امين السلطان

واويلاه يفاطمه واويلاه يفاطمه

هاي الليالي .
مو مالت وداع
بعدج علي ضاع  شيسوي محتار

هاي الليالي
بيهه علي يموت
والدمعه زاتوت.. جتاله بسمار

ياوكت قالع خيبر يتجيله سلمان
ضل يكسر الخاطر علي والزهره تعبان
هوه اليفارك حبيبه يموت بهداي
تلكيني اجيتج للكبر. والحيل خلصان

فوك الكبر طحت .انه علي صحت.. حاجيني شيبت. يازهرااااااء
عود انه ابو الصبر .ليليه انكسر .ماريده هلعمر
يازهرااااااء

هجرج حيلي هدمه. واويلاه يفاطمه
@@@@@@

يافاطمه وين
من عيني غبتي.
وانه بحسرتي. تعبني الفراك

يافاطمه وين
حته الكلب شاب
كلما شفت باب. يلزهره اشتاك
يوميه انازع واحتضر كلما يجي غروب
مكسور ضهري وشيبت هلحال جندوب
مهضوم ومفارك اعز مخلوقه بلكون
لحد يلوم الينهضم. ياناس متعوب
ليليه اختنك .دلالي محترك .وضلوعي تنطبك .يازهراء
طوله علي التوه. يلجمني الهوه. مامتنه شو سوه يازهرااااااء

ناحتلي السمه. واويلاه يفاطمه
@@@@@@
هاا يام الحسين
ماحسبت هاي
فدوه احجي وياي. خلي ارتاح
هاا يام الحسين
ماضل بعد حيل .
مانايم الليل. كلشي انتهه وراح

انه علي لامو علي متغير هواي
يافاطمه عوفي الكبر كومي امشي وياي
والشيب مو بس بلرمش حته الكلب شاب
ايدي علا كلبي لو كمت وايدي علا مكفاي

صار الدمع دمه .والدنيه مضلمه. حاجيني فاطمه. يازهرااااااء
عفتيني بلغرب. ومشيب الكلب. صار النفس صعب. يازهرااااااء

والدنيه مضلمه. واويلاه يفاطمه
@@@@@@@
يافاطمه شلون
تكضي الليالي .غير انه غالي. عفتيني مهضوم
يافاطمه شلون.
ذاك علي الجان. قالع البيبان. مايكدر يكوم

ذبلان طولي حدبت والحال موزين
عفتيني يلعمرج بعد ماجزه العشرين
حاجيني هذا انه علي خليني ارتاح
ثغبت حدما شيبت بس ماتسمعين

زينب ولاغفت .تنشدني مااجت .شو امنه طولت .يازهرااااااء
نشدوني وانه اون .ومبين الحزن. والشوفتج نحن. يازهرااااااء
صار الدمع دمه واويلاه يفاطمه

امين السلطان

https://vt.tiktok.com/ZSjhA8nwu/

Channel name was changed to «امين السلطان»

Channel photo updated

https://vt.tiktok.com/ZSjM3Nkk5/

بلضيم خلصت العمر. مشلوع كلبي من الزغر
الماطالعه حته بحلم. من الخيمه طلعهه الشمر
ماجني بنيت علي. راح الدلال الاولي
ضليت علتل والتفت. ياهو اليدليني بهلي

انه ماابجي علا روحي انته وحدك تعبتني
من اجيت اركض جزيتك ومن جزيتك ماشفتني
ياهو انشده عليك يضحك. هيه هاي الهاضمتني

بقيت اتنشد الميتين
منكم ياهو شاف حسين
ادور والشماته هواي
علي تتمضحك الصوبين

ادور بلكت اندلك
ضايع بلرمل كلك
كمت ومتونك بلاراس
لو ماكايم احسلك

كامالي بس يكسر الخاطر
يكوم ويطيحنه الحوافر
يهومش بديه والوادم هواي
شككو ثوبه وضال حاير
@@@@
هاكد عليكم دورت. دورت حد ماتيهت
من شفتك وكلبي انكسر. محتار بسهامك طحت
يمطشر وبعدك عدل. تسحب رجل وترد رجل
يبن امي كافي من الرفس. تتكلب وماتنعدل

كافي لاتتعب يروحي. كلي وين اليوجعنك
لايشوفونك بناتك وعلي يموتن من يجنك
ينمرد كلبي من اشوفك. تزحف ومسموع ونك

لاترفس يبعد الروح
تمرد كلبي من تنوح
من دون الخلك يحسين
شفتك بلعكس مذبوح

ارحلك وارد كوه
فدوه تسابك بفدوه
عساهه بذمتك يلماي
مخرب ضحكته الحلوه

من جان بلخيمه شحلاته
هسه الحوافر ساحكاته
هاكد محنه بكلب الحسين
مذبوح بس عينه لخواته
@@@@@
يابعد العيون العمن. احتركن بناتك وانجون
لاتبقه نايم بلدرب. وخر الخيل عليك اجن
كوم انحنه الزينب ضهر. هذا انته لو. جومة حجر
ضيعتك وماتنعرف ..يمطشر وصاير وذر

