دکتۆر ئیاد قونەیبی - کوردی

«من ئامانجەکانی خۆمم دانا، بەدەستیانم هێنا، بەسەرکەوتووی هاتمە دەرەوە»
ئەمە کورتەی قسەکانی ئەم برایەیە.
چەند جوانە؛ بەندە خۆی بە ئەرکەکانیەوە سەرقاڵ بکات، لەبری ئەوەی نوقمی باسکردنی ئەوانی تر بێت، کە دەبوو چییان بکردایە، یاخوود ماتەمینی بۆچارەنووسی خۆی بگێڕێت.
بیرخستنەوە؛ بە ویستی خودا براکەم تۆ هیچت لەدەست نەداوە. داواکارین لە خودای گەورە، ئازیزانت قبوڵ بکات! قەرەبووت بکاتەوە! پاداشتی گەورەت پێ ببەخشێت!

تشجيع على التسجيل في برنامج البناء المنهجي
***************
إعلان البرنامج:

هبت رياح الخير، وأقبلت الخيرات وشرّعت أبوابها، وحانت اللحظة المرُتقبة:

يسرنا أن نعلن فتح باب التسجيل في الدفعة السادسة من برنامج #البناء_المنهجي.

المسار الأساسي:
https://binaamanhajii.social/3am

المسار الميسر:
https://binaamanhajii.social/Muyassar

📌 تنبيه: يجب تسجيل الدخول إلى حساب الـgmail من أجل الاستمرار في التسجيل.

نسأل الله أن يفتح عليكم ويسدد خطاكم 🍃

ماکرۆن لە بێ منەتی وڵاتانی ئەفریقای باشوور، بێزارە! لە بەرانبەر ئەو میهرەبانییەی فەڕەنسا لەگەڵیاندا دەیکات.

ئەی وڵاتانی باشوور و دراوسێکانی، لەبەرامبەر چاکەکەی فەڕەنسا، بۆچی سوپاستان نەکرد؟!

بۆچی سوپاستان نەکرد لەسەر:

- فەڕەنسا لە سەردەمی شۆڕشی جەزائیردا ملیۆنێک و نیو موسڵمانی کوشت، تا ئێستاش کەلەسەری بەشێکی زۆریان لە مۆزەخانەی کەلەسەر لە "پاریس" پاراستووە.

-کۆمەڵکوژی "٨ی ئایاری ١٩٤٥" کە سوپای فەڕەنسا لە ماوەی ١٥ ڕۆژدا ٤٤ گوندی جەزائیری وێران کرد و لە ئەنجامدا ٤٥ هەزار موسڵمان گیانیان لەدەستدا.

-بۆمبێکی ئەتۆمی کە چوار هێندەی بۆمبی هیرۆشیمای ژاپۆنی بەهێزتر بوو، لەلایەن فەڕەنسا وەک تاقیکردنەوەیەک لە بیابانی جەزائیردا تەقاندرایەوە، لەسەر دیلەکانی جەزائیر تاقیکرایەوە بۆ لێکۆڵینەوە لە کاردانەوەیان بەرامبەر تیشکی ئەتۆمی!

-کۆمەڵکوژی «الدار البيضاء» لە ساڵی ١٩٠٧: کە تێیدا فەڕەنسا نزیکەی شەش هەزار مەغریبی کوشت!

-کۆمەڵکوژی «كبكب لە چاد» لە ساڵی ١٩١٧: کەتیایدا فەڕەنسا نزیکەی ٤٠٠ زانا و سەرکردەی موسڵمانی کوشت.

-کۆمەڵکوژی «تازرکە لە تونس» لە ساڵی ١٩٥٢: تاێیدا دەستدرێژییان کردە سەر ئافرەتان و کۆرپەلەکانیان خستە ژێر پێیان.

-لە ساڵی ١٩٦١ـــەوە فەڕەنسا یەدەگی ناوخۆیی 14 وڵاتی ئەفریقای بەدەستەوەیە، لەوانە (مالی، نیجەر، سەنیگال و چاد) بەم شێوەیە گەنجینەی فەڕەنسا بەرامبەر بە 500 ملیار دۆلار قازانج و داهاتی ساڵانە لە ئەفریقا بەدەست دەهێنێت، لەکاتێکدا ئەم وڵاتانە لە هەژاری و نەخۆشی و برسێتیدا دەژین.

بۆچی لەبەرامبەر ئەمانە ھەمووی، سوپاسی فەڕەنسا ناکەن؟!

-
نموونەیەکی نوێی کەناڵی "العربية" بۆ گەمژە کردن و گوێدرێژکردنی بینەرەکانیان:- "تاڵیبان پەنجەرەکان قەدەغە دەکات!"

لەگەڵ بەکارهێنانی نیشانەی سەرسوڕمان و دانانی وێنەی خاتوونێکی ئەفغانی "بەستەزمان" کە لەنێو ماڵەکەی خۆیدا نیقابی پۆشیووە، بەڵام سەرەڕای نیقابەکەی ئەم کۆنەپەرستە توندڕەوانە هاتوون پەنجەرەی ماڵەکەیشی بەسەردا دادەخەن!
پاشان کەناڵی "العربیة" لەگەڵ ئەم ناونیشانە درووشمی "کاردانەوەتان"ـی بەکارهێناوە بۆئەوەی بینەر و شوێنکەوتووەکانیان کە متمانەیان پێیان بەخشیووە هان بدەن!

واتە -ئەی بەگەمژەکراوەکان- وەرن! جنێو بەم کەسە توندڕەوانە بدەن! نەفرەت لە توندڕەوی ئیسلامی بکەن!

پێش ئەوەی وەڵام بدەمەوە، من بەرگریکار نیم لە هەموو ئەو کارانەی تاڵیبان دەیکات، بەڵام لە هەمان کاتدا حەزم لە چەواشەکاریی سووکی میدیایی و گێلکردنی خەڵک نییە، بەتایبەت کاتێک لە کەناڵێکەوە بێت کە بە پڕۆژە و ئەجێنداکانی ناسراوە.

هاوڕێیەکم هەیە لە ئەفغانستان، قوتابی زانستە، لە گروپی تاڵیبان نییە و لایەنگری هەندێک وردەکاری ئایدۆلۆژیاکەیان نییە، بەم جۆرە وەڵامی دایەوە:- «دەقی تەواوی ئەم بڕیارەی سەرۆکی تالیبان بەناوی «الملا هبة الله آخوندزاده» ــەوە دەرچووە لە پێنج ماددە پێک ھاتووە، سەبارەت بە چۆنیەتی دانانی پەنجەرە لە باڵەخانەکاندا ئەوەش بەم شێوەیەی خوارەوەیە:

مادەی یەکەم: ئەگەر کەسێک بینایەک دروست بکات و بینایەکی دیکە لە نزیکییەوە هەبێت، ئەوا خاوەنەکەی پەنجەرەیەک لەو دیوارە دانەنێت کە ڕووی لە ماڵی دراوسێکەی بێت. ئەم ڕێ و شوێنە لەبەر ئەوە هات کە ژنان بەزۆری لە حەوشەی ماڵەکاندا خواردن دروست دەکەن یان بەهۆی ئەوەی ئەو حەوشانە بیری ئاویان تێدایە، کە بەزۆری ژنان لەوێدا دەبینرێن.

مادەی دووەم: ئەگەر پەنجەرەیەک هەبێت کە ڕوو لە ماڵی دراوسێکەی بکات، خاوەنەکەی پابەندە بە دروستکردنی دیوارێک بە بەرزی کەسێک یان ئامرازی تر بەکاربهێنێت بۆ ڕێگریکردن لە بینینی ناوچەی ماڵی دراوسێکەی.

مادەی سێیەم: شارەوانییەکان و ڕێکخراوە پەیوەندیدارەکان پابەندن بە سەرپەرشتیکردنی کارەکانی بیناسازی و ڕێگریکردن لە دانانی ئەو پەنجەرانەی کە ڕووی لە ماڵی دراوسێیە.

مادەی چوارەم: پێویستە ئەو پەنجەرانەی کەوا دانراون پێش دەرچوونی ئەم فەرمانە کە ڕووی لە ماڵی دراوسێکانە دەبێت بەپێی مەرجەکانی ئەم فەرمانە دابخرێت.

مادەی پێنجەم: ئەم فەرمانە لەلایەن «الملا هبة الله آخوندزاده» پەسەندکراوە و دەبێت لە پەڕە فەرمیەکانی سوشیاڵ میدیادا بڵاوبکرێتەوە.
ئەم فەرمانە بە ئامانجی پاراستنی تایبەتمەندی و ڕێگریکردن لە بینینی ژنان لە ناوچەی ناوەوەی ماڵەکاندا دەرچووە.

ئەم فەرمانە سنووردارە بەو شوێنانەی کە بەزۆری تایبەتن بە ژنان، وەک حەوشە، چێشتخانە، بیری دراوسێکان، یان هەر شوێنێکی تر کە بەزۆری لەلایەن ژنانەوە بەکاردەهێنرێت”.

ئەم فەرمانانە بە زۆرەملێ جێبەجێ ناکرێن بەڵکوو تەنها ڕاسپاردەن بۆ خەڵکی. وەک  فەرمانی باڵاپۆشییەکە کە نزیکەی ساڵێک لەمەوبەر دەرچووە و تا ئەم ساتەش هەندێک لە ئافرەتان بەبێ حیجابێکی دروست دەچنە دەرەوە و کەسیش ڕێگرییان لێ ناکات” (ڕوونکردنەوەی هاوڕێکەمان کۆتایی پێ ھات).

پیرۆزە لە بینەرانی "العربیة" بۆ کەناڵێک کە مێشکیان گێل دەکات!

گەنجانێک کە بە "زانایانی ڕۆژئاوایی"سەرسام دەبن، ئەوانەی ھەموو مەبەستێکیان خەڵک قایل کردنە بەوەی، نە ئامانجێک بوونی ھەیە و نە خودایەک بوونی ھەیە!
ئەو گەنجانەی سەرسام دەبن بە ئەکتەر و گۆرانیبێژە ڕۆژئاواییەکان، بە تایبەت ئەگەر لایەنی "مۆرڤاییەتی"یـان هەبێت…

ئایا کاتی ئەوە نەھاتووە بزانن، کە ئێوە لە ئوممەتی موحەممەد (ﷺ) نموونەی لەمانە پێشەنگتر و باڵاترتان ھەیە؟ ئەوانەی توانیویانە لەگەڵ باوەڕیان بە خودای گەورە و پێغەمبەرەکەی (ﷺ ) دڵێکی نەرم و توانای قوربانیدان و خۆڕاگری و ڕازیبوون و ملکەچی بۆ فەرمانەکانی خودای گەورە کۆبکەنەوە.

