Intellektual mulk yangiliklari

Bugun, 18-fevral kuni Adliya vazirligi tomonidan ishlab chiqilgan “O‘zbekiston Respublikasining ayrim qonun hujjatlariga intellektual mulk himoyasini kuchaytirishga qaratilgan o‘zgartirish va qo‘shimchalar kiritish to‘g‘risida”gi O‘zbekiston Respublikasining Qonuni loyihasi Oliy Majlis Qonunchilik palatasi deputatlari tomonidan birinchi o‘qishda qabul qilindi.

Ushbu qonun loyihasi bilan:
1) mualliflik huquqi va turdosh huquqlarni buzganlik uchun ma’muriy jarima miqdori oshirilmoqda;

2) seleksiya yutug‘iga bo‘lgan huquqni buzganlik uchun ma’muriy javobgarlik kiritilmoqda;

3) patentga oid (ixtiro, foydali model, sanoat namunasi va seleksiya yutug‘i) huquqbuzarliklar sodir etishda foydalanilgan ashyolarni musodara qilish qo‘shimcha ma’muriy jazo chorasi sifatida kiritilmoqda;

4) adliya organlarining kontrafakt tovarlarni ko‘zdan kechirish va xatlash vakolatlari kiritilmoqda;

5) muallifning shaxsiy nomulkiy huquqlarini buzganlik uchun jinoiy javobgarlik choralari kuchaytirilib, buzilishi javobgarlikka sabab bo‘ladigan intellektual mulk obyektlari doirasi kengaytirilmoqda;

6) intellektual mulk egalarining mulkiy huquqlarini (tovar belgisi, ixtirolar, dasturiy ta’minot, sanoat namunasi va boshqalarga doir huquqlar) buzganlik uchun jinoiy javobgarlik belgilanmoqda;

7) tovar belgisi bo‘yicha ishlab chiqarilgan kontrafakt mahsulotlar huquqbuzar hisobidan muomaladan olib qo‘yilishi va yo‘q qilinishinazarda tutilmoqda.

Qonunning qabul qilinishi intellektual mulk huquqlarini samarali himoya qilinishiga, kontrafakt tovarlar aylanmasining oldini olishga, xorijiy investitsiyalar oqimining yanada ko‘payishiga hamda O‘zbekistonning Jahon Savdo Tashkilotiga a’zo bo‘lish jarayonini tezlashtirishga xizmat qiladi.

✅ kanalga a’zo bo’lish

Adliya vazirligida ro'yxatdan o'tkazilgan navbatdagi tovar belgilari bilan tanishing.

Brend - kompaniya nufuzi, mahsuloti haqida ma'lumot berib, iste'molchi e'tiborini jalb qiladi. Ayniqsa tovar nomi jarangdor bo'lsa yanada yaxshi, chunki Sizning mahsulotingiz boshqalarnikidan ajralib turadi.

🔹Yuqoridagi rasmda "Oiltonn", "Uzbek Do'ner", "Bluzzon" kabi tovar belgilarini ko'rishingiz mumkin.

Ⓜ️ Tovar belgisini ro‘yxatdan o‘tkazish brendni himoya qilish va biznesni rivojlantirish uchun muhim omildir.

🧐 Unutmang tovar belgisi BIRINCHI BO'LIB HUJJAT TOPSHIRGAN shaxs nomiga rasmiylashtiriladi.

📘"Tovar belgilari, xizmat koʼrsatish belgilari va tovar kelib chiqqan joy nomlari toʼgʼrisida"gi qonunga binoan tovar belgisi guvohnomasi 10 yil muddatga beriladi.

🌐Tovar belgisini ro'yxatdan o'tkazish uchun Adliya vazirligining im.adliya.uz sayti orqali ariza topshirishingiz mumkin.

✅ kanalga a’zo bo’lish

Bugun, Adliya vazirligi va Koreya Intellektual Mulk Idorasi huzuridagi Koreya Patent Ma'lumotlari Instituti (KIPI) vakillari o‘rtasida uchrashuv o‘tkazildi.

Tadbirda “O‘zbekistonda intellektual mulk sohasida davlat boshqaruvi tizimini takomillashtirish” loyihasi konsepsiyasi va ish rejasi muhokama qilindi.

Ushbu loyiha doirasida Sanoat mulki muhofazasi portalini tubdan takomillashtirish va intellektual mulk obyektlarini davlat ekspertizasi jarayonlariga sun’iy intellekt usullarini joriy etish maqsad qilingan.

Ma’lumot uchun, Adliya vazirligining sa’y-harakatlari natijasida 2024-yil iyun oyida Koreya xalqaro hamkorlik agentligi (KOICA) tomonidan “Mamlakatlar bo‘yicha loyihalar va dasturlar” dasturi doirasida “O‘zbekistonda intellektual mulk sohasida davlat boshqaruvi tizimini takomillashtirish” loyihasi g‘olib deb topildi. Loyihani amalga oshirish uchun 9,73 mln. AQSh dollari miqdorida mablag‘ ajratilgan.

✅ kanalga a’zo bo’lish

⚠️ MASHHUR BRENDLARNING HUQUQIY HIMOYASI TA’MINLANDI.

Xususan, Adliya vazirligi tomonidan o‘tkazilgan tekshiruvlar natijasida “Xon Saroy”, “Click” va “Uzum” xizmat ko‘rsatish belgilaridan qonunga xilof ravishda foydalanish holatlariga chek qo‘yildi.

Shuningdek, “Lacto-G”, “Biseptol”, “Desiferol”, “Magne B6”, “Smekta” kabi dori vositalarining kontrafakt nusxalarini ishlab chiqarish holatlari aniqlanib, tegishli ta’sir choralari qo‘llandi va huquqbuzarlik holatlari bartaraf etildi.

❗️Hurmatli tadbirkorlar, o‘zganing brendidan qonunga xilof ravishda foydalanish yuridik shaxslarga 37,5 mln so‘mdan 75 mln so‘mgacha jarima solishga sabab bo‘ladi.

✅ kanalga a’zo bo’lish

Qadoqlangan go‘sht mahsulotlarida tovar belgisidan qonunga xilof ravishda foydalanganlik holati aniqlandi.

“Fatih Kral Mob” MChJning murojaatga asosan Adliya vazirligi tomonidan “P.M” MChJga nisbatan tekshiruv o‘tkazildi.

Olib borilgan tekshiruv natijasida “P.M” MChJ tomonidan “Fatih Kral Mob” MChJga tegishli “Ханский” va “Ханская” tovar belgilariga aynan o‘xshash bo‘lgan “Ханский” belgisidan go‘sht mahsulotlari qadog‘ida foydalanilganligi aniqlandi.

Holat yuzasidan huquqbuzarga qonun hujjatlarining buzilishi, ularning sabablari va bunga olib keluvchi shart-sharoitlarni bartaraf etish toʻgʻrisida taqdimnoma kiritilib, tovar belgisidan noqonuniy foydalanish holati to‘xtatildi.

✅ kanalga a’zo bo’lish

Hurmatli kanalimiz obunachilari

Kanalimizda Sizga kerakli huquqiy ma’lumotlarni Siz istagan vaqtda va shaklda yetkazish maqsadida so‘rovnoma o‘tkazilmoqda.

Mazkur so‘rovnomada faol ishtirok etishga chaqiramiz.

✅ kanalga a’zo bo’lish

Adliya vazirligida ro'yxatdan o'tkazilgan navbatdagi tovar belgilari bilan tanishing.

Brend - kompaniya nufuzi, mahsuloti haqida ma'lumot berib, iste'molchi e'tiborini jalb qiladi. Ayniqsa tovar nomi jarangdor bo'lsa yanada yaxshi, chunki Sizning mahsulotingiz boshqalarnikidan ajralib turadi.

🔹Yuqoridagi rasmda "Bonu", "JonLi", "All AVIA" kabi tovar belgilarini ko'rishingiz mumkin.

Ⓜ️ Tovar belgisini ro‘yxatdan o‘tkazish brendni himoya qilish va biznesni rivojlantirish uchun muhim omildir.

🧐 Unutmang tovar belgisi BIRINCHI BO'LIB HUJJAT TOPSHIRGAN shaxs nomiga rasmiylashtiriladi.

📘"Tovar belgilari, xizmat koʼrsatish belgilari va tovar kelib chiqqan joy nomlari toʼgʼrisida"gi qonunga binoan tovar belgisi guvohnomasi 10 yil muddatga beriladi.

🌐Tovar belgisini ro'yxatdan o'tkazish uchun Adliya vazirligining im.adliya.uz sayti orqali ariza topshirishingiz mumkin.

✅ kanalga a’zo bo’lish

#Intellektual_mulk

TOP-15: Soʻnggi yillarda adliya organlari tomonidan himoyasi taʼminlangan brendlar

✅ Kanalga a’zo bo‘lish

🍔 McDonald's – Global Brend Tarixi!

📅 1961-yil 4-mart – McDonald’s tovar belgisining rasmiy ro‘yxatga olingan sanasi! Bu voqea tez ovqatlanish sanoatining rivojlanishida muhim burilish yasadi.

✅ Kichik kafedan global imperiyaga!
1940-yilda Richard va Maurice McDonald bitta kichikroq kafe ochishdi. Keyinchalik Ray Krok bu biznesni global miqyosga olib chiqib, tez ovqatlanish tarmog‘iga aylantirdi.

✅ Eng mashhur maskot!
Ronald McDonald – bolalar orasida eng mashhur brend qahramonlaridan biri bo‘lib, butun dunyo bo‘ylab millionlab insonlar tomonidan tan olinadi.

✅ Dunyoda eng ko‘p sotilgan burger!
Big Mac 1967-yilda paydo bo‘ldi va bugungi kunda har yili 900 milliondan ortiq dona sotiladi.

✅ Oltin arkalarning sirlari!
McDonald's logotipi bo‘lgan "oltin arka" psixologik jihatdan ochlik hissini rag‘batlantirishi bilan mashhur. Bu dizayn butun dunyo bo‘ylab tanilgan ramzga aylandi.

✅ Kuniga 69 million mijoz!
Bugungi kunda McDonald's har kuni 100 dan ortiq mamlakatda 69 million kishiga xizmat ko‘rsatadi.

McDonald's – bu shunchaki restoran emas, bu innovatsiya, madaniyat va global ta’sir kuchi!

✅ Kanalga a’zo bo‘lish

📅 4-fevral – Facebook asos solingan kun!

2004-yil 4-fevral kuni Mark Sukerberg va uning kursdoshlari Garvard universitetining yotoqxonasida "The Facebook" ijtimoiy tarmog‘ini ishga tushirdi. Dastlab faqat talabalar uchun mo‘ljallangan bu platforma qisqa vaqt ichida butun dunyoga tarqaldi.

🔹 Facebook dastlab thefacebook.com nomi bilan ishlagan, facebook.com domeni 200 ming dollarga sotib olingan.
🔹 Facebook GDPR (Umumiy ma'lumotlarni himoya qilish reglamenti) kabi xalqaro qonunlar bilan tartibga solinadi, ayrim mamlakatlarda esa cheklovlarga duch keladi.
🔹 2008-yilda Mark Sukerberg Facebook g‘oyasini Garvarddagi boshqa talabalar – aka-uka Winklevosslar va Divya Narendradan o‘g‘irlaganlikda ayblanib, sudga berilgan. Ish 65 million dollarlik kelishuv bilan yopilgan.
🔹 2024-yilda "Brand Finance" konsalting kompaniyasining tadqiqotiga ko‘ra, Facebook brendi qiymati 75,7 milliard dollarni tashkil etib, yetakchi o‘ntalikdan joy oldi.
🔹 2021-yil 28-oktabrda kompaniya o'z nomini Meta deb o‘zgartirdi.

