الشاعر يوسف الفتلاوي

بالسجن اكضي العمر وتسولف اسنيني
والفرض يسمع دعائي وعايش اونيني

ياغربتي........ياشدتي
*******************************
ظلمه السجن ياشيعتي وحچي الي بيه
لا الليل مرني ولا صبح مظلم عليه
زارتني امي لسجن شفت الزجيه
محنيه تمشي من الظلع أعظم رزيه

كالتلي .. يالكاظم
ليش الدمع ساجم
فوك الترب نايم

جرحك دمه تسيله
غطتني.... بالشيله
حضرتني ..هالليله

وانه من كثر الهضم الهج بسم فاطم
ربي انت الحاكم وشاهد عله الظالم
*******************************
بالسجن واني اتذكرت عماتي بالشام
ياوسفه تاليته الدهر خاين والايام
وتذكرت نار الخيم چوتهه اليتام
وبدمعتي كلشي شفت مزدحمه السهام

دنيا اشحصل بيها
شو ضدنه تاليها
دمعاتي ...اجريها

ما بطلت .. نوحي
ومعاتب اجروحي
حسين مذبوحي

انه من سجن السجن لاماشفت راحه
وانه بس ليل الهجر ذابحني مصباحه
*******************************
وناتي يسمعهه السجن لو اقره قران
والدمعه ما جفت ابد غارك باالاحزان
وياي حيطان السجن ونتهه قضبان
وتذكرت جدي وعلي ياويلي عطشان

شكد شهكة الريه
لو گطرة اميه
بشفافه لطميه

ياحسرة اوليده
فرفح على ايده
يلوي الحزن جيده

كلبك اشكبره يجدي وراجع اسم الله
گطع اكماطه ونشغ يا ويلي عبدالله
*******************************
أمبين ابروحي الهجر رحلة عذابي
والفركه تكبر بالهضم سجني ومصابي
والليل يعرف سجدتي جرحي وعتابي
صليت بالدمعه اختنك مغلوگه بابي

مشتاك... لحبابي
والديرة اصحابي
ماواصل اكتابي

بس غربتي وسعيي
بالنجوه كل طبعي
محد سأل ربعي

هايم بطول العمر وكت الغرب ادعي
للعباده اتفرغت...شاهد علي ودمعي
*******************************
آخر محطه من العمر احسب حياتي
طاموره خلصت السجن من ذكرياتي
والجرح متلهف وصل ذبح امنياتي
مسموم حسيت الغدر حانت وفاتي

عمري خلص حسره
بدموعي انتظره
سابع جرح زهره

فوك الترب حالي
بس ظلمه تبرالي
اشحال الفكد غالي

لو تصير اجنازتي من كربله تبدي
زوروها احسين جدي والعزه بلحدي
ياغربتي.........ياشدتي
*******************************
تمت بعون الله
خادمكم ......يوسف الفتلاوي

تابوتك... احزان
فارگت الاوطان
..........وبسجنك اتموت
بالسجده عنوان
●●●●●●●●●●●●●●●●●●●●●●
يالكاظم  اشلونه الهضم ماخذ حياتك
ترسمهه جدارن  السجن بس ذكرياتك
كل ونه  تجذب  فاطمه   من  نايباتك
تسجد فرض حد الفجر چانت صلاتك

عشت العمر ......گيد وصبر
موسى اشكثر وناتك
اتنوح السمه ......ساگك دمه
سجن الهضم لوعاتك

يتهدم   الحيل
وجروحك اليل
.......بالظلمه مسجون
وتعد الاشجان
●●●●●●●●●●●●●●●●●●●●●●
مذبوحه احلام العمر واحسب بالاحزان
مطروح  شفتك بالسجن ياوسفه  قرآن
يتحول وياك  السجن كل ساعه قضبان
ذليت هارون  اشكثر  كل سجده برهان

هذا السجن.....يحچي الحزن
تگضي العمر حسراتك
ماظل امل ....غربه الاهل
ثگل الحديد اهاتك

بگيودك اجروح
تتعذب   الروح
........بطاموره ظليت
بس ماكو خلان
●●●●●●●●●●●●●●●●●●●●●●
اشرح حياتك  بالسجن حرگه وهضايم
تمضي ابصلاتك  بالدمع مالحظه  نايم
خمسطعش عام الگضن بالسجن صايم
وتناجي   ربك بالفرض كل ساعه قائم

تحني الظهر.......من السهر
عمرك خلص بالونه
يابو الرضا.......ضاك الفضا
الشيعه تناشد عنه

تبچي المجرات
باب   السموات
........والسندي بالگيض
بحقاده نشيان
●●●●●●●●●●●●●●●●●●●●●●
اه ابجروحك بالسجن عشت الجريره
تبچي الفصول  الأربعه  والدنيا  حيره
يتبده صبرك  بس حزن ماكو  ابنظيره
كاظم الغيظ ابيا  وكت فوك الحصيره

وين الشمس........كلشي همس
طاموره خلص عمرك
ضاع الضوه.......خنگه الهوه
الله يساعد صبرك

كل  هاي الأعوام
مذبوحه الاحلام
..........عن الاهل وين
معدومه الازمان
●●●●●●●●●●●●●●●●●●●●●●
كل  أمنياتك   بالفرض   وتناجي  لله
اول  محطه  من الحزن  بيها المناداه
طامورة السندي اشبعد چانت اويلاه
وانت بسجن دمعك نزل اه ياحسيناه

دمعك همل.........عالخد نزل
عشت الطفوف اونينك
ياجد صحت.....شفته ومتت
كل   نايبات  اسنينك

بسجون السنين
كل ونه يحسين
..........تارك  علامات
بالخيمه نيران
●●●●●●●●●●●●●●●●●●●●●●
مذبوحه آمال  الفرج والجمعه  موتك
بانت   علامات  الهجر  لحظة  قنوتك
اتقيم العزه بختم العمر وناعي صوتك
يعرگ جبينك والوجه لحظة سكوتك

ختم العمر........سجن الهجر
عمرك گضه وساعاتك
ليلك تون..........هز السجن
چوه الگلب جمراتك

ودعت الاحباب
عينك   عالباب
........ياوحشة الدار
من دون الاحنان
●●●●●●●●●●●●●●●●●●●●●●
تمت بعون الله تعالى
خادمكم●●● يوسف الفتلاوي

يا مايله الدنيا وي زينب
******************************
ابجروح گلبي اتعذبت وبروحي حيره
والعايشه  اسهام الغرب  اختك اسيره
ردت   فزعت   كافلي   شيخ العشيره
تريد زينب  يخوتي    كل عنده غيره

يا مايله الدنيا وي زينب
*******************************
محنيه وآهات الهضم تشرحهه الأحزان
رجعت  يخوتي  كربله من  دون  خوان
يسبوني يردون الغرب والحسره عنوان
مهضومه  زينب  حشمت ياگمر  عدنان

يا مايله الدنيا وي زينب
*******************************
مهدوم حيلي بالهجر  والحسره  بيه
واهموم   گلبي اتزاحمت يوم المنيه
لسه  وبعدني بحيرتي  زينب  سبيه
والشام ماخذ  نحلتي تبچي الزچيه

يا مايله الدنيا وي زينب
*******************************
مرمرتني الدنيا خويه وشوف حالي
حال  الغريبه الحايره من دون والي
راحو احباب اشكثر من عندي غالي
احسين يجرحني الدمع طول الليالي

يا مايله الدنيا وي زينب
*******************************
ذبحتي  بالطف  عشتهه طول السنين
والمصيبه الحنت ظهري عمري خميس
زينب     انه    ويني   وين   الدواوين
ردت يم  حجر المنيه  يحضر احسين

یا مايله الدنيا وي زينب
*******************************
تمت بعون الله تعالى الشاعر_يوسف_الفتلاوي

يمتى يالمهدي تدك الثايه
للسبيه تعتني مشايه
*******
باچر المهدي يطوف اسوارها
يمحي الشام وأسر اخبارها
ترجع الحره عظيمه الدارها
جنة الله زينب اببنوارها

والوعد عنده نطاها احچايه
للسبيه تعتني مشايه
*******
بيدك اتقيم العزه ابواديها
ابراية الكافل تجي تعليها
وياك خدامك تره تواسيها
بيدك اتذل السبي وحاديها
وياك ابو فاضل يجي بالرايه
للسبيه تعتني مشايه
*******
يمتى يالمهدي تطيب آلامهه
بيدك اتحقق جميع احلامهه
اداوي ياجرح البقى من شامهه
تسحل ابحرگه الشمر گدامهه

صفعتك هيه علامه اكفايه
للسبيه تعتني مشايه
*******
يمك اضعون المشت بخبارها
والحزن ظل عايش ابفكارها
چنهه هم مثل الزجيه ابدارها
خيامهه تسعر جمر من نارها

كون يمهه سيدي عنايه
للسبيه تعتني مشايه
*******
تعتني مشايه وي زوارك
اتحضرت يالمهدي هاي انصارك
امخيم اعليك الحزن يم دارك
من النجف كاصد تجي بفقارك

وبظهورك هيه هاي الغايه
للسبيه تعتني مشايه
*******
تنتظر لسه يجيها الكافل
شوف يالمهدي الجرح متواصل
ظلت بحسره وسبيها الحاصل
نريد منك خبر ينزل عاجل

اتبشر الشيعه بظهورك هايه
للسبيه تعتني مشايه
*******
تمت بعون الله
#خادمكم...... يوسف الفتلاوي

امير النحل ياعلي|المبدع السيد علي الشهيلي #كلمات_يوسف_الفتلاوي العتبه ...
https://youtube.com/watch?v=JPrFH4O_W6s&si=UEuJk4K8aIiOSMhK

خادم والدمع يجري .
.من زغري لحد گبري
يبقى مستهل عمري......
..زينب يا غريبه
..الله اشمصيبه
****************************
عاشرت الحزن والنوح عاالفطره
اسمعهه تون امي على الزهره
بالطور العراقي تنعه والنبره
ظلت روحي ملهوفه بالف حسره

جرحي بحسره يوميه
احسب عمري لطميه
ظلت لوعتي وسهري
يبقى مستهل عمري
*****************************
جرح النايبه يم زينب اشكبره
يم حسين گامت شبچت العشره
تنظر عالجسد ياويلي بس نحره
صاير بس اثر وظلوعه متكسره

