«Азаттык» радиосу @azattyk_radiosu Channel on Telegram

«Азаттык» радиосу

@azattyk_radiosu

«Азаттык» радиосунун кызыктуу маалыматтарын окуңуз.
Кайрылуулар үчүн: @azattyk_elunu +996550988755
Орусча канал: @azattykrus

«Азаттык» радиосу (Kyrgyz)

«Азаттык» радиосу – бул каналдын аталышы. Бул каналда кызыктуу маалыматтар окулот. «Азаттык» радиосу бардык жаңылыктар менен эндик жаңы мененкей маалыматтар менен кызыктуу болот. Эгер Азаттык радиосу каналынын жакшысында юрөйүп, яны жаӊылыктар менен даярланган болгосоңуз, каналга көчүп, болмом заказык билен жана жаңылыктардын кайроол учурларын окуп, алар жөтөлүнүз. «Азаттык» радиосу каналына кирүү үчүн, кыргызча каналдын оорулушуна өтүңүз: @azattyk_elunu +996550988755. Берилген номерге жазып, окулган маалыматтар жөтүлүчүн алсаңыз, эле оңой кайрааттандыруу ишин жасайсыз. Орусча маалыматтар үчүн, @azattykrus орусча каналына күчүңүз.

«Азаттык» радиосу

19 Feb, 14:34

Министрлер кабинети сөөк коюу жана эстелик орнотуу тартибин бекитти

Министрлер кабинети көрүстөндөргө сөөк коюу жана маркумга эстелик коюу тартибин бекитти. Документте көрүстөндүн 60-65% сөөк коюлган жайлар ээлеп калганы жазылган.

Ошондой эле маркумду коюуга жана коштошууга келген адамдар үчүн атайын аянтча да каралышы керектиги белгиленген.

Токтомго ылайык, ар бир жаранга сөөк коюлуучу жер тилкеси бөлүнөт. Мүрзө үчүн жер тилкесин берүүдөн баш тартуу болбойт.

Жер тилкеси маркумдун көзү тирүүсүндөгү каалоосуна ылайык, туулган же акыркы жашаган жери боюнча, мурда каза болгон жакындары көмүлгөн жерден берилет. Уруксат берилбеген жерге өз билемдик менен коюуга, казып алып, башка жакка кайра көмүүгө да тыюу салынат.

Маркум коюлуучу жер тилкесинин өлчөмү жергиликтүү кеңеш тарабынан жергиликтүү шарттарга, каада-салтка жана карманган динине жараша бекитилет.

Документте мындан тышкары мүрзөлөргө эстелик коюу эрежелери да киргизилген. Ага ылайык, эстелик койгондор жергиликтүү бийликке маалымдап, тиешелүү талаптарды сактоого тийиш.
Маркумга тургузулуучу эстеликтин бийиктиги 70 сантиметрден ашпоого тийиш, мүрзөнүн айланасын жыгач же башка бекем материалдардын жасалган жапыз тосмо менен гана тосууга уруксат берилет.

Эстеликке маркумдун аты-жөнү, туулган-өлгөн күн, ай, жылы жазылат. Диний символдорду жана эпитафияларды чегерүүгө уруксат берилет. Жалпы эрежелерге туура келбеген элементтерди коюуга тыюу салынат.

Көрүстөндүн аянты тосмолонуп, бийиктиги 1,5 метрден төмөн болбоого тийиш.

Министрлер кабинетинин сайтындагы маалыматка ылайык, бул жоболор президент Садыр Жапаров былтыр октябрда чыгарган “Маркумду узатуу жана сөөгүн жайга коюу иши жөнүндө” жарлыгынын негизинде даярдалды.

Жапаров 2024-жылы 24-февралда “Маркумду узатуу жана сөөгүн жайга коюу иши жөнүндө” мыйзамга кол койгон. Долбоор парламентте талкууланып жатканда көр сатуу, ага баргандарды, жол бергендерди кылмыш жоопкерчилигине тартуу маселелери дагы көтөрүлгөн. https://smarturl.click/M1pza
456
«Азаттык» радиосу

19 Feb, 14:22

Жаңылыктар | 19.02.2025 | УКМК сот аткаруучуларды жыйын учурунда кармап кетти

• Кыргызстандан чыгарылган иликтөөчү журналист Болот Темиров жубайы, Temirov Live долбоорлорунун жетекчиси Махабат Тажибек кызы абакта коркутууга кабылганын айтты. Жаза аткаруу мамлекеттик кызматы аны четке кагууда.

• АКШнын президенти Дональд Трамп Украинадагы согушту токтотсо болорун, мындай келишимге жетерине ишенерин айтты. Украин президенти Владимир Зеленский алар катышпаган тынчтык сүйлөшүүлөрүн тааныбай турганын кайталады.

• Улуттук коопсуздук боюнча мамлекеттик комитет коррупциялык схема түзгөн деген айып менен Бишкектин Ленин райондук сот аткаруучулар кызматынын эки кызматкерин жыйын учурунда кармап кетти. https://www.youtube.com/live/Zkv701_k3ZM
440
«Азаттык» радиосу

19 Feb, 14:02

“Азаттык” радио уктурууларын улантууда. Мындан ары дүйнөнүн кайсы бурчу болсо да "Азаттыктын" таңкы жана кечки уктуруусун YouTube жана Facebook баракчалары, www.azattyk.org сайты аркылуу күн сайын саат 18:00дө түз эфирде уга аласыз. Буга кошумча Чүйдүн Кара-Балта шаарында, Таласта FM 102.6 жыштыгында, Баткенде FM 106.4 ("Салам" радиосу) обого чыгууда.

Ал эми "Азаттыктын" радио уктуруулары Бишкек шаары боюнча FM 98.1 (Next FM) жыштыгы аркылуу берүүлөрүн токтотту. Буга аталган радионун ээсинин алмашканы себеп болду. Радиобуз Бишкек шаарында жаңы өнөктөштөр менен кызматташууга даяр.

“Азаттык”-элдин жана эркиндиктин үнү!
461
«Азаттык» радиосу

19 Feb, 05:33

Мандатын тапшырган Гүлшаркан Култаева БШКга мүчө болду

Жогорку Кеңештин мурдагы депутаты Гүлшаркан Култаева Борбордук шайлоо комиссиясынын мүчөсү болуп шайланды. Анын талапкерлигин парламент 19-февралдагы жыйында бир добуштан колдоп берди.

Култаева бир күн мурун өз арызы менен мандатын тапшырган. Анын ордуна “Ата-Журт Кыргызстан” партиясынан талапкер Гүлсүнкан Жунушалиева депутат болду.

@azattyk_radiosu
695
«Азаттык» радиосу

19 Feb, 04:02

Жогорку Кеңештин депутаттарын шайлоо боюнча жаңы мыйзам долбоору коомдук талкууга чыкты. Долбоорго ылайык, парламенттин 90 депутаты мажоритардык тутум боюнча көп мандаттуу аймактык шайлоо округдарынан шайланып келет. Документ жарыяланары менен коомчулукта кызуу талкууга жем таштады.

@azattyk_radiosu
736
«Азаттык» радиосу

18 Feb, 03:00

Америкада Кыргызстандын жаранына "ок атуучу курал-жаракты Орусияга мыйзамсыз ташыды" деген айып коюлуп жатканын Нью-Йорк шаарынын Чыгыш округунун прокуратурасы 5-февралда билдирди. Ага ылайык, Сергей Жарновников башка адамдар менен алдын ала сүйлөшүп алып, тиешелүү лицензиясыз жана аткезчилик жолу менен АКШдан Орусияга курал саткан деп күнөөлөнүп жатат.

Америкалык сотко жөнөтүлгөн документке ылайык, шектүү быйыл 18-январда жубайы менен Кыргызстандан Лос-Анжелестеги аэропортко учуп барган. Андан ары Shooting, Hunting, and Outdoor Trade (SHOT) жарманкесине катышуу үчүн Невада штатындагы Лас-Вегас шаарына жөнөгөн. 24-январда дал ушул жарманкеге барган учурда кармалган.

@azattyk_radiosu

Жарновников куралды кантип алып чыкканын макаладан окуңуз. 👇
823
«Азаттык» радиосу

18 Feb, 02:41

Трамп кызматка киришкенден бери АКШда 14 миңдей мыйзамсыз мигрант кармалды

Дональд Трамп ант берип, АКШда президенттик кызматка киришкен 20-январдан бери 14 миң мигрант камакка алынды. Бул тууралуу CNN каналындагы көрсөтүүлөрдүн биринде Трамп "чек ара падышасы" катары дайындаган Том Хоман билдирди.

Ал АКШга мыйзамсыз кирген мигранттарды иммиграциялык агенттер жетиштүү деңгээлде кармап, мекенине депортация кылбай жатканына нааразы экенин баса белгиледи.

АКШ бийлигинин эсеби боюнча, өлкөдө болжол менен 11 миллион документсиз мигрант бар. Президент Трамп иммиграцияга жана Мексика менен чек арага байланыштуу жарлыктарын АКШнын улуттук коопсуздугун жана суверендүүлүгүн коргоо аракети катары түшүндүргөн.

@azattyk_radiosu
848
«Азаттык» радиосу

17 Feb, 08:52

‼️Кыргызстанда Орозо 1-мартта башталат

Быйыл Кыргызстанда Орозо айы 1-мартта башталат. Бул тууралуу Кыргызстан мусулмандарынын дин башкармалыгы 17-февралда маалымат таратты.

28-февралда өлкө аймагындагы бардык мечиттерде таравих намазы окулат.

Орозодо мусулмандар бир ай орозо кармайт. Ал Орозо Айт менен жыйынтыкталат.

@azattyk_radiosu
949
«Азаттык» радиосу

17 Feb, 08:03

Сентябрдан бери Бишкектеги мектептерде 41 жаңжал катталды

2024-2025-окуу жылы башталгандан бери Бишкектин мектептеринде балдардын ич ара келишпестигинен улам 41 жаңжал катталган. Бул тууралуу Бишкек шаардык Билим берүү департаментинин башкы адиси Гүзел Турдубаева 24.kg агенттигине билдирди.

Анын сөзүнө караганда эки бала жана топ-тобу менен мушташкан, "мектептер, райондор аралык" деп бөлүнүп алып жаңжалдашкан учурлар бар. Бардык учурлар балдар иштери боюнча комиссияда каралып, айрым окуучулар Ички иштер министрлигинин жашы жете элек балдар менен иштөө инспекциясына каттоого алынган.

"Өтө сейрек учурда гана жаңжалдар мектепте болбосо, көбүнчө сыртта же эс алуу мезгилдеринде болот. Класс жетекчилер мектептен тышкаркы убакта балдар ата-энелердин жоопкерчилигинде болорун дайыма эскертип келишет. Бактыга жараша, бизде жарандык коом активдүү, балдар чогулуп атканын көрөрү менен 102ге чалгандар бар. Ушундай чалуулар канчалаган жаңжалдын алдын алууга шарт түздү", - деген Турдубаева.

@azattyk_radiosu
924
«Азаттык» радиосу

17 Feb, 05:37

Кыймылсыз мүлктү кайра каттоодо салыктык карызы тууралуу маалымкат суралбайт

Салык кызматы мындан ары кыймылсыз мүлктү кайра каттоодо анын салыктык карызы жок экенин далилдеген маалымкат талап кылбай турганын билдирди.

“Мындан ары салык карызы бар же жок экени тууралуу маалымат автоматтык түрдө "Кадастрда" жеткиликтүү болот. Карыз болгон учурда, кыймылсыз мүлктү сатуучулар анын суммасы жана онлайн төлөө мүмкүнчүлүгү жөнүндө дароо маалымат алышат”, - деп жазылган маалыматта.

Учурда кыймылсыз мүлктү кайра каттоо учурунда анын салыктык карызы жоктугун далилдеген маалымкат талап кылынат. (Архив сүрөт)

@azattyk_radiosu
896
«Азаттык» радиосу

17 Feb, 04:33

Муфтият битир-садаганы, зекетти QR-код менен чогултуу системасын киргизди

Кыргызстан мусулмандарынын дин башкармалыгы эми зекет, битир-садага төлөмдөрүн “Финик” электрондук капчыгы аркылуу кабыл алуу ишке киргенин билдирди. Бул система тууралуу Нарындагы казыятта дин кызматкерлерине маалымат берилди.

Муфтияттын башкы эсепчиси Толкунбек Жуманов бул платформа каржы ишмердүүлүгүн ачык-айкын жүргүзүүнү максат кыларын, ушул жылдын апрелинен тарта бардык имамдарга стипендия төлөнө баштай турганын айтты.

Президент Садыр Жапаров былтыр 21-декабрда Элдик курултайда мындан ары ар бир мечитте битир-садага чогултууга QR-коддор коюлуп, каражат муфтияттын эсебине түшө турган система түзүлөрүн билдирген.

Өлкөдө азыр 4 миңдей мечит бар.

@azattyk_radiosu
878
«Азаттык» радиосу

17 Feb, 02:27

Европа өлкөлөрүнүн жетекчилери Парижде чогулуп, Украинадагы тынчтык келишимин талкуулай турганын Би-Би-Си жекшемби күнү жазды. Маалыматка караганда, жолугушууга катыша турганын Франциянын президенти Эммануэл Макрон менен Британиянын премьер-министри Кир Стармер ырастаган.

Ага Польшанын премьер-министри Дональд Туск да катышары күтүлүүдө. Жолугушууга дагы кимдер чакырылганы жана анын форматы белгисиз.

Айрым серепчилер, шашылыш жыйынды АКШнын акыркы күндөрү, анын ичинде Мүнхен коопсуздук конференциясында Батыш өлкөлөрүнө жасаган катаал билдирүүлөрүнө жооп катары сыпаттап жатышат. #rfe_rl

@azattyk_radiosu
935
«Азаттык» радиосу

16 Feb, 06:06

‼️Москвада кыргызстандык таксист травматикалык куралдан жараат алганы кабарланды

Москва шаарында таксист болуп иштеген кыргызстандык 27 жаштагы жаран травматикалык тапанчадан атылган октон жаракат алганын маалымат булактары, Телеграм-каналдар жазып чыкты. Readovka Телеграм каналынын маалыматына караганда, кыргызстандык жаран "КИА" үлгүсүндөгү унааны башкарып баратканда Geely үлгүсүндөгү унаанын айдоочусу мене жол талашып, чырдаша кетишкен.

"Натыйжада Geely унаасынын айдоочусу травматикалык тапанчасы менен таксистти атып жиберген, ок жеген айдоочу башкарууну жоготуп, унааны сүзүп алганда, экинчи айдоочу дагы бир нече ирет аны көздөй атып, окуя болгон жерден из жашырып кеткен", - деп жазды Readovka.

Таксист "Тез жардам" менен ооруканага жеткирилген.

Москванын ички иштер башкармалыгы ок чыгарган айдоочу кармалганын маалымдады.

@azattyk_radiosu
1,180
«Азаттык» радиосу

16 Feb, 05:08

"Кундуз – суусар түркүмүнө кирген жырткыч жаныбар. Орто Азия жана Европа кундузу деп экиге бөлүнөт. Биздин чөлкөмдү жана Ооганстанды Орто Азия кундузу байырлайт. Бул жаныбар катаал шартта жашай алганы үчүн айрым элдерде өткүрлүктүн, чыдамкайлыктын символу болгон. Европада илгери кундуздун этин жешчү экен. Азияда аны жешкен эмес, бирок териси үчүн баалашкан. Андан азыр да тебетей, чыптама, жакалуу тон тигишет. Ошол териси анын жок болуп кетишине себепчи болду. Жаныбарлар кандай учурда кырылат? Биринчиден, табигый апаат болгондо. Бирок бизде кундузду тукум курут кылгандай жаратылыш кырсыгы каттала элек. Демек, киши колдуу болду".

@azattyk_radiosu

Макаланы толугу менен шилтемеден окуңуз. 👇
1,003
«Азаттык» радиосу

15 Feb, 14:06

Азаттык: Кечки радио эфир | 15.02.2025

- Судьялар кеңеши башкы прокурордун өтүнүчүн карап эки судьяны кылмыш жоопкерчилигине тартууга уруксат берди.

- Баткендин чек аралаш аймактарында жыл башынан бери эле аткезчиликтин 50дөй учуру катталды.

- Эки күн мурун акка моюн сунган белгилүү журналист Нарын Айып бүгүн акыркы сапарга узатылды. https://www.youtube.com/watch?v=0IcxCM6gWK4
1,045
«Азаттык» радиосу

15 Feb, 08:17

Журналист Нарын Айып акыркы сапарга узатылды

72 жашында акка моюн сунган журналист Нарын Айыпты акыркы сапарга узатуу зыйнаты бүгүн 15-февралда анын Бишкектеги өз үйүндө өттү. Маркум менен коштошууга бир катар өкмөт мүчөлөрү, коомдук жана саясий ишмерлер, журналисттер, жакындары жана санаалаштары катышты.
https://www.azattyk.org/a/33315706.html
992
«Азаттык» радиосу

09 Feb, 10:55

Жалган жалаа үчүн айып каралган мыйзам 10-февралдан тартып күчүнө кирет

Кыргызстанда интернет жана жалпыга маалымдоо каражаттарында жалаа жабууга жана мазактоого айып пул салуу каралган мыйзам 10-февралдан тартып күчүнө кирет. Документке Садыр Жапаров өткөн айдын аягында кол койгон.

Жогорку Кеңеш бул мыйзам долбоорун былтыр жыл аягында кабыл алган.

Эми мазактоо жана жалаа жабууга байланыштуу арыздарды Ички иштер министрлиги (ИИМ) кабыл алып, протокол түзүп, сотко жиберет. Эгер ал далилденсе, жалган маалымат таратты делген адамга 20 миң сом, андай маалыматты чыгарган медиага 65 миң сом айып пул салынат.

Документтин баштапкы вариантында кайсы бир адамдын арызынан улам айып пул салуу же салбоо Маданият, маалымат, спорт жана жаштар саясаты министрлигине берилгени жазылган. Ошондой эле жалган кабарларды же пост, комментарийлерди жазган колдонуучулар 100 миң сом, юридикалык жактар 200 миң сом айып пул төлөөгө милдеттендирилери белгиленген.

Бул коомчулукта нааразылык жаратып, кийин айып пул азайтылган жана арыздарды карай турган орган алмашкан.

Жарандык коомдун өкүлдөрү, эркин медиалар жана бир катар эл аралык уюмдар мыйзам долбоору кабыл алынса өлкөдө пикирин ачык айткандарды жана сөз эркиндигин чектейт деп, анын кабыл алынышына каршы экенин билдирип келишет. https://www.azattyk.org/a/33308389.html
470
«Азаттык» радиосу

09 Feb, 07:01

Трамп Путин менен телефондон сүйлөшкөнүн билдирди

Кошмо Штаттардын президенти Дональд Трамп New York Post басылмасына курган маегинде Орусиянын президенти Владимир Путин менен телефондон сүйлөшкөнүн билдирди. Бирок ал качан болгонун тактаган жок. Трамп Путин менен канча жолу сүйлөшкөнү тууралуу суроого дагы бир ыктай жооп берген эмес.

АКШнын президентинин ырасташынча, Путин ага "(кармаш жүрүп жаткан аймактарда) адамдардын набыт болушун токтотууну кааларын" айткан.

Трамп бул маегинде Украинадагы согушту токтотууга байланыштуу анын так планы бар экенин дагы бир жолу белгилеген жана ал чукул ишке ашарына үмүттөнгөн. Ошондой эле Орусия менен Украинанын президенттери экенин так атабастан "алар жолугушууну каалайт" деп билдирген.
Кремль бул тууралуу азырынча комментарий бере элек.

Буга чейин Трамп келерки аптада Украинанын президенти Владимир Зеленский менен жолугушуусу, Орусиянын президенти Владимир Путин менен сүйлөшүүсү мүмкүн экенин айткан. https://www.azattyk.org/a/33308398.html
649
«Азаттык» радиосу

08 Feb, 11:07

Кадырбек Атамбаев Султанбеков сотко жеткирерде эсин жоготконун билдирди

Бишкек шаардык кеңештин депутаты, "Социал-демократтар" партиясынын мүчөсү Кадырбек Атамбаев аталган партиянын абактагы лидери Темирлан Султанбеков сотко жеткирерде эсин жоготуп, "Тез жардам" чакыртылганын билдирди. Ал Фейсбуктагы баракчасына Султанбеков Бишкек шаардык милициясынын тергөө абагында экенин жазды.

Султанбековдун жактоочуларынын билдиришинче, Бишкектеги Свердлов райондук соту 8-февралда "Социал-демократтар" партиясынын лидери жана аталган партиянын мүчөлөрү Ирина Карамушкина менен Роза Түрксевердин абактагы мөөнөтүн узартууну карамак. Отурум тууралуу алдын ала айтылган эмес жана адвокаттарга бул тууралуу процесске бир саат калганда гана кабар берилген.

Бишкек шаардык ички иштер башмармалыгы жана сот органдары азырынча бул тууралуу расмий комментарий бере элек. (Архив сүрөт)

@azattyk_radiosu
897
«Азаттык» радиосу

08 Feb, 06:27

MCN Coin иши: эки адам алдамчылыкка шек саналып камалды

Кыргызстанда MCN Coin криптоактивин уюштуруудагы алдамчылыкка шек саналган эки адам камалды. Бул маалыматты Бишкектеги Биринчи май райондук сотунан “Азаттыкка” ырасташты. Ага ылайык, Улуттук коопсуздук комитетинин тергөөчүлөрүнүн өтүнүчү менен кылмышка шектүүлөрдүн бөгөт чарасы 7-февралда каралып, 5-апрелге чейин тергөө абагында калтырылды.

Буга чейин MCN coin криптоактивин уюштургандардын бири Исрадин Субанбеков кармалганы маалым болгон. Улуттук телеканалда анын колдору кишенделген абалдагы видеосу жарыяланган жана атайын кызматтын тергөө абагына киргизилгени, сурак берип жатканы айтылган.

Субанбеков анда “MCN сoin менен иштегенине бир жыл болгонун, өздөрүнүн кызыкчылыгы үчүн иштеп, бир топ пайда көрүшкөнүн, элден чогулган акчаны кайтарып бере алышпасын, жалган убадаларды беришкенин” айткан жана кечирим сураган.

@azattyk_radiosu
906
«Азаттык» радиосу

07 Feb, 14:25

"Картабыз бөгөттөлүп, айлабыз түгөндү". Орусияда 7000 мигрант "кара тизмеге" түштү

Орусиядагы мигранттар банк карталары күтүлбөгөн жерден жабылып калганын, ушул тапта айласы куруп турганын айтууда. Алардын айрымдарынын тиешелүү документтери толук болсо дагы, банк картасы ачылбай калган. Орусияда мыйзам бузган мигранттарга каршы катаалдашкан эрежелер күчүнө кирди.

Кененирээк макаладан окуңуз: https://smarturl.click/M1gao
979
«Азаттык» радиосу

06 Feb, 14:42

Жаңылыктар | 06.02.2025 | Экс-министр Динара Кутманова уулу менен чогуу 8 жылга кесилди

- Кремль АКШ менен Украина маселесин талкуулап жатканын ырастады. Украин президенти Владимир Зеленский да Путин менен сүйлөшүү үчүн бир үстөлгө отурууга даяр экенин билдирди.

- Мурдагы Жаратылыш ресурстары, экология жана техникалык көзөмөл министри Динара Кутманова жана анын уулу Кемелбек Кутманов сегиз жылга абакка кесилди.

- Бул арада Орусияда миграцияга байланыштуу жаңы мыйзамдар күчүнө кирди. Кыргызстандын Тышкы иштер министрлиги андагы ченемдер Орусиядагы кыргыз жарандарына да тиешелүү экенин эскертип, мекендештерди өздөрүнүн укуктук абалын мыйзамдаштырууга чакырган. https://youtube.com/live/kBWLhGjXG5Q
1,122
«Азаттык» радиосу

06 Feb, 07:48

Өкмөт тышкы насыяларды алуу үчүн парламенттин макулдугу керек деген талапты жокко чыгарууну сунуштаган. Мындай демилге Жогорку Кеңештин таасирин алсыратканы менен депутаттар аны биринчи окууда колдоп берди.

Ошол эле убакта өкмөт алгачкы евробонддорду чыгарып, 1,7 млрд тартууну көздөп жатат. Бул Кыргызстандын масштабында болуп көрбөгөндөй чоң каражат жана өлкө тарыхындагы эң ири карыз болмокчу.

Каржы министри Алмаз Бакетаев “Азаттыкка” маек куруп, бул дымактуу демилгелердин максаты тууралуу айтып берди.
965
«Азаттык» радиосу

06 Feb, 07:42

Сот Динара Кутманова менен анын уулун сегиз жылдан абакка кести

Бишкектин Биринчи май райондук соту мурдагы жаратылыш ресурстары, экология жана техникалык көзөмөл министри Динара Кутманованы Кылмыш-жаза кодексинин 337-беренеси – “Кызмат абалын кыянаттык менене пайдалануу” менен күнөөлүү деп таап, мүлкүн мамлекетке конфискация кылуу менен сегиз жылга абакка кести. Мындай өкүм 5-февралда чыкканын райондук соттун басма сөз кызматы билдирди.

Динара Кутманованын уулу Кемелбек Кутманов болсо Кылмыш-жаза кодексинин 209-беренеси – “Алдамчылык” беренеси менен айыптуу деп табылып, ал да сегиз жылга соттолду. Мүлкү мамлекетке алынды.

2023-жылдын 25-июлунда Улуттук коопсуздук боюнча мамлекеттик комитет (УКМК) Динара Кутманова министрликтеги бир катар коррупциялык фактыларда “башкы уюштуруучу болгону аныкталып” кармалганын кабарлаган. Ал министр болуп турганда мамлекеттин акчасын мыйзамсыз чыгарып кетүү боюнча коррупциялык схема уюштурган деп билдирген.

Ал министр болуп 2021-жылдын октябрында дайындалып, кызматынан былтыр мартта алынган. Динара Кутманова өзүнө тагылган айыптарды четке каккан.

Анын уулу Кемелбек Кутманов 2023-жылдын 17-октябрында Түркиядан Кыргызстанга алып келинген. Атайын кызмат тергөөнүн жүрүшүндө Кутманов Жаратылыш ресурстары, экология жана техникалык көзөмөл министрлиги менен “Жаратылышты өнүктүрүү фондунун” ишине кийлигишип, андагы долбоорду каржылоонун 10% өзүнө алып турганы далилденгенин билдирген.
https://www.azattyk.org/a/33305196.html
938
«Азаттык» радиосу

06 Feb, 04:56

"Кийинки класска көчпөй калат". Милдеттүү экзамен кыргыз тилинин кадырын көтөрөбү?

Быйылтан тартып Кыргызстанда бардык мектептерде окуучулар кийинки класска көчкөндө кыргыз тилинен экзамен тапшырууга милдеттүү болот. Экзамен лексика-грамматика, окуу-түшүнүү жана жазуу боюнча өтөт. Класстан класска көчүрүү экзамени кандай өтөт, шарттары кандай болот?
Кененирээк макаладан окуңуз:
https://www.azattyk.org/a/33303738.html
978
«Азаттык» радиосу

05 Feb, 14:39

Жаңылыктар | 05.02.2025 | Жапаровдун Кытайдагы мамлекеттик сапары, кол коюлган документтер

- Президент Садыр Жапаровдун Кытайдагы мамлекеттик сапары алкагында кызматташтыкты өнүктүрүүгө багытталган бир катар документтерге кол коюлду. Соңку жылдары Кыргызстанда Кытайдын таасири артып бара жатышы ар кандай пикирлерди жаратууда.

- АКШнын президенти Дональд Трамп Газадагы палестиндерди башка жерге көчүрө турууну сунуш кылып, Кошмо Штаттар тилкени кайра курарын айтты. Бул план палестиндердин жана Жакынкы Чыгышта эки мамлекет түзүү принцибин жактаган өлкөлөрдүн сынына кабылды.

- Ош шаарынын негизги көчөлөрүндөгү дарактардын жапырт кыйылышына байланыштуу “Интербилим” уюму сотко кайрылды. Мэрия 3,5 миңден ашык дарак кыйылып, ордуна жаңы дарактар тигилерин билдирген. https://www.youtube.com/live/M92yN66tm5Q
1,154
«Азаттык» радиосу

05 Feb, 11:04

Милиция: Журналистти 825 миң сомго алдап кеткен шектүү кармалды

Бишкектин Свердлов райондук ички иштер башкармалыгы Кыргызпатент ишканасынын маалымат катчысы, журналист Мээрим Ташыбекованы 800 миң сомдон ашык каражатка алдап кеткен деген шек менен 23 жаштагы адам кармалганын билдирди.

Маалымат боюнча, журналист 2024-жылы 17-октябрда райондук милицияга өзүн Улуттук коопсуздук боюнча мамлекеттик комитеттин (УКМК) кызматкери деп тааныштырган белгисиз адамдар телефон аркылуу 825 миң сом акчасын алдап котортуп алганын айтып арызданган.

Бул факты боюнча Кылмыш-жаза кодексинин 209-беренеси – “Алдамчылык” менен кылмыш иши козголгон. Бул кылмышка шек саналып, 23 жаштагы адам кармалып, Бишкек шаардык милициясынын убактылуу кармоочу жайына киргизилди. Кененирээк: https://www.azattyk.org/a/33304073.html
1,183
«Азаттык» радиосу

05 Feb, 10:45

Президенттин Кытайга сапары, Мишустиндин талкууга түшкөн билдирүүсү | ЭКСПЕРТТЕР ТАЛДАЙТ

Президент Садыр Жапаров Кытайдын лидери Си Цзинпиндин чакыруусу боюнча Кытайда мамлекеттик сапар менен жүрөт. Кошуна жайгашкан Кытай Кыргызстандагы ири долбоорлорго аралашып, эки өлкөнүн ортосундагы соода алака 22 миллиард доллардан ашканы айтылып жатат. Ал тапта Орусиянын өкмөт башчысы Михаил Мушистин Кыргызстанды орус компанияларына негизсиз доомат артты деп сындап, билдирүүсүндө “опузалоо” деген сөздү да колдонду. Бул эки окуя Кыргызстандын тышкы саясатындагы негизги тема болуп турат. “Эксперттер талдайт” берүүсүндө тышкы саясаттагы соңку окуяларды талкуулайбыз. https://www.youtube.com/watch?v=kP_jDa6CfS4
960
«Азаттык» радиосу

05 Feb, 08:14

“Мишустиндин сөзү орой болуп калды”. Депутаттар Орусиянын өкмөт башчысына жооп берди

Жогорку Кеңештин 5-февралдагы жыйынында Орусиянын премьер-министри Михаил Мишустиндин орус ишканалары кысымга кабылганы тууралуу айткан билдирүүсү боюнча маселе көтөрүлдү. Жогорку Кеңештин депутаты Камила Талиева Министрлер кабинетинин төрагасы Адылбек Касымалиевди Мишустинге татыктуу жооп бере алган жок деп сынадады. “Азаттыктын” кабарчысы бул боюнча айрым депутаттардын пикирин сурады.

