🇺🇿 BOJXONA QO'MITASI BOJXONA INSTITUTI . . 🇺🇿 Customs Institute . . .

Joriy yilning noyabr oyida O‘ZBEKISTON RESPUBLIKASI VAZIRLAR MAHKAMASINING
"2020 — 2025-YILLARDA KITOBXONLIK MADANIYATINI RIVOJLANTIRISH VA QO‘LLAB-QUVVATLASH MILLIY DASTURINI TASDIQLASH TO‘G‘RISIDA"gi 781-sonli qarorining ijrosini ta'minlash maqsadida har yili Respublika miqyosida o'tkazilib kelinayotgan "Yosh kitobxon " tanlovining ikkinchi bosqichi bo'lib o'tdi.Unda Bojxona Instituti 2-kurs kursanti Mavlonberdiyev Asadbek g'oliblikni qo'lga kiritib keyingi bosqichga yo'l oldi.

"Ёнғин хавфсизлиги ойлиги" доирасида Божхона институтида кўргазмали ўқув-амалий машғулоти ўтказилди.

Божхона институтининг Қайта тайёрлаш ва малака ошириш факультети тингловчилари учун амалий машғулот ташкил этилди ва улар Миллий кинология марказига ташриф буюришди.

Марказ раҳбарияти томонидан ташкил этилган махсус дастур давомида тингловчилар замонавий кинология хизматининг кенг қамровли фаолияти билан яқиндан танишиш имкониятига эга бўлишди. Улар хизмат итларини тайёрлаш методикаси, контрабандага қарши курашишда кинологик хизматнинг аҳамияти, наркотик моддаларни аниқлашда хизмат итларининг ўрни каби долзарб мавзулар бўйича мутахассислар билан мулоқот қилишди.

Шу тариқа, бўлажак божхона ходимлари кинология соҳасидаги энг илғор тажрибалар билан танишиш, назарий билимларини амалиётда мустаҳкамлаш имкониятига эга бўлишди. Бу эса, ўз навбатида, уларнинг касбий маҳоратини оширишга хизмат қилади.

🇺🇿Ўзбекистон Республикаси Вазирлар Маҳкамасининг 2024-йил 17-февралдаги 90-Ф сонли фармойиши ижросини таъминлаш ҳамда Ўзбекистон Ёзувчилар уюшмасининг жорий йилнинг 15 ноябрдаги №01-03/919 сонли хатига муофиқ 2024-йил 19-ноябр куни атоқли Қорақалпоғистон шоири ва мутафаккири Ажиниёз Қўсибой ўғли таваллудининг 200 йиллигига бағишланган адабий-маърифий тадбири ўтказилди.
🇺🇿Мазкур тадбирда қатнашиш учун Божхона институтининг 40(қирқ) нафар курсантлари иштирок этди. https://t.me/DBQ_BOJXONA_INSTITUTI

🇺🇿Ўзбекистон Республикасининг Давлат байроғи тўғрисидаги Қонуни қабул қилинган кун муносабати билан Республика Маънавият ва марифат маркази хамкорлигида “Давлат байроғи - бахт тимсоли” мавзусида маданий-маърифий тадбир ўтказилди.
🇺🇿Тадбирда Республика Маънавият ва марифат маркази аъзоси, Тошкент Давлат юридик университети профессори, юридик фанлари доктори Мухитдинова Феруза Абдурашидовна ҳамда ўзбек оғир атлети, Олимпия чемпиони, икки марта жаҳон чемпиони, 109 кг вазн тоифасида 2019 йилги Осиё чемпионатининг кумуш медалчиси, 2019 йилги ёшлар ўртасидаги жаҳон чемпионати ғолиби. Ўсмирлар ўртасидаги жаҳон рекорди эгаси. 2020 йил Токио Олимпия ўйинлари чемпиони. Олимпия рекорди эгаси. "Ўзбекистон ифтихори" фахрий унвони соҳиби. Ўзбекистонда хизмат кўрсатган спортчи (2024) Акбар Жўраев Хуснидилла ўғли қатнашдилар.
🇺🇿Тадбирнинг бадиий қисмини Божхона институти Ашула ва рақс ансамбль ходимлари иштирокида юқори савияда ташкил этилди. https://t.me/DBQ_BOJXONA_INSTITUTI

Yurtim bayrog‘i


Ushbu kun yuraklar faxrla urar,
Qutlug‘ bo‘lsin deya ulug‘ bayrami.
Dunyoda borligin ko‘rsatib turar,
Yurak iftixori – yurtim bayrog‘i.

