Rufat Huseynzade

“Qadınlar üçün Kosmos” mentorluq proqramı yenidən başlayır!

Azərkosmos BMT-nin Kosmos Məsələləri üzrə Ofisi (UNOOSA) tərəfindən təsis edilmiş Qadınlar və Qızlar üçün Elmin Beynəlxalq Gününün 10-cu ildönümü münasibətilə növbəti dəfə "Qadınlar üçün kosmos" üç aylıq mentorluq proqramını elan edir.

Bu il proqrama seçiləcək yerlərin sayını ötən ilki proqramla müqayisədə 2 dəfə artırdıq və daha çox namizədin qoşularaq bu unikal təcrübədən faydalanmasına imkan yaratdılıb.

Proqrama kim müraciət edə bilər:
✅ Azərbaycanlı qadınlar
✅ Yaş həddi: 18-35
✅ Kosmos və kosmik ekosistemi öyrənməyə marağı olan, öyrənməyə və inkişafa açıq qadınlar

Müraciət üçün son tarix: 11 mart, 2025
📌 Qeydiyyat üçün: https://forms.gle/GpWxqyPy6CMoJA1v9

Müşviq bəy bakalavr təhsilini tamamladıqdan sonra təxminən, 7-8 il korporativ sektorda müxtəlif vəzifələrdə çalışıb. Hal-hazırda isə böyük şirkətlərdən birində baş auditor olaraq fəaliyyət göstərir.

O, komandamızla birlikdə dünyanın ən nüfuzlu Executive MBA proqramlarından biri olan HEC Parisə qəbul olub.

Bakalavr təhsilini bitirdikdən sonra birbaşa magistr və ya MBA təhsili almadan iş həyatına başlamaq və karyera təcrübəsi qazandıqdan sonra təhsilini davam etdirmək seçimlərdən biridir. Müşviq bəy məhz bu yolu seçib və uğurla keçib.

Podkastımızda onun HEC Paris-ə qədərki iş təcrübəsi, bu universiteti seçmə motivasiyası, gələcək planları və eyni yolu getmək istəyənlər üçün faydalı məsləhətləri barədə ətraflı məlumat əldə edə bilərsiniz.

Podkastın tam versiyası üçün aşağıdakı linkə keçid edib, izləyə bilərsiniz.

https://youtu.be/0EO1zflGH2g?si=YpKyaAvVahV8sZ6x

Xoş izləmələr! 💙

TOP TALKS ŞƏKİ Təhsil forumu 📈

Forumda müxtəlif ucqar rayonlardan Top Universitetlərə qəbul alan tələbə və məzunlarımız, həmçinin spikerlərimiz iştirakçılar ilə kommunikasiyada olacaq, sualları cavablayacaqlar 💙

Bölgələrimizə səslənirik (Balakən, Qax, Qəbələ, Oğuz, Zaqatala, Şəki və.b) biz gəlirik 💫

İstəklərə əsasən Top Talks Şəki yeni tarixdə :

🗓️ 26.01.2025

📍 Şəki ş., Heydər Əliyev Mərkəzi

🕘 09:00

İştirak üçün qeydiyyat linki: https://forms.gle/9FDYn4Km5Py9UmCp6

📣Avrasiya Əməkdaşlıq Fondunun (AƏF) gənclər üçün “Bakı Münaqişə Məktəbi 2025”-ə qəbulu davam edir!

⏳Müraciət üçün son tarix: 19 yanvar, 2025
📆Keçirilmə tarixi: 6 - 15 fevral 2025, üzbəüz (oflayn)

📌QEYD: Namizədlərin müsahibəyə dəvət edilməsi və seçilməsi müraciət etmə tarixinə əsasən aparılacaq. Bunun üçün iştirakçılardan mümkün qədər tez müraciət etmələrini xahiş edirik.