✅ kanalga a’zo bo’lish

Adliya vazirligida ro'yxatdan o'tkazilgan navbatdagi tovar belgilari bilan tanishing.

Brend - kompaniya nufuzi, mahsuloti haqida ma'lumot berib, iste'molchi e'tiborini jalb qiladi. Ayniqsa tovar nomi jarangdor bo'lsa yanada yaxshi, chunki Sizning mahsulotingiz boshqalarnikidan ajralib turadi.

🔹Yuqoridagi rasmda "Ardani", "WhiteLife", "THE DARGOH" kabi tovar belgilarini ko'rishingiz mumkin.

Ⓜ️ Tovar belgisini ro‘yxatdan o‘tkazish brendni himoya qilish va biznesni rivojlantirish uchun muhim omildir.

🧐 Unutmang tovar belgisi BIRINCHI BO'LIB HUJJAT TOPSHIRGAN shaxs nomiga rasmiylashtiriladi.

📘"Tovar belgilari, xizmat koʼrsatish belgilari va tovar kelib chiqqan joy nomlari toʼgʼrisida"gi qonunga binoan tovar belgisi guvohnomasi 10 yil muddatga beriladi.

🌐Tovar belgisini ro'yxatdan o'tkazish uchun Adliya vazirligining im.adliya.uz sayti orqali ariza topshirishingiz mumkin.

✅ kanalga a’zo bo’lish

#intellektual_mulk

Tovar belgisidan noqonuniy foydalangan tadbirkorga nisbatan chora ko’rildi.

Adliya vazirligiga “СВОБОДА” AJga tegishli tovar belgisiga o‘xshash belgilardan foydalangan holda kontrafakt mahsulotlar ishlab chiqarilayotganligi bo‘yicha murojaat kelib tushdi.

Mazkur murojaat asosida olib borilgan o‘rganishlar natijasida “N.Z” XK tomonidan haqiqatdan ham “СВОБОДА” AJga tegishli “ТИК-ТАК” hamda “АЛИСА” tovar belgisiga fonetik jihatdan o‘xshash bo’lgan “TIK-TOK”
va “ALESA” belgilari ishlab chiqarilayotgan va savdoga taklif qilinayotgan kosmetika vositalari qadog‘ida  foydalanilayotganligi aniqlandi.

Holat yuzasidan huquqbuzarga qonun hujjatlarining buzilishi, ularning sabablari va bunga olib keluvchi shart-sharoitlarni bartaraf etish toʻgʻrisida taqdimnoma kiritilib huquqbuzarlik bartaraf etildi.

(suratda chap tomondagi asl mahsulot)

✅ kanalga a’zo bo’lish

🥤 Coca-Cola – Afsonaviy Brend Tarixi!

📅 1893-yil 31-yanvar – Coca-Cola tovar belgisining rasmiy ro‘yxatga olingan kuni! Bu voqea ichimlik sanoatining rivojlanishida tarixiy burilish yasadi.

✅ Tasodifiy ixtiro!
1886-yilda dorixonachi Jon Stit Pemberton bosh og‘rig‘iga davo izlab, tasodifan dunyoga mashhur ichimlikni yaratdi.

✅ Kosmosga ilk gazlangan ichimlik!
1985-yilda Coca-Cola NASA missiyasida sinovdan o‘tkazilgan va kosmosga olib chiqilgan birinchi gazlangan ichimlik bo‘ldi.

✅ Mashhur shisha dizayni!
1915-yilda ishlab chiqilgan shisha idish shunchalik o‘ziga xos ediki, uni hatto qorong‘ida ham osongina tanib olish mumkin edi.

✅ Rang ortidagi sir!
Coca-Cola qizil rangga rasmiy brend dizayni sifatida emas, balki soliq xodimlari ichimlikni alkogolsiz deb tanib olishlari uchun bo‘yalgan!

✅ Dunyo bo‘ylab mashhurlik!
Bugungi kunda Coca-Cola har kuni 1,9 milliard porsiya iste’mol qilinadigan global brendga aylangan.

Coca-Cola – bu shunchaki ichimlik emas, bu tarix, innovatsiya va madaniyat!

✅ kanalga a’zo bo’lish

So'nggi besh yillik mobaynida eng ko'p tijoratlashtirilgan brendlar bilan tanishing.

Qonunchilikka muvofiq ro'yxatdan o'tkazilgan intellektual mulk obyektlarini tijoratlashtirish maqsadida tuzilgan litsenziya shartnomalari davlat ro'yxatidan o'tkazilishi shart.

Yuqoridagi jadvalda brendni tijoratlashtirish bo‘yicha tuzilgan litsenziya shartnomalari reytingi keltirilgan.

Brend egasi brendidan foydalanish huquqini (litsenziya) sotib ham qo'shimcha daromad topishi mumkin.

✅ kanalga a’zo bo’lish

Qanday mahsulotlar geografik ko‘rsatkich va tovar kelib chiqqan joy nomi bo‘lishi mumkin?

Asosan qishloq xo‘jaligi mahsulotlari, oziq-ovqat mahsulotlari va vinolar, hamda hunarmandchilik mahsulotlari geografik ko‘rsatkich va tovar kelib chiqqan joy nomi sifatida muhofaza qilinishi mumkin.

Masalan: Xorazm qovuni, Zomin tandir g‘o‘shti, Bog‘izag‘on vinosi va Qo‘qon pichoqlari.

✅ kanalga a’zo bo’lish

Noqonuniy ravishda xizmat ko‘rsatish belgisidan foydalangan tadbirkorlik subyekti javobgarlikka tortildi.
 
Fuqaro X.Z.Xodjabekovning murojaatiga asosan Xorazm viloyat adliya boshqarmasi tomonidan “M.F.E” OKda belgilangan tartibda tekshiruv o‘tkazildi.

Tekshiruvlar natijasida “M.F.E” OK tomonidan fuqaro X.Z.Xodjabekovning “Mister Coffee” xizmat ko‘rsatish belgisiga aynan o‘xshash bo‘lgan “Mister” so‘zi hamda logosi jamlama ko'rinishidagi belgidan restoranlar va oziq-ovqat mahsulotlari yetkazib berish bo‘yicha xizmatlar binosi peshlavhasi hamda ijtimoiy tarmoqda foydalanayotganligi aniqlandi.

Holat yuzasidan huquqbuzar “M.F.E” OKga o‘zganing xizmat ko‘rsatish belgisiga o‘xshash belgidan qonunga xilof ravishda foydalanganligi uchun bazaviy hisoblash miqdorining 100 baravar (37 mln. 500 ming so’m) miqdorida moliyaviy jarima qo‘llanildi hamda “Mister” so‘zi hamda logosi jamlanma ko‘rinishidagi xizmat ko‘rsatish belgisiga adashtirib yuborish darajasida o‘xshash bo‘lgan belgisi foydalanishdan olib tashlandi.

✅ kanalga a’zo bo’lish

🚗 29-yanvar – Dunyoni o‘zgartirgan kun!

Bugundan 138 yil avval, ya’ni 1886-yil 29-yanvar kuni Karl Benz avtomobil tarixida inqilob yasagan kashfiyotini patentladi! Bu insoniyat tarixidagi birinchi haqiqiy avtomobil sifatida tan olingan.

🔹 Patent raqami: DE 37435A
🔹 Model: Benz Patent-Motorwagen
🔹 Dvigitel quvvati: 0,75 ot kuchi
🔹 Maksimal tezlik: 16 km/soat

✅ Birinchi avtomobil sayohatini erkak emas, ayol bajargan! 1888-yilda Karl Benzning rafiqasi Bertha Benz avtomobilni o‘zi boshqarib, 106 km yo'l bosgan. Yo‘lda avtomobilga yonilg‘i kerak bo‘lib qolganida esa dorixonadan benzol sotib olib yo‘lini davom ettirgan.

✅ Bugungi avtomobillar aynan shu patent asosida rivojlangan! Karl Benzning bu ixtirosi hozirgi avtomobil sanoatining tamal toshi bo‘lib, bugungi kunda u trillion dollarlik global industriyaga aylangan.

✅ Agar siz birinchi avtomobilning yo‘nalishini yurib o‘tmoqchi bo‘lsangiz, Bertha Benz sharafiga nomlangan "Bertha Benz Route" bo‘ylab 106 km masofani bosib o‘tishingiz mumkin.

✅ kanalga a’zo bo’lish

#intellektual_mulk

Tovar belgisidan ruxsatsiz foydalanib kelgan tadbirkorga nisbatan moliyaviy jarima qo‘llanildi.

Adliya vazirligiga “FATIH KRAL MOB” MChJga tegishli tovar belgisiga o‘xshash belgilardan foydalangan holda kontrafakt mahsulotlar ishlab chiqarilayotganligi bo‘yicha murojaat kelib tushdi.

Murojaatda keltirilgan holatlarni o‘rganish maqsadida Adliya vazirligi tomonidan “L.A” XK faoliyatida belgilangan tartibda tekshiruv o‘tkazildi.

Tekshiruv natijasida “L.A” XK tomonidan “FATIH KRAL MOB” MChJga tegishli “Ханский” jamlama tovar belgisiga tasviriy va grafik jihatdan o‘xshash “Хақиқий” jamlama ko‘rinishidagi belgilardan ishlab chiqarilayotgan va savdoga taklif qilinayotgan pishloq mahsulotlari nomida foydalanilayotganligi aniqlandi.

Holat yuzasidan huquqbuzar “L.A” XKga o‘zganing tovar belgisiga o‘xshash belgidan qonunga xilof ravishda foydalanganligi uchun bazaviy hisoblash miqdorining 200 baravari (75 mln. so‘m) miqdorida moliyaviy jarima qo‘llanildi hamda huquqbuzarlik holatini to‘xtatish yuzasidan qaror qabul qilindi.

(suratda chap tomondagi asl mahsulot)

✅ kanalga a’zo bo’lish

#Intellektual_mulk

Tadbirkorlarga intellektual mulk obyektlarini muhofaza va himoya qilish boʻyicha joyiga chiqqan holda amaliy yordam koʻrsatilmoqda

Adliya vazirligi Intellektual mulk departamenti hamda Namangan viloyati adliya boshqarmasi xodimlari tomonidan Namangan viloyatida faoliyat yurituvchi tadbirkorlik subyektlariga tovar belgisiga ega boʻlishning afzalliklari hamda uning huquqiy himoyasi toʻgʻrisida joyiga chiqqan holda huquqiy tushuntirishlar berildi.

Xususan, “VERIGROW DIAGNOSTIC” MChJ faoliyati bilan tanishildi va ular tomonidan xizmat ko'rsatish belgisi sifatida foydalanilayotgan “BOBURSHOX” hamda “ ATLAS” belgilarini xizmat ko'rsatish belgisi sifatida roʻyxatdan oʻtkazish uchun amaliy yordam berildi.

