الشاعره هاجر الزينبية

@hh_7w15

گلب يلگه ويجافي حسين مالي
حيلي انطيه اله وأهلي و مالي
ابخدمته الدنيه تحلالي وآمالي
يقبلني ويحط نعمه بديه

#للشاعره هاجر الزينبية
♦لا اجـيــز حـذف الاســم♦

الشاعره هاجر الزينبية (Arabic)

في عالم الشعر والأدب العربي، تبرز شاعرة موهوبة تحمل اسم هاجر الزينبية. تعتبر الشاعرة هاجر الزينبية من أصحاب القلم الراقي والمميز، حيث تقدم قصائد شعرية تعبر عن الحب والحزن والوطن بشكل مؤثر وجميل. قامت الشاعرة هاجر الزينبية بإنشاء قناتها على تطبيق تليجرام لتشارك قصائدها وأشعارها مع محبي الشعر العربي. تحمل القناة اسمها بشكل رائع "الشاعره هاجر الزينبية" وتحتوي على مجموعة من القصائد التي تعبر عن عواطف الإنسان وجمال اللغة العربية. من خلال قناة الشاعرة هاجر الزينبية، يمكنك الاستمتاع بمشاهدة الشعر الأصيل والتمتع بجمال الكلمات التي تنساب بسلاسة وعذوبة. ستجد في هذه القناة ما يروق لذوقك الشعري وما يعبر عن مشاعرك بشكل ملهم ومميز. لا تفوت فرصة متابعة قناة الشاعرة هاجر الزينبية على تليجرام والاستمتاع بجمال الشعر العربي الأصيل. انضم اليوم لهذه القناة الرائعة وشارك الشاعرة هاجر الزينبية رحلة الكلمة الجميلة والإبداع الشعري.

الشاعره هاجر الزينبية

18 Nov, 20:43

اللهم تلك الامنية...🥺🤍
الطب وقلمي والقصائد.🩺✍️🎤📃

الشاعره هاجر الزينبية

16 Nov, 16:21

مشتاگلج يالانتي كلشي
كل الاريده الليله نعشي
بعدج علي مارايد اي شي...💔🥺

#الشاعره هاجر الزينبية

الشاعره هاجر الزينبية

15 Nov, 20:29

#رقيه
5 صفر كأني برقيه (ع) تخاطب الحسين (ع)

                     ليه افتح عيناك
                     ياريت اموتن وياك
صدك بويه انته الحُسين   شذبلك آه يالحنين
============================
راسك مخضب اشوفن ليه جابوه بطشت
بويه يا نبع   المحنه   منهو   يتمني   صحت
امنيتي من طشوا ضلوعك كون آنه اطشرت
ولا اشوفن هسه راسك منذبح ويلي ونحت

             من التعب ماضل صوت
              چن احس حان الموت
ضاعت احلام السنين    شذبلك آه يالحنين
============================
شلون اتحمل اشوفن شفتك يطكها يزيد
يضحك ويشتمني ترضه اعليك يقهرني يريد
والدج   هذا   رقيه يكَلي   مكَطوع   الوريد
وهسه ضليتي يتيمه سافروا اهلج بعيد

             بلا حمه صرت اليوم
             زغيره ما بين الكوم
ليلي يخلص بالونين     شذبلك آه يالحنين
============================
دير عينك بويه ليه هواي عذبني اليسر
حكي اشكيلك عذابي والله موتني الصبر
بويه ترضاها حميتك عالوجن آنه انسطر
والعده يشتمون بيه وحرمه وحدي بلا ذخر

                 وبيه مشتعله النار
                واسمع تنوح الزغار
كلي اديرن وجهي وين    شذبلك آه يالحنين
=============================
انه متعوده اخلي راسي بحضينك وانام
واشتم بصدرك الدافي وجفك الينثر سلام
رايده اشكيلك عذابي ويجرحك خاف الكلام
لسه مجويات اديه بوية من جمر الخيام

             اعيوني عاميها التراب
              وحدي والعده اجناب
    والحبل گص الادين   شذبلك آه يالحنين
============================
بويه احلفك بالزجيه ادعي ياخذني الاجل
   حيل اذاني   مصابك چمل اعليه العلل
   خيمة الوالد جبيره وتنجمع بيها الاهل
   وتوكع الخيمه عليهم لون والدهم رحل

