Bolalar ombudsmani rasmiy telegram-kanali

Bugun Butunjahon bolalar kuni munosabati bilan Inson huquqlari boʻyicha Oʻzbekiston Respublikasi Milliy markazi, Oliy Majlisning Bola huquqlari boʻyicha vakili (Bolalar ombudsmani) va UNICEFning Oʻzbekistondagi vakolatxonasi hamkorligida “Qonun bilan ziddiyatda boʻlgan bolalar uchun ozodlikdan mahrum qilishning muqobil choralari va javobgarlikdan ozod qilish” davra suhbati tashkil etildi.

❗️Bola huquqlari standartlariga muvofiq, bolalar kattalar qatori, odil sudlovdan foydalanish va ularning adliya tizimidagi maqomi bilan bogʻliq barcha himoya vositalaridan foydalanish huquqiga egadir.

📣Muloqot davomida ham aynan odil sudlov bolalar uchun alohida e'tiborli va xavfsiz boʻlishi zarurligiga eʼtibor qaratilib, bu borada maxsus ekspertlarning fikrlari tinglandi.

🇺🇿🇺🇿🇺🇿Bunda Bolalar ombudsmani pozitsiyasi shundan iboratki, bolalarga qonun bilan ziddiyatli vaziyatlarda yoki ularning huquqlari buzilgan hollarda oʻzlarini xavfsiz his qilishlariga imkon beruvchi samarali, bolalarga doʻstona odil sudlov tizimi yoʻlga qoʻyilishi zarur.
Muhimi, bolaning eng ustun manfaatlariga tayangan bunday yondashuv nihoyatda kam hollardagina bolani hibsga olishga yoʻl qoʻyadi.

Telegram|Facebook|Instagram

2️⃣0️⃣-noyabr - "Butunjahon bolalar kuni”.

Aytish joizki, O‘zbekistonda bola huquqlari kafolatlari avvalo Konstitutsiyada mustahkamlangan bo‘lib, bolalarni jismoniy, intellektual va ma’naviy yetuk insonlar bo‘lib ulg‘ayishini ta’minlash — davlat siyosatining ustuvor vazifalaridandir.

🇺🇳Ma’lumot uchun: 1959-yil 20-noyabrida BMT «Bola huquqlari to‘g‘risida deklaratsiya»ni qabul qildi. Shundan buyon ushbu kun BMTga a’zo davlatlar tomonidan nishonlab kelinadi.
📃Bola huquqlari xalqaro huquq darajasida ko‘rib chiqilgan birinchi va asosiy xalqaro huquqiy hujjat esa 1989-yil 20-noyabrda BMT tomonidan qabul qilingan Bola huquqlari to‘g‘risidagi konvensiyadir.
Konvensiya 61 ta davlat tomonidan imzolangan. «Bola huquqlari konvensiyasi»da «Bola» tushunchasi belgilanib, bolaning eng ustun manfaatlarini ta’minlash va ishtirokchi-davlatlarning konvensiyada mustahkamlangan huquqlardan kamsitilmasdan foydalanish choralarini ko‘rish majburiyati belgilangan.

Xalqaro bolalarni himoya qilish kuni, eng avvalo, biz kattalarga bolalarning farovon va xavfsiz yashashga, fikr va e’tiqod erkinligiga, sifatli ta’lim olishga va do‘stona oilaviy muhitga bo‘lgan huquqlarini hurmat qilish, har qanday zo‘ravonlikdan himoya qilish zarurligini eslatib turadi❕

Telegram|Facebook|Instagram

📌 Bugun sud tizimida voyaga yetmaganlar bilan ishlash bo‘yicha UNICEFning doimiy eksperti, sudya Renate Vinter xonim bilan yana bir amaliy muloqot o‘tkazdik.

📍Dastavval, uchrashuv davomida O‘zbekistonda so‘nggi yillarda bola huquqlari himoyasi sohasida amalga oshirilgan institutsional va huquqiy islohotlar muhokama qilindi.

