الشاعرة غدير الحساني

@jkljnm

احلـــــــفك بالزجيه وام البنين
وفقني لخدمتك فدوه يحسين
لااجـيز حذف الاسم
او التلاعب بالكـــلام
‼️وغير مبري الذمه من يفعل ذلك‼️

الشاعرة غدير الحساني (Arabic)

مرحبا بكم في قناة 'الشاعرة غدير الحساني' على تطبيق تيليجرام. هذه القناة مخصصة لعرض ومشاركة قصائد وأشعار الشاعرة غدير الحساني. تتميز الشاعرة غدير بقصائدها العذبة والمؤثرة التي تلامس القلوب وتحاكي المشاعر. هنا يمكنكم الاستمتاع بقراءة أحدث قصائدها والتعرف على عالمها الشعري. كما يتميز هذا المكان بالاحترام المتبادل وعدم التسامح مع التجاوزات والتلاعب بالكلمات. انضموا إلينا اليوم لتكونوا جزءًا من هذه الجماعة الشعرية المحترمة والملهمة!

الشاعرة غدير الحساني

20 Nov, 15:29

كون المعاتب يسمعونه الجفوني💔

#اداء الملاية ام جعفر الجيزاني
#كلمات الشاعرة غدير الحساني

1,412

الشاعرة غدير الحساني

20 Nov, 13:53

راح اموتن والسبب فرگاهم ...💔

1,507

الشاعرة غدير الحساني

20 Nov, 13:46

المكاااااااابر
خذت مني انسان چنت ازمط بووووگفاته 💔

1,578

الشاعرة غدير الحساني

19 Nov, 16:01

#نصيحة

لا تدخل في منافسات مع أحد ولا تحاول أن تكون أفضل من أحد ولا تدخل في صراعات داخليه مليئة بالتحدي لتثبت لشخص ما أنك أفضل منه

لتعش بهدوء لتعش لنفسك لتعش الحياة التي تريد أنت وترضي ربك
المنافسات مع الآخرين تجعلك في تحدي منهك لا عمل ممتع لنفسك ، وعينك على الآخر لا على حياتك 💙

1,959

الشاعرة غدير الحساني

19 Nov, 10:50

يابه شنو موعد الماتم ج6 قصائدة إخذت روحييييي😭😭
بس ينزل راح يعجبكم اكيييد لان اعرف ذووووقكم 🔥🔥🔥🔥

2,067

الشاعرة غدير الحساني

17 Nov, 08:04

جنط للكتب ..
طبطبة ...
دواوين ...
طباعة حسب الطلب ..
كل هالشي تحصلوا يم الرقم 👇👇👇
٠٧٧٥٣٠٩٩٠٠١

المراسلة واتساب فقط

3,135

الشاعرة غدير الحساني

16 Nov, 15:10

مُحاطةً بأشخاص يجعلوني
أتسائل إلىٰ إي قدر ، أنا انسانة جيدة ؟!
لأنال هذا الڪم الهائل من اللطف والمحبة🩵

3,265

الشاعرة غدير الحساني

16 Nov, 12:16

امنياتي اختم حياتي
بخدمة احسين
كون وانه اكتب قصايد
تغمض العين 🙏

#غدير الحساني

2,910

الشاعرة غدير الحساني

16 Nov, 11:52

قصيدة للزهراء ع {الهوسه اتلوگ}

الهوسه اتلوگ_ لميدانچ يمهيوبه
چوادر فاتحه للضلع منصوبه
❥❥❥❥ـــــــــــــ❁❁ـــــــــــــ❥❥❥
الهوسه اتلوگ بالميدان هالليله
يا يومچ صعب شيحمله شيشيله
دمعنه اعله الضلع المهشم انسيله

{اتسجليها // يا كون الدمعه}
❥❥❥❥ـــــــــــــ❁❁ـــــــــــــ❥❥❥
نعازي ام الخدر هالليله بالدمعه
زغيره وبالضلع والفرگه منفجعه
چي ماطاب ضلعچ حيل متوجعه

