قناة نشر قصائد حسينيه مكتوبه

🌷يا مهدي🌷
مجموعة ابوذيات


هَـزّولــي ابـدعــا الــفــرج  ..  مـهـداي
وعمري وما مـلـكـتـه ألـك  .. مـهـداي
كل يوم واصيـح بـصـوت  .. مـهـداي

متى اتــكـحل عـيّـون الـرافـضـيـه

*----------------------*-------------------*

الشدد مــن دون شخصك.. من يحلهه
وسـمـانــه بـغـيـر نـــــورك.. من يحلهه
الـحـيـاة اتـصـيـر جــنــــه.. من يحلهه

الـفـرح. وبـطـلـعـتـك تـزهي الـوطـيــه

*----------------------*---------------------*

ديـانــه  الــمـا تــعـــرفــك مـه ..  ديانه
وَأنــه بـنــورك يـمـهـدي مهدي  ..  آنـه
مَـتـه تـصـيـح النواصب مهدي .. ايانه

ويـرد بـيـده كـسـر ضـلـع الـزجـيـه

*-----------------------*--------------------*

يـطـيـر الـسـعـد مـر بـيـنـه  .. فرحنه
ول أل  الــنــبــي  يـحـلـــه  ..  فرحنه
مشينـه بـدرب ابـو الـيـمـه  .. فرحنه

نـبـاركـلــه  الـولاده  الـمـهـدويــه

*------------------------*--------------------*

✍خادم الأمام المهدي عج
الشاعر رعد الجريخي



                         

هوسات شعبانيه للامام المهدي
(عجل الله فرجه الشريف )

ختم ربنا الظلام وبددّه بنورك
تِدَّنَه حالها الدنيا ودنه دورك
تبني دولتك وتقيم دستورك
(كل دولة باطل تمحيها )
★★★★★
ضوه عيونك يزيح الظلمه والحسره
فلاتبخل علينه سيدي بنظره
بميلادك الناس اليوم مبتشره
( ياتاج الشيعه وراعيها )
★★★★★
نص شعبان كمّل فرحتي وكبرت
بيوم خمسطعش بعد الصبر تمت
وين اعداي ذيج الگبل تشمت
( رايتهم باچر ملمومه )
★★★★★
المن نشتكي من الجور يامولاي
انگرض درع الصبر ونهدل ثوب الراي
حكمه اتغيب مايعرف عدونه ابهاي
(الدنيا اتعمرها وتبنيها)

الشاعر حسن لعيبي الحريشاوي

لولاده الامام المنتظر عجل الله فرجه
الشريف قصيده هوسات ورباطات

(بطلعة نور المهدي   محله ايامك ياشعبان)
★★★★★★
بعزم حسين  ونوره   وعزم الگاصد صوب الماي
حتماً باچر تظهر     رغم الحاقد  يامولاي
بأمرك كل العالم    نفس الشور ونفس الراي
جموع الباطل تمحيها   
دولة عدلك تبنيها
جنه الدنيا اتسويها

(بأول يوم التظهر   آخر يوم من الاحزان)
(بطلعة نور المهدي   محله ايامك ياشعبان )
★★★★★★
وبارك ربي وسلم   محله الساعه وهذا اليوم
بمولد نور العتره   متضل شده على المهموم
الينشر راية عدله  وبيرغ عدوانه الملموم
يابدر الساطع نوره  
بأجمل عنوان وصوره
ورايات الحق منشوره

(بفَيَّ الروض الزاهر غنه الطير على الأغصان)
(بطلعة نور المهدي  محله ايامك ياشعبان )
★★★★★★
العنك گالوا غايب  باچر تظهر مايدرون
بمنخل ماتتغطه  الشمس التزهر نص الكون
جدك ذلهم بالطف  يوم العاشر واخته أم عون
جيوش الباطل مغلوبه
يابوالطلعه المهيوبه  
ومن حيدر نهج اسلوبه

(وخل يغتاظ الشامت  حبك  دم البلشريان)
(بطلعة نور المهدي   محله ايامك ياشعبان)
★★★★★★
وصابر لجل اعيونك  متحمل   لوم  العذال
وذاك الگال اسطوره  الشاف غيابك لمن طال
وذاك اوهام ايصَرَّح  ماموجود الغايب گال
خافوا من زود انوارك   
باچر توصل اخبارك
ليوم الطف تاخذ ثارك

(ومايتغير حبك      يلمتربع بالوجدان )
(بطلعة نور المهدي  محله ايامك ياشعبان)
★★★★★★
الگوم احتاروا تالي  بليل المايخلص يمشون
محد يعرف قدرك    الگوم العنك مايقرون
الجاهل مثل الاعمى  لوحطوله اهواي اعيون
الماحبك يامهدينه   
امضيع دنياه ودينه
شنوصفك ياحامينه
(انته الدين  ونوره  وانته الخير من الرحمان)

الشاعر حسن لعيبي الحريشاوي

تهانينه تهانينه
بنور المهدي والينه
★★★★★
هله بميلادك الزاهر
نور على الارض داير
هله ياسلوة الحاير
يبوصالح يمهدينه

إلك شوگ الگلب دايم
بمحبتك ياگمر  هايم
امامي وسيدي القائم
الك شوگ شكثر بينه
★★★★★
نزل شعبان بأعياده
شملنه بفرح ميلاده
هله ياهيبة الساده
يمنور ليالينه

الارض ضوت مشارقها
ابفرح هنت مغاربها
الارض محله معالمها
تشكر فضل بارينه
★★★★★
بطلعة نورك الواضح
نهني الجاي والرايح
بميلادك يبوصالح
الگلب حبك عناوينه

بجمال المهدي وانواره
يرب الكون واسراره
اجعلنا اجنوده وانصاره
خدم للمهدي  خلينه
★★★★★
نتاني طلعته باچر
بدر طول الوكت زاهر
النجيب  العابد  الطاهر
نشوفه كل امانينه

هله بالنور والحكمه
وقاطع دابر الظلمه
يعم العدل  والرحمه
بنوره من يوافينه
★★★★★
نريد اتحطم المنكر
وتحصد كل فروع الشر
وتهدم كل بدع تظهر
وتبيد جيوش اعادينه

الحكيم الماخطه ابرايه
وجعل خير البشر غايه
تنشر  للنبي رايه
وترفع منهجه ودينه

تهانينه تهانينه

الشاعر حسن لعيبي الحريشاوي

هوسات لولادة الامام المهدي عجل الله فرجه الشريف

أجه شعبان  بالايمان    والاحسان
من  عدنان  عالي الشان  ابن شجعان
ابن قرآن  ابن ميدان   بالوجدان

(هنا يلرايد تسمع    حب المهدي اتربع بالوجدان )
★★★★★
إلك خدام  يامقدام  ياضرغام
ضوه الاسلام  والايام والأحكام
ياصَوَّام    ياقَوَّام   قائد عام

(وباچر كلهن  بيدك   لامحتاج ولامظلوم )

الشاعر حسن لعيبي الحريشاوي

لذكرى ولادة الامام صاحب العصر والزمان عجل الله فرجه الشريف (ملمع )

هلت انواره علينه   وابتشر وجه الزمان
صاحب الطلعة الرشيدة  بنوره اشرق كل مكان
صارت الدنيا سعيده
بصاحب الغرة الحميده
صاحب الطلعة الرشيدة
نهتف بصوت ونعيده

(طلع النور علينا  زاهرا نور الامام)
(انه من نور طه  أَحمَدُّ خير الأنام )
★★★★★
هلت انوار المحبه والأمان
لبوصالح نور يملي كل مكان
باچر ايغيير تفاصيل الزمان
قامع وجوه الضلاله  والهوان
هلت انواره علينه
ملت كل صوب ومدينه
من نبع جوده ارتويته
وصوب خطواته مشينه

(طلع النور لِقصدٍِ  يجعل الدنيا سلام)
(بعدما تملئ جورا  ومآسي  وظلام )
★★★★★
وابدعاء العهد جددنا الولاء
للحبيب الحمل صبر الانبياء
ورددينا الصوت وبعالي النداء
ندعي بالتعجيل  يارب السماء
المهدي نعمتنا بوجوده
انريد نتنعم أبجوده
نهر من الجنه زوده
اجعلنا يارب من جنوده

(أنه ميلاد خير  ونعيم لايزول)
(يملئ الايام عدلا  هكذا قال الرسول)
★★★★★
مثل شمس الواضحه ابوجه النهار
يجلي ليل الظلم من بعد انتظار
جنوده نحلم عن يمين وعن يسار
الدنيا يمليها هداية بأختصار
گلوب مليانه سعاده
فرحت بهاي الولاده
حبه ايمان وعباده
لسيدي اتلوگ القياده

(أنه يوماً عظيما  وجميلا وسعيد)
(أنه يوماً قريبا   ليس عنا ببعيد )
★★★★★
ماكو باچر لا هوان ولاعذاب
ماكو باچر  لاتشرد لاخراب
ولاضياع ودرب مجهول وسراب
ولاحزن بعيون دمعتها عتاب
باچر الدنيا نعيم
وجنه وورود ونسيم
علفقير وعليتيم
تصير علباطل جحيم

(طلع النور علينا   بعد صبر وانتظار  )
(ليس للظالم  منجى   او مكانا  وأختيار )
★★★★★
باچر اتعم المحبه والسلام
بدوله العز والكرامة للامام
للامام المهدي ابن خير الأنام
هو لآل المصطفى مسك الختام
باچر انشوف الأماني
ولابشر بيها يعاني
ولازمن حاقد وأناني
ولايزيد وشمر ثاني

(طلع النور علينا    فرحا يجلي الهموم )
(انه من بيت فقه   وكتاب  وعلوم   )

الشاعر حسن لعيبي الحريشاوي

لولادة الإمام محمد المهدي عجل الله فرجه الشريف. (ملمع) وزن الدارمي

(أدامك الرحمن ياصاحب الزمان)
(يامهجة البتول ومنهج الرسول)
(ياصاحب الزمان)
★★★★★
بروضاته زاهي الطير. ويناغي الانسام
ومختلف هذا اليوم. عن باقي. الايام
روج السعادة ايميل. ويزيح. الا لام
انجدد وكتنه افراح. عام بأثر عام

(لمهجة الكتاب. . لآخر الاطياب)
(بالفرج القريب. ندعو الى الحبيب )
(ياصاحب الزمان )
★★★★★
للمهدي هاي الروح. تحمل تحيه
لأبن النبي المختار سيد البريه
وابن الوصي الكرار.حامي الحميه
وابن الشرف والنور. ذيچ الزچيه

(ياصفوةالحنان. وروضة الأمان)
(شوقا إلى اللقاء. نعاود النداء )
(ياصاحب الزمان )
★★★★★
بحبلك يخير الدين احنه التزمنه
ومن طارق الايام. بيك اعتصمنه
فوگ النجم بهواك. مرفوع اسمنه
ابجالك الصعبات. لاماتهمنه

(يهمنا رضاك. لأننا نهواك)
(يامهجة الرسول. نسئلك القبول)
(ياصاحب الزمان)
★★★★★
مزدهر هذا الكون. مبتشره الأملاك
وتكمل معاني الدين. لوكمل ملگاك
أنجدد عهدنه اليوم. ونلبي نهواك
بنورك مهجنه أطوف. للأبد. وياك

(ياجنة تسير. بالمسك والعبير)
(لجنة السرور. سفينة العبور. )
(ياصاحب الزمان)
★★★★★
بخمسطعش شعبان. مزدهر عودك
واعدنه رحمه وخير ربنه ابوجودك
تمحي الظلم والجور. سيدي بزودك
عجل يبو الطيبات. يشملنه جودك

(ياصاحب الزمان. نسابق الحنان)
(بشوقنا العظيم لنورك الكريم)
(ياصاحب الزمان )

الشاعر حسن لعيبي الحريشاوي ✍️

من العلي سيدي  نورك اليوم أعتله
استحقاق عن مقدره المختار داعي إله
مو عن فراغ وعبث  حَصلَّت  هلمنزله
اليوم الزمان ابتشر بالعين كلشي حِلَه
الكون بضواك انسعد  ليل الظلام انجله
بمولدك يبن الحسن  بالضوه الكون أمتله
مولدك يلمنتظر  افواج نستقبله
بمولدك ياسيدي  ياهله وميت هله

الشاعر حسن لعيبي الحريشاوي

ابوذيات لمناسبة ولادة الامام المهدي المنتظر عجل الله فرجه الشريف

شهر شعبان بالتقديس وقره
وعوف الماسمع بالاذن وقره
لتعجيل الفرج انتظر وقره
دعاء العهد  كل صبح ومسيه
★★★★★
بخلل يعجز يريد الوكت خلنه
الفرح اصبح صديج وصار خلنه
بميلاده نعيش افراح خلنه
بليالينه  السعيده المهدويه
★★★★★
يدمع العين ما أبچي وهملك
اذا جاني الفرح انسه وهملك
انتظر ك مولد الحجه  وهملك
يرحمه وخير من رب البرية