🖇 Jumladan, suhbat davomida:

🔸huquq va qonuniy manfaatlari buzilgan yoki shunday risk guruhidagi bolalarga o‘z vaqtida va malakali yuridik va ijtimoiy yordam ko‘rsatish;

🔹bolalarning odil sudlovdan samarali foydalanishini ta’minlashga oid qonunchilikni takomillashtirish;

🔸bolalar o‘rtasida huquqbuzarliklar profilaktikasini yangicha uslublar orqali kuchaytirish va ozodlikdan mahrum qilish jazosini faqat so‘nggi chora sifatida qo‘llashga oid masalalarga urg‘u berildi.

Telegram|Facebook|Instagram

Ногиронлиги бўлган шахсларнинг жамиятга мослашувини таъминлаш учун ижтимоий хизмат ва ёрдамлар кўлами кенгайтирилади.

Бугунги кунда имконияти чекланган болаларнинг аксарияти ижтимоий муҳитдан ажралган ҳолда таълим олмоқда. Уларнинг умумтаълим мактабларига қатнаши учун тўсиқсиз муҳит ва зарур шароит яратилади, махсус педагог ва психологлар жалб қилинади.

Жамиятимизда болаларга нисбатан тазйиқ ва зўравонлик ҳолатлари учрамоқда.

Президент маданиятимизга хос бўлмаган бундай иллатларга қарши муросасиз муносабатда бўлишимиз ва аёвсиз курашишимиз шартлигини таъкидлади. Бу масала шахсан Президент назоратида бўлади.

Шу боис, яқинда, боланинг ҳаёти, соғлиғи, шаъни ва қадр қимматига тажовуз қиладиган, жисмоний ва руҳий азоб етказиши мумкин бўлган барча ҳолатларда давлат томонидан тегишли ҳуқуқий ва ижтимоий чоралар кўрилиши қонун билан мустаҳкамлаб қўйилди.

Прокуратура органлари зўравонликдан жабрланувчиларнинг ҳуқуқлари, эркинликлари ва қонуний манфаатларини ҳимоя қилиш бўйича таъсирчан чораларни янада кучайтириши кераклиги кўрсатиб ўтилди.

Facebook|Instagram|X

📍Samarqand viloyati IIB Jamoat xavfsizligi xizmati Jamoat tartibini saqlash boshqarmasining Vaqtincha saqlash hibsxonasi Bolalar ombudsmanining Samarqand viloyatiga monitoringi doirasidagi navbatdagi manzili bo‘ldi.

🖇 Aytish kerakki, hozirda ushbu muassasada 1 nafar voyaga yetmagan (o‘g‘il bola) saqlanmoqda.
Mazkur voyaga yetmagan bilan alohida suhbatlashib, unga hozirda protsessual yuridik yordam ko‘rsatish darajasi hamda uni hibsxonada saqlanishi shart-sharoitlariga oid fikri tinglandi.

Shuningdek, voyaga yetmaganlarni muassasada vaqtincha saqlash yuzasidan qonunchilikka va xalqaro standartlarga rioya etilayotganligi holati o‘rganilib, hibsxona ma’muriyatiga bu borada mavjud kamchiliklari ko‘rsatildi va ularni tezkor bartaraf etish bo‘yicha ko‘rsatmalar berildi✔️.

📨 Shuningdek, Qonunga ko‘ra, muassasada maxsus “Bolalar ombudsmani qutisi” o‘rnatilishi zarurligi va u orqali har qanday masalada Bolalar ombudsmaniga murojaat qilish huquqi borligi voyaga yetmagan saqlanayotgan shaxslarga tushuntirish shartligi ta’kidlandi.

Telegram|Facebook|Instagram

#monitoring #bolalar #Bolalar_ombudsmani #Samarqand

📍Bolalar ombudsmani Samarqand viloyatiga monitoring tashrifi doirasida viloyat IIB huzuridagi Voyaga yetmaganlarga ijtimoiy-huquqiy yordam ko‘rsatish markazida bo‘ldi.

🖇 Monitoring vaqtida ushbu muassasada 4 nafar (1 nafar qiz va 3 nafar o‘g‘il bola) voyaga yetmaganlar saqlanmoqda.