ئایا کاتی ئەوە نەهاتووە لە هەڵبژاردەکانتان پێوەرەکانی خۆشەویستی و ڕق و نموونە پێشەنگەکانتان ڕاست بکەنەوە؟
باوکی ئیلیاس، دکتۆر «حسام أبو صفية»، ڕاوێژکاری پزیشکیی منداڵان، کە پێداگری لەسەر خزمەتکردنی خەڵکی غەززە کرد و لە دەرەنجامی ئەمەدا بریندار بوو و کرایە ئامانج، وە پێش چەند رۆژێکە دەستگیرکراوە... ئەم پارچە ڤیدیۆیە لە مانگی ١٠ ی رابردووەوەیە، کە خۆی نوێژی مردوو لەسەر کورەکەی «ئیبراهیم» دەکات ڕەحممەتی خوای لێ بێت و لە شەهیدان قبوڵی بکات.

خودایە بەندەکەت حسام ڕزگار بکە! لەگەڵ کوڕەکەی لە باخەکانی (عدن) لە بەھەشت بەیەکتریان شادبکە!

پەیامنێری کەناڵی جەزیرەی ڕاستەوخۆ:- "لە ئەنجامی بۆردوومانێک کە بە فڕۆکەی بێ فڕۆکەوان ئەنجامدراوە، وا گوماندەکرێت لە ڕێگەی سەرچاوەیەکی ئیسرائیلیەوە بێت، ١٧ شەهید و ژمارەیەك برینداری لێکەوتەتەوە، و کۆگایەکی چەک و تەقەمەنی لە ناوچەی (عدرا) لە لادێکانی دیمەشق کردووە بە ئامانج"

سیستەمی نێودەوڵەتی وا خۆی نیشان دەدات کە دەسەڵاتی نوێی لە سوریا قبوڵ دەکات و لەکاتێکدا وازی لە سەگە زایۆنییەکەی ھێناوە بۆ خۆی دەست درێژی بکات و ئاژاوە دروست بکات بێ لێپرسینەوە.
خوای گەورە ڕەحم بەو برایانەمان بکات کە لە دیمەشق کوژران و بە شەهید قبوڵیان بکات!

«د. حسام ئەبو سەفییە، بەڕێوەبەری نەخۆشخانەی کەمال العدوان، دوای ئەوەی بۆ ماوەیەکی درێژ خۆڕاگر بوو و ئەوەی لە توانایدا بوو بەخشی بە براکانی و لە ئازارەکانیاندا ژیا؛ بریندار کرا، کوڕەکەی و ژمارەیەک لە هاوکارەکانی کوژران  -خودا ڕەحمیان پێ بکات و بە شەهید قبوڵیان بکات- چەندین جار هەڕەشەی لێکرا... ئەوەتا دواجار بەرەو سوپای داگیرکەر ڕێدەکات کە لەوێدا دەستگیر دەکرێت.

داواکارین لە خودای گەورە بە نزیکی و خێرایی ڕێگەی دەربازبوونیی پێ ببەخشێت، هەروەها لە هەموو ئەوانەی یارمەتیدەر بوون لەسەر گرتنی براکانمان نیشانمان بدات کە چی دڵی گەلی باوەڕداران چاک دەکاتەوە.»

ما شاء اللە... پەروەردەی قورئان چەند مەزنە!
نیشانی مناڵەکانتانی بدەن

@DrEyadKurdish

سەبارەت بە بەشداریکردن لەگەڵ غەیرە موسڵمانەکاندا لە بۆنە کۆمەڵایەتییەکانیاندا، وەک پێشکەشکردنی سەرەخۆشی و دڵنەواییکردنیان لە کاتی بەڵا و پیرۆزبایی لێکردنیان... هەموو ئەمانە ھیچ ئیشکالێکی تێدا نییە ئەگەر بەوشەیەک بوترێت لەڕووی شەرعەوە ڕێکخرابێت. وە هیچ پەیوەندیەکی بە پیرۆزبایی کردنیان لە جەژنە ئاینییەکانیانەوە نییە.

با ئەوانەی ناڕەزایەتیان بەرانبەر ئەم قسەیە هەیە بزانن کە من خوێندکار و هاوکار و ناسیاوی مەسیحیم هەیە و پەیوەندیم لەگەڵیاندا زۆر باشە سەرەڕای ئەوەی ڕووپامایی تێدا نییە لە ئایینەکەیاندا ئەوە پەیوەندییەکە لەسەر بنەمای دادپەروەری و میهرەبانی و تامەزرۆیی بۆ ئەوەی سوودمەندبین بۆیان لەڕووی ئایینەکەیان و ژیانی دونیایان. لە بەرانبەردا ڕێز و پێزانینیان لێ دەبینم. هەندێکیان لە ڕێگەی بانگەوازەکەمانەوە موسڵمان بوون، سوپاس بۆ خوای گەورە.

پێشەوا (ابن القیم) کە یەکێک بوو لە دڵناسکترینی کەسەکان و تامەزرۆترینیان -وەک باوەڕمان وایە- بۆ ڕێنماییکردنی مرۆڤایەتی، دەڵێت: "سەبارەت بە پیرۆزباییکردنیان لەسەر ڕێوڕەسمەکانی کوفر کە تایبەتە بەوان، ئەوا بە کۆی دەنگی زانایان حەرامە، بۆ نموونە پیرۆزبایی جەژنەکانیان لێ بکات بە وتنی: جەژنتان پیرۆز بێت، یان پیرۆزبای ئەم چەژنە بکەیت، ئەمە ئەگەر بێژەرەکەی پارێزراویش بێت لە کوفر و ئەوە ھەر لە حەرامکراوەکانە،وە ئەمە بە ئەندازەیی پیرۆزبایی لێکردنێتی لەوەی سوجدەی بۆ خاچ بردووە، بەڵکوو ئەمە لە گەورەترینی گوناهەکانە لەلای خودای گەورە و وە قێزەونترە لەوەی پیرۆزبایی لە کەسێک بکەیت لەسەر خواردنەوەی مەی و کوشتنی کەسێک و ئەنجامدانی کارێکی سێکسی ناشەرعی و هاوشێوەکانی کەواتە هەرکەسێک پیرۆزبایی لە بەندەیەک بکات لەسەر گوناهێک یان بیدعەیەک یان کوفرێک، خۆی خستۆتە بەردەم ڕق و کینە و توڕەیی خودای گەورە".

کەواتە بانگھێشتیان بکەن بۆ ئەو وشەیەی کە هەموو پێغەمبەران و پەیامبەران لەسەری کۆک بوون، بەوەی باوەڕیان بە یەکتاپەرستی پەروەردگار هەبێت و واز لە ھاوبەشیدانان بێنن و، وتەی ئیسلامە:

( قُلْ يَا أَهْلَ الْكِتَابِ تَعَالَوْا إِلَىٰ كَلِمَةٍ سَوَاءٍ بَيْنَنَا وَبَيْنَكُمْ أَلَّا نَعْبُدَ إِلَّا اللَّهَ وَلَا نُشْرِكَ بِهِ شَيْئًا وَلَا يَتَّخِذَ بَعْضُنَا بَعْضًا أَرْبَابًا مِّن دُونِ اللَّهِ ۚ فَإِن تَوَلَّوْا فَقُولُوا اشْهَدُوا بِأَنَّا مُسْلِمُونَ (64)).

[ئەی پەیامبەر (ﷺ) بە خاوەن كتێبەكان -لە گاور و جووـ بڵێ: وەرن بەدەم بەرنامە و بانگەوازێكەوە كە هاوبەش و هاوسەنگە لە نێوانماندا بۆ ئەوەی هەمومان پێوەی پابەند بین: ئەویش بریتیە لەوەی كە خوای پەروەردگار بەتاك و تەنها بپەرستین و، هیچ هاوەڵێكی بۆ بڕیار نەدەین جا بت بێت یان شتی داتاشراو یان خاچ یان تاغوت یان هەر شتێكی تر جگە لەوانە و، هەندێكمان گوێڕایەڵی هەندێكی ترمان نەكەین لە سەرپێچی خوای پەروەردگار . جا ـ ئەی باوەڕداران ـ ئەگەر پشتیان كرد لەم بانگەوازە پاك و چاكە ئەوا پێیان بڵێن: ئێوە گەواهیمان لەسەر بدەن بەوەی كە ئێمە موسڵمانین].

پیرۆزبایی کردن لە ھەڵگرانی کتێب لە جەژنەکانیاندا دروست نییە، بە ھەمان شێوە نمایشکردنی ئەم جەژنانە وەک "داری کریسمس" و دروستکردنی کێک کە هێماکانی لەسەر بێت.

ئەرکی ئێمە وەک موسڵمانان ئەوەیە بانگهێشتیان بکەین بۆ لە ئامێزگرتنی ئیسلام نەک مەراییان بۆ بکەین لەسەر ئایینەکەیان و پیرۆزباییان لێبکەین لەسەر ئەوەی کە پێیان وایە یادی لەدایک بوونی خودا یان کوڕی خودایە!

ئەم پیرۆزباییە پێغەمبەرمان (ﷺ) ئەنجامی نەداوە کە خوداپەرستترین و میهرەبانترین و بەبەزیترینی مرۆڤەکانە بە مرۆڤەکان، وە نە لەلایەن هاوەڵەکانی و نە لەلایەن ئەوانەی شوێنیان کەوتوون، نە لەلایەن هیچ کام لە زانایانی ئومەت بەدرێژایی چواردە سەدە تا لەم سەردەمی دۆڕان و لاوازییەیی کە تێیدا دەژین هاتۆتە ئاراوە.

بەڵکوو دەزانین کە پێغەمبەرمان (ﷺ) بانگێشتی ئەو کوڕە جولەکەیی کرد کە خزمەتی دەکرد پێش مردنی بۆ ناو ئیسلام، کاتێک جێی هێشت و فەرمووی: "ستایش بۆ خودا کە لە ڕێگەی منەوە لە ئاگر ڕزگاری کرد. ” مەرایی بۆ کوڕەکە نەکرد بەوەی پیرۆزبایی جەژنەکەی لێبکات!

هیچ کەسێک بۆی نییە کارێک زیادبکات لەسەر کارەکانی پێغەمبەری خودا (ﷺ)، هەروەها ئەوانەی دوای ئەو هاتن لەڕووی ڕەحمەت و میهرەبانی و مامەڵەی باشەوە! وە ڕاست نییە بڵێین: "وەک چۆن لە ئایینەکەمدا بە میهرەبانییەوە مامەڵەم لەگەڵ دەکات، منیش لە ئایینەکەیدا دەبێت بە میهرەبانی مامەڵەی لەگەڵ بکەم"، چونکە ئەم دوو ئایینە یەکسان نین.

وە ڕاست نییە بڵێین: "وەک چۆن من ئایینەکەم بە ڕاست دەبینم، ئەویش ئایینەکەی بە ڕاست دەبینێت." پەند وەرگرتن بەوە نابێت کە ئەو چۆن دەیبینێت بەڵکو ئەوەیە: “ تۆش ئەی پەیامبەری خوا (ﷺ) پێیان بڵێ: ئەگەر ڕاست دەكەن لەو بانگێشت و لافلێدانەتان ئەوە بەڵگە لەسەر ڕاستێتیتان بێننەوە .”