Shuningdek, intellektual mulk obyektlarini himoya qilish uchun tegishli davlat organlariga murojaat qilish, tovar belgilariga nisbatan huquqbuzarlik uchun javobgarlik choralari toʻgʻrisida batafsil maʼlumot ham berildi.

✅ kanalga a’zo bo’lish

⚡️Navbatdagi tovar belgisi davlat ro’yxatidan o’tkazildi va huquqiy muhofazaga olindi.

🍕“Bellissimo Pizza” – restoranlar va oziq ovqat yetkazib berish xizmatlari bilan shug‘ullanuvchi O'zbekistondagi yirik restoranlar tarmog'ining biri bo'lib, hozirgi kunda 70 dan ortiq filiallari mavjud,
🔸Ro'yxatdan o'tkazilgan tovar belgisidan egasining ruxsatisiz foydalanish ma'muriy javobgarlikka sabab bo'ladi.
🔸Siz ham o’z brendingizni ro'yxatdan o'tkazing. Unutmang, tovar belgisi BIRINCHI BO'LIB HUJJAT TOPSHIRGAN shaxs nomiga rasmiylashtiriladi.

🌐Tovar belgisini ro'yxatdan o'tkazish uchun Adliya vazirligining im.adliya.uz sayti orqali ariza topshirishingiz mumkin.

✅ kanalga a’zo bo’lish

#Intervyu

“Koʻk jiguli”dan u yogʻiga oʻta olmayapmiz: biznesmenlar saviyamiz haqida

Tadbirkorlikni nimadan boshlash kerak? Oʻqish shartmi yoki qobiliyatning oʻzi yetarli? Oʻz natijasi qoniqarsiz boʻlgan infoloʻlilar kimga kerak? Aka-uka Mamasaidovlar qachondir bizneslarini ajratishi mumkinmi?

Oilaviy biznes sirlari, oʻrtadagi nizolar va Jahon savdo tashkilotiga qoʻshilish tafsilotlari “Qaroqchi”ning navbatdagi sonida.

Videoni koʻrish 👉 https://youtu.be/7K-H7ccS7WE

📌 Kanalga ulanish

TIQQM vakillarining intellektual mulk sohasi bo‘yicha bilim va ko‘nikmalarni oshirishga qaratilgan trening mashg‘ulotlari yakunlandi

Joriy yilning 20–24-yanvar kunlari davomida Adliya vazirligi huzuridagi «Intellektual mulk markazi» davlat muassasasi mutaxassislari tomonidan Fanlar akademiyasi, oliy ta’lim va ilmiy-tadqiqot muassasalarida faoliyat yuritayotgan TIQQM mas’ul vakillarining 1-bosqich tinglovchilari intellektual mulk sohasi bo‘yicha bilim va ko‘nikmalarini oshirishga qaratilgan trening mashg‘ulotlarida ishtirok etdilar.

Ushbu trening mashg‘ulotlari tinglovchilari uchun intellektual mulk sohasi, intellektual faoliyat natijalari va individuallashtirish vositalariga bo‘lgan huquqlarni himoya qilish mavzularida tajribali mutaxassislar tomonidan ma’ruzalar o‘qildi.

Bir hafta davom etgan mazkur trening mashg‘ulotlari tinglovchilarning intellektual mulk sohasidagi, jumladan intellektual mulkni yaratish va muhofaza qilish asoslari, bu sohadagi xorij amaliyotiga oid bilim va ko‘nikmalarini oshirishga xizmat qiladi.

Trening yakunida tinglovchilar o‘tilgan mashg‘ulotlar dasturi bo‘yicha yakuniy sinovdan o‘tdilar hamda trening mashg‘ulotlari dasturini tamomlaganliklari to‘g‘risidagi sertifikatga ega bo‘ldilar.

Oliy ta’lim va ilmiy-tadqiqot muassasalari bilan hamkorlikda bunday trening mashg‘ulotlarning tashkillashtirilishi kelgusida intellektual mulk sohasidagi salohiyatning yuksalishida hamda intellektual mulk obyektlari muhofazasini to‘laqonli ta’minlanishida muhim platforma bo‘lib xizmat qiladi.

✅ kanalga a’zo bo’lish

Noqonuniy xizmat ko‘rsatish belgisidan foydalangan to‘yxona javobgarlikka tortildi
 
“Xonsaroy Group” MChJning murojaatiga asosan Adliya vazirligi tomonidan “M.N” MChJda belgilangan tartibda tekshiruv o‘tkazildi.

Tekshiruvlar natijasida “M.N” MChJ tomonidan “Xonsaroy Group” MChJning “Xon Saroy” xizmat ko‘rsatish belgisiga aynan o‘xshash bo‘lgan “Xonsaroy” so‘zidan to‘yxona binosining peshlavhasi hamda ijtimoiy tarmoqda foydalanayotganligi aniqlandi.

Holat yuzasidan huquqbuzar “M.N” MChJga o‘zganing xizmat ko‘rsatish belgisiga o‘xshash belgidan qonunga xilof ravishda foydalanganligi uchun bazaviy hisoblash miqdorining 100 baravar (37 mln. 500 ming so’m) miqdorida moliyaviy jarima qo‘llanildi hamda “Xonsaroy” so‘zi foydalanishdan olib tashlandi.

✅ kanalga a’zo bo’lish

#Men_bilgan_adliya

Adliya organlariga oxirgi marta qachon murojaat qilgansiz? Adliya organlari va muassasalari faoliyati va ular tomonidan koʻrsatilayotgan xizmatlarni qanday baholaysiz?

Ushbu savollarga tadbirkorlar, MFaktor loyihasi asoschilari Hasan va Husan Mamasaidovlar javob berdi.

Batafsil 👉 videoda.

✅ kanalga a’zo bo’lish

TIQQM vakillarining intellektual mulk sohasi boʻyicha bilim va koʻnikmalarni oshirishga qaratilgan oʻquv kurslariga start berildi

Bugun, 20-yanvar kuni Adliya vazirligi huzuridagi «Intellektual mulk markazi» davlat muassasasi mutaxassislari tomonidan Fanlar akademiyasi, Oliy taʼlim muassasalari, Ilmiy-tadqiqot institutlari hamda Erkin iqtisodiy zonasi direksiyalari huzurida faoliyat yuritayotgan Texnologiya va innovatsiyalarni qoʻllab –quvvatlash markazlari (TIQQM) masʼul vakillarining intellektual mulk sohasi boʻyicha bilim va koʻnikmalarini oshirishga qaratilgan oflayn oʻquv kursiga start berildi.

Ushbu oʻquv kursida tinglovchilar uchun TIQQM masʼul xodimlarining majburiyatlari va vazifalari, Butunjahon intellektual mulk tashkiloti (BIMT) ga taqdim etiladigan TIQQM faoliyatini tashkil etish va taʼminlash (yuritish) boʻyicha chora-tadbirlarni amalga oshirish toʻgʻrisidagi hisobotni toʻgʻri tayyorlash, tovar belgilari va xizmat koʻrsatish belgilarining huquqiy muhofazasi, ixtiro, foydali model, sanoat namunasi hamda seleksiya yutugʻi tushunchasi, ularga talabnoma hujjatlarini topshirish, talabnoma tuzish, maxsuslashtirilgan xorijiy patent bazalari bilan tanishish mavzularida tajribali mutaxassislar tomonidan maʼruzalar oʻtiladi.

Besh kun davom etadigan mazkur oflayn oʻquv kurslarida tinglovchilar intellektual mulk sohasiga oid, jumladan intellektual mulkni yaratish va muhofaza qilish asoslari, bu sohadagi xorijiy amaliyot boʻyicha bilim va koʻnikmalarini oshirish imkoniga ega boʻladilar.

✅ kanalga a’zo bo’lish

#Bilasizmi

Seleksiya yutug'i o‘zi nima?

Batafsil javob videoda…

✅ kanalga a’zo bo’lish

#Bilasizmi

Sanoat namunasi o‘zi nima?

Batafsil javob videoda…

✅ kanalga a’zo bo’lish

#muhim_eslatma!

📢 Nodavlat notijorat va diniy tashkilotlar diqqatiga!

Adliya vazirligi ogohlantiradi.

O‘zbekiston Respublikasining "Nodavlat notijorat tashkilotlar to'g'risida"gi Qonuni hamda Vazirlar Mahakmasining 2014-yil 10-martdagi 57-son qarori talablariga asosan nodavlat notijorat tashkilotlari har yili 1-fevralgacha ro‘yxatdan o‘tkazuvchi adliya organlariga o‘z faoliyati to‘g‘risida hisobotlar taqdim etishlari shart.

Hisobot shakli Adliya vazirligi tomonidan tasdiqlangan.

Hisobotlarni taqdim qilish Nodavlat notijorat tashkilotlari elektron portali (e-ngo.uz) orqali amalga oshiriladi.

Ma'muriy javobgarlik to'g'risidagi kodeksning 239-moddasiga muvofiq nodavlat notijorat tashkilotlarining o‘z faoliyati to‘g‘risidagi hisobotlarni ro‘yxatdan o‘tkazuvchi organga taqdim etmasligi, o‘z vaqtida taqdim etmasligi yoki belgilanmagan shaklda taqdim etishi mansabdor shaxslarga jarima solishga sabab bo‘ladi.

📌 Kanalga ulanish

#soragan_edingiz

Geografik ko‘rsatkich va tovar kelib chiqqan joy nomi deganda nima tushuniladi?

Bu ma’lum bir geografik hududga tegishliligi sabab alohida sifatlarga ega va nomdor mahsulotlarni farqlash uchun qo‘llaniladigan nom.
Chortoq suvi hamda Marg‘ilon atlasi va adrasi bunga yaqqol misol.

✅ kanalga a’zo bo’lish

Intellektual mulk huquqlarini samarali himoyasini ta’minlash yuzasidan o‘quv seminari tashkil etildi

❗️Joriy yilning 10-yanvar kuni O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentida mas’ul xodimlarning intellektual mulk sohasida bilim va ko‘nikmalarini oshirishga qaratilgan o‘quv seminari o‘tkazildi.

♦️O‘quv seminar davomida Adliya vazirligi boshqarma boshlig‘i B.Ruziyev va bo‘lim boshlig‘i F.Dustiyarov tomonidan intellektual mulk obyektlarini samarali muhofaza va himoya qilish, huquq egalari manfaatlarini qonuniy taʼminlash, huquqbuzarliklar uchun taʼsir choralarini qo‘llash hamda milliy va xalqaro qonunchilikdagi yangiliklar yuzasidan tushuntirishlar berildi.

⚠️Ushbu o‘quv seminaridan asosiy maqsad intellektual mulk sohasida o‘zaro hamkorlikni rivojlantirish, kontrafakt mahsulotlar realizatsiyasiga qarshi kurashish va huquqbuzarliklarga tezkor va ta’sirchan choralar ko‘rish mexanizmlarini yaratish hisoblanadi.

✅ kanalga a’zo bo’lish

Qahvaxona tovar belgisidan noqonuniy foydalanish holati to‘xtatildi

“Aroma Bakery” xususiy korxonasining murojaatiga asosan “C.K” MChJda belgilangan tartibda tekshiruv o‘tkazildi.

