O‘zbekiston "Yoshlik" JTSJ MK

📣 Maktablarda bosqichma-bosqich maktab sport klublari faoliyati yoʻlga qoʻyiladi

✅ Oʻzbekiston Respublikasi Prezidentining “Umumiy oʻrta taʼlim muassasalarida jismoniy tarbiya fani oʻqitilishini tubdan takomillashtirish hamda ushbu fan oʻqituvchilarining kasbiy faoliyatini rivojlantirish chora-tadbirlari toʻgʻrisida”gi qarori qabul qilindi. Unga koʻra:

2025-yil 1-martga qadar:

➖boshlangʻich, oʻrta va yuqori sinf oʻquvchilari yosh toifasi boʻyicha harakatli oʻyinlar, olimpiya va ommaviy sport turlariga ustuvorlik berish orqali sport turlari roʻyxati shakllantiriladi;

2025-2026-oʻquv yilidan boshlab:

➖ davlat taʼlim standartlari asosida 5-11-sinflar uchun jismoniy tarbiya fani oʻqituvchilari uchun oʻquv-metodik qoʻllanmalar ishlab chiqiladi;

➖ oʻquvchilarning boʻsh vaqtlarini mazmunli oʻtkazish maqsadida har bir maktabda bosqichma-bosqich maktab sport klublari faoliyati yoʻlga qoʻyiladi;

➖ har yili anʼanaviy tarzda maktab oʻquvchilari oʻrtasida sportning (quvnoq startlar) mini-futbol, voleybol, yengil atletika, shaxmat, shashka, stol tennisi, stritbol, vorkout turlari boʻyicha uch bosqichli “Besh tashabbus olimpiadasi” sport musobaqalari tashkil etiladi;

2025-yil 1-iyunga qadar:

➖ maktab oʻquvchilarining sport musobaqalaridagi ishtiroki, maktab sport klublarining faoliyati, oʻquvchilarni sportga qamrab olinganlik darajasi yuzasidan reyting tizimi ishlab chiqiladi;

➖ reyting natijalari asosida eng yaxshi natijaga erishgan maktablarning jismoniy tarbiya oʻqituvchilari Maktabgacha va maktab taʼlimi vazirligi hamda Sport vazirligining tarmoq mukofotlari bilan taqdirlanadi;

2025-yil 1-mayga qadar:

➖ maktab sport klublari aʼzolari uchun Zomin tumani “Lochin” dam olish maskanida oʻquvchilarni sport musobaqalariga tayyorlash bazasi tashkil etiladi;

2025-yil 1-iyulga qadar:

➖ jismoniy tarbiya fani oʻqituvchilari uchun bilim darajasi va kasbiy mahoratini aniqlash boʻyicha milliy baholash tizimi ishlab chiqiladi va amaliyotga joriy etiladi;

Shuningdek, ushbu qarorga muvofiq:

➖ jismoniy tarbiya fani oʻqituvchilariga toifa berishning (2 bosqichli) yangi tartibi ishlab chiqiladi va birinchi bosqich (test jarayonlari) Maktabgacha va maktab taʼlimi vazirligi tomonidan, ikkinchi bosqich (amaliy imtihon) Sport vazirligi tomonidan tashkil etiladi;

➖ har oʻquv yili yakunida oʻquvchilarning sinflar boʻyicha jismoniy tayyorgarlik darajasini aniqlash tizimi yoʻlga qoʻyiladi;

➖ yuqori natijaga erishgan maktab sport klublari aʼzolari uchun davlat sport taʼlim muassasalarida nufuzli xalqaro sport musobaqalari gʻolib va sovrindorlari ishtirokida amaliy mahorat mashgʻulotlari tashkil etiladi;

➖ eng yaxshi natijaga erishgan maktab sport klubi aʼzolari uchun Bahodir Jalolov sport mahorati maktabi, Oksana Chusovitina nomidagi gimnastikaga ixtisoslashtirilgan sport maktabi va yurtimizdagi mashhur sport obeʼektlarida mahorat mashgʻulotlari tashkil etiladi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

Kecha badiiy gimnastika bo‘yicha “Maktabgacha va maktab ta’limi kubogi” g‘oliblarini taqdirladik.

Musobaqa 1-4-sinf o‘quvchilari bo‘lgan qizlar orasida o‘tkazildi. Tafsilotlar vazirlik sahifasida berilgan.

Taqdirlash marosimidan keyin g‘oliblar yutuqlarini nishonladi. G‘olib bo‘la olmagan qizaloqlarni esa ovutish oson kechmadi. Qani endi hamma g‘olib bo’lsa, hech kim yutqazmasa.

Rasmdagi qizaloqning ismi Sevara. U Nukus shahridan kelgan, hali 7 yoshda. Afsuski, Sevaraga bu safar omad kulib boqmadi.