الشاعر حسن لعيبي الحريشاوي

زهيري لولادة الامام المهدي عجل الله فرجه الشريف

الصبح  لابد يمر شماليل مظلم يجن
يابشر كون بمهل و مطلوب تصبر يجن
صح المفارگ محب بفراگه خايف يجن
ياعاديات الزمن عن الگلب عَدَّي   
وياروحي اتمهلي  ايام الفرج  عِدَّي   
الشوفة امام العصر باقي امل عدي
ايام الفرج انتظر  لازم ولابد  يجن

الشاعر حسن لعيبي الحريشاوي

صاحب الطلعة الرشيدة

صاحب الغره الحميدة   ياامامي
صاحب الطلعة الرشيدة ياامامي
سيرتك تروي الغليل
شلون تحتاج لدليل
صاحب الطلعة الرشيدة  ياامامي
★★★★★
عادل  وسيد   وحاكم
ظاهر   وخازن  وقائم
باهر  وحامد  وعالم
بلخلگ مالك مثيل   
شلون تحتاج لدليل
وجهك الجنه الاكيده     ياامامي
صاحب الطلعة الرشيدة  ياامامي
★★★★★
عابد  وذاكر   وطاهر
قابض  وجابر   وحاشر
قاطع  وناطق  وناصر
نبع صافي وسلسبيل   
شلون تحتاج لدليل
احله مطلع للقصيده   ياامامي
صاحب الطلعة الرشيدة ياامامي
★★★★★
خاتم  وباسط   وثائر
خاشع  وراكع  وشاكر
منتظر  للامر     صابر
لو الف مصدر قليل  
شلون تحتاج  لدليل
انت يمثبت العقيدة  ياامامي
صاحب الطلعة الرشيدة ياامامي
★★★★★★★
صالح  وصادق  وصاحب
شاهد   وحاضر  وغايب
منتقم   بلثار    طالب
من نسل طاهر جليل
شلون تحتاج  لدليل
انوار وجهك مو بعيده   ياامامي
صاحب الطلعة الرشيدة  ياامامي
★★★★★
شوفتك اغله الاماني
الوجهك الطاهر نتاني
يا أملنه الما له ثاني
للنجاة انت السبيل
شلون تحتاج  لدليل
كاسر خشوم العنيدة   ياامامي
صاحب الطلعة الرشيدة ياامامي

الشاعر حسن لعيبي الحريشاوي

عَجَّل يرب السمه يوم الفرج ساعته
وأجَّل يربي الاجل حتى انضر الطلعته
اجمل عصور الزمن  لمن تحل دولته
بالعدل يملي الارض  راية  علي بيمنته
ويفني الظلم للابد شماطَوَّلت مدتَّه
تنتظر هاي المهج  كلها فده المهجته
من الباري هوه الفضل وعلى الارض حجتَّهَ

الشاعر حسن لعيبي الحريشاوي

زهيري مهدوي

ماهمه گلبي شكثر من العمر راحله
كل راحه ماله الگلب بس شوفتك راحله
ياحجة الله الصبر سويته إلي راحله
شخصي بدونك عدم  تاه الفكر عدَّه
متانيك وانته الامل  بالنايبه عِدَّه
طال انتظاري وأسف مني العمر عَدَّه
وايام عمري گضت حيف اصبحت راحله

الشاعر حسن لعيبي الحريشاوي

لولادة علي الاكبر سلام الله عليه

وين   الي ميعرفونه
تجدح بالغيظ أعيونه
الحومه اتفسر مظمونه
الاكبر يوم يلاگونه
انصار الشجره الملعونه
العرفوا حيدر يقرونه
يعني الموت يسمونه
اعلوم الباري المخزونه
ومهجة طه المكنونه
وصولة حيدر وفنونه

(للموت أيصَدَّر عدوانه )

الشاعر حسن لعيبي الحريشاوي

ابوذية للمهدي عجل الله فرجه الشريف

الليالي سود لوصارن وظلمن
بكترمن  تحتمي گلي. وظلمن
الأرض لو تنملي جوْرَاً.  وظلمن
يمليها ابعداله ابن الزچيه

الشاعر حسن لعيبي الحريشاوي

اهازيج مهدويه

يرب الرحمه نترجاك   كونك ربي  ماتمنع
لومتنه وصفينه اتراب    ولهلدنيا مانرجع
عدنه بس طلب واحد     كون من الگبر نطلع
المالحگنه بانواره
نصبح ياريت انصاره
يارب انريد ابشاره
(خدام المهدي اتمنينه  )
★★★★★
يرب الرحمه نترجاك    الذاك اليوم خلينه
الگمرنه من يشع نوره  امام العدل مهدينه
خدم عنده يريت نصير    ضد الباطل انعينه
نصبر لاجله ونتحمل
ندعي الباري ونتوسل
ياربي كونك تقبل
( للمهدي  اجنود اتخلينه)

الشاعر حسن لعيبي الحريشاوي

هوسه مهدويه

أمر بارينه للصعبات   خلاه الفرج مظموم 
يملي الدنيا رحمه وخير  مايبقه گلب مهموم
يجبر خاطر المكسور   يمسح دمعة المظلوم
يرب عدلين نتمنه   ونشوف المهدي ذاك اليوم

(من أنصاره يارب خلينه )

الشاعر حسن لعيبي الحريشاوي

لولادة قائم ال محمد عجل الله فرجه الشريف

الك يلمهدي
ينوري وسعدي
اجدد عهدي
الك يلمهدي
★★★★★
امامي القائم   يثغر الباسم    حكيم وعالم
اجيتك خادم   بمحبتك هايم   يريتك سالم
يكلشي عندي
اجدد عهدي
الك يلمهدي
★★★★★
أجيت بعزمي   تسجل اسمي     تحقق حلمي
ابساطة  فِهْمِي   على قدرة علمي.  على دقة عظمي.
على رقة جلدي
اجدد عهدي
الك يلمهدي
★★★★★

الارض أدريها    الامل حاديها   السنن تحييها
اصد تاليها       ظلم مابيها       عدل تمليها 
يحلمي الوردي
اجدد عهدي
الك يلمهدي
★★★★★

الليالي احييها    واسولف بيها    شرف طارييها
بفرح اگضيها    ابسعاده امليها  الدموع اخفيها
وتفارگ خدي
اجدد عهدي
الك يلمهدي
★★★★★
اجدد ذكري  واقدم شكري  يروحي وعمري
يمالك امري  وضميري وسري ياكوكب دري
حجازي ونجدي
اجدد عهدي
الك يلمهدي
★★★★★

الك اوقاّتي   يبن ساداتي  وسبب راحاتي
رغم زلّاتي     تقّبل ذاتي     على علّاتي
بقدرتي وجهدي
اجدد عهدي
الك يلمهدي
★★★★★
متى انوارك     تهل من دارك     واظل اتبارك  
اتاني اخبارك   واشوف اثارك   بجموع انصارك
اصيرن جندي
اجدد عهدي
الك يلمهدي
★★★★★
لامامي الذاكر   الصبور الشاكر  ينجم الزاهر 
احن امناطر   وادير الناظر      واگولن باچر
كلامي ورَدَّيٌ
اجدد عهدي
الك يلمهدي

الشاعر حسن لعيبي الحريشاوي

ابوذيات لولادة الإمام المهدي عجل الله فرجه الشريف

سنن وأيات للرحمن  نصن
علَّنك وللعدوان.   نصن
باچر لوتصير الناس نصن
اريد بعسكرك يبن الزچيه

مايحتاج ادله الامر  والحل
ولااثبات اهل العقد  والحل
انته الامل يامولاي  والحل
ظهورك خير باچر   علبريه

العقل ياصاحبي بهلامر حكمه
الباري أخَّر الموعود.   حكمه
موصدفه ولاعن غير.  حكمه
لجل دولة كريمه. وعالميه

الشاعر حسن لعيبي الحريشاوي

لولادة الامام المهدي المنتظر
عجل الله فرجه الشريف

گمره ابمولده الليله وزهيه
امامي صاحب الطلعه البهيه
★★★★★
وحگ الطاهره زينب وجدها
يبوصالح الك روحي وجدها
الگه الروح لوضاعت وجدها
بنورك تعتلي فوگ الثريه
أمامي صاحب الطلعة البهية
★★★★★
أَقْدِّس مطلع أنواره  لجلها
احبها وناذر اعيوني  لجلها
روحي من المهد تنطر لجلها
تتاني انواره كل صبح ومسيه
أمامي صاحب الطلعة البهية
★★★★★
شنفعي سيدي بدونك هوانه
يدافع بالشدد گلبي هوانه
يبوصالح الك ثابت هوانه
ثابت من صغرنه للمنيه
أمامي صاحب الطلعة البهية
★★★★★
علامات المجد صدرك حملها
وتعاليم النبي فكرك. حملها
ثگل دنيانه يلمهدي  حملها
نتاني طلعتك يبن الزجيه
أمامي صاحب الطلعة البهية
★★★★★
انتهينه بالهوه ومنه بدينه
لأبن العسكري  أنلوَّح  بدينه
ملزومه الخلگ باچر بدينه
ويمحيه الظلم بين البريه
أمامي صاحب الطلعة البهية

الشاعر حسن لعيبي الحريشاوي

وحگ سورة نبأ و الگال( عمّه )
بالسجاد گلبي الفرح   ( عمّه )
خواله ملوك والعباس  ( عمّه )
هيبه ولو مشه ايرجف الوطيه

……………………………………………………………


خطب بالشام رشگ اسهام چلماته
كالفقار تذبح ذبح نظراته
ببن حسين مفتخرات عماته
( زينب چن عباس تشوفه )

……………………………………………………………


ولا ليله العليل اينام بمچانه
يدگ بيده الشريفه ابوب جيرانه
سوه عنده صحبته و ناس عدوانه
( ومحمّل زاده اعل متونه )

…………………………………………………………… 
سيد خضر الزاملي

من يوم العرفتك واني احبك حيل
وعَليّ حبّك وجوبًا هالگلب أفتى

يا محلى السوالف من يمر طاريك
‏يمن كل الطوايف تحلف بـ بَخته

مثلك ما شفت عبّاس مخلوق
شبيهك بالعوالم شفت بس انتَ

وبحضرة اعيونك حاير الرسّام
وبحضرة جمالك واجبة السكتة

‏اليشوفك بالحقيقة وراد يكتب ليك
‏تعجز كل حروفه ويكتفي بصمته

شفتك سيد اعله الماي يا ماي
وعبدك تحت امرك طائِعَك شفته

مو ماي الفرات .. يلوح چفك غيم
الما فكرت بي لحظة ولا ردته

خلص وكته الماي من عنه مشيت
بس صبرك لهسه ما خلص وكته

و بيك اتوسّل وصوت الدعاء امواج
وفقد لون الحياة مولاي من عفته

من ‏حق ابن آدم إذا بيك يهيم
واليشعُر حضرتك أحلى من جَنته
______________
حسين علي الدليمي

       ( شوق زينب لمولد العباس )
       ……………………………………………………… 

                 نور الله وجماله
                 يا راعي الكـفاله
گلبي لشوفتك هام … اختك تحسب ايام
                 يا راعي الكفاله
……………………………………………………………


زينب و بسؤال لأم البــْ نين .چايمته  الولاده
زرع شوگ وسنابل تارسه العين. بوليدج حصاده
بعباره (ياهله بسگاي الحسين).طرزت الوساده
احلمت رايه وترفرف فوگ سبعين. معناها القياده
                   
                    فرسان ال اميه
                    بـي شـافو منيه
راس يـلوذ بالراس .. مـن سيفك يعباس
                   يا راعي الكفاله

……………………………………………………………


على هيئة عرش مهدك يعباس.بحقك مو كفايه
الك غشاوه صارت شيلة الراس .وغطاك العبايه
حتى تشم خدر زينب بالانفاس .ويظل للنهايه
وأطش سنين عمري طشه الياس.لجفوفك هدايه
                   
                   اختك كل عمرها
                   ظل شابح نظرها
   للـيفدي الخدر عين .. يـهدي لاخته جفين
                    يا راعي الكفاله

……………………………………………………………


امي الزهره صاحتني بفرد يوم .يا زينب بشاره
الله انطاج اخو اعل الغيره مفطوم.كافل وبجداره
انته لخدر زينب وقف معلوم . من ربج قراره
مو من الشمس يضوي الگمر دوم.من عنده الاناره
                    
                      گليله الزجيه
                      ودتـلك تحيه
   يـطلبني الگمر دين .. جنه و بيها جنحين
                    يا راعي الكفاله

……………………………………………………………


والدنا الوصي يگلي أنتي بحماه .يا زينب اميره
يكتب اسمج اعل قماشت إلواه. تعيشين بضميره
من مهدك علگ والحسن شداه. بديوان العشيره
بيك الحـسن وي فنجانه و دلاه.فرحتهم چبيـره
                  
                 دخّل كل ضيوفه
                 و لمـهدك تـشوفه
معزب گلهم اهواي .. يعطش ما شرب ماي
                   يا راعي الكفاله

……………………………………………………………


مـثل مـصباح عـيد بعين الزغار .حسينك خطيه
للـبدويـه يـسأل لـيـل و نـهار  .مـحتام اعلخيه
بدل محسن اخو لا تظل محتار .گالتله الزجيه
بظهر حسين ولعمهم شغف صار .عبدالله و رقيه
                 
