អង្គជំនុំជម្រះវិសាមញ្ញក្នុងតុលាការកម្ពុជា/ECCC

នារសៀលថ្ងៃទី៧ ខែកុម្ភៈ ឆ្នាំ២០២៥ នៅមជ្ឈមណ្ឌលធនធាន អ.វ.ត.ក. ថ្នាក់ដឹកនាំនៃអ.វ.ត.ក. ដឹកនាំដោយ ឯកឧត្ដមថោង សុជាតិ មន្ដ្រីគ្រប់គ្រងជាន់ខ្ពស់នៃ អ.វ.ត.ក. តំណាងឯកឧត្តម ក្រាញ់ តូនី ប្រធានរដ្ឋបាលស្ដីទី អ.វ.ត.ក. បានអញ្ជើញជួបប្រជុំជាមួយមន្ដ្រីមកពីអង្គការ SAUP/GIZ ដើម្បីពិភក្សាគ្នាអំពីការពង្រឹងកិច្ចសហប្រតិបត្តិការរវាងស្ថាប័នទាំងពីរ។

#ECCC #Cambodia #CPSGlobal #GIZ

ក្នុងសប្ដាហ៍មុននេះ រយៈពេលបីថ្ងៃពីថ្ងៃទី២៨ ដល់ថ្ងៃទី៣០ ខែមករា មជ្ឈមណ្ឌលធនធន អ.វ.ត.ក. ចល័ត បានចេញដំណើរទៅផ្សព្វផ្សាយអំពីសមិទ្ធផលរបស់ អ.វ.ត.ក. ទៅកាន់ខេត្តប៉ៃលិន ជាតំបន់ ចុងក្រោយបំផុតដែលស្ថិតក្រោមការគ្រប់គ្រងរបស់ខ្មែរក្រហម ក្រោយពួកគេចាញ់សង្គ្រាមនៅឆ្នាំ១៩៧៩។

សិស្សានុសិស្ស និងលោកគ្រូអ្នកគ្រូ សរុបចំនួន២៤៦៨នាក់ មកពីគ្រឹះស្ថានសិក្សាចំនួន៣គឺ វិទ្យាល័យ ហ៊ុន សែន ក្រុងទេពនិម្មិត វិទ្យាល័យ ហ៊ុន សែន សាលាក្រៅ និង វិទ្យាល័យហ៊ុន សែន អូរដូនតា បានចូលរួមក្នុងកម្មវិធីនេះ។ លោកគ្រូ អ្នកគ្រូ ក៏ដូចជាសិស្សានុសិស្សមានចំណាប់អារម្មណ៍យ៉ាងខ្លាំង និងបានចូលរួមយ៉ាងសកម្មនៅក្នុងសកម្មភាពផ្សព្វផ្សាយនេះ ព្រមទាំងបានទទួលយកឯកសារ និងសម្ភារៈសិក្សាផ្សេងៗ ដែលក្រុមការងារបានផ្ដល់ជូន ដើម្បីស្វែងយល់បន្ថែមអំពីកេរដំណែលរបស់ អ.វ.ត.ក. ផងដែរ។

#ECCC #KhmerRougeTribunal #CambodianHistory #Justice #ECCCMobileLibrary #IntergenerationalDialogue #CivilParties #LearnHistory

📄 អ.វ.ត.ក. និងសមាគម Fragmentis Vitae Asia បានចុះហត្ថលេខាលើអនុស្សរណៈនៃការយោគយល់គ្នានៅថ្ងៃទី២២ ខែមករា ឆ្នាំ២០២៥ ដែលអនុស្សរណៈនេះបានផ្តោតទៅលើការចងចាំ យុត្តិធម៌អន្តរកាល និងការអប់រំអំពីសន្តិភាព។

កិច្ចសហការនេះ នឹងគាំទ្រដល់គម្រោងនៃការចងចាំ Fragments #KH50 រួមទាំងវិមានដែលនឹងត្រូវសម្ពោធនៅថ្ងៃទី១៧ ខែមេសា ឆ្នាំ២០២៥ នៅទីក្រុង Lognes ប្រទេសបារាំង រួមជាមួយនឹងខ្សែភាពយន្តឯកសារ និងវេទិកាឌីជីថល ដែលនឹងជួយ ជំរុញការតភ្ជាប់ទំនាក់ទំនងរវាងប្រទេសកម្ពុជា និងសហគមន៍ជនភៀសខ្លួនរបស់ខ្លួននៅប្រទេសបារាំង។

#ECCC #FragmentsKH50 #Cambodia #MemoryPreservation #TransitionalJustice #KhmerRouge #CambodianDiaspora

🚌 សូមស្វាគមន៍មកកាន់មជ្ឈមណ្ឌលធនធាន អ.វ.ត.ក. ចល័ត! យើងកំពុងធ្វើដំណើរទៅកាន់ គ្រឹះស្ថានសិក្សានាទិសខាងលិចនៃប្រទេសកម្ពុជាគឺខេត្តប៉ៃលិន ។

🚏 ចូលរួមជាមួយយើង
ដើម្បីរៀនអំពីតឹកតាងប្រវត្តិសាស្ត្រខ្មែរក្រហម និង កេរដំណែលនៃការជំនុំជម្រះក្តីរបស់ អ.វ.ត.ក.។
សូមតាមដានចំណតបន្តបន្ទាប់របស់យើង ហើយបន្តដំណើររៀនសូត្រពីប្រវត្តិសាស្ត្រកម្ពុជាទាំងអស់គ្នា។ តស់ជិះឡានទាំងអស់គ្នា!

#ECCC #MobileResourceCentre #Cambodia #History #Education

នាដើមឆ្នាំ២០២៥នេះ មជ្ឈមណ្ឌលធនធន អ.វ.ត.ក. ចល័ត បានចាប់ផ្ដើមបេសកម្មផ្សព្វផ្សាយរបស់ខ្លួនទៅកាន់ខេត្តកោះកុង។ សិស្សានុសិស្សប្រមាណ២៧១០ (ស្រ៏ចំនួន១១៦២នាក់) មកពីគ្រឹះស្ថានសិក្សាចំនួន៣ បានសម្តែងភាពរីករាយនិងត្រេកអរដោយពួកគេបាន រៀនសូត្របានយ៉ាងច្រើនអំពីរបបខ្មែរក្រហម សង្រ្គាមស៊ីវិលនៅកម្ពុជា ដំណើរការជំនុំជម្រះក្ដីរបស់ អ.វ.ត.ក. មានឱកាសជួបនិងសាកសួរទៅកាន់ដើមបណ្តឹងរដ្ឋប្បវេណី ដែលបានរួចផុតពីភាពភ័យរន្ធត់នៃរបបខ្មែរក្រហមពីព្រឹត្តិការណ៍ដែលពួកគាត់បានឆ្លងកាត់ និងស្វែងយល់ពីទីតាំងឧក្រិដ្ឋកម្មដែលមាននៅភូមិស្រុករបស់គាត់។
លែកបទពិសោធន៍របស់គាត់ជាមួយសិស្សានុសិស្ស។ ដើមបណ្ដឹងរដ្ឋប្បវេណី ១រូបបានចែករំលែកពីបទពិសោធន៍របស់គាត់អំពីប្រវិត្តិធ្វើជីនៅកាលពីកុមារភាពរបស់គាត់ ដោយគាត់ត្រូងបានទាហានខ្មែរក្រហមបង្ខំឱ្យធ្វើការដោយលាយជីដោយប្រើលាមករបស់មនុស្ស ឱ្យពួកគាត់កូរជីនោះដោយដៃនិងបង្ខំឱ្យពួកគាត់ភ្លក់ជីនោះទៀតផង៕

#ECCC #KhmerRougeTribunal #CambodianHistory #Justice #ECCCMobileLibrary #IntergenerationalDialogue #CivilParties #LearnHistory

នៅថ្ងៃទី១៥ ខែមករា ឆ្នាំ២០២៥ ថ្នាក់ដឹកនាំ អ.វ.ត.ក. បានទទួលស្វាគមន៍លោក Hervé Cadet សមាជិកក្រុមប្រឹក្សាភិបាល និងស្ថាបនិកនៃសមាគម Fragmentis Vitae Asia មកពីប្រទេសបារាំង ដើម្បីស្វែងយល់អំពីគំនិតផ្តួចផ្តើមកសាងវិមាន Fragments #KH50 ។ គម្រោងដ៍មានសារៈសំខាន់នេះ បង្កើតឡើងដើម្បីចងចាំ និងឧទ្ទិសដល់ជនរងគ្រោះ និងអ្នករស់រានមានជីវិតពីរបបខ្មែរក្រហម ហើយវាត្រូវបានផ្ដួចផ្ដើមឡើង តាមរយៈការកសាងវិមានដែលមានទីតាំងស្ថិតនៅក្នុងទីក្រុង Lognes ប្រទេសបារាំង ការចងក្រងឯកសារ និងវេទិកាឌីជីថល។ អ.វ.ត.ក. គាំទ្រគម្រោងដ៏មានតម្លៃនេះ ដែលគម្រោងនេះនឹងចូលរួមរក្សាការចងចាំ ប្រវត្តិសាស្ត្រសម្រាប់មនុស្សជំនាន់ក្រោយ។

#ECCC #FragmentsKH50 #KhmerRougeHistory #Remembrance #Memory #CambodiaFrance #FranceCambodge