📝Müraciət formasını bu keçid vasitəsilə tamamlaya bilərsiniz: https://forms.gle/Pq3SGJyegTaUCYUR7

🎯Ətraflı məlumatı aşağıdakı keçiddən əldə edə bilərsiniz: https://epfound.az/2024/12/29/1269-2-2-2/

EducationUSA Azərbaycan “Early Bird” proqramına müraciətlərin qəbulunu elan edir!

📣EducationUSA Early Bird proqramı Amerika universitetində təhsil almağa maraqlı olan 7-ci və 8-ci sinif şagirdləri üçün nəzərdə tutulmuş intensiv onlayn qrup məsləhət proqramıdır. Proqram şagirdlərin təhsil maraqlarını və karyera yolunu kəşf etməyə, İngilis dili, yazı və bacarıqlarını inkişaf etdirməyə, həmçinin ABŞ universitetlərinə qəbul prosesinə hazırlaşmağa kömək etmək məqsədi daşıyır.

Bu proqram, akademik bacarığı və motivasiyası olan, Amerika universitetlərinə və kolleclərinə qəbul olmaq istəyən bütün şagirdlər üçün nəzərdə tutulub. Proqram tamamilə ödənişsizdir və iştirakla bağlı bütün xərclər EducationUSA tərəfindən ABŞ-ın Azərbaycandakı Səfirliyinin dəstəyi ilə qarşılanır. Proqramın dörd ayını tamamlamaq üçün şagirdlər hər həftə keçirilən mühazirələrdə, klublarda, ictimai işlərdə və mədəniyyətlərarası tədbirlərdə iştirak etməlidirlər.

❗Namizədlər üçün tələblər:

- Müraciətçilər hal-hazırda Azərbaycanda yaşamalıdır;
- Güclü İngilis dili bacarıqlarına sahib olmalıdır;
- Akademik iş, ictimai fəallıq və dərsdən kənar fəaliyyətləri ilə liderlik potensialını nümayiş etdirməlidir;
- ABŞ-da təhsil almağa həvəs göstərməlidir.

Qeydiyyat üçün linkə keçid edin: https://forms.gle/5WFwhhKQUdXPhQYc6
Müraciət üçün son tarix: 15 yanvar 2025, saat 23:59 (Bakı vaxtı ilə)

Qeyd edək ki, yalnız seçilmiş şagirdlər müsahibəyə dəvət olunacaq.

Suallarınız üçün əlaqə: [email protected]

Rəqəmsal media, kənd təsərrüfatı, İT və kiber təhlükəsizlik və ya biznes ilə maraqlanan birinci və ya ikinci kurs universitet tələbələri üçün əla fürsət

ABŞ-nin Bakıdakı Səfirliyi bu sahələr üzrə ABŞ-dəki icma kollecinin ev sahibliyi etdiyi bir illik qeyri-dərəcə təhsil proqramını elan etməkdən məmnundur. Bu rəqabətli və tam maliyyələşdirilən proqram sizə amerikalı və beynəlxalq tələbələrlə birgə əldə etdiyiniz bilik və bacarıqları real layihələrədə istifadə etməyə imkan verəcək. Şərtlərlə linkə keçid edərək tanış ola bilərsiniz.

➡️ https://az.usembassy.gov/az/cci/
🗓️ Müraciət üçün son tarix yanvarın 17-sidir.

3 tələbəmizə müsahibə gəlmişdi, onlardan tələbəmiz Sevincə dünyanın 1 nömrəli universiteti MIT-dən erkən müraciətdə bakalavr qəbulu gəldi 💙

Sevincin bu nəticəsində əsas rolu təbii ki özü və ailəsi oynayıb. Bununla bərabər Fuad müəllim başda olmaqla ARTİ və beynəlxalq olimpiada komandası, Kadir müəllim və Dəyanət liseyi, bizə Sevincin müraciətlərinə dəstək olmağımız üçün Technest layihəsi çərçivəsində təqaüd ayıran İnara xanım, İnnovasiya və Rəqəmsal İnkişaf Agentliyi və bizim ROOF komandasını, həmçinin digər bu yolda Sevinclə olan hərkəsi təbrik edirəm💙

