FARG‘ONA VILOYATI ADLIYA BOSHQARMASI (RASMIY)

#OAV_biz_haqimizda
#Adliya_va_yoshlar

‼️Farg‘ona viloyat adliya boshqarmasi tomonidan otaliqqa olingan yoshlar uchun turli mavzularda suhbatlar o‘tkazilib, ularning muammolari tinglanmoqda. Aniqlangan muammolar darajasi bo‘yicha tasniflanib, bunda eng avvalo ijtimoiy, moliyaviy va oilaviy sharoiti og‘ir bo‘lgan yoshlarga birinchi navbatda yordam ko‘rsatilmoqda.

✔️Jarayonlarda 70 nafar yoshlarning muammolari hal etildi, 110 nafar yoshlarning bandligi taʼminlandi, 61 nafar yoshlar yo‘nalish bo‘yicha kasb-hunarga o‘qitildi, yer ajratilishi bo‘yicha 201 nafar yoshlarga amaliy yordam ko‘rsatildi va 81 nafar yoshlar davolanishga yo‘naltirildi.

⌛Albatta, bu kabi amaliy tadbirlar yoshlarning har jihatdan yetuk, kelajak qadamlari va intilishlari yuqori bo‘lib kamolga yetishlari, jonajon vatanimiz uchun naf keltiradigan mutaxassis bo‘lishlariga erishish maqsadida amalga oshirilmoqda.

Farg'ona viloyat adliya boshqarmasi

Kanalga ulanish:
🚀 Telegram 🌐 Websayt 📷 Instagram 🔵 Facebook

#Adliya_xabari

Farg’onada - “Huquqiy mahalla” loyihasi

Quvasoy shahar, "Mo’yan" mahalla fuqarolar yig'inida Adliya vazirining 2024-yil 12-noyabr kungi “Adliya organlari tomonidan aholining huquqiy muammolarini hal etish tizimini tashkil etish hamda fuqarolarning qonunlarda mustahkamlanib qo‘yilgan huquq va qonuniy manfaatlarining ta’minlanishi holatini monitoring qilish chora-tadbirlari to‘g‘risida”gi 384-um-son buyrug'ining 7-bandi ijrosi yuzasidan “Huquqiy mahalla” loyihasi amalga oshirilmoqda.

Mazkur loyiha doirasida adliya boshqarmasi hamda Quvasoy adliya bo'limi xodimlari tomonidan mahallada uyma-uy yurgan holda fuqarolarning mavjud muammolari so'rovnoma asosida o'rganilib, aniqlangan muammolarni bartaraf qilish choralari ko'rilmoqda.

Aholini qiynayotgan asosiy masalalar kadastr va shaxsga doir hujjatlarni rasmiylashtirish, bandlik, subsidiya olish, ta'lim krediti, uy-joy ta'miri, moddiy yordam hamda oilaviy munosabatlar bilan bog'liqligi sababli aholiga huquqiy tushuntirishlar va zarur hollarda davlat xizmatlari ko’rsatilmoqda.

Farg'ona viloyat adliya boshqarmasi

Kanalga ulanish:
🚀 Telegram 🌐 Websayt 📷 Instagram 🔵 Facebook

#Adliya_va_yoshlar

⚡️Yoshlarning huquqiy bilimlarini yanada oshirish maqsadida Farg'ona yuridik texnikumi sirtqi ta'lim bitiruvchilari bilan davra suhbati tashkil etildi.

Davra suhbati davomida o‘quvchilarga Konstitutsiyaning mazmun – mohiyati, kiritilgan o‘zgarishlar, fuqarolarning huquqlari, erkinliklari hamda burchlari hamda mehnat qonunchiligi yuzasidan tushunchalar berib o‘tildi.

Tadbir so'ngida o‘quvchilar tomonidan berilgan savollarga Toshkent davlat yuridik universiteti katta o'qituvchisi M.Karimjonov batafsil javob berdi.

Farg'ona viloyat adliya boshqarmasi

Kanalga ulanish:
🚀 Telegram 🌐 Websayt 📷 Instagram 🔵 Facebook

#Qonunchilikdagi_yangiliklar

Oʻzbekiston Respublikasi Adliya vazirligi tomonidan Bojxona toʻlovlarini toʻlashning bosh taminotini qoʻllash tartibi toʻgʻrisidagi nizom (roʻyxat raqami 3579, 2024 yil 21-noyabr) davlat roʻyxatidan oʻtkazildi.

Ushbu Nizomda bojxona toʻlovlarini toʻlashning bosh taminotini qoʻllash tartibi belgilandi.

Bojxona toʻlovlarini toʻlashning bosh taminoti ayni bir shaxs tomonidan muayyan vaqt ichida bir nechta bojxona operatsiyalarini bajarish chogʻida yuzaga keladigan bojxona toʻlovlarining toʻlanishini bank kafolatini taqdim etish, sugʻurtalash yoki tovarlarni garovga qoʻyish orqali taʼminlash hisoblanadi.

Toʻlovchi bosh taʼminotni Bojxona kodeksining 336, 337 va 338-moddalarida belgilangan hollarda yuzaga keladigan bir yoki bir nechta majburiyat boʻyicha istalgan vaqtda taqdim etishi mumkin.

