Журналистика.уз

🏆🌱 Иқлим мавзуси бўйича журналистик танлов!

Covering Climate Now ва Columbia Journalism Review иқлим мавзусини ёритувчи журналистлар учун танлов эълон қилди! 🌍

📰 Журналистлар ва медиаташкилотлар учун имконият!

✅ Танлов йўналишлари:

- Ечимлар

- Қонуний чоралар

- Ёқилғи ресурслари (Ископаемое топливо)

- Экстремал об-ҳаво ҳодисалари ва уларнинг оқибатлари

- давлат сиёсати ва иқлим чоралари

- Дезинформация

- Бизнес ва иқтисодиёт
… ва бошқалар!

📢 Талаблар:
Материаллар 2024 йилда нашр қилинган ёки эфирга узатилган бўлиши керак.

Фақат инглиз тилидаги ишлар қабул қилинади.

🏅 Ғолиблар 2025 йил кузида эълон қилинади!

📅 Дедлайн: 31 март

👉 Батафсил маълумот ва ариза топшириш учун: https://coveringclimatenow.org/projects/awards/

#иқлим #журналистика #танлов #мухбирлар #экология

@jurnalistikauzbek

Таниқли журналист ва бошловчи Сарвар Баҳодиров "Ренессанс" телеканалига бош продюсер этиб тайинланди

"Менинг юртим" телеканалидаги "Марказий Студия", "Марказда" лойиҳалари орқали  юртдошларимизнинг севимли журналистига айланган Сарвар Баҳодиров "Ренессанс" телеканали бош продюсери этиб тайинланди.

Қисқа вақт ичида унинг муаллифлигида "Юлдузли тун", "Бизнинг оила" "Ҳукм" каби дастурлар эфир юзини кўришга ҳам улгурди. Ҳозирда ижодий жамоа билан биргаликда яна 10 га яқин янги лойиҳалар  устида иш олиб боришмоқда.

@jurnalistikauzbek

❗️Uzdiplomat'да янги лойиҳа!
«Реал Ўзбекистон!» – Ҳақиқий ҳаётни сиз билан ёзамиз!

Энди сиз фақат кузатувчи эмас, балки Uzdiplomat'нинг ҳақиқий аъзосига айланишингиз мумкин!

❓Қандай қилиб?

Жуда оддий! Сизни ҳайрон қолдирган ёки фикрлашга ундаган ҳар қандай воқеани видеога олиб, бизга жўнатинг!

Кундалик ҳаётингизми, оддий қишлоқда тонг отишими, ёмғирми, тўйдаги урф одатми, фарқи йўқ, бизни ҳақиқий ҳаёт кўпроқ қизиқтиради.

❓Айтинг-чи, сиз қачонгача кузатувчи бўлиб қолмоқчисиз?

✔️Ўзбекистоннинг турли ҳудуд, қишлоқларида ҳаёт қандай кечмоқда?

✔️Сизни қишлоқда бугун қандай янгилик бўлди?

✔️Ишга, ўқишга, мактабга қандай етиб олдингиз?

✔️Маҳаллангизда қадимий ёдгорлик қаровсиз ҳолда қолганми?

✔️Истеъдодли инсонни биласиз, аммо уни дунё танимайдими?

✔️Лой кўчаларда юриб чарчадингиз, асфальт йўл бўлишини истайсизми?

✔️Мактабингизда барчани илҳомлантирадиган ўқитувчи борми?

✔️Буви ва боболарингиздан эшитган эксклюзив ҳикоялар одамларга қизиқ деб ўйлайсизми?

✔️Табиат мўжизасига гувоҳ бўлдингизми?

Ҳаммасини тасвирга олинг ва бизга жўнатинг!

❗️Энг яхши ва энг кўп кўрилган контент эгалари йил охирида мукофотланади!
Uzdiplomat билан бирга бўлинг – ҳақиқий Ўзбекистонни яратишда иштирок этинг!

Сурат ва лавҳаларни телеграмм орқали @uzdiplomat_uz га жўнатинг!

Telegram |Instagram |  You Tube | Facebook | X

Kun.uz сайтида серверлар билан боғлиқ техник носозлик кузатилаётган экан. Айни пайтда носозликни бартараф этиш чоралари кўриляпти. Таҳририят муҳим янгиликларни ижтимоий тармоқлардаги саҳифаларида бериб боришда давом этади.

“Yangi O‘zbekiston” universiteti barcha adabiyot ixlosmandlarini she'riyat tadbiriga taklif qiladi

✅ Universitetimizda 15-fevral kuni “Fonus” she'riyat tadbiri bo'lib o'tadi. Ushbu tadbirda zamonaviy adabiyot namunalarini iqtidorli ijodkorlarning xususan, “Izlam” toʻplami mualliflarining o'zidan jonli tarzda eshitishga muvaffaq bo’lasiz.

📖 Shoirlar, musiqiy chiqishlar va eksklyuziv auksiondan iborat tadbirimiz adabiyot va she’riyatga qiziquvchilar uchun unutilmas bo'lishiga ishonamiz.

👉Ro'yxatdan o'tish: https://forms.gle/2Xs6e6bsjzBofN7Y9
🗓 Tadbir vaqti: 15-fevral, 10:30 da.
📍 Manzil: "Yangi O'zbekiston" universiteti (Movarounnahr ko'chasi 1)

Men o’zimni sendan izladim…

🔁 English
➖➖➖➖➖➖➖➖➖➖➖➖➖
#izlam #adabiyot #shoirlar

⬇️ Biz ijtimoiy tarmoqlarda:
Veb-sayt | Telegram | Instagram | Facebook

🎧📻Бугун Бутунжаҳон радио куни!

Ҳар йили 13 февраль санасида дунё бўйлаб Бутунжаҳон радио куни нишонланади.

Радио энг осон, энг арзон ва энг тезкор ОАВ сифатида кўрилади.

Бундан қарийб бир аср аввал кашф этилган радио алоқа воситаси йиллар давомида янада такомиллашиб борди.

Радионинг инсоният ҳаётидаги аҳамиятини инобатга олган ҳолда, 1946 йил 13 февраль – «БМТ радиоси» ташкил этилган кун муносабати билан 2011 йил ЮНЕСКО Бош конференцияси томонидан 13 февраль – Бутунжаҳон радио куни, деб эълон қилинган.

Барча ҳамкасбларимизни байрамлари билан табриклайман!
Радио мен учун барибир энг қадрдон маскан бўлиб қолаверади. Бу мактаб кўплаб журналистларни турли йўналишларга тайёрлаб берган катта даргоҳ саналади.

Бир вақтлар БМТ нинг саҳифаларида эълон қилинган интервьюимда ҳам шуни айтган эканман.👉


https://bit.ly/3GKzQd6

@jurnalistikauzbek

#qoyalar_va_soyalar

Инсон ҳар бир ҳақорати ва туҳмати учун жавоб бериши керак! Ижтимоий тармоқлар ҳамма хохлаганини ёзадиган жой эмас! Биз шантажчи эмасмиз ва буни исботлаймиз!

Бугун Мирсаид Ҳайдаров устидан иккинчи суд ишига ариза топширилди!

@jurnalistikauzbek

Журналист Анора Содиқова Mufasa тахаллуси билан фаолият юритувчи блогер Мирсаид Ҳайдаровни судга берди. У блогер томонидан ижтимоий тармоқлардаги турли аноним каналларда ўз шаъни, қадр-қиммати камситилгани ва туҳматга учрагани ҳақида шикоят киритган. Суд мажлиси 26 февраль куни бўлиб ўтади.

https://www.gazeta.uz/uz/2025/02/12/anora-sodiqova/

Telegram | Instagram | YouTube

Алламжонов йил бошидан буён илк постини жойлади

Президент администрациясининг собиқ мулозими бугун бўлиб ўтган суддан сўнг шундай пост қўйган:

«Катта ойим раҳматлик ҳар доим дуо қилганларида, ўт балосидан, сув балосидан, қуруқ туҳматдан Аллоҳнинг ўзи асрасин дердилар. Ўтган 5 ой ичида ўзимдан ўтгани фақат ўзимга, оиламга, энг яқинларимга аён. Ҳақиқат эгилганда эгилиб, букилгандаям икки букилиб барибир синмади, у барибир юзага чиқди. Юзага чиқади ҳам.
Аллоҳга минг шукур. Бандасидан қочганлар Яратгандан қочолмайди. Ҳали олдинда қиладиган ишлар, яна кўп синовли кунлар бор. Илоҳим буларнинг ҳаммасидан ёруғ юз билан ўтиш насиб қилсин!
Аллоҳ ҳаммамизнинг омадимизни берсин», деб ёзган у.

Маълумот учун, бугун Ўзбекистон Республикаси Ҳарбий судида фуқаро К. Алламжоновга уюштирилган суиқасдга оид жиноят иши доирасида 10 нафар шахсга нисбатан суд жараёни якунланиб, суд ҳукми эълон қилинди.

@jurnalistikauzbek

Анора Содиқова блогер Муфасани судга берди

Журналист Анора Содиқова “Муфаса” тахаллуси билан фаолият юритувчи блогер Мирсаид Ҳайдаров устидан маҳкамага мурожаат қилди. Мурожаатда Анора блогер томонидан ижтимоий тармоқ, турли аноним каналларда ўз шаъни, қадр-қиммати камситилгани ва туҳматга учрагани ҳақида баён қилади. Ўзбекистон Республикаси Фуқаролик Кодексининг 100-моддаси (Шаън, қадр-қиммат ва ишчанлик обрўсини ҳимоя қилиш) асосидаги шикоят фуқаролик судига юборилган.

Ўтган йилнинг 9 февралида 20 дан ортиқ жамоат фаоллари ўзбек медиасидаги троллинг, шаън ва қадр-қимматни камситишга доир фактлар юзасидан Ўзбекистон Репсубликаси Бош прокуратураси, Ўзбекистон Репсубликаси Президенти Администрациясининг Ахборот хавфсизлиги Департаментига мурожаат қилгандик. Мурожаатларимиз тегишлилиги бўйича Ўзбекистон Республикаси ИИВнинг Киберхавфсизлик бошқармасига ҳал қилиш учун йўлланган.

Киберхавфсизлик ходимлари биз фаоллар билан учрашди, “Жўққи журналистлар”, “Телеграф” телеграм каналлари, шуннингдек, Facebook ижтимоий тармоғидаги ўнлаб аноним профиллар бўйича мулоҳазаларимизни эшитишди, терговолди суриштирувлар бошлади. 20 дан ортиқ фаоллар Ички ишлар вазирлигига чақирилиб, жабрланувчи сифатида улардан кўрсатмалар олинди. Тахминлар, дастлабки версиялар ва бу қилмишларни содир этаётган шахслар бўйича терговчилар билан фикр алмашдик.

Уларнинг айтишича, Бош прокуратура, ДХХ органи Киберхавфсизликка мазкур троллинг кампаниялари, уларнинг қонунбузарлик қилмишлари борасида чора кўриш юзасидан расмий хат берган, офарин, яъни бу қудратли идораларнинг бундай “фаолият”га дахли йўқ. Бундан қувондик, иш енгил кўчади, деб ўйладик. Бу жараёнда биз шикоятимизда кўрсатган аноним профиллар ва каналлар фаолияти деярли тўхтади, биз ўз ишимизга шўнғиб кетдик. Кейинчалик эса тролларнинг эски фаолияти яна жонланди.

Бироқ Администрация, Бош прокуратура, Киберхавфсизлик бошқармаларидан расмий жавоблар олмадик. Эндиликда қонун ижроси учун масъул бўлган бу мўътабар идораларнинг фуқароларнинг мурожаатлари борасидаги қонунчиликни бузгани юзасидан маъмурий судларга шикоятлар тайёрлаяпмиз, ҳуқуқий жараёнларни бошлаймиз. Аноранинг судларида кўпчилик бўлиб, уни қўллаймиз. Эҳтимол, етарли даражада натижаларга эриша олмасмиз, аммо нималар бўлаётганини махсус хэштег ва челленж орқали имконқадар кўрсатиб борамиз.

Фаоллар билан бошлаётган бугунги челленжимизни шартли равишда #qoyalar_va_soyalar деб атаймиз. Фаоллардан мазкур жараёнда аввало амалдаги қонунчилик талаб ва меъёрларига амал қилиш, миллий манфаатларимизни инобатга олиб, қадриятларимизга ҳурмат руҳида ёндашишга чақираман. Зотан, қоялар ва соялар кураши абадий жараёндир.
Абдурахмон Ташанов

@jurnalistikauzbek

Самарқанд вилояти телерадиоканали раҳбари янги ҳокимга матбуот котиб бўлди

Самарқанд вилояти ҳокимининг тегишли қарори билан Ихтияров Мирзо Рустамович Самарқанд вилояти ҳокимлиги ахборот хизмати раҳбари, вилоят ҳокимининг матбуот котиби — ахборот сиёсати масалалари бўйича маслаҳатчиси лавозимига тайинланди.

М.Ихтияров тайинловга қадар Ўзбекистон миллий телерадиокомпанияси «Самарқанд вилояти телерадиоканали» давлат муассасаси директори вазифасини бажарувчи  лавозимида фаолият олиб борган.

Лавозимга тайинлов Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги хулосасига кўра амалга оширилган.

@jurnalistikauzbek

Фейсбукда журналист Раъно Алиева ёзмоқда:

“Истъдодли ўзбек ўғлони, таниқли халқаро журналист Бобур Комиловнинг акаси Ўткир Комиловга жигар кўчириб ўтказиш операциясига маблағ борасида шу дамларгача кўпгина жойларга мурожаат қилиб кўрдик... Аммо сўнгги чора сифатида қанчалик қийин бўлмасин, яна сизларга юзланишга мажбурмиз. Оз-оз тўпланиб, дарё бўлганидек, сизларнинг мурувватингиз, қўлловингиз ҳозир энг ҳал қилувчи паллада жуда зарур.

Хабарингиз бор – Ўткир Комилов ҳиндистонлик шифокорнинг дорилари ёрдамида операциясиз даволанишни танлаган эди. Бошида бир оз ижобий ўзгариш бўлгандай бўлдию, аммо кейин вазият яна ёмонлашди. Охири шифокорлар жигар инплантациясидан бошқа чора йўқ, деб узил-кесил айтишгач, бошимиз жуда қотиб қолди. Донор топилганда ҳам Ҳиндистонга бориб операция ўтказишга 30 минг доллар атрофида пул керак, бунча маблағни эса топишимиз имконсиз эди. Ўткирнинг аҳволи эса кундан кунга оғирлашмоқда.