Bu tip gözəl nəticələr çoxsaylı çalışmaların və əziyyətin bir araya gəlməsi ilə mümkündü. Hər biri olmadan mənzərə tamamlanmır, hər komponent əhəmiyyətli və dəyərlidir, belə gözəl uğurda hər birinin rolu var🙏🏽

MIT-dən son 5 ildə artıq ölkəmizin 6, bizim komanda olaraq isə 5 bakalavr qəbulumuz var, ölkəmizin daha çox gəncinin uğurlu təhsil yoluna dəstək olmağımız diləyi ilə✌️

#MIT #TOP1

😍 İnformatika olimpiadalarına təqaüdlü şəkildə hazırlaş!

📣Bir fərdi sahibkarla birlikdə aztəminatlı ailələrdən olan, potensiallı 6 və 7-ci sinif şagirdlərinin İnformatika olimpiadalarına hazırlıq prosesi üçün yeni təqaüd layihəsini elan edirik!

🥇 Təqaüd proqramına Bakıda və regionlarda yaşayan 6-7-ci sinif şagirdləri müraciət edə bilərlər. Seçim mərhələlərini uğurla keçən 10 şagird layihə çərçivəsində İnformatika olimpiadalarına hazırlıq proqramından və İngilis dili dərslərindən ödənişsiz şəkildə yararlana biləcəklər.

👨🏻‍💻 Təlimçimiz isə Respublika Fənn Olimpiadalarının 2 qızıl və 2 gümüş medalçısı, "Beynəlxalq Jautikov Olimpiadası"nın və "Lütfizadə adına Beynəlxalq İnformatika Olimpiadası"nın bürünc, Beynəlxalq "İnfo Cup" proqramlaşdırma müsabiqəsinin isə gümüş medalçısı, o cümlədən, Azərbaycanı "Beynəlxalq İnformatika Olimpiadasında (IOI)" təmsil etmiş Xizri Saxrayev olacaq.

Müraciət etmək üçün qeydiyyat linki ⬇️

https://forms.gle/ALphXJ5WZLZeoduZ9

Salam gənclər, American Math Competition (AMC) adlı bir yarış var. Onun ödənişsiz sınaq imtahanı təşkil olunacaq, marağı olanlar girib iştirak edə bilərlər.

Suallar, imtahan maraqlı gəlsə, davamında imtahan üçün qeydiyyatdan keçib, imtahanda iştirak edə bilərsiniz.

⬇️ Ətraflı məlumat:

📌 12 Noyabr, 2024-cü tədris ilində keçiriləcək AMC 10 üçün sınaq imtahanına qoşula bilərsiniz.

📍AMC - Azərbaycan bölməsi - 9 10 11 Sinif
https://www.oxuyan.az/exams/NLP67L

📍AMC - English - 9 10 11 Grade
https://www.oxuyan.az/exams/9UQDL1

📍AMC - Русский сектор - 9 10 11 класс
https://www.oxuyan.az/exams/LTZED5

Real imtahanda iştirak üçün:

📌 12 Noyabr, 2024-cü tədris ilində AMC 10 (9-10-11 sinif şagirdləri üçün) ölkəmizdə təşkil ediləcəkdir. Azərbaycan, rus və ingilis dillərində təşkil ediləcək müsabiqə saat 10:00-da başlayacaqdır. Müsabiqə 40 dəqiqə vaxt və 25 sualdan ibarətdir, onlayn və offlayn olaraq ( offlayn olaraq min. 10 nəfər müraciət edə bilər. ) keçiriləcəkdir.