{مهظومه // زينب بفراگچ}
❥❥❥❥ـــــــــــــ❁❁ـــــــــــــ❥❥❥
مهظومه العقيله وما اجيتيها
تصيح امي الزجيه امعوده اعليها
نمتي اعله التراب وهيه عفتيها

{عفتيها // للون بمجانج}
❥❥❥❥ـــــــــــــ❁❁ـــــــــــــ❥❥❥
بمجانچ تون زينب عله اغيابچ
وتمنت عصرها يام حسن بابچ
ردي للعقيله وفلي بترابچ

{رديله // مجانج خالي}
❥❥❥❥ـــــــــــــ❁❁ـــــــــــــ❥❥❥
خالي امجان سمرچ وي البنيه
توازت يا هظيمه اعليچ المنيه
زينب هالمسه من لفركه محنيه

{حانيها // اثجيل افراكج}
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
https://t.me/jkljnm

2,952

الشاعرة غدير الحساني

16 Nov, 11:16

https://t.me/+oA9S64dAy45mOWQy

هذا لكروب

2,830

الشاعرة غدير الحساني

16 Nov, 11:13

اختاريت هالطور لان بالقراءة كله حنيه يبجي يعني مووووفقين راح ينزل اللحن ع كروب لمتنة حُسينية ..👍

2,627

الشاعرة غدير الحساني

16 Nov, 11:12

قصيدة للزهراء ع {نكبر ردت البنيه}كأني بالامام علي ع ذهب الئ قبر الزهراء ثاني ليلة من رحيلها وجلس يبكي ويقول .....

نكبر ردت البنيه
يام الحسن سويه
هوه انه قالع خيبره
شسوت فرگتچ بيه ...شسوت فرگتچ بيه
❥❥❥❥ـــــــــــــ❁❁ـــــــــــــ❥❥❥
نكبر ردت زينب سوه ازغيره بعدهه
من رحتي بدموع الهظم متروس خدهه
اسمعهه من تبچي تصيح امي شيردهه

شيردهه وهيه ابحضن التراب
اعليه راح ايطول الغياب

يا زهره حيلي اشويه .. شسوت فرگتچ بيه
❥❥❥❥ـــــــــــــ❁❁ـــــــــــــ❥❥❥
ليل الهجر ما احمله يا بعد الضلوع
شگد صعبه بمچانچ اخلي بيدي الشموع
مكسور گلبي وخاطري وبالفرگه مفجوع

ضلعچ هظيمه ام حسن ماطاب
اعليه راح ايطول الغياب

لجر النفس مابيه .. شسوت فرگتچ بيه
❥❥❥❥ـــــــــــــ❁❁ـــــــــــــ❥❥❥
هاظمني كلشي بموتتچ يا شمعة الدار
عفتيني وحدي وبالعيال التبچي محتار
كل مابچه حسين وحسن بيه تشب نار

اشتاگيتلچ يا اغله الاحباب
اعليه راح ايطول الغياب

يا دمعتي مجريه .. شسوت فرگتچ بيه
❥❥❥❥ـــــــــــــ❁❁ـــــــــــــ❥❥❥
مجريه دمعة حيدره لضلعچ المكسور
للدار خل نرجع سوه شلچ بالكبور
مو گبرچ تمنيت گبري والله محفور

من البارحة يالدمع سچاب
اعليه راح ايطول الغياب

بس ساعه مري اعليه.. شسوت فرگتچ بيه
❥❥❥❥ـــــــــــــ❁❁ـــــــــــــ❥❥❥
دارچ خليه وصوت بس انعاوي بيها
زينب وحگ عشرتنه يذبحني بجيها
تبچي وتصيح امي الكبر مالاگ ليها

وياها كون انعصر بالباب
اعليه راح ايطول الغياب

زينب تون يوميه..شسوت فرگتچ بيه
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
https://t.me/jkljnm

3,105

الشاعرة غدير الحساني

16 Nov, 10:13

اعلگ اشموع لشمعة البيت
لصوت امي من تندهني حنيت 💔

يعينج الله يزينب 😭

2,685

الشاعرة غدير الحساني

16 Nov, 05:53

ردت امي طول العمر وياي 💔

2,857

الشاعرة غدير الحساني

16 Nov, 05:51

2,939

الشاعرة غدير الحساني

15 Nov, 10:47

يا زهراء يا يمه 💔

3,445

الشاعرة غدير الحساني

15 Nov, 09:56

نعي للزهراء ع عندما دفعوا الاعداء الباب عليها ..مشتكئ الزهراء ع لوالدها ....