عايش زينب بنوحي
احسب دمعة جروحي
ناري بمهجتي تسري
يبقى مستهل عمري
****************************
عمري بس لطم خلصته بونيني
اجري ينحسب من دمعتي بعيني
يا زينب اصيح وحزني يكفيني
عشره ويه الدمع والهم يواسيني

ثاني طفج اشكبره
بس شامج الف حسره
خاين يادهر تدري
يبقى مستهل عمري
****************************
تعيش ارماح زينب تگضي لوعتهه
يظل الشام لچمه يچوي مهجتهه
تموت بلايه خوه تجري دمعتهه
العمر خلص جرح يروي مصيبتهه

تشبهه فاطمه بونهه
محنيه الظهر چنهه
ليلي يشهد بصبري
يبقى مستهل عمري
*****************************
متعجبه.....الخلك خنساء لوتنحب
تنوح اخوتهه چانت والدمع ينصب
ظلت عالرمح حسرتهه بس زينب
واتشوف الكفيل بيا گلب تعتب

زينب رادت اخوتهه
تحضر يم جنازتهه
من نار الخيم جمري
يبقى مستهل عمري
*****************************
اخر لحظه من زينب تصيح الشام
اشوفنهه غربيه وتجمع الايتام
ياوسفه الزمن حاربهه بس اسهام
كلما نامت اتفز چن حرك وخيام

تحضر هاشم اليله
مدمعهه دمه اتسيله
ماينشف دمع نهري
يبقى مستهل عمري
*****************************
تمت بعون الله
خادمكم....... يوسف الفتلاوي

((ابوذيات نعي للسيده زينب ع))
__________________________

اشوف النار بخيامي____وانا راي
همت يحسين بالوادي____وانا راي
اجيتك لا فكر عندي_____وانا راي

اشوفن تنچوي سكينه ورقيه
*****************************
عرفني الدهر بالچمات_____بسماي
وعله انجومي تون يا ليل ___بسماي
يحاچيني الطفل ويريد ____بسماي

وانه اعصرلك عيون بن الزجيه
*******************************
الــگــلب بـــالعزم صبــرته_____ ومنته
وفرشته اعله الترب يـــمك____ ومنته
منته الكـافــــــل اضعـــوني__ ومنـــته

الجبتني وياك ليـــش اگــطعت بيه
*******************************
يوسف الفتلاوي

ها يزينب........بالغرب ظليتي
ها يزينب..........كافلج تانيتي
ها يزينب........ياجرح خليتي
*******************************
بالوعه ظليتي اشعجب..لاكافل اضعونج
وصل
ويشوف اخته امحيره..عالونه أبوفاضل يظل
محنيه چنهه بالغرب......والعشره تصفه بلا اهل
شيبهه طفج كربله......واهاتچ اتبين الحصل

بالمواجع............ياجرح تلگينه
والعجيبه.......بالسبي اتشوفينه
بيا مصيبه.....والدمع اخفيتي
ها يزينب....... ياجرح خليتي
*******************************
چم مره طحتي من الهزل...ماتت عذاب اسنينج
والشام چانت لوعتج.....مجروحه دمعة عينج
خلصتي عمرج بالحزن....بس نايبات اونينج
مرتين عالتل موتتج..........والموته ذبح احسينج

من عذابج .......تحترك ياخيمه
بلايه والي........ركضتج بالهيمه
من جروحج.... معصبج شديتي
ها يزينب.......... ياجرح خليتي
*******************************
متعوبه بالهيمه اشكثر......محتاره لمن تمشين
تتوجر اخيامج صفت.......وطفال عندج باقين
ياويلي لوطايح طفل....بالخيمه تمشيله امنين
بالونه شيبتي اشبعد......محتاره بعيال حسين

اتعذبيتي......لو تطيح ايتامج
من ونينج.......تنذبح احلامج
هذا كلبج........للحزن خطيتي
ها يزينب.......يا جرح خليتي
*******************************
ياوسفه خوان الدهر.......مذبوحه زينب مرتين
مره بغربتج والسبي......مره بذبح نحر احسين
والحافر الجايب صدر....ماخلت بجسمه امنين
لميتي گلبه عله الترب....وشگال گلبج بالبين

من عتابج.........بالحزن معروفه
والكفلهه.......عالشريعه اچفوفه
والليالي............بالسبي اتأذيتي
ها يزينب..........يا جرح خليتي
*******************************
ياويلي بالكوفه الهضم....حچي الشماته بس جرح
بالديره مذبوحه الاهل......اظلم نهارج والصبح
عاينتي غربه بلا ولي..والكوفه اضحت بالذبح
وعيونج اظل عالكفل..ياويلي ظل اعله الرمح

والشماته......تنظر اعله اضعونج
والهزيله........الناگه بيها اشلونج
بالهضايم...............للكمر ناديتي
ها يزينب.........يا جرح خليتي
*******************************
قاسيتي انواع الحچي...ياموقف اصعب شفتي
چانت رقيه عله الطشت......وياها اظنج متي
من شامج اسهام اشكثر......من دهرج اتيمتي
الديوان طبيتي جرح......منهه وبعد ما عشتي

بالجوارح..............موتج اتعرفينه
وعله هضمج......شامج اتشوفينه
بس اخيج ....منهو بي وصيتي
ها يزينب...........ياجرح خليتي
*******************************
تمت بعون الله تعالى
#خادمكم....... يوسف الفتلاوي

يادنيا هاي اجروحي
مهضومه ظلت روحي

اخر انفاسي خيم محترگه بيه
ركضة التل من يجن ليلي عليه
***
منتظره يلفيني الگمر.....والدمعه تحچي ابعيني
والحسره عاشت بالگلب..عالفرگه تمشي اسنيني
شيبني دهري وحدبت.......نار الهجر تچويني
والعدهه راس عله الرمح......ليش الدهر
يسبيني

تانيته حامي اضعوني
محنيه حسره امتوني

كون هسه الكافل يعاين اليه
ركضة التل من يجن ليلي عليه
***
شتريد منطيتك گمر.......يادهري ارحم بيه
والعايشه اسهام وخيم.....تگضي العمر مسبيه
والغربه صارتلي وطن.......زينب تظل محنيه
وزعته عمري ابكربله..........لسه الچوي ابرجليه

اتمنه كون احلامي
اگعد واشوف الضامي

حسين هذا اگبالي ياروح الزجيه
ركضة التل من يجن ليلي عليه
***
يذبحني مرات الحچي....والونه تحني اظلوعي
مالحظه ناسيته السبي.....يشرح هضم موضوعي
والناگه چانت قصتي........اتبين عذاب ادموعي
والچانو وياها الاهل .......طفوها ليش اشموعي

اشچم مره تهوه الناگه
ابعبره وطحت خناگه

ليش لا عباس وانه اصفج بديه
ركضة التل من يجن ليلي عليه
***
نار المخيم ما طفت........صارت رماد اخيامي
لسه واعيش ابحسرتي....شفت المطهم دامي
والحافر الجايب صدر......ياويلي ذبح احلامي
وحسين نایم عله الگفه.....مرمي حبيبي الضامي

دمعي يسولف حاله
عشره الشفت خياله

تسحك بصدره يويلي الاعوجيه
ركضة التل من يجن ليلي عليه
***
شفت المثلث والچبد...... وگبالي مابطل يون
والحافر بصدره انكسر....يذبحني تاليته الحزن
لسه بأذاني چم ظلع.....بالكسره اسمعنه
يرن
وجروحي ماتنعد بعد.....ماغمض اعيونه الجفن

اصحه وافز بس خيمه
محترگه وسط والهيمه

حسين خويه اتعذب وانه برزيه
ركضة التل من يجن ليلي عليه
***
چم مره عانيت الهزل......والناگه تعثر بيه
اتلفت اشلونه الضعن......مثلي وهوت علويه
كل ديره مابيها رحم......تنظر عجيبه اعليه
مادنگت راسي وعلي........ربنه جعل قدسيه

ياليلي تحچي اجروحي
ميته اشكثر يا روحي

اه من طاري السبي شوغاته بيه
ركضة التل من يجن ليلي عليه
***
ذابحني يا ناس السبي..........ماتنسي سالفته
لاكافل اليمي حضر ....يبچي ويون يم اخته
خلصته عمري بالغرب......وشكد هضم شايفته
تاليته امشي اميسره... ..بالشام اصبح ميته

اليفگد شملهه اعزازه
مامش وراه جنّازه

وانه اريد الكافل بيوم المنيه
ركضة التل من يجن ليلي عليه
***
تمت بعون الله تعالى
#خادمكم........ يوسف الفتلاوي

ياللايم ياللايم كف لومك عليه
انه حبي وغرامي..للهادي وصيه
*******************************
علي شوكي وحياتي
وصف غالي  امنياتي
حبيبي    وانت  ذاتي
.................والغالي  عليه

علي    بالكعبه    نوره
علي  ابكلبي   وازوره
ملك شعري وسطوره
...........يا حامي الحميه

ياللايم ياللايم ....كف لومك عليه
انه حبي وغرامي... للهادي وصيه
*******************************
علي  شوكي  وحنيني
علي رسمه   ابجبيني
نبض  كلبي  وسنيني
...............للعاشك هويه
علي باب  السفينه
حياة  وبي  نجينه
علي  بعشكه ربينه 
..............منطيني الهديه

ياللايم ياللايم كف لومك عليه
انه حبي وغرامي للهادي وصيه
*******************************
صرت مصدر  سروري
يقيني  وكل  شعوري
مدح  تكتب  سطوري
................ياروح الزجيه

علي   كلشي   بقراري
حلاته اسمه افتخاري
علي ديني   وشعاري.
..............وبكلشي  اليه

ياللايم ياللايم كف لومك عليه
انه حبي وغرامي للهادي وصيه
*******************************
علي  نبضي  وهيامي
عجز وصفي وغرامي
اكول  اسمك  قيامي
............حتى بالمنيه

فخر  حب  الصميده
علي عشك القصيده
علي   كلبي   يريده
..............يا خير  البريه

ياللايم ياللايم كف لومك عليه
انه حبي وغرامي للهادي وصيه
*******************************
علي  اكصدله   ازوره
وشم نسمة   عطوره
علي احضه بحضوره
......................ورفعهن اديه
علي جيت انه ضيفه
ابد     ما  رد  مضيفه
ختم  عمره  بصريفه
...............تسوه الدنيا هيه