مامەڵەی باشی لەگەڵدا کردیت، میهرەبان بوو و لەگەڵتدا بەسۆز بوو؟ کەواتە باشترین وەفا بۆ پیاوەتیەکەی ئەوەیە بانگھێشتی بکەیت بۆ دینی خودا بۆ ڕزگارکردنی لە ئاگر، ئەمە میهرەبانییە.

لە ڕاستیدا، کاتێک بەبێ بانگهێشتکردن بەجێیان دەهێڵیت و دواتر بە پیرۆزبایییەک پیرۆزبایی لێدەکەیت بەمانای ئەوە دێت: (وەک خۆت بمێننەوە، پیرۆزباییت لێبێت)! ئەمە میهرەبانی نییە، بەڵکوو: فێڵە! کەواتە چۆن دەتوانی پیرۆزبایی ڕێوڕەسمی ئایینەکەیان لێبکەیت، لە کاتێکدا پێویستە لەسەرت بانگھێشتیان بکەیت بۆ دوور کەوتنەوە لێی؟!

کەواتە چی ئەگەر بزانین ئەم بۆنەیە لە بنەڕەتدا بتپەرستییە و ڕێوڕەسمەکانی بتپەرستیین، وەک (بات بيتيرسون) ڕوونی دەکاتەوە، یەکێک لە بەناوبانگترین پیاوانی ئایینی مەسیحی لە ئەمریکا،  دەڵێت لە ڕۆژی کریسمسی بتپەرستیدا، کە ناودەبرێت بە (ساترنيليا)، تێیدا یاساکان لە دەوڵەتی ڕۆمادا هەڵدەپەسێنرا و گۆرانیبێژان بە ڕووتی بە شەقامەکاندا دەسوڕانەوە و گۆرانییان دەوت... وە ئاهەنگی سێکسی بەکۆمەڵی تێدا بەڕێوەدەچوو. واتە ڕۆژی بێ ئەخلاقی و نافەرمانی و ڕووخانی هەموو بەها ئەخلاقییەکان. لەبەر ئەوە کاتێک ئایینی مەسیحی لە ئیتالیا دەرکەوت، خەڵک نەیانەویست دەستبەرداری ئەم جەژنە بن، بۆیە دەیانگوت: “تەواو، دەڵێین مەسیح لەم بەروارەدا لەدایک بووە”!

وێنەیەک بڵاوبووەتەوە لە ڕێپێوانێکی بەرفراواندا لە شاری (خليل)ـی فەلەستین، بۆ پشتیوانی لەو کارەی کە دەسەڵاتی بێ ئابڕوو لە (جنین) (وێنەی لای چەپ). بەو پێیەی من کوڕی (خليل)ـم و خێزان و ئازیزانم هەیە، خاک و ماڵێکم هەیە وە چاودێری هەواڵی (خليل) دەکەم، بەو پەڕی دەنگی خۆم دەڵێم:

ئەم خەڵکە بێ ئابڕووانە نوێنەرایەتی (خليل) و گەلەکەی ناکەن و، من زۆر باش دەزانم هەوڵێکی زۆر هەیە بۆ تێکدانی (خليل)، وە پێشاندانی بە پێچەوانەی واقیعەکەی، بەدووریشی ناگرم کە زۆرێک لەم کەسە ڕیسوایانە کە دەرچوونەتە دەرەوە بۆ پشتیوانی لە هەڵمەتی دژی جنین لە دەرەوەی شاری (خليل) کۆکراونەتەوە.
ئەگەر نا (خليل) یەکێکە لەو شارانەی فەلەستین کە زۆرترین خۆڕاگری هەیە بەرانبەر ژێردەستەیی و ملکەچبوون و هاوسۆزی لەگەڵ برا موسڵمانەکانی و هەمیشە ڕێپێوان دژی هەوڵەکانی دەسەڵاتی بێ ئابڕوو ئەنجامداوە. وێنەی لای ڕاست پێش دوو ساڵ و نیوە لە ڕەتکردنەوەی ڕێککەوتنی سیداو کە دەسەڵاتی بێ ئابڕووهەوڵدەدات بڕیارەکانی بەسەر(خليل)دا بسەپێنێت.

من بێ بەریم لە هەموو لایەنگرێکی ئەو هەڵمەتە خیانەتەی کە لەلایەن دەسەڵاتی بێ ئابڕووەوە ئەنجام دەدرێت، خێزان و ئازیزانم لە (خليل) بێ بەرین لێیان، داواشیان لێدەکەم بێ بەریبوونی خۆیان لێرە لە کۆمێنت دەرببڕن و دەنگیان بەرز بکەنەوە لە واقیعدا و لەسەر پەڕەی سۆشیال میدیاکاندا، بۆ ئەوەی دەنگی درۆ و درۆزنەکان بەرزتر نەبێتەوە.

لە خوای گەورە داواکارین براکانمان لە جنین ڕزگار بکات، وە ئەو دەستانە ئیفلیج بکات کە بۆ زیانپێگەیاندنیان درێژ دەکرێت، یارمەتی هەموو موسڵمانان بدات بۆئەوەی یەکتری سەربخەن.

پەیامێک بۆ هاوسێ نەسڕانیەکەم بە بۆنەی کریسمس
https://youtu.be/rrEh0ld-yYg

دەربارەی درۆی دەزگا میدیاییە جیهانییەکان:

کۆمەڵێک کەناڵی هەواڵی خۆرئاوایی پێشبڕکێ دەکەن بۆ گەیشتن بە شوێنی شانۆی ڕووداوەکان لەکاتی ڕوودانی هەر ڕووداوێکی گرنگی تایبەت بە موسڵمانان، نەوەک بە ئامانجی گواستنەوەی ڕاستییەکان یاخود گەیاندنی وێنەکە بە کامڵی، بەڵکوو بۆ شێواندنی ڕاستییەکان و دروستکردنی ڕای گشتی جیهانی بەوەی کە خزمەت بە ئەجێنداکانیان و ئەجێندای خاوەنانی بڕیار دەکات لە خۆرئاوادا.

بۆیە با کەناڵی "CNN"ـی ئەمریکی بە نموونە وەرگرین:

١ـ یەکێک لە زاڵترین نموونەکان بریتیبوو لە ڕاپۆرتی پەیامنێری CNN سارە سیدنەر لە ئۆکتۆبەری ٢٠٢٣ دا،  کاتێک کە ئیدیعایێکی لە سوپای ئیسڕائیلی گواستەوە بەوەی کە شەڕکەرانی حەماس سەری منداڵانیان بڕیوە لەکاتی هێرشەکەیاندا. دواتر، دوای ئەوەی کە ڕوون بوویەوە کە ئەم هەواڵە درۆیە بەشێوەیەکی ئابڕووبەر، سیدنەر داوای لێبوردنی کرد.
بەڵام دوای چی؟ دوای ئەوەی ڕاپۆرتەکە یارمەتیدەر بوو لە کۆکردنەوەی بیروڕای گشتی جەماوەر دژ بە غەززە لە چرکەساتە نالەبارەکانی یەکەمدا، وە تا ئێستاش کاریگەرییە تێکشکێنەرەکانی بەردەوامن!

وە ئا بەم شێوەیەش زۆر شتی تر ئەنجام دەدەن... ڕای گشتی جەماوەر کۆدەکەنەوە، تێکدەشکێنن و لەناو دەبەن و داگیر دەکەن... پاشان دواتر دەردەچن بە بەڵگەنامەکان و داوای لێبوردنەکان بۆ ئەوەی بێلایەنی پیشان بدەن!

٢ـ ڕووداوێکی تری هاوشێوە: نیک ڕۆبەرتسۆنیش لە کەناڵی CNN،  ڕاپۆرتێکی بڵاوکردەوە دەربارەی بەڵگەنامەیەک کە لە نەخۆشخانەی ڕەنتیسی منداڵان دۆزرابوویەوە وە ئیدیعای ئەوەی دەکرد کە بریتیە لە لیستی نۆرەگری بۆ ئەندامانی حەماس!
لەکاتێکدا ڕۆژ ژمێرێکی پزیشکان بوو، وە سەرەڕای ئاگادارکردنەوەی هاوڕێیانی بۆی و دەرهێنەرە فەڵەستینیەکانیش دەربارەی هەڵەی ڕاپۆرتەکە، ڕۆبەرتسۆن پێداگر بوو لەسەر بڵاوکردنەوەی بۆ ئەوەی کەناڵەکە ببێتە هاوبەشی بیانوهێنانەوەی بۆمب بارانکردنی نەخۆشخانەکان و لەناوبردنی کەرتێکی پزیشکی لە غەززە.

٣ـ وە لە کۆتایشدا پێش چەند ڕۆژێک، پەیامنێرێکی سێیەم لە CNN، کلاریسا وارد، ڕاپۆرتێکی بڵاوکردەوە دەربارەی کەسێک کە بەندکراوە لە سجنی سیدنایا، بۆ ئەوەی دواتر دەرکەوێ کە بریتییە لە تاوانبارێکی ڕژێمی مشکی ڕاکردوو وە ناوەکەشی سەلامە محمد سەلامەیە، کە ئەمەش واتای نەبوونی وردی و لێکۆڵینەوەیە لە باشترین هەڵسەنگاندنەکان.

وە لەگەڵ ئەوەشدا دەبینی کە ھێشتا خەڵکێک متمانەی بەم تۆڕانە هەیە و وا دەزانێ لە هەواڵەکانیاندا ورد و بێلایەنن!

کاتێک گوێم لە بەرپرسە خۆرائاواییەکان دەبێت  دەڵێن:
"پێویستە بەڕێوەبەرایەتی نوێ لە سوریا پێکەوە ژیانی خۆی لەگەڵ کەمینەکان بسەلمێنێ وە هەروەها پاراستنیان بۆ کەمینەکان و نوێنەرایەتی کەمینەکان لە دام و دەزگاکانی بڕیاردان".

لە ناخی خۆمدا دەڵێم:
"ئێمە تێدەگەین کە ئێوە کەم شەرمن وە بێ پیاوەتین. بەتەواوی لەمە تێدەگەین وە هەروەها لەگەڵیشیدا دەژین".

بەڵام ئایا شتێک لە دیبلۆماسیەتتان لا نییە کە بەکەم سەیرکردنتان بۆ موسڵمانانی پێ بشارنەوە؟
ئێوە هەروەک ئەوەی بە دەستەواژەی ڕوون بڵێن:
گرنگ نییە لامان کە زۆرینەی سوننە لە سوریادا بۆ ماوەی ٥٤ ساڵ دەهاڕڕا، بەند دەکران، ئەشکەنجە دەدران، دەستدرێژیان دەکرایە سەر، پان دەکرانەوە بە ئامێری تەختکردنی مرۆیی، ئەندامەکانی جەستەیان دەرفرۆشران... ئەمە هەمووی گرنگ نییە لامان، بەڵکوو ئێمە یارمەتیدەر بووین تێیدا و پاڵپشتیمان لێی دەکرد. ئەوەی گرنگە ئێستا، هەر کە ئەم زۆرینەیە لە ملیۆنانی ئەهلی سوننە هەوای ئازادیان هەڵمژی، پێویستە ئێمە بازبدەین بۆ ئەوەی قسەیان لەگەڵ بکەین دەربارەی (مافی کەمینەکان)، وە پێویستە گەرەنتی مانەوەی ئەو باوەشگە ڕق هەڵگرتووە بکەین کە ڕقێکی زۆری بەرانبەرتان هەیە، وە مانەوەی ئەم باوەشگانە وەک بۆمبی کاتیکراو دابنێین بۆ خەنجەردان لە پشتی ئەهلی سوننە هەرکاتێک بمانەوێ .