                 فرحانه الضعينه
                الاكبر وي سَكِينه
وكل شيعي الـبلصلاب  .. گلبه بحب الك ذاب
                  ياراعي الكفاله

……………………………………………………………
✍️  ( سيد خضر الزاملي )

عباس اية وفه الزينب فقط  ( مُنزله )
چي كفل خدر النبي صارت اله ( مَنزله )
اخته اعل راسه بكت تاج وابد ( منزله )

عباس يملك قدر فوگ النجم  ( بي سمه )
نار ابيادر تشب وكت الزعل   ( بي سمه )
يا گمر محبس ذهب واتزيّنت ( بي سمه)
عاف السمه و بكلب زينب صبح ( منزله )

……………………………………………………………

كـعبه الكـافل و للزود    ( قِبله )
اله هل المنزله الماجرت  ( قَبله )
ثلث يِمّه اعل چفه اتركو ( قُبله )
لأن شافو تشع بيه الحميه

……………………………………………………………


حسين ايناغي وسط المهد عباسه
وزينب فرشت الشيله حدر راسه
حتى ايفوت عطر الخدر بنفاسه
ويظل عهد الكفاله ايعيش بحساسه
وبجفه اظل زينب رايه

………………………………………………….…………

ابظهر حسين جانت سكنه و ارقيه
الهن عين لم الكافل اربيه
منتظرات عمهن ينولد ضيه
ويشربن من زمزم جوده

……………………………………………………………

بـطلب مـتقدم العـباس للـمعبود
واردلك هالعطيه بعين وي الجود
وي حـسين اريد بهـالشهر مـولود
ينثرلي الورد و انثرله عليه زنود
وياه بالموت و ميلاده

…………………………………………………………… 
✍️ ( سيد خضر الزاملي )

هايه فرحتنه الچبيره   .. والگمر ضوه عَلينه
هايه فرحتنه الچبيره   .. انبارك الحيدر عِلينه

            الليله ميلاد الگمر
            بالسمه طش الخبر

🌷-------------🌷--------------🌷

واجب أنهني علي بهذا  السرور
ونرسل الفرحه على اجناح الطيور
گمر  للدنيه  أجه  والجبهه نور
أعني عباس الشعر يمه  يدور

        الوصي بجيته أبتشر

🌷--------------🌷-------------🌷

أزينت حتى الارض لبست جديد
وحفت اطيور السعد هذا الوليد
الليله عيد بمولده  مامثله  عيد
نزلت أملاك السمه أتشوفه تريد

       الفرح  عم  وكبّر

🌷----------------🌷---------------🌷

انولد معنى الوفه وسر الجمال
اشلون أوصفه والصف عنه محال
ماكو اليشبه  جماله  ابلا  جدال
نوره يسطع والكمر فوك الخيال

          نور  وبهيئت  بشر

🌷-----------------🌷----------------🌷

الليله فرحان الوصي وأم البنين
الليله ممنوع الحزن ماكو حزين
هذا عباس الاجه وضوه السنين
تسحر عيونه  وعلي چنه لجين

          ليلت  افراح  وسهر

🌷-----------------🌷---------------🌷

بهاي جمعتنه  أله  نرسل  سلام
ونبعث الفرحه ترى بجنح الحمام
ياشعر يوصف عشكنه ويا كلام
نعتذر من  الگمر  قبل  الختام

        حيو  شعبان الاغر

🌷-----------------🌷---------------🌷

✍ خادم العباس ع
الشاعر رعد الجريخي

(تهاني 💌 الشوق)


          تـهـانـيـنـه تـهـانـيـنـه      يــحــمــاي الــحــمــه
          تـهـانـيـنـه تـهـانـيـنـه      نــبــثــلــچ فــاطــمـه

                  بــهــالــتــهــانــي أثــنــيــنــكــم 
                  امــبارك اعــلــه حــســيــنــكــم

               🌹----------------💚--------------🌹


          نزلت إله أمــلاك السـمــه وتــوزع أورود
          شــكــرا عــلــى هـذا الفرح يارب يمعبود
          مــولــود للدنيه أجــه مــامــثــله مولــود
          خجلانه مــن يمه الشمس والعالم اشهود

                 نــــــور شــــع ابـّـــيــــنــــكــــم
                 امــبارك اعــلــه حــســيــنــكــم

                🌹----------------💚--------------🌹

          الليله هايه أتميزت بيهه الــفــرح صــار
          مــبــروكــه يا أم الحسن مــبــروك كرار
          حسين نوره هالــســطع ومــنــور الــدار
          فطرس سمع بسمه ودعه وتوسل وطار

                هــــذا قــــرّت عــــيــــنــــكـــم
                امــبارك اعــلــه حــســيــنــكــم

               🌹----------------💚--------------🌹

          طير السعد طار ونــزل وبحبه مفتــون
          سبحانه ربــي الخالقه بـي نــوّر الكــون
          صورة گمر وجــه السبط وتسر العيــون
          يافاطمه وحيدر علي حقكم تفــرحــون

                فــــرح عــــم اســــنــيــنــكــــم
                امــبارك اعــلــه حــســيــنــكــم

                🌹----------------💚--------------🌹

          بصغره يشبه للــورد مــنــه العطـر فــاح
          نور ويشع فــوك الارض صارلهه مصباح
          جن وانس صاحت هله ومسروره بفراح
          يــفــخر نــزل جبريل إله وتــبــرّك وراح

                شــــلــــون أردن ديــــنْــــكــــم
                امــبارك اعــلــه حــســيــنــكــم

               🌹----------------💚--------------🌹

          عــــيــــد الولاده وفرحته يا محله هالعيـد
          حتى الطيور البالسمه اتهني الـوصي اتريد
          صــــوت البلابل عالشجر بــث احله تغريـد
أمبارك نبينه وفاطمه وحامي الحمه الحيد

                 يــالــخــدم چــــاويــــنــــكــــم   
        امــبارك اعــلــه حــســيــنــكــم

               🌹----------------💚--------------🌹

✍ خادم الحسين ع
      الشاعر رعد الجريخي

🌷ازهيري


اتـرَيّض يحادي الشعر اوكـف اگـبـالـه.. فـضل
عباس امـيـر الـوفـه اچفوفه تـنـضـح.. فضـل
يتباهه بأسـمـه الـقـلـم لـو گـلـت يابو.. الفضل

هـذا الـذي بـالـكــرم جـــوده ويـمـيـنــه.. شهد
يحله بصفاته الحچي و ٱوصافه چنـهـه.. شهد
چلـبـت بـيـد الگـمـر يـالـگـتـلـي هـدهـه.. شهد

خلّاني خــادم ألـه اشـكـبــره عــلـيّـه .. الفضل

                   *---------------*---------------*

✍خادم العباس ع
الشاعر رعد الجريخي

علاقه وياك من زغري بده يتان
وكلبي الجيت اعيادك بده يتان
اليالي المهدي هل الليله بده يتان
و يعم الفرح كل هاي البريه
🌷
اول ما بده عمري بده وياي
حبك والعرب حارت بده وباي
الصعبه ومن اطبنها بيده وياي
وسده ايصير الي بالموزميه
🌷
نور الله وجلاله 15 من انولد
ضوه شعبان بحضوره المعتمد
تنتضر كل  هاي البريه و للابد
اليوم هذا اجمل اعيادي المايعد

والدنيه بعيدك فرحانه
🌷
حسن صالح العيساوي

هاليوم السماء هواي فرحانه
و رَبنا لخيره كلّه فكها بيبانه

بوجه النبي فرحة انرسمت بهاليوم
و ردّت روحها كل وردة ذبلانه

ما ظل بالدنيا طير إلا يغرّد صار
وما ظلّت حمامة بعشها حزنانه

انرسم بالكون منظر أخذ كل الشوف
وبي هامت اعيون وبي حيرانه

شكثر فرحان حيدر ثاني سيد جاه
وابتسمت القِبلة و فرح قُرآنه

ونساء الجنة هنّت فاطمة الزهراء
بهذا البشر ابدع ، رَبنا سبحانه

الله بس اليحبه هو الي يسميه
وسمّاه الحُسين وهذا عنوانه

أبد مو عادي هذا اليوم يا ناس
اليوم العالمي للفرحة إعلانه

يهز مهده وتشرّف بيه ميكائيل
من الجنة أحلى يعرف امچانه
_________________
حسين علي الدليمي

(( #حروف_و_أنوار ))
……………………………………………………………

  خمس حروف بيها انكتب شعبان
    لـولادك عـلـي بـكل حـرف عـنوان
بي نتنفس افراح ... عيد وهل بالارواح
       لولادك علي بكل حرف عنوان
……………………………………………………………


شـبير بـمولده لـجده هديه
وفرحه لحيدر وامه الزجيه
كل مرسل نزل هو و وصيه
يم مـهـد السـبط ادوا تحيه

    عيسى يرتل اعل گماطه انجيل
    و يهفي اعالمهد بجناحه جبريل
صايم وافطر الدين … بهلالك يالحسين
      لولادك علي بكل حرف عنوان

……………………………………………………………


عــباس و تعـنه لـربه مگـصـود
يلاهي طلب منك والثمن جود
بنفس الشهر وي حسين مولود
يـنثري الـورد و نـثرلـه الـزنود

      زينب وبسؤال تعيده كل حين
       چـا يمـته الـولاده يـم البـْ نين
عيوني أمحضره الياس … عطر لوجه عباس
        لولادك علي بكل حرف عنوان
……………………………………………………………


بــدر السـاجـدين بـهـالشـهـر لاح
انولد والتربه اثر بجبينه مصباح
خواله املوك والجد سيد البـْ طاح
بـمهده و كـله هـيبه اترجف ارواح

      السمه والارض عدهن عطله اعياد
       وحده تهني الاخره بـعلي السـجاد
  ابـو الباقـر زعـامه ...... حـافظ عالامـامه
         لولادك علي بكل حرف عنوان

……………………………………………………………


اكــبر ولـد ابـو اليـمه المـيامـين
انولد وارث علي و ناصر للحسين
مـن روعه جـماله تـحير كـل عين
مُـحَـمّـد هـذا گـالـوا يا مسلمين

      فرحت ليله وتناغي بضناها
       علي بدمعة فرح فز و لگلها
رمـلـه او يالعقيله …  مـبروك الـچ ليله
      لولادك علي بكل حرف عنوان

……………………………………………………………


نــور الله العـظـيم و صـاحـب الثار
بليل اخمسطعش مهدي العشگ صار
الطـيور احـتفلت و فرحـانه الاشجار
ورد مـو مـاي گـامـت تـجري الانهار

     وحكيمه تبشر العسكري بهاليوم
      يبو مـحمد الشوفة وارثك گوم
الحـور الكـل يصيحن ...   يا نرجس هـنيئن
        لولادك علي بكل حرف عنوان
……………………………………………………………
✍️ ( سيد خضر الزاملي )

اعقول التضدك صفت يا بن علي   •• ياهِله
الما إله حسين ايحضر يوم الحشر •• ياهو اله
اصبح ملك خادمك گد الشمس ••   ياه أله

يا ابو الطاعك نجه فاز اللي برّ  •• و حِسَن
مولدك عرس السمه  ليلة جمال •• وحِسِن
فرحينه وي النبي وي علي و زهره •• وحَسن
بمولد امام العشگ صاح الگلب ••  ياهله

🌷🌷🌷🌷🌷🌷🌷🌷🌷🌷🌷🌷🌷🌷

يريح اخذ الگلب لحسين ( سِر بيه )
عشگ معجزه وحتماً صار ( سِر بيه )
عـيد اليـوم و الـدلّال       ( سَر بيه )
لان بيّن اهلال ابن الزجيه

🌺🌺🌺🌺🌺🌺🌺🌺🌺🌺🌺🌺🌺🌺

حب حسين بالمصحف ( وُرَد بيه) 
بـميلاده النـهر يـجري   (وَرِد بيه )
لـفطرس جنح عـزّبله    (وَرَد بيه )
يگـللهم عتقني ابن الزجيه

🌹🌹🌹🌹🌹🌹🌹🌹🌹🌹🌹🌹🌹🌹

نعمه حسـين للـثقلين    ( مُهداه )
بثورته الدرب للموعود   ( مهداه )
افتخر جبريل ينزل يهز  (مهداه )
شكبر حظي و خدمت ابن الزجيه

💐💐💐💐💐💐💐💐💐💐💐💐💐💐
✍️ ( سيد خضر الزاملي )

