Jasurbek Hasanov

Sekin boshlab, tez tugating

Har safar ish boshlganingizda ko'plab vaqt qayta ko'rib chiqishlarga ketayotganini, mijoz o'zi nima xohlayotganini tushunish ancha qiyin bo'ladi. "Xudo xohlasa final" kabi fayllarni saqlash joningizga tegib ulgurgan.

Buning yechimi bor. Va juda oddiy.

Ishni boshlashda shoshmang, mijoz ketib qolishidan qo'rqmang. O'zingizga kerak bo'ladigan ketma-ket savollar ro'yxatini tuzing va ularni birma-bir berib, mijozingiz nima xohlashini aniqlang.

*Agar jarayonni tezlashtirishni xohlasangiz, qo'ng'iroq orqali hal qilishingiz mumkin.

Bu sizga kichik filtr vazifasini ham bajaradi. Hamma mijozlar ham suhbatni oxirigacha aloqa o'rnatmaydi. Va bu suhbatni muvaffaqiyatli yakunlangan mijozlar odatda, siz bilan uzoq hamkorlikni o'rnatadi.

Foydalaning. Asablarni asrang.

@khasanovjasurbek

Muqovada ma'lum nuqtaga e'tibor qaratishning turli yo'llari bor. Bulardan ikkitasi bilan bo'lishaman

— Arrow - "Strelka". E'tiborni tez biror tomonga qaratish usullaridan biri.
— Text - "So'z". Bir so'zdan iborat, lekin video mazmunini ochib bera oladigan bo'lishi kerak.

Siz qaysi usuldan foydalanasiz?

@khasanovjasurbek

Bir oyda +800K ko'rishlarga qanday erishdik? 🚀

O‘rtacha ko‘rishlar ~30K edi. Lekin to‘g‘ri muqova va sarlavha bilan raqamni 15X o‘stirdik!

Nima ishladi?
Muqova: Minimalistik, video mavzusini ochib beruvchi va diqqatni jalb qiluvchi dizayn.
Sarlavha: Oddiy, qiziqarli va auditoriya kutgan javobni va’da qiladi.

Natija:
— +800K ko‘rish
— Oddiy ko‘rishlardan 15 baravar ko‘p auditoriya

Dizayn shunchaki chiroyli emas, strategik ham bo‘lishi kerak. 🎯

Siz ham videolaringizga mos ko'rishlarni xohlasangiz, men bilan bog'laning, yordam beraman.

@khasanovjasurbek

Noyabr "outlier"lar oyi bo'ldi

Noyabr oyida ko'plab, tub burishlarga sabab bo'ladigan sarlavha, muqovalar tayyorlandi.

Jarayonda qatnashgan barchaga Respect! 🔥

Art direktor: Jasurbek Hasanov
Dizaynerlar: Komron Toshkanov, Og'abek Jo'rayev, Fayzullo Akbarov, Siroj Rustamov, Nusratilla Azimov
Menejerlar: Nurullox Sobirov, Ibrohim Alijonov, Suxrob Avalboev

© Creative Department

@khasanovjasurbek

Video ko'rishingiz uchun shay

Dizaynerning ishini 10X'ga tezlashtirishga va sifatli ish qilishga yordam beradigan instrument bilan bo'lishganman.

📱 Video ko'rish: https://youtu.be/RfMnVuoveqQ

@khasanovjasurbek

Coming soon..! 🔥

Yaqin kunlarda dizaynerlarga liq foydali video tayyor bo'ladi.

Video mavzusi nima deb o'ylaysiz?

@khasanovjasurbek

Muqova hammasini hal qildi

Yaqinda bir video uchun doimiy uslubdagi dizayn tayyorlandi. Lekin negadir, odatiy ko'rishlardan (1K +) ham bo'la olmadi. Mavzu aktual. Savol tug'iladi. Nega unda bu video uchmadi?

Kuchli sarlavha yozilmagan edimi? Yo'q, uni ustida yaxshi ishlangan edi.
Muqova dizayni sifatsiz edimi? Yo'q, doimiy uslubda, xuddi doktorlarning muqovasiga o'xshab turar edi.

Shunday bo'lsa ham natija bermadi. Ibrohimning tavsiyalari bilan muqovani yangiladik. CTR orqali tushuntirsam, video boshida 3-4%ga zo'rg'a chiqqan bo'lsa, hozirgacha 8,5% dan pastga tushmadi.

