AkmalBurxanov⚖

Давлат хизматида адолатли иш ҳақи ва рағбатлантириш механизмларини жорий қилиш давлат идораларининг жозибадорлигини ошириш ва коррупцияни олдини олишнинг самарали воситаларидан бири ҳисобланади.

@aburxanov

Давлат хизматчиларининг коррупцияга мойиллигини текшириш амалиётини жорий этиш таклиф этилмоқда.

Мазкур янги тизим раҳбарлик лавозимларда ишлаётганлар ва ушбу лавозимлар учун захирада турганларнинг коррупцияга мойиллиги даражасини баҳолаш орқали амалга оширилади.

Бу эса давлат хизматига адашиб ёки ноқонуний бойлик орттириш мақсадида кириб келганларни аниқлаш, шунингдек, давлат идораларига ҳалол кадрларни танлаб олиш имконини беради.

@aburxanov

Бундан бир йил аввал Тошкент шаҳрида Коррупцияга қарши курашиш бўйича Минтақавий платформа ишга туширилган эди.

Ўтган давр мобайнида Платформа доирасида Марказий Осиё давлатларининг коррупцияга қарши курашувчи идоралари ўртасида ўндан ортиқ қўшма лойиҳалар амалга оширилди, ўзаро тажриба алмашиш асосида БМТнинг коррупцияга қарши конвенцияси нормаларини миллий қонунчиликка имплементация қилиш чоралари кўрилди.

Куни-кеча Қозоғистоннинг Остона шаҳрида мазкур Платформанинг 1-конференциясини ўтказдик. Унда Марказий Осиёлик ҳамкасбларим билан нафақат қилинган ишлар, балки келгусида биргаликда амалга ошириладиган режаларимизни муҳокама қилиб олдик.

Умуман олганда, коррупцияга қарши курашишда минтақа давлатларининг якдиллиги, мамлакатларимизда бу борада сиёсий ироданинг мавжудлиги ва ушбу иллатга қарши саъй-ҳаракатларимизни бирлаштиришдан манфаатдор эканлигимиз тобора глобал тус олиб бораётган коррупция иллатига қарши нафақат миллий даражада, балки минтақавий доирада ҳам курашишда ўзининг ижобий самарсини беради.

Шунингдек, тадбирга меҳмон сифатида таклиф қилинган Коррупцияга қарши курашиш идоралари халқаро ассоциацияси президенти, Гонгконг Коррупцияга қарши курашиш мустақил комиссияси раҳбари Дэнни Ву билан ўтказилган музокарада Ўзбекистоннинг мазкур халқаро тузилмага аъзолик масаласи, шунингдек, Гонгконг давлати билан коррупцияга қарши курашиш бўйича ўзаро ҳамкорлик истиқболларини муҳокама қилдик.

@aburxanov

Сайлаш ҳуқуқи орқали давлат ва жамият ҳаётини янада яхши томонга ўзгартириш имкониятидан фойдаланинг!

Бугун мен нафақат ўзим, балки фарзандларим келажаги учун ҳам овоз бермоқдаман.

Адолатли ва фаровон келажак учун овоз беринг!

@aburxanov

Бугун Адлия вазирлигининг “Имкон” ижтимоий-ҳуқуқий лойиҳаси доирасида тайёрланган "Матонат" фильми тақдимоти бўлиб ўтди.

Реал воқеа ва реал қаҳрамонлар иштирок этган фильмда ишонч, ўзаро оқибат ва қатъият билан қандай натижаларга эришиш мумкинлиги, давлат хизматчисининг ўз вазифасини виждонан ва сидқидилдан бажариши кераклиги, вазирликлар ва нодавлат ташкилотлари "барчаси инсон қадри учун" тамойили асосида халққа қандай хизмат қилиши кераклиги акс этган.

Фильмни барчага, айниқса, давлат хизматчиларига кўришни тавсия қиламан.

Фильм эртадан бошлаб Адлия вазирлигининг ижтимоий тармоқларида ҳамда телеканалларда намойиш этилар экан.

