Ақ Сарбаз - Тәңір Жауынгері

АҚ САРБАЗ ІЛІМІНІҢ ӘЛЕМГЕ ӘСЕРІ
(жалғасы)
Ш.: Сонда олар Әлем ғалымдары алдында Сіз әкелген жаңа Ілімді паш етудің орнына, өздері біліп пайдалану үшін ғана алдырған болып тұр ғой?
Ұ.: Пайдаланды. Содан кейін Нұрекең елдегі мықты жазушы, ғалымдарды жинап оларға нұсқау берді: «Мынау сұмдық «Ақ Сарбаз» кітабынан асырып кітап шығарыңдар!» деді. Осыдан соң шыққан «Қазығұрт» атты кітаптың көшірмесін Зере маған алып келіп көрсетті. Мұның редакциясын басқарған Аслан Жақсылықов деген сол уақыттағы нағыз белгілі филолог жазушы-дінтанушы. Университетте дінтану кафедрасын басқаратын. Орысша шығармаларына қарап жұрт оны «орыс тілінің жаңа әдеби түрін қалыптастырушы» деп бағалады. Міне орыс тілін қазақтар қалай көтеріп жатыр. Сүлейменовтар, Жақсылықовтар.
Сонда үшінші кітаптың презентациясында мені шақырып алды. Олар «Қазығұрт» кітабының сыртына менің кітабымдағы барлық таңбаны көшіріп салып қойыпты. Айырмасы олардың пирамидасы 10 жұлдыздан тұрады. Жұлдызы көп болған сайын мықты болады деп ойласа керек.
Содан кейін мәңгілік жолды шеңберге кіргізді. Бұл – ұрылардың әдісі еді. Ортасындағы «Ақ Сарбаз» атауының орнында «Қазығұрт» деп жазылған.
Ішін парақтасаң өңкей сылдыраған сұлу цитаталар. Абайдың қара сөздерінен үзінді келтіре отырып ортасына: «Уа, Нұрсұлтан!» деп ұрандатып сегіз мәрте жазып қойыпты.
Кітапты апарғанда Нұрсұлтан қатты ренжіді. «Бұның сезімді оятатын қасиеті кәні?!» депті. Сөйтіп кітаптың шығуына рұқсатын берген жоқ.
Менің кітабымнан асып кетуге тиіс екінші кітап Олжас Сүлейменовтың «Язык письма» атты үлкен шығармасы болды. Ғаламторда ол кітап бар. 31 мың теңге тұрады. Бірақ ол да президентке ұнамады. «Рухани кітап емес» деді.
Ал, маған қарсы үшінші кітап Мұхтар мен Шыңғыстың кітабы. Осы арқылы олар менің кітабымды басып тастауға ұмтылды. Бірақ халық оларға баға берген жоқ. Мен екі жыл өткесін баяғы дүкенге кірсем сол кітаптар шаң-шаң боп әлі өтпей тұр екен. Бағасы да удай. Сөйтіп маған қарсы құрастырылған үлкен-үлкен кітаптар боққа аспай былжырама болып қалды.
Ш.: Тоқсаныншы жылдардың басында Алматыда Асылан Жақсылықов рухани жетекші боп, жастарды шығыс ілімі мен медитацияға үйреткенін білемін. Оның бір сабағына ініме еріп мен де қатысып көргенмін.
Сізге қарсы сөз шығарған, кітап шығарған адамдар осы арқылы өз кармасын ауырлатты ғой. Бұл олардың кейінгі тағдырына әсер етті ме?
Ұ.: Иә. Шыңғыс Айтматов ауырып қайтыс болды. Мұхтар Шаханов аурудан шыққан жоқ. Олжас Сүлейменов хал үстінде жатыр. Аслан Жақсылықов болса менен кездескенде кешірім сұрады. Ол айтты:
– Аға, маған нұсқау берді. Мен соны орындадым. Әйтпесе әулетіме қиын болатын еді...
– Ештеңе емес! – дедім.
– Таңбаларды көшірген мен емеспін. Ол – дизайнердің жұмысы – деді.
«Қазығұрт» кітабын бес белгілі ғалым бірігіп дайындаған екен. Мені жамандағаннан кейін олар Шыңғыстың кітабын тіпті Нобель сыйлығына ұсыныпты. Бірақ ол ілікпей қалды. Сондай қызық оқиғалар өтті.
Қазір енді тыныш. Қазір ғаламторды ашсаң, әр желіде менің бір сұхбатым кездеседі. Құдайға шүкір. Сөйтіп белгілі адам болдым.
Алдыңғы күні пенсиямды алып келе жатып кішкентай кафеге тамақ ішкелі кіріп едім, жылқының қуырдағын жеп отырғанда даяшы қыз маған жымиып күліп:
– Сіз – Ақ Сарбаз Атасыз ба? – дейді.
– Иә, менмін! – дедім.
Сөйтсем мені адамдар таниды екен. Сотка бәрінде де бар ғой. Сөйтіп мен енді танымал адам болдым. Далаға шықсам бір адам міндетті түрде танып амандасып жатады.

АҚ САРБАЗ ІЛІМІНІҢ ӘЛЕМГЕ ӘСЕРІ
(жалғасы)
– Мұхтар Шаханов өз костюмін бере салды! – дейді.
Жігітіміздің жаман адам емес екені көрініп тұрды. Әдемі ашаң жүзді, ұзын бойлы, тілі сыпайы интеллегент сипатты адамдар болады ғой.
Сөйтіп ол бізбен қоштасып кетіп қалды. Мен сонда енді не болғалы жатқанын түсіндім.
Осы оқиғадан кейін көп ұзамай М.Шаханов газеттерге: «Чингизиды идут» деген статьямен шықты. «Төрелер билікке келсе бәрімізді қырады. Бізді ортағасырға қайта алып келеді» дегенге келтіріп үлкен у-шу шығарды.
Оған Шыңғыс Айтматов қосылды.
Шыңғыс: «ешқандай параллель дүние болуы мүмкін емес. Мен оған сенбеймін» деді. Ол белгілі жазушы ғой. Сөйтіп 1996 жылы екеуінің сұхбатынан құрастырылған кітапты шығарды. Үлкен кітап. Ол «Құз басындағы аңшының зары: ғасыр айырығындағы сырласу» («Плач охотника над пропастью: исповед на исходе века») деп аталады. 381 беттен тұрады. Ол кітапты мен дүкенде қолыма ұстап көрдім. Қан төгілген алаңның шетінде бір үлкен кітап дүкені бар. Соған кіргенмін. Сол жерден кітабын көрдім. Қымбат жылтыр параққа көлемді қылып үш тілде басып шығарыпты. Ап-ауыр.
Сөйтіп менің кішкене жазбаларымның арқасында, қарсылас осындай үлкен кітап шықты. Ол қарсы толқынға үлкен-үлкен адамдар қосылған екен. «Новое поколение» сайтында 2002 жылы Мұхтар мен Шыңғыстың «Опасный фетиш Чингизхана» деген тағы бір сұхбаты шықты.
Сонда форумда менің жазбамды олар оқыпты. Менің шыққалы жатқан кітабымда не жазылғанын білу туралы алғашқы тапсырма Нұрекеңнен болыпты. Кітап ішінде Назарбаевқа қарсы бір сөз жоқ екен. Олар содан кейін: «уһ» деп тыныш болды. Оның артынан маған старостам Қасым Бегалин телефон соқты. Ол жазушы Сапарғали Бегалиннің кіші ұлы еді.
– Едихан, мен естідім. Сен екінші кітапты жазып жатыр екенсің. Соны маған оқып шығуға бересің бе?
– Әрине беремін! Қайда тұратыныңызды айтыңыз.
Сөйтсем дәп менің көшемде тұрады екен. Биіктегі Руднев көшесіндегі АДК комбинаттың оң жағындағы үйлердің екінші қабатында тұратын боп шықты. Бардым. Жалғыз адамның үйі екені көрініп тұрды.
Совхозда тұрғанда оның үйінде бұрын да бірнеше рет қонақ болғанмын. Өте жақсы совхоз. «Қартайғанда осы жерде тұрсам ғой» деген менің арманым да болған. Қаскелең жақтағы тау етегіндегі, алма бағы жайқалған ауыл еді.
Мына жерде асүйде отырып әңгімелестік. Киген киімі, ыдыс-аяғынан оның жалғыз тұратынын байқадым. Менің әдетім ешкімнен ешқашан қазбалап ештеңе сұрамаймын (керек ақпарат онсыз да көрінеді).
Бұл 1997 жылы болды. Мен Қасымға соңғы жазғаным Жерұйықты қосып барлық жазбаларымды апарып бердім. Бір аптадан кейін келіп алып кеттім.
Сөйтіп менің кітабымды олар бәрін тексеріп алды. Староста болған адамның комитеттің өкілі екені сөзсіз. Менің кітабым биліктегілердің біразын дүрбелеңге түсірді. Әсіресе анау жігіттің оқиғасы қызық болды.
(Жалғасы бар...)

АҚ САРБАЗ ІЛІМІНІҢ ӘЛЕМГЕ ӘСЕРІ
Ұ.: Бір қызық оқиға есіме түсіп отыр. 1996 жылы мен «Ақ Сарбаз» кітабының жетінші тарауын жазып бітірдім. Ақ Сарбаз» деп аталатын үлкен тарау. Кешікпей бір жігіт телефон соғады:
– Мен журналист едім, сізбен кездесуге бола ма?
– Не үшін?
– Сіз енді екінші кітапты бастадыңыз. Естіп отырмыз, халықтың бәрі «қалай болады екен?» деп қобалжып жүр. Осы туралы өз аузыңыздан сұхбат алсам деп едім.
Мен келістім. Сөйтіп жұма күні менімен кездесуге келді.
Ш.: Сіздің нөмірді кімнен алған?
Ұ.: Сұрап едім: «халық біледі, таптым» деді. Шамасы баспадағы Раиса Арослановадан алған шығар. Сөйтіп келді. Үйде Жомарт пен Аниса отыр. Күн сұмдық ыстық. Үстіне шолақ жең ақ көйлек, ақ шалбар киіпті. Әңгімелестік. Жетінші тарауды Жомарт компьютерге теріп, қағазға шығарып әкелген еді. Соны газетке орап журналистке бердім. Ол:
– Оқып танысуыма бір-екі күн жетеді. Жексенбі күні кешке таман алып келемін – деді. Сөйтіп зым-зия жоқ болып кетті. Телефон көтермейді.
Келесі аптаның сәрсенбі күні бір-ақ келді. Қасымда Аниса мен Жомарт отырған. Сол уақытта олар менің үйімнен шықпайтын. Әлгі журналист келе сала жазбаны қайтарып, ғапу өтініп жатыр:
– Аға, кешіріңіз! Кішкене уақыт болмай қалды, анау-мынау...
Аниса болса оған оқты көзін қадап:
– Тоқта бауырым! Өткен сенбіде Ыстықкөлде жыл сайынғы дәстүрлі форум өтті ғой. Мен сені теледидардан сол жерде президиумнан көрдім. Бізден жазбаны ала сала сол жаққа топ ете түскенің қалай?! – деп дүрсе қоя берді.
Ыстықкөлде жазушы Шыңғыс Айтматовтың инициативасымен интеллектуалдардың дүниежүзілік үкіметтік емес форумы жыл сайын ұйымдастырылып тұратын. Оған Шығыс пен Батыстың белгілі адамдары – жазушылар, актерлер, суретшілер, ғалымдар шақырылатын. Бұл басқосуда Әлемнің тағдыры, сенім мен білім, адамзаттың рухани дамуы т.б. өзекті мәселелер сөз болатын. Оған қоса Чолпон-Атада әлемдегі діннің храмдары салынған қалашық та бар еді
Аниса жаңалықтардан біздің журналисімізді бізден кеткеннің дәл ертесі күні Ыстықкөлдегі форум президиумында отырғанын көрген ғой. Шыңғыс Айтматов, Мұхтар Шаханов пен Мұрат Әуезов және үлкен-үлкен ғалымдардың ортасында отыр дейді.
Ш.: Апай оны теледидардан көрген бе?
Ұ.: Иә. Кешке таман бізден жазбаны алып кетті. Таңертең Ыстықкөлде отыр. Үстінде костюм-шалбар, галстукпен.
Анисаның сөзінен әлгі жігіт шошып кетті:
– Ой, қызық оқиға болды! Мен сізден жазбаны алып кетіп бара жаттым. Дәп анау «Қазақстан» қонақ үйінің алдына өте бергенімде Мұхтар Шахановқа кездесіп қалдым. Таныс едік. Мені көре сала қолымнан ұстап: «Ой, бауырым! көріспегелі біраз болыпты ғой! Жүр, мен жолаяқ жасап жатырмын» – деп ішке сүйреді. Қырғызстанға елшілікке бара жатыр екен.
Сөйтіп мені ресторанға кіргізіп... аяғында... ертесіне Ыстықкөлден бір-ақ шығыппын... – дейді.
Ш.: Сізге келгенде ақ көйлек-шалбармен келді емес пе?
Ұ.: Ақ көйлек, ақ шалбар. Аяғында жеңіл сандалик болатын. Ал, президиумда костюм, галстукпен отыр!
Әлгі жігіт айтады:
– Оянсам Чолпон-Атадағы қонақүйде жатыр екенмін...
– Костюмді қайдан алдың? – деп Аниса да жанын қоймай жатыр.
(Жалғасы бар...)