🛑Biletləri aşağıda linkdən əldə edə bilərsiniz:
📍AMC 10B AZE 2024
https://www.oxuyan.az/exams/1NXRV3
📍AMC 10B English 2024
https://www.oxuyan.az/exams/VMTUCH
📍AMC 10B RUS 2024
https://www.oxuyan.az/exams/D1MZPY

Fərid bp ilə birgə həyata keçirdiyimiz təqaüd layihəsinin 2022-2023-cü il periodunda qalib olan tələbələrimizdəndir.

Onunla hazırlıq dönəmində 1500 SAT nəticəsi və 7.0 IELTS nəticəsi əldə etmişdik.

Fəridlə bir sıra fərqli xarici universitetlərə müraciətlər etmişdik, onun seçimi isə KAIST olmuşdu, hazırda KAIST-də 2-ci kursda təhsilinə davam edir.

Podkastımızda, qəbula qədərki hazırlıq dönəmindən, olimpiada hazırlıqlarından, 2 illik təhsil təcrübələrindən və digər maraqlı mövzulardan danışmışıq.

Xaricdə təhsil planlayan dostlarınızı şərhə tag edin, xəbərdar olsunlar.

Podkastın tam versiyası üçün:

https://youtu.be/VVF0J8PWkm0?si=kRcjC1aHFI587ob8

Xoş izləmələr 💙

Nəriman bakalavr təhsilini Dövlət İdarəçilik Akademiyasında, magistr təhsilini isə Türkiyədə Hacettepe Universitetində alıb. O, karyerasını bir neçə il televiziyada müxbir kimi, davamında isə təhsil sahəsində davam etdirib.

Nəriman 2-ci magistr dərəcəsinə tam təqaüdlü şəkildə “University of Minnesota”-a “Public Policy” ixtisasına qəbul oldu və ailəsi ilə birlikdə ABŞ-a getdi.

Bu podkastımızda həm onun təhsil təcrübəsini necə dəyərləndirməsindən, həm 1-ci magistr təhsilindən 4 il aradan sonra yenidən magistr təhsili alma qərarından, həm də iş təcrübələrindən danışmışıq.

Xaricdə təhsil planlayan dostlarınızı şərhə tag edin, xəbərdar olsunlar.

Podkastın tam versiyası üçün aşağıdakı linkə keçid edib, izləyə bilərsiniz⬇️

https://youtu.be/arkS2kUZUwo?si=aFufZtqPn6khl1-A

Xoş izləmələr 💙

🌍 Çikaqodan qonağımız var.

😎 THE reytinqində 46-cı olan University of Illinois at Urbana-Champaign təmsilçisi Yang Pisani sabah akademiyamızın qonağı olacaq. Ötən il bir neçə tələbəmizlə qəbul aldığımız universitetin təmsilçisi xaricdə təhsil və maliyyə sahəsində magistratura proqramı haqqında iştirakçıları məlumatlandıracaq.

🎓 Xaricdə təhsil almağı düşünən hər kəsi infosessiyaya dəvət edirik.

Dənizin MIT təcrübəsi

Dənizlə 2023-cü ildə MIT-ə qəbul almışdıq və o, artıq 1-ci kursu bitirib.

Podkastda Dənizin həm qəbul dönəmində olan təcrübəsindən, həm də universitetin ilk ilini necə dəyərləndirməsindən danışmışıq.

Rəqabətli universitetə qəbul olmaq istəyən və ya artıq qəbul olmuş gənclər üçün faydalı bir podkast olduğunu düşünürəm. Çünki, qəbul olmaq qədər o mühiti və fürsətləri dəyərləndirmək də önəmlidir.

Xaricdə təhsil planlayan və ya ilk kursda təhsil alan dostlarınızı, valideynlərini şərhə tag edin, xəbərdar olsunlar.

Podkastın tam versiyası üçün şərhdəki linkə keçid edib, izləyə bilərsiniz.

Xoş izləmələr 💙

#mıt #top1university #Amerika #studymotivation #xaricdətəhsil #studyabroad

Ölkə xaricinə səfər edəndə ən xoşuma gələn şeylərdən biri müxtəlif sahələrdə olan həmyerlilərimizlə görüşməkdir.

