohirova Diyoraning onasi) – Buxoro endokrinologiya markazida yotib chiqib, pora evaziga ikkinchi guruh nogironligi maqomini olib, noqonuniy ravishda pensiya olmoqda.
✅ Tohirova Diyora – Yunusova Shahlo (uning onasi) ning qizi bo‘lib, "Xotin-qizlar" davlat grantiga noqonuniy kiritilgan. Uning oilaviy sharoiti og‘ir emas, boquvchisi bor, yashash sharoiti yaxshi, texnika vositalariga ega va kam ta’minlangan toifaga mutlaqo kirmaydi. Ammo shunday bo‘lsa-da, mahalladagi ayrim shaxslarning yordami va soxta hujjatlar orqali grant olishga erishgan.
✅ Xolmurodov Azizning rafiqasi Toshbegim, qizi hamda kuyovi – o‘zaro aloqalari va tanish-bilishchilik orqali davlat mablag‘laridan noqonuniy foydalanmoqda.
✅ Savrak qishlog‘idan Yunusova Shahlo – o‘zining yaqinlari yordamida soxta tibbiy xulosalar olib, davlat tomonidan ajratilgan pensiya mablag‘larini noqonuniy qo‘lga kiritgan.

Mahalladagi barcha ikkinchi guruh nogironlik pensiyasi oluvchilarini qayta tekshirishni talab qilamiz!

Biz mahallamizdagi barcha ikkinchi guruh nogironligi maqomini olgan shaxslar holatini tekshirishni talab qilamiz. Shu bilan birga, soxta hujjatlar tayyorlanishi, noto‘g‘ri xulosalar chiqarilishi va noqonuniy mablag‘lar taqsimlanishi kabi holatlarning oldi olinishi kerak.

Bu nafaqat qonunbuzarlik – bu chinakam adolatsizlik!

Bizning farzandlarimiz bilim yo‘li bilan oliy ta’limga kirishga intilmoqda, ular yuqori ball to‘plab ham grantga kira olmayapti. Lekin ayrimlar noqonuniy yo‘llar bilan davlat mablag‘larini egallab, o‘z manfaatini ko‘zlamoqda.

Biz adolatni talab qilamiz!

1️⃣ Soxta hujjatlar tekshirilsin – noqonuniy pensiya va grant olish holatlari o‘rganilsin.
2️⃣ Korrupsiya omillari fosh etilsin – mahalla, Xotin-qizlar qo‘mitasi yoki boshqa mas’ullar tomonidan noqonuniy yordam berilganmi?
3️⃣ Haqiqiy ehtiyojmandlarga grant ajratilsin – noqonuniy grant egalari aniqlanib, haqiqatda muhtoj talabalar o‘qishga kira olishi ta’minlansin.

Qonun barcha uchun barobar bo‘lishi shart!

Biz davlat organlarini ushbu holatni o‘rganishga, adolatni tiklashga va aybdorlarni javobgarlikka tortishga chaqiramiz. Davlat mablag‘lari noqonuniy ravishda kimlarningdir cho‘ntagiga emas, haqiqiy ehtiyojmand insonlarga yetib borishi kerak!

Adolat va halollik – jamiyat taraqqiyotining kaliti!

Hurmat bilan,
Qishloq aholisi nomidan.
Eʼtiborsiz qoldirmang!!!

@eltuzportali - muammolar yechimi!

2,093

Eltuz portali

15 Feb, 05:38

EP: Yashash xonadonimga kirib-chiqish yo‘lim to‘sib qo‘yilgan — Chiroqchi

"Assalomu alaykum
Sizga imkonim qolmaganligidan majbur chiqyapman.
O‘zim yashab kelayotgan shaxsiy uy-joyim atrofi qo‘shnilarim tomonidan berkitib olinmoqda, biz esa oraliqda kirib-chiqish yo‘lisiz qolyapmiz. 4 farzandim maktabga boradi, ular maktabga borishiga yo‘l yo‘qligidan qiynalishyapti. Oilamga taьminotchiman, chorasiz qoldik o‘rtalikda.
To‘siq-devorlarni hech bir huquqiy asossiz, bezplan tortib olishyapti. Ochig‘i, qamalib qoldik.

Kadastr agentligi bo‘limi va mas’ul tashkilotlardan menga loyiha doirasida yo‘l ajratib berishlarini so‘rayman."

@eltuzportali - muammolar yechimi!

2,272

Eltuz portali

13 Feb, 11:02

EP: Rovatak mahallasi muammolari: Yechim qachon?

'Assalomu alaykum!

Toshkent viloyati, O‘rta Chirchiq tumani, Rovatak mahallasi aholisi yo‘llarni asfaltlash jarayonidagi muammolar va boshqa infratuzilma yetishmovchiliklari sababli qiyinchiliklarga duch kelmoqda.

Loyihada yo‘l chetida lotok va piyodalar yo‘lakchasi qurilishi rejalashtirilgan bo‘lsa-da, lotoklar olib kelinib, keyinchalik olib ketilgan va hanuzgacha o‘rnatilmagan. Piyodalar yo‘lakchasi yo‘qligi harakatni qiyinlashtirib, insonlar hayotiga xavf tug‘dirmoqda. Yog‘ingarchilik paytida yig‘ilgan suv muzlab, asfaltning tez buzilishiga sabab bo‘lyapti.

Bundan tashqari, Rovatak mahallasida 6-7 yildan beri ichimlik suvi mavjud emas. Aholi 10 km uzoqlikdagi arteziandan suv olib kelishga yoki uni sotib olishga majbur. Ilgari vodoprovod suvi kelgan bo‘lsa-da, trubalar chirib ketgani sababli hozirda suv ta’minoti yo‘q. Yangi tarmoqlar o‘tkazilishi yana asfalt qazib tashlanishiga olib kelishi mumkin.

Shuningdek, mahalladagi 16-maktab qurilishi ham uzoq yillardan beri yakunlanmay, o‘quvchilar ikki smenada o‘qishga majbur bo‘lmoqda.

Aholining asosiy savoli: bu muammolar qachon hal etiladi? Rahbarlarning shaxsiy manfaatlari aholining hayotidan ustun bo‘lishi adolatdanmi?"

@eltuzportali - muammolar yechimi!

2,615

Eltuz portali

13 Feb, 09:39

EP: Daraxtlar kesilishiga kim mas'ul?

Bugun 13.02.2025 sanasida Yakkasaroy tumani, Mirobod ko'chasidagi daraxtlar kesilishni boshladi. Bahor oldi obrezka bo'lsa kerak deb avvaliga yashovchilar indashmadi, ammo kesuvchilar daraxtlarni deyarli yarim-yalang'och alfozga keltirib, yirik-yirik qismlarini olib tashlab, yig'ib olib ketdi. Holatga oydinlik kiritish uchun Yakkasaroy tuman hokimiyatiga murojaat qilmoqchi bo'ldik, ammo guruh anchadan buyon tuman ahli uchun yopib qo'yilgan, Facebook orqali murojaat qilinganda tuman matbuot kotibi Otabek Nasimov guruh telegrami texnik sabablarga ko'ra yopilganini aytib, daraxtlar kesilishiga hokimiyatning hech qanday aloqasi yo'qligini bildirdi. Izoh so'rash uchun mas'ul sifatidan ekologiya bo'limi boshlig'i Muhammad Sobir hamda obodonlashtirish bo'limi boshlig'i Xayrulla Tashmatov kontaktlari bilan ulashdi. Xodimlar holatga biror-bir izoh berishdan bosh tortishdi, bu esa savol va gumonlarni battar ortishiga sabab bo'ldi. Mas'ullar ushbu savollarga javob berishi kerak:
- Daraxtlar kimning buyrug'i bilan va nima uchun kesilmoqda?
- Nima uchun daraxtlarni zapravkalar bilan shug'ullanuvchi tashkilotlar kesyapti?
- Nega mas'ul idora rahbarlari holatga biror izoh berishdan qochishyapti yoki bu yerda o'zaro manfaat yotibdimi?

2025-yil - Atrof-muhitni saqlash va yashil iqtisodiyot yili deb nomlandi, tabiiyki, ushbu sohaga e'tibor kuchaytirilishi, muammolar bartaraf etilishi, mas'ullar yelkasiga yanada katta mas'uliyat tushishi tabiiy, ammo Yakkasaroy tumani ekologiya va obodonlashtirish bo'limlari rahbarlari buni hali anglab yetmagan ko'rinadi. Bunday loqaydlik bilan qanday qilib atrof-muhitni saqlashmoqchi bular?

@eltuzportali - muammolar yechimi!

2,322

Eltuz portali

13 Feb, 05:12

EP: "Assalomu alaykum, admin!

Xorazm, Shovot, Buyrachi MFYdagi 38-son maktabga borish yo‘llari juda yomon ahvolda. Yo‘llarimizni yamab beringlar! Biz ham soliq to‘laymiz, pasportimiz bor. Kelajagimiz bo‘lgan bolalarimizning maktabga borish yo‘llarini tuzatib beringlar. Rahmat!"

@eltuzportali - muammolar yechimi!

2,345

Eltuz portali

11 Feb, 10:16

EP: Aholidan kelgan murojaat: "Aholiga uzatilayotgan tok hatto 220 wolt ham emas"

"Yozyovon tumani Qoratepa MFY aholisidan murojaat kelib tushmoqda

Ma‘sullarga aytganimizga 1 oy bo‘lsada ijobiy natija yoʻq

Atrofdagi barcha mahallalar va koʻchalar asfalt qilingan ammo bir koʻcha hanuz obod emas. Na uzluksiz sveti na stolbasi na asfalti bor.

Oʻzi qiyin ish yoʻq. Paysalga solishganiga hayronman. Viloyat Elektr tarmoqlari rahbari A.Saydaliyevni ko‘chada uchratib nega hanuz biz aytgan murojaat boʻyicha ijobiy oʻzgarish yoʻq deb savol bersam bu koʻchani qibersa boshqa koʻcha ham haqqini soʻrashi mumkinligidan havotirdaligini bildirdi.

Men esa darhol murojaatni eslatib aynan o‘sha koʻcha qolib ketganiga urgʻu berdim. Aka jimm. Xalq sizlardan amaliy ishlar kutmoqda. Qogʻozvozlikni bir chetga surilarda xalq uchun ishlab oylikni oqlanglar!!!

Mendagi anonim ma'lumotga koʻra bu yerga sarflanishi kerak boʻlgan pullar eski hokim davrida yeb ketilgan emish. Prokuraturadan taftish oʻtkazishlarini soʻrab qolaman"

@eltuzportali - muammolar yechimi!

502

Eltuz portali

11 Feb, 08:05

EP: "Toshkent viloyati Quyichirchiq tumanidagi Qurg'oncha - Krasin - Toshkent yo'lining ahvoli

Zvezda mahallasidan o'tgan qismi ta'mir talab ahvolda.

Mas'ul xodimlar bu yo'lning holatini bilib tursa ham, e'tiborga olishmagan.

Yangiyo'ldan - Yangihayotga qatnaydigon 222-yo'nalishdagi
Damaschilar yo'lni o'z hisoblaridan 1 million so'mdan tashlab, o'zlari ta'mirlamoqda.
Baraka topsinlar! 🤲

Ammo bizni haligacha "Budjetga ajratilgan pullar qayerga ketdi?" degan savol qiynamoqda.

Bu yo'l viloyat balansida ekan.
Qancha joyga murojaat qildik, ammo hali ham qilib berishmadi.

Bu yo'lga prezidentimiz kelib qolsa-chi...?!"

@eltuzportali - muammolar yechimi!

826

Eltuz portali

10 Feb, 09:38

EP: Pop tumanida ichimlik suvi muammosi qachon hal bo‘ladi?

"Assalomu alaykum, hurmatli Eltuz!

Sizga Namangan viloyati, Pop tumani, Yangiobod qishlog‘i fuqarolari nomidan murojaat qilmoqdamiz.

2022-yilda nihoyat toza ichimlik suvi bilan ta’minlanganimizdan xursand bo‘lgan edik. Ammo so‘nggi 15 kun ichida yana suv ta’minoti to‘xtadi. Bunday holat avval ham bir necha marotaba kuzatilgan. Bu muammo bo‘yicha tegishli hududiy mas’ullarga murojaat qilgan bo‘lsak-da, hali hech qanday natijaga erisholmadik.

Mahalla raisi, tuman hokimi, prokuror va suv ta’minoti rahbarlari ushbu muammodan xabardor. Biroq, shu kungacha hech qanday chora ko‘rilmadi.

Muammo sababi sifatida "avariya", "suv bosimining ortishi tufayli trubalarning dosh bermayotgani" kabi bahonalar keltirilmoqda. Lekin nega sifatli trubalar tortilmagani, natijada esa suv yorilib, xonadonlarga oqib ketayotgani haqida hech kim javob bermayapti?

15 kundan beri mas’ullar beparvolik qilmoqda. Pop tumanida "Obod mahalla" dasturi doirasidagi barcha loyihalar shaxsiy manfaatlar asosida amalga oshirilgani aytilmoqda. Natijada, bajarilgan ishlarning sifatsizligi yaqqol ko‘rinmoqda. Beton ko‘chalar, asfalt yo‘llar, hatto simyog‘och va beton ustunlar ham suv trubalarining yorilib ketishi sababli avariya holatiga kelgan. Ilgari bu muammolar fotolavhalar bilan ham yoritilgan. Ammo suv xo‘jaligi xodimlari doimgidek va’dabozlik qilmoqda, telefon qo‘ng‘iroqlariga esa javob bermaydi.

Tuman hokimi Azam Sulton yoshi ulg‘aygan bo‘lsa-da, faqat Eltuzdan qo‘rqishi aytiladi. Uning jamoasi esa yolg‘on ma’lumotlar tarqatib, o‘zlarini xursand qilish bilan ovora, xalq esa sarson bo‘lib qolmoqda.

Iltimos, ushbu muammoimizni hal qilishda yordam bering!"

@eltuzportali - muammolar yechimi!

1,659

Eltuz portali

10 Feb, 04:01

EP: OLMALIQDAN MUROJAAT: KORRUPSIYA VA ADOLATSIZLIK

"Toshkent viloyati Olmaliq shahridagi Hamza MFYda joylashgan 88-domning birinchi qavatidagi turar va noturar joy egalari nomidan sizlarga murojaat qilmoqdamiz. Biz o‘z turar joylarimizni noturar joy toifasiga o‘tkazish maqsadida 3 marta ariza topshirdik. Biroq har gal Toshkent viloyati Qurilish inspeksiyasi arizalarimizga rad javobi bermoqda.

Bu holatning sababi sifatida inspeksiya xodimi Xurramov Ulug‘bekning har bir arizachiga 200 dollar pora so‘rayotgani ko‘rsatilmoqda. Jami 8 arizachi hisobga olinganda bu 1600 dollarni tashkil qiladi. Bizning ko‘pchiligimiz kredit bilan kun kechirayotganimiz sababli, bunday pul to‘lash biz uchun og‘ir.

Qurilish inspeksiyasining o‘tgan yilgi korrupsiyaga oid reytingda kuchli uchlikka kirgani tasodif emasdek tuyuladi. Agar bunday holatga chek qo‘yilmasa, oddiy aholi qonuniy ishlarni bajarishda ham muammolarga duch kelaveradi.

Biz ushbu murojaatimiz orqali fuqarolarning ovozi eshitilishini, korrupsiya balosiga qarshi kurashish uchun tegishli choralar ko‘rilishini istaymiz. Tizimdagi bunday holatlar fosh etilsa, ko‘plab insonlar o‘z haq-huquqlarini himoya qilishda yengillikka erishadi."

@eltuzportali - muammolar yechimi!

1,652

Eltuz portali

09 Feb, 12:04

"Assalomu alaykum, Eltuz! Men Gʻijduvon tumani, Armechan MFY, Chuqurak qishlogʻi aholisidan murojaat qilmoqdaman. Murojaatim gaz taʼminoti bilan bogʻliq muammolar haqida.

Ob-havo issiq boʻlgan vaqtlarda gaz taʼminoti nisbatan yaxshi ishlaydi, lekin ob-havo harorati pasaygan paytlarda gaz bosimi keskin pasayib ketadi, hatto gaz hidini ham sezib boʻlmaydi. Bu holat oilamiz uchun katta qiyinchiliklar tugʻdirmoqda.

Oilamizda 93 yoshli bobom, 80 yoshli buvim va 2 ta yosh bola bor. Qariyalar va yosh bolalar uchun qulay sharoitlar yaratish muhim boʻlishi kerak, ammo gaz taʼminotidagi muammolar tufayli ularning hayoti qiyinlashmoqda.

Tuman Gaz boshqarmasiga bir necha bor murojaat qilgan boʻlsak-da, muammolar haligacha yechim topilmadi. 655721952 raqamiga bogʻlangan holda bir necha bor aloqa qilishga urinib koʻrdik, ammo masala haliga yetkazilmadi va turli bahonalar bilan muammo eʼtibordan chetda qoldirilmoqda.

Xalq farovonligi va inson manfaatlarini himoya qilish davrida bunday muammolar boʻlishi maʼqul emas. Mutasaddilarning xalq dardiga quloq solishi va muammolarni hal etish uchun qadam koʻrishlari juda zarur.

Iltimos, murojaatimizni inobatga oling va gaz taʼminotidagi muammoni tezda bartaraf etish uchun zarur choralarni koʻring."

@eltuzportali - muammolar yechimi!

1,719

Eltuz portali

09 Feb, 10:00

EP : Ichimlik suvi isrof bo'lmoqda

"Ushbu videoda ichimlik suvi isrof boʻlayotganining guvohi boʻlishimiz mumkin. Insoniyat suvsizlik muammosiga tobora yaqinlashayotgan bir paytda, bunday holatlarning yuzaga kelishi achinarli.

Mazkur holat Qashqadaryo viloyati, Mirishkor tumani, Yangi Mirishkor yoʻlidan Gʻafur Gʻulom massivi tomonga oʻtishda, chap qoʻl tomon (38.819683, 65.262512) koordinatalarda joylashgan. Suv ta’minoti tizimidagi turbalar teshilganligi sababli bu muammo yuzaga kelgan.

Mas’ul tashkilotlar va mutasaddi idoralarni ushbu holatga e’tibor qaratib, amaliy yordam berishga chaqiramiz."

@eltuzportali - muammolar yechimi!

1,781

Eltuz portali

09 Feb, 06:02

EP: “Chiqindi suv quvurdan sizib chiqyapti. Noxush hiddan odamlar aziyat chekmasin”

“Surxondaryo viloyati Sho‘rchi tumani Joyilma mahallasi Yangiobod ko‘chasidan yozmoqdamiz. Tibbiyot kollejidan nasos orqali chiqindi suv haydashadi. Un zavodi yopib qo‘ygani sabab quvurlarning ulangani joyidan chiqindi suv chiqib ketmoqda. Noxush hidga chidab bo‘lmayapti. Mutasaddi idoralar muammoni tez fursatda hal qiladi degan umiddamiz”.

@eltuzportali - muammolar yechimi!