📜 របាយការណ៍ប្រចាំឆ្នាំ២០២៤ របស់ អ.វ.ត.ក.៖ ការបន្តកេរដំណែលនៃយុត្តិធម៌

អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) បានវិវឌ្ឍឆ្ពោះទៅមុខយ៉ាងសំខាន់ក្នុងដំណើរការអនុវត្តមុខងារសេសសល់នាឆ្នាំទី២នេះ។ ភាពរីកចម្រើនទាំងនោះមានដូចជាការធ្វើចំណាត់ថ្នាក់ឯកសារឡើងវិញ កម្មវិធីអប់រំផ្សព្វផ្សាយ និងគម្រោងផ្ដួចផ្ដើមទាក់ទងនឹងកេរដំណែលរបស់ អ.វ.ត.ក.។ កិច្ចការសំខាន់ៗដែលទទួលបានក្នុងឆ្នាំ២០២៤ កន្លងទៅនេះរួមមាន៖

• ការធ្វើចំណាត់ថ្នាក់ឯកសារ៖ ឯកសារសម្ងាត់ជិត ២៤ ០០០ ក្នុងសំណុំរឿង ០០២ ត្រូវបានធ្វើចំណាត់ថ្នាក់ទៅជាឯកសារសាធារណៈ ហើយក៏មានការធ្វើចំណាត់ថ្នាក់ស្រដៀងគ្នានេះដែរចំពោះឯកសារសំណុំរឿង០០៤/០០២ និងសំណុំរឿង០០៣ ដោយធានានូវតម្លាភាព និងឯកជនភាពរបស់ជនរងគ្រោះ។
• ការពង្រីកទីតាំងមជ្ឈមណ្ឌលធនធាន ដោយបង្កើតបានជានិហិតដ្ឋានថ្មីមួយស្របតាមបទដ្ឋានអន្តរជាតិ។
• មជ្ឈមណ្ឌលធនធានចល័ត៖ ជាថ្នាក់រៀនចល័តមួយដែលបានអប់រំមនុស្សបានរាប់ម៉ឺននាក់នៅតាមតំបន់ដាច់ស្រយាលនានា។
• សម្ភារៈអប់រំប្រកបដោយភាពច្នៃប្រឌិត៖ ការរចនាគេហទំព័រឡើងវិញ៕


👉 សូមអានរបាយការណ៍ទាំងស្រុងនៅទីនេះ៖ https://backend.eccc.gov.kh/uploads/WEB_THE_COURT_REPORT_2024_KH_960839cd4b.pdf

#ECCC

នៅថ្ងៃទី៩ ខែមករា ឆ្នាំ២០២៥ និស្សិតច្បាប់ និងសាស្ដ្រាចារ្យសរុបចំនួន៩រូប មកពី សាកលវិទ្យាល័យ Trinity ដែលមានមូលដ្ឋាននៅទីក្រុង Illinois សហរដ្ឋអាមេរិក បានអញ្ជើញមកបំពេញទស្សនកិច្ចនៅក្នុងមជ្ឈមណ្ឌលធនធាន អ.វ.ត.ក.។ ក្នុងដំណើរទស្សនកិច្ចនេះ ប្រតិភូទទួលបានការស្វាគមន៍ និងធ្វើបទបង្ហាញពីឯកឧត្តម ថោង សុជាតិ មន្ដ្រីគ្រប់គ្រងជាន់ខ្ពស់នៃ អ.វ.ត.ក. អំពីសមិទ្ធផល និងកេរដំណែលរបស់ អ.វ.ត.ក. និងបទបង្ហាញពីមេធាវីតំណាងដើមបណ្ដឹងរដ្ឋប្បវេណីអំពីសារៈសំខាន់នៃការចូលរួមរបស់ជនរងគ្រោះក្នុងការកាត់ទោសអតីមេដឹកនាំខ្មែរក្រហម។ ក្រុមនិស្សិតក៏បានអញ្ចើញទស្សនាបណ្ណាល័យ និងនិហិតដ្ឋានរបស់អ.វ.ត.ក. ដើម្បីពិនិត្យមើលរបៀបទុកដាក់ គ្រប់គ្រង និងការសិក្សាស្រាវជ្រាវឯកសារដែលមាននៅក្នុងមជ្ឈមណ្ឌលធនធាននេះផងដែរ។ បទពិសោធនេះបានធ្វើឱ្យនិស្សិតមានការយល់ដឹងយ៉ាងជ្រាលជ្រៅអំពីតួនាទីរបស់តុលាការក្នុងវិស័យយុត្តិធម៌ និងសារៈសំខាន់នៃការបន្ដរក្សាកំណត់ត្រាប្រវត្តិសាស្ត្រ។ និស្សិតបានចាប់អារម្មណ៍យ៉ាងខ្លាំងចំពោះបទបង្ហាញ និងការរៀបចំទុកដាក់ឯកសារដ៏មានតម្លៃដើម្បីផ្សព្វផ្សាយ និងអប់រំដល់យុវជនជំនាន់ក្រោយ៕

#TrinityLawSchool #ECCC #Cambodia #InternationalJustice #HumanRights #NeverForget"

🚌 សូមស្វាគមន៍មកកាន់មជ្ឈមណ្ឌលធនធាន អ.វ.ត.ក. ចល័ត! យើងកំពុងធ្វើដំណើរទៅកាន់ គ្រឹះស្ថានសិក្សានាទិសនិរតីនៃប្រទេសកម្ពុជាគឺខេត្តកោះកុង ។

ចូលរួមជាមួយយើងដើម្បីរៀនអំពីតឹកតាងប្រវត្តិសាស្ត្រខ្មែរក្រហម និង កេរដំណែលនៃការជំនុំជម្រះក្តីរបស់ អ.វ.ត.ក.។

🚏 សូមតាមដានចំណតបន្តបន្ទាប់របស់យើង ហើយបន្តដំណើររៀនសូត្រពីប្រវត្តិសាស្ត្រកម្ពុជាទាំងអស់ គ្នា។ តោះជិះឡានទាំងអស់គ្នា!

#ECCC #MobileResourceCentre #Cambodia #History #Education

តើអ្នកចង់ស្វែងយល់បន្ថែមអំពីប្រវត្តិ និងកេរដំណែលរបស់ អ.វ.ត.ក. ដែរឬទេ? 📜

សូមទស្សនាបទសម្ភាសន៍ដែលផលិតដោយក្រុមការងារ Not to Forgive, but to Understand ជាមួយនិងលោកCraig Etcheson អតីតអ្នកស៊ើបអង្កេតមួយរូបនៃ អ.វ.ត.ក. និងជាសាក្សីជំនាញក្នុងសំណុំរឿង ០០១ ដើម្បីស្វែងយល់ពីការស្រាវជ្រាវរបស់គាត់អំពីរបបខ្មែរក្រហម ការងាររបស់គាត់ទាក់ទងនឹង អ.វ.ត.ក. និងការងារពាក់ព័ន្ធផ្សេងៗ។

លោក Craig បានចែករំលែកចំនេះដឹងអំពីរដ្ឋធម្មនុញ្ញផ្លូវច្បាប់របស់អំពើប្រល័យពូជសាសន៍ បញ្ហាប្រឈមសំខាន់ៗនៃប្រជាជាតិមួយក្រោយជម្លោះ និងភាពស្រដៀងគ្នារវាងតុលាការអន្តរជាតិ។

👉 មើលឥឡូវនេះ៖ https://www.youtube.com/watch?v=pfczWox4E-k

#KhmerRouge #Genocide #Cambodia #ECCC #Justice #History

ទិវាជ័យជំនះលើរបបប្រល័យពូជសាសន៍

អបអរសាទរទិវាជ័យជំនះ ៧មករា គម្រប់ខួបលើកទី៤៦ (៧ មករា ១៩៧៩ - ៧ មករា ២០២៥)
ថ្ងៃនេះ យើងរំឮកនូវការរំដោះនិងការសង្គ្រោះប្រជាជនកម្ពុជាចាកផុតពីរបបដ៏ខ្មៅងងឹតក្នុងប្រវត្តិសាស្រ្តរបស់ខ្លួន និងជ័យជំនះលើរបបប្រល័យពូជសាសន៍ខ្មែរក្រហម។

ថ្ងៃនេះក៏ជាការរំលឹកអំពីសារៈសំខាន់នៃយុត្តិធម៌ និងគណនេយ្យភាព។ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) បានដើរតួនាទីយ៉ាងសំខាន់ក្នុងការនាំមេដឹកនាំជាន់ខ្ពស់ និងអ្នកទទួលខុសត្រូវជាន់ខ្ពស់នៃរបបខ្មែរក្រហម មកជំនុំជម្រះក្ដីចំពោះឧក្រិដ្ឋកម្មដ៏គួរឱ្យរន្ធត់ដែលពួកគេបានប្រព្រឹត្តក្នុងរបបខ្មែរក្រហម។
តាមរយៈការងាររបស់ខ្លួន អ.វ.ត.ក. បានចូលរួមចំណែកក្នុងការព្យាបាល និងការផ្សះផ្សាជាតិ។

យើងមិនត្រូវបំភ្លេចជនរងគ្រោះនៃអំពើប្រល័យពូជសាសន៍ និងមេរៀនដែលបានរៀនសូត្រពីរបបខ្មៅងងឹតនេះដែលជាផ្នែកមួយនៃប្រវត្តិសាស្ត្រកម្ពុជា។ សូមអ្នកទាំងអស់គ្នាខិតខំរក្សា សន្តិភាព យុត្តិធម៌ និងវិបុលភាពសម្រាប់ប្រជាជនកម្ពុជាទាំងអស់គ្នា។

#VictoryOverGenocide #CambodiaRemembers #NeverAgain #JusticeForCambodia
#ECCCJustice #HealingAndReconciliation #RememberingThePastBuildingTheFuture