Михаил Мишустин Кыргызстандын Министрлер кабинетинин төрагасы Адылбек Касымалиев менен 31-январда Алматыда жолукканда Кыргызстандын мамлекеттик органдары орусиялык компанияларга “кысымын жана негизсиз дооматтарын” токтотушу керектигин талап кылган. 3-февралда Мамлекеттик салык кызматынын төрагасы Алмамбет Шыкмаматов Михаил Мишустиндин орусиялык ишкерлерге кысым көрсөтүлүп жатканы тууралуу дооматтарын четке кагып “Мишустин чарбалык маселеге саясий боек берип жибергенин” билдирген. https://www.youtube.com/watch?v=EPJBoXqH4Sc&t=4s
960
«Азаттык» радиосу

05 Feb, 05:53

Таласта келинди уул-кызы менен өлтүрө сүзгөн айдоочунун иши кыскарды

Таласта үч адам каза болгон жол кырсыгына шектүү айдоочунун иши соттон кыскарды. Бул тууралуу "Азаттыкка" Талас облустук сотунун басма сөз кызматы билдирди.

Маалыматка караганда, эки тарап өз ара келишип алгандыктан иш Талас шаардык сотунан кыскарып, 27-январда шектүү эркиндикке чыккан.


Былтыр 23-октябрда Талас шаарындагы №4 мектептин жанында ак түстөгү автоунаа каршы тилкеге чыгып, жөө жүргүнчүлөрдү сүзүп кеткен.

Кырсык тартылган видеодон өз жолу менен уул-кызын жетелеп көчөдөн өтүп бараткан келинди, анын эки баласын коюп кеткенден кийин бул автоунаа дагы үч жеңил машинеге барып урунганын көрүүгө болот. https://www.azattyk.org/a/33303695.html
1,040
«Азаттык» радиосу

05 Feb, 05:49

Жанар Акаев орус өкмөт башчысынын Кыргызстанга дооматы негизсиз болгонун айтты

Жогорку Кеңештин депутаты Жанар Акаев Орусиянын премьер-министри Михаил Мишустиндин “орусиялык компаниялар Кыргызстанда кысымга кабылып жатканы” тууралуу билдирүүсү негизсиз болгонун айтты. Бул тууралуу эл өкүлү парламенттин 5-февралдагы жыйынында сүйлөп жатып билдирди.

Жанар Акаев Михаил Мишустиндин дооматы “Яндекс.Такси” ишканасына байланыштуу болушу мүмкүн экенин, бирок бул компания Кыргызстанда салыктан качканы далилденгенин кошумчалады.

“Яндекс.Такси” компаниясынын менежерлери орус өкмөтүнө бурмаланган, туура эмес маалыматтарды берип койгон болушу мүмкүн. Биринчиден, Кыргызстанда бизнес ак, кара, жашыл, кызыл деп бөлүнбөйт. Түркиядан, Орусиядан, Кытайдан же Жапониядан келеби, бардыгына бирдей мамиле болот. Мурдагыдай криминал жок. Салык мыйзамдарына баш ийип иштей бер деген тартип орногон. “Яндекс.Такси” боюнча бир нече депутат маселе көтөрдү. Ишкана бааны жасалма көтөргөнү аныкталган. Айдоочулардан дээрлик 21% чейин комиссия алып жатты. Экинчиден, салыкты жашырган. “Яндекс.Такси” дээрлик 100 млн сомдон ашык акчаны бюджетке төктү. Менин маалыматым боюнча булар дагы 5 млн доллар төлөшү керек эле. Ушундан качып чагымчылдык кылышты”, – деди ал.

Жанар Акаев буга чейин “Яндекс.Такси” компаниясы айдоочуларынан 21% чейин комиссия алып жатканын айтып, ишкана муну четке каккан. Компания Кыргызстанда сервисти пайдалануунун акысы 10% түзөрүн, ал эми Бишкекте жогорулатылган тарифтерде кошумча нарк салыгын жана сатуудан түшкөн салыкты кошуп эсептегенде 17% ашпай турганын кабарлаган. https://www.azattyk.org/a/33303722.html
936
«Азаттык» радиосу

05 Feb, 04:58

Депутат бир кап картошканын баасы бир мүшөк ундан кымбат болуп кеткенин айтты

Жогорку Кеңештин депутаты Элдар Абакиров Кыргызстанда картошканын баасы кескин кымбаттап кеткенин айтып, кийинки жылы да мындай көрүнүш кайталанбашы үчүн өкмөттү алдын ала чара көрүүгө чакырды. Бул тууралуу ал парламенттин 5-февралдагы жыйынында билдирди.

“Эл үчүн 1 кг картошка 60 сом деген баа жогору. Мисалы, бир кап ун сатып алсаңыз 1700-1800 сом болсо ошондой эле салмактагы бир кап картошка 2500-3000 сом болуп калды”, - деди ал.

2024-жылдын соңунан тартып Кыргызстанда картошка кескин кымбаттап, базардагы баасы 60-70 сомго чейин чыгып кетти. Адистер буга негизги эки себеп - түшүмдүн жылдагыдан азыраак жыйналышы жана коңшу өлкөлөргө экспорт эки эсе көбөйүшү түрткү болгонун белгилеп жатышат.

Министрлер кабинетинин төрагасынын орун басары, суу ресурстары, айыл чарба жана кайра иштетүү өнөр жай министри Бакыт Төрөбаев Кыргызстанда картошканын баасын ортомчулар көтөрүп жибергенин айтты. Кененирээк: ➡️https://www.azattyk.org/a/33303697.html
888
«Азаттык» радиосу

05 Feb, 04:45

Садыр Жапаров Бээжинде Си Цзиньпин менен жолугушту

Президент Садыр Жапаров 5-февралда Кытайдын төрагасы Си Цзиньпин менен жолугушту. Бул тууралуу Кыргызстандын мамлекет башчысынын басма сөз кызматы билдирди.

Бээжин шаарында Садыр Жапаров менен биринчи айым Айгүл Жапарованы Си Цзиньпин жана анын жубайы Пэн Лиюань тосуп алды.

Садыр Жапаров мунун алдында Кытайдын премьер-министри Ли Цян менен жолугушуп, соода-сатык, инвестициялык маселелер, ошондой эле энергетика, инфраструктура, транспорт жана жогорку технологиялар жаатындагы биргелешкен долбоорлорду ишке ашырууну талкуулашты.

Кыргыз президенти Кытайдын лидери Си Цзинпиндин чакыруусу менен Кытайда мамлекеттик сапар менен жүрөт. Бул сапарда стратегиялык өнөктөштүктү өнүктүрүүгө жана тереңдетүүгө багытталан биргелешкен декларацияга жана бир катар документтерге кол коюлары кабарланган. Кененирээк: https://www.azattyk.org/a/33303689.html
919
«Азаттык» радиосу

04 Feb, 15:30

Жаңылыктар | 04.02.2025 | Трамп аскердик жардамдын ордуна Украинадан сейрек металлдарды сурады, Кыргызстанда күмөндүү криптовалютаны жарнамалоо күчөдү

- Орусиянын Харьков облусунун Изюм шаарына жасаган соккусунан төрт адам каза болуп, жыйырмадан ашык адам жараат алды. Ал тапта АКШнын президенти Дональд Трамп Киевге берилген аскердик жардамдын ордуна Украинадан сейрек металлдарды сурады.

- Ирактын түрмөлөрүндө калган кыргызстандык кыз-келиндердин ата-энелери бийликке кайрылып, аларды мекенине кайтарып келүүнү суранды. Буга чейин кыргыз бийлиги Сирия менен Ирактан 700дөй аял жана балдар алып келингенин жарыялаган.

- Кыргызстанда MCN coin аттуу криптовалютанын күмөндүү түрүн жарнамалоо күчөдү. Жарнама кылгандар бул ири киреше булагы экенин айтса, адистер ал "каржы пирамидасы" экенин эскертип, оолак болууга чакырды. https://www.youtube.com/live/A4tpxnJRd0M
1,143
«Азаттык» радиосу

04 Feb, 10:01

УКМК Ошто “Нейтрал” жаштар тобунун мүчөлөрү кармалганын билдирди

Улуттук коопсуздук боюнча мамлекеттик комитет (УКМК) Ош облусунда А.Б.А. аттуу адамга кол салган “Нейтрал” деген аталыштагы жаштар тобунун айрым мүчөлөрү кармалганын билдирди.

Атайын кызматтын маалыматына ылайык, 9-январда сөз болуп жаткан топтун мүчөлөрү А.Б.Ага бычак сайып, ага Ош облустук ооруканасында бир нече жолу операция жасалган.

Бул факты боюнча кылмыш иши козголуп, 24 (И.Э.И.) жана 23 жаштагы эки адам кармалып, камакка алынган. Коопсуздук органы Ош шаарында өз ара уюшулган жаштардын тобуна тиешеси бар делген дагы үч жигит (Х.Н. У., Т.А.Т. жана Т.Т.Т.) аныкталып, аларга түшүндүрүү иштери жүргүзүлгөнүн кошумчалады.

УКМК жаштарды, анын ичинде спортчуларды ар кандай топтордун мыйзамсыз иштерине аралашпоого чакырды. https://www.azattyk.org/a/33302566.html
981
«Азаттык» радиосу

04 Feb, 08:24

Бакыт Төрөбаев картошканын баасын ортомчулар көтөрүп жибергенин айтты


Министрлер кабинетинин төрагасынын орун басары, суу ресурстары, айыл чарба жана кайра иштетүү өнөр жай министри Бакыт Төрөбаев Кыргызстанда картошканын баасын ортомчулар көтөрүп жибергенин билдирди. Бул тууралуу ал 4-февралда “Биринчи радионун” эфиринде айтты.
Анын сөзүнө караганда, Нарын, Ысык-Көл облустарында, Кемин жана Чоң-Алай райондорунда Кыргызстандагы муктаждыкты жаба турган картошканын көлөмү бар.
Бакыт Төрөбаев ортомчуларды дыйкандардан картошканы сатып алгандан кийин ага беш сомдон ашык кошпоого чакырып, эгер баа негизсиз көтөрүлүп кетсе Монополияга каршы жөнгө салуу кызматы чара көрөрүн билдирди.


“Дыйкандар картошкасын 35-40 сомдон сатып жатышат. Алар бул баага ыраазы. Бирок ортомчулар базарларда бааны көтөрүп салышты. Ошто картошканын дүң баасы 60 сомго чыгып кеткен экен, биз иш алып баргандан кийин 49 сомго түштү. Ортомчулар ашыкча кошуп жибербеш керек”, - деди ал.


2024-жылдын соңунан тартып Кыргызстанда картошка кескин кымбаттап, базардагы баасы 60-70 сомго чейин чыгып кетти. Адистер буга негизги эки себеп - түшүмдүн жылдагыдан азыраак жыйналышы жана коңшу өлкөлөргө экспорт эки эсе көбөйүшү түрткү болгонун белгилеп жатышат.
Суу ресурстары, айыл чарба жана кайра иштетүү өнөр жай министрлиги картошканы экспорттоого убактылуу чектөө киргизүү маселесин карап жатканын кабарлаган.
https://www.azattyk.org/a/33302459.html
989
«Азаттык» радиосу

04 Feb, 06:33

Кыргызстанда камсыздандырылган үйлөрдүн саны 20% жетти

Кыргызстанда 2024-жылы түрдүү кырсык болгон учурда камсыздандырылган турак жайларга 73 млн сом төлөнүп берилди. Бул тууралуу 4-февралда Жогорку Кеңештин Транспорт, коммуникациялар, архитектура жана курулуш боюнча комитетинин жыйынында Мамлекеттик камсыздандыруу уюму мекемесинин төрагасынын орун басары Бактыгул Абдыжалиев билдирди.

Анын белгилешинче, Кыргызстанда турак жайды камсыздандыруу 10% тегерегинде болсо, азыр 20% жетти. Бул турак жай фондунда 1,2 млн үй катталса, анын 230 миңи камсыздандырылган деп эсептелет.

Ал эми автокырсыкка учуруган унааларга былтыр 33 млн 726 миң сом төлөнгөн.

Соңку мезгилде табигый кырсыктар элет тургундарын бир топ зыянга учуратты. Өкмөттөн жетиштүү жардам алууга алардын үй-жайын жана башка мүлкүн камсыздандырбаганы тоскоолдук жаратып жатканы айтылып келген.

Кыргызстандын мыйзамдарында турак жайды камсыздандыруу милдеттүү деп көрсөтүлгөн. Бирок 2016-жылдан бери муну эске алгандар 10% ашпай келген. https://www.azattyk.org/a/33302385.html
902
«Азаттык» радиосу

04 Feb, 06:07

Садыр Жапаров Кытай менен товар жүгүртүү 22 млрд доллардан ашканын айтты


Президент Садыр Жапаров Кытайга мамлекеттик сапары менен барар алдында бул өлкөнүн “Синьхуа” маалымат агенттигине маек курду. Анын тексттин Кыргызстандын президентинин администрациясы жарыялады.

Садыр Жапаров Кытай-Кыргызстан-Өзбекстан темир жолунун курулушунун башталышы мамлекеттер ортосунда саясий ишеним жогорку деңгээлде экенин ырастап турурарын айтып, кыргыз-кытай чек арасындагы “Торугарт”, “Эркечтам” жана “Бедел” өткөрмө бекеттеринин ишин жакшыртуу тууралуу пикирин билдирген. Ошондой эле эки өлкөнүн соода алакасы боюнча суроого да жооп берген.

“Кытай Кыргызстан үчүн узак жылдардан бери башкы соода жана инвестициялык өнөктөштөрүнүн бири болуп келген жана болуп кала берет. Саясий диалогдун эң жогорку деңгээли бизге өлкөлөрүбүздүн ортосундагы экономикалык күн тартибин ийгиликтүү илгерилетүү үчүн өтө жакшы мүмкүнчүлүк берерин белгилей кетким келет. Өлкөлөрүбүздүн биргелешкен аракеттери рекорддук ийгиликке жеткирди. 2024-жылы Кыргызстан менен Кытайдын ортосундагы товар жүгүртүү бажы органдарынын маалыматы боюнча 22,71 млрд АКШ долларына жеткен”, - деди президент.

Садыр Жапаров 4-7-февраль күндөрү Кытайда мамлекеттик сапары менен болот. Бул мамлекеттик сапар Кытайдын лидери Си Цзиньпиндин чакыруусу менен ишке ашып жатканы айтылган.

Сапардын алкагында стратегиялык өнөктөштүктү өнүктүрүүгө жана тереңдетүүгө багытталан биргелешкен декларацияга жана бир катар эки тараптуу документтерге кол коюлат.

Кененирээк: https://www.azattyk.org/a/33302377.html
858
«Азаттык» радиосу

04 Feb, 04:59

Кыргыз-орус өкмөт башчылары телефондон сүйлөштү

Министрлер кабинетинин төрагасы Адылбек Касымалиев 3-февралда Орусиянын премьер-министри Михаил Мишустин менен телефондон сүйлөштү. Бул тууралуу маалымат Орусиянын өкмөтүнүн расмий сайтына чыкты.

Анда эки өлкөнүн премьер-министрлери 31-январда Казакстандын Алматы шаарында өткөн Евразиялык өкмөттөр аралык кеңештин жыйынында жетишилген макулдашууларды өнүктүрүү максатында кыргыз-орус соода-экономикалык байланыштарын бекемдөө боюнча пикир алышканы айтылат.

Өкмөт башчылар телефондон сүйлөшкөнү тууралуу Кыргызстандын Министрлер кабинети маалымат бере элек. Толук окуңуз: https://www.azattyk.org/a/33302333.html
550
«Азаттык» радиосу

03 Feb, 15:37

Депутат Эрулан Кокулов Жогорку Кеңештин Социалдык саясат боюнча комитетинде кесиптештери менен кайым айтыша кетти. Министрлер кабинетинин төрага орун басары Эдил Байсалов депутаттын суроосуна жооп бербей, жыйындан чыгып кеткен. Кокулов комитет төрайымы Винера Раимбачаевага кайрылып, депутаттарды “көз каранды болуп калгансыңар, суроо берүүгө мүмкүнчүлүк бербейсиңер” деп нааразы болду. Өз кезегинде Раимбачаева комитет коллегиялык орган экенин депутаттардын сунушу менен маселе башка күнгө жылдырылганын айтты. Ошондой эле Раимбачаева Кокуловду жыйынга кечигип келгени үчүн маселени түшүнбөй калганын билдирген.
774
«Азаттык» радиосу

03 Feb, 13:12

‼️ Финкөзөмөл MCN Coin расмий каттоодон өтпөгөнүн билдирди

Мамлекеттик финансы рыногун көзөмөл кылуу жана тескөө кызматы (Финкөзөмөл) MCN Coin аттуу крипто-актив Кыргызстанда расмий каттоодон өтпөгөнүн 3-февралда "Азаттыкка" билдирди.

Маалыматка караганда, 2024-жылдын март айынан бери "Бирик Туран" компаниясы MCN Coinди 12 млн сомдук камсыздалбаган виртуалдык крипто-актив катары каттатуу үчүн бир нече жолу кайрылган. Бирок Финкөзөмөл аталган MCN Coin Кыргызстандын "Виртуалдык активдер жөнүндө" мыйзамынын талаптарына дал келбегенин айтып, каттоодон баш тарткан.

Мындан улам Финкөзөмөл Ички иштер министрлигине (ИИМ) бир нече жолу кат жазып, MCN Coin уюштуруучуларынын аракетине юридикалык баа берүүнү суранган. Буга Бишкектин Октябрь райондук милициясы жооп берип, териштирүү жүрүп жатканын билдирген.

Соңку мезгилде социалдык тармактарда MCN Coin тууралуу видеолор тарап жатат. Анда бир жаран MCN coin деген криптовалюта пайда болгонун айтып, аны азыр аз суммага сатып алган жарандар бир жылда эле миллиондогон акча табарын убада кылып жатканын көрүүгө болот.

@azattyk_radiosu
865
«Азаттык» радиосу

03 Feb, 09:42

Бишкекте автобуста кызга ыдык көрсөткөн адам кармалды

3-февралда Бишкек шаардык ички иштер башкармалыгынын басма сөз кызматы борбордо коомдук автобуста жүргүнчү кызга ыдык көрсөткөн адам кармалганын билдирди.

Милициянын маалыматына караганда, 36 жаштагы шектүүнү кармоо учурунда укук коргоо органдарынын кызматкерлеринин мыйзамдуу талаптарына баш ийбей, каршылык көрсөтүп, сөгүп, коомдук тартипти бузган. Ал Бишкек шаарынын Ленин райондук ички иштер башкармалыгына жеткирилип, “Майда бейбаштык” беренеси боюнча административдик камерасына киргизилген.

Шаардык милиция коомдук транспортто болгон окуяга байланыштуу текшерүү иштери жүргүзүлүп жатканын, анын жыйынтыгы менен шектүүгө кошумча юридикалык баа берилерин кабарлады.

2-февралда социалдык тармактарда чак түштө коомдук транспортто белгисиз адам анын жанында турган кыздын жамбашын кармап жатканы тартылган видео тараган. Автобус аялдамага токтогондо кыз, анын артынан сөз болуп жаткан адам да түшүп кеткен.

@azattyk_radiosu
824
«Азаттык» радиосу

03 Feb, 06:03

⚡️Саламаттык сактоо министри Алымкадыр Бейшеналиев кызматтан кетти

Саламаттык сактоо министри Алымкадыр Бейшеналиев кызматтан кетти. Бул маалыматты “Азаттыкка” өзү ырастап, мындай чечимди президент Садыр Жапаров жана өзү кабыл алганын айтты.

Ал 2023-жылы сентябрь айында министр болуп дайындалган.

Алымкадыр Бейшеналиев 2022-жылы июнь айынын башында “коррупцияга” айыпталып камакка алынып, ошол эле жылдын 16-июнунда кайра үй камагына чыккан. Башкы прокуратура ага чет өлкөлүк менчик компаниялардан 1 млрд 581 млн 474 миң сомго вакцина сатылып алынганы үчүн айып койгон жана Бейшеналиевге жалпысынан жети кылмыш иши козголгонун билдирген. Кийин ага козголгон бардык кылмыш иштери токтотулган.

Бул чуулуу иштерден кийин Алымкадыр Бейшеналиев 2022-жылы 19-августта президент Садыр Жапаровдун жарлыгы менен кызматтан бошотулган.

@azattyk_radiosu
854
«Азаттык» радиосу

03 Feb, 04:15

‼️Бишкекте таштанды урнадан табылган ымыркай чарчап калды

Бишкекте окуучулар 28-январда Интергельпо көчөсүндө таштанды урнадан таап алган ымыркай чарчап калды. Бул тууралуу Саламаттык сактоо министрлиги кабарлады.

Айына жетпей төрөлгөн кыз Шаардык балдар клиникалык тез жардам ооруканасына жеткирилип, абалы оор деп бааланып жаткан. Бишкектин Ленин райондук ички иштер бөлүмү кылмыш ишин козгоп, чарчап калган ымыркайдын энесин издеп жатат.

@azattyk_radiosu
856
«Азаттык» радиосу

03 Feb, 02:35

‼️Кыргыз өкмөтү мал-жандык экспорттоого убактылуу тыюу салды

Суу ресурстары, айыл чарба жана кайра иштетүү өнөр жайы министрлигине караштуу Ветеринардык кызмат мал-жандык экспорттоого уруксат берүүнү токтотконун жарыялады.

Расмий кабарлангандай, министрликтин буйругунун негизинде 2025-жылдын 31-январынан тартып Ветеринардык кызмат мал-жандыкты үчүнчү өлкөлөргө, анын ичинде бодо малды экспорттоого уруксат берүүнү токтоткон.

31-январга чейин берилген уруксаттар бардык текшерүүлөр аяктаганга жана ченемдик базага өзгөртүүлөр киргизилгенге чейин убактылуу токтотулат.

Расмий статистикалык маалыматтарга ылайык, 2024-жылдын январь-ноябрь айларында Кыргызстан 217 миң майда жандык жана 122,5 миң бодо мал экспорттогон. Мал-жандыктар толугу менен Өзбекстанга сатылган.

@azattyk_radiosu
886
«Азаттык» радиосу

01 Feb, 09:34

Азык-түлүк баасын себепсиз көтөргөн сатуучуларга, ишкерлерге чара көрүлөт

Азык-түлүктүн баасын себепсиз көтөрүп жиберген сатуучуларга жана ишкерлерге чара көрүлөт. Бул тууралуу Министрлер кабинетинин төрагасынын орун басары, суу ресурстары, айыл чарба жана кайра иштетүү өнөр жайы министри Бакыт Төрөбаев бааларга байланыштуу өткөргөн жыйында билдиргенин өкмөттүн басма сөз кызматы 1-февралда кабарлады.

Төрөбаев өлкөдө азык-түлүктүн кору жетиштүү экенин белгилеп, бааларды көзөмөлгө алуу, комплекстүү чечимдерди кабыл алуу зарылдыгын айткан.

@azattyk_radiosu
1,013
«Азаттык» радиосу

01 Feb, 08:20

АКШ Канада, Мексика жана Кытай товарларына пошлина киргизди

АКШда 1-февралдан тартып Канада, Мексика жана Кытай өлкөлөрүнөн ташылып келген товарларга пошлина киргизилет. Бул тууралуу Ак үйдүн маалымат катчысы Кэролайн Ливитт билдирди.

Өлкөнүн аймагына алып кириш үчүн алынчу алым (пошлина) Мексика менен Канададан 25%, Кытайдан 10% өлчөмүндө белгиленет.

Сырттан келген товарларга пошлина киргизүү азыркы президент Дональд Трамптын шайлоо алдындагы программасынын негизги бөлүктөрүнүн бири болгон.

Трамптын чечиминде белгиленгендей, аталган өлкөлөрдүн импорту АКШ экономикасынын маанилүү бөлүгү. Кошмо Штаттардын мунайды кайра иштетүүчү өнөр жай тармагынын болжол менен 20-25% Канададан келген нефтини колдонот.

@azattyk_radiosu
978
«Азаттык» радиосу

01 Feb, 06:41

АКШнын президенти Дональд Трамп 20-январда "АКШнын тышкы жардамына кайра баа берүү жана уюштуруу жөнүндө" жарлыкка кол коюп, тышкы каржылоону 90 күнгө токтотуу чечимин кабыл алган. Бул жарлыктын Кыргызстанга кандай таасири бар? Кыргызстандыктар АКШдан кандай жардам алат?

АКШнын Мамлекеттик департаментинин сайтындагы маалыматка таянсак, 2025-жылы Кыргызстан үчүн жалпысынан 39,6 миллион доллар суралганы жазылып турат.

Ал сумманын негизги бөлүгү болгон 24,3 миллион долларды Европага, Евразияга жана Борбор Азияга жардам программасынын алкагында берүү пландалып жаткан.

@azattyk_radiosu
983
«Азаттык» радиосу

31 Jan, 09:03

‼️ Абхазиядан, Армениядан келген машиналар 1-мартта мыйзамдаша баштайт

Кыргызстанга Абхазиядан, Армениядан келген унааларды мыйзамдаштыруу жараяны 1-мартта башталат. Бул тууралуу 31-январда Жогорку Кеңештеги “Ынтымак” фракциясынын президенттин четтен келген унааларды легалдаштыруу боюнча жарлыгынын аткарылышы талкууланган жыйынында маалым болду.

Жыйынга министрликтердин жана мамлекеттик мекемелердин өкүлдөрү катышып, депутаттарга абхаз, армян номурлуу унааларды легалдаштыруу боюнча мекеме аралык жумуш тобунун мүчөлөрү маалымат беришти.

“Оң рулдуу автоунааларды легалдаштыруу жарыялангандан кийин аларды өлкөгө алып келүү аракети көрүлүүдө. Президенттин жарлыгы карапайым элдин унааларын легалдаштырууга багытталган. Тиешелүү мамлекеттик органдар ушул жылдын 1-мартынан тартып легалдаштыруу жараяны башталары тууралуу маалымат беришти. Биринчи бардык керектүү документтери бар унааларды мыйзамдаштыруу, документтери жок, бирок техникалык талаптарга жооп берген машиналарды каттоо каралат", - деди фракциянын лидери Марлен Маматалиев мамлекеттик мекемелерден алган маалыматка таянып.

@azattyk_radiosu
1,183
«Азаттык» радиосу

31 Jan, 07:43

28-январда Москва полициясы курулушта иштеп жаткан мигранттарды текшеребиз деген жүйө менен полиция бөлүмүнө алып барган. Алардын айрымдарын "документтери так эмес" деген себеп менен камакка алышкан. Арасында "документи жасалма" деген кыргызстандык жаран да камакка алынганын коё берилген мигрант Азатбек (аты өзгөртүлдү) "Азаттыкка" айтып берди.

"Күндөгүдөй эле иштеп жатканбыз. Полиция келип, баарыбызды участокко алып барды. Ошол жактан документтерибизди базадан текшеришти. Тажик балдар бар эле, "патентинин мөөнөтү өтүп кетиптир" деп эки-үчөөнү алып калды. Кыргыздардыкы жакшы эле экен, бирок каттоого турганы тууралуу документиң "базадан чыккан жок, жасалма" деп, бир баланы дагы алып калышты. Кечээ участокко (полиция бөлүмүнө - ред.) барып, тамак киргизип келдик. Эми аны Сахарового айдап, андан ары депортация кылат дешти", - деди Азатбек.

@azattyk_radiosu

Макаланы толугу менен шилтемеден окуңуз. 👇
892
«Азаттык» радиосу

31 Jan, 05:40

‼️Жалаа жабууга жана мазактоого айып салган мыйзамга кол коюлду

Президент Садыр Жапаров Интернет жана жалпыга маалымдоо каражаттарында жалаа жабууга жана мазактоого айып пул салуу боюнча мыйзам долбооруна кол койду. Бул тууралуу “Эркин-Тоо” гезитинин 31-январдагы санына жарыяланды. Документке 27-январда кол коюлган жана ал он күндөн кийин күчүнө кирет.

Эми мазактоо жана жалаа жабуу боюнча арыздарды Ички иштер министрлиги кабыл алып, протокол түзүп, сотко жиберет. Эгер ал далилденсе, жалган маалымат таратты делген адамга 20 миң сом, андай маалыматты чыгарган медиага 65 миң сом айып пул салынат.

@azattyk_radiosu
923
«Азаттык» радиосу

31 Jan, 03:01

Швецияда мусулмандардын ыйык китеби Куранды өрттөгөн акцияларды уюштуруп келген ирактык качкын Салван Момиканы 29-январда атып кетишти. Полиция Момиканын өлүмү боюнча иликтөө ишин баштады.
#куран #швеция #дин #момика #жанылыктар
913
«Азаттык» радиосу

30 Jan, 16:08

Урандыларга айланган үйлөрүнө кайтып барганына кубанган газалыктар, 15 айлык барымтадан чыгып, жакындарын кучактап ыйлаган израилдиктер. Газада ок атууну токтотуу жана туткундарды бошотуу боюнча келишим аткарыла баштады.
Бул макулдашуу тилкеде тынчтыкты орното алабы? Тараптар кандай милдеттенмелерди алган? Келишимди кандай тобокечиликтер тооруп турат?
949
«Азаттык» радиосу

30 Jan, 15:16

Швецияда Куран китебин өрттөгөн акциянын уюштуруучусун атып кетишти

Швецияда мусулмандардын ыйык китеби Куранды өрттөгөн акцияларды уюштуруп келген ирактык качкын Салван Момиканы 29-январда атып кетишти.

38 жаштагы Момика Седерталье шаарында киши колдуу болду. Ага кол салуу болгон күнү бир нече сааттан кийин "улуттук жана этностук топторго каршы кыянаттыкка барган" деген негизде козголгон кылмыш иши боюнча сот өкүм чыгармак. Бул тууралуу швециялык SVT телеканалы кабарлады. Полиция Момиканын өлүмү боюнча иликтөө ишин баштады.

Жергиликтүү маалымат каражаттары кабарлагандай, Момиканы ал ТикТок социалдык тармагы аркылуу түз обого чыгып жаткан маалда атып кетишкен.

@azattyk_radiosu
946
«Азаттык» радиосу

30 Jan, 11:08

Өзбекстандын абактарында 42 кыргыз жараны отурат

Өзбекстанда Кыргызстандын 42 жараны сот жообуна тартылып, абакка кесилген. Ал эми Кыргызстанда соттолгон 90 өзбек жараны жаза мөөнөтүн өтөп жатат. Бул тууралуу баш прокурордун орун басары Үмүткан Коңкобаева Жогорку Кеңештин 30-январдагы жыйынында билдирди.

2024-жылы 1-ноябрына карата маалымат боюнча Кыргызстандын 1661 жараны чет өлкөлөрдө жаза мөөнөтүн өтөп жатат. Алардын 1370и Орусияда, 11 жаран Италияда абакта отурат.

@azattyk_radiosu
992
«Азаттык» радиосу

30 Jan, 04:52

⚡️Вашингтондо жүргүнчү учагы тик учак менен кагышып, сууга кулап түштү

АКШнын борбору Вашингтондогу Рейган аба майданына жакын жерде 30-январга караган түнү American Airlines авиакомпаниясынын жүргүнчү ташыган учагы тик учак менен кагышып, Потомак суусуна кулап түштү. Reuters маалымат агенттиги The Washington Post басылмасына таянып жазгандай, бир нече кишинин сөөгү суудан чыгарылды.

Техас штатынын сенатору Тед Круз социалдык тармактагы баракчасына "каза болгондор бар экенин билебиз" деп жазды, бирок алардын санын тактаган жок.

Басылма жазгандай, кулаган учакта 60 жүргүнчү болгон. Кийин компания учактын экипажынын төрт мүчөсү болгонун кошумчалады. Алар эмне болгону тууралуу маалымат жок, кырсык катталган жерде издөө-куткаруу иштери жүрүүдө.