1,606

Eltuz portali

09 Feb, 04:01

EP: “Kesilgan daraxtlar ichida Qizil kitobga kiritilganlari ham bor ekan”

“Men – Sanoqul Murotov, Samarqand viloyati Bulung‘ur tumani Esonturdi MFYdan murojaat yo‘llayapman. Qo‘shnim J.A. 2019 yilda fermer yerida noqonuniy uy-joy qurib olgan. Men yo‘l chetiga ekkan daraxtlarni ham kesib tashladi. Holbuki, daraxt kesishga moratoriy qo‘yilgan. Men daraxt kesishga qarshilik qilsam, qariyb 10 nafar IIB xodimi kelib, uni himoya qildi. Bulung‘ur tumani ekologiya bo‘limi boshlig‘i kelib, kesilgan daraxtlar ichida Qizil kitobga kiritilganlari borligini aytdi, lekin chora ko‘rilmadi. Mutasaddilar holatni nazoratga olishini iltimos qilaman”.

@eltuzportali - muammolar yechimi!

1,858

Eltuz portali

07 Feb, 04:01

EP: "Ichimlik suvi isrof bo'lmoqda. Kimdir qaraydimi?"

"Andijon viloyati Xo’jaobod tumani Yangi xayot MFY Barkamol avlod ko’chasida A-373 magistral yo’lida axoli istemol qiladigan ichimlik suvi isrof bo’lyapti qariyb bir oydan beri. Tegishli mutasaddi idoralari bartaraf etishiga amaliy yordam berishini so’raymiz."

@eltuzportali - muammolar yechimi!

2,801

Eltuz portali

23 Jan, 05:31

EP: To'rtko'lda o'qituvchilar majburiy mehnatga jalb qilinmoqda

"Assalomu alaykum.
Qoraqalpogʻiston Respublikasi Toʻrtkoʻl tumani 33-maktab oʻquvchilari majburiy mehnatga jalb qilinyapti. Bizning arizamizni yashirin ariza deb qabul qilishingizni iltimos qilamiz. Agar ism-shariflarimizni oshkor qilsak, direktor bizga bosim oʻtkazishi va xabar qilgan oʻqituvchilarni ishdan bo'shatishga harakat qilishi mumkin. Oʻqituvchilar ham bizga yordam so'rab iltimos qilishdi. Ushbu majburiy mehnat 33-maktabning yangi binosida bo'lib, har kungi holatni aks ettiradi."

@eltuzportali - muammolar yechimi!

1,422

Eltuz portali

23 Jan, 03:34

EP: “Mahalla raislari majburiy mehnatga jalb qilinmasin”

“Qashqadaryo viloyati Nishon tumanidan murojaat qilmoqdamiz. Nishon tumani hokimi va tuman mahallalar uyushmasi rahbari mahalla raislari va hokim yordamchilarini majburiy mehnatga jalb qilishmoqda. Yakkabog‘ tumanida yomg‘irli kunda ko‘chat kovlashga yuborishyapti. Agar bormasak, ish haqidan ko‘chat sotib olar ekanmiz. 2024 yilda ham mahalla raislari ish haqidan bir donasi 13 ming so‘mdan 300 ta, 4000 so‘mdan 800 ta ko‘chatni sotib olgandik. Hurmatli Prezidentimiz ko‘chat ekishda bunday holatlarga yo‘l qo‘ymaslik haqida aytgan edi. Holatga mutasaddilar e’tibor qaratadi degan umiddamiz”.

@eltuzportali - muammolar yechimi!

1,559

Eltuz portali

21 Jan, 09:03

Farg‘ona viloyati Qo‘qon shahar Oydinbuloq MFYga qarashli Qum mahalla suv bashnyasini almashtirish bo‘yicha murojaat qilyapmiz, amalga oshmayapti."

@eltuzportali - muammolar yechimi!

2,050

Eltuz portali

21 Jan, 07:03

EP: “Bug‘doy ekilayotgan dalaga mashinada chiqindi to‘kilmoqda”

“Farg‘ona viloyati Beshariq tumani Zarqaynar qishlog‘idan murojaat yo‘llayapmiz. Aholi yashayotgan joyga mashinalarda chiqindi to‘kib ketishyapti. Bug‘doy ekilayotgan dalaga ham tashlanmoqda. Axir, bug‘doydan odamlar non qilib yeydi-ku! Bu holat sanitariyaga ham zid. Holat yuzasidan amaliy ko‘mak kutib qolamiz”.

@eltuzportali - muammolar yechimi!

1,894

Eltuz portali

21 Jan, 03:32

EP: “Davlat shifoxonasida operatsiya va tahlillar uchun pul olinishi to‘g‘rimi?”

“Andijon viloyati Izboskan tumanidan yozmoqdamiz. Onamni tuman shoshilinch tibbiy yordam bo‘limiga olib keldik. Qabulxonadan boshlab to‘lov... Kasallik tarixi va kardiogramma uchun 50 ming so‘m to‘ladik, lekin chek berishmadi. Analizga 20 ming so‘m berdik. Ukol olgani hamshira va joy yo‘q. Amallab ukol oldik. Operatsiya qilish kerak, o‘t qopida tosh bor deyishdi, rozi bo‘ldik. Operatsiya bo‘ldi. Doktor to‘lov qilishimizni aytdi. Onam hali o‘ziga kelgani yo‘q, to‘lovlar boshlandi. Narkozga 300 ming so‘m, hamshiraga 130 ming so‘m. Narkozni davlat ajratmaydimi? Boshqa dori- darmonni o‘zimiz olib keldik-ku. Doktor shaharda operatsiyani 5 mln so‘mga qiladi, sizlar ko‘nglingizdan chiqarib beringlar dedi. Davlat shifoxonasida ham operatsiya va tahlillar uchun pul olinishi to‘g‘rimi? Sog‘liqni saqlash mas’ullari holatga e’tibor qaratishini so‘raymiz”.

@eltuzportali - muammolar yechimi!

1,653

Eltuz portali

20 Jan, 12:55

Elta'sir: Rasmiy munosabat

Suv isrofgarchiligi bartaraf etildi

Andijon tumanidagi "Qo‘shariq" MFYdan (Do‘lma oshxonasi yonida) o‘tuvchi suv quvuri yorilib, ichimlik suvi isrof bo‘layotgani haqida murojaat e'lon qilindi.
Holat ta'mirlash guruhi ishchilari tomonidan o‘rganilib, quvurdagi nosozlik bartaraf etildi. Hozirda murojaatda bayon etilgan muammo mavjud emas.

"Andijon suv ta'minoti" AJ axborot xizmati

@eltuzportali - muammolar yechimi!

1,866

Eltuz portali

19 Jan, 06:04

EP: Andijonda ichimlik suvi isrof boʻlmoqda

"Andijon tumani, Qoʻshariq dahasi “Doʻlma“ oshxonasidan oʻtganda shu videodagi shifoxona roʻparasi kotejlar oldida ichimlik suvi isrof boʻlib oqib yotmoqda.

Suvtaʼminoti mutasaddilari eʼtibor berib isrofgarchilikni oldini olishsin"

@eltuzportali - muammolar yechimi!

1,947

Eltuz portali

19 Jan, 04:03

EP: Sariosiyo tumanida ichimlik suv muammosi

"Assalomu alaykum, hurmatli Ulug‘bek aka Qosimov. Men Sariosiyo tumani, Shohjahon mahallasi fuqarolari nomidan murojaat qilmoqdaman. 2022 yildan beri toza ichimlik suvi masalasida bir necha bor murojaat qilgan bo‘lsak-da, hech qanday natijaga erisha olmadik. Mahalla raisining ham, tuman hokimi, prokurori va suv ta’minoti idoralarining ham bu muammodan xabari bor. Biroq, shu paytgacha muammo hal qilinmadi.

Biz foydalanadigan suv ichimlikka yaroqsiz. Uni qaynatganimizda tagida tuzli cho‘kma yig‘iladi. Maxsus idoralar kelib tekshirishganida ham suv ichimlikka yaroqsiz ekanligini tasdiqlashdi.

Hurmatli Ulug‘bek aka, Sariosiyo tumani Shohjahon mahallasi fuqarolari nomidan sizdan ushbu muammoni hal etishda yordam berishingizni so‘raymiz. Bizning holatimizga befarq bo‘lmasligingizga umid qilamiz."

@eltuzportali - muammolar yechimi!

2,132

Eltuz portali

18 Jan, 11:26

EP: Cho‘lobod mahallasining chiqindi muammosi

"Assalomu alaykum. Men Xorazm viloyati, Urganch tumani, Cho‘lobod mahallasida yashayman. Bizning mahallamizda katta bir muammo mavjud — bu chiqindi masalasi. Mahallamizga yaqin, taxminan 1 kilometr masofada, Urganch shahrining barcha chiqindilari tashlanadigan joy joylashgan. Qish va yoz fasllarida chiqindilarning hididan mahalla aholisi juda aziyat chekmoqda.

Bundan tashqari, mahallamizga chiqindi mashinasi oyda bir marta ham kelmaydi. Ko‘chalardagi axlat qutilari to‘lib-toshgan, axlat yerga sochilib yotibdi. Buning oqibatida odamlar ko‘chaga chiqishga ham qo‘rqib qolgan. Agar mehmon kelsa, chiqindi va badbo‘y hid sababli mahalladoshlarimiz o‘zlarini noqulay his qilishmoqda.

Mahalla raisiga murojaat qilganimizda, u ham masalaga befarqlik bilan yondashdi. Mahallaning Telegram guruhida chiqindilar masalasini muhokama qilgan odamlarni esa "ma’muriy javobgarlikka tortish" bilan qo‘rqitishgan.

Hurmatli ma’sullar! Sizdan iltimos, mazkur muammoni jiddiy qabul qilib, zarur choralarni ko‘rishingizni so‘raymiz. Mahallamiz aholisi toza va sog‘lom muhitda yashashni xohlaydi."

@eltuzportali - muammolar yechimi!

1,641

Eltuz portali

18 Jan, 06:42

EP: “Mahallamizda shubhali ishlar bo‘lyapti...”

“Surxondaryo viloyati Bandixon tumanidan yozmoqdamiz. Mahallamiz yo‘li “Open byudjet”da g‘olib chiqqan edi. Ammo mahallamiz raisi yo‘limizning bir qismini 130 million so‘mga sotibdi. Tuman hokimligi ham negadir shubhali ishlar qilayotgan maxalla raisini himoya qilyapti. Yo‘limiz tuman hisobidan ham moliyalashtirilib, mablag‘ o‘zlashtirilgan degan gaplar bor. Vakolatli idoralardan holatni taftish etib, tegishli chora ko‘rishini so‘raymiz”.

@eltuzportali - muammolar yechimi!

1,549

Eltuz portali

17 Jan, 11:10

EP: Bogot tumanining ko‘mir muammosi: xalq adolat talab qiladi

Xorazm viloyati Bogot tumani aholisi ELTUZ portaliga murojaat qilmoqda. Ular tuman hududidagi ko‘mir shoxobchalarining ahvolidan norozi. Aholining ma’lum qilishicha, ko‘mirga qum aralashtirib, xalqqa tarqatilmoqda.

Qishning sovuq kunlarida, isitish mavsumi boshlangan bir vaqtda bunday holat aholining ishonchini suiste’mol qilishdir. Qum aralashtirilgan ko‘mir nafaqat yaxshi yonimaydi, balki iqtisodiy jihatdan ham insonlarni zararga uchratadi.

Aholi bu muammoga tegishli idoralarning e’tibor qaratib, nazoratni kuchaytirishini va adolatli tarzda hal etilishini so‘ramoqda. Shuningdek, shoxobchalarda sotilayotgan ko‘mir sifati bo‘yicha tekshiruv o‘tkazilishi va aholining qo‘llab-quvvatlanishi zarur.

Tegishli organlardan ushbu holatga tezkorlik bilan munosabat bildirishlari va ko‘mir tarqatish jarayonini nazorat qilishlarini umid qilamiz."

@eltuzportali - muammolar yechimi!

1,748

Eltuz portali

17 Jan, 06:32

EP: “Gaz pasaydi. Bu gazda ovqat pishirib bo‘ladimi?”

“Farg‘ona viloyati Qo‘qon shahri Archazor Bog‘istondagi ko‘p qavatli uydan murojaat qilyapmiz. “Dom”imizda gaz pasayib ketdi. Bayram o‘tgach, gaz ham bo‘lmaydimi? Uyimizda qariyalar, yosh bolalar bor. Bu gazda ovqat pishadimi yo isinib bo‘ladimi? Mutasaddi tashkilotlardan amaliy ko‘mak so‘raymiz”.

@eltuzportali - muammolar yechimi!

1,971

Eltuz portali

17 Jan, 05:04

EP: Chirchiqdagi Amir Temur shoh ko‘chasi ahvoli: mas’ullar e’tiboridan chetda qolganmi?

"Chirchiq shahri, Amir Temur shoh ko‘chasidagi holatga aholi e’tibor qaratmoqda. Markaziy yo‘l yaqindagina qurilishchilar tomonidan kavlanib, qayta asfaltlangan edi. Ammo yangi asfalt sifatsiz bo‘lib, ayrim joylari juda tezda yomon holga kelgan.

Ayniqsa, yo‘l o‘rtasida katta bo‘lib turgan yama haydovchilar uchun katta xavf tug‘dirmoqda. Bu holat haydovchilarni qarama-qarshi yo‘lga chiqishga majbur qilayapti, bu esa yo‘l harakati xavfsizligiga jiddiy xatar tug‘diradi. Agar bu joyda transport hodisasi sodir bo‘lsa, haydovchilar yanada jabr ko‘rishi mumkin.

Qolaversa, ushbu muammoli yo‘l Chirchiq shahar prokuraturasi va ichki ishlar boshqarmasi oldida joylashgan bo‘lishiga qaramay, mas’ullar tomonidan bu masalaga yetarlicha e’tibor qaratilmayotganga o‘xshaydi.

Aholi ushbu muammoni tezda bartaraf qilish uchun Chirchiq shahar hokimiyati va tegishli tashkilotlarning nazoratga olishi va tezkor choralar ko‘rilishini kutadi."

@eltuzportali - muammolar yechimi!

1,575

Eltuz portali

17 Jan, 03:34

Elta'sir: Eltuzda chiqqan Shovot tumanidagi muammo bartaraf etildi

@eltuzportali - muammolar yechimi!

1,659

Eltuz portali

16 Jan, 08:56

EP: “Ichimlik suvi isrof boʻlib, yoʻllarimiz rasvo boʻlmoqda“

Surxondaryo viloyat Sariosiyo tuman “Shargʻun“ shahridan murojaat yuboryapmiz. Bir necha yillardan beri yuqoridagi video lavhadagi ichimlik suvi quvurida toza suv uvol, isrof boʻlib oqib ketmoqda. Uylarimzga ham suvni namligi oʻtmoqda. Oddiy odamlar taʼmirlab yamay olishmaydi. Ichimlik suvi tarmogʻini taʼmirlab yoʻlimizni ham taʼmirlashlarini Surxondaryo viloyat hokimligidan soʻrab qolamiz.

Toza ichimlik suvini isrof boʻlib ketmasligi uchun murojaatimzni Surxondaryo viloyat hokimi, Oʻzsuvtaʼminot aksiyadorlik jamiyati ichimlik suvi quvurida taʼmirlash ishlarini olib borishini soʻraymiz"

@eltuzportali - muammolar yechimi!

1,660

Eltuz portali

16 Jan, 07:03

EP: “Quvur tortish uchun mahalla yo‘lini buzgan gaz shoxobchasi haligacha asfalt qilib bermadi”

“Farg‘ona viloyati Qo‘shtepa tumani Eshonguzar MFY fuqarolari nomidan murojaat yo‘llayapmiz. Eshonguzar, Baland masjid va Sarmazor MFYlar hududidan o‘tgan 2 kilometr asfalt yo‘lni 2021 yilda avtomobillarga gaz quyish shoxobchalari quvur tortib buzib ketgandi. Bu ishni mahalla raislaridan ruxsat olmay qilishdi. Asfalt qilib beramiz deb og‘zaki va’da berishgandi, ammo shu kungacha asfalt qilib berishmadi. Mas’ul idoralardan shu masalada amaliy ko‘mak so‘raymiz”.

@eltuzportali - muammolar yechimi!

1,759

Eltuz portali

10 Jan, 06:39

EP: “Toza hudud” mashinasi oyda bir marta keladi, xolos”

“Xorazm viloyati Shovot tuman Yangi burloq mahallasidan yozmoqdamiz. Bizning mahallada “Toza hudud” yaxshi ishlamaydi. Oyda bir marta keladi. Unda ham qo‘ng‘iroq qilib zo‘rg‘a chaqiramiz. Noyabr va dekabrda bir martadan keldi. Yoz kunlari kelmadi ham. Chiqindi tashish korxonasi faoliyatini nazoratga olishlarini so‘raymiz”.

@eltuzportali - muammolar yechimi!

1,364

Eltuz portali

10 Jan, 05:05

EP: “Xonadonimiz tomidan chakki o‘tyapti. Shirkatga murojaat qilishdan naf bo‘lmayapti”

“Men – Bobomurod Saidov, Toshkent shahri Yakkasaroy tumani J.Shoshiy ko‘chasi 4-uy 40/1a-xonadonda yashayman. Oilaliman, to‘rt farzandim bor. To‘rt qavatli uyning so‘nggi qavatida yashaymiz. Ikki xonamdan ham chakki o‘tadi. 2 yanvar kuni ham yomg‘ir yog‘di, tomdan yana chakki o‘tdi. Uy zax, bolalarim kasal bo‘lib qolyapti. Portalga murojaat qilganimda, menga hokimiyatdan “remont qilindi” degan mazmunda xat jo‘natishdi, lekin hech nima qilinmagan. “Dom”imizga qaraydigan shirkatga qo‘shnilar bilan uch yildan beri murojaat qilamiz, lekin foydasi bo‘lmadi. Holbuki, to‘lovlarni ozgina kechiktirsak, bizga xabar bermay sudga, MIBgacha ariza berishadi. Holat yuzasidan amaliy ko‘mak so‘rayman”.

@eltuzportali - muammolar yechimi!

1,333

Eltuz portali

10 Jan, 03:34

EP: “Maslahattepa mahallasi hududidagi bu joylar tashlandiq ahvolda”

“Surxondaryo viloyati Jarqo‘rg‘on tumaniga kirishda, Maslahattepa mahallasi hududidagi bu joylar xarob va tashlandiq ahvolda. Chiqindilar yig‘ilib qolgan. Bu yerga “Yashil makon” dasturi bo‘yicha ko‘chat ekilgan, lekin ko‘chatlar sug‘orilmagan. Mahalla, sektor va tuman mas’ullari hududni obod qilishga qachon e’tibor qaratadi?”

@eltuzportali - muammolar yechimi!

1,384

Eltuz portali

08 Jan, 07:01

EP: "Saneg" xodimlari maosh muammosidan norozilik bildirmoqda

"Assalomu alaykum, ELTUZ kanali!