پەروەردگار ڕاستی فەرمووە:
(وە ئەوان ئاواتەخوازى هەموو شتێكن كە ئێوە تووشی مەشەقەت و ناڕەحەتى و زیان بكات لەبەر سەختی ڕِق و كینەیان، ڕق و كینە لە دەمیانەوە دەرئەكەوێت و بەڕوویانەوە دیارە ناتوانن بیشارنەوە ئەوەندە كینە لە دڵن هێشتا ئەوەیشی لە دڵیاندا شاردوویانەتەوە یەكجار زۆرترە) [١١٨: آل عمران].

مافیاکانی زایۆنی پێشبڕکێ دەکەن لەسەر ئەوەی کێیان زیاتر موسڵمان بکوژن... بە پاڵپشتی سیستەمی جیهانی کە پڕچەکیان دەکات بە چەک و تەواوی ئەو شتانەی کە پێویستیان پێیەتی بۆ تاوانە هاوبەشەکەیان کە زیاتر لە ٤٣٠ ڕۆژە بەردەوامە.

ئینجا هەر ئەمانە خۆیان دێنەوە بۆ ئەوەی لە سوریا بپرسن:
"ئایا ڕێ بە خواردنەوەی کحول دەدەن؟"
"ئایا چۆن مامەڵە لەگەڵ کەمینەکان دەکەن؟"
"ئایا حیجاب فەرز دەکەن "
"لێتانمان دەوێ کە نیەت باشی نیشان بدەن لە دۆسیەی مافەکانی مرۆڤدا."

ئای چەند قێزەونن! وحسبنا الله ونعم الوکیل.
پەروەردگارە یارمەتیمان بدە لەسەر پاڵپشتیکردنی برایانی چەوسێنراومان لە غەززە و هەموو شوێنێک.

بەشار تەنها "نوێنەرێک"ە!

ڕاستییەک کە دەبێت لە بوون و یادەوەریماندا هەڵکەندرێت کاتێک سەیری قوربانیانی زیندانەکانی بەشار دەکەین:
بەشار لەم کارەدا لەلایەن هەموو ڕژێمەکانی جیهانەوە پشتیوانی دەکرا و ئەویش “نوێنەری” ئەوان بوو لەم تاوانانەدا.

ڕووسیا تەنیا پاڵپشتی بەشار نییە، هەروەها ئێرانیش بە تەنیا نییە.

بەشار وەک "سەرۆک" چێژی لە "شەرعیەتی نێودەوڵەتی" وەرگرتووە.
تەنانەت ئەو زلهێزانەی کە هاواریان دەکرد بۆ ئیدانەکردنی تاوانەکانی، هەنگاوێکی ڕاستەقینەیان لە دژی نەناوە بەڵکو هەندێک "غەمباریی" میدیایی ڕوویدەدا، وەک ئەوەی دوای کۆمەڵکوژی کیمیایی ڕوویدا، کە بەپێی ڕێکەوتننامە نێودەوڵەتییەکان "شەرعیەتی" ئەو دەڕووخێنێت پاشان ئاوی "بێکەڵک" دەگەڕایەوە بۆ "چەمەکانی" و هەموانیش وەکوو "سەرکردەیەکی شەرعی" مامەڵەیان لەگەڵ دەکرد.

لە کاتێکدا کاتێک هەر هەوڵێک دەدرا بۆ دامەزراندنی قەوارەیەکی ئیسلامی یەکگرتوو لەگەڵ خەڵکدا، هەموو ئەم وڵاتانە بەبێ دوودڵی کۆدەبوونەوە و بۆردومانیان دەکرد و لەتیان دەکرد.

سەبارەت بە هاوکاری جیهانیی لەگەڵ بەشار و باوکی حافز ئەسەد، ٥٤ ساڵی خایاند... ٥٤ ساڵ!

ڕەنگە ئەمە گرنگترین وانە بێت کە دەبێت لە ڕۆحەکاندا هەڵکەندرێت، وە ئای چەندە نائومێد دەبین ئەگەر فێری نەبین...کە ئەمە واقیعی دونیایە لە نەبونی دەسەڵاتی ئیسلامدا، و ئەمەیە واقیعی سیستەمی نێودەوڵەتی، وە پەیمان وبەڵێننامە نێودەوڵەتییەکان، و مافە گوماناوییەکانی مرۆڤ...و ئەوەش ئەوەیە کە جیهان بەهۆی دابەزینی موسڵمانانەوە لەدەستیداوە.

وریا بن مەسەلەکە بە بەشار و سەگەکانیەوە سنووردار نەکەن... ئەمە کاروباری میدیا و عەقڵی بەکۆمەڵی خەڵکە: شەیتانکردنی تاکەکان، لە کاتێکدا ئەم تاکانە جگە لە بەرهەمی بەدخوازی درەختێکی بەدخواز کە ڕەگ و ڕیشەی هەیە، هیچی تر نین.

هەموو ئەمانەتان لەبیرت بێت کاتێک تەرمێکی ڕووت بە چاو دەرهێنراویەوە دەبینن شوێنەواری ئەشکەنجەدانیان هەڵگرتووە، هەموو زیندانییەک کە عەقڵی لەدەستداوە، هەموو ژنێکی ئازادی سەربەرز کە کچێنی خۆی لەدەستداوە، هەموو پیاوێک کە لەئازاردا دەگری، هەموو ژن و پیاوێکی ئازارچێشتوو کەناتوانن قسە بکەن لە حەپەسانی ئەو ترسە کە ئەزموونیان کرد.

هەموو ئەمانەتان بیربێت (بۆ ئەوەی ڕێگای تاوانباران ڕوونببێتەوە) و مانای (ئێوە باشترین گەلێکن بۆ خەڵکی هێنرابێتەدی)
تاوەکوو ئیرادەکان بەرزببنەوە و ڕێگاکە ڕوون ببێتەوە.

کچی بچووک و منداڵ لە زیندانەکانی ئەو مشکە هەڵهاتووەدا کە "شەرعیەتی نێودەوڵەتی"ـی پێبەخشرابوو، گۆشەگیرکرابوون.
نەتەوە یەکگرتووەکان و فیدراسیۆنی نێودەوڵەتی بۆ ڕێکخستنی خێزان کە پێداگری لەسەر "مافی" کوڕان و کچان دەکەنەوە بۆ ئەنجامدانی زینا و ھاوڕەگەزبازی و دەستکاریکردنی ئەندامەکانیان بەناوی ڕەگەزگۆڕین لەکوێ بوون؟!

خودایە شیفای سینەی خەڵکی باوەردار بدە و توڕەیی لە دڵیان لاببە.

بومەلەرزەکەی (کاهرامان مرعشی) ساڵی ڕابردووتان لەبیرە؟ بیرتە چۆن هەندێک کەس گومانی خراپیان بە خوای خۆیان برد و پرسیاریان کرد: «بۆچی بوومەلەرزە ئەم خەڵکە هەژار و بێ دەسەڵاتە لە باکووری ئازادکراودا دەگرێتەوە؟»

ئایا لەو کاتەدا کەسێک ھەبوو بەخەیاڵیدا بێت کە خودای گەورە خێر و بەرەکەت بەسەر گەلی باکووردا دەڕژێت دوای ئەوەی بوومەلەرزە ماڵەکانیانی وێران کردبوو وە بێ ماڵ و حاڵ بوون، بە ڕۆشتنیان بۆ یەک بە یەکی شارەکانی #سوریا بۆ ڕزگارکردنی دیلەکان (و هەموو خەڵکی سوریاش دەستبەسەر کرابوون) وە لە کۆشکە نەفرەت لێکراوەکانی و گروپەکەیدا دەسوڕانەوە و دەست دەکەن بە دووبارە ئاوەدانکردنەوەی، نەک تەنها ماڵەکانیان لە باکوور، بەڵکوو لە هەموو سوریا  و بنیاتنانی مرۆڤە ڕوخاوەکان تێیدا؟!

لەوە تێرابمێنن و، بیری لێبکەنەوە ئەی گەلی #غەززەی بریندار، کاتێک فەرمایشتەکان خودای گەورە دەخوێننەوە:
(بەڵكوو ئێوە -ئەی باوەڕداران- گومانتان وایە كە بڕۆنە بەهەشتەوە و، هێشتا تووشی ئەوە نەهاتوون لەو تاقیكردنەوانەی كە تووشی باوەڕدارانی پێش ئێوە هاتووە: لە هەژاری و نەخۆشی و ترس و دڵەڕاوكێ و تۆقاندن، وە ئەوەش كە توشی هەژێنراوون بەدەست جۆرەهای مەترسییەوە، تا وای لێهاتووە كە پەیامبەرانیان و ئەو باوەڕدارانەی كە لەگەڵیدابون بڵێن ـ وەكوو پەلەكردن لە هاتنی سەركەوتن لەلای خوای بەرز و بڵند و باڵادەستەوەـ : كەی سەركەوتنی خوای پەروەردگار دێت؟ بێگومان سەركەوتنی خوای پەروەردگار لە باوەڕدارانەوە نزیكە.) [البقرة:٢١٤]

پێوەرەکانی خودای گەورە سەرسوڕهێنەرن و وەک ئیبن القیم دەڵێت: (چونکە ئەگەر ئەو، شکۆمەندی بۆ ئەو، بیەوێت ڕێز لە بەندەکەی بگرێت و ناچاری بکات و پشتگیری بکات، ئەوا سەرەتا شکستی پێدەهێنا و ڕزگاربوون و سەرکەوتنەکەی ھاوتا دەبێت لەگەڵ ڕادەی زەلیلبوون و شکستەکەی).

لەخوای گەورە داواکارین براکانمان لە سوریا لە هەنگاوە هەڵەکان بپارێزێت، قسەکانیان لەسەر حەقیقەت یەکبخات، لە فێڵی دوژمنەکانیان بیانپارێزێت، هەروەها بۆ موسڵمانان لە غەززە و #سودان و هەموو شوێنێک ڕزگاربوونێکی نزیک و ڕێگایەکی دەربازبوونیان پێببەخشێت.

لەوانەیە پێت سەیر بێت کاتێک کە فەرمایشتی پەروەردگار -سبحانە وتعالی- دەخوێنیتەوە دەفەرمووێت: [ئەمڕۆ ئەوانەی کە ئیماندارن بە بێ باوەڕان پێدەکەنن (٣٤) لەسەر جێگاکانیان تەماشایان دەکەن چۆن ئەشکەنجە دەدرێن (٣٥)] لەوانەیە لە نەفسی خۆت بڵێیت: «ئایا مەعقوولە ئەهلی بەهەشت بە دڵە سپی و پاکەکەیان دڵخۆش دەبن کە بێباوەڕان دەبینن عەزابی بەئێش دەدرێن؟!»