هوسات شعبانيه
🌹🌹🌹🌹🌹
خبر عاجل المهدي اليله ميلاده
خل يفرح العامي وتفرح الساده
هلا بشعبان ميت هلا بأمياده
🌹🌹🌹🌹🌹
من يوم الهل تبدي افراحه
🌹🌹🌹🌹🌹
يوم الثالث بشعبان ابو سجاد طر نوره
يعم الفرح بالميلاد ومكيفه المعموره
يوم الرابع بشعبان والعباس حل دوره
🌹🌹🌹🌹🌹
ونهني والكرار اليله
🌹🌹🌹🌹🌹
سرور وفرح ميلادك يمولانه
ملاكة السمه هاليوم فرحانه
بالمجلس علي الكرار ويانه
🌹🌹🌹🌹🌹
وجبريل خاضر ويانه
🌹🌹🌹🌹🌹
يوم الخامس السجاد يوم 11 للاكبر
يالتشبه رسول الله يالجدك علي حيدر
ماعرف شكول بهاي ضل لساني يتعثر
🌹🌹🌹🌹🌹
للقاسم فرحتنه اجبره
🌹🌹🌹🌹🌹
حسن صالح العيساوي

كلبي ابمولد حسيني فرح بي
يروحي بجيت الغالي فرح بي
شفت حبك يبو اليمه فرح بي
السعاده من يمر اسمك عليه

🌷_ _#_ _🌷

وكنا وي كلب حيدر فرحنه
بجهنم دون هل نعمه فرحنه
طفل والشاب والشايب فرحنه
بسمك ياابن حامي الحميه

🌷_ _# _🌷

فرحانه الخلك كلها والك وان
شبيهك وين احصلهن الك وين
الك في كل كلب لهفه والك ون
والك شوك ولهيب بنار بيه
🌷_ _#_ _🌷

هله بشعبان من جانه وخيره
انولد بيه العشك لول وخيره
اذا نفرض شخص ثاني وخيره
وبس حبك وحيد ابهل دنيه

🌷_ _#_ _🌷

بس حبك وحيد ومالي غيره
حب ينبع حنان و كله غيره
هم يرهم بغيره حتى اغيره
يحب الغير مايرهم عليه

🌷_ _#_ _🌷

حسن صالح العيساوي

مولد .…   (#فطرس_و_الحسين )
……………………………………………………………

من سجني عتقاني ... رد ليّه جنحاني
بمهد الحسين اتبركت و الباري قبلاني 

………………………………………………….…………


فـطـرس و رب الـكون أعلـيه صـدر امره
من عرشه اضل مطرود وجناحي منكسره
و بـثلاثه مـن شـعبان  شفت السـمه سفره
و صـار الهـوه نسمات چني اعرفت  عطره

عطر العرش حاضر ….. لازم امر صاير
و بلا شـعور استبشرت و الفـرح غطّاني
بـمهد الحـسين اتبركت و الباري قبلاني 

……………………………………………………………


جبريل شنو الصار  شو كلها فرحانه
گلي انـولد هـالـيوم  للـهادي ريـحانه
لـجله احنه و الامـلاك بارينه خـلقانه
زوار اله ماشين  فطرس تجي ويانه

زواره و نـطوفه ..... و نقـبّل اچـفوفه
دخيلك يبو السجاد گله تردني لمچاني
بمهد الحسين اتبركت و الباري قبلاني

……………………………………………………………


للـمصـطـفى هـنيـت و أحـمايـتي بـسـده
گـلي يـفطرس روح حـس جنحك ابمهده
من گماطه اخذلك خيط وعله الكسر شده
بسرعه صرت طاووس بجناحي الف ورده

مـشكور يـحسيني ..... يادنيتي و ديني
بدال العقاب الله كرمني ورفع من شاني
بـمهد الـحسين اتبركت و الـباري قـبلاني

……………………………………………………………


سمعت واجتني تشوف المَلك وي حوره
اسـمعـهم يگـولـون  فـطـرس كـبر نـوره
شافو حروف حسين  بجناحي محفوره
صحت اليريد امـراد  خـل يـنزل يـزوره

ياوارث اقروها ..... و طلبتكم اخذوها
و لحسين بالـجنه يـربنه اخلق شبه ثاني
بـمهد الـحسين اتبركت و الباري قبلاني 

……………………………………………………………


مـو مـهد چـن ديـوان يتلگه خطـاره
بالسمه وفطرس شاف تضوي بكرم ناره
صـاح الله ياجـبريل هـاك اسـمع بـشاره
خـادم المهـد حـسين روح انـزل ابـداره

صاح احنه آمنه .....  حـسين بضمايرنه
الخادم الاول للـحسـين الباري سـماني
بـمهد الحسين تبركت و الباري قـبلاني 

……………………………………………………………


بـجـاه امـك الزهـراء مـن الـنار تـعتـقنه
ماعدنه شي مضمون بس خدمتك عدنه
   مــنـريـد لا انـهـار   لا حـور لا جـنـه
ننـظر لـوجه حـسين بـس هـايه غايـتنه

بـعيون عطشانه .....  تنظر المولانه
وبيده انكتب خادم حسيني هناك عنواني
بـمهد الحـسين اتـبركت و الـباري قـبلاني 

……………………………………………………………
✍️ ( سيد خضر الزاملي )

هوسات


جـمــال الـلـه انـولــد والـكـون يـتـبـاهـه
هــلــه بـعـبــاس كــل الـدنـيـا ضـوّاهــه
علـي شاله وچـفّـوفـه بـشـوگ بـاسـاهـه

        بـس هـوّه الـبـاسـه ابـچـفـيـنـه

🌷،،،،،،،،،،،،،،،،،،،،،،،،،، 🌷،،،،،،،،،،،،،،،،،،،،،،، 🌷

مـن يوم انولد عـباس بـيـه انولدت الغيره
بمهده وگـطّـع اگماطه ماسامع گـبـل غَيره
لـغـز ويـحـيـّر ابـعـنـاه محـد عرف تفسيره

        ومــخـلــي الــوادم مــحـتــاره

🌷،،،،،،،،،،،،،،،،،،،،،،،،،،، 🌷،،،،،،،،،،،،،،،،،،،،،،،،،،، 🌷

افــرح يـل مـوالـي وذب ثـيّـاب الـسـود
وطلـب حـاجـتـك يگضيهه راعـي الجود
الـعـبـاس الـگـمــر الـكـون كـلـه اشـهـود

       گـضـاي الـجـاحـه ايـسـمـونـه

🌷،،،،،،،،،،،،،،،،،،،،،،،،،،،،،،،، 🌷،،،،،،،،،،،،،،،،،،،،،،،،،، 🌷

✍خادم العباس ع
الشاعر رعد الجريخي

(مبارك لكم)


بالفراح بالفراح         نـزلـت أمـلاك الـسـمـه
بالفراح بالفراح        ألـلـيلـه هـنـت فـاطـمـه
                      
                      
   ❤️                  ❤️               ❤️

نـزلـت أمـلاك الـعـرش    فـرحانـه فـرحانـه
الـليلـه هـنـت فـاطـمـه    ويــانــه ويــانــه
الكمـر دنـگ والشمس   خـجـلانـه خـجـلانـه
حسين بـنّواره السمـه   حيـرانـه حيـرانـه

صلاواة صلاواة     بـالـمـهـد ويـشـع ضـوه
صلاواة صلاواة      نـفـرح بـجـيـتـه سـوه

❤️               ❤️            ❤️


أحله فرحـه بـمـولـده    محلاهه محلاهه
سطع نوره والـسـمـه     ضواهـه ضواهـه
بجيته فرحة فـاطمـه   خـلاهـه خـلاهـه
بخدمته بطول الزمن    نـتبـاهه نـتـباهـه

موالين موالين     أسـمـه دوم أنـردده
موالين موالين     والـفــرح تـوه بـده

❤️                    ❤️                ❤️

هايه فرحه للمحب    مـيـلاده مـيـلاده
تفتخر بسمه الخدم    والساده والساده
بمولده شعبان تبدي   أعـيـاده أعـيـاده
فـرح گلبي والحـزن    مــاراده مــاراده

يخدام يخدام      أحلـه خـدمـه خدمتـه
يخدام يخدام     الـليـلـه هـايــه لـيـلـتـه

❤️                   ❤️               ❤️

والـلـه محتار الـوصف   بعيونـه بعيونـه
ومنه خجـلان الـكـمـر   تدرونـه تدرونـه
هـايـم بحبه وصـرت   مجنونـه مجنونـه
الدنيا ماتسوه أحسهه   أبـدونـه أبـدونـه

يلومون يلومون    بـيه خلـهه العـاذله
يلومون يلومون    عمـري أنـطيـته اله

❤️                  ❤️                 ❤️

ثوب الأسود والحزن   ذبـيـنـه ذبـيـنـه
الـيـوم كـلنـه نـهـتـف   الوالينـه الوالينـه
أنبـارك الحيدر عـلـي   ألتمينه ألتـمـينـه
وأمـه فـاطـم والنبي   هـادينـه هـادينـه

نعلّيه نعلّيه     هـذا صـوت الرافضه
نعلّيه نعلّيه     رغـم أنـف الـمـارضـه

❤️                   ❤️                 ❤️

خـادم الـحـسـيـن ع
الشاعر رعد الجريخي

نسألكم الدعاء

بالف يا علي من اكعد وناماي
وادري الضعن مايرجع وناماي
امهات الناس وياها وانه امي
اخذها الموت غفله من اديه
.
حسن صالح العيساوي

عاصمة موسى ابن جعفر هايه
تصير سفره من تجي المشايه
___________________
ونرحب بالزاير يامية هله
والزاير خدامه واحنه اندلله
يالكاظم خدامك كلها امعدله
بغداد اتخيلها صارت كربله

والارض كلها اجت عنايه
تصير سفره من تجي المشايه
____________________
يامولاي ايامك شبسرعه تمر
هالخدمه ماتنمل لوطول العمر
نتمناها هوايه كون وتستمر
جان انذرلك روحي يالكاظم نذر

والله اشد روحي نذر بالرايه
تصير سفره من تجي المشايه
___________________
يامولاي الضدك شوماله اثر
واليمدح بالضدك تنتظره سقر
يالتمدح بالطاغي ركز بالنظر
صحن الكاظم كعبه واتطوفه البشر

اتلوذ كلها بالصحن وفيايه
تصير سفره من تجي المشايه
____________________
مولاي محلفينك ياباب الكرم
خدمتنه اتقبلها واحسبنه خدم
نعرف من انخدمك نغرگ بالنعم
والميخدمك هذا كل عمره ندم

هايه خدامك ودگة ثايه
تصير سفره من تجي المشايه
___________________
خدامك تغبطها املاك السمه
بس تهل ايامك كلها امحزمه
راح انحلفك احنه بأمك فاطمه
بهايه الخدمه نطلب حسن الخاتمه

منك الوادم تريد احجايه
تصير سفره من تجي المشايه
____________________
كون اباب الكاظم ياشيعة علي
دعواكم للمهدي صوت ويعتلي
كل اهموم الشيعه باجر تنجلي
بس يطلع مهدينه ياناسي وهلي

والارض كلها اله امسوايه
تصير سفره من تجي المشايه
____________________
✍️احمد علي البغدادي

بِشر مريتله وتاب برساله
ومن عند الذنب ذب استقاله
مر بيه لونظره ◾️ابداعت الزهره
ياموسئ بن جعفر
🏴🏴🏴🏴🏴🏴🏴🏴🏴
اذنوبي هاي الليله يم بابك جبتها
لو مااعرفك حاجتي جا ماگلتها
لمن بشر مريتله شگتله بوكتها
موبس بشر حتئ حياتي غيرتها
الك دين برگبتي وانه الك جاي
متعني لحضرتك امشي مشاي
موعدنه بالحضره ◾️ابداعت الزهره
ياموسى بن جعفر
🏴🏴🏴🏴🏴🏴🏴🏴🏴
باوعلي من اخدم ولو نظره عليه
مولاي احلفك بمك الزهره الزجيه
اليوم اجيت ابابك ومديت اديه
بس ترضئ عني والله هاي اكبر هديه
دخيلك واني ترست گلبي الذنوب
جا غير اليحبك لازم ايتوب
رجعني للفطره ◾️ابداعت الزهره
ياموسى بن جعفر
🏴🏴🏴🏴🏴🏴🏴🏴🏴
اشلون اجمع بگلبي الذنب ويه محبتك
مولاي كون الليله تشملني رحمتك
نزلت عيني امن البشر عيني اعله گبتك
من شفتك اهلا للعشگ انه عشگتك
من انه اسمعت حتئ الدمع دين
گلت ادخل عليك ابدمعي لحسين
وبدمعي للسطره ▪️ابداعت الزهره
ياموسى بن جعفر
🏴🏴🏴🏴🏴🏴🏴🏴🏴
مولاي كون بخدمتك تخلص حياتي
ابقه بخدمتك سيدي كل امنياتي
اجمل حلم لو بالمشي وصارت وفاتي
من المهد خادم الك ولحد مماتي
كون انه ابخدمتك اگظي عمري
ماعندي اني غيرك وانته تدري
وبگلبي الك جمره ◾️ابداعت الزهره
ياموسئ بن جعفر
🏴🏴🏴🏴🏴🏴🏴🏴🏴
باب الحوائج انته ياموسئ دخيلك
وحاجاته مگظيه اليجيك ويشتكيلك
والشيعي هاي الليله لمن يعتنيلك
دعواته للمهدي يمولاي اليجيلك
تعجيل الفرج منك نريده
وكون انشاهد الطلعه الرشيده
خل تطلع الگمره ▪️ابداعت الزهره
ياموسى بن جعفر
🏴🏴🏴🏴🏴🏴🏴🏴🏴
📝احمد البغدادي

ياشيال نعش الكاظم ◾️ياشيال نعش الكاظم
________
بهداي النعش لمن تشيلونه
خاف امن السلاسل توجعه امتونه
جان ايون لمن غمضهن اعيونه
تمنيت الهواشم لو يحضرونه
ياشيال نعش الكاظم ◾️ياشيال نعش الكاظم
________
هاي اجنازته اعله الراس شيلوها
صعبه اعله الجسر لا لا تعوفوها
هاي الوادم التنتظره شوفوها
خلوها تودعه احبابه خلوها
ياشيال نعش الكاظم ◾️ياشيال نعش الكاظم
________
ياموسئ ابن جعفر عاين اعلينه
اجه موعد رجعتك واحنه تانينه
اتوقعناك سالم من ترد لينه
ماندري بنعش محمول والينه
ياشيال نعش الكاظم ◾️ياشيال نعش الكاظم
________
جانت شيعتك مولاي منتظره
گلب الشيعه لجلك مشتعل جمره
ماردناهه تخلص سيدي العشره
كون اترد علينه ابداعت الزهره
ياشيال نعش الكاظم ◾️ياشيال نعش الكاظم
________
ردناهه فرح ماردنه نبجيلك
جنه بالصلاه يوميه ندعيلك
كون ترد علينه سيدي دخيلك
ماندري السلاسل هدمت حيلك
ياشيال نعش الكاظم ◾️ياشيال نعش الكاظم
________
📝احمد البغدادي

…………………… ( نزله )…………………


معصومه ... و بعمر عشره اتيتمت معصومه

…………………………………………………… .