ياللايم ياللايم كف لومك عليه
انه حبي وغرامي للهادي وصيه
*******************************
تمت بعون الله تعالى الشاعر_يوسف_الفتلاوي

ابوذيات
،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،

علي يالطلك الدنيا..........مردهه
وتصير الناس يم حيدر ....مردهه
جيوش الكفر لو يزعل .....مردهه

يسطره بچفه حامي الحميه
***************************
علي بيده الشمس صارت....وردهه
عليك الكعبه تنثرلك......وردهه
الشيعه بالحشر تعطش.......وردهه

بچفك ياعلي حامي الحميه
****************************
ولايه بحب علي صرنه......وشيعه
وظل اندب علي حبك......وشيعه
وجوباً فرحت السنه.......وشيعه

بعيادك علي خير البريه
******************************
عشگنه وياه واضح..........لو تبينه
بختنه انشوف حيدر........لو تبينه
علامه تريد ترسم ........لو تبينه

نحبه نصيح حماي الحميه
*******************************
يوسف الفتلاوي

..........(هوسات)..........
،،،،،،،،،،،،،،،،،،،،،،،،،،،،،،،،،،،،،،،،،

مرحب مالحك يمك شهك انفاس
علي قايسهه جدا من طبر عالراس
بعده بظهر حيدر يسمع العباس

والغيره اهتزت من شافه

************************
تشهدلك معارك  بدر  والاحزاب
كالبهه  المنايا  وناكث  الاطناب
صفين    بيمينك طير   الاركاب

تتراعب  من  شاله اكرابه
***************************
قلع  خيبر   علي  والعامري   دنك
 كل هذا اليشوفه  اكباله  ماصدك
خطف راسه علي  مالحك ويشهك

والدنيا بيدك  تطويهه
***************************
يا منقذ  سفينة  نوح  بالطوفان
لوما  انت  ربك  ما خلق  اكوان
قيسم النار والجنه علي الميزان

حامينه  حيدر  مولانه

***************************
الك مشهوده  حيدر شاطر الفرسان
مخنوكه  المنايا    ويكلب  الميدان
خيبر من  اجاها    انشالت   البيبان

مرعوبه  بجفك صارت
*************************
علي وي سيف عشره مايشيل اكراب
بالطول وعرض شاطرها سيفه اركاب
يضحك  بالحرب  فقاره داحي الباب

ويموت العاذل لو شافه
****************************
يوسف الفتلاوي

بعيون المحب ||المبدع حسنين الرماحي #كلمات_يوسف_الفتلاوي
https://youtube.com/watch?v=b6m4gkFu_vk&si=O3ejfljKgbktXHUb

محبوبي ...بدروبي

اجمل شوك الگلوب
بس ابعشگك ايذوب
من حبك فلا اتوب.......ياحيدر
******************************
انه روحي بهيامك
مجنون   ابغرامك
بس اعشك كلامك.......بسماتي اله
علي قوه وأراده
ابيت الله العباده
بيبان   السعاده.......معشوگي هله

محبوبي حبيتك بنفاس  العشگ
صليتك بحساسي وبگلبي اليدگ
ياحيدر وابحبك صدگني احترگ

بحلامي......گدامي

يمك شيعي محسوب
بس ابعشگك ايذوب
من   حبك  فلا  اتوب.....ياحيدر
*******************************
انه وصفي بجمالك
جيت اعلن وصالك
مشغول  ابخصالك.......ياباب العشگ

يم   ركن  العداله
بيت الله   حلاله
بس حيدر اجاله.........يا گد الصدگ

ياحيدر عد  عينك  تلگاني وقف
وبحبك اتغزل ما يكفي  الوصف
من عندك مولانه لو ردنه العطف

معشوگي.........بعروگي

كاتب  أغلى محبوب
بس ابعشگك ايذوب
من  حبك  فلا اتوب......ياحيدر
*******************************
شمعه   ابين   اديه
عندي  اجمل هويه
حب حامي الحميه ......شيعي وافتخر

ما  زل  عنه  هيهات
حبي   طاهر   الذات
تحله بمدحه الابيات........بالمحشر ذخر

اتغنه  ابياتي اشكد يحلى  المدح
وتحير من نورك   تفسير   الشرح
تنظيري وبگلبي بس انت التصح

حبيتك......ناديتك

گلبي ابسمك ايلوب
بس بعشگك ايذوب
من حبك  فلا اتوب......ياحيدر
*******************************
انه ..... گلبي يريده
حب صافي العقيده
بس  اسمك قصيده........تارسني شعر

بده  عقلي  ابوداده
اجه يوم القياده
هلا  واجمل  سعاده......حيدرنه العمر

يا حيدر  بعيوني  بس حبك ضوه
وبشوگي لا قيس  ولا ليله انچوه
عابرهم من حبي وماخذني الهوه

بحروفي......وطيوفي

ساعي وصلي مكتوب
بس ابعشگك ايذوب
من  حبي  فلا اتوب.......ياحيدر
*******************************
تمت بعون الله تعالى الشاعر____يوسف_الفتلاوي

اشلون زينب گالو اميسرينهه
ما نهض عباس ينشد وينهه
*******************************
ما فزع عباس حامي اضعونهه
ايشوف زينب بالمحن يسبونهه
الليل زينب بس دمع ابعيونهه

خاف هاشم باليسر ناسينهه
*******************************
حييهم انده بالعشيره والعمام
وين هاشم تفزع وتبدي اهتمام
اتكون جيتهم گبل طر الظلام

وين زينب تنشد امضيعنهه
*******************************
شلون هاشم ما لفت نسوانهه
اتشوف زينب حايره بأحزانهه
جروح.......باگت كربله وليانهه

ظلت بونهه تنوح احسينهه
*******************************
وين حماي الدخل....شد الرچاب
واسرج الخيل بعجل بعظم مهاب
هاي زينب حايره بثكل المصاب

اتريد فزعه من الغري وتعينهه
*******************************
عجل ابمسراك من وادي السلام
اكتاب من زينب وصلك بي كلام
گوم يابوحسين بس شد اللثام

عندك الاخبار دمعة عينهه
*******************************
كون وي خيط الفجر ينوي الرحال
يشوف زينب بالغرب يبدي السؤال
يا تره ابيا حال زينب بس خيال

ايشوف زينب ياتره امسلبينهه
*******************************
اجروح زينب تنحچي بمجره الدمع
تشبه الزهره واخذت تحني الظلع
ونهه........ عالعباس بس ما ينسمع

هاي مدرسة الخدر تبينهه
*******************************
اجروح    زينب   بالعذاب   انشوفهه
نار     وخيام    وركض     بطفوفهه
شبچت العشره عله اخوها اچفوفهه

صارت الدمعه فرض بونينهه
*******************************
بيها   لهفه  وحسره  تل   الزينبي
هاي زينب  سولفت جرح  السبي
اشلون مهضومه تظل بنت النبي

عاشت  الحسره  ورجف كونينهه
*******************************
تمت بعون الله تعالى
خادمكم.....يوسف الفتلاوي

سولفن دمعاتها اشكد الحنين
تريد يم عباس وتزور الحسين
***************************
من زيارة وارث اليله تزورك
راح تقرالك نعي تدري بحضورك
شلون تحضر بالعزه ودمعه سورك
من ونين الحره ما تملك شعورك

شلون هاي اليله والموقف حزين
تريد يم عباس وتزور الحسين
****************************
امنيه عدهه بقت ليل ونهار
تريد يم عباس تحچيله الي صار
لسه اثار الجمر تچوي الزغار
نار زينب ما طفت مستعره نار

امنيتهه چانت بكل السنين
تريد يم عباس وتزور الحسين
****************************
خلصت بالدمعه زينب والعتاب
بالعمر چم مره مذبوحه بمصاب
هوايه زينب ودعت كلهم شباب
والچفوف عله النهر كتبن جواب

قدماهن فدوه الج حتى اليمين
تريد يم عباس وتزور الحسين
****************************
اشتاكت العباس والرايه تشوف
والعلم مرفوع تلكاه بالچفوف
لهفه زينب تنتظر وسط صفوف
معتني العباس من أرض الطفوف

يشيل نعشج هسه لوحان اليقين
تريد يم عباس وتزور الحسين
****************************
من عمرها الشام ماخذ بس جروح
خضرن دمعات زينب من تنوح
يلوك وياها الحزن باني الصروح
بالونين تنادي اه يحسين مذبوح

ينختم عمرج يزينب بس ونين
تريد يم عباس وتزور الحسين
***************************
تريد يم اخوتهه لحظات الوداع
والدموع بعينهه صارت شراع
ياحلم بعيون زينب هسه ضاع
خبر موتج بالغرب هاليله شاع

كام عباس ولطم بيده الجبين
تريد يم عباس وتزور الحسين
****************************
تمت بعون الله
خادمكم .....يوسف الفتلاوي

انه ابراس  السنه واهمل دموع العين
وبچي ابهل مصيبه ومانسيت حسين
*******************************
محلات الخدامه وبيها رفعت راس
عنواني  المحبه  وشايل الاحساس
باچر   يالخدم   يحضركم  العباس

وكل خادم يجي مايسأل انت امنين
*******************************
موعد بالخدامه وشاهد الخدام
مجرد   بالسنه   تتغير   الأرقام
عدنه اشگد مصيبه للأبد آلالأم

دمعات الجفن شاهدنه طول اسنين
******************************
عدنه من المصايب ما طفت جمره
ويظل حسين  عايش بينه والعبره
نصيح  ابصوت  ما ننساج يالزهره

صوت من الحزن  عشنه الدمع بونين
*******************************
تظل عدنه العقيده نحچي بالإيمان
ومصدر كل حقيقه يوضح الإنسان
نحييهه   السنه  بالادعيه    وقرآن

هاي   المفخره بيها  الفعل  والدين
*******************************
ليلي  من الحزن  ما  خلصت الدمعه
واظنهه من المصايب ناحت البضعه
يلم   بيه  الجرح  والنايبه   اترجعه

على الهادي حزنه  والجرح جرحين
*******************************
حزني  لو اسولف بس  دمع وهموم
وليلي بس نعي ياويلي عالمسموم
ننصب  مأتم   الهادي  يظل مظلوم