@azattyk_radiosu
986
«Азаттык» радиосу

29 Jan, 20:46

Орусиянын президенти Владимир Путин украин лидери Владимир Зеленскийди “легитимсиз” деп атап, аны менен түз сүйлөшүүгө барбастыгын билдирди. Зеленский өз кезегинде Путинди “күчтүү жетекчилерден, сүйлөшүүлөрдөн коркуп жатат” деп айыптадыhttps://www.azattyk.org/a/33295373.html
1,017
«Азаттык» радиосу

29 Jan, 13:04

Украина: Зеленский Орусияны тынчтыкка “мажбурлоого” чакырды

29-январда Украинанын президенти Владимир Зеленский Орусиянын президенти Владимир Путиндин тынчтык келишимине кол коюуга даяр эместиги тууралуу айтканына жооп берди.

Зеленский өз сөзүндө "чыныгы тынчтыкка жетишүүгө мүмкүнчүлүк бар", бирок Путин "киши өлтүрүүнү улантып же кайрадан толук масштабдуу чабуулун даярдоо үчүн тыныгуу алгысы келет" деп айткан. Зеленский дүйнө лидерлерин мурунку катачылыктарды эске алып, Орусияны тынчтыкка “мажбурлоого” чакырды.

Владимир Зеленский буга чейин АКШнын президенти Дональд Трамп орус-украин согушун башкаларга караганда тезирээк бүтүрө аларын айткан сөздөрүн кайталады.

@azattyk_radiosu
1,076
«Азаттык» радиосу

29 Jan, 09:23

Түркиялык "Ихлас" кабар агенттиги шейшембиде Анталия шаарында кыргызстандык аял суицидге барууга камынганын жазды. Окуя 27-январда шаардын Муратпаша районунда болгон. 45 жаштагы кыргызстандык Айнур аттуу аял деңиз жээгиндеги бийик жарга барып, боюн таштамакчы болгон кезде окуянын күбөлөрү полиция чакырган.

Ал жерге дароо "Тез жардам", полиция жана куткаруучулар барганы айтылат. Полиция кызматкерлери кыргызстандык аялды көпкө чейин артка кайтууга аракет кылган. Төрт сааттан кийин гана майнап чыккан.

@azattyk_radiosu

Макаланы толугу менен шилтемеден окуңуз. 👇
1,027
«Азаттык» радиосу

22 Jan, 09:27

Кадырбек Атамбаев милицияга суракка чакырылганын билдирди

Социал-демократтар партиясынын мүчөсү Кадырбек Атамбаев Бишкек шаардык милициясына суракка чакырылганын кабарлады. Бул тууралуу ал 22-январда Фейсбук баракчасына жазып, милицияга чакыруу кагазынын сүрөтүн жарыялады.

Анда Атамбаев күбө катары суракка чакырылганы белгиленген.

Бишкек милициясынын басма сөз кызматы маалымат такталып жатканын билдирди.

Азыркы тапта Социал-демократтар партиясынын үч өкүлү камакта отурат. Партия лидери, 26 жаштагы Темирлан Султанбеков, партиянын мүчөлөрү Ирина Карамушкина жана Роза Түрксевер 2024-жылдын 13-ноябрында камалган.

@azattyk_radiosu
667
«Азаттык» радиосу

22 Jan, 08:44

Кыргызстанда орточо жашоо минимуму 7963 сом деп эсептелди

Кыргызстанда 2024-жылдын аягына карай орточо жашоо минимуму 7963 сом 72 тыйын деп эсептелинди. Бул тууралуу Улуттук статистикалык комитет маалымдады.

Маалыматка ылайык, калктын эмгекке жарамдуу катмарынын жашоо минимумунун өлчөмү 8906,5 сом болсо, пенсия курагындагылардыкы 7063 сом 85 тыйынды түздү. Балдардын жашоо минимуму 6768, 77 сом болгон.

2024-жылдын ортосунда Кыргызстанда жалпы жашоо минимуму 8144 сом деп эсептелген.

@azattyk_radiosu
691
«Азаттык» радиосу

22 Jan, 06:38

Трамп Орусияга каршы санкция киргизүүгө даяр экенин билдирди

АКШнын президенти Дональд Трамп эгер Орусия президенти Владимир Путин Украинадагы согушту токтотуу боюнча сүйлөшүүдөн баш тартса, анын администрациясы Орусияга каршы санкцияларды киргизе турганын 21-январда айтты. Бул тууралуу Reuters маалымат агенттигине шилтеме кылып "Свобода" радиосу жазды.

Трамп администрациясы Украинага курал жөнөтүү маселесин караштырып жатканын, Европа Биримдиги Киевге көбүрөөк жардам бериши зарылдыгын белгилеген.

"Биз Зеленский [Украинанын президенти] менен сүйлөшүп жатабыз, жакын арада биз президент Путин менен сүйлөшөбүз», — деди Трамп.

@azattyk_radiosu
745
«Азаттык» радиосу

22 Jan, 02:59

‼️“Азаттык” 2020-жылдын ноябрь айынан бери социалдык түйүндөргө жазган билдирүүсү, бөлүшкөн маалыматы, жаcаган материалы үчүн суракка чакырылган, кылмыш жоопкерчилигине тартылган 50дөн ашуун жаранды аныктады.

@azattyk_radiosu

Макаланы толугу менен шилтемеден окуңуз. 👇
827
«Азаттык» радиосу

21 Jan, 11:08

ТРАМП CBP ONE МИГРАЦИЯЛЫК ТИРКЕМЕСИНЕ ТЫЮУ САЛДЫ

АКШнын президенти Дональд Трамптын президенттик ишинин алгачкы саатында эле саясий башпаанек сурагандар үчүн эң маанилүү болгон CBP ONE тиркемесинин иштөөсү токтотулду.

CBP ONE тиркемеси акыркы жылдары Мексика аркылуу АКШга сапар тарткан борбор азиялыктар үчүн да мыйзамдуу кирүүнүн негизги жолуна айланган. Америка кыялына жетеленген мигранттардын көпчүлүгү өз өлкөрүндө болгон оокат-ашын сатып, кооптуу жолдорду кесип өтүп, Мексикада картелге жем болуп, шылуундарга алданып, оголо көп каражаттарын сарптаса да, Америкага мыйзамдуу кирүү үчүн дал ушул тиркемени колдонушчу.

@azattyk_radiosu
929
«Азаттык» радиосу

21 Jan, 08:32

Чернобылчы ардагерлердин пенсиясына кенемте кошулду

Кыргыз өкмөтү Чернобыл кырсыгынан жабыркаган жарандардын пенсиясына кошумча төлөнүүчү кенемтенин өлчөмүн бекитти.

Токтомго ылайык, Чернобыл кырсыгынан жабыркагандардын эң аз пенсиясы 9300 сом болот. Ал эми пенсия өлчөмү минималдык пенсияга жетпегендерге ай сайын 2400 сомдон кенемте кошумча төлөнүп берилет.

Социалдык фонддун маалыматына караганда, Кыргызстандагы 1020 чернобылчы ардагердин пенсиясын көбөйтүү үчүн мамлекеттик бюджеттен 37,1 млн сом кошумча бөлүү зарыл.

@azattyk_radiosu
893
«Азаттык» радиосу

21 Jan, 07:24

Мамлекеттик салык кызматы саясий жана мамлекеттик кызматкерлердин 2023-жылдагы декларациясын жарыялады. Анда президент баш болгон аткаминерлердин, депутаттардын бир жылдагы киреше-чыгашасы жана мүлкү жазылган. 
Бийлик жетекчилери канча киреше тапкан?

Салык кызматынын маалыматында, президент Садыр Жапаров 2023-жыл ичинде 2 млн 760 миң сом киреше тапкан. Чыгашасы болгон эмес. Президентке катталган мүлктөн 63 сотых (0,63 гектар) айыл чарбасына багытталган жер бар.

@azattyk_radiosu
844
«Азаттык» радиосу

21 Jan, 05:12

❗️"Сапат" билим берүү мекемесинин окуучуларынын ата-энелери президентке кайрылды

"Сапат" билим берүү мекемелеринде окуган окуучулардын ата-энелери Бишкекте маалымат жыйын өткөрүп, өлкө жетекчилигине кайрылды.

Алар "Сапат" окуу жайлары Түркиянын "Маариф" фондуна өтүп жатканына тынчыздануусун билдиришти. Ата-энелер буга чейин "Сапат" билим берүү мекемелеринде түзүлгөн сапаттуу окутуу системасы бузулуп, окуучулардын билим алуусуна терс таасирин тийгизерин айтышты. Ошондой эле "Сапаттын" окуучуларынын чет өлкөдө ар кандай сынактардагы жетишкендиктерин белгилеген ата-энелер учурда бул тармакта дагы маселе жаралганын айтышты.

Ата-энелер "Сапат" системасынын сакталышын, окууну бүткөндө документке "Сапаттын" мөөрү коюлушун, күчтүү мугалимдердин сакталып калышын каалашат.

@azattyk_radiosu
1,078
«Азаттык» радиосу

21 Jan, 04:19

Прокуратура: Өзүн өрттөөгө аракет кылган жаран бул кадамга соттун чечиминен улам барган

Башкы прокуратура 20-январда өзүнө өрт койгон жаран тууралуу түшүндүрмө берди. Башкы көзөмөл органынын басма сөз кызматы тараткан маалыматка ылайык, М.Э.А соттун чечимине нааразы болуп, өзүн өрттөөгө аракет кылган. Бул окуя боюнча Октябрь райондук ички иштер башкармалыгы (РИИБ) тергөөгө чейинки текшерүү жүргүзүүдө.

Башкы прокуратура бул жарандын 63 000 АКШ доллар турган автоунаасын А.у.М. аттуу адам алдап сатып жиберип, бирок акчасын кымырып алган факт боюнча кылмыш иши козголгонун, А.у.М. камакка алынып, иш былтыр 4-декабрда соттун кароосуна жиберилгенин маалымдады.

Ошондой эле, Октябрь райондук сотунун судьясы айыпкерди прокурор камакта калтырууну сураганына карабай, камактан бошотуп жиберген.

Ошондой эле А.Т. жана А.К. аттуу жарандар камакта турган үйдү М.Э.А. жана И.А. аттуу адамдарга 500 000 долларга алдап сатып жиберген факт боюнча кылмыш иши козголгону кошумчаланды.

@azattyk_radiosu
853
«Азаттык» радиосу

21 Jan, 03:46

‼️"Алданып талаада калдым". Бишкекте өзүнө өрт койгон жаран ооруканага түштү

Бишкектеги Башкы прокуратуранын алдында Эламан Мазырбаев деген жаран өзүнө өрт коюп, ооруканага жаткырылды.

Ал укук коргоо органдарына жазган арызына көңүл бурулбаганы үчүн ушундай кадамга барганын жакындары айтууда. Милиция анын айткандары боюнча кылмыш иши козголуп, териштирилип жатканын билдирди.

20-январда социалдык тармакта тараган видеодо белгисиз жаран Бишкектеги Башкы прокуратуранын алдында өзүнө өрт койгон.

@azattyk_radiosu

Макаланы толугу менен шилтемеден окуңуз 👇
864
«Азаттык» радиосу

20 Jan, 12:50

Жогорку Кеңештин экс-депутаты, Токмок шаарынын мурдагы мэри Урматбек Самаев президенттин Жалал-Абад облусундагы өкүлүнүн орун басары болуп дайындалды. “Чемпион” деген каймана ат менен таанымал Самаев 2023-жылы кармалып, мамлекетке 130 миллион сомдон ашык зыян келтиргени айтылган.

Бирок Самаев жакында эле Жогорку сотто акталганы белгилүү болгон. Убагында ар кандай сөз ээрчиген, коррупцияга айыпталган адамдын жетекчилик кызматка барышы талкуу жаратууда.

@azattyk_radiosu

Макаланы толугу менен шилтемеден окуңуз. 👇
981
«Азаттык» радиосу

20 Jan, 10:25

Израил түрмөлөрүндөгү 90 палестинди бошотту

Израил ХАМАС менен түзүлгөн согушту токтотуу келишиминин алкагында түрмөдөгү палестиндердин биринчи тобун, 90 адамды бошотту.

Бул тууралуу Рейтер" агенттиги жазды. Маалыматка караганда, алардын 69у аял, 21и өспүрүм. Көбү Иордан дарыясынын оккупацияланган Батыш жээгинин тургундары. Аларды Батыш жээктеги Рамалла шаарында миңдеген адамдар фейерверктерди жардырып, шаан-шөкөт менен тосуп алышты.

@azattyk_radiosu
956
«Азаттык» радиосу

20 Jan, 08:10

⚡️Башкы прокуратуранын алдында бир адам өзүн өрттөп жиберди

20-январь күнү Башкы прокуратуранын алдында бир адам өзүн өрттөп жиберди. Бул тууралуу маалымдаган жарандык активист Ыргалай Бекмуратова ал кыймылсыз мүлк маселеси боюнча адилеттик таппай, өзүн өрттөөгө барганын Фейсбуктагы баракчасына жарыялады.

Маалыматты "Тез жардам" кызматы журналисттерге ырастады. Ага ылайык, өзүн өрттөгөн жаранга дарыгерлер алгачкы жардам көрсөтүшкөн.

Башкы прокуратура бул окуя боюнча комментарий бере элек.

@azattyk_radiosu
963
«Азаттык» радиосу

20 Jan, 07:50

Жакында акталган Урматбек Самаев жаңы кызматка дайындалды

Жогорку сот тарабынан акталган экс-депутат Урматбек Самаев президенттин Жалал-Абад облусундагы өкүлүнүн орун басары болуп дайындалды. Бул тууралуу жарлыкка Министрлер кабинетинин төрагасы Адылбек Касымалиев кол койду.

Урматбек Самаев Жалал-Абад облустук администрациясынын эмгек жамаатына 20-январь күнү тааныштырылып, кызматына киришкени кабарланды.

Токмок шаарынын мурдагы мэри, Кылмыш-жаза кодексинин 337-беренеси - “Кызмат абалын кыянаттык менен пайдалануу” менен айыпталган Урматбек Самаевди Жогорку сот 13-январда актаган.

@azattyk_radiosu
931
«Азаттык» радиосу

20 Jan, 06:43

УКМК төрагасы Камчыбек Ташиев студенттерге акча чогултууга тыюу салды

Бул тууралуу ал Бишкекте Билим берүү жана илим министрлигинин жетекчилиги, жогорку окуу жайларынын, кесиптик лицейлердин жана коллеждердин кызматкерлери менен 16-январда өткөргөн кеңешмеде айтты.

@azattyk_radiosu
925
«Азаттык» радиосу

20 Jan, 04:14

Трамп азырынча АКШда TikTokту жаппай турууну убада кылды

TikTok социалдык тармагы провайдерлер менен түзүлгөн келишимге ылайык, Америка Кошмо Штаттарындагы колдонуучулар үчүн жеткиликтүү болорун билдирди.

TikTokтун билдирүүсүн "Свобода" радиосу Reuters агенттигине шилтеме кылып жазды. Анда бир күнгө жетпей президенттик кызматына расмий кирише турган Дональд Трамп америкалык бийликке "улуттук коопсуздукту коргоо багытында" социалдык тармак менен келишим түзүүгө убакыт берүүгө убада бергени кабарланган.

Жекшембиде TikTokту жабуу мыйзамы күчүнө кирген. Компаниянын билдирүүсүндө Трамп тыюуга карабай аталган платформаны колдогон провайдерлерди жоопкерчиликке тартпоо тууралуу убада бергени белгиленген.

@azattyk_radiosu
995
«Азаттык» радиосу

19 Jan, 13:50

"Жүрөк алсыз дагы, күчтүү дагы" | "Сергек жашоо" подкасты

Кыргызстанда соңку жылдары жүрөк-кан тамыр оорулары жашарып бара жатканы айтылып келет. Эмнеге жүрөк оорусу менен эмгекке жарамдуу эркектер ооруйт? Бул дартты аныктоодо жасалма интеллект, заманбап технологиялар кандай жардам берет? Биз жүрөк дартын пайда кылган себептер жана алардын кесепеттери тууралуу белгилүү дарыгер, кардиолог-аритмолог Дамир Осмоновдон сурадык. Дарыгер менен кабарчыбыз Санжи Туйтунова маектешти. https://www.youtube.com/watch?v=tfNBkaRnu_4
1,190
«Азаттык» радиосу

19 Jan, 11:12

Өкмөт элдин 11 млрд сом карызын кечет

Өкмөт 2022-жылга чейин төлөнбөй калган салыктык карыздарды кечмей болду. Ага кошумча унаа салыгын төлөй электер да бул төлөмдөн бошотулат. Жалпысынан мамлекет 11 млрд сом карызды кечүүгө даяр экенин билдирди.

Мындай чечимдин максаты эмнеде? Убагында төлөп жүргөндөргө карата акыйкатсыздык болбойбу? Кененирээк макаладан окуңуз: https://smarturl.click/W3Ya9
1,170
«Азаттык» радиосу

11 Jan, 09:03

АКШ Бишкекте катталган “Газпром нефть Азия” ишканасына санкция салды

АКШнын Каржы министрлигинин чет элдик активдерди көзөмөлдөө башкармалыгы (OFAC) Бишкекте катталган “Газпром нефть Азия” жана “Мунай мырза” компанияларына санкция салды. Эки ишкана тең Бишкектин 8-кичи районунда бир даректе катталган.

Санкцияга Орусиянын “Газпром нефть” жана “Сургутнефтегаз” компанияларынын 20га жакын туунду ишканалары илинди.

@azattyk_radiosu
770
«Азаттык» радиосу

11 Jan, 07:49

ИИМ Айдар Халиковду Кыргызстанга экстрадициялоо каралып жатканын билдирди

Ички иштер министрлиги Интерпол аркылуу эл аралык издөө жарыяланып, Молдовада кармалган Кыргызстандын жаранын (1965-жылы туулган Х.Х.) өлкөгө экстрадициялоо маселеси каралып жатканын билдирди.

Министрликтин маалыматына ылайык, ага Кылмыш-жаза кодексинин 209-беренесинде каралган “кызматтык абалын пайдалануу менен жасалган өзгөчө ири өлчөмдөгү алдамчылык” менен айып тагылууда.

Х.Х. Хайдарали Халиков (ред: коомчулукта ал Айдар деген ат менен белгилүү) экени белгилүү болду. ИИМ тараткан инициал жана шектүүнүн туулган жылы Айдар Халиковдун аты-жөнүнө туура келет.

@azattyk_radiosu
794
«Азаттык» радиосу

11 Jan, 05:25

❗️Баткенде ымыркайын мечитке таштап кеткен 16 жаштагы эне кармалды

Баткен облустук ички иштер башкармалыгы Кызыл-Кыя шаарындагы мечитке ымыркайын таштап кеткен эне табылганын билдирди.

Милициянын маалыматына ылайык, ыкчам-иликтөө иш-чараларынын натыйжасында 10-январда Кадамжай районунун Орозбеков айыл аймагынын 16 жаштагы тургуну аныкталып, кармалды. Ушул тапта тергөө иштери уланууда.

3-январда Кызыл-Кыя шаарындагы “Аль-Гуфран” атындагы мечитке эртең менен азан чакыруу үчүн молдо барган учурда мечиттин ичинде ак шейшепке оролгон эркек бала табылган.

@azattyk_radiosu
851
«Азаттык» радиосу

10 Jan, 07:40

ИИМ "апасын өлтүргөн" деп издөөдө жүргөн адамга жасалма паспорт берилгенин билдирди

Ички иштер министрлиги "апасын өлтүргөн" деп шек саналып, издөөдө жүргөн адамга жасалма паспорт берилип, ал Орусияга качып кеткенин, ал жакта да адам өлтүрүүгө айыпталып соттолгонун билдирди.

Мекеменин маалыматына ылайык, 2008-жылы Чүйдүн Жайыл райондук милициясына киши өлтүрүү фактысы тууралуу билдирүү түшкөн. Окуя болгон жерден 46 жаштагы аялдын (2008-жылкы убакыт боюнча) сөөгү табылган. Бул кылмыш ишине байланыштуу анын азыр 40 жаштагы уулу шек саналып жатат.

Ага издөө жарыяланып, бирок жүргөн жерин аныктоо мүмкүн болбой, чет өлкөгө качып кеткен. 16 жылдан кийин гана оор кылмыш жасагандыгы үчүн издөөдө жүргөн 1985-жылы туулган Р.Б. 2012-жылы башка жарандын атына (1981-жылы туулган И.А. атына) жаңы паспорт алганы аныкталган.

@azattyk_radiosu
1,032
«Азаттык» радиосу

10 Jan, 05:22

⚡️Абхазиядан, Армениядан келген автоунаалар алты айдын ичинде мыйзамдаштырылат

Президент Садыр Жапаров Кыргызстанга мыйзамсыз ташылып келди делген Абхазиянын, Армениянын жана Орусиянын номуру менен жүргөн автоунааларга байланыштуу жарлык чыгарды. Ага ылайык, Министрлер кабинети эки айдын ичинде мындай машинелерди каттоонун жол-жобосун иштеп чыгып, тиешелүү чечим кабыл алат жана алты айдын ичинде ишке ашырат.

Мамлекет башчынын 2024-жылдын 31-декабрында кол койгон жарлыгына ылайык, биринчи кезекте документтери бар автоунаалар мыйзамдаштырылат. Экинчи этапта документтери жок, бирок техникалык абалы талаптарга жооп берген машинелер каттоого алынат. Андан тышкары документтери жок автоунааларды башка максатта пайдаланууга - тетик катары сатууга, өлкөдөн чыгарып кетүүгө мүмкүнчүлүк берилет.

@azattyk_radiosu
1,020
«Азаттык» радиосу

10 Jan, 02:47

Өзбекстанда кыздарды жамбашка чаап видео тарткан жигит беш суткага камалды. Видеого борбор калаанын тургуну арызданган. Ал видеодо дискриминациянын белгилери бар экенин айткан.

@azattyk_radiosu
1,040
«Азаттык» радиосу

09 Jan, 12:15

Бир литрге бир сом

2025-жылдын 1-январынан тартып бензин жана дизел майынын ар бир литрине кошумча 1 сом төлөнөт. Андан түшкөн каражат Жол фондуна которулат жана автоунаа жолдорун оңдоого, салууга, реконструкциялоого пайдаланылат.

@azattyk_radiosu
1,130
«Азаттык» радиосу

09 Jan, 09:39

ЖК депутаты Молдобекованын кеңешчиси үй камагына чыгарылды

Жогорку Кеңештин депутаты Гүлкан Молдобекованын Р.А.Р. аттуу кеңешчиси 2024-жылдын 30-декабрында үй камагына чыгарылган. Бул тууралуу "Азаттыкка" Биринчи май райондук сотунан билдиришти.

Мекеме маалымдагандай, шектүү кайсы жаран экени аныкталды, туруктуу жашаган жери такталды, ал шектелип жаткан кылмыш анча оор эмес деп эсептелет.

Козголгон кылмыш иши боюнча соттук отурум 21-январга белгиленген.

@azattyk_radiosu
1,142
«Азаттык» радиосу

09 Jan, 07:38

‼️Жогорку Кеңештин кызматкерлеринин Жаңы жылдык кечесиндеги чыр боюнча кылмыш иши козголду

Жогорку Кеңештин комитет кызматкерлеринин Жаңы жылдык кечедеги чырына байланыштуу ишти Бишкектин Октябрь райондук милициясы иликтөөдө.

Октябрь райондук милициясынан маалымдашкандай, К.Р. аттуу жаран арыз менен кайрылып, 28-декабрга караган түнү У.А. аттуу жаран күч колдонуп, денесине жаракат келтиргени үчүн чара көрүүнү суранган.

Айрым маалымат каражаттары 27-декабрда Жогорку Кеңештеги бир комитеттин кызматкерлери Анкара көчөсүндөгү ресторанда жаңжалдашып, натыйжада бир кызматкерди бөлүм башчысы сабап койгону тууралуу жазып чыгышкан. Анда жабыркаган кишинин жакындары сабалды делген К.Р. аттуу жарандын баш жана бет сөөктөрү сынганын, денеси көп жеринен жаракат алганын билдиришкен.

@azattyk_radiosu
1,148
«Азаттык» радиосу

09 Jan, 02:59

Дания: Гренландия эгемен болушу мүмкүн, бирок АКШга кошулбайт

Гренландиянын тургундары кааласа, арал эгемен болушу мүмкүн, бирок АКШнын штаты болбойт. Бул тууралуу Даниянын тышкы иштер министри Ларс Лөкке Расмуссен шаршембиде билдирди. Анын алдында АКШнын шайланган президенти Дональд Трамп Даниянын башкаруусундагы аралды сатып алуу маселесинде экономикалык же аскердик күч колдонууну жокко чыгаруудан баш тарткан.

Гренландиянын лидери Муте Эгеде 8-январда Копенгагенде Даниянын падышасы менен сүйлөшүү жүргүздү.

Трамп дүйнөдөгү эң ири аралды падышалыктан сатып алуу ниетин бир нече жолу кайталап, бул – АКШнын коопсуздугу үчүн “абдан маанилүү” экенин айткан. 7-январда анын уулу Дональд Трамп Гренландияга жеке сапар менен барды.

57 миң калктуу арал 600 жыл Даниянын бөлүгү болуп келгени менен гренландиялыктар ички маселелерин өздөрү тескейт.

@azattyk_radiosu
1,195
«Азаттык» радиосу

08 Jan, 12:14

Былтыр Орусиядан 80 миңден ашуун мигрант чыгарылды

Өткөн жылы Орусиядан "миграциялык эрежелерди бузду" деп 80 миңден ашуун келгин чыгарылган, алардын 23 миңи Москва шаарындагы жана Москва облусундагы соттордун чечими менен депортацияланган.

ТАСС агенттиги Сот приставдарынын федералдык кызматындагы (ФССП) булактарына шилтеме берип жазгандай, 2023-жылы өлкөдөн 44 миңден ашуун чет элдик жана жарандыгы жок киши чыгарылган. Андан мурунку жылы соттор ошондой 26,6 миң чечим чыгарган.

@azattyk_radiosu
1,145
«Азаттык» радиосу

08 Jan, 06:47

‼️ Бишкекте митинг өткөрүүгө салынган тыюу дагы узартылды

Бишкектин негизги аянттары менен көчөлөрүндө митинг-пикеттерди өткөрүүгө салынган тыюу 31-мартка чейин узартылды.

Биринчи май райондук соту 2022-жылы март айында Бишкектин Ала-Тоо аянтында жана Эркиндик бульварынын темир жол вокзалынан аянтка чейинки тилкесинде, Жогорку Кеңештин айланасында жана анын жанындагы Панфилов паркында, өкмөт үйүнүн алдында жана анын жанындагы Турсунбаева атындагы бакчада митинг-пикеттерди өткөрүүгө тыюу салган.

@azattyk_radiosu
1,156
«Азаттык» радиосу

08 Jan, 04:05

Жогорку Кеңештин экс-депутаты Мамат Орозбаев каза болду

Жогорку Кеңештин экс-депутаты, мамлекеттик жана коомдук ишмер Мамат Орозбаев 7-январда 79 жашында каза болду. Бул тууралуу парламенттин басма сөз кызматы кабарлады.

Мамат Орозбаев 1946-жылы Ош облусунун Өзгөн районунун Жалпак-Таш айылында туулган. 1971-жылы Самарканд кооперативдик институтун аяктап, Жалал-Абад кооперативдик техникумунда окутуучу катары ишин баштаган.

1990-жылы “Легендарлуу парламент” деп аталган Кыргыз ССР Жогорку советинин 12-чакырылышына депутат болуп шайланган. 2010-жылы Жогорку Кеңештин V чакырылышына да депутат болгон.

@azattyk_radiosu
1,108
«Азаттык» радиосу

08 Jan, 03:07

БУУ: Иранда былтыр кеминде 901 киши дарга асылды

Иранда 2024-жылы 901 киши дарга асылды. Алардын 40ка жакынынын өкүмү декабрда ишке ашырылган. Мындай маалыматты шейшембиде БУУнун Адам укуктары боюнча жогорку комиссары Волкер Түрк жарыялады. Ал ушунча сандагы кишинин соттун өкүмү менен өлүмгө дуушар болгону камтама жаратарын айтты.

Ислам жумуриятында адам өлтүрүү, наркозат аткезчилиги, зордуктоо жана сексуалдык ыдык көргөзүү үчүн жогорку жаза каралган.

@azattyk_radiosu
1,128
«Азаттык» радиосу

07 Jan, 13:15

Сауд арабиянын бир катар шаарларын суу каптады. Анын ичинде мусулмандар үчүн ыйык болгон Мекке шаары да бар.

Буга бир нече күн нөшөрлөп жааган жамгыр себеп болгон. Метеорология кызматы Мекке, Медина жана Жидда шаарларында кооптуу абал жарыялады.

@azattyk_radiosu
1,211
«Азаттык» радиосу

07 Jan, 10:38

‼️Кыргыз-өзбек-тажик премьер-министрлери жолугуп, чек ара маселесин талкуулайт

Министрлер кабинети Кыргызстандын, Өзбекстандын, Тажикстандын премьер-министрлери - Адылбек Касымалиев, Абдулла Арипов, Кохир Расулзода 8-январда үч өлкөнүн мамлекеттик чек аралары кесилишкен жерде жолугушарын билдирди.

Өкмөттүн басма сөз кызматы кабарлагандай, жолугушууда алар буга чейин жетишилген чек ара маселелерине байланышкан макулдашуунун айланасында сүйлөшүүлөрдү жүргүзөт.

2024-жылы 4-декабрда кыргыз-тажик чек арасын делимитациялоо жана демаркациялоо маселеси боюнча өкмөттүк жумушчу топтор бардык тилкелер боюнча тактоо иштерин аяктаган.

Ал эми кыргыз-өзбек чек арасы боюнча делимитация жана демаркация жараяны аяктаганын Садыр Жапаров 2023-жылы 27-январда Бишкекке мамлекеттик сапар менен өзбек президенти Шавкат Мирзиёев келгенде жарыялаган.

@azattyk_radiosu
1,121
«Азаттык» радиосу

07 Jan, 10:01

Зилалиев менен чогуу камалган Сатыбековдун камактагы мөөнөтү узартылды

Лицензия берүүдөгү жемкорлукка шек саналып кармалган Геология жана жер казынасын пайдалануу мамлекеттик агенттигинин мурдагы директору Мелис Сатыбековдун камактагы мөөнөтү 4-мартка чейин узартылды.

Бишкектин Биринчи май райондук сотунун басма сөз кызматы анын камактагы мөөнөтүн узартуу боюнча арызды 2024-жылдын 30-декабрында Улуттук коопсуздук боюнча мамлекеттик комитеттин (УКМК) Башкы тергөө башкармалыгынын улук тергөөчүсү берип, ал канааттандырылганын билдирди. Бул маалымат 7-январда маалым болду.

@azattyk_radiosu
708
«Азаттык» радиосу

07 Jan, 09:23

Тибетте жер титирөөдөн каза болгондор 100гө жакындады

7-январда Кытайдын Тибет автономдуу районунун тоолуу аймагында болгон катуу жер титирөөдөн каза болгондор кеминде 95 кишиге жетти. “Би-Би-Си” радиосунун орус кызматы Кытайдын жалпыга маалымдоо каражаттарына шилтеме берип, дагы 130дай адам жаракат алганын жазды.