Tekshiruv davomida “C.K” MChJ “Aroma Bakery” XKga tegishli “Aroma” belgisiga fonetik jihatdan o‘xshash “Aroma” belgisidan ruxsatsiz umumiy ovqatlanish binosining peshtoqida, mebel jihozlarda, ovqatlanish menyusida hamda ijtimoiy tarmoqlarda reklama sifatida foydalanilayotganligi aniqlandi.

Holat yuzasidan “C.K” MChJga qonun hujjatlarining buzilishini bartaraf etish toʻgʻrisida taqdimnoma kiritilib, “Aroma” so‘zi foydalanishdan olib tashlandi.

✅ kanalga a’zo bo’lish

Intellektual mulk sohasidagi xalqaro hamkorlik

Adliya vazirligi xodimlari hamda Turkiya Patent Idorasi (TURKPATENT) hamkorligida geografik ko‘rsatkichlarni ekspertiza qilish, ro‘yxatdan o‘tkazish, tijoratlashtirish va huquqiy himoyasini ta’minlash bo‘yicha tajriba almashish maqsadida onlayn davra suhbati tashkil etildi.

Mazkur davra suhbatida Adliya vazirligi xodimlari uchun geografik ko‘rsatkichlarni aniqlash, ekspertizadan o‘tkazish, targ‘ib qilish, xalqaro tizimlar orqali ekspertizadan o‘tkazish va huquqbuzarliklarni oldini olishga oid mavzular muhokama qilindi.

Shuningdek, TURKPATENT mutaxassislari tomonidan kelgusida seminar-treninglar o‘tkazish bo‘yicha kelishuvga erishildi.

✅ kanalga a’zo bo’lish

Eng ko'p o'simlik navi, hayvon zotini yaratgan ilmiy-tadqiqot, oliy ta'lim va boshqa muassasalarning TOP 10 talik reytingi.

✅ kanalga a’zo bo’lish

#qiziqarli

2024-yil mobaynida ro'yxatdan o'tgan brendlar soni bilan quyidagi infografikada tanishishingiz mumkin.

✅ kanalga a’zo bo’lish

#Adliya_sarhisob

🖥 Joriy yilda “Intellektual mulk yangiliklari” kanali kuzatuvchilarining soni 90 nafarga oshdi. Bizni tanlaganingiz uchun minnatdorlik bildiramiz!

Kanaldagi ma'lumotlar 2024-yil davomida 561 mingdan ortiq marta o‘qilib, 168 ga yaqin iqtibos qilingan.

Kanal faoliyatiga oid statistika bilan yuqoridagi rasmda batafsil tanishishingiz mumkin.

✔️ 2025-yilda ham biz bilan bo‘ling va adliya tizimi bilan bog‘liq axborotni ishonchli manbadan oling!

✅ kanalga a’zo bo’lish

Adliya vazirligi va “Intellektual mulk markazi” davlat muassasasi xodimlari Gruziya Intellektual mulk markazi (Sakpatenti) bilan hamkorlikda tashkil etilgan geografik ko‘rsatkichlarni ekspertiza va ro‘yxatdan o‘tkazishga oid onlayn seminar-treningda ishtirok etdi.

Treningda Gruziyaning geografik ko‘rsatkichlar sohasidagi tajribasi, xususan, istiqbolli geografik ko‘rsatkichlarni aniqlash, targ‘ib qilish, xalqaro tizim orqali ekspertizadan o‘tkazish hamda huquqbuzarlik holatlariga qarshi kurashishga oid mavzular qamrab olindi.

O‘z navbatida Gruziya tomonidan mamlakatda geografik ko‘rsatkichlar sohasida olib borilayotgan ishlar, qonunchilikdagi o‘zgarishlar hamda kelib chiqish joy nomlari va geografik ko‘rsatkichlar to‘g‘risidagi Lissabon bitimining Jeneva aktiga qo‘shilish ishlari haqida ma’lumot berildi.

✅ kanalga a’zo bo’lish

#Muhim

⚠️KONTRAFAKT DORILAR YO'Q QILINDI.

Adliya vazirligi tomonidan kontrafakt mahsulotlarga qarshi kurashish maqsadida belgilangan tartibda nazorat xaridi va tekshiruv tadbirlari olib borilmoqda.

Xususan, navbatdagi tekshiruvda "Adamed Pharm" kompaniyasiga tegishli "Biseptol" tovar belgisidan foydalanib ishlab chiqarilgan kontrafakt dori mahsulotlari aniqlandi.

Kontrafakt mahsulotlari yo'q qilinib, qonunga xilof xatti-harakatlar to'xtatildi.

❗️Qonunga muvofiq kontrafakt mahsulotlarni ishlab chiqarganlik, respublika hududiga olib kirganlik, sotuvga taklif etganlik yoki shu maqsadlarda saqlaganlik uchun javobgarlik belgilangan.

✅ kanalga a’zo bo’lish

#Muhim

⚠️ADLIYA OGOHLANTIRADI

Kontrafaktni asl mahsulotdan qanday farqlash mumkin?

Kontrafakt — bu tovar belgisidan huquq egasining ruxsatisiz hamda isteʼmolchini adashtirish darajasida foydalanishdir. Koʻpchilik tadbirkorlar oʻzgalarning mashhur brendlaridan foydalanib, xaridorni jalb qilishga urinadi. Bu esa huquqbuzarlik sanaladi.

📣 Hurmatli xaridorlar! Kontrafakt mahsulotlarga aldanib qolmang!

✅ kanalga a’zo bo’lish

#bilasizmi?

1. Ixtiro nima?
Yangi qurilma yoki biron bir masala yechimining yangi usuli ixtiro hisoblanadi. Ixtiroda eng muhimi uni inson tomonidan o‘ylab topilganidir. Atrofimizdagi barcha ashyolar bu ixtiro natijasidir. Vodoprovod, yoritgich, lift, kompyuter, televizor, avtomobil va shu kabilarni qachondir kimdir tomonidan ixtiro qilingan.

2. Ixtiro qanday talablarga javob berishi kerak?
Ixtiro sifatida ko‘rsatilgan obyekt yangi, ixtirolik darajasiga ega va uni sanoatda qo‘llash mumkin bo‘lsagina huquqiy muhofaza qilinadi.

3. Ixtironi foydali modeldan farqi nimada?
Yuqorida ta’kidlanganidek yangi qurilma yoki usul ixtiro hisoblansa, mavjud qurilma yoki usulni takomillashtirishga qaratilgan innovatsion yechim foydali model sifatida e’tirof etiladi.

4. Nimalar ixtiro hisoblanmaydi?
Ilmiy nazariyalar va matematika usullari, shartli belgilar, jadvallar, qoidalar, buyumlarning tashqi ko‘rinishiga oid yechimlar, algoritmlar va dasturlar, binolar va inshootlarning loyihalari ixtiro hisoblanmaydi.

5. Tarixdagi eng buyuk ixtirochi kim ekanligini bilasizmi?
1847-1931 yillarda yashab o‘tgan Amerikalik Tomas Edison 1093 ta ixtiroga patent olgan bo‘lib, dunyoda eng mashhur ixtirochi hisoblanadi.

6. Ixtiro patenti nima?
Ixtiro patenti - ixtiro egasining unga egalik qilish, foydalanish va boshqa huquqlarini tasdiqlaydigan hujjatidir.

7. Ixtironi himoya qilish uchun patent olish shartmi?
Albatta. Chunki davlat ro‘yxatidan o‘tkazilmagan ixtiro ixtiro sifatida himoya qilinmaydi. Ko‘pchilik ixtirochilarning xatosi yillar mobaynida mehnat qilib yangi ixtiro yaratadi, lekin ro‘yxatdan o‘tkazishni unutadi. Buning oqibatida uning ixtirosidan ruxsatsiz foydalanish, nusxa ko‘chirish holatlari ko‘payadi. Bunday holatlarda ixtirochi o‘z ixtirosini himoya qila olmaydi.

8. Ixtironi ro‘yxatdan o‘tkazish uchun nima qilish kerak.
Buning uchun Adliya vazirligining Sanoat mulki muhofazasi portali (im.adliya.uz) orqali talabnoma topshirishingiz mumkin. Ixtiroga talabnoma topshirish uchun 375.000 so‘m davlat boji to‘lanadi.

9. Ixtiro patenti necha yil amal qiladi?
Ixtiro patenti talabnoma topshirilgan sanadan eʼtiboran yigirma yil mobaynida amal qiladi. Patentining amal qilish muddati tugagan ixtiro omma mulkiga aylanadi.

✅ kanalga a’zo bo’lish

📽 Intellektual mulk - ijodiy aqliy faoliyat mahsuli. Ixtirochilik va mualliflik obʼyekti huquqi majmuiga kiruvchi, fan, adabiyot, sanʼat va ishlab chiqarish sohasida ijodiy faoliyatning boshqa turlari, adabiy, badiiy, ilmiy asarlar, ijrochi aktyorlik sanʼati, jumladan ovoz yozish, radio, televideniye asarlari, kashfiyotlar, ixtirolar, ratsionalizatorlik takliflari, sanoat namunalari, kompyuterlar uchun dasturlar, maʼlumotlar bazasi, nou-xauning ekspert tizimlari, tovar belgilari, firma atamalari va boshqa aqliy mulk obʼyektlariga kiradi.

❗️Hozirgi davrda intellektual mulkni muhofaza qilish muhim vazifa hisoblanadi!

✅ kanalga a’zo bo’lish

Nike tarixi (1-qism)

1964-yilda o‘sha paytda biznes maktabi talabasi bo‘lgan Fil Nayt va uning murabbiyi Bill Bauerman Blue Ribbon Sports kompaniyasini tashkil etish uchun kuchlarini birlashtirganidan boshlanadi. Ular Naytning mashinasi yukxonasidan yapon Onitsuka Tiger (hozirgi ASICS) krossovkalarini sotishdan ishni boshladilar. Yugurish bo‘yicha murabbiy Bauerman bozordagi sport poyabzallarining sifatidan qoniqmagan edi va sportchilarning ehtiyojlarini qondiradigan o‘z modellarini yaratishga ahd qildi.

1971-yilda bir necha yil davomida Onitsuka Tiger poyabzallarini muvaffaqiyatli sotgandan so‘ng, Nayt va Bauerman o‘z brendlarini yaratishga qaror qilishdi. Yangi brend qadimgi yunon g‘alaba ma’budasi sharafiga Nike deb nomlandi. Nike’ning birinchi logotipi dizayner Karolin Devidson tomonidan ishlab chiqilgan Swoosh edi. Logotip tezlik va harakatni ifodalovchi uslublashtirilgan belgi shaklida edi.

✅ kanalga a’zo bo’lish

Adliya organlari tomonidan kontrafakt dori vositasini ishlab chiqarish to‘xtatildi.

Adliya organlariga “ADAMED PHARMA S.A.” kompaniyasiga tegishli “BISEPTOL/БИСЕПТОЛ” tovar belgisining kontrafakti ishlab chiqarilayotganligi toʻgʻrisidagi murojaat kelib tushdi.

Namangan viloyat adliya boshqarmasi tomonidan olib borilgan o‘rganishlar natijasida Namangan hududida faoliyat olib borayotgan “P.S” MChJ tomonidan “ADAMED PHARMA S.A.” kompaniyasiga tegishli “BISEPTOL/БИСЕПТОЛ” tovar belgisi bilan fonetik jihatdan iste’molchilarni adashtirib yuborish darajasida o‘xshash bo‘lgan БЕСЕТОЛ nomli kontrafakt dori vositasini ishlab chiqarib, savdoga taklif etilganligi aniqlangan.