بني العباس  سارت بالحقد  لا وين
*******************************
تعذب  بالسجن واجروحه ما تنقاس
وشاهدهه المصايب من بني العباس
صبت  كل  حقدهه  زمرة الأرجاس

ضد ال النبي  صار الحقد  تدوين
*******************************
اسولف  بالنوايب  واسچب  العبره
وذكر يا  ذبيح   المنسحگ   صدره
خيل اعداه   جالت عالصدر عشره

نار  الفاجعه  ظلت عجيبه اسنين
*******************************
تمت بعون الله تعالى الشاعر_يوسف_الفتلاوي

شفت اهوال السجن
والدمع صب عالوجن

شلون يالهادي گضيت اسنينهه
بالسجون وروحك الله يعينهه
*******************************
صعبه واطالع سيرتك..... شاهد عيان اكبالي
شفت السجن ويه الهضم......مرسومه صوره ابالي
والحيره تأكل بالكلب....كلشي الاشوفه اوحالي
محروم من شم الهوه.....محتار اشوف الغالي

عشت وياك العذاب
صعبه نايم عالتراب

روحي ظلت بالحزن بونينهه
بالسجون وروحك الله يعينهه
*******************************
عشت السجن لوعه وقهر ....قصة حزن ارويهه
مثل الگبر هذا السجن ....مظلم عليه تاليهه
معقوله باب الله اختنك.......لشيعه لو احچيهه
شفت الجره يابو الحسن.... من قصتك ابچيهه

والله صعبه امصيبتك
اشما ... اطالع سيرتك

شعيتك تنعه وعلامه اجبينهه
بالسجون وروحك الله يعينهه
*******************************
عالبال ما چان الامر ....شفت العذاب ابعيني
والهادي ياويلي انهضم ...چان الجرح ناسيني
وادخلت ابواب الحزن......ماتت حياة اسنيني
شاهدت كدامي الظلم....اغفه عله صوت اونيني

شلون اسولف قصتك
علي الهادي وغربتك

بالحقد مهجتك سم مسگينهه
بالسجون وروحك الله يعينهه
*******************************
من يمك ومات الدهر ....اهل الحقد يدرونك
من بني العباس الفعل..... هذا السبب يجفونك
شفت العجيبه بهالسجن...ماغمضتهه اعيونك
شلون حالك سيدي......وشلون صاير لونك

اتفاجئت كلشي اتضح
بخنكته شفت الجرح

وين ...هاشم ما لفتلك وينهه
بالسجون وروحك الله يعينهه
*******************************
ايام شفنه مظلمه......اهل الرجس تتماده
حتى الضوه مشتاك الك مايلفه يمك
راده
متعود السم والغدر.....بيت النبي كالعاده
ياوسفه تاليته الدهر....يتماده فوك اسياده

اتصلي ودموع دمه
تبچي.....وياه فاطمه

جثتك اهل الوفه امشيعينهه
بالسجون وروحك الله يعينهه
*******************************
اخر محطات الحزن....والحسره تكبر بيه
مذبوح عمري بالدمع ..طول الدهر لطميه
وشلون انسه كربله ....نار الخيم يوميه
وحسين نايم عالترب....محد ايشرب اميه

عالرمح شفت الحمد
والكهف تنعه وتصد

دارت الدنيا وتخون احسينهه
بالسجون وروحك الله يعينهه
****************************
تمت بعون الله
خادمكم...... يوسف الفتلاوي

يوسفنه مارد وين
نسأل ادموع العين
......... .........غايبنه ما جانه
مجلسنه بس حسره
والزهره بي تقره
.................والدمعه عنوانه
*******************************
جروح الدنيا تاخذ مصدر الايه
علامه اشبعد نحسب صارن اهوايه
نحلفك بالكفيل وصاحب الرايه
تجينه ابرايتك ثق احنه شرايه

نحسبهه جيته امنين
كون ابضريح حسين
......................نتلاكه بحزانه
كل مأتم ايحضره
والزهره بي تقره
...................والدمعه عنوانه
*******************************
حزنه وياك عايش لوعة امصابك
على الهادي ابدمعنه تارس اعتابك
شفت سامره صارت تنعه بغيابك
يبو صالح دخيلك طمن احبابك

ونك يبچي الليل
ونهدم بيك الحيل...
....................يا لوعة اشجانه
نار اشبعد تبره
والزهره بي تقره
....................والدمعه عنوانه
*******************************
عجيبه الليل ياخذ دمعة اعيونك
عله جدك والمصايب سيدي اشلونك
اشوف الزهره بيك ومنخطف لونك
عالهادي ابنواعي ذبلت اجفونك

نرجس تون وياك
مشهد حزن تنعاك
................والحسره بوطانه
شكد باقي ننتظره
والزهره بي تقره
.................والدمعه عنوانه
*******************************
مراسيم المصايب تحسب اصروحك
حكيمه وياك تسمع بالبچي نوحك
متت چم مره وادري بعالم اجروحك
مصاب الهادي ماخذ حيلك وروحك

من صبرك المذبوح
عاشرت بس النوح.
...................والمهجه تعبانه
لا طر صبح فجره
والزهره بي تقره
....................والدمعه عنوانه
*******************************
حكيمه ابدمعتك ترسم حزن بيها
اظنهه الزهره يمهه اتشد نواعيها
اجت يم نرجس اتنوح البواچيها
اتشوف المهدي حسره بعينه تاليها

يالهادي صوت الاه
جرحك صعب ننساه
.................مجروحه صحبانه
ذاب الگلب صبره
والزهره بي تقره
.............. ...والدمعه عنوانه
*******************************
كل هذا الجره يمكن سهل امره
عجيبه اشلون گلي المنسحك صدره
انهشم حتى الگلب من حافر المهره
طلع شفنه السهم ياويلي من ظهره

ياويلي طاح احسين
سهم الچبد ثلثين ....
...................ظل يابس اللسانه
ذبح الگفه نحره
والزهره بي تقره
.................... والدمعه عنوانه
*******************************
تمت بعون الله
#خادمكم......... يوسف الفتلاوي

ابوذيات للهادي ع
_________________
الحزن عالهادي ماعوفه..وهم لا
بجرحنه مارضه العاذل..وهم لا
سألني وشاف دمع العين. هملا

عالهادي جرت صبح ومسيه
*************************
عليه احزاني هاليله...وجارت
دنيا بلا رحم صارت...وجارت
علينه وحطت بهمنه...وجرت... وجارت

عالهادي تصب جور الرزيه
************************
دموع احزاني هالليله..... اجرها
وصفت حسره بأثر حسره اجرها
علي الهادي اله شيعه...... اجرها

عله الزهره وعلي حامي الحميه
************************
شعجب گلب الزمان اعليك لاحن
وسهام الحزن بالروح .......لاحن
علامات الحزن عالهادي ....لاحن

ونصبت مأتم احزان الزجيه..
********************
تعيل الدنيه لو داور...... سكنها
وألي ونه ولا واحد....... سكنها
عله اللي برض سامره.... سكنها

الحسن بيها اندفن هوه وابيه
.*********************
معاني الحزن يالهادي * يعيناي
وعليه دموع دم هلن * يعيناي
دعيت الله عله هالبلوه* يعيناي

يوافيني اجر هاي الرزية

ـــــــــــــــــــــــــــــــــــــــــــــ
يوسف الفتلاوي

يلله   خل  نحيي العزه للهادي
اليوم كل شيعي بدمعته ينادي

*************************
صوت من الرافضه ثق يعتلي
العادانه والله اليوم هذا يبتلي
هاي صرخه لا فتى الا علي

بيها معروفه تذل حسادي
***********************
صوت من وسط الضماير رافضه
 جعفريه احنه ونواسي المرتضى
شلون مسموم وكضه بسم الغضه

لجلك ينوح  الجبل  والوادي

*************************
يلله   خل  نكصد  جموع انزوره
اليوم ياروحي بدمع    معذوره
شفنه محجوبه السمه ومكسوره

حسرة الشيعه بحزنهه  البادي
************************
صحنه اه واه مفجوع الخبر
اليوم عزينه الإمام المنتظر
شوف يالمهدي تره احنه بخطر

هذا  مدمعنه بحزن  ظل  حادي
*************************
حضرت  الشيعه  بحزن تشيعه
يصعب  علينه  الوضع  توديعه
اتيتمت من عكبه والله الشيعه

شاعت  اخبار  الجزع  ببلادي
*************************
ناحت اعيون سمه حتى الفجر
اليوم هادينه كضه بسم الغدر 
شلون يالمهدي خلص عمر الهجر

هاي  انصارك   تون  وتنادي
*************************
اليوم سامره  تصب  فيض دمه
حضرت  ويانه  الزجيه  فاطمه
اه يالهادي بچت حتى السمه

فكدت  الشيعه  علي  الهادي  
***********************
تمت بعون الله
يوسف  الفتلاوي
نزله هاي

مولد الزهراء || ملا حيدر الكربلائي — مريم أو ساره 2025
https://youtube.com/watch?v=AOVxep8SNdA&si=eDk4hDn0Abnx3NtY

رسم فجر السعاده اليوم اوداجه
يا محلى الفرح والليله نحتاجه
نزل جبريل بلغ بيها منهاجه

يالهادي بفاطم هنينه
****************************
نشم ريحة الجنه بفاطمه العنوان
من بابج خديجه مبين البرهان
مولود الزجيه شع على الاكوان

يزهره بحبج نادينه
******************************
يا باب الخليقه ولسمه البيبان
من عندج اخذنه الحكمه والايمان
الما واله زجيه ناقص وخسران

يتندم تالي بدنياته
****************************
يا محلى الفرح ويانه يتعاله
مولود الزجيه اطهر اسلاله
هنياله الحضر هاليله هنياله

والمحفل لزهره اليله
*****************************
شملنه اليله ملتم فرحة الزهره
فرحانه الملايك كلها والعتره
ويانه الخلك بالزهره مبتشره

والهادي استبشر بنواره
****************************
تمت بعون الله
خادمكم .......يوسف الفتلاوي

مريم وساره 
جابن ابشاره

ليلة مولودك محمد تبتهج ارض وسمه
*******************************
اجتمعنه بهالولاده   ونرفع   البسمه
هاي محلاها الولاده بالعرش نجمه
ياألهي  بحق  خديجه    تمم  نعمه
راضيه ومرضيه صارت ننشمل رحمه