Буни қарангки, биз бош қотириб турганимизда президент ташаббуси билан 2023 йилда ташкил қилинган Миллий Тиббиёт Марказидаги шифокор дўстлардан яхши хабар олдик. Давлатимиздаги жонкуярлар туфайли Ҳиндистонлик энг малакали хирург Ўзбекистонга келиб, жуда муҳтож бўлган касалларни ордер асосида бепул операция қилишига имкон туғилибди. Ўткир бу имкониятни қўлдан бой бера олмаслигини тушунди ва операцияга рози бўлди. Аммо энди донор муаммо эди. Донор албатта қариндош бўлиши шарт экан. Донор муаммоси узун ҳикоя, шунинг учун охирини айтаман. Узоқ изланишлар ниҳоясида Ўткирнинг синглиси, уч фарзанднинг онаси, айни пайтда қўлида бир ёшли гўдаги бор Зуҳра Комилова акасига ўз жигарини беришга аҳд қилди. Бундай жасоратни ҳамма сингиллар ҳам қила олмайди. Илоҳим икковларини ҳам Аллоҳ паноҳида асрасин, илоҳим режадаги амалиёт омадли, муваффақиятли кечсин.

Зуҳра Тошкентга келиб, керакли текширувлардан ўтди, шифокорлар унинг жигари акасига тўғри келишини айтишди. Аммо бир муаммо бор экан. Давлат асосий бемордан пул олмайди. Аммо донор учун, унга сарфланадиган дори-дармон учун 60.000.000 (олтмиш милён) сўм миқдорида тўлов қилиш керак экан. Айни пайтда бунча маблағни излаб тополмадик. Ўткир Комилов шу кунларда Вирусалогия Марказига операцияга тайёргарлик кўриш учун ётқизилди. Ҳатто операция куни ҳам аниқланди. Агар ҳаммаси жойида бўлса, 17 февраль куни Ҳиндистонлик хурургнинг навбатдаги ташрифи вақтида режадаги операция ўтказилади. Бироқ...

Бироқ донор учун керакли маблағ йўқ. Боримизни йиққанимизда, қарз- қавола қилганимизда ҳам бунча пулни тополмаймиз. Шунинг учун яна бир бор Сизларга – ҳиммати баланд, оқибатли, саҳоватли, беминнат, бағрикенг инсонларга юзланаяпмиз. Кўп бора айтганимиздек, аввало Ҳақдан, қолаверса, шу азиз Халқдан бошқа нажоткоримиз йўқ. Сиз учун арзимас бўлган сумма бугун энг ҳал қилувчи паллада турган Ўткир Комилов учун ҳаёт–мамот масаласи бўлиши мумкин. Майли, ўзингиз оғринмайдиган кичкина сумма бўлса ҳам Ўткир Комиловнинг онаси номидаги мана бу 8600061053537824 (Муслима Комилова) картага ташласангиз🙏!

Ҳеч бирингиз хаста бўлманг, ишингиз шифокорга тушмасин, ҳамиша соғ- саломат бўлинглар. Сизларнинг дуоларингиз ва кўмагингиз билан Аллоҳим Ўткир Комиловга ҳам шифо берса, жигарим деб ўз жигарини акасига илинаётган Зуҳрага ҳам енгиллик берса ажабмас. Хуллас, сизга суянамиз ва ишонамиз🙏🙏🙏. Ўтган галги мурожаатларимизга лаббай деган барча юртдошларимиздан Аллоҳ рози бўлсин! Гарчи йиғилган маблағ Ҳиндистонга бориб операция ўтказишга етмаган бўлса ҳам Ўткир Комиловнинг шу кунгача даволанишига катта кўмак бўлди.

Яна бир илтимос ушбу постни имкон қадар бўлишсангиз. Аллоҳ барчангиздан рози бўлсин!🤲🤲🤲

Ўткир Комиловнинг онаси Муслима Комилованинг карта рақами:
8600061053537824”

Пост тугади.

Раҳматлик Бобур Комилов ҳақида аввал ёзгандим. Бир оиладан учинчи ўғилнинг бошига шу ёмон дард келди. Саховат қилиш имконингиз бўлса, аяманг, яхшилар.

@shahnozxon

uzdiplomat иқтибоси: 🖍

“Оммавий ахборот воситаларини ҳар томонлама қўллаб-қувватлаш давом эттирилиб, журналистларнинг эркин фаолият юритиши учун зарур шарт-шароитлар яратилади. Мен, ҳақиқат ва адолатни ўз эътиқоди деб биладиган барча журналистларни — ислоҳотларнинг фаол иштирокчилари, ўзимнинг энг яқин дўстларим деб биламан ва улар ҳамиша президент ҳимоясида бўлади".

ШАВКАТ МИРЗИЁЕВ,

Ўзбекистон Республикаси Президенти

2021 йил, сентябрь

Telegram | Instagram | You Tube | Facebook | X

Манучеҳр Мирзаев яна Эркинжон Турдимов билан ишлайди

Сирдарё вилояти ҳокимининг тегишли қарори билан Мирзаев Манучеҳр Бобораҳимович — Сирдарё вилояти ҳокимлиги ахборот хизмати раҳбари, вилоят ҳокимининг матбуот котиби, ахборот сиёсати масалалари бўйича маслаҳатчиси лавозимига тайинланди.

Манучеҳр Мирзаев Турдимовнинг энг ишонган кадрларидан саналади.

У Сурхондарё вилоятида Турдимов ҳокимлиги даврида, аниқроғи 2018 йилгача вилоят ҳокимлиги Ахборот-таҳлил гуруҳи етакчи мутахассиси сифатида фаолият олиб борган.

Турдимов Самарқандга ҳоким бўлганидан кейин бир муддат ўтиб, Мирзаев ҳам Вазирлар маҳкамаси ҳузуридаги Таълим сифатини назорат қилиш давлат инспекцияси Самарқанд ҳудудий бўлими бошлиғи бўлиб ишга ўтади. 2019 йилда бир муддат Самарқанд вилоят ҳокимлиги Ахборот-Таҳлил гуруҳи етакчи мутахассиси сифатида ишлаб, шу йилдан то ўтган ойгача Самарқанд вилояти ҳокимининг матбуот котиби - ахборот сиёсати масалалари бўйича маслаҳатчи лавозимида фаолият юритиб келаётган эди.

@jurnalistikauzbek

ДХХга тегишлилиги айтиладиган Хавфсизлик каналида бугундан яна хабарлар қўйила бошланди. Каналда ўтган йил 22 ноябрда сўнгги маълумот берилганди.

Хато қилган кимлардир ишга қайттимикан😁

@jurnalistikauzbek

МТРК раҳбарлари. Ким қаерга тайинланди?

- «Ўзбекистон 24” медиабирлашмасига Ҳайдар Ҳасанов,

- “Маърифат” ижодий бирлашмасига Воҳид Луқмонов,

- “Ёшлар” ижодий бирлашмасига Ҳусниддин Эргашев,

- “Спорт” ижодий бирлашмасига Зоҳид Каримов 3 ойлик синов муддати билан вақтинча директор вазифасини бажарувчи этиб тайинланган.

Қуйидагиларга ўринбосар вазифасини вақтинча бажариш топширилган:

- “Ўзбекистон 24” телеканалига Шунқор Чориев;

- “Маданият ва маърифат” телеканалига Ориф Аҳмедов;

- “Ўзбекистон” телеканалига Дилшод Файз

- “Наво” телеканалига Насриддин Асриддинов;

- “Ўзбекистон тарихи” телеканалига Алишер Шойимов;

- “Футбол TV” телеканалига Дармон Иброҳимов директор ўринбосари вазифасини вақтинча бажарувчи этиб тайинланган.

“Маҳалла” телерадиоканали эса молиявий мустақил ташкилот ҳисоблангани учун Давлат бюджети маблағлари ҳисобидан давлат буюртмасини бажариш шарти билан лойиҳавий молиялаштириш тизимига ўтказилган. Мазкур телеканал директори сифатида Икром Чориев тайинланди.

@jurnalistikauzbek

МТРКга хусусий каналлардан кадрлар раҳбарликка тайинланди

«Севимли», «Миллий», «Менинг Юртим» каналларида ишлаган Насриддин Асриддинов «Наво» каналига

Дилбар Раҳмонова Болажон каналига

«Менинг юртим» каналида ишлаб келган Дилшод Файз эса «Ўзбекистон» каналига раҳбарлик қилади.

@jurnalistikauzbek

МТРКда катта ўзгаришлар бўлаётгани айтилмоқда. Жумладан, телеканалларнинг бирига аёл киши раҳбар сифатида тайинланган.

Кўпчилик ахборот хизматлари вакиллари эса шу вақтгача mtrk.uz сифатида юритилиб келинган, лекин бир кун аввал O‘zbekiston24 деб ўзгартирилган телеграмм канал тақдиридан хавотирда.
- Бу каналда икки кундан буён ҳеч қандай пост қўйилмади, ваҳоланки барча телеканалларнинг материаллари қўйилиши биз учун жуда қулай эди, дейди улардан бири.

@jurnalistikauzbek

Наврўз Ризаев Сенатга матбуот котиби бўлди. 

Н. Ризаeв 1969 йил Самарқанд вилояти Ургут туманида туғилган. У “Қизил юлдуз” ордени, “Шуҳрат” медали, “Дўстлик” ордени билан мукофотланган.

Бир муддат Олий Мажлис Қуйи Палатаси ахборот хизматини бошқарган.

Шунингдек, Н.Ризаев Ўзбекистон Миллий телерадиокомпаниясида турли лавозимларда фаолият юритган. Айниқса, "Таҳлилнома" дастури орқали ҳам яхши таниш.

@jurnalistikauzbek

Рухсора Ғофурова иши ниҳоят тўғри "рельс" га тушди

МY5 канали мухбири Рухсора Ғофурова Жиззахдаги банк ходимасининг қилмишлари ҳақида тайёрлаган материали юзасидан банк ходимасига нисбатан Жиноят кодексининг 168-моддаси 3-қисми "в" банди, яъни хизмат мақеидан фойдаланган ҳолда фирибгарлик аломатлари билан жиноят иши қўзғатилган. Бу ҳақида адвокат Абдумалик Абдуллаев маълум қилди.

Дастлабки тергов Жиззах шаҳар ИИБ ҳузуридаги тергов бўлими томонидан олиб борилмоқда.

Аввалроқ Судьялар олий кенгаши томонидан билдирилган расмий муносабатда тарқалган хабар Кенгаш ҳузуридаги Судьялар одоб комиссиясида ўрганиб чиқилиши маълум қилинган эди.

Журналист Рухсора Ғофуровага нисбатан маъмурий иш қўзғатилмаган.

«Ниҳоят, йўналиш тўғри олинибди. Энди қолгани дастлабки тергов ва балки судда юзага чиқар», деб ёзади адвокат Абдумалик Абдуллаев.

@jurnalistikauzbek

#Вакансия

Яқинда ташкил этилган “pivot.uz” нашри журналист изламоқда

Агарда сизнинг иқтисодий материаллар, стартаплар ҳақида ёзиш тажрибангиз бўлса “Pivot.uz” жамоасига қўшилинг!

Талаблар:

— Ўзбек тилида юқори даражадаги саводхонлик;
— Ижтимоий тармоқ саҳифаларни юритиш тажрибаси;
— Таҳлилий мақолалар билан ишлаш кўникмаси;
— Креатив ғоялар бера олиш;
— Инглиз тилини билиш номзодга устунлик беради.

Шароитлар:

— Офисда 9:00дан 18:00гача офлайн иш;
— Иш учун керакли техника;
— Маош келишув асосида.

CVга камида 5 та мақолаларингизни илова қилган ҳолда мана бу манзилга юборинг:@pivotvc

@jurnalistikauzbek

Jurnalistni qonunbuzarlardan himoya qiling!

MY5 kanali muxbiri Ruxsora G‘ofurova Jizzaxdagi bank xodimasining firibgarligi yuzasidan material tayyorlagan. Jurnalistik surishtiruv jarayonida bank xodimasining fuqarolar nomiga kredit rasmiylashtirib, o‘zlashtirgani tilga olinadi.

Video lavhada tilga olingan qonunbuzarlikka oid hujjatlarni o‘rgandim va qonunga muvofiq, ko‘rsatuv efirga uzatilgach, xodimaga nisbatan darhol jinoyat ishi qo‘zg‘atilishi lozim edi. Chunki O‘zbekiston Respublikasi JPK talablariga ko‘ra, ommaviy axborot vositasining jinoyat haqida bergan xabari jinoyat ishi ochilishiga asos bo‘ladi.

Ammo teskarisi - bank xodimasining arizasiga ko‘ra Ruxsoraning o‘ziga nisbatan ma'muriy ish qo‘zg‘atilgan. Emishki, jurnalist bank xodimasining sha'n va qadr-qimmatini kamsitibdi hamda uning jinoyati haqida xabar berib, qonunbuzarlik sodir etibdi.

Hujjatlardan ko‘rinishicha, bank xodimasining o‘zga shaxslar nomiga olingan kreditining bir qismini uning eri - O‘zbekiston Respublikasi Oliy sudi sudyasi Sharofiddin Boliyev o‘z plastik kartasi orqali to‘lab kelgan. Sudya bu qonunbuzarlikdan xabardor bo‘lgan va qonunbuzar ayolini himoya qilgan. Katta ehtimol bilan jurnalistga hujum ortida ham janobning o‘zlari turibdi.

Qonun amal qilmaydigan jamiyatda bu kabi unsurga ajablanmayman. Bu jinoyatlarni Oliy sudning o‘zi qo‘llab-quvvatlasa ham hayratlanmayman - Jungli qonuni. Kimdir o‘zini Ruxsoraga hamkasb hisoblasa, birlashaylik, haq so‘zni himoya qilaylik. Advokat do‘stlarimiz, iltimos, yordam qo‘lini cho‘zing! Zo‘rovonlikka to‘qnashish hammamizning boshimizda borga o‘xshaydi.