កាលពីថ្ងៃសៅរ៍សប្តាហ៍មុន និស្សិតសាកលវិទ្យាល័យចំនួន ២២ នាក់បានចូលរួមក្នុងវគ្គសិក្សាស្តីពី «ការសិក្សាអំពីការដោះស្រាយអតីតកាល: សេចក្តីណែនាំអំពីយុត្តិធម៌អន្តរកាលនិងសាលាក្តីខ្មែរក្រហម» ត្រូវបានរៀបចំឡើងនៅអគារអនុវត្តមុខងារសេសសល់នៃ អ.វ.ត.ក. ។

វគ្គសិក្សានេះគឺជាផ្នែកនៃកិច្ចសហប្រតិបត្តិការរវាង អ.វ.ត.ក. និងកម្មវិធី GIZ CPS SAUP។
ក្នុងអំឡុងវគ្គសិក្សា អ្នកចូលរួមទាំងអស់បានឈ្វេងយល់អំពីគោលគំនិតនៃយុត្តិធម៌អន្តរកាល និងការជំនុំជម្រះក្តីដោយ អ.វ.ត.ក.។

អ្នកចូលរួមក៏បានចូលរួមក្នុងលំហាត់អន្តរកម្មដើម្បីសិក្សាបន្ថែមអំពីបរិបទនៃ អ.វ.ត.ក. ក្នុងក្របខណ្ឌយុត្តិធម៌អន្តរកាល។

លើសពីនេះទៅទៀត និស្សិតបានពិភាក្សាជាមួយក្រុមការងារ អ.វ.ត.ក. អំពីប្រវត្តិសាស្ត្រកម្ពុជា សមិទ្ធិផលរបស់ អ.វ.ត.ក. និងកិច្ចខិតខំប្រឹងប្រែងយុត្តិធម៌អន្តរកាលអន្តរជាតិ។

សូមអរគុណអ្នកគ្រប់គ្នាដែលបានចូលរួម និងរួមចំណែកយ៉ាងសំខាន់ក្នុងវគ្គសិក្សារបស់យើង!
រង់ចាំវគ្គសិក្សានិងព្រឹត្តិការណ៍នាពេលខាងមុខរបស់យើង!

#ECCC #TransitionalJustice #Cambodia #SAUP

នៅថ្ងៃទី២ ខែមករា ឆ្នាំ២០២៥ សិស្សានុសិស្ស ប្រជាពលរដ្ឋ និងព្រះសង្ឃចំនួន ២២០អង្គ/នាក់ មកពី ស្រុកកំពង់ស្វាយនៃខេត្តកំពង់ធំ បានអញ្ជើញមកចូលរួមក្នុងកម្មវិធីទស្សនកិច្ចសិក្សារៀបចំឡើងដោយ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.)។

ក្រុមការងារនៃ អ.វ.ត.ក. បានពន្យល់និងធ្វើបទបង្ហាញពី ប្រវតិ្ត ការងារ និង កេរដំណែលរបស់អ.វ.ត.ក.ដល់សិស្សានុសិស្សនិងអ្នកចូលរួមទាំងអស់។

សិស្សានុសិស្សទាំងអស់ក៏បានទស្សនាមជ្ឈមណ្ឌលធនធាន អ.វ.ត.ក. ចល័ត សាលពហុបំណង និងបណ្ណាល៍យរបស់អ.វ.ត.ក.ផងដែរ។ រឿងរ៉ាវដ៏គួរឲ្យចាប់អារម្មណ៍មួយគឺក្នុងចំណោមអ្នកចូលរួមទាំងអស់ អ្នកចូលរួមដែលពួកគាត់មានវ័យចំណាស់ ពួកគាត់បានចែករំលែកបទពិសោធន៍ផ្ទាល់ខ្លួនដែលគាតើជួបប្រទះក្នុហរបបខ្មែរក្រហម ទីឧក្រិដ្ឋកម្មដែលកើតមានមាននៅភូមិស្រុករបស់ពួកគាត់។

នៅពេលថ្ងៃត្រង់ពួកគេនឹងទស្សនាសារៈមន្ទីរឧក្រិដ្ឋកម្មប្រល័យពូជសាសន៍ទួលស្លែង និង វិមានឈ្នះ-ឈ្នះដើម្បីស្វែងយល់ពីតថភាពនិងអ្វីដែលបានកើតឡើងក្នុងរបបខ្មែរក្រហម។

#ECCC #Cambodia #Education #Awareness

អរគុណសម្រាប់ឆ្នាំ២០២៤ ដ៏អស្ចារ្យ! 🌟
មុននឹងបិទទំព័រឆ្នាំ២០២៤ អ.វ.ត.ក. សូមថ្លែងអំណរគុណយ៉ាងជ្រាលជ្រៅចំពោះម្ចាស់ជំនួយ ដៃគូសហការ ភាគីពាក់ព័ន្ធ និងសាធារណជនទាំងអស់ ដែលបានបញ្ចេញរាល់សកម្មភាពដើម្បីគាំទ្រយើងខ្ញុំឱ្យរីកចម្រើននៅក្នុងឆ្នាំនេះ។
ក្នុងរយៈពេលមួយឆ្នាំកន្លងទៅនេះ អ.វ.ត.ក. ទទួលបានលទ្ធលផលដ៏គួរឱ្យមោទកភាពក្រៃលែង។ លទ្ធផលទាំងនោះរួមមាន៖
- ការដាក់ឱ្យដំណើរការមជ្ឈមណ្ឌលធនធានចល័ត អ.វ.ត.ក.
- ការពង្រីកទីតាំងបណ្ណាល័យ បន្ទប់ពិគ្រោះយោបល់សម្រាប់ដើមបណ្ដឹងរដ្ឋប្បវេណី ទីកន្លែងទទួលភ្ញៀវ និងដំណើរការសាងសង់ផ្សេងៗនៅជុំវិញអគារអនុវត្តមុខងារសេសសល់នៃ អ.វ.ត.ក. ផងដែរ។
- ការដាក់ឱ្យដំណើរការសាកល្បងគេហទំព័រកេរដំណែលរបស់ អ.វ.ត.ក.
- បានផ្សព្វផ្សាយដល់សាធារណជនច្រើនជាង១០ម៉ីននាក់

🖼សាលតាំងពិព័ណ៍អចិន្រ្តៃយ៏ ស្ដីពីដំណើរការជំនុំជម្រះក្តីរយៈពេល១៦ឆ្នាំ របស់ អ.វ.ត.ក. នឹងលេចរូបរាងឡើងនៅឆ្នាំ២០២៥ ខាងមុខ។
សូមលោកអ្នករង់ចាំចូលរួមទស្សនាទាំងអស់គ្នា!

មុនបំណាច់ឆ្នាំ២០២៤នេះ មជ្ឈមណ្ឌលធនធន អ.វ.ត.ក. ចល័ត បានចុះទៅផ្សព្វផ្សាយនៅតាម វិទ្យល័យចំនួន១០ក្នុងខេត្តភូមិភាគឦសានចំនួន៤ គឺ ខេត្តក្រចេះ ស្ទឹងត្រែង រតនៈគិរី និងខេត្តមណ្ឌលគិរី។ ការចុះផ្សព្វផ្សាយមានរយៈពេល១០ថ្ងៃ ពីថ្ងៃ​ទី១៧ដល់​ថ្ងៃទី២៧ ខែធ្នូ ឆ្នាំ២០២៤។

រឿងរ៉ាវគួរឱ្យចាប់អារម្មណ៍នៅក្នុងកម្មវិធីនេះគឺ សិស្សានុសិស្សបានចូលរួមចំនួន ៨៧៤៥នាក់ ចម្រុះដោយសិស្សជនជាតិខ្មែរ ខ្មែរឥស្លាម និងសិស្សជនជាតិដើមភាគតិចដូចជា គ្រឹង ទំពួន ចារាយ ព្នង និងក្រោល។ ដើមបណ្ដឹងរដ្ឋប្បវេណីចំនួន ៣១រូប ត្រូវបានជូនដំណឹងអំពី​លទ្ធផល​សំណុំរឿង​របស់​ពួកគាត់ និងបានចូលរួមក្នុងកិច្ច​សន្ទនាអន្ដរ​ជំនាន់ដើម្បីចែករំលែកបទពិសោធន៍របស់គាត់ជាមួយសិស្សានុសិស្ស។ ឯកសារចំនួន ៦៨៥០ច្បាប់ ត្រូវបានចែកចាយដល់ក្នុងកម្មវិធីនេះផងដែរ។ ទន្ទឹមនឹងនេះដែរ ក្រុមការងារ អ.វ.ត.ក. ក៏បាន​បង្ហាញអតីតការដ្ឋាននិងជាទីតាំងឧក្រិដ្ឋកម្មសម្លាប់មនុស្សនៅក្នុងសម័យខ្មែរក្រហមដែលស្ថិតនៅភូមិស្រុករបស់ពួកគេផងដែរ៕

#អវតក #ECCCBus #YourBus #ECCC #khmerrougetribunal
#tribunal #cambodia #phnompenh #resourcecentre
#legacy #justice #archives #court #judge #law
#education #genocide

អបអរសាទរទិវាសន្តិភាពនៅកម្ពុជា!