Hayot ham shunday, doim ham g‘olib bo‘lish imkonsiz. G‘alabaga erishish oson emas, yo‘lda to‘siqlar, mag‘lubiyatlardan o‘tiladi. Mana shunda g‘alaba yanada shirin, qadrli bo‘ladi. Sevara, bu oxirgi mag‘lubiyating bo‘lsin, kelasi safar seni shohsupada ko‘rish nasib qilsin.

#yakshanbadagifikrlardan

@hilola_umarova

#Vazir_kubogi
#badiiy_gimnastika

✅ Bugun poytaxtimizdagi Gimnastika boʻyicha respublika ixtisoslashtirilgan olimpiya zaxiralari bolalar-oʻsmirlar sport maktabida oʻquvchi-yoshlar oʻrtasida sportning badiiy gimnastika turi boʻyicha “Maktabgacha va maktab taʼlimi vaziri kubogi” respublika musobaqasi gʻoliblarini taqdirlash marosimi boʻlib oʻtdi.

📍 Unda Maktabgacha va maktab taʼlimi vaziri Hilola Umarova, vazirlik masʼullari, tegishli tashkilot va keng jamoatchilik vakillari qatnashdi.

Musobaqada umumtaʼlim maktablarining 1-4-sinf oʻquvchi-qizlari maktab, tuman (shahar), hududiy (Qoraqalpogʻiston Respublikasi, viloyatlar va Toshkent shahri) hamda respublika bosqichlari boʻyicha oʻzaro kuch sinashishdi.

➖ Musobaqaning tuman (shahar) bosqichi 7-10-oktabr kunlari, hududiy bosqichi 21-25-oktabr kunlari tashkil etildi.

Bugun boʻlib oʻtgan musobaqaning Respublika bosqichi yakuniy natijalariga koʻra, jamoaviy bahslar boʻyicha:

🥇 1-oʻrin — Toshkent shahar jamoasi;
🥈2-oʻrin — Jizzax viloyati jamoasi;
🥉3-oʻrin — Sirdaryo viloyati jamoasi g’oliblikni qo’lga kiritdi.

Yakka ishtirokchilar yoʻnalishi boʻyicha:

2016-yil tug’ilgan o’quvchilar o’rtasida:

🥇1-oʻrin — Xadicha Asadullayeva (Toshkent shahri);
🥈2-oʻrin — Kamila Qilichova (Buxoro viloyati);
🥉3-oʻrin — Esmira Abilkirimova (Samarqand viloyati)ga;

2017-yilda tug’ilgan o’quvchilar o’rtasida:

🥇1-oʻrin — Samira Xolmurodova (Toshkent shahri);
🥈2-oʻrin — Samira Nosirjonova (Namangan viloyati);
🥉3-oʻrin — Samira Jurayeva (Buxoro viloyati)ga nasib qildi.

Musobaqa gʻoliblari Vazir kubogi, maxsus Diplom hamda qimmatbaho sovgʻalar bilan taqdirlandi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Vazir_kubogi
#fotoreportaj

🔴 Ayni vaqtda sportning badiiy gimnastika turi boʻyicha “Maktabgacha va maktab taʼlimi vaziri kubogi” respublika musobaqasi boʻlib oʻtmoqda.

📍 Musobaqada umumtaʼlim maktablarining 1-4-sinf oʻquvchi-qizlari jamoaviy va yakka tartibda ishtirok etmoqda.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

🔹BADIIY GIMNASTIKA BO‘YICHA "MAKTABGACHA VA MAKTAB TA'LIMI VAZIRI KUBOGI" UCHUN MUSOBAQASINING VILOYAT BOSQICHI G‘OLIBLARI ANIQLANDI.

Sportning badiiy gimnastika turi bo‘yicha "Maktabgacha va maktab ta’limi vaziri kubogi" uchun sport musobaqasining viloyat bosqichi o‘tkazildi.

Unda musobaqaning tuman (shahar) bosqichlarida g‘oliblikni qo‘lga kiritgan 1-4-sinf o‘quvchi-qizlaridan iborat jamoalar qatnashdi.

Guruh mashqlari va shaxsiy dastur bo‘yicha o‘tkazilgan musobaqa yakuniga ko‘ra Samarqand shahridagi 55-umumiy o‘rta ta'lim maktabi jamoasi 1-o‘rinni egallab, musobaqaning Respublika (final) bosqichiga ishtirok etish yo‘llanmasini qo‘lga kiritdi.

Musobaqa g‘olib va sovrindorlari viloyat Maktabgacha va maktab ta’limi boshqarmasi tomonidan I-, II-, III-darajali diplom hamda “Yoshlik” jismoniy tarbiya va sport jamiyati viloyat mintaqaviy bo‘limi tomonidan medal va esdalik sovg‘alari bilan taqdirlandilar.