“Синьхуа” маалымат агенттиги жер титирөөнүн күчү очогунда 6,8 баллга жеткенин кабарлаган.

Жер титирөө болгон бийик тоолуу Тингри округунда 62 миңге жакын адам жашайт. Региондо жер тез-тез силкинип турат.

@azattyk_radiosu
678
«Азаттык» радиосу

07 Jan, 07:54

Мексикада дайынсыз болуп жаткан Кыргызстандын жараны табылды

Мексикада дайынсыз болуп жаткан Кыргызстандын жараны Жаныбек Жакыпов табылды. Бул тууралуу алып баруучу Ассоль Молдокматова Фейсбуктагы баракчасына жазып, анын аудио билдирүүсүн жарыялады.

Анда Жаныбек Жакыпов Мексикада эс-учун жоготуп, аны жергиликтүүлөр менчик клиникага алып барышканын, жакынкы күндөрү мекенине кетерин айтканын угууга болот.

Буга чейин Кыргызстандын Тышкы иштер министрилиги АКШнын, Орусиянын, Казакстандын Мексикадагы элчиликтери аркылуу кыргыз жаранын издөө иштерин жүргүзүп жаткан.

@azattyk_radiosu
711
«Азаттык» радиосу

07 Jan, 06:27

❗️Тибетте жер титирөөдөн кеминде 50дөн ашык адам набыт болду

7-январда Кытайдын Тибет автономдуу районунун тоолуу аймагында болгон катуу жер титирөөдөн кеминде 50дөн ашык адам набыт болду. “Би-Би-Си” радиосунун орус кызматы Кытайдын жалпыга маалымдоо каражаттары жердин силкинүүсүнөн бир топ имараттар урап түшкөнүн жазганын билдирди.

“Синьхуа” маалымат агенттиги жер титирөөнүн күчү очогунда 6,8 баллга жеткенин кабарлаган.

АКШнын Геологиялык кызматы Тибет автономдуу районунун Шигадзе шаарынан 177 чакырым түштүк-батышта болгон жер титирөө очогунда 7,1 баллга жеткенин кабарлады. Жер титирөө Непалдын борбору Катмандуда да сезилген.

@azattyk_radiosu
758
«Азаттык» радиосу

07 Jan, 04:34

Бузурман Субанов “Кумтөрдүн” жетекчиси болуп дайындалды

“Кумтөр Голд Компани” жабык акционердик коомунун президенти Алмазбек Барыктабасов кызматтан кетип анын ордуна Бузурман Субанов дайындалганы белгилүү болду.

Айрым жалпыга маалымдоо каражаттары Бузурман Субанов 2024-жылдын 30-декабрында “Кумтөр Голд Компани” ишканасынын эмгек жамаатына тааныштырылганын жазышкан.

Ачык булактарда Бузурман Субанов тууралуу дээрлик маалымат жок. “Кумтөрдүн” жетекчиси болгонго чейин “Кыргызалтын” ишканасынын төрагасынын орун басары болуп иштеп турганы гана белгилүү.

“Кумтөр Голд Компани” компаниясынын мурдагы президенти Алмазбек Барыктабасов 2022-жылдан бери иштеп келаткан.

@azattyk_radiosu
817
«Азаттык» радиосу

06 Jan, 13:05

Кыргызстанда коррупцияга айыпталгандарга жазаны катаалдаштыруу мыйзамы күчүнө кирди. Ага ылайык, “Коррупция” беренеси менен соттолгондорго мамлекеттик кызматта иштөөгө өмүр бою тыюу салынат. Андай адамдардын жакындары, туугандары да мамлекеттик жана муниципалдык кызматта иштей албайт.

Жаңы мыйзамга ылайык, коррупцияга айыпталгандар күнөөсүн моюнуна алып, чыгымды төлөгөн күндө да жаза мөөнөтүнүн жарымын абакта өтөөгө тийиш. Аларга пробацияга чыгуу мүмкүнчүлүгү берилбейт.

@azattyk_radiosu

Макаланы толугу менен шилтемеден окуңуз. 👇
946
«Азаттык» радиосу

06 Jan, 10:00

‼️Кыргызстанда акыркы үч айда метапневмовируска чалдыккан эки адам аныкталды

2024-жылдын октябрь - декабрь айларында жугуштуу ооруларга байланыштуу 1 144 бейтаптан анализ алынып, анын ичинде эки адамдан метапневмовирус аныкталган. Бул тууралуу Саламаттык сактоо министрлиги маалымдады.

Метапневмовирус курч респиратордук илдеттердин себептеринин бири экенин дүйнөлүк маалымат каражаттары жазып келишет. Башында бул вируска Кытайда көптөгөн адамдар, анын ичинде балдар чалдыгып жатканы кабарланган.

Саламаттык сактоо министрлиги эскерткендей, илдет адамдарда кадимки сасык тумоо сыяктуу - жөтөл, мурундун бүтүшү, баш оору жана дене табынын көтөрүлүшү менен башталат. Айрым учурларда дем жетпей, кыйналуу байкалып, бат эле өпкөнүн кагынуусуна алып келиши ыктымал.

@azattyk_radiosu
905
«Азаттык» радиосу

06 Jan, 08:45

Байден Клинтон, Сорос, Месси баштаган 19 кишиге Президенттин эркиндик медалын тапшырды

АКШнын президенти Жо Байден 19 кишиге америкалыктардын абройлуу сыйлыктарынын бири – Президенттин эркиндик медалын тапшырды. Ал сыйлык алгандарды "Американы жана дүйнөнү илгери сүрөгөн чыгаан лидерлер" деп атады. Бул тууралуу Ак үй тараткан маалыматта айтылат.

Сыйлыкка татыгандар: мурдагы мамлекеттик катчы Хиллари Клинтон, ишкерлер жана филантроптор Жорж Сорос, Тим Гилл, Дэвид Рубинштейн, антрополог Жейн Гудолл, футболчу Лионел Месси жана баскетболчу Эрвин Жонсон, музыкант Боно, актёрлор Майл Жей Фокс жана Дензел Вашингтон, журналист, медиаменежер Анна Винтур, илимпоз Сэнфорд Най, жазуучу Жорж Стивенс, модельер Ральф Лорен.

@azattyk_radiosu
902
«Азаттык» радиосу

06 Jan, 06:16

Эгер тынчтык келишими түзүлсө эки коңшу өлкөнүн 2014-жылдан бери уланып келаткан куралдуу кармашына чындап чекит коюлабы? АКШнын шайланган президенти Дональд Трамп шайлоо маалында Украинадагы урушту 24 саатта токтоторун айткан. Ал убадасынын өтөөсүнө чыгабы?

Согуштун алгачкы эки аптасында эле Орусиянын Украинаны толук баш ийдирип алуу аракети оңунан чыкпагандан кийин эки жылдын ашуун созулган кан күйгөн кармаштын жакында бүтөрүнөн күмөн санагандар көп.

Соңку айларда жагдай өзгөрдү. Ага майдандагы кырдаал, АКШда Трамптын кайра президенттикке шайланышы менен коомдук пикирдин өзгөрүшү сыяктуу факторлор себеп болду. 20-январда Ак үйдө кызматка кирише турган Трамп Европада тутанган от күйгөн кармашты бир же эки сутканын ичинде токтоторун айткан.

@azattyk_radiosu

Макаланы толугу менен шилтемеден окуңуз. 👇
912
«Азаттык» радиосу

06 Jan, 05:02

Ош шаарында оорукана өрттөндү

Өзгөчө кырдаалдар министрлиги маалымдагандай, 6-январда саат 8:00 чамасында Ош шаарындагы Абдыкадыров көчөсүндө жайгашкан кургак учукка каршы күрөшүү ооруканасы өрттөнгөнү тууралуу маалымат түшкөн.

Өрт саат 8:30да өрт чектөөгө алынып, 10:05те толугу менен өчүрүлгөн.

Тилсиз жоодон оорукананын административдик бөлүмү, жалпы 468 чарчы метр жер күйгөн. Адамдардан жабыркагандар жок. (Видео ӨКМ)

@azattyk_radiosu
917
«Азаттык» радиосу

06 Jan, 04:41

‼️Лейлектеги жарылуу боюнча Тажикстан тарапка маалымат берилди

Лейлек районунун Жаңы-Жер айыл аймагынын Арка-2 айылында 5-январь күнү болгон жарылуу боюнча Тажикстан тарапка маалымат берилди. Бул тууралуу Улуттук коопсуздук боюнча мамлекеттик комитетине караштуу Чек ара кызматы маалымдады.

5-январь күнү саат 16:20 чамасында Лейлек районунун Жаңы-Жер айыл аймагынын Арка-2 айылынын жашоочулары: 32 жаштагы А.Н. (аял киши) жана анын 11 жаштагы кызы К.А. өздөрү жашаган үйдүн короосун жыйнап жатып, короосунда жыйналып турган эски темирлердин арасынан белгисиз затты алып үйдүн жанындагы бетонго таштаган учурда ал жарылып кеткен. Натыйжада А.Нын жүзү, кыздын буту жаракат алып, ооруканага түшкөн.

Жарылуу болгон үйдүн тургуну 39 жаштагы А.К. белгисиз жардыргыч зат 2022-жылдын 16-сентябрь күнү Тажикстандын кол салуусунан улам калган болушу мүмкүн экендигин билдирген.

Бул жагдай боюнча тийиштүү материалдар чогултулуп, экспертизалар дайындалып, алгачкы текшерүүлөр башталды.

@azattyk_radiosu
955
«Азаттык» радиосу

05 Jan, 12:45

Өзбекстанда Украинадагы согушка катышкан жаран төрт жылга соттолду

Өзбекстанда Орусиянын Коргоо министрлиги менен келишим түзүп, Украинага каршы согушка катышкан жаран төрт жыл эки айга соттолду. Бул тууралуу "Газета.uz" басылмасы cоттун чечимине таянып жазды. Ал сотто согушта ондон ашык украин аскерлерин өлтүргөнүн айтып берген.

Материалдагы маалыматка караганда, 39 жаштагы өзбекстандык 2023-жылы июнь айында Орусиянын Коргоо министрлиги менен келишим түзгөн. Ал Москвага иш издеп барган. Анын айтымында, согушта айына 450 миң рубль төлөп берүү убадаланган. Бирок ал 150 миң рублдан эки жолу гана алган. Жалпы согушта беш ай болгон.

@azattyk_radiosu
1,062
«Азаттык» радиосу

05 Jan, 09:15

❗️ТИМ Мексикада дайынсыз болгон кыргыз жараны изделип жатканын билдирди

Кыргызстандын Тышкы иштер министрилиги Мексикада дайынсыз болуп жаткан кыргыз жараны жөнүндө маалымат таратты.

ТИМдин тийиштүү мекемелери АКШнын, Орусиянын, Казакстандын Мексикадагы элчиликтери аркылуу кыргыз жаранын издөө иш-чараларын жүргүзүп жатат. ТИМ Мексиканын ыйгарым укуктуу органдарына кыргызстандыкты издөөгө жардам көрсөтүү өтүнүчү менен кайрылды.

ТИМдин маалыматында, аталган жаран Мексиканын Канкун шаарынан Бишкекке учуп келмек.

@azattyk_radiosu
1,045
«Азаттык» радиосу

05 Jan, 04:55

Дональд Трамптын Ак үйгө кайтып келиши дүйнөлүк державалардын ортосунда тең салмактуулукту сактоого көнүп калган Борбор Азия үчүн бурулуш учур болушу мүмкүн.

Эксперттер АКШнын жаңы президенти Вашингтондун аймактагы стратегиясын өзгөртөбү же бизнес кызыкчылыктарына жана энергетикага басым жасайбы деп талашууда. Демейкиден башкача иштегени менен белгилүү болгон Дональд Трамп Борбор Азияга өз ара алаканын жаңы түрүн сунушташы – бюрократияны азайтып, пайданы көздөгөн кыйла жекече келишимдерге артыкчылык бериши мүмкүн. Аймактагы өлкөлөр экономикалык сүйлөшүүлөрдү өздөрүнүн көз карандысыздыгын бекемдөө үчүн таяныч катары пайдалана алабы? Трамп Кытай менен Орусияга каршы Борбор Азиядан өнөктөш издейби же бул аймак Ак үйдүн таасир чөйрөсүнөн тышкары калабы?

@azattyk_radiosu

Макаланы толугу менен шилтемеден окуңуз https://smarturl.click/LYZYe
1,050
«Азаттык» радиосу

04 Jan, 12:11

Республикалык жугуштуу оорулар ооруканасында кайрылгандар көбөйүп, кезек узарды

Бишкектеги Республикалык клиникалык жугуштуу оорулар ооруканасына кайрылгандар көптүгүнөн 3-4-январда кезек узарып, кабыл алуу бир нече саатка созулууда. Бул тууралуу “Азаттыкка” ооруканада кезекке турган бейтаптар билдиришти.

Окурмандардын бири 4-январь күнү беш саат кезекте туруп, араң дарыгердин кабыл алуусуна жеткенин айтты. Бейтаптар кабыл алууда тургандардын сүрөттөрүн да жөнөтүп, Саламаттык сактоо министрлигинин жетекчилигинен тиешелүү чара көрүүнү суранышты.

Саламаттык сактоо министрлигинин басма сөз катчысы Жылдыз Айгерчинова аталган ооруканага кайрылгандар көп экенин ырастап, аларды нөөмөттө турган дарыгерлер тейлеп жетишпей жатканын маалымдады. Ал сасык тумоологон же башка жугуштуу ооруга кабылгандар алгач Үй-бүлөлүк медициналык борборлорго барбай, түз эле аталган ооруканага барып, ошол себептүү анда жүктөм көп болуп жатканын билдирүүдө.

Айгерчинова Жаңы жылдык эс алуу күндөрү республика боюнча медицина кызматкерлери кадимки режимде, анын ичинде Республикалык клиникалык жугуштуу оорулар ооруканасынын кабыл алуу бөлүмүндө күн сайын 13 дарыгер иштеп жатканын айтты. 500 орунга ылайыкташкан ооруканада учурда 596 (багуучулары менен 1000ден ашык) адам бар. Толук окуңуз: https://www.azattyk.org/a/respublikalyk-zhugushtuu-oorular-oorukanasynda-kayrylgandar-koboyup-kezek-uzardy/33263192.html
1,175
«Азаттык» радиосу

04 Jan, 12:02

Азаттык: Кечки радио эфир | 04.01.2025 https://www.youtube.com/watch?v=FuKYd1F0ppo
1,004
«Азаттык» радиосу

26 Dec, 16:52

Казакстандагы аба кырсыгы боюнча божомолдор: Учак атып түшүрүлгөнбү?

67 киши бараткан жүргүнчү учак 25-декабрда түш ченде Казакстандын аймагында кулап түшөрү менен Орусиянын бийлиги жана мамлекеттик маалымат каражаттары кырсыктын бир катар себептерин айтып жиберүүгө үлгүрүштү. Алардын арасында катуу туман, куштардын тобунун учакка урунушу сыяктуу варианттар бар эле. Ал эми учак кулаганга чейинки кадрлар пайда боло баштаганда салондо кычкылтек баллону жарылган болушу мүмкүн деген жоромол чыкты.

Анткен менен бир катар далилдер Бакудан Грозныйга бараткан учак Чеченстанда абадан коргонуу системасынын ракетасы менен аткыланган болушу мүмкүн экенин көрсөтүүдө. Толук окуңуз: ➡️ https://smarturl.click/W3M5A
301
«Азаттык» радиосу

26 Dec, 15:32

Казакстандын Актау шаарына жакын жерде кырсыкка кабылган учактан аман калган Тилек Осмоновго "Азаттыкка" учак жерге кулап түшкөнгө чейин борттун ичиндеги абал, андан кандай чыкканын, азыр абалы кандай экенин айтып берди.

Кечээ, 25-декабрда 29 киши ооруканага түшкөн, алардын үчөө кыргыз, тогузу орус, 16сы азери жараны. Ооруканага жаткырылгандардын 11и жандандыруу, 13 киши травматология бөлүмүнө жаткан.
444
«Азаттык» радиосу

26 Dec, 14:34

Жаңылыктар | 26.12.2024 | Казакстанда 38 адамдын өмүрүн алган учак эмнеден кыйрады?

- Казакстанда учак кырсыгынан аман калган үч кыргыз жараны ооруканада дарыланууда. Бул арада Азербайжандын учагынын кыйрашы боюнча ар кандай версиялар айтыла баштады.
- Блогер Батма Жолболдуева Баткенде милициянын убактылуу кармоочу жайында зордук-зомбулук көргөнүн айтып, милиция аны териштире баштады. Ички иштер министрлиги муну “блогер коомдун көңүлүн бурдургусу келип жатат” деп баалады.
- Жогорку Кеңеш үймө-үй кыдырып даабат айткандарга, коомдук жайларда жүзүн жашырган кийим кийгендерге айып пул салуу тууралуу мыйзам долбоорун колдоду. Кыргыз бийлиги сунуштаган документ талаш-тартыш менен коштолду. https://www.youtube.com/watch?v=x6yKg-gXLPg
486
«Азаттык» радиосу

26 Dec, 08:57

Омскиде полиция 570 мигранттын документтерин текшерди

Орусиянын Омск облусунда полиция рейд жүргүзүп, 570 мигранттын документтерин текшерди. Бул тууралуу орус Ички иштер министрлигинин басма сөз кызматы кабарлап, үчөө өлкөдөн чыгарыларын кошумчалады.

Маалыматка караганда, рейд учурунда миграциялык мыйзам бузулган 88 учур катталды. Административдик мыйзам бузуу деп Орусияга кирүү же жашоо режимин сактабоо, каттоого турганда туура эмес маалымат берүү, мыйзамсыз иштөө саналат.

Мындан тышкары мыйзамсыз миграцияны уюштуруу, чет элдиктерди жасалма каттоого тургузуу үчүн 12 кылмыш ишин козгоо маселеси каралууда.

@azattyk_radiosu
681
«Азаттык» радиосу

25 Dec, 16:38

"БИШКЕКТЕ
МУРДАГЫДАЙ ЫШ ЖОК"

24-декабрда Бишкек абанын булганышы боюнча дүйнөдө биринчи орунга чыкты. IQAIR сайтындагы көрсөткүч боюнча шаардын борбордук бөлүгү 458 индексти көрсөтсө, калаанын башка аймактары 600-760 индекске чейин жеткен. Аталган сайт бул абалды адам өмүрүнө өтө коркунучтуу деген баа берген.

Ыш маселеси бүгүн Жогорку Кеңеште көтөрүлдү. Анда бул көйгөй былтыр да талкууланып, тиешелүү чечимдер кабыл алганы менен жылыш болбой жатканы айтылды. Кененирээк: https://smarturl.click/67Eze
869
«Азаттык» радиосу

25 Dec, 14:08

Жаңылыктар | 25.12.2024 | Алып баруучу кызды чапкан Исраилов камалды

- Казакстанда Азербайжандын учагы кырсыкка кабылып, 30дан ашык адам каза тапты. Аман калган 29 киши ооруканага түштү. Учакта беш экипаж мүчөсү жана 62 жүргүнчү болгон.
- Абактагылар сабалганы тууралуу маселе Жогорку Кеңеште да көтөрүлдү. Уюшкан кылмыштуу топтун “Женго” каймана аттуу мүчөсү Кадырбек Досонов сабалганы айтылып, Жаза аткаруу кызматы аны четке какты.
- Бишкек акыркы бир нече күндөн бери абасы кир шаарлардын сап башынан түшпөй келатат. Тургундар борбордогу экологиялык абалга нааразы болуп жатса, өзгөчө кырдаалдар министринин орун басары “Бишкекте мурдагыдай ыш жок” деп айтты. https://www.youtube.com/watch?v=TB-czNsori4
865
«Азаттык» радиосу

25 Dec, 12:10

Алып баруучу кызды чапкан Илимбек Исраилов беш суткага камалды

Бишкекте тойканалардын биринде иш-чаранын алып баруучуларын микрофон менен чапкан Илимбек Исраилов беш суткага камакка алынды.

Мындай чечимди 25-декабрда Бишкектин Октябрь райондук соту чыгарганын Бишкек шаардык сотунун басма сөз кызматы билдирди. Судья Илимбек Исраиловду Укук бузуулар жөнүндө кодекстин “Майда бейбаштык” беренеси боюнча күнөөлүү деп тапты. Бул берене менен айып тагылгандарга 5500 миң сом айып салынат же 30дан 40 саатка чейинки мөөнөткө коомдук иштерге тартылат. Андан тышкары беш суткага чейин камакка алуу жазасы да каралган.

24-декабрда социалдык тармактарда бир адам микрофон менен алып баруучу Чыңгыз Рыскелдиевди, андан кийин анын жанында турган дагы бир алып баруучу Керемет Сабыржанованы чаап жибергени тартылган видео тараган.

Коомчулукта иш-чаранын алып баруучуларын чапкан адамды жазага тартуу талабын коюшкан. Толук окуңуз: 👉🏻https://www.azattyk.org/a/33252589.html
869
«Азаттык» радиосу

25 Dec, 10:56

Казакстанда кулаган учактагы эки кыргызстандык аман, үчүнчү жаран боюнча маалымат такталууда

Кыргызстандын Тышкы иштер министрлиги (ТИМ) Казакстандын тиешелүү органдарынан алынган маалыматтардын негизинде билдирүү таратып, Мангыстау облусунда кулаган учактагы эки кыргызстандык аман калганын, үчүнчү жаран боюнча маалымат такталып жатканын билдирди.

Мунун алдында министрликтин расмий өкүлү Сабина Мухамедьянова Казакстандагы кыргыз элчилигинин кызматкерлери иштеп жатканын, окуя болгон аймакка дипломаттар жөнөп кеткенин кабарлаган.

Embraer 190 учагынын бортунда 67 адам, анын ичинде экипаждын 5 мүчөсү болгону маалымдалууда. Baza Телеграм каналы жүргүнчүлөрдүн көбү Азербайжандын жарандары экенин, андан сырткары учакта Орусиянын, Тажикстандын, Кыргызстандын, Казакстандын жарандары да бар экенин кабарлаган.

Tengrinews.kz басылмасы Казакстандын Транспорт министрлигине таянуу менен учакта Казакстандын алты жараны жана Кыргызстандын үч жараны болгонун билдирген. Бул маалыматты Казакстандын жана Кыргызстандын Өзгөчө кырдаалдар министрликтери да ырасташты. Толук окуңуз: 👉🏻https://smarturl.click/RAp2W
826
«Азаттык» радиосу

25 Dec, 09:03

‼️Кыргызстандын ТИМи Казакстанда кулаган учакта кыргыз жарандары бар-жогун текшерүүдө

Казакстанда кулаган учакта кыргыз жарандары бар-жогу боюнча маалымат текшерилип жатат. Бул тууралуу “Азаттыкка” Кыргызстандын Тышкы иштер министрлигинин (ТИМ) расмий өкүлү Сабина Мухамедьянова билдирди.

Ал учурда Казакстандагы кыргыз элчилигинин кызматкерлери иштеп жатканын, окуя болгон аймакка дипломаттар жөнөп кеткенин кабарлады.

@azattyk_radiosu
827
«Азаттык» радиосу

25 Dec, 08:21

⚡️Бакудан Грозныйга бараткан учак Казакстанга кулап түштү

Казакстандын Мангыстау облусунун Актау шаарына жакын жерде учак кулап түштү.

“Азаттыктын” казак кызматы жазгандай, учак Азербайжандын борбору Бакудан Чеченстандын баш калаасы Грозный шаарына бараткан.

Маалымат агенттиктери билдиргендей, Azerbaijan Airlines авиакомпаниясынын учагы Каспий деңизинин үстүнөн учуп өтүп баратканда авариялык кырдаал тууралуу маалымат берген.

Кырсык болгонун Казакстандын Өзгөчө кырдаалдар министрлиги ырастады.

“Актауда учак кырсыгы болгон жерге ӨКМдин өздүк курамынын 52 кызматкери жана 11 техникасы барды. Барган маалда учактын күйүп жатканы аныкталган”, - деп айтылат министрликтин маалыматында.

Embraer 190 учагынын бортунда 67 адам жана экипаждын 5 мүчөсү болгону маалымдалды. Baza телеграм каналы жүргүнчүлөрдүн көбү Азербайжандын жарандары экенин, андан сырткары учакта Орусиянын, Тажикстандын, Кыргызстандын, Казакстандын жарандары да бар экенин кабарлоодо.

@azattyk_radiosu
812
«Азаттык» радиосу

25 Dec, 08:03

❗️Кадырбек Досонов абакта сабалганы кабарланып, ЖАК аны четке какты

“Женго” каймана аты менен белгилүү уюшкан кылмыштуу топтун мүчөсү Кадырбек Досонов Бишкектеги №1 тергөө абагында (№21 мекеме) мекеменин кызматкерлери тарабынан катуу ур-токмокко алынганын адвокаты Назгүл Сүйүнбаева “Азаттыкка” билдирди.

“Акыйкатчы институнун кызматкерлери 23-декабрда тергөө абагына кирип чыккандан кийин мага маалымат беришкен. Алар Кадырбек Досонов оор абалда жатканын, медициналык жардам көрсөтүлбөгөнүн айтышты. Бүгүн он чакты тууганы №21 мекемеге барып жолугалы десе “соттон уруксат алып келгиле” деп”, - киргизбей коюшту деди ал.

Акыйкатчы институту 23-декабрда Бишкек шаарындагы №1 тергөө абагында отургандардан кабар алган. Мекеме абакта 20дан ашык киши 20-декабрдан бери ачкачылык кармап жатканын айтышканын билдирген. Жаза аткаруу кызматы маалыматты четке каккан.

@azattyk_radiosu
767
«Азаттык» радиосу

25 Dec, 07:05

Депутат дарыгерлерди cот жообуна тартуунун жол-жобосун өзгөртүүнү сунуштады

Жогорку Кеңештин депутаты Винера Раимбачаева биринчи медициналык жардам көрсөткөн дарыгерлерди кылмыш жоопкерчилигине тартуунун жол-жобосун карап чыгууну сунуштады. Бул тууралуу ал 25-декабрда парламенттин жыйынында маселе көтөрүп, дарыгерлер соттун чечими менен камакка алына берсе “бул тармакта иштеген адистер калбай калат” деген пикирин айтты.
“Жакында бир дарыгер жубайлар камакка алынды. Бул көрүнүш абдан жаман. Биринчи медициналык жардамды карап чыгышыбыз керек. Ар бир дарыгер, айрыкча хирург, анестезиолог жана акушер-гинекологдор дайыма ушундай тобокелдик менен иштейт. Биз аларды качан коргойбуз? Анда бизде дарыгерлер калбай калат”, - деди Раимбачаева.

Бишкек шаарынын Октябрь райондук сотунда тиш дарылоо учурунда каза тапкан үч жашар кыздын өлүмү боюнча иш боюнча 23-декабрда өкүм чыкты. Ага ылайык, айыпталуучулардын бири – стоматолог Айганыш Кадыркулова (5 жыл 6 айга, жолдошу Данияр Таалайбеков 5 жылга эркинен ажыратылды. Мындан сырткары анестезиолог Айнура Туратбекова 6 жылга кесилди.

@azattyk_radiosu
801
«Азаттык» радиосу

25 Dec, 04:59

Миллион чапчыган “Арашан” койлору

Кыргызстанда арашан тукумундагы койлордун баасы асман чапчып, 50 миң доллардан өйдө сатылган учурлар бар. Кээде андан дагы эселеп кымбат бааланганы тууралуу эл арасында айтылып келет.

Видеонун толук версиясын "Азаттыктын" Ютуб каналынан көрүңүз.

@azattyk_radiosu
818
«Азаттык» радиосу

25 Dec, 04:40

Израил ХАМАСтын лидери Исмаил Ханиянын өлтүрүлүшүнө катышы барлыгын моюнуна алды. АКШ жана Еврошаркетте террордук деп таанылган радикал уюмдун саясий бюросунун жетекчиси быйыл 31-июлда Тегеранда жок кылынган.

Ал арада Газанын саламаттык сактоо мекемеси тилкеде согуш башталгандан бери каза тапкандардын саны 45 миңден ашканын билдирди. Дүйшөмбүдө Хан-Юнис лагеринде 7 киши набыт болгон. #rfe_rl

@azattyk_radiosu
839
«Азаттык» радиосу

24 Dec, 19:07

Алып баруучуну микрофон менен чапкан Илимбек Исраилов милицияга жеткирилди

Бишкекте тойканалардын биринде иш-чаранын алып баруучуларын микрофон менен чапкан Илимбек Исраилов милицияга жеткирилди.

Бул тууралуу Бишкектин Октябрь райондук ички иштер башкармалыгы кабарлады. Милиция ал Укук бузуулар жөнүндө кодекстин “Майда бейбаштык” беренесине ылайык административдик камакка алынганын, соттун чечими чыкканга чейин райондук башкармалыктын убактылуу камерасында кармалып турарын кошумчалады.

Ага каршы ресторандын администратору арыз жазган.

Толук окуңуз: 👉🏻 https://smarturl.click/W3MvO
909
«Азаттык» радиосу

24 Dec, 17:28

Соцтармактарда тараган видеодо блогер Илимбек Исраилов Facebook Party иш чарасында алгач алып баруучу жигитти, андан кийин залдагыларды жардамга чакырган алып баруучу кызды микрофон менен башка чапканын көрүүгө болот. Залда кызга болушуп уруш чыгып кеткен. Блогер Facebook'тагы баракчасында окуя боюнча кечирим сурап, спирт ичимдиктерин ичип алганын айтууда. Жабыркагандар же Исраилов өзү милицияга арыз жазганбы азырынча белгисиз. Илимбек Исраилов буга чейин коомчулукка дагы кандай иштери менен аты чыккан? Эске салабыз.
919
«Азаттык» радиосу

24 Dec, 15:03

Бишкек кайрадан абасы кир шаарлардын сап башына чыкты

World Air Quality уюмунун иликтөөсүндө 24-декабрда Бишкек абанын булганышы боюнча дүйнөдө биринчи орунга чыкты. Уюмдун абанын сапаты тууралуу индексинде Бишкектин борборундагы көрсөткүч (AQI) саат 19.00гө карата 458ди көрсөттү. Калаанын башка бөлүктөрүндө индекс бүгүн өтө кооптуу чектен - 600-760тан ашып кетти.

Аба таза болушу үчүн бул көрсөткүч 50дөн ылдый болушу керек.

Сайттагы маалыматта Бишкектеги абалга "адам өмүрү үчүн өтө коркунучтуу" деген баа берилген.

Кыргызстандын борбору муну менен дүйнөдөгү абасы эң кир делген Гананын Аккра, Индиянын Дели, Пакистандын Лахор шаарларын артта калтырды.