@haqiqatdaIlyos

#Вакансия

Оператор ва монтажёр ишга олинади

Тажрибали, жамоада ишлаш қобилиятига эга ижодкор мутахассисларни ҳамкорликка таклиф қиламиз.

Маош суҳбат асосида келишилади!

Резюмеларингизни ушбу манзилга юборинг: @wellostylle

@jurnalistikauzbek

🎥Видеооператор-монтажёрга иш таклифи

PARADIGMA.UZ жамоаси ижодий қарашларга эга бўлган видеооператор-монтажёр излаяпти.

✅Номзодга талаблар:

- Локацияда ва студияда тасвирга олиш тажрибаси.

- Замонавий видео ва аудио ускуналар билан ишлаш кўникмаси.

- Ёруғлик, овоз сифати ва кадрларнинг ўзаро уйғунлигини таъминлаш.

- Adobe Premiere Pro, Adobe After Effects, DaVinci Resolve, Final Cut Pro каби видеомонтаж дастурларини пухта билиш.

- Adobe Audition ёки бошқа аудио таҳрир дастурлари орқали овозни қайта ишлаш.

- Колор-грейдинг: DaVinci Resolve ёки Adobe Premiere Pro’да профессионал даражада ранг коррекцияси қилиш.

✍Офис манзили: Тошкент шаҳри Навоий кўчаси 30-уй.

💻Иш вақти:                                                                                               
- Душанба – Жума: соат 09:00 дан 18:00 гача.
- Шанба куни: соат 09:00 дан 14:00 гача.

❗️ Резюме ва портфолиоини қуйидаги электрон почта манзилига юборинг: [email protected]

@jurnalistikauzbek

⚡Ўзбекистон Президенти Матбуот хизматида янгилик:

Президент суратларига қўйиладиган логолардан воз кечилди

Президент Матбуот хизмати Давлат раҳбари фаолиятига оид суратларда ўзининг "Ўзбекистон Республикаси Президентининг Матбуот хизмати" номи остидаги логотипини муҳрлашни тўхтатди.

Бунгача ушбу логотип Давлат раҳбарининг суратларида доимий равишда акс этар эди.

Бу логолар аслида собиқ матбуот хизмати раҳбари Комил Алламжонов даврида амалиётга киритилган.

Одатда жаҳон амалиётида бундай суратлар халқ мулки ҳисоблангани учун унга ҳеч қандай белгилар ишлатилмайди. Нима учундир бизда бюджетдан ҳақ олиб, халқ учун ишлаши керак бўлган амалдорлар шу вақтгача давлат раҳбари суратларига ҳам эгалик қилишган ва уни махсус белги билан муҳрлаб монополлаштириб олишган эди.

Кейинчалик бу нотўғри амалиётни Ўзбекистонинг бошқа давлат ташкилотлари, ҳокимлик ва вазирликлар ҳам қўллай бошлаган.

Ўйлаймизки, энди улар ҳам бу муҳрлардан бирин-кетин воз кечишади. Агар шу халқ учун ишлаётан бўлса.

Telegram | Instagram | You Tube | Facebook | X

❗️Бухоро вилоятидаги журналистлар диққатига!

Сизни “ОАВ ходимларини киберхавфсизлик ва виртуал инструментлардан фойдаланиш кўникмаларини ошириш масалалари” мавзусидаги тренингга таклиф этамиз.

✍Тренинг санаси:

4-5 Февраль

✅Ташкилотчилар- Журналистларни қайта тайёрлаш маркази «Чегарасиз мухбирлар» халқаро ташкилоти кўмагида

💻Тренинг дастурида:

Киберхавфсизликнинг ҳуқуқий ва амалий жиҳатлари

Рақамли трансформация ва ОАВга таъсири

Журналистларнинг хавфсизлиги ва рақамли зўравонликка қарши чоралар

Сунъий интеллект воситалари ва улардан самарали фойдаланиш каби мавзуларни қамраб олади

🛑Тренингда иштирок этиш учун қуйидаги ҳавола орқали олдиндан рўйхатдан ўтиш зарур.

Рўйхатдан ўтиш учун ҳавола:

https://forms.gle/KEfvtigF5L1hTCi56

👩‍💻Келинг, биргаликда рақамли хавфсизлик кўникмаларимизни оширайлик!

@jurnalistikauzbek

Қизиқ ишлар бўляпти. Назоратуз деган ОАВ бор. Бир нечта журналистлар фаолият юритади. Суриштирувлар қилади. Ичларидан Отабек Машраповни танийман холос. Олдинроқ "ГАИ"лар темасида фаол эди. Бир неча кундан бери Отабек ака ҳам, назоратузчиларам йўқ.

Телеграм каналидаги мурожаат ботига ёздим, улар қаерда экани ҳақида маълумот ололмадим. Отабек аканинг инстаграмига ёздим, ҳалиям жимлик. Таниш блогерлардан суриштирсамам тайинли жавоб ололмадим. Ижтимоий тармоқлардаги саҳифаларига 19-20 декабрлардан бери хабар, видеолар қўйилмаган.

Бир укамиз "назоратузчилар Тошкентдаги бир қанча лавашхоналарда текширувлар ўтказиб юришганди. Бирор муаммо бўлдимикин? Policeuz деган телеграм канал нимагадир имо қиляпти" деб ёзди. Нима дейишгаям ҳайронман.

Катта давлатда журналист ва блогерларнинг ғойиб бўлиши, у ҳақда тайинли маълумот ололмаслик жуда ғалати. Расмий ташкилотлардан бу масалада муносабат кутамиз. Жамоатчилик фаоли сифатида бу масалага диққат қаратишларини сўраб қоламиз. Улар қаерда?

👉 @Zafarbek_Solijonov

⚡️Республиканинг етакчи нашрлари 2025 йилда қанча нусхада чоп этилмоқда?

РЎЙХАТ ЭЪЛОН ҚИЛИНАДИ:

Ҳозирда Ўзбекистон ОАВ орасида энг кўп нусхада чоп этилаётган нашрлар — "Postda", "Yangi O‘zbekiston", "Ishonch" ва "Vatanparvar" газеталари бўлиб турибди.

2025 йилнинг 9 январь ҳолатига кўра:

➖ "Postda" - 46285 нусха;

➖ "Yangi O‘zbekiston" - 38993 нусха;

➖ "Ishonch" - 32 360 нусха;

➖ "Vatanparvar" - 31 642 нусха;

➖ "Xalq so‘zi" - 12 620 нусха;

➖ "Jadid" - 12 569 нусха;

➖ "Yoshlar ovozi" — 10385 нусха;

➖ "Mahalla" - 7 950 нусха;

➖ "XXI asr" - 5330 нусха;

➖ "Hurriyat" - 4 034 нусха;

➖ "Нурлы жол" - 3678 нусха;

➖ "Ma'rifat" — 3700 нусха;

➖ "Milliy Tiklanish" - 3060 нусха;

➖ "Народное слово" - 3 305 нусха;

➖ "Adolat" - 3004 нусха;

➖ "Ishonch - Доверие" - 2475 нусха;

➖ "O'zbekiston ovozi" — 1700 нусха;

➖ "Правда Востока" — 1097 нусхада нашр қилинмоқда.

Telegram | Instagram | You Tube | Facebook | X

🧐Гулноза Алимова Халқ банкининг ахборот хизмати раҳбари лавозимидан кетибди...

Халқ банки учун катта йўқотиш!

Мен айнан ПР ишларини доим кузатиб, тадқиқ қилиб бораман. Ва бемалол айта оламанки Гулнозанинг раҳбарлигида банкнинг ахборий-ижтимоий майдонлардаги фаолияти бутунлай бошқача тус олди.

Гулноза Алимова келгунгача Халқ банки кўпчилик учун ўз иш услуби ва хизмат сифати билан танқид қилинадиган тузилма эди. Айримлар ҳатто уни пенсияни ҳам эплаб тарқатолмаётган “энг ёмон банклардан бири” деб ҳисобларди. Лекин Алимова иш бошлаганидан кейин банкнинг ижобий имиджи шаклланди, жамоатчилик фикри сезиларли даражада ўзгарди.

Банклар учун жамоатчилик билан муносабатлар ва ишончли имидж яратиш ўта муҳим. Бундай натижалар эса фақат малакали профессионаллар орқали қўлга киритилади.

Креатив ёндашувга эга Гулноза Алимованинг бошқа бунданам яхши жойларда энг керакли кадр бўлиб ишлаб кетишига ишонаман, лекин Халқ банки учун бу чинакам йўқотиш бўлди. Бундай мутахассисни топа олишмайди ҳали бери.

@jurnalistikauzbek

❗️Жиззах вилоятидаги журналистлар диққатига!

Сизни “ОАВ ходимларини киберхавфсизлик ва виртуал инструментлардан фойдаланиш кўникмаларини ошириш масалалари” мавзусидаги тренингга таклиф этамиз.

✍Тренинг жойи ва санаси:

«БМБ Зафарон» меҳмонхонаси, 15-16 январь

✅Ташкилотчилар- Журналистларни қайта тайёрлаш маркази «Чегарасиз мухбирлар» халқаро ташкилоти кўмагида

💻Тренинг дастурида:

Киберхавфсизликнинг ҳуқуқий ва амалий жиҳатлари

Рақамли трансформация ва ОАВга таъсири

Журналистларнинг хавфсизлиги ва рақамли зўравонликка қарши чоралар

Сунъий интеллект воситалари ва улардан самарали фойдаланиш каби мавзуларни қамраб олади

🛑Тренингда иштирок этиш учун қуйидаги ҳавола орқали олдиндан рўйхатдан ўтиш зарур.

Рўйхатдан ўтиш учун ҳавола:

https://forms.gle/6tsvYaFfLdLS5SUv9

👩‍💻Келинг, биргаликда рақамли хавфсизлик кўникмаларимизни оширайлик!

@jurnalistikauzbek

Internetning o‘zbek segmentiga ham zarur tozalanish haqida


Dekabr oyida ijtimoiy tarmoqning qozoq segmentida yangi trend ommalashdi: kuzatuvchilar jamiyat uchun foyda keltirmaydigan blogerlar va mashhur shaxslardan obunani bekor qila boshladi.

G‘oya ko‘plab shikoyatlar fonida paydo bo‘ldi. Unda inflyuenserlar faqat o‘zlarining qimmatbaho hayot tarzlarini namoyish etishga e’tibor qaratayotgani qayd etilgan. Foydalanuvchilarning fikriga ko‘ra, bu voqelikni qabul qilishga salbiy ta’sir ko‘rsatadi. Qozog‘istonliklarning aytishicha, bunday postlar hasad, ishonchsizlik va hatto oilaviy nizolarni keltirib chiqaradi.

“Ularning maqsadi faqat pul topish. Ular o‘zlarining bezakli fotosuratlari va hech qanday qimmatga ega bo‘lmagan reklama bilan xalqni buzyapti”, – deb yozadi muhokama ishtirokchilari.

Trend tashabbuskorlari ta’limga oid, ijtimoiy yoki madaniy kontent yaratayotganlarni qo‘llab-quvvatlashga e’tibor qaratishni taklif qilmoqda. Ularga ko‘ra, bu axborot muhitini yaxshilash va jamiyatga bo‘lgan salbiy ta’sirni kamaytirishga yordam beradi.

Shu kunlarda “G‘ayrat Do‘stov ishi” atrofida ro‘y bergan axborot urushi, ishni yoritgan faollar, jurnalistlarga nisbatan boshlangan nohalol kiber shantajlar ko‘rsatdiki, tarmoqning o‘zbek segmenti ham Qozog‘istonda bo‘lgani kabi jiddiy tozalanishlarga muhtoj.

O‘zbekistonda katta xatarga aylangan va oqibatsiz qolayotgan vaziyat haqida

Bugun ijtimoiy tarmoqlarning o‘zbek segmenti egasi noma’lum, faoliyati esa jamoatchilik faollari, jurnalist va blogerlarga tosh otish, ularni obro‘sizlantirish, shu orqali jamiyatda qo‘rquv, mediada o‘zaro shubha va birlashmaslik muhitini ushlab turish bo‘lgan troll sahifalarga to‘lib toshgan.

Bunday sahifalar boshqaruvdagi ba’zi kuch va shaxslarga xizmat qilib, ular jamiyatda xur fikr, erkin so‘z aytish muhiti rivojlanishiga qarshi kimsalardir. Ular shuningdek, ijtimoiy tarmoq foydalanuvchilari joylayotgan surat, post va videolarni kuzatib borib, ularni o‘ziga kerakli vaqtda muallifga qarshi “kompromat” sifatida ishlatmoqda. Tahdid, haqorat va kiber shantajlar tufayli hatto tarmoqlardan foydalanish xavotiri avj olgan. Masalan, ochiq ma’lumotlarga ko‘ra, bugunga qadar yuzlab faol, jurnalist va blogerlar shu kabi shantaj, tahdid, tuhmat va haqoratlarga duch kelgan. Afsuski, bunday xatarlarga qarshi kurashishi kerak bo‘lgan tashkilotlar – huquq organlariga kiritilgan ariza va qilinayotgan ommaviy murojaatlar natijasiz qolmoqda.

Nima qilmoq kerak?

O‘zingizga ma’lum va sizda shubha uyg‘otgan akkauntlarni bloklang, kanallariga a’zo bo‘lsangiz, tark eting. Siz shu orqali kiber shantajchilarning maqsadi jamiyatda keng yoyilishiga eng kamida xizmat qilmaysiz. O‘zingizni ham himoyalaysiz.

Troll sahifalarda ulashilayotgan postlarga like bosmaslik, ularning yozganini ulashmaslik bu – targ‘ibotda ishtirokchi bo‘lmaslik degani emas. Troll akkauntlar bilan do‘stligingizning o‘zi sizni siz istamagan tarzda targ‘ibotchiga aylantiradi. Avvalo ularning sahifasi va kanalida obunachi soni o‘sishiga hissa qo‘shasiz, ikkinchidan, bunday sahifalarni doimiy tarzda kuzatish sizni ular istagan yolg‘on axborot, buzuqlik, qo‘rquv va shubhalar ta’siriga tushiradi. Bundan tashqari, turli masalalarda jamoatchilik fikri o‘rganilarkan, siz troll kanallar va ular targ‘ib qilayotgan tashabbuslar tarafdori sifatida ko‘rilasiz.

