Uca Allah ﷻ belə buyurmuşdur:
{قَدۡ سَمِعَ ٱللَّهُ قَوۡلَ ٱلَّتِی تُجَـٰدِلُكَ فِی زَوۡجِهَا وَتَشۡتَكِیۤ إِلَى ٱللَّهِ وَٱللَّهُ یَسۡمَعُ تَحَاوُرَكُمَاۤۚ إِنَّ ٱللَّهَ سَمِیعُۢ بَصِیرٌ}
Əri barəsində səninlə mübahisə edən və Allaha şikayət edən qadının sözünü Allah eşitdi. Allah sizin söhbətinizi eşidir. Həqiqətən, Allah Eşidəndir, Görəndir. (Mücadilə, 1)
Ömər ibn Xəttab (Allah ondan razı olsun) insanlarla bir yerə gedərkən Xəvla bint Sələbə deyilən bir qadınla qarşılaşır. Bu qadın onu dayandırdı. Ömər onun üçün dayandı, ona yaxınlaşdı və qadın istədiyini tamamlayana qədər diqqətlə ona qulaq asdı. Sonra bir kişi ona dedi:
“Ey möminlərin əmiri! Qureyşin kişilərini bu yaşlı qadın üçün gecikdirdin.”
O dedi: “Vay halına! Bu qadının kim olduğunu bilirsənmi?”
O dedi: “Xeyr.”
Ömər dedi:
“Bu, ərindən şikayətini Allahın yeddi qat səmanın üstündən eşitdiyi qadındır. Bu, Xəvla bint Sələbədir.
Allaha and olsun, əgər gecə düşənə qədər mənə danışsaydı, onun ehtiyacı tamamlanana qədər onu dinləyərdim, yalnız namaz vaxtı gəlsəydi, namazı qılıb yenidən onun yanına qayıdardım."
📚Buxari, "Tarix əl-Kəbir", 7/245 Həsən liğeyrihi, Darimi, "əl-Rədd ələl-Cəhmiyyə", 31 İbn Əbu Hatim, "Təfsir", 18841
✍️ Şeyx Arafat Muhəmmədi
Tərcümə: Samiq Mustafayev
🌐http://T.me/sunneyedevet