23-декабрда Бишкек аба өтө булганган шаарлардын ичинен үчүнчү орунду ээлеген.
Толук окуңуз 👉🏻 https://smarturl.click/O046A
900
«Азаттык» радиосу

24 Dec, 13:34

Жаңылыктар | 24.12.2024 | Канибадамда 23 адамды өлтүрүүгө шектүүлөр кармалды

- Израил Тегеранда ХАМАСтын лидери Исмаил Ханиянын өлүмүнө жоопкерчилик алды. Израилдин билдирүүсү региондогу ансыз да чыңалган абалды курчутушу ыктымалдыгы айтылууда.
- Кыргызстанда бийлик салык саясатын өзгөрткөнү калды. Ишкерлердин нааразылыгын жараткан жаңы эрежелер эми кандай болушу керек?
- Бишкекте тиш догдурда чарчап калган үч жаштагы Алиянын өлүмү боюнча стоматолог жана анестезиолог абакка кесилди. https://www.youtube.com/live/mvO4MkSIryQ
919
«Азаттык» радиосу

30 Nov, 09:25

“Женго” деген каймана аты бар Досонов 20 жылга кесилди

Бишкектин Биринч май райондук соту 29-ноябрда “Женго” деген каймана ат менен белгилүү болгон уюшкан кылмыштуу топтун мүчөсү Кадырбек Досонов жана аны менен кошо айып тагылгандарга өкүм чыгарды. Өкүмгө ылайык, Досонов 20 жылга абакка кесилди. Бул тууралуу соттон кабарлашты.

Досонов Кылмыш жаза кодексинин 262-беренеси (“Кылмыштуу коомдоштукту түзүү же ага катышуу”) менен 12 жыл, 122-беренеси (“Адам өлтүрүү”) менен 15 жыл абакка кесилди. Сот 77-беренеге (“Кылмыштардын жыйындысы боюнча жаза дайындоо”) таянып, анын үй-мүлкүн конфискациялоо менен жалпы 20 жыл эркиндигинен ажыратуу өкүмүн чыгарды.

“Женго” менен кошо айыпталган дагы алты киши 20 жылдан жаза алды. Бир киши 9 жылга кесилип, сот залынан камакка алынды. Калган айыпталгандардын баары камакта болчу.

@azattyk_radiosu
692
«Азаттык» радиосу

30 Nov, 06:05

УКМК “Яндекс.Таксинин” кеңселеринде тинтүү жүргөнүн билдирди

Улуттук коопсуздук боюнча мамлекеттик комитет (УКМК) 29-ноябрда ири өлчөмдө салыктан качуу фактысы боюнча козголгон кылмыш ишине байланыштуу “Яндекс.Такси” ишканасынын жана өнөктөштөрүнүн кеңселеринде тинтүү жүргөнүн кабарлады.

"Яндекс. Такси Корп" жана анын өнөктөштөрү Монополияны жөнгө салуу кызматы тарабынан бир нече жолу көрүлгөн чараларга карабастан, такси менен алектенген айдоочуларына пайыздык чендерди негизсиз жогорулатышкан, буга байланыштуу такси кызматынын баасы жасалма түрдө жогорулатылып жатат”, - деп айтылат УКМК билдирүүсүндө.

Атайын кызмат кылмыш жоопкерчилигине тартуу үчүн мыйзамсыз иштерге катышы бар адамдарды аныктоо жүрүп жатканын билдирди. УКМК кызмат көрсөтүүдө бааларды жасалма жогорулатууга жол берилбестигин эскертти.

@azattyk_radiosu
854
«Азаттык» радиосу

30 Nov, 05:01

Бишкекте он айда автобустар катышкан 300дөн ашуун жол кырсыгы катталды

Бишкек шаарында 2024-жылдын 10 айында автобустар катышкан 329 жол кырсыгы катталган. Жол кырсыгынын 169 учуруна муниципалдык автобустун айдоочулары күнөөлүү болгон.

Бул тууралуу маалымат 29-ноябрда мэр Айбек Жунушалиев Бишкек шаардык транспорт муниципалдык ишканасында өткөргөн жыйында белгилүү болгонун басма сөз кызматы кабарлады.

Жыйынга транспорттук инфратүзүмгө байланыштуу бардык органдын өкүлдөрү катышты. Жыйынтыгында шаардык транспорт муниципалдык ишканасын ондон ашык жооптуу кызматкерлерине сөгүш, катуу сөгүш берилди. Жол эрежесин бир нече жолу одоно бузган 24 айдоочу жумуштан четтетилет.

@azattyk_radiosu
666
«Азаттык» радиосу

30 Nov, 03:50

Адвокат Самат Матцаков 30-декабрга чейин камалды

Бишкектин Биринчи май райондук соту “алдамчылыкка” шектелип кармалган адвокат Самат Матцаковду 30-декабрга чейин камакта калтырды. Чечимди райондук соттун судьясы Миран Шерматов кабыл алды. Матцаков соттун чечимин “мыйзамсыз” деп атап, апелляциялык арыз менен кайрыларын билдирди.

29-ноябрь түнү башталган сот процесси түнү бою жүрүп, чечим 30-ноябрь эртең менен жарыяланды. Соттун жүрүшүндө Матцаковдун кызыкчылыгын 30дай адвокат коргоп, алардын баары жараянга катышты. Алар бир нече жолу ишти караган судьяга ишенбөөчүлүк көрсөтүп, бирок сот ал өтүнүчтү канааттандырган жок. Матцаковго тилектештик билдирүү иретинде жалпы 50дөй адвокат сотко чогулду.

Матцаковду Улуттук коопсуздук комитетинин (УКМК) Тергөө абагында кармалат.

@azattyk_radiosu
674
«Азаттык» радиосу

29 Nov, 14:59

Ата-энеден өксүп, ара жолдо калган балдар | "Эже-сиңдилер"

Аракечтик, баңгилик, зордук-зомбулук жана кырсык. Кыргызстанда түрдүү жагдайларда ата-энесинен айрылган балдардын саны 2800дөн ашат. Ичинен 500гө чукулу атайын интернаттарда тарбияланат. 18ге толгондон кийин өспүрүмдөр кайда барарын, кимден жардам сурарын билбей кыйналат. Азаттык бул ирет ата-энеден ажырап калган балдар жана алардын тагдыры тууралуу атайын материал даярдады. https://youtu.be/OX2GdczXT8E
744
«Азаттык» радиосу

29 Nov, 14:13

“Кемпирабадчыларды” актаган судья Сыдыков кызматтан кетүү боюнча арыз жазды

Кемпир-Абад иши боюнча айып тагылган саясатчы жана активисттерди актаган өкүм чыгарган Бишкектин Биринчи май райондук сотунун судьясы Марат Сыдыков өз каалоосу менен кызматтан кетүү боюнча арыз жазганы белгилүү болду.

Соттор кеңеши анын арызын 29-ноябрдагы жыйынында карай турганы кеңештин сайтындагы маалыматта айтылат. Кандай чечим кабыл алынганы азырынча белгисиз.
Кененирээк: https://smarturl.click/YzBQA
754
«Азаттык» радиосу

29 Nov, 08:11

Ташов жана Аскат Жетигендин адвокаты Самат Матцаковдун үйү тинтилип жатат

Улуттук коопсуздук боюнча мамлекеттик комитети (УКМК) камакта жаткан ишкер Имамидин Ташовдун жана үч жылга эркиндигинен ажыратылган Аскат Жетигендин адвокаты Самат Матцаковду кармаганы кабарланды.

Бул тууралуу “Кылым шамы” укук коргоо уюмунун жетекчиси Гүлшайыр Абдирасулова Фейсбуктагы баракчасына жазды. Ал Самат Матцаков 29-ноябрда кармалып, үйү тинтүүгө алынганын билдирди.

УКМК бул тууралуу расмий комментарий бере элек. Адвокат менен байланышууга мүмкүнчүлүк болгон жок. Бир катар адвокаттар Самат Матцаков кармалганы тууралуу жазышууда.

@azattyk_radiosu
779
«Азаттык» радиосу

29 Nov, 05:25

Бишкекте курулушта иштеген өспүрүм көп кабаттуу үйдөн кулап каза болду

Бишкек шаарында 18 жаштагы өспүрүм курулуп жаткан көп кабаттуу үйдөн кулап каза болду. Бул тууралуу "Азаттыкка" Бишкектин Октябрь райондук ички иштер башкармалыгынан билдиришти.

Маалыматка караганда, окуя 27-ноябрь күнү болуп, милицияга билдирүү саат 18:00 чамаларында түшкөн. Жеринде текшерүү жүрүп, 18 жаштагы жигит каза болгону аныкталган.

Факт боюнча тийиштүү экспертизалар дайындалып, териштирүү иштери жүрүп жатат.

@azattyk_radiosu
830
«Азаттык» радиосу

29 Nov, 05:04

ФИФАнын рейтингинде Кыргызстан 107-орунга түштү

Кыргызстандын футбол боюнча курама командасы Эл аралык футбол федерациясынын (ФИФА) кезектеги рейтингинде 107-орунга түштү (210 кураманын ичинен). 28-ноябрда жарыяланган рейтингдин көч башында Аргентина, Франция жана Испания турат. Борбор Азия өлкөлөрүнөн Өзбекстандын курамасы 58-орунга, Тажикстан 104-орунга илинди. Казакстан 110-орунга жазылып, дагы үч тепкичке артке кетти.

Кыргызстан футбол боюнча Дүйнө чемпионатынын тандоо оюндарында Азия чөлкөмүнөн 3-раундга чыгып, Иран, Катар, Өзбекстан, Бириккен Араб Эмираттары (БАЭ) жана Түндүк Корея менен А тайпасында ойноп жатат.
799
«Азаттык» радиосу

29 Nov, 04:25

Грузия Евробиримдиктин мүчөлүгүнө кирүү боюнча сүйлөшүүлөргө 2028-жылдын аягына чейин барбай турганын бейшембиде өлкөнүн премьер-министри Ираклий Кобахидзе билдирди. Грузин өкмөтү бул убакытка чейин биримдиктен бюджеттик гранттарды алуудан да баш тартмакчы. Бул тууралуу "Кавказ жаңырыгы" маалымдап, Кобахидзенин Евробиримдикке интеграция "садака" катары каралышы Грузия үчүн "кабыл алынгыс" экенин айткан сөзүн келтирди.
796
«Азаттык» радиосу

28 Nov, 15:33

Орус атуулдугунан ажыраган мигранттар | "Биз жана дүйнө"

Москва орус паспортун алып, бирок аскердик каттоого турбаган же аскердик ант бербей жүргөн борбор азиялыктарды жарандыктан ажырата баштады. Орус атуулдугунан кол жууган ондогон мигранттардын арасында кыргызстандыктар да бар. Жаңы талаптардын максаты эмне? Орусия муну менен мигранттарды Украинадагы согушка айдоону көздөйбү? Мындай чектөөлөрдүн кесепеттери кандай болушу мүмкүн? “Биз жана дүйнө” берүүсүндө дал ушул суроолорго жооп издейбиз. https://www.youtube.com/watch?v=N7FDVkmbMGo
901
«Азаттык» радиосу

28 Nov, 12:59

Жаңылыктар | 28.11.2024 | Путин Украинанын Орусияны аткылоосуна жооп берди, рубл кескин арзандады
897
«Азаттык» радиосу

28 Nov, 10:00

❗️Сот троллейбустун зымдарын алуу чечимин кайра жокко чыгарды

Бишкектин Административдик соту борбор калаадагы троллейбус зымдарын алууну токтотуу боюнча чечимин кайра жокко чыгарды. Бул тууралуу Бишкек мэриясы 28-ноябрда кабарлап, мындай чечимди сот 27-ноябрда кабыл алганын билдирди.

Административдик сот экологиялык активисттердин троллейбус зымдарын алуу боюнча Бишкек шаардык кеңешинин 29-августтагы токтомун жокко чыгаруу өтүнүчүн карап, 22-ноябрда канааттандырган болчу.

@azattyk_radiosu
930
«Азаттык» радиосу

28 Nov, 08:15

16 жашында зордукталган кыздын талкаланган тагдыры

Түп районунда эки жарым жыл мурун 16 жашында зордукталып, боюна бүтүп, айына жетпей көз жарган кыздын саламаттыгына жакындары кабатыр. Кылмышка шек саналып кармалган 66 жаштагы жаранды 30-октябрда Каракол шаардык соту 11 жылга кести. Шектүүнүн жакындары коюлган айыпты четке кагып жатат. Видеону толугу менен "Азаттыктын" Ютуб каналынан көрүңүз.

@azattyk_radiosu
885
«Азаттык» радиосу

28 Nov, 05:58

Мурдагы милиция кызматкери Абдисатар уулу 20-январга чейин камалды

Ош облусундагы Ноокат районунун Көк-Жар аймактык милиция бөлүмүнүн мурдагы башчысы Тимур Абдисатар уулу 2025-жылдын 20-январына чейин Бишкектеги №1 тергөө абагына камакка алынды.

Мындай токтомду Бишкектин Биринчи май райондук соту 27-ноябрда чыгарганын райондук соттун басма сөз кызматы кабарлады. Мурдагы милиция кызматкерин камакка алуу өтүнүчүн сотко Ички иштер министрлигинин (ИИМ) Тергөө кызматынын өзгөчө маанилүү иштерди тергөө боюнча тергөөчүсү берген. Ага Кылмыш-жаза кодексинин “Пара алуу” беренеси менен айып коюлууда.

@azattyk_radiosu
837
«Азаттык» радиосу

28 Nov, 05:22

❗️ЖК мектепте акча чогулткандарга айып салуу боюнча долбоорду колдоду

Жогорку Кеңеш 27-ноябрдагы отурумунда орто мектептерде окуучулардан жана ата-энелерден мыйзамсыз каражат чогулткандарга айып пул салуу боюнча мыйзам долбоорун экинчи жана үчүнчү окууда колдоду. Документ эми президентке жөнөтүлөт.

“Билим берүү жөнүндө” мыйзамга жана Укук бузуулар жөнүндө кодекске киргизилип жаткан өзгөртүүлөргө ылайык, мамлекеттик мектептерде мыйзамсыз акча чогулткандарга 20 миң сом айып салынат. Мектептерде фонддорду түзүп ал аркылуу каражат жыйнаган адамдар 40 миң сом, юридикалык жактар 60 миң сом айыпка жыгылат.

@azattyk_radiosu
800
«Азаттык» радиосу

28 Nov, 04:48

Кыргызстанда орус рублинин сомго карата курсу түшүп кетти

Кыргызстанда орус валютасы - рублдын сомго карата курсу түшүп кетти. Улуттук банктын сайтындагы маалыматка ылайык, 28-ноябрда рублдын курсу 81 тыйын деп турат.

Коммерциялык банктар менен менчик акча алмаштыруу жайларында бир рубль 78 тыйындан сатып алынып, 83 тыйындын тегерегинде сатылууда.

Ал эми Орусиянын өзүндө ушул күндөрү 1 доллар 113 сомго чейин көтөрүлүп кетти.

@azattyk_radiosu
770
«Азаттык» радиосу

28 Nov, 02:58

Шаршембиде Астанада мамлекеттик сапар менен келген Орусиянын президенти Владимир Путинди өзгөчө салтанат менен тосуп алышты. Акордо тараткан сүрөттөрдө аба майданында ардактуу кароол тизилип, асманда алты учак үч түстүү орус желегинин өңүн элестетип, абаны жиреп учту.

"Жогорку мартабалуу Владимир Путин мырза, Астанага кош келиңиз!"

Астананын аба майданында бир күн мурун мына ушундай жазуулар илинип, казакстандыктар аны кызуу талкууга айландырды. "Жогорку мартабалуу" деген жазуу айрым интернет колдонуучулардын чындап ачуусун келтирди.

@azattyk_radiosu
850
«Азаттык» радиосу

27 Nov, 12:59

Жаңылыктар | 27.11.2024 | Ноокатта даттанган милиция кызматкери кармалды, Путин Казакстанга келди
878
«Азаттык» радиосу

27 Nov, 12:10

"Сокулуктан Бишкекке 2 саат 40 мүнөттө келдим"

Бир ай мурун Батыш автобекети Сокулук районундагы автоунаа базары жакка көчүрүлгөн. Шаардын сыртынан келгендер кандай тоскоолдуктар менен Бишкекке келишерин өз көзүм менен көрүп келдим. 2 саат 40 мүнөттөй жол жүрүп, жумушума 1 сааттай кечиктим. Сиз үйүңүздөн жумушка чейин канча убакытта келесиз? Пикир калтырыңыз.

@azattyk_radiosu
861
«Азаттык» радиосу

27 Nov, 09:42

‼️“Аккула” ат майданы “РЦА Ливингге” 49 жылга пайдаланууга берилди

Бишкек мэриясы “РЦА Ливинг” жоопкерчилиги чектелген коому менен “Аккула” ат майданынын жерин акысыз өткөрүп берүү боюнча келишимге жана макулдашууга кол коюлганын билдирди.

Маалыматка ылайык, 2024-жылдын 8-июлунда Бишкек шаарынын мэриясына ROX Group жана TNG Global Foundation компанияларынан “Аккула” ипподромунун мүлкүн сатып алуу сунушу түшкөн. Мэрия бул эки ишкана “РЦА Ливинг” аттуу туунду компания түзгөнүн кабарлады.

Келишимге ылайык, “РЦА Ливинг” жер тилкесин 49 жылга пайдалануу үчүн шаардык бюджетке 5,8 млрд сом төлөйт. Ошондой эле Бишкекке 3,5 млрд сомго үч мектеп, үч бала бакча, үч сейил бак, тротуар куруп берет. Шаардын бюджетине жалпы 10 млрд сомго чейин каражат түшөт деп пландалууда. Инвестор мындан тышкары Бишкек шаарынын башкы планын иштеп чыгууга да каражат бөлөт.

@azattyk_radiosu
870
«Азаттык» радиосу

21 Nov, 11:34

‼️Ноокатта жетекчисине арызданган милиционер кызматтан алынды

Ноокат райондук ички иштер бөлүмүнүн (РИИБ) жетекчиси Талгат Өскөналиевдин үстүнөн даттанган Тимур Абдисатар уулу ички иштер органдарынан кызматтан бошотулду. Ал эми РИИБнүн жетекчиси Талгат Өскөналиев ээлеп турган кызматынан төмөндөтүү менен бошотулду.

Мындай чечим Ички иштер министрлигинин (ИИМ) анын арызын текшерүү үчүн түзүлгөн комиссиянын корутундусуна ылайык чыгарылганын министрликтин басма сөз кызматы кабарлады.

РИИБ башчысынын эки орун басары, кадрлар бөлүмүнүн жетекчиси, коомдук коопсуздук кызматынын дагы бир инспектору да кызматынан төмөндөтүү менен алынды. Ош облустук ички иштер башкармалыгынын (ОИИБ) жетекчиси Нурланбек Буркановго, орун басарларына жана бир катар жооптуу кызматкерлерине эскертүү жана сөгүш берилген.

@azattyk_radiosu
127
«Азаттык» радиосу

21 Nov, 10:10

Бишкекте автогаз тартыштыгы байкалууда

Бишкектеги май куюучу жайларда автогаз тартыштыгы байкалууда. Айдоочулар ушундан улам узун кезектер пайда болуп жатканын айтышууда.

“Кыргызнефтетрейдерлер” ассоциациясынын президенти Канат Эшатов “Азаттыкка” бул маселе бир апта мурун башталганын, азыр абал жөнгө салынып калганын билдирди. Анын сөзү боюнча, Орусияда газ ташыган вагон цистерналар жетишсиз болуп жаткандыктан Кыргызстанда автогаз тартыштыгы жаралган.

“Азыр тиешелүү көлөмдөгү автогаз келип жатат. Маселе чечилип калды. Дүйшөмбүгө чейин толук калыбына келип калат”, - деди ал.

@azattyk_radiosu
296
«Азаттык» радиосу

21 Nov, 08:23

❗️Сот троллейбус зымдарын бузууну токтотууну чечим кылды

Бишкектин Административдик соту борбор калаадагы троллейбус зымдарын бузууну токтотуу чечимин кабыл алды. 21-ноябрда аталган сот экологиялык активисттердин Бишкек шаардык кеңешинин 29-августтагы токтомун жокко чыгаруу өтүнүчүн карап, аны канааттандырды.

Активисттер мэрия шаар кеңешинин чечими менен эле шаардын басымдуу жолдорунда троллейбус зымдары алынып, аларды электр кубаты менен камсыздаган подстанциялар да бузулуп калганын белгилешүүдө.

Бишкек шаардык мэриясы сот чечими боюнча комментарий бере элек.

@azattyk_radiosu
399
«Азаттык» радиосу

21 Nov, 05:44

Ноокат: Милиция бөлүмүнүн башчысына байланыштуу видео териштирилип жатат

Ош облусундагы Ноокат районунун Көк-Жар аймактык милиция бөлүмүнүн башчысы Тимур Абдисатар уулунун иш бөлмөсүндө тартылган делген видео боюнча ички иликтөө башталды. Бул тууралуу “Азаттыкка” Ош облустук милициясынын басма сөз катчысы Таалай Байтиков билдирди.

20-ноябрда социалдык тармактарда жарандык кийимчен Тимур Абдисатар уулуна окшош адамга милициянын формасын кийген адамдар акча берип жатканы тартылган видеолор жарыяланган. Бул тасма боюнча Тимур Абдисатар уулу түшүндүрмө бере элек.

Ноокат районунун Көк-Жар аймактык милиция бөлүмүнүн 10дон ашык кызматкери жакында эле өлкө бийлигине кайрылуу жолдоп, райондук милициянын жетекчиси Талгат Өскөналиевге каршы даттанышкан.

@azattyk_radiosu
508
«Азаттык» радиосу

21 Nov, 04:08

Бишкекте 10 айда мопед, скутер аралашкан жол кырсыгынан 10 адам каза болду

Бишкек шаарында соңку 10 ай ичинде эки дөңгөлөктүү автоунаа каражаты аралашкан 503 жол кырсыгы катталып, 10 адам каза болуп, 550 адам түрдүү жараат алган.

Бул тууралуу “Азаттыкка” Бишкек шаардык жол коопсуздугун камсыздоо башкармалыгынын басма сөз катчысы Тилек Исаев билдирди.

@azattyk_radiosu
544
«Азаттык» радиосу

20 Nov, 13:15

Жаңылыктар | 20.11.2024 | Ташиев "коркутуу" катын алганын айтты, Путин өзөктүк доктринаны бекитти
704
«Азаттык» радиосу

20 Nov, 13:12

Атайын кызматтын төрагасы пара алган элчи камаларын айтты

УКМК төрагасы Камчыбек Ташиев анын атына жамынып пара алган элчи камакка алынарын билдирди.
Бул тууралуу Ташиев айрым маалымат каражаттарынын журналисттери үчүн уюштурган маалымат жыйында билдирди.
Атайын кызматтын төрагасынын маалыматында, аталган элчи бир учурда өзү менен бир партияда мүчө болгон жана ал 250 миң доллар пара алууга шектелип жатат.
Камчыбек Ташиев аталган элчинин аты-жөнүн ачык айткан жок.
Тышкы иштер министрлиги бул тууралуу азырынча маалымат бере элек.
https://smarturl.click/mpVJ0
736
«Азаттык» радиосу

20 Nov, 11:04

⚡️УКМК экс-депутат Эмил Жамгырчиевди суракка чакырды

Улуттук коопсуздук боюнча мамлекеттик комитет (УКМК) Жогорку Кеңештин экс-депутаты Эмил Жамгырчиев АКШда жашаган активист Тилекмат Кудайбергенов (Куренов) менен Бириккен Араб Эмираттарындагы жолугушуусу боюнча УКМКга суракка чакырылганын билдирди. Атайын кызмат жолугушуунун себеби такталып жатканын кошумчалады.

Кыргызстандан мажбурланып чыгарылган журналист Болот Темиров 19-ноябрда Фейсбуктагы баракчасына Дубайда Эмил Жамгырчиев менен Тилекмат Кудайбергенов жолугушканын, Эмил Жамгырчиев активист Дубайдан чыга албай калышы үчүн анын паспортун уурдап кеткенин жазган.

@azattyk_radiosu
735
«Азаттык» радиосу

20 Nov, 10:37

Шаардык кеңештерге кимдер келди? | ЭКСПЕРТТЕР ТАЛДАЙТ
727
«Азаттык» радиосу

20 Nov, 06:51

УКМК Ташиевге кол салууну пландаган адам кармалганын билдирди

Улуттук коопсуздук боюнча мамлекеттик комитеттин (УКМК) басма сөз кызматы атайын кызматтын төрагасы Камчыбек Ташиевге кол салууну уюштуруу планын иштеп чыккан шектүү кармалганын билдирди.

Атайын кызмат ал “кримчөйрөнүн анабашы” аталган Камчы Көлбаевдин (Камчыбек Асанбек) кылмыштуу тобунун мүчөсү Руслан Дүйшеев экенин, шектүү 16-ноябрда Жалал-Абад облусунун Токтогул районунун аймагынан кармалганын кабарлады.

“Издөөдө жүргөн Руслан Дүйшеев УКМК жетекчилигине кол салууну уюштуруу планын иштеп чыккан”, - деп айтылат маалыматта.

@azattyk_radiosu
773
«Азаттык» радиосу

20 Nov, 05:41

Акыры адилеттикке жетермин деп жүргөн Айнагүл Борбиеваны үч жылдан кийин гана Орусиядагы сот күнөөсүз деп тапкан. Мигрант келин эки жылга жакын тергөө абагында отурган.

"Мени сот толугу менен актап, реабилитацияга укук берди. Тагыраагы, эми мен бейкүнөө отурганым үчүн кенемте талап кылып, сотко кайрыла алам. Мени сотко берген адам эмне болгонун деле билбейм. Негизи ишти кайра тергөөгө жиберишкен. Кийинки инстанцияда прокурор биз тарапта болуп, жардам берди".

@azattyk_radiosu

Макаланы толугу менен шилтемеден окуңуз.
758
«Азаттык» радиосу

20 Nov, 03:41

Путин Орусиянын жаңыланган өзөктүк доктринасын бекитти

Орусия президенти Владимир Путин 19-ноябрда өлкөнүн өзөктүк доктринасын жаңылоо жана кеңейтүү тууралуу жарлыкка кол койду. Анда өзөктүк курал эгер "аскердик-космостук кол салуу каражаты жапырт старт алганы тууралуу так маалымат" болсо жана эгер ал Орусиянын чек арасынан өтө турган болсо, колдонулушу ыктымал экени белгиленди.

Өзөктүк куралы жок кайсы бир өлкө ошондой куралы бар башка өлкөнүн катышуусу же жардамы менен Орусияга каршы агрессия көрсөтө турган болсо, орус бийлиги муну "алардын биргелешкен кол салуусу" катары карай турганы айтылды. Бирок куралдын мындай түрү ошондой учур жаралса, дароо колдонулабы же жокпу, так жазылган жок.

@azattyk_radiosu
769
«Азаттык» радиосу

19 Nov, 16:18

Футбол: Кыргызстан Иранга 2:3 эсебинде утулду

Кыргызстандын футбол боюнча улуттук курама командасы Дүйнө чемпионатынын тандап алуу оюндарынын 3-раундунун алтынчы турунда Иран курамасын менен беттешип, 2:3 эсебинде утулду.

Оюн 19-ноябрда Бишкектеги Дөлөн Өмүрзаков атындагы борбордук стадиондо өттү.

Кыргызстанга таандык эки голду тең Жоэл Кожо киргизди. Ирандын эсебине жазылган голдор Мехди Тареми, Салех Хардени жана Сердар Азмунга таандык. https://smarturl.click/9zkwG
839
«Азаттык» радиосу

19 Nov, 11:35

Журналист Адыл Акжол уулунун иши боюнча сот 9-декабрга жылдырылды

Улуттук телерадиоберүү корпорациясынын директорунун мурдагы орун басары, журналист Адыл Акжол уулунун иши боюнча Бишкектин Биринчи май райондук сотунда 19-ноябрга белгиленген отурум жабырлануучулардын бири келбей калгандыктан 9-декабрга жылдырылды. Бул тууралуу “Азаттыкка” анын адвокаты Назик Ажымаматова билдирди.

Ал журналисттин бөгөт чарасын өзгөртүү боюнча өтүнүчүн судья четке кагып, Адыл Акжол уулун 31-декабрга чейин Бишкектеги №1 тергөө абагына камакта калтырганын айтты.

@azattyk_radiosu
860
«Азаттык» радиосу

19 Nov, 10:53

‼️Ноокат: Милиция кызматкерлеринин жетекчисине каршы арызы боюнча ИИМде комиссия түзүлдү

Ош облусундагы Ноокат районунун Көк-Жар аймактык милиция бөлүмүнүн башчысы, милициянын майору Тимур Абдисатар уулунун райондук милициянын жетекчиси тууралуу айткандары боюнча Ички иштер министрлигинде комиссия түзүлдү.

Бул тууралуу министрликтин басма сөз кызматы билдирип, айтылган дооматтарды текшерүү үчүн комиссия Ноокат районуна кеткенин кабарлады.

Бул маселе ИИМдин жетекчилигинин көзөмөлүндө экени айтылды.

@azattyk_radiosu
834
«Азаттык» радиосу

19 Nov, 10:23

Жалал-Абад облусуна караштуу Ноокен районунун Бүргөндү айылынын тургуну 47 жаштагы Шерали Насимовду жакындары эки жылдан бери издеп, дайынын таппай келет.

Алардын "Азаттыкка" айтканына караганда, Шерали 2022-жылы сентябрдын аягында Украинадагы согушка катышуу үчүн келишимге кол койгон. Бул учурда ал Орусиянын Армавир шаарында абакта отурган.

Кийинки жолу байланышка чыкканда Ульяновск облусунда машыгуу лагеринде экенин билдирген.

@azattyk_radiosu
793
«Азаттык» радиосу

19 Nov, 09:45

Түндүк Кореянын миңдеген аскери Орусия тарапта согушууда

Түндүк Кореядан Орусияга жардамга жиберилген аскерлер Курск облусунда согушка киргени тууралуу АКШнын мамлекеттик департаментинин басма сөз катчысы Ведант Пател маалымдады.

Анын сөзүнө караганда, Орусияга жиберилген он миңден ашуун аскердин басымдуусу Курск облусунун батыш тарабында. Алар "орусиялык аскерлер менен чогуу согушка киришти". Түндүк кореялык жоокерлер Орусиянын аймагында аскердик машыгуудан өтүп, артиллерия, учкучсуз учактарды колдонуу, жөө аскерлерди колдонуу менен согуштук тактикаларды жүргүзүү, окоп тазалоону үйрөнүшкөн.

@azattyk_radiosu
773
«Азаттык» радиосу

18 Nov, 12:59

Жаңылыктар | 18.11.2024 | Медиа: АКШ Киевге өз куралы менен Орусияга сокку урууга уруксат берди
79
«Азаттык» радиосу

18 Nov, 11:41

Кыргызстанда өткөн кылымдын 1930-жылдары совет бийлигине каршы Нарындын Ат-Башы аймагында козголоң чыккан. Анын арты куугун-сүргүн менен коштолуп, ондогон кишилер жазаланып, аман калгандар Кытайды көздөй качкан. “Данисте” бул чыгарылышта Нарындагы “Черик көтөрүлүшү” же “Акчубак көтөрүлүшү” деп аталып жүргөн окуя тууралуу айтып берет.

@azattyk_radiosu
246
«Азаттык» радиосу

18 Nov, 11:10

Журналист Карымшаков Бабанов ага каршы доо арызын кайтарып алганын билдирди

Ишкер, экс-премьер-министр Өмүрбек Бабанов эркин журналист Эламан Карымшаковго каршы берген доо арызын артка кайтарып алды. Бул тууралуу журналист Фейсбуктагы баракчасына жазды.

Ал соттук териштирүүнү токтотуп, мунасага келүү боюнча Өмүрбек Бабановдун өкүлдөрү менен жолугуп, ушундай чечим кабыл алынганын кабарлады. Жыйынтыгында 18-ноябрдагы соттук отурумда ишкердин өкүлдөрү 1 млн сомдук доо арызды кайтарып алган.