Jahon ellarila oshno, do‘stligin,
Mudom erkinligin, erkin so‘zligin,
Aks ettirib turar milliy o‘zligin,
Yurak iftixori – yurtim bayrog‘i.

Yoshlari ilmda, sportda ilg‘or,
Ko‘plab yutuqlarga bo‘lib sazovor,
Boshi uzra tutar dilda iftixor,
Yurak iftixori – yurtim bayrog‘i.

Musaffo osmonim ifoda etgan,
Tinchligu poklikning yo‘liga eltgan,
Tabiatning serhimmat kuniga yetgan,
Yurak iftixori – yurtim bayrog‘i.

Bir kuch bo‘lib yashar tomir qonimda,
Tinchligim his etgum har bir onimda,
Najmiddin Kubrodek tutgum jonimda,
Yurak iftixori – yurtim bayrog‘i.

Bojxona institute kursanti Odilova Nozimaxon Ibroximjon qizi.

Божхона институтининг 3 ва 4-курс курсантлари томонидан таълим йўналиши бўйича олинган назарий билимларини мустаҳкамлашга, ушбу билимларни касбий фаолиятда зарур бўлган кўникма ва маҳоратга айлантиришга, курсантларни божхона хизматидаги амалий ишга тайёрлашга йўналтирилган навбатдаги практикум машғулоти жорий йилнинг 15-ноябрь куни Божхона экспертизаси ва товарларни таснифлаш кафедраси масъуллигида Божхона қўмитасининг МБЛ етакчи экспертлари: МБЛ бошлиғининг ўринбосари – Экспертиза бошқармаси бошлиғи Бахром Даутов ҳамда Божхона экспертизаси бўлими бошлиғи Нодирбек Собитовлар иштирокида ўтказилди.

Экспертлар томонидан бугунги кунда товарлар устида ўтказиладиган замонавий лаборатория тадқиқотлари, жумладан ўтказиладиган экспертиза турларининг хилма-хиллиги ортиб бораётганлиги МБЛнинг фаолият кўламини кенгайтиришни тақозо этиб, расмийлаштирувнинг вақт ва маблағ сарфидаги минимал даражасини таъминлашда экспресс тадқиқот усулларидан фойдаланишни талаб этиши таъкидланди. Бунда тайинланган экспертизаларнинг сифатли ва профессионал ўтказилишини таъминлаш, экспертиза хулосаларини тўғри расмийлаштириш эканлигига алоҳида урғу берилди.

Муҳокама давомида экспертлар томонидан кўргазмали ҳолда чегарада шубҳа остига олиниб, божхона экспертизаси тайинланган тетиклантирувчи ичимликлар, кукун ҳолидаги моддалар ва дори воситалари таркибида мавжуд бўлиши мумкин бўлган кучли таъсир этувчи, психотроп моддаларни экспресс тадқиқот усули орқали аниқлаш жараёнини тасвирловчи видеолавҳа намойиши барча курсантларда божхона экспертизасининг илмий-амалий жиҳатларига катта қизиқиш уйғотди.

Ёшлар ишлари агентлигида ташкил этилган "Unlocking the Top 100" мавзусидаги форумда Божхона институти курсантлари фаол иштирок этди.

Ушбу форумда халқаро Тоp 100 талик университетларда грант асосида таҳсил олган битирувчилар билан сухбат ташкиллаштирилди.

Тадбир давомида Божхона институти курсантлари Вестминстер университети, Янги Ўзбекистон Университети, Вебстер, МДИСТ ва бошқа бир қатор етакчи таълим муассасалари талабалари билан фикр алмашиш имкониятига эга бўлишди. Бундай учрашув ёшларда ўз устида ишлаш, халқаро майдонда рақобатбардош бўлиш ва замонавий билимларни эгаллаш каби кўникмаларни шакллантиришда муҳим аҳамият касб этди. Шунингдек, курсантлар хорижий университетларда таҳсил олиш бўйича ўзларини қизиқтирган саволларга жавоб олиш имкониятига эга бўлдилар.