"Saneg" kompaniyasining ishchi-xodimlari 2023 yilning oktyabr, noyabr va dekabr oylariga tegishli oylik maoshlari hamda qo‘shimcha to‘lanishi shart bo‘lgan mukofotlar (bayram pullari)ni ololmayotganidan norozilik bildirmoqda. Nega halol mehnat qilgan yurtdoshlarimiz maosh ololmay, qiyinchilikka duch kelmoqda? Axir, insonning qadriyatlari shunchalik poymol qilinishi adolatdanmi?

Shu holat "Yangi O‘zbekiston"ning asl qiyofasimi?

Rahbarlar bu muammoga hanuzgacha ko‘z yumishda davom etayotgan ko‘rinadi. Agar xodimlar o‘z rahbarlaridan oyliklarini so‘rashga jur’at qilsalar, ularga darhol ishdan bo‘shatish tahdidi bilan javob berilmoqda. Kuniga minglab m³ gaz va minglab tonna neft qazib chiqarayotgan va uni qayta ishlayotgan qudratli "Saneg" kompaniyasi bu mablag‘larni qayerga yo‘naltirmoqda?

Hurmatli Prezidentimiz Shavkat Mirziyoyev! Ushbu muammolarimizga yaqindan e’tibor qaratib, amaliy yordam berishingizni va ish haqlarimiz hamda mukofotlarimizni o‘z vaqtida olishimizni ta’minlashingizni iltimos qilamiz.

Hurmat bilan, Saneg xodimlari."

@eltuzportali - muammolar yechimi!

6,417

Eltuz portali

08 Jan, 05:45

EP: Navoiy shahrida zaharli tutun butun shaharni qamrab oldi

"Assalomu alaykum! Yurtimizda 2025 yil Atrof-muhitni asrash va yashil iqtisodiyot yili deb e’lon qilindi. Navoiy shahri bunga tayyorligini ko‘rsatishi lozim.

Biroq, Navoiy shahri temir yo‘l vokzali yaqinida joylashgan keramsit ishlab chiqaruvchi zavod atrof-muhitga jiddiy zarar yetkazmoqda. Zavoddan chiqadigan zaharli tutun butun shahar havosini egallagan. Bu aholi salomatligiga salbiy ta’sir ko‘rsatishi va atrof-muhitni ifloslantirishi mumkin.

Mazkur zavodga nisbatan respublika miqyosida mas’ul shaxslar tomonidan hali na chora ko‘rilgan va na uning faoliyati to‘xtatilgan. Shu munosabat bilan, hurmatli Yurtboshimizdan ushbu masalaga e’tibor qaratib, uning yechimini topishda yordam berishlarini so‘raymiz."

@eltuzportali - muammolar yechimi!

2,046

Eltuz portali

08 Jan, 03:32

EP: Qo'shrabotda elektr ta’minoti muammosi

"Samarqand viloyati, Qo‘shrabot tumani, Boyto‘p mahallasi, Solpi qishlog‘iga yangi transformator o‘rnatilishi masalasi hali ham hal etilmagan. Bu hududga transformator olib kelinganiga salkam 5 oy bo‘lganiga qaramay, u hali o‘rnatilmagan.

Birgina transformatorga 180-200 xonadon ulanganligi sababli elektr kuchlanishi juda past bo‘lib, ayniqsa qish mavsumida uylarni isitishda katta muammolar yuzaga kelmoqda.

Hokimlik vakillari va hokim yordamchilari muammoni bartaraf etish uchun 10 kun ichida transformator o‘rnatib berishga va'da bergan edi. Shuningdek, ustunlar va boshqa jihozlar buyurtma qilinganligi, ular 1-2 kun ichida yetkazib berilishini aytishgan. Ammo, afsuski, 5 oy o‘tgan bo‘lsa-da, va'da bajarilmadi.

Solpi qishlog‘i aholisi ushbu masalani imkon qadar tezlashtirib hal qilishda yordam berishingizni so‘raydi.

Hurmat bilan,
Solpi qishlog‘i aholisi"

@eltuzportali - muammolar yechimi!

2,145

Eltuz portali

07 Jan, 03:34

EP: Urganch shaharning "iflos' joyi: Mas'ullar nega uyquda?

"Bugungi kunda eng dolzarb muammolardan biri – atrof-muhit tozaligiga e'tibor qaratish va chiqindi hamda axlatlardan tozalashdek xayrli ishlarga davlatimiz tomonidan jiddiy e'tibor berilmoqda.

Ammo ba'zi ko'chalardagi ahvol nafaqat ko'ngilni xira qiladi, balki o'sha joyda yashayotgan aholining sog'lig'iga ham zarar yetkazishi tabiiy.

E'tiboringizga havola qilayotgan video lavhamizda Urganch shahar "Islomobod" va "Shermatlar" mahallalari o'rtasida joylashgan zaxkashtning ayanchli holati tasvirlangan."

@eltuzportali - muammolar yechimi!

2,170

Eltuz portali

06 Jan, 05:11

EP: "Mahalladagilar qiynalmoqda. Bu yo'ldan yurish ancha og'ir"

Jizzax viloyati, Sh.Rashidov tumani "Kuyovboshi" mahallasi "Tòrtkòl" ko'chasidan murojaat qilyapmiz. Bizning mahallani ahvoli juda chatoq. Yog'ingarchilik bo'lishi bilan videodagi kabi suv bo'lib ketadi. Mas'ullarga bir necha bor murojaat qildik, lekin natija yo'q. Ahir bolalar maktabga borishga, qariyalar esa bu yo'ldan yurishga qiynaladi. Muammoni hokimlar ijobiy hal etsin. E'tibor berishsin"

@eltuzportali - muammolar yechimi!

2,056

Eltuz portali

06 Jan, 03:33

EP: Yo'l muammolari: Mas'uliyat kimda?

Qachongacha bu davlat yo'llarini biz, haydovchilar, o'z cho'ntagimizdan sement va shag'al sotib olib, ta'mirlaymiz? Bu birinchi marta emas.

Hokimiyat yo'l uchun ajratilgan byudjet mablag'larini qayerga sarflamoqda?

Manzil: Toshkent viloyati, Yangiyo'l tumani, Xalqobod, Bobur ko'chasi, 4-uy, 749. Markaziy yo'l.

Ushbu yo'nalishda qatnovchi taksilar ham bu muammolardan aziyat chekmoqda."

@eltuzportali - muammolar yechimi!

2,283

Eltuz portali

05 Jan, 11:50

Elta'sir: RASMIY MUNOSABAT

Ijtimoiy tarmoqlarda Oqqo‘rg‘on tumani Tortuvli MFY hududining kirish qismida chiqindilar to‘planib, ekologik fojea yuzaga kelmoqda mavzusi ijtimoiy tarmoqlarda muhokamalarga sabab bo‘layotgan holat yuzasidan quyidagilarni ma’lum qilamiz.

Oqqo‘rg‘on tumani Tortuvli MFYga kirish hududida aholi tomonidan belgilanmagan joyga chiqindilar olib chiqib tashlanish oqibatida achinarli holatga kelib qolgan.

Ushbu chiqindilarni mas’ullar nazorati ostida tegishli soha vakillari, Toza hudud DUK xodimlari tomonidan maxsus texnikalari jalb qilinib, keng ko‘lamli chiqindilarni olib chiqish choralari ko‘rildi.

Ayni paytda holat to‘liq bartaraf qilinganligini ma’lum qilamiz.

Shu o‘rinda tumanimizga tashrif buyuruvchi mehmonlar va fuqarolarimizdan keraksiz chiqindilarni belgilangan hududlardagi maxsus chiqindi idishlariga tashlashlarini so‘rab qolardik.

Zero ozodalik, sarishtalik bor joyda baraka bo‘ladi deb xalqimiz bejizga aytishmagan.

✍️Oqqo‘rg‘on tumani hokimligi Axborot xizmati

@eltuzportali - muammolar yechimi!

2,277

Eltuz portali

24 Dec, 09:00

EP: Izboskan tumani Poytug‘ shahridagi avtomobil tirbandligi muammosi

"Assalomu alaykum, hurmatli “Eltuz” portali!

Men Andijon viloyati Izboskan tumanidan murojaat qilmoqdaman. 2024-yil sentyabr oyidan beri Izboskan tumani Poytug‘ shahridagi “Ishonch” do‘koni oldida avtomobillar uchun qo‘shimcha cho‘ntak yo‘l ochib berilishini so‘rab tuman hokimligi va tuman avtoyo‘l korxonasiga murojaat qilib keldik.

Afsuski, hanuzgacha hech qanday natija yo‘q. Mazkur hududdagi svetofor oldida avtomobillarning tirbandligi ortib, yo‘l harakati qatnovi yanada murakkablashmoqda. Ushbu muammoni hal qilish uchun mutasaddilardan amaliy chora ko‘rishlarini iltimos qilamiz.

Oldindan rahmat!"

@eltuzportali - muammolar yechimi!

655

Eltuz portali

24 Dec, 07:48

EP: Qoraqalpog‘istondagi shamol elektr stansiyasi qurilishida ishchilar oylik olishmayapti

"Assalomu alaykum!

Qoraqalpog‘istonning Qorako‘z tumanida Saudiya Arabistonining "ACWA Power" kompaniyasi "Modern Building and Construction Group" MCHJ bilan hamkorlikda quvvati 100 megavattli shamol elektr stansiyasi qurmoqda. Mazkur loyiha doirasida biz, "Parvina Kafolat" MCHJ, "Modern Building and Construction Group" MCHJ bilan qonuniy shartnoma imzoladik va Buxorodan Qorako‘z tumaniga ikki yuk mashinamizni elektr stansiyasi qurilishida ishlatish uchun jalb etdik.

Mazkur qurilishda Saudiya Arabistoni, Xitoy va Pokistondan kelgan ishchi-mutaxassislar zamonaviy va qulay sharoitdagi xonalarda ishlash va dam olish imkoniyatiga ega. Biz esa, og‘ir sharoitlarda, eski sovet davrida qurilgan kottejlarda yashab, mehnat qildik.

2024-yilning oktyabr oyi uchun mehnat haqimizni talab qilganimizda, turli bahonalar va asossiz ayblovlar bilan to‘lovni rad etishdi. "Arablar mablag‘ ajratmayapti" degan vaj bilan bizga tazyiq o‘tkazib, yuk mashinalarimizni olib chiqib ketishga majbur qilishdi.

Biz talab qilamiz: oktyabr oyi uchun qonuniy shartnoma asosida belgilangan mehnat haqimizni to‘lab berilsin!
Bizni xor qilishmasin, chunki har birimizning soliqlarimiz va boshqa majburiyatlarimiz bor. Adolatni ta’minlashni so‘raymiz!"

@eltuzportali - muammolar yechimi!

876

Eltuz portali

24 Dec, 06:30

EP: Chirchiq shahri Kamalak MFYdagi gaz quyish shoxobchasi muammosi

"Hurmatli mutasaddilar,

Biz ushbu murojaatni Chirchiq shahri, Kamalak MFY aholisi nomidan yo‘llayapmiz. Mahallamiz hududida joylashgan gaz quyish shoxobchasi hozirda faoliyat ko‘rsatmayotgan bo‘lsa ham, xavfsizlik va ehtiyotkorlik choralarining ko‘rilishi zarur.

Gaz shoxobchasiga gaz Bo‘stonliq tumanidan yetkazib beriladi, chunki "Hududgaz ta'minoti" Chirchiq shahri bo‘limi gaz yetkazib berishdan bosh tortgan. Biroq mazkur shoxobcha aholi yashaydigan punktlardan belgilangan 150 metrlik masofada qurilmagan.

Shuningdek, shoxobcha yaqinida Chirchiq tibbiyot texnikumi joylashgan bo‘lib, unda 700 nafardan oshiq talabalar tahsil oladi. Yaqin atrofdagi ko‘p qavatli uylar va boshqa aholining umumiy soni 1500 nafarga yaqin. Ushbu gaz shoxobchasida xavfsizlik choralarining yetarli darajada ko‘rilmaganligi jiddiy xavf tug‘diradi.

Hurmatli Chirchiq shahri hokimi Murodjon Abdurahimov va 4-sektor rahbari Abror Hamdamovdan ushbu masalaga jiddiy e’tibor qaratishni so‘raymiz. Tegishli xavfsizlik choralarini ko‘rishingiz va aholini xavf ostida qoldirmasligingizni talab qilamiz.

Mazkur muammoning yechimi bo‘yicha rasmiy munosabat kutib qolamiz."

@eltuzportali - muammolar yechimi!

912

Eltuz portali

24 Dec, 05:01

EP: Qumqo‘rg‘on tumanidagi bog‘chada bolalar sovuqda qolib ketdi

"Assalomu alaykum, hurmatli “Eltuz”!

Biz Surxondaryo viloyati, Qumqo‘rg‘on tumani Munchoqtepa mahallasidan murojaat qilmoqdamiz. Mahallamizda joylashgan 8-davlat bolalar bog‘chasida qish kunlari bolalar sovuq xonalarda qolmoqda. Bog‘chadagi isitish tizimi (pech) ishlamaydi va umuman ta’mirtalab ahvolda.

Mazkur muammo bo‘yicha tuman Xalq ta’limi bo‘limi mudirasiga xabar berilgan bo‘lsa-da, hech qanday chora ko‘rilmagan. Natijada bolalar birgina xona ichida qamalib o‘tirishga majbur bo‘lib, sovuq tufayli kasalliklarga chalinmoqda.

Iltimos, ushbu muammoni yoritib, tegishli tashkilotlar diqqatiga yetkazishda yordam bering. Bu masala bolalar salomatligi va qulay sharoitda tarbiyalanishi uchun nihoyatda muhim."

@eltuzportali - muammolar yechimi!

1,116

Eltuz portali

24 Dec, 03:40

EP: “Suv taqsimlash inshooti rekonstruksiyasi sifatsiz qilinyapti”

“Xorazm suv ta’minoti” AJ korxonasiga davlatimiz tomonidan Urganch shahri Markaziy suv taqsimlash inshootini rekonstruksiya qilish uchun katta mablag‘ ajratilgan. Ammo ish sifatsiz qilinmoqda. Rezervuarlar qurilganiga salkam 40 yil bo‘lgan. Masalan, 3-rezervuarning plitalari sifatsiz, almaturasi ham kam. Bu 10 yilga ham bormaydi. Devorlar yorilgan, suv bosimiga dosh bermaydi. O‘zidan chiqqan 700, 1000 talik eski quvurlar yana ishlatilyapti. Qurilish sifatini qat’iy tekshirib, nazorat o‘rnatishlarini so‘rayman”.

@eltuzportali - muammolar yechimi!

1,193

Eltuz portali

23 Dec, 11:09

EP: Oltinko'lda aliment pulini undirib berishda mas'ullar o'zlarini paysalga solmoqda

Andijon viloyati Oltinkoʻl tumanidan
Boymirzaeva Nilufarman.
Murojaatim aliment masalasida.
Oktyabr oyidan buyon sarsonman. Prezident partaliga bir necha marotaba murojaat qildim,tuman prokuraturasigayam chiqdim hech qanday natija boʻlmadi.

Oltinkoʻl tuman ijrochilari har xil vajlar bilan alimentdan qarizdorligi bor Egamov Karimberdidan (erim) undirib berisholmayotganligi sababli,yuqorida turuvchi rahbarlarimizdan bola taminoti uchun berilishi kerak boʻlgan otasidan bolasini pullarini toʻlalicha undurib berishlarini soʻrayman."

@eltuzportali - muammolar yechimi!

1,449

Eltuz portali

22 Dec, 06:01

EP: “Ko‘p qavatli uyimizda gaz yo‘q”

“Samarqand viloyati Oqdaryo tumani Alisher Navoiy MFY hududida qurilgan ko‘p qavatli uylarda yashash uchun shart-sharoit yo‘q. Ko‘p qavatli uyda gaz yo‘q. Chiroq bo‘lsa, ishlab topgan pulimiz limit bilan faqat kommunal to‘lovga ketadi. Holbuki, Samarqand shahrida gaz bosimi keragidan ortiq. Nahotki, bizda ham tabiiy gaz bosimini ko‘tarib berish qiyin bo‘lsa? Ko‘p qavatli uyda o‘tin yoqish imkoni bo‘lganida o‘tin yoqardik. Bu borada mutasaddi tashkilotlarga murojaatlar qilindi, afsuski, natija yo‘q. Pulini avvaldan to‘laymiz-ku, gaz va elektr energiya masalasini hal qilib berishsin”.

@eltuzportali - muammolar yechimi!

1,674

Eltuz portali

22 Dec, 04:00

EP: Qumqo‘rg‘on tumani, Kindiktepa mahallasidagi yo‘l muammosi

"Assalomu alaykum, hurmatli “Eltuz”!

Ushbu murojaatni Surxondaryo viloyati, Qumqo‘rg‘on tumani, "Hunarmandlar" (avvalgi Kindiktepa) mahallasi aholisi nomidan yo‘llayapman.

Mahallamizdagi 1,5 km uzunlikdagi serqatnov yo‘l deyarli mustaqillikka erishganimizdan beri asfalt ko‘rmagan. Bu yo‘lning holati ayniqsa yosh bolalarga katta qiyinchilik tug‘diradi.

Aholi birlashmaganligi, tashabbuskor va jipslashtiradigan yetakchi bo‘lmaganligi sababli "Open byudjet" platformasidan ham g‘olib chiqa olmayapmiz. Natijada bu muammo uzoq yillardan beri yechilmay kelmoqda.

Sizdan iltimos, mazkur yo‘lning ahvolini yoritib, tegishli tashkilotlar diqqatiga yetkazishda yordam ko‘rsatishingizni so‘raymiz."

@eltuzportali - muammolar yechimi!

1,666

Eltuz portali

20 Dec, 10:45

EP: "Assalomu alaykum, hurmatli “Eltuz” portali Telegram kanali admini!

Ushbu murojaatni Andijon viloyati, Izboskan tumanidan yo‘llayapman.

Murojaatim shundan iboratki, Izboskan tumani, Poytug‘ shahri Markaziy Dehqon bozori oldidagi katta yo‘lda ilgari avtomobillar orqaga qayrilib olishlari uchun mo‘ljallangan maxsus joy (razvorot) mavjud edi. Biroq yaqinda ushbu qayrilish joyi beton bilan berkitib tashlandi.

Natijada hozirgi kunda svetoforlarda tirbandliklar sezilarli darajada oshib ketdi. Ushbu muammo nafaqat haydovchilar, balki piyodalar uchun ham noqulaylik tug‘dirmoqda.

Sizdan iltimos, Poytug‘ shahri Markaziy Dehqon bozori oldidagi avtomobillar qayrilib olish joyini tiklash masalasida amaliy yordam ko‘rsatishingizni so‘rayman. Biz bu muammo yuzasidan Izboskan tuman hokimligiga ham, Tuman avtomobil yo‘llari korxonasiga ham murojaat qildik, lekin hech qanday natija bo‘lmadi.

Oldindan rahmat!"

@eltuzportali - muammolar yechimi!