📌 Markazda voyaga yetmaganlar uchun yaratilgan shart-sharoitlar, jumladan, bolalarning dars jarayonlari, yotoq, dam olish, sanitariya va ovqatlanish sharoitlari, psixolog hamda tibbiy xizmat bo‘limlari ishi darajasi o‘rganildi.

📃Markaz monitoringi natijasida aniqlangan kamchiliklar va faoliyatni takomillashtirish yuzasidan mas’ullarga tegishli tavsiya va ko‘rsatmalar berildi.

Natijada, ko‘rsatilgan muammoli masalalar shu kunni o‘zida o‘z yechimini topdi☑️.
Xususan, Bolalar ombudsmanining voyaga yetmaganlar bilan individual tarzda olib borgan suhbati davomida va ularga oid bo‘lgan hujjatlar bilan tanishish doirasida ular muassada saqlanmay oilaviy muhitga, o‘z ota-onalari va yaqinlariga qaytarilishi maqsadga muvofiq deb topildi.

🔹Bu borada kechiktirmay o‘tkazilishi kerak bo‘lgan choralar ko‘rish to‘g‘risida berilgan ko‘rsatmalar asosida mutasaddilar sa'y-harakati bilan voyaga yetmaganlarning 3 nafari o‘z ota-onalariga topshirilib, oilaviy muhitga qaytarildi. Shuningdek, yana bir qizni ota-onasiga topshirish bo‘yicha choralar ko‘rilmoqda.

Telegram|Facebook|Instagram

🔤🔤🔤🔤🔤

📑Bolalar ombudsmani bola manfaatlarga oid masalalar yuzasidan oʻzining navbatdagi shaxsiy qabulini oʻtkazdi.

Fuqarolar quyidagi masalalar yuzasidan murojaat qildilar:

1️⃣Oilaviy kelishmovchiliklarga uchinchi shaxs aralashuvi oqibatida ajralish nizosi kelib chiqayotgani va bundan voyaga yetmagan bolalar jabr koʻrayotganiga oid;

2️⃣voyaga yetmagan qizga oid ahloqsiz videotasvirlar tarqalganligi, aslida esa mazkur videotasvirlardagi shaxs u emasligi, videomontaj orqali videoyozuv ishlanib, keyinchalik tarqatib yuborilganligi va qizning shaʼni-qadr qimmati poymol etilganligi yuzasidan;

3️⃣otalikdan mahrum qilish va aliment undirish masalasida yuzaga kelayotgan toʻsiqlar;

❗️Qabul davomida kelib tushgan murojaatlar Bolalar ombudsmani vakolati doirasida tizimli ravishda oʻrganishni boshladi

💬Eslatib oʻtamiz, Bolalar ombudsmani Kotibiyati haftaning dushanba-juma kunlari 10:00-12:00 va 15:00-17:00 ga qadar bola manfaatlariga oid murojaatlarni qabul qiladi.

Telegram|Facebook|Instagram

⚡️Samarqand viloyati Qo‘shrabot tumanida 8-sinf o‘quvchisi bilan sodir bo‘lgan holat yuzasidan

Mazkur holat yuzasidan Bolalar ombudsmani o‘z vakolati doirasida kuzatuv olib bormoqda❕

🔴 Holat yuzasidan gumonlanuvchi shaxslarga nisbatan JKning 119-moddasi (Jinsiy ehtiyojni zo‘rlik ishlatib g‘ayritabiiy usulda qondirish) bilan jinoyat ishi qo‘zg‘atilgan bo‘lib, hozirda dastlabki tergov harakatlari olib borilmoqda.

🖇️ Hozirda jinoyat ishi doirasida voyaga yetmagan qizga nisbatan tegishli sud-tibbiyot va biologik ekspertizalari tayinlangan.
Bu borada qo‘shimcha axborot beriladi.

Telegram|Facebook|Instagram

🇺🇿Kuni kecha O‘zbekiston Respublikasi Prezidenti Shavkat Mirziyoyev navbatdan tashqari arab-islom sammitida nutq so'zlab, Yaqin Sharqdagi mojaroga tez fursatda yechim topilishi muhimligini ta’kidladi.

🇺🇿🇺🇿🇺🇿 Oliy Majlisning Bola huquqlari bo‘yicha vakili (Bolalar ombudsmani) Falastindagi mojaro oqibatida begunoh bolalar nobud bo‘layotganligi borasida.