İngiltərəyə səfərim zamanı Reading-də təsisçiləri azərbaycanlılar olan halalbooking.com ofisini ziyarət etmə imkanım oldu.

Ənvər bəy və Turan bəy bizi orada qonaq etdilər, startapın tarixçəsi haqqında, gördüyü işlər barədə məlumat verdilər. Halal turizm sahəsində çox ciddi ölçüdə olan və böyümə potansialı olan bir startapın qurucularının həmyerlilərimiz olması çox sevindirir. Ümid edirəm ki, tezliklə unicorn startap olmaları ilə bağlı xəbəri bizimlə bölüşərlər.

Üstündən bir müddət keçsə də qonaqpərvərliklərinə görə Ənvər bəyə, Turan bəyə, Yusif bəyə və Tərlan bəyə təşəkkür edirəm.

Aysu bakalavr təhsilini UNEC-də 95+ ortalama ilə bitirib.

Onun IELTS nəticəsi 8.0; GRE nəticəsi isə 312 bal idi.

Aysu İnnovasiya və Rəqəmsal İnkişaf Agentliyi ilə birgə həyata keçirdiyimiz “Talant” təqaüd proqramı çərçivəsində TOP 42-də yerləşən “University of Illinois at Urbana-Champaign”-ə “Statistika” ixtisası üzrə magistratura dərəcəsinə qəbul olub.

O, təhsilinə Dövlət Proqramı çərçivəsində tam təqaüdlə davam edəcək.

Podkastda o, bakalavr təhsil dönəmini necə dəyərləndirməsi, imtahana hazırlıq, universitetə və təqaüdə qəbul prosesləri barədə öz təcrübəsini bölüşüb.

Xaricdə təhsil planlayan və ya ilk kurslarda təhsil alan dostlarınızı şərhə tag edin, xəbərdar olsunlar.

Podkastın tam versiyası :

https://youtu.be/YVVm-A_O6OQ?si=7O6H6m_ztMxL3Tsy

Xoş izləmələr 💙

#studymotivation #studyabroad #xaricdetehsil #illinois #amerikadatəhsil #top50

Tələbəmiz Xizri ödənişsiz İnformatika olimpiadası kampı elan edib.

Olimpiadalarla əlaqəli valideynlər çoxlu suallar soruşurdu, maraqlı olanlar qoşula bilər


https://www.facebook.com/share/p/tDSc7KReR9A8kiMk/?mibextid=WC7FNe

2022-2028 Dövlət Proqramı

Dövlət Təqaüd Proqramının vaxtı uzadıldığı üçün bu il məktəbdə 8, 9, 10, 11-ci siniflərdə oxuyan və universitetdə 1, 2, 3, 4-cü kurslarda oxuyan tələbələr oxuduqları tədris müəssisələrini bitirdikləri zaman öz təhsillərini xaricdə TOP universitetlərdə təqaüdlü şəkildə davam etdirə bilərlər, proqram artıq bunu rəsmi olaraq təsdiqləyib.

Hər il Dövlət Proqramı ilə 500 nəfər xarici reytinqli universitetlərə göndərəcək. Onlardan 125 nəfəri bakalavr dərəcəsi, 275 nəfəri magistratura dərəcəsi, 100 nəfəri isə doktorantura dərəcəsi üzrə nəzərdə tutulub.

Ona görə də gənclər TOP universitetlərdə oxumaq üçün müxtəlif daxili təqaüdləri, fondların verdiyi təqaüdlərlə yanaşı Dövlət Proqramını da dəyərləndirə bilərlər. Hər il 500 nəfərə təqaüd imkanı ayrılması, həqiqətən, çox ciddi saydır.

Düşünürəm ki, bu imkandan gənclər və ailələri faydalana, öz təhsillərini təqaüdlü şəkildə davam etdirə bilərlər.