Өмүрбек Бабанов жана анын тарапташтары бул тууралуу азырынча маалымат бере элек.

@azattyk_radiosu
303
«Азаттык» радиосу

18 Nov, 09:48

‼️ИИМ быйыл 10 айда 75 бала өз жанын кыйганын билдирди

Ички иштер министринин орун басары Эркебек Аширходжаев Кыргызстанда 2024-жылдын 10 айында 75 бала өз жанын кыйганын айтты. Бул өткөн жылдын ушул мезгилине салыштырганда төрт учурга аз. Былтыр 10 айда 79 бала суицид кылган.

Бул тууралуу ал Жогорку Кеңештин Социалдык саясат комитетинин 18-ноябрдагы жыйынында билдирди. Эркебек Аширходжаев балдар үй-бүлөсүндөгү пикир келишпестиктен улам өз жанын кыйган учурлар көп экенин кошумчалады.

@azattyk_radiosu
410
«Азаттык» радиосу

18 Nov, 07:40

“Казак” каймана аты бар Умар Маратов Кыргызстанга алынып келди

Египеттин борбору Каир шаарынан кармалган уюшкан кылмыштуу топтун “Казак” деген каймана аты бар мүчөсү Умар Маратов Кыргызстанга алып келинди. Ички иштер министрлиги (ИИМ) ал Интерпол аркылуу быйыл октябрь айында кармалып, Ош шаарына жеткирилгенин кабарлады.

Ага Кылмыш-жаза кодексинин “Зордуктоо” беренеси менен айып тагылып, Ош облусунун ички иштер башкармалыгы издөө жарыялаган. ИИМдин маалыматы боюнча, шектүү 2023-жылы июнь айында Ошто шериктери менен 26 жаштагы кызды күч колдонуп, зордуктаган деп шек саналып жатат. Ал ошондон бери издөөдө жүргөн.

@azattyk_radiosu
508
«Азаттык» радиосу

18 Nov, 06:21

“Суу тартыш, мөңгү тоңдурабыз”

Климаттын өзгөрүүсүнөн, кургакчылыктан улам сугат мезгилинде суу таңкыстыгы күчөдү. Ал эми өлкөнүн түштүк аймактарында, Фергана өрөөнүндө суу маселеси мурдатан эле курч көйгөй. Баткендиктер суу таңкыстыгын чечүү, жайытты жакшыртуу, кайрак жерлерге суу жеткирүү үчүн бир топ жылгаларга жасалма мөңгү тоңдуруп жатышат.

@azattyk_radiosu
529
«Азаттык» радиосу

18 Nov, 05:55

Медиа: АКШ Украинага өз куралы менен Орусияга сокку урууга уруксат берди

Бир катар медиа каражаттары өз булактарына таянып, АКШнын президенти Жо Байден Орусиянын ичкери аймагына америкалык курал менен чабуул коюу чектөөсүн алганын кабарлашты. Маалыматты асыресе The New York Times, The Washington Post, AP, Рейтер жана башка басылмалар менен агенттиктер таратышты.

Ак үй бул кабарды комментарийлеген жок жана “Эркин Европа/Азаттык” радиосунун комментарий берүү өтүнүчүнө жооп кайтара элек. АКШнын Улуттук коопсуздук кеңеши комментарий берүүдөн баш тартты.

Маалымат тастыкталса, Вашингтондун бул маселедеги саясаты олуттуу өзгөргөнүнөн кабар берет. Киев көптөн бери андай уруксатты алууга аракеттенип келди.

@azattyk_radiosu
514
«Азаттык» радиосу

18 Nov, 05:01

Шайлоо: Добуш сатып алууга байланыштуу жети кылмыш иши козголду

Ички иштер министрлигинин Тергөө башкармалыгынын бөлүм башчысы Султан Макилов Кыргызстанда жергиликтүү кеңештерге шайлоо компаниясы башталгандан бери мыйзам бузуу боюнча 96 маалымат түшкөнүн билдирди.

“Биринчи радиого” берген маегинде ал мунун ичинен 10 факты боюнча кылмыш иши козголгонун кошумчалады. Жети арыз боюнча добуш сатып алуу, андан тышкары бейбаштыкка байланыштуу да иш ачылган. Султан Макилов бул кайсы партиялардын талапкерлерине тиешелүү экенин тактаган жок.

@azattyk_radiosu
531
«Азаттык» радиосу

18 Nov, 04:13

Жергиликтүү кеңеш: Ак-Сууда бир шайлоо тилкесинде добуш берүү башталды

18-ноябрда Ысык-Көлдүн Ак-Суу районунун Тепке айылындагы №3092 шайлоо тилкесинде добуш берүү башталды. Бул тууралуу Борбордук шайлоо комиссиясы билдирди.

Бул шайлоо участкасында 17-ноябрда бюллетен чыгарган аппарат иштебей, шайлоочулар добуш бере алган эмес жана добуш берүү 18-ноябрга жылдырылган.

17-ноябрда Кыргызстанда 33 шаарда, анын ичинде Бишкек, Ош шаарларында жана 231 айылдык кеңештерде шайлоо өттү. Жалпы 33 шаардык кеңештеги миңдей мандат үчүн 5 миңдей талапкер, 231 айылдык кеңештеги 5 миңден ашуун мандат үчүн 10 миңдей адам ат салышты. (Иллюстрация сүрөт)

@azattyk_radiosu
547
«Азаттык» радиосу

18 Nov, 03:04

Жекшембиде орус армиясы Украинанын энергетикалык инфраструктурасына жана башка жарандык жайларга дрондор жана ракеталар менен жапырт сокку урганы кабарланды. Чабуулдун ири масштабынан улам НАТОнун мүчөсү болгон кошуна Польша истребителдерин абага көтөрүүгө аргасыз болду.

Ал арада украин президенти Владимир Зеленский анын өлкөсү Орусия менен согуштун эмки жылы дипломатиялык жол менен аякташы үчүн болгон күчүн жумшоого тийиш деп айтты.

@azattyk_radiosu
584
«Азаттык» радиосу

17 Nov, 19:09

Шайлоо: Бишкекте ат салышкан алты партиянын бешөө өттү

Борбордук шайлоо комиссиясынын автоматтык эсептөө системасындагы маалыматтарга ылайык, Бишкек шаардык кеңешине шайлоодо ат салышкан 6 партиянын бешөө 5% босого чектен өттү.

Шайлоого катышкандардын 100% добушу эсептелип бүттү. Анын жыйынтыгына ылайык, эң көп “Жаңы күч” партиясы 36 095 (29.37%), андан кийин “Эмгек” партиясы 26 938 (21.92%), “Адилет” партиясы 18 556 (15.10%), “Ынтымак” партиясы 17 236 (14.02%), “Эл үмүтү” 13 588 (11.06%) алды.

“Улуу-журт” партиясы 1 645 (1.34%) добуш алып, босого чектен өтпөй калды. Баарына каршы 8 812 (7.17%) киши добуш берген. https://www.azattyk.org/a/33205554.html
659
«Азаттык» радиосу

17 Nov, 19:06

Жергиликтүү шайлоо: Ошто беш партия тең өттү

Борбордук шайлоо комиссиясынын автоматтык эсептөө системасындагы маалыматтарга ылайык, Ош шаардык кеңешине шайлоодо ат салышкан беш партия тең 5% босого чектен өттү.

Саат 22:50гө карата шайлоого катышкандардын 98.04% добушу эсептелип бүттү. Анын жыйынтыгына ылайык, эң көп “Жаңы Кыргызстан” партиясы 23 790 (43.36%), андан кийин “Ынтымак” партиясы 10 985 (20.02%), “Мурас” партиясы 8 309 (15.14%), “Бир бол” партиясы 5 350 (9.75%), “Милдет” партиясы 5 705 (10.40%) добуш алды. Баарына каршы 729 киши (1.33%) добуш берген. https://www.azattyk.org/a/33205563.html
655
«Азаттык» радиосу

17 Nov, 16:11

Жергиликтүү кеңештерге шайлоо кандай өттү?

Кыргызстанда 33 шаарда, анын ичинде Бишкек, Ош шаарларында жана 231 айылдык кеңештерде шайлоо өттү.

Ысык-Көл облусунун Ак-Суу районундагы Тепке айылындагы №3092 шайлоо тилкесинде бюллетен чыгарган аппарат иштебей, добуш берүү башка күнгө жылдырылды.

Ал эми Чоң-Сары-Ой айылындагы №3023 шайлоо тилкесинде добуш берүү саат 23:00гө чейин узартылды. @azattyk_radiosu
704
«Азаттык» радиосу

17 Nov, 12:00

Азаттык: Кечки радио эфир | 17.11.2024
765
«Азаттык» радиосу

17 Nov, 10:31

Бангладеште Денге деп аталган безгектен улам эпидемиялык кырдаал чыңалды. Жыл башынан бери андан 400дөн ашык адам өлдү.

Ооруканаларга бул илдетке кабылып кайрылгандардын саны 78 миңден ашты. Бул акыркы жылдардагы безгек эң көп жайылган учур болуп калды.
812
«Азаттык» радиосу

17 Nov, 09:20

Төлөмүш Океев атындагы "Кыргызфильм" киностудиясынын короосунда чакан музейи бар. Ал Музей 2001-жылы "Кыргызфильм" киностудиясынын 60 жылдыгына карата ачылган. Мында совет доорундагы жана Кыргызстан эгемендик алгандан кийинки жылдардагы тартылган тасмаларда колдонулган техника, декорация жана кийимдер сакталып турат.
826
«Азаттык» радиосу

17 Nov, 04:59

45 партия, 15 миңдей талапкер. Кыргызстанда жергиликтүү кеңештерге шайлоо өтүүдө
852
«Азаттык» радиосу

16 Nov, 05:23

❗️Султанбековдун атасы уулунун коопсуздугуна бийлик жооптуу экенин айтты

Социал-демократтар партиясынын лидери Темирлан Султанбековдун атасы Медетбек Султанбеков уулунун камалышы тууралуу элге жана бийликке видео кайрылуу жолдоду. Анда өзү Кыргызстандын Куралдуу күчтөрүнүн ардагери экенин, 30 жыл өлкөгө кызмат кылганын айткан. Уулуна татыктуу тарбия бергенин, ушул күндөрү ага мыйзамсыз иш-аракеттер болуп жатканына токтолгон. Баласынын коопсуздугуна мындан ары өлкө бийлиги жооптуу болорун белгилеген.

“Мен уулум менен сыймыктанам жана аны чынчыл, акыйкат болуу, кыргыз элине кызмат кылуу деген сапаттарга ээ кылып тарбиялаганымды ишенимдүү айта алам. Ушул күндөрү Темирланга жасалган мыйзамсыз аракеттерге үн катпай, реакция кылбай келдим. Аны мыйзамсыз 16 саат бою суракка алып, талапкердин конституциялык укугу бузулуп жатканда дагы унчуккан жокмун. Уулумду уурдап кетишкенде дагы үн катпадым. Кечээки сотто ИИМдин жана УКМКнын кызматкерлеринин аракеттеринен кийин ата катары менин уулумдун коопсуздугуна тынчсыздана баштадым. Бүгүнтөн тартып Темирландын саламаттыгы жана өмүрү үчүн жоопкерчиликти жеке президент Садыр Жапаровго жана УКМКнын төрагасы Камчыбек Ташиевге жүктөйм”, -деди Султанбеков.

Садыр Жапаров жана анын администрациясы буга байланыштуу азырынча комментарий бере элек.

@azattyk_radiosu
280
«Азаттык» радиосу

16 Nov, 04:48

‼️ИИМ жарандарды чет элдик номурлуу унааларды сатып алууда сак болууга чакырды

Ички иштер министрлигинин Жол коопсуздугун камсыздоо башкы башкармалыгы жарандарды чет өлкөлүк номурлуу унааларды сатып алууда сак болууга чакырды. Мекеменин 15-ноябрдагы билдирүүсүндө соңку учурда Армениядан, Абхазиядан жана Орусиядан унааларды тетик катары Кыргызстанга алып келип, бул жактан чогултуп унаа катары саткан учурлар бар экени айтылат.

Мындайда унаалар чек арадан, бажыдан каттоодон өтпөй, транспорт каражатын каттоо жөнүндө күбөлүктөрү чет өлкөдөн жасалып турганы да жазылган.

Ушуга байланыштуу Ички иштер министрлиги чет өлкөлүк номурлуу унааларды иретке келтирүү максатында Салык кызматы жана Унаа мамлекеттик агенттиги менен иш-мерчем түзүп, жакынкы күндөрү рейддер башталарын эскертти.

@azattyk_radiosu
311
«Азаттык» радиосу

15 Nov, 15:11

Сот Султанбековду, Карамушкинаны жана Түрксеверди эки айга камакка алды

Бишкек шаарынын Свердлов райондук соту Социал-демократтар партиясынын лидери Темирлан Султанбековду, партиянын Бишкектеги шайлоо штабынын башчысы Ирина Карамушкинаны жана партиянын тарапташы Роза Түрксеверди эки айга камакка алуу чечимин чыгарды.

Алардын бөгөт чарасы 15-ноябрда каралды. Соттун чечимине ылайык, үч жаран Бишкектин №1 тергөө абагында камалат.

Соттук процесстин алдында Султанбеков коюлган айыптарды четке кагып, "чындык биз тарапта" деп учкай кайрылуу жасаган.

Бишкек шаардык милициясы 14-ноябрда Кылмыш-жаза кодексинин 196-беренесинин 1-бөлүгү (шайлоочулардын добуштарын сатып алуу) боюнча кылмыш ишин козгоп, Султанбеков, Карамушкина жана Түрксевер кармалган. Толук окуңуз 👉🏻https://smarturl.click/B65Mn
620
«Азаттык» радиосу

15 Nov, 15:03

"Экөөнү тең көргүм келет". Болот Темировдун ата-энесин күткөн уулу

Кыргызстандан күчтөп чыгарылган иликтөөчү журналист Болот Темиров менен алты жылга соттолгон "Темиров лайв" порталынын жетекчиси Махабат Тажыбек кызынын 12 жаштагы уулу учурда таенесинин колунда. Ал атасын эки, апасын бир жылдан бери көрө элек. Кесиптик ишмердигинен улам куугунтукка кабылган журналисттердин уулун ким камкордукка алат деген маселе чыккан эле. https://www.youtube.com/watch?v=2etjZAsy2XU&t=2s
593
«Азаттык» радиосу

15 Nov, 14:19

Туура эмес тамактануу жана сасык тумоо васкулитке алып келет | "Эже-сиңдилер"

Кыргызстанда быйыл балдар арасында геморрагиялык васкулит оорусу көбүрөөк катталды. Былтыр Эне жана баланы коргоо улуттук борборуна мындай диагноз менен 356 бала түшсө, быйыл 8 айда эле 270 бала аныкталды. https://www.youtube.com/watch?v=e6sOe5ktAiY
587
«Азаттык» радиосу

15 Nov, 13:10

Жаңылыктар | 15.11.2024 | Израил Сирия, Ливанды аткылады, 27 жаштагы келин бычактан каза болду

- Социал-демократтар” партиясы Бишкек шаардык кеңешине өтө турган шайлоодон четтеттилип, лидери Темирлан Султанбеков кармалды. Алар муну саясий басым деп баалап жатат.

- Сириянын борбору Дамаск шаарында Израилдин 14-ноябрдагы чабуулунан кеминде 15 кишинин өмүрү кыйылды. Израил Ливандын борбору Бейрутка да соккуларын улантты.

- Бишкекте үй-бүлөлүк чырдан бычак жеген 27 жаштагы келин каза болуп, күйөөсү ооруканага түштү. Окуяны милиция териштирип жатат. https://www.youtube.com/watch?v=FRkU7NZHZ2U
597
«Азаттык» радиосу

15 Nov, 08:55

Султанбеков кармалып, "Социал-демократтар" Бишкектеги жарыштан четтетилди

@azattyk_radiosu
672
«Азаттык» радиосу

15 Nov, 06:19

Бишкекте бычак жеген келин көз жумду, күйөөсү жандандыруу бөлүмүндө

15-ноябрь күнү саат 7:40 чамасында Бишкектин Арча-Бешик конушунун тургуну, 27 жаштагы Н. А. аттуу келин бычактан жараат алып, "Тез жардам" ооруканасына жеткирилген. Көп өтпөй каза болгон. Бул тууралуу Ленин райондук ички иштер башкармалыгынын (РИИБ) басма сөз кызматы кабарлады. Маалыматка ылайык, ооруканага ошондой эле бычактан алган жарааты менен маркумдун күйөөсү - 34 жаштагы А. Р. аттуу адам да жеткирилген, учурда жандандыруу бөлүмүндө. Аны милиция кайтарууга алганы кабарланды.

РИИБдин маалыматына караганда, жубайлардын экөөнү тең ооруканага туугандары жеткиришкен. Иликтеп-текшерүү иштери учурунда жубайлар чатакташканы аныкталган.

@azattyk_radiosu
696
«Азаттык» радиосу

15 Nov, 05:14

Шайлоо: "Адилет" партиясынын ишин кароо жылдырылды

Бишкек шаардык кеңешине ат салышып жаткан "Адилет" партиясынын добуш сатып алууга шек саналып жатканына байланыштуу арызды кароо жылдырылды. Бишкек аймактык шайлоо комиссиясынын маалыматында, буга партиянын кошумча документтерин суратуу зарылдыгы себеп болгон.

Бишкек шаардык ички иштер башкармалыгынын Тергөө кызматы 14-ноябрда "Адилет" саясий партиясынын үгүтчүсүнө карата Кылмыш-жаза кодексинин 196-беренесинин 1-бөлүгүнө (шайлоочулардын добуштарын сатып алуу) ылайык кылмыш ишин козгогону маалым болгон. (Иллюстрация сүрөт)

@azattyk_radiosu
706
«Азаттык» радиосу

15 Nov, 02:47

АКШнын жаңы шайланган президенти Дональд Трамп республикачы сенатор Марко Рубиону Мамлекеттик департаменттин башчысы кызматына көрсөттү. Рубио Кытай боюнча катаал саясат зарылдыгын айткан, Кубанын коммунисттик өкмөтүн ачык сындаган, Израилди активдүү колдогон саясатчы.

Вашингтондогу “Демократияны коргоо фондунун” аналитиги Бехнам Бен Талеблу "тышкы саясаттагы айрым маселелерде катаал позицияда турган Рубиону тандоо менен шайланган президент өзүнүн эл аралык чөйрөдөгү көз караштарын бөлүшкөн адамга артыкчылык берүүнү көздөйт, - деп эсептейт. #rfe_rl

@azattyk_radiosu
738
«Азаттык» радиосу

14 Nov, 15:46

Орусия түндүк кореялык аскерлерди окко салды | "Биз жана дүйнө"

Орусия Курск облусунан украин күчтөрүн сүрүп чыгарууга түндүк кореялык аскерлерди салып жатканы кабарланды. Расмий Киевдин эсебинде ушул тапта Пхеньяндын 10 миңден ашуун аскери Курскиде турат жана алардын алды украин жоокерлери менен кагылышып, жоготууга учурады. Москва эмне себептен чет элдик контингентти согушка салууга мажбур болду? Бул жерде Түндүк Кореянын кызыкчылыгы кандай? Деги эле бул Украинадагы уруштун нугун канчалык өзгөртө алат? https://youtu.be/71aTR4wBsYs
734
«Азаттык» радиосу

14 Nov, 14:05

Аймактык шайлоо комиссиясы “Социал-демократтар” партиясын шайлоодон четтетти

Бүгүн, 14-ноябрда Бишкек аймактык шайлоо комиссиясынын жыйынында “Социал-демократтар" партиясынын маселеси каралып, партияны Бишкек шаардык шайлоосунан четтетүү чечимин кабыл алды. Жыйында партияны четтетүү сунушуна комиссиянын сегиз мүчөсү тең макул болду.

“Социал-демократтар” партиясы боюнча маселени кароого Бишкек шаардык милициясынын добуш сатып алуу боюнча козгогон кылмыш иши негиз болгон. Аймактык шайлоо комиссиясынын төрагасы Бахадыр Конуров аталган партияга буга чейин эки ирет эскертүү берилгенин билдирген.
Толук окуңуз 👉🏻 https://smarturl.click/Yz9ZA
764
«Азаттык» радиосу

14 Nov, 13:40

Шайлоо алдындагы сурак, бийликтин жообу | ЭКСПЕРТТЕР ТАЛДАЙТ
729
«Азаттык» радиосу

14 Nov, 12:58

Жаңылыктар | 14.11.2024 | Султанбеков милицияда, Матраимов 200 млн доллар төгүп чыкты
734
«Азаттык» радиосу

14 Nov, 09:44

Акылбек Жапаров Асман шаарын курууга акча табылганын айтты

Асман шаарынын курулушун долбоорлоого 480 млн доллар каражаттын булагы табылды. Бул тууралуу министрлер кабинетинин төрагасы Акылбек Жапаров 14-ноябрда Жогорку Кеңеште өкмөттүк саат учурунда билдирди. Ал өкмөт тарабынан башка да шаарларды өнүктүрүүгө колдоо көрсөтүлүп жатканын белгиледи.

Президент Садыр Жапаров октябрь айында жарлык чыгарып, Министрлер кабинетине келерки жылдын 1-мартына чейин Асман шаарынын курулушунун концепциясын иштеп чыгып, бекитүүнү тапшырган.

@azattyk_radiosu
779
«Азаттык» радиосу

14 Nov, 07:33

Алия Ашим: Куру ураан менен тил өнүкпөйт

Казакстандык журналист, документалист, тарыхка байланыштуу “Орусташтыруу”, “Карлаг”, “Желтоксон көтөрүлүшү”, “Конаев доору” сыяктуу даректүү тасмалардын автору Алия Ашим менен “Азаттык+ подкастта” деколонизация, тил, иденттүүлүк жөнүндө сүйлөштүк.

Подкастты толугу менен “Азаттыктын” YouTube каналынан көрүңүз. https://youtu.be/JH3obU5kjuY
773
«Азаттык» радиосу

12 Nov, 07:28

‼️Орусиянын аэропортунда кыргызстандыктар аскерге чакыруу алганына түшүндүрмө берилди

Айрым жалпыга маалымдоо каражаттарында 7-ноябрда Бишкек-Челябинск каттамындагы учак менен келген жарандарды аэропортто күч кызматкерлери текшерип, кээ бир жарандарга аскерге чакыруу берилгени тууралуу маалыматтар чыккан. Буга байланыштуу Кыргызстандын Тышкы иштер министрлиги маалыматтык билдирүү таратты.

Ага ылайык, азыркы мезгилде Бишкек-Челябинск багытында аба каттамдары жүргүзүлбөйт. 2024-жылдын 7-ноябрында жүргүнчүлөр Ош-Челябинск каттамы аркылуу учуп барган. ЖМКдагы маалыматтардан кийин Кыргызстандын Екатеринбург шаарындагы Башкы консулдугу Орусиянын тиешелүү органдары менен жолугушканда Орусиянын аймагына киргизилбей, Челябинск аэропортунда Кыргызстанга кайтаруу үчүн кармалып турган кыргыз жарандары жоктугу аныкталган.

Орусиядагы "Доступ" интернет басылмасы 7-ноябрь күнү Бишкек-Челябинск каттамындагы учак менен келген 250гө чамалуу жүргүнчүнү жана аларды тосуп алган жарандарды аэропортто күч кызматкерлери текшерүүгө алганын жазган. Басылманын кабарчысы орус жарандыгын алган кыргызстандыктарга ошол жерден аскерге чакыруу кагазы берилгенине күбө болгонун билдирген.

@azattyk_radiosu
317
«Азаттык» радиосу

12 Nov, 05:17

Жогорку сот Жоомарт Карабаевдин арызын канааттандырган жок

Кыргызстандын Жогорку соту 12-ноябрда Улуттук илимдер академиясынын мурдагы кызматкери Жоомарт Карабаевдин кызматынан мыйзамсыз бошотулганын айткан арызын карап, Бишкек шаардык сотунун өкүмүн күчүндө калтырды.

Жогорку сот бул чечим тууралуу маалымат бере элек.

Жоомарт Карабаев кызматынан Улуттук илимдер академиясынын адистери кылмыш иштери боюнча экспертизаларды Улуттук коопсуздук боюнча мамлекеттик комитетинин (УКМК), Ички иштер министрлигинин (ИИМ) кызматкерлеринин көрсөтмөсү менен жазарын айтып чыкканы үчүн мыйзамсыз бошотулганын билдирип, жыл башында сотко кайрылган.

@azattyk_radiosu
426
«Азаттык» радиосу

11 Nov, 13:00

Жаңылыктар | 11.11.2024 | Трамп Путин менен сүйлөшкөнү айтылды, Жапаров Аспековго жооп берди
709
«Азаттык» радиосу

11 Nov, 08:53

❗️Шаардык сот Рустам Жокоевди камакта калтырды

Бишкек шаардык соту Министрлер кабинетине караштуу Транспорт каражаттарын жана айдоочулук курамды каттоо боюнча мамлекеттик агенттиктин мурдагы директору (“Унаа” мамлекеттик мекемеси) Рустам Жокоевди камакта калтырды.

Бул тууралуу "Азаттыкка" шаардык соттун басма сөз кызматы 11-ноябрда билдирди.

Жокоевди үй камагына чыгаруу боюнча адвокаттын арызын шаардык сот 6-ноябрда карап, Биринчи май райондук сотунун чечимин күчүндө калтырган.

Буга чейин Биринчи май райондук соту Рустам Жокоевдин камактагы мөөнөтүн 27-декабрга чейин узарткан.

@azattyk_radiosu
720
«Азаттык» радиосу

11 Nov, 07:42

Улуттук Онкология борборунун жетекчиси кызматтан алынды

Саламаттык сактоо министрлигине караштуу Улуттук Онкология борборунун жетекчиси Бактыгүл Султангазиева кызматынан алынды. Бул тууралуу саламаттык сактоо министринин орун басары Каарманбек Байдавлетов 11-ноябрда Жогорку Кеңештин Социалдык саясат комитетинде билдирди. Анын сөзүнө караганда, жетекчинин милдетин аткаруучу болуп орун басары дайындалды.

Бактыгүл Султангазиеваны Улуттук Онкология борборунун жетекчилигинен алуу сунушун мурдараак саламаттык сактоо министри Алымкадыр Бейшеналиев Министрлер кабинетине киргизген.

@azattyk_radiosu
697
«Азаттык» радиосу

11 Nov, 05:39

NYT: Орусия менен Түндүк Кореянын 50 миңдей аскери Курскиде чабуулга даярданууда

Орусия Курск облусундагы Украина ээлеп алган аймактарын кайтарып алуу максатында чабуул жасоо үчүн түндүк кореялык жоокерлер менен кошо 50 миңдей аскер чогултту. Бул тууралуу The New York Times гезити жекшембиде АКШ жана Украинадагы булактарына таянып билдирди.

Америкалык аткаминерлердин жаңы маалыматтарына караганда, Орусия бул кадамы менен Украинанын чыгышынан аскерлерин алып кетпөө аракетин көрүүдө. Ошол эле учурда Москва Украинага бир учурда бир нече багыттан басым жасоону көздөөдө деп жазылган макалада.

@azattyk_radiosu
704
«Азаттык» радиосу

11 Nov, 03:45

Украина Орусиянын буга чейинкиден көп сандагы дрон соккусуна кабылды. Москвада Украинанын дрон чабуулунан аэропорттор иштебей турду. Киевге ЕБ башкы дипломаты барып, Украинага колдоосу өзгөрбөй турганын айтты. АКШда Трамптын шайланышы Украина маселесине кандай таасир этери талкуу жаратууда.

@azattyk_radiosu

Макаланы толугу менен шилтемеден окуңуз.
739
«Азаттык» радиосу

10 Nov, 13:06

Түркия 325 ооган жаранын мекенине кайтарды

Түркия жүздөгөн ооганстандык качкынды мекенине кайтарды. Бул тууралуу бүгүн 10-ноябрда "Азади" радиосу ооган өкмөтүн башкарып турган "Талибан" кыймылынын маалыматына таянып жазды.

Ооган качкындары жана репатриация иштери боюнча министрлик кабарлагандай, Түркия 300дөн ашуун ооганстандыкты өз өлкөсүнө кайтарды.

Стамбул шаарынан 8-9-ноябрь күндөрү жалпысынан 325 качкын депортацияланып, Ооганстанга учак менен жеткирилгени тууралуу маалымат министрликтин X (мурдагы Twitter) социалдык түйүнүнө жарыяланды. Миграция боюнча эл аралык уюм алардын ар бирине 150 еврого барабар акчалай жардам көрсөтүлгөнүн кабарлады. (Архив сүрөт)

@azattyk_radiosu
861
«Азаттык» радиосу

10 Nov, 07:21

WSJ: "Роснефть", "Газпром нефть" жана "Лукойл" биригиши мүмкүн

The Wall Street Journal басылмасы Орусияда бийлик "Роснефть", "Газпром нефть" жана "Лукойл" компанияларын бириктирүүнү талкуулап жатканын ишенимдүү булактарына таянып жазды.

Божомолдорго караганда, "Газпром нефть" менен "Лукойл" мамлекеттик "Роснефть" компаниясынын карамагына кирет. Мунун негизинде жаңы түзүм америкалык Exxon Mobil компаниясына караганда чийки кара майды үч эсе көп өндүрүп, Сауд Арабиясынын Aramco компаниясынын кийинки эле дүйнөдөгү эң чоң экинчи компания болуп калышы ыктымал.

WSJ мындай бириктирүүдөн кийин Орусия Индия менен Кытайга кара майды кымбатыраак сатууга жетишиши мүмкүндүгүн жазды. Бириктирүү тууралуу сүйлөшүүлөрдө "Роснефтинин" башчысы Игорь Сечин негизги ролду ойноп жатканын белгиледи.

@azattyk_radiosu
849
«Азаттык» радиосу

10 Nov, 05:30

ЖМК: Трамп Киев менен Москвага "буфердик зона" түзүүнү сунушташы мүмкүн

АКШда жаңы шайланган президент Дональд Трамп Украина менен Орусиянын ортосунда "буфердик аймак" түзүүнү сунушташы ыктымал. Бул тууралуу The Telegraph басылмасы Трамптын айланасындагы булактарга шилтеме кылып жазды.

Ал планда фронттун азыркы тилкеси сактоо, Киевдин НАТОго алдыңкы 20 жылда кошулбоо тууралуу макулдугун алуу каралган. Вашингтон анын ордуна Украинага ири өлчөмдө курал-жарак берет жана Орусиянын мындан ары согуш баштоосуна жол бербейт. АКШ буфердик аймакты күзөтүүгө аскер жөнөтпөйт жана бул долбоорду каржылабайт.

Киев менен Москва бул план тууралуу азырынча комментарий бере элек.

@azattyk_radiosu
805
«Азаттык» радиосу

10 Nov, 04:38

Кыргызстанда шайлоочулардын жалпы саны 4 миллиондон ашты

Борбордук шайлоо комиссиясы Кыргызстанда шайлоого жарамдуу жарандардын тизмеси такталганын билдирди. Ага ылайык, добуш берүүгө жарамдуу жарандардын саны 4 135 039гө жетти. Алардын 51,62% (2 134 511) аялдар, 48,38% (2 000 528) эркектер түзөт.