ចូលរួមជាមួយ អ.វ.ត.ក. ក្នុងការកសាងយុត្តិធម៌ សន្តិភាព និងការបង្រួបបង្រួមជាតិ ដើម្បីទប់ស្កាត់ការកើតឡើងវិញនៃអំពើប្រល័យពូជសាសន៍ និងអំពើឃោរឃៅ។

ឥឡូវនេះគឺជាពេលវេលាដើម្បីឆ្លុះបញ្ចាំងពីមេរៀន ដំណើរឆ្ពោះទៅរកសន្តិភាពរបស់ប្រទេសកម្ពុជា រួមទាំងការផ្សះផ្សាជាតិតាមរយៈ​ការចរ​ចា​សន្តិភាព ការចូលរួមពីសំណាក់យុវជន យេនឌ័រ និង យុត្តិធម៌លើការរំលោភសិទ្ធិមនុស្ស និង​ការ​កសាង​សន្តិភាព​ប្រកប​ដោយ​ប្រសិទ្ធ​ភាព។

អ.វ.ត.ក. ជាតុលាការគំរូតែមួយគត់ ដែលអាចលើកកម្ពស់ការអប់រំតាមរយៈការផ្ដល់ចំណេះដឹងជាក់លាក់អំពីជម្លោះ ការត្រិរិះពិចារណា​ដោយល្អិតល្អន់ និងការច្នៃប្រឌិត ការវិភាគបែបប្រៀបធៀប និងការចូលរួមពីភាគីពាក់ព័ន្ធផ្សេងៗ។ សូមរីករាយចំពោះតម្លៃសន្តិភាពដែលទទួលបាន និងរួមគ្នាថែរក្សាការពារឲ្យបានគង់វង្សបន្តទៅមុខទៀត។

#ECCC #Cambodia #Peace #PeaceBuilding

⚖️ ពីការជំនុំជម្រះក្ដីលើរបបខ្មែរក្រហម មកជាកេរ្តិ៍ដំណែលរបស់ អ.វ.ត.ក.

"ខ្ញុំបាទមិនដែលនឹកស្រមៃថា ខ្ញុំបាទបានមក អង្គុយបកស្រាយនៅមុខអង្គសវនាការក្នុងថ្ងៃនេះទេ។ ខ្ញុំបាទខំតែប្រឹងប្រែងនិយាយប្រាប់ក្មេងៗកូនចៅ បងប្អូនពីទុក្ខវេទនារបស់យើងសម័យនោះ ដោយខ្ញុំបាទមានលទ្ធភាពចូលមកបានជម្រាបជូនបកស្រាយ ជូនអង្គសវនាការដ៏ទូលំទូលាយនេះ ខ្ញុំបាទមានកិត្តិយសក្រៃលែង ខ្ញុំបាទអត់មានចង់បានអ្វីទេ វត្ថុដែលខ្ញុំបាទចង់ គឺរបស់ដែលមើលមិនឃើញ គឺវាយុត្តិធម៌មួយដែលសម្រាប់អ្នកដែលបានស្លាប់ទៅ ។"
លោក វ៉ាន់ ណាត សាក្សីក្នុងសំណុំរឿង ០០១ ប្រតិចារឹក២៩ មិថុនា ២០០៩ E1/39.1

គេហទំព័រកេរដំណែលរបស់យើង៖
- ផ្តល់អង្គហេតុដែលបានផ្ទៀងផ្ទាត់ចេញពីសាលក្រមរបស់ អ.វ.ត.ក.
- លើកកម្ពស់ការយល់ដឹងអំពីដំណើរការជំនុំះម្រះក្តីលើរបបខ្មែរក្រហម
- រក្សាដំណើរនៃគណនេយ្យភាព
- ធ្វើឱ្យការរកឃើញរបស់តុលាការអាចចូលទៅប្រើប្រាស់បានដោយសាធារណជនទូទៅ
- ភ្ជាប់យុវជនកម្ពុជាជាមួយនឹងប្រវត្តិសាស្រ្ត

ចាប់ផ្តើមស្រាវជ្រាវ៖ www.eccc.gov.kh​

#ECCC #ECCCLegacyWebsite #KhmerRougeTrials #Justice #Cambodia

នាព្រឹកថ្ងៃទី២៦ ខែធ្នូ ឆ្នាំ២០២៤ សិស្សានុសិស្សប្រមាណ ២២៥អង្គ/នាក់ មកពី វិទ្យាល័យទួលក្បិល ក្នុងស្រុកកំពង់ស្វាយ នៃខេត្តកំពង់ធំ បានអញ្ជើញមកបំពេញទស្សនកិច្ចសិក្សានៅក្នុងមជ្ឈមណ្ឌលធនធាន អ.វ.ត.ក. ដើម្បីស្វែងយល់អំពីសមិទ្ធផលនៃការជំនុំជម្រះក្ដី និងការអនុវត្តមុខងារសេសសល់របស់សាលាក្ដីខ្មែរក្រហម។

លោកជំទាវ ឃួន ឃុនឌី សមាជិកាគណៈកម្មការទី៨នៃព្រឹទ្ធសភា ដែលបានអញ្ជើញដឹកនាំទស្សកិច្ចសិក្សានេះដោយផ្ទាល់ បានកោតសរសើរចំពោះការទទួលស្វាគមន៍ និងរៀបចំរបស់មជ្ឈមណ្ឌលធនធាននៃ អ.វ.ត.ក. ក្នុងការថែរក្សាកេរដំណែលរបស់អង្គជំនុំជម្រះ ដើម្បីផ្សព្វផ្សាយដល់យុវជនជំនាន់ក្រោយឱ្យយល់ដឹងច្បាស់ពីប្រវត្តិសាស្ដ្ររបស់កម្ពុជា។ លោកជំទាវបន្ថែមថា ការរៀបចំនេះពិតជាមានលក្ខណៈទំនើប និងស្របតាមបទដ្ឋានអន្ដរជាតិ ដែលផ្ដល់ភាពងាយស្រួលដល់កិច្ចការស្រាវជ្រាវរបស់អ្នកសិក្សាទាំងអស់។

លោកជំទាវសំណូមពរឱ្យសិស្សានុសិស្សទាំងអស់ ត្រងត្រាប់ស្ដាប់បទបង្ហាញពីមន្ដ្រីរបស់ អ.វ.ត.ក. និងស្វែងយល់ឱ្យបានច្រើនពីមជ្ឈមណ្ឌលធនធាននេះ ដើម្បីយកទៅប្រើប្រាស់ជាដើមទុកសម្រាប់មូលដ្ឋានគ្រឹះសិក្សាពីប្រវត្តិសាស្ដ្ររបស់កម្ពុជា។ លោកជំទាវក៏ជម្រុញឱ្យសិស្សខិតខំប្រឹងប្រែងស្វែងយល់អំពីតថភាពប្រវិត្តសាស្រ្ត និងចូលរួមចំណែកការពារដល់សន្តិភាព ដែលជាធាតុសំខាន់ក្នុងកិច្ចការអភិវឌ្ឍសេដ្ឋកិច្ចនិងសង្គមជាតិផងដែរ។

សូមបញ្ជាក់ថា បន្ទាប់ពីទស្សនកិច្ចសិក្សានៅមជ្ឈមណ្ឌលធនធាន ប្រតិភូមកពីខេត្តកំពង់ធំនេះក៏អញ្ជើញទស្សនកិច្ចសារៈមន្ទីរឧក្រិដ្ឋកម្មប្រល័យពូជសាសន៍ទួលស្លែង និងវិមានឈ្នះឈ្នះផងដែរ៕

#ECCC #CambodianHistory #GenocideEducation #StudyTour #KampongThom #YouthEngagement

នៅថ្ងៃទី២៣ ខែធ្នូ ឆ្នាំ២០២៤ ក្រុមការងារអ.វ.ត.ក. បានទទួលស្វាគមន៍ទស្សនកិច្ចលើកដំបូងមកកាន់មជ្ឈមណ្ឌលធនធានរបស់អ.វ.ត.ក. របស់លោកស្រី សួង សាម៉ឺឌី នាយកប្រតិបត្តិ នៃមជ្ឈមណ្ឌលខេមរសិក្សាលោកស្រី ឈ ស៊ីវឡេង ប្រធានបណ្ណារក្ស និងសហការី។

ដំណើរទស្សនកិច្ចនេះមានគោលបំណងភ្ជាប់ទំនាក់ទំនងរវាងអ្នកធ្វើការផ្នែកបណ្ណាល័យនិងផ្នែកបណ្ណសារ។

ក្នុងជំនួបនេះផងដែរក្រុមការងារអ.វ.ត.ក. ក៏បានបង្ហាញជូននូវវឌ្ឍនភាពរបស់អ.វ.ត.កចំពោះការអនុវត្តមុខងារសេសសល់ ជាពិសេសគឺការបង្ហាញពីរបៀបគ្រប់គ្រងបណ្ណាល័យ។
ក្រុមគណៈប្រតិភូមានការកោតសរសើរចំពោះការរៀបចំបណ្ណាល័យរបស់អ.វ.ត.ក. ដែលមានលក្ខណៈស្តង់ដានិងទំនើប គណៈប្រតិភូសន្យាថានឹងពាំនាំព័ត៌មានអំពីមជ្ឈមណ្ឌលធនធានអ.វ.ត.ក. ទៅកាន់អ្នកសិក្សាស្រាវជ្រាវនៃមជ្ឈមណ្ឌលខេមរសិក្សា ដែលជម្រុញឱ្យពួកគេអាចមានឱកាសមកធ្វើការសិក្សាស្រាវជ្រាវនៅបណ្ណាល័យរបស់អ.វ.ត.ក.។

#ECCC #CenterforKhmerStudies #LibraryCollaboration #Archives #Research #Cambodia #Justice

📅 លើសពីកាលបរិច្ឆេទ - កំណត់ត្រានៃកាលប្បវត្តិអន្តរកម្មរបស់យើង គឺជាចំណុចផ្ដើមដែលអាចនាំអ្នកឱ្យយល់ច្បាស់ពីប្រវត្តិសាស្រ្តរបស់យើង តាមរយៈអង្គហេតុដែលបានផ្ទៀងផ្ទាត់ក្នុងតុលាការ។