ئێستا تەماشای تاوانکاری ئەمانە بکە کە ئەنجامی دەدەن، تەماشای جۆرەکانی ئەشکەنجەدان و سوکایەتی پێ کردن و بەندکردنی درێژخایەن و بزر کردن لە ژێر زەمینەکان لەژێرەوەی زەویدا بکە! وە دڵخۆش بوون بە ئازار چەشتنی بەستەزمانان و گوێگرتن لە هاوارەکانی ئافرەتان کە دەستدرێژیان کراوەتە سەر و ناڵەی جەڵدکراوەکان...
[ئەوانەی کە تاوانکار و موجریم بوون گاڵتە و پێکەنینیان بە ئیمانداران دەهات].

بۆ ئەوەی بزانی کە سینەی ئیمانداران ساڕێژ نابێتەوە تا ئەمانە نەبینن لە ئازاری سەخت و دژواردا... بۆ ئەوەی بزانی کە پێکەنینی باوەڕداران ئەوکات لەجێی خۆیەتی، کە دڵخۆش دەبن بە دادپەروەری پەروەردگار و ئینسافی بۆیان لەو کەسانەی کە ئەشکەنجەیان داون، وە بە حەق بزانن کە پەروەردگار ڕێ دەدات و چاوەڕێ دەکات بەڵام پشتگووێ ناخات و تۆڵە دەسێنێتەوە لە موجریمان.

براکانمان لە سوریا ئەو پەڕی هەوڵی خۆیان بەکاردەھێنن بۆ گەیشتن بەو دیلانەی لە ژێر زەویدان، وەک دەرکەوتووە کە زیندانی نهێنی لە شێوەی نیمچە شارێکدا ھەیە و کەمپی ئەشکەنجەدان کە خوشک و براکانمان تێیدا دەستگیرکراون- تەنھا خوای گەورە دەزانێت ژمارەیان چەندە.

هەندێک لە زیندانەکانی وەک (صيدنايا)، پێش ڕووخانی ڕژێمی بکوژ کارەبایان بڕیوە و دەرگا نهێنییەکانیشیان قفڵ کردووە و تا ئێستاش تیمەکانی فریاگوزاری نەیانتوانیوە پێیان بگەن...

هەرکەسێک دەتوانێت هەر هاوکارییەک بکات بۆ ڕزگارکردنیان با بەھانایانەوە بڕوات، پێش ئەوەی دەستگیرکراوەکان بەهۆی کەمی ئۆکسجین بمرن لەگەڵ لەکارکەوتنی پەمپە هەواییەکان، یان بەهۆی برسێتی و تینوێتیەوە بمرن.

د. ئیاد قونەیبی
ـ (9/12/2024)

کوردەکان لە ئێمەن و ئێمەیش لەوانین... وە لە هەڵە باوەکانی ئەم ڕۆژانە قسەکردنە لەسەر "کوردەکان" لەچوارچێوەی بە ناپاک دانان بەکرێگیراوی.

بەڕێزان! حیزبی کرێکارانی کوردستان PKK و چەکدارانی (قسد) نوێنەرایەتی کورد ناکەن، وە لای زۆرینەی کورد ئەمانە جێگەی ڕەزامەندنی نین، وە داواکارین لە خوا کە هەموو مسوڵمانان بپارێزێت لە شەڕانگێزی خۆیان و شەڕانگێزی سەروانەکانیان.

وە کوردەکان بەگشتی گەلێکی موسڵمانی سوننە مەزهەبن و خۆشەویستی ئیسلامن، هەروەها من هاوڕێیەتیەکی کۆنم لەگەڵ ژمارەکیان هەیە.

وە من پێش پێنج مانگ لە کوردستانی عێڕاق بووم، ئەوەی لێیانم بینی کە جێگەی دڵخۆشییە: گەلێکن بەگەورەدانەری ئیسلامن، چاک و بەخشندەن، تێیاندایە بەرەوپیرهاتنی بانگەواز و فێربوونی دین. مزگەوتەکان ئاوەدانن بە نوێژخوێن لە بچوک و گەورە، لەناو گرفتی ئوممەتەکەیاندا دەژین، بەوپەڕی دەستکراوەی دەبەخشنە برایانیان لە غـ.ـ.ـەززە و ئاسانکاری بۆ هەڵمەتی فریادڕەسی و دروستکردنی نەخۆشخانەکانی دەکەن سەرەڕای سادەیی بارودۆخیان و تەنگی ژیانیان، بەڵام ئەوان زۆری لە خۆیان دەکەن.

لە چالاکترینی گەلەکانن لە بەستنی چالاکی و پشبڕکێیە ئیسلامیە هۆشیارکەرەوەکان و لەبەرکردنی قورئان بۆ منداڵان و گەنجان و گەورەکان.
لەبەرخاتری خوا خۆشم دەوێن و ئەوانیش منیان خۆشدەوێت و برا موسڵمانەکانشیان لەبەرخاتری خوا...

وە هەندێکیان بەڕاشکاوانە بۆم دوان کەوا ئازار دەچێژن چونکە زۆرێک لە برا موسڵمانە عەرەبەکانیان ئاوڕیان لێنادەنەوە و هەست بە برایەتی باوەڕ ناکەن لەگەڵیاندا.

ناپاکەکان لە هەموو گەل و ڕەچەڵەکێکدا هەن، بەڵام ﴿هیچ تاوانبارێک تاوانی کەسی تر هەڵناگرێت﴾... بۆیە سوێندتان دەدەم (لە خوا بترسن) سەبارەت بە برا کوردەکانتان: لەبەرخاتری خوا خۆشتان بوێن، نمونە بە باشەکانیان بهێننەوە...

چونکە ئەمە دڵیان خۆش دەکات و دڵەکانیش کۆدەکاتەوە.

﴿بەڕاستی ئا ئەمەیە ئاینی ئێوە کە یەک ئایینە (ئاینی ھەموو پێغەمبەرانە) وە منیش پەروەردگارتانم کەواتە تەنھا من بپەرستن﴾.

هەر بە ھەڵھاتنی ئەو سەگەی کە پەنجا ساڵە پاسەوانییان دەکرد، ئەو و باوکی، ئیسرائیل بە سەختی بۆردومانی دیمەشق دەکەن، لەوانەش کۆگاکانی چەک و فڕۆکەخانەی سەربازیی مێزە، بینای لێکۆڵینەوە و ئەوانی تر و چیای «الشیخ» یان داگیرکرد، وە نتنیاھو دەڵێت: " ئێمە ڕێگە نادەین هیچ هێزێکی دوژمنکارانە لەسەر سنوورەکانمان جێگیر بێت”.

پاشان کەسانێکی گەمژە دێن خەمبار و پەرێشانن بۆ ڕژێمی ئۆپۆزسیۆن و دەیانەوێت خەڵک قەناعەت پێبکەن کە وەک بەربەستێکی نەبڕاوە بەرانبەر بە پڕۆژەی زایۆنی وەستابوو!

دابەشکردنی شیرینی لە ئەفغانستان ئاهەنگ دەگێڕن بەبۆنەی ڕزگارکردنی سوریا لە دەستی تاوانباران.

#یەک_ئوممەت
#أمة_واحدة

کەمێک پێش ئێستا فڕۆکەکانی ئیسرائیل بۆردومانی شوێنەکانی #دیمەشق یان کرد بە تایبەتی لە “المربع الأمني”...!

هەوڵی شاردنەوەی چی دەدەن؟!
خوایە گیان تۆڵەیان لێ بکەرەوە و گەلەکەمان لە #سوریای خۆشەویست بپارێزە.

پاڵەوانی بچووکی جیهان..
میقداد حازم (١٢ ساڵ) لە چادرە سارد و کۆنەکەیدا، سەرقاڵی خولێکە بۆ سەرکەوتن لە سەنەدی متصل بە پێغەمبەرەوە (ﷺ) لە ژێر بۆردومانێکی سەخت و لەسەر پاشماوەی شەحنی ماوەی ناو مۆبایلەکەی دەخوێنێت بەهۆی پچڕانی کارەباوە.

میقداد:
• لە تەمەنی ١٠ ساڵیدا قورئانی بیرۆزی لەبەرکردووە.
• لە هەڵبژێردراوی (ریاض الصالحین) 500 فەرموودەی لەبەرکردووە.
• چلەی پێشەوا (النووی) لەبەرکردووە.
• سەنەدی لە «تحفة الأطفال» (خوێنەر و فێرکار) بەدەستهێناوە.
• خولی بەروپێشچوون و شارەزایی و باڵای لە یاساکانی خوێندنەوەی قورئان بەدەستھێناوە.
• خەونی فێربوونی ئەندازیارییە بۆ ئەوەی غەززە ئاوەدان بکاتەوە کە بەهۆی داگیرکاری زایۆنییەوە وێران کراوە.
• المقداد دەڵێت: (داگیرکار وا بیر ناکاتەوە خەونەکانمان لەناو دەبات).

نەوەیەک کە شاهیدی سەردەمێکی گەورەن لە مێژووی میللەتەکەماندا ئەوان گەورە لەدایک بوون، و - ان شاءاللە - گەورە دەژین.

بە ئەنقەست سوکایەتی بە پیرۆزییەکان دەکەن بۆ ئەوەی شکۆ و پیرۆزییان لە ناخی موسڵماناندا بروخێنن، ئەمەش ڕەنگە کاریگەر بێت لەسەر نەفسە لاواز و دڵە نەخۆشەکان...

سەبارەت بە ئیمانداران ئەمە تەنها ڕێزگرتن و شکۆمەندییان بۆ پیرۆزییەکانی خودای گەورە و درووشمەکانی و؛ ڕقلێبوونیان بەرانبەر ستەمکاران زیاد دەکات، چونکە دەزانن کە ئەوان بێ توانابوون لە ھێنانەوەی بەڵگە و بەھانە، بۆیە پەنایان بۆ ئەم شێوازە نەفرەتییە بردووە کە لەگەڵ نەفسی بۆگەنیاندا دەگونجێت، وەک ئەو مێرووانەیان لێھاتووە کە لە دوورەوە فوو لە ڕووناکی خۆر دەکەن بۆ ئەوەی بیکوژێنێتەوە!

﴿والله متم نوره﴾
واتە: (لە کاتێکدا خوا خۆى تەواوکارى نوورى ئایینى خۆیەتى!)

وەستاین بۆ ئەوەی نوێژی مردوو بکەین، پێشنوێژەکە فەرمووی: "کاتێک کە ئێوە پرسە دەگێڕن و دوعا بۆ مردووەکانتان دەکەن، لەبیرتان بێت کە ئەمە نیعمەتێکی گەورەیە"
سەرسام بووم بە قسەکانی تا ئەو کاتەی بەردەوام بوو و وتی: "براتان هەیە کە ناتوانن نوێژ لەسەر مردووەکانیان بکەن".

