Saint George Sport Club - Offical Page/የቅዱስ ጊዮርጊስ ስፖርት ማህበር ይፋዊ ቴሌግራም ቻናል

"ቅዱስ ጊዮርጊስን በአምበልነት በመምራቴ ኩራት ይሰማኛል!!
ግብ ጠባቂው ባሀሩ ነጋሽ
ታላቁን ክለብ ቅዱስ ጊዮርጊስን ገና በለጋ እድሜው በመቀላቀል ከ17 ዓመት በታች፣ ከ20 ዓመት በታች እንዲሁም ዋና ቡድን ድረስ በማደግ በተለይም ደግሞ 2014 እና 2015 ዓ.ም በቤት ኪንግ ኢትዮጵያ ፕሪሚየር ሊግ ከአራት ዓመት በኋላ ለተከታታይ ቡድናችን ሻምፒዮን ሲሆንና የ2000 ዓ.ም ተይዞ የነበረውን የሃያ አራት ጨዋታዎች አለመሸነፍ ሪከርድ የተጋራው የግብ ጠባቂው ባህሩ ነጋሽ ሚና እጅግ በጣም የጎላ ነበር፡፡

በ2016 ዓ.ም የክለባችን ቋሚ ግብ ጠባቂ ከመሆን በተጨማሪ ለብሔራዊ ቡድንም መመረጥ ችሏል፡፡ በ2017 ዓ.ም የክለባችን ቅዱስ ጊዮርጊስ አምበል በመሆን የአምበልነት ሚናውን እየተወጣ ይገኛል፡፡
በመሆኑም አምበሉ ባህሩ ነጋሽ ቅዱስ ጊዮርጊስን በአምበልነት መምራት ስላለው ስሜት፣ በቡድኑ ውስጥ ስላለው የአንድነትና የአሸናፊነት ስነ-ልቦና ዙሪያ አጠር ያለች ቆይታ አድርጓል፡፡

መልካም ቆይታ ይሁንላችሁ፡፡
👉 ቅዱስ ጊዮርጊስ የሚያክል ትልቅ ክለብ ውስጥ በአንበልነት ስትመረጥ ምን ተስማህ?

ባሀሩ ነጋሽ:- ለዚህ ትልቅ ቡድን ታምኖብኝ አምበል ሆኖ መመረጥ እድለኝነት ነው፣ በጣም ደስ ብሎኛል፡፡

👉 ለመጀመሪያ ጊዜ ነው አምበል ሆነክ ቡድኑን እያገለገልክ ነው ያለኸውና የአንበልነት ኃላፊነት ምን ይመስላል?

ባሀሩ ነጋሽ:- እንኳን አንበል መሆን አይደለም፣ የቅዱስ ጊዮርጊስ ተጨዋች መሆን እራሱ ብዙ ሀላፊነት ነው ያለው እና አንበል ደሞ ሰትሆኚ በጣም ብዙ ኃላፊነት ይኖሩብሻል፣ ለመጀመሪያ ጊዜ ቢሆንም ይህንን ኃላፊነት የተቀበልኩት ከዚህ በፊት አምበል ከነበሩት ከቡድን አጋሮቼ ጋር ጥሩ የሚባል ጓደኝነትና መቀራረብ ስለነበረን ብዙም አልከበደኝም፣ እንደ አንበል ሜዳ ውስጥም ሆነ ከሜዳ ውጪ ኃላፊነቴን እየተወጣሁ እገኛለሁ ከአሰልጣኞቼ የሚሰጠኝን ስራ ወይም መመሪያ በአግባቡ እየተገበርኩ እገኛለሁ፡፡

👉 አሁን በቡድናችን ውስጥ ያለው አንድነትና የአሸናፊነት ሥነ-ልቦና ምን ይመስላል?