🔎 កំណត់ត្រាកាលប្បវត្តិអន្តរកម្មរបស់ អ.វ.ត.ក. ផ្អែកលើការរកឃើញរបស់តុលាការ៖
- ដើម​កំណើត​នៃ​របប​ខ្មែរ​ក្រហម (ទស្សវត្តន៍១៩៣០)
- ការឡើងកាន់អំណាច ការកាន់អំណាច និងការដួលរលំនៃរបបខ្មែរក្រហម
- ដំណើរឆ្ពោះទៅកាន់យុត្តិធម៌ និងការទទួលខុសត្រូវ
- ដំណាក់កាលនែការជំនុំជំរះក្តីរបស់ អ.វ.ត.ក. រហូតដល់ឆ្នាំ ២០២២

ឈ្វេងយល់អំពីបទពិសោធន៍និងរៀនសូត្រពីអតីតកាលរបស់ប្រទេសកម្ពុជាដែលបានផ្លាស់ប្តូរមាគ៌ាឆ្ពោះទៅរកគណនេយ្យភាព។

ចាប់ផ្តើមស្វែងយល់នៅទីនេះ៖ timeline.eccc.gov.kh

#ECCCLegacy #CambodiaHistory #Justice #KhmerRouge

ទទួលបានបទពិសោធន៍ថ្មីពីសាលាក្ដីខ្មែរក្រហមដែលលោកអ្នកពុំដែលជួបប្រទះពីមុនមក!
គេហទំព័រដ៏ឈានមុខគេរបស់យើងបានផ្តល់ជូន៖

🗺 ផ្ទាំងអន្តរកម្ម
- ផែនទីទីតាំងឧក្រិដ្ឋកម្មជាង១០០+ ទីតាំង
- កំណត់ត្រាកាលប្បវត្តិពីឆ្នាំ ១៩៣០ ដល់ឆ្នាំ ២០២២
- រចនាសម្ព័ន្ធមេដឹកនាំខ្មែរក្រហម
- រូបភាពនិងផែនទីបង្ហាញអំពីការផ្លាស់ទីលំនៅរបស់ប្រជាជន

📚សម្ភារៈអប់រំ
- បញ្ជីឈ្មោះប្រវត្តិរូបនៃឯកសារដែលបានផ្ទៀងផ្ទាត់រួចរាល់
- កំណត់ត្រាអ្នកទោស ស-២១
- សទ្ទានុក្រមច្បាប់ពហុភាសា
- គន្ថនិទ្ទេស អ.វ.ត.ក.

💻 បណ្ណសារឌីជីថល
- កំណត់ត្រាតុលាការសាធារណៈ
- មានភាពងាយស្រួលក្នុងការស្វែងរកឯកសារ
-ឯកសារមាន ៣ ភាសា
- ឯកសារដែលបានផ្ទៀងផ្ទាត់

ចូរធ្វើឱ្យប្រវត្តិសាស្ដ្ររបស់កម្ពុជាអាចចូលប្រើប្រាស់បានសម្រាប់ទាំងអស់គ្នា។
សូមចូលមើលឥឡូវនេះ៖ www.eccc.gov.kh

#ECCCLegacy #Innovation #Justice #DigitalArchive #Education

តោះ! មកមើលរូបភាពខ្លះៗពីវគ្គផ្តាច់ព្រ័ត្រ នៃការប្រកួតសវនាការប្រឌិតថ្នាក់ជាតិស្ដីពីនីតិមនុស្សធម៌អន្តរជាតិឆ្នាំ២០២៤ ទាំងអស់គ្នា!

សម្រាប់ការប្រកួតសវនាការប្រឌិតថ្នាក់ជាតិស្ដីពីនីតិមនុស្សធម៌អន្តរជាតិឆ្នាំ២០២៤ វគ្គផ្តាច់ព្រ័ត្រ
ក្រុមដែលអញ្ជើញមកពីគឺសាកលវិទ្យាល័យជាតិគ្រប់គ្រង សាកលវិទ្យាល័យភូមិន្ទនីតិសាស្ដ្រ និងវិទ្យាសាស្ដ្រសេដ្ឋកិច្ច គឺជាក្រុមជ័យលាភី។🏆🎇

យើងសូមថ្លែងអំណរគុណដល់ ក្រុមចូលរួមប្រកួតទាំងអស់ គណៈកម្មការដាក់ពិន្ទុ អ្នកស្ម័គ្រចិត្ត និងអ្នកចូលរួមទាំងឡាយដែលបានចំណាយពេលវេលាដ៏មានតម្លៃមកចូលរួមក្នុងកម្មវិធីរបស់យើងកន្លងទៅនេះ។

យើងសង្ឃឹមថាអ្នកទាំងអស់គ្នាទទួលបានចំណេះដឹងបន្ថែមអំពីនីតិមនុស្សធម៌អន្តរជាតិ បន្ទាប់ពីបានចូលរួមជាមួយពួកយើង!

ការប្រកួតសវនាការប្រឌិតថ្នាក់ជាតិស្ដីពីនីតិមនុស្សធម៌អន្តរជាតិ នឹងជួបអ្នកទាំងអស់គ្នាម្តងទៀតនៅឆ្នាំក្រោយ!

#ECCC #IHLMootCourt #Fiនាលround #Cambodia #InternationalHumanitarianLaw

ផ្សាយផ្ទាល់ពី អ.វ.ត.ក.

ចាប់ផ្តើមនៅម៉ោង ១:៣០នាទី

សូមអញ្ជើញតាមដានទស្សនាការប្រកួតវគ្គផ្ដាច់ព្រ័ត្រ​នៃកម្មវិធី​ប្រកួត​សវនាការប្រឌិតថ្នាក់ជាតិស្ដីពីនីតិមនុស្សធម៌អន្តរជាតិឆ្នាំ២០២៤។

សូមចូលរួមជាមួយយើង ដើម្បីតាមដានថា តើនរណានឹងគ្រងជើងឯកកម្មវិធីប្រកួតនីតិមនុស្សធម៌អន្ដរជាតិឆ្នាំនេះ។

#ECCC #IHLMoot #InternationalHumanitarianLaw #MootCourt #LiveNow #CambodiaHistory

https://www.facebook.com/share/v/1AnPk7LZm2/?

តើអ្នកបានចុះឈ្មោះចូលរួមក្នុងវគ្គសិក្សា
«ដោះស្រាយអតីតកាល-សេចក្ដីផ្ដើមអំពីយុតិ្តធម៌អន្តរកាល និង អ.វ.ត.ក.» ហើយឬនៅ? 👋

📚 ទាំងនេះគឺជាអត្ថប្រយោជន៍សំខាន់ៗ ដែលលោកអ្នកនឹងទទួលបានពីការចូលរួមវគ្គសិក្សាជាមួយពួកយើង៖
- ការយល់ដឹងអំពីយុត្តិធម៌អន្តរកាល
- ឈ្វេងយល់ស៊ីជម្រៅអំពីការជំនុំជំរះក្តីដោយ អ.វ.ត.ក.
- វគ្គសិក្សាអន្តរកម្ម
- អាហារសម្រន់
- វិញ្ញាបនបត្របញ្ជាក់ការចូលរួម

📅 កាលបរិច្ឆេទ៖ ថ្ងៃទី៧ ខែធ្នូ ឆ្នាំ ២០២៤ | ៩:៣០ ព្រឹក - ១:៣០រសៀល
📍 ទីកន្លែង៖ សាលពហុបំណង អ.វ.ត.ក.
🗣ភាសា៖ ភាសាខ្មែរ
🎯 សម្រាប់៖ និស្សិតសាកលវិទ្យាល័យកំពុងសិក្សានៅទីក្រុងភ្នំពេញ
⏰ ទទួលពាក្យត្រឹមថ្ងៃទី៣០ ខែវិច្ឆិកា ឆ្នាំ២០២៤
ℹ️ ព័ត៌មានអំពីកម្មវិធី និងកាលវិភាគ៖ https://drive.google.com/drive/folders/1g-QvshnmwYKn9p04qhw5AeyQn6xT5zI7
📝 ចុះឈ្មោះ៖ https://forms.office.com/e/BBUYRsEm1V
📱 ចូលរួមក្រុមតេឡេក្រាម: https://t.me/+YI2fMkeRpTljNWE1

វគ្គសិក្សានេះគឺជាផ្នែកមួយនៃកិច្ចសហប្រតិបត្តិការរវាង អ.វ.ត.ក. និងកម្មវិធី GIZ CPS SAUP ។

#ECCCLegacy #TransitionalJustice #PhnomPenh #StudentWorkshop

🚍 ការផ្សព្វផ្សាយអំពីសមិទ្ធផលរបស់ អ.វ.ត.ក. ក្នុងរយៈពេលបួនថ្ងៃរបស់យើងនៅក្នុងខេត្តព្រះវិហារ និងខេត្តកំពង់ធំ បានបញ្ចប់ទៅជាមួយនឹង
បទពិសោធន៍ដ៏មានអត្ថន័យ និងការចែករំលែក
ចំណេះដឹងដល់អ្នកចូលរួមរបស់យើងទាំងអស់។ សូមក្រលេកមើលសកម្មភាពផ្សព្វផ្សាយសំខាន់ៗនៃការខិតខំប្រឹងប្រែងរបស់យើង តាមរយៈ
សេចក្ដីសង្ខេបខ្លីៗទាំងនេះ!

#ECCC #KhmerRouge #Justice #Education #PeaceBuilding #YourBus #Peace #TransitionalJustice #KhmerRougeTrials

📜 អង្គហេតុប្រឌិតនៃការប្រកួតតុលាការប្រឌិតកម្ពុជា២០២៥
ត្រូវបានផ្សព្វផ្សាយហើយ!