Бу форум ўзаро тажриба ва билимлар алмашинуви учун муҳим платформага айланди ҳамда ёшларимизнинг келгусидаги таълим режаларини белгилаб олишларида муҳим қўлланма вазифасини ўтади.

Давлатимиз байроғи қабул қилинганининг 33 йиллиги муносабати билан 132-умумтаълим мактабида Божхона институти ашула ва рақс ансамбли томонидан тарғибот тадбири ташкиллаштирилди.

Тадбирда ёш авлодга миллий қадриятларимизни, она Ватанга муҳаббат туйғусини сингдириш мақсадида турли чиқишлар намойиш этилди. Божхона институтининг ҳарбий оркестри томонидан ватанпарварлик руҳидаги куй-қўшиқлар ижро этилди. Шунингдек, тадбир давомида ўқувчилар томонидан шеърлар ўқилиб, рақс намойишлари ҳам намойиш этилди.

Ушбу маънавий-маърифий тадбир ёшларимизда ватанпарварлик туйғуларини янада юксалтиришга хизмат қилaди.

Юксалар қўлимизда Ўзбекистон байроғи!

18 ноябрь – Ўзбекистон Республикасининг Давлат байроғи қабул қилинган кун!

Ўзбекистон Ёзувчилар уюшмасида бўлиб ўтган тантанали тадбирда Божхона институти курсантлари иштирок этишди.

Улар мамлакатимизнинг атоқли адиб ва кинорежиссёри Учқун Назаровнинг 90 йиллигига бағишланган хотира кечасида қатнашдилар. Учқун Назаров Ўзбекистонда хизмат кўрсатган артист бўлиб, у ўзининг "Одамлар", "Ғурур" каби асарлари ҳамда "Сураё", "Қиз ва йигит" сингари фильмлари билан халқимиз меҳрига сазовор бўлган.

Божхона институтининг Қайта тайёрлаш ва малака ошириш факультетида "Ўқотар қурол, ўқ-дори ва портловчи моддаларнинг ноқонуний айланмасига қарши курашиш" мавзусида халқаро ўқув семинари якунланди.

Европада хавфсизлик ва ҳамкорлик ташкилоти билан ўзаро ҳамкорликда 12-16 ноябрь кунлари ўтказилган семинарда республикамиз бўйлаб турли божхона постларида фаолият юритаётган бир гуруҳ ходимлар иштирок этиб, замонавий билим ва кўникмаларга эга бўлишди.

Халқаро экспертлар томонидан олиб борилган машғулотларда асосий эътибор ноқонуний қурол-яроғ айланмасига қарши курашиш бўйича илғор хорижий тажрибаларни ўзлаштиришга қаратилди, иштирокчилар учун махсус амалий машғулотлар ташкил этилди.

Семинар якунида курсни муваффақиятли тамомлаган тингловчиларга сертификатлар топширилди.

Тадбирда Европада хавфсизлик ва ҳамкорлик ташкилотининг Ўзбекистондаги лойиҳалари координатори Антти Карттунен, ташкилотнинг Вена офиси координатори Альбина Якубова ва Интерпол вакили Лине Ҳайдар иштирок этди.

Тадбир якунида меҳмонлар республикамиз бўйлаб давом этаётган “Яшил макон” умуммиллий лойиҳасига ҳисса қўшиш мақсадида Божхона институти ҳовлисига кўчат экишди.

Эслатиб ўтамиз, республикамиз божхоначилари жорий йилнинг ўтган 10 ойи давомида 46 дона қурол, 2 минг донадан зиёд ўқ-дориларнинг божхона чегаралари орқали ноқонуний равишда олиб ўтилиши ва ички ҳудуддаги яширин айланмасига чек қўйишган.