ندعي بارينه
تعاود اعلينه

هالولاده الطاهره ندعي يربي بفاطمه
*******************************
هاجر بيوم الولاده تگول مسروره
هبت الرحمه  علينه  ايه منشوره
الورد يرسم جمالج شعت ازهوره
نصيح يزهره بحنانج والله مشكوره

سورة الكوثر
نشتم  العنبر

والحواري تغازلن بالجنه عشك العالمه
******************************
فرحت ويانه الملائك جابن ابشاره
اسيا  ومريم  تهني   الهادي بنواره
بس  علي كفؤاً  لفاطم تقره بفكاره
ناده  أبراهيم   فاطم  تنطفي  ناره

ياضوه الگمره
مولد الزهره

ننثر الياس بحضرتج انتي تاج الغانمه
*******************************
ربك انطاها المحمد  هاي مرضيه
بالجنان هناك چانت والله حوريه
انهُ  اعطاك  كوثر  صارت  انسيه
كلشي بالزهره  تحقق ايه قدسيه

والفرح   بادي 
استبشر الهادي

هاي صديقه وكريمه وهيه اكبر مكرمه
*******************************
ياشمسنه اليوم غيبي منوره دنيانه
بضعة الهادي نبارك الشيعه فرحانه
اليوم  مهدينه  تهاني يفرح  ويانه
بالحفل  كلنه  انجمعنه  ربي ترعانه

شيعتج تفخر
ساعة المحشر

باجر نشوف الشفاعه بيج صك الخاتمه
*******************************
تمت بعون الله
خادمكم...يوسف الفتلاوي

الوالاها واليته
العاداها عاديته
الحباها حبيته
..........هاي الحبيبه
****************************
بالفرح عيد تغاريد جموع احبابج
يهتف الكون صلوات عشك محرابج
بالسموات تراتيل اجت يم بابج
والفراشات بالاصوات لحنهه اطيابج

بالمولد ناديته
يحبابي وافيته
الحباها حبيته
...........هاي الحبيبه

****************************
محفلج نور تحيات اجتهه الشيعه
تنثر الياس عالراس تجدد بيعه
مولدج صار علامات يبويه انذيعه
كوثري صار عالخير صبح تشريعه

ياشيعه هنوني
بالمولد تلكوني
الحباها حبيته
...............هاي الحبيبه

****************************
والسمه بخير بالافراح تحن اهوايه
تعتني بشوك يزهراء اجت عنايه
هاي الأحباب بالورود عهد وفايه
كلبي مسرور عله النور لكيت امرايه

مرضيه انسيه
والزهره حوريه
الحباها حبيته
..........هاي الحبيبه
***************************
اليل جبريل عالباب يشوف ابشاره
الله خلاج نسه الكون صفه مختاره
يمهه هاجر اجتهه وتبشر ساره
تبخر الدار والملاك اجت خطاره

بالمولد بشروني
والفرحه بعيوني
.......هاي الحبيبه
***************************
ربي اجمل هديه بكرامه انطاني
هاي نور العقيده بوحي القرآني
الزهره تفاحه جانت جمال اغصاني
وانه بالزهره كلشي الامل خلاني

تغمرني فرحتهه
والجنه بضحكتهه
.........هاي الحبيبه
***************************
تمت بعون الله
خادمكم ......يوسف الفتلاوي

بأهاتي كسر الخاطر
يذبحني ليل العاشر
...........وبروحي ظلت حيره
يا گلبي  ليش أتكابر
*******************************
ما حسبت تالي العمر ....وجروحي تاكل بيه
شيبني دهري من وكت....وخلاني اون ليليه
الفاگد  اعزاز  الكلب.........اشتم هوه بلا ريه
خلصته عمري بالبچي.......وبين سماره عليه

يا  ليلي   تشهد   نوحي
وبهمي عشت اجروحي
.............فرگاهم اشظل بيه
انتظره يرجع باچر
*******************************
متعويده اگبالي الگمر.....اصحه واشوفه اگبالي
تالي الوكت بيه اشعمل.....خلاني وحدي بحالي
والحسره ميته بلا شمل....والبيت اصبح خالي
ياوكتي  ماترجع بعد............بس  ألتقي بالغالي

اشكد حلوه لو حضروني
اشبعهه  شووف اعيوني
..............يابو علي مشتاگه
مشبوحه ظل الناظر
*******************************
مكسورة الخاطر اظل...بالحسره يحچي احساسي
شمس الله انت ودنيتي....محبوبي تاج  ابراسي
ياموطن احزان السمه......مخنوگه ليش انفاسي
عندي النذر اربع ولد.......هامه ويه چف عباسي

مايسوه عمري ابدونك
كلهم صبح يفدونك
................اتلاگه ويه الزهره
ونسولف اعله الناصر
*******************************
اخر محطه ابدنيتي......وين اليغمض اعيوني
لا كافل الحره وصل......يمي ويشوف شلوني
والوحشه صليت القهر.....بالدمعه تهوه اجفوني
بداري المنيه استوطنت.....منتظره بس يلفوني

منتظره جيت الغالي
اگعد واشوفه اگبالي
............والحلم بس نتلاگه
چنه الحلم بي حافر
*******************************
ياحيره شمعاتي انطفن......راحت عذاب اسنيني
محنيه وتلفت  صرت......بلگت اشوفه ابعيني
گدامه  اذبحله  نهر........بس كون يروه احسيني
انتظره لو مات النبض......يمسح بيدينه اجبيني

يامحله طيب انفاسه
دنك عليه عباسه
.............ربيته محلى الغيره
باب ضمه اشگد صابر
*******************************
تذبحني كلمة  ما اجو.......راح العزيز ابدنيتي
چان انتظاره شكد صعب...مخنوگه وانه ابغربتي
چم حافر بصدرك گعد......ياويلي يذبح مهجتي
يحسين چم مره طحت......بالونه تشهد حسرتي

ناري وعذاب افراگه
ايست ماكو  املاگه
..........لا طارش ولا رجعه
خلوني جفني امساهر
*******************************
تمت بعون الله
خادمكم........ يوسف الفتلاوي

راح ادكن صدري وارفعهن اديه
اردا اعيش ايامي كلها فاطميه

يافاطمه............يافاطمه
*******
انه عمري بالدمع ما يخلص اهات
كون اگضي العمر بالون والعزائات
ما  يكفيني   الطم  بتلث  روايات
نريد عاشور الزجيه يصير تكيات

كل وكت تلگيني حاضر يالزجيه
اردا  اعيش  ايامي كلها فاطميه
*******
انه ما اريد  العمر  لوما  عزه ايصير
انه لو تحسبني  خادم كلش  اچبير
والچبير   يصير   يمهه  كلش ازغير
واليجي الخدمتهه لازم عنده تقرير

استلهمت من الزغر هاي القضيه
اردا اعيش ايامي كلها فاطميه
*******
روحي مشغوله وتحب بس العزيه
كاعده اباب الخدم  صبح  ومسيه
اعفاء بالخدمه صرت ودمعه  ميه
اتوقع  الدفتر  تره الزهره  الزجيه

وجتهاد  الخدم  تطلع   اعلميه
اردا اعيش ايامي كلها فاطميه
*******
خدمتي محلاها والله  اشكد رهيبه
حيرت هل العالم  وصارت  عجيبه
من  عشگنه  فاطمه   ندفع  ضريبه
نعيش لوعات الظلع  اعظم مصيبه

خدمتي افضل ذخر بالنسبه اليه
اردا اعيش  ايامي  كلها فاطميه
*******
يشهد  عليه  الزمن صوت النياحه
بخدمتي الكه العمر باب استراحه
احنه  من  ادم وآدم  الله  صاحه
للارض  تنزل تزور اهل  السماحه

امنه صارت هيه تحوي الجعفريه
اردا  اعيش  ايامي كلها فاطميه
*******
لوحتي ارسمهه انه ابدمعة  العين
ما  امل من الطم شوف المجانين
وشحلاته  العشك  بيه صاير اثنين
فاطمه اعكشهه انه واعشك حسين

من مرامي اتبينت اجمل هويه
اردا اعيش ايامي كلها فاطميه
*******
بالمجالس والطم ثق اجمل احساس
انه واضح بالعشك وبطيب الانفاس
باچر  اهناك  الزچيه   اتوزع  الياس
بالحشر يتلگه  شفنه  الخدم  عباس

للخدم بيده الگمر ينطي الهديه
اردا اعيش ايامي كلها  فاطميه
*******
تمت بعون الله تعالى
خادمكم...... يوسف الفتلاوي

نعي للسيده فاطمة الزهراء [ع]
____________________________
مشيت اتوچه وانه ادموعي متنثره
الفگد  روحه يظل  نيرانه  مستعره

يرك  بيه  الوكت وجروحي ما تبره
الهضيمه اشلون مني راحت الزهره

عجيبه الحزن ياخذ كلشي بيه
*******************************
ذبح  بيه  الهجر  والحسره  والنار
ادير  انه  الوجه  عن  گبرج احتار

عجيبه الظلع ليش يجرحه بسمار
واشوف الظلمه چنهه تحيط بالدار

طحت بالعتبه وبابي المنيه
*******************************
رجعت بخطوتي بس جرحي ما بان
خايف  زينب   اتشوف  ام  الأحزان

يتيمه ازغيره واعرف بيت الاشجان
تموت  الورده  خوفي  بهجمة افلان

اويلي اعليج شفتيهه  الرزيه
*******************************
عجيبه  الموت يم بابي .....تره بين
توصي الزهره لا گبري.........تره بين
حفرت انه الحد بيدي.........تره بين

گبرها الزهره  والثاني اليه
******************************

من ظلعها المكسور
ناحت  عليها الطور

ام بيتي راحت للگبر
من هسه ماريد العمر...........يافاطمه
*******************************
راجع  من  الدفن  انه روحي مدفونه
چني حال  المنتظر بس فارك اعيونه
الفارك  الزهره ابحياته  حيدر اشلونه
چن سمه العليا وكبرها هدلت امتونه

يافاطمه وچف الصبر  يذبح حنيني
حتى السمه بهذا الأمر تسمع ونيني

ناحت سمه العلياء
قد ماتت  الزهراء

انه علي  بهذا   الامر
من هسه ماريد العمر........يافاطمه
*******************************
نار والبسمار اسولف تبتدي اجروحي
للمگابر  محني ظهري  دافن ابروحي
خاف زينب بيه تسمع لو  كثر نوحي
عاليتم كلش زغيره  هدت اصروحي