Holat yuzasidan “P.S” MChJga nisbatan o‘zganing tovar belgisiga o‘xshash belgidan qonunga xilof ravishda foydalanganligi uchun bazaviy hisoblash miqdorining 100 baravar (37 mln. 500 ming) so‘m miqdorida moliyaviy jarima qo‘llanildi va kontrafakt mahsulot ishlab chiqarilishi to‘xtatildi.

Eslatib o‘tamiz, O‘zbekiston Respublikasi “Tovar belgilari, xizmat ko‘rsatish belgilari va tovar kelib chiqqan joy nomlari to‘g‘risida”gi Qonuniga asosan tovar belgisini yoki shu belgi bilan belgilangan tovarni ruxsat berilmagan tarzda tayyorlash, qo‘llash, olib kirish, savdoga taklif etish, sotish, o‘zgacha tarzda fuqarolik muomalasiga kiritish yoki ularni shu maqsadda saqlash yoxud ular bilan adashtirib yuboradigan darajada aynan o‘xshash bo‘lgan bir xildagi tovarlarni belgilash tovar belgisiga doir mutlaq huquqni buzish deb e’tirof etiladi.

✅ kanalga a’zo bo’lish

Baku shahrida “Kreativ iqtisodiyot: ma’lumotlar modeli, o‘lchovlar va intellektual mulk" mavzusiga bag‘ishlangan mintaqaviy uchrashuv bo‘lib o‘tdi.

Ushbu uchrashuv Ozarbayjon Respublikasi Intellektual mulk agentligi hamda Butunjahon Intellektual mulk tashkiloti (BIMT) tomonidan tashkillashtirilgan bo‘lib, unda O‘zbekiston, Qozog‘iston, Turkiya hamda Qirg‘iziston davlatlarining soha bo‘yicha vakillari ishtirok etishdi.

Uchrashuv davomida kreativ iqtisodiyotning istiqbolli kelajagi, kreativ industriyalarning iqtisodiyotga qo‘shayotgan hissalarini o‘lchash metodologiyalari hamda ijodiy faoliyat natijalarining tizimli huquqiy himoyasi ushbu sohaning rivojlanishi uchun muhimligi kabi dolzarb mavzular muhokama qilindi.

BIMT delegatsiyasi vakillari tomonidan kreativ iqtisodiyot ma’lumotlarining yangi modeli (CEDM) uchrashuv ishtirokchilariga tanishtirildi. Ushbu model kreativ iqtisodiyotning turli sohalari bo‘yicha aniq ma’lumotlarni to‘plash, tasniflash, tahlil qilish va foydalanishni ta’minlash uchun mo‘ljallangan hamda kreativ iqtisodiyotning har bir qiymat zanjirida qarorlar qabul qilishga, kreativ industriyalarning iqtisodiyotga va ish o‘rinlariga qo‘shayotgan hissalarini o‘lchashga yordam beradi.

Shu bilan birga, uchrashuv davomida qatnashuvchilar kreativ iqtisodiyot ma’lumotlarining yangi modelini kelajakda o‘zlarining davlatlarida qo‘llanilishi bo‘yicha BIMT vakillari bilan tegishli muzokaralar o‘tkazishdi.

✅ kanalga a’zo bo’lish

Ayni damda Ostona shahrida Butunjahon intellektual mulk tashkiloti (BIMT) tomonidan Yaponiya patent idorasining (JPO) ko‘magida mintaqaviy yig‘ilish bo‘lib o‘tmoqda.

Ushbu tadbirda BIMTning Markaziy Osiyodagi Texnologiya va innovatsiyalarni qo‘llab-quvvatlash markazlari (TIQQM)ni rivojlantirish masalalari muhokama qilinmoqda.

Yig‘ilishda O‘zbekiston Respublikasi Adliya vazirligi Intellektual mulk deportamenti, Adliya vazirligi huzuridagi “Intellektual mulk markazi” davlat muassasasi hamda Namangan muhandislik-qurilish instituti huzurida tashkil etilgan TIQQMning mas'ul xodimlari ishtirok etmoqdalar.

Tadbirning asosiy maqsadi tajriba almashish, yangi aloqalar o‘rnatish va TIQQMlarni rivojlantirish, shuningdek, texnoparklar faoliyatini integratsiya qilishga yordam beruvchi strategiyalarni ishlab chiqishdan iborat.

O‘zbekiston delegatsiyasining bunday tadbirlarda ishtiroki mamlakatimizning global innovatsion muhitda o‘z o‘rnini mustahkamlashga xizmat qiladi.

✅ kanalga a’zo bo’lish

#intellektual_mulk

Tadbirkorlarga o‘z brendiga ega bo'lishning afzalliklari to‘g‘risida tushuntirishlar berilmoqda.

Xususan, joriy yilning 27-noyabr kuni Adliya vazirligining Intellektual mulk departamenti va "Intellektual mulk markazi" davlat muassasasi tomonidan Savdo-sanoat palatasi bilan hamkorlikda Nukus shahri va "Xo‘jayli" kichik sanoat zonasida tadbirkorlar uchun sayyor qabullar tashkil etildi.

Qabullarda tadbirkorlarning o‘z intellektual mulk obyektlarini ro‘yxatdan o‘tkazishlari uchun sayyor davlat xizmatlari ko‘rsatilib, ularni huquqiy himoya va muhofaza qilish yuzasidan tushuntirishlar berildi.

Shuningdek, "Panamilk" brendi ostida faoliyat yurituvchi "Pana Milk-Plus" MCHJga tashrif buyurilib, ishlab chiqarish jarayoni bilan yaqindan tanishildi.

Tashrif davomida jamiyatning bir qator mahsulotlar uchun tovar belgilarini olish bilan bog‘liq muammolari tinglanib, zaruriy tushuntirish va amaliy yordam berildi.

✅ kanalga a’zo bo’lish

#Intellektual_mulk

Tadbirkorlarga intellektual mulk obyektlarini muhofaza va himoya qilish boʻyicha joyiga chiqqan holda amaliy yordam koʻrsatilmoqda

Adliya vazirligi Intellektual mulk departamenti va “Intellektual mulk markazi” davlat muassasasi xodimlari tomonidan Navoiy viloyatida faoliyat yurituvchi tadbirkorlik subyektlari va hunarmandlar ishtirokida tovar belgisiga ega boʻlishning afzalliklari toʻgʻrisida sayyor uchrashuv tashkil etildi.

Uchrashuv davomida intellektual mulk obyektlari xususan, tovar belgilari va geografik koʻrsatkichlarni roʻyxatdan oʻtkazish uchun talabnoma topshirish boʻyicha master-klass oʻtkazildi.

“Navoiy ishonch gilamlari” MChJ hamda “Tiancheng stone” MChJ QK faoliyati bilan tanishildi va ular tomonidan ishlab chiqarilayotgan mahsulotlarda ishlatiladigan “NIG” hamda “ Tiancheng stone” jamlama koʻrinishdagi belgilarini milliy va xalqaro darajada tovar belgisi sifatida roʻyxatdan oʻtkazish uchun tavsiyalar berildi.

Shuningdek, intellektual mulk obyektlarini himoya qilish uchun tegishli davlat organlariga murojaat qilish, tovar belgilariga nisbatan huquqbuzarlik uchun javobgarlik choralari toʻgʻrisida batafsil maʼlumot berildi.

✅ kanalga a’zo bo’lish

#Sayyor_qabul

Xorazm viloyat adliya boshqarmasida Intellektual mulk obyektlarini muhofaza va himoya qilish bo‘yicha sayyor qabul tashkil etildi.

Adliya vazirligi Intellektual mulk departamenti va “Intellektual mulk markazi” davlat muassasasi xodimlari tomonidan Xorazm viloyatida tadbirkorlar va hunarmandlar ishtirokida sayyor qabul o‘tkazilib, intellektual mulk obyektlarini roʻyxatdan oʻtkazish tartibi va kontrafakt mahsulotlar ishlab chiqarganlik uchun belgilangan ta‘sir choralari yuzasidan tushuntirish berildi.

Shuningdek, qabul davomida o‘z brendiga ega bo‘lishni istagan shaxslarning talabnomalarini topshirish bo‘yicha sayyor xizmatlar ko‘rsatildi.

Tadbir ishtirokchilari kontrafakt mahsulotlar katalogi va tarqatma materiallari bilan ta‘minlanib, ularni qiziqtirgan savollar yuzasidan batafsil huquqiy tushuntirishlar berildi.

✅ kanalga a’zo bo’lish

#Adliya_xabari

O‘zbekiston intellektual mulk sohasidagi yana bir xalqaro shartnomani imzoladi
 
Joriy yilning 11–22-noyabr kunlari Saudiya Arabistoni poytaxti Ar-Riyod shahrida Butunjahon intellektual mulk tashkiloti (BIMT) tomonidan Namunalar bo‘yicha qonunlar to‘g‘risidagi shartnoma (Design Law Treaty) loyihasini ko‘rib chiqish va imzolash maqsadida diplomatik konferensiya tashkil etildi.

Unda BIMTga a’zo 193 ta mamlakat, jumladan O‘zbekiston ham ishtirok etdi.

Mazkur xalqaro hujjatni imzolash masalasi Adliya vazirligi tomonidan Tashqi ishlar vazirligi hamda boshqa tegishli manfaatdor vazirlik va idoralar bilan hamkorlikda belgilangan tartibda ishlab chiqildi.

O‘zbekiston nomidan ushbu xalqaro shartnomani Saudiya Arabistonidagi O‘zbekistonning favqulodda va muxtor elchisi N. Turg‘unov imzoladi.

Shartnomaning asosiy maqsadi hunarmandlar, dizaynerlar va muhandislar uchun sanoat namunalarini davlat ro‘yxatidan o‘tkazish tartibini soddalashtirish, yagona xalqaro standartlarni belgilash, shuningdek, ular ishlab chiqarayotgan mahsulotlarni ichki va tashqi bozorda himoya qilish uchun qulay shart-sharoitlar yaratish hisoblanadi.

Ta’kidlash joizki, 2024-yilning 5-iyunida O‘zbekiston Sanoat namunalarini xalqaro ro‘yxatdan o‘tkazish bo‘yicha Gaaga tizimiga a’zo bo‘ldi. Ushbu tizim orqali sanoat namunasini bir hujjat orqali 75 ta davlatda ro‘yxatdan o‘tkazish imkoniyati yaratildi.

Ma’lumot uchun: 2024-yilning 10 oyligi davomida Adliya vazirligiga sanoat namunasiga oid 213 ta talabnoma kelib tushgan bo‘lib, shundan ekspetiza natijalariga ko‘ra 153 ta obyekt ro‘yxatga olingan.

✅ kanalga a’zo bo’lish

Tadbirkorlarga intellektual mulk obyektlarini muhofaza va himoya qilish bo‘yicha joyiga chiqqan holda amaliy yordam ko‘rsatish ishlari davom etmoqda.

Joriy yilning 22-noyabr kuni Adliya vazirligi Intellektual mulk departamenti va “Intellektual mulk markazi” davlat muassasasi xodimlari tomonidan Samarqand viloyatida faoliyat yurituvchi tadbirkorlik subyektlari va hunarmandlar ishtirokida tovar belgisini muhofaza va himoya qilish bo‘yicha sayyor uchrashuv tashkil etildi.