Божхона қўмитаси, USAID нинг TCA (Trade Central Asia) дастури, IT Park ҳамда IT Academy ҳамкорлигида "Божхона қўмитасининг ходимларини IT-кўникмаларга ўқитиш" дастурининг иккинчи очиқ дарси бўлиб ўтди.

Мазкур машғулотларда барча ҳудудлардан жалб қилинган божхона ходимлари катта маълумотлар билан ишлаш ва таҳлил қилиш бўйича амалий кўникмаларга эга бўлмоқдалар.

Жорий машғулотда ходимлар томонидан:
- замонавий IT воситаларидан фойдаланиш
- рақамли маълумотларни қайта ишлаш
- таҳлилий ҳисоботлар тайёрлаш каби муҳим йўналишлар ўзлаштирилди.

Бу каби тренинглар божхона хизмати ходимларининг ахборот технологиялари соҳасидаги салоҳиятини янада оширишга хизмат қилади.

Эслатиб ўтамиз, мазкур лойиҳа доирасида жами 250 дан ортиқ ходим замонавий IT кўникмаларга эга бўлиши режалаштирилган.

🇺🇿 Божхона институти Махсус ҳуқуқий фанлар кафедраси томонидан "Гиёҳвандлик воситаларини ноқонуний айланишини олдини олиш фаолиятини янада такомиллаштириш истиқболлари" мавзусида республика илмий-амалий конференцияси ташкил этилди.

Тадбирни Божхона институти бошлиғи, божхона хизмати полковниги М.М.Хамраев очиб бердилар.

Конференцияда ИИВ Тезкор-қидирув департаменти, Давлат хавфсизлик хизмати академияси, ИИВ академияси, Ёшлар ишлари агентлиги, Ҳуқуқни муҳофаза қилиш академияси, Жамоат хавфсизлиги университети ҳамда Стратегик таҳлил ва истиқболни белгилаш олий мактабининг етакчи мутахассис ва олимлари иштирок этдилар.

Тадбирда:
- гиёҳвандликка қарши курашиш йўналишидаги жорий чора-тадбирлар
- синтетик гиёҳвандлик воситалари муаммоси
- контрабандага қарши курашнинг ҳуқуқий жиҳатлари
- халқаро ҳамкорликни такомиллаштириш масалалари муҳокама қилинди.

Тадбир якунида иштирокчилар сертификатлар билан тақдирландилар.

🇺🇿Божхона институтнинг 5 нафар магистратура тингловчилари илмий ва инновацион фаолиятга доир билимларини амалий тадқиқотчилик кўникмаси орқали шакллантириш мақсадида Президентимиз ташаббуслари билан ўтказиб келинаётган халқаро инновацион ғоялар ҳафталиги – “Innoweek.uz-2024” анжуманида иштирок етишди.

Бу йилги анжуманнинг 14-ноябр кунига белгиланган кун тартибига мувофиқ етакчи маҳаллий ва халқаро компаниялар, инвесторлар, дипломатлар, тадбиркорлар, олимлар, стартаплар, технология экспертлари ва давлат идоралари вакиллари иштирокида ўтказилган тадбирнинг расмий очилиш маросимидан сўнг тингловчилар кўргазмалар залида Ўзбекистон ва ҳамкор давлатлар томонидан намойиш этилган инновацион ишланмалар ва лойиҳалар билан танишдилар.

Шундан сўнг, тингловчилар анжуман дастуридан жой олган нуфузли халқаро илмий маълумотлар базаларидан фойдаланиш
ва кутубхоналарнинг рақамли трансформация даражасини ошириш, барқарор ривожланиш учун фан, технология ва инновацион парклар ташкил этиш тадбирларида иштирок этдилар.

🇺🇿 Божхона институтининг Қайта тайёрлаш ва малака ошириш факультетида "Ўқотар қурол, ўқ-дори ва портловчи моддаларнинг ноқонуний айланмасига қарши курашиш" мавзусида ўқув семинари бошланди.