1,917

Eltuz portali

04 Dec, 08:15

EP: "Quvur yo‘rilib, suv isrof bo‘lmoqda"

"Surxondaryo viloyati, Termiz shahri Guli Rano mahallasida yashovchilar ichimlik suvi quvuri yorilib, toza suvning behuda oqib ketayotganidan shikoyat qilishmoqda. Muammo Ohunboboyev ko‘chasining ikkinchi burilishida yuzaga kelgan.

"Mazkur vaziyat tufayli nafaqat suv isrof bo‘lmoqda, balki uyimizga kirib-chiqishda ham qiyinchiliklar yuzaga kelmoqda. Bir necha marotaba suv idorasiga murojaat qildik, ammo hech qanday natijaga erishmadik. Hozirda toza suv global muammo bo‘lib turgan bir paytda, suvsozlarning bu muammoni tezda hal qilishiga umid qilamiz," — deya mahalla aholisi o‘z noroziliklarini bildirgan.

Aholi suvsozlardan va mas‘ullardan ushbu muammoni imkon qadar tezroq bartaraf etishni so‘raydi."

@eltuzportali - muammolar yechimi!

1,168

Eltuz portali

04 Dec, 07:01

EP: Yuqori Machak mahallasidagi maktab bolalalari sovuqda tahsil olmoqda

"Surxondaryo viloyati Boysun tumanidagi Yuqori Machak mahallasida joylashgan hokim boboning qarori bilan 13-noyabr kuni yangi filial tashkil etilishi belgilangan edi. Shunga qaramay, 46-maktab direktori O. Rahimov tomonidan bu qaror hali to'liq amalga oshirilmagan.

Kecha maktab qorovullari maktabning isitish tizimini ishga tushirish uchun harakat qilishgan, ammo direktor ularni qo'llab-quvvatlash o'rniga haqorat qilib, ortga qaytarib yuborgan. 3-dekabr holatiga ko'ra, maktabda 120 nafar bola tahsil olmoqda, ammo hali ham isitish tizimi mavjud emas.

Mahalla aholisi tog'li hududda yashab, sovuq ob-havoda bolalarning qiynalayotganidan tashvishda. Ular maktabni isitish tizimini yo'lga qo'yish va ko'mir sotib olish uchun Boysun tuman hokimiyatidan yordam so'ramoqda."

@eltuzportali - muammolar yechimi!

1,295

Eltuz portali

04 Dec, 05:00

EP: “Yomg‘irdan keyin bozor hududi achinarli holga keldi”

“Xorazm viloyati Shovot tumanidan yozmoqdamiz. Kuni kecha Shovotda yomg‘ir yog‘di. Oqibatda bozor hududi odam kirib bo‘lmaydigan darajada loyga aylandi. Umuman, Shovot bozoriga yozda borsangiz chang-to‘zonda qolasiz, qishda esa botqoqlikka botasiz. Hokim va sektor rahbarlaridan iltimos, aholi boradigan birdan-bir bozorni normal holatga keltirib berishsin”.

@eltuzportali - muammolar yechimi!

1,243

Eltuz portali

04 Dec, 03:41

EP: Ichimlik suvi mīnorasidagi muammo va aholi kutayotgan yechim

"Denov tumani Katta Qarshi mahallasida joylashgan ichimlik suvi mīnorasi yillar davomida yetarlicha qarov ko'rmagani sababli jiddiy nosozlikka uchragan. Ayni vaqtda mīnoraning ba’zi qismlari chirimagan, bu esa suvning behuda isrof bo'lishiga olib kelmoqda.

Mahalla aholisi masala bo‘yicha mahalla mas‘ullariga murojaat qilgan bo‘lishsa-da, bu muammo hozirgacha yechim topmagan. Suv ta‘minoti masalalari bilan shug‘ullanadigan tashkilot, ya‘ni "Suv ta‘minoti" MChJ esa aholining ichimlik suvi uchun to'lovlarini yig'ib olsa-da, infratuzilma holatini ta‘mirlash yoki unga xizmat ko'rsatish bo‘yicha hech qanday ish olib bormayotganligi ta‘kidlanmoqda.

Mazkur vaziyatda aholi mahalliy hokimiyat va tegishli tashkilotlardan izoh hamda tezkor va amaliy choralar ko'rishni kutmoqda. Ichimlik suvi mīnorasini ta‘mirlash orqali suvning isrof bo‘lishiga chek qo‘yilishi hamda aholini uzluksiz va sifatli ichimlik suvi bilan ta‘minlash imkoniyati yaratilib, mavjud muammo bartaraf etilishi mumkin."

@eltuzportali - muammolar yechimi!

1,388

Eltuz portali

03 Dec, 09:13

EP: "Ko'chamizda o'rdak boqsa bo'ladi"."Ekin tekin"ning 10 yillik muammosi

Andijon tumani "Ekin tekin" mahallasi "I.Yusupov" ko'chasidan murojaat qilyapman.Bizning mahalla yo'llari 10 yildan buyon mana shu ahvolda.Ko'chamizga taksi charisak "Yomon yo'l" deb kelmaydi.Yoshi katta insonlar yomg'ir yoqsa,juda qiynaladi.Bolalar maktabdan loy bo'lib qaytishadi.Bu muammoni hokimlikka ariza bilan olib chiqdik,lekin natija bo'lmadi.Mana shu muammoni tuman hokimligi ko'rib,amaliy ish qilib berar degan umidda murojaat qilyapmiz.Mas'ullar bir "Ekin tekin"ga kelib keting

@eltuzportali - muammolar yechimi!

1,699

Eltuz portali

02 Dec, 11:31

EP: "Hurmatli Eltuz kanali administratorlari,

Sizlardan iltimos, quyidagi murojaatimizni ommaga yetkazishda yordam bering. Andijon viloyati, Shahrixon tumani, Besh Yulduz (Shoshilinch shifoxona) dagi UZI (UTT) xonasi xamshiralari hech qanday rasmiy buyruqlarsiz boshqa bo‘limlarga o‘tkazib yuborildi.

Shu vaqtning o‘zida UZI (UTT) xonasi shoshilinch bemorlarga to‘lib-toshgan. Aholi o‘z vaqtida tibbiy yordam olish uchun qiynalmoqda. Bu holat odamlarning hayoti va salomatligi uchun xavf tug‘dirayotgani hech kimni tashvishga solmayapti.

Iltimos, ushbu videoni tarqatib, mas’ullarni bu muammo yechimiga e’tibor qaratishga undashda yordam bering. Shoshilinch yordamga muhtoj bemorlar e’tibordan chetda qolmasligi kerak!

Hurmat bilan,
Shahrixon aholisi."

@eltuzportali - muammolar yechimi!

1,919

Eltuz portali

02 Dec, 10:11

EP: "Chortoqdagi ko‘prik muammosi: Aholi loy ko'chadan yurishga majbur bo'lmoqda"

Hurmatli Eltuz kanali administratorlari,

Shu murojaatimizni Prezident va yuqori lavozimdagi mas’ullarga yetkazishda yordam bersangiz. Mana, bir oydan oshdi, Namangan viloyati Chortoq tumanidagi GES yaqinidagi ko‘prik buzilgan, lekin hanuzgacha ta’mirlanmadi. Bir oydirki, hech kim ishni boshlab berayotgani yo‘q. Aholi esa loyli ko‘chalarda qiyinchilik bilan harakatlanmoqda.

Tuman hokimi masalaga befarq bo‘lib, hech qanday chora ko‘rmayapti. Namangan viloyati hokimi ham bu holatga e’tibor bermayapti. Mazkur ko‘prik Chortoq sanatoriyasi va tumanimizdagi Balikko‘l, Uvays Qaraniy kabi ziyoratgohlarni bog‘lovchi muhim ko‘prik edi.

Prezident turizmni rivojlantirish haqida gapiryapti, lekin bu faqat qog‘ozda qolib ketmayaptimi? Hokim o‘zi Chortoqdan ekaniga xursand bo‘lgan edik, ammo Chortoq uchun amalda hech narsa qilmadi. Mana, holatni o‘zingiz ko‘rib baho bering.

Mutasaddi rahbarlardan iltimos qilamiz: bu muammoni imkon qadar tezroq hal etib, ko‘prikni ta’mirlash ishlarini boshlashsin. Ayniqsa, qish kunlarida yo‘llarimizni osonlashtirishga yordam berishsin!

Murojaatimiz befarq qolmasligi uchun sizdan yordam so‘raymiz!

Hurmat bilan,
Chortoq aholisi."

@eltuzportali - muammolar yechimi!

1,826

Eltuz portali

02 Dec, 05:30

EP: “Ayrim ko‘chalarda piyodalar yo‘lagi qolmadi”

“Samarqand shahridan murojaat yo‘llayapman. Shahardagi ayrim ko‘chalarda piyodalar yo‘lagi – trotuar qolmadi. Gidromelioratsiya texnikumi ichidayam qurilish bo‘lyapti, hech kimning ishi yo‘q. Piyodalar xavfsizligi uchun trotuardan yurishi kerak-ku! Hokimlik piyodalar yo‘lagi masalasiga e’tibor qaratsa yaxshi bo‘lardi”.

@eltuzportali - muammolar yechimi!

1,735

Eltuz portali

02 Dec, 03:40

EP: Buloqboshida qonunga tupirgan direktor

"Men Buloqboshi tumanida joylashgan 46-IDUMdan murojaat qilmoqdaman.Bizning maktabda qonun buzilishi bo'lmoqda.46-IDUM direktori maktab hududiga ekilgan 60 dona terakni kesib uyiga olib ketdi.Maktab hovlisiga ekilgan teraklarni o'ziniki qilib olgandi.Bu harakatga na maktab xodimlari,na biror bir tuman mas'ul xodimi e'tibor beradi.Maktab mulki talon-taroj bo'laversa,hech bir o'qituvchining ishonchi ham qolmas ekan.Mana shu holat tegishli organlarga yetib borsin."

@eltuzportali - muammolar yechimi!

1,736

Eltuz portali

01 Dec, 12:01

EP: Zavurga tashlanayotgan chiqindilar aholining salomatligiga zarar yetkazmoqda

"Andijon viloyati, Shahrixon tumani, Beshmahalla qishlog‘idan murojaat:

Ilgari hududimizdagi zavur toza va tiniq bo‘lgan. Ammo bugungi kunda zavurga korxonalar chiqindilarini tashlamoqda. Natijada suv o‘rniga qonga o‘xshash suyuqlik oqmoqda. Bundan tashqari, yoqimsiz hid sababli mahallada kechki payt o‘tirishning imkoni yo‘q.

Bu holat nafaqat atrof-muhitga, balki aholining sog‘lig‘iga ham salbiy ta’sir ko‘rsatmoqda. Hurmatli mas’ullar, vaziyatni nazoratga olib, muammoga yechim topishingizni so‘raymiz."

@eltuzportali - muammolar yechimi!

1,739

Eltuz portali

01 Dec, 10:00

EP:Oltiariqdagi 51-uy muammolari: hal qilinmagan gaz, suv va kanalizatsiya masalalari

"Andijon viloyati, Oltiariq tumani, Ittifoq MFYdagi 51-uy qurilganidan beri muammolar bitmagan.

Gaz va suv ta’minoti: Gaz Ittifoq mahallasidan noto‘g‘ri ulanishi sababli, bu kungacha "dom" aholisiga gaz yetkazib berilmagan. Artizan suvi esa minoraga ulanmagan.

Nosoz hisoblagichlar: Elektr va gaz hisoblagichlari sifatsiz holatda o‘rnatilgan.

Kanalizatsiya: To‘lib-toshib ketgani sababli, podvalda yashovchi qo‘shnilar uylarini tashlab ketishga majbur bo‘lishgan.

Hurmatli mas’ullar, aholining hayot sifatini yaxshilash maqsadida tezkor choralar ko‘rishingizni so‘raymiz."

@eltuzportali - muammolar yechimi!

1,746

Eltuz portali

01 Dec, 08:01

EP: Shovot tumani Kumyop mahallasidagi yo‘lning ahvoli og‘ir

"Kumyop mahallasida uzunligi bor-yo‘g‘i 200 metr bo‘lgan yo‘l achinarli ahvolda. Bu zamonaviy yo‘lmi yoki "ettillik yuk"mi? Hozirgi kunda bunday yo‘llar faqat e'tiborsiz qolgan mahallalarda uchraydi.

Mas'ullar diqqatiga! Mahallamiz yo‘lini zamonaviy talablarga javob beradigan holga keltirish va aholi uchun qulaylik yaratish zarur."

@eltuzportali - muammolar yechimi!

2,660

Eltuz portali

01 Dec, 06:01

EP: Bank omonatchilarining muammosi hal etilishi kerak!

"Assalomu alaykum, "Eltuz" portali. Biz, bir guruh Surxondaryoliklar, 2020-yildan beri Jarqo‘rg‘on tumanidagi Brend Komminite Bankidan omonat mablag‘larimizni ololmayapmiz. Barcha qilgan harakatlarimiz afsuski, natijasiz qolmoqda.

Sizlardan iltimos, ism-familiyam va manzilimni sir tutishingizni so‘rayman!
Surxondaryo viloyati, Qiziriq tumani, Zarbdor mahallasi.."

@eltuzportali - muammolar yechimi!

1,911

Eltuz portali

21 Nov, 09:55

EP: “Tozahudud qayerga qarayapti? 1 oydan beri axlat bosib ketdi“

Andijon shahar, “Ermatov“ koʻchasida yashaymiz. Bu yerda 1 ta dom va domni roʻparasida masjid joylashgan.

Domda yashovchi aholi toza hududga aʼzo boʻlib toʻlovlarni toʻlab kelmoqda. Lekin shu yerdagi aholi domni oldidagi axlat tashlash joyiga oʻzlarini musurlarini tashlab ketishi va toza hudud bu yerdagi musurlarni salkam 1 oydan beri olmayotgani aholiga noqulaylik tugʻdiryapti.
Buni Hal qilishda amaliy yordam berishingizni soʻrayman

@eltuzportali - muammolar yechimi!

888

Eltuz portali

21 Nov, 05:02

EP: “YOMG‘IR YOG‘SA YOG‘SIN, ILTIMOS, KASBIDAGI DENOVGA YOG‘MAY TURSIN...”

"Ta'lim muassasasidan boshlanayotgan madaniyatga o'zingiz guvoh bo'ldingiz. Shu maskanda mening bolalarim tarbiyalanishyapti.

Bahor va kuz keldi. Yomg'ir yog'di deguncha, yuragimizni g'ashlik bosadi. Bolalar bog'chaga borayotganda yoki qaytayotganda yiqilib, surilib, ust-boshi bir ahvolda kelishadi. Mas’ullar yomg'irdan so'ng qishloq ko'chalarini borib tomosha qilishsa yoki farzandlarini shu bog'chalarga qo'yishsa, ehtimol, vaziyatni o'zlari his qilishardi. Bahonada yo'llar ta'mirlanar edi...

To‘g‘risi, befarqlikdan charchadim. Yana 1-2 yildan keyin farzandlarim maktabga chiqishadi. Ammo, elning bolalari-chi?

Yozda ko‘chamizga suv tarmog‘i o‘tkaziladi deyishdi. Xalq xursand bo‘ldi. Lekin yoz davomida shunday kavlashdi-ki, chang-to‘zon sabab uyimizda chang yutmagan tirik jon qolmadi. "Mayli, suv chiqsa bo‘ldi", deb sabr qildik. Shu bilan birga, yo‘llar ham ta’mirlanar deb umid qilgandik.

20-30 yil avval qilingan asfaltning qoldiqlari ham bizga xizmat qilayotgandi. Ammo hozir yomg'ir yog'gan zahoti qishloqning markaziy ko‘chalari ko‘zga ko‘rinib qolgan bu ahvolda. Ichki yo‘llar, bog‘chalarga olib boradigan yo‘llar haqida-ku, gapirishning o‘zi ortiqcha.

Yo‘llar ta’mirlanishidan umid ham qilmayapmiz. Faqat mas’ullarga yetkazib qo‘ying: balki yomg‘irni to‘xtatish chorasini topishar..."

@eltuzportali - muammolar yechimi!

1,091

Eltuz portali

21 Nov, 03:30

EP: Gulshanobodning chiqindixonasi qachon bartaraf etiladi?

"Assalomu alaykum, Eltuz jamoasi.

Buxoro viloyati, Buxoro tumani, Gulshanobod mahalla fuqarolar yig‘ini, Jonbobo ko‘chasi juda achinarli ahvolda. Ko‘cha boshidan oxirigacha chiqindixonaga aylangan. Mahalla va obodonlashtirish bo‘limi mas'ullari bunday holatga befarq qarashmoqda. Iltimos, tuman hokimligi ushbu muammo yechimi uchun e'tibor qaratib, ko‘chaning tozaligini ta'minlashda amaliy yordam bersin."

@eltuzportali - muammolar yechimi!

1,258

Eltuz portali

20 Nov, 13:12

EP: Andijonlik fuqarolar issiqlik tizimi muammosidan norozi

"Assalomu alaykum, jonkuyar ELTUZ jamoasi!

Sizlarga Andijon shahar 2-mavze, 35-uy fuqarolari nomidan murojaat qilmoqdamiz!

Bizning uylarga joriy yil boshlarida markazlashgan issiqlik tizimiga ulanish maqsadida har bir xonadonga radiatorlar o‘rnatilgan edi. Biroq, mana, qishning sovuq kunlari yaqinlashib kelgan bo‘lsa-da, hali ham markazlashgan issiqlik ta’minotiga ulanishdan darak yo‘q. Aksariyat 2-mavze uylarida hozirda tizimlar ulanib, isitish ishlamoqda.

Biz bu masalada murojaat qilsak, "quruvchi yo‘q, quruvchini topish kerak", degan turli bahonalar aytilmoqda. Axir, biz quruvchini yollamagan bo‘lsak, uni qayerdan topib beramiz? Agar quruvchilar ishni to‘liq bajarmagan bo‘lsa, fuqarolarning nima aybi bor? Bunga javobgar hech qanday mas’ul tashkilot bormi yoki yo‘qmi?

Sizlardan iltimos, mazkur masalani nazorat qiluvchi organlarga yetkazishda amaliy yordam ko‘rsatishingizni so‘raymiz. Sizlar bu muammoni yoritib bermasangiz, xalq ichiga kirmagan Andijon shahar hokimiyati rahbarlari bu 2-mavze, 35-uyda yashovchi 64 ta xo‘jalikning ahvoli, qishda qanday yashashi va ishlamaydigan odamlar elektr energiyasi limiti bilan qanday to‘lovlarni qoplashi haqida bilmay yuraveradi.

Hurmat bilan, 2-mavze, 35-uy fuqarolari."

@eltuzportali - muammolar yechimi!

1,419

Eltuz portali

20 Nov, 05:00

EP: “Simyog‘och o‘rnatilganiga bir yil bo‘ldi, lekin simdan darak yo‘q”

“Andijon viloyati Jalaquduq tumani Qorayontoq MFY Oybuloq ko‘chasidan yozyapmiz. Elektr energiya uchun ustun qo‘yib berishgandi. 10 kunda sim tortib qo‘yamiz deyilganiga, mana, 1 yil bo‘ldi. Endi omborda sim yo‘q deyishyapti. Bir yildan beri sim kelmaydimi? Covuq kunlar kelib qoldi. Tok quvvati past, ba’zilar narigi mahalladan sim olib o‘tib chiroq yoqib o‘tiribdi. Iltimos, elektr simlarini ulab berishsin”.