Xulosa va chorlov

Axborot asrida kishiga axborot olish, qidirish va saralash savodxonligi – ijtimoiy tarmoqlar gigiyenasi juda zarur. Shunday ekan, muallifi no’malum, maqsadi esa jamiyatni parchalash va qo‘rquvda ushlashdan iborat sahifalarni shunchaki bloklang, tark eting.

Foydalanyotgan sahifalaringizni trollardan toza tuting. Siz orqali jirkanch maqsadlarini keng yoyishlariga yo‘l qo‘ymang. Ularga qarshi kurashning hozircha samarali uslubi ularni kuzatmaslik, obunachisi bo’lmaslik.

Unutmang, maqsadi ezgu inson noma’lum sahifalar ortiga berkinmaydi. Hamkasblar va tarmoq faollarini ham ushbu harakatni qo‘llab-quvvatlash va ommalashtirishga chaqiraman!

@haqiqatdaIlyos

❗️Ишга қабул:

Давлат ташкилотига қуйидаги йўналишлар бўйича малакали, креатив фикровчи фаол ходимлар ишга олинади:

1. Оператор/монтажер

➖Видеога олиш ва ишлов бериш.

➖Креатив фикрлаш

➖Монтаж дастурларида ишлаш кўникмаси талаб этилади.

2. Дизайнер/графист

График ва визуал материалларни ишлаб чиқиш.

➖Adobe Photoshop, Illustrator каби дастурлардан мукаммал фойдаланиш.

3. Копирайтер

➖ Ижтимоий тармоқлар учун матнлар ёзиш.

➖ оригинал контент яратиш.

Ўзбек ва рус тилларида ёзув маҳоратларига эга бўлиш.

4. Контент-менеджер

➖Сайт ва ижтимоий тармоқлар учун контент яратиш ва назорат қилиш.

➖Трендлардан хабардор бўлиш ва уларга мос ишлаш.

➖SEO асосларини тушуниш афзаллик беради.

👩‍🏫Сизнинг қандай имкониятларингиз бўлади?

➖Янги, қизиқарли лойиҳаларда қатнашиш.

➖Рақобатбардош маош ва ривожланиш имкониятлари.

Резюмени юбориш учун ҳавола:

Ҳаволани очинг ва резюмени юборинг

🕰 Мурожаат учун сўнгги муддат: 10 январь!

Жамоамизга қўшилишга шошилинг!

@jurnalistikauzbek

«Газета.uz» жамоаси Instagram муҳарририни изламоқда

Агарда сизнинг янги форматдаги медиалар билан ишлашда тажрибангиз бўлса ва аудитория учун фойдали материаллар устида ишламоқчи бўлсангиз, «Газета.uz» ўзбек таҳририятининг жамоасига Instagram муҳаррири сифатида қўшилиш учун ариза юборинг!

Талаблар:
— Ўзбек тилида юқори даражадаги саводхонлик (ёзма ва оғзаки);
— Instagram саҳифаларини юритиш тажрибаси (аниқ кейслар мисолида);
— Capcut иловасида ишлаш кўникмалари;
— Figma билан ишлаш кўникмалари ёки ўрганишга тайёрлик;
— Янги ғояларга, форматларга очиқлик;
— Ташаббускорлик.

Шароитлар:
— Офисда иш (гибрид формат ҳам кўриб чиқилади);
— Иш учун керакли техника;
— Маош келишув асосида.

Ариза қолдириш: https://forms.gle/NimnjKYxrm2cg46g7

Бир неча саволлар туғилади:

- Журналист ва блогерлар кўп қатнашиши аниқ бўлган бундай резонансли суд учун каттароқ жой танланса нима бўларди?

- Суд жараёнига бориб, залга киритилмаган ОАВ вакилларининг айби нима? Нега улар бошқаларнинг логолари билан ёритишга мажбур?

- Олий суд матбуот хизмати суддан тўғридан тўғри транслация ёки ҳеч бўлмаса қисқа видеоларни каналига қўйиб боришга имконияти (салоҳияти) йўқми?

@jurnalistikauzbek

Ғайрат Дўстовнинг суди бошланган ва фақат 4 та ОАВ киритилган. Қолган журналист ва блогерлар киритилмаган.

- Судгача бўлган вақтда ўзаро келишиб олгандик, киритса ҳаммани киритсин, бўлмаса ёритишга кирмаймиз, деб, дейди ижодкорлардан бири.

Журналистик солидарность ва сенсация турганда, менимча кўпчилик иккинчисини танлайди. Сиз қайсиниси танлаган бўлардингиз?

@jurnalistikauzbek

❗️Ахборот хизматига ишга таклиф этамиз

Олий таълим муассасасига видеограф ишга қабул қилинади.

Иш берувчи талаблари:

✔️ операторлик кўникмаси;

✔️ олий маълумот

✔️ ижодий фикрлаш

✔️видео монтаж бўйича камида 1 йиллик тажриба

Маош: 5-7 миллион сўм

Мурожаат: @shaxulyaxonim

Манзил: Яккасарой тумани

@jurnalistikauzbek

🔴Сенатор: “матбуот котиблари мавқеи сақлаб қолинди, энди улардан фаолроқ бўлишни кутиб қоламиз”

Uzdiplomat томонидан кўтарилган муаммо бир кунда ҳал этилди

Матбуот котиблари мавқеи ва маошини пасайтириш тўғрисидаги қарор лойиҳаси бекор қилинган. Бу ҳақида сенатор Хусан Эрматов uzdiplomat’га маълум қилди.

Uzdiplomat матбуот котибларининг мавқеи ва маоши пасайтирилиши ҳақида хабар берган эди. Бугун сенатор Хусан Эрматов матбуот котиблари даражаси ва маоши ўзгармай қолдирилганини ва қарор бекор бўлганини айтди. Унга кўра, матбуот котиблари ва уларнинг маоши ўз ўрнида қолади. Шунингдек, сенатор улардан очиқроқ, фаолроқ ва жонкуярроқ бўлишни сўрамоқда.

Эслатма, куни кеча Ўзбекистон Республикасининг “2025 йил учун Ўзбекистон Республикасининг Давлат бюджети тўғрисида”ги Қонуни ижросини таъминлаш чора-тадбирлари тўғрисида"ги қарор лойиҳасига кўра матбуот котиблари ахборот сиёсати масалалари бўйича раҳбарнинг маслаҳатчиси мақомига эга бўлиши ҳамда меҳнатга ҳақ тўлаш шартларига кўра давлат органлари ва ташкилотларининг марказий аппаратларида департамент бошлиғига, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларида котибият мудирига ҳамда туман (шаҳар)ҳокимликлари тузилмаларида гуруҳ раҳбарига тенглаштирилиши маълум қилинган эди.

Telegram | Instagram |  You Tube | Facebook | X

Барча матбуот котибларининг мавқеи туширилмоқда

Ўз навбатида ойлик маошлари ҳам пасайтирилади.

Маълумки, матбуот котибларининг мавқеи раҳбар ўринбосари даражасига тенглаштирилган эди, эндиликда эса улар департамент раҳбари, бўлим бошлиғи, котибият мудири, гуруҳ раҳбари даражасига туширилмоқда.

Ўзбекистон Республикаси Президентининг 27.06.2019 йилдаги ПҚ-4366-сон қарорига мувофиқ давлат органлари ва ташкилотлари ахборот хизматлари раҳбарлари бир вақтнинг ўзида давлат органи ва ташкилоти раҳбарининг матбуот котиби ҳисобланиб, ахборот сиёсати масалалари бўйича раҳбарнинг маслаҳатчиси мақомига эга бўлади ҳамда меҳнатга ҳақ тўлаш, тиббий ва транспорт хизмати кўрсатиш шартларига кўра давлат органи ва ташкилоти раҳбарининг ўринбосарига тенглаштирилган эди.

Эндиликда эса ушбу мақом ўзгартирилмоқда. Яъни бир вақтнинг ўзида давлат органи ва ташкилоти раҳбарининг матбуот котиби ҳисобланиб, ахборот сиёсати масалалари бўйича раҳбарнинг маслаҳатчиси мақомига эга бўлади ҳамда меҳнатга ҳақ тўлаш шартларига кўра давлат органлари ва ташкилотларининг марказий аппаратларида департамент бошлиғига, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларида котибият мудирига ҳамда туман (шаҳар)ҳокимликлари тузилмаларида гуруҳ раҳбарига тенглаштирилади.

Бу ҳақда Ўзбекистон Республикасининг “2025 йил учун Ўзбекистон Республикасининг Давлат бюджети тўғрисида”ги Қонуни ижросини таъминлаш чора-тадбирлари тўғрисида"ги қарор лойиҳасида келтирилган.

Telegram | Instagram |  You Tube | Facebook | X

E’tibor berdingizmi, oxirgi ikki yilda amaldorlarning AOKA degan tashkilot binosida turib jurnalistlar qarshisiga chiqishi va umuman, xalq oldida hisob berib, savollarga javob qaytarish amaliyoti deyarli to’xtab qoldi. Men bundan shunday xulosa qilaman: hukumat OAV va xalq bilan muloqotning eng muhim bosqichiga chiqa olmadi. Unda yo potensial tugadi va yoki aslida ham barchasi shu yergacha reja qilingan bo’lgan.

Shu kabi muloqotlarni to’xtatganlar bilishi kerakki, qancha bahsli, qancha tanqidli bo’lmasin, jurnalistlar hukumat qilayotgan barcha ish va islohotlarga ayni shu savol-javoblar orqali baho berayotgandi.

Hammasini yopish, to’xtatish amaliyoti vaqtincha xotirjamlik berishi mumkin, ammo unutmang, kelgusida “yopiq qozon” ichida to’planadigan zararli bug’ sizga ko’p muammolar keltirishi aniq.

@haqiqatdaIlyos

Яхши хабар! Отабек Бакиров устидан жиноят иши қўзғатиш рад этилди!

Тошкент шаҳар Ички ишлар бош бошқармаси фуқаро Отабек Бакировнинг устидан жиноят иши қўзғатишни рад этиш тўғрисида қарор қабул қилди.
Жамоатчилик фаолига нисбатан Ўзбекистон энергетика вазири Жўрабек Мирзамаҳмудов ариза берган, вазир уни ҳақорат ва обрўсизлантиришда айблаган эди.

Бакировнинг маълум қилишича, ИИББ қарорига АОКАнинг вазир берган аризада кўрсатилган важлар мавжуд эмаслиги ҳақида тегишли экспертиза хулосаси ва шикоятга сабаб бўлган пост ёзилганига 1,5 йилдан кўп вақт ўтгани асос қилиб кўрсатилган.

“Ички ишлар органларига мазкур иш юзасидан ўтказилган тезкор суриштирув ва ҳаракатлар учун фуқаровий ташаккур билдираман”, – деган Бакиров.

Эслатиб ўтамиз, Энергетика вазирлиги раҳбарининг шикоятига Бакировнинг 2023 йил ёзида ўз каналида эълон қилган пости сабаб бўлган.

Унда Тошкент шаҳри Сағбон подстанциясидаги серияли авариялар ва таъмирлаш ишлари ҳақида сўз борган.

@jurnalistikauzbek

❗️Немис тилини биладиган журналистларга зўр имконият!

✅Ёзги академия Осткурс 2025 учун аризалар қабул қилинмоқда!

Осткурс 2025 Марказий Осиё ва Шарқий Европадан келган немис тилида сўзлашувчи ёш журналистларга Мюнхендаги уч ҳафталик ёзги академияда журналистик таълимни давом эттириш ва янги алоқалар ўрнатиш имкониятини тақдим этади.

📆Давомийлиги: 2025 йил 6–25 июль, Мюнхенда.

🧷Мақсадли аудитория:

Немис тилида гаплашувчи 19–32 ёшдаги Марказий Осиё ва Шарқий Европа журналистлари.

🔖Дастур мазмуни:

Журналистика жанрлари, онлайн-қидирув, мобил репортажлар, ТВ-интервьюлар.

🗳Ариза топширишнинг сўнгги куни:

2025 йил 15 февраль (онлайн ариза, таржимаи ҳол ва мотивацион мактуб билан).

💶Иштирок тўлови: 150 € (Европа) ёки 120 € (Европадан ташқаридагилар);

🪩йўл харажатлари учун субсидия мавжуд.

🌐 Батафсил маълумот!

@jurnalistikauzbek

«Нурафшон» телекaналининг директори Қонунчилик палатасига матбуот котиби бўлди

Самадов Ғуломжон Хурсандович Олий Мажлис Қонунчилик палатаси Матбуот хизмати раҳбари этиб тайинланди.

Самадов «Нурафшон» телеканали директори сифатидаги фаолиятини сентябрь ойида бошлаганди.

Бунга қадар эса Президент администрациясида масъул лавозимда ишлаб келаётган эди.

Ғулом Самадов турли йилларда МТРК тизимидаги телеканалларда, жумладан Халқаро пресс-клуб шарҳловчиси сифатида ишлаган.

@jurnalistikauzbek

👩‍💻Сўз усталарини излаяпмиз!

Агар  ғояларни кишини жалб этувчи, илҳомлантирувчи ва харидоргир  матнларга айлантира олсангиз, унда бизда  сизнинг орзуингиздаги иш бор!

TBC Group Uzbekistan қисқа форматлар: пуш хабарномалар, SMS,  рекламалар тайёрлаш учун  креатив  копирайтер қидирмоқда.
 
❗️Қўйиладиган  талаблар:

— матн билан тез ва аниқ ишлаш қобилияти;

— тил билиш (рус ва ўзбек тилларида маҳорат билан ишлай олиш);

— жамоавий ишлашга  муҳаббат ва  дедлайнларга (ишларни ўз муддатида топшириш) масъулият.

Сизни  барча қулайликларга эга офис, жамоанинг қўллаб-қувватлаши,  рақобатбардош маош ва ривожланиш кутмоқда! 

Бизнинг креатив жамоамизга қўшилмоқчи бўлсангиз ёзинг.

📌Тўлиқ  иш куни  офисда  расмий жадвал асосида  10:00-19:00 гача  давом этади.

📲Агар сизга иш формати маъқул келган бўлса, қуидаги ҳавола орқали мурожаат этинг!

https://t.me/Sayyora_TBCxPayme

@jurnalistikauzbek

13, жума

Энергетика вазири Жўрабек Мирзамаҳмудов машҳур Сағбон подстанцияга оид мана бу постдаги чиқиш бўйича устимдан Прокуратура ва ИИВга шикоят аризаси киритган.