#eslatma

Bolalarga nisbatan zo‘ravonlikka yo‘q deymiz❕

Telegram|Facebook|Instagram

Президент Шавкат Мирзиёев COP29 саммитида нутқ сўзлади
—
Президент Шавкат Мирзиёев выступил на саммите COP29

Prezident.uz|Facebook|Instagram|YouTube|X

Farzandlarimizni turli shakldagi zo‘ravonlikdan himoya qilish sohasida hamda ijtimoiy himoyaga muhtoj bolalar bilan ishlash tizimidagi islohotlar borasida❕

Telegram|Facebook|Instagram|X

⚡️Toshkent shahar Chilonzor tumanida sodir bo‘lgan holat yuzasidan

Mazkur holat Bolalar ombudsmani tomonidan o‘rganildi❕

🖇️ Holat joriy yilning 16-may kuni Chilonzor tumanidagi Tabiiy va aniq fanlarga ixtisoslashtirilgan S.Sirojiddinov nomidagi Respublika akademik litseyida sodir bo‘lgan bo‘lib, o‘quvchi J.M. (2007-yilda tug‘ilgan) ushbu fanga tayyorgarlik ko‘rmaganligi va o‘qituvchi M.A. (1997-yilda tug‘ilgan) bir necha bor ogohlantirsa-da, bola tartibga kelmaganligi uchun o‘zaro kelishmovchilik kelib chiqib, o‘qituvchi o‘quvchining yuz qismiga qo‘li bilan qattiq urganligi aniqlangan.

⚪️ Hozirda holat bo‘yicha tergovga qadar tekshiruv harakatlari olib borilmoqda.
Bu borada qo‘shimcha axborot beriladi.

Telegram|Facebook|Instagram|X

#qabul #bola_manfaatlari #Bolalar_ombudsmani

🖇️ Kuni kecha Bolalar ombudsmani bola manfaatlariga oid murojaatlar bilan kelgan fuqarolarning navbatdagi qabulini o‘tkazdi.

📍Qabulga kelganlar quyidagi masalalar yuzasidan murojaat qildilar:

🔸9 yosh o‘quvchining xulqida jiddiy og‘ishlar bo‘layotganligi, sinfdoshlariga nisbatan nojo‘ya harakatlar qilayotganligi,
uning oilaviy muhiti barqaror emasligi, oqibatda esa boshqa o‘quvchilarning ta’limiga, ruhiyatiga salbiy ta’sir ko‘rsatayotganligi yuzasidan;

🔹sud ajrimidan so‘ng ham bolaning otasi o‘z vaqtida aliment to‘lamayotganligi, otalik majburiyatlarini bajarmayotganligi, mutassil ichkilikbozlikka mubtalo bo‘lganligi sababli uni otalik huquqidan mahrum qilish masalasini o‘rganishga oid;

🔸8-sinf o‘quvchisi darslarni o‘zlashtirmaganligi sababli sinfdan sinfga o‘tmay qolganligi va shu sababli diskriminatsiyaga uchrayotganligidan ruhiy tushkunlikda ekanligiga oid va boshqa masalalar ko‘rib chiqildi.

💬 Eslatib o‘tamiz, Bolalar ombudsmani Kotibiyati haftaning dushanba-juma kunlari 10:00-12:00 va 15:00-17:00 ga qadar bola manfaatlariga oid murojaatlarni qabul qiladi.

Telegram|Facebook|Instagram|X

“Raqamli autizm” tushunchasi haqida hech eshitganmisiz?❓

Unga asosan kimlar uchraydi❓

📷 Ushbu savollarga mazkur video orqali javob olishingiz mumkin!

Telegram|Facebook|Instagram|X

🖇 Bugun Ichki ishlar vazirligi Akademiyasida navbatdagi amaliy seminar o‘tkazdik.

🗣 Ichki ishlar organlarining hududlardagi rahbarlik lavozimlaridagi xodimlari bilan bo‘lib o‘tgan uchrashuv qizg‘in va muhokamalarga boy bo‘ldi.