                 بضلمتي انته اضواي
                 ياشفه جروحي ودواي
اصرخ بصوتي الحزين    شذبلك آه يالحنين
=============================
لخادمة رقيه (ع) هاجر الزينبية

https://t.me/HH_7W15

الشاعره هاجر الزينبية

15 Nov, 16:56

قصيدة { مالي غيرك }..💔
كلماتي اداء الملا ام علي 0:32

الشاعره هاجر الزينبية

15 Nov, 16:53

قصيده للخدمه {مالي غيرك لا تهدني}
لسان حال الخادم الى الحسين ع...💔

مالي غيرك لا تهدني
عالخدامة عودتني
خاف اعوفك وابتعد
لخيمتك يابويه ردني٢
ـــــــــــــــــــــــ✿ــــــــــــــــــــــــ
حسين خاف تغرني دنياي و اعوفك
ايدي الزمها يمولاي ابجفوفك
دوم اخذني لحضرتك خليني اطوفك
گلبي ينبض باسمك ايعدد حروفك

من اعوفك هذا حالي
اليتم بعدك ليه والي
لخيمتك يابويه ردني...
ـــــــــــــــــــــــ✿ــــــــــــــــــــــــ
خذني لخيامك اريد اشهگ بدخان
خلي لوعة بگلبي اريده دوم وجعان
الحرگة بيه ريت ما تبرد يعطشان
حتى اداوي الروح يمك الگه المجان

حسين لتضمد جروحي
حتى يمك تبقى روحي
لخيمتك يابويه ردني...
ـــــــــــــــــــــــ✿ــــــــــــــــــــــــ
خايف تطيبني وانسى وانه اروح
خلها تسعر بالگلب ماتشفه الجروح
جيبه دخان العبي وخل ريحته تفوح
وكون بالمجلس الفگدك حيل انوح

اسمك يمر عله سمعي
صحره خدي ومطر دمعي
لخيمتك يابويه ردني...
ـــــــــــــــــــــــ✿ــــــــــــــــــــــــ
لا تهدني مالي غير احضانك انته
السهم عطشان الحنانك يالحضنته
الحر اجالك يابو عبد الله وقبلته
حتى ذاك الحافر الراضي برفسته

راضي بالخيل الاجتك
حيرتني يا محنتك
لخيمتك يابويه ردني...
ـــــــــــــــــــــــ✿ــــــــــــــــــــــــ
حاضن بروحك سهام الله اكبر
انت صاحب وانت ابو لا والله اكثر
لا تهدني احسبني خادم يابو الاكبر
دوم ابجي رايد لگطعة المنحر

انت ياروحي وحياتي
وياك اريد لحد مماتي
لخيمتك يابويه ردني...
ـــــــــــــــــــــــ✿ــــــــــــــــــــــــ
الشاعره المله هاجر الزينبية
لا اجيز الحذف او التلاعب بالكلام ❌
https://t.me/HH_7W15

الشاعره هاجر الزينبية

15 Nov, 13:57

للزهراء (ع) منهه ونزلوا...👆
دعولي بمجالسكم 💔

الشاعره هاجر الزينبية

04 Nov, 18:02

ملاياتنه في الناصرية الحبيبة الديوان توفر في مكتبة نور الزهراء لحكو احجزوا نسخكم يمهم قبل نفاذ الكمية
العنوان الناصريه الحبوبي مقابل بيت سيد راضي مع خدمة توصيل 07807842023

الشاعره هاجر الزينبية

04 Nov, 18:01

اصدارات جديده. 2024

اصدار ديوان راثيات الفواطم

بمتابعة وإشراف كل من الشاعرات
رسل الابراهيمي
نورس الحلفي
رضاب الاسدي
وباشتراك مع نخبه من الشاعرات

يتضمن الكتاب قصائد السيدة الزهراء ع والرباب والسيدة معصومه ع وام البنين ع مع نماذج من القصائد توضيحيه

🌹🌹🌹

⬇️ للتواصل والاستفسار ⬇️
@ABRAR5325
@ABRAR5325

كروب اجهزة يفيد ملايات👇👇

https://t.me/+n-BgqsOHygw5OWNh

الشاعره هاجر الزينبية

04 Nov, 07:23

خادمتكم محتاجة دعواتكم كلش 😔🙏
اني بنية سلاحي دراستي، وخدمتي المصبرتني على كلشي
اريد دعوه من الگلب للتوفيق بالخدمة وبالدراسة ❤
وأسال الله ان يوفق ويرزق كل شخص يدعيلي خاصتا اليذكرني بالمجالس لو بصلاته 🤲

الخادمة المقصره هاجر الزينبية

الشاعره هاجر الزينبية

03 Nov, 11:55

قصيده للاحباب { ملكاهم حلم }...💔

ملگاهم حلم من عيني مبيوگ
كل الليل اون ونين محروگ

وبيه تهيج الآلام
اخ وگلبي محتام
سيف وبيه يذبح صاير الشوگ
ـــــــــــــــــــــــ✿ــــــــــــــــــــــــ
من شدة ونيني گلبي موجوع
موش احباب ذوله الشالوا ضلوع
غير افراگهم ما عندي موضوع
اون من الغروب لحد الطلوع