يا زهره منج ورثت العلويه
فكد الابو و تهل دمع يوميه
بعيد الگبر وتزوره بس بالنيه
تـشبه لـعمتها الـغريبه ارقيه

وعلومه .…  انگطعت عليها وما تعرف علومه

…………………………………………………… .

معصومه ابوها بهالاسم سمّاها
يجري الدمع لو فاطمه صاحاها
تشبه الزهره بالحجي وممشاها
مـن بعـد ابـوها اتـغيرت دنياها

مفطومه …..  بدمعاته من الزغر مفطومه

………………………………………………………

مـثل الـعليله هـم بگت محتاره
الكاظم لموته اليوم شد اسفاره
ولا هدهد لفاطمه يجيب اخباره
طاموره الها اخلافه صارت داره

مسمومه …  بسم فركة احباب الگلب مسمومه

………………………………………………… ..

و بيوم اجاها الرضا و تسمع ونه
كـلهن تـراب اهـدومه و الها ادنّه
يختي بارض غربه ادفنت والدنه
بتعذيب وبسم موته صار ابسجنه

من گومه …..  لا ابن عم اليمه لا من گومه

……………………………………………………


تگل للشمس ليش الفضل نكريتي
لجل اهـلي الله كوّنج و اضويتي
السجن ابوي شعجب ما طبيتي
و ظُلمة الطاموره صبح سويتي

محرومه…  وعيونه من نورج بقت محرومه

…………………………………………………… ....

معصومه تشبه زينب و ماضيها
بفگد الاخو جم عله صارت بيها
لا عـلي و لا  قاسـم الناح عليها
و بأرض غـربـه تـندفـن تاليها

مرسومه ….. و بعينها صورة ابو مرسومه .
……………………………………………………..

✍️ ( سيد خضر الزاملي )

تلاويت و اكلت اثمار لوياك
منين تلوج شنهي سبب لوياك
الكاظم ما ترد محتاج لو ياك
اجيتك وانه مؤمن بالقضيه
.
حسن صالح العيساوي

كضه عمره بالسجن
شاف اشكال الطعن
موسى من بيت العلم
موسى من بيت العلم
*
مشونه للكاظم نشيعه مشونه ندفن جثته
الكضه  عمره بالسجون لعن الله الضلمته
وينها الشيعه تحضره وخل تشيل اجنازته
يوم جمعه بيها نحضر كل موالي وصحبته
يوم جمعه بالفجر
كتلته اجفوف الغدر
يحني بفراكه الضهر
موسى من بيت العلم
*
هذا من بيت الرساله الزهره امه الطاهره
جايه اتشوف المصيبه وابدفنته تحضره
الشال راسه علم طه والشجاعه الحيدره
اليوم فت السم جبته  ابن  قالع خيبره
مات مسموم العلم
الشاف انوع الضلم
حيله ياوسفه انهدم
موسى من بيت العلم
*
بيش يا خايب تطلبه ليش هيج اتعذبه
والك يا هارون ويلك ديين الكم تطلبه
باجر  بيوم الحساب شراح الله اجاوبه
دنيه و الغايب كمرها ويا شمسها غايبه
كمر غايب والشمس
ضايك بريتي انفس
علم من حيدر درس
موسى من بيت العلم
*
الله خصه بالفصاحه ما يخص بيها بشر
حيف ياوسفه يموسى ترمي فوك الجسر
ناحت املاك السماء وبجت عين المنتضر
يبجب جبريل المصابك سيدي يبن الطهر
اضلم اعلينه الضهر
غيبن الشمس وبدر
يوم من مات الطهر
موسى من بيت العلم
*
كام صلاها الفريضه بعينه ماشاف الضوه
خلصاها  بل زنازن لا شمس بيها  وهوه
من ضلمهم  تعب  حاله حته دلاله انجوه
امتداد القتل ثابت بالضلم  كلهم  سوه
مثل حيدر والحسن
احلامه بالضلم كضن
مات مسموم ويون
موسى بن بيت العلم  
*
حسن صالح العيساوي

هله زاير والف هله واليجينه احنه اندلله
هله بيكم هله بيكم
******
من تمر انته بينه تتفضل علينه نخدمنكم اجينه ونحسب ساعه ساعه
بالموكب سهرنه وتضاعف اجرنه الزاير لو عبرنه ما نحمل وداعه

وهله بالمشايه لبو طلبه الجايه
صاحت الوفايه ما تطيح الرايه

يله زاير شد العزم يم امامك سجل الاسم
هله بيكم هله بيكم
****
كل الرافضيه اتعنت هالمسيه لرض الكاظميه تجددله عدها
يم باب الحياره يا محله الزياره وتشع المناره وهنياله اليصدها

هذا راعي الغيره وهذا شيخ الديره
سيرته افضل سيره وماكو قائد غيره

انه احبه من الزغر وبولائه ابقه افتخر
هله بيكم هله بيكم
*******






يا زاير علي وياك حته المهدي ناداك لتضن لحضه ينساك يغفر كل الذنوب
تعبك والله ما ضاع صيتك بالسمه شاع وتسبحلك الكاع ماشي الاغله محبوب

الخطوه من تمشيها للامام اهديها
رايتك عليها ونيتك صفيها

المهدي قادم ابن الحجج ادعي يقرب يوم الفرج
هله بيكم هله بيكم
****
زوار احنه خدام بالخدمه الكلب هام ونتانيها كل عام ردناكم تجونه
شلناكم بالعيون بالموكب تشوفون خدامه يرحبون عونه الخدمه عونه

كل سنه انتانيكم مرو الله عليكم
احنه نفرح بيكم عيونه ننطيكم

وبطريقه شفنه الخدم والمواكب دوله وعلم
هله بيكم هله بيكم
****
مد جفك يزاير يم ذيج المناير ميرد والله حاير يكظيها الحوائج
كله بهمي اجيتك وبدمعي نخيتك وانه ادري بحميتك معروفه النائج

خيرك مغطيني اشما ردت تنطيني
وكاصدك تدريني بحيره لتخلني

عندي حاجه مستعجله وماكو غيرك اتعنه اله
هله بيكم هله بيكم
***

تمت
تحسين الخفاجي

نعي للامام الكاظم عليه السلام
****
فوگ الجسر مطروح نعشه
وبغداد كلها اليوم وحشه
اشلون العزيز يموت غبشه
خل ناخذ افراشه ونفرشه

ناده المنادي وبجه العيون
راح ابن جعفر لا تتانون
خلص حياته بسجن هارون
ونعش الغريب ايريدله امتون

ون الجسر وشتد نحيبه
وامصيبة الكاظم مصيبه
وجنازته ضلت غريبه
وبعلته تحير طبيبه

محروم من الشمس محروم
اشلون الغريب يموت مسموم
طحنه وبعد ما نكدر نگوم
ومهموم يتوجه اعله مهموم

كلش خسارتنه جبيره
ومن شال شيله عشيره
حيرتنه بعده اشلون حيره
راح البعد ما نلگه غيره

للمكبره خل نمشي وياه
مو عالمتن عالروس شلناه
اتراب الكبر ياحيف غطاه
الشايل عزيزه وين نلگاه
**
الشاعر
تحسين الخفاجي

بطريقه نعرفنه
وخدمته شرفنه
بعلو الصوت هتفنه
رافضيه
******
ما عفنه هذا الخط ابد يوم امن الايام
والكاظميه بكل سنه تتحزم احزام
دك صدرك ورتب العزه وفخر يالطام
خدام ابن جعفر صحت بس ذوله خدام

رفعنه شعاره
وقرينه الزياره
وكتبنه العباره
رافضيه
*******
مشاية الكاظم تضل عنوان الاحرار
وبالكاظميه جم بشر يسحك عله النار
تتحطم قيود السجن ويزيد الاصرار
امن انشوف الاف البشر متعنيه زوار

حشوده اجينه
وعلمنه بدينه
الضريحه. اعتنينه
رافضيه
******
جم حاكم بحاكم اجه وصدر قراره
بس ما كدر يمنع ابد هاي الزياره
شفنه القيود اتحولت كبه ومناره
والكاظم بكد السمه اصبح مزاره

الى الرب وسيله
بعشگ صيح. دخيله
يوفقه اليجيله
رافضيه
*******
روس الخدم ما تنحني ومن الله عالين
وشمحله لمتهم صحت خدام الحسين
هاي الشعائر خالده اشما تمضي السنين
الكالو خرافه اعله اللطم ذوله اصبحو وين

يمحله الشعائر
نصبنه المنابر
ورخصنه المناحر
رافضيه
********
للكاظم احنه بكل سنه ننصب عزيه
وبرايته المهدي يجي للكاظميه
وبهاي المواكب يفتخر راعي الحميه
ويصيح حي الله يضل بالرافضيه

نجدد عهدنه
ويويله اليضدنه
توحد عددنه
رافضيه
*******
تمت
تحسين الخفاجي

((#هذا_موسى ))
……………………………………………………………

هاشميٌ طالبي .. سابع انوار النبي
هذا موسى ... وانت هارون الرجس
هذا موسى ... سيد الجن و الانس

…………………………………………………………


هذا موسى و امهاته سيدات اعل الخدر
وانت ديّوث الـ عُليه اگبالك اتسوي العُهر
موسى من يعرگ جبينه ايگوم يتصبب طهر
وانت مو دم ابوريدك يجري شريانك خمر

هو كعبه و مأذنه .. وانت حانات الغنه
هذا موسى ... تضوي من عنده الشمس
هذا موسى ... سيد الجن و الانس

…………………………………………………………


انت كل عقلك تسجنه اذن ما عندك عقل
ابلحظه و الكوكب عطارد ابن جعفر ينتقل
ومثل شرب الماي عنده و الامر كلش سهل
انت و جنودك بصعبه ايجيبك الـ يثرب سحل

البيده مو محبس تره .. هالكواكب دايره
هذا موسى ... تخسه عندك ينحبس
هذا موسى ... سيد الجن و الانس

…………………………………………………………


اللا رشيد امكيّف انت تمحي نسله ابهل السجن
على عنادك صار عنده سته واثلاثين أبن
ابنك المأمون وينه بيا خرابه و مندفن
ولو تشوف الرضا و گبره ابد ما ترمش جفن

واسم معصومه العَلم .. وقاسم اليمطر كرم
هذا موسى ... مكه تهتفله و قدس
هذا موسى ... سيد الجن و الانس

…………………………………………………… ……


انت يا هارون طالب شمر استاذك تره
مشهد الگيد أنت جبته من حِبال الطاهره
ومثل مافروها زينب من مدينة الـ ٱخره
من سجن ولسجن ثاني لموسى حقدك تظهره

اسياط موسى الضربته .. اجت من يم عمته
هذا موسى ... اعليه رجع سبي الامس
هذا موسى ... سيد الجن و الانس

…………………………………………………….……


أبدال طامورة ظلامك صارت الگبه و الذهب
دوله و الكاظم ملكها وصار زوّاره الشعب
صحن موسى الكعبه چنه اطوف اعاجم والعرب
حلو ماي الدجله اصبح لان من موسى اقترب

گبه واعليها الضوه .. امعزبه بغداد ابضوه
هذا موسى ... للنصر اصبح درس
هذا موسى ... سيد الجن و الأنس

…………………………………………………………


ابو طلبه الحاجه يمه تخلص اباب الصحن
امعزب و فاتح مضيفه طالع العمه الحسن
والحمام املاك اصله اجوا من جنة عدن
استوطنوا بالكاظميه و اصبحت الهم وطن