БШК тизме 14-ноябрга чейин бардык добушканаларга илинерин белгиледи жана шайлоочуларды өздөрүнүн шайлоо тилкелерине барып тизмеден тактап алууга чакырды.

2020-жылы 3,5 миллиондой шайлоочу болсо, 2021-жылы ал 3 миллион 700 миңге жеткен.

@azattyk_radiosu
816
«Азаттык» радиосу

09 Nov, 14:38

Дин боюнча мыйзам долбоору: Үй кыдырып, үгүт айтуу маселеси талкууда

Кыргызстандын президенти Садыр Жапаров 8-ноябрда диний ишмерлер менен "Дин тутуу эркиндиги жана диний уюмдар жөнүндө” мыйзам долбоорун талкуулады. Анда коомдук талкууга чыгарылган документке кошумча-алымчалар сунушталып, айрым тактоолор киргизилди.

Долбоор алгач быйыл августтун этегинде коомдук талкууга чыккан. Кызуу талаш-тартыштар динди жайылтуу максатында үймө-үй кыдыруу (даават) жана никабдын айланасында болгон. Ошондон кийин президент тиешелүү жетекчилер менен кеңешме өткөрүп, жаңы мыйзам долбоорунун макулдашылган вариантын Жогорку Кеңештин кароосуна киргизүү чечими кабыл алынган.

Дин аалымдары бул мыйзам азыр актуалдуу экенин айтса, айрым эксперттер мындай мыйзамды кабыл алууда дыкаттык зарыл экенин эскертүүдө. Кененирээк макаладан окуңуз: 👉🏻 https://www.azattyk.org/a/33195889.html
903
«Азаттык» радиосу

09 Nov, 10:18

Трамптын жеңиши: Мексика аркылуу кирген мигранттар эмне болот?

АКШда 5-ноябрдагы Дональд Трамп жеңип чыккан шайлоодо иммиграция маселеси чечүүчү мааниге ээ болду. Үгүт учурунда мыйзамсыз жүргөн мигранттарды жапырт өлкөдөн чыгарам деген Трамптын жеңишин кыргызстандык мигранттар кызуу талкуулап жатышат. Кененирээк макаладан окуңуз: 👉🏻 https://smarturl.click/71Gqe?
893
«Азаттык» радиосу

09 Nov, 08:54

Бишкекте мугалимди тилдеген окуя териштирилип, иш сотко өттү


Ленин райондук ички иштер бөлүмү мектептердин биринде мугалимди урушуп жаткан аял тартылган видео боюнча териштирүү жүргүздү.

Райондук милициянын басма сөз кызматы кабарлагандай, териштирүүнүн жүрүшүндө видеодогу мугалим окуучулардын апасынын бири 9-октябрда мектепке келип, аны балдардын көзүнчө кемсинтип чыр чыгарганын айтып арызданган. Ага чара көрүүнү суранган.

Милициянын Коомдук коопсуздук кызматы жаранга чара көрүү үчүн Укук бузуулар кодексинин 102/1-беренеси (“Педагогикалык кызматкерге карата сыйлабагандыкты көрсөтүү”) менен иш-материалдарды сотко жөнөткөнү белгилүү болду. Окуучунун апасы окуя тууралуу комментарий бере элек. https://smarturl.click/M1wdV
871
«Азаттык» радиосу

09 Nov, 06:01

Президент Жапаров Сауд Арабияда Жакынкы Чыгыштагы кырдаал талкууланган саммитке катышат

Кыргызстандын президенти Садыр Жапаров 11-ноябрда Сауд Арабиясына иш сапары менен барат. Бул тууралуу президенттин администрациясынын тышкы саясат бөлүмүнүн башчысы Мурат Азымбакиев билдиргенин президенттин сайты жазды.

Маалыматка караганда, Садыр Жапаров Ислам кызматташтык уюмунун кезексиз саммитине катышып, сөз сүйлөйт. Жыйында Палестина, Ливан жана жалпы эле Жакынкы Чыгыштагы кырдаал талкууланары пландалган. Жапаров Сауд Арабиясында эки тараптуу жолугушууларды дагы өткөрөрү айтылды. https://www.azattyk.org/a/33195741.html
859
«Азаттык» радиосу

09 Nov, 04:54

Бишкек-Ош жолундагы чектөөлөр алынды

Бишкек-Ош жолундагы "Сосновка" өткөрмө бекетинен жүк ташуучу автоунааларга 8-ноябрда киргизилген чектөө алынды. Бул тууралуу Өзгөчө кырдаалдар министрлиги (ӨКМ) кабарлады.

Суусамыр – Талас - Тараз автоунаа жолундагы чектөө да алынды.

Өзгөчө кырдаалдар министрлиги 8-ноябрда жолдор тайгак болуп, ар кандай кырсыктарды жана тыгынды алдын алуу үчүн бир катар ашуулардагы жолдорго чектөө киргизген. https://www.azattyk.org/a/33195744.html
845
«Азаттык» радиосу

08 Nov, 16:27

"Кошумча текшерүүлөргө даяр болгула". Орусияга бараткандарга эскертүү

Тышкы иштер министрлиги Орусияга барууну пландаган жарандарга кайрылып, Москванын мигранттарды тескеген эрежелерине көңүл бурууну эскертти. Тышкы иштер мекемеси соңку бир аптада экинчи ирет мындай эскертүү жолдоду. Жаңы жылдан тарта Орусияда чет өлкөлүк жарандардын жүрүү тартиби өзгөрөт. Кененирээк макаладан окуңуз: 👉🏻 https://smarturl.click/mp9q5
867
«Азаттык» радиосу

08 Nov, 15:42

“Өз тилибизде баалуулук жаратууга мезгил келди” | “Азаттык+” | Алия Ашим, Нурболот Азамат

Казакстандык журналист, документалист, тарыхка байланыштуу “Орусташтыруу”, “Карлаг”, “Желтоксон көтөрүлүшү”, “Конаев доору” сыяктуу даректүү тасмалардын автору Алия Ашим менен “Азаттык+ подкастта” деколонизация, тил, иденттүүлүк жөнүндө сүйлөштүк. https://www.youtube.com/watch?v=JH3obU5kjuY
253
«Азаттык» радиосу

08 Nov, 14:35

Жаңылыктар | 8.11.2024 | Президент Жапаров даават тууралуу оюн айтты, Орусияга бараткандарга эскертүү

- Кыргызстандын президенти Садыр Жапаров диний ишмерлер менен "Дин тутуу эркиндиги жана диний уюмдар жөнүндө” мыйзам долбоорун талкуулады. Анда даваат, медресе жана башка темалар көтөрүлдү.

- Соңку эки күн ичинде Орусиянын Украин аймактарындагы соккулары он кишинин өмүрүн алды. Украин лидери Зеленский Будапештте Курскидеги түндүк кореялык аскерлердин маселесин көтөрсө, орус президенти Путин Украинанын макамы тууралуу өз шартын айтты.

- Кыргызстандын Тышкы иштер министрлиги Орусияга барууну пландап жаткандарга кайрылды. Министрлик мигранттарды документтерин белендеп жүрүүгө чакырып, Орусиянын чек ара кызматы аларды өлкөгө киргизбей коюшу мүмкүн экенин эскертти. https://www.youtube.com/watch?v=qpHKc8uPRwI
329
«Азаттык» радиосу

08 Nov, 12:05

Азаттык: Кечки радио эфир | 08.11.2024 https://www.youtube.com/watch?v=VWKYr5sJEF0
427
«Азаттык» радиосу

08 Nov, 08:04

ӨКМ: Нарын суусуна секирген кызды жана Жумгалдагы ата-баланы издөө уланып жатат

2-ноябрда Нарын дарыясына секирип кеткен өспүрүм кызды издөө иштери 8-ноябрда да уланып, 17 куткаруучу, 20 милиция кызматкери жана 21 жергиликтүү тургун - жалпы 58 адам тартылды.

Куткаруучу топ Нарын суусун бойлой Куланактан Учкун Пионер, 8-Март жана Ак-Тал-Чаттан тарта Үгүткө чейин издеп жатышат.

Өзгөчө кырдалдар министрлиги тараткан маалыматка караганда, 2007-жылы туулган өспүрүм кыз Жаңы-Жол тилкесиндеги көпүрөдөн Нарын дарыясына секирип кеткен.

Мындан тышкары Жумгал районунда мал кайтаруу үчүн кетип, дайынсыз кеткен ата-баланы издөө иши да уланууда. 8-ноябрда жалпы 14 адам издөө ишерине чыкты. Мындан тышкары 6 рация, 2 дүрбү, 1 Toyota Hailux АСМ тартылды.

16-октябрда Өрнөк айылынын тургуну 45 жаштагы Болот Карыпбеков менен анын уулу Бекзат Самарбеков мал кайтарганы кеткен бойдон дайынсыз жоголгон.

Буга чейин президент Садыр Жапаров дайынсыз кеткен ата-баланы издөө иштерин күчөтүү тапшырмасын берген. https://www.azattyk.org/a/33193667.html
542
«Азаттык» радиосу

08 Nov, 07:03

“ГУЛАГда аялдарды кордошкон”. Кыргызстандагы сыры ачылбаган лагер

Кыргызстанда ата-бабаларды эскерүү күнү белгиленүүдө. Бул күндү утурлай эле 1920-1930-жылдары сталиндик репрессияда “эл душмандарынын жакыны” катары куугунтукталып, лагерлерге камалган аялдардын тагдырлары тууралуу эки китеп жарык көрдү. Бул теманы “Куугунтук курмандыктары” подкастында “Ата-Бейит” мемориалдык комплексинин илимий кызматкери Салтанат Асекова жана “Эсимде” изилдөө аянтчасынын тарыхчысы Гүлзат Алагөз менен талкуулайбыз.
Видеоподкастты толугу менен шилтемеден көрүңүз: 👉🏻https://youtu.be/QhXOJcFCHg8
518
«Азаттык» радиосу

08 Nov, 05:48

Төө-Ашууда кар көчкү жүрүп, жол тазаланганы кабарланды

8-ноябрь күнү саат эртең мененки 9да Бишкек-Ош унаа жолунун 127-чакырымында кар көчкү жүрүп, Төө-Ашууда бардык унаалардын жүрүшүнө чектөө киргизилген.

Өзгөчө кырдаалдар министрлиги жол тазаланып, азыркы учурда жеңил унаалар өтүп жатканын, бирок жүк ташуучу унааларга коюлган чектөө алына электигин билдирди. Мекеменин маалыматына караганда жабыркагандар жок. https://www.azattyk.org/a/33193657.html
527
«Азаттык» радиосу

08 Nov, 05:42

Өкмөт элден үч жылда 100 млрд сом карыз алат

Өкмөт 2025-2027-жылдары жыл сайын 34 млрд сомго баалуу кагаздарды чыгарууну пландап жатат. Башкача айтканда, мамлекет үч жылда калктан 100 млрд сомдон ашуун карыз алат. Аны кантип жана эмнеге алат?

Кененирээк макаладан окуңуз:
➡️https://smarturl.click/Zy95z
527
«Азаттык» радиосу

08 Nov, 03:54

Дональд Трамп чек араны бекемдөөгө артыкчылык берерин айтты

АКШнын жаңы шайланган президенти Дональд Трамп шайлоодон кийин журналисттерге берген алгачкы маегинде кызматка расмий киришкен соң чек араны бекемдөөгө артыкчылык берерин билдирди.

NBC News медиасы Дональд Трамптан анын шайлоо алдында берген мыйзамсыз миранттарды жапырт түрдө депортациялоо убадасы жөнүндө сураган. Трамп муну ишке ашыруудан башка жол жок экенин айтты.

Мунун алдында CNN Трамптын өнөктөштөрү жана жеке бизнес өкүлдөрү миграциялык саясаттын өзгөрүүсүнө тымызын аракет көрүп жаткандарын жазган.

The Wall Street Journal басылмасы болсо жалпысынан депортация маселеси 20 миллион мигрантка кедергисин тийгизерин божомолдоп жатат.

“Демократтардын Трамптын иммигранттар жөнүндө риторикасына маани берүүгө чакырганына карабай, аны колдогон латын америкалыктардын катары калың болду” деп жазды NBC.

Кененирээк: https://www.azattyk.org/a/33193619.html
730
«Азаттык» радиосу

07 Nov, 13:26

Орусия Украинадагы согуш майданга салган түндүк кореялык күчтөрдүн сапаты күмөн жаратат. Бирок украин армиясынын коргонуусун бузуп өтүү үчүн алардын саны жетиштүү болушу мүмкүн.

Сан жагынан Орусиянын аскерлеринен алда канча аз, курал-жабдыгы жетишсиз, чарчап-чаалыккан украин армиясы орус күчтөрүнө араң туруштук берүүдө. Киевдин коргонуусун жырып өтүүгө эми түндүк кореялык аскерлер аралашты. Тактап айтканда, соңку маалыматтарга караганда, Орусияга 10 миңдей аскер жайгаштырылды. Алардын фронтто жайгаштырылышы ансыз да араң турган украиндердин коргонуусу үчүн олуттуу коркунуч жаратууда. #rfe_rl

@azattyk_radiosu
783
«Азаттык» радиосу

07 Nov, 11:09

Кытай-Кыргызстан-Өзбекстан темир жолун куруу ноябрдын аягында башталат

Кытай-Кыргызстан-Өзбекстан темир жолунун курулушун ноябрдын аягында баштоо макулдашылды. Бул тууралуу Министрлер кабинетинин төрагасы Акылбек Жапаров 7-ноябрда журналисттер менен жолугушуу учурунда билдирди.

Акылбек Жапаровдун айтымында, Кыргызстандын президенти Өзбекстан жана Кытай лидерлери менен бул долбоорду ишке ашыруунун жол-жобосун сүйлөшкөн. Темир жолдун курулушу Жалал-Абаддан башталганы жатат. Өкмөт башчы долбоор боюнча тиешелүү документтер парламентке жөнөтүлөрүн кошумчалады.

@azattyk_radiosu
776
«Азаттык» радиосу

07 Nov, 10:41

Кыргызстанда ата-бабаларды эскерүү күнү белгиленүүдө. Бул күндү утурлай эле 1920-1930-жылдары сталиндик репрессияда “эл душмандарынын жакыны” катары куугунтукталып, лагерлерге камалган аялдардын тагдырлары тууралуу эки китеп жарык көрдү.

Бул теманы “Куугунтук курмандыктары” подкастында “Ата-Бейит” мемориалдык комплексинин илимий кызматкери Салтанат Асекова жана “Эсимде” изилдөө аянтчасынын тарыхчысы Гүлзат Алагөз менен талкуулайбыз.

@azattyk_radiosu
752
«Азаттык» радиосу

07 Nov, 06:06

Орусиялыктардын 40% гана жакындары согушка барышын колдойт

"Левада" борбору октябрда жүргүзгөн социологиялык сурамжылоонун жыйынтыгына ылайык, орусиялыктардын 76 пайызы орусиялык куралдуу күчтөрүнүн Украинадагы аракеттерин колдой турганы белгилүү болду.

Сурамжылоого катышкан респонденттердин 45 пайызы согушту “сөзсүз колдорун”, 31 пайызы “колдосо болорун” билдирген.

Социологдор белгилегендей, согушту колдогондордун көбү 55 жаштан жогорку курактагы эркектер (81 пайыз), колдобогондор 24 жашка чейинки жаштар (67 пайыз).

Ошол эле учурда орусиялыктардын 40 пайызы гана жакын адамынын согушка барышын туура көрөт. Респонденттердин 42 пайызы мындай чечимди жактырбайт.

@azattyk_radiosu
761
«Азаттык» радиосу

07 Nov, 05:01

Төө-Ашууда оор жүк ташуучу автоунааларга чектөө алына элек

Бишкек – Ош автожолундагы Төө-Ашуу ашуусунда оор жүк ташуучу автоунааларга коюлган чектөө алына элек. Бул тууралуу 7-ноябрда Транспорт жана коммуникациялар министрлигинин маалымат кызматы билдирди.

Мекемеден маалымдагандай, Төө-Ашууда кар жаап жатат. Мындан улам "Сосновка" постунда оор жүк ташуучу автоунааларга чектөө алына элек, Өтмөк жана Ала-Бел ашууларында жол тазалоо иштери жүрүп жатат.

Бишкек-Нарын-Торугарт автоунаа жолунун Долон, Кызыл-Бел ашууларында да кум чачуу иштери жүрүп жатат.

@azattyk_radiosu
738
«Азаттык» радиосу

07 Nov, 03:51

Кыргызстанда басма сөз күнү белгиленүүдө. Өкмөт өкүлдөрү ЖМК кызматкерлерине белек-бечкек жөнөтүп, өлкөдө сөз эркиндиги бар экенин айтып жаткан чакта эркин басылмалар басым-кысым уланып жатканын белгилейт. Быйыл өлкөдө журналисттер жапырт кармалып, соттолуп, басылмалар бөгөттөлгөн учурлар болду.

@azattyk_radiosu
781
«Азаттык» радиосу

06 Nov, 17:09

Америкадагы шайлоо: Трамп кантип жеңди? | "Биз жана Дүйнө"

Дональд Трамп 4 жылдан кийин кайрадан Америка Кошмо Штаттарынын президенти болуп шайланды. Аны дүйнө лидерлери, анын ичинде кыргыз президенти Садыр Жапаров шайлоодогу жеңиши менен куттуктады. Америкалыктардын тандоосуна кандай факторлор таасир этти? Бул жолку шайлоо эмнеси менен өзгөчөлөндү? Эми өлкөнү жана дүйнөнү кандай өзгөрүүлөр күтүшү мүмкүн? Трамптын мыйзамсыз миграция менен күрөшүү убадасы АКШга агылган мигранттарды, анын арасында Америкадагы кыргызстандыктарды канчалык түйшөлтөт?
Кененирээк "Биз жана Дүйнө" программасынын кезектеги чыгарылышынан көрүңүз: 👉🏻 https://youtu.be/6q7-3GCSWLA
957
«Азаттык» радиосу

06 Nov, 12:58

Жаңылыктар | 6.11.2024 | АКШдагы шайлоодо Трамп жеңди, Бишкекте сегиз өлкөнүн лидерлери чогулду
833
«Азаттык» радиосу

06 Nov, 11:39

‼️Трамп шайлоочулар коллегиясынын 270тен көп добушун алып, жеңишке жетти

АКШнын көптөгөн жалпыга маалымдоо каражаттары, анын ичинен Associated Press жана CNN маалымдагандай, 5-ноябрдагы шайлоонун баштапкы жыйынтыгы менен Дональд Трамп жеңишке жетүү үчүн зарыл болгон шайлоочулар коллегиясынын 270ден кем эмес добушун алып, атаандашы Камала Харристен озуп чыкты. Азыркы саатка карата ага берилген добуштардын саны 277ни түзүүдө.

Республикачылардын талапкери, мурдагы президент Дональд Трамп жеңгенин өзү да шайлоочуларынын алдына барып жарыялады.

@azattyk_radiosu
855
«Азаттык» радиосу

06 Nov, 09:05

Трамп шайлоодо жеңгенин жарыялады

АКШда президенттик шайлоого Республикачылар партиясынан катышкан талапкер, өлкөнүн мурдагы президенти Дональд Трамп добуштар кандай чыгары таптакыр белгисиз болуп жаткан, "селкинчек" же "оомо" штаттардын жетөөндө тең алдыда экенин соңку эсептөөлөр көрсөтүүдө. Добуштарды эсептөө уланып жатат.

Флорида штатында шайлоочуларынын алдында сүйлөгөн сөзүндө Трамп утканын жарыялады.
"Биз балдарыбыз татыктуу жана силер татыктуу болгон күчтүү, коопсуз жана гүлдөп-өнүккөн Американы жаратмайынча тынчыбайм", - деп негизги убадаларын кайталады.

@azattyk_radiosu
842
«Азаттык» радиосу

06 Nov, 07:13

🏆Футбол: “Абдыш-Ата” үчүнчү ирет Кыргызстандын чемпиону болду

Канттын "Абдыш-Ата" футболдук клубу өзүнүн тарыхында үчүнчү жолу Кыргызстандын чемпиону болду.

5-ноябрда Кант шаарында өткөн Кыргызстандын премьер-лигасынын 25-турунда "Абдыш-Ата" бишкектик "Дордой" клубун 1:0 эсеби менен утту. Мелдеш жадыбалында эң көп упай топтогон канттык клуб өлкө чемпиону болду.

“Абдыш-Ата” клубу 2001-жылы түптөлгөн. 2002-жылы команда Жогорку лигага көтөрүлгөн. Үч ирет өлкө чемпиону (2022, 2023, 2024) аталса, эки ирет Кыргызстандын футбол боюнча Супер кубогун уткан.

@azattyk_radiosu
785
«Азаттык» радиосу

28 Oct, 12:58

Жаңылыктар | 28.10.2024 | Бишкекте эки базар мэрияга өттү, Грузияда орусиячыл партия 54% добуш алды
465
«Азаттык» радиосу

28 Oct, 12:39

Гимнди өзгөртүү керекпи? Депутаттар эмне дейт?

Парламент төрагасынын мамлекеттик гимнди өзгөртүү боюнча сунушун колдогондор менен катар кескин сынга алгандар болууда. Бул демилге азырынча парламентке келип түшө элек. Сунуш боюнча Жогорку Кеңештин депутаттарынын пикирлери да ар түрдүү. “Азаттык” гимнди өзгөртүү сунушуна байланыштуу эл өкүлдөрүнө суроо узатты. https://youtu.be/Pvg3DGCVWJE
438
«Азаттык» радиосу

28 Oct, 10:30

Мэрия “Оберон” базарлары шаар бийлигине өткөнүн билдирди

Бишкек мэриясынын кызматкери Темирлан Камчыбеков Бишкектеги “Дордой” жана “Орто-Сай” базарларындагы “Оберон” базары Бишкек шаардык сотунун чечими менен мэрияга өткөнүн билдирди. Анын сөзүнө ылайык, мэрияга жалпы баасы 3,9 млрд сом болгон жер алынды.

Бул тууралуу ал 28-октябрда базарда иштеген соодагерлер менен жолугушууда айтты. Ал ишкерлер менен кайра жаңы келишимдер түзүлө турганын, базар иштей берерин билдирди.

“Оберондун” соодагерлери 28-октябрда базар Бишкек мэриясынын карамагына өткөнүн айтып, чогулушкан. Базардын ээлери мэриянын ишин мыйзамсыз деп атап, шаардык соттун чечимине каршы Жогорку сотко кассациялык арыз даярдалып жатканын кабарлады.

“Дордойдогу” “Оберон” базары 6 гектардан көп жерди ээлей турганы жана анда 3 миңден ашык соодагер иштеп жатканы айтылган.

Ачык булактардагы маалыматтарга караганда, “Оберон” жоопкерчилиги чектелген коому 1997-жылы негизделген жана анын ээси катары Нуржамал Байболова көрсөтүлгөн. Ал мурдагы башкы прокурор Кубатбек Байболовдун жубайы.

Улуттук коопсуздук боюнча мамлекеттик комитеттин (УКМК) төрагасы Камчыбек Ташиев мыйзамсыз менчиктештирилген мүлктөрдү мамлекетке кайтаруу тууралуу буга чейин бир нече ирет билдирүү жасаган. Ал 14-июнда Кара-Суу районунда мечиттин ачылышына катышкандан кийинки сөзүндө “мамлекеттик мүлктү мыйзамсыз менчиктештиргендер аны өкмөткө кайтара турганын” билдирген.

Андан бери Кыргызстанда мурда-кийин жеке менчикке өткөн жерлер, имараттар мамлекетке алынды. Талдоочулар ошол эле учурда өлкөдө менчикке болгон укук да сакталышы керек экенин айтып келишет. https://www.azattyk.org/a/33176042.html
565
«Азаттык» радиосу

28 Oct, 08:45

Үй, машинени сатууда сом менен накталай эмес гана эсептешүү сунушталды

Экономика жана коммерция министрлиги Кыргызстанда жарандарды турак жайды жана автоунааны сатып же сатып алууда улуттук валютада – сом менен накталай эмес гана эсептешүүгө милдеттендирүүнү сунуш кылды.

Министрлик демилге кылган мыйзам долбоору коомдук талкууга коюлду. Документтин маалымкат-негиздемесинде мындай чара сомдун бекемделишине салым кошуп, көмүскө экономиканын үлүшүн азайта турганы жазылган. Мыйзам долбоору кабыл алынса аны бузган адамдарга 3 миң сом, юридикалык жактарга 13 миң сом айып пул салынат.

Ушул тапта Кыргызстанда үйдү же машинени алып сатууда адамдар көп учурда доллар менен эсептешет.

Салык кызматы 1-октябрдан тарта юридикалык жактар кызматкерлерине эмгек акыны накталай түрдө эмес, банк эсептери аркылуу төлөөгө милдеттүү экенин эскерткен. Мындай талап Эмгек кодексине киргизилген өзгөртүүлөр менен байланыштуу. Бул талапты бузган учурда жеке жарандарга 3 миң сом, юридикалык жактарга 6 миң 500 сом айып салынат.
567
«Азаттык» радиосу

28 Oct, 07:58

Москва облусунун Химки шаарында таксист болуп иштеген кыргызстандык жаран жүргүнчүнү бурагыч (отвертка) менен сайып жибергени үчүн кармалып, камакка алынды. Бул тууралуу жергиликтүү маалымат каражаттары аймактагы Тергөө башкармалыгынын басма сөз кызматына шилтеме кылып жазышты.
557
«Азаттык» радиосу

28 Oct, 06:57

Өзбекстанда Президенттик администрациянын Маалыматтык саясат департаментинин мурдагы жетекчиси Комил Алламжоновдун автоунаасын аткылоого байланыштуу кылмыш иши козголду.

Ташкенттин Кибрай районунда жекшембиге караган түнү белгисиз кишилер Комил Алламжановдун Range Rover үлгүсүндөгү жолтандабасын бир нече ирет аткылаганы, саясатчы жана анын айдоочусу аман-эсен экенин өлкөнүн Башкы прокуратурасы билдирди.
Маалыматка караганда, окуяга байланыштуу Кылмыш кодексинин 97-беренеси ("Атайылап өлтүрүү үчүн кол салуу") менен кылмыш иши козголду.
587
«Азаттык» радиосу

28 Oct, 06:21

Президент Жумгалда дайынсыз болуп жаткан ата-баланы издөө иштерин күчөтүүнү тапшырды

Президент Садыр Жапаров 16-октябрда мал кайтарганы кетип, дайынсыз болуп жаткан Жумгалдын Өрнөк айылынын тургундары Болот Карыпбеков менен анын уулу Бекзат Самарбековду издөө иштерин күчөтүү тапшырмасын берди.

Бул тууралуу президенттин басма сөз кызматы кабарлап, аларды издөө үчүн Өзгөчө кырдаалдар министрлиги (ӨКМ) менен Ички иштер министрлигинен (ИИМ) кошумча күчтөр тартылганын билдирди. Издөө иштерине дрондор да колдонулат.

“Издөө иштери учурда Жалал-Абад облусунун Токтогул районунда да жүргүзүлүүдө, анткени Көкөмерен дарыясы бул районго тез агып барат”, - деп айтылат маалыматта.

Жумгалдын Өрнөк айылында мал кайтарганы кеткен 45 жаштагы тургун Болот Карыпбеков жана анын тогуз жаштагы баласы 16-октябрдан бери дайынсыз болууда. Жакындары аларды 18-октябрдан тарта издей баштап Өзгөчө кырдаалдар министрлигине 19-октябрда кайрылган.
596
«Азаттык» радиосу

28 Oct, 05:57

Өзбекстанда парламенттик шайлоо өттү

Өзбекстанда 27-октябрда эки палаталуу парламентке шайлоо өтүп, биринчи жолу аралаш шайлоо системасы менен добуш берүү болду. Парламенттин төмөнкү палатасында 150 мандат бар, анын 75и партиялык тизме боюнча бөлүштүрүлөт, дагы 75 депутат бир мандаттуу округдардан шайланып келет.

Шайлоого беш партия катышты: Өзбекстандын либералдык-демократиялык партиясы, “Миллий тикланиш”демократиялык партиясы, Өзбекстандын экологиялык партиясы, Өзбекстандын элдик-демократиялык партиясы жана “Адолат” социал-демократиялык партиясы.

Борбордук шайлоо комиссиясынын (БШК) жергиликтүү убакыт боюнча 27-октябрь саат 17:00гө карата берген маалыматына ылайык, шайлоочулардын 71,52% добуш берүүгө катышты. Өзбекстанда жалпысынан 20 миллионго жакын шайлоочу бар.

Шайлоочулардын эң көп катышуусу Фергана облусунда – 75,71%, эң төмөнкү көрсөткүч Ташкентте – 62,39% болду. Шайлоонун расмй жыйынтыгы 10 күндүн ичинде жарыяланат.
553
«Азаттык» радиосу

28 Oct, 05:03

Төө-Ашуу жана Өтмөк ашууларында оор жүк ташуучу унааларга чектөө киргизилди

Бишкек – Ош автожолундагы Төө-Ашуу ашуусунан оор жүк ташуучу автоунаалардын өтүүсүнө чектөө коюлду. Бул тууралуу 28-октябрда Транспорт жана коммуникациялар министрлигинин маалымат кызматы билдирди.

Мекемеден маалымдашкандай, оор жүк ташуучу унаалардын өтүүсүнө Таластагы Өтмөк ашуусуна да чектөө коюлган. Буга аба ырайынын кескин начарлашы себеп болгон.

Учурда ашуудагы жолдорду тазалоо иштери жүрүүдө.

Министрлик айдоочуларды унаа дөңгөлөктөрүн жайкыдан кышкыга алмаштырууга чакырууда.

Кыргызгидромет борборунан билдиргендей, 28-октябрда Кыргызстандын көпчүлүк аймактарында жаан жаайт, тоолуу райондордо карга айланат. Чүй, Ош, Жалал-Абад облустарынын айрым жерлеринде жаан-чачын катуу жаайт. Бийик тоолуу райондордо жолдор тоңголок жана тайгак болот.
582
«Азаттык» радиосу

28 Oct, 04:57

Күрөш боюнча дүйнө чемпионаты: Карачев менен Токтомамбетов күмүш алды

Албаниянын Тирана шаарында өтүп жаткан 23 жашка чейинки балбандар арасындагы дүйнө чемпионатында 57 кг салмакта Абдымалик Карачев жана 74 кг салмак ченинде Орозобек Токтомамбетов эркин күрөштөн күмүш медал алышты.

Абдымалик Карачев 1/8 финалда кытайлык балбанды 9:4 эсебинде жеңип чейрек финалга чыгып, АКШлык атаандашын 1:1 эсебинде утту. Жарым финалда ирандык Али Носсейинди 4:3 эсебинде жеңип, финалда индиялык спортчу Чираг Чирагга 3:4кө утулуп калды.

Орозобек Токтомамбетов 1/8 финалда Жабраил Гаджиевди 4:1, чейрек финалда түркиялык Исмет Чифтчини 11:0го, жарым финалда орусиялык Исмаил Ханиевди 1:1 эсебинде уткан. Финалда жапониялык Кота Такахасиге 3:1ге жеңилип калды.