РУХАНИ БАЙ ЕЛ
Ш.: Қарап отырсам қазір интернет-сауда деген әбден дамып бара жатыр. Қазақтың екі әйелінің бірі телефон арқылы сауда жасайды. Статусына өзі сататын тауарларды реклама қылып қояды. Осы арқылы күн көрісін айырып тым тәуір бизнес жасап отырған адамдар бар.
«Несібемді қалқып алам, бермесе тартып алам!» деп бәріне бекініп, қасқыр секілді жұлып жегелі тұрған адамдар да бар. Олар ұрыс-керістен ұялмайды, төбелестен тайынбайды. Алдай салатын алаяқтыққа да жүзі жанбайды.
Ұ.: Ондайды естідім, тіпті көрдім де. Алматыда толып жүр ондайлар. Алматының дамыған әйелдерінің бәрі де бірдемені сатады.
Біздің каналда реклама жасауға болмайды. Бұл – рухани канал. Егер біздің каналға тіркеліп, бұнда өзінің рекламасын құшақтап келсе, ондай адамды дереу аластау керек.
Қоқымын таратқысы келсе басқа каналдар толып тұр ғой. Бара берсін.
Ш.: Басқа біреудің жолын мақтап, делдал боп келетіндер де бар.
Ұ.: Сен менің портреттерім мен бейнесұхбаттарымды интернетке таратқаннан кейін жалған Ақ Сарбаздар шығуын қойды. Әйтпесе алғашқы жылдары «Мен – Ақ Сарбазбын» деп шығатындар болды.
Бұндай жағдай ұлы адамдардың бәрінің басынан өткен. Шәмшінің кезінде жалған Шәмшілер жүрді. Оған дайын болу керек. Қазір Сандуғаш болғысы келгендер қаптап жүр. «Сандуғаштың кім екенін біліп алсам, онымен достасып, жеңілдікке ие болсам» деп армандайтындар да жоқ емес.
«Карэтист қызды Сандуғашқа ұқсаттым» деп жазып жатқандар бар. Ол – қате пікір. Каратэші болу – төртінші саты адамына тән қасиет. Оны білу керек.
Қазір көтеріліп бара жатқан өзбектер – негізінен Төртінші Сатының адамдары. Физикалық денелері күшті, қарапайым жұмысқа төзімді адамдар. Бірақ олар ешқашан да Бесінші Сатының адамдары – жапондардан, корейліктерден, Америкадан, Германиядан озып кетпейді.
Әлемдегі халықтардың экономикалық көтерілуін рухани көтерілумен теңдестіруге болмайды. Қазір экономикасы нағыз шарықтап бара жатқан ел ол – Қытай, Америка. Енді Оңтүстік Корея көтеріліп жатыр.
Бірақ оларды рухани бай ел деп санауға болмайды. РУХАНИ БАЙЛЫҒЫМЕН ӘЛЕМНІҢ АЛДЫНДА ТҰРҒАН ЕЛ – ҚАЗАҚТЫҢ ЕЛІ. АЛТЫНШЫ САТЫНЫҢ БАЛАЛАРЫ.
Мен осы күнге дейін бұған қарсы бір сөз естімедім. Енді алғашқы кітаптың шыққанына 32 жыл болғалы тұр. Ел тып-тыныш.
Ш.: Альфия Камарова есімді оқырман: «Жерұйыққа барғанда сәбилер мектеп жасына жеткенде қалай болады сауат жағы? Әріп таныту, есеп үйрену қалай жүзеге асады екен?» деп сұрапты.
Ұ.: Қазақтың дәстүрімен бәрі де.
Ш.: Ата-әжесі үйретеді ме?
Ұ.: Иә. Адам туып, қырқынан шыққаннан бастап, өліп қырқын бергенге дейін қазақтың баяғы бабалар ұстанған салтымен өмір сүреді. Мыңдаған жыл бойы қазақ өмірінде пайда болған дәстүрді енді ойланбай орындау керек.
Ш.: Майра есімді оқырман өзінде дежавью – бұрын болған оқиғалар қайталанып жатқандай сезім жиі болатынын жазыпты.
Ұ.: Ондай болуы мүмкін. Кітапты оқығаннан кейін кейбір адамдардың сезімі ашылады. Бойындағы ырғақ Ғарыш ырғағына сай өзгере бастайды. Астралда болған оқиғалар, тіпті бұрынғы ғұмырындағы оқиғалар есіне түсуі мүмкін. Оған таң қалудың қажеті жоқ. Ол Алтыншы Сатының белгісі.
Ш.: Астралда болып кеткен оқиғаны есінде сақтау дегеніміз, ол ақпарат адамның астрал денесінің миынан физикалық дененің миына беріліп тұр ма?
Ұ.: Иә.

ПЛАНЕТАНЫҢ АРУ-ИЕСІ
Ұ.: Жер дүниенің бәрін қазір сақтап отырған – Сандуғаш. Ол – планетаның ару-иесі! Ол – планетаның басы. Планетаны түгел дене десек, оның басы – қазақтың кішкентай қызы – Сандуғаш.
Соған сиыныңдар! Көмек сұраңдар! Жалыныңдар! Ән салыңдар! Көрсетіңдер оған бағынатындарыңды! Ол сонда өз жұмысын істейді.
Ш.: Менің ойымша Сандуғаш ештеңеге көнбейтін сияқты.
Ұ.: Көнбейді, көнбейді!
Ш.: Мысалы жасы келген адам – сабырлы, қанағатшыл болады да, жас адам – тәуекелшіл, қызуқанды болады ғой.
Ұ.: Иә.
Ш.: Ол – жас қой енді. Сондықтан...
Ұ.: Ол – жас. Содан кейін ол – максималист! Мен де жас кезімде максималист болдым. Өмірден сабақ алып, енді қазір қартайғанда ақылды, шыдамды, мейірімді қария болып отырмын. Бірақ жас кезімді қарасам, басқа адам болатынмын.
Ол уақыт та келеді. Бірақ Сандуғаш – жас, оған ешкім қарсы тұра алмайды. Оған қарсы тұру, қастандық жасау – өліммен тең. Адамды керек болса материгімен қоса құртып жібереді.
Көпшілігі мұны ертегі деп санап жүр. Ол ертегі емес. Ол – шындық. Шындық болғанда да біреуге – бақыт. Енді біреуге – өлім.
Ақ жолмен жүретін адамдарға ол – бақыт, Жерұйыққа апарар ашық жол. Ал, Қаратүнектерге ол – өлім, тіпті өте қиын өлім болады.
Эволюцияның жолы сондай. Түйіліп-түйіліп келеді. Келгеннен кейін адамзат екі жолдың бірін таңдайды. Біреуі – қабылдау, даму. Екіншісі – қабылдамау, өлу. Бітті сонымен. Басқа жол жоқ.

https://youtu.be/JGG-X10ju7I?si=FxWqDOR1_HaEALXU

АҚ САРБАЗДЫҢ ӘЛЕМГЕ АРНАУЫ
Ш.: Исламның арқасында көтеріліп, беделге ие болып, белгілі бір дәрежеге жеткендер содан айырылғысы келмей жанталасып жатыр ғой.
Ұ.: Біздің жұмысымыз – ағартушылық. Діни фанатизмді күшпен жеңу мүмкін емес. Тек қана ағартумен жеңесің. Ал, ағартуға біздің барлық шамамыз бар. Эволюция идеясынан биік қазір идея жоқ.
Адамзатқа нағыз тығырықтан, апаттан, өлімнен шығатын жол, ол – Алтыншы Сатының Жолы. Ол ап-ашық көрініп тұр. Сезімі бар адамдар, біріншіден ұлы державалардың президенттері бұған ден қойып отыр. Олар желдің екпіні, жер сілкінісі мен тасқын судың келуінен тығырыққа тірелгендерін сезді.
Анау Испания судың астына кетуде. Құп-құрғақ шөл дала болатын. Су апатына ұшырап үш күн қаралы күн деп жариялады.
Әлемде сұмдық боп жатыр. Сауд Арабияны су басуда. Ешқашан жаңбыр көрмеген шөл дала не үшін су боп кетті? Ол әлі исламшылардың сезіміне кірген жоқ.
Ал, біздің кітаптарда, каналда бәрінің де анықтамасы тұр, Құдайға шүкір. Қазір үлкен мемлекеттердің кабинеттерінде қазақ тілінің аудармашылары бар. Бізден шығатын сұхбаттар дереу аударылып, зерттеуге алынып жатыр.
Біздің телеграм-каналдан басқа қазір Жер дүниеге нақты дәл болжам беретін канал жоқ. Жалғыз біздің канал бір жарым жыл бойы Әлемге дұрыс қадамды қалай жасау керектігіне жол көрсетуде. Осы уақытта талай жұмыс жасалды.
Ш.: Үлкен мемлекет басшылары саяси оқиғалар мен табиғи апаттарды болжап отыратын астролог ұстайды деп айтады ғой. Сіздің арқаңызда кейбір астрологтардың болжамы болмай қалып, оқиғалар басқаша өріс алып кетіп жатырған сияқты ма?
Ұ.: Иә, олардың болжамдары орындалмай қалып жатыр. Қарабет болса да: «жұлдыз былай бұралып кетті де оқиға орындалмады» деп ақтала салады. Астрология – ғылым емес, ол жай ойыншық. Қазір оның ешқандай күші жоқ.
Ең күшті адам ол – Эволюция толқынын басқаратын, қолында стихиялардың билігі бар адам. Егер қарапайым адам: «бір ай ішінде мен сендерге бір кішкене күрке салып беремін» десе, ол орындалуы мүмкін. Ал, эволюциялық деңгейі жоқ адамның енді әлемдік оқиғаларды болжауы мүмкін емес.
Қазір дүние сағымдай құбылып, сабындай бұзылып қылпылдап тұр.
Ірітуді емес – ұйытуды, жоғалтуды емес – жаңартуды білетін қасиетті адам ғана оны айтқанына лайықтап жасап, қажет болса сақтап қала алады!
Ш.: Әлемге ықпалы күшті мемлекеттер мен материктердің ертеңгі тағдыры туралы әңгімелерді жиірек айтып тұрсаңыз... Біздің каналдың беделі бұрынғыдан да күшейе түсер еді деген ой ғой...
Ұ.: Күшейеді. Қазір менің айтатыным: АМЕРИКА ҮЛКЕН АПАТТЫҢ АЛДЫНДА ТҰР. ЙЕЛЛОУСТОУН ЖАНАРТАУЫ ОЯНДЫ!
Оның ұстап тұруға Сандуғаштың күші жетеді. Менің оған күшім жоқ. Оның лавасы – жердің астындағы от. Мен оны ешқашан пайдаланып көрмедім. Менің күшім ол – жеңіл стихия – жел, су, от.
Анау ауыр стихияны пайдалануға менің күшім де, ұмтылысым да жоқ. Оған Сандуғашты шақырып, көмек сұрау керек. Оны тоқтатуға.
Егер Йеллоустоун жарылса, Америка бір күнде жоқ болады. Бәрін билеп отырған ұлы держава санаулы сағатта жоқ болып кетеді. Бәрі де 5-10 метр лава астында қалады. Оның қалған материктерге қалай әсер ететіні желдің бағытына қарай болады. Қазіргі күз – жақсы күз. Солтүстіктегі мұзды мұхиттан жел болғанда оңтүстікке қарай соғады. Сонда шыққан барлық күл Американы жауып, Мексикаға дейін шашылады.
СОЛ СЕБЕПТІ АМЕРИКА АПАТТАН АМАН ҚАЛҒЫСЫ КЕЛСЕ БАРЛЫҚ ҰМТЫЛЫСЫН ЭВОЛЮЦИЯҒА АРНАУЫ КЕРЕК!
Енді бір үш-төрт күннен кейін олардың күткен сайлауы болады. Сол сайлауда қандай бағыт алады, тағдыры да соған сәйкес болады.
Не өледі. Не лидер боп өз орнын сақтап қалады.
Цивилизацияға Американың лидер болғаны өте керек. Олардың арқасында Қазақ елі, Орталық Азия тәліптерге тұтылмай 20 жыл тыныш отырды. Жиырма жылдың ішінде бәрі бой түзеп, өзбектер де қазақтар да көтеріліп кетті. Қырғыздар көтеріліп бара жатыр. Бірақ олардың елі революциядан көз ашпай қиындық көруде. Оның бәрін түзетуге талай уақыт керек.