ابجنحه جبريل و خفگ .. رايد مراد و عِلگ
هذا موسى ... و زايره امدلل يحس
هذا موسى ... سيد الجن و الانس

…………………………………………………………


گوم ياهارون واحسب  هالزياره اشگد عدد
اسراب مال طيور سوده اتوجهت من كل بلد
كل ابو ابصوت الفجيعه اصبح ينادي الولد
يلا امشنه انزور موسى وننطي للزهره العهد

ثورة كبره ابكل رجب .. نراوي هارون العجب
هذا موسى ... و شيعته اعزاز النفِس
هذا موسى ... سيد الجن و الأنس

……………………………………………………………
( سيد خضر الزاملي )

مو على اگيود وسجن دمعاته
ما نسـه الكـاظم  ابــد  عـمّاته
وا اماماه .. وا اماماه

……………………………………………………………


اتودعه معصومه ابمدامع حايره
انعرضت أگباله العليله الطاهره
عل درب تگعد لبوها اتناطره
ابذكرياته الليل تبقى مساهره

دوم مشتاگه لدفو احجاياته
مانسه الكـاظم ابـد عـمّاته
وا اماماه .. وا اماماه

……………………………………………………………


الكاظم وفروه من سجن السجن
هم سبي ولا واحد اعليه اليحن
وبخياله اتعيش دوم ام الحزن
يذكر السوگ ويظل يدمي الجفن

على زينب يشمر حجاراته
ما نسـه الكاظم ابد عـمّاته
وا اماماه .. وا اماماه

……………………………………………………………


ليل ونهار الدمع عالخد يهل
هالحديد ايذكره بجتاف الحبل
وحده من وحده الحبل فوك الهزل
كلهن ايطيحن اذا مال الحِمل

خشن وصلت للعظم شدّاته
مانسـه الكاظم ابـد عمّـاته
وا اماماه .. وا اماماه

……………………………………………………………


سجن وحشه وليل ما شايف كمر
باله راح الليلة الحادي عشر
حرم بالهيمه و رعب صار السهر
زينب ادير ابوجها اعل النهر

وين ابو فاضل يجي الخيّاته
ما نسه الكاظم  ابـد عمّاته
وا اماماه .. وا اماماه

……………………………………………………………


السندي مثل الشمر عار ابلا نسب
يجرح الكاظم بسم فاطم يسب
سوط نفسه ونفس متن المنضرب
سوط و لـ أم الحسن كاسر گلب

اشد من كسر ضلع ضرباته
ما نسه الكاظم  ابد عمّاته
وا اماماه .. وا اماماه

……………………………………………………………


ابلايه فرشه وعل ترايب كعدته
للخرابه اتذكر وهل دمعته
امترّبه ايشاهد عباية عمته
يذكر ارقيه و ابوها الشافته

الراس لبنيته وشبح نظراته
مانـسه الكاظم  ابد عمّاته
وا اماماه .. وا اماماه

……………………………………………………………
✍️ ( سيد خضر الزاملي )

اويلاه اويلاه ضلت اجنازه ابلاهل
.
ما نصف وياك الدهر
بالسجن كضيت العمر
شكثر ضلماك القدر

على الاه على الاه من الطفوله للاجل
.
الكاظم الغيظ بغربته
محد حضرله ابدفنته
اجفوف الغريبه الشالته

داحي الباب داحي الباب اشلون دلاله احتمل
.
بغداد من طبهم خبر
الجيت الجنازه تنتضر
من الفجر فوك الجسر

عل مضلوم عل مضلوم عيونهم من دم تهل
.
وين الغياره اهل الرحم
مات العلم واهل العلم
غايب كمرنه و النجم

رايح وين رايح وين من الاهل محد سأل
.
باب الحوائج شيعتك
هل يوم كلها اتعنتك
حركت كلبهم جمرتك

تبجي العين تبجي العين دم الحمر منها نزل
.
شفت منها بس الم
دنياك ما بيها رحم
حيلك يمسموم نهدم

مومليت مو مليت صارت حياتك بس ملل
.
.
حسن صالح العيساوي

للامام الكاظم عليه السلام
.
يا هله بيكم يهل مشايه
المهدي وياكم يشيل الرايه
«««««»»»»»
الزياره هاي من احسن نعم
اجر تاخذ بيها كل نكلت جدم
من تجي زاير يرف بيدك علم
خاف متروح وتعض اصبع ندم
.
الفرضه تفوتك ماترجع
كوم وهل يمه المدمع
يخسر كلمن مايطلع
.
عليها والرايه بجفك عليها

«««««»»»»»
هل زياره واجبه مثل الفرض
مومشي لازم تجي تركض ركض
على عناد الي يعادي ويعترض
الشوارع تنفرش طول بعرض
.
شوف الخوه الشيعيه
عشرة شاطي وجاليه
مثل الماي و جاريه
.
جاريها مايوكف دايم جاريها
«««««»»»»»
يا هله بيكم يمن ميت هله
قاضي الحاجه يجي و يستقبله
راح بيده هوه يحدي القافله
كاظم الغيظ اسمكم سجله
.
اهل الغيره المشايه
بدربك سالوها الرايه
الزاير لا مو عن غايه
.
يحميها زواره الكاظم يحميها
«««««»»»»»
ما يهم بيكم برد لا حر يهم
موسى بن جعفر تشدون العزم
زلم وفايه ونعم من هل زلم
المواكب بالدرب كثر النجم
.
الموكب كاعد ومتاني
و اهلا بيكم يخواني
حيلي وقوت ذرعاني
.
نعليها بيكم رايتنه نعليها
«««««»»»»»
علجسر موعدنه غبشه من فجر
هاي فرصه ماترد طول العمر
اشلون باجر بالقيامه شلعذر
الحذر واجب يا بشر كل الحذر
.
احذر منها الغداره
المذنب شتفيد اعذاره
المخلص ربك يختاره
.
نمشيها لوموت ادروبك نمشيها
«««««»»»»»

حسن صالح العيساوي

لسان حال السيده الزهراء ع مع ولدها الكاظم
……………………………………………………………
كـل اليغمّض  عـينه مـن ولدي
من گبري اجيه ودمعتي ابخدي
بيّه الحزن  سار اليوم
لبني الغريب المسموم

……………………………………………………………


سبحه واطشر خرزها . ولدي طشو عالبريه
بالبقيع اكضي نهاري . وليلي بارض الغاضريه
حزني صاح اعليه يله . گومي يالزهره الزجيه
سابع انوارج طفوها . امشينه للارض الكاظميه

يالزهره ابنج هل كضه نحبه
مثل الحسين وغربته غربه
هدهد و اجيتج بعلوم
لبني الغريب المسموم

……………………………………………………………


من وصلت وشفت جثه . سمهم امسويها صفره
عيون مفتوحه اعل اهلها.ابدمع غربه وبگت حمره
والحديد امغطي جسمه .امن الرجل واصل النحره
اسياط هم ردت عليه   .  شفت اثار اعل ظهره

دوم السياط  اتورّم ابچبدي
امس الشمر واليوم اجه السندي
ظل كلبي منهن ملجوم
لبني الغريب المسموم

……………………………………………………………


مثل ضلعي انكسر گلبي . شفت طامورة عذابه
هندس مزاعل ضوه الله . ما فتح للنور بابه
ابلا افراش ولا حصيره . يبني كاعد عالترابه
يبني هالطاموره كلش . تشبه الذيج الخرابه

و اثنينهن  جرحينهن بيه
جرحك وجرح ابنيّتي ارقيه
و عليه كثرن الهموم
لبني الغريب المسموم

……………………………………………………………


يمه يا كاظم و نعشـك . تكـسر الخاطر طلعته
امحنبه والزم ضلعي بيدي.على الراس الطم تبعته
بيد حمالين صارت   .   مو ابچف هاشم رَفعته
وحشه لا قاسم اليمشي . ولا رضا اليهمل دمعته

يايمه حتى ابموتتك وحشه
عصرتني شوفة عالجسر نعشه
جن عصرتي ونار الگوم
لبني الغريب المسموم

……………………………………………………………


جنها بسمار الذبحني . عالجسر چلمة طبيبه
ما اله ناس وعشيره .  تنهض الثاره و تجيبه
يا طبيب وگومه هاشم . اهل بيت الله وحبيبه
بين سم وغدر خلصو . لو جثث ظلت سليبه

كلمة (وإن) نهج اصبحت ليهم
هارون ظالم طالع اعليهم
من السقيفه التعلوم
لبني الغريب المسموم

……………………………………………………………


يمه يا راهب سلفنه . اتغسلت والچفن حاضر
يمه جسمك باقي سالم . ما خذت منه الحوافر
و لا ثلث تيام عاري  .  بعازة اليدفن تناطر
ولا على النوگ الهزيله . الك ما صعدت حراير

معصومه بين الاهل محميه
لا حر جمر لا جرح ترچيه
ولا طفل بالدم مفطوم
لبني الغريب المسموم

……………………………………………………………
✍️ ( سيد خضر الزاملي )

……………( ميمر للامام الكاظم ع )……………

راح القصر  •• واهل الغدر
لبن النبي   ••  صار النصر
من گبرك اگعد هارون  ••• شوف الذهب والحضره

……………………………………………………………


اگعد وصد للكاظميه ابشوفه
هذا الحديدك ظل عمر بجفوفه
كعبه اصبح وهاي الحجيج اطوفه

كعبه انصب •• لهل الطلب
اتحج العجم •• وي العرب
وانت بمكان الشيطان  •••  ترّجم منهم جمره

……………………………………………………………


وين الظلام وهندس الطاموره
صار الكمر من  المناير نوره
والشمس تطلع من زخارف سوره

اباب الصحن •• جنة عدن
ارضه وسمه •• ليه انحنن
كل الملائك يردون ••• مراد و علگ من گبره

……………………………………………………………


ذيج السلاسل هسه صارن گبه
صفره وبگت منها الشمس متعجبه
عطشانه دجله و منها تاخذه شربه

گبة ضوه •• اعليها اللوه
منها الهوه •• ياخذ هوه
كبه اعل ليلج بغداد •••  تنثر سِفار و گمره

……………………………………………………………


ابدال الحماميل اربعه ايشيلونه
صارن مناير  بالذهب مزيونه
وين ابن شاهك خل تشوف عيونه

شگد عذّبت •• واتجرأت
بظهر الولي ••سوط اضربت
عل كاظم ابوجه اتصيح ••• عمدن تسب الزهره

……………………………………………………………


وحشه السجن مامش گرايب يمه
وهسه الملايين و عليه ملتمه
بخيت الوصل يم الضريح و شمه

مو للظلم   •• و اهل الجُرم
صار الفخر •• لهل الكظم
دوم بخساره الشيطان ••• واهل العدل منتصره

……………………………………………………………


هذا الحمام ومو حمام بأصله
من السمه اجنود وبعثهم الله
يرفرف جنحهم على الزار وصله

طير العرش •• عنبر يرش
عل معتني  •• يشيع نعش
ويشبگ الزاير جبريل ••• ياخذ عطر من عطره

……………………………………………………………


خامس وعشرين ابرجب موعدنه
بعنوان ثوره و تضحيه ازيارتنه
شيعه و فزعنه انشيع ابكاظمنه

فزعة نحل •• ليك ونصل
شيعة علي •• گول وفعل
وي ملا باسم ننعاك ••• هذا الغريب و نقره
……………………………………………………………
✍️ ( سيد خضر الزاملي )

( #منه_تضيئ_الشمس )
……………………………………………………………

المن ايده الشمس تطلع. ويضوي الگمر من نوره
ما تكدر عليه اغلال . و لا ظلمة الطاموره

……………………………………………………………


الاجله انوجد هذا الكون . طابو امسجل بأسمه
تخسه الاربع احياطين . كوكب فاطمه اتضمه
هذا السجن لو رايد . ايطبگه ابأيده ويلمه
بل يگدر السور الصين . ابرفعت اصبع ايهدمه

ولو يخزرها بس نظرات
تغدي اتراب الاهرامات
موسى وكل ارض فرعون . بأمره اتصير مأموره

……………………………………………………………


مامش هوه و ياهو الگال . مخنوك ورفع راسه
تجيه من العرش نسمات . تشتم عطر انفاسه
محاط ابجنة الفردوس . لا حر لا برد جاسه
ما يعطش ويمه ايفوح . زمزم جود عباسه

يشرب بس تصب عينه
يذكر عمته اسكينه
يذكر جثه شبعت دوس . من مگفاها منحوره

……………………………………………………………


ابد ما عاش وحشه اهناك . كل الانبياء يمه
استاذ وهمه اله طلاب . امكيفين ابدرس علمه
لوله الكاظم ابراهيم . جثه ابنار متفخمه
وظل يونس ابطن الحوت. اليوم الحشر بالظلمه

ولولاه ما نطق عيسى
ولا شق البحر موسى
وچا ظلت سفينة نوح . حدر الماي مغموره

……………………………………………………………


مقدم نعشه عد جبريل . مو شرطه اليحملونه
المؤخر شاله مكائيل . والسلسله اعل امتونه
لا موش ابجسر بغداد . لسابع سمه يوصلونه
على جسر الصراط اهناك . يم حيدر يخلونه