@eltuzportali - muammolar yechimi!

1,522

Eltuz portali

20 Nov, 03:30

EP: “Katta yo‘l yoqasiga mashinalarda chiqindi olib kelib tashlanyapti”

“Buxoro viloyati Kogon tumani Xo‘ja Yakshanba qishlog‘idan murojaat yo‘llayapmiz. Katta yo‘l, trassa yoqasiga har kuni mashinalarda chiqindi olib kelib tashlashyapti. Bu yerdan katta zaxkash o‘tgan. Holatga mutasaddilar, xususan, ekologiya idorasi e’tibor qaratishini so‘raymiz”.

@eltuzportali - muammolar yechimi!

1,514

Eltuz portali

19 Nov, 10:10

EP: “Noxush hidga chidab bo‘lmaydi”

“Surxondaryo viloyati Jarqo‘rg‘on tumani markaziy dehqon bozori ro‘parasidagi Inmart do‘koni yonidagi beton ariqlar holati o‘ta yomon. Undan chiqayotgan badbo‘y hidga chidab bo‘lmaydi. Mutasaddi tashkilotlar bu holatga e’tibor berishlarini so‘rab qolamiz”.

@eltuzportali - muammolar yechimi!

1,548

Eltuz portali

19 Nov, 09:00

EP: “Shoshilinch tibbiy xizmat markazida toza suv isrof bo‘lmoqda”

“Jizzax viloyati markaziy shoshilinch tibbiy xizmat markazi hovlisida jo‘mrak nosozligi sababli suv isrof bo‘lmoqda. Xo‘jalik ishlariga mas’ullar bunga e’tibor bermayaptimi?
Hozir o‘t va daraxtlarni sug‘orish shart emas, kuzgi yog‘ingarchiliklar yerni yetarli namlik bilan to‘yintirgan.
Toza ichimlik suv bu yerga yetib kelguncha qancha tozalash jarayonidan o‘tadi, ko‘pchilikning mehnati singadi, bosim bilan kelishi uchun unga elektr quvvati sarflanadi. Kun davomida tonnalab suv isrof bo‘lmoqda. Holatga e’tibor qaratilishini kutyapmiz”.

@eltuzportali - muammolar yechimi!

1,445

Eltuz portali

19 Nov, 07:51

EP:“1000 ga yaqin aholi ichimlik suvsiz aziyat chekmoqda”

“Samarqand viloyati Payariq tumani Tohirshayx mahallasi Qipchoq qishlog‘idan murojaat qilyapmiz. Qishlog‘imizdagi 1000 ga yaqin aholi ichimlik suvsiz aziyat chekmoqda. Bizlarda ilgari doim suv bo‘lib kelgan. Suv kelmay qolganiga sabab esa tuman suv idorasi mas’ullarining egallab turgan lavozimiga munosib emasligidir. Holat yuzasidan amaliy ko‘mak berilishiga ishonamiz”.

@eltuzportali - muammolar yechimi!

1,423

Eltuz portali

18 Nov, 10:30

EP: "Shovot tumanidagi axlat muammosi: Javobgarlik kimga tegishli?"

"Xorazm viloyati Shovot tumani chiqindixonaga aylandi. Bunga kim javob beradi? Shovot tumani hokimini esa Ekoklaster tashkiloti oldida tili qisiqmi?

Videoda Shovot tumani buyum va dehqon bozoridagi ahvol. Tumandagi 55 ta mahallada ahvol bundan ham battar. Vazirlar Mahkamasining 95-sonli qarorida ko'p qavatli uylar har kuni, mahallalarda esa uch kunda bir marta musor olib chiqib ketilishi kerak. Vaholanki, ayrim mahallalarda 2 oydan beri olib ketilmayapti"

@eltuzportali - muammolar yechimi!

2,195

Eltuz portali

17 Nov, 10:13

EP: “Piskentdagi poligonda uzun navbatlar yuzaga kelyapti”

“Yaqindan boshlab import mashinalarga sertifikat talabi qo‘yildi. Har bir yangi import mashina Toshkent viloyati Piskent tumanidagi poligonda sinovdan o‘tkazilishi kerak ekan. Poligon Toshkentdan 60-70 km uzoqda joylashgan. Bu yerda uzun navbatlar yuzaga kelyapti. Bir haydovchi akamiz kechqurun soat 12 da kelib, mashinasida tunab qolibdi. Bu bo‘yicha biror chora ko‘rilmasa bo‘lmaydi...”

@eltuzportali - muammolar yechimi!

872

Eltuz portali

16 Nov, 12:01

EP: Shahrixonning xavfli yo‘li

"Andijon viloyati Shahrixon-Qo‘shtepa yo‘liga qalin tuman tushgani sababli yo‘lda, yo‘l chiziqlari chizilmaganligi bois avariya holatlari kelib chiqmoqda. Bu yo‘ldan ko‘plab mashinalar harakatlanadi. Kechqurun yo‘ldan yurish juda xavfli. Mas‘ullar mana shu muammoga e‘tibor berishlari kerak. Chiroqlar bilan yoritilmagani uchun ham juda qorong‘u. Biror insonni urib yuborish ham hech gap emas. Tegishli idoralar buni nazoratga olib, amaliy ishlar qilishlari lozim."

@eltuzportali - muammolar yechimi!

1,392

Eltuz portali

16 Nov, 10:01

EP: Dangara tumanida chiqindilar yigirma kundan beri olib ketilmayapti

"Assalomu alaykum, Eltuz.
Biz, Farg‘ona viloyati, Dangara tumani, Aravon MFYdan murojaat yo‘llayapmiz. Toza hudud dasturi bo‘yicha muammo bor.

Chiqindi mashinasi o‘z vaqtida kelmayapti, mana 20 kun bo‘ldi, hali kelgani yo‘q. Xohlagan vaqtda — kechqurun yoki kunduzi keladi. Ilgari har 10 kunda kelardi, lekin aniq kuni yo‘qligi sababli darvoza oldiga chiqindi qo‘yishning iloji bo‘lmayapti. Mahalla bilan gaplashdik, ular 2025-yildan shartnomani bekor qilmoqchi ekanliklarini aytishdi. Mahalla ahli bundan norozidir, bunday xizmat bizga kerak emas. Shaharda esa chiqindi haftasiga olib ketiladi. Aravon MFY aholisi bunday xizmatdan norozi."

@eltuzportali - muammolar yechimi!

1,331

Eltuz portali

16 Nov, 08:02

EP: G‘ijduvon yoshlarining gaz ta’minoti masalasidagi murojaati

"Assalomu alaykum.
Biz, G‘ijduvonlik yoshlar, sizga murojaat qilmoqdamiz. G‘ijduvon tumanidagi Yangi O‘zbekiston massivida uy olganmiz. 8 oydan beri uyning kreditini to‘lab kelmoqdamiz, lekin hali ham gazimiz ulanib berilmagan. Issiqlik ham yoqilmadi. Hozirda o‘zim ijarada turaman, kuchamiz desak, sharoit yo‘q. Gaz idorasidan Nurillo ismli gazchini chaqirganimiz bilan kelmaydi. Kimga dodimizni aytishni bilmay hayronmiz."

@eltuzportali - muammolar yechimi!

1,229

Eltuz portali

16 Nov, 06:00

EP: "Xorazmda nafaqa to‘lovlari masalasidagi adolatsizlikka e’tibor qaratilsin"

"Hurmatli Eltuz portali xodimlari, sizlardan iltimos, ushbu murojaatimni yoritib bersangiz. Nevaralarimning nafaqa pulini qonunga xilof ravishda to‘xtatishdi.

Men, Abdikarimov Rustamboy, Xorazm viloyati, Bog‘ot tumani, Bog‘zor MFY, Faollar ko‘chasi, 112-uydan murojaat qilyapman. Joriy yilning 8-noyabr kuni tuman Ijtimoiy himoya yagona reyestriga hujjat topshirish uchun bordim. Ammo u yerdagi xodimlar hujjat topshirishingizga ruxsat yo‘q, qabul qilinmaydi, deb aytishdi. Sababini so‘raganimda, nomimda mashina borligi sababli 6 oygacha hujjat topshirish taqiq qo‘yilganini tushuntirishdi. Men bu qarordan norozi ekanligimni bildiraman. Mening nomimdagi mashinaning nevaralarimning nafaqa puliga qanday aloqasi bor? Mashina mening nomimda va undan faqat men foydalanaman. O‘g‘illarim Rossiya davlatiga ketgan, u yerda mehnat faoliyatini davom ettirishmoqda.

Ushbu murojaatimga e’tibor berishingizni so‘rayman. Hurmatli Prezidentimiz Shavkat Mirziyoyev Miromonovichdan amaliy yordam so‘rayman."

@eltuzportali - muammolar yechimi!

1,246

Eltuz portali

16 Nov, 04:01

EP: Namangan shahrida piyodalar yoʻli ta'mirtalab

"Namangan viloyati, Namangan shahar, Alisher Navoiy koʻchasida 1 yil oldin qazilgan piyodalar yoʻlining holati haligacha tiklanmagan. Har kuni shu yoʻldan ishga va bolalar bog'chasiga qatnaymiz, lekin ayniqsa yomgʻirli mavsumda bu yoʻldan yurish juda qiyin. Mas’ullarni ushbu muammoni bartaraf etishlarini soʻrab iltimos qilamiz!"

@eltuzportali - muammolar yechimi!

1,395

Eltuz portali

15 Nov, 13:13

EP: Elektr kabellari sababli yong'in xavfi yuzaga keldi

"Xorazm viloyati Qo'shko'pir tumani Durdona mahallasida o'rnatilishi kerak bo'lgan elektr kabellari devorga mahkamlangan va ushbu elektr kabellardan yong'in kelib chiqdi. Uy yonib ketishiga bir baxya qoldi."

@eltuzportali - muammolar yechimi!

1,457

Eltuz portali

15 Nov, 08:01

EP: G‘allaga mo‘ljallangan yerda noqonuniy qurilish: Fuqarolar tashvishda

"Assalomu alaykum, hurmatli Eltuz admini.

Namangan viloyati, Chortoq tumani, Ora-Ariq MFY, Bag‘ish ko‘chasida joylashgan Ergashho‘ja Musayev fermer xo‘jaligiga tegishli bo‘lgan, g‘allachilikka mo‘ljallangan 15 gektar yer maydonida o‘zboshimchalik bilan uy-joy qurilishi amalga oshirilmoqda.

Bu holatni nazorat qiladigan prokuratura yoki hokimlik bormi? Agar bu davom etsa, oziq-ovqat xavfsizligi qanday ta‘minlanadi? Aholi bunday vaziyatdan tashvishda va davlat organlarining sukut saqlashi fuqarolarni yanada xavotirga solmoqda. Ushbu masala yuzasidan rasmiy ma‘lumot kutib qolamiz."

@eltuzportali - muammolar yechimi!

1,565

Eltuz portali

15 Nov, 06:30

"Toshkent shahri Yangi hayot tumani yangi darxon mahallasi ichki yoʻllari taʼmirtalab, achinarli ahvolda. Koʻchalarimiz talab jarayoniga javob bermaydi."

@eltuzportali - muammolar yechimi!

1,589

Eltuz portali

15 Nov, 04:59

EP: “Direktor obuna uchun maoshimizdan 200 ming so‘mdan olib qoldi”

“Samarqand viloyati Toyloq tumanidagi 30-IDUMdan yozmoqdamiz. Direktorimiz biz o‘qituvchilarga bosim o‘tkazib, 2025 yil obunasi uchun majburan maoshimizdan 200 ming so‘mdan naqd pul shaklida olib qoldi. Holbuki, biz obuna uchun rozimiz deb ariza yozmaganmiz. 5-sinfdan 11-sinfgacha o‘quvchilardan ham har bir sinfdan 250 ming so‘mdan obuna uchun yig‘ib oldi.
“Tekshiruvchi kelib, maktabning 13 nafar o‘qituvchining 2023-2024 o‘quv yili ustama hujjatidan xato topdi, tekshiruvchiga 200$ berdim, bir oylik maosh ustamaci miqdorida pul berasan” deb bosim o‘tkazmoqda.
Direktor har bir o‘qituvchidan tuman kasaba uyushmasi va tuman ma’rifatparvarlar uyushmasi uchun maoshimdan 1 foiz miqdorida olib qolishingizga roziman degan mazmunda ariza ham yozdirib oldi. Mutasaddilar holatga e’tibor qaratishini so‘raymiz”.

@eltuzportali - muammolar yechimi!

1,597

Eltuz portali

15 Nov, 03:30

EP: O‘qituvchilar majburiy obunaga jalb qilinmoqda

"Assalomu alaykum, “Tuz og‘a”.

Biz Jizzax politexnika institutida ishlaymiz. Murojaatimiz shundan iboratki, o‘qituvchilar “Jizzax haqiqati” gazetasiga majburiy ravishda obuna qilinmoqda. Bir shtat birligida ishlaydigan o‘qituvchilar uchun obuna narxi 696 ming so‘mni tashkil etadi va bu summa bir yillik obuna uchun bir yo‘la to‘lanishi talab etilmoqda.

Biz ushbu to‘lovni ikki qismga bo‘lib to‘lash imkoniyatini so‘raganimizda, bu taklif qabul qilinmadi. O‘qituvchilar ilmiy jurnallarga obuna qilish taklifini esa jon deb qabul qilgan bôlardik, chunki bu bizning ilmiy faoliyatimizga yanada ko‘proq foyda keltiradi.

Hurmat bilan, Jizzax politexnika instituti o‘qituvchilari."

@eltuzportali - muammolar yechimi!

1,547

Eltuz portali

14 Nov, 06:28

EP: “Loy koʻchalardan yurib charchadik“

"Andijon viloyati, Shahrixon tumani, “Bahor“ MFY, Bahor koʻchasidan murojaat qilyapmiz.Bir necha yil oldin oʻzimizni oldimizdan pul yigʻib,remont qilgan edik.Keyin “Barcha mahallaga suv tushiriyabmiz“deb yoʻllarimizni kovlab rasvo qilib ketishdi. Bir ikki arizalar bilan hokimyatga chiqdik. Lekin baribir foyda boʻlmadi.Yomgʻir mavsumi kelishi bilan koʻchalarda yurib boʻlmaydigan ahvol yuzaga keladi. Qishda esa bolalarimiz ham maktabga borisholmaydi. Hokimimiz oʻzi qayerga qarayabdi. Sizlardan iltimos shu muammoyimizni hal qilib beringlar""

@eltuzportali - muammolar yechimi!

1,778

Eltuz portali

13 Nov, 06:30

EP: Pop tumanida sifatsiz qurilish va aholi noroziligi

"Assalomu alaykum hurmatli Eltuz jamoasi,

Sizga yana bir bor umid dunyosida Pop tumanidagi Yangio‘bad qishlog‘i fuqarolari nomidan murojaat yo‘llamoqdamiz. Ushbu murojaatimiz bo‘yicha tuman hokimligiga, prokuror Xursanali va boshqa mutasaddi tashkilotlarga so‘nggi 3 oy ichida bir necha bor murojaat qildik, ammo natija yo‘q!

Nihoyat, sizga qayta murojaat qilishga qaror qildik. Bizning qishlog‘imizga 20 yildan keyin e'tibor berildi, bu bizni xursand qildi, lekin quvonchimiz uzoqqa cho‘zilmadi. Qishlog‘imizga suv tortilgandan keyin beton simyog‘ochlar o‘rnatish ishlari "Samobul" MChJ firmasi tomonidan bajarilmoqda. Firmaning ish boshqaruvchisi o‘zini osmondagi kabi tutmoqda; ishonmasangiz, uning raqami: 993227085, gaplashib ko‘ring.

Dastur va loyiha bo‘yicha bajarilishi kerak bo‘lgan ishlar sifatsiz bajarilmoqda. Tumandagi barcha shu sohadagi ishlarni monopol qilib olgan firma mutaxassislar emas, balki ko‘chadan olib kelingan yollanma ishchilar orqali mas'uliyatsiz ravishda bajarmoqda. Betonlarni chuqur kavlab o‘rnatmayapti, ustiga-ustak yangi asfalt yo‘limizda ularni sudrab yurmoqda. Simyog‘ochlar allaqachon yoriqlar bilan to‘lgan. Firma ishining sifatsizligi haqida murojaat qilsak, hech bir tashkilotdan javob ololmadik. Sababini bilmaymiz; tumandagi xodimlarning aytishicha, bu firma Pop tuman hokimi Azam Sultonga tegishli bo‘lgani uchun hech kim chora ko‘ra olmaydi.

Hatto mahalla raislarimiz ham jim. Gapirsak ham foydasi yo‘q, deyishadi. Simyog‘ochlar ko‘chalarda ishlari yakunlanmasdan qiyshayib, aholi, maktabga qatnayotgan farzandlarimiz uchun xavf tug‘dirmoqda. Shuningdek, suv quvurlarini simyog‘och kavlash jarayonida yoriqlar paydo qilmoqda va ularni arzon usulda bolt-gaykalar bilan polietilen bilan o‘rab qo‘yishmoqda. Odamlarni hurmat qilmaydi. Axir, xalq puli hisobiga ish qilinayotgan bo‘lsa-da, go‘yo tekin hashar qilishga kelganday.

Hurmatli Eltuz jamoasi, iltimos, yana bir bor e'tibor bering!"

@eltuzportali - muammolar yechimi!

2,471

Eltuz portali

13 Nov, 05:01

EP: “Chiqindi tashlash uchun maxsus joy ajratilmagan, quti ham yo‘q”

“Jizzax shahri markazi bo‘lgan Zargarlik mahallasi bekatidagi ahvolga e’tibor qaratmoqchiman. Chiqindi tashlash uchun maxsus joy ajratilmagan, chiqindi quti ham yo‘q. Shu sabab hammayoqda chiqindi cochilib yotibdi. Mas’ullardan tozalikka e’tiborli bo‘lishlarini so‘rayman”.

@eltuzportali - muammolar yechimi!

511

Eltuz portali

13 Nov, 03:30

EP: “Kolodes”dan sizib chiqayotgan iflos suv uyimgacha kirib kelyapti”

“Qoraqalpog‘iston Respublikasi To‘rtko‘l tumanidan murojaat yo‘llayapman. “Kolodes”dan sizib chiqayotgan iflos suv uyimgacha kirib kelyapti. Devorlarim zaxlab ketgan. Devor qulab tushsa kim ta’mirlab beradi? Noxush hid, yoqimsiz manzara. Yosh bolalarim bor. O‘zim homiladorman. Iltimos, mutasaddilar sanitariya-gigiyena holatiga zid vaziyatni bartaraf etishsin”.

@eltuzportali - muammolar yechimi!