ЖАҢА ҚАЗАҚСТАН ЖӘНЕ ЖАҢА ИДЕЯ
Ш.: Аға, Сезім деген оқырман қызыңыздың дат айтып жазғанын оқыдыңыз ба? «Елдегі болып жатқан жүйесіздікке шыдай алар емеспін. намысым шыдатпай барады. Не істеуге болады?» депті.
Ұ.: Шыдау керек. Өйтіп шыж-быж болғаннан түк те шықпайды. Түк те өзгермейді. Эволюция жолы өз-өзімен бәрін де түзетеді. Халықтың сезімі көтерілуде. Мемлекетте жас жігіттер шығып жатыр. Ақырындап бәрі өзгереді. Егер өзгерісті күшпен жасаймын десең отқа май құйғандай боласың.
Шыдап күте білсең мемлекет өзгереді. Парақорларды ішімізден қуып, мемлекетімізді түзету керек.
Жаңа Қазақстанның біріншіден жаңа идеясы болуы керек. Жаңа деген сөз өздігінен түк те әкелмейді. Жаңа Қазақстанды жасайтын – үлкен идея. Мемлекеттің үлкен идеясы бар. Оны даладан іздеудің керегі жоқ.
Анау Айнұр Полатова деген оқырманның мектептерге жасаған «Ізгілік кілті ізімен» жобасы мен үшін үлкен қуаныш. Мен мұны 32 жыл күттім.
1994 жылы біз Аниса, Жомарт үшеуміз мектептерге шығып көрдік қой. Оны жауып тастады. Енді 32 жылдан кейін күзде Ақ Сарбаз Ілімі жаңа толқынмен мектептерге қайта кіргелі жатыр. Бұл мектеп пен мұғалім үшін үлкен байлық. Бітпейтін байлық. Оны тақырыптарға бөліп оқытатын болса әсері жүздеген жылға жетеді.
Мектептен кейін университетке де кіреді, сөзсіз. Ондағы ғалымдар да өтірік философияны мүжіп-мүжіп әбден тозған шығар. Бұрынғы философия мың рет желінген тамақ сияқты дәмі жоқ татуы жоқ боп қалғалы қашан.
Ал, Тәңір дінінің идеясы студент үшін бәрі де жаңа. Одан жастардың сезімі көтеріледі. Сезім көтерілген соң халық көтеріледі. Экономика көтеріледі. Соның арқасында бәрі дами бастайды.
Бәріне де күш беретін – идея. Одан соң экономика. Содан кейін барып білім, ғылым өркендейді.
Қазақ мемлекетінің бай, дап-дайын идеясы тұр, мінекей! Оған кедергі болған адамдар қазір кетті. Жаңа білімнің мектепке енуі қасиетті Түркістаннан басталғаны өте жақсы. Ол біздің көнеден келе жатқан рухани орталығымыз.
Егер осы бағдарлама кедергісіз тарайтын болса онда мен өзімді «жеңіске жеттім» деп санаймын. Өйткені жаңа идея балалар арқылы көтеріледі.
Ш.: Бұл бағдарламаның жаппай таралуына Білім және Ғылым министрі ықпал жасау керек қой?
Ұ.: Әрине жасайды. Амалсыздан жасайды. Исламға қарсы күш ол – жаңа идея. Жаман күштен құтылу үшін одан әлдеқайда биік жаңа күшті алып келу керек. Ғаламторға қарасам Тәңір идеясы жақсы дамып бара жатыр. Эволюцияның жаңа идеясы дамып бара жатыр. Оның бәріне себепші біздің қазақтың дарынды балалары.
Ш.: Қазір қазақтың қолынан іс келетін кейбір жігіттері рухани жұмысы етіп исламды насихаттауды жалғастырып келеді.
Ұ.: Бірақ олардың істерінің болашағы болмайды. Исламның жолы тозған жол. Ол – қирағалы тұрған көпір сияқты. Онымен бұрынғыдай емін-еркін жүру өте қауіпті. Исламның жеткен жері – тығырық.
Тығырықтан шығу үшін төңкеріс жасау керек. Ол кезеңнен төңкеріс жасап христиан діні өтті. Сұмдық қантөгіс болды. Протестанттар тығырыққа кіргізген иезуиттерді миллиондап қырды. Сөйтіп олар көтерілді. Қазіргі өркениет сол протестанттың өркениеті. Біздің мінетін автобусымыздан бастап қолымыздағы соткаға дейін бәрін шығарған христиан протестанттары.
Ал, ислам Эволюцияға өзі шығарған қауырсын қаламнан басқа түк те берген жоқ. Пайдаланғаны зороастризм философиясынан құрылған Иранның архитектурасы мен Түріктердің математиктері: Әл-Фараби, Әл-Бируни, Әл-Хорезми, Ұлықбек, Омар Хайям болды. Енді исламның уақыты аяқталды.
Ғарыштың Эволюция Заңына сәйкес емес діндер сөзсіз құруы керек. Бітті сонымен.
Дамитындар: буддизм, зороастризм, синтоизм, христиан діні. Олардың ішінде Эволюцияның заңдары бар. Ал, ислам мен коммунизмде ондай заң жоқ. Олар Эволюцияның Қайта Туу Заңына қарсы.
Біреуі өлді. Екіншісі төсек тартып өлгелі жатыр. Оны қайта-қайта мақтағаны өлім алдындағы адамның көңілін жұбатқанмен бірдей нәрсе.
Мен исламды мақтаушыларға былқ етпеймін. Мақтай берсін. Одан түк те шықпайды.
Ш.: Жазылмас науқасқа: «жазылып кетерсің» деп көңілін аулағаны сияқты ғой.
Ұ.: Иә.

КӨРШІ
Ұ.: Талғарда не болып жатыр, біздің Қазақстанда сол болып жатыр. Қазіргі Талғар – тамам елдің кіші бейнесі.
Бізге қасымыздағы өзбектерден үлгі алу керек. Қолдарында мұнайы, газы, пайдалы элементтері болмаса да бастары бар, еңбекқор халық. Тыныштық сақтағанының арқасында қазір дамып бара жатыр. Олар бізден озып кетті.
Ішіміздегі Алтыншы Сатының балалары болмаса мемлекетіміз үшінші, төртінші саты халқының деңгейіне дейін құлап кетті. Жердүниедегі сондай бай елдің халқы әбден кедей боп жүр. Бірінші президенттен мұра боп қалған парақорлық пен жемқорлық елді әбден тұралатты.
Мұны тоқтату керек! Тоқтатпаса халық көтеріледі. Халық көтерілсе қиын болады.
Эволюция жолы өз жоспарымен дамып жатыр. Эволюцияға қауіп жоқ.
Ш.: Қасиетті жазбаларда Жақыптың 12 буынының ішіндегі он буын ұрпағы ата-бабаның жолын ұстамағандықтан құлдыққа ұшырап, айдалып, жоғалып кетті ғой. Олардың кімге қосылғанын, қай жерде жүргенін таба алмай келеді. Сол он буын біздің Азия халықтарының ішінде болуы мүмкін бе?
Ұ.: Иә, тарап кеткен. Бұхар еврейлері – өткен дәуірден көшіп келген солардың қалдықтары. Өзбектердің мақтанышы – Батыр Закиров, Зара Долуханова, анау Азиза Мухамедова...
Ш.: Ол да Бұхар еврейі ме?
Ұ.: Иә. Солар өз еліне патриот болды. Олар әбден өзбек боп кеткен. Өзбектің мәдениетіне кіріп, соның арқасында бай болып, сыйлы болып жүр. Біздің Брусиловский, бізден шыққан Машкевич, жазушы Морис Симашко сияқты емес...
Ш.: Жириновский де біздің жерден шығып, қазаққа қаншама қиянат жасады...
Ұ.: Иә. Оның әсері осы күнге шейін жетіп жатыр. «Қазақтар түкке жарамайтын жалқау халық. Олардың жері болған жоқ» деген сандырақтары ғаламторды әлі кезіп жүр.
Сонда қазаққа нағыз үлкен қиянатты Филип Голощекин жасады. Шын аты – Шая Ицикович. Голощекин – лақап аты. Ол қазақтың кемінде үштен екі бөлігін аштан қырды. Міне – еврейдің бізге жасаған «жақсылығы».
Ал, Бұхар еврейлері Өзбекстанды дамытты. Мәдениетін, ғылымын көтерді. Студент кезімде мен Ыстықкөлде болғанда, арамызда ән конкурсы өтті. Сонда өзбектер жарқырап көрінді. Әндерін айтып, ұлттық аспабында ойнап бәрінің көңілін баурап алды. Олардың дені Бұхар еврейлері-тін. Өзбек университетінен келгендер өңкей ғылым докторлары еді. Математиканың, физиканың, биологияның жас докторлары. Олардың бізді сонша кемітіп, мысқылдай қарағанына мен қатты намыстандым. Жеке басыма тиіссе былқ етпейтін едім. Бұл жерде елімнің намысы таразыға тартылып жатты. Егер елімнің намысына тиіссе мен ешкімді де кешірмеймін. Үлкен бе, кіші ме, академик па қарамаймын. Тойтарыс беруге ұмтыламын. Соған үйренгенмін.
Біздің оқу орнының біреуі менің Политехім, екіншісі Қазақ Селхозинституты болды. Оның студенттері қазақша бір ән бастап еді, оны естіртпей шулап басып тастады. Біздің қолымызда домбыра да болған жоқ. Содан кейін мен сөз алдым. Мен сонда Киплинг стиліндегі өзімнің шығарған өлеңімді айттым.
Ш.: Өзіңіз орындадыңыз ба?
Ұ.: Иә. Сол Киплинг стилі оларды таң қалдырды. Нәтижесінде жеңіс маған бұйырды.
Ш.: Музыкалық аспапта кім ойнады?
Ұ.: Менің досым Коля Чумак. Ол мықты гитарист болатын. Екеуміз қосылып мен шығарған әндерді айтатынбыз. Осы әндердің кейбірі осы күнге дейін студенттер арасында жүруі мүмкін.
Мен сонда 20 жастағы жігітпін. Маған: «бұл қазақтың баласы Киплингті түпкі идеясына дейін қалай біліп алған?» деп олар таң қалып жатты. Киплинг өз уақытында нағыз бағалы ақын болатын. Оның әр шығармасына баспалар мыңдаған фунт стерлинг төлейтін.
Ыстықкөлдің жағасында қазақтың қарапайым баласы Киплингті айтқаны біздің Политехтің де абыройын көтеріп тастады. Өзбектер:
– Бұл қайдан шыққан жігіт? Мамандығы қандай? – деп сұрағанда:
– Ол – компьютерщик. Үшінші курс студенті – деп жауап берді.
– А, онда түсінікті. Компьютерщик, әрі өлең жазса тегін адам болмағаны – десті олар. Сондағы комиссияның шешімімен бірінші орын маған бұйырды. Сөйтіп халықаралық студенттер байқауында қазақ елінің намысын өзбектерден де биік көтеріп жібердім. Мен сонда өзбектердің өте әділетті, мәдениетті жандар екенін көріп таң қалдым. Олардың бәрі де есімде қалды.
Ш.: Өзбектердің дамып бара жатқанына Бұхар еврейлерінің қатысы бар ма?

Ұ.: Жоқ, әсері бар. Бұхарада Аюб пайғамбардың зираты бар. Әмір-Темір, Жалаңтөс баһадүр, Төле би секілді көптеген қасиетті адамдар жерленген киелі жер. Сол себепті жері тыныш, елі дамып бара жатыр. Мен оған қарсы емеспін.
«Ауылда бір үй аш болса бәрін аш қылады» деген бар ғой. Нағыз жаман көрші ол – кедей көрші. Кедей көршінің қаруы көп болса, ол – өте қауіпті. Ал, бай көрші ол – сыйлас жақсы көрші бола алады. Қазақтың «жемесе де май жақсы, бермесе де бай жақсы» дейтіні содан ғой.

ҰЛЫ МАҚСАТ
Ұ.: Бала кезден құрт жеп, айран ішіп, ет жеп, сорпа ішіп өскен менің денсаулығым бірқалыпты. Менің орыс класында бірге оқыған құрдастарымның бәрі де қазір қайтыс болды. Кезінде денсаулығы менен мықты боп көрінгендердің бәрі де қазір жоқ. Мен болсам кітап оқығанымның арқасында 82 жасқа жеттім. Менің кластастарымның көбі арақ ішетін. «Неге ішесің?» деп сұрағанымда: «Алдымда ешқандай болашақ жоқ, орындауға тиісті жоспарым жоқ» дейтін. Олар менің қалай тозбағаныма таң қалатын.
Ал, менің бар мақсатым – қазақ елінің бостандығы болатын. Сонда алдына ұлы мақсат қоймаған адам тез тозады екен. Менің кластас қыздарым да 60 жасында әбден тозған кемпірлер болды. Мен алпысымда 40 жастағы жігіт ағасы секілді көрінетінмін. Мені тоздырмай ұстап тұрған – көздеген мақсатым екен.
Ел үшін өмір сүру, елдің қамын жеу, елдің болашағын ойлау. Жаңа өркениетке пана болар жерді құру – міне менің ұлы мұратым! Соның арқасында мен қартаймаймын.