مو من دجله تغسيله
نهر الكوثر ايجيله
الله أيحشد الاملاك . ويأمر باللطم حوره

……………………………………………………………


هذا الحجي مو تصطير . والواقع ثبت امره
راح السندي وي هارون . بس شامخ بقه گبره
شمسين ابسمه بغداد . شمس وگبته الصفره
وجنك داخل الفردوس . لو طبيت للحضره

من اسماءه ابو طلبه
يكظي السهله و الصعبه
ينطي اليطلب من ابعيد . مو بس الذي يزوره

……………………………………………………………


لن يطفئوا نور الله . هو اكثر الذريه
ممليه الارض سادات . من سيد وعلويه
فليسقط بنو العباس . فلتخسأ بنو اميه
قادم مهدي بالثارات .صبرا يلوهابيه

شاهر سيفه و ينادي
وين الذبحوا اجدادي
بالكاسر ضلع يبدي . الخله العين مسطوره

…………………………………………………………… ✍️( سيد خضر الزاملي )

السيدة زينب عليها السلام
«««««»»»»»
اليوم زينب تلتفت مامن معين
حشمت عباس ابو كلب الحنين
ليش متحضرونها
زركه شوف امتونها . واويلاه . واويلاه
«««««»»»»»
وين عباس الكفلها ابشيمته
ليش ما يحضرها يوم اتنخته
اشلون تقبل يابو فاضل غيرته
من سمع نخوه العقيله صاحته
دم تسيل عيونها
زركه شوف امتونها . واويلاه . واويلاه
«««««»»»»»
وين ابو الاكبر يشوف الي جره
الجانت الحره الاميره ميسره
اليوم وي شمات تبقى حايره
تموت بين اجناب هايه مخدره
اعليها متقبلونها
زركه شوف امتونها . واويلاه . واويلاه
«««««»»»»»»
وين جاسم وين الاكبر ما درو
موتت الحره الاميره من اسمعو
الما اجو يوم الدفن لا شيعو
ما قرو ليلة الدفنه و رتلو
الفاتحه و يقرونها
زركه شوف امتونها . واويلاه واويلاه
«««««»»»»»
وين الاقمار المنيره اهل الفخر
وينها افراد العشيره و الكمر
لدفنج حسين يزينب ماحضر
وكلبج اعليهم يزينب منفطر
الله كون بعونها
زركه شوف امتونها . واويلاه واويلاه
«««««»»»»»
وين ما مرو اعليها بالدفن
ماتت الحره العقيله امن الحزن
ماتت و هيه عليكم بس تون
لحضه ماغمض بليل الها جفن
امتانيه يدفنونها
زركه شوف امتونها . واويلاه واويلاه
«««««»»»»»
حسن صالح العيساوي

الله بعشگ حيدر.مَن عَلينه
ارتفعنه اعالكواكب.مِن عِلينه
مراد الكعبه تاخذ .مِن عَلينه
لذلك قبله صارت للبريه

(سيد خضر الزاملي )

شهادة السيده زينب ع

هلــجـنـــازه ياچــتـف شــالاهــا
لابـــو فاضــل لاحـــسيـن وياها

============================
بغربه عــاشـت ماتت بدار الغرب
شام آه الشام يــمـــرد بالـگــلــب
صعبه هاي اصير ياهاشم صعب
بديــــرة اجناب الزمـــن خلاهـا

============================
زينب وايامها دمـــوع او قهــر
بين شام وطفها خــلاها الدهر
خلصت الايــام بونين وســهـر
والمصايب نــوّخــن بســمـاهـا

============================
تحسب الايام كلـــهـن كربــــله
عاشت اسنين العـــمر متعلعله
صوره مطبوعه بخيال العايله
يـــوم عاشــــر كل ألم راواها

============================
شافت الاجساد كلها امطرّحـه
كله نومه ولاجسد بيهم صحه
بين طگ السيف كلها مذبحـه
وشافت ارماح اعتلت عيناها

============================
بين تل وخـــيـمـه كـــل ايامـهــا
فوگ ضيم الطف خرايب شامها
ايعينها الله ياهو شاف ألامـهــا
وياهو ضــيـم الشافته شافاهـا

============================
فگدت اخوتها وعلى اخوته تون
وياحزن مر اعله زينب ياحـــزن
ليها ابد مايهــنه بالنـومه الجِفن
غارگه اجـفــون بدمـوع ابچاها

============================
شهادة السيده زينب

✍️عباس مالك العفريت

نسألكم الدعاء

مولد أمير المؤمنين ( عليه السلام ل



علي علي مولانا علي
علي علي مولانا علي
___________________

الله شگد يحبك ميّزك عالناس
واحد سوى منك ثاني ما سوى

من عالم الذر آمنت حيدر بيك
مظهر قدرة الله ومظهر القوة

يا حرزي الحملته گبال كوكب خوف
على كل الشدايد بيه أتقوّى

امير المؤمنين .. إمام المتّقين
قدوة المرسلين .. علي علي مولانا علي

_______________

الك مديت چفي لأن أعرف زين
صاحب بخت انتَ وصاحب مروّة

الولادة الظاهريّة نوّرت الاكوان
من الكعبة شعاع وعالأرض ضوّه

ما يصبح نبي الما يآمن بيك
يا أفضل وسيلة وللرسُل قدوة

حيدر اخو الرسول .. بيك اكتفي واگول
وما توصفك عقول .. علي علي مولانا علي

_______________

انه العطشان گلبي لچن مو للماي
بشوفة صبح وجهك رايد اتروّى

نذرنا ارواحنا ونعرف قليل وياك
و اكثر منها نعرف يا علي تسوه

يـ مَن يدخل ضريحك عبدك بلا حيل
ويطلع من ضريحك أفضل وأقوى

يا ناصر الآله .. ملك أرضه وسماه
للشيعي انتَ جاه .. علي علي مولانا علي

_______________

حرام اعله اليبغضك جنة الله تصير
ويجرونه لجهنم ماكو أي عطوة

إذا ردنا نحب ما نحب ياهو الچان
لذلك بس علي بين البشر نهوى

شفتك مختلف ميزتك امن بعيد
أشلع گلبي إذا مو بس الك يهوى

من الگلب قريب .. فقط انتَ الحبيب
ولكل مرض طبيب .. علي علي مولانا علي

_______________

أخو لأعظم نبي ما تصح لـ اي إنسان
تستاهلها انتَ وما أجت گوه

يعرفك الله مِن خلّاك كل الزين
حقها وزايد انتَ انطيتها الخوّة

نحبك يا علي يا حاضر الشدات
نحبك يا علي ونروحلك فدوة

يا مالك القلوب .. يا أسد الحروب
والفارس الضروب .. علي علي مولانا علي

_______________
حسين علي الدليمي

حماسيه (( #إلها_الحكم ))
……………………………………………………………

يسقط حكم . يصعد حكم . منبالي
زينب تظل.  . قمة جبل   . بالعالي
إلها الحكم .. إلها الحكم

……………………………………………………………


شنهو سوريه او اوزنها بالقياس البت علي
الله انطه الكون لمها و گلها زهره ادللي
الشام مثل القزم طوله و بيها اصبح يعتلي
لو جيوش العرب كلها ابد لتضن تنولي

في سجلات العرش تلگيها
طابو هاي الارض ترجع ليها

ام العِلم . امن الله الاسم . سمّاها
ثورة خدر . راية نصر  . علّاها
إلها الحكم .. إلها الحكم

……………………………………………………………


الشام للرومان جانت ارض متروسه ابعهر
النوب حكموا ال اميه و حللوا شرب الخمر
ميه عدهم بالرذيله و الشرف تحت الصفر
واجت زينب شرفتهم نبي ومعجزته الخدر

بقعه صارت للشرف أيقونه
لأن بيها ام الخدر مدفونه

مرقد صرِح . ليل و صبح . شع نوره
ايوزع ضوه . امعطر الهوه . بعطوره
إلها الحكم .. إلها الحكم

……………………………………………………………


محد يروح البلدكم لوله زينب بي تره
اولى صرتم بالسياحه ابفضل گبر الطاهره
سرب وسط السمه اعليكم طائره ابصف طائره
اليوم هي العيّشتكم مو لحايا الفاجره

اخلاف زينب ياهو الكم ثاني
خبزه ما ينطيكم الجولاني

زياره و تزق  . الكم رزق  . بنواعه
وهسه الرعب . واقع صعب . بكل ساعه
إلها الحكم .. إلها الحكم

……………………………………………………………


اخذوا من الماضي عبره ما يمر زينب ضعف
ايزيد فوگ العرش ماله حاچته وظل يرتجف
زينب الوحدها جانت خورست سبعين الف
خيط من شيلتها ولله هسه الكم ما يرف

النصره وي داعش ابكل اصنوفه
ازغر امن النمل هي تشوفه

بنت ام حسن . من ذا و من . يمحيها
مو عالنهر .  سيف الگمر  . بيديها
إلها الحكم .. إلها الحكم

……………………………………………………………


ابدا لن تطفوا نور الله مهما ما حصل
الماي هدوه عل حسيني حار يمه وما وصل
والبعث عادا الزياره وعذّب اشگد وچتل
وهسه زوار ابو اليمه تجي من كل الدول

حچايه گال الحمزه شيخ القاده
اليوم يا هند و غدن للساده

باجر نصر . مهدي العصر . صولاته
وجهه اليشع . يمسح دمع . عماته
إلها الحكم . إلها الحكم

……………………………………………………………


گبل ماتوا كل اهلها و انسبت بت النبي
هسه صار اهواي اهلها ولد عباس الأبي
ركظة طويريج نركض فوگ راس الناصبي
ازلامكم تصبح نثايا تلبس احجاب وعبي

احنه الاكبر احنه كلنه القاسم
تره زينب عمه ولكل خادم

لم الخدر . نفدي العمر . و أسنينه
لطم وبچي . ويانه ويجي . مهدينه
إلها الحكم .. إلها الحكم

……………………………………………………………
✍️ ( سيد خضر الزاملي )

السيدة زينب عليها السلام
«««««»»»»»
اليوم زينب تلتفت مامن معين
حشمت عباس ابو كلب الحنين
ليش متحضرونها
زركه شوف امتونها . واويلاه . واويلاه
«««««»»»»»
وين عباس الكفلها ابشيمته
ليش ما يحضرها يوم اتنخته
اشلون تقبل يابو فاضل غيرته
من سمع نخوه العقيله صاحته
دم تسيل عيونها
زركه شوف امتونها . واويلاه . واويلاه
«««««»»»»»
وين ابو الاكبر يشوف الي جره
الجانت الحره الاميره ميسره
اليوم وي شمات تبقى حايره
تموت بين اجناب هايه مخدره
اعليها متقبلونها
زركه شوف امتونها . واويلاه . واويلاه
«««««»»»»»»
وين جاسم وين الاكبر ما درو
موتت الحره الاميره من اسمعو
الما اجو يوم الدفن لا شيعو
ما قرو ليلة الدفنه و رتلو
الفاتحه و يقرونها
زركه شوف امتونها . واويلاه واويلاه
«««««»»»»»
وين الاقمار المنيره اهل الفخر
وينها افراد العشيره و الكمر
لدفنج حسين يزينب ماحضر
وكلبج اعليهم يزينب منفطر
الله كون بعونها
زركه شوف امتونها . واويلاه واويلاه
«««««»»»»»
وين ما مرو اعليها بالدفن
ماتت الحره العقيله امن الحزن
ماتت و هيه عليكم بس تون
لحضه ماغمض بليل الها جفن
امتانيه يدفنونها
زركه شوف امتونها . واويلاه واويلاه
«««««»»»»»
حسن صالح العيساوي

 (( #وما_أدراك_ما_زينب ))

……………………………………………………………

#وما_ادراك بـ خت حسين • وما ادراك ما زينب
اسمها ابنص عدن مكتوب • يسطع نور ومذهّب

……………………………………………………………


#وما_ادراك من طلعت . تلوح الغيمه هامتها
على ابساط النبي اسليمان.اميره ابعرش كعدتها
خدر والوادم الطوفان . سفينة نوح ناگتها
عصت موسى عد ام عون . تبلع لِسن چلمتها

اذا تسحگ على الصحره
تصير امورّده و خضره
اذا عطشت يصير الكون • بير الزمزم و تشرب

……………………………………………………………


#وما_ادراك من وصلت .ابگاع الطف غدت رجفه
اجاها النخل يمشي ازحوف.جذع ويسابگ السعفه
واجاها العلگمي عطشان.ارتوه امن اخت الگمر جرفه
النجف ويسلّم من ابعيد . الها ايلولح ابچفه

الرمل ويگلها شرفيني
يبت الزهره اسحكيني
إليّه اتصير قيمه وشان .اصير امن الذهب اوجب

………………………………………………… ..........