يا بويه بعدك زاد وني
انكسرت اضلوعي وطاح ابني
دهري اعله اعيوني سطرني
❥❥❥❥ـــــــــــــ❁❁ـــــــــــــ❥❥❥
بسمار نابت بيه بسمار
وبابي شبت بعدك النار
عذبوني لمن رحت الاشرار
❥❥❥❥ـــــــــــــ❁❁ـــــــــــــ❥❥❥
عصروني بويه بعتبة الباب
ودمعي جره من لعين سجاب
مابيه اشم حته الهوئ الهاب
❥❥❥❥ـــــــــــــ❁❁ـــــــــــــ❥❥❥
نعي للزهراء عندما سطرها اللعين

من السطره ضلت عيني حمره
تمنيت ابوي ايعوف كبره
ويشوف حال ابنيته زهره
❥❥❥❥ـــــــــــــ❁❁ـــــــــــــ❥❥❥
سطروني مايدري هظيمه
صاحولي بغيابه اليتيمه
عافاني ابو الزهره حريمه
❥❥❥❥ـــــــــــــ❁❁ـــــــــــــ❥❥❥
عذبني بفراگه زماني
خلاني ليل انهار اعاني
دمع الهظم بعده عماني
❥❥❥❥ـــــــــــــ❁❁ـــــــــــــ❥❥❥
نعي مولاتي زينب الوداع الاخير مع امها الزهراء ع

يمه يا يمه يا يمه ..

البنيه يمه ابعازة امها
تشكيلها همهه وهظمها
روحي بعد بس ون سهمها
❥❥❥❥ـــــــــــــ❁❁ـــــــــــــ❥❥❥
وياچ اريد الموت وياچ
وندفن يم الحسن بحذاچ
شيحمله بس كليلي فرگاچ
❥❥❥❥ـــــــــــــ❁❁ـــــــــــــ❥❥❥
ازغيره عمر ما احمل افراگ
ابحضنچ انام الليل اشتاگ
جمر الفراگ ابگلبي حراگ
❥❥❥❥ـــــــــــــ❁❁ـــــــــــــ❥❥❥
نعي الحسن والحسين عندما استشهدت الزهراء ع

يا حسن دلالي شيصبره
امي بعد شوفتهه حسره
گلبي ابفگدها من يجبره
❥❥❥❥ـــــــــــــ❁❁ـــــــــــــ❥❥❥
هنا يجاوبه الحسن (ع) ...

راحت ابعيد الدللتنه
السهرت علينه وسامرتنه
بالفرگه كلش تعبتنه
❥❥❥❥ـــــــــــــ❁❁ـــــــــــــ❥❥❥
تعبتنه مارجعت علينه
ماكسر خاطرهه بجينه
عافتنه يا امنه الحنينه
❥❥❥❥ـــــــــــــ❁❁ـــــــــــــ❥❥❥
نعي للزهراء (ع)الوداع الاخير مع عيالها

يمه يا يمه يا يمه ...

اوداعچ صعب يا خيمة الدار
تعوفينه بالهظم نحتار
عشرتنه وراح اتصير تذكار
❥❥❥❥ـــــــــــــ❁❁ـــــــــــــ❥❥❥
عگبچ بعد ياهو اليلمنه
كسرتينه يام المحنه
منچ ييمه ماااشبعنه
❥❥❥❥ـــــــــــــ❁❁ـــــــــــــ❥❥❥
ايصيحونه من بعدچ ايتام
وچلمة اليمه انگولها احلام
المن نسولف ضيم الايام
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
https://t.me/jkljnm

3,547