Şəms 2019 - 2020-ci ildə bizim tələbəmiz olub, 4 ildir ki, Türkiyədə Sağlık Bilimleri Universitetində (Köhnə Gülhanə/GATA) təhsil alır və bu il artıq 5-ci kursa keçdi. O, tibb təhsili aldığı dönəmi çox yaxşı dəyərləndirib.

Düşünürəm ki, Şəmslə olan podkastımız həm Türkiyədə tibb üzrə təhsil almaq, həm də universitet dönəmini necə produktiv dəyərləndirməklə bağlı fikir sahibi olmaq istəyənlər üçün kifayət qədər faydalı olub.

Xaricdə təhsil planlayan və ya ilk kurslarda təhsil alan dostlarınızı şərhə tag edin, xəbərdar olsunlar.

Podkastın tam versiyası üçün şərhdəki linkə keçid edib, izləyə bilərsiniz.

Xoş izləmələr 💙

#studymotivation #türkiyədətəhsil #tibb #sağlıkbilimlerifakültesi

Bakıdan Amerikadakı Amerikalıya xidmət

TOP universitetlərə hazırlıq və qəbul nöqtəsində təkcə ölkəmizdə deyil, MDB məkanında sistematik iş görə bilən azsaylı şirkətlərdən biriyik.

Keçən tədris ilində çox maraqlı bir təcrübə yaşadıq. Belə ki, Amerikada özəl məktəbdə oxuyan, Amerika vətəndaşı olan bir şagirdə - Nicholasa Azərbaycan şirkəti olaraq xidmət göstərdik və ABŞ-nin TOP universitetlərinə müraciət etdik. Nəticədə şagirdin və ailənin ən çox istədiyi universitetlərdən birinə qəbul aldıq.

Keçən tədris ilinə kimi, əsasən, azərbaycanlı gənclərin dünyanın ən rəqabətli universitetlərinə qəbulu üçün çalışırdıq, lakin indi bu proseslə yanaşı fərqli millətlərdən olan gənclərin də dünyanın müxtəlif TOP universitetlərinə müraciəti və qəbulu istiqamətində xidmət göstərməyə başlamışıq.

Övladlarımızla ömür boyu keçirəcəyimiz vaxtın 75%-ni onların 12 yaşına qədər,
90%-ni isə onların 18 yaşına qədər keçirmiş oluruq.

Bu cümləni yazanda elmi mənbəni dəqiq tapa bilmədim, amma düşünürəm ki, çox doğru təsbitdir.

Bəzən valideynlər işə, karyeraya və ya övladlarının inkişafına, müxtəlif hazırlıqlara cəlb olunmasına çox yönəlirlər, uşaqların böyüməsi bu və ya digər səbəbdən nəzərlərindən qaçır.

Nəzərə almaq lazımdır ki, onların kiçik olduqları dövr onlarla birlikdə vaxt keçirmək və müxtəlif fəaliyyətlər etmək üçün fürsət dövrüdür. Təhsilləri nə qədər vacib olsa da, uşaqların valideynləri ilə keçirdikləri zaman, məncə, ondan daha vacibdir.

Düşünürəm ki, təhsili sonradan da qazanmaq mümkündür, amma valideynlərlə sonradan vaxt keçirmək çox çətindir.

Bu nöqtədə yeni tədris ili başlamaqda olarkən, aktiv hazırlıqlar, dərnəklər, məşğələlər düşünərkən, valideynlər həmçinin övladları ilə birlikdə keçirəcəkləri vaxtı da eyni canfəşanlıqla planlamalıdırlar.

2023-2024 tədris ilində TOP 10-da yerləşən universitetlərdən (Harvard , MIT, Columbia, NUS, UCL) 9 nəfərə bakalavr dərəcəsi üzrə qəbul aldıq.

Nihat da TOP 10-da yerləşən Columbia universitetinə qəbul olan tələbələrimizdən biridir.