Вазир Мирзамаҳмудовга кўра, пост мундарижасида ҳақорат ва обрўсизлантириш ҳолатлари мавжуд ва бу бўйича менга нисбатан тегишли тартибда чора кўрилиши лозим.

Қизиқ тарафи, қачондир ҳайкал қўйиладиган Сағбон подстанцияси билан боғлиқ сурункали муаммо ёритилган пост 2023 йил 5 июнда ёки 1 йилу 7 ой аввал ёзилган. Мирзамаҳмудов органларга шикоят аризасини 2024 йил 10 октябрда, яъни бир йилу 4 ой ўтиб тақдим этмоқда.

Унданам қизиғи, вазир Мирзамаҳмудов аризасини Lolazor меҳмони бўлгач, 6 кун ўтиб қолдирган.

Яна бир қизиқ факт, адашмасам, Lolazor’нинг биринчи сонидан кейин энергетикларнинг таклифи билан (вазир келади дейишганди) тинимсиз таъмирланаётган Сағбон подстанциясига ҳам боргандик ва кичик репортаж ҳам уюштиргандик.

Нима бўлгандаям, ўшандан кейин бизнинг Тошкент тумани Сағбондан узилган ва электр энергиясини бошқа, туманимиздаги подстанциялардан олмоқдамиз.

Шикоят аризаси фуқаро Мирзамаҳмудов тарафидан эмас, вазир Мирзамаҳмудов томонидан киритилган. Ариза ҳозирда пойтахт ИИБ Киберхавфсизлик бўлинмаси томонидан ўрганилмоқда.

🧑‍🏫Африка ҳаётини ёритмоқчимисиз?

🧑‍🔬Соғлиқни сақлаш муаммоларига қизиққан журналистлар барча харажатлари тўланадиган саёҳатга ариза топширишлари мумкин.

БМТ жамғармаси полиомиелитни йўқ қилишга бағишланган пресс-турда иштирок этиш учун аризаларни қабул қилмоқда.

Танланган журналистлар полиомиелитга қарши виртуал тренингда қатнашадилар ва полиомиелитга қарши кураш энг долзарб бўлган мамлакатга саёҳат қилишлари учун пул оладилар. Чад, Конго Демократик Республикаси, Нигерия, Эфиопия, Нигер, Мадагаскар ва Мозамбик каби мамлакатлардан бирига саёҳат қилишни истаган журналистларга устунлик берилади.

Аризалар бутун дунё бўйлаб журналистлардан қабул қилинади. Молиялаштириш миқдори бир киши учун 10 000 долларгача.

✅Ҳужжат топширишнинг сўнгги куни: 2025 йил 3 январь!

Батафсил маълумот инглиз тилида👇
https://unfoundation.org/media/call-for-applications-2025-united-nations-foundation-polio-press-fellowship-for-individual-reporting-to-africa/


@jurnalistikauzbek

❗️Маҳаллий ОАВ таҳририятларига грант олиш учун ажойиб имконият!

✅Ўзбекистон ОАВ таҳририятлари ўртасида Медиахакатон-2025да иштирок этиш учун танлов эълон қилинди.

💵 Медиа-лойиҳаларни амалга ошириш ва узоқ муддатли мураббийлик учун 8 минг АҚШ доллари миқдоридаги грантни олиш учун Медиахакатон-2025 мусобақасида танлаб олинган 10 та жамоа иштирок этади.

🎙Медиахакатон-2025да
2 йилдан 5 йилгача иш тажрибасига эга бўлган Ўзбекистонда рўйхатдан ўтган онлайн ОАВ таҳририятлари (юридик шахсни рўйхатдан ўтказишнинг ҳар қандай шакли) (ЯТТ ва хорижий ОАВ кўриб чиқилмайди) иштирок эта олади

🪪 Аризалар 4 кишидан иборат жамоалардан қабул қилинади.

📆 Тадбир 2025 йил 17-21 февраль (5 кун) кунлари бўлиб ўтади.

📨5 кун давомида иштирокчилар гендер тенглик, экология ва ижтимоий муаммолар мавзусида медиалойиҳалар ишлаб чиқадилар.

Иштирок этиш учун қуйидаги ҳаволада ариза тўлдиринг: https://forms.gle/dwU9VbgtLCT2Jjpu5

📌Ариза топширишнинг охирги муддати: 18.12.2024 г.

@jurnalistikauzbek

Ночор ахборот сиёсати ва "Азизов иши"

Президент маъмуриятидаги бу ўзгаришдаги айрим нуқталар ахборот сиёсатимизда ғалати тенденциялар шаклланганига билинар-билинмас ишора қилгандай бўлди. Масалан, Президентнинг фармони асос қилиб олинган ушбу хабарларда ДХХнинг собиқ раиси А.Азизовнинг Ўзбекистон Республикаси Президентининг ижтимоий-сиёсий, диний-маърифий ва ёшлар масалалари бўйича маслаҳатчисининг ёшлар масалалари бўйича ўринбосари лавозимига тайинлангани келтирилган.

Албатта, бу нормал ҳолат. Аммо "Азизов иши"даги эриш ҳолат шундайки, унинг ДХХдан кетиш жараёни кўпчилик (мен маҳаллий ОАВни назарда тутяпман), энг қизиғи, катта нуфуз ва аудиторияга эга бўлган ахборот манбаларида ўта совуқ "подача" – ҳайдалди, дега ҳукмнома сўз билан хулосаланди.

Биламизки, "ҳайдалди" феъли айни матн ва воқеага ннисбатан қўлланилганда камситиш, ерга уриш маъносини кўпроқ беради. Бундай пайтларда бизда одатда "ишдан олинди" калимаси кўпроқ қўлланар ва бу "нормал" ҳисобланарди. Аммо "ҳайдалди"...

Қизиғи, биз маданий деб ўрганиб қолган интернет нашрларимизда бундай "нафрат тили"нинг пайдо бўлишига нима сабаб бўлган, тушуниш қийин.

Бундан ҳам қийини, юқори мартабали давлат мулозимига кўрсатилган бундай "эътибор"га ҳеч ким эътироз қилмади. Бунга, биринчи навбатда, АОКА муносабат билдириши керак эди, назаримизда. Аммо улар жим туришди.

Кеча Азизовнинг юқори лавозимга тайинланиши эса унинг "ҳайдалмагани"ни исботлади. Очиғи, Азизовни кўпчилик Президент командасидаги энг садоқатли, бундан ҳам муҳимроғи, зиёли, дунёқараши кенг кадр сифатида билади.

Хуллас, бир нарса тобора ойдинлашиб бормоқдаки, бизда ахборот макони секин-аста монополлашиб бораётгадек. Кимлардир унинг кучидан ўз манфаатлари йўлида калтак сифатида фойдаланаётгандек...

Давлатнинг ахборот сиёсати, позицияси мавҳумлиги туфайли бу маконда соҳага умуман алоқаси бўлмаган, умрида бир энлик матн ёзиб кўрмаган, матбуотнинг кучини ҳатто тасаввур ҳам қила олмайдиган кадрлар майдонга келди.

Минг афсуски, бундай "менежер"лар кўпчилик ҳолларда журналистикани блогерлик, деб тушунишмоқда. Ташқи ахборот хуружлари, глобал хабарлар ва мафкуралар экспансиясига қарши туриш чоралари, минтақадаги ахборот маконида миллий салмоқ пайдо қилиш, ОАВ дан юмшоқ куч сифатида фойдаланиш, деган тушунчалар ҳақида ҳали на улар, нада бошқалар ҳали-ҳамон ўйламаётган кўринади. Холбуки, биз ахборот асри, маданиятлар қоришиб кетаётган глобал асрга кирганимизга анча бўлди.

Бизнинг назаримизда, давлатимиз ахборот сиёсати концепцияси (агар у бўлса)ни қайта кўриши ва бугунги дунё стандартлари даражасига мослаштириши зарур. Ахборот сиёсатини телефон орқали бошқариш формати бугун иш бермаслиги тобора равшанлашаётган бир пайтда, албатта, бунга жиддий қарашимиз керак бўлади.

@platformauzb

Ўзбекистонда рекламага бу йил салкам ярим миллиард доллар сарфланди

2024 йилда Ўзбекистонда рекламага сарфланган маблағ $481,5 миллионни ташкил этди. Бу ҳақда Курсив Статистага таяниб, хабар берди.

Ўзбекистон реклама харажатлари бўйича МДҲда тўртинчи ўриндан жой олди.

Биринчи ўринда — Россия бу йил режалаштирилган харажатлар $10 миллиарддан ошган. Қозоғистон $777,7 млн билан ушбу рўйхатда иккинчи ўринда. Учинчи ўриндан урушга қарамай Украина реклама харажатларининг юқори даражасини сақлаб қолмоқда — $683,6 млн.

Марказий Осиё давлатлари орасида Ўзбекистондан кейинги ўринда Туркманистон бўлиб, мамлакат реклама харажатларига $156,6 миллион сарфлаган.

Telegram | Instagram |  You Tube | Facebook | X           

Экология ва Иқлим ўзгариши мавзусида мақола, ҳикоя ва репортажлар тайёрловчи ҳамкасблар учун стипендия дастури.
Ҳар бир материал учун 600 евро гонорар олиш имконияти бор. Дастур Марказий Осиё мамлакатлари учун мўлжалланган. Инглиз тилида қуйидаги ҳавола орқали анкета тўлдириш керак бўлади:

https://forms.gle/2DtQ91VHemdJfr8VA

@jurnalistikauzbek

Жуда яхши ролик олинибди. Кучли инсонлар зўравонлик қилишмайди! Кучли инсонлар зўравонликка қарши курашишади! Аёллар учун энг ҳақоратли иш уларга қўл кўтарилиши, буни улар унутолмайдилар, кечирмайдилар...

@jurnalistikauzbek

Олдинги постлардан норози матбуот котиблари ғаламисликда айблашмоқда.

Аслида оқ ва оловранг аралашмасини танлаш бугунги сиёсий жараёнлар ва дам олиш кунлари бўлган ахборот ўйинлари фонида жуда қалтис эканлигини матбуот хизматлари яхши англашлари керак эди. Бу ранглар қоришмасидан Ўзбекистонда машҳур бўлган хориж манбалари йиллар давомида фойдаланиб келишади.

Мана Тошкент вилояти жуда тўғри символика танлаган, фақат фонни оловранг қилган.

Бугун Ўзбекистонда бошланган зўравонликка қарши кураш кунлари учун бу ишора.

Бутун жаҳонда оловрангни айнан зўравонликка қарши курашувчилар рамзи сифатида билишади. Буни ҳамма ҳам билмайди, символларни ўзгартираётган каналлар аввало шу сабабли ўз рамзларини ўзгартираётганликларини изоҳлаб кетишлари керак эди.


Бу ҳам кризис менежмент бўйича тренинглар учун яхши кейс сифатида қолади😃

@jurnalistikauzbek

Ҳокимликлар матбуот хизматлари секин аста «Элтуз»ники каби «мўда»га ўтаяпти.

@jurnalistikauzbek

АОКА рамзи энди «Озодлик» рангига кирди😃

@jurnalistikauzbek

Янги кодекс хавотирлари

ОАВга алоқадор қонунчилик ва турли норматив ҳужжатлар кўпайиши одатда сўз эркинлиги учун яхшилик аломати эмас. Чунки, ахборот соҳасидаги ҳар бир янги ҳужжат охир-оқибатда цензурани ҳам кўпайтиради, қонунийлаштиради. Солиштириш учун: АҚШ ва Францияда ОАВ фаолияти шунчаки конституциянинг бир нечта модда ва қўшимчалари билан белгиланган холос.

Масалан, АҚШ Конституциясида оммавий ахборот воситалари ҳақида тўғридан-тўғри банд мавжуд эмас, аммо биринчи тузатиш (First Amendment) ОАВнинг эркинлигини кафолатлайди. Бу тузатиш 1791 йилда қабул қилинган ва унда шундай дейилади:

"Конгресс динни ўрнатиш ёки уни эркин адо этишга тўсқинлик қиладиган қонун чиқармаслиги, сўз эркинлиги ёки матбуот эркинлигини чекламаслиги, ёки халқнинг тинч йиғилишлар ўтказиш ва ҳукуматга шикоят қилиш ҳуқуқини чекламаслиги лозим".

Эътибор беринг, ушбу тузатиш АҚШдек бутун бошли мамлакатда матбуот эркинлигини ҳимоя қилувчи асосий ҳуқуқий асосдир. Шу сабабли:

- ҳукумат томонидан ОАВ фаолиятига цензура ўрнатилиши ёки аралашуви чекланади;
- журналистлар ҳукумат сиёсатини очиқ танқид қилишлари ва мустақил равишда ишлаш ҳуқуқига эга;
- ОАВ давлат ва жамият ўртасида ахборот тарқатувчи восита сифатида фаолият юритади.

Яъни, АҚШ ўз фаровон жамиятини айнан мана шу омиллар асосида қуришга қарор қилган. Вашингтон жамоаси адашмаганини кўриб турибмиз – бугун АҚШ дунёнинг энг қудратли мамлакати.

Францияда ҳам сўз эркинлиги конституциянинг битта моддаси билангина тартибга солинади. Унга кўра, конституциянинг 11-моддасида сўз эркинлиги, матбуот эркинлиги ва фикр билдириш эркинлиги кафолатланган. Бўлди, мамлакатда сўз эркинлиги ҳақида ёки уни таърифлайдиган бошқа қонун мавжуд эмас.

Бугун Ўзбекистонда оммавий ахборот воситалари 10 дан ортиқ (13 та) қонун ва норматив ҳуқуқий ҳужжатлар асосида фаолият кўрсатмоқда. Аммо бунча қонун билан ишлаш бизга ҳеч нарса бермаганини ҳам яхши биласиз – мамлакат Жаҳон сўз эркинлиги рейтингида 180 давлат орасида 148-ўринда (2023 йилда 4 ўрин пастлаш). Мамлакатнинг ОАВ эркинлиги билан боғлиқ вазияти “мураккаб”дан “жуда жиддий” босқичига туширилган.