Video qanchalik aktual bo'lmasin, uni tomoshabinga o'zi xohlaganidek tushunarli yetkazib bermasangiz, afsus, yaxshi natija bermaydi.

*Videolarga mos ko'rishlarni xohlasangiz, kimga aloqaga chiqishni bilasiz )

@khasanovjasurbek

Kam ko‘rishlarga yechim: ko‘proq yarating!

Ko'rishlar siz istagandek ko'p emasmi? Yechim oddiy: ko‘proq thumbnail yarating va ko‘proq sarlavhalar yozing.

Nega? Chunki yaxshi natija doimiy mehnatdan keladi. Qanchalik ko‘p yaratsangiz, shunchalik ko‘proq nimalar ishlashini tushunasiz.

Doimiylik + Harakat = Natija 🚀

*Bu formula g'oya, ssenariy, umuman, barchasi uchun to'g'ri keladi

@khasanovjasurbek

Doim "did"ni ortiqcha va keraksiz deb o‘ylardim.

Endi tushunyapmanki, adashgan ekanman.

Aslida, bu eng muhim ijodiy ko‘nikmalardan biri.

Did = eng yaxshi g‘oyalarni tanlash qobiliyatingiz

(Va bu ko‘nikmani mashq qilish orqali yaxshilash mumkin.)

*Jay Alto sahifasidan

@khasanovjasurbek

"Gap isboti bilan"

O'rtacha natijadan yuqoriroq natijaga sabab bo'lgan formula.

*Faqat adaptatsiyada ehtiyot bo'ling )

@khasanovjasurbek

Yomon muqova dizaynerlar...

Grafik dizaynerlar ko‘pincha thumbnail'ni billboard kabi qabul qilishadi, bu esa katta xato.

Billboardlar brendni esda qoldirish uchun mo‘ljallangan bo‘lsa, thumbnail'larning asosiy maqsadi — foydalanuvchini klik qilishga undash.

Mavzuni batafsil tushunish uchun bu videoni ko'rishni tavsiya qilaman. (Ingliz tilida)

*Ha, avval, yuqoridagi rasmlar bilan ham tanishib chiqing )

@khasanovjasurbek

Muqovangizda ko'zlardan foydalanib, e'tiborni torting

Bu tomoshabinni jalb qilishning eng yaxshi usullaridan biri.

Yana bir yaxshi tomoni ko‘zli muqovalar ko‘plab yo‘nalishlarda yaxshi ishlaydi.

Masalan, Marketing haqidagi video uchun. ("Maqsadli mijoz" loyihasida sinovdan o'tgan 😉)

@khasanovjasurbek

92.85% holda bu muvaffaqiyatsiz bo'lmaydi

Sarlavhangizni uchun bu formuladan foydalaning:
— "Agar siz 13-18 yoshda bo'lsangiz, iltimos, ushbu videoni tomosha qiling..."

Qaysi yo'nalishda bo'lishingizdan qat'i nazar, ushbu formatdan foydalanib, ko'rishlaringiz o'sishini ko'rishingiz mumkin.

@khasanovjasurbek

CTR - KPI bo’la olmaydi

“Ko’proq, iloji bo’lsa yana variantlar qilaylik”, deb qolishadi ba'zida. Lekin savol tug‘iladi: ko‘p variant yaxshi degani – natijaga olib keladi degani emas-ku?

Odatda ko‘p narsalarni sonlarga bog‘lab qo‘yamiz va shunda natijalarni o’lchash mezoni topilgandek tuyuladi. Masalan, CTR. CTR qanchalik baland bo‘lsa, natija zo‘r degan tasavvur bor. Lekin minglab 12%+ CTR ko'rsatkichlari bilan 10K ko'rishlardan oshmay qolganlar kam emas.

Aslida esa ishlaydigan muqova doim chiroyli bo‘lishi shart emas. Balki yuqori CTRni ham to‘plamas, lekin u sizning videongiz mazmunini bir qarashda ochib beradi va bosishga undaydi.