واقره بذكرياتي
ادعي انه بصلاتي
ارتل ألم نشرح صدري مخنوگ
ـــــــــــــــــــــــ✿ــــــــــــــــــــــــ
شعور الغربة والعازه الي عشته
نجم الظهر من الفرگه شفته
ما گمت اعله حيلي روحي ميته
بعد مابيه اون، وناتي سكته

ملت روحي جنهه
المتعبهه ونهه
متعب بس اگول اعليهم يلوگ
ـــــــــــــــــــــــ✿ــــــــــــــــــــــــ
وي دمعاتي طايح لون العيون
بيض ارموشي حيل تغير اللون
صعبة افهمهه كلمة ما يرجعون
أنه بكل يوم اكولن باجر تهون

اقنع گوه بالروح
بيهم تشفه الجروح
المصبرني اظن شدات العلوگ
ـــــــــــــــــــــــ✿ــــــــــــــــــــــــ
شيهَدي الگلب ويريحه لحظات
ثگيل اونينه ما اسمعله نبضات
مدري شلونه گلبي لسه مامات
ومن اعزازه رايدهه السلامات

شيردهم الي يوم
اجبر روحي عالنوم
مرار الفرگه اويلي لازم تضوگ
ـــــــــــــــــــــــ✿ــــــــــــــــــــــــ
اجبر روحي تغفه وعقلي تعبان
بالطيف ارد اشوف اعزازي الحنان
احلم گلبي اشوفه گبالي خلصان
متگطع وريده وماكو شريان

اذوبن مثل الشموع
ناري اتنزل دموع
اموتن عالبطيء وتنشف عروگ
ـــــــــــــــــــــــ✿ــــــــــــــــــــــــ
#الشاعره والمله هاجر الزينبية
لا اجيز الحذف او التلاعب بالكلام ❌
https://t.me/HH_7W15

الشاعره هاجر الزينبية

02 Nov, 11:13

امنية شاعر...💔💔💔😭

بداعة الحسين اسمعوها وبالكم ويا الكلمات 🔥

الشاعره هاجر الزينبية

01 Nov, 13:29

جنوبيه لام البنين ع {هوستنه محلاهه}...

بس لام الگمر هوستنه محلاهه
نشيل الراس من ينجاب طرواهه
ـــــــــــــــــــــــ✿ــــــــــــــــــــــــ
ينقاس الكرم من يمهه الحنينه
ابو فاضل ابنهه المنطي جفينه
سفرتهه فرشنه وترست ايدينه

معروفه // تحضر كل شده
ـــــــــــــــــــــــ✿ــــــــــــــــــــــــ
لو حن الگلب والتمت همومه
ما تبقه المره بالبيت مهظومه
ندگ الباب يمنه نگلهه معزومه

اشكيهه // للحره اهمومج
ـــــــــــــــــــــــ✿ــــــــــــــــــــــــ
معروفه بكرمهه الربت الكافل
مجلسنه ننصب بسم ام ابوفاضل
وحده تگل للاخره من اللطم مامل

التحميني// حيل اعشگ انه
ـــــــــــــــــــــــ✿ــــــــــــــــــــــــ
لوكت الضيم والهم عدنه بدويه
نحلفهه بخدر زينب العلويه
وبجاه الولي وكل وحده مسبيه

تگضيهه // وبنفس الليلة
ـــــــــــــــــــــــ✿ــــــــــــــــــــــــ
نذرت كل ولدهه ووافت الزهره
الينخاهه بوكت كل شده اتحضره
ام سبع الگنطره الحيرنه بأمره

عالشاطي // گطّع جفينه
ـــــــــــــــــــــــ✿ــــــــــــــــــــــــ
#الشاعره والمله هاجر الزينبية
لا اجيز الحذف او التلاعب بالكلام ❌
https://t.me/HH_7W15

الشاعره هاجر الزينبية

01 Nov, 08:35

تزاحمت النِعم ... 🍃🌧
جمعة ومطر ورب مجيب
اللهم ما في قلوبنا يارحيم

الشاعره هاجر الزينبية

28 Oct, 17:02

نخيتك واتعرفني شبيه ما بيه
عطاياك أنه احبهه الكلهه حنيه...💔😭

#الشاعره هاجر الزينبية 🖊

الشاعره هاجر الزينبية

28 Oct, 16:45

قصيده للسيده زينب ع{يندبج دمع العيون}...💔
تقرأ بلحن (عليمن جايني العيد) والحان اخرى