ЕХҲТ (OSCE) томонидан ташкиллаштирилган мазкур тадбирда божхона ходимларига замонавий билим ва кўникмалар берилмоқда. Тадбир доирасида халқаро экспертлар ноқонуний қурол-яроғ айланмасига қарши курашиш бўйича илғор тажрибаларини ўртоқлашиб, иштирокчилар учун махсус амалий машғулотлар ташкил этишган. 12-16 ноябрь кунлари давом этадиган ушбу семинар якунида уларга малака сертификатлари топширилади.

Божхона институтида куз таровати! 🍁

Ўзбекистон Республикаси Божхона қўмитасининг фармойишига асосан Божхона институти Қайта тайёрлаш ва малака ошириш факультетида "Бошланғич тайёргарлик" ўқув курси тингловчилари учун мунтазам равишда ўқув машғулотлари олиб борилмоқда.

Ушбу ўқув машғулотлари якунида тингловчилар халқимиз қаҳрамонлиги ва матонатини ўзида мужассам этган "Ғалаба боғи" ёдгорлик мажмуасига ташриф буюришди.

Тингловчилар Мажмуа ҳудудидаги "Матонат мадҳияси" монументи, "Шон-шараф" давлат музейи, Ҳарбий техника намуналари билан танишдилар.

Шунингдек, тингловчилар "Шон-шараф" давлат музейида Божхона қўмитаси томонидан ташкил этилган кўргазма жойида ҳам бўлишди.
Тадбир давомида тингловчилар ўртасида ватанпарварлик, мардлик ва қаҳрамонлик мавзуларида қизғин суҳбатлар бўлиб ўтди.

Бундай маънавий-маърифий тадбирлар ёш божхона ходимларининг ватанпарварлик туйғуларини янада юксалтириш, касбий бурчга садоқат ҳиссини кучайтиришга хизмат қилади.

🇺🇿🇷🇺Ўзбекистон Республикаси Иқтисодиёт ва молия вазирлиги ҳамда Россия Федерацияси Молия вазирлиги ўртасидаги икки томонлама ҳамкорлик дастури доирасида онлайн-семинар бўлиб ўтди.

Семинар машғулоти Россия Федерацияси Молия вазирлиги мутахассиси томонидан олиб борилди. "Ўзбекистон Республикасида божхона маъмурчилигининг ҳуқуқий таъминоти" ҳамкорлик йўналиши доирасида ташкил этилган семинар "Божхона қонунчилигининг долзарб масалалари"га бағишланди.

Семинар давомида:
- Товарларнинг келиб чиқиш мамлакатини аниқлаш сертификатининг ҳуқуқий асослари;
- Ушбу соҳада Россия Федерацияси тажрибаси;
- Қонунчиликни такомиллаштириш истиқболлари батафсил муҳокама қилинди.

Тадбирда Божхона институти профессор-ўқитувчилари, ходимлар хамда курсантлар фаол иштирок этишди. Бундай ҳамкорлик тадбирлари божхона соҳасидаги қонунчиликни янада такомиллаштириш ва халқаро тажрибани ўрганиш учун муҳим аҳамият касб этади.

🇺🇿30-oktabrda Renessans Ta'lim Universitetida O‘ZBEKISTON RESPUBLIKASI VAZIRLAR MAHKAMASINING
"2020 — 2025-YILLARDA KITOBXONLIK MADANIYATINI RIVOJLANTIRISH VA QO‘LLAB-QUVVATLASH MILLIY DASTURINI TASDIQLASH TO‘G‘RISIDA"gi 781-sonli qarorining ijrosini ta'minlash maqsadida har yili Respublika miqyosida o'tkazilib kelinayotgan "Yosh kitobxon " tanlovining dastlabki bosqichi bo'lib o'tdi. Unda Bojxona Instituti 2-kurs kursanti Mavlonberdiyev Asadbek g'oliblikni qo'lga kiritib keyingi bosqichga yo'l oldi. https://t.me/DBQ_BOJXONA_INSTITUTI

Божхона институтида “Божхона тизими тараққиёти олдидаги янги чиқишлар, устувор йўналишлар ва тенденциялар: дунё нигоҳида” мавзусида халқаро илмий-амалий конференция бўлиб ўтди.