ባሀሩ ነጋሽ:- የአሸናፊነት መንፈሳችን በጣም ከፍተኛ ነው፣ ሁሉም ተጨዋቾች እርስ በራሳችን እየተከባበርን ሁሉንም ነገር በህብረት እየሰራን እንገኛለን፡፡ የተሻለ አንድነትና ህብረት አለን ሁላችንም የተሻለ ውጤት ለማስመዝገብ በጋራ እየሰራን ነው፡፡
ክለባችንን የሚመጥን ውጤት ለማስመዝገብ ከሜዳው ውስጥም ሆነ ከሜዳ ውጪ በቅንጅትና በህብረት እየሰራን እንገኛለን፡፡

👉 የባሀሩ ነጋሽ የወደፊት እቅድ ምንድን ነው?
ባህሩ ነጋሽ:- በዚህ ዓመት የመጀመሪያ እቅዴ ከቡድኔ ጋር ዋንጫ ማንሳትና በግሌ ደግሞ የዓመቱ ምርጡ ግብ ጠባቂ ከመሆን በተጨማሪ ለብሔራዊ ቡድን በመመረጥ ሀገሬን ወክዬ መጫወት እፈልጋለሁ፡፡

👉 ለደጋፊዎቻችን የምታስተላልፈው መልዕክት ካለ እድሉን ልስጥህ?

ባሀሩ ነጋሽ:- ለደጋፊዎቻን ማስተላለፍ ምፈልገው ነገር ቢኖር፣ በዚህ ሰዓት ከጎናችን ሆነው በየትኛውም ሰዓትና ቦታ ተገኝተው የተለመደውን ድጋፋቸው ከእኛ እንዳይለይ ማለት እፈልጋሁ፡፡

👉 ለነበረን አጭር ቆይታ ከልብ አመሰግናለሁ፡፡
ባሀሩ ነጋሽ፡- እኔም አመሰግናለሁ፡፡

👉ድሬዳዋ ተጉዤ፣ስታዲየም ተገኝቼ፣ ከክለቤ ጎን መቆም ባልችልም የአቅሜን አበረክታለው በሚል ቻሌጅ #ደጋፊዎቻችን በንቃት እየተሳተፊ ይገኛሉ ።

👉በኢትዮጵያ ንግድ ባንክ
የሒሳብ ቁጥር 928 ወይም
በቴሌብር CBE 1000566875757 ገቢ ማድረግ ይችላሉ፡፡

💛❤አንድ ክለብ አንድ ቤተሰብ 💛💛

👉ድሬዳዋ ተጉዤ፣ስታዲየም ተገኝቼ፣ ከክለቤ ጎን መቆም ባልችልም በአለሁበት ሆኜ እቅሜ በፈቀደው ልክ
ባለ 30፣50 እና 100 ብር ትኬት በመግዛት ኃላፊነቴን እወጣለሁ፡፡
በኢትዮጵያ ንግድ ባንክ
የሒሳብ ቁጥር 928 ወይም
በቴሌብር CBE 1000566875757ገቢ ማድረግ ይችላሉ፡፡

👉የፈረሰኞቹን አዲሱ ማሊያ በፅህፈት ቤታችን በአሁን ሰዓት እየተሸጠ ይገኛል ።
💛❤ይህንን ውብ ማሊያ የግሎ ያድርጎ 💛❤
✌️አንድ ክለብ አንድ ቤተሰብ ✌️

👉ለስፖርት ማህበራችን አባላትና ደጋፊዎች አዲስ ማሊያ ያመጣን መሆኑን እየገለፅን ሽያጭ ነገ ህዳር 12/2017 ዓ.ም ይጀመራል፡፡
==============//=============
ሽያጭ የሚጀምርበት ሰዓት ነገ ከረፋዱ 3፡00 ሰዓት ጀምሮ በቅሎ ቤት በሚገኘው የስፖርት ማህበራችን መዝናኛ ማዕከል መሸጥ ይጀምራል ፡፡

👉የአንዱ ዋጋ 1000 (አንድ ሺ ብር ብቻ)