Ўзбекистонда сўз эркинлиги билан боғлиқ қонун ва норматив ҳуқуқий ҳужжатларнинг ҳаддан ташқари кўпайиб кетгани, шунингдек, журналистлар ишида доимий қийинчиликларни ҳам пайдо қилиб келади. Улар, масалан, битта мақола ёзиш учун гоҳида соҳага оид ўнлаб қонун ва норматив ҳужжатлар билан ҳисоблашиши ва шулар асосида ўзини турли даражада цензура қилишга мажбур (ташқи цензура алоҳида масала).

Эшитишимча, шу кунларда Ўзбекистонда Ахборот кодекси лойиҳасининг тўртинчи варианти устида иш олиб борилмоқда. Лойиҳа 2025 йилнинг февралида жамоатчилик муҳокамасига қўйилиши маълум қилинган.

АОКА директори Асад Хўжаев сўзларига кўра, янги ахборот кодекси лойиҳаси жуда катта, унинг бир қанча боблари бор ва 8 та қонунни ўз ичига олган.

Мен эса соҳа вакили сифатида регулятор орган раҳбари айтаётган ўша катта кодексни велосипедни мураккаб чизмаларда “қайта ихтиро қилишга” уриниш дея ҳисоблайман. Чунки, юқорида ёзганимдек, қайсики мамлакат ўз ривожланиш тартибларини сўз ва фикр эркинлиги устига қурмоқчи бўлса, унга ўнлаб боблардан иборат катта кодекс ёки ҳужжатлар шарт бўлмайди. Шунчаки сиёсий ирода ва мустақил суд бўлса кифоя.

Акмал Саидов йиғилишлардан бирида қайсидир янги қонунга изоҳ бера туриб, Ўзбекистон дунёда аналоги йўқ ишга қўл ургани ва унга кўра, мамалакатда қонун ижроси ҳақида қонун қабул қилинганини айтганди. Қўрқаманки, кутилаётган катта кодекс ҳам қонунлар ижроси ҳақида қонун, цензурани янада мустаҳкамловчи кодекс бўлиб хизмат қилса керак. Хавотирли янги кодексдан нимадир янги яхшилик ўсиб чиқишини, ишимиз олдинга юришини кутмаяпман.

Ўзгариш эса парламент депутатлари қачондир чиқиб, биз фалон қонунни бекор қилиб ташладик, у журналистларга цензура эди, халақит бераётганди, деган кундан бошланса керак. Аммо асло қонун ижроси ҳақидаги қонундан эмас.

(с)

🔥@fayzboguz

Сал аввал тасдиқлашди.

Ўзбекистонда хавфсизлик ва мудофаа тизимларида жиддий ўзгариш бўлди. Ўзбек ОАВсида эса тарафкашлик сезилиб турган хабарлар ёзилди.

Биз расмий ахборотни кутиш ва вақтдан ютқазиш, ё бошқалар тасдиқлаган-ку деб ҳамкасбларга ишониб таваккал қилишдек қийин танлов билан ўзгаришларни ёритдик.

Хуллас, бугунги кун медиа кучи ҳақидаги машғулотларда келтириладиган мисолларга бой бўлди. Медиасаводхонлик қанчалик зарурлигиниям ҳис қилдик!

@jurnalistikauzbek

Яна ўша савол? Нега биз блогерлар ёки манбаси кимлиги яширин бўлган ОАВдан маълумот кутиб ўтиришимиз керак?

ДХХда, Мудофаа вазирлигида матбуот хизмати йўқми? Президент матбуот хизматичи? Нима сабабдан манбалар орқали ўзларига яқин ОАВга ахборот сиздиришади? Бу ахборот монополияси, информацион коррупция аслида! Ё рад этинг, ё тасдиқланг! Лекин буни қандайдир тескари каналлар эмас, расмий манбалардан олайлик!

@jurnalistikauzbek

🔴 Суд блогер Қобул Дусовни жиноят содир этишда айбдор деб топди

✔️Собиқ сенатор, мактабгача ва мактаб таълими вазири ўринбосари Фарҳод Боқиев Қобул Дусовни судга берди ва ютиб чиқди.

Қобул Дусов вазир ўринбосарини ҳақорат қилганликда айбдор, деб топди ва 1 йил муддатга озодликни чеклаш жазосини тайинлади.

Ушбу жиноят иши жиноят ишлари бўйича Чилонзор туман судининг судьяси С. Мамадиев раислигида биринчи инстанцияда кўриб чиқилди.

Суд судланувчининг жиноят содир этишдаги айби жабрланувчининг кўрсатмасидан ташқари, жиноят ишида тўпланган далиллар билан, яъни жабрланувчиларнинг аризаси, тушунтириш хатлари, гувоҳларнинг кўрсатмалари, судга доир лингвистик экспертизалар хулосалари, ёзувлар скриншоти, Facebook ижтимоий тармоғидаги “Кабул Дусов” номли профилни ва Telegram мессенжеридаги “Kobul Dusov | RASMIY KANAL” номли канални кўздан кечириш баённомаси, судга доир комплекс экспертизалар хулосалари ҳамда жиноят иши бўйича барча тўпланган, текширилган, ишга алоқадорлиги, мақбуллиги ва ишончлилиги нуқтаи назаридан баҳоланган далиллар билан тўлиқ исботланган деб ҳисоблади.

Telegram | Instagram | You Tube | Facebook | X

Фаҳриддин Низомов Фейсбукда ёзаяпти:

«МТРКдаги ўзгаришлар оқибатида "Ўзбекистон-24" ташкил этилиб, эгасиз қолган "Ўзбекистон" радиоканали энди келиб-келиб, неча йиллардан бери тест режимида ишлаётган, на журналистикада ўрни ва на овози бор "Нурафшон" телеканалига қўшиб юборилар эмиш.

Қарийб бир асрлик тарихи бор бу радиоканални йўқ қилиш кимга керак бўлиб қолганини, тўғриси, билмайман. Бу гап 8 йилча ТРКда радиоэшиттиришлар бўйича масъул бўлган менга жуда оғир ботди.

Тан олиш керак, Ўзбекистонда радио- ва тележурналистика мана шу каналдан ўсиб чиққан. Ҳатто Асқад Мухтор раҳматли тўғри атамани топиб бермагунча, кўрсатувлар телеэшиттиришлар деб аталган. Хулосани шундан чиқариб олаверасиз.

Тарих билан мақтанамиз, улуғ боболаримизни пеш қиламиз, лекин бор тарихимизни асрашни билмаймиз. Ваҳоланки, миллий радиоэшиттиришлар тарихимиз билан мақтансак арзийди. Ўзбекистонда радиоэшиттириш тарихи Би-Би-Си, Франциянинг колониал радиоси каби етакчи радиоканаллар тарихи билан деярли баробар».

@jurnalistikauzbek

Журналист Раҳимжон Раҳматни анчадан бери кузатиб бораман. Жуда зўр,халқчил постлар ёзадилар. Аканинг бошига кутилмаганда ташвиш тушибди. Уйларига ўт кетибди.

«Уйим ёниб кетди.
Касал ҳолимда ноқулай вазиятга тушиб қолдим.
Дори-дармонларим ҳам ёнди.
Совуқ кунда кўчада қолдим.
Тўсинларгача ёнди. Том ўпирилиб тушди. Касал ҳолимда шунақа балога йўлиқдим. Энди ҳозир келиб укамнинг уйида ўтирибман.
Бахтсизлик ҳам эгиз келади дейишади. Бандамиз. Сабр қиламиз. Кўнамиз. Насиб. Дўстлар ёрдамида уйни тиклаб оларман. Шу ҳолимда халқ мени ташлаб қўймас», деб ёзади ижодкор.

Ўзимиз Фейсбукда сўраб карта рақамларини олдик. Ижодкор сифатида қўллаб юборайлик. Қиш кунида бошпанасиз қолиш ҳеч кимнинг бошига тушмасин.

9860080391243013

Карта келинлари Нодираҳон Кулдашева номида экан.

@jurnalistikauzbek

🗞 Дунёдаги энг нуфузи ва тиражи катта бўлган газеталар рейтинги

Сўнгги пайтларда газеталарнинг нуфузи олдингидек эмас, гаджетлар ҳамда ижтимоий тармоқлар сабаб улар ўз долзарблигини йўқотган деган гаплар қулоғимизга чалинади, бироқ ҳозир ҳам газеталар миллионлаб нусхада чоп этилади. Ривожланган давлатларда ҳамон бўёқ ҳиди кетмаган газеталар аҳолига тарқатилмоқда.

Батафсил: http://ishonch.uz/news/2933

Расмий саҳифаларимиз 👇
Telegram / Facebook  / Twitter / instagram  / You tube

😁Британияда фермерлар ракета учириб, норозилик билдиряптими?

Тармоқларда Sky News телеканалининг эфир вақтидаги хатоси кулгига сабаб бўлди.

Бошловчи жойлардаги фермерлар намойишлари ҳақида гапираётганда, экранларда ATACMS ракеталари учирилиши кўрсатилди.

✅Sputnik канали👉 кирилл 👉 lotin

Танқид мева берди. Ҳаммадан кечикиб бўлсада, бошлашди😁

@jurnalistikauzbek

Олий Мажлис Қонунчилик палатасининг матбуот хизмати борми? Нега биз сиёсий ўзгаришлар ҳақидаги хабарларни биринчи блогерлардан олишимиз керак? На онлайн транслация, на бирон хабар қўйилди шу вақтгача уларнинг каналида. Охирги хабар 14 ноябрда қўйилган. Президент матбуот хизмати ҳам блогерларга тезкорликда етолмаяпти.

@jurnalistikauzbek

🔴ЎзА бош директори Абдусаид Кўчимов Сенатор бўлди

Яна бир журналист Олий Мажлис сенатори бўлди.

Ўзбекистон Миллий ахборот агентлиги Бош директори, Ўзбекистонда хизмат кўрсатган журналист Абдусаид Кўчимов Олий Мажлис Сенати аъзосига айланди.

Эслатиб ўтамиз, бундан олдин журналист, "Ишонч" газетаси бош муҳаррири Ҳусан Эрматовнинг ҳам Сенат аъзосига айлангани ҳақида хабар берилган эди.

Telegram | Instagram | You Tube | Facebook | X

Трампнинг сайловолди кампаниясини бошқарган Кэролайн Ливитт Оқ уй матбуот котиби бўлади.

@jurnalistikauzbek

Ўз жонига қасд қилишни ёритишнинг ўз ахлоқий қоидалари бор. Бу ҳақида аввал ҳам ёзгандим. Сўнги кунларда бу мавзу яна муҳокама марказига чиқди.

Халқаро Журналист Ибрат Сафонинг қуйидаги фикрлари ҳам айни аҳлоқ нормаларига ўзини ҳурмат қилган таҳририятларда риоя этилишига исботдир:

«Шу кунларда Ўзбекистонда ўз жонини олган шоир йигитнинг ўлими матбуотда қандай хабар қилиниши баҳсларга сабаб бўлди.

Эслайман, журналистикани энди бошлаган кунларим Лондонда мен кўчиб ўтган маҳаллага яқин жойда бир иншоотга суицид номи берилганди. У ердан ўтаётганимда, марҳумларнинг оила аъзолари қолдирган номалар ва гулдасталарни кўриб, нега матбуот бу машъум жой ҳақида хабар тайёрламайди, деб ўйлаганман. Кейин фаолиятимда махсус тренинглардан ўтиб билдимки, бу атайин ёритилмас экан. Мақсад - ўз умрини тугатиш фикрида бўлган одамларга ғоявий озуқа бермаслик.

Ўз жонига қасд қилиш - журналистикада ўта-ўта нозик мавзу ва унга жуда эҳтиёткорлик билан ёндашилади (ҳатто сариқ матбуотда ҳам). 15 йилча аввал BBC Радио 4 ҳужжатли филмлари бўлимида ишлаётганимда, ўсмирлар орасида бу борада оммабоплашган махсус қора сайтларни қандай ёритишни кунлаб маслаҳатлашганимизни эслайман. Охирги марта эса Голливуд юлдузи Робин Виллямс вафоти ортидан журналистика яна бир бор ўзини ислоҳ қилди. Унгача ҳам қабул қилинган қоидалар қуйидагича:

- Сарлавҳани сенсациялаштирманг
- Суицидни романтизация қилманг
- Суицид юз берган жойларни номламанг ва тасвирламанг
- Суицидни тарғиб қилувчи сайтларни номламанг
- Суицид сабаблари ҳақида спекуляция қилманг.

Ундан ташқари, агар суицид тилга олинадиган бўлса, мақола якунида одамларни бу каби фикрдан қайтариш учун махсус хайрия ташкилотларининг телефон рақамлари албатта берилиши керак».

@jurnalistikauzbek

Маънавият ва маърифат маркази, АОКА, Маданият вазирлиги, Кинематография агентлиги, МТРК, Ўзбекистон Миллий медиа бирлашмасининг қарори билан теле ва радиоканаллар ҳамда ижтимоий тармоқлар учун тайёрланаётган медиамаҳсулотлар, хусусан, сериал, мултфильм, кино ва қўшиқларни “маънавий экспертиза”дан ўтказиш тартиби жорий этилибди.

Бир кунда минглаб роликлар жойланаётган ижтимоий тармоқларни экспертиза қилишга қандай улгуришаркин?
Асосий тартиблар барибир қонунан ишлаётган лицензияли ОАВларга жорий этиладиёв🧐

Маънавий экспертнинг мезони ўта консерватив бўлса нималар бўлишиниям олдин кўргандик.

Айтгандек, маънавиятчилар ўзбекистонликлар энг кўп қидирув тизимларида нималар қидиришини билишса керак. Ҳозир қарадим биринчи ўринда об-ҳаво! Иккинчиси нималигини топинглар😁

@jurnalistikauzbek

Axmoqlik.

Agar axborot sohasining kuni "xabar berish" bilan "targʻib qilish"ning farqiga bormaydiganlarga qolgan boʻlsa, hamma OAVlar, telegram kanallar va ijtimoiy tarmoqlarni yopib, ogʻizga talqon solib yurish kerakmi?

Kontekst: Kecha Taxtiqoracha dovonida (Shahrisabz "perevali") baxtsiz hodisa sodir boʻlgan - avtomobilni tosh bosib, ichidagi yoʻlovchilar halok boʻlgan. AOKA bu haqida xabar berganlarni qonunchilik bilan qoʻrqityapti.

