Пра гэта ў шоў «ТОК» разважаў Рыгор Астапеня, палітолаг, зансавальнік Цэнтра новых ідэй і дырэктар «Беларускай ініцыятывы» ў Chatham House, якая ладзіць сацыялагічныя апытанкі ў Беларусі.
— Людзі не могуць нічога пачуць ад Віктара Бабарыкі некалькі гадоў. Складана казаць, што, вось, мы дагэтуль марым пра Віктара Бабарыку. Да, калі мы ўявім сабе сітуацыю, што ён выходзіць, патэнцыйна ён можа мець вялікую падтрымку. Але тут і цяпер… калі няма ніякіх навінаў пра чалавека, досыць складана казаць, што ён дагэтуль застаецца нумарам адзін у беларускай палітыцы.
Па сутнасці, ён быў першым нумарам. Тое, што ён паказаў улетку 2020 года — гэта была рэвалюцыйная з’ява. І адпаведна таму ён, на вялікі жаль, вельмі хутка аказаўся ў турме.
Тое, што было ў Беларусі — непараўнальна з іншымі краінамі. Колькасць подпісаў, напрыклад, якая была сабраная за некалькі тыдняў — 400-500 тысяч — гэта працэнтаў 7-8 ад усяго насельніцтва Беларусі. Гэта рэвалюцыя.
Калі калісьці, я спадзяюся ён здолее выйсці з турмы, у яго будуць вялікія магчымасці.