✌️ሳንጅዬን ያላችሁ✌️
✌️እስቲ እንያችሁ! ✌️

❤💛 ማሊያ ለመግዛት ዝግጁ? ❤💛

@goferesportswear

👉የፈረሰኞቹ ዋናው ቡድን በድጋሜ በዛሬው እለት የአቋም መፈተሻ ጨዋታውን ከ20 ዓመት በታች ቡድናችን ጋር ያደረገ ሲሆን 6 ለ 3በሆነ ውጤት አሸንፈዋል።
ቅዱስ ጊዮርጊስ ዋናው ቡድን 6 - 3ቅዱስ ጊዮርጊስ ከ20ዓመት በታች ጀh
ፍፁም ጥላሁን ⚽️⚽️ ⚽️ፋይም ዘይኑ
መሀመድ ኮኔ ⚽️⚽️ ⚽️ሰለሞን ታደሰ
ቢኒያም ፍቅሩ ⚽️ ⚽️ክብር አክሊሉ
ፀጋ ከድር ⚽️

በተጨማሪ ከጉዳት ጋር በተያያዘ ኦጋንዳዊው ተጫዋች ከጊፍት ፍሪድ እና ከአሮን አንተር ውጪ ሁሉም ተጫዋቾቻችን በሙሉ ጤንነት ላይ ይገኛሉ።

👉"ለዋናው ቡድን የሚመጥኑ ልጆችን ለማፍራት በቅንጅት እየሰራን እንገኛለን!!
ከ20 ዓመት በታች አሰልጣኝ ታደሰ ጥላሁን

የ2017 ዓ.ም ከ20 ዓመት በታች የኢትዮጵያ ፕሪሚየር ሊግ ህዳር 29 ቀን 2017 ዓ.ም ወደ ውድድር ሲመለስ ያለፉትን ሁለት ዓመታት በርካታ ወጣትና ተስፋ ያላቸውን ወጣቶት ተጨዋቾች ወደ ዋናው ቡድን በማሳደግ ተተኪዎችን እያፈራ የሚገኘው ከ20 ዓመት በታች ቡድናችን ለአዲስ ምዕራፍ የዝግጅት ይረዳቸው ዘንድ ከዋናው ቡድን ጋር የወዳጅነት ጨዋታ በማድረግ እራሳቸውን እያጠናኩ ይገኛል፡፡

የባለፈውን ዓመት ከ17 ዓመት በታች ቡድናችን አሰልጣኝ የነበረው ታደሰ ጥላሁን አሁን ደግሞ ከ20 ዓመት በታች ቡድናችንን በመያዝ በርካታ ወጣቶችን በመመልመልና ከታች በማሳደግ ከነባር ልጆች ጋር እያዋሀደ ተተኪዎችን እያፈራ ይገኛል፡፡

ስለሆነም አሰልጣኝ ታደሰ ጥላሁን ስለ ወጣቶቹ ወቅታዊ ሁኔታ ዙሪያ ከዝግጅት ክፍላችን ጋር አጠር ያለች ቆይታ አድርጓል ፡፡

መልካም ቆይታ ይሁንላችሁ፡፡

ጥያቄ :-ቡድኑን በተመለከተ

ታደሰ ጥላሁን፡- ያለው ሂደት ቡድን እየስራን ነው፣ ምርጫው በተወሰነ መልኩ አልቆ በአብዛኛው ምርጫ ከ17 እና ከ20 ዓመት በታች ነው፣ እነሱን የማቀናጀት ስራ ነው እየስራን ያለነው፣ እስካሁን ሁለት የወዳጅነት ጨዋታዎችን አድርገናል፣ ነገም አንድ የወዳጅነት ጨዋታ አለን ከዋናው ቡድን ጋር የሚኖሩትን የወዳጅነት ጨዋታ ቅርፅ እያስያዝን የሚታዩ ክፍተቶችን እያስተካከልን እንሄዳለን፡፡ እንደ ቡድን ስናየው ቡድናችን ብዙ የሚቀረው ነገር አለ ፣ ሆኖም ግን አሁን ምርጫ ላይ ስለሆንን ልጆቹ በቦታቸው ያላቸውን ነገር የማስተማሩ ሂደት እስካሁን ብዙም አልሄድንበትም ምክንያቱም ገና ምልመላ ላይ ስለሆንን ፣ ባለው ነገር ላይ ነው እየስራን ያለነው፣ በጊዜ ሂደት ቡድኑን አጠናክረን የምንሰራ ይሆናል ።