ڕاستی کرد! برامان ھەیە لەبەر چاویاندا ئەزیزەکانیان دەبینن کە دەکوژرێن، بەڵام توانای شۆردن و کفن کردن و خۆڵکردن بەسەریاندا نییە.
خودایە ڕزگاریان بکە، یارمەتیمان بدە بۆ پشتگیریکردنیان، تۆڵەش لەو کەسانە بکەرەوە کە پیلانیان بۆ دادەڕێژن.

شەڕانگێزی ترسنۆکان بۆ سەر ماڵەکانی خودای گەورە، بە پاڵپشتی و پشتیوانیی عەرەبی و نێودەوڵەتی، بەردەوامە!
ئەمەش بۆردومانی مزگەوتی (الفاروق لە نصیرات) لە غەززە.

تاوانی ئەو کەسانە بهێنە پێش چاوت، کە یارمەتییان دەدەن بۆ قۆرخکردنی موسڵمانان و، ڕووخاندنی ماڵەکانی خودا بۆ ئەوەی چیتر مزگەوتێک لە غەززەدا نەمێنێت کە خودای تێدا بپەرسترێت!

کاتێک ناونیشانێکی لەم شێوەیە دەخوێنیتەوە، لەوانەیە پرسیار بکەیت: چی شتێکی تازە لەم بابەتەدایە؟ یەک کەس -داواکارین لە خوای گەورە لە شەهیدان قبوڵی بکات- کەواتە چی سەیرە؟ ڕۆژانە دەیان کەسی وەک ئەو هەن!

لەگەڵ ئەم پرۆسە دەروونییەی کە لەناوماندا ڕوودەدات، پێویستە بەردەوام بەهای موسڵمان لەلای خودای گەورە بیر خۆمان بھێنینەوە. وە بەڕاستی ئەمە هەواڵێکی گرنگە وە زۆر گرنگە، وە سەگەکانی زەوی بەپەرۆشن بۆ ئەوەی وامان لێبکەن بەکەم سەیری یەکتری بکەین و هەستەکانمان مات بکەین و بە کوشتنی باوەڕدارێک پەروەردگارمان تووڕە دەبێت جا چ تووڕەییەک: (وَمَن يَقْتُلْ مُؤْمِنًا مُّتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا)

واتە: (هەرکەسێک بە ئەنقەست ئیماندارێک بکوژێت، پاداشتەکەی دۆزەخە بۆ ئەوەی تێیدا بمێنێتەوە تا هەتایی، خوداش لێی توڕە بووە و نەفرەتی لێکردووە، سزایەکی گەورەشی بۆ ئامادە کردووە) [93]

باشە بۆچی خودای گەورە تۆڵە ناکاتەوە؟

1. چونکە ئێرە شوێنی ناڕەحەتی و تاقیکردنەوەیە نەک پاداشت، و ئەو ڕۆژەی خودا تەرازووی دادپەروەری دادەنێت، تێدەگەین ئەم خوێنە چەندە بەنرخە:( وَنَضَعُ الْمَوَازِينَ الْقِسْطَ لِيَوْمِ الْقِيَامَةِ فَلَا تُظْلَمُ نَفْسٌ شَيْئًا) (وە تەرازووی دادپەروەری بۆ ڕۆژی قیامەت دادەنێین، وە هیچ کەسێک بە بچووکترین شێوە ستەمی لێناکرێت).

2. وە چونکە خودا، شکۆمەندی بۆ ئەو، تاقیمان دەکاتەوە بۆ ئەوەی بمان بینێت چی دەکەین، هەریەکەمان بەپێی توانای خۆی: (ذَٰلِكَ وَلَوْ يَشَاءُ اللَّهُ لَانتَصَرَ مِنْهُمْ وَلَٰكِن لِّيَبْلُوَ بَعْضَكُم بِبَعْضٍ) (ئەمە و ئەگەر خودا بیویستبا، دەیتوانی سەرکەوتوو بێت بەسەریاندا، بەڵام بۆ ئەوەی هەندێکتان تاقی بکاتەوە بە هەندێکی تر).

ئەوەی کە پەروەردگار بەخششی پێ بەخشی بە هاوسێیەتی ماڵی خودا، وە ژیان لە شوێنی نیشتنەوەی وەحی ئەو شوێنەی کە پەیامبەرمان (ﷺ) و هاوەڵانی شکۆدار لێی ژیاون، پاشان ڕەزامەند بێ بۆ خۆی کە بەشداری ئەم بێ ڕەوشتییە بکات، ئەوا با بزانێت کە تاوانەکەی تەنیا کۆنابێتەوە لەسەر گوێگرتن لە خراپەکان و بینینی داوێنەکان، بەڵکوو ئەمە خیانەتی لە پەروەردگار و پەیامبەرەکەی علیە الصلاة والسلام و موسڵمانانیش کردووە کە خوێنیان دەڕژێ!

هاوبەشە لە پێشێلکردنی حەڕامەکانی پەروەردگار و بەکەم گرتنی دروشمەکانی پەروەردگار لە پاکژترین زەوی پەروەردگاردا.

ئەم کەسە کەمترین پلەی ڕێگری لە خراپەی نەماوە کە بریتییە لە پێناخۆش بوون لە دڵەوە و ئەوەی کە پەیامبەر (ﷺ) دەربارەی فەرموویەتی: "لە دوای ئەمەوە دەنکە میسقالێک لە تۆوی خەردەل لە ئیمان بوونی نییە".
با خۆی ئامادە بکات بۆ چاوپێکەوتنی پاشای هەرە زاڵ (الملك الجبار)...

{ئەی محمد پێیان بڵێ، با تێبکۆشن و کار بکەن چونکە پەروەردگار کارەکەتان دەبینێت و پەیامبەرەکەی و ئیماندارنیش دەیبینن پاشان دەگەڕێنەوە بۆ لای زانای جیهانی غەیب (نەبینراو) و جیهانی بینراو و هەواڵتان پێدەدات دەربارەی ئەوەی کە ئەنجامتان دەدا} [ ١٠٥].

بەم بارودۆخەشەوە، زمانی تورکی
و پسپۆڕی لە Regulatory affairs لە دەرمانسازییدا دەخوێنم، هەروا دەستم کردووە بە پرۆگرامینگ بە زمانی بایثون...

بێگومان لەگەل ویردی قورئان و زیکرەکانی ڕۆژانە
لەگەڵ بەرێوەبردنی دەرمانخانەکە... وە شتانی تریش... وە سووپاس بۆ خودای جیهانیان...

لەگەڵ ھەموو ئەوانەی ڕوودەدەن لە دەور و پشتماندا، چاکتر وایە تواناکانمان ئاڕاستە بکەین  بۆ چاککردنی دین و دونیامان، وە ئەوپەڕی توانامان بخەینە کار بۆ ھەوڵدانێکی زۆر زیاتر لە پێشووتر، وە خوای گەورە پشت و پەنامان بێت...

ئەم قسانە، بەشێکن لەوانەی کە دوێنێ یەکێک لە برایانی غەززە بۆی ناردبووم، پێیان ئاشنا بووم کاتێک ئەو و هاوسەرە بەڕێزەکەی - کە هەردووکیان دەرمانسازن- سەرنجیان ڕاکێشام بە بەشداریکردنیان لە هەندێک لەو خوولە زانستییانەی کە ئەنجاممدا. پاشان بینیم خولیایەکی سەمەرەی بۆ زانست و توێژینەوەی زانستی هەیە، جگە لەوەی یەکێکە لە مامۆستا و لەبەرکارانی قورئان.

ئەمانە چالاکییەکانییەتی، هەرچەندە لایەنی کەم ١٢ جار ئاوارە بووە و، دووبارە ئەو دەرمانخانەیەی کردۆتەوە کە بۆردومانکرا بوو بۆ ئەوەی کارەکانی بەڕێوە ببات و، زۆرێک لە ئازیزان و نزیکانی لەدەستداوە لەنێو کوژراوان -خودای گەورە لە شەھیدان قبوڵیان بکات- دیل و برینداراندا.

سەرەڕای هەموو ئەمانە، ئەو ئیرادەیەکی ھەیە کە دەتوانی ھەورەکان ببڕێت! ئەو پێی وایە لەگەڵ ھەموو ئەوانەی کە لە دەوروبەرماندا ڕوودەدات، دەبێت ئەوپەڕی وزەکانمان بەکاربھێنین و ئاڕاستەیان بکەین و زیاتر لە پێشوو هەوڵبدەین. کەواتە فێرببن، ئەی گەنجانی موسڵمان!

شتێک نییە کەمتر بێت لەوەی بزانیت چی ڕوودەدات بەسەر خوشک و براکانت لە باکووری غەززە، شتێک نییە زەحمەتتر بۆ دەروونیان لەوەی کە ئەوان هەست بکەن لەبیرکراون تەنانەت لەلایەن چاکانی ئوممەتەکەیشیانەوە.

چەتە زایـ*ۆنیستەکان کە لەلایەن عەرەب و عەجەمەوە پشتگیری دەکرێن، هەڵدەستێت بە بۆردومان و سوتاندنی ناوەندی ئاوارەکان.

ئەوەی بۆردوومانەکە نەیپێکابێت ناچار دەبێت بێتە دەرەوە و لەوێوە چەتە زا*یۆنییەکان ڕێیان لێ دەگرن تا بەشێک لە پیاوان و گەنجان لەسێـ*دارە بدەن و هەندێکی تر دەستگیر بکەن و منداڵان و ژنان بتۆقێنن و بەشێک لە دایکان لە منداڵەکانیان جیا دەکەنەوە، پاشان وێڵیان دەکەن و نازانن بەرەو کوێ بڕۆن...

نەخۆشخانەکان گەمارۆدراون و وێران کراون و لە خزمەتگوزاری دەرچوون و ئەمبوڵانسەکان بۆردوومان کراون... دیمەنی سەری تەقـ؛ێندراوی منداڵەکان و جەستە سو؛وتاوەکان ئاسایی بووەتەوە...!

زایۆ؛نیستە عەرەبییەکان لەگەڵ هەموو ئەمەدا دڵخۆشن، بە گەلانی موسڵمان دەڵێن: ملکەچ بن، کڕنۆش ببەن و ڕازی بن بەم شورەییە گەر نا، ئەوە (وێرانکاری)!

دروشمی ئاسایشی نیشیتمانەکان دەردەهێندرێت بۆ ڵاڵکردنی موسڵمانان لە بەدەمەوە چوونی خوشک و برایانیان تا ئەو کاتەی سەرەی خۆشیان دێت...

بۆیە: ئەی خەڵکینە، لەدەوری تاوانباران کۆ مەبنەوە! سەرقاڵ مەبن بە کێشمەکێشمی ناوەکی و گەڕانەوە بۆ دواوە و تۆمەت ڕاکێشان و گلەییکردن لەیەکتر...
ئەم لێکترازانە تەنیا لاوازیمان زیاتر دەکات!