Uchrashuv davomida ishtirokchilarning intellektual mulk obyektlarini xususan, tovar belgilari va geografik ko‘rsatkichlarni ro‘yxatdan o‘tkazish uchun talabnoma topshirish bo‘yicha savollariga javob berildi. Bundan tashqari, intellektual mulk obyektlarini himoya qilish uchun tegishli davlat organlariga murojaat qilish, tovar belgilariga nisbatan huquqbuzarlik uchun javobgarlik choralari to‘g‘risida batafsil ma’lumot berildi.

Kunning ikkinchi yarmida “Samarkand England Eco-Medical” MChJ QK faoliyati bilan tanishildi va jamiyat tomonidan ishlab chiqarilayotgan dori vositalarini tovar belgisi sifatida ro‘yxatdan o‘tkazib foydalanishning afzalliklari va jamiyatga tegishli brendlarni samarali huquqiy qilish bo‘yicha tavsiyalar berildi.

✅ kanalga a’zo bo’lish

Aртелчилар ҳам Aртел ишлатадими? Компания сифатга обрўли брендлар даражасида кафолат бермоқда

Батафсил 👉 https://youtu.be/6B9Q5Q0pdY8?si=a6ItOdgBmCHJgbXr



https://t.me/yuldasheva_shoxidaxon

Ayni damda Adliya vazirligining Intellektual mulk departamentida Texnologiyalar va innovatsiyalarni qo‘llab-quvvatlash markazlarining III Milliy anjumani bo‘lib o‘tmoqda.

📌 Kanalga ulanish

Joriy yilning 18-noyabr kuni O‘zbekiston Respublikasi Adliy vazirligi hamda respublikada faoliyat yuritayotgan sudyalar bilan hamkorlikda "Intellektual mulkka oid nizolarni sudlarda ko‘rish amaliyoti" mavzusida davra suhbati tashkil etildi.

Ushbu seminarda sohada kelib chiqqan nizolarni sudlarda, xususan, iqtisodiy sudlarda ko‘rib chiqish tartiblar, intellektual mulk obyektlarining ro‘yxatdan o‘tkazish jarayonidagi o‘ziga xosliklar, tovar belgilarini taqqoslashdagi muhim jihatlar kabi mavzular yuzasidan fikrlar almashildi.

✅ kanalga a’zo bo’lish

Mashhur “Картошка” nomli shokoladning kontrafakti aniqlandi
 
Adliya vazirligiga “Nevskiy konditor” MChJga(Rossiya) tegishli tovar belgisining kontrafakt nusxasiishlab chiqarilayotganligi toʻgʻrisidagi murojaati kelib tushdi.

Mazkur murojaat asosida olib borilgan o‘rganishlar natijasida “F.Y” MChJ tomonidan haqiqatdan ham “Nevskiy konditor” MChJga tegishli “Картошка”nomli shokolad mahsulotining kontrafakt nusxasini ishlab chiqarib, savdoga taklif etganligi aniqlandi.

Holat yuzasidan huquqbuzarga qonun hujjatlarining buzilishi, ularning sabablari va bunga olib keluvchi shart-sharoitlarni bartaraf etish toʻgʻrisida taqdimnoma kiritilib huquqbuzarlik bartaraf etildi.

Eslatib o‘tamiz, O‘zbekiston Respublikasi “Tovar belgilari, xizmat ko‘rsatish belgilari va tovar kelib chiqqan joy nomlari to‘g‘risida”gi Qonuni ko‘ra tovar belgisidan yoki adashtirib yuborish darajasida u bilan o‘xshash bo‘lgan belgidan tovarlarda, tovarlarning etiketkalarida, o‘rovlarida qonunga zid ravishda foydalanilganda ular kontrafakt deb hisoblanadi.

✅ kanalga a’zo bo’lish

Kontrafakt mahsulotlarni aniqlash bo‘yicha trening tashkil etildi

Adliya vazirligi Intellektual mulk departamentida “React” nodavlat notijorat tashkiloti tomonidan huquqni muhofaza qiluvchi va sertifikatlashtirish organlari uchun kontrafakt mahsulotlarga qarshi kurashish bo‘yicha trening o‘tkazildi.

Tadbirning asosiy maqsadi kontrafakt mahsulotlarni aniqlash, ularga qarshi kurashish va intellektual mulk obyektlarini himoya qilish usullari hamda tegishli vakolatli organlari mutaxassislarining bu boradagi bilim va ko‘nikmalarini oshirish hisoblanadi.

Trening davomida “React” xalqaro tashkiloti mutaxassislari tomonidan, “PUMA”, “CLEVER”, “DOMESTIC”, “GILETTE”, “PANASONIC”, “HYUNDAI”, “KIA”, “MERCK”, “DOHME”, “DIAGEO”, “CNH” kabi bir qator tovar belgilari ostidagi asl mahsulotlarning kontrafakt mahsulotlardan farqlab turuvchi o‘ziga xos jihatlari haqida ma’lumot berildi.

O‘z navbatida, vazirlik vakillari tomonidan bu kabi treninglar xodimlarning kasbiy mahoratlarini oshirishda muhim hisoblanishi ta’kidlanib, kelgusida muntazam ravishda treninglar o‘tkazib borish taklifi ilgari surildi.

✅ kanalga a’zo bo’lish

Intellektual mulk obyektlarini muhofaza va himoya qilish bo‘yicha sayyor qabul tashkil etildi

Joriy yilning 7-noyabr kuni Adliya vazirligi Intellektual mulk departamenti va “Intellektual mulk markazi” davlat muassasasi xodimlari tomonidan Surxondaryo viloyatida tadbirkorlar va hunarmandlar ishtirokida sayyor qabul o‘tkazilib, intellektual mulk obyektlarini roʻyxatdan oʻtkazish tartibi va kontrafakt mahsulotlar ishlab chiqarganlik uchun belgilangan ta‘sir choralari yuzasidan tushuntirish berildi.

Shuningdek, qabul davomida o‘z brendiga ega bo‘lishni istagan shaxslarning talabnomalarini topshirish bo‘yicha sayyor xizmatlar ko‘rsatildi.

Tadbir ishtirokchilari kontrafakt mahsulotlar katalogi va tarqatma materiallari bilan ta‘minlanib, ularni qiziqtirgan savollar yuzasidan batafsil huquqiy tushuntirishlar berildi.

✅ kanalga a’zo bo’lish

Intellektual mulk sohasida mediatsiyani joriy etish yuzasidan xalqaro hamkorlik.

Joriy yilning 7-noyabr kuni Butunjahon intellektual mulk tashkiloti vakillari bilan uchrashuv tashkil etildi. Uchrashuvda vazirlik xodimlari bilan bir qatorda Toshkent davlat yuridik universiteti hamda Toshkent mediatsiya markazi mas’ullari ham ishtirok etdilar.

Mazkur uchrashuvni tashkil etishdan asosiy maqsad O‘zbekiston intellektual mulk sohasida nizolarni mediatsiya usulida hal etish bo‘yicha mustahkam tartib-taomillarni yo‘lga qo‘yishdir.

Uchrashuv davomida mahalliy mediatorlarning Butunjahon intellektual mulk tashkiloti akademiyasida malakasini oshirish, xorijiy ekspertlar ishtirokida o‘quv-treninglarini tashkil etish hamda sohaga oid ilg‘or xorijiy nashrlarni o‘zbek tiliga tarjima qilish kabi bir qator masalalar muhokama qilindi.

Shuningdek, Toshkent mediatsiya markazi hamda Butunjahon intellektual mulk tashkilotining Arbitraj va mediatsiya markazi o‘rtasida intellektual mulk sohasida nizolarni mediatsiya usulida hal etish bo‘yicha hamkorlikni yo‘lga qo‘yish yuzasidan Memorandum imzolashga kelishib olindi.

✅ kanalga a’zo bo’lish

Mualliflik huquqi nima?

Batafsil videoda...

✅ kanalga a’zo bo’lish

#adliya_xabari

Qashqadaryo viloyatida tadbirkorlarga intellektual mulk obyektlarini muhofaza va himoya qilish yuzasidan huquqiy yordam ko‘rsatish maqsadida Qavali kichik sanoat zonasida uchrashuv  tashkil etildi

Vazirlik mas’ul xodimlari Qarshi  shahridagi Qavali kichik sanoat zonasida bo‘lib, tadbirkorlik subyektlariga yaratilgan shart-sharoitlar hamda ularni qiynayotgan muammolarni o‘rgandilar. O‘rganishlar jarayonida ushbu sanoat zonasidagi MChJlar faoliyati bilan tanishildi va ularga o‘z brendiga ega bo‘lish hamda uning afzalliklari to‘g‘risida huquqiy tushuntirishlar berildi.

Mazkur uchrashuv  davomida sanoat zonasidagi tadbirkorlar intellektual mulk sohasiga oid savollarga javob olish hamda vakolatli organlarga joyida murojaat qilish imkoniyatiga ega bo‘ldilar.

✅ kanalga a’zo bo’lish

#adliya_xabari

Tadbirkorlarga intellektual mulk obyektlarini muhofaza va himoya qilish yuzasidan huquqiy yordam ko‘rsatish maqsadida sayyor qabul tashkil etildi

Joriy yilning 5-noyabr kuni Adliya vazirligi Intellektual mulk departamenti va “Intellektual mulk markazi” davlat muassasasi xodimlari tomonidan Qashqadaryo viloyatida tadbirkorlar va hunarmandlarga oʻz intellektual mulk obyektlarini roʻyxatdan oʻtkazish uchun talabnoma topshirish hamda ularni himoya qilish masalalari yuzasidan sayyor qabul tashkil etildi.

Sayyor qabul davomida ishtirokchilar oʻzlarini qiziqtirgan savollariga javob olishdi, shuningdek ularga ixtiro, foydali model va sanoat namunalari, tovar belgilari va geografik koʻrsatkichlarni roʻyxatdan oʻtkazish toʻgʻrisida ma’lumot beruvchi buklet hamda flayerlar topshirildi. Bundan tashqari, tadbirkorlarga hududdagi geografik koʻrsatkichlarni roʻyxatdan oʻtkazishning afzalliklari haqida huquqiy tushuntirishlar berildi.

Kanalga ulaning👇👇👇
https://t.me/qashqadaryoviloyatadliya

Adliya vazirligi va Patent vakillari assotsiatsiyasi o‘rtasida hamkorlikni yanada kuchaytirish bo‘yicha uchrashuv tashkil etildi.

Joriy yilning 4-noyabr kuni Adliya vazirligi Intellektual mulk departamentida adliya vaziri o‘rinbosari M. Ikramov boshchiligida vazirlik mas’ul xodimlari va Patent vakillari assotsiatsiyasi a’zolari ishtirokida uchrashuv tashkil etildi.

Uchrashuv konstruktiv ruhda tashkil etilib, patent vakillarining intellektual mulk obyektlarini huquqiy muhofaza va himoya qilishdagi o‘rni, sohada mavjud muammolar hamda ularning yechimiga doir takliflar muhokama qilindi.