КӨСЕМДЕР ҚАЙТСЕ ШЫҒАДЫ?
Ш.: Жерұйықта адамның физикалық денесі қазіргі телефонның орнын алмастыра ала ма?
Ұ.: Иә. Бір артықшылығы бұған зарядка керек болмайды. Алтыншы Саты адамы, өзі – үлкен ақпарат орталығы. Адам Жерұйықта физикалық қарадүрсін тәннің ықпалынан шығып өзінің астрал денесіне көбірек құлақ асатын болады. Біздің қасиет көздеріміз астрал денеде орналасқандықтан алыста тұрып-ақ бір-бірімен байланыс орнату, хабар алмасу, көмектесу мүмкін болады.
Сөйтіп балаларды кітапқа, ұлттық педагогикаға қайтадан қайтару керек. Ән мен жырға баулып, спектаклдерде ойнату керек. Сол кезде баланың сезімі ашылады. Ал, ғаламтордың сағызынан бала тозады. Сағыздан сөл көп бөлінгенімен ми мен жүрекке ешқандай пайда бермейді.
Ш.: Рас айтасыз. Ғаламтордан керегін алып әбден жаман үйренген бала қазір тіпті көбейту кестесін де білмейді.
Ұ.: Менің таң қалғаным, бір дүкенде кассир екіге екіні қосқанда неше шығатынын тексеру үшін компьютерді қосып жатыр. Бұндай заманға ешқашан жетпейтін шығармын деп ойлаушы едім, жеттім мінекей!
Біз ешқандай компьютерсіз-ақ үлкен-үлкен есептерді баспен ойлап шығарып беретінбіз. Қазіргілер бастарын емес, компьютерді қосатын болыпты. Бұл – қазіргі өркениеттің жаман әсері. Балалар таңертеңнен кешке дейін қозғалмай үйде телефонға тұқшиып отырады. Соткамен ойнайды. Өздерінің виртуалды әлемдері бар. Ол енді – үлкен ауру. Қазір ғалымдар балаларды далаға қалай шығаруды ойлап жүр. Орманға, өзенге барып табиғатпен қатынас жасау керек.
Ш.: Мысал үшін қазіргі физикалық дүниедегі жаратылысты Құдыретті Күштер жасаған стратегиялық ойын деп қарастыруға бола ма?
Ұ.: Иә.
Ш.: Белгілі бір кейіпкерлері бар, дамуы мен шарықтау шегінің бірнеше нұсқасы қарастырылған стратегиялық ойын.
Ұ.: Иә, оны таңдау керек. Нағыз дұрыс жолды табу керек. Сондай ойындар бар. Бірақ компьютер ойындарының дені адам рухын адастыруға, қатыгездікке, сезімсіздікке алып келетін теріс тәрбие құралы. Қазір ғалымдар осы үлкен проблема – балалардың тәрбиесін шешуге тырысып жатыр. Әйтпесе қазіргі өсіп бара жатқан бала компьютер ойындарының кесірінен жүрексіз адам боп шығады. Осы – қиын.
Тәжірибеден белгілі, егер балалар далаға шығып ойнамаса, топ ішінен лидер шықпайды екен. Лидер ұлттық ойын ойнайтын балалар ішінен шығады. Біздің қазақтың ұлттық ойындары – асық ату, аударыспақ, көкпар, жамбы ату, күрес секілді ойынға балаларды тартудың түпкі мақсаты – лидер тәрбиелеу. Егер қазақта топты бастайтын серкелер болмаса кім болса сол келіп бізді басып алады.
Бұрынғы заманда талай-талай дамыған өркениет елдерін рухы күшті көшпенділер жаулап алатын.
Дамыған Қытай, дамыған Греция, дамыған Византия, дамыған Мысыр... бәрі де көшпенділерден жеңілді. Бізге қарсы тұруға лидерлері табылған жоқ. Жүрек жұтқан әскері де болмады.
Енді үйдегі ғаламтордан баланы далаға шығару керек. Ауылда бұған мүмкіндік бар. Ал, қаладағы балаларға өте қиын. Оның шығып аулада ойнайтын орындары аз. Гараждар, қоймалар, мектептегі спортзал бар, сонымен бітті. Қазіргі шығып жатқан қатыгез балалардың кесірін ел көреді әлі. Кісі өлтіретін компьютер ойынына әбден машықтанып алған бала, біреуді шынымен ұрып-соққанда оған зақым келетініне мән бермейді. Оны ойын деп ойлайды. Қазіргі заманның проблемасы осы. Бәрін шешетін Алтыншы Сатының өркениеті.
Ш.: Жасанды Интеллект деген қазір тіпті қиын болып кетті. Соның салған суреттері мен видеолары адамды шатастырады. Өте шынайы жасалса да логикаға келмейді.
Ұ.: Иә. Мен ғаламтордан «Ақ Сарбаз» кітабының орысша аудиосын тыңдап көрдім. Сөйтсем оны айтатын жасанды интеллектің дауысы екен. Дәп менің дауысыма ұқсатып салып қойыпты. Бірақ кейбір сөздердің екпінін дұрыс айтпайды. Мен сонда оның менің даусыммен сөйлеп отырған жасанды интеллект екенін сездім. Бір сағат бойы ентікпей, үзіліс жасамай, бәрін өте дұрыс айтып берді. Сөйтіп оның әсері маған да тиіп жатыр.
Бұл – Бесінші ақыл Сатысының тығырыққа тіреліп іріп-шіри бастағанының бір көрінісі. Бізді бұл тығырықтан Алтыншы Саты өркениеті ғана құтқара алады!

ЖЕРҰЙЫҚТАҒЫ МЕКТЕП
Ш.: Қазіргі бесінші саты өркениетінің ең дамыған саласы – мектеп және білім алу ғой. Ауылдағы қазақтың негізгі күн көрісі мен жұмысы да сол мектептің айналысында. Жерұйықта қазіргі Жердегідей бала оқыту жүйесі бола ма?
Ұ.: Ондағы педагогиканың қандай болатынын уақыт көрсетеді. Қазір Батыс елдерінде мектепке айфонмен кіруге тыйым салынып жатыр. Көбісі компьютерсіз сабақ беруге көшуде. Білімді маман дайындау үшін осындай әдіс қолайлы екен.
Ш.: Руы мен кімнің баласы екенін сұрап алып, алдындағы адамның жеті атасын түгендеп беретін шежіре қарттар болған ғой бұрын.
Ұ.: Иә, бәрін де білетін.
Ш.: Сонда кеме келгеннен бастап Жерұйықтағы көш барысында кімнен кім туғанын таратып жатқа айтатын шежіре адамдар шыға ма болашақта?
Ұ.: Шығады. Біріншіден ақпараттың барлығы кемеде орналасқан компьютерде болады. Көшке қосылған әрбір адам мен оның ата-тегі туралы ақпарат ол жердегі голограммаларда сақталады. Кеме қасында Білім сақтаушы Ғұламалар тобы қалады ғой. Батысқа жылжыған көш ғаламшарды айналып шығыстан қайтып оралып келгенде олар кемедегі компьютерді ашады.
Голограмма ешқашан да тозбайды. Кемедегі компьютер қуатты күн батареясынан алады. Ол да ешқашан тозбайды. Сөйтіп қазақ көшінің адамдары шежіреде сақталған білімдерін компьютердегі ақпаратпен салыстырып, жолдарын айқындап отырады. Көш барысындағы жаңа оқиғалар шежіресі компьютердегі голограммаға жазылады. Адамзат ұрпағының басынан не өтті? қандай қиыншылық болды? одан қалай құтылды? бәрі-бәрі жазылып, болашақтағы айналып келер болжамды шеңберлер белгілі боп отырады.
Адамзат жинаған рухани байлық сөйтіп көбейе береді. Бұрынғы болған тарих ешқашан да ұмытылмайды. Ұмытылса – халық өледі.
Тарихы ұмытылған, болмаса бұрмаланған халықта болашақ болмайды. Біздің бұрынғы тарихымызда шежіре қарттар, жыраулар, әңгімешілер қазақ мәдениетін еш елден кем қылмай өркендетіп алып келді ғой, ештеңе емес.
Ш.: Терме айтатын, насихат өлең, жыр айтатын адамдар бұрын мықты болды ғой, қоғамды тәрбиелеуде. Сондай өнер иелері қайтадан шыға ма?
Ұ.: Олар қайтадан шығады. Ел сыйлайтын адамдар.
Ш.: Ертегішілер, жыраулар...
Ұ.: Өте бағалы болатын олар. Одан биік байлық жоқ елде. Қазақтың мәдениетін, рухын ұстап тұрған – сол адамдар. Шиыршық бойымен Жерұйықта сондай өмірге қайта ораламыз.

АҚ САРБАЗДАН ЕМШІ ЖАСАУ ДҰРЫС ПА?
Ш.: Аға кешіріңіз, чатта Анар есімді оқырманның жазғанын оқыдыңыз ба?
Ұ.: Жоқ. Не депті?
Ш.: «Мен осыдан онбес күн алдын 15 жасар ұлыма мәжбүрлегендей болып сіздің кітабыңызды оқы деп сөйтіп ол бір екі бетін оқыған.
Қазір енді қызуы көтеріліп он күннен асты ауырып жатыр.
Сіздің көмегіңіз керек. Қызуы түспей әбден қиналып кеттік. Оның алдында түс көріпті балам. Түсінде «Ақсарбаз атаны көрдім. Кеме келген екен. Ақсарбаз ата түнектерді атып кемеге кіргізбей жатыр екен» деп айтқан еді. Ата өтінемін менің бір тал ұлыма көмектесіңізші
Тәуір болсыншы! жалғыз үмітім сізде ғана» деп жазыпты.
Ұ.: Еске алайын, жарайды...
Ш.: Бұл жерде ұлының ауырып қалғанына сіздің кітабыңызды оқығаны себеп болғандай қылып жазып отыр ғой! Осы дұрыс па?
Ұ.: Дұрыс емес. Менің кітабымнан ешкімге зиян келіп көрген жоқ. Қараниет адамдар қолына алса ол оқ болып тиеді. Олар оны қолына ұстаудан қорқады. Ал, кармасы таза адам бұл кітаптан Ғарыш ырғағын алып, емделеді.
Рамакришна Үндістанда тұрған кезде күн сайын халық топырлап келіп емделетін. Соның кесірінен ол әбден тозып, жүдеп орнынан тұра алмай қалатын болды. Тіпті өлгелі жатқанда да адамдар қоймай келетін. Рамакришна шәкірттеріне: «адамдарды қумаңдар, келе берсін. Мен бәріне де көмектесемін» деп нұсқау берді. Сөйтіп халқына деген сүйіспеншіліктен өз денсаулығын күте алмай қалды. Миллиондаған нөпір халық ақырында оның барлық энергиясын сорып алды. Сөйтіп Рамакришна 49 жасында қайтыс болды. Ал, оның шәкірті денсаулығы темірдей, алып күш иесі Вивекананда 39 жыл ғана өмір сүрді.
Ш.: Вивекананда Сіздің Тимур Фрунзенің алдындағы өміріңіз ғой?
Ұ.: Иә. Рухани жолдың бір жаман әсері бар. Көмек сұрағанның бетін қайтара алмайды. Көкірегінде Құдай ашылып тұрған адам мұқтажға көмектеспей тұра алмайды. Ал, қарапайым халыққа Құдай керек емес. Тәні ауырмаса болды. Құдайды бір пәлеге ұшырағанда еске алады, болмаса бір пәлеге ұшырамау үшін сыйынады да қалған уақытта өз шаруасымен жүре береді ғой. Қасиет қонған әулиелердің көбі жай адамдардың аяғы жетпейтін жерге кетіп қалатыны сондықтан. Көбісі тауға, үңгірге кетеді немесе шөлде жалғыз үй боп тұрады. Халық тыныштық бермейтін болғасын біздің Яссауи атамыз жердің астына түсіп кетті.
Мен ананың бір баласы үшін қиналғанын түсінемін. Бірақ бала жақсы түсті көрді ғой. Егер кемені көрсе Жерұйықтың азаматы болуы мүмкін. Әркім жазмышына жазылғанын көреді. Мен қанша құдыретті болсам да Мұрат Әджіні ажалдан алып қала алғаным жоқ. Жақын бауырымдай болып кеткен Жомарт ағаңды алып қала алғаным жоқ. Жомарттың өмірін 25 жылға ғана ұзарта алдым.
Жарайды мен ол баланы бақылауыма алайын. Ментал, астрал дүниесінде көмегімді көрсетейін.
Ш.: Бұдан кейін чатта көмек сұрағандар көбейіп кетпей ме?
Ұ.: Көбейіп кетеді. Не болса соны маған жабатын болады. Тіпті бастырылып қалса да мені кінәлі қылып, менен ақыл сұрайтындар шығады.
Канал оқырмандары көбейе бастағанда қайыршылар келді ғой: «шешем ауырып жатыр», «балам ауру», «көмек керек» деп суреттерін тықпалап, счеттарын жіберіп. Көмек болмағасын олар тоқтады.
Енді тәні ауыратындар шығып жатыр. «Балам кітабыңызды оқып еді, ауырып қалды» деп. Ол мүмкін емес! Ол – «таудың суын ішіп ауырып қалды» дегенмен бірдей өтірік. Таудың суын ішіп, ешкім ауырып көрген жоқ әлі. Адам лай суды ішсе ауыруы мүмкін.
Рухани жолдың жақсы жері де жаман жері де бар. Жазмыш менен күшті. Оған дайын болу керек.
Ш.: Қазір Сіздің атыңыздан «Ақ Сарбаздың рухымен» адамдарды емдеп жүргендер, Сандуғаш боп елге ізгі хабар таратып жүргендер көбейіп кеткен.
Ұ.: Туһ! Бишаралар білмейді ғой қалай жазаланатынын. Қиын жазаланады. Ақ Сарбазбен, Сандуғашпен ойнауға болмайды. Одан пайда табамын дегендер баласынан бастап зауалға ұшырайды.
Әрбір жалған Ақ Сарбаздың шыққаны біздің Ілімнің дамып бара жатқанын көрсетеді деп айтуға болады.
Ш.: Вивекананданың ерте қайтыс болғаны да сол адамдарды емдеймін деп пе?