Aniqlik kiritib ketaylik: "Targʻib qilish" degani - "biron bir narsaga / ishga undash, chaqirish, daʼvat qilish" degani. (Har qalay, koʻp tomli "Oʻzbek tilining izohli lugʻati"da shunday deyilgan). Masalan, "biron-bir ishni qil / qilish kerak / qilish yaxshi" deyilsa, bu targʻib qilish boʻlishi mumkin. Lekin boʻlgan voqea haqida xabar berish (bu xabar berish qanday shaklda boʻlishidan qatʼiy nazar) qanday qilib "targʻib qilish" kategoriyasiga oʻtishi mumkin.

Shu AOKAdagilarga oldin oʻz tashkiloti haqidagi nizomni yaxshilab oʻqitib olib, keyin oʻzbek tili kurslariga yuborish kerakmi deyman (balki teskarisi - oldin oʻzbek tilini oʻqitib, keyin oʻz tashkilotining nima uchun ochilganini eslatish samara berar). Lekin undan ham muhimi - qonunchilikdagi har xil "rezinka" (xohlagan tarafga choʻzsa boʻladigan) normalarni bartaraf qilish kerak.

🔴 Журналист Ҳусан Эрматов Сенатор бўлди

Халқ депутатлари Жиззах вилоят Бахмал туман Кенгаши депутатлигига сайланган «Ишонч» ва «Ишонч-Доверие» газеталари бош муҳаррири Ҳусан Тоҳирович Эрматов Олий Мажлис Сенати аъзосига айланди.

Эслатиб ўтамиз, журналист Ҳ.Эрматовнинг депутатликка номзоди Ўзбекистон Халқ демократик партиясидан кўрсатилган.

Telegram | Instagram | You Tube | Facebook | X

Бу шеър муаллифи бугун ҳаёт эмаслигига ишонгим келмаяпти, қайта-қайта унинг шеърларини ўқидим, эшиттим... Бугун ижтимоий тармоқларда унинг ҳислатлари, ажойиб ижоди, одамийлиги ҳақида ҳамма ёзди... Лекин, бу сатрлар афсуски кечикди. Жойингиз жаннатда бўлсин шоир...

Ўзбекистон Ёзувчилар уюшмаси Ахборот хизматининг маълум қилишича, Мансур Жумаевнинг жанозаси эртага, 6 ноябр куни Қарши шаҳри Шайхали қўрғони Косон йўли кўчаси 6/42-уйда ўқилади.
Марҳум Хўжаи Жарроҳ қабристонига қўйилади.

@jurnalistikauzbek

Медиа амалдорлар манфаати тўқнашадиган майдон бўлмаслиги керак

Ўзбекистондаги кейинги вақтларда медиада бўлаётган жараёнларни кузатиб, бир воқеа эсимга тушди. Ироқ урушидан олдин америкалик журналистлар бу жойда биологик қурол борлиги ҳақида ишонч билан ёзишарди. Уруш бошланиб, Америка ҳарбийлари мамлакатга кирганидан кейин, Ироқда биологик қурол топилмайди. Шундан сўнг журналистлар «Биз ҳукуматга ишонган эдик», деб кечирим сўраб чиқишади. Гап шундаки, уларга шундай «ишончли» маълумотлар, шундай интервьюлар тақдим этиладики ҳатто манаман деган фактчекерларам уларга ишонади. Журналистларам шундай ишонч билан уларни ёритади. Ўшанда журналистларниям айби бўлган, лекин нормал медиа журналистларни эмас,  буюртмачини қоралади....

Кўпинча журналистлар билан бизда ҳам деярли шундай ҳол юз беради. Жуда зўр қилиб жойлар кўрсатилади, ҳатто интервью берувчилар ҳам шундай ишонч билан гапиради, исботлар берилади... Журналист уни ёзади. Энг ёмони журналистик «солидарност» бир четга сурилиб, ҳамма ҳамкасбимизни ёмонлашга ўтади. Асосий айбдорлар эса бир четда томоша кўриб ўтиришади. Қарға-қарғани кўзини чўқимайди дейишади, лекин журналист ва блогерлар бир бирини кўзини чўқийверади...

Ўзим давлат каналида ишлаб, кўп гувоҳ бўламан. Одамлар микрофондаги ёзувга қараб тусланишади. Икки хил микрофон тутган одам сифатида айтаман, бир одам мени ўзимга ҳам икки хил интервью беради. Мен куламан. Шунчалик ўзгарувчан одамлар. Лекин айбдор доим микрофон тутувчи бўлади, унга гапирувчимас, бу материални буюртмачисинимас.

Аввалроқ Ортиқхўжаевдан интервью олган гуруҳни роса гапиришганди, Нега фалон саволни бермади, нега тугун саволни бермади деб. Ёки бошқаларни қўрқоқликда айблаган гуруҳни ўзи подкастига Энергетика вазирини чақириб, фақат ислоҳотлардан гаплашди, деб бошқа блогер журналистларни ўзи қоралаб чиқди. Наҳотки бу каби раҳбарлар махсус интервьюларни фақат олдиндан саволларни кўрсатиб олиш шарти билан бериши сир бўлса??? Менимча, йўқ.

Одатда ўзбек медиасини кузатиб, ҳукуматдаги кайфиятни ҳам баҳолайман. Кимнидир оммавий қоралов кампанияси бошландими ё у қаергадир номзод бўлади, ё кимнидир «думини босиб олган бўлади».

Масалан, бир неча кундан бери Қудратхўжани қоралов кампаниясига старт берилди. Ҳатто рус тилигаям таржима қилиб, олдинги материалларниям эслатишаяпти. Мен ўйладимки, у қайсидир лавозимга тавсия этилишидан қўрққан кимдир бунга ишора берган.
Шунчаки манипуляциялар қурбони бўлмайлик, дейманда..

Бугун Ўзбекистондаги бир-бирига қарши гуруҳлар ОАВдан жуда устомонлик билан фойдаланаяпти, жабрини эса касбимиз кўради. Одамлар журналистларга ишонмай қўйишади... Ҳозирам ишонишмаяпти ўзи...

@jurnalistikauzbek

Ёш шоир ва журналист Мансур Жумаев вафот этди

Бугун унинг яқинлари, дўстлари facebook саҳифасида ҳамдардлик билдиришмоқда.

У биз ўқиган даргоҳ - Ўзбекистон давлат жаҳон тиллари университетининг Халқаро журналистика факультетини тамомлаган эди. Биздан кейинги курсда ўқиган. Жуда самимий, истеъдодли, доим ёрдамга тайёр инсон сифатида билардим уни...

Жойи жаннатда бўлсин! Яқинларига ҳамдардлик тилаймиз...
Маълумот учун, Мансур Жумаев 1991 йили Қашқадарё вилояти, Миришкор туманида туғилган. Ўзбекистон Ёзувчилар уюшмаси аъзоси.Шоирнинг “Оқ орзуларим”, “Ҳайрат қўшиқлари”, “Ҳазрати ишқ” номли шеърий тўпламлари нашр этилган. Яқинда чоп этилган “Излам” туркумида “Биз кутган фасл” номли шеърий тўплами чиққан.

@jurnalistikauzbek

Bugun.uz журналистлар мактаби очилишини маълум қилади. Мактабда ўқиш бепул!

Қуйида қабул қилиниш, ўқиш шартлари ва бошқа маълумотлар билан батафсил танишинг

Батафсил — bugun.uz/248473

@bugunrasmiy

"Feyklar haqida"

Yangi saylangan parlamentga bitta taklifim bor: birinchi yigʻilishda "feyklar haqida" qonun qabul qilish. Unga koʻra, har qanday voqea-hodisa haqida davlat organidan oldin gapirish va / yoki davlat organi pozitsiyasiga zid fikr bildirish "feyk tarqatish" deb malakalansin va javobgarlikka sabab boʻlsin. Shunda hammasi iziga tushib ketadi. Har safar biron bir voqea ijtimoiy tarmoqlarda muhokama qilinayotganda alohida ogohlantirish bilan chiqishga hojat qolmaydi.

Тугатилаётган «Ўзбекистон» радиосининг ажойиб мактаби бор. Адабиёт овози бўлган радиоинсенировкалар ҳеч қаерда бунчалик маҳорат билан тайёрланмаса керак. Афсус Ўзбекистондаги барча радиоларга асос бўлган бу канал тузилмаси ўзгариб кетаяпти. Бу билан ўнлаб устозлар мактаблари ҳам йўқолиб кетишидан қўрқаяпман.

Ҳозиргина Эрнест Ҳемингуэйнинг «Чол ва денгиз» қиссасини эшитиб, шу нарсалар ҳаёлимдан ўтди. Ҳақиқий хазина бу радиопостановка! Сизлар ҳам эшитиб кўринг!

@jurnalistikauzbek

“Ўзкимёсаноат” акциядорлик жамияти раисига матбуот котиби тайинланди

Тўлаганов Ҳожиакбар Тоҳиржонович “Ўзкимёсаноат” акциядорлик жамияти Бошқаруви раисининг матбуот котиби – ахборот сиёсати масалалари бўйича маслаҳатчиси лавозимига тайинланди.

Ҳ.Тўлаганов 1979 - йилда Тошкент шаҳрида туғилган. У бунга қадар Ўзбекистон миллий телерадиокомпанияси тизимида, Ўзбекистон Республикаси Олий Мажлиси Қонунчилик палатаси ҳамда Ўзбекистон Республикаси Олий Мажлиси Сенатида матбуот котиби лавозимида фаолият юритган.

Тайинлов Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигининг хулосаси асосида амалга оширилди.

@jurnalistikauzbek

Суд жараёнларини ёритишда кўп журналистлар тўсиқларга дуч келади. Газета.уз жиноят ишлари бўйича судья Сарвар Мамадиев билан журналистларнинг суд залида бўлиши қоидалари, жараёнларни ёритишга қўйиладиган тақиқ сабаблари ҳақида суҳбатлашибди ва таҳририят дуч келган ҳолатларни муҳокама қилибди. Менимча кўп журналистлар айни муаммога дуч келишган ва бу мақолани бир ўқиб чиқиш фойдали:

https://www.gazeta.uz/uz/2024/10/18/courts/

@jurnalistikauzbek

Бу йил сайловолди медиакампания анча қизиқ бўлаяпти. Номзодлар жонлангандек. Янги форматда дебатларнинг йўлга қўйилгани, аввалгидек бир бирларини маъқуллаб эмас, балки мунозара орқали фикр билдира олаётганини ўзи катта гап.

Бундай дебатларни олдин чет элда кўрардик, энди ўзимизда бошланди. Бу келажакда парламентда микрофондан қўрқмайдиган депутатлар сони кўпайишига хизмат қилади.  Дебатларни кузатиб, Сиёсий баҳсни олиб бора оладиганлар ўзи қанча бизда, деб ўйладим. Улар саноқли🧐
Шерзодхон Қудратхўжа билан доим ҳам фикримиз бир жойдан чиқмайди. Лекин, бугун кучли билими, зерикарли мавзуни қизиқарли олиб бориши, шарҳлаш, фикр уйғотиш хислатини алоҳида мақтамоқчиман. Керакли жойда амалдорни тўхтатиш, ўз позициясини айта олиш, ўринли кесатишлари билан ҳам дебатларни жонлантирдилар. Бир вақтлар радиога чақирганимда ҳатто одамлар эшитмайди дейилаётган бу оммавий ахборот воситасида ҳам кучли нотиқ гапирса эшитишига гувоҳ бўлгандим. Кам қўнғироқлар бўладиган сиёсий йўналишдаги дастурга айнан Қудратхўжа муаллифлигида бўлганида тинмай қўнғироқлар бўларди. 3 соатлаб қоғозга қарамай, шундай ёнида суҳбатдош тургандек одамлар билан радиоподкастни олиб боргандилар. Тўғридан-тўғри эфирда хатосиз, тўхтамай шунча фикр билдира олиш эса унча бунча ижодкорнинг қўлидан келмайди.
Беш йил олдин роса ишлатиб, 4 та дастур учун 200 минг сўм гонорар бергандик😁 Кам-ку бу демай, «Мен бу пулни қадрлайман, ҳалол бу пул, радиода ишлаётганлар фидоийлар», деб хурсанд ҳам қилиб қўйгандилар. Ҳақиқатданам энг кам маош радиода бўлса керак ҳозир ҳам...Бу алоҳида масала!

7 йил аввал бошланган «Халқаро пресс клуб» сессияларини биринчи сониданоқ иштирокчиси бўлганман. Ўшанда ҳамма саволларимизни бера оладиган, журналистлар ва раҳбарлар мулоқоти майдонига айлана оладиган яхши лойиҳа бошланганди. Бугунам у давом этаяпти.

Айтмоқчи бўлганим, қоғоздангина ўқийдиган бошловчилардан фарқли тарзда профессионал шарҳловчи олиб борган дастурларнинг халқчиллиги юқори бўлади. Шу маҳорати билан ҳам Қудратхўжа одамларни сиёсатга қизиқтира олди!

@jurnalistikauzbek

✍️ Ишга таклиф

Сайтга тажрибали журналистлар ишга таклиф этилади

✅Вазифалар:

— мурожаатларни ўрганиш;
— таҳлилий ёзма ва видео материаллар тайёрлаш;

❗️Талаблар:

— ўзбек тилида юқори даражадаги саводхонлик;
—хорижий тилларни билиш устуворлик беради;
—  ташаббускорлик ва масъулиятлилик;
—  видео контент тайёрлай олиш;
— журналистика соҳасидаги диплом талаб қилинмайди, тажрибали бўлиш муҳим!

💻Шароитлар:

— олти кунлик иш тартиби: Офис Тошкентда;
— Келишган ҳолда график асосида ишлашга шароит яратилиши мумкин.

💼Иш ҳақи ўзаро суҳбат жараёнида келишилади.

Иш тажрибангиз ва ўзингиз ҳақидаги маълумотни ушбу ҳавола орқали юборинг: @trkstn

@jurnalistikauzbek

Телерадиоканалларнинг техникаси мунтазам янгиланишга муҳтож.