📌 Bolalar ombudsmani huquqni muhofaza qiluvchi organlar va sud bilan hamkorligini hozirda qanday olib borilayotganligi, xususan Bolalar ombudsmaniga tergov va sud organlaridan kelayotgan materiallari bilan ishlash amaliyoti qanday yo‘lga qo‘yilganligi keyslar misolida tushuntirildi.

🔸O‘z navbatida, amaliyotchilar ham bolalar sohasidagi bugungi kunda dolzarb bo‘lgan ayrim masalalarga alohida e’tibor qaratdilar, jumladan:

☑️ ota-onalarning o‘z bolalariga tarbiya berishdagi og‘ishlar, bolaning ta’limiga to‘sqinlik qiluvchi va uning sog‘lig‘iga ziyon yetkazadigan mehnatga jalb qilinishi;

☑️ xorijiy davlatlarda qolib ketgan voyaga yetmagan O‘zbekiston fuqarolarini Vatanga qaytarishdagi hamkorlik choralari;

☑️ bolalarni o‘z ota-onalari tomonidan tilanchilik va boshqa ekspluatatsiya shakllariga jalb qilinishi muammolari;

☑️ nazoratsiz va hulqida muammolari bo‘lgan bolalarga tezkor ko‘mak ko‘rsatish mexanizmi;

☑️Ijtimoiy tarmoqlarda rezonansga sabab bo‘lgan, lekin o‘rganilganda tasdig‘ini topmagan keyslar bilan ishlash va boshqalar.

Huquqni muhofaza qilish tizimidagi rahbar kadrlar bilan bunday konstruktiv muloqot hududlarda bola manfaatlarini himoya qilish sohasidagi ishni yagona va samarali yondashuvda tashkil etishda nihoyatda muhimdir❕

Telegram|Facebook|Instagram|X

❗️Yetim va ota-ona qaramogʻidan mahrum boʻlgan bolalarni tarbiyaga berishda oila muhitini saqlab qolishga ustuvorlik beriladi. Bunda avvalo vasiylik, homiylik yoki farzandlikka berish qoʻllab-quvvatlanadi. Ixtisoslashtirilgan muassasaga eng soʻnggi chora sifatida joylashtiriladi.

Farzandlarni oilaning kambagʻalligi tufayli Mehribonlik va Bolalar uylariga joylashtirish amaliyoti bekor qilinadi. Kambagʻal oila vakillari ishga joylashgan taqdirda, bolasi uch yoshga toʻlguncha bogʻcha xarajatlari uchun Ijtimoiy himoya jamgʻarmasidan kompensatsiya beriladi.

Bolalar uylarida “Onalar maskani” tashkil etilib, unda bolasidan voz kechmoqchi boʻlgan onalar joylashtiriladi. Ularga ijtimoiy, huquqiy, psixologik va tibbiy xizmatlar koʻrsatiladi, onalik koʻnikmalari oʻrgatiladi hamda kasb egallashiga koʻmaklashiladi.

Ogʻir hayotiy vaziyatga tushgan bolalar tarbiyaga berilguniga qadar “Inson” markazi tomonidan oilaviy bolalar uyiga joylashtiriladi. Tarbiyaga beriladigan bolalar uchun individual rivojlanish rejasi ishlab chiqiladi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

Farzand tarbiya qilishda nimalarga ahamiyat berish kerak deb o‘ylaysiz❓ Fikrlaringizni izohlarda qoldiring👇🏻.

Telegram|Facebook|Instagram|X

⚡️Qashqadaryo viloyati Qarshi tumanida taksist yoʻlovchi boʻlgan voyaga yetmagan H.D. (2007-yilda tug'ilgan qiz) ga nisbatan jinsiy tegajog'lik harakatlarini sodir etganligi holati yuzasidan

Holat Bolalar ombudsmani tomonidan nazoratga olindi❕

🔴 Hozirda voyaga yetmagan H.D. ga nisbatan jinsiy zo'ravonlik holati bo'yicha Qashqadaryo viloyati, Qarshi tumani IIB Tergov boʻlimi tomonidan tergovga qadar tekshiruv harakatlari olib borilmoqda.

☑️Bolalar ombudsmani bola manfaatlari nuqtai nazaridan oʻz kuzatuvini davom ettiradi.

