پست‌های تلگرام Yo'lovchi

#ўзимга_таскин

Албатта муваффақ бўласан. Чунки руҳингдаги нур атрофингдаги зулматдан кучли...

✍@umidaaziz

Ифторда сабрлар гўзалдир,
Сабрга ажрлар гўзалдир.
Роббимнинг энг буюк неъмати,
Рўзадорга Раййон афзалдир!

©️Алломахон Хакимова

Ифтор лаҳзалари хайрларга васила бўлсин!

✍️@umidaaziz

Бирор масалада қайғураётган кишини шукр қилишга мажбурлаш, унинг дардига малҳам бўлмайди. Аксинча, кишини ўзини айбдор ҳис қилшига сабаб бўладиган ташаббус. Катта эҳтимол билан шукрга мажбурланаётган киши "Шу ҳолимга ҳам шукр қилишим керак, лекин буни ҳис қилолмаяпман, худо урсин! Қанчалик нотавонман. Иймоним ҳам заиф экан" деб ўзидан ёзғиради.

✍️@umidaaziz

Кароҳат пайтида кўзим илиниб, кўрган тушларим :

Югуриб ҳам ошиб ўтилмайдигандек туюлган ҳар қандай йўлни энди оҳиста юрган ҳолда ортда қолдирмоқдамиз. Бир пайтлари белимизни синдириб, букримизни чиқаради, деб ўйлаган ҳар бир дардни Аллоҳ шундай чиройли енгиллатмоқдаки, қаерда ортмоқлаб олганимизни ҳам унутиб қўямиз. Бу ер дунё, йўловчим, қаерда бир гул кўрсанг, атрофи тиканзор бўлади...

✍️@umidaaziz

#қизимга_айтганларим

...ва кимнидир ёнида ярашиш учун нурингни сўндирма!

✍️@umidaaziz

Қуёш қувди сўнгги қорайган қорни,
Еллар келтирдилар унут ифорни.
Лек кўнглим илимас, гулламас кўнглим,
Мен нима қиламан сенсиз баҳорни!?

Боғда бинафшалар таратади бўй,
Қушлар чуғурида илоҳий бир куй,
Аммо юрагимда муздай совуқ ўй
Мен нима қиламан сенсиз баҳорни?!

Осмон ой пиширар юлдузга қориб,
Куртаклар қиқирлар новдани ёриб,
Айтгин, кимга борай, кимга ёлвориб,
Мен нима қиламан сенсиз баҳорни?!

Бир оқшомда бўйга етар бодомлар,
Оппоқ бўлиб тўйга етар бодомлар,
Минг ошиқни сархуш этар бодомлар
Мен нима қиламан сенсиз бахорни?!

Ариқ лабларида уйғонар ялпиз,
Бойчечак қитиқлар шаффоф саҳарни,
Нега индамайсан гапиргин, ҳой қиз
Мен нима қиламан сенсиз баҳорни?!

©️ Воҳид Луқмон

✍️@umidaaziz

Туркияда яшаётганим сабабли русчам шевага тортиб кетяпти 🥰

✍@umidaaziz

Кўтара олади, дея ўзингдан оғир юкларни бўйнинга юклашади. Ҳатто бу ишларини шу қадар маҳорат, устомонлик билан қилишадики, кўтаролмайман, дейишга уяласан баъзан...

✍@umidaaziz

Не синовларни меҳмон қилдим, билсанг эди. Ҳамда ҳеч ҳисобда йўқ эди. Яхшиям кўнглимни илитадиган дуолар бор экан...

#дуо

Аллоҳим, тилимга туширган дуоларнинг ижобати остонада эканига шубҳам йўқ..!

✍️@umidaaziz