@aburxanov

Бугун “Навоий кон-металлургия комбинати” акциядорлик жамияти ISO 37001:2016 Коррупцияга қарши курашиш менежмент тизими халқаро сертификатини қўлга киритди.

Мазкур сертификат ташкилот фаолияти коррупцияга қарши кураш менежменти тизимининг халқаро стандартларга мувофиқлигини билдиради ҳамда барча даражадаги бошқарув аппаратига шаффофлик ва очиқликни таъминлаш юзасидан катта масъулият юклайди.

Ўтган давр мобайнида ташкилот фаолиятида коррупциявий хавф-хатарларнинг олдини олиш бўйича Коррупцияга қарши курашиш агентлиги билан биргаликда бир қатор амалий чора-тадбирлар амалга оширилди.
Хусусан, халқаро стандартлар талаби бўйича 17 та ички идоравий ҳужжатлар ишлаб чиқилиб, амалиётга жорий этилди, комбинатнинг 947 та функциялари баҳолашдан ўтказилиб, коррупция хавфи юқори бўлган вазифа ва функциялардаги коррупция хавфи даражасини минималлаштириш чоралари кўрилмоқда, ташкилотда қабул қилинган ички идоравий ҳужжатлар коррупцияга қарши ҳуқуқий экспертизадан ўтказилиб, 283 та камчилик ёки номувофиқликлар қонунчилик талабларига мувофиқлаштирилди.

Натижада комбинат 95 та давлат органлари ва ташкилотлари орасида коррупцияга қарши курашиш ишлари самарадорлиги рейтингида 4-ўринни, “Очиқлик индекси”да эса 5-ўринни эгаллади.

Агентлик бундан буён ҳам барча вазирлик ва идораларда коррупцияга қарши курашиш ишлари самарадорлигини ошириш ва манзилли чораларни кўришда ташкилий-услубий қўллаб-қувватлашга тайёр эканлигини билдираман.

@aburxanov

Юртдошларимизнинг жаҳон шоҳсупаларига чиқиши, ватанимиз байроғининг баланд кўтарилиши ва мадҳиямизнинг жаранглаши бизга ғурур ва ифтихор бағишлайди.

Албатта бунинг негизида энг аввало, Давлатимиз раҳбарининг қатъий сиёсий иродаси, спортчиларимизнинг матонати ва халқимиз жипслиги ётибди.

Коррупция ва адолатсизликка нисбатан муросасизлик муҳитининг шаклланаётгани, соҳаларга ажратилаётган маблағларнинг тўғри ва мақсадли йўналтирилаётгани мана шундай ютуқларнинг бардавом бўлишига хизмат қилади.

Юртимиз янада юксалаверсин!

@aburxanov

"Ислоҳотчи раҳбар, Янги Ўзбекистон асосчиси, халқаро майдонда улкан нуфузга эга атоқли давлат арбоби". Президент Шавкат Мирзиёев - Марказий Осиё давлатлари раҳбарларининг Фахрий унвони соҳиби.

@SherzodSaparov

«Эл-юрт умиди» жамғармаси томонидан 2024 йилги 1-очиқ стипендия танлови эълон қилинди.

Ушбу стипендия иқтидорли ёшлар учун давлатимиз томонидан берилган катта имкониятдир.

Танловдан муваффақиятли ўтганларга хорижий олий ўқув юртларида таълим олишлари учун виза олиш, транспорт (бориш-келиш), хорижий мамлакатда яшаш, овқатланиш, транспорт, зарур ўқув ва илмий адабиётлар харид қилиш, мақолалар ва илмий адабиётларнинг электрон базасига обуна бўлиш, тиббий суғурта каби харажатлар Жамғарма томонидан қоплаб берилади.

Танлов комиссияси аъзоси сифатида танлов жараёнларининг тенг имкониятлар асосида, шаффоф ва адолатли ўтиши учун барча чораларни кўрамиз.

@aburxanov

Ҳурматли журналистлар ва оммавий ахборот воситалари вакиллари!

Сизнинг касб байрамингиз муносабати билан машаққатли меҳнатингиз, ҳақиқатни одамларга етказиш йўлидаги ҳаракатларингиз, ҳалоллик ва адолат учун тинимсиз курашаётганингиз учун чуқур миннатдорлик билдираман.