Shunday qilib, o‘zingiz uchun maqsadlaringizni aniqroq qilishga harakat qiling: sizga ko’proq ko'rish kerakmi yoki shunchaki baland CTR? Tushunarli muqovami yoki ma’nosiz qilingan chiroyli 4-5 xil dizaynmi?

Bir o‘ylab ko‘rishga arziydigan narsa.

@khasanovjasurbek

Birgina sarlavha videoni o‘zgartirmasdan turib, sizga 100 ming prosmotr olib kelishi mumkin

YouTube'da video ko‘proq prosmotr yig‘ishi uchun qimmat production, sifatli ssenariy, e'tibor ushlab qoluvchi montaj, chiroyli muqova ustida ko‘pchilik bosh qotiradi. Bu aslida yaxshi. Lekin ba'zida 100 ming prosmotr uchun ko‘p qiyin ishlar qilish emas, shunchaki sarlavhani o‘zgartirish yetarli bo‘ladi.

Masalan, Shohida Ibrohimova uchun yangi muqova g‘oyasini qilganimda video boshida unchalik ko‘p ko‘rilmadi. CTR ham unchalik qoniqarli emas. Buni muqova yaxshi emasligidan deb o'ylashni boshlagan edim, ba'zilar esa videodan yoki ssenariysidan deb ko‘rishi mumkin, lekin bu yerda o'zaro bog'liqlik yo'qligini tushunib qoldim.

Sarlavhani "Pulingizni investitsiya qilishdan oldin bu videoni ko'ring!" ko'rinishdagi oddiy strukturaga o'zgartirdim.

1 kunda esa o'z natijasini ko'rsatdi. 3 kunda esa 80K dan ortiq ko'rishlarga ega bo'ldi. 10 kun ichida 100K ko‘rilishi aniq.

O‘zim YouTube videolarga ham muqova g‘oyasi, ham sarlavhasini yozishni boshlashim bilan men ishlaydigan YouTube kanallarda prosmotrlar o‘rtacha 2X bo‘ldi. Agar qimmat sifatli videolaringiz yetarlicha adolatdan ko‘p ko‘rilmayapti deb hisoblasangiz, menga aloqaga chiqing va birgalikda prosmotrlarni oshiramiz.

@khasanovjasurbek

Tushunarli muqova boshqa, chiroyli muqova boshqa. Uni birlashtirish esa, haqiqiy ijod namunasidir.

Odatda, Youtube'dagi muqovalar yuqorida aytilgan turlarga bo'linadi. Tushunarli va chiroyli. Ha aytgancha, tushunarsiz va yana kamiga chiroyli bo'lmaganlariyam bor )

Yuqoridagi rasmlar orqali sizga ularning farqini tushuntiraman.

Hamma turdagi muqovaning o'z o'rni bor. Lekin muqovaning asosiy vazifasini unutmaslik kerak. U ham bo'lsa, video ustiga bosishga olib borish.

Muqovani baholamoqchi bo'lsangiz, unga "chiroyli chiqmabdi" deb ta'rif ishlata olmaysiz. Hech bo'lmaganda, men shunday o'ylayman.

@khasanovjasurbek

Matematika, endi tushunish uchun osonroq

Bu fandan tayyorlanganlar yaxshi bilsa kerak, yaxshi muqovaga ega matematika darslari qo'lda sanaydigan darajada. Ha, hattoki, ingliz tilida ham.

Matematiklar o'zi aqlli bo'ladi degan gaplar o'tmaydi )

Sizning-cha, yana qaysi yo'nalishlardagi videolar yaxshi muqovaga ega emas?

@khasanovjasurbek

Buyog'iga, faqat muqova va sarlavhaga qarab baho berasiz

Youtube kichik doirada, ko'rishlar sonini yashirgan holatda lentani test qilayotgani haqida o'qidim.

Bu qiziq tajriba. Bugundan boshlab, men ham shu rejimni yoqib oldim. Va bir narsani sezdimki, odatda, ko'rishlar soni men tanlovimda rol o'ynagan.

Dizayner sifatida bu meni chalg'itadi. To'liq sarlavhaga va muqovaga qarab baho bera olmayman. Shu sababdan, bu rejim men uchun qiziq holatda ketmoqda.

Buni Youtube'ning o'zida yoqib olishni iloji yo'q ekan. Shu sababdan, Ilyosjoniy tavsiya qilgan "extension"dan foydalanib, ko'rishlarni berkitib qo'ydim.