Ұ.: Иә. Калкуттадан ол 3-4 мың шақырым жаяу жүріп қай жерге барса халық шұбырып оны іздеп барып тұратын. Ол тіпті Америкадан келген кезде оны кемеден күтіп алған Индияның Раджалары оның атарбасына өздері жегіліп, үйіне дейін арбаны жаяу сүйреп барған. Халықтың сондай құрметі мен бағалауына ие болды. Индияның ұзынқұлағы да біздікіне ұқсас. Ол қайда келсе де ел құлақтанып, емделіп қалуға асығатын. Тіпті қотырлар мен іші өтетіндер де келетін. Соның бәрі оның өмірлік қуатын сарқып, аяғында ол қырыққа жетпей қайтыс болды. Қазіргі менің ауруым оған да пайда болды. Ол қиын ауырды. Бірақ ұстазының үлгісін тұтынып, келген жанды қабылдамай қайтарған жоқ. Ол қолының ұшын тигізген адамдар емделіп кететін. Сөйтіп оның барлық қуатын халқы сорып алды.
Сен адамдарға айт: АТАНЫҢ ДЕНСАУЛЫҒЫ КҮШТІ ЕМЕС. ӨЗ-ӨЗІН САҚТАУҒА КІШКЕНЕ КҮШІ БАР. АЛ, СЕНДЕРДІҢ МӘСЕЛЕЛЕРІҢДІ ШЕШУГЕ ОНЫҢ КҮШІ ЖОҚ.
ОЛ ӨЗІНІҢ БАРЛЫҚ ҚАЛҒАН КҮШІН ЕЛ ТЫНЫШТЫҒЫН САҚТАУҒА, ЭВОЛЮЦИЯҒА ЖҰМСАЙДЫ.
Сендердің мәселелеріңді шешуге Атаның шамасы жоқ. Кітапты жақсылап үңіліп оқыңдар. Сол кітаптың ішінде көптеген ауруларға ем бар. Ұйықтағанда шошитын баласына шешесі «Ақ Сарбаз» кітабының аудиосын қойып жүріп шошуын қойғызды. Мұндай оқиғалар көп-ақ.
Ал, «кітаптың кесірінен зиян болды» дегенге келтіріп көмек сұрау – жала. Кітаптан ешкімге зиян болуы мүмкін емес! Бұл Ғарыштың ырғағымен жазылған Кітап. Зұлымдық жолындағы адамдар бұл кітапты қолына ұстамақ тұрғай, атын атасаң шыңғырады. Мен оны да көрдім.
Ш.: Жақсы, Аға, айып етпеңіз, мазалағаныма!
Ұ.: Ештеңе етпейді.

ҒАЛАМТОР
Ш.: Интернет – ақпарат тарату мен керектіні біліп алу үшін бір жағынан жақсы. Екінші жағынан адамдарды шырмап тастайтын тор секілді ғой.
Ұ.: Иә, ғаламтор. Одан әркім өзіне керектіні алады. Боқ іздеген боқты, білім іздеген білімді алады. Базар сияқты.
Ш.: Ғаламторға бір керегін іздеп кіріп, басқа нәрсені көріп алданып, екі-үш сағат уақыты қалай кетіп қалғанын білмейді адам.
Ұ.: Оның адамды тартатын өте қызық жасырын әдістері бар. Қалай ұрлық жасау, есіктерді ашу, қалай ұрып жығу, порнография бәрі тұр.
Ш.: Адам ғаламтордың жаман ықпалына кетіп қалмауы үшін не істеуі керек?
Ұ.: Ғаламтор ауруынан емделудің нағыз емі ол – кітап. Кітап оқуға қайтып оралу керек. Кітаптың бір қасиеті бар. Ол адамды ойлануға, оқығанын анализ жасауға үйретеді. Соның арқасында адам рухани дамиды. Ғылыми дамиды. Мықты ғалымдардың бәрі де бала кезінде кітапқұмар болған. Шиыршық бойымен сол деңгейге – кітапқұмарлыққа қайтып оралу керек. Кітапты оқып отырып, оны жауып қойып бірнеше сағат, кейде бір күн ойлануға болады. Ал, ғаламтор адамды ойландырмайды. Базардағы делдал саудагерлер секілді жан-жағыңнан өзінікін ұсынып жетектей жөнеледі.
Ш.: Қазір әркімнің жеке телефоны – өз әлемі бар. Кіретін әлемінен бөлек, керек десе өзі жасап алған әлемі бар. Адам Жаратушыға ұқсас тіршілік иесі болғандықтан Ғарыштың Еркін Ерік Заңымен өз Әлемін өзі сомдайды емес пе? Қайда бағыт алатынын да өзі шешеді. Өзіне ұнайтын, өз рухының даму деңгейіне сай ортаға еніп, сол жерде қала алады. Мұның өзі – кармалық дешифратор ғой, солай ма?
Ұ.: Иә. Кітап, ол – рухани тамақ. Ал, қазіргі ғаламтор ол – чипсы, кока-кола, сағыз секілді. Дәмі жақсы болса да рухқа күш бермейді. Сол себептен чипсы жейтін, кола ішетін балалардың көбісі ауру. Асқазаны, сүйектері ауырады, тістері жоқ.
Мен ғаламторға былтыр осы қазан айында сенің арқаңда қосылдым. Менің үйіме компьютер орнатып, планшет әкеліп мені халықпен байланыстырдың.
Ш.: Ғаламтор сіздің арқаңызда күшейіп кетпей ме?
Ұ.: Жоқ, мен оған көп көңіл бөлмеймін. Жаңалықтарды ғана қараймын. Украинадағы соғыстар, әлемде болып жатқан негізгі жаңалықтар туралы ақпараттарды зерттеймін. Қалғанына қызықпаймын. Ғаламторға қарасам, оның жариялағанының бәрі де мен білетін дүниелер.
Ш.: Аға, кітап демекші... Сіз бір сұхбатыңызда айтып едіңіз ғой болашақта Жерұйықтағы көштің адамдары «Ақ Сарбаз» кітабын матаға кестелеп жазып алғанын көрдім деп.
Ұ.: Иә.
Ш.: Сонда қағаз кітап әбден тозып таусылғаннан кейін матаға жазып алған болып тұр ма?
Ұ.: Иә. Ол жерде қағаз болмайды ғой. Қағаз шығару үшін ағаш қабығын алып, ұнтақтап, қайнатып, сүзіп, біріктіріп, ағартып, бірталай жұмыстану керек. Көшпенді елдің өйтіп отыратын уақыты жоқ. Ал, матаға қолмен ең керекті цитаталарды, ұрансөздерді жазып алуға болады. Қалған Ілім ол сөзбен таралады. Бұрын да қазақ жерінде ақпарат пен білім аңыз, жыр, терме түрінде таралды ғой. Сонда бір жақтан жолаушы келсе мал-жанның әуелгі амандығынан кейін: «қандай хабар бар?» деп сұрайтын.
Біз сол дәуірге спиралмен биік деңгейде қайта ораламыз. Жаңа дәуірде Білімнің көбісі Ментал Дүниесі арқылы оймен таралады. Адамдар ол кезде періште сияқты болады. Ғаламтор болмайды.

ЖАҢА ӨРКЕНИЕТ АДАМЫНЫҢ МҮМКІНДІГІ
Ш.: Мұса пайғамбар өзінің елімен 40 жыл құмда көшіп жүргенде оларға Құдай «Қасиетті сандық» (ковчег завета) дегенді берді ғой. Бұл – дамыған өркениеттің көмекке берген ядерный реакторы ма?
Ұ.: Иә. Ядерный емес, суық. Сутегі термореакторы. Оны біздің ғалымдар зерттеген. Сутегінің қуаттан басқа ешқандай радиациясы жоқ. Сол қуаттың арқасында оларға нан да берілді, су да берілді. Көшіп жүрген екі миллин халық пен үш-төрт миллион мал шөлдегенде бір шағын өзенді ішіп қояды. Шөл далада олар мұндай көмексіз өмір сүре алмайтын еді.
Ш.: Сонда оларға «адамзаттың жаңа өркениеті боп шығады» деп Ғарыш көмектескен бе?
Ұ.: Иә, көмектескен. Бірақ олар Эволюциядан тайып, алтын бұқаға сыйынып, сайтанның жолымен кетіп қалды. Оларды Құдай жазалады. Орнына келтіріп еді, қайтадан құбыжыққа сыйына бастады. Аяғында Тәңір оларды шөлден шығарып жіберді. Олар екі мың жыл түрлі ұлт ішінде қаңғып жүрді. Тек 1947 жылы ғана Біріккен Ұлттар Ұйымының шешімімен Израил мемлекеті құрылды. Сөйтіп сол жерде қазір Израилдың тұрғаны арабтарға өте қиын болды. Израилдың кесірінен арабтарға талай-талай сұмдық келді. Бұл – арабтардың да израилдың да пешенесіне жазылған жазу. Ал, қазақтарға ондай біреудің жеріне таласып керегі жоқ.
Ш.: Жерұйыққа баратын қазақтарға да сондай көмек көрсетілуі мүмкін бе?
Ұ.: Иә, ол мүмкін. Бірақ Мұсаның кезіндегі қауым – Төртінші Сатының адамдары еді. Ал, қазіргі Алтыншы Сатының адамдарына ондай техникалық көмектің керегі жоқ. Алтыншы Саты баласы өз қасиет көзімен сондай реакция жасауға өзінің де шамасы бар. Оны әлі ешкім зерттеген жоқ. Бірақ менің өмірлерімнен кішкене оқиғалар болды. Сванетиядағы қар мен бұршақ, анау Аша станциясында болған от қырғынын орыстың ғалымдары да, әлем ғалымдары да әлі түсінген жоқ.
Ап-ашық жерде атом қару-жарағына теңдес газ жарылысы қалай болды? Радиациясы жоқ соншама алапат күш қайдан келді? Желтоқсан қырғынына кінәлілермен кармалық жақындығы бар мың жарым адам тірілей жанып кетті. Новосибирскінің ОМОНы.
Бұл – ескерту. Тағы да бірдеңе ұйымдастыратын болса одан да қиын болады. Одан да сұмдық болады.
Енді мен жалғыз емеспін. Енді Сандуғаш бар. Оның күшін мен де әлі білмеймін. Ешкім де оны зерттеп көрген жоқ. Егер ол күшін көрсететін болса «зерттеушілердің» біреуі де тірі қалмайды. Солай.

ҚАЗАҚЫ АРМАН
Есім қоюдың өзі ұлттың менталитетін айқындай ма деймін. Орыста Сенім, Үміт, Махаббат (Вера, Надежда, Любовь) деген есім бар, Арман жоқ.
Қазақта Сенім деген есім жоқ. Есесіне Ерік, Жігер, Мақсат, Мұрат, Сабыр бар. Сол себепті біз өте шыдамды халықпыз!
Қазақта мәңгі бітпес Арман бар. Арманды есім қылған халық түбінде сол арманына қол жеткізбей қоймайды.

ЖЕРҰЙЫҚТАҒЫ КҮНТІЗБЕ
Ш.: Аға, Сізді физикалық денеде көрудің адамдарға рухани пайдасы бар ма?
Ұ.: Кармалық алажағы болмаса бұзып-жарып ешкім де келе алмайды. Кейбір қиналып келгендерге көмегімді көрсеттім. Тәні ауырып келген, жолын ашам деп келген, «туысыма көмек керек» деп келгеннің бәрі де жеке карманың шеңберінде жүргендер. Бұл – дұрыс емес. Бұл – қазақтың әдеті емес.
Шәкірттің жолы ол – қасиетті жол. Тәңірдің шешімімен Ұстаз бен шәкірт сөйтіп кездеседі. Ал, пойыздан түсе сала: «мен келдім!», «Сізді бір көріп, қолыңызды алып, қайта кетейін!» дейтін адам шәкірт емес. Олар бас пайдасын күйттеп жүрген адамдар.
Сөйтіп бұл жерде де ата-бабаның жолын, әдет-ғұрпын сақтау керек.
Ш.: Жайнагүл қызыңыз: «Жерұйықта күнтізбе санағы қалай болады екен?» деп сұрапты.
Ұ.: Күн санағы Жердегідей болады.
Ш.: Сонда Жермен бірдей 365 күн бе?
Ұ.: Жоқ, одан ұзақтау. Жерұйық – ол жердегі төртінші планета ғой. Біздің Жер – үшінші планета. Сол себепті Жерұйықтың Жұлдызды айналу шеңбері ұзындау болады. Содан кейін олардың сегіз айы бар. Сол сегіз айының туу-таусылу кезеңіне қарай күнтізбе болады.
Біздің ата-бабаларымыз бұрын аспандағы айға қарап: «бір ай өтті» деп есептеген. Қыстың түскенін, көктемнің туғанын жұлдыздарға қарап білген. Үркер туғанда қысқа дайын болған.
Ш.: «Үркерлі айдың бәрі қыс» деген мақал бар ғой.
Ұ.: Иә. Ол жерде де сондай күнтізбе болады. Бірақ оның тізбесі бізден бөлектеу болатын шығар. Барған халық сондағы нағыз үлкен айды, оның циклдарын өздері таңдап, календарь құрып алатын болады.
Ш.: Ол жақта уақыттың өтуі қалай болады? Жай өте ме, әлде тез өте ме?
Ұ.: Уақыт ол жерде тез өтеді. Оның өлшемі бізден биіктеу ғой. Ол – Алтыншы Сатының өркениеті болады. Бұл дегеніміз қабаттас дүниенің есігінен бір аяғыңмен аттап кіріп тұрғаның секілді болмақ. Онда төртінші өлшем – Астрал Дүниесі бізге өте жақын болады. Аруақтармен қатынас – көршілермен қарым-қатынас секілді өтпек. Бұл өркениеттің бір қасиеті осы.