Бугунги ахборот оқими асрида ҳар қачонгидан ҳам кўпроқ сизнинг касбингиз нафақат истеъдод ва маҳоратни, балки жасорат, принциплар ва баъзан оқимга қарши туришга тайёрликни талаб қилади.

Биз сизнинг маърифатли ва масъулиятли фуқаролик жамиятини шакллантиришга қўшаётган ҳиссангизни қадрлаймиз.
Сизнинг лавҳа ва материалларингиз кўпинча ўзгаришлар учун туртки бўлиб, улар бизга муаммоларни кўришга, коррупция хавфларини аниқлаш ва уларни бартараф этишга ёрдам беради.

Сизнинг қаламингиз ва сўзингиз бундан буён ҳам инсонларни адолат ва ҳалоллик йўлида курашишга илҳомлантирсин.

@aburxanov

⚡️Аҳоли ва давлат хизматчиларининг коррупцияга қарши курашиш соҳасидаги билимларини узлуксиз ошириш тизимини жорий қилишга қаратилган Президент қарори қабул қилинди. Қарор билан:

✅ “Коррупцияга қарши курашиш виртуал академияси” ишга туширилмоқда;

✅ 2025 йил 1 январдан бошлаб барча давлат хизматчилари мазкур Академия орқали коррупцияга қарши бўйича билим ва малакасини ошириб бориши мажбурий этиб белгиланди;

✅ Давлат хизматчиларининг малакаси ҳар уч йилда камида бир марта ошириб борилади;

✅ Академияда ҳар қандай фуқаро ихтиёрий равишда базавий курсларда таълим олиш имконияти яратилади. Жумладан, боғча ёшидаги болалардан тортиб, мактаб ўқувчиси, талаба-ёшлар, тадбиркорлар, нодавлат ташкилотлари вакиллари учун уларнинг ёши ва ривожланиш даражаси, соҳасидан келиб чиқиб турли форматдаги ўқув дастурлари ишлаб чиқилади;

✅ Базавий курслар барча учун бепул, махсус курслар (давлат хизматчилари, коррупция даражаси юқори бўлган соҳалар ва бошқа профессионал соҳа вакиллари учун) тўлов-шартнома асосида амалга оширилади;

✅ Соҳага доир миллий, хорижий тажриба, халқаро асослар, услубий-амалий ишланмалар ва илмий тадқиқот ишларининг электрон маълумотлар базаси юритиб борилади;

✅ Коррупцияга қарши курашиш агентлиги томонидан олий таълим ва илмий-тадқиқот ташкилотлари учун коррупцияга қарши курашиш соҳасида тавсиявий йиллик илмий-тадқиқот мавзулари шакллантирилади;

✅ Барча олий таълим ва илмий-тадқиқот ташкилотлари коррупцияга қарши курашиш соҳасида амалга оширилган илмий-тадқиқотлар натижаларини ҳар йили Агентликка тақдим этади.

@aburxanov

Грузия давлатининг коррупцияга қарши курашишга масъул бўлган бир қатор идоралари, хусусан, Грузия Коррупцияга қарши курашиш бюроси, Рақамли бошқарув агентлиги, Давлат хавфсизлик хизмати ҳузуридаги Коррупцияга қарши курашиш агентлиги, Давлат харидлари агентлиги раҳбарлари билан учрашувлар ўтказдик.

Мулоқотлар давомида коррупцияга қарши курашиш борасида ўзаро ҳамкорлик қилиш истиқболларини муҳокама қилиб, давлат хизматида ҳалолликни таъминлаш, манфаатлар тўқнашуви ҳолатларини олдини олиш, давлат харидлари жараёнларига сунъий интеллект имкониятларини кенг жорий этиш, коррупциявий хавфларни тезкор аниқлаш аниқлаш ва таҳлил қилиш, шунингдек коррупцияга қарши курашишнинг замонавий превентив механизмларини ишлаб чиқишда ҳамкорлик қилишга келишиб олдик.

@aburxanov