با پرسەکە بە ڕوونی بمێنێتەوە، تاوانباریش بە ناسراوی و ئیدانەکراوی و، لە دڵان ڕقی بەرانبەر هەڵگیرابێت... بەڵکوو خودا ئیزن بەو ڕۆژە دەدات کە تێیدا سینەی ئیمانداران شیفا وەردەگرن.

@DrEyadKurdish

-
«بەڕێزان، دەتوانن هاوکاری بەرز بوونەوەی ئاکتیڤ و گەشتنە دەستی زۆرترینی پۆستە وەرگێڕدراوەکان بکەن و، پشکداری خێر و ماندوو بوونی کارەکان بن تەنیا لەڕێی پشتگیری کردنی چەناڵەکە.

وە خوا پاداشتی چاکەکاران ون ناکات...»

https://t.me/boost/DrEyadKurdish
#ئەدمین

دووڕووان تێیاندا هەیە کە دەڵێت: «ئێمە لەگەڵ ئێوەداین؛ سا موسڵمانان بکوژن و لەناویان بەرن، ئەوەیش نەتانترسێنێت کە لە ئاشکرادا دەیڵێین، بەڵکوو ئەوە گاڵتەکردنە بە موسڵمانان.»

@DrEyadKurdish

چەتە زایۆنیەکان بە پێکەنینەوە مزگەوتێک لە غەزە بۆمباران دەکەن

پەرتووکی: حەوا و ئاڵنگارییەکانی سەردەم
نووسینی: تەسنیم ڕاجیح
پێداچوونەوەی: پ. د. ئیاد قونەیبی
وەرگێڕانی: ڕۆژان عادل

لەبارەی پەرتووکەکەوە:

ئەم پەرتووکە باس لەو ئاڵنگارییە هاوچەرخانە دەکاتەوە کە ڕووبەڕووی ئافرەتان دەبنەوە، نووسەر پەرتووکەکەی بەسەر سێ بەشدا دابەش کردووە، ئەوانیش: «دایکایەتی و مێینەیی و ژیان.» لە بەشی یەکەمدا نووسەر باس لە ئەزموونی تایبەتی خۆی لەگەڵ دایکایەتیدا دەکات و ڕوونی دەکاتەوە کە چۆن بووەتە هۆی گۆڕینی ژیانی. لە بەشی دووەمدا باس لە چەمکی مێینەیی و چۆنیەتیی پێناسەکردنی لە کۆمەڵگەدا دەکات، هەروەها باس لەو فشارانە دەکات کە بە هۆی پێوەرەکانی کۆمەڵگە سەبارەت بە مێینەیی لەسەر ژنان دروست دەبن، پاشان لە بەشی سێیەمدا نووسەر باس لە ئەزموونە جۆراوجۆرەکانی ژیان وەکوو: «خۆشەویستی و لەدەستدان و سەرکەوتن و شکست» دەکات، پاشان باسی ئەو وانانە دەکات کە لەم ئەزموونانە فێری بووە.

#ئاستانە_Astana
#پێشانگەی_نێودەوڵەتیی_سلێمانی

يوسف صقر أبو ربيع -24 ساڵ- ئەندازیاری کشتوکاڵە، لەدوای جەنگی برسیکردنی بەرنامە بۆ داڕێژراو، سوپاس بۆ خوا کاری کرد لەسەر چاندنی تۆیەکان، پاشان ژمارەیەکی گەورەی لە شتڵەکان بەردەست کرد و دەستی کرد بە دابەشکردنی بەسەر جوتیاران و ئاوارەکان و خاوەن ماڵەکان تا لە دەوری ماڵەکانیان بیچێنن
خوای گەورە لەسەر دەستەکانی ئاسانی کرد کە سەرلەنوێ بەرهەمهێنانی چەندین جۆری سەوزەی بەردەست کرد لە باکوری غەزە، خەڵکیش دەستیان کرد بە خواردنی ئەو سەوزانەی بە دەستی خۆیان چاندبوویان.

دوژمنی ترسنۆکیش هەستا بە ئامانجگرتنی بۆ چەندین جار بەڵام خودا ڕزگاری دەکرد، تا ئەوکاتەی چەن ڕۆژێک پێش ئێستا لەگەڵ چەند جوتیارێکی تر تیرۆریان کرد!

خەڵکی باکووری غەزە زۆر بۆی خەمبار بوون.
یوسف، خوای گەورە بە شەهید قبوڵت بفەرمووێت، نەفرەت لە بکوژانت و لەوانەشی یارمەتیدەرن لە تەنیاکردنی موسڵمانان، خوای گەورە خەڵکی غەزە قەرەبوو بکاتەوە، یاوەریشمان بێت بۆ سەرخستنیان

د. ئیاد قونەیبی

واتا کۆنسوڵەکە دەڵێت:
ئێستا دوای هەنجنهەنجن کردنی موسڵمانان و سوتاندن و برسیکردنیان تا مردن، کاتەکە گونجاو دەبێت بۆ " ئاشتی"، ئەمەش بەسەر دار و دیواری ڕوخاوی مزگەوتەکانیان و پارچەی جەستەی منداڵەکانیان.
ئەمە ئەو "ئاشتی" یەیە کە ئێمە دەیزانین، ئاشتی سەرکوتکردنی دڕندانە و بڵاوکردنەوەی خراپەکاری لە وڵاتەکە، بێجگە لەمە هیچ ئاشتییەک بوونی نیە لەلامان .
ئەوانە هەر خۆیانن کە بە ئایەت و فەرمودەکانی جیهاد عەیبدارت دەکەن و لای دەبەن لە سیستمەکانی منداڵەکانمان، و یاساکانی (پاراستنی منداڵ و ژن) بەسەرمان دەسەپێنن لەڕێی کلکەکانیان لە وڵاتانمان..

د. ئیاد قونەیبی

ئایا ئەو کاتەتان بیر دێتەوە کاتێک میدیای جیهانی سەرقاڵی بوو بە کوژرانی یەکێک لەوانەی گاڵتەیان بە ئیسلام دەکرد ...
سەرۆکانی وڵاتان و ڕێکخراوەکان و نووسەران و کەسایەتیە ناودارەکانی ڕۆژئاوا بەشداری لە سەرەخۆشی و ئیدانەکردن و سەرکۆنەکردنی "توندڕەوی و تیرۆر و بنەماخوازی و تاریکپەرستی و کۆنەپەرستی" دەکرد...
و دەگریان بۆ "مافەکانی مرۆڤ" و "ئازادی دەربڕین"...

بەڵام ئێستا... موسڵمانان لە غەززە دەکوژرێن، سووکایەتییان پێ دەکرێت، ئەشکەنجە دەدرێن، برسی دەکرێن و خوێنیان دەڕژێت تا مردن...
هیچ نابینن لەو سەگانەی کە بە تووڕەییەوە دەوەڕین لەپێناو گاڵتەجاڕێکی ئیسلام تەنها ئەوە نەبێت بێدەنگی و پیلانگێڕی و شادبوون و نکۆڵیکردن لەوەی کە کۆمەڵکوژییەک هەیە لە بنەڕەتدا!!

خودا ڕاست دەفەرموێت: (حەزیان لە ناڕەحەتی ئێوەیە)... حەز دەکەن تووشی ناڕەحەتی و سەختی ببن.
(ئاگادار بن نەفرەتی خودا لە ستەمکاران بێت).

د. ئیاد قونەیبی

مەغۆل و تەتاری سەردەم...

سەربازانی داگیرکەر شانازی دەکەن بە سووتاندنی ژمارەیەکی زۆر لە ماڵی هاوڵاتیان لە کەمپی جەبالیا لە باکووری کەرتی غەززە، لە ماوەی دوو ڕۆژی ڕابردوودا.

خودایە دەستیان بێ لەکاربخە، و دڵیان بسووتێنە، و بە تەواوی وێرانیان بکە.

مجدي المغربي

ئارەزوویان دەکرد کە بیگرن و زەلیلی بکەن یان بیکوژن لە کاتی خۆحەشارداندا، بەڵام قەدەر بە شێوەیەکی تر ڕۆیشت! کوژرا لە کاتێکدا ڕووبەڕوو بوو نەک پشتهەڵکەر، و خۆیان وێنەیان گرت لەو دۆخەدا و بڵاویان کردەوە بۆ جیهان! بەمەش بێ هیوایی خۆیان و هاوپەیمانەکانیان بڵاو کردەوە، و شانازی و سەربەرزی و یادێکی باشیان بۆ ئەو تۆمار کرد، و بوو بە نمونەیەک بۆ ئازایەتی و بۆ ئەوانەی دوای ئەو دێن!

کوژران لە ڕووبەڕووبوونەوەی دوژمنانی خودا و پێغەمبەرانی شەرەفێکە و کۆتایی و خاتیمەیەکی باشە کە هەموو باوەڕدارێکی ڕاستگۆ ئارەزووی دەکات.

بەڵام ئەوانەی شادن بە ڕۆشتنی و لەوانەن پشتیوانی تاوانباران دەکەن، داوا لە خودا دەکەین کە ئێوەی لەگەڵ جوولەکەکان کۆکردەوە لەم شادییە لە دنیادا، سووک و زەلیلتان بکات و لە دواڕۆژیشدا لەگەڵیان کۆتان بکاتەوە.

خودایە ڕەحم بە بەندەکەت یەحیا سینوار بکە و لێی خۆشبە و لە ڕیزی شەهیدان وەریبگرە، و دوژمنان بە ئێمە و بەو دڵخۆش مەکە.

خودایە دڵی براکانی و سەربازەکانی ڕاگیربکە، و باشتریان پێ ببەخشە لە جێگەی ئەو.

خودایە ڕێگای ڕاست بۆ خەڵکی غەززە ئاسان بکە، و دڵیان ڕاگیربکە و لە فیتنە بیانپارێزە، و لە تەنگانەیان دەربازبوونێکی نزیکیان پێ ببەخشە.

خودایە بە سەرکەوتنی خۆت پشتیوانیان بکە و یارمەتیمان بدە بۆ سەرخستنیان بە شێوەیەک کە تاوانی پشت تێکردنمان لەسەر لاببات.

(سست و دڵ لاواز مه‌بن وه‌ غه‌مبار مه‌بن هه‌ر ئێوه‌ به‌رزو بڵندترن ئه‌گه‌ر بڕوادار بن) [ال عمران - 139]

د. ئیاد قونەیبی

حسبنا الله ونعم الوكيل لەوەی پشتی تێمان کرد و موئامەرەی دژمان کرد و بازرگانی پێوە کردین
"ئەمە ئەو کوڕەیە کە لە بینرا بە زیندوویی دەسوتا لەبەرچاوی هەموو جیهان، پاشان ڕۆژەکەیان تەواو کرد وەک بڵێی شتێک نەبووبێت، لەگەڵ دایکی ( الاء الدلو) شەهید بوون، ئەو دایکەی هەردەم شانازی دەکرد کە کوڕەکەی ( شەعبان) لەبەرکاری قورئان بوو، ئەو ئەو کوڕە بە ڕەوشتە بوو کە لەناو خەڵک شانازی پێوە دەکرد"
#الحريق_شهيد

مەجدی المغربی

لە دیر البلح دیمەنی (أخدود) دووبارە دەبێتەوە، بەشێوەیەک ئاوارەکان بە زیندوویی لەناو خێوەتەکانیان دەسووتێن لەدوای ئەوەی خێوەتەکانیان بۆردومان دەکرێت..
لەولاشەوە گەورە تاوانباران و خیانەتکاران هۆکارەکانی مانەوە بۆ زایۆنیەکان درێژ دەکەن تاکو موسڵمانان بەم لەغەمی ئاگرانە بسوتێنن، لەکاتێکدا خۆیان لەدیاری دانیشتوون، هەر خۆشیان ببنەری ئەمەن وا بە موسڵمانانی دەکەن...