790

Eltuz portali

12 Nov, 06:30

EP: Buxoro shahrida issiqlik tizimi muammolari

"Assalomu alaykum, Eltuz jamoasi. Buxoro shahridan murojaat yo'llayapman. Murojaatim shundan iboratki, kanalizingizga buxorolik fuqaroning murojaatidan so'ng go'yoki issiqlik tizimi yoqilgandek bo'ldi, lekin umuman issiqlik yo'q. Uylarimiz sovuq, bu ham kamlik qilgandek, issiq suvdan loy aralash zang oqib kelmoqda. Suv uchun qo'yilgan nasos esa bir kunda ishdan chiqdi. 2 kundan buyon ahvol shunday.

Zangli suv bo'lsa ham yuzimizni yuvib olaylik desak, aksiga olib suv hatto iliq ham emas. Bizning sodda xalqimizning andishasini suiiste'mol qilish yaxshi emas. Zang ketsin deb 1 soat suvni ochib qo'ydim, lekin foydasiz. Hisoblagich esa pulni shiddat bilan hisoblab yotibdi. Bularni nazorat qiladiganlar bormi? To'g'risi, yozishga andisha qildim, lekin majbur bo'ldim."

@eltuzportali - muammolar yechimi!

2,275

Eltuz portali

12 Nov, 05:00

EP: Buvayda tumani Shoʻr mahallasida chiqindi muammosi

"Assalomu alaykum, hurmatli Bosh prokuror N.T. Yoʻldoshev. Biz, Fargʻona viloyati, Buvayda tumani, Shoʻr MFY aholisi nomidan murojaat qilmoqdamiz. Mahallamizda chiqindilarni har 15 kunda "Toza hudud" korxonasi olib chiqib ketishi kerak, lekin ular har doim 40 kundan oshgandan keyingina kelishadi. Bu sababli odamlarning chiqindilari ortib, mashinalari toʻlib qoladi deb, barcha chiqindilarni olib ketmasdan, qoldirib ketishadi.

Natijada, Shoʻr MFY koʻchalari axlatxonalarga aylanib bormoqda. Lekin, pul yigʻishga kelganda, ular barchadan muntazam ravishda toʻlov oladi. Nima sababdan biz toʻlov qilib ham chiqindi bosgan mahallada yashashimiz kerak? Biz "Toza hudud" tashkilotidan grafik boʻyicha har 15 kunda xizmat koʻrsatishni talab qilamiz."

@eltuzportali - muammolar yechimi!

1,499

Eltuz portali

12 Nov, 03:30

EP: Pop tumanida fuqarolar murojaatlari e'tiborsiz qolmoqda

Fuqarolar murojaatiga Pop tumanidagi tashkilotlar tomonidan yetarlicha e'tibor qaratilmayapti!

Bunga yaqqol misol sifatida, Pop tumani Qandiqon mahallasida qariyb 15 kundan beri oqib yotgan toza ichimlik suvini tuzatish uchun shaxsan o'zim 3 marta rasmiylarga murojaat qildim, ammo hech qanday natija bo'lmadi.

O'sha mahallada ishlayotgan "Yettilik" qayerga qarayapti? Nahotki, tegishli tashkilotlarga chiqish shunchalar qiyin bo'lsa? Bas endi, jadval to'ldirishni yig'ishtirib, amaliy ishlarni ham bajarishga o'taylik, hurmatli "Yettilik"dagilar!"

@eltuzportali - muammolar yechimi!

1,445

Eltuz portali

11 Nov, 07:09

EP: Davlat yerini o‘zlashtirayotgan fuqaroga chora bormi?

"Assalomu alaykum, Eltuz portali rahbariyati.

Bizlar, Samarkand shahar, Said MFY, Mingtut ko‘chasi 76-uydagi umumiy hovlilarda yashovchi aholi (taxminan 30 ta xonadon) murojaat qilmoqdamiz.

Yaqinda ko‘chib kelmoqchi bo‘lgan qo‘shni Suren ismli shaxs hududdan tashqariga chiqish maqsadida o‘zbilarmonlik bilan umumiy foydalanishdagi yerga chiqmoqda. Ushbu holat uch oydan beri davom etmoqda. Qo‘shnilar hammasi o‘zbilarmonlik bilan egallanayotgan hududga qarshi. Ammo bu holat Said MFY raisi va mahalla yettiligi bilan hamkorlikda qo‘llab-quvvatlanmoqda.

Nega yuqori tashkilot rahbarlari davlat yerini o‘zlashtirayotgan fuqarolarga nisbatan o‘z munosabatlarini bildirmaydi? (Bir necha bor murojaat qilganmiz). Iltimos, bu holatga nuqta qo‘yishga yordam berishingizni so‘raymiz."

@eltuzportali - muammolar yechimi!

1,588

Eltuz portali

11 Nov, 05:56

EP: Navoiyda issiq suv ta'minoti muammosi – fuqarolar murojaati

"Assalomu alaykum hurmatli Eltuz!

Men Navoiy shahridagi 10-mikrorayonda ko‘p qavatli uylardan birida yashayman. Mana bugun 10-noyabr, issiq suv o‘chganiga bir hafta bo‘ldi, va issiqlik ta'minotidan ham darak yo‘q. Biz yil davomida har oyda issiqlik uchun to‘lovlarni amalga oshiramiz, shunday ekan, fuqarolar majburiyatlarini vaqtida bajarayotgan bo‘lsa, mas'ullar ham o‘z vazifalarini vaqtida bajarishi kerak. Uyimizda yosh bolalarimiz va keksalarimiz bor. Bir uyni isitamiz degan maqsadda konditsioner va ikki uyni isitish uchun elektr pechka ishlatib, elektr energiyasi limitidan oshib ketayapmiz, bu esa oilaviy byudjetimizga zarar yetkazmoqda. Beton uylarda yashash juda sovuq bo‘lmoqda, bolalarimiz tez-tez shamollab, immunitetlari pasayib ketayapti. Bizni eshitadigan odam yo‘q. Murojaatim shunday qolib ketmaydi degan umiddaman. Oldindan rahmat."

@eltuzportali - muammolar yechimi!

1,893

Eltuz portali

10 Nov, 08:01

EP: Oqbo‘yri qishlog‘ida gaz ta’minoti muammosi

"Assalomu alaykum, Eltuz. Biz Farg‘ona viloyati Oltiariq tumani Oqbo‘yri qishlog‘i Qahramon MFYdan murojaat qilyapmiz. Murojaatimiz ijobiy hal bo‘lmadi.

Bizning qishloqda gaz umuman yonmayapti. Aholi gaz siqichlaridan foydalanishga majbur bo‘ldi. Sovuqda qishloq aholisi qiynalyapti. Viloyat va tuman hokimi, mahalla raisi, hududiy gaz rahbari, iltimos, qishlog‘imizga kelib, gaz muammosini hal qilib ketingizlar. Rahmat oldindan."

@eltuzportali - muammolar yechimi!

1,795

Eltuz portali

10 Nov, 06:00

EP: Andijon yo‘llari – xavfli chuqurlar haydovchilarni talvasa qilmoqda

"Andijon viloyati, Andijon tumani yo‘l ta’mirlash bo‘limiga murojaat. Andijon yo‘nalishidagi Teshiktosh va Paxtaobod tumanlariga olib boradigan yo‘llar juda yomon ahvolda bo‘lib, ko‘plab avariyalar sodir bo‘lmoqda. Haydovchilar chuqurlardan qochib o‘tishga harakat qilganda, yo‘l chetidagi chuqurlikka tushib ketish yoki qarama-qarshi mashinalar bilan to‘qnashib ketish xavfi yuzaga kelmoqda. Agar chuqurlardan qochib ulgurilmasa, mashina g‘ildiraklari shikastlanib, balonlar chiqqan holda qoladi va haydovchilar ko‘p mablag‘ sarflab ustaxonalarga murojaat qilishga majbur bo‘lmoqda.

Shu sababli, yo‘llarni ta’mirlash va xavfsizlikni ta’minlash bo‘yicha choralar ko‘rishingizni iltimos qilamiz."

@eltuzportali - muammolar yechimi!

1,556

Eltuz portali

10 Nov, 04:01

EP: Yoshlar ittifoqi tomonidan kredit asosida olingan uy xavf ostida – Kogon tumanidagi muammo

"Assalomu alaykum! Men Buxoro viloyati, Kogon tumani, "Taraqqiyot" MFY, Shodlik ko‘chasi, 2-ko‘p qavatli uyda istiqomat qilaman. Ushbu murojaatimning maqsadi – bizning yashash manzilimizdagi uyning bugungi kundagi holati juda ayanchli va xavotirli ekanligi haqida ma’lumot berishdir.

Biz ushbu uyni 2019-yilda Yoshlar ittifoqi tashkilotidan yoshlarga ajratilgan imtiyozli kredit asosida olgan edik. Hozirda esa 16 ta oila yashayotgan bu uy poydevorlari nurab bormoqda, uy ichkarisi va tashqarisidagi devorlarning yoriqlari esa kundan-kunga ko‘paymoqda.

Bu masalada yordam so‘ramoqchimiz. Hatto viloyat GSIN tashkiloti xulosasida uyning yashash uchun tavsiya etilmasligi aytilgan. Biz esa yiqilib borayotgan uyning kreditini to‘lashda davom etmoqdamiz. Ushbu uy davlat dasturi asosida qurilgan.

Yordam berishingizni so‘raymiz."

@eltuzportali - muammolar yechimi!

1,713

Eltuz portali

08 Nov, 08:00

EP: “Tuman markazidan Qizilqum MFYga olib boruvchi yo‘l ta’mirtalab ahvolda”

“Forish tumanidan yozmoqdamiz. Tuman markazidan Qizilqum MFYga olib boruvchi 18 km yo‘l ta’mirtalab ahvolda. Yo‘l salkam bir yildan buyon avtomashinalar harakati uchun talabga javob bermasa-da, mutasaddilar va’dalar berib, so‘zi ustidan chiqmay kelmoqda. Hududda elektr energiyasi ham ko‘p uzilib qolyapti. Chunki MFYga tortilgan katta kuchlanishli elektr tarmoqlari ta’mirtalab, MFY ichki elektr tarmoqlarida ham kamchiliklar yetarlicha. Mutasaddilardan amaliy harakat kutib qolamiz.”

@eltuzportali - muammolar yechimi!

699

Eltuz portali

08 Nov, 06:31

EP: “Gaz kamayib ketdi. Odamlar yana so‘rg‘ichlardan foylanyaptimi?”

“Farg‘ona viloyati Oltiariq tumani Oqbo‘yrа qishlog‘i Qahramon MFYdan murojaat qilyapmiz. Mana, sovuq kunlar kelyapti, lekin bizning qishloqda gaz muammo bo‘lib qoldi. Nima, odamlar yana gaz so‘rg‘ichlardan foydalanishga tushdimi? Viloyat, tuman mas’ullari, mahalla raisi, gaz korxonasi rahbari holatdan xabardormi?”

@eltuzportali - muammolar yechimi!

892

Eltuz portali

08 Nov, 05:01

EP: “Salkam 90 kundan beri gaz ballon olmadik”

“Samarqand viloyati Narpay tumani Barkamol MFYdan takror murojaat yo‘llayapmiz. Gaz ballon kelishi kechikayotgani haqida yozgan edik. 26 oktyabr kuni tuman gaz idorasi xodimi suyultirilgan gaz ballonni tarqatdi. Afsuski, yana mahalla aholisiga to‘liq yetmay qoldi. Salkam 90 kundan beri aholi uchun ballon yetkazib berilmadi. Bu ham yetmagandek, gaz idorasi xodimi o‘sha kuni qishloq ayollariga qo‘pol muomala qildi. Holat yuzasidan amaliy ko‘mak kutib qolamiz”.

@eltuzportali - muammolar yechimi!

1,085

Eltuz portali

08 Nov, 03:31

EP: "Jizzax shahrining qoq markazi, Zargarlik mahallasi bekati atrofi chiqindixonaga aylanib bormoqda.

Bu yerda chiqindi tashlash uchun hech qanday joy ajratilmagan."

@eltuzportali - muammolar yechimi!

1,150

Eltuz portali

08 Nov, 01:00

EP: Tuman hokimliklari mutaxassislarini qiynayotgan kechinmalari.

Hokimiyat xodimlarining ahvoli chindan ham achinarli, o‘rtacha 3-4 million so‘m oylik oladi, lekin zimmalariga juda katta vazifalar yuklatilgan. Dam olish kunlari ham ishlashadi, ish vaqti esa kech 23:00 gacha cho‘zilib ketishi mumkin. Ularning asosiy ehtiyojlarini ta’minlash uchun oylik yetarli emasligi tufayli, ba'zida noqonuniy yo‘llarga kirishga majbur bo‘lishlari ajablanarli emas.

To‘g‘risini aytganda, bu tizimda ishlash sharoitlari o‘nglanmas ekan, korrupsiyani yo‘q qilish juda qiyin bo‘ladi. Shu sababli, xodimlarning mehnat haqini oshirish, ish vaqtlarini odatdagi tartibga keltirish va ularga yetarlicha dam olish imkonini yaratish zarur. Bu nafaqat ularning o‘z ishlari bilan qoniqishlariga, balki tizimdagi halollikni mustahkamlashga ham katta yordam beradi.

Vakolati katta, zimmasidagi vazifalari esa sanog‘siz hokimiyat xodimlarining oyligini hech bo‘lmasa 8-9 million so‘mga ko‘tarish kerak. Ular nafaqat kunni, balki dam olish kunlarini ham ishlashga bag‘ishlaydi, mas’uliyat yuklari esa oddiy xodimdan ancha og‘ir. Shunaqa yuki katta ishdan so‘ng, hech bo‘lmasa o‘z ehtiyojlarini qondirishga yetadigan oylik olishga haqli-ku!

Na ish beruvchi na kadrlar bo‘limi boshlg‘i ular dardiga quloq solsaydi. Ishni talab qilish, ish vaqti tugagandan so‘ng to‘polon qilishi esa na qonunga, na mehnat kodeksiga, na Vazirlar Mahkamasining 595-son qaroriga muvofiq keladi. Ushbu qonun, kodeks, qaror faqat ish beruvchi foydasiga chiqarilganmi? Odam hayron qolasan. Haqing talab qilsan yozuvchiga chasan.

Samarqand viloyatining barcha tumanlarida oylik kam. Ishga boplgan talab yoqori. Ro‘zg‘or, mikroqarz, kommunal to‘lovlar, farzandlar uchun. Quyingchi bu oydan unisi oylikgacha qarz olib qarz berib yashaydi. Qatnab ishlayotgan xodimlar hatto puli qolmaganda tushluksiz ham utirgan kunlari bo‘lgan. Anomal qorli kunlarda kech soat 20:00 yoki 21:00 da uyiga ketishini tasavvur qiling.

@eltuzportali - muammolar yechimi!

1,217

Eltuz portali

07 Nov, 05:01

EP: “Ikki tumanni bog‘lovchi yo‘l yoqasi chiqindixonaga aylangan”

“Qashqadaryo viloyati Koson tumanidan murojaat yo‘llayapmiz. Yangiobod MFY Sanoat zonasi hududi, Kasbi va Koson tumanlarini o‘zaro bir-biriga bog‘lab turadigan yo‘l yoqasini ko‘rgan odamning beixtiyor ko‘ziga yosh keladi. Chunki gavjum hudud chiqindixonaga aylangan. Koson tumani hokimi, obodolashtirish mas’ullari bundan bexabarmi? “Yashil makon” umummilliy dasturi amalga oshirilayotgan paytda hududni tozalab qo‘yishsa bo‘lmaydimi?”

@eltuzportali - muammolar yechimi!

1,490

Eltuz portali

07 Nov, 03:44

EP: Sardoba bozori muammolari: Xaridorlar uchun yo'l qolmagan

"Namangan shahar Sardoba bozorining ichki ko'rinishi – arava tugul, xaridorlarga yurish uchun yo'l ham qolmagan. Savdogarlar o'rtalarni to'sib, ikki tarafga oq chiziq tortilganiga qaramay, bu qoidaga hech kim amal qilmaydi. Janob Bozorkom, chiziqdan tashqaridagi holatlarga alohida e'tibor qaratadimi? To'xtash joylari haqida gapirmasa ham bo'laveradi, ular puli uchun ijaraga berib yuborilgan. Bu holatlarni qaysi tashkilot nazoratga oladi – Soliqmi yoki Moliya idorasimi? Yana agar yong'in yuz bersa, ayniqsa, to'xtash joylarida, nima bo'ladi? Bozor boshqaruvchisi Shuxrat aka, yo'laklarni oching. Soliq va moliya organlari bu holatlarni ro'yxatga olmaganmi? Tekshiruv kelganida yo'llarni ochish shart emasmi? Yo'llarni hamma uchun bo'shatsinlar."

@eltuzportali - muammolar yechimi!

1,509

Eltuz portali

06 Nov, 12:10

EP: Qushbog‘ ko‘chasini asfaltlashda yordam so‘raymiz

"Assalomu alaykum, ELTUZ portali!

Biz, Qashqadaryo viloyati, Qarshi shahri, A. Navoiy mahallasi, Qushbog‘ ko‘chasidan murojaat qilmoqdamiz. Ko‘chamizda yomg‘ir yog‘sa, yurishning iloji bo‘lmay qoladi. Ko‘p joyga murojaat qildik, ammo natija bo‘lmadi. Sizdan iltimos, ko‘chamizni asfalt qilishda amaliy yordam berishingizni so‘raymiz.

Hurmat bilan, Qushbog‘ ko‘chasida yashovchi fuqarolar nomidan."

@eltuzportali - muammolar yechimi!

1,619

Eltuz portali

06 Nov, 09:40

EP: “Ikki tumanni bog‘lovchi yo‘l yoqasi chiqindixonaga aylangan”

“Qashqadaryo viloyati Koson tumanidan murojaat yo‘llayapmiz. Yangiobod MFY Sanoat zonasi hududi, Kasbi va Koson tumanlarini o‘zaro bir-biriga bog‘lab turadigan yo‘l yoqasini ko‘rgan odamning beixtiyor ko‘ziga yosh keladi. Chunki gavjum hudud chiqindixonaga aylangan. Koson tumani hokimi, obodolashtirish mas’ullari bundan bexabarmi? “Yashil makon” umummilliy dasturi amalga oshirilayotgan paytda hududni tozalab qo‘yishsa bo‘lmaydimi?”

@eltuzportali - muammolar yechimi!

1,690

Eltuz portali

06 Nov, 05:09

EP: “Yog‘ingarchilikda bu yo‘ldan yurib bo‘lmaydi”

“Surxondaryo viloyati Termiz shahri Majnuntol mahallasidan murojaat yo‘llayapmiz. Mahallamiz ko‘chasi abgor holatda. Yoz mavsumida chang bo‘lsa ham bir ilojini qilib ko‘chada yuramiz, lekin yog‘ingarchilik paytida buning iloji yo‘q. Yomg‘ir suvlari ko‘l bo‘lib, yo‘l to‘siladi. Piyodalar yo‘lagi umuman yo‘q. Yog‘ingarchilik mavsumida, ayniqsa, yosh bolalar, keksalar qiynalamiz. Bu masalada tuman hokimiyatiga bir necha bor murojaat qildik, lekin natija yo‘q. Surxondaryo viloyati hokimligidan amaliy ko‘mak so‘raymiz”.