O, bakalavr təhsilini “Economy-Political Science” ixtisası üzrə tam təqaüdlə davam etdirəcək.

Nihatla bu qəbulu almasında ona dəstək olan faktorlardan, əldə etdiyi akademik nəticələrdən (SAT, IELTS), dərsdənkənar fəaliyyətlərindən danışmışıq. Həmçinin onunla müraciət prosesi və intervyu təcrübəsi barədə maraqlı müzakirələr aparmışıq.

Düşünürəm ki, yeni tədris ilinin başlanğıcında TOP universitetlərdə bakalavr təhsili almağı düşünən namizədlər üçün faydalı olacaq.

Xaricdə təhsil planlayan dostlarınızı şərhə tag edin, xəbərdar olsunlar.

Podkastın tam versiyası üçün şərhə keçid edib, izləyə bilərsiniz.
Xoş izləmələr 💙

#columbia #studymotivation #xaricdetehsil #top10

“Deneyap” texnologiya laboratoriyasına şagird seçimi imtahanına qeydiyyat başlayıb

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi və Türkiyə Texnologiya Komandası Fondunun əməkdaşlığı ilə yaradılan "Bilim Bakı" mərkəzinin “Deneyap” texnologiya laboratoriyasına şagird seçimi imtahanına qeydiyyat başlayıb.

“Deneyap” proqamı gələcək dövrün ehtiyaclarını nəzərə alan, layihə əsaslı, gündəlik həyat problemlərinin həllinə yönələn və şagirdlərə 21-ci əsrin bacarıqlarını əldə etməyə imkan verən kompleks, fərqli bir təhsil modelidir və ödənişsiz həyata keçirilir.

Qeyd: davamı şərhdə⬇️⬇️⬇️

COP29 könüllülərin iştirakını təşkil etmək üçün qeydiyyat prosesinə start verib

Ətraflı olaraq:

https://www.instagram.com/p/C7i6sVct0YT/?igsh=ZTh0N3Vsa3BxZzJr

Artıq böyük tədbirlərdə əsas tərəfdaş olmaqla bağlı ciddi təcrübəmiz formalaşıb.

Ayın 13-ü ölkədə ilk dəfə keçirilən Təchizat Zənciri Liderləri Zirvəsində platinum sponsor kimi iştirak edirdik.

Bu sahə üzrə çalışan mütəxəssislərlə tanışlıq imkanları, öz xidmətlərimiz barədə onları məlumatlandırmaq çox xoş oldu.

Tədbirin hər kəs üçün faydalı olduğunu ümid edirəm.

Artıq 3 ildir ki, ardıcıl olaraq Milli İnsan Resursları Forumunun əsas tərəfdaşlarından biriyik.

Özüm Bakıda olmasam da inanıram ki, komandamız çox yaxşı şəkildə bizi təmsil edəcək. Bu cür forumlarda müxtəlif istiqamətlərdə olan mütəxəssislərin görüşü, fikir mübadiləsi etməsi düşünürəm ki, çox faydalıdır.

İştirak edən hər kəsə uğurlar arzulayıram.

https://www.instagram.com/p/C6OZ_KqtFui/?igsh=MXVidzh2eGlwa3p0aw==

Xəqani müəllimin yeni layihəsi olan "Wake Up" təqaüd proqramına qeydiyyat başlayıb. Layihəyə 4-cü kurs bakalavr tələbələri, magistr tələbələri, orta təhsillilər, işsizlər və 1 il iş stajı olan şəxslər üçün nəzərdə tutulub. Qeydiyyatdan keçərək fürsəti dəyərləndirə bilərsiniz.

Ətraflı məlumat üçün linkə keçid edin⬇️

https://www.linkedin.com/feed/update/urn:li:activity:7185539476901777408?updateEntityUrn=urn%3Ali%3Afs_feedUpdate%3A%28V2%2Curn%3Ali%3Aactivity%3A7185539476901777408%29