دنيانه من بعد الطهر  امست ظلامه
اشلون ارجع والدمع شفت اليتامه

ظهري   انكسر   مرتين
شفت الحسن وحسين
راجع شكولن يا عذر
من هسه ماريد العمر
*******************************
انذبح  والليل  يسمع  حسرة اونيني
ما اريد الباب اصدن  نظرته ابعيني
ينكسر  گلبي  اشوفه الحسن يلفيني
فدوه يحسين اعله هونك لوتحاچيني

گام يشبگني ابجرح شفته ابدموعه
والحچي اهوايه اخذ يحني ظلوعه

صار الجرح جرحين
سالت  دموع  العين

چم مره ناداني الصبر
من   هسه  ماريد العمر
*******************************
كلشي  بالدنيا  اشوفه  ماتت الراحه
والمشه جناز جرحه يكمش اصفاحه
راحت ام حلوه سوالف والغدر لاحه
دربي صار المگبره لوضاگت اجراحه

راحت الزهره وخذت عمري وراها
غيمه من الحزن بس تمطر سماها

ظهري انكسر  يا ناس
اختاض وزعل عباس

من  غيرته  فز الگمر
من هسه ماريد العمر
******************************
راحتي  بالدنيا  ماتت  چن ذبل عودي
خطوتي بيها المصيبه خلص مجهودي
قنبر  وفضه  تسولف  صارو  اشهودي
عالوعد  يالزهره  عندج ثابت اعهودي

حسرتي گامت تسولف بيه الأحزان
ارجعت  والبيت خالي  بلايه قرآن

بالعتبه شفت اجروح
ام بيتي   هيه الروح

كسر الظلع  ما ينجبر
من هسه ماريد العمر
*******************************
اتسندت   عالباب  رايح  ينهدم  حيلي
والدفن  سولف  قضيتي چنه  يرويلي
بين الشيب  ابلحيتي  بس دمع ليلي
گلت هاي الزهره ماتت صحت ياويلي

اتوسدت  وياها  يمكن  هذا  لحدي
اشلون شايلهه الجنازه وانه وحدي

يشهدلي  وني الليل
ماظل بعد كل حيل

تذبحني يا ليل الهجر
من  هسه ماريد العمر............يافاطمه
*******************************
تمت بعون الله تعالى الشاعر_يوسف_الفتلاوي

انه  الناعي  واسولف  بالدمع  وني
وأعيشن بس ظلع يادنيتي بحزني
شنو  عنده  اليضدنه ماتره يهمني
*******************************
اسولف من حقدهم  وابدي  بالأول
وابرهنهه  الحقيقه  لو ردت  تسئل
عله اعناد  الوصيه  زعزع   الأهبل
يشوف اشگد محمد وصه بالمجمل

حقدهه من السقيفه.. مارضت حيدر
نسو  بضعة محمد....والحچي  اتكتر

شرحت انه المصيبه وذبلت جفني
انه  الناعي  واسولف  بالدمع وني
●●●●●●●●●●●●●●●●●●●●●●
بعدني  ابهمي   واحزاني  تعت بيه
وفتح  باب  السقيفه  دمعي يوميه
حچوها اشگد عليهم عن قصد نيه
الدفع  باب  الزجيه   ندري  ماضيه

دعاهم والنبي شاف... الزلم  تختل
اظن  صابه ارتجاج... الماقبل ينزل

اسولف والسوالف من حسن ظني
انه  الناعي  واسولف  بالدمع وني
●●●●●●●●●●●●●●●●●●●●●●
حقد يوم السقيفه  اتحولت عصبه
وبدت باب  الرذيله ابكل كتر نكبه
بعد هاي  العصابه موصدك صحبه
وعاشت فاطمه  بين الهجر  غربه
على  طاري الظلع  مايشفه ابد جرحي
وانه بصوت المصيبه بس يون صبحي

عشت هاي المصايب من زغر سني
انه  الناعي  واسولف  بالدمع وني
●●●●●●●●●●●●●●●●●●●●●●
يظل  كلب  الغيور  ابحسره  يتألم
صبح   عندي  محرم ثاني  يتخذم
انه ابهاي  المصيبه  دمعتي من دم
يظل جرحي الظلع ماينتهي المأتم

يرووحي من المصايب ماكلت هيدي
صبح عندي الشعيره  وارث  اوليدي

سلاسل دهري بالهم تالي شيبني
انه الناعي  واسولف بالدمع وني
*******************************
انه المجلس  هويتي وبي  تون روحي
وعددهن  مصايب   دهري  واجروحي
على  امصاب  الزجيه ما هدئ  نوحي
ويظل جرح الطفوف ايهدم اصروحي

ليالينه    الحزن   والدمعه  عنواني
واسولف بالمصيبه واشرح احزاني

يظل باب الجرح كل ساع يفززني
انه الناعي  واسولف  بالدمع وني
*******************************
تمت بعون الله تعالى الشاعر_يوسف_الفتلاوي

نخيت ام البنين ||المبدع ملا محمد السيلاوي #كلمات_يوسف_الفتلاوي
https://youtube.com/watch?v=F8nPhN5iZKs&si=WTVRgrw91usfRV9x

بعد امي كلشي راح .
..بيت المحنه طاح..
....................وحزاني ماتبره
حلمي البنيته ايروح
ايامي كلها اجروح...
.................مهضومه يالزهره
*******************************
صبح ظلمه بغيابج بيتي ما طبه
كرهت الباب يمه اگبالي والعتبه
التموت امهه تعيش الدنيا بالغربه
ايفززني الجرح ما ينسي صعبه

امرادف عليه البين
ماشفت حمره العين..
..................لسطره والعصره
حلمي البنيته ايروح
ايامي كلها اجروح
...............مهضومه يالزهره
*******************************
حزن وجروحي چانت يمه بالظنه
واجاني الليل بفراگج عله الونه
جرحني الباب يدفع بيج اشوفنه
التموت امهه بعد يا حضن تتمنه

ماتت الدنيا وياج
كلشي انتهه ابلياج.....
.................اسنيني والعشره
حلمي البنيته ايروح
ايامي كلها اجروح
...............مهضومه يالزهره
*******************************
تره الفگدت عزيزه حيره منواها
عليله وتحني صارت حتى مگفاها
تصير الدنيا ظلمه ابعيني لولاها
الزجيه وياي چانت والله محلاها

بالحسره انده وين
تانيني يم احسين
..................ثوبج اشم عطره
حلمي البنيته ايروح
ايامي كلها اجروح
.................مهضومه يالزهره
*******************************
عگب امي عجيبه اتموت الملوحه
بشر كله ترافه اشكد تون روحه
حچالي الباب كسرج وانه مجروحه
حلم باليقضه واقع يمه مذبوحه

صار الجرح بسمار
وبيش اطفي النار...
................باب الله مستعره
حلمي البنيته ايروح
ايامي كلها اجروح
...............مهضومه يالزهره
*******************************
صعب طعم اليتم وزغيره عافتني
توصيني اسمعتهه بلهفه شبگتني
يزينب حيره باچر حسره عرفتني
عالتل من تجيني هناكه نادتني

محتاره اصد الخيل
چلچل عليه الليل
.....................لو ينگطع نحره
حلمي البنيته ايروح
ايامي كلها اجروح
..................مهضومه يالزهره
*******************************
عشت عمري نواعي وطفي گدامي
هجوم ونار بابج هدم احلامي
انتظرني الطف ييمه يحرك اخيامي
تسحگه الخيل يمه احسينج الضامي

ماشرب شوفي شفاه
كون انه اموت وياه
...................من ينسحك صدره
حلمي البنيته ايروح
ايامي كلها اجروح
....................مهضومه يالزهره
*******************************
تمت بعون الله
الشاعر....... يوسف الفتلاوي

يعينهه الله الفاكده الوليان||المبدع ملا محمد السيلاوي #كلمات_يوسف_الفتلاوي
https://youtube.com/watch?v=Dt7CjVvcz4k&si=SQCOZ0qUEIbWspSx

عدنه الهويه ||المبدع ملا علي الفاطمي #كلمات_يوسف_الفتلاوي
https://youtube.com/watch?v=AcZIJASj1fE&si=1VNmKvXidd2tVzrd

ويلي عالزهره المظلومه
عاشت ومات مهضومه
*******************************
ظلت  بالجرح  والونه  مخفيه
ودمعة فاطمه بالحسره يوميه
ويا  كسر الظلع  مايشفه ليليه

يوم الي جره بيها الوصي اتألم
*******************************
عاشت بالحزن  والدمعه سچابه
ويم ظلع الزچيه شاهد اصوابه
كلها من السقيفه زادت امصابه

وصت سر دفنهه  ابليل  الاظلم
*******************************
يمهه  لو  تعنه  يجذب  الحسره
ودمعاته اشكثر يافاطمه الزهره
رجع  للدار حيدر منكسر  ظهره

على امصاب الظلع لوعاته تتأزم
*******************************
تخفي عالوصي والدمعه  تجريهه
وادري الآه  چانت كلمه  تحچيهه
تمسح  بالدمع  كلما  يجي اعليهه

وحيدر ياظلع من فاطمة اتشهم
*******************************
يا  باب  الزچيه  سولف   الاسباب
وبجرم السقيفه اشسوت الاصحاب
نار  اتوجرت منهه الجنين  انصاب

ولاذت للستر  بيها الوفه  اتشيم
*******************************
يا باب الحزن  لو نسأل اجروحه
وحيدر عالزچيه ما هدئ نوحه
ما يهوه الحياة  الي دفن روحه

وحيله عالزچيه  اشگد تره اتهدم
*******************************
تمت بعون الله تعالى الشاعر___يوسف_الفتلاوي

صرخه من السمه
ماتت........فاطمه ......يحيدر
يجرحني الدمع
مكسور الظلع.............يحيدر
*******************************
اشسوت بينه بويه هجمة الدار
واشوفنه الكلب ياويلي بس نار
واحسنه نبت ابظلوعي بسمار
اكدار الزمن جابتلي الاشرار