عاد فك عينك عليه حته اكولن هسه راجع
وعلي ماضل حيل بيه حته وي الخيل ادافع
تعبتني بهذا وضعك نايم بحضني وتنازع

سولف لاتون بسكوت
نايم لو تريد تموت
بصفك انه اضل انعه....( الله ولحد.)
يلوحدك بلازاتوت
اجيتك والضهر محني
الشمر من شفته فرحني
كلت اتخلص وارتاح
كمت حسبالي يذبحني

من الخيمه غربه طلعتني
ياريت ذباحك ذبحني
ماعنده غيره الشمر يحسين
وانه اركض برجله رفسني



امين السلطان

البصره. قظاء القرنه

Live stream finished (2 minutes)

Live stream started

موله علي موله علي.  حيدر حيدر
انت عشكنه الازلي. حيدر حيدر
من زغري كالولي هلي. حيدر حيدر
حيدر ولي ونعم الولي.  حيدر حيدر

رب الجلاله بيده فوك العرش كتب
نور الولايه حيدر خط اسمك بذهب
يمحير الخلائق يلما الك وصف
سيفك طوه المعارك راواهم العجب

علي علي يااا. اول ويااخر
علي علي ياااا. باطن وياضاهر
علي علي ياااا. حاكم علا المحشر
علي علي ياااا. ساتر وياقاهر
@@@@@

اول بكلهن مو اخير. حيدر حيدر
مخلوق الك يوم الغيدر حيدر حيدر
بيده محمد شال اديك .حيدر حيدر
بس علي كاللهم امير. حيدر حيدر

سر الله من يعرفه والله احتواه اله
من تذكر اسمه تخلص ماتبقه معضله
شايل شهامه حيدر ما شالته الكتب
خلف كمر لهسه مخوفهه كربله

علي علي ياااا. قائد علا القاده
علي علي ياااا. ياحلاة عناده
علي علي ياااا. علي يامولانه
علي علي ياااا. سيد علا الساده
@@@@@@@
حيدر بشر كيف بشر .حيدر حيدر
انت شمس وانت كمر .حيدر حيدر
انت النهار ونته ليل .حيدر حيدر
هذا الوصف قطره ابحر. حيدر حيدر

جن وانس فقاره يمشيهه مسطره
يامعركه اليطبهه يحولهه مكبره
الدنيا منه تعبت بس هوه ماتعب
خيل وزلم ربطهه وسواهه كنطره

علي علي ياااا. جفك شمحلاته
علي  علي ياااا. ماخطن طكاته
علي  علي ياااا. ياجمال عيونك
علي .علي ياااا. هيبة من صيحاته
@@@@@@
انت امير المؤمنين.  حيدر حيدر
انت كتاب الله المبين.  حيدر حيدر
انت سراط المستقيم.  حيدر حيدر
انت ملاذ العاشقين  .حيدر حيدر


يامضهر العجائب مولانه ابو الحسن
بس انت ماكوغيرك ماخلف الزمن
ياقمة التواضع يااشجع البشر
يمحير اليوصفك  يم اسمك وصفن


علي علي ياااا. ياقاهر الخياله
علي علي ياااا. ماكو من امثاله
علي علي ياااا. بلحرايب طولك
علي علي ياااا. يابشر يدناله


امين السلطان…

يافاطمه

Live stream finished (4 minutes)

Live stream started

Live stream finished (17 days)

Live stream started

نزال

ياحيل الله ويامحلاته وفوك متونه يرف الواه
جف عباس يلاوي الموت وحته الماصاير سواه
بلمعت سيفه تطيح الفين وملك الموت يصيح الله
كاسر ضهر الشكره بثكله وحيل الله وحيدر وياه

يلبجفوفك تجوي النار. 
شايل غيره من الكرار
مو ياهو الجان يلاكيك
راسك حار وتهوه الحار
@@@@@@

ضلت تردم خيل بخيل دخيل جفوفك يلعباس
شايل رايه تلوح الغيم وخلت بلوادم وهواس
ماتنعد شماحسبوك  ويا واحد مالك مقياس
شايل مو سيف بجفينك عزرائيل تشوفه الناس

مثل الموت عليهه يطوف
كاع انترست دم وسيوف
محد غيرك يلعباس
لخوانك ذبيت جفوف
@@@@@@@

ياصياد صكور الطارت يلما تخطيلك نيشان
قاده وخياله مبجيهم يملبسهه اشيل نسوان
شايل حيل يشك الكاع الزلمه الواحد من عدنان
ياهو الكبلك لجل الخوه. يذب الماي وضل عطشان
لو سمعو عباس يصيح
غاره تكوم وغاره تطيح
رحة موت بجف عباس
يطحن ويطش وي الريح
@@@@@@
صار مزامط مال سباع وطك عرج العباس وزاد
يجفي الماي بكفيه ويترس  بين الوادم رايح راد
هاشم مايطونه بهين حكهم ويجيبونه عناد
دخان يطلعن ريشاته الله اليستر لو طب هاد