Bu borada qoʻshimcha ravishda axborot beriladi.

#konferensiya #kriminologiya

🖇️ Bugun «Jahon kriminologiyasining ilg‘or tajribalari» mavzusida I xalqaro forumida ishtirok etdik.

📌 O‘zbekiston Respublikasi Ichki ishlar vazirligi, Kriminologiya tadqiqot instituti hamkorligida tashkil etilgan mazkur tadbirda Vengriya 🇭🇺, Koreya🇰🇷, Rossiya🇷🇺, Hindiston 🇮🇳, Belarus 🇧🇾 kabi davlatlardan ekspertlar va qator xalqaro tashkilotlar, shuningdek, mamlakatimiz huquqni muhofaza qiluvchi organlari va ilm-fan vakillari ishtirok etdilar.

Ahamiyatlisi, davlatimiz jahonda jinoyatchilik darajasi eng past bo‘lgan davlatlar (146 ta davlatdan 120 o‘rinda) qatorida bo‘lib, xavfsizlik indeksi bo‘yicha esa O‘zbekiston Markaziy Osiyoda eng xavfsiz mamlakat hisoblanadi✔️.

⚪️ O‘z o‘rnida, Bolalar ombudsmani o‘z funksiyalarini amalga oshirish jarayonida asosan kriminologik ahamiyatga ega 2 ta yo‘nalishda - voyaga yetmaganlar huquqbuzarligi va bolalarga nisbatan sodir etilayotgan huquqbuzarliklarni oldini olish sohasida ish olib boradi.

▫️Aytish kerakki, 2023-yilda jinoyat sodir etgan voyaga yetmaganlarning 27% jinoiy javobgarlikka tortilmagan holda ularga boshqa tarbiyaviy muqobil tarzdagi choralar ko‘rilgan.
Ya’ni, bunda voyaga yetmaganga jinoyatchi sifatida emas, murakkab vaziyatga tushgan va ko‘makka muhtoj bola deb qarash yondashuvidan boriladi.

🔊 Xalqaro muloqot davomida ta’kidlanganidek, jinoyatchilikni, shu jumladan, bolalarga nisbatan jinoyatlarni oldini olish sohasida muammolarni aniqlash, preventiv choralarni ishlab chiqish va eng samarali usullarni amaliyotga tatbiq etish uchun, birinchi navbatda kriminologik tadqiqotlarni tizimli ravishda yo‘lga qo‘yish zarur.

Telegram|Facebook|Instagram

📃 Bolalar ombudsmaniga Toshkent shahar, Yunusobod tumanida yashovchi I.K. (erkak) murojaat qildi.

🖇️ Murojaatida voyaga yetmagan o‘g‘li Ya.K. (2016-yilda tug‘ilgan) Toshkent shahridagi Mirobod tumani MTT tarbiyalanuvchisi ekanligi, 2022-yilda tarbiyachi o‘g‘liga qizlar kiyimini kiydirib, lab va yuzlarini bo‘yab, ayollar raqsini ijro ettirgani, bu bilan o‘g‘lining sha’ni va qadr-qimmatini kamsitgani, bunday sahna ko‘rinishlari haqida uni ota sifatida ogohlantirmay, ruxsatini olishmagani, bu voqeadan “Telegram” ijtimoiy tarmog‘i orqali unga kelgan foto va video tasvirlardan xabar topganligini bildirib, bolasining buzilgan huquqlari tiklanishida yordam so‘ragan.

📌 Bolalar ombudsmani so‘rovi asosida mazkur holat Maktabgacha va maktab ta’limi vazirligi tomonidan o‘rganildi.

🔎 O‘rganish natijalariga ko‘ra, Ya.K. qatnashgan tadbirda sahna ko‘rinishini tashkilashtirgan tarbiyachi X.Q. ekanligi va bolaga oid bu sahna xususiyatlari yuzasidan otadan ruxsat olmagani aniqlanib, tarbiyachiga nisbatan Mehnat Kodeksining 157-moddasi (Mehnat shartnomasini taraflarning kelishuviga ko‘ra bekor qilish) bilan mehnat shartnomasi bekor qilindi✅.