سا نەفرەتی خودا لەوەی غەزەی گەمارۆ داوە و لەوەشی ڕێگری دەکات لە سەرخستنیان...

#هۆڵۆکۆستی_غەزە

د. ئیاد قونەیبی

#بۆسەی_جەبالیا دوای ساڵێک لە بۆردومان و برسیکردن و گەمارۆ و تاوانی بەرنامە بۆ داڕێژراو دێت کە هێزەکانی جیهان لەسەر ئەم پارچە زەوییە بچووکە و ئەم گرووپە کەم ژمارە و کەم ئامرازە کۆبوونەتەوە.

بۆسەیەک کە واتایەکی گەورەی هەیە، کە دوژمنانی خودا بەندەی زەلیلن لەژێر دەسەڵاتی خودادا، کاتێک بیەوێت زەلیلیان دەکات بە دەستی بەندە لاوازەکانی.

خودایە، براکانمان سەرخە و چەسپاویان بکە و یارمەتیمان بدە بۆ سەرخستنیان و دوژمنیان و ئەوانەی لە عەرەب و عەجەم پشتیوانیان دەکەن ڕیسوا بکە.

د. ئیاد قونەیبی

کەمپی #جەبالیا لە #باکووری_غەززە ڕووبەڕووی کۆمەڵکوژی دەبێتەوە لە لایەن دوژمنی ترسنۆکەوە کە پشتگیری عەرەبی و نێودەوڵەتی هەیە:
بۆردومان، گەمارۆ، تەقەی هەڕەمەکی لە خەڵک لە شەقامەکاندا، برسیکردن و تینوو هێشتنەوە، سووتاندنی نانەواخانەکان و کۆگاکانی ئارد.
تاوانێکە کە زایۆنیەکان بەرامبەر بە خەڵکی بێ چەک ئەنجامی دەدەن، و سیستەمی نێودەوڵەتی سەیردەکات بەڵکو پشتگیریشی دەکات.
ئەی خودایە، براکانمان ڕزگار بکە و یارمەتیمان بدە بۆ سەرخستنیان بە شێوەیەک کە تاوانی پشت هەڵکردنمان لەسەر لاببات..
و تۆڵە بسێنەوە لە هەموو ئەوانەی یارمەتیان دا بۆ بە تەنیا هێشتنەوەیان و پیلانیان دژیان گێڕا و هاوپەیمانی دوژمنیان بوون.

د. ئیاد قونەیبی

لە ڕۆژێکی وەکو ئەمڕۆدا ئەوەیان ئەنجامدا لەکاتێکدا گەمارۆدراویشن، ئەی ئەگەر پاڵپشتێکیان هەبوایە لەلایەن ئوممەتەکەیانەوە دەبووایە چۆن بێت؟
بە زایۆنییەکان دەڵێین: #تاوانەکانتان_شەرمەزاریتان_ناسڕێتەوە
وە داواکاریشین لەخوا کە ڕۆژێک ببینین کە تێکڕای دوژمنانمان دیکەمان بەم شێوەیە وەکو جرج ڕابکێشرێن.

پ.د. ئیاد قونەیبی

#إجرامكم_لايمحوا_عاركم

ئەی زایۆنیستە زەلیلەکان، دوای ئەوەی ترسنۆکی خۆتان لەبەردەم پیاوەکاندا سەلماند
ئەوا #تاوانەکانتان_شەرمەزاریتان_ناسڕێتەوە

#ڕۆژی_زەلیلكردن
#ساڵێک_بەسەر_تۆفان
#حەوتی_ئۆکتۆبەر

د. ئیاد قونەیبی

#إجرامكم_لايمحوا_عاركم

#يوم_الإذلال
#عام_على_الطوفان
#السابع_من_اكتوبر

لە گەورەترین ئامانجەکانی زایۆنیەکان و دۆستەکانیان لەم تاوانانەی کە ماوەی ساڵێکی تەواوە ئەنجام دەدرێت: بریتیە لە سڕینەوەی ئەم وێنانە لە یادگەمان، وە لە جێگەیدا ئازار و گازاندەو پەشیمانیمان بۆ دابنێن...
بۆیە: سەرلەنوێ ئەم وێنانە بگوازنەوە لەنێو خۆتان....
سەرلەنوێ ئەرز بە شکۆیان بسڕنەوە......
سەرلەنوێ ورەی موسڵمانان بەرز بکەنەوە.....
سەرلەنوێ ڕقی ناپاکان و دووڕووان هەڵسێنن......
وە بەم جرجانە بڵێن: #تاوانەکانتان_ئابڕووچونتان_ناسڕێتەوە
#ڕۆژی_زەلیلکردن
#ساڵێک_بەسەر_تۆفان
#حەوتی_ئۆکتۆبەر

د. ئیاد قونەیبی

خەڵکەکەمان لە #باکووری_غەززە ڕووبەڕووی جینۆسایدێکی شێتانە دەبنەوە..
گرووپە سەهیۆنییە ترسنۆکەکان کە پشتگیری عەرەبی و نێودەوڵەتییان هەیە، شکستیان هێنا لە ڕووبەڕووبوونەوەی پیاوان، بۆیە دەستیان کردووە بە تۆڵەسەندنەوە لە خەڵکی بێ چەک، لە هەوڵێکدا بۆ گەڕاندنەوەی بەشێک لە هەیبەتیان لە یادی تێپەڕبوونی ساڵێک بەسەر تۆفانی ئەقسا..
ئەمەش ڕوودەدات لە کاتێکدا کە موسوڵمانانی تر سارد بوونەتەوە لە پشتگیری و سەرخستن تەنانەت لە ڕووی میدیایی یان یارمەتی ماددی یان دوعاکردنیشەوە..
براکانتان لە بیر مەکەن و سارد مەبنەوە لە پشتگیری کردنیان بەوەی دەتوانن.. چونکە بە هەڵوێستەکانتان ئەوە پاشەکەوت دەکەن کە سوودتان پێدەگەیەنێت و خودا پێی چەسپاوتان دەکات لە کاتی سەختییەکانی دونیا و دواڕۆژدا..

پ.د. ئیاد قونەیبی

بەتەنیا چاندنی تەقەمەنی لە ئامێرە پەیجەرەکاندا نا، بیر لەم ئاستە بکەنەوە و بیهێننە پێش چاوتان!

پ.د. ئیاد قونەیبی

-
https://youtu.be/hNPolJXevHs?si=gTyrUuMfkdosEEIa

لە شێوازی مامەڵەکردنی موسوڵمان ڕابمێنە لەگەڵ یەکتریدا کاتێک ڕاجیان لەهەڵوێستەکان لە هەندێک ڕووداودا و دواتریش لەخۆت بپرسە:
١. ئایا ئەم وەسفەی خوامان لەسەر جێبەجێ دەبێت کە وەسفی ئەوانەی کردووە کە خۆشی دەوێن و ئەوانیش خوایان خۆش دەوێت کە فەرموویەتی (أَشِدَّاۤءُ عَلَى ٱلۡكُفَّارِ رُحَمَاۤءُ بَیۡنَهُمۡۖ)
واتا: (بەرامبەر بێ باوەڕان توندو تیژن و لەنێوان خۆیاندا بە بەزەیین) ئایا ئەم وەسفەمان لەسەر جێبەجێ دەبێت ؟؟!! یانیش ئەوەتا بارگەی ئەم توندی تیژی و دوژمنایەتییەی کە پێویستە دژی دوژمنەکانمان بێت وای لێهاتووە لەنێوان خۆماندا بەتاڵی دەکەینەوە؟!
٢.ئایا سوود و پەندی پێویستمان وەرگرتووە لەم ڕووداوە هاوچەرخانە و گەلەکۆمەی دوژمنانمان بەجۆرێک کە لانی کەم ڕەحم بەیەکتر بکەین لەنێوان یەکتردا؟!
٣. ئایا ئێمە شایەنی سەرکەوتنین لەلایەن خواوە لەکاتێکدا ئێمە لەو حاڵەداین؟
ئایا ئێمە دەبینە دەستێکی پاک و ئەمین لە پێشەنگیکردنی مرۆڤایەتی وەکو (چاکترین ئوممەت کە بۆ خەڵکی هێنرابێتنە دی)؟
تەنیا پرسیارگەلێکن و خوایش یارمەتیدەرە و داوای کۆمەکی لێدەکرێت (والله المستعان)
پ.د. ئیاد قونەیبی

نامەیەک لە برایەکەوە کە لە #لوبنان ـە پێم گەیشت

دوژمنی ترسنۆک دەستی کراوەیە لە خراپەکاری و ڕشتنی خوێنی موسوڵمانان. پشتگیری دەکرێت لەلایەن تاوانبارانی زەوی و هاوپەیمانەکانی لە ناوچەکەدا.

ئەمەش هاوکات دێت لەگەڵ بۆردومانکردنی قوتابخانەی فەللوجە کە پەناگەی ئاوارەکانە لە باکووری #غەززە.

پ.د. ئیاد قونەیبی

بەرنامەی تیلیگرام مەرجەکانی خۆی گۆڕیوە بەجۆرێک کە ئێستا مافی بەرنامەکەیە کە ژمارە تەلەفۆن و ناونیشانی بەکارھێنان (IP addresses)ی ئەو کەسانە پێشکەش بە دەسەڵاتی وڵاتەکانیان بکات کە هەڵدەستن بە ئەنجامدانی چالاکی نایاسایی.
کێ پێناسەی ئەو شتانەی لەلایە کە یاسایین یان نایاسایین؟ ئەوانەن کە ئێستا هەماهەنگی هەموو ئەو ڕووداوانە دەکەن کە لە غەززە ڕوودەدات.
لە نەبوونی دەسەڵاتی ئیسلامدا، نە بەهای حەق و دادی ڕاست و دروست بوونیان هەیە، و نە بەها ڕۆژئاواییە بانگەشە بۆکراوەکانیش بوونیان هەیە لە ئازادی و یەکسانی.
بەڵکو مرۆڤایەتی بەکۆیلە دەکرێ بۆ ڕژێم و ڕێکخراوی نێودەوڵەتی و حوت و قڕشەکانی سەرمایەداری.

پ.د. ئیاد قونەیبی