يندبج دمع العيون
اريدن منج العون
الهم ما خله بيه// يبت حامي الحميه
اريدن منج العون...
ـــــــــــــــــــــــ✿ــــــــــــــــــــــــ
انت ِام عون والعون من عندج اريده
جا جيت لحضرتج بس عني بعيده
ما اريدن احلفج بالحسين وعضيده
خاف الجملج جروح وبيج الهم ازيده

حرت احجيهه لو لاه
أذكرج خاف بالآه
ثگيله اعرف جروحج//حنينه ادريهه روحج
اريدن منج العون...
ـــــــــــــــــــــــ✿ــــــــــــــــــــــــ
حطي بيدي المراد فرحي گليبي ليه
حيل تريده روحي طلبته بصافي نيه
اذا ماشفتي حالي دموعي تظل سبيه
نخيتج وانت تدرين حزن الليل بيه

وحگج روحي تنعه
شكبرهه بعيني دمعه
بنوحي اكسرلي خاطر// وكلبي بهمه حاير
اريدن منج العون...
ـــــــــــــــــــــــ✿ــــــــــــــــــــــــ
بيه تهيج الجروح و أصبر من اذكرج
انت للصبر ام، جنتي كله عمرج
قدوه النه يزينب مَثل صاير يأمرج
اعظم مرأة بالطف رغم ماطافي جمرج

يا نار المصايب
منهه الراس شايب
لجن ظل عالي الراس//صبرتي يخت عباس
اريدن منج العون...
ـــــــــــــــــــــــ✿ــــــــــــــــــــــــ
الحاجه بيهه تدرين مو سهله وثگيله
بس سهليهه انخاج بدموعي الهميله
وحگج مالي غيرج اندبه يالعقيله
بروحي عَثرت هموم تذكرج بالهزيله

بيه معاثر هموم
تخنگني احس دوم
والجأ بس للحنان// الج انت وللاخوان
اريدن منج العون...
ـــــــــــــــــــــــ✿ــــــــــــــــــــــــ
كل ما اگصد الهم ازورن بالنيابه
عنج يخت الحسين يالكلج مهابه
اريدنج تنظرين لگليبي وعذابه
مامرتاحه روحي والحسين ومصابه

تعينيني اريدج
مسحي گليبي بيدج
حتى همومي تنزاح// بمُرادي تطيب الجراح
اريدن منج العون...
ـــــــــــــــــــــــ✿ــــــــــــــــــــــــ
#الشاعره المله هاجر الزينبية
لا اجيز الحذف او التلاعب بالكلام ❌
https://t.me/HH_7W15

2,584

subscribers

67

photos

45

videos

Best Similar Channel

هانسل💙.

28,876 subscribers

قناة ديوان كعبة الاحزان

13,336 subscribers

جروح عاشوراء

12,251 subscribers

@wounds_ashuraone

الشاعرة غدير الحساني

11,300 subscribers

❤🌺🍃احبك يا خالقي❤🌺🍃

10,438 subscribers

الشاعره رسل الابراهيمي

8,389 subscribers

الشاعرة الملة نورس الحلفي

7,896 subscribers

الشاعره إم تحسين البصره

7,499 subscribers

نور الهدى المياح

7,419 subscribers

@nooralhudaalmiyah

دموع الحوراء

7,067 subscribers

Random Similar Channel

لآل بيتِ مُحمد .

889 subscribers

ذَرَّة الحُسَيْن .

3,077 subscribers

قناة الخطيبة والناعية الحسينية ام نور الميسانيه

5,612 subscribers

@aleulawiuhamnuwr

خَلينّي بخَيماتّك || ١٤٤٦ ه‍

2,178 subscribers

أنتَظر ظَهُورك³¹³

3,967 subscribers

قناه الشاعرة أم حسين الهلالي للخدمه الحسينيه

3,056 subscribers

الشاعرة فاطمة الساعدي

2,246 subscribers

الشاعرة ام ذو الفقار إلمانيا 🇩🇪 [إسراء اللامي]

5,342 subscribers

عاشقه الامام علي《ع》

1,345 subscribers

نبراس 🧘🏻‍♀️

887 subscribers

𝙱𝚜𝚘𝚘𝚖 𐂂 .

1,673 subscribers

لِّيَطْمَئِنَّ قَـلبُك ♥️🍀. ""

لِّيَطْمَئِنَّ قَـلبُك ♥️🍀. ""

1,377 subscribers

شباب وبنات شارع 40 وبس ️

169,057 subscribers

منبه الصلاة الابراهيمية

1,522 subscribers

مجالِس السُّنّة 💎☕

1,399 subscribers

خياطات منوعة

1,687 subscribers

محطــة حلــم🤍

1,357 subscribers

خيره العلوية ام عبدالله استخارة خيرة

185,055 subscribers

قصة شهيد 🤍✨

2,712 subscribers

🅱️ESON TEAM

1,871 subscribers