Bosh taʼminot:
➖taʼminlov hujjatlarining (bank kafolati, sugʻurta polisi yoxud garov shartnomasi) amal qilish muddatlari toʻlovchining bojxona toʻlovlarini toʻlash muddatlaridan koʻp boʻlganda;
➖bojxona toʻlovlari bosh taʼminot hisobidan undirilishi mumkin boʻlganda qabul qilinadi.

Bosh taʼminotni qabul qilish uchun ariza Bojxona qoʻmitasiga yozma yoki uning rasmiy veb-sayti orqali elektron tarzda berilishi mumkin.

Bojxona qoʻmitasi tomonidan ariza 10 ish kuni ichida koʻrib chiqiladi hamda bosh taʼminotni qabul qilish yoki uni qabul qilishni rad etish haqida qaror chiqariladi.

Bosh taʼminotni qabul qilish haqidagi arizani koʻrib chiqish hamda bosh taʼminotni qabul qilish haqida qaror chiqarish uchun yigʻim undirilmaydi.

📌 Kanalga ulanish

#Adliya_va_yoshlar

❗️"Huquq sinflari"dagi dars mashg'ulotlari davom etmoqda

Umumiy o‘rta ta’lim muassasalarida voyaga yetmaganlar va yoshlarning huquqiy ongi va huquqiy madaniyatini oshirish, ularni qonunga itoatkor, huquqbuzarlikka toqatsizlik ruhida tarbiyalash borasida turli tadbirlar tashkillashtirilmoqda.

Jumladan, Marg'ilon shahrining 15-umumta’lim maktabida Toshkent davlat yuridik universitetining Mehnat huquqi kafedrasi katta o'qituvchisi M.Karimjonov tomonidan “Huquqiy davlat” mavzusida o’quvchi-yoshlar bilan dars mashg'uloti tashkil etildi.

Suhbat shaklida o'tkazilgan ushbu mashg'ulotda o'quvchilar o'zlarini qiziqtirgan savollarga batafsil javob oldi.

😀Farg'ona viloyat adliya boshqarmasi

Kanalga ulanish:
🚀 Telegram 🌐 Websayt 📷 Instagram 🔵 Facebook

#Qonunchilikdagi_yangiliklar

O‘zbekiston Respublikasi Adliya vazirligi tomonidan Ishlab chiqaruvchilar va import qiluvchilar tomonidan qayta ishlanishi to‘g‘risidagi ma’lumot ko‘rsatilishi majburiy bo‘lgan tovarlarning ro‘yxati va ularning belgilari (ro‘yxat raqami 3576, 2024-yil 19-noyabr) davlat ro‘yxatidan o‘tkazildi.

Xususan, mazkur idoraviy normativ-huquqiy hujjatda ishlab chiqaruvchilar hamda import qiluvchilar tomonidan plastmassalar, qog‘ozlar, metallar, yog‘och va yog‘och materiallari, to‘qimachilik, shishalar, kompozit materiallar, batareya va akkumulatorlar uchun qayta ishlanishi to‘g‘risidagi ma’lumot ko‘rsatilishi majburiy bo‘lgan belgilar ko‘rsatib o‘tilgan.

Ta’kidlash lozimki, yuqoridagi idoraviy normativ-huquqiy hujjat loyihasini jamoatchilik muhokamasidan o‘tkazish jarayonida tadbirkorlik subyektlari tomonidan bildirilgan takliflar asosida ushbu hujjat rasmiy e’lon qilingan kundan e’tiboran o‘n sakkiz oydan keyin kuchga kirishi belgilandi.

Ma’lumot uchun: Ishlab chiqaruvchilar va import qiluvchilar tomonidan qayta ishlanishi to‘g‘risidagi ma’lumot ko‘rsatilishi majburiy bo‘lgan tovarlarning ro‘yxati va ularning belgilari avval Adliya vazirligida davlat ro‘xatidan o‘tkazilmasdan Ekologiya, atrof-muhitni muhofaza qilish va iqlim o‘zgarishi vazirligi hamda Vazirlar Mahkamasi huzuridagi O‘zbekiston texnik jihatdan tartibga solish agentligi tomonidan amalga kiritilgan bo‘lib, ushbu hujjat Adliya vazirligining tegishli taqdimnomasiga asosan bekor qilingan.

📌 Kanalga ulanish

#Sayyor_qabul

Farg‘ona viloyatidagi huquqni muhofaza qiluvchi idoralar rahbarlarining navbatdagi ommaviy sayyor qabuli Farg'ona shahridagi "Monomarkaz" binosida o‘tkazildi.

✔️Sayyor qabulda tegishli boshqarma va tashkilotlar masʼullari qatnashib, jismoniy va yuridik shaxslarning murojaatlari o‘rganildi.

🔗Qabul davomida 15 nafarga yaqin fuqarolarning pensiya tayinlash, yer-kadastr, mehnat munosabatlari va arxiv masalalari bo'yicha murojaatlari tinglanib, tegishli huquqiy tushuntirishlar berildi. Hal etish uchun vaqt talab etiladigan murojaatlar ish yurituviga olindi.

😀Farg'ona viloyat adliya boshqarmasi

Kanalga ulanish:
🚀 Telegram 🌐 Websayt 📷 Instagram 🔵 Facebook