✅@Samarqand_viloyati_Yoshlik_JTSJ

📣Sportning badiiy gimnastika turi bo‘yicha ''Maktabgacha va maktab ta'limi vaziri kubogi'' musobaqasining viloyat bosqichi o‘tkazildi.

⚡️Jizzax viloyatida umumiy o‘rta ta’lim maktablari o‘quvchilari o‘rtasida sportning badiiy gimnastika turi bo‘yicha “Maktabgacha va maktab ta’limi vaziri kubogi” sport musobaqasining viloyat bosqichi tashkil etildi.

✅Ushbu musobaqada umumiy o‘rta ta’lim maktablarida tahsil olayotgan 2014-2017 yillarda tug‘ilgan, 1-4-sinf o‘quvchi qizlar o‘z yosh toifalari bo‘yicha ishtirok etishdi.

🏆Musobaqa yakuni bo‘yicha g’oliblar aniqlandi va munosib taqdirlandi.

✅O‘zbekiston "Yoshlik" JTSJ Markaziy kengashi matbuot xizmati

Telegram | Instagram |Facebook | Youtube

📣 🔤🔤🔤🔤🔤🔤📣

“Maktabgacha va maktab ta'limi vaziri kubogi” musobaqasining respublika bosqichi o‘tkazilmoqda!

😊Maktabgacha va maktab ta’limi vazirligi tomonidan Sport vazirligi bilan hamkorlikda sportning gimnastika turi bo'yicha “Maktabgacha va maktab ta'limi vaziri kubogi” musobaqasiga start berilgan edi.

🔹Musobaqada Qoraqalpog'iston Respublikasi, viloyatlar va Toshkent shahridagi umumiy о'rtа ta'lim maktablarida tahsil olayotgan 2014-2017-yillarda tug'ilgan, 1-4-sinf o'quvchi-qizlarining belgilangan o'z yosh toifalari bo'yicha qatnashishlariga ruxsat etiladi.

Musobaqaning asosiy maqsadi:
✔️o'sib kelayotgan yosh avlod o'rtasida gimnastika sport turlаri ommaviyligini oshirish,
✔️yoshlar orasidan iqtidorli sportchilarni sагаlаb olish tizimini takomillashtirishdan iborat.

🎁G‘oliblar tashkilotchilar tomonidan maxsus diplom hamda esdalik sovg‘alar va kubok bilan taqdirlanadi.

🔉Aziz o‘quvchi-yoshlar!
Musobaqada faol ishtirok eting!

⭐Barchangizga omad yor bo'lsin!

Bizni kuzatishda davom eting va yaqinlaringizga ulashing!

✅O‘zbekiston "Yoshlik" JTSJ Markaziy kengashi matbuot xizmati

🕊Telegram | 📱Instagram |📱Facebook | 📺Youtube

📢Sport akrobatikasi bo‘yicha Nikolay Ivanovich Lakiza xotirasiga bag‘ishlangan "Osiyo yulduzlari" xalqaro turniri bo‘lib o‘tmoqda

◀️Bugun, Toshkent shahrida joylashgan O‘zbekiston gimnastika federatsiyasi sport majmuasida "Osiyo yulduzlari" xalqaro turniri ochilish marosimi o‘tkazildi.

➖Ushbu tadbirda O‘zbekiston "Yoshlik" jismoniy tarbiya va sport jamiyati Markaziy kengashi raisining birinchi o‘rinbosari Alimov Ahmadjon Raxmatovich ishtirok etib, mamlakatimizda jismoniy tarbiya va sportni ommalashtirish ijtimoiy siyosatning muhim yo‘nalishlaridan biri etib belgilanganligini, sport akrobatikasi o‘sib kelayotgan yosh avlodni kuchli, epchil va matonatli qilib tarbiyalashi haqida so‘z yuritib o‘tdi.

🗓Mazkur musobaqada O‘zbekiston "Yoshlik" jismoniy tarbiya va sport jamiyati Markaziy kengashida sport akrobatikasi bo‘yicha faoliyat yuritayotgan trener-o‘qituvchilari hamda shug‘ullanib kelayotgan o‘quvchi-yoshlar ishtirok etmoqda.

📎O‘zbekiston "Yoshlik" jismoniy tarbiya va sport jamiyati Markaziy kengashi jamoasi musobaqada ishtirok etayotgan yosh sportchilarga g‘olib va sovrindor bo‘lishlarida omad yor bo‘lishini tilaydi.

✅O‘zbekiston "Yoshlik" JTSJ Markaziy kengashi matbuot xizmati

🕊Telegram | 📱Instagram |📱Facebook | 📺Youtube