Telegram|Facebook|Instagram

#eslatma

Zo‘ravonlik nima va bolalarga nisbatan uning qanday turlari bor❔

Zo‘ravonlikdan qanday himoyalanish mumkin❔

✅Ota-onalar va bolajonlarimiz e’tibori uchun suratlarda mazkur savollarga javoblar taqdim etilgan.

Telegram|Facebook|Instagram

⚡️ Ijtimoiy tarmoqda o‘ziga nisbatan uyatsiz buzuq harakatlar qilinganini aytayotgan voyaga yetmagan qiz bilan bog‘liq video tarqaldi.

Mazkur holat Bolalar ombudsmani tomonidan alohida o‘rganilmoqda❕

🖇️ Aniqlanishicha, 2024-yil 12-oktyabr kuni Qarshi shahrida yashovchi J.D. (ayol) Qashqadaryo viloyati IIBning 102-raqamli telefoniga murojaat qilib, turmush o‘rtog‘i (2021-yildan u bilan birga yashab kelayotgan) B.Q. ayolning 2017-yilda tug‘ilgan qiziga nisbatan jinsiy zo‘ravonlik harakatlarini qilgani to‘g‘risida xabar bergan.

🔴 Holat yuzasidan Qarshi shahar IIB FMB huzuridagi Tergov bo‘limi darhol tergovga qadar tekshiruv boshlab, kechiktirib bo‘lmaydigan tergov harakatlarini olib bordi.
Bolaga nisbatan tegishli sud-tibbiyot ekspertizasi tayinlangan.

Mazkur holat bo‘yicha Bolalar ombudsmani bola manfaatlari nuqtai nazaridan o‘z kuzatuvini davom ettirmoqda.
Ish borishi yuzasidan qo‘shimcha tarzda ma’lumot beriladi.

📌 Bolalarga nisbatan oilaviy (maishiy) zo‘ravonlik sodir etganlik uchun qonunan javobgarlik belgilandi

📃 Prezident tomonidan imzolangan Qonun (O‘RQ-978-son, 21.10.2024-y.) bilan ayrim qonun hujjatlarga o‘zgartirishlar kiritildi.

❕Qonunga ko‘ra, Jinoyat kodeksiga va Ma’muriy javobgarlik to‘g‘risidagi kodeksiga bolalarga nisbatan oilaviy zo‘ravonlik sodir etganlik uchun javobgarlikni nazarda tutuvchi o‘zgartirishlar kiritilmoqda.

📣 Shuningdek, Jinoyat-prosessual kodeksiga oilaviy (maishiy) zo‘ravonlik bilan bog‘liq ishlar yuzasidan yarashuv to‘g‘risidagi ariza faqat sud muhokamasi bosqichida berilishi mumkinligi belgilanmoqda.

Telegram|Facebook|Instagram|X

#bolalar #yangiliklar

So‘nggi 6 oy davomida bolalarni himoya qilish masalalarida yurtimizda qanday yangiliklar va o‘zgarishlar ro‘y berdi❓Keling, birgalikda yana bir bor eslab o‘tamiz.

🔷Bolalarni bog‘chaga joylashtirish soddalashtirildi. Bolalarni davlat maktabgacha ta’lim tashkilotiga qabul qilish uchun rasmiylashtirilgan yo‘llanmalarni maktabgacha ta’lim tashkilotiga axborot tizimi orqali yuborish tartibi joriy etildi. Bunda, yo‘llanma rasmiylashtirilganda fuqarolarga tasdiq kodga ega xabarnoma yuboriladi va shu kod asosida bola bog‘chaga qabul qilinadi.

🔷 O‘zbekistonda Oilaviy bolalar uyi bitiruvchilari yuridik texnikumlarda tekin o‘qishi mumkin. Mehribonlik uyi va Bolalar shaharchasi hamda Oilaviy bolalar uyining bitiruvchilari, I-guruh nogironligi bo‘lgan shaxslar va nogironligi bo‘lgan bolalar toifasidagi abituriyentlar qo‘shimcha qabul parametrlari asosida qonunchilik hujjatlariga muvofiq davlat granti asosida o‘qishga qabul qilinadi.