Конференцияда Божхона қўмитаси Раиси ўринбосари Н.Мусамухамедов иштирок этиб, бугунги кунда хорижий ташкилотлар билан ҳамкорликда Ўзбекистон божхона хизмати органлари фаолияти самарадорлигини ошириш, соҳани рақамлаштириш бўйича доимий тажриба алмашиб бориш ва келгусида ҳамкорликдаги ишларни янада кенгайтириш юзасидан ўз фикр-мулоҳазаларини билдирди.

Шунингдек, тадбирда Россия божхона академияси, Озарбайжон ва Қозоғистон божхона хизматлари соҳавий вакиллари, Ўзбекистон Республикаси Қуролли Кучлари Академияси ва Божхона институти профессор ўқитувчилари ҳамда етакчи мутахассислари иштирок этиб, ташқи савдони ривожлантиришга қаратилган қатор масалаларни муҳокама қилишди.

Хусусусан, Янги Ўзбекистонда интелектуал божхонани ривожлантириш, божхона хизматини ривожлантириш стратегиясининг устувор вазифлари, халқаро стандартлар ҳамда илғор амалиётнинг Ўзбекистон божхонасига имплеминтацияси ва божхона тизими учун малакали кадрларни тайёрлашда замонавий тажрибаларнинг аҳамияти борасида томонлар ўзаро баҳс-мунозара олиб борилди, конструктив таклифлар ишлаб чиқилди.

28-октябр куни Божхона институти маънавият ва маърифат маркази томонидан "Биз маърифатли ислом тарафдоримиз!" ҳамда "Жаҳолатга қарши маърифат билан курашмоқ керак" мавзуларида махсус маънавият соати ташкил этилди.

Тадбирда Халқаро Ислом академияси катта ўқитувчиси, тарих фанлари бўйича фалсафа доктори (PhD) Абдупаттаев Мўмин Муроджон ўғли маъруза қилди. Маърузачи бугунги кунда дунёда кечаётган мураккаб жараёнлар, глобаллашув шароитида ёшлар онгига салбий таъсир кўрсатиши мумкин бўлган ғоявий таҳдидлар ва уларга қарши иммунитетни шакллантириш йўллари ҳақида батафсил тўхталиб ўтди.

Тадбир давомида иштирокчилар ўзларини қизиқтирган саволларга атрофлича жавоб олдилар. Маъруза якунида Институт раҳбарияти номидан маърузачига миннатдорчилик билдирилди.

🎤 Institutimiz xonandasi yoshlar ma'naviyatini yuksaltirish yo'lida!

22 - oktabr kuni Respublika Ma'naviyat va ma'rifat markazi Toshkent shahar bo'limi tashabbusi bilan Yangihayot tumanidagi 32-sonli umumta'lim maktabida "Siyosiy jarayonlarga befarq emasman" mavzusida davra suhbati tashkil etildi.

Tadbirda Bojxona instituti Ashula va raqs ansambli xonandasi A.Ismoilova "Ma'rifat" targ'ibotchilar jamiyati a'zosi Sh.Axrorova bilan birgalikda ishtirok etib, yoshlar o'rtasida siyosiy faollik va fuqarolik pozitsiyasini shakllantirish borasida o'z fikr-mulohazalarini bildirdi.

Institutimiz xodimlari bunday ma'naviy-ma'rifiy tadbirlarda muntazam ishtirok etib, yoshlar tarbiyasiga o'z hissalarini qo'shib kelmoqdalar.

#BojxonaInstituti #Marifat #Yoshlar #SiyosiyFaollik

📚 Bojxona instituti kursantlari adabiyot olamiga sayohat qilishdi!

22-oktabr kuni O'zbekiston Milliy kutubxonasida O'zbekiston Yoshlar ishlari agentligi "Mutolaa" loyihasi hamkorligida tashkil etilgan "MUTOLAA'DA SHE'RIYAT" teatrlashtirilgan nazm kechasida institutimiz kursantlari faol ishtirok etishdi.

Tadbirda taniqli shoira Kumush Abdusalomova ijodi bilan yaqindan tanishish imkoniyati yaratildi. Shuningdek, mashhur aktyor va shoir Erkin Bozorov ham o'z she'rlaridan namunalar o'qib berdi.