ЭВОЛЮЦИЯ ЖОЛЫ
Ұ.: Нағыз қиын уақыт қазір келді. Исламнан бас тарту керектігін мемлекет те түсінді. Өзіміздің ұлттық дініміз бар екен. Жердүниедегі нағыз дамыған, барлық адамға жақын Ілім – Тәңіршілдік екен. Бір өзіне барлық діндерді бөліп-жармай сиғыза алатын ілім ол – Тәңіршілдік.
Маған көрсеткеннен кейін қазір не сұмдықтар болғалы тұрғанын білдім. Күшті қозғалыстың қарсыласы сөзсіз шығуы керек. Бұл – күтулі эффект. «Іштен шыққан жау жаман» деп қазақтар бекер айтпаған. Егер біздің ішімізден бір белсенді шығып: «Ақ Сарбаз Ілімін осылай насихаттаған тиімді!» деп менің нұсқауымсыз бұра тартатын болса, адамдар екіге бөлініп кетеді. Бұл Ілімді жеке бастың беделін байыту үшін пайдалану – адамды ешқандай рухани биікке көтермейді.
Қазір іздеген адамға интернетте Ақ Сарбаз туралы барлық ақпарат бар. Бейнесұхбаттар, аудиосұхбаттар бар. Керек адамдар кітаптарға қол жеткізді.
Ш.: Ақерке есімді қызыңыз: «Жалғызсырап, жаны қиналғанда адам Құдайын іздейді ме? Мен осы каналдағы видео, аудиоларды құлағыма құлаққапты киіп алып тыңдап жүремін күн ұзаққа. Ақ Сарбаз кітабын былай қойғанда осы жазбалардың өзі-ақ жанымды емдейді. Сол үшін де рахмет!» деп жазыпты.
Ұ.: Міне менің мақсатым осымен орындалды. Мен халықтың алдындағы ағартушы міндетімнен құтылдым. Енді Құрылысшы боп жұмыстануым керек. Қазір Құрылысшы боп жұмыс істеген қиын. Тұлабойымда түрлі ісіктер шығып жатыр. Себебі центрлерден империл шығуда. Шүйдедегі жаралар жазыла келді. Төбедегі жаралардың да көбісі жазылды. Бір-бір жарадан қалды. Олар да тартылып жатыр. Бұл – центрлердің ашылғанын білдіретін жақсы хабар. Енді одан не шығатынын күту керек.
Адамзатқа, өркениетке, Эволюцияға жақсылық шығады, сөзсіз. Қазақтың елінен дүниеге ешқашан да зиян келіп көрген жоқ. Оған қарсылас Қаратүнектер сөзсіз бірдеңе шығарады. Жала жабады, арандату әрекетін жасайды, қылмыс жасайды. Оған қазақ секілді шыдап, аруақтарға сеніп, күту керек. Менде қазір еш уайым жоқ. Егер Қаратүнектер қимылдамаса мен шошитын едім. Олардың қозғалғаны біздің Ілімнің дамып бара жатқанын көрсетеді. Біздің дамығанымыз Қаратүнектерге үлкен бір проблема. Демек, бәрі дұрыс! Эволюция жолымен бәрі де дұрыс боп жатыр. Солай, Жәнібек.

ҚОЗҒАЛЫС ЖӘНЕ ҚОЗҒАЛМАУ
Ш.: Астралда сіздің үйіңізге кіргісі келген Антихрист туралы жазып едіңіз ғой. Сол Антихрист әлі өлген жоқ, осы дүниеде жүр ғой, иә?
Ұ.: Иә. Ол өлген жоқ, керісінше күшейіп кетті. Күшейіп үлкен соғысты бастады. Украина соғысын бастаған да сол – Антихрист. Сириядағы қантөгісті жасаған, анау ДАИШ-ты жандандырған да сол Антихрист. Оның түпкі мақсаты Жердүниеде атом соғысын шығару.
Атом соғысы болса адамзат өледі. Адамзатпен қоса Алтыншы Саты өледі. Тірі қалғандары оған бағынады да қайтадан сайтанның дәуірі орнайды.
Оның білімі мен шеберлігі өте күшті. Қазіргі шығып жүрген жалған пайғамбарлар оның түкірігіне де татымайды.
Алайда ол қанша күшті болса да өзінің бұрынғы қожасы Люциферге жете алмайды. Ғарыш Құрылысшысы Люцифер қазір біздің жақтасымыз. Соның арқасында біз сақталып отырмыз.
Қозғалыстардың эпизодтары болып жатыр. Біздің қозғалыстың бастапқы кезінде бізге ешкім сенбеді. Мән де берген жоқ. Бұл біздің дамуымызға қолайлы кезең болды. Қазір көріп тұрмын. «Бізге ислам діні керек емес. Біз Өзбекстаннан үлгі алайық! Олар дамып бара жатыр!» деген ұрандар көтерілуде.
Қазір Жер бетінде қылмысы жоқ 3-4 мемлекет бар екен. Олар: Сингапур, Исландия, Норвегия. Соларға енді Өзбекстан қосылды. Ешқандай қылмысы жоқ. Қылмыскер топтардың бәрін де жаншып тастаған. Ислам Каримовтың кезінен бәрін де отырғызып, өлтіріп, ату жазасына кесіп, сөйтіп барлық беделді бандаларды жойып тастады. Оларға күш беріп отырған исламды да толықтай жаншып тастады. Сөйтіп олар қазір дамып бара жатыр. Енді 5-6 жылдан кейін Орта Азиядағы нағыз дамыған мемлекет Өзбекстан болады. Тіпті Түркиядан да асып кетеді. Себебі олар нашақор, арақшыл емес, тойшыл, шашпа емес. Ақшаның бағасын білетін адамдар. Олардың бар ұмтылысы – ұрлықсыз, адал еңбек етіп, баю.
Ал, қазіргі қазақ елі – бандиттердің елі боп кетті. Оларды тәрбиелеп шығарған – Нұрекең. Оның салдарынан біз әлі 10-20 жылдай құтылмаймыз. Ол ОПГ-лардың бәрі басынан бастап құрып бітпейінше зардабын тартамыз.
Бұл – Алтыншы Сатының енді соры деп те айтуға болады. «Шамның жарығы өзінің түбіне түспейді» деген бар. Жарқырап тұрған Алтыншы Саты балаларының айналасына Қаратүнектің ең қорқынышты құбыжықтары жиналады. Бұл – заңдылық. Жарық бар жерде қараңғылық көлеңке боп бірге еріп жүреді.
Ш.: «Ұлы да пасық та бір тамырдан өнеді» деген парадокс кітабыңызда бар ғой.
Ұ.: Рас. Ол – шындық. Оған шыдау керек. Жан-жағыңда өрмекшінің торы қалың кезінде тыпырламай тып-тыныш тұру керек. Сол кезде торға ілінбей тірі қалуға болады. Ал, қозғалыс бастасаң шырмалған үстіне шырмалып, сол жерде өлесің, шыға алмай. Қазақтардың әдеті осыған өте жақын. Біздің халық не керектігін түйсікпен сезеді.
Қиыншылық басталғанда түк те жасамау керек. Қозғалмай, қимылдамай күте білсең ол кезең – жаман оқиғалар өз-өзімен өтіп кетеді.

Ұ.: Иә. Мен де соны ойлаймын. Қазір халықтың халі нашар. Меніңше елдің қалтасын қағып бірдеңе шығаруды тоқтату керек. Конференцияны ұйымдастырушылар менің артымда аруақтар тұрғанын білмейді. Ал, аруақтар не болатынын 10 жыл бұрын біліп отырады. Әр қимылдан қандай сұмдықтар шығатынын көре алады. Солардың көмегі арқасында мен осы күнге дейін тірімін. Маған салған барлық тосқауылдардан өтіп шықтым. Үлкен конференциядан да өтіп шықтым. Құдай сақтады. Бір сұмдық болатын еді. Егер біреу сол жерде халі нашарлап ауруханаға түссе оны емханада өлтіретін еді. Одан кейін «сол жерде өлді» деген тергеу мен сот болады. Аяғында мені кінәлі қылып шығарады. Соның бәрі мені карма тұзағына түсіру үшін жасалатын айла.
Ш.: Сізді Ақсарбазтанушылар тобы кездесуге шақырып жатса, бара аласыз ба?
Ұ.: Жоқ. Қылмыскерлер мен жемқорлар бостандықта жүр әлі. Отыз жыл шыдадық қой, ештеңе емес. Тағы да бір 3-4 жыл шыдауға шама бар. Телефонмен сөйлесіп, не бір кішкене топпен сұхбаттасуға болады. Ал, үлкен топ боп жиналыс жасау қауіпті. Маған көрсетті. Ол жерде арандатушылар болады. Сіздер білмейсіздер. Ал, мен олардың әдіс-тәсілдерін жақсы білем. Жауға нағыз қарсы болу дегеніміз – оларға қолайлы жағдайды туғызбау. Бітті сонымен.
Халыққа айт: тып-тыныш отырсын. Интернет бар, телефон бар. Сөйлесіп, барлық ақпаратты алып отыруға болады. Ал, жиналыс, басқосулар біздің тобымызға кірген арандатушыларға қолайлы. Олардың ниеті жақсы боп көрінгенімен, пікірлері өте нашар болуы мүмкін. Солай.

КЕЗДЕСУ
Ш.: «Қазақ халқын Тәңір жарылқасын, Аруақтар қолдасын, Ақ Сарбаз болсын жолдасың, Ұмай ана оңдасын, Жерсу батыр тіл көзден сақтасын....Өмін....» деп бір оқырман чатқа бата-тілегін тастап кетіпті.
Ақ Сарбазды жолдас қылу деген қалай кетті өзі? Гиперкеңістіктің тіршілік иесіне жолдас бола алатын адам бар ма екен сірә?
Ұ.: Гиперкеңістікте өмір сүретін Жетінші Дәрежелі Жетінші Класты Ғарыш Құрылысшысын түсінетін теңдес Құрылысшылар деп, не Алтыншы Дәрежелі Алтыншы Класты, болмаса Алтыншы Дәрежелі Жетінші Класты Құрылысшыны алуға болады. Ал, қалғандары ақырындап ақыл айтып, ертектерін таратып отыра береді.
Бекжан тағы да бір жиналыс шығарып жатыр. Желтоқсанда жиналыс жасамақ. Елді жинап, екеумізді онлайн қатыстырып жиын өткізбек.
Оның Ақ Сарбаз Ілімін кеңінен таратпақ ізгі ниетін мен түсінемін. Бірақ басында ізгі көрінген істен түбінде үлкен сұмдық, басында жаман көрінген істен түбінде үлкен жақсылық шығуы мүмкін.
Мен ондай жиналысты жақтырмай жүрмін. Бұл – қайтадан кішкентай конференция. Маған аруақтар көрсетті. Сол жиналыста арандату болады. Қасымызда жүрген адамдар, әсіресе исламистер, салафиттердің күштері әлі жойылған жоқ. Олар каналдары жабылып, бұғып бой тасалағаны болмаса, ұмтылысы әлі аяқталған жоқ. Армандары – қазақ елінен бастап халифат құру.
Жиналыс жасап елді жиятын болсаң, ол жерге кімдер келетіні белгісіз. Біздің Ақ Сарбаз қозғалысына қазір нағыз қауіпті уақыт болып жатыр. Өз ішімізден бір сұмдық шығуы керек. Рухани топтардың ішінен дәл осындай уақыт келгенде Иуда шығады. Әбу-Лаһаб шықты исламда. Буддаға Девадатта деген оның туысқаны қарсылас боп шықты. Сондай-сондай адамдар болады. Олар шығып алып рухани қозғалыстарды ішінен ірітуге кіріседі. Ақыр аяғында Ілім әкелуші қуғынға түседі.
Исаны сөйтіп өлтірді. Мұхамбет әрең жанын сақтап Мәдинеге қашты. Девадатта Буддаға қарсы қозғалыс бастады. Сөйтіп сұмдық болған. Содан мен енді ойланып жүрмін.
Астанадан келетін біреуді маған тіркеп қойыпты. «Дайын болыңыз. Астанадан сізді көруге Пәленшекең келеді...»
Оның кім екені, қандай ниетпен келетіні белгісіз. Бәлкім жең ішіне пышақ жасырып келетін шығар?
Онлайн конференцияның қандай рухани пайдасы бар? Кейбір адамдар: «Атадан 1000 шқ алыс тұрсақ та, қасында жүргендейміз. Канал арқылы барлық ақпаратты алудамыз. Бізге Атамыздың шаршамай, ауырмай аман болғаны керек. Осы сұхбатқа қанағаттанамыз» деп жазып жатыр. Міне нағыз дұрысы.
16-желтоқсанда болатын жиналыс біздің мемлекет үшін секем алдыратын сан.
Ш.: Сексен алтыдағы желтоқсан оқиғасының өзі Түнекшілердің Ақ Сарбазды қосақ арасында құртып жіберу үшін ұйымдастырылған шара емес пе еді?
Ұ.: Рас. Сол кезде қолға түскен студент балалардың ашаң сары өңділерінен таңдап, 50 шақты баланы тергеуге алып кетті де қайтып әкелмегенін бәрі айтады. Түрмеде толып отырған қазақ жігіттерін орыстар келіп қарап шыққан. Сонда олар өңі маған ұқсас жігіттерді іздепті. Сол желтоқсан оқиғасы қайтадан оралғалы тұр.
Ш.: «Ақ Сарбаз Атамен кездесе алмасам, Жәнібек ағаның нөмірін беріңдер. Іздеп барып, кітап туралы сөйлескім келеді» деушілер бар көрінеді. Сол ұмтылушының өзі не каналда, не чатта жоқ адам.
Ұ.: Міне, нағыз арандатушылар осылар болуы мүмкін. «Қозғалысты тоқтатудың ең оңай әдісі – оның басын қағып тастау» деген бар.
Егер басын алып тастасаң, қандай күшті идея болса да қозғалыс өледі, сөзсіз. Кезінде Ленин мен Сталинді түрмеден өлтірмей жіберіп еді, одан қандай сұмдықтар шыққаны белгілі.
Ш.: Біздің ішімізде бұрын белсенді Ақсарбазтанушы болғандардың түгелге жуығы қазір көрінбей, үндемей қалды ғой.
Ұ.: Иә. Себебі қысымға түскен ғой бәрі де. Көпшілігі тұрмыс тауқыметін тартып, кредитке шырмалып басымен қайғы боп жүр.
Ш.: «Жерұйыққа жарайтын бір дүниеміз жоқ. Басымыз бірікпеді» деп байбалам салушылар да бар.