🔷 O‘zbekistonda 2024-yilning 1-mayidan boshlab my.gov.uz portali orqali bolalar nafaqasi yoki moddiy yordam uchun onlayn ariza berish imkoniyati yaratildi. Bolalar nafaqasi va moddiy yordam “Ijtimoiy himoya yagona reyestri” orqali kam ta’minlangan oilalarga tayinlanadi.

🔷1-iyuldan boshlab yo‘l bo‘yida joylashgan maktablar oldida, kamida to‘rt tasmali yo‘llardagi piyodalar o‘tish joylarida, yo‘l-transport hodisalari o‘choqlarida, temir yo‘l kesishmalarida maxsus avtomatlashtirilgan foto va video qayd etish dasturiy-texnik vositalari bosqichma-bosqich o‘rnatilmoqda;

🔷 Koronavirus bilan kasallanganlarni davolashga mo‘ljallangan «Zangiota-2» shifoxonasi o‘rnida 500 o‘rinli Toshkent shahar bolalar ko‘p tarmoqli shifoxonasi tashkil etiladi.

Telegram|Facebook|Instagram|X

#talabalar_bilan_uchrashuv

🏛 Bugun Toshkent davlat yuridik universiteti II va III-kurs talabalari uchun "Zamonaviy fuqarolik munosabatlarida bola huquqlari va qonuniy manfaatlarini himoyalash masalalari” mavzusida amaliy seminar o‘tkazdik.

🖇 Muloqot davomida "O‘zbekiston Respublikasi Oliy Majlisining Bola huquqlari bo‘yicha vakili (Bolalar ombudsmani) to‘g‘risida"gi Qonun bilan mustahkamlangan vakolatlar, Bolalar ombudsmanining bola manfaatlaridan sudlarda ishtirok etish, turli fuqarolik nizolarida voyaga yetmaganlarning maqomi, ularning sudda o‘z fikrini bayon etish, meros olish, mulkka egalik qilish va boshqa huquqlarini ta’minlash kabi masalalar muhokama qilindi.

Shuningdek, suhbat davomida Bolalar ombudsmanining fuqarolar murojaatlari bilan ishlash bosqichlari, mutasaddi idoralar bilan yo‘lga qo‘yilgan hamkorlik real keyslar misolida tushuntirildi✅.

🙋🏼‍♀️🙋🏻‍♂️Erkin va do‘stona muloqot shaklida o‘tgan seminarda bo‘lajak huquqshunoslarning bola manfaatlari masalalarida befarq emasliklari va qat’iy pozitsiyaga ega ekanliklari bizni nihoyatda quvontirdi.

Telegram|Facebook|Instagram|X

📖 Kuni kecha Yevropada xavfsizlik va hamkorlik tashkilotining (YXHT) O‘zbekistondagi vakolatxonasida yurtimizning qator ilg‘or oliygohlarida tahsil olayotgan faol yoshlar uchun YXHT modeli doirasida Bolalar ombudsmani faoliyatiga oid amaliy seminar o‘tkazdik.

🖇️ Talabalar bilan bo‘lib o‘tgan ochiq muloqot nihoyatda qizg‘in va muhokamalarga boy bo‘ldi.
Jumladan, Bolalar ombudsmanining hozirgi kundagi faoliyatining asosiy yo‘nalishlari va vakolatlari, murojaatlar bilan ishlash, monitoring tashriflari va ularning natijalari haqida batafsil ma’lumot berildi.

💠 Quvonarlisi, muloqot davomida yoshlar Bolalar ombudsmani faoliyati bilan bog‘liq muhim va tahliliy savollar berib, sohadagi bugungi vaziyatdan yaxshi xabardorligi, bola huquqlari borasida zarur ma’lumotga ega ekanliklarini namoyish etdilar.

📍Fursatdan foydalanib, amaliy ko‘nikmalarni shakllantirishga qaratilgan, yoshlarni o‘z ustida ishlashga undaydigan bunday motivatsion trening tashkil qilinishi uchun YXHTning O‘zbekistondagi vakolatxonasiga o‘z minnatdorligimizni bildiramiz.

Telegram|Facebook|Instagram|X