📚 ទាញយកសំណុំរឿង និងឯកសារពាក់ព័ន្ធពីគេហទំព័ររបស់យើង។ ចាប់ផ្តើមរៀបចំការប្រកួត!
⚖️ ក្រុមនីមួយៗត្រូវសិក្សាសំណុំរឿងនេះឱ្យបានហ្មត់ចត់ ដើម្បីរៀបចំការប្រកួតក្នុងខែមីនា។

📅 កាលបរិច្ឆេទសំខាន់ៗ៖
* កាលបរិច្ឆេទឈប់ទទួលចំពោះសំណើរសុំបញ្ជាក់អង្គហេតុរឿងក្ដីប្រឌិត ៖ ថ្ងៃទី១ ខែធ្នូ ឆ្នាំ២០២៤
* កាលបរិច្ឆេទឈប់ទទួលសារណាជាលាយលក្ខណ៍អក្សរ៖ ថ្ងៃទី១៤ ខែកុម្ភៈ ឆ្នាំ២០២៥
* វគ្គផ្ទាល់មាត់៖ ថ្ងៃទី១៤-១៦ ខែមីនា ឆ្នាំ២០២៥

🔍 ទាញយកអង្គហេតុរឿងក្ដីប្រឌិតតាម៖ www.cambodianmootcourt.com
📧 សម្រាប់ព័ត៌មានបន្ថែម សូមទំនាក់ទំនង៖ [email protected] | +855 17 333 616

#CMCC2025 #CambodianMootCourt #LegalEducation #MootCourt

អបអរសាទរ ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក 🎊🛶

អ.វ.ត.ក. សូមជូនពរបងប្អូន ប្រជាពលរដ្ឋទាំងអស់ទទួលបានតែភាពសប្បាយរីករាយ និងសុវត្ថិភាពក្នុងឱកាសឈប់សម្រាកនេះ!

#WaterFestival #ECCCResourceCentre #Library #Holiday

អបអរសាទរ ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក 🎉🚣‍♀️

មជ្ឈមណ្ឌលធនធាន អ.វ.ត.ក. សូមជម្រាបជូនដំណឹងដល់ សាធារណៈជន ឱ្យបានជ្រាបថា៖ ក្នុងព្រះរាជពិធីបុណ្យអុំទូក បណ្តែតប្រទីប សំពះព្រះខែ និង អកអំបុក បណ្ណាល័យ នៃមជ្ឈមណ្ឌលធនធាន អ.វ.ត.ក. នៅ តែបើកដំណើរការជាធម្មតាចាប់ពីម៉ោង៩ព្រឹក រហូតដល់ ម៉ោង៦ល្ងាច។ អាស្រ័យហេតុនេះ សូមសាធារណៈជន មេត្តាជ្រាបជាព័ត៌មាន។

#WaterFestival #Open #ECCCResourceCentre #Library #HolidayHours

📢 ស្វែងយល់ពីកេរ្តិ៍ដំណែល អ.វ.ត.ក តាមរយៈអនឡាញ!

យើងបានបើកដំណើរការគេហទំព័រកេរដំណែលរបស់យើង ដោយអនុញ្ញាតឱ្យលោកអ្នក ចូលទៅកាន់ឯកសារតុលាការជាង ២០០ ០០០ អំពីការជំនុំជម្រះក្តីលើ
របបខ្មែរក្រហមជាលើកដំបូងនៅកម្ពុជា។ គេហទំព័រថ្មីរបស់យើងពោរពេញទៅដោយ អន្តរកម្មប្រកបដោយភាពច្នៃប្រឌិត ការបង្ហាញពីកាលប្រវិត្ត ផែនទី ទីតាំងឧក្រិដ្ឋកម្ម និងឋានានុក្រម
នៃមេដឹកនាំរបបខ្មែរក្រហម។ គេហទំព័រថ្មីរបស់យើងត្រូវបានបង្កើតឡើងដើម្បីជាជំនួញស្មារតីដល់យុវជនកម្ពុជាឱ្យពួកគេស្វែងយល់ពីជំពូកដ៏សំខាន់នៃប្រវត្តិសាស្ត្រ និងយុត្តិធម៌នេះ។

🌐 ចួលទៅកាន់គេហទំព័ររបស់យើង ៖ eccc.gov.kh
👀 មើលការណែនាំរបស់យើងអំពីលក្ខណៈពិសេសទាំងអស់! https://youtu.be/PvMFdvCu79I

គេហទំព័ររបស់យើងមានចំណួន៣ភាសាគឺ៖មានជាភាសាខ្មែរ អង់គ្លេស និងបារាំង 🇰🇭 🇬🇧 🇫🇷

#ECCClegacy #KhmerRougeTrials #Cambodia #Justice #DigitalArchive

🎉 ពេលវេលាដែលលោកអ្នកទន្ទឹងរង់ចាំបានមកដល់ហើយ!
យើងមានក្តីសោមន្សរីករាយ ក្នុងការប្រកាសពីការដាក់ដំណើរការសាកល្បងគេហទំព័រថ្មីរបស់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.)។ មុខងារថ្មីៗក្នុងគេហទំព័រនេះនឹងអនុញ្ញាតឱ្យសាធារណៈជនបានស្វែងយល់កាន់តែច្បាស់ទាក់ទងនឹងកិច្ចការងាររបស់យើង ក្នុងការស្វែងរកការពិត សន្តិភាព និងដំណើរការផ្សះផ្សាជាតិ។
🔍មុខងារអន្តរកម្មផ្តល់នូវការចូលរួមសិក្សាអំពីប្រវត្តិសាស្ត្រកម្ពុជាដែលមិនធ្លាប់មានពីមុនមក។
📚 គេហទំព័រថ្មី ដែលផ្តល់នូវភាពងាយស្រួលក្មុងការស្វែងរកឯកសារសំខាន់ៗទាក់ទង។

💻 ស្វែងយល់ពីគេហទំព័រថ្មីរបស់យើងតាមរយៈ www.eccc.gov.kh

កំណត់សម្គាល់៖ ទម្រង់នៃគេហទំព័រសាកល្បងនៃ អ.វ.ត.ក.នាពេលបច្ចុប្បន្ន មានសម្រាប់តែការចូលមើលតាមរយៈកុំព្យូទ័រប៉ុណ្ណោះ។

🇰🇭 អបអរសាទរខួបទី៧១នៃទិវាបុណ្យឯករាជ្យជាតិ របស់កម្ពុជា!

ចូលរួមជាមួយ អ.វ.ត.ក. ក្នុងការការកសាងយុត្តិធម៌ និងការផ្សះផ្សាជាតិ ដើម្បីការពារការកកើតឡើងវិញនៃអំពើប្រល័យពូជសាសន៍ និងអំពើឃោរឃៅនៅក្នុងប្រទេសកម្ពុជា។

#IndependenceDay #Cambodia #ECCC

លើសពីមុខងារជាគេហទំព័រ វេបសាយថ្មីរបស់ អ.វ.ត.ក. នឹងដើរតួនាទីជាបណ្ដុំផ្ទុកនិងថែរក្សាឯកសារកេរដំណែលរបស់ អ.វ.ត.ក និងផ្ដល់ចំណេះដឹងអំពីប្រវត្តិសាស្ត្រ។

មជ្ឈមណ្ឌលធនធានអន្តរកម្ម និងឌីជីថលដ៏ឈានមុខគេនៅកម្ពុជានេះ ក៏នឹងបម្រើជាផ្នែកបន្ថែមដ៏សំខាន់មួយនៃបណ្ណសាររបស់អ.វ.ត.ក ដោយផ្តល់នូវការចូលទៅកាន់ បណ្ណសារឌីជីថល និងព័ត៌មានរាប់លានទំព័រអំពីការជំនុំជម្រះក្តីលើរបបខ្មែរក្រហម។

សូមរង់ចាំតាមដានទាំងអស់គ្នា!

#ECCC #KhmerRougeTrials #ECCCLegacy #Justice #Education #CambodiaHistory #Archives #Accountability #ResourceCentre

បណ្ណសារដែល អ.វ.ត.ក. បានពិនិត្យ ថែទាំ រក្សាទុកនិងគ្រប់គ្រង និងត្រូវដាក់ឱ្យប្រើប្រាស់ នៅក្នុងគេហទំព័រថ្មីរបស់យើង ដែលនេះជាការផ្តល់លទ្ធភាពដល់សាធារណជនអាចចូលទៅប្រើប្រាស់
ផ្ទាល់នូវឯកសារសំខាន់ៗជាច្រើនក្នុងទម្រង់ឌីជីថលដែលពុំធ្លាប់មានពីមុនមក។

សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា
បានថ្លែងក្នុងសុន្ទរកថាក្នុងពិធីបើកការដ្ឋានពង្រីកមជ្ឈមណ្ឌលធនធាន អ.វ.ត.ក. កាលពីថ្ងៃទី ១៦ ខែ កក្កដា ឆ្នាំ ២០២៤ “ហើយការថែរក្សាបែបនេះគឺសំខាន់។ ការរៀបចំឯកសាររឹង បញ្ចូលជាឌីជីថល ហើយត្រូវមាន BACKUP ទៀត។ ប៉ុន្ដែ ឯកសារ ក្នុង១៦ឆ្នាំនេះ អាចបំរើរាប់រយឆ្នាំបន្ដទៅទៀត ដែលចាំបាច់ត្រូវថែរក្សា”។

#ECCC #Cambodia #DigitalArchive #HunManet #HistoricalJustice

រាប់តាំងពីការរៀបចំបណ្ណសារ មជ្ឈមណ្ឌលធនធាន និងសកម្មភាពផ្សព្វផ្សាយផ្សេងៗ... យើងប្តេជ្ញាចិត្តដោយធ្វើយ៉ាងណាឱ្យ
សាធារណជនបានយល់ដឹងកាន់តែទូលំទូលាយអំពីដំណើរការជំនុំជម្រះក្តីលើរបបខ្មែរក្រហម។