Jumladan, adliya vaziri o‘rinbosari M. Ikramov tomonidan soha rivojida patent vakilligi instituti muhim ahamiyat kasb etishi, bunga yorqin misol sifatida joriy yilda Adliya vazirligi Apellatsiya kengashi tomonidan 74 ta apellatsiyalar ko‘rib chiqilgan bo‘lsa, shulardan 63 tasi, ya’ni 85 foizi patent vakillari tomonidan kiritilganligi ta’kidlandi.

Shuningdek, Patent vakillari assotsiatsiyasi raisi M. Tursunova tomonidan “Sanoat mulki muhofazasi” portalini takomillashtirish hamda patent vakillarining kasbiy bilim va malakasini oshirish bo‘yicha takliflar bildirildi.

Uchrashuv so‘ngida vazirlik va “Patent vakillari” assotsiatsiyasi vakillari tarkibida bo‘lgan “Ishchi guruh” tashkil etish hamda mavjud muammolarni hal etishda hamkorlikda faoliyat olib borishga kelishib olindi.

✅ kanalga a’zo bo’lish

Microsoft Windows logotipini o‘zgartirish tarixi (2-qism)

Kompaniyaning mavjudligi davrida Microsoft Windows logotiplari qanday o‘zgarganini ko‘rib chiqamiz.

O‘zgarishlar deyarli har uch yilda sodir bo‘lgan va 1992-2012-yillar oralig‘ida to‘rtta rang saqlanib qolgan: qizil, yashil, ko‘k va sariq. Ushbu ranglardan foydalanish juda qiziqarli ma’noga ega edi, xususan, Office, Xbox, Windows va Bing - mahsulotlarning xilma-xilligini anglatardi.

To‘q sariq - Office mahsulotlarining rangi, hayotning ishbilarmonlik uslubini bildirardi.

Yashil - o‘yin platformasi Xbox ning asosiy ranglaridan biri. Hozir uni qora rangda ko‘rsatishsada, aynan yashil rang konsol bilan bog‘liq asosiy rang bo‘lib qolmoqda, masalan, yangi Xbox interfeysining dizaynida.

Sariq - Ilgari bu Bing qidiruv xizmatining original rangi edi.

Ko‘k - Windows operatsion tizimining asosiy rangi hisoblanadi.
Barcha Windows logotiplari (jumladan, Windows 7 va 10) - mahsulotni ajoyib tarzda taqdim etadigan oddiy, zamonaviy, sifatli timsolning ajoyib namunasidir.

✅ kanalga a’zo bo’lish

#Imkon_loyihasi

⚡️Bugun, 19-oktabr kuni
MATONAT filmini tomosha qiling

https://youtu.be/oTCyEmyI1jo


https://t.me/yuldasheva_shoxidaxon

Intellektual mulk huquqlari bo‘yicha maxsus vakolatli оrgаnlаri xodimlari ishtirokida o‘quv seminari bo‘lib o‘tdi

Adliya vazirligi, Soliq qo‘mitasi, Bojxona qo‘mitasi hamda Iqtisodiy jinoyatlarga qarshi kurashish departamentining “Kontrafakt mahsulotlarni ishlab chiqarish va ularning aylanmasiga qarshi kurashishda o‘zaro hamkorlik qilish chora-tadbirlari to‘g‘risida”gi qo‘shma qarori asosida joriy yilning 14–16-oktyabr kunlari Adliya vazirligi huzuridagi Yuristlar malakasini oshirish markazida maxsus vakolatli оrgаnlаr xodimlarining intellektual mulk sohasidagi bilim va ko‘nikmalarini oshirish bo‘yicha o‘quv seminari bo‘lib o‘tdi.

O‘quv seminarida intellektual mulk sohasidagi ekspertlar va Adliya vazirligining mas’ul xodimlari tomonidan maxsus vakolatli оrgаnlаr xodimlariga intellektual mulk obyektlariga bo‘lgan huquqlarni himoya qilishning o‘ziga xos xususiyatlari, kontrafakt mahsulotlarni aniqlash mezonlari hamda intellektual mulk bilan bog‘liq nizolarni sudgacha va sud tartibida hal etish tartiblari bo‘yicha bilimlar berildi.

Ushbu o‘quv seminaridan asosiy maqsad intellektual mulk sohasida davlat organlarining o‘zaro hamkorlikdagi faoliyatini rivojlantirish, kontrafakt mahsulotlar realizatsiyasiga qarshi kurashish va ushbu sohadagi huquqbuzarliklarga tezkor va ta’sirchan choralar ko‘rish mexanizmlarini yaratish hisoblanadi.

Kanalga ulanish:👇🏻
@adliyaimd

#Intervyu

“Yoshlar g‘oya emas pul izlayapti” – Sevara Nazarxon

Sevara Nazarxon “Ulug‘imsan Vatanim” uchun shoirdan eksklyuziv huquq olganmi, nima uchun ijodkor yoshlar orasida o‘g‘rilik va plagiat avj olib bormoqda, mualliflik huquqlari xorijda qanday?

Hudud24.uz xonandaning mashhur qo‘shiqlariga mashhur odamlar she'r yozib bergani kabi qiziq mavzularda O‘zbekiston Respublikasi Xalq artisti bilan suhbat qurdi.

To‘liq video 👉 https://youtu.be/cNViIiuHwrU

📌 Kanalga ulanish

#Men_bilgan_adliya

Ra’no Shodiyeva:
— Oʻz haq-huquqlarim, brendim, intellektual mulkni himoya qiladigan tashkilotlar haqida juda kerakli ma’lumotga ega boʻldim.

https://t.me/yuldasheva_shoxidaxon

Sog‘liqni saqlash vazirligi ogohlantirildi.

Qonunchilik hujjatlari talablariga ko‘ra dori vositalari, tibbiy buyumlar va tibbiy texnikalarni davlat ro‘yxatidan o‘tkazilishida intellektual mulk huquqlariga qat’iy rioya etilishi kerak.

Biroq, Adliya vazirligi tomonidan o‘tkazilgan o‘rganishlar davomida 2023-yilda 21 ta holatda, 2024 yilning o‘tgan davrida 16 ta holatda dori vositalari intellektual mulk huquqlariga rioya qilmagan holda davlat ro‘yxatiga olinganligi aniqlandi.

Jumladan, iste’molchilarga yaxshi tanish bo‘lgan “MAGNE B6”, “IMUDON”, “SMEKTA”, “DUSPATALIN”, “ELEVIT” kabi tovar belgilari ostida ishlab chiqariladigan dori vositalarining kontrafakt nusxalari “Magne B6”, “Nest Imudon”, “Smecta”, “Grand Imudon”, “MER DUSPATANIM”, “ELEMALVIT” ko‘rinishida turli farmasevtika korxonalari nomiga intellektual mulk huquqlariga rioya qilmagan holda davlat ro‘yxatidan o‘tkazilgan.

Shu sababli Sog‘liqni saqlash vazirligiga ogohnoma kiritilib, dori vositalari, tibbiy buyumlar va tibbiy texnikalarni davlat ro‘yxatdan o‘tkazilishida qonunchilik hujjatlari talablari buzilishini oldini olish bo‘yicha kompleks chora-tadbirlar ko‘rish lozimligi, bunday holatlar takroran sodir etilganda qonunchilikda belgilangan jazo choralari qo‘llanilishi haqida ogohlantirildi.

Eslatib o‘tamiz, “Dori vositalari va farmasevtika faoliyati to‘g‘risida”gi Qonunga asosan dori vositalarini, tibbiy buyumlarni va tibbiy texnikani davlat ro‘yxatidan o‘tkazish Sog‘liqni saqlash vazirligi tomonidan amalga oshiriladi hamda qalbakilashtirilgan va O‘zbekiston Respublikasida ro‘yxatdan o‘tkazilgan dori vositalarining g‘ayriqonuniy nusxalarini ishlab chiqarish taqiqlanadi.

Kanalga ulanish:👇🏻
@adliyaimd

O‘zbekiston Respublikasi Adliya vazirligi hamda “O‘zbekkonsert” davlat muassasasi tomonidan xonandalar ishtirokida ularning faoliyatida mualliflik huquqi va turdosh huquqlar bilan bog‘liq muammolar va ularning yechimlariga qaratilgan davra suhbati tashkil etildi.

Davra suhbati davomida xonandalar tomonidan ijro etilayotgan qo‘shiqlarda shoir va bastakorlarning mualliflik huquqiga rioya etilishi, shartnomaviy munosabatlarni shakllantirilishi, ularning ijro yozuvlarini huquqiy muhofaza qilish bo‘yicha tegishli huququy tushuntirishlar berildi.

Davra suhbati so‘ngida, xonandalar tomonidan shoir va bastakorlar bilan qonunchilikda belgilanagan tartibda yozma shartnoma tuzmasdan o‘g‘zaki kelishuv qilinishi, fonogramma tayyorlovchilar (studiyalar) bilan shartnomaviy munosabatlarning shakllanmaganligi hamda mualliflik huquqi va turdosh huquqlarning buzilishi bo‘yicha huquqni muhofaza qiluvchi organlarga murojaat qilinmasligi soha vakillari o‘rtasida vujudga kelayotgan nizoli holatlarnining eng asosiy sabablari sifatida ko‘rsatildi.

Eslatib o‘tamiz, mualliflik huquqi va turdosh huquq obyektlaridan faqat huquq egasi va boshqa vakolatli shaxs bilan tuzilgan yozma shartnomaga asosan foydalanish mumkin. Bunday qoidaga rioya etmaslik huquqbuzarlik holati hisoblanib, ma’muriy javobgarlik keltirib chiqaradi.

Kanalga ulanish:👇🏻
@adliyaimd

#qiziqarli_fakt

Apple: Dunyodagi Eng Qimmat Brend

Apple Inc. – texnologiya sohasida inqilobiy o'zgarishlar kiritgan, eng innovatsion mahsulotlar va xizmatlarni taqdim etuvchi kompaniya. 1976-yilda Stiv Jobs, Stiv Wozniak va Ronald Ueyn tomonidan asos solingan bu brend, bugungi kunda dunyodagi eng qimmat brend sifatida tanilgan.

Nima uchun Apple eng qimmat brend?

1. Innovatsion mahsulotlar: Apple iPhone, iPad, MacBook va Apple Watch kabi mahsulotlari bilan mashhur. Har bir yangi model chiqarilganda, u nafaqat texnik jihatdan mukammal bo'lib qolmaydi, balki dizayni bilan ham ajralib turadi.

2. Brend sadoqati: Apple foydalanuvchilari o'zlariga xos va yuqori sifatli mahsulotlardan foydalanishlarini his qilishadi. Bu sadoqat kompaniya uchun katta iqtisodiy foyda keltiradi.

3. Marketing strategiyalari: Apple marketing sohasida juda muvaffaqiyatli strategiyalarni qo'llaydi. Ularning reklama kampaniyalari har doim e'tiborni tortadi va mijozlarni jalb qiladi.

4. Ekotizim: Apple o'z mahsulotlari orasidagi integratsiyani kuchli qilib tashkil etgan. Masalan, iPhone foydalanuvchilari iCloud, Apple Music va boshqa xizmatlardan foydalanish orqali ekotizimga to'liq kiradilar.

5. Yuqori sifat va ishonchlilik: Apple mahsulotlari yuqori sifatga ega bo'lib, uzoq muddat foydalanishga mo'ljallangan. Bu esa mijozlarning qoniqishini oshiradi va takroriy xaridlarni rag'batlantiradi.