Kursantlarimiz uchun bu kabi madaniy-ma'rifiy tadbirlar nafaqat bilim va dunyoqarashlarini kengaytiradi, balki ma'naviy kamolotlarini oshirishda ham muhim ahamiyat kasb etadi.

#BojxonaInstituti #Madaniyat #Mutolaa #Sheriyat

🇺🇿Bojxona instituti mutaxassislari xorijiy hamkor ta’lim muassasalari bilan birgalikda masofaviy darslar o‘tkazishmoqda.

Qozog‘iston Respublikasi Moliya vazirligi Davlat daromadlari qo‘mitasi xuzuridagi O‘quv-uslubiy markazi va O‘zbekiston Respublikasi qo‘mitasi Bojxona instituti o‘rtasida imzolangan 2023-2024 yillarga mo‘ljallangan hamkorlik Rejasi doirasida 2024 yil 22 oktyabr kuni hamkorlikda masofaviy o‘quv mashg‘ulotlari o‘tkazildi.
Ma’ruzalarni Qozog‘iston bojxona xizmati Markaziy bojxona laboratoriyasining bosh eksperti M.Baymbetova va Bojxona institutining Ekspertiza va tovarlarni tasniflash kafedrasi boshlig‘i, professor Sh.Muratovalar olib borishdi.
O‘quv mashg‘ulotlari davomida ma’ruzachilar tovarlarni tasniflash amaliyoti va mazkur jarayonda foydalaniladigan tavsiflash mezonlari, tovarshunoslik yo‘nalishining asosiy tamoyillari va alohida guruh tovarlarini TIF TN asosida tasniflash mexanizmi to‘g‘risida ma’lumotlar berishdi.

📅 21-oktabr - O'zbek tili bayrami munosabati bilan Bojxona institutida "Ona tilim, oʻzingsan buyuk!" shiori ostida bayram tadbirlari o'tkazildi!

🇺🇿Institut faollar zalida o'tkazilgan tantanali marosimda Bojxona instituti rahbariyati, professor-o'qituvchilar va kursantlar ishtirok etdilar. Tadbir dotsent, pedagogika fanlari falsafa doktori (PhD) A.Baltayevaning "O'zbek tili – millat ko'zgusi" mavzusidagi teran mazmunli ma'ruzasi bilan boshlandi.

🎵 Ma'naviyat va yoshlar tarbiyasi markazi ashula va raqs ansambli a'zolari hamda iqtidorli kursantlarimiz tomonidan Vatan madhiyasi, ona tilimizga bag'ishlangan she'rlar va milliy qo'shiqlar mahorat bilan ijro etildi.

📝 "Til – millat va ma'naviyat ko'zgusi"mavzusidagi insholar tanlovida kursantlarimiz o'z ijodiy fikrlarini bayon etib, ona tilimizning beqiyos boyligi, uning sofligini asrash va rivojlantirish borasidagi o'z qarashlarini ifoda etdilar.

🏛 Bayram tadbirlari doirasida institut jamoasi Adiblar xiyobonida respublikamizning yetakchi oliy ta'lim muassasalari bilan hamkorlikda tashkil etilgan ma'naviy-ma'rifiy tadbirda ishtirok etdi. Bu yerda adabiyot vakillari bilan jonli muloqot, she'rxonlik kechalari va badiiy-musiqiy dasturlar namoyish etildi.

📚 Kitob yarmarkasida esa zamonaviy o'zbek adabiyotining sara namunalari, klassik asarlarning yangi nashrları va ilmiy-ommabop adabiyotlar namoyish etildi. Institut professor-o'qituvchilari va kursantlari bu yerdan o'zlarining shaxsiy kutubxonalarini yangi kitoblar bilan boyitish imkoniga ega bo'ldilar.

🌟 Mazkur tadbirlar yosh avlodda ona tilimizga bo'lgan muhabbat va e'tiborni yanada oshirish, davlat tilining nufuzini mustahkamlash hamda milliy qadriyatlarimizni ulug'lashga xizmat qildi.

#OnaTilimBuyuk #DavlatTili #BojxonaInstituti #O'zbekTiliBayrami