Sinab ko'rib, tajribalaringiz bilan bo'lishing )

@khasanovjasurbek

Bozorda porlab turishning OSON yo‘li

Mutaxassis sifatida bozorda ajralib turish uchun “Hard-skill”lar yetarli bo‘lmay qoldi. Sababi, bunday vazifalarni bajarish uchun turli dasturlar yoki AI’lar ishlab chiqilgan.

Shunday holatda ham qanday qilib, bozorda ko‘zga ko‘ringanlardan bo‘lish mumkin? Bu juda oddiy, tushuntiraman…

Mijozlar doimiy ishlashlari uchun odatda, “soft-skill”lar kerak bo‘ladi. Bularga, suhbat olib borish, muddatlar bilan ishlash, uning ehtiyojlarini o‘rganish kabilar kiradi.

Maqolada, aynan, DEDLAYN bilan ishlash haqida aytib bermoqchiman.

👉 To'liq maqolani Medium'da o'qing )

*Aytgandek, Medium'ga alohida maqolalar yozib boraman

@khasanovjasurbek

Yaxshi natija bermaydigan dizayner emas, noto'g'ri vazifa beradigan mijoz bo'ladi

Dizaynerlar bilan ishlash jarayonida turli xil kutilmadagi dizaynlar uchun topshiriqlar beriladi. Lekin natija har safar mijoz kutganidek bo'laveramaydi. Ha, ha, eslayapsizmi? Sizda ham shunday holat bo'lgan. Bir mijoz yozadi, suhbatlashasiz, vaziyatni iloji boricha oydinlashtirib, ishni boshlaysiz. Natijani yuborasiz, lekin ma'qul kelmaydi.

Buning asosiy sabablaridan biri noto'g'ri kutuvdagi topshiriqlar. Texnik Topshiriq yozish ham bir alohida muhim qism. U qanchalik to'g'ri va tushunarli yozilsa, natija shunchalik yaxshiroq chiqadi.

Hech e'tibor berganmisiz, siz bilgan zo'r dizayner bor. Uni portfoliosida yoki u qilgan ishlar orasida bir yaxshi bo'lmagan dizaynni ko'rib qolasiz. Va "rostdan ham shuni u qilganmi?" degan savol paydo bo'ladi. Xafsalangiz pir bo'ladi.

Bu yerda dizaynerlarni "форточка" topib olib chiqib ketmoqchi emasman. Lekin mijozda ham gap ko'p )

Dizayner tanlashda avvalgi ishlaridan kelib chiqib uni potensialini ko'rishingiz mumkin. Undan zo'r qilishi mumkinmi? Ha. Ammo bu aniq emas. Shu sababdan, undagi kutuvingizni, avvalgi ishlaridan yuqori qo'ymasligingiz kerak.

— Siz xohlaydigan darajadagi dizayner tanladingizmi?
— Sizning kutuvingizga mos TT yozildimi?
Natija yaxshi chiqishi uchun avval shu savollarga javob bering

*Jarayondan olgan kichik xulosam

@khasanovjasurbek

Oktabrda jamoamizning mehnati bilan bir qancha ishlar qilindi! 🔥

Art direktor: Jasurbek Hasanov
Muqova dizaynerlari: Komron Toshkanov, Og'abek Jo'rayev, Fayzullo Akbarov, Axror Homidov, Yunus Shamsiyev
Kontent menejerlar: Ibrohim Alijonov, Muhammad Azizxon Akbarov, Nurullox Sobirov

Yigitlar o'z yangi qirralarini ochib, qiyqiriq natijalar qilishdi! Hammaga Respect ⚡️

Dizaynlarni ko'rish uchun: link

@khasanovjasurbek

Bu safar yanada chuqurroq

"Ustoz AI" loyihasi uchun maxsus qo'llanma ishlab chiqdik. Uning ichida muqovadan tortib, video montajda kerak bo'ladigan barcha holatlar inobatga olingan.

Yuqorida qoldirgan "Safe zone" ham shu qo'llanma doirasida tayyorlangan edi. Montajorlar uchun ham prezentatsiya ichida kichik sovg'a bor.

👉 Prezentatsiyani ko'rish

© Creative Department ™

@khasanovjasurbek

"Safe zone"dan foydalanasizmi?