زلمه معدل وابن حيود
كافل مثله ولاموجود
مو ماي بجربة عباس
روس كبار يحط بلجود


امين السلطان

ثكيل

ماصارت علويه. علناكه ومسبيه.
مهضومه ومحنيه. تعبانه ام عون
@@@@@

كلشي انتهه وصارت صدك. بتكم غريبه ياهلي
مكسور خاطرهه وتون. علناكه راحت بت علي
لاهو حلم يكضي وافز .ويردلي خدري الاولي
حر وعطش ماينحمل ضيم الدرب شيخلصه الي

بلغربه ام عون. مابين شمات
كلبي المحروك. متروس لوعات

من فوك النوك زينب طاحت.
جامايدرون زينب راحت

راحت بس مجبوره. علناكه ومكسوره
لو ماتت معذوره.  تعبانه ام عون
@@@@@
لامن هوادج علهزل لاهوه ليل وننستر
فشلتنه كلهه مجتفه وطبينه للسوك العصر
ذاك القصر بس للزلم. شتسوي زينب بلقصر
مستحيه كوه اسحب نفس .تعبانه وعيوني حمر

طبن ديوان  والناس.  صوبين
ماهمه وياي. عباس. وحسين

شمات هواي. بيهه الكوفه
عليه يضحكون. جي مجتوفه

ادخل ديوان صعبه. طبيت شلون طبه
اعثر مابين غربه. تعبانه ام عون
@@@@@
كلمن عشيرتهه اجت بس العلاوي هنا تضل
بس انه ضليت التفت لامن عشيره ولا اهل
عود انه خواني شكثر. شو محد عليه سال
ليش انه وياي الوكت مايل ولامره انعدل

كلبي علا لصار بلسوك ملجوم
كلساع نطيح يحسين ونكوم

راوانه اشكال باب الساعات
علينه يكولون. خارجيات
كلساع وجابونه. بلسوك يفرونه.
التعبان يدفعونه. تعبانه ام عون

@@@@@

ياهضمت الشام وعلي تموت الزلم موش المره
عيد وهلاهل علضعن طبن خواتك بلسره
مطلوبه ثار الهم كبل .حاطوني وانه مخدره
مجتوفه وحجار وشتم. وين انطي وجهي محيره
ياضيم الشام. يردون. نموت
واحنه مدنكات. ونوح. بسكوت

ملتمه الناس. كلهه عليه
واحنه من الضيم. حمره عبينه
كل هذا الصار واكثر. شمسويه الله اكبر. كاتلهه الضيم والحر. تعبانه ام عون


امين السلطان

صاحوله دخيلك عباس هاشم تجوي حرورتكم
كاللهم هذا الموجود عاجبكم ماعاجبكم
صكر الحومه اليوم اختاض يسحك فوك شواربكم
كف ردانه وشد حزام ناوي اليوم يخلصكم

يلشايل غيرة هاشم
ضل يروك علوادم
يازلمه كبالك يوصل
منك مايرجع سالم

@@@@@

فدوه الطولك يلعباس روحه ورده يكص بيهم
دك عليهم دك عباس مثل الميل يمشيهم
بيدك سيفك لو غربيل  ياخذهم ويرد بيهم
يفرش بيهم حدر الخيل تتمشه الخيل عليهم

شايل غيره البدويه
ومربيتك علويه
واحد واحد كاللهم
يازلمه اليندك بيه
@@@@@@
جودك طب لو ملك الموت. كض الشط من زردومه
الشط لو لابسله هدوم.  يشرد ويذب هدومه
واليم الينطك يموت  شهكه تصير ابلعومه
شايل رايه تشك بلغيم بسم الحيدر مختومه

معدل عباس معدل
سوه الروس اعله من التل
مكبل يدخل علوادم
عباس ومايتختل
@@@@@

ياخيال الشكره بزود فوت بكيفك وستخير
صوتك بلطف لو زلزال راواهم موت الاحمر
من يفوت يذب الفين والفين يذب من يفتر
راحتهم من يركضون .موت رجلين العسكر


والكافل سيفك يندم
حته الشارد مايسلم
منكد مابلشط ذب روس
مو ماي يضل يصب دم
@@@@
طلابه وصارت عد عباس عياله بهاشم عالت
مو مالت عطوه وكعدات منفيه العطوه انشالت
ياعباس وحته الكاع مالت من ثكلك مالت
راسك حار وتجوي النار والنار دخيلك كالت

نار ونار ومايبرد
واليوصل يمك محد
يلجفك جازي الوادم
اعله من الغيم وابعد


امين السلطان