АҚЫРҒЫ ӨРКЕНИЕТ
Ұ.: Көпшілігі Жерұйыққа барсақ жарқыраған дүниеге күмп ете түсеміз деп ойлайды. Ол дұрыс емес. Жерұйыққа баратын адам барлық қиындықтан өткен, азапқа үйренген жан. Оған рухани дайын болу керек. Барып алып, бұл жерді еске алатын адам онда бармай ақ қойсын.
«Жерде жүргенде тағамның түр-түрін жейтін едік» деп тамсанатындардың керегі жоқ. Мұндағы тағамдар ол жерде жоқ. Мен анау екі кемпір туралы бекер жазған жоқпын. Қазір Жерұйықты аңсап жүргендердің түгелге жуығы сол екі кемпірдің аяғын құшуы әбден мүмкін.
Ш.: Жазушы Рахымжан Отарбаевтың жазған бір мысалы бар еді. «Бір топ үйрек ұшып бара жатыр дейді. Сұңқар кезігіп:
– Қайда барасыңдар? – деп сұрапты.
– Құрысын, мына көл сасып кетті. Таза, тұнық көл іздеп барамыз!
– Ай мына құйрықтарың аман болса, оны да сасытарсыңдар! – деген екен сұңқар сонда»
«Жер беті апатқа ұшырап, бұзылады» деген хабар шыққалы, тезірек тайып тұруға тырысып, жаңа жер іздей бастаудың өзі де осы мысалға ұқсас қой?
Ұ.: Бұндай әрекетті өте үлкен адамдар жасауға талпынуда. Жердүниеге билігі жүретін адамдар ақшасының құны кетіп жай қағаз боп қалатынын біледі. Енді олар қазақ боп кетуге, қазаққа айналуға кіріседі.
Еврейлер қазір бізге кіріп қазақша ән салып жатыр. Домбырада жақсы ойнайды. Қазақша мақалдап сөйлегенде таңқалдырады. Тіпті асаба боп жүр елімізде. Осы – қорқынышты. Бірақ олардың әулеті жоқ. «Жақсы адам» деп көрсететін әке-шешесі, ата-әжесі, туысқандары жоқ. Сол қиын боп жатыр оларға.
Олардың ендігі мақсаты не қулықпен, болмаса күшпен біздің ішімізге кіру. Осы ғұмырында әлем өмір сүруге жарамсыз боп қалатынын олар біледі. Адамзаттың таңдаулылары Гималайдағы Шамбалаға алынады. Миллиардерлердің көпшілігі қазір Жаңа Зеландиядан жер алып, тау етегінен жер асты үйлерін салып жатыр. Анау «Властелин колец» деген фильмді көрсең, тура сол Жаңа Зеландияның табиғаты. Суы да, өсімдігі де, тауы да көп. Зеландиялықтардың бәрі де қой бағады. Жүн өндірумен айналысады. Зеландия мемлекеті енді ол аймақта жерді сатуға тиым салды. Миллиардерлер ол жерді «апатқа ұшырамайды» деп біледі. Қарапайым халық болса маңдайға жазғанын көруге бекініп отыр. Ажал келсе қайда тығылсаң да құтыла алмайсың ғой.
Кез-келген жаңа өркениет келген кезде үлкен апат болады. Мен ол құпияны ашып бердім. Ал, ақырғы өркениет келген кезде апаттың апаты болады. Бұрын-соңды жер тарихында болған апаттың бәрі – су, от, жер сілкінісі, алапат жел – соның бәрі де бір нүктеге жиналып, бір мезгілде айналып соғады.
Таңбалы адамдар тірі қалады. Жерұйыққа, Шамбалаға алып кетеді...
Ш.: Сонда «ақырғы өркениет» дегеніміз – мынау физикалық дүниедегі дамуды аяқтайтын соңғы Алтыншы Саты өркениеті ғой, иә?
Ұ.: Иә. Қандай қиын болса да, бірақ ол – Эволюция. Одан бәрі де өтеді. Қазір дамып кеткен қабаттас дүниедегі өркениеттердің бәрі де осындай жолдан өткен. Нағыз дамығандары енді Гиперкеңістікке кетіп жатыр.
Ол – бітпейтін жол. Гиперкеңістіктің артында Күмбірлеген Дүние бар. Оның артында Таза Идея дүниесі бар. Бұл – ешқашан да бітпейтін жол. Рухани дамыған адамға бұл жол ешқашан да аяқталмайды. Өлім жоқ. Өзгеріс қана бар. Ол – өмірдің өзгерісі.
Сөйтіп мынау өркениеттің жойылғаны – біздің ғаламшарымыз үшін өте пайдалы болады.
Мен ешкімге: «о дүниеге барып рахат көресіңдер» деп айтпаймын. Шындық ол – қиын өмір. Бірақ оның жолы – Эволюция жолы. Бітпейтін жол. Олай жүргісі келмейтіндер төменге түседі. Хайуанаттарға, өсімдіктерге айналса да бәрібір эволюция жолымен жүруге мәжбүр болады. Одан өз еркімен ешкім де шыға алмайды.
Ш.: Діндерде айтылған келісім-шарттың уақыты бітті ғой?
Ұ.: Бітті...

Қазір енді заман өзгеріп Ақ Сарбаз Ұстазды бағалаушылар, көргісі келетіндер көбейді. Кейбіреулері: «Алматыға келдім. Енді Ұстаздың адресін айта ғой» деп звандайтыны бар. Ұстаздың есігін екі мың шақырым жердегі мен күзетіп отырғандай: «сенсіз де тауып барамын!» деп сес көрсететіндері де кездесіп қалады. Осындайда: «Аниса апамыз баяғы бабында боп, осы каналды басқарып отырса не болар екен? Бәрін зынданға тығып, чатта Ата екеуі ғана қалатын шығар?!» деп ойлап қоям.

ТЕЛЕФОН
Ақ Сарбаз Ілімін айтып, іштегі білігіммен бөлісер адам таппай аласұрып жүрген шағым еді. Бір күні фейсбукте Алматылық бір жігітпен таныстым. Ол Ақ Сарбаздың алғашқы шыққан брошюрасын оқыған екен. Ақ Сарбазды «Ұстаз» деп атағаны жаныма майдай жақты. Оған Ұстаздың кітабы қазақ тілінде толықтырылып екінші мәрте басылып шыққанын баяндадым. Келесі жылы Алматыға барғанда хабарластық. Курс алып ауруханада жатыр екен. Бекжан екеуміз Ақ Сарбаз кітабын апарып сыйладық та біраз уақыт әңгіме-дүкен құрдық. Өзі Семейдің найманы екен. Сөз арасында маған: «Ұстазбен кездессем деп едім. Адрес, телефонын бересің бе?» деп айтып қалды.
Ешкімнің тауын қайтарып үйренбеген басым, сасайын дедім. Біріншіден Ұстаз өзіне рұқсатсыз біреуді апарғанды, адрес, телефонды жария еткенді қаламайды. Екіншіден мен ол адамнан Ұстазға пайда не зиян келетінін білмеймін. Әрең тапқан әріптесімнен айырылып қалудан да тартынамын. «Көрерміз» деп құтылдым. Артынан телефонмен сөйлескен сайын әлгі жігіт Ұстаздың нөмірін сұрай берді. Осы кезде ойыма бір ақыл сап ете түсті.
Ақ Сарбаз Абылай ұрпақтарының ішінде наймандарға төре еді. Ата-бабаларынан келе жатқан найман руы мен төрелер арасындағы кармалық байланыс Ұстазға найман руынан шыққан жандарды міндетті түрде алып келетінін білдім. Жомарт аға мен Аниса апайдың екеуі де найман. Ер мінезді, бетің бар жүзің бар демей тік айтатын апамыз Ақ Сарбаздың қасына келсе жалын күжірейткен адуынды арыстандай көрінетін. Ұстазды жан біткеннен қорып, ешкімді жақындатқысы келмейтін. Олар Ұстазға жан-тәнімен берілген шәкірттер еді.
Ұстаздың «Ақ Сарбаз» кітабы үшінші мәрте толықтырылып, қайта жазылып шыққан кезде Жомарт аға қолжазбаны түгелдей компьютерге өзі теріп шықты. Аниса апа өзіне бағынышты физик мұғалімдерді жинап Ұстазбен бірлесіп қазақ тіліне аударды. Өйткені бұрынғы бес ғұмырында орыс тілінде сөйлеп, жазып әдеттенген, осы ғұмырында да орыс мектебінде оқығандықтан Ұстаздың жазбалары орысша жазылған болатын.
Енді кітапты баспаға беруге рұқсат сұраған кезде Ұстаз:
– Тоқтай тұрыңдар, Жәнібекке тексертейік! – депті. Міне осы сөз ағамыз бен апамызға ұнамай қалған. Эго деген жарықтық өсіп кетсе жаман ғой. Апамыз маған звандап: «Аударманы сен тексерсін деп жатыр! Бірақ сен бір әрпін де өзгертуші болма! Өзіңе ұнамаған сөздің астын сызып қой. Біз өзіміз өзгертеміз!» – деп ултиматум қойды.
Оқып қарасам Ұстаздың түпнұсқадағы баяндау шеберлігі, сарказмы, қысқа-нұсқалығы адыра қалған. Кейбір жері тіпті түсініксіз. Менің де тік айтатыным бар қасқамын ғой:
– Бұл болмайды. Кітапты түгел редакциялау керек. Сосын сіздерге жіберемін! – дедім.
– Онда оны оқымаймыз!
Осымен әңгіме жабылды. Содан кейін қанша звандасам да ағам да апам да телефон көтермей қойды.
Енді көзіне түссем апамның оңдырмайтынын біліп қорқып жүрдім.
Осы жолы Ұстаздың телефонын сұраған әлгі бауырыма Жомарт ағайдың нөмірін бермек болдым.
«Телефонды менен алғаныңды айтпа. Ол кісілер мені онша жақсы көрмейді. Әуелі олардың Ұстазға сіңірген еңбегін, шын берілген шәкірт екенін айтып әбден мақтап ал. Содан кейін ғана кездестіруді өтініп көр» деп ақыл айттым.
Бірнеше күннен кейін әлгі бауырым звандады. Дауысы бір қатерден әрең құтылған адамның үніндей құмығып шығады.
– Анау Аниса дегеніңіз шайпау әйел екен ғой!
– Не болды?
– Жомарт ағаға звандап едім, апай алды. «Не керегін маған айт!» – деді. Ақ Сарбаз туралы айта бастап едім, сөзімді шорт үзіп: «ол кісі ешкіммен кездеспейді!» – деді де телефонды жапты. Содан бірнеше сағаттан кейін тағы звандап көрдім. Бұл жолы ағай алды. Дауысы сабырлы жақсы адам екен. Сіз айтқандай мақтап, тым жақсы әңгімелесіп жатыр едік, бір мезгілде апай келіп қалды. Маған не керегін қалай сезгенін қайдам, телефонды жұлып алып: «мен саған Ақ Сарбаз ешкіммен кездеспейді дедім ғой!» – деп ақырып жібергенде төбе-құйқам шымырлап кетті. Құдай сақтасын!
– Ренжіме бауырым, өзіңнің апаң ғой – деп мұртымнан күліп, жұбатқан боп жатырмын. Содан бері әлгі бауырым Ұстаздың телефоны туралы жақ ашпайтын болды.