Dizayn jarayonida "safe zone" juda muhim. U yordamida muhim elementlar, matnlar kadrda to'liq va aniq ko‘rinishda qoladi.

Ko‘pincha videomontajchilar uchun bu juda tanish, lekin aslida, muqova dizaynida ham katta ahamiyatga ega.

Internetda muqova uchun yaxshi "safe zone" topa olmay, o‘zim yaratdim. Sizga ham kerak bo‘lib qolar deb, ulashmoqchiman.

Foydalaning, kam bo‘lmaysiz 😉

Yuklab olish uchun

@khasanovjasurbek

Bu qanday loyiha?

Bu loyiha o‘zbek YouTube'ining rivojlanishida yangi qadam bo‘ladi, deb ishonaman. Chunki endilikda jamoani kattalashtirish maqsadida Creative Department™ nomli loyiha boshladik. ⚡️

Loyiha, asosan, muqova dizaynlari bilan shug‘ullanadi. Va, albatta, qolgan sohalar bo‘yicha ham o‘z faoliyatini tez orada yo‘lga qo‘yadi.

Hozirda jamoani kattalashtirish maqsadida loyihaga iste'dodli mutaxassislar jalb qilmoqdamiz.

Agar siz ham YouTube bilan bog‘liq faoliyat yuritayotgan bo‘lsangiz va bizning jamoaga qo‘shilishni istasangiz, izohlarda o‘z kasbingiz va tajribangizni yozib qoldiring. Menejerlar siz bilan bog‘lanishadi.

*Eng aktual yo‘nalishlar: TT (texnik topshiriq) yozish, Muqova dizayner, Video prezentatsiya dizayneri, Ssenarist, Videomontajyor.

@khasanovjasurbek

Dizayn bir xil bo'lsa ham nima sababdan hammasida har xil ko'rsatkich?

Yaqinda kichik bir ekspriment uchun 3ta bir xil dizaynni A/B testga berdik. Tabiiyki, Youtube buni bir xil ekanini sezmadi. 💀

Test natijalari esa ajoyib. "Ustoz AI" dagi natijada, 1-dizayn peshqadamlikni ushlab turibdi.

"Maqsadli mijoz" loyihasida esa, foizlar o'rini almashgan.

Menda quyidagicha gipoteza paydo bo'ldi:
Avval, 1-dizayn obunachilarning o'ziga ko'rsatiladi. Ma'lum muddatdan keyin yangi auditoriyaga beradi.

2-3 - esa keyinroq / kamroq auditoriyaga taqsim qilinadi.

Siz qanday fikrdasiz? Nima sababdan natijalar farq qilishiga olib kelgan?

@khasanovjasurbek

Bozorda TOP’lardan bo’lishingiz uchun muhim!

Hozirgi iqtisodiyotda oʻz oʻrningizni egallash va yaxshi natijalarga erishish uchun diqqat bilan ishlash juda zarur.

Ko'plab sohadoshlarim fokusda muammolarga duch kelmoqda, chunki ular Telegram, Instagram kabi shovqinli platformalarda ishlaydi. Ofisda ham ochiq ish maydoni diqqatni chalgʻitadi.

Bundan tashqari, koʻp monitorli ishlash ham eʼtiborni boʻlishi mumkin. Odatda, ikki monitor sizni bir vaqtning oʻzida ikki narsa haqida oʻylashga majbur qiladi.

Ish jarayonini samarali qilish uchun yaqinda men Telegramdan Gmailʼga oʻtdim (Jamoadagilarni ham olib o’tdim, albatta 😉). Bu menga ishga diqqatni jamlash va chalgʻituvchi omillardan xalos boʻlishga yordam berdi.

Ikki tomonga bo’linib, ko’p vaqt yo’qotmaslik uchun mijozlar xabar yozganmi yoki yo’qligini tekshirish uchun esa ma’lum vaqtlar belgilab, ularda Telegramni tekshirishni belgilab qo’ydim.

Agar bozorda yaxshi o’rinni egallashni, odatiy ish vaqtingizda ko’proq natijalarni chiqarishni xohlasangiz, o’z diqqatingizni qadrlang. Iloji boricha ishlaringizga chuqur sho’ng’ishga salbiy ta’sir o’tkazadigan barcha narsalarni cheklash haqida o’ylab ko’ring.