Apple brendi nafaqat zamonaviy texnologiyalarni yaratishda oldinda bormoqda, balki uning biznes modeli va marketing strategiyalari ham boshqa kompaniyalar uchun namuna hisoblanadi. Ushbu brendning muvaffaqiyati uning innovatsion yondashuvida va foydalanuvchi tajribasiga e'tibor berishida yotadi. Shunday qilib, Apple hozirgi kunda dunyodagi eng qimmat brend sifatida o'z o'rnini saqlab qolmoqda va kelajakda ham o'sishni davom ettirishi ehtimoli yuqoridir.

Kanalga ulanish:👇🏻
@adliyaimd

#qiziqarli

2024-yilning o'tgan davri mobaynida ro'yxatdan o'tgan brendlar soni bilan quyidagi infografikada tanishishingiz mumkin.

Kanalga ulanish:👇🏻
@adliyaimd

Internetda mualliflik huquqlaringiz buzilganda qanday himoya qilishni bilasizmi?

Internetda mualliflik huquqlari buzilgan muallif o‘z huquqlarini vakolatli tashkilotlarga shikoyat qilish orqali yoki mustaqil ravishda himoya qilishi mumkin.

Fonogrammalar, audiovizual asarlar, EHM uchun dasturlarni internet orqali noqonuniy tarqatish holatlari bo‘yicha mualliflar “O‘zkomnazorat” inspeksiyasiga murojaat qilishlari mumkin.

Mualliflik huquqi buzilishi bilan bog‘liq boshqa holatlar bo‘yicha murojaatlar adliya organlari tomonidan ko‘rib chiqiladi hamda huquqbuzarlik harakatlari bo‘yicha tegishli huquqiy ta’sir choralari qo‘llaniladi.

Mualliflar o‘z asarlari noqonuniy joylashtirilgan internet resurslari ma’muriyatiga shikoyat qilish orqali ham mualliflik huquqlarini himoya qilishlari mumkin. Internet resurslari ma’muriyati o‘z ichki siyosati va qoidalariga muvofiq noqonuniy e’lon qilingan asarlarni o‘chirib tashlashga majbur.

Eng ko‘p foydalaniladigan internet resurslariga quyidagi havolalar orqali murojaat (shikoyat) qilishingiz mumkin:
Youtube: https://www.youtube.com/reporthistory
Instagram: https://help.instagram.com/126382350847838
Facebook: https://www.facebook.com/help/1020633957973118
WhatsApp: https://www.whatsapp.com/legal/ip-policy
Telegram: [email protected]
Vkontakte: https://vk.com/data_protection?section=copyright
Одноклассники: https://ok.ru/help/narushenie-avtorskih-prav
X (Twitter): https://help.x.com/en/rules-and-policies/copyright-policy
Яндекс.Дзен: https://dzen.ru/help/ru/abuse/copyright-complaint

kanalga ulanish:👇🏻
@adliyaimd

Qozog‘istonda Global Innovation Index - 2024 hisobotini e’lon qilish marosimi bo‘lib o‘tdi.

Qozog‘iston Respublikasida Butunjahon intellektual mulk tashkiloti (WIPO) ko‘magida Osiyo mamlakatlari uchun Global Innovation Index (Global innovatsiyalar indeksi) - 2024 hisobotini e’lon qilish bo‘yicha mintaqaviy marosimi bo‘lib o‘tdi.

Tadbirda Osiyo mamlakatlari innovatsiyalar vazirlari va patent idoralari rahbarlari, shuningdek, diplomatik korpus, xalqaro tashkilotlar va manfaatdor nodavlat-notijorat tashkilotlari vakillari qatnashdilar.

Ushbu tadbirda O‘zbekiston Respublikasi Adliya vazirligi huzuridagi "Intellektual mulk markazi" davlat muassasasi direktori B.Sagdullayev ishtirok etdi.

Anjumanda spikerlar tomonidan 2024-yil Global Innovatsiyalar indeksi haqida ma’lumot berib o‘tildi, global tendensiyalar va mintaqaviy ko‘rsatkichlar prognozi muhokama qilindi, innovatsiyalarga asoslangan o‘sish omillari, innovatsiyalarni rag‘batlantiradigan yangi mintaqaviy yondashuvlar, yangi raqamli muhitni yaratish hamda uni ilmiy innovatsiyalarga ta’siri muhokama qilindi.

Tashrif doirasida Ozarbayjon, Qirg‘iziston, Qozog‘iston, Tojikiston Respublikalari patent tashkilotlari va Yevrosiyo patent idorasi raxbarlari bilan tor doirada uchrashuvlar o‘tkazildi hamda idoralararo hamkorlik - mutaxassislarning o‘zaro tajriba almashinuvi, intellektual mulk obyektlarini ekspertizadan o‘tkazish bo‘yicha tajriba almashish, qidiruv va axborot tizimlarini modernizatsiya qilish, yagona qidiruv tizimini, xususan, farmatsevtika reyestrini yaratish, undan bepul foydalanish va qonunchilik darajasida birlashtirish kabi masalalar muhokama qilindi.

Kanalga ulanish:👇🏻
@adliyaimd

#Bilasizmi

📃Mulk huquqini tasdiqlovchi davlat orderini berish

👫O‘zbekiston Respublikasida davlat ko‘chmas mulk obyektlari yoki davlat ulushlari xususiylashtirilganda, shartnomaga asosan mulk huquqini tasdiqlovchi davlat orderini (tasarruf etish huquqisiz yoki tasarruf etish huquqi bilan) olish uchun ariza beruvchi (xaridor) o‘zlariga qulay bo‘lgan hududdagi davlat xizmatlari markazlariga o‘zi kelib murojaat qilgan holda yoki davlat xizmatidan elektron tarzda foydalanish uchun Yagona interaktiv davlat xizmatlari portali (YIDXP) orqali ariza yuboradi.

👫Davlat xizmatidan foydalanuvchilar toifasi:
Jismoniy va yuridik shaxslar (O‘zbekiston Respublikasi rezidentlari va norezidentlari).

🏛Vakolatli organ(lar):
O‘zbekiston Respublikasi Davlat aktivlarini boshqarish agentligi va uning hududiy boshqarmalari.

💰Davlat xizmatini ko‘rsatganlik uchun undiriladigan yig‘im miqdori:
Bepul

📆Davlat xizmatini ko‘rsatish muddati:
7 ish kuni

Asos: O‘zbekiston Respublikasi Vazirlar Mahkamasining 2014-yil 6-oktabrdagi 279-son qarori

Kanalga ulanish:👇🏻
@adliyaimd

O‘rikzor savdo majmuasida kontrafakt gigiyenik vositalar
sotgan shaxsga chora ko‘rildi.
 
Adliya vazirligiga “Azmüsebat Çelik, Sanayi Ve Ticaret Anonim Şirketi”ning (Turkiya) kompaniyaga tegishli “Derby” va “Derby Samurai” tovar belgilaridan noqonuniy foydalanish holatini bartaraf etish to‘g‘risida murojaati kelib tushdi.

Murojaat yuzasidan vazirlik tomonidan belgilangan tartibda “O‘rikzor” savdo majmuasida savdo bilan shug‘ullanayotgan “B.K.” XK faoliyatida tekshiruv o‘tkazildi.

Tekshiruv natijalariga ko‘ra, “B.K.” XK tomonidan soqol olish uchun ustara mahsulotlarining qadog‘ida “Derby” va “Derby Samurai” tovar belgilariga iste’molchini fonetik jihatdan adashtirib yuborish darajasida o‘xshash bo‘lgan belgilardan foydalanib kontrafakt mahsulotlar sotayotganligi aniqlandi.

Ushbu holat yuzasidan “B.K.” korxonasi rahbariga nisbatan MJtKning 177-moddasiga asosan ma’muriy bayonnoma rasmiylashtirilib, ko‘rib chiqish uchun Jinoyat ishlari bo‘yicha Uchtepa tuman sudiga yuborildi.

Eslatib o‘tamiz o‘zganing tovar belgisidan qonunga xilof ravishda foydalanish – huquqbuzarlik ashyolarini musodara qilib, BHMning 15 baravaridan (5 mln. 600ming so‘m) 50 baravarigacha (18 mln. 750 ming so‘m) miqdorda jarima solishga sabab bo‘ladi.
 
Kanalga ulanish:👇🏻
@adliyaimd

#Adliya_xabari

Intellektual mulk obyektlaridan foydalanish hamda tijoratlashtirish boʻyicha qoʻllanma jamoatchilikka taqdimot qilindi

Bugun, 3-oktabr kuni Adliya vazirligida Butunjahon Intellektual mulk tashkiloti bilan hamkorlikda “Gʻoyalarni tijoratlashtirish” oʻquv qoʻllanmasi va “WIPO IP Diagnostics” instrumenti taqdimoti boʻlib oʻtdi.

Unda BIMT, Oliy taʼlim, fan va innovatsiyalar vazirligi, Fanlar akademiyasi, Savdo-sanoat palatasi, Biznes va tadbirkorlik oliy maktabi, boshqa vazirlik va idoralar hamda OAV vakillari, shuningdek, tadbirkorlik subyektlari va hunarmandlar ishtirok etdi.

Tadbirda adliya vaziri oʻrinbosari Muzraf Ikramov oxirgi yillarda mamlakatda intellektual mulkni huquqiy muhofaza va himoya qilish sohasida amalga oshirilayotgan keng koʻlamli islohotlar haqida gapirib oʻtdi.

Xususan, Oʻzbekistonning ijtimoiy-iqtisodiy rivojlanishida intellektual mulk obyektlarining oʻrnini oshirish maqsadida intellektual mulk tizimini qoʻllab-quvvatlash, tadbirkorlarda ulardan foyda olish koʻnikmasini shakllantirish, ixtirochilar, mualliflar, dizaynerlar hamda boshqa intellektual faoliyat natijasi egalarining huquq va manfaatlarini samarali himoya qilish borasida amalga oshirib kelinayotgan ishlar haqida maʼlumot berildi.

Mahalliy va xorijiy ekspertlar soʻnggi besh yilda intellektual mulk sohasini rivojlantirish boʻyicha amalda oshirilgan salmoqli ishlarni eʼtirof etib, ushbu islohotlarning davomi sifatida intellektual mulk obyektlarini tijoratlashtirish uchun ularni baholash institutini yanada takomillashtirish, aholi, jumladan tadbirkorlik subyektlarida intellektual mulk haqidagi xabardorlik darajasini oshirish, ularda bunday obyektlardan foyda olish yoʻlida oqilona foydalanish koʻnikmasini shakllantirish soha rivojidagi dolzarb masala ekanligini taʼkidlab oʻtdi.

Tadbirning asosiy qismi – “Gʻoyalarni tijoratlashtirish” oʻquv qoʻllanmasi va “WIPO IP Diagnostics” instrumenti taqdimotidir. Uning doirasida BIMT, Toshkent davlat yuridik universiteti va Adliya vazirligi vakillari tomonidan tegishli materiallarning mazmun-mohiyatini tushuntirilib, ulardan foydalanish va qanday ijobiy natijalarga erishish mumkinligi haqida batafsil maʼlumot berildi.

Tadbir yakunida ishtirokchilarning fikr-mulohazalari tinglandi, qiziqtirgan savollarga javoblar berildi.

📹 Tadbir tafsilotlari

@adliyaimd