@eltuzportali - muammolar yechimi!

1,715

Eltuz portali

05 Nov, 12:01

EP: Ta'mirdan keyin qolgan muammo: Yana xalq cho'ntagiga tushadimi?

"Assalomu alaykum, Eltuz!

Iltimos, yordamingiz kerak. Veolia - Energy Tashkent chiroyli qilib ta'mirlangan bolalar o'ynaydigan va mashinalar turadigan yerni qazib, daraxtlarni ko‘chirib, keyin esa yarimta qilib suvoq qilmasdan ketdi. Ularning yarimta qolgan ishlarini yana xalqning cho‘ntagidan qilish kerakmi? Tegishli tashkilotlarga yetkazinglar yoki o‘zlari kelib to‘liq ta'mirlasin. Daraxtlar va ko‘chatlarni joyiga o‘rnatsin, bog‘larni to‘g‘rilab, chetlarini betonlasin, suv quvurlarini ham ta'mirlasin. Qazilgan yer ustiga gazon olib kelib joylashtirsin. Oldindan rahmat!"

@eltuzportali - muammolar yechimi!

1,702

Eltuz portali

05 Nov, 10:51

EP: “Chiroq soatlab o‘chyapti...”

“Andijon shahridan murojaat yo‘llayapmiz. Chiroq tushlik payti o‘chgancha hali ham yonmadi, 6 soatdan beri shu ahvol. Yangibozor choyxonasida do‘stlar bilan qorong‘ida osh yeb o‘tiribmiz...”

@eltuzportali - muammolar yechimi!

1,601

Eltuz portali

05 Nov, 09:27

EP:“Zaharli tutun aholi salomatligiga xavf tug‘dirmaydimi?”

“Jizzax viloyati Gʻallaorol tumanidan murojaat yo‘llayapmiz. Hududimizdagi kaliy zavodidan zaharli tutun chiqyapti. Videoda 31 oktyabrdagi holat aks etgan. Bu aholi salomatligiga xavf tug‘dirmaydimi? Mutasaddilar, xususan, ekologiya idorasidan munosabat kutib qolamiz”.

@eltuzportali - muammolar yechimi!

1,706

Eltuz portali

04 Nov, 08:03

EP: Gullola ko‘chasida elektr muammosi

Andijon viloyati, Jalaquduq tumani, Qorog‘ul MFY, Gullola ko‘chasida yashayman. Bizning mahallaga beton ustunlar olib kelindi va ularni ham, kabellarni ham mahalla aholisi o‘z mablag‘i hisobidan sotib oldi. Lekin elektr tarmoqlari xodimlari 3 oydan beri ulashga vaqti yo‘qligini aytib, ishlarga kirishishmadi. Hozir ham eski yog‘och ustunlar o‘rnidan olinmagan, kabellar esa hali uylarimizga ulanmadi. Ko‘chalarimizga shag‘al (sheben) yotqizish kerak.

Transformator ham eski, qishda aholining soni ko‘pligi sababli kuchlanish kuchayib, tez-tez uzilishlar bo‘lyapti. Transformatorni kattaroq sig‘imli modelga almashtirish zarur.

Har safar mutasaddi tashkilotlarga murojaat qilamiz, ular esa doimiy ravishda “muammo bartaraf qilinadi” deyishadi, lekin amalda hech qanday o‘zgarish yo‘q."

@eltuzportali - muammolar yechimi!

1,868

Eltuz portali

01 Nov, 07:21

EP: "5 mln soʻmlik mikroqarz olishda koʻmak soʻraymiz”

“Namangan shahri Olvalizor MFYdan murojaat yoʻllayapmiz. 2024 yilda yangi ish oʻrinlarini tashkil etish va aholi bandligiga koʻmaklashish dasturi asosida oʻzini-oʻzi band qilgan shaxslar tadbirkorlik faoliyatini yoʻlga qoʻyishi va rivojlantirishi uchun 5 mln soʻm mikroqarz berish yoʻlga qoʻyilgan. Uni olish uchun mahalladagi hokim yordamchisi tavsiyanoma berishi kerak. Limit bor degan bahona bilan tavsiyanoma bermayapti. Mikroqarz olishda koʻmak soʻraymiz”.

@eltuzportali - muammolar yechimi!

1,232

Eltuz portali

31 Oct, 08:36

EP: Ko‘p qavatli uy hududida sanitariya va xavfsizlik muammolari

"Assalomu alaykum, hurmatli Eltuz portali xodimlari.

Biz Andijon viloyati Buloqboshi tumanidagi ko‘p qavatli uy aholisi murojaat yo‘llamoqdamiz.

M. Ismoiliy MFYda joylashgan ko‘p qavatli uylarda birinchi qavatlarning oldi taraflari o‘ralgan bo‘lib, turli hayvon va parrandalar (it, tovuq, qo‘y) boqilmoqda.

Hovli sanitariya-gigiyena talablariga javob bermaydigan darajada ifloslangan, hidiga chiday olmaymiz. 27-uy 3-xonadonda yashovchi qo‘shnimiz Galatova M. ismli ayol Ovcharka zotli it boqadi. Yoz davomida u it ko‘paytirish bilan shug‘ullandi, natijada ikki kattagina Ovcharka kuchukchasi qo‘shildi.

Hozirgi kunda MFYga, uchastka noziri va mahalla yoshlar yetakchisiga murojaat qildik, ammo hech qanday natija bo‘lmadi.

It kechki soat 20:00 dan keyin bog‘langan joyidan yechib qo‘yiladi. Tashqariga chiqishga qo‘rqamiz. Bir necha marta qo‘shnilarimizning farzandlari itning hujumiga uchradi. Bolalar o‘yingohida endi bolalar emas, balki Ovcharka kuchuklari sayr qilmoqda.

Galatova M. bir necha bor sudlangan, hozirgi kunda "Axloq tuzatish ishlari" buyicha Taza Hudud MChJda ishlayotgan edi, ammo endi u yerdan ham chiqib ketgan.

Sizlardan iltimosimiz, ushbu fuqaro itini hovlida emas, uy ichida boqqan holda saqlasin. Aholi xavfsizligi uchun itni hovlida saqlash bo‘yicha chora ko‘rilishini so‘raymiz."

@eltuzportali - muammolar yechimi!

1,662

Eltuz portali

31 Oct, 07:36

EP: Yo'lakdagi xavf: Ochiq qolgan teshik muammosi

"Assalomu alaykum! Toshkent shahar Bog'ishamol ko'chasidagi ahvol. 6 oydan oshdi, yozda trotuarni, odamlar qatnaydigon yo'lakni qazib ketishdi, lekin o'rni yopilmadi. Buning oqibatida kimdir yiqilib, jarohat olishi mumkin. Teshik ichiga axlat ham to'lib ketdi."

@eltuzportali - muammolar yechimi!

1,667

Eltuz portali

30 Oct, 11:50

EP: Suyultirilgan gaz ta’minotidagi muammolar

"Assalomu alaykum, Eltuz og'a!

Biz Namangan viloyati, Uchqorgon tumani, Shodlik va Fayziobod mahallalari fuqarolari.

Murojaatimizdan maqsad — yaqinlashib kelayotgan sovuq qish mavsumi oldidan suyultirilgan gaz bilan ta’minlanish masalasidagi muammolarni bayon etish.

Suyultirilgan gaz ballonlari yetkazib berilganiga 90 kundan oshdi. Mahallamizda tabiiy gaz uzilganda, Raygaz rahbari Saxobillo har 30 kunda ballon yetkazib berishini va’da qilgan edi. Biroq, uch marta 30 kun o‘tgan bo‘lsa-da, ballonlar hanuz yetkazib berilmagan.

Shuningdek, hozirda o‘tin zaxirasi yo‘q, elektr narxi esa qimmat. Bundan tashqari, oyiga 200 kVt limit ham belgilangan. Raygaz idorasiga borganimizda, “vagonlar kelmayapti” degan sabab ko‘rsatilmoqda. Shunday qilib, bu muammoni hal etishda ko‘mak so‘raymiz."

@eltuzportali - muammolar yechimi!

1,714

Eltuz portali

30 Oct, 10:42

EP: “Mahallamizni yarimi devor bilan toʻsilgan.Ularga kim chora koʻradi“

Andijon shahar “Safoiy MFY 1-tor koʻchasini Jasur ismli odam toʻsib olgan.Bu joydan farzandlarimiz va fuqarolarimiz koʻchani aylanib oʻtadi.Toʻsib olgan bu vallomat bor bunga na mahallani va MFY raisni gapi oʻtadi. Safoiy mahallasini shu odam kashf etgandek.Nima haqqi bor?Shuncha yildan beri chidab keldik iltimos Andijon shahar hokimiyati yoʻlni ochib berishlarini talab qilamiz.Bu yoʻlni kim toʻsib olganini Safoiy Mfy raisi javob beradi iltimos sizlardan yoʻlni ochib beringlar.

@eltuzportali - muammolar yechimi!

1,661

Eltuz portali

30 Oct, 04:01

EP: “Ko‘prik tezroq yangilanishini so‘raymiz”

“Qashqadaryo viloyati Dehqonobod tumani Chashmiron MFY Shashmiron qishlog‘idan murojaat yo‘llayapmiz. Hududimizda 2000 dan oshiq aholi istiqomat qiladi. Hududimizdagi ko‘prik achinarli ahvolda. Bir nechta bola shu ko‘prik sabab nogiron bo‘lgan, yana biri vafot etgan. Ko‘prik masalasida Qashqadaryo viloyati hokimiga bir necha marotaba murojaat qilganmiz. Viloyat hokimi tuman hokimiga topshiriq bergandi. Lekin tuman hokimi haligacha va’dasini bajarmadi. Hurmatli Prezidentimiz Shavkat Mirziyoyevdan amaliy yordam so‘raymiz”.

@eltuzportali - muammolar yechimi!

1,602

Eltuz portali

29 Oct, 08:01

EP: "Payariq tumanidagi mahalla uch oydan buyon gazsiz: Aholi adolatsizlikka chidolmayapti!"

"Hurmatli Eltuz jamoasi, sizlardan muammoni yoritib berishingizni so‘raymiz. Ushbu murojaatni Samarqand viloyati, Payariq tumani, Zarafshon mahallasi nomidan yozyapmiz.

Mahallamizga qariyb uch oy davomida suyultirilgan gaz ballonlari yetkazilmagan. Fuqarolar gaz ballonlari bo‘yicha SMS orqali xabarnomalar olmoqdalar, biroq amalda hech qanday gaz yetkazib berilmayapti. Shuningdek, o‘tkazilgan ballonlar talabga javob bermaydi: tozalanmagan, vazni kam va tez tugab qoladi. Avgust oyida olgan oxirgi ballonimiz bor-yo‘g‘i 10 kun yetdi. Aholining gaz ta’minoti o‘z vaqtida amalga oshirilmay, bu orqali ularning hayoti qiyinlashtirilmoqda.

Ushbu masala bo‘yicha yordam berishingizni so‘raymiz. Ism-familiyalarimizni sir saqlashingizni iltimos qilamiz. Oldindan katta rahmat."

@eltuzportali - muammolar yechimi!

1,838

Eltuz portali

29 Oct, 06:11

EP: Pastdarg‘omda maktab o‘quvchilari xavf ostida

Fuqarolar oila uchun tashkil qilingan piyodalar belgilari va zebralarni talab qilmoqda.

Samarqand viloyati, Pastdarg‘om tumanidagi 24-maktab darvozasi oldida yo‘l noqonuniy ravishda egallab olingan. Natijada, maktab o‘quvchilari asosiy yo‘l orqali chiqishga majbur bo‘lmoqda, bu esa transport harakatiga xalaqit berib, o‘quvchilarning hayotiga xavf tug‘diryapti. O‘qituvchilar va ota-onalar xavotirda. Ushbu joy maktab ma’muriyati va fuqaro o‘rtasidagi kelishuvga ko‘ra auksion orqali yengil konstruksiya sifatida rasmiylashtirilgan bo‘lsa-da, mustahkam bino sifatida qurilib egallab olingan.

Mazkur holat yuzasidan yuqori turuvchi rahbarlardan yo‘lni ochib, asl holatiga qaytarishni so‘raymiz."

@eltuzportali - muammolar yechimi!

1,835

Eltuz portali

29 Oct, 04:40

EP: Drenaj quduqlari ishlamayapti: Sirdaryodagi sizot suvlari qachon nazoratga olinadi?"

"Assalomu alaykum. Men Sirdaryo viloyati, Guliston shahrining Yangi bozor hududidagi ahvol bo‘yicha murojaat qilyapman. 2009-yildan buyon bu hududda ko‘plab yangi turar-joy uylari qurilgan. Uylar dala maydonida qurilgani sababli, atrofida ochiq kollektorlar mavjud bo‘lgan, bu esa yer osti suvlarini tartibga solishda muhim edi. Ammo, kollektorlar ko‘milib, tadbirkorlarga yer ajratilganidan so‘ng, hududda sizot suvlarining ko‘tarilishi yuzaga keldi va binolarning poydevorlari zaxlanmoqda.

2023-yilda mahalliy byudjet hisobidan ko‘milgan kollektor o‘rniga Yangi bozor hududiga bitta tik drenaj qudug‘i qurilgan, biroq uni qabul qiladigan tashkilot mavjud emas. Odatda bunday inshootlarni Suv xo‘jaligi vazirligi nazorat qiladi, ammo energiya sarfini kamaytirish maqsadida bu quduqlarni qabul qilishga ruxsat bermayapti.

Shunday holatda, kollektor tizimi ko‘milgani uchun sizot suvlarini nazorat qilish qiyinlashdi. Mahalliy aholi yomg‘irli mavsum boshlanishi bilan hovli va yo‘llarning suv ostida qolishidan xavotirda. Sizlardan yangi tik drenaj qudug‘ini mavsumiy foydalanishda ishga tushirishda yordam berishingizni so‘raymiz."

@eltuzportali - muammolar yechimi!

1,738

Eltuz portali

29 Oct, 03:20

EP: “Suv inshooti sabab uyimiz avariya holatiga tushib qoldi”

“Jizzax viloyatidan murojaat yo‘llayapman. Olti yil oldin ko‘p mashaqqatlar bilan uy qurib ko‘chib chiqqanmiz. Yonimizda katta mahallani suv bilan ta’minlaydigan inshoot bor. Shu inshoot sabab uyimiz avariya holatiga kelib qoldi. Qo‘shnilarning uyi ham zarar ko‘rdi. Qishda uyimiz qulab tushishi mumkin. Bemor onam bor, uni operatsiya qildirishimiz kerak. Bunday sharoitda uyimizga zarar yetkazilgani ortiqcha. Vakolatli idoralardan amaliy ko‘mak so‘raymiz”.

@eltuzportali - muammolar yechimi!

474

Eltuz portali

28 Oct, 08:47

EP: Jalaquduq tumanida ekologik holat: Axlat hidi va gaz muammosi

Assalomu alaykum, men Andijon viloyati, Jalaquduq tumani, Do‘stlik MFY ko‘p qavatli uylardagi aholi nomidan yozmoqdaman. Tuman "Toza hudud" tashkilotiga bir necha bor aytilishiga qaramay, ushbu uy yoniga axlat yashigini tashlab ketishmoqda. Axlatning hidi uy ichilarigacha kirib, kechalari itlar axlat oldida to‘planib, uxlatmaydi. Sanitariya holati abgor, ekologiya rasvo. Ushbu masalani yoritib bersangiz, zora tuman rahbariyati e'tibor qaratib, chekka hududga yordam bersa.

Yana, ushbu uyni sotishda gazlashtirilgan deb sotgan edi, lekin olganimizga 1 yil bo‘lyapti, gaz ulanmagan, trubalari yotibdi yerda. Uyni sotganlarni topib bo‘lmayapti. Shu masalada ham yoritib, yordam qilsangiz, iltimos."

@eltuzportali - muammolar yechimi!

1,480

Eltuz portali

28 Oct, 05:55

EP: “Avtoturargoh o‘rnida noqonuniy ravishda do‘konlar qurilyapti”

“Andijon viloyatidan murojaat yo‘llayapmiz. Bog‘ishamol ehtiyot qismlar bozorining avtomobil qo‘yishga mo‘ljallangan joyida noqonuniy do‘konlar qurilyapti. Avtoturargoh o‘rniga do‘konlar qurilishi sabab tirbandlik yuzaga kelyapti. O‘rtada kelishmovchiliklar ham kelib chiqyapti. Bozor tadbirkorlari nomidan mutasaddilar holatga e’tibor qaratishini so‘raymiz”.

@eltuzportali - muammolar yechimi!

1,439

Eltuz portali

26 Oct, 08:01

EP: “Mahallamizdan katta gaz quvuri o‘tgan, lekin bizda gaz yo‘q”

“Xorazm viloyati Qo‘shko‘pir tumani Durdona mahallasidan murojaat yo‘llayapman. Mahallamizdan katta gaz quvuri o‘tgan. Lekin mahalla ahli 2013 yildan buyon tabiiy gazdan foydalanmaydi. Yana bir gap. 15 km uzunlikdagi yo‘limiz ta’mirtalab holga kelgan. Yo‘l belgilari ham yaroqsiz ahvolda. Bu yo‘llardan tuman hokimi va prokurori o‘tadimi? Mutasaddilardan amaliy yordam kutib qolamiz”.

@eltuzportali - muammolar yechimi!

1,898

Eltuz portali

26 Oct, 06:01

EP: “Tok oʻynashi oqibatida elektr uskunalarimiz kuyib qoldi”

“Jizzax viloyati Sharof Rashidov tumani Jizzaxlik mahallasidan murojaat yoʻllayapman. 3 kundan beri elektr energiya quvvati 120 kVt boʻlib qolgan. Buning ustiga, tok oʻynab turibdi. Oqibatdagi uyimizdagi motor va suv isitgich aristonlar kuydi. Remont qilib olib kelsam, yana kuyib qolyapti. Elektr tarmoqlari korxonasi zararni qoplab beradimi?”

@eltuzportali - muammolar yechimi!

1,757

Eltuz portali

26 Oct, 04:01

EP: “Bozor maʼmuriyatining dehqonlarga qoʻyayotgan talabi qonuniymi?”

“Jizzax shahri Koʻkbozorda bu kabi janjallar odatga aylangan. Bozor maʼmuriyati nega dehqonlarga kun bermaydi? Ularning bu xatti-harakati, talabi qonuniymi? Bozorkomdan izoh talab qilamiz, mutasaddilardan esa yordam soʻraymiz”.

@eltuzportali - muammolar yechimi!

1,775

Eltuz portali

25 Oct, 08:59

EP: “Yomgʻir yoqsa,botib qolyapmiz“ Toʻqqizariqliklarga yordam zarur

"Biz Andijon shahar “Toʻqqizariq“ MFYda istiqomat qiluvchi fuqarolar nomidan murojaat qilmoqdamiz.