👉በዘንድሮው ዓመት ስለተመለመሉ ልጆች

ታደሰ ጥላሁን፡- ከ20 ዓመት በታች ቡድን ውስጥ የነበሩ ልጆች አሉ፣ ከ17 ዓመት በታች ደግሞ 16 ልጆችን ይዘናል ፣ ነገር ግን 16 ልጆች ያድጋሉ ማለት ሳይሆን ተሸሎ የተገኘውን ተጫዋቾች ነው የምንይዘው፣ ይመጥናሉ በእንቅስቃሴ በስራ ይቀየራሉ ነገ ጥሩ ሊሆኑ ይችላሉ ብለን የምናስባቸውን ልጆች እንይዛለን፣ አሁን ለጊዜው ወደ 12 ልጆች አሉ፣ ከ17 ዓመት ወጥተው ወደ 20 ዓመት በታች የመጡ ናቸው፣ ከውጪ ያየናቸው ልጆች አሉ፣ የተሻለ ነገር ካላቸው ቅድሚያውን ለነሱ እንሰጣለን፣ የተሻለ ነገር የሌላቸው ከሆነ እኩል የመሆን ነገር ካለ ግን ለራሳችን ልጆች ቅድሚያ እድሉን እንሰጣለን፡፡

👉አዳዲስ ልጆችን ከነባሮቹ ጋር ስለማዋሃድ

ታደሰ ጥላሁን፡- አሁን ያለን የጊዜ ገደብ አጭር ነው፣ ህዳር 15 ይጀምራል ተብሎ የነበረው ወደ ህዳር 29 ከፍ ተደርጓል፣ ጊዜው መራዘሙ ለኛ ጥሩ ነው፣ የ20 ቀን ጊዜ ይኖረና፣ ለእኛ ጥሩ የመዋሀድ ነገር የምፈጥርበት ወቅት ይሆናል፣ በቂም ባይሆን የምፈልገውን ቡድን መስራት የምንችልበት ጊዜ ይኖረናል ብዬ አስባለሁ፡፡
የፊታችን ህዳር 19 ፌዴሬሽኑ የጠራው ስብሰባ አለ እዛ ስብሰባ ላይ የውድድሩ ቦታና የጨዋታው ድልድል ይወጣል ብዬ አስባለሁ፡፡

👉ከዋናው ቡድን አሰልጣኞች ጋር በቅንጅት ስለመስራት

ታደሰ ጥላሁን፡- በጣም ጥሩ ግንኙነት አለን፣ አዳዲስ ወጣትና ተስፋ ያላቸውን ልጆች በእረፍት ጊዜአቸው መጥተው ልምምድ ሜዳ ምልመላን በማየትና ሀሳብ በመስጠት ከ20 ዓመት በታች ያሉት ልጆች ምን ይመስላሉ የሚለውን ምን አይነት ስራ ብንሰራ ልጆች ጥሩ ይሆናሉ የሚለውን ነገር እስከ መወያየት ደርሰናል፡፡ ይሄንን ቅርርቦሽና ተግባቦት ከሌለ ለዋናው ቡድን የሚመጡትን ልጆች ማፍራት በራስ አመለካከትና በራስ ምርጫ ብቻ ነው የሚሆነው፣ ሌላው ደሞ ከዋናው ቡድን አሰልጣኞች ጋር በቅርበት ስንሰራ ሁሉንም ነገር የማየትና የመወያየት ነገር ጉልበትና አቅም ይኖረዋል፡፡ በጣም የሚገርመው እነሱ ደብረ ዘይት እኛ አዲስ አበባ ሆነን በስልክ የምናወራቸው ነግሮች አሉን፣ አሁን ለቅዱስ ጊዮርጊስ የሚመጥኑ ልጆች ለማፍራት በጋራ እየስራን ነው እና ጥሩ የሆነ ግኑኝነት ነው ያለን፡፡

👉ለነበረን አጭር ቆይታ ከልብ አመሰግናለሁ፡፡
ታደሰ ጥላሁን፡- እኔም አመሰግናለሁ፡፡