ថ្ងៃនេះយើងបានបោះជំហានទៅចំនុចថ្មីមួយទៀតជាមួយនឹងការបើកឱ្យដំណើរការគេហទំព័រថ្មីរបស់យើងដែលនឹងអនុញ្ញាតឱ្យលោកអ្នកចូលទៅប្រើប្រាស់ឯកសារទាក់ទងនឹងការងារ និងកេរដំណែល របស់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) បានគ្រប់ពេលវេលា និងគ្រប់ទីកន្លែង។

លោកអ្នក អាចស្វែងរកបណ្ណសារឌីជីថល មុខងារអន្តរកម្ម និងធនធានចំណេះដឹងដ៏ទូលំទូលាយស្ថិតនៅក្នុងគេហទំព័រនេះបាន។

សូមរង់ចាំតាមដានទាំងអស់គ្នាសម្រាប់ការបើកដំណើរការសាកល្បងនៃគេហទំព័រថ្មីនេះ រួមជាមួយនឹងមុខងារដ៏សម្បូរបែបដែលនឹងមកដល់ក្នុងពេលឆាប់ៗនេះ។

#ECCCLegacy #KhmerRougeTrials #NewWebsite #DigitalAccess #Cambodia

នៅថ្ងៃព្រហស្បតិ៍ ទី៣១តុលា ឆ្នាំ២០២៤ (អ.វ.ត.ក.) បានរៀបចំកិច្ចពិភាក្សាអំពីតួនាទីរបស់កេរដំណែលសោតទស្សន៍ក្នុងការរក្សាសន្តិភាព និងការផ្សះផ្សា ដើម្បីចូលរួមប្រារព្ធទិវាពិភពលោកសម្រាប់កេរដំណែលសោតទស្សន៍។
សូមអរគុណ ខ្មែរថាមស៍ សម្រាប់ការគាំទ្ររបស់អ្នកក្នុងការផ្សព្វផ្សាយព័ត៌មានអំពីកិច្ចពិភាក្សាដ៏សំខាន់នេះ និងសម្រាប់ការបោះពុម្ពអត្ថបទរបស់យើងនៅក្នុងកាសែតរបស់អ្នក។

#ECCC #Peacebuilding #KhmerRougeTrials #ECCCLegacy #KhmerTimes

កុំខកខានណា រថយន្តក្រុងរបស់អ្នក! មជ្ឈមណ្ឌលធនធាន អ.វ.ត.ក. ចល័ត នឹងទៅខេត្តព្រះវិហារ និងខេត្តកំពង់ធំ ដោយនាំយកព័ត៌មាន និងឯកសារសំខាន់ៗជាច្រើនអំពីសាលាក្ដីខ្មែរក្រហម។

សូមពិនិត្យមើលទីតាំងចំណត ហើយធ្វើដំណើរទាំងអស់គ្នាសម្រាប់ប្រវត្តិសាស្ត្រកម្ពុជា។ តស់ជិះឡានទាំងអស់គ្នា! 🚌

#ECCC #YourBus #KhmerRougeTrials #ECCCLegacy #Justice #Education #CambodiaHistory

📣 ជម្រាបសួរសិស្សានុសិស្ស អ្នកជំនាញ និងអ្នកប្រវត្តិសាស្ត្រទាំងអស់គ្នា!

យើងខ្ញុំសូមអញ្ជើញអ្នកទាំងអស់គ្នាចូលរួមបង្កើត ធនធានអប់រំសម្រាប់ពេលអនាគតរបស់យើង។ ការយល់ដឹងរបស់អ្នកមានសារៈសំខាន់ណាស់ក្នុងការបង្កើតវគ្គសិក្ខាសាលាដែលនឹងរក្សា និងចែករំលែកកេរដំណែលរបស់ អ.វ.ត.ក.។

ស្គែនQR កូដ ឬចូលរួមស្ទង់មតិនៅទីនេះ៖ https://forms.gle/2qgXMTRSKgZD5rzc8

សំឡេងរបស់អ្នកមានសារៈសំខាន់ក្នុងការរក្សាកេរដំណែលរបស់ អ.វ.ត.ក.! មិនថាអ្នកជាសិស្ស អ្នកអប់រំ មគ្គុទ្ទេសក៍ទេសចរណ៍ ឬគ្រាន់តែចាប់អារម្មណ៍ក្នុងការស្វែងយល់អំពី អ.វ.ត.ក. យើងចង់ឮពីអ្នក!

⏰ ត្រឹមតែ ១០ ទៅ១៥ នាទី
📝 មិនទាមទាចំណេះដឹងមុន
🗣 មានជាភាសាខ្មែរ និងអង់គ្លេស
ជួយយើងបង្កើតធនធានអប់រំដែលមានសារៈសំខាន់នេះ!

#ECCCLegacy #Cambodia #Education #Justice #History #KhmerRougeTrials

ធ្លាប់មានអារម្មណ៍ផ្លឹកៗ អារម្មណ៍អត់នៅខ្លួនដែរឬទេ? នេះគឺជា លំហាត់បច្ចុប្បន្នភាព ដែលប្រើសំរាប់នាំអារម្មណ៍សិស្សមក ពេលបច្ចុប្បន្នវិញ ពេលបានស្តាប់រឿងរ៉ាវនាសម័យខ្មែរក្រហម ក្នុងបេសកម្មផ្សព្ធផ្សាយមជ្ឈមណ្ឌលធនធានចល័ត អ.វ.ត.ក ដែលបង្រៀនដោយ អង្គការ TPO Cambodia។

#ECCC #TPOCambodia #MentalHealth #KhmerRouge #TraumaHealing #YouthEducation #Mindfulness

អ.វ.ត.ក. ទទួលស្វាគមន៍លោកស្រី Noémie Pinta ទីប្រឹក្សាទទួលបន្ទុកផ្នែកនយោបាយ និងសារព័ត៌មាន និងលោកស្រី Mathilde Lahor មន្ត្រីការិយាល័យមកពីក្រសួងបារាំងទទួលបន្ទុកកិច្ចការអឺរ៉ុប និងបរទេស។

គណៈប្រតិភូបានទស្សនាមជ្ឈមណ្ឌលធនធាន អ.វ.ត.ក. ហើយបានការណែនាំដោយសង្ខេបអំពីសកម្មភាពបច្ចុប្បន្ន និងទស្សនៈក្នុងពេលអនាគតរបស់មជ្ឈមណ្ឌលធនធាន អ.វ.ត.ក.។

ដំណើរទស្សនកិច្ចនេះក៏បានស្វែងយល់ផងដែរអំពីសារៈសំខាន់នៃការថែរក្សា និងការចែករំលែកឯកសារ និងបណ្ណសារច្បាប់របស់ អ.វ.ត.ក. ដោយធានាថា ការងាររបស់យើងនៅតែអាចប្រើប្រាស់បានសម្រាប់មនុស្សជំនាន់ក្រោយ អ្នកស្រាវជ្រាវ និងសាធារណជន។

#ECCC #LegalHeritage #Archive #KhmerRougeTrials #Justice

🚨 ការចុះឈ្មោះចូលរួមក្នុងកម្មវិធីប្រកួតតុលាការប្រឌិតកម្ពុជា២០២៥ បានពន្យារពេលកាលបរិច្ឆេទផុតកំណត់នៃការចុះឈ្មោះ!
📅 កាលបរិច្ឆេទផុតកំណត់នៃការចុះឈ្មោះ៖ ថ្ងៃទី១៥ ខែវិច្ឆិកា ឆ្នាំ២០២៤
🎤 វគ្គសួរដេញដោលផ្ទាល់មាត់៖ ថ្ងៃទី១៤ ដល់១៦ ខែមីនា ឆ្នាំ២០២៥
📍 ទីកន្លែង៖ សាលពហុបំណង អ.វ.ត.ក. ក្នុងទីក្រុងភ្នំពេញ
បង្កើនជំនាញតស៊ូមតិរបស់អ្នក ជំនាញស្រាវជ្រាវ និងជំនាញសរសេរផ្នែកច្បាប់ ពង្រីកបណ្ដាញទំនាក់ទំនងរបស់អ្នក ប្រកួតដើម្បីឈ្នះពានរង្វាន់ និងអាហារូបករណ៍ ព្រមទាំងទទួលបានលិខិតបញ្ជាក់ពីការចូលរួមប្រកួតនេះផងដែរ។
📄 ត្រៀមចុះឈ្មោះហើយឬនៅ? សូមស្កេន QR Code ឬទាញយកពាក្យស្នើសុំចុះឈ្មោះនៅលើគេហទំព័រ ហើយផ្ញើមកយើងខ្ញុំមុនថ្ងៃទី១៥ ខែវិច្ឆិកា ឆ្នាំ២០២៤!
📅 កាលបរិច្ឆេទកំណត់នៃការប្រកួតបានកែសម្រួលជាថ្មី: សូមមើលផ្នែក ឃ ក្នុងឧបសម្ព័ន្ធ១ នៃវិធានផ្លូវការសម្រាប់ការកែសម្រួលជាថ្មី។
🌐 សូមអានព័ត៌មានលម្អិតបន្ថែមទៀតនៅក្នុងគេហទំព័ររបស់យើង៖ shorturl.at/KWwrL
📩 សូមទាក់ទងមកកាន់ [email protected] | +៨៥៥ ០៩៦​ ៤១៨ ៨០៨៤

#CMCC2025 #CambodianMootCourt #LegalSkills #LawStudents #MootCourt #Networking #Justice