Murojatimiz mahallamizda asfalt qilish masalasida:
Biz bu borada bir necha bor murojaat qildik. Open byudjetda gʻolib boʻlsanglar qilinadi deyishdi.

Bizni koʻchada 24 ta xonadon mavjud, shu sababli “OPEN BYUDJET“ dasturida aholisi koʻp mahallalar bilan baxslasha olmayapmiz. Bunda gʻalaba qozonishimiz deyarli imkonsiz.

Koʻchamiz 170 metr atrofidagi qismi tamirga muxtoj iltimos amaliy yordam berishsin. Hokimlar bizni mahallani koʻrib ketsin"

@eltuzportali - muammolar yechimi!

1,825

Eltuz portali

24 Oct, 08:04

"Assalomu alaykum hurmatli Eltuz nashri.

Farg‘ona viloyati So‘x tumanidan murojaat qilmoqdamiz.

So‘x tumani 2-sonli maktabda Tashabbusli byudjet loyihasi bo‘yicha qurilish ishlari davom etmoqda. Ushbu qurilish ishlaridagi sifatsiz ishlar bo‘yicha Qurilish uy-joy vazirligiga murojaat qilganimizdan so‘ng Qurilish nazorat inspeksiyasidan xodim keldi. O‘rganish davomida devorni pardozlashdan oldin eski emulsiya ko‘chirilmagan. Loyihaga ko‘ra, smeta bo‘yicha to‘liq ko‘chirilishi kerak.

Qurilish nazorat inspeksiyasi xodimi, KKSXB DUK texnik nazoratchisi, MFY raisi va "Xushbaxti Suhrobzod" MChJ (podryadchi) vakili hamda fuqaro dalolatnoma tuzdilar. Qurilish nazorat inspeksiyasi xodimi sifatsiz bajarilgan ishlarni demontaj qilish ko‘rsatmasini berdi (17.10.2024).

Lekin maktabda qurilish ishlari eski holat kabi davom etmoqda. Ushbu podryadchi qaysidir amaldorning jiyani bo‘lgani uchun hech kim chora ko‘rolmayaptimi?

Ushbu holat nazoratga olinsa, bizning mahalla ahli minnatdor bo‘lardi. Chunki davlat mablag‘lari maqsadli sarflanishi kerak."

@eltuzportali - muammolar yechimi!

2,377

Eltuz portali

23 Oct, 09:15

EP: “Nomzodlar tanloviga jiddiy yondashish kerak”

“Navoiy viloyatidan yozyapmiz. 27 oktyabrga ham oz qoldi, hademay saylov bo‘lib o‘tadi, navbatdagi muddatga deputatlarni saylaymiz. O‘zLiDeP partiyasining mahalliy kengashlar uchun nomzodlari konferensiyalarda emas, balki partiyaning viloyat kengashi raisi kabinetida hal bo‘ldi degan gap yuribdi. Tanish-bilishchilik, oshna-og‘aynigarchilik kuzatildi deyishyapti.
Hozirda saylovchilar bilan uchrashuvlar bo‘lyapti. Masalan, Navoiy erkin iqtisodiy zonasi majlislar zaliga 120 kishi sig‘adi. Partiya viloyat kengashi raisi nomzodlar bilan uchrashuv o‘tkazdi. Shu uchrashuvga 200 kishi keldi degan xabar tarqaldi. Shu to‘g‘rimi? Deputatlik – mas’uliyatli vazifa. Ularni tanlashga jiddiy yondashish maqsadga muvofiqdir”.

@eltuzportali - muammolar yechimi!

2,101

Eltuz portali

23 Oct, 05:00

EP: "Assalomu alaykum, Eltuz kanali jamoasi va obunachilari!

Murojaatimiz Andijon viloyati Jalaquduq tumani Qilichmozor MFY fuqarolari nomidan.

Uy-joy kommunal xo‘jaligi vazirligiga murojaat qilmoqchimiz.

Janubiy Olmoshuk shaharchasini tuman markazi bilan bog‘lovchi, bizning MFY hududidan o‘tgan katta yo‘l bo‘yidagi toza suv quvuri bir necha oydan beri yorilib, suv ariqga oqib yotibdi. Bir necha marta mahalla raisiga murojaat qildik, natijasi yo‘q. Birlashib pul yig‘ildi, aholi o‘z kuchi bilan quvur olib qo‘ygan. Shunday bo‘lishiga qaramasdan, tuman suv ta'minoti korxonasi hech qanday ish qilmayapti.

Aholi iste’mol qilgan suv uchun pul to‘lab keladi, nazoratchilar uyma-uy pul yig‘ib yuradi. Nazoratga olinishi kerak bo‘lgan joyda, atrofda bog‘cha va maktablar bor, piyodalar yo‘lini ham to‘sib qo‘ygan.

Piyodalarning aksariyati yosh bolalar, avtomobil yo‘lidan aylanib o‘tishga majbur bo‘lmoqda."

@eltuzportali - muammolar yechimi!

1,688

Eltuz portali

23 Oct, 03:30

EP: Shahrixondagi bozor dehqon bozorimi yoki latta bozorimi?

"Shahrixon dehqon bozori savdogar ayollari nomidan yozayapmiz.

Meva-sabzavotlarni haydab, o‘rniga yaxshi pul to‘laydigan kiyimlarni qo‘yishdi. Bu yer "pojarniy xot" ekan, har ijtimoiy tarmoqqa chiqqanda hammani yig‘ishtirib, teatr uyushtiradi. Shahrixon "pojar" ham rasm qilib ketaveradi.

Iltimos, mas'ullar bozorkomga bu joyni ochishni aytsinlar.

@eltuzportali - muammolar yechimi!

1,625

Eltuz portali

22 Oct, 08:29

EP: Enter Engineering kompaniyasidan maktub

“May oyidan beri maoshimiz to‘liq berilmayapti”
“Enter Engineering kompaniyasining Qoraqalpog‘iston Respublikasidagi bo‘linmalaridan yozmoqdamiz. Kompaniya may oyidan beri maoshimizni to‘liq bermayapti. May, iyun, iyul oylarida maoshning naqd qismini olganmiz, ammo plastik qismi tushmagan. Ya’ni 5 oylik maosh plastikka o‘tkazilmagan, 2 oy uchun naqd berilmagan. ITR tarkibdagi xodimlar esa 5 oy uchun ham naqd, ham plastik qismini olmagan. Bir necha ming xodim maoshsiz qiynalib ketdi. Ish haqimizni olishda mutasaddi idoralardan amaliy ko‘mak so‘raymiz”.

@eltuzportali - muammolar yechimi!

2,195

Eltuz portali

21 Oct, 05:00

EP: Pop tumanida aholi yashash joylari og'ir ahvolda

"Namangan viloyati Pop tumanida mas'ul xodimlar ishlamaydi, barcha murojaatlar xo‘ja ko‘rsinga qaraladi.

Necha marotaba tegishli joylarga chiqganmiz. "Baliq boshidan sasiydi" deganlaridek, hokimiyat xodimlari juda sust ishlaydi, faqat rasmiyatchilik va qog‘ozbozlik bilan shug‘ullanadi.

Viloyat hokimining bir necha marotaba qabulini so‘raganmiz, lekin qabul qilinmaydi, chunki qabul kunlari yo‘q. Ko‘p qavatli uylarning kanalizatsiya tizimi ishlamaydi, tubida yo‘q, kanalizatsiyaning suvlari ichishga yaroqsiz, ichida chig‘irlagani bor. Hatto ko‘chalarida yomg‘ir yog‘sa, baliq boqadigan darajada suv yig‘iladi.

Ko‘p qavatli uylarga JEK qilib beringlar, deb chiqganmiz, tomlaridan suv o‘tadi, uylarning holati juda og‘ir. U yerda og‘ir ahvolda yashayotgan oilalar, yakka-yolg‘izlar bor, er-xotin ko‘zi ojiz, farzandlari ham bir ko‘zi ojiz, yolg‘iz onalar bor. Ularning tomini yopish, kanalizatsiya va suv tizimlarini ta'mirlash qiyin bo‘lyapti.

JEK qilishlarini va hokimiyat mas'ul xodimlari ozgina bo‘lsa ham qog‘ozbozlik va soxta mulohazalarini chetga qo‘yib, o‘z sohalaridagi mas'uliyatni his qilishsa, yaxshi bo‘lardi."

@eltuzportali - muammolar yechimi!

2,260

Eltuz portali

19 Oct, 04:01

EP: “Mahallamizda har kuni chiroq o‘chyapti”

“Toshkent shahri Yunusobod tumanidan murojaat yo‘llayapmiz. Mahallamizda deyarli har kuni chiroq o‘chyapti. Mana, hozir ham qorong‘ida o‘tiribmiz. Viloyatlarda ahvol qanday ekan?”

@eltuzportali - muammolar yechimi!

1,304

Eltuz portali

18 Oct, 06:57

EP: «O‘zbekiston temir yo‘llari» AJ Markaziy poliklinikasida xodimlarni istagancha xo‘rlash mumkinmi?

So‘ngi paytlarda Markaziy poliklinika rahbariyati va kasaba uyushmasi tomonidan ayrim xodimlarga nisbatan noqonuniy hatti-harakatlar boshlandi.

Poliklinika bosh shifokori N.A.Alimuxamedova o‘z muovinlari, mudirlari va kasaba uyushmasi raisi D. Sadriddinovna ishtirokida xodimlar bilan yaqinda bo‘lgan majlisda ular ba’zi xodimlarga o‘zlari yashirincha yig‘gan ma’lumotlar, shaxsiy suratlar borligi haqida tahdid qilib, ishdan bo‘shatish bilan po‘pisa qilgan.

Shuningdek, poliklinika rahbariyati va kasaba uyushmasi ayrim xodimlarga qattiq bosim o‘tkazib, ishdan bo‘shash haqida ariza yozishga majburlamoqda. Kasaba uyushmasi hodimni himoya qilish o‘rniga bosh shifokor topshirig‘iga ko‘ra xodimlarni ariza yozishga majburlamoqda.

O‘zi kasaba uyushmasining roli nimadan iborat? U bosh vrach topshirig‘iga ko‘ra xodimlarni majburlab ariza yozdirishga mas’ul shaxsmi? Ularning bu xatti-harakatlarini kim tekshiradi yoki huquqiy baho beradi?

Xodimlar

@eltuzportali - muammolar yechimi!

1,610

Eltuz portali

17 Oct, 08:56

EP: “Ma’danlarni qazib olish va qaytash ishlash loyihasini kim amalga oshiradi?”

“Assalomu alaykum Eltuz!
Prezident Shavkat Mirziyoyev 15 oktyabr kuni Olmaliq kon-metallurgiya kombinatining 4-mis boyitish fabrikasi qurilishini boshlab berdi. Uning qiymat 5,3 mlrd dollar deb baholangan. Parallel ravishda 3-mis boyitish fabrikasi qiymati ham 4,6 mlrd dollarga oshgan.
Prezident matbuot xizmati xabariga ko‘ra, Olmaliq kon-metallurgiya kombinatining 5-mis boyitish fabrikasi ham loyihalashtirilyapti.
Xalqaro hisob-kitobga ko‘ra, Olmaliqda misning yalpi zaxirasi 45 mln tonna, oltinniki esa 5000 tonnani tashkil qiladi. Ma’danlarni qazish va qayta ishlash bo‘yicha loyihalarni kim amalga oshirmoqda? Zaxiradagi ma’danlar miqdori qancha ekan?”

@eltuzportali - muammolar yechimi!

1,729

Eltuz portali

17 Oct, 06:21

EP:“Birodarlik qabristoni” obodligiga qachon e’tibor qaratiladi?”

“Surxondaryo viloyati Termiz shahridan murojaat qilyapmiz. Shahrimizdagi “Birodarlik qabristoni” achinarli ahvolda. Qabriston chiqindi, beton qoldiqlari, tikanlarga to‘lib ketgan. Chiqindixonalar har kuni tozalanadi, lekin bu qabriston negadir ko‘pdan buyon tozalanmaydi. Devorlari ham nurab yotibdi. Shunday chiroyli shahrimizda achinarli joylar borligiga afsuslanib ketaman. Shahar mutasaddilari bu joyning obodligiga alohida e’tibor qaratsa yaxshi bo‘lardi. Qabristonda yotgan jamiki musulmonlarning oxirati obod bo‘lsin!”

@eltuzportali - muammolar yechimi!

1,807

Eltuz portali

16 Oct, 05:01

EP: “O‘qituvchilardan ta’til puli qaytarib olinyapti”

“Salom, Eltuz! Xorazm viloyati Hazorasp tumanidagi ixtisoslashtirilgan maktabda yozgi ta’til pullari qaytarib olinyapti. 1-2 mln co‘m uchun ariza yozdirilib olib qolinyapti. Bu avvalgi yillarda ham ro‘y bergan. Nimaga ta’til puli qaytarilib olinishi kerak? Bu holat qonuniymi? Bundan tashqari, dars soatlarini sun’iy ravishda kamaytirish uchun kvota soni kam, bo‘sh o‘rinlar esa to‘ldirilmaydi. Ixtisoslashtirilgan maktabda xalqaro olimpiada sovrindorlari chiqqan bo‘lsa-da, o‘qituvchilar mukofot olmaydi. Ixtisoslashtirilgan ta’lim muassasalari agentligi holatni nazoratga oladi degan umiddamiz”.

@eltuzportali - muammolar yechimi!

1,986

Eltuz portali

16 Oct, 03:30

EP: “Gaz ballon 15-20 kunga yetyapti, xolos. Ballonning to‘latilgan vazni qancha bo‘lishi kerak o‘zi?”

“Surxondaryo viloyati Qiziriq tumani Oqjar mahallasidan murojaat qilyapmiz. Mahallamizga keltirib tarqatilayotgan suyultirilgan gaz ballon negadir 15-20 kunga yetyapti, xolos. Bir dona ballon uchun 35 ming so‘mdan olishadi. Ammo ballonni tarozida tortib berishmaydi. Gaz ballonning bo‘sh vazni bilan to‘latilgan vazni necha kilo bo‘lishi kerak o‘zi? Mahallalarga ballon to‘ldirish uchun navbat necha kunda keladi? Gaz ta’minoti tashkilotidan mazkur masalaga e’tibor qaratishini so‘raymiz”.

@eltuzportali - muammolar yechimi!

2,164

Eltuz portali

14 Oct, 07:07

EP: O‘g‘ri kalamushlar ishlaydimi tuman elektr ta'minoti korxonasida?

"13-avgust kuni TETK xodimlari online hisoblagich o‘rnatib ketishgan, o‘rnatgan, ammo chala qilib ketishgan. Hisoblagich yangi,"kinishka" raqamim hisobida esa jarima shu holicha turibdi.

Bu o‘g‘ri kalamushlar na bazaga kiritgan, na ko‘rgan. Xujjatimni titib ham ko‘rmagan. Qayta borsam, siz jarimaga pul to‘lashingiz kerak deb kutib oldi.

Javobgar +998337997144 raqam xodimi esa izdan g‘oyib bo‘lgan.

Qanday ko‘r kalamush kallasi bilan 5 million jarima yozadi keksa ayolga?
Bu yetmaganday, 100 ming to‘lov qiling deydi. Bilmayman, to‘lovim qayerga ketyapti.?

O‘g‘ri kalamushlar o‘g‘riligidan ko‘p ishlamasa kerak, goh unisi almashib, goh bunisi almashadi.
Har doimgidek men ovvoraman ishyoqmas, stulni bermas o‘g‘ri xodimlar qabulida.

Kim qaraydi? Chiroqchi TETK rahbariyati mas'ullaridan murojaatni ham bajaradigan xodim bormikan.?? "

@eltuzportali - muammolar yechimi!

2,603

Eltuz portali

14 Oct, 05:56

"Assalomu alaykum hurmatli Eltuz portali ijodkorlari...

2024-yil 1-sentabr kunida Eltuz Portali orqali ,,Gurlan tumani dehqon bozorini kim tartibga soladi ʼʼ sarlavhasi ostida chop etilgan maqolaga nima sababdan Gurlan tumani hokiml Ruslan Urazboev tomonidan rasmiy munosabat bildirilmadi?

Nima sababdan dehqon bozori ichki hududida va bozor atrofidagi va tashqarisida haddan ziyod koʻpayib ketgan noqonuniy koʻchma doʻkonlarga nisbatan qonun doirasida chora koʻrilmadi yoki u erlar ham sotilib ketdimi?Manfaatdor kim unda?

Hurmatli yurtboshimiz tomonidan ishdan haydalgan oldingi hokimimiz Umrbek Jumaniyazov va Gurlan tumani dehqon bozori amaldagi boshqaruvchisi I.Masharipovlarning bozor old hududidagi boʻsh er maydonlarini doʻkon qurib sotiladi deb hammani aldab qanchadan qancha tadbirkorlardan qonunga xilof ravishda pul olishib.. ,, UXLATGANIDAN ʼʼ hammani xabari bor-ku...

Hurmatli Xorazm viloyati hokim Joʻrabek Rahimovdan buni oʻz nazoratiga olishini soʻrab qolamiz.."

@eltuzportali - muammolar yechimi!

2,150

Eltuz portali

13 Oct, 08:23

EP: BADBOʻY HID DASTIDAN DOD

Eltuzʼga Badboʻy hid va koʻlga aylangan Oltinvodiy koʻchasidan murojaat kelib tushdi.

"Andijon viloyati, Andijon tumani “Baxt“ mahallasi Oltinvodiy koʻchasida joylashgan koʻp qavatli uylarning 2-uy 4-podezd fuqarolari nomidan murojaat qilyapmiz.

Bizni domlar qurilganda asosiy kanalizatsiya tarmogʻiga ulanmagan edi. Tuman hokimi vaʼda berib,“Asosiy kanalizatsiyaga ulanadi" degan edi. Lekin shu qurilish ishlari boshlanganidan beri 2-uyni 4- podezdi podvali ayanchli holatga kelib qoldi.

Bu ketishda uylarimiz qulab tushmasa bo'ldi. 2-uyni hamma xonadonidan chiqayotgan oqava suvlar 2- uy atrofi bilan shu 4- podezd podvaliga toʻplanyapti.

Podvaldan uylarimizga kirayotgan hidga chidab boʻlmaydi. Ahlatga toʻplanayotgan xashorotlarni aytmasa ham bo'laveradi. Shu qurilishni olib borayotgan mutasaddilarga judayam koʻp murojaat qildik, lekin muammo hal boʻlmadi. Qoʻshnilar bilan pul yigʻib ikki marotaba oʻzimiz tartibga soldik, lekin qurilishda foydalanilgan texnikalar oqava suvlarni trubalarini ezib yaroqsiz holatga keltirgani uchun oqava suv podvalga quyilishda davom etmoqda.

Ilojimiz yoʻq shu yoritishga majbur bo'ldik. Iltimos hokim buva shu tomonga yoʻlingiz tushganda bizni bir eslab keting» deydi fuqaro murojaatida

Holat boʻyicha tegishli tashkilotlar muammoga yechim topishi kerak.

@eltuzportali - muammolar yechimi!

2,294

Eltuz portali

Eltuz Portali (Uzbek)

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali

Eltuz portali