23 жашка чейинки балбандар арасындагы дүйнө чемпионатында кыргызстандык дагы бир балбан Билал Шарип уулу 65 кг салмакта коло тагынды.
571
«Азаттык» радиосу

28 Oct, 04:47

Коррупцияны ашкерелеген уюмдун колуна тийген маалымат базасына ылайык, 2020-2022-жылдар аралыгында 1500дөн ашык казак жараны Дубайда жүз миллиондогон долларлык кыймылсыз мүлккө ээ болгон. "Азаттыктын" казак кызматы алардын 100дөн ашыгы мурдагы аткаминерлердин жакындары экенин иликтеп чыкты.
562
«Азаттык» радиосу

28 Oct, 04:22

“Азаттык” Орусиянын Украинадагы согушунда теги кыргызстандык 51 киши набыт болгонун аныктады. Алардын 25и Кыргызстандын жараны. Айрымдарынын колунда эки өлкөнүн тең паспорту болсо, кайсы бири кийинчерээк толук орус жарандыгына өткөн. Украинадагы согушта каза тапкан кыргызстандыктар кимдер?
622
«Азаттык» радиосу

27 Oct, 06:47

Тегеран БУУнун Коопсуздук кеңешинин чукул жыйынын өткөрүүнү талап кылууда

Тегеран Бириккен Улуттар Уюмунун (БУУ) Коопсуздук кеңешине төрагалык кылып жаткан Швейцарияны Израилдин Иранга кол салуусуна байланыштуу кезексиз жыйын чакырууга үндөдү.

Ирандын БУУдагы атайын өкүлү Амир Саид Иравани Коопсуздук кеңешине жолдогон катында, Израилдин “мыйзамсыз жана агрессиялык аракети” Ирандын эгемендигине жана аймактык бүтүндүгүнө шек келтирери жана “БУУнун уставын жана эл аралык укуктарды одоно бузууга жатарын” белгилеген.

Ирандын абадан коргонуу күчтөрү Израилдин снаряддарынын көпчүлүгү жок кылынганы кабарланган. Иравани жана Тегерандагы башка лидерлер соккудан төрт офицер мерт кеткенин маалымдашты.

Иравани ошондой эле Иран Коопсуздук кеңешинин төрагасынан “кылмыштуу режимдин жоопкерчилигин кароо үчүн чукул жыйын чакырууну” өтүнгөнүн кошумчалады.

Израил 26-октябрдын таңында Ирандын аймагына абадан сокку урду. Бул Израилге бир жылдан бери Иран жана анын өнөктөштөрү тарабынан жасалып жаткан чабуулдарга жооп экени белгиленди. https://www.azattyk.org/a/33174929.html
822
«Азаттык» радиосу

27 Oct, 04:41

ТИМ: Ирандагы чабуулда жабыркагандар арасында кыргызстандыктар жок

Кыргызстан Иран менен Израилдин ортосундагы чатакка тынчсыздануусун билдирди. Өлкөнүн Тышкы иштер министрлиги (ТИМ) 26-октябрда тараткан маалыматта, расмий Бишкек тараптарды мындан аркы аскердик аракеттерден баш тартууга жана бүткүл Жакынкы Чыгышта кырдаалды туруксуздаштыруу коркунучуна жол бербөөгө чакырды.

Билдирүүдө ошондой эле Кыргызстан дүйнө коомчулугунун, биринчи кезекте БУУнун Коопсуздук Кеңешинин согуштук аракеттерди тез арада жана толук токтотуу аракетин жактай турганы жазылган.

ТИМ 26-октябрда тараткан дагы бир билдирүүсүндө Ирандын аскердик инфраструктурасына жасалган чабуулдардан жабыркагандардын арасында Кыргызстандын жарандары жок экенин маалымдады. Ага ылайык, Кыргызстандын Ирандагы элчилиги ал жактагы кыргыз жарандары менен туруктуу байланышып жатат.

Мекеме Ирандагы кыргызстандыктар зарылчылык болсо элчиликтин +982122830354жана +989352505226, ошондой эле ТИМдин консулдук департаментинин +996999312002 ыкчам байланыш телефондоруна кайрыла аларын кошумчалады.
26-октябрдын таңында Израил армиясы (ЦАХАЛ) Ирандын аймагына абадан сокку урду. Бул Израилге бир жылдан бери Иран жана анын өнөктөштөрү тарабынан жасалып жаткан чабуулдарга жооп экени белгиленди. https://www.azattyk.org/a/33174915.html
832
«Азаттык» радиосу

26 Oct, 13:03

“Жаш-кары бирдей ырдай албайт”

Парламент төрагасы Нурланбек Шакиев Кыргызстандын гимнине байланыштуу сунушун 25-октябрда Жогорку Кеңеште Кара-Кыргыз автоном облусунун түзүлгөнүнүн 100 жылдыгына жана мамлекеттик ишмер Иманалы Айдарбековдун 140 жылдыгына арналган иш-чарада айтты.

Президент Садыр Жапаровдун басма сөз катчысы Аскат Алагөзов парламент төрагасы Нурланбек Шакиевдин мамлекеттик гимнди өзгөртүү тууралуу айткандарына байланыштуу Фейсбукта пост жазып, комментарий берди. Алагөзов спикердин билдирүүсүн анын жеке пикири катары кабыл алуу керектигин белгиледи.

@azattyk_radiosu
860
«Азаттык» радиосу

26 Oct, 06:27

Орусиянын миграция борборун Кыргызстанда ачуу сунушталды

Эмгек, социалдык камсыздоо жана миграция министрлиги Орусиянын миграция борборунун филиалын Кыргызстанда ачууну сунуштады. Бул тууралуу мекеменин басма сөз кызматы билдиргендей, министр Жылдыз Полотова 25-октябрда Москва шаарында "Көп функционалдуу миграциялык борбор" мамлекеттик мекемесинин жетекчилиги менен жолугушкан.

"Филиалдын ачылышы жарандарга Орусия Федерациясынын аймагына киргенге чейин зарыл процедуралардан алдын ала өтүүгө мүмкүндүк берет. Мындан тышкары, биздин өлкөнүн саясаты чет өлкөлөрдө легалдаштырылган ишке орноштурууга багытталган", - деди Жылдыз Полотова.

Министр ошондой эле Эмгек министрлигинин Орусиядагы өкүлчүлүгүндө жарандарды кабыл алган.

@azattyk_radiosu
867
«Азаттык» радиосу

26 Oct, 04:40

Бүгүн Грузияда парламенттик шайлоо өтөт. Добуш берүүгө укуктуу жарандар төрт миллионго чукул калкы бар өлкөнүн соңку тарыхында эң маанилүү жараянга катышууда. Грузиндер Батыш менен Орусиянын, ошондой эле демократия менен авторитаризмдин ортосунда тандоо жасап, өз келечегин аныкташат.

2012-жылдан бери өлкөнү башкарган "Грузин кыялы" партиясы дагы төрт жылдык мөөнөттү көздөп турат. Бийликтеги партия добуш берген жарандар тынчтыкты же согушту тандарын баса белгилеп, эгер оппозиция жеңип келсе Грузияны "Орусияга каршы согушка сүйрөйт" деп шайлоо өнөктүгү маалында элди коркутту.

Ишенимдүү коомдук пикирди сурамжылоонун жоктугунан улам шайлоонун жыйынтыгы тууралуу болжоп болбойт. #rfe_rl

@azattyk_radiosu
820
«Азаттык» радиосу

25 Oct, 14:08

Ажырашкан аялына өчөшүп, баланы курал туткан аталар | "Эже-синдилер"

Улуттук статистика комитетинин маалыматы боюнча Кыргызстанда ар бир төртүнчү нике ажырашуу менен аяктайт. Адатта аялдарга балдары менен чет өлкөгө чыгууга атасы уруксат бербей, паспорт алууда да кыйынчылыктар жаралат. Бул учурда аялдардын жана балдардын укуктары кандай корголот? “Эже-сиңдилер” берүүсүндө ажырашуудан кийин мурунку күйөөсүнүн манипуляциясына кабылган аялдардын абалы талкууланды. https://www.youtube.com/watch?v=Y78eIm6_0-U
911
«Азаттык» радиосу

25 Oct, 12:58

Жаңылыктар | 25.10.2024 | Төрага гимн өзгөрөрүн айтты, Москвадан кайтарылган мигранттар
865
«Азаттык» радиосу

25 Oct, 09:04

Волейбол: Кыргызстан Борбор Азиянын чемпиону болду

Кыргызстандын волейбол боюнча улуттук курамасы Борбор Азия волейбол ассоциациясынын (CAVA) чемпионатынын жеңүүчүсү болду. Финалдык беттеште Өзбекстан курамасын 3:0 эсеби менен утту. Үчүнчү орунга Түркмөнстан курамасы ээ болду. Мелдеш 18-октябрдан 24-октябрга чейин Ташкент шаарында өттү.

CAVA уюмунун расмий сайтынын маалыматында, мелдешке Кыргызстандын, Ооганстандын, Өзбекстандын, Тажикстандын, Малдив жана Түркмөнстандын курамалары катышкан. Командалар өз ара ойноп, тайпада эң көп упай топтогон эки команда мелдештин алтын байгеси үчүн беттешет.

CAVA улуттар лигасына Борбор Азиядагы жана Чыгыш Азиядагы 14 өлкө мүчө.

@azattyk_radiosu
746
«Азаттык» радиосу

24 Oct, 15:34

Украинадагы урушта өлгөн кыргызстандыктар кимдер? | "Биз жана дүйнө"

“Азаттык” Орусиянын Украинадагы согушунда теги кыргызстандык 51 киши набыт болгонун аныктады. Алардын 25и Кыргызстандын гана жараны. Айрымдарынын колунда эки өлкөнүн тең паспорту болсо, кайсы бири кийинчерээк толук орус жарандыгына өткөн. Украинадагы согушта каза тапкан кыргызстандыктар кимдер?
Кененирээк: 👉🏻 https://youtu.be/KzMDRYonBrI
854
«Азаттык» радиосу

24 Oct, 15:21

"20 жылга депортация болдуңар дешти". Москванын аэропортунда кармалган мигранттар

22-23-октябрда Москванын Шереметьево аэропортунда Ош - Москва, Бишкек - Москва каттамы менен барган ондогон кыргызстандык артка кайтарылды. Орусиянын чек арачылары муну коопсуздук менен байланыштырган. Кыргызстандын Тышкы иштер министрлиги билдирүү таратып, бул маселе көзөмөлдө экенин билдирди.

Кыргызстандык мигранттардын өлкөгө киргизилбей жапырт депортацияланышы мамлекет башчысы Садыр Жапаров Орусиянын Казан шаарында БРИКС уюмунун саммитине катышып жаткан учурга туш келди. Толук окуңуз 👉🏻 https://smarturl.click/l5Wym
815
«Азаттык» радиосу

24 Oct, 14:16

Батыш автобекети кайда көчүрүлдү?

Бишкектеги Батыш автобекети жана анын ичиндеги “Акжол” кичи автобекети 23-октябрда жабылды. Мэриянын басма сөз кызматы эми эл Алматы көчөсү 1/1 дарегинде жайгашкан “Бишкек автобекети” муниципалдык ишканасынын жаңы бекетинен каттай турганын билдирди. Айдоочулар жаңы бекет жүргүнчүлөрдү кабыл алып, жөнөтүүгө даяр эмес экенин айтып жатышат. Транспорттордун жадыбалы түзүлбөй, өзгөчө өлкөнүн түштүк региондоруна, коңшу Өзбекстанга кетчүлөр кыйналып жатканын билдиришти. Бекеттердеги абалды кабарчыбыз Кундуз Кызылжарова көрүп келди. https://www.youtube.com/watch?v=hy7_f5Wx-Ic
814
«Азаттык» радиосу

24 Oct, 12:56

Жаңылыктар | 24.10.2024 | Түркияда теракттан 5 адам өлдү, Орусия Украинаны ракета менен атты
787
«Азаттык» радиосу

24 Oct, 08:37

Укук коргоо органдарынын кызматкерлеринин ишине мыйзамсыз кийлигишип, сүрөт жана видеого тартып алардын ишин каралоо максатында материалдарды интернет сайттарга таратууга тыюу салуу боюнча мыйзам долбоору парламенттин Укук тартиби, кылмыштуулук менен күрөшүү жана коррупцияга каршы аракеттенүү боюнча комитетинде каралып, биринчи окууда кабыл алынды.

"Медиа полиси институтунун" юристтери мыйзам долбоорунун айрым беренелери укук коргоо кызматкерлеринин кызмат абалынан кыянаттык менен пайдалануусуна алып келерин эскертишүүдө.

@azattyk_radiosu
832
«Азаттык» радиосу

24 Oct, 05:08

Медербек Сатыев Жогорку соттун төрагасы болуп дайындалды

Президент Садыр Жапаров кол койгон жарлыкка ылайык, Медербек Сатыев беш жылдык мөөнөткө Жогорку соттун төрагасы болуп дайындалды. Бул тууралуу мамлекет башчынын басма сөз кызматы 24-октябрда кабарлады.

Ушул эле күнү Министрлер кабинетинин төрагасы Акылбек Жапаров жаңы төраганы Жогорку соттун жамаатына тааныштырды.

Жогорку Кеңештин депутаттары 23-октябрдагы жалпы отурумда Медербек Сатыевдин талапкерлигин колдогон. Парламентте сөз сүйлөгөн Сатыев, депутаттардын жана элдин ишеничин актоого жана эл, мамлекет үчүн иштөөгө күчүн жумшай турганын айткан.

@azattyk_radiosu
837
«Азаттык» радиосу

24 Oct, 03:02

Талас шаарында жөө жүргүнчүлөр өтүүчү тилкеден балдарын жетелеп өтүп бараткан 31 жаштагы келинди жана анын уул-кызын өлтүрө сүзгөн айдоочу кармалды. Жүрөк үшүн алган кырсык 23-октябрда эртең менен шаардагы мектеп жана бала бакчанын жанында болду.

"Балдарын жетелеп баратканда коюп кеткен"
ИИМдин Жол кыймылынын коопсуздугун камсыздоо башкармалыгынын Таластагы бөлүмүнөн билдиришкендей, ак түстөгү автоунаа жол эрежесин одоно түрдө бузуп, карама-каршы тилкеге чыгып, жөө жүргүнчүлөрдү сүзүп кеткен.

Кырсык тартылган видеодон өз жолу менен уул-кызын жетелеп көчөдөн өтүп бараткан келинди, анын эки баласын коюп кеткенден кийин бул автоунаа дагы эки жеңил машинеге барып урунганын көрүүгө болот.

@azattyk_radiosu
831
«Азаттык» радиосу

23 Oct, 15:10

Борбор Азия: Бурмаланган тарых, ойгоно элек эс тутум | "Куугунтук курмандыктары"

“Куугунтук курмандыктары” подкастында эгемендик жылдардан кийин өзүнүн тарыхына, тилине, маданиятына жаңыча мамиле кылып, өтүмүшүн кайра карап чыгууга далаалат кылып жаткан Борбор Азия өлкөлөрү тууралуу өзбекстандык тарыхчы Бахром Ирзаев, кыргызстандык тарыхчы Сабыр Арстанов менен талкуулайбыз.
"Куугунтук курмандыктары" подкастынын буга чейинки чыгарылыштарын www.azattyk.org сайтынан, spotify жана apple podcast платформаларынан уга аласыздар. https://www.youtube.com/watch?v=DJYpNE4ePHM
814
«Азаттык» радиосу

23 Oct, 12:57

Жаңылыктар | 23.10.2024 | Таласта энесин 2 баласы менен өлтүрө сүзгөн айдоочу кармалды
754
«Азаттык» радиосу

23 Oct, 11:00

⚡️Бишкектеги Батыш автобекети жабылды

Бишкектеги Батыш автобекети жана анын ичиндеги "Акжол" кичи автобекети 23-октябрдан тарта жабылды. Мэриянын басма сөз кызматы кабарлагандай, эми бул автобекет аркылуу кеткен бардык каттамдар Алматы көчөсү 1/1 дарегинде жайгашкан "Бишкек автобекети" муниципалдык ишканасынын жаңы бекетинен жөнөйт.

Жаңы автобекет эл аралык, шаар аралык, облустук жана шаар четиндеги каттамдарды тейлейт. Мэрия жабылган бекеттен "Бишкек автобекетине" чейин автобус каттамы уюштурулуп, жүргүнчүлөрдү ташып жатканын кабарлады.

Мекеменин маалыматына караганда, чыгыш багындагы каттамдар жаңы автобекеттен, батыш тарапка кеткен каттамдар автоунаа базары тараптан же Фрунзе көчөсү, 209 дарегинен жөнөп жатат.

Бишкектин ичиндеги батыш жана чыгыш автобекеттери жабылып, шаардын сыртына чыгарылары мурда кабарланган.

@azattyk_radiosu
803
«Азаттык» радиосу

22 Oct, 14:40

2022-жылдын 23-октябрында Кемпир-Абадды коргоо комитетин түзүүнү демилгелеп, Бишкекте чогулган отузга жакын саясатчы, активист “бийликти күч менен басып алууга” айыпталып, камакка алынган. Айыпталгандардын алды жарым жылдан бир жылга дейре абакта жатты.

2024-жылы 14-июнда сот айыпталгандарды толук актады. Бул чечим дээрлик эки жылга созулган “Кемпир-Абад ишине” чекит койгондой болду. Айыпталгандар абактан бошотулуп, үй-бүлөлөрүнө кайтканы менен өткөндөн калган жараат толук айыга элек.

“Кемпир-Абад иши” менен камалган 27 активисттин бири Эрлан Бекчоро уулу жубайы Шаршегүл Аманова экөө “Азаттыкка” маек куруп, сыноо менен коштолгон соңку эки жылды эскеришти.

@azattyk_radiosu
392
«Азаттык» радиосу

22 Oct, 12:59

Жаңылыктар | 22.10.2024 | ИИМ Армениянын машинелерин каттоого каршы, Суданда учак атып түшүрүлдү
456
«Азаттык» радиосу

22 Oct, 08:15

Жогорку соттун төрагалыгына Медербек Сатыевдин талапкерлиги сунушталды

Судьялар кеңеши Жогорку сотунун төрагасы кызматына Медербек Сатыевдин талапкерлигин сунуштады. 22-октябрда Судьялар кеңешинин жыйыны өтүп, ушундай чечим кабыл алынганын Жогорку Соттун басма сөз кызматы маалымдады.

Жыйында Сатыевдин талапкерлиги бир добуштан колдоо тапкан.

Мыйзамга ылайык, Жогорку соттун төрагасы кызматына талапкерди Судьялар кеңеши сунуштап, Жогорку Кеңеш макулдук бергенден кийин президент беш жылдык мөөнөткө дайындайт. Бул кызматка талапкер Жогорку соттун судьяларынын ичинен тандалат.

@azattyk_radiosu
534
«Азаттык» радиосу

22 Oct, 06:30

🎰 Министрлер кабинети мамлекеттин үлүшү бар мейманканаларда кумаркана ачууну сунуштоодо

Министрлер кабинети мамлекеттик же жарым-жартылай мамлекеттик менчикте болгон мейманканалардын аймагында кумаркана ачууну сунуштоодо.

Буга байланыштуу "Оюн-зоок иши жөнүндө" мыйзамга өзгөртүү киргизүү тууралуу" мыйзам долбоору Жогорку Кеңештин кароосуна жөнөтүлдү.

Муну менен өкмөт оюн-зоок жайларын мамлекеттик жана муниципалдык менчикте турган имараттарда жана курулмаларда жайгаштырууга тыюу салган ченемди алып салууну сунуштоодо. Мамлекеттин үлүшү бар мейманкаларга оюн-зоок жайларын ачуу туристтердин агымын көбөйтүүгө гана эмес, ички жана эл аралык рыноктордо алардын атаандаштыкка жөндөмдүүлүгүн жогорулатууга да мүмкүндүк берери белгиленген.

@azattyk_radiosu
560
«Азаттык» радиосу

22 Oct, 06:06

❗️“Манас” аэропорту Суданда каза тапкан адамга байланыштуу комментарий берди

"Манас” эл аралык аэропорту аталган мекеменин күбөлүгү бар орус жаранынын Суданда учак кырсыгына кабылганына байланыштуу комментарий берди.

Аталган компаниянын билдиришинче, "Манас" деген жазуусу бар күбөлүктөгү Виктор Гранов аэропортто иштебейт жана башка компания аркылуу алар менен кызматташып келген.

"Маалыматка караганда, Суданда кыйраган учакта болжол менен каза болгондор арасында Airline Transport Incorporation FZC компаниясынын инженери Виктор Гранов болгон. Анын документинде "Манас" эл аралык аэропортунун күбөлүгү (тархетка) табылган. Ал аэропорттун кызматкери эмес, бирок "Манас" менен өзүнүн компаниясы аркылуу кызматташып келген", - деп айтылат маалыматта.

21-октябрда Суданда Ил-76 жүк ташыган учак кыйрап, анын бортунда болжол менен орусиялыктар болгону кабарланган.

@azattyk_radiosu
593
«Азаттык» радиосу

22 Oct, 02:51

Президент Путин Татарстандын баш калаасы Казанда БРИКСтин 16-саммитине келген конокторду кабыл алуу менен Москва эл аралык изоляцияда калбаганын Батышка көрсөтүүнү көздөйт.

Ал БРИКСке кирген өлкөлөрдүн тобун Батышка жана глобалдык саясатка, соода-сатыкка каршы күч катары көрсөтүүнү максат кылат.

Казанда 22-24-ноябрда БРИКС+ деген кеңейтилген форматтагы бирикменин жыйыны өтөт. Бул бирикмеге Бразилия, Орусия, Индия, Кытай жана Түштүк Африка Республикасынан тышкары Египет, Эфиопия, Иран жана Бириккен Араб Эмираттары кирет. #rfe_rl

@azattyk_radiosu
669
«Азаттык» радиосу

21 Oct, 12:57

Жаңылыктар | 21.10.2024 | Динаятчы Фетхулла Гүлен АКШда каза болду
753
«Азаттык» радиосу

21 Oct, 05:40

Бишкек шаарынын прокуратурасынын эки кызматкери камакка алынды

Бишкектин Биринчи май райондук соту Бишкек шаарынын прокуратурасынын эки кызматкерин (Ы. уулу Э. жана Ж.А.А.) 14-декабрга чейин Улуттук коопсуздук боюнча мамлекеттик комитеттин (УКМК) тергөө абагына камакка алды. Мындай чечимди райондук сот атайын кызматтын тергөөчүсүнүн өтүнүчү менен 20-октябрда чыгарды.

Биринчи май райондук сотунун басма сөз кызматынын маалыматына ылайык, аларга Кылмыш-жаза кодексинин 343-беренеси – “Опузалап пара алуу” менен айып тагылууда.

Бир катар сайттар камакка алынган адамдар Бишкек шаарынын прокурорунун орун басары Эдилбек Ыдырыс уулу жана шаардык прокуратуранын бөлүм башчысынын орун басары Абдырашид Жаманкеев экенин жазып жатышат. Райондук сот тараткан инициалдар алардын аты-жөнүнө туура келет.

Башкы прокуратуранын басма сөз кызматы маалыматты кийинчерээк тактап берерин билдирди. Ал эми УКМК козголгон иш тууралуу комментарий бере элек.

@azattyk_radiosu
759
«Азаттык» радиосу

20 Oct, 08:29

CNN: Яхья Синвардын сөөгү туткундарга алмашуусу мүмкүн

АКШ жана Евробиримдикте террордук деп жарыяланган ХАМАС тобунун лидери Яхья Синвардын сөөгү Газада барымтада кармалып турган израилдик туткундарга айырбашталышы ыктымал. Бул тууралуу CNN телеканалы Израилдеги булактарына шилтеме кылып жазды.

Басылманын булактары барымтада кармалып тургандарды бошотуу - ХАМАС үчүн лидеринин сөөгүн алууга жалгыз мүмкүнчүлүк болушу ыктымалдыгын айтышкан. Израил бир жылдан ашык убактан бери барымтада жаткан жарандарын бошотуунун жолдорун караштырып жатканы айтылды. CNNдин булактары ошол эле кезде Синвардын сөөгүн кайтаруу ХАМАСтын мүчөлөрүн бириктириши ыктымалдыгын да белгилешкен.

ХАМАС радикал тобунун лидери Яхья Синвар өлтүрүлгөнү тууралуу Израил 17-октябрда маалымдаган. Эртеси маалыматты ХАМАС ырастаган. Израилдеги соттук медицина борбору Синвар 16-октябрда башына ок жеп өлгөнүн билдирген.

@azattyk_radiosu
872
«Азаттык» радиосу

20 Oct, 05:30

Улуттук коопсуздук комитетинин (УКМК) Кесиптик кайра даярдоо жана кадрлардын квалификациясын жогорулатуу институтунун негизинде Анарбек Бакаев атындагы академия ачылды.

Бишкектеги окуу жайдын ачылышына президент Садыр Жапаров, атайын кызматтын төрагасы Камчыбек Ташиев баштаган өлкө жетекчилери катышты жана бул окуя улуттук коопсуздук жаатындагы маанилүү окуя катары бааланды.

Буга чейин кыргыз чекисттери адатта Орусиядан билим алып келген жана кадр даярдоодо Федералдык коопсуздук кызматынын таасири чоң экени, иштөө ыкмасы окшоштугу айтылып жүргөн.

@azattyk_radiosu
856
«Азаттык» радиосу

19 Oct, 09:02

Бишкекте мыйзамсыз иштеген кумаркана аныкталды

Ички иштер министрлиги Бишкек шаарында мыйзамсыз, жашыруун кумаркана аныкталганын билдирди. Милицияга бул жай тууралуу маалымат түшүп, 18-октябрда ыкчым-тергөө иш чараларынын алкагында Турусбеков көчөсүндө жайгашкан конок үйү тинтүүгө алынган. ИИМ бул ишке уюшкан кылмыштуу топтун мүчөсү катары каттоодо турган адамдардын катыштыгы болушу мүмкүн экени тууралуу маалымат болгонун билдирүүдө.

Кумаркана уюштурууга шектүүлөр, кызматкерлер жана кумар оюндарын ойноп жаткандар милицияга жеткирилген.

Милиция бул факты боюнча Кылмыш-жаза кодексинин 219-1-беренеси (“Кумар оюндарын мыйзамсыз уюштуруу”) боюнча кылмыш ишин козгоду. Кылмышка шектелип 29 жана 30 жаштагы эки жаран милициянын убактылуу тергөө абагына камалды.

Кыргызстанда казинолордун ишине 2012-жылы тыюу салынган. Мындай чечимди кабыл алууга кумар оюндарынын кесепетинен үй-жайынан, колдо бар мүлкүнөн ажыраган адамдардын жакындарынын кайрылуулары себеп болгону айтылган.

2022-жылы чет өлкөлүктөр үчүн кумаркана ачууга уруксат берген мыйзам кабыл алынган.
Учурда Кыргызстанда чет өлкөлүктөр үчүн ачылган эки казино мыйзамдуу иштеп жатат. Мыйзамга ылайык, кыргыз жарандары жана 21 жашка чейинки чет элдик жарандар казиного киргизилбейт. https://smarturl.click/O02RD
906
«Азаттык» радиосу

19 Oct, 07:22

Айдоочулук күбөлүк үчүн сынактар онлайн көрсөтүлүп турат

Кыргызстанда айдоочулук күбөлүк үчүн сынактардын жүрүшүн онлайн режимде байкап турууга болот. Бул тууралуу Транспорт каражаттарын жана айдоочулук курамды каттоо боюнча мамлекеттик агенттигинин маалымат кызматы билдирди.

“Учурда онлайн көрсөтүү пилоттук негизде Бишкек жана Ош шаарларындагы эки аймактык бөлүмдө иштеп жатат. Мындай чечим айдоочулук күбөлүк берүүдөгү коррупциялык көрүнүштөрдү азайтып, ачыктыкты пайда кылуу үчүн кабыл алынды”, - деп жазылган маалыматта. https://smarturl.click/5O5Go
839
«Азаттык» радиосу

19 Oct, 07:19

Чаткалдагы кар көчкү алдында калган акыркы үч адамдын да сөөгү табылды

Жалал-Абад облусунун Чаткал районундагы Ак-Сай аймагында болгон кар көчкү окуясында дайынсыз болгон акыркы үч адамдын сөөгү табылды. Өзгөчө кырдаалдар министрлигинин билдирүүсүнө ылайык, бүгүн саат 10:30да куткаруучулар акыркы үч адамдын сөөгүн табышты. Бир күн мурда, 18-октябрда дагы үч адамдын сөөгү табылып, Кумбел тилкесиндеги штабга жеткирилген.

Бүгүн эрте менен саат 07:30да жети кишиден турган куткаруучулардын биринчи тобу жөнөп кеткен. Кийинчерээк, саат 08:34тө Airbus H145 тик учагы кошумча куткаруучуларды жана кар көчкү станциясынын кызматкерлерин алып учуп кеткен. Көп өтпөй дагы кошумча 16 куткаруучу жиберилген.

Трагедиялык окуянын жыйынтыгында алты адамдын сөөгү табылды. Өзгөчө кырдаалдар министрлиги табылган сөөктөрдү ИИМ кызматкерлерине жана туугандарына өткөрүп берүү иштерин жүргүзүп жатканын билдирди.

Бул окуя Кыргызстандын бийик тоолуу аймактарындагы кар көчкү коркунучун дагы бир жолу эске салды. Өзгөчө кырдаалдар министрлиги жарандарды тоолуу аймактарга барганда сак болууга жана коопсуздук эрежелерин сактоого чакырган. Кененирээк: https://smarturl.click/EeDq5
812
«Азаттык» радиосу

19 Oct, 04:49

ТИМ Москвада "кыргызстандык кыз зордукталды" деген окуя тууралуу маалымат берди

Кыргызстандын Тышкы иштер министрлиги "Москвада кыргыз жараны кыргызстандык кызды зордуктады" деген окуя тууралуу "Азаттыкка" комментарий берди.

Мекемеден билдиргендей, зордуктоого шектелген жигит жана кыз Кыргызстандын Ички иштер министрлигинин Москвадагы өкүлчүлүгүнө чакыртылган. Алар экөө тең Орусиянын жарандыгын алганы үчүн түшүндүрүү иштери жүргүзүлүп, кызга Орусиянын укук коргоо органдарына кайрылуу кеңеши берилген.

Азырынча ал укук коргоо органдарына кайрылган-кайрылбаганы белгисиз. Сөз болуп жаткан эки жаран тең окуя тууралуу комментарий бере элек.

Мунун алдында коомдук ишмер Ассоль Молдокматова Москва шаарында теги кыргызстандык жаран башка бир кыргыз жаранын алдап, токойго алып барып зордуктап койгонун жазып чыккан. Мындай аракетке барган адам жабырлануучуну видеого тартып, аны интернетке таратып жибергени маалымдалган. Молдокматова бул окуяга байланыштуу Тышкы иштер министрилиги реакция жасаганын белгилеген. https://smarturl.click/xBQ9Z
822
«Азаттык» радиосу

19 Oct, 04:39

Чаткал: кар көчкүдө калгандарды издөө иштери уланууда

Өзгөчө кырдаалдар министрлиги Чаткалдагы кар көчкү алдында калгандарды издөө иши кайра башталганын кабарлады. Маалыматка караганда, 19-октябрда саат 08:34тө издөө иштерин улантуу үчүн министрликтин Airbus H145 тик учагы куткаруучулар жана кар көчкү станциясынын кызматкерлери менен Кумбел тилкесинен кар көчкү түшкөн жерге учуп кетти.

https://smarturl.click/EeD2V
805

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.