ЖЕРҰЙЫҚҚА НЕ ҮШІН БАРҒЫҢЫЗ КЕЛЕДІ?
Ш.: Аға, «әркім өзін кішкентай пайғамбар санайды» деп Сіз айтпақшы, біздің каналда небір көріпкел, бақсы, балгер, әулие, маман-ұстаздар қаптап жүргені рас. Кейбіреуінің өзі туралы аккаунтқа айқайлатып қойған атағынан ат үркетіндей. Олар жай жүрмейді, чатқа кіруге сұранады. Аккаунтына «7 поток, Продвинутый» деп жазып қойған адам біз сияқты қарапайым жандардың тобынан не тапқалы жүр? деп таң қаламын. Жетінші ағында отырған, ілгерілеп кеткен кісіге онсыз да бәрі белгілі емес пе? «Алла жар болсын!», «Аллаға шүкір!» деп жазып алғандар да осында енуге құштар.
Ұ.: Алланың атын алғандар Алласына барсын!
Ш.: Күйеуі қайтыс болған, балалары аяқтанып бөлек кеткен жалғыз басты әйел Жерұйыққа бара ала ма? деген сұрақ бар екен. Осы туралы менің ойым бар.
Адам жасы жерортадан асқаннан кейін оның танитын жақын-жуығы мына дүниеден гөрі о дүниеде көп болады. Солай ғой?
Ұ.: Иә.
Ш.: Ал, енді қимас жандары қайтыс болған, туыстары өз кармасымен бөлек кеткен адам жалғыз өзі Жерұйыққа барса, жалғызсырамай ма? деп ойлаймын. Өйткені Жерұйықтың о дүниесі Жерден бөлек. Жердің астралындағы аруақтар онда жоқ қой.
Ұ.: Жоқ. Ондағы аруақтар 1992 жылдың 16 сәуірінде кемемен апарылған адамдар ғана. Жерұйықтың астрал, ментал дүниесінде өмір сүріп жатыр. Олар физикалық дүние адамдарын күтіп жүр. Мына топырақ дүниеден адамдар келген соң олар Құбылу Заңымен дамуды жалғастыру үшін біздің баламыз боп дүниеге келе алады.
Жерұйықтың астрал дүниесінде Жердегідей 30-40 млрд аруақтар жоқ.
Ш.: Соны айтам. Мысалға менің әке-шешем, жақсы көретін аға-әпкелерім, сыйласып араласқан қарттарымның бәрі мына жақта қайтыс болды. Егер мен Жерұйыққа баратын болсам, қимас жандарымды өлсем де көре алмаймын.
Ұ.: Рас.
Ш.: Сонда қимасының (кармасы үйлесетін адамдардың) бәрін Жерде қалдырып Жерұйыққа бару – қарапайым қазаққа қиын болмай ма? дегенім ғой. Жалғыздыққа үйренген адам болса ештеңе емес...
Ұ.: Иә. жалғыздыққа үйренген ол – Ғарыштың Құрылысшылары. Олар эволюция жолында талай азап шегіп, Жердүниеде әбден қиналып барып жалғыздықты меңгерді. Жалғыздыққа шыдайтын шамаға жетті.
Егер жаман ісі, жаман жолы болмаса карма қарыздарынан сөйтіп мен сияқты босанады. Мен ақырғы қарыздарымнан 2010 жылы құтылдым. Бауырыма үйімнің жарты ақшасы 180 мың долларды қалдырдым. 1974 жылдан бастап 36 жыл қамқорладым. Менің ондағы жағдайымды өзің көрдің ғой. Өзім аш жүрсем де солардың светі мен газын төлеп отырдым. Өте үлкен қарыздан құтылу үшін өміріңнің талай жылын сарп етесің. Сөйтіп мен әулет кармасынан 68 жасымда құтылдым.
Жерұйыққа құр әуестікпен, болмаса комфорт іздеп баруға болмайды. Жерұйықтағы өмірі алғашқы жылдарда өте қиын болады. Оған үйрену керек. Содан кейін оның салмағына үйрену керек. Планетаның салмағы біздің Жерден ауырлау ғой. Оның ауасына үйрену керек. Тамақтарына, шөптеріне.
Талай-талай қиын сынақтардан өтеді олар. Содан кейін барып дами бастайды...

ЖАҢА ӨРКЕНИЕТТІҢ КІТАБЫ
Ш.: Аға, енді қараңызшы. Ертең кеме келіп, адамдарды карантинге алып 2-3 ай тұратын болса айналада айқай-шу, ұрыс-керіс басталып кетпей ме? Небір көкдолы әйелдер бар ғой: «маған болмаса, саған да болмасын!» дейтін.
Ұ.: Жоқ. Ондай оқиға үшінші, төртінші сатыда болуы мүмкін еді. Біз енді Алтыншы Сатыдамыз. Сонда барлық ментал, астрал дүниесі – ол Алтыншы Саты балаларының дүниесі. Ол жыл сайын көбейіп өсіп жатыр. Ал, арам ойлы, ұсақ пиғылды адамдардың астрал, ментал дүниесі жыл сайын төмендеп жұтыла береді. Сөйтіп ақырында ешкімге әсер ете алмайтын титтей жұқа дүние боп қалады. Үлкен өзгеріс болмағанша оның бәрін жойып тастау мүмкін емес. Бірақ олардың қоғамдық санаға әсер етер шамасы болмайды. Олардың күштері де жоқ.
Қазір өңкей фашистердің, исламистердің күштері қалмады. Бұрынғыдай қантөгіс шығаруға, елді ертіп кетуге қауқары жоқ. Олардың уақыты өтіп кетті. Өркениеті келмеске кетіп бара жатыр. Ақырындап қоштасып оларды шығарып жіберу керек. Өз өмірлерін сүріп, өз өлімімен тып-тыныш өлуі керек. Барлық талап осы.
Ш.: Сіз ғаламтордан видеосын көрдім деген шал – өзін «Бақиятолла Махди» деп жариялаушы адам бірнеше жыл бұрын фейсбукке «Ақ Сарбаз» деген парақша ашып өзін: «мен Ақ Сарбаз – Маһдимін» деп жариялаған еді. Соңғы уақытта видеоларын жиілетіпті. Бірақ оны қолдайтын көп халық көрмедім.
Ұ.: Оның сөзінде ешқандай күші жоқ қой. Мен әкелген Ілімде жаңа цивилизацияның мағынасы толық ашылған. Графиктері, схемалары, таблицалары, түсініктемелері бар. Цивилизацияның барлық құрамы жазылған. Нағыз үлкен ғалымдардың миы оны қорытуға, түсінуге жетпей жатыр әлі.
Ал, мынау шал жай сиқыршы, көзбояушы. Ондайлар бола береді. Бұл жаңалық емес. Әрбір шыққан пайғамбардың, миссия атқарушының өз бағдарламасы болуы керек. Саяси ортада сондай ғой. Егер біреу: «мен сүйтемін-бүйтемін» деп шығар болса, біріншіден бағдарламасын көрсетуі керек. Бағдарламасы жоқ болса, ол жай былжырама. Большевиктердің 99 пайызы осындай болды.
Қазіргілердің мақсаты оншақты, жүз шақты жалған пайғамбарларды шығару. «Солай істесек, Ақ Сарбаз көрінбей, назардан тыс қалады» деп ойлайды. Бұл – өте ескі тәсіл. Бұл төртінші, бесінші баспалдақта тиімді болған шығар. Ал, қазір өтпейді. Қазіргі халық интернет арқылы барлық ақпаратты алуға шамасы бар. Бұрын газетпен тарайтын. Листовка тарататын. Қазір интернет арқылы кез-келген жерге кіріп, бәрін көріп алуға болады.
Жалған пайғамбарлардың сөздері сұлу, тілдері шешен, білімдері ұшан-теңіз сияқты көрінгенімен арғы көкейі нені көксеп тұратыны сезілмей қалмайды. Программасы өте күшті, Алтыншы Саты өркениетінен де асып түсетін жердүниеде ешқандай күш жоқ.
Қазіргі ең күшті білім – Алтыншы Саты өркениетінің мен жазған кітабы. Егер жаңа шыққан пайғамбар өз кітабын шығарып, жаңа білімді паш етіп жатса, қарсылығым жоқ. Көрсетсін. Схемаларын, графиктерін көрсетсін. Егер олар көрсете алса, мен одан да биігін тауып берем. Бірақ олардың теорияларының болашағы жоқ. Олардың өлімі келе жатыр. Миллиардтаған ақшасы толып тұр. Алайда ол ақшаның өмірді ұзартуға ешқандай құны жоқ. «Құр өлгенше, қарекет қылып өлейік» деген далбаса тірлігі осындай жалған пайғамбарларды шығаруда.
Ал, анау шалға мен күлемін. Сонда тамам түнекшілердің жабылып маған қарсы дайындағаны осы шал ғана ма?
Жаудың қимылдай бастағаны идеяның күш алғанын көрсетеді. Мен оған қуанамын. Әлі талай-талай сұмдықтар шығады. Бірақ халық оларға сенбейді. Олар кереметін дәлелмен көрсетуі керек. Қазір сұлу сөзді сапырғанды ешкім де бағаламайды. Керек болса қазір әркім өзін кішкентай пайғамбар санайды.

ТӘУЕКЕЛ ҚАДАМ
Ш.: Қарап отырсам қазіргі адамдардың 99 пайызының сұрағы тәнін сақтауға арналған. АЭС туралы, екпе туралы, Жерұйықтағы көшпенді тірлік туралы мазасыз сұрақтың бәрінің астарында: «физикалық денеме зияны тимей ме екен?» деген пендешілік үрей ғана жатыр.
«Келесі ғұмырларым қалай болар екен? Ғарыш Мектебінде білімімді шыңдасам, Ғаламды жаратуды үйренсем, тәндік санадан Тәңірлік Санаға көтерілсем» деп талпынушылар аз.
Тіпті екі кемпірдің бүлігінің өзі тамақ үшін басталды ғой!? Жерде жүргенде тағамның түр-түрін таңдап жеп тәтті тамақ боп қалған кербездер, барлық жерде осылай өмір сүргісі келеді.
Ұ.: Иә.
Ш.: Үнді философиясында манвантара, пралая деген түсінік бар емес пе. Манвантара – Жиһанның пайда болып, дамуы болса, пралая – тіршіліктің тоқтап, Тәңірге қайтып оралуы. Енді манвантара бітіп, пралаяға ауысар уақыт жақындап келе жатыр ма?
Ұ.: Иә. Оған әлі бірақ миллиондаған жылдар өтуі керек. Қазір адамзат нағыз қиын кезеңге жетті. Бір жағынан қиын, екінші жағынан өте қуанышты.
Жаңа цивилизация келді. Адамзатқа жаңа цивилизацияға өтуге шама бар. Алтыншы Саты балаларының артынан еріп, айтқанын істеп, оларға көніп жаңа өркениетті құру керек. Интеллектуалды монстрға айналған Бесінші Сатының адамы Алтыншы Сатының сәбиінен тәлім-тәрбие, үлгі алуы керек. Осыған көнсе адамзат өркениеті сақталады. Әрі қуаныш, әрі қорқыныш бар дегенім сондықтан. Адамзатта болашақтан үміт бар. Егер болашақтан үміт болмаса өмір сүрудің қажеті қанша?
Алтыншы Сатының арқасында адамзат өлмейді. Адамзаттың болашағы биік. Сол балалардың бәрі де Ғарыш Мектебінде оқып, Ғарыш Құрылысшысы болып кетеді. Артынан Гиперкеңістікке көтеріледі.
Ш.: Сонда Жерұйыққа қабылдану дегеннің өзі біреуді туысқандығына, достығына, немесе тән сұлулығына бола алу емес, кармасы лайық адамды Ғарыш Шайқасында қираған орынды қалпына келтіру үшін, Ақ Сарбаз Әлемін жарату үшін таңдап алу ғой?
Ұ.: Иә.
Ш.: Бұл алынғандардың ішінен жаңа Люцифер шығатын болса, оның бүлдіргенін жөндеу үшін енді Сіз құрбандыққа барып, Исаның жолын қайталауыңызға тура келеді. Солай ма?
Ұ.: Әрине.
Ш.: Бұл жоспар Сіздің тікелей жауапкершілігіңізге жүктелетін үлкен тәуекел қадам ғой, иә?
Ұ.: Иә, солай. Қазір жердің өзгеріп жатқанына қуану керек. Бұның себебі Алтыншы Саты өркениетінің пайда болуынан осындай өзгеріс басталды. Қозғалыс тетігі іске қосылды. Енді оны тоқтата алмайсың.
Жер өзгереді. Ауа өзгереді. Судың сапасы өзгереді. Күннің сәулесі өзгереді. Сөйтіп оған адамдар көнуі керек. Қарғамай, таласпай, ұрыспай сабыр сақтай білуі керек.