Техник янгиликлар сотиб олинганда ҳам дуч келинаётган асосий муаммо бу замонавий ускуналар ва технологиялардан тўғри фойдаланиш бўйича етарли кўникмаларнинг етишмаслигидир. Гарчи кўплаб Ўзбекистонлик телекомпаниялар илғор техника билан жиҳозланган бўлсада, ходимлар уни самарали қўллаш учун зарур билимларга эга эмаслар. Пойтахтда ташкил этилган техник ходимларнинг касбий билимларини оширишга қаратилган тадбирнинг мақсади айнан мана шу муаммони ҳал этишга қаратилган - унинг асосий ғояси телевизион каналларнинг техник ходимлари билим даражасини ошириш, замонавий форматлар ва теледи ва радиоэшиттиришдаги инновациялар билан таништиришдир, демоқда ташкилотчилар.

Маълумот учун, тадбир ташкилотчилари "Инноватор Регионал" компанияси ва Ўзбекистон Миллий оммавий ахборот воситалари ассоциацияси ҳисобланади.

Тадбирда АҚШ, Европа, Канада, Япония ва Исроилдан келган теле-радиоэшиттириш компаниялари вакиллари иштирок этмоқда.

@jurnalistikauzbek

«ЗўрТВ» нинг «Ўзимизда» ток-шоусининг навбатдаги сонида журналистиканинг қатор масалаларини муҳокама этилди. Деярли ярмида, кеч қолиб борганимда ҳам бир соатдан кўп гаплашдик. Сизлар билан монтаж версиясини бўлишаман. 3 Соатлар ёздиёв дастурни ижодкорлар. Монтажиям роса қийин бўлгандир🙈

Журналистика катта соҳа, ҳамма гапиргиси келди, гапирдигам, лекин, кўтарилган кўп муаммолар барибир муаммолигича қолиб кетаверади...Токи медиага жиддий эътибор берилиб, журналистик ҳуқуқлар ҳимоя қилинмаскан, молиявий муаммолар ичида қолиб кетаётган мустақил журналистика чўкишда давом этаверади...

Дастурни бу линкда кўринг:
https://youtu.be/N2FgvhLuIYk?si=iWlyOzOHrcSFpyRv

@jurnalistikauzbek

Президент админстрациясининг яна бир ходими бошқа ишга ўтди

2022 йилдан буён Президент Администрациясида бош консультант лавозимида ишлаб келаётган Олимжон Ўсаров бошқа ишга ўтган.

Олимжон Ўсаров Мудофаа вазирининг ватанпарварлик тарғиботи, маънавий-маърифий масалалар ва ёшлар ишлари бўйича маслаҳатчиси лавозимида иш бошлаган.

Ихтисослигига кўра, О.Ўсаров журналист, ҳуқуқшунос. Филология фанлари номзоди, доцент. 2-даражали адлия маслаҳатчиси (подполковник ҳарбий унвонига тенглаштирилган).

Меҳнат фаолияти давомида Олий суд Ахборот хизмати раҳбари, Олий Мажлис Қонунчилик палатасининг Ахборот ва оммавий коммуникация лар масалалари қўмитаси аъзоси, “Нуроний” газетаси ва “Кексалик гашти” журнали Бош муҳаррири, 2021-2022 йилларда Ўзбекистон Журналистлар уюшмаси раиси вазифаларида ишлаган.
Аввалроқ админстрацияда фаолият юритган Ғулом Самадовнинг «Нурафшон» телеканалига раҳбар бўлгани айтилганди.

@jurnalistikauzbek

Яхши тайинлов! Божхона қўмитаси Раисига Хусан Тангриев матбуот котиби бўлибди.

“Божхона қўмитаси Раисининг 2024 йил 5 октябрдаги буйруғи билан божхона хизмати подполковниги Тангриев Ҳусен Шодиевич Божхона қўмитаси раисининг матбуот котиби – ахборот сиёсати масалалари бўйича маслаҳатчиси, Жамоатчилик ва оммавий ахборот воситалари билан алоқалар бўлими бошлиғи лавозимига тайинланди”, - деб хабар берилганда кўп ҳамкасбларимиз ҳурсанд бўлди.

Бу бекорга эмас, у божхонага тегишли кўп саволларимизга тезкорлик билан жавоб берарди. Доим журналистлар билан алоқада. Энг оддий тадбирниям куннинг энг муҳим янгилиги даражасига чиқара оладиган мутахассис!

Кейинги вақтларда умуман соҳага бегона одамларнинг матбуот котиби бўлаётгани фонида бу тайинлов ҳақиқатданам яхши хабар бўлди.

Маълумот учун, Ҳ.Тангриев ЎзМУ журналистика факультетини тамомлаган. Божхона органларида 2009 йилдан буён хизмат қилади.

@jurnalistikauzbek

✅Журналистлар учун танлов!

❗️Журналист ва блогерлар ўртасида “Соғлом турмуш тарзи бўйича йилнинг энг яхши тарғиботчиси” танлови ўтказилмоқда.

📌 Юртимиз аҳолиси ўртасида соғлом турмуш тарзи тамойилларини кенг тарғиб қилиш, бунда ОАВ вакилларнинг иштирокини фаоллаштириш мақсадида Соғлиқни сақлаш вазирлиги ва Саломатлик ва стратегик ривожланиш институти Президент Администрацияси ҳузуридаги Ахборот ва оммавий коммуникациялар агентлиги ва қатор ташкилотлар билан ҳамкорликда “Соғлом турмуш тарзи бўйича йилнинг энг яхши тарғиботчиси” танловини эълон қилди.

🖥 Иштирокчилар электрон (радио ва телевидение), босма, Интернет ва ижтимоий тармоқларда эълон қилинган қуйидаги йўналишлар бўйича таҳлилий ижодий ишларини юборишлари мумкин:

➡️ Соғлом овқатланиш тамойилларини тарғиб қилиш ва оммалаштириш.
➡️ Жисмоний фаоллик тамойилларини тарғиб қилиш ва оммалаштириш.
➡️ Ортиқча вазн ва семизликка қарши кураш.
➡️ Тамаки ва алкоголь маҳсулотлари истеъмолига қарши кураш.

✅ Ижодий ишлар қуйидаги номинациялар бўйича баҳоланади:

➡️ "Телевидениеда энг яхши телекўрсатув ёки видеорепортажлар туркуми".
➡️ "Энг яхши радиоматериаллар туркуми".
➡️ "Босма ОАВда энг яхши таҳлилий материаллар туркуми".
➡️ "Интернет ва ижтимоий тармоқларда энг яхши материал/блоглар туркуми".

🗂 Танловга жорий йилнинг 25 сентябридан 10 ноябригача эълон қилинган ижодий ишлар қабул қилинади!

⏳10 ноябргача ҳужжатларингизни [email protected] электрон манзилига юборишингиз мумкин!

🪪 Ижодий ишлар билан биргаликда паспорт (ID-карта) нусхаси ва қайта боғланиш учун маълумотларни ҳам юбориш зарур.

📆 Ҳакамлар ҳайъати тақдим этилган ишларни 2024 йил 11 ноябрдан 1 декабргача баҳолайди ва ғолибларни қимматбаҳо совғалар билан тақдирлаш маросими декабрда ўтказилади.

📲 Қўшимча маълумотларни олиш учун:
Малика Валиева (тел: 91-557-15-35, e-mаil: [email protected]);
Феруза Маманазарова (тел: 90-013-00-51, e-mаil: [email protected])га мурожаат қилиш мумкин.

@jurnalistikauzbek

#ишгатаклиф

❗️Тажрибали монтажчи-оператор таклиф қилинади

✍️Номзодга қўйиладиган талаблар:

— Ишга масъулият ва креатив ёндашув
– Тасвирга олиш ва чироқ қўйишни билиш;
– Adobe Premier Pro / After effects дастурларини билиш (қўшимча дастурларни билиш афзаллик ҳисобланади);
— Соҳа бўйича камида 2 йиллик тажриба;

Биздан таклиф:
— маош келишувга қараб белгиланади ва сизни хафа қилмайди;
— Катта медиа лойиҳада қатнашиш имконияти;
— Тошкентда жойлашган, барча техникага эга офис;
— Аҳил жамоа.

Тайёрлаган ишларингиз ва резюмени бизга қуйидаги @Maftunaa_TURON рақамига  телеграм орқали юборинг.

@jurnalistikauzbek

Kotib Ai loyihasida jamoa bilan hozirda ishlab chiqayotgan yana bir funksiya - o‘zbekcha TTS modulidir. Yaqin kelajakda jurnalistlar nafaqat audio yoki videolarni transkriptsiya qilish, balki ularni o‘zbek tilida ovozlantirish imkoniyatiga ham ega bo‘ladilar.

Modelni takomillashtiryapmiz. 😊

___

Еще одна функция, над которой мы сейчас работаем с командой в проекте Kotib Ai, — это узбекский TTS-модуль. Журналисты в скором времени смогут не только транскрибировать аудио или видео, но и озвучивать их на узбекском языке.

Улучшаем модель. 😊

@pulatov_kh

Ўзбекистон Республикаси Президентининг тегишли фармони билан Комил Исмоилович Алламжонов бошқа ишга ўтиши муносабати билан Президент Администрацияси Ахборот сиёсати департаментининг раҳбари лавозимидан озод этилди.

Комил Алламжонов юртимизда сўз эркинлигини ривожлантириш, давлат органлари фаолиятининг очиқлигини таъминлаш ва халқ таълими тизимини такомиллаштириш бўйича Президентимиз Ш.М. Мирзиёев белгилаб берган устувор вазифаларни амалга оширишда катта натижаларга эришди.

Комил Исмоилович билан яқиндан ишлаган кўп сонли ҳамкасбларимиз қаторида унинг касбий маҳоратини юксак баҳолаб, келгусидаги фаолиятида улкан зафар ва муваффақиятлар тилаб қоламан.

Telegram |Instagram | You Tube | Facebook | X

@Kar24Uz журналисти мурожаат билан чиқибди. Журналистни танқидий мақолалари учун судга беришибди. Акмал Сражатдинов соғлиги ёмон бўлишига қарамасдан телеграмм орқали судда қатнашган.

У журналистлар ҳуқуқларини ҳимоя қилувчи ташкилотлардан эътибор қаратишни сўрамоқда.
Ички ишлардан оппоқ қоғоз келиши, ўзи иштирок этмаса-да суд жараёни бўлиб ўтиши, умуман қарорни ижро этиш муддати келмаган бўлсада жавобгарликка тортилиш каби ҳолатлар бўлганини журналист видеомурожаатида кўриш мумкин.

Умид қиламанки бизда ахборот сиёсатига масъул ташкилотлар ҳеч бўлмаса бу ишни ўрганиб чиқадиган ҳуқуқшунос ажратишади. Ҳудудларда ижодкорларга анча қийин эканлигини ўзим борган вақтимда кўп эшитганман. Агар кам сонли танқид қила оладиган журналистларниям овози йўқолса бу фақат зараримизга ишлайди. Порахўрларнинг эса фойдасига...

@jurnalistikauzbek

Таълим соҳаси вакиллари билан биргаликда таълимни ёритиб борувчи бир гуруҳ журналистлар ҳам тақдирланди

✅ Бугун Мактабгача ва мактаб таълими вазирлигида "1 октябрь — Ўқитувчи ва мураббийлар куни" муносабати билан ташкил этилган тадбирда соҳани ёритиб борувчи бир гуруҳ журналистларга ҳам кўкрак нишони топширилди.

"Халқ таълими фидойиси" кўкрак нишони билан:

➖Виталий Мясников — Вазирлик муассислигидаги "Класс!" газетаси фотомухбири (мазкур газетада 50 йилдан ортиқроқ меҳнат қилган);

➖Азима Қиёсова — "Ўзбекистон 24" телеканали "Янгиликлар" информацион дастури катта муҳаррири.

"Халқ таълими аълочиси" кўкрак нишони билан:

➖ Назокат Усмонова — ЎзАнинг Республика ахбороти таҳририяти Фан, маданият ва маънавият бўлими мудири;

➖ Хуршид Азаматов — "Маданият ва маърифат" телеканали режиссёри, Вазирлик билан ҳамкорликда йўлга қўйилган "Муаллимнинг бир куни"лойиҳаси муаллифи ва режиссёри.

🔴 Миллий телерадиокомпания тизимида бирлашиш ва қисқартиришлар кутилмоқда

МТРК тизимини ислоҳ қилишга оид, очиқланмаётган фармонга биноан, Ўзбекистон Миллий телерадиокомпанияси тизимидаги ташкилотларни қайта ташкил қилиш дастури тасдиқланган бўлиб, унга кўра:

➖ «Oʻzbekiston 24» ijodiy birlashmasi" давлат муассасаси ташкил этилади ҳамда  унинг тизимига  "Oʻzbekiston 24", "Oʻzbekiston", "Dunyo boʻylab" телеканаллари  вa "Oʻzbekiston 24" радиоканалини ўтказилади;

➖«Maʼrifat» ijodiy birlashmasi" давлат муассасаси ташкил этилади ҳамда унинг тизимигa "Madaniyat va maʼrifat", "Oʻzbekiston tarixi", "Bolajon” ва "Kinoteatr" телеканаллари ўтади;

➖ «Yoshlar» ijodiy birlashmasi, акциядорлик жамиятини ташкил этилиб,  унинг тизимига "Yoshlar", "Navo” телеканаллари ва "Yoshlar" радиоканали  ўтади;

➖ "Sport" ijodiy birlashmasi" давлат муассасаси тизимига эса "Sport" ва "Futbol TV" телеканалларини ўтказиш назарда тутилган.

Янги тартибга мувофиқ 2025 йил 1 январдан бошлаб “Mahalla" teleradiokanali" давлат муассасаси молиявий мустақил ҳисобланади ҳамда Давлат бюджети маблағлари ҳисобидан давлат буюртмасини бажариш шарти билан фаолият олиб боради. 

Telegram |Instagram |  You Tube | Facebook | X

«Нурафшон» телекaналига янги раҳбар тайинланди

Биздаги маълумотларга қараганда, Ғуломжон Хурсандович Самадов «Нурафшон» телеканали директори сифатида фаолият бошлаган.

У бунга қадар Президент администрациясида масъул лавозимда ишлаб келаётган эди.

Ғулом Самадов турли йилларда МТРК тизимидаги телеканалларда, жумладан Халқаро пресс-клуб шарҳловчиси сифатида ишлаган.

@jurnalistikauzbek