ليل...... الفاجعه
يحچي الواقعه .......يحيدر
كلبي ينفجع
مكسور الظلع .........يحيدر
*******************************
يحيدر دمعتي تشرح حچيها
يبويه شچم ظلع مكسور بيها
گامت فاطمه وتسمع بچيها
مصيبه ابرجعتك ونك عليها

یمهه من طحت
بويه....اتفاجئت........يحيدر
نوحك ينسمع
مكسور الظلع.........يحيدر
*******************************
تلاگو بالدمع والحسره بيه
وسمعهه تون شفت الزجيه
يفضه اشيبهه امي اتگض اديه
اجت للحجره بس ونه خفيه

نار ... امچيمه
حسرة فاطمه ..... يحيدر
ونك......يرتفع
مكسور الظلع.........يحيدر
*******************************
اسولفلك يبويه اشگد حزنهه
من شفت الزجيه ابعالي ونهه
وگع مثل الجبل طيحة ابنهه
سطرها الظالم وشاهد جفنهه

دمعي والجرح
وانت بلا صبح.......يحيدر
جرحك يتسع
مكسور الظلع.........يحيدر
*******************************
طاحت فاطمه..... وختل نظامك
خلفك ....ما بعد تنظر امامك
تحني شچم ظلع بويه اشعلامك
صعبه الكسره معروفه بكلامك

دمعك بي حچي
وهوايه....البچي........يحيدر
لويطفي الشمع
مكسور الظلع..........يحيدر
*******************************
يبويه انودع امنه ابدمعة العين
واسولف عالظهر وابروحي كسرين
الحسن يمي بنعاويه انچوه البين
بلهفته من شگبهه طاح الحسين

صاحت اتلوعت
من ذاك الوكت.......يحيدر
من هذا الوضع
مكسور الظلع.........يحيدر
*******************************
يبويه بيا دمع تدفنهه عينك
محني عله الكبر وسمع ونينك
چم طحه طحت بويه بحنينك
من هسه بعد ماتت سنينك

حزنك ينبني
ظهرك ينحني.......يحيدر
كلبك ينصدع
مكسور الظلع.........يحيدر
*******************************
#تمت بعون الله تعالى
#خادمكم ......يوسف الفتلاوي

ميثاق الله خانته وخانت نبيها
اتلاثه من بعد نبي هجمو عليها

قالو وأن بالدار احمد
اوكزها والظلع يشهد
****************************
خانو بدين الله وبنهج الرساله
نزلت الايه وتبين كل خصاله
أكملت دينك محمد بعلي واله
هاي معروفه الوصيه وندري بيها
علي يم الباب چا عرفو فعاله

هاي خيبر تشهد الصار وتعرفه
لسه بصمات الاثر تاركهه چفه
والزلم ختلت تجيله تنطي وصفه

عافت العتره وجت تبدي الخليفه
والسبب چان السبب من السقيفه

جاءو ونار الحقد مسند
اوكزها والظلع يشهد
****************************
هاي معروفه الحقيقه وعندي برهان
ما اجامل ليش اجامل خاين افلان
نام والهادي بجراحه بيت الاحزان
والسقيفه اتلطخت بالدم ايديهه
شلون تعقلهه الحريگه بلايه دخان

والمصادر اكدت غدر الصحابه
والثلاثه طعنته وعافت كتابه
بين التخطيط واضح في غيابه

تأمرو عالباب منهو اليدفع اول
والنذل قنفذ وصل لدار يسأل

وستكبره الطاغوت مرتد
اوكزها والظلع يشهد
****************************
ما طفت نار الحقد ظل يلهب الدار
وصحابه شكد صلافه انكلبوا اشرار
چان ناتجهه السقيفه الديه بسمار
فاطمه ظلت بحيره وشافت الگوم
بعد طه اذياب صارو شبو النار

تدري لو مالله حكمه بهالوصيه
علي بالحسره غيور عله الزجيه
چان تدري يمسح بجده الوطيه

اني اعرفهم حقيقه وهمه شيخين
والنذل ضم راسه ماباوع لبوحسين

كانت صلاة الشيخ مفرد
اوكزها والظلع يشهد
*****************************
عندي رباط السوالف شاهد الباب
والاثر بسمار جارح صدر الاطياب
اعرف الجاني تعده شيخ الاصحاب
والصحابه تستغل طوك الوصيه
كالو امچتف علي بالحكمه ابواتراب

وبهجوم الدار چان الهادي معلوم
يدري بيهم وبغدرهم هجمت الكوم
ظلع فاطم ينكسر بالباب مرسوم

ماتت بهمهه الزجيه بعسرة افلان
غاضبه چانت عليهم ال سفيان

كانت عيون الطهر ترمد
اوكزها والظلع يشهد
*****************************
افتى بيها المايخاف الله وجزه الحد
شيخهم امر عليهم حطب ينعد
والنذل نفذ جريمه ويصطر الخد
والزجيه تنحني مكسورة اظلوع
والضحيه اصبحت بنتك محمد

مارعو حك النبي ولاحرمة البيت
دخلو بلايه اذن وبلايه تصويت
احلوگهم خرسه تره بس توابيت

خضرت دار الزجيه حزن وجروح
صار بالسمار نحچي حسره والنوح

بيت الرساله كيف يقصد
اوكزها والظلع يشهد
****************************
تمت بعون الله
خادمكم........ يوسف الفتلاوي

[[ گعديه لليالي الفاطميه]]
____________________________

يالتسأل  علينه  الرافضيه
عن أبً وجد هاي القضيه
هناك الما يضيعون
خدام الزجيه
*******************************
بهااليالي اتشوف موقف هذا اليحب الزچيه
تدري   اليواليهه   باچر    فايز   ابيوم   المنيه
الما يحب الزهره خاسر    بالليالي  الفاطميه

بگلبه تلگه اشگد دغش
احقوق ياكلهه  ونهش
حقد بس گلبه  انفرش

يعتبر من  جيش  اميه

يالتبغض علي تاليها  محنه
أيس    لا تفكر  بيها   جنه

بس همه اليفوزون
خدام الزجيه
*******************************
كلمن  يبين  أصالة   طيبه  والمنبع  يفاخر
ولايصير ابوجه ثاني ثوبه بصناف المظاهر
ينعرف صوت الحقيقه عايش،بحيله ويناظر

بس حسد  گلبه  امتله
شوف  وضعك   عدله
الغيبه  عندك   مشكله

لازم اتصحي  الضماير

تعرف بالكثب وحفظ لسانك
باچر هوه حصنك هوه امانك

كلهم ما يقصرون
خدام الزجيه
*******************************
باچر التوقيع  واضح  بي  ختم  من  الزچيه
يعيش بالدنيا بكرامه والعشك حامي الحميه
هذا  دستور  العقيده  لو  ردت نهج  القضيه

شوف كل  سيره وعجب
ابحبهم   اتنول    الرتب
حب  علي  جوهر ذهب

حب علي هوه الهويه

باچر   بالحشر  تعرف  عقابك
لا تدور  ولاتلف حضر جوابك

بالمحشر  يضيئون
خدام الزجيه
*******************************
كلشي   بالدنيا  يغرك بيت  وموال  وصحاب
عوف عنوان  التفاخر  ونسه  مسألة  العتاب
گول بس حسين عندي هذا يامحلى الجواب

اتريد  تنجه  ابهل الامر
حسين بس هوه الذخر
هناك    يشفع   بالحشر

مبدأ الحق والثواب

يامحلى الخدامه ويعلى شانك
باچر    بالحشر   حاجز  مكانك

بالخدمه يوافون
خدام الزجيه
*******************************
تمت بعون الله تعالى الشاعر_يوسف_الفتلاوي

شلون يالمهدي تون دمعك دمه
اتشوف مگسور الظلع من فاطمه
*******************************
مانشف دمعك ابد يروي الحزن
ليل واهاتك مصيبه من تون
تعيش لوعة فاطمه وجرح الجفن

بيها نارك سيدي هم مضرمه
****************************
نار كلبك بالحزن ذاب الشمع
نوح خلصت العمر تجري الدمع
تعيش حسرة فاطمه وكسر الظلع

جرحك اشكبره صعب لو ترجمه
*****************************
ونك بليل الهجر يحچي الصبح
تحفر الوجنه دمعتك والجرح
حسرة الفاگد عله اجروحه ملح

من حزنهه فاطمه تنوح السمه
****************************
شلون كلبك يحتمل نار وهجر
بس حزن واهات گضيت العمر
اه دمعك بي ظلع یروي الكسر

اتشوف لوعة فاطمه متألمه
*****************************
تعيش ايام المصيبه بيا كلب
حاضر ويانه ويظل دمعك يصب
امصاب امك فاطمه كلش صعب

هجمت اعليهه العصابه الظالمه
****،*،،**********************
شلون حالك سيدي حزنك كلف
هواي نوحك مستمر هم مختلف
وين حاضر كربله لو بالنجف

وين اوصاف الگبر وين احتمه
*****************************
وين تحضر بالعزه ولطم الصدر
وعندك انت اظلوع صعبه تنجبر
حسين ظل الحافر بصدره انكسر

جالت اخيول العده بيها العمه
****************************
تمت بعون الله
خادمكم..... يوسف الفتلاوي

شيعتهه....روحي بنفاس الوصيه
شيعتهه.......اشلون شالتهه اديه
شيعتهه.......للگبر وحدي الزجيه
يازهراء............يازهراء
*******************************
بين ابوجهي التعب ياخذني بالفرگه
ضاعت سنيني العشتهه وطاحت الورگه
راح ...اشيعج للگبر بس انتظر ملگه
مرت ايدي عله الظلع بس وجنتج زرگه

من شفتهه....اتهدم الحيل وخذاني
من شفتهه....ولا علي چنك هذاني
من شفتهه....يصعب الموقف عليه
*******************************
راجع وميت يزهره منخطف لوني
روحي دافن چني بيدي لا تلوموني
الليل بعدج ما أنامه تشهد اعيوني
لو رجعت الدار اولادج ينشدوني

یاحسافه....ضيعت حلمي البنيته
ياحسافه.....والكلب بعدج نسيته
ياحسافه.....معتكف وسط الرزيه
*******************************
وجهي بين حيل اصفر اه يالزهره
احچيلي شنهو الي يلمج ظلت الحسره
اشصار حيدر من رحلتي راحت العشره
الچان خيبر بيده شايل مختنك صدره