តើកុមារគួរត្រូវបានអនុញ្ញាតឱ្យដឹងអំពីរឿងរ៉ាវទាក់ទងនឹងសម័យខ្មែរក្រហមដែរឬទេ? ប្រាកដណាស់ ពួកគេគួរតែដឹងរឿងរ៉ាវទាំងអស់នោះ ព្រោះវាជាប្រវត្តិសាស្ដ្ររបស់ប្រទេសពួកគេ តែការអប់រំរបស់ពួកគេត្រូវតែសមស្របតាមកម្មវិធីសិក្សាសម្រាប់កុមារ។ ដូច្នេះ យើងសូមណែនាំសៀវភៅមួយឈ្មោះថា សៀវភៅមគ្គុទ្ទេសក៍ អំពី អ.វ.ត.ក. សម្រាប់កុមារ។ សៀវភៅនេះត្រូវបានរៀបចំជាពិសេស សម្រាប់អប់រំកុមារ អំពីសម័យខ្មែរក្រហម និងការកាត់ទោសមេដឹកនាំខ្មែរក្រហម។

#ECCC #Education #CambodianYouth #PeaceEducation #HistoryForChildren

សិស្សានុសិស្សនៅក្នុងវិទ្យាល័យនេតយ៉ង់ សម្ដែងល្ខោនវេទិកាស្ដីអំពី “ការរៀបអាពាហ៍ពិពាហ៍ដោយបង្ខំនៅក្នុងរបបខ្មែរក្រហម” ជូនមិត្តរួមថ្នាក់ទស្សនា។ ការសម្ដែងនេះជាផ្នែកមួយនៅក្នុងកម្មវិធីផ្សព្វផ្សាយរបស់មជ្ឈមណ្ឌលធនធាន អ.វ.ត.ក.ចល័ត ដែលត្រូវបានរៀបចំឡើងដោយសាលាក្ដីខ្មែរក្រហម និងអង្គការក្ដីករុណា នៅថ្ងៃទី២២ ខែតុលា ឆ្នាំ២០២៤ ក្នុងវិទ្យាល័យនេតយ៉ង់ ដើម្បីឱ្យយុវជនជំនាន់ក្រោយយល់ដឹងឱ្យកាន់តែច្បាស់អំពីការរៀបការរបស់ប្រជាជនកម្ពុជានៅក្នុងសម័យខ្មែរក្រហម។

#ECCC #Education #KhmerRouge #ForcedMarriage #Performance #KhmerRougeTribunal

ក្រុមការងាររបស់យើងរួមនឹងអង្គការយុវសន្ដិភាព អង្គការក្ដីករុណ និងអង្គការTPO បានទស្សនកិច្ចនៅក្នុងវត្តសំរោងក្នុង ជាអតីតទីតាំងឧក្រិដ្ឋកម្មដែលត្រូវបានរកឃើញពាក់ព័ន្ធនឹងការឃុំខ្លួន និងសម្លាប់រង្គាលនៅក្នុងសម័យខ្មែរក្រហម។

ទីតាំងនេះជាផ្នែកមួយនៃសំណងក្នុងសំណុំរឿង ០០២/០១ ដែលផ្ដល់ដោយ អ.វ.ត.ក.។ អង្គការយុវសន្ដិភាពទទួលអនុវត្តគម្រោងនៃការចងចាំនេះ ដែលបានបង្កើតជាសារៈមន្ទីរ មជ្ឈមណ្ឌលព័ត៌មាន និងទីតាំងសម្រាប់សន្ទនាសម្រាប់សហគមន៍ចូលរួមយ៉ាងសកម្មក្នុងកិច្ចការងារទាក់ទងនឹងការចងចាំ និងផ្នែកអប់រំ។

ការបំលែងពីអតីទីកន្លែងសោកនាដកម្ម ទៅជាកន្លែងសិក្សា និងព្យាបាលរបួសនេះ បង្ហាញពីការប្ដេជ្ញាចិត្តរបស់សហគមន៍ក្នុងការថែរក្សាការចងចាំ ដើម្បីការកសាងអនាគតប្រកបដោយសន្តិភាព។

#ECCC #WatSamrongKnong #KhmerRougeHistory #PeaceBuilding #Reconciliation

📚 សកម្មភាពចែករំលែកចំណេះដឹង៖ ថ្ងៃនេះ យើងបានស្វាគមន៍មន្ត្រីចំនួនប្រាំបួនរូបមកពីអគ្គលេខាធិការរដ្ឋសភា ដើម្បីស្វែងយល់ពីបណ្ណសាររបស់ អ.វ.ត.ក. ដែលជាបណ្តុំឯកសាររបស់សាលាក្តីខ្មែរក្រហមដ៏ធំបំផុតរបស់កម្ពុជា។

បណ្ណសាររបស់យើង ដែលជាផ្នែកមួយដ៏សំខាន់នៃបុព្វហេតុជាតិរបស់ប្រទេសកម្ពុជា មានកំណត់ត្រាជាង ២៣២ ០០០ ច្បាប់ ឬប្រមាណ ២.៤ លានទំព័រ ដែលទាក់ទងនឹងដំណើរការស្វែងរកយុត្តិធម៌នៅកម្ពុជា។ ឯកសារដែលត្រូវបានរក្សាទុកយ៉ាងម៉ត់ចត់ទាំងនេះ បានបញ្ជាក់ពីដំណើររឿងទាក់ទងនឹងការស្វែងរកការពិត និងគណនេយ្យភាពរបស់កម្ពុជា។

ចាប់អារម្មណ៍ចូលមើលបណ្ណសារ ឬមជ្ឈមណ្ឌលធនធានរបស់យើង? សូមទាក់ទងមកយើងដើម្បីរៀបចំដំណើរទស្សនកិច្ចសិក្សា។

ត្រូវការចូលប្រើបណ្ណសាររបស់យើងទេឬទេ? ឯកសារសំណុំរឿងសាធារណៈអាចរកបានតាមរយៈ៖
📝 ទម្រង់បែបបទស្នើសុំឯកសារ https://tinyurl.com/5n7ub3bm
🔍 ទម្រង់ស្នើសុំចូលប្រើមូលដ្ឋានទិន្នន័យ https://tinyurl.com/mwbfennb
ចូលទៅកាន់គេហទំព័ររបស់យើងដើម្បីស្វែងយល់បន្ថែម៖ https://eccc.gov.kh

#ECCC #Archive #Heritage #KhmerRouge #Justice #History

🎬 ចូលរួមជាមួយយើងសម្រាប់ទិវាបេតិកភណ្ឌសោតទស្សន៍ពិភពលោក!

តើការរក្សាសោតទស្សន៍របស់យើងរួមចំណែកដល់ការកសាងសន្តិភាព និងការផ្សះផ្សាជាតិយ៉ាងដូចម្តេច? ចូលរួមក្នុងកិច្ចពិភាក្សាពិសេសដើម្បីពិភាក្សាស៊ីជម្រៅជាមួយក្រុមអ្នកជំនាញរបស់យើង៖

លោក ជា សុភាព ប្រធានមជ្ឈមណ្ឌលសោទស្សន៍បុប្ផាណា
លោក នីកូ មិស្ទើហាម ផលិតករ និងជាប្រធានអង្គការមេតាហោសន៍
លោក ធាលមែន ប៊ូមហ្គាតេល សាស្ដ្រាចារ្យផ្នែកសិក្សាប្រព័ន្ធផ្សព្វផ្សាយ នៃសាកលវិទ្យាល័យភូមិន្ទភ្នំពេញ និងសាកលវិទ្យាល័យមែនស៍

📅 ថ្ងៃទី៣១ ខែតុលា ឆ្នាំ២០២៤
⏰ម៉ោង ៥ៈ០០ ដល់ម៉ោង ៧ៈ០០ ល្ងាច
📍 សាលពហ៊ុបំណង អ.វ.ត.ក. ក្រុងភ្នំពេញ
🎫 ចូលរួមដោយសេរី

ចូលរួមជាមួយយើងដើម្បីស្វែងយល់ពីតួនាទីដ៏មានឥទ្ធិពលនៃបេតិកភណ្ឌសោតទស្សន៍នៅក្នុងការធ្វើដំណើររបស់ប្រទេសកម្ពុជាដើម្បីកសាងសន្តិភាព និងការផ្សះផ្សាជាតិ។

#WorldAudiovisualHeritageDay #Cambodia #PeaceBuilding #Heritage #Reconciliation #ECCC

កុំខកខានណា រថយន្តក្រុងរបស់អ្នក! មជ្ឈមណ្ឌលធនធាន អ.វ.ត.ក. ចល័ត នឹងទៅខេត្តបាត់ដំបង ដោយនាំយកព័ត៌មាន និងឯកសារសំខាន់ៗជាច្រើនអំពីការជំនុំជម្រះក្ដីលើខ្មែរក្រហម។

សូមពិនិត្យមើលទីចំណតបន្ទាប់របស់យើង ហើយធ្វើដំណើរសម្រាប់ប្រវត្តិសាស្ត្រកម្ពុជាយើង។ តស់ជិះឡានទាំងអស់គ្នា! 🚌

#ECCC #YourBus #KhmerRougeTrials #ECCCLegacy #Justice #Education #CambodiaHistory #Archives

អ្នកដឹងទេថា តើហេតុអ្វីបានជាមេដឹកនាំជាន់ខ្ពស់សម័យខ្មែរក្រហមដូចជាលោក ប៉ុល ពត នួន ជា ខៀវ សំផន និង តា ម៉ុក ជាដើមនឹង មានឈ្មោះពីរៗផ្សេងគ្នា? អ្នកអាចស្វែងយកចម្លើយទាំងនេះបាន នៅក្នុងសៀវភៅស្វែងយល់អំពីអង្គជំនុំជម្រះវិសាមញ្ញក្នុងតុលាការកម្ពុជា តាមរយ៖ https://linkpages.pro/oU923c

#ECCC #KhmerRouge #Justice #Education #MustRead