@khasanovjasurbek

Ushbu oy Youtube'da ancha manfaatli bo'lgan ishlarga qo'l urdik.

Art direktor: Jasurbek Hasanov
Muqova dizaynerlari: Og'abek Jo'rayev, Komron Toshkanov, Fayzullo Akbarov, Yunus Shamsiyev, Axror Homidov
Kontent menejerlar: Suxrob Avalboyev, Ibrohim Alijonov, Nurullox Sobirov, Alibek Yigitaliyev

Dizaynlar tayyor bo'lishi qatnashgan barcha minnatdorlik bildiraman. Barchaga Respect! 🔥

*Aytgancha, bu dizaynlar yigitlarning qilgan ishlaridan bir shingil xolos )

@khasanovjasurbek

Muqova qanday bo'lishi kerak?

Ushbu postda eslatib o'tilgan qoidalar:

1. 3'lik qoidasi — dizaynda muhim uch element orqali mavzuni ochib berish haqida.
2. Uch so'z qoidasi — faqat uch so'zdan foydalanib, mavzuni to'g'ri ochib berishga xizmat qiladigan muqova matni.
3. Kontrast — keskin ajratish. Bu ranglar, shakllar, katta yoki kichiklik orqali amalga oshiriladi.

Agar postning davomi qiziq bo'lsa, izohlarda "kerak" yozib qoldiring. ✍️

@khasanovjasurbek

Kimlar uchun kerak?

O'zbekistonlik dizaynerlar ko'pincha Behance va Pinterest kabi platformalardan foydalanishadi, lekin chet el muqova dizaynerlari bu platformalardan kamroq foydalanishadi.

Muloqot uchun esa asosan, Telegram asosiy rollarni bajaradi.

Ammo bu ikki vazifani birlashtiradigan platforma — Discord. 💬

Bu platformada turli mintaqalardan muqova dizaynerlari yig'iladi, bu esa rivojlanish uchun ayni muddao.

Shuningdek, o'z ishingizga nafaqat o'zbek dizaynerlari, balki chet ellik dizaynerlar tomonidan ham fikr-mulohazalar olishingiz mumkin.

Undan tashqari, ularning ham ishlarini, ishlash uslublarini, muloqot qilishlarini, mijoz bilan qanday ishlashi, Youtube bilan qanday muomala qilish kerakligi haqida bilimlarni olish mumkin. ⚡️

Men tavsiya qiladigan guruhlardan biri bu - Thumbnails 101. Youtube haqida - Colin and Samir.

@khasanovjasurbek

Topshiriqlar qanday bo'lishi kerak?

Bu men uchun aktual mavzularga aylanib ulgurdi. Endi esa topshiriqlar va ularni to'g'ri yetkazib berish haqida chuqurroq o'ylashim kerak bo'lyapti.

Yuqorida "Ideal topshiriq" deb nomlangan post keltirilgan misolni tahlil qilmoqchiman. Hozirda bu borada fikrlarim keskin o'zgardi.

U yerdagi "g'oya" qismi dizayner uchun qolip vazifasini o'tashi mumkin. Ya'ni aniq g'oya bor, unga o'xshash *reference aniq, faqat uni yasash qoldi xolos. Faqat texnik qismni bajarish kifoya.

Bu esa ijodiy fikrlashga to'siq bo'luvchi omil sifatida ko'rindi. G'oya taraflama qo'llab-quvvatlash tarafdoriman, qachonki dizayner berilgan vazifani tushunmasa yoki g'oyaviy inqirozga uchragan bo'lsa.

Dizayner uchun texnik topshiriqda g'oyaviy qism samaralimi yoki ijodni cheklovchi omil bo'lib qoladimi?

@khasanovjasurbek

Qanday qilib "virusli" dizayn tayyorlash mumkin?

Agar sizda yuqorida keltirilgan qismlarni to'g'ri bajarildimi yoki yo'qligini tekshirish usuli:

Bir qarashdagi tekshiruv. Ya'ni tayyorlangan muqovaga qaraysiz va ko'zingizni olib qochasiz.

Muqova tushunarli bo'lmadimi? Demak, dizaynni qayta ko'rib chiqish kerak degani.

@khasanovjasurbek