فاجئتني.....من خفت عني ظلعهه
فاجئتني...ليش يجري بس دمعهه
فاجئتني.......تسكت ابهاي القضيه
*******************************
مالي عالفرگه سوالف ينهدم حيلي
الدافن بروحه حبيبه صعبه يا ليلي
همي بس للبير احچي وهوه يحچيلي
فاطمه انفاسي صارت كلشي تعنيلي

من عفتهه ....بالچفن اولادي صاحت
من عفتهه ....مهجتي وياهه طاحت
من عفتهه.......اتيقنت ما بيهه جيه
******************************
من دموعي ما اشوفن دربي بعيوني
يزجيه وشوفي حالي من ينادوني
خاف ارد للبيت وعيالي يسألوني
وين عفت الزهره كلبك من يشبگوني

من بچيهه.....حنت وشبگت ولدهه
من بچيهه......بالدمع احفر الحدهه
من بچيهه....... ينجرح نجم الثريه
*******************************
كلشي بيه يعيش ميت زهره بغيابي
بس جسد مابيه روحي دافن احبابي
والله زحمه واني عايش يندفع بابي
وصحابي استغل طيبي عارف اسبابي

من دفعهه....كلشي بغيابي جفيته
من دفعهه.....والظلع محني لگيته
من دفعهه.....ما رعه سيد البريه
*******************************
تمت بعون الله وبركاته
خادمكم●●●●يوسف الفتلاوي

يامهدي....يامهدي
____________________________
ياربي بالموعوْد.........نفتتحُ  العزاءْ
بالدمعِ والبكاء..........لامنا   الزهراء
ونسألُ الحنين.......وينحْني الرجاء
ونلطمُ الصدور.......لصاحبِ الجزاء

يامهدي..........ياااامهدي
____________________________
احداقُنا تنوْح.........بالويلِ والثبور
وقلبنا يذوب.........بالبابِ والنشور
اظلاعُنا جرُاح......لظلعُها المكسور
عجل  فما ترى.........تنتظرُ الدهور

يامهدي.........ياااامهدي
______________________________
نسألُك الدُعاء.........ونرفعُ اليدين
توسلاً نقول........ياربي بالحسين
ننتظرُ اللقاء........قد اثكلَ الأنين
ونسبلُ الدموع.....لقصةِ الجنين

يامهدي..........ياااامهدي
______________________________
بالجبتِ والطاغوت....آما ترى المصاب
ياصاحب الظلوع..........يسألُك الغياب
في دولةِ البكاء............يصطبرُ العذاب
وهل  لناْ  سبيل.............نرجعُ  للكتاب

يامهدي.......ياااامهدي
_____________________________
ياصاحبُ العزاء........انفاسُنا جُراح
حتى يشاء الله.......ويأتي بالصباح
اقبل فما هوى........قد هبت الرياح
الظلمُ فيْنا جار....وتشتكي الصفاح

يامهدي..........ياااامهدي
_____________________________
يانفحة السماء.......قد  ساقتُ الامور
والأرض تستغيث........تنتظرُ الظهور
سائت بنا الاقدار.....في عالم الفجور
قد افسد الطغاة.....بالحكمُ والقصور

يامهدي.........ياااامهدي
______________________________
تمت بعون الله تعالى
خادمكم...... يوسف الفتلاوي

السلام عليكِ  آيتي فاطمه
******************************
حاير من  امنين ابتدي ابشرح المصيبه
نوحي  بس  النوح   مجروحه  الحبيبه
فاطمه   بالحسره چن    امست  غريبه
حيدر   اهمومه   اشكثر   عالي  نحيبه

هوه من  الباب  مفتوحه الرزايا
*******************************
يا دمع   عيني  يسولف دار  الاحزان
كلبي   من  الهم  لگيته يلعن  افلان
عالزچيه اشلون يهجم هذا شيطان
ما درك اية القربى   ايشوف القرآن

اه  والاهات  تحچيهه  المنايا
*******************************
انه  بس  اجروح  اعيشن  قصة الباب
زحمه يم حيدر اجيبن طاري المصاب
يزعل   الفقار  حسره  ابطاري  العتاب
دمع من  الباب  ماخذ  دمعي  سچاب

عدنه مكسور تحچي الروايه
*******************************
اجروح  مليانه المهج  تحچي الرسايل
احنه  خلصنه   العمر   سكته  ونجامل
واضح انشوف الحقيقه كلشي حاصل
حگنه  باب وظلع ما نرضه  التنازل

اهواي معروفه الحقيقه ونوايا
*******************************
ماتت  اگلوب اشكثر ميته الضماير
چان  همهم  ينمحي وضع الشعاير
ليش كل هذا الحقد ينفي المصادر
يريد يبري الزمره من هاي الظواهر

احنه نعرف باليضدهه من البدايه
*******************************
ماتت الزهره وغضبهه  اعله الصحابه
حتى   ظاهرهم  حقد جيش العصابه
شفنه   تاريخ    النذل   اسود   خرابه
حر   جهنم   حصته   ويأخذ   عقابه

حصته اللعنه يظل هاي النهايه
*******************************
تمت...... بعون الله تعالى الشاعر____يوسف_الفتلاوي

سامحيني...بالدمع يبدي اعتذاري
سامحيني ...والظلع حشم فقاري
يازهراء---------- يازهراء
***************************
كاتب البسمار لوحه تقره بعيوني
اخذ من عيني الضوه ومشيب اجفوني
اشما انام اليل حسره تنحني امتوني
ابروحي باني مگبره يالزهره يلگوني

من هضمهه........ماتت بهمهه الزجيه
من هضمهه...عالگبر اخفي الوصيه
يا زهراء________يازهراء
*******************************
اكره الباب من اشوفه اشتعل جمره
كون خيبر حتى اقلعه بيدي يالزهره
من يصد عالباب حيدر ينكلب ذكره
اعتذاري اشلون صاير ميت الف حسره

عذبتهه.........يا دهر ليش الرزيه
عذبتهه.....بيا ذنب بس رد عليه

يازهراء ______يازهراء
*******************************
چني طير بلايه جنحه ودافن اجروحه
والصبح ما مر عليه عيني مشبوحه
ليلي يخلص بس مناحه وخانك ابروحه
عجبه باب الزهره يوگع واني مالوحه

ماشفتهه....حسرتي يمه اليتامه
ما شفتهه...ضمت اعليه العلامه

يا زهراء ________يازهراء
*******************************
اني اول مره حيدر ينكسر ظهري
والنفس مر عله ريتي ومختنك صدري
حسبت كل نجمه چانت تاخذ بعمري
بعيني ما ظل كل دمع تعرفني ياصبري

من عذابي....مابعد بيه انه اشوفي
من عذابي....ينچوي الليل بچفوفي
يازهراء ________يازهراء
*******************************
الروحه دافن ليش عايش يذبح ايامه
چني ظلمه بكاع صحره ضاعت أحلامه
وجهي ظهرت بي علايم كشف الثامه
والدهر خلاني وحدي يرمي بسهامه

لو نختني....... تنتهي شفت القضيه
لو نختني.........تنكلب هسه الوطيه

يازهراء _________يازهراء
*******************************
لو اشوف الباب اسكت والحجي ابعيني
ويلي تجرحني المشاعر ياضوه اسنيني
خلي هذا الصار يحجي بينج وبيني
ظهري يالزهره حنيته بأول ونيني

من فكدهه...يادمع يحچي المواقف
من فكدهه....ماتت بروحي سوالف

يازهراء _________يازهراء
*******************************
صعبه والله فاطمه مااحمل اغيابج
والسقيفه شلون توصل تعتني ابابج
شفت حتى الباب يروي لوعة امصابج
والسطر عينج اويلي شسوه بهدابج

ياحسافه.......الدهر ياخذ زماني
ياحسافه....ولاعلي چنك هذاني
*******************************
تمت بعون الله
خادمكم.....يوسف الفتلاوي

يا هلا ابتاج العداله
طه مبعوث الرساله

يارسول الله  حبيبي♡♡♡♡
*******************************
انولد  أصل الدين  وأصل العقيده
وبتشرت   الاكوان  تكتب  نشيده
محلى الفرح وياك تحلى القصيده
وسند بيك ايصير  شفنه الصميده

يافرحنه الليله ردد
أشهدُ  حبك  محمد

يارسول الله حبيبي♡♡♡♡
*******************************
حلوه  الصفات البيك بانت كماله
ودعوه حب الناس چانت خصاله
والصادق  المحبوب  طيبة  فعاله
رحمه  وبعث  بالنور  رب الجلاله

بالنبي ظهرت علايم
آدم   ايبشر العوالم

يارسول الله حبيبي♡♡♡♡
*******************************
آدم  سجد  تعظيم  شاف النبوه
وبهل الصفات البيك يالهادي حلوه
بساگي العرش والنور لدنيا ضوه
بالمحشر العشاك من چفه تروه

يا جمال الله  ابحروفه
والعشك يرسم طيوفه

يارسول الله حبيبي ♡♡♡♡
*******************************
كل الرسل والنور  بشرت بسمه
هادينه هوه الخير لدنيا  رحمه
مثلك   فلا مخلوق غذانه علمه
مشغوله كل الحور بالجنه رسمه

كل نبي بسمك تودد
خاتم الادياني أحمد

يارسول الله حبيبي ♡♡♡♡
*******************************
هم مثله صار اليوم منتظره الأيام
غايبنه  هم  ايعود  ويحقق احلام
وارث صفاته انهار هم كافل ايتام
منقذها باچر صار ويزيح  الاوهام

ننتظر  ساعة  ظهوره
يابخت نشتم عطوره

يارسول الله حبيبي ♡♡♡♡
*******************************
تمت بعون الله تعالى الشاعر___يوسف_الفتلاوي

(( ابوذيات للرسول ص ))

فرحنه وبالعشك ورده.......ودينه
ورفعنه اشموع يالهادي.....ودينه
خسر كلمن يضد طه ......ودينه

مشرك بالرساله الاحمديه
***************************
تشب الروح وطفي .....من هواهم
وتنفسنه هوانه ...........من هواهم
بني طه يمن تسأل..........من هواهم

محبتهم فرض واجب عليه
*****************************
خبر هالليله بالبهجه..................وردنه
ونثرنه بمولده فرحة..................وردنه
عله الحوض احنه لونعطش.....وردنه

بچفوفك سيدي نشرب سويه
****************************
يوسف عباس الفتلاوي