#وما_ادراك من شافت . اخوها المنذبج برضه
تگل للباري اخذ قربان . يلاهي وكون بس ترضه
ركضت لَحّگت بالدين . نصر مو خوف هالركظه
گلب حيدر العد ام عون . ابد ما ضعفت ابلحظه

لبوه ولاذن ابسدها
شحده اليوصل الحدها
السياط اصبحن متعوبات . وزينب جبل ما تتعب

……………………………………………………………


#وما_ادراك من باتت . نص الليل بالهيمه
امان اتوزّع الاطفال . صارت للحرم خيمه
كتبت للخدر دستور . سوّت للستر قيمه
معصومه وصلاة الليل . واجب لازم اتقيمه

مو بس اعله عيلتها
حارس عالجثث كلها
عباس ولبس ريشات . ياهو الضعنه يتگرب

……………………………………………………………


#وما_ادراك من ركبت . على اظهور الهِزل هيبه
شامخ راسها وليفوگ . ولا جن عايشه امصيبه
لو رادت عرش بلقيس . ابرفعة اصبع اتجيبه
بس حكم السبي مفروض . هيج الباري ترتيبه

زينب نبي و مأموره
خدر تنشر المعموره
لان زمرة بني سفيان . ابدين احمد لعب تلعب

……………………………………………………………


#وما_ادراك من خطبت . بالكوفه البشر خنست
اومت والهوه ماخوذ . ابخوف الوادم اختنگت
الطير انشلت الجنحان . وبنص السمه وگفت
وذيج الزلم جن نسوان . ضمت روسها او لبدت

تشبه حيدر ابصوته
سكته الوادم او موته
الكوفه وبيها طگ بركان . حتى النجف ظل يلهب

……………………………………………………………


#وما_ادراك من گالت . يزيد و أسعه في سعيك
مطر ظهريه مالت صيف . ابد ماهمّن الكيدك
جدي المصطفى المختار. وسفيان الرجس جدك
امي الشرف منها يفوح . شقيسن يالهند امك

يزيد وضاع بمچانه
خاف او تيّه السانه
سكته وصافن الديوان . منها اندهش واتعجّب

………………………………………………………
✍️ ( سيد خضر الزاملي )

نبض دلالي...علي يالغالي

هويته وأفتخر لمن هويته
وگلبي ابحبه تتصدق هويته
أصيح الما يحب نهجه هوه ايتيه
وفاز الحب علي حامي الحميه
ابفرحتي ونوحي
اشوفه ابروحي
طبيب اجروحي
(واليته وافخر واليته)
العشگ يحلالي...علي يالغالي

أحس ابمرقده ابگلبي مدينه
تضل روحي لبو الحمله مدينه
موش اچفوفنه الليله مدينه
نمد ارواحنه ابهاي المسيه
الحفل عنوانه
علي مولانه
زهت دنيانه
(والينه ميلاده الليله)
الفرح يبرالي...علي يالغالي

شموع الفرحه هالليله وجينه
جبنه الشوگ ويانه وجينه
حظره محفله اتحوَّل وجَنَّه
بسم المرتضى الليله زهيه
الگلب كالعاده
ابخبر ميلاده
ينول امراده
(هالليله فرحه الخدامه)
يشاغل بالي...علي يالغالي

كلمن روحه بالمولد سعيده
ربك لابد ايسجل سعي ايده
لخير انفاسي هالمقطع سعيده
اضل اهوه علي الحد المنيه
يطيب احساسي
يرفعة راسي
لخير انفاسي
(محبوبي وحبك يحييني)
يصوتي العالي...علي يالغالي

يمولاي والك نحظر وعدنه
غيرك ابد ما إلنه وعدنه
نريدك تحظر ابساعة وعدنه
وشفاعه انريد يم رب البريه
ينور اگلوبنه
امان ادروبنه
تضل محبوبنه
(من حگنه ابحبك نتباهه)
عقدت امالي...علي يالغالي..

سيد علي الموسوي

يانور نازل عل أرض هاليله
يانور نازل عل أرض هاليله
......
متصدره أخباره ... من السمه ابشاره
بجوف بيت الله نزل نوره الإهي
انولد حيدرنه ... محفله اليجمعنه
حيدر علي انته الولي ومحله التباهي
نتباهه بحروفه ... ارواحنه اطوفه
يابسملة عشاگ محله إسمه بشفاهي
يامحله هالفرحه ... الهايم ترك جرحه
وملتهي ابالفرحه المثلها مايضاهي

اشواگ عاشگ للحبيب اهديله
يانور نازل عل أرض هاليله
......
طيور الفرح نزلت ... أجمل لحن غنت
علي علي علي علي حيدر يغالي
أبيت ابو طالب ... جاء الفتى الغالب
بالكعبة مولود إو فرح گلب الموالي
اشعار نهديله ... نسهرله هاليله
سهران گاعد للصبح وانته اعله بالي
كل بيت كتبيته ... لحب حيدر اهديته
ياشيخ گلبي وسيدي وهيبة دلالي

يطيور أجمل تهنئه وديله
يانور نازل عل أرض هاليله
......

ياگلبي المجِرح ... بمولد علي افرح
الدنيا كلها انساها إو أمشي الأمامي
ويه الكمر اسهر ... وبحبك اتسمر
ماعندي غيرك سيدي انته غرامي
انثر ورد دربك ... ماجوز من حبك
يابو الحسن انته تصل حبي وهيامي
طير الفرح غنه ... للحضره يتعنه
يابو الحسن أسمك يظل أحلى الأسامي

ياغزل حيدر ياقصيده احجيله
يانور نازل عل أرض هاليله
......

بالبوب دگينه ... ندعو اهالينه
احضر حفلنه يالتحب هيم بهوانه
الخير بوجوده ... يمطر على زنوده
الخير كل الخير بالمولد اجانه
أنولد حيدرنه ... والفرح بالجنه
هالليله أملاك السمه تفرح معانه
كتبو اساميكم ... حيدره اليحميكم
بعونه الله مايوگع يضل عالي لوانه

الليله الموالي لازم يشد حيله
يانور نازل عل أرض هاليله
......
امساهره عيوني ... وماترمش جفوني
اكتب شعر وتغزل بأجمل قصيده
بياعلي مطلعها ... ابياتي تسمعها
ياشيعي افرح والفرح لجل الصميده
اكتب مواويلي ... ويشع بدر ليلي
كل بيت بسمك حيدره لازم اعيده
مجنون أنه بحبك ... من صغري بدربك
بيقضتي وأحلامي عشگ حيدر أريده

وين اليحب حيدر شعر انطيله
يانور نازل عل أرض هاليله
......
علي محسن الفرطوسي

علي ياعلي...ياحيدر ياحيدر ياحيدر

ياعلي بهمومي واجروحي اعتنيتك
لملمت أحزاني وآهاتي وإجيتك
أرد اگلك غالي يالغالي وهويتك
گبل ما أحچيلك تفهمني لگيتك
وتسمع إلي...ياحيدر ياحيدر ياحيدر
علي ياعلي...ياحيدر ياحيدر ياحيدر

امحبِّتَك تِهدِيني وتِكفِيني يَغاتي
يافخر واتباهه ابحبك كل حياتي
خدمتك ترويني وتحييني ابمماتي
بيهه أرفع راسي لو حانت وفاتي
يامَنهَلي...ياحيدر ياحيدر ياحيدر
علي ياعلي...ياحيدر ياحيدر ياحيدر

إسمك اسم الباري واسرار ابحروفه
حبك ابنص روحي وبگلبي أشوفه
ها كثر لاموني ورادوني أعوفه
جاوبتهم حيدر حَي مَيِّت أطوفه
إنت الولي...ياحيدر ياحيدر ياحيدر
علي ياعلي...ياحيدر ياحيدر ياحيدر

ياشمس مصباحي ويا بدر الليالي
ياوليِّ الباري وغيرك ما أوالي
غالي يابوحسين غالي وأغله الغوالي
أفتخر حبيتك بس حبك حلالي
حُب أوَّلي...ياحيدر ياحيدر ياحيدر
علي ياعلي...ياحيدر ياحيدر ياحيدر

سيد علي الموسوي

في ذكرى مولد ابو الحسن علي بن ابي طالب ع                    

علي يامحبوبنه...علي ياعلي
ياطبيب اگلوبنه...علي ياعلي
ياكرار...ياكرار

لغز ميعرفونك...فقط ألله وطه
بسمك وشخصيتك...حگنه من نتباهه
صورتك عدوانك...حارت ابمعناهه
امحبتك ياحيدر...عشنه متنه اوياهه
أول انت وتالي...علي ياعلي
ياعشگنه الغالي...علي ياعلي
ياكرار...ياكرار

كل وكت ويانه....علي ياوالينه
موغريب انشوفك...انت منه وبينه
انت دين الباري...والله ناصر دينه
أول ومو رابع....كل وكت نادينه
يسمع الما سامع...علي ياعلي
اول ومو رابع...علي ياعلي
ياكرار....ياكرار

صرنه بسمك نفخر....حگنه يامولانه
امحبتك يالغالي...تسري ويه ادمانه
سيدي ابميلادك...نورت دنيانه
ياعلي وهالليله...شيعتك فرحانه
ذكره مثل البيعه...علي ياعلي
مرت اعله الشيعه...علي ياعلي
ياكرار...ياكرار

ربعك وجمهورك....إي وحگ اعيونك
رحمة الله انشوفك...مانعيش ابدونك
ياشريك الهادي...ناسك اينادونك
بالرخاء ياحيدر...وبالشدد يردونك
دوم الك محتاجه....علي ياعلي
وانت باب الحاجه....علي ياعلي
ياكرار...ياكرار

سيد علي الموسوي

السيده زينب ع تقول

يبست من لهيب العـطـش  شفتاه
يلوج ابن امي من الطعن  شفتاه
كل خـيّــال لــيـه الــــدور   شفتاه

يجي ويكــسـر ضلـع ببن الزجيه

=========================

✍️عباس مالك العفريت

#محرم_الحرام١٤٤٦هـ

لسان حال السيده زينب ع

حـيـدر مافــزع لـيـهـن    ولمهن
خـــيـل اطـشّـر اعيالي    ولمهن
المصايب نوخـــن بيـه    ولمهن

سبي و حرگ وهزل كلهن عليه

======================
✍️عباس مالك العفريت

#محرم_الحرام١٤٤٦هـ

السيده زينب ع/ السبي

مــن بعد ذاك الـــدلال اتيـسرت
زينب الـحـــرّه شِـمـر حــاديـهــا

~~~
ودعت ولياها مــن فوگ الهزل
كل اهلها مطرح وراحو چــتـل
شلون هاي اصير مايقبل عـقـل
بت علي بحبل السبي مگيديها

~~~
فوگ هزله النوگ مدمها يسيل
تعاتب حسين وتعاتب بالكفيل
مابقه وياها ولــي بس العلـيل
والعدو ابلايه رحـــم سابـيـهـا

~~~
طروا الـوديان طـــروهـا البلاد
بت محمد هـــــاي جدام العباد
يا مصيبه الهزت اجبال الشداد
اخــبار ماصــارت مثل طاريها

~~~
طببوهن ســوگ والـوادم شتم
خارجيه يصــيح من بين الزلم
ناس ماعــدها ضمير ولا رحـم
فوگ سبــي الـعـايلـه مشتميها

~~~
تذكر حسين الي باقي بلا دفن
وتذكر العباس لخـــوتها تـِحــن
آه من الليل لـوصـــار ويـــجـن
بهيده دمــع العين مـن تجريها

~~~
بين جيش وعسكر يصير الدرب
هناك بالديوان ياحــــال الصعب
مره وحيده ابين عـدوان وغرب
لا اخــوهــــا اليـمـهـا لا والـيـهـا

~~~
هزّت اعروش الطغو من سولفت
بمجلس الكــــوفه زلمـهـم دنگت
بت ابوها الدمـعـه بيها وكــابرت
من عــلـــي كــــل الصفات البيها

~~~
✍️عباس مالك العفريت

#محرم_الحرام١٤٤٦هـ
نسألكم الدعاء
اللحن 👇

السيده زينب ع /السبي

هِزلـه اعجاف هاي النوگ مـمـشـاهـا يعـذبنـي
من انزل يخوي حـسين چــا ياهــو اليـرچـبني
...................................................

حيره وفــرفــح الدلال واشـتـاگـيت لـخـواني
من بعد الخدر يحسين حــبل اعـــداك گاداني
لو شايفني من الضيم كون تشوف موش اني
الماطالع خيالي بيــوم هـس الـجيش شافاني

انه الي اجيت اويـاك
بعدك حــبـل گـايدني
...................................................

لوصار الغروب وجـن لـيــلــي وآه يالـيــلــــي
يحسين العفو انه بهاي هجـــرك يهدم بحيلي
لا انته البقيت الــوياي لا عــــــبـاس باقـيـلـي
احچي بدمعي من فرگاك والدمعات تحچيلي

صاباني الحزن والهـم
فــرگــاكـم يمرمــرني
...................................................

من بلد البلد ماشٓين وتباوع علــيّــه الـنــاس
جبناها بحبال الگيد گالو هاي اخت عـــباس
هاي بيوم لو طلعت اوياها تطلع الحــــراس
هس الحال موش الچان بلگوه اجــر انفاس

من ضيم الي شفته هنا
يـخـــــوانــــــي يغيرني
...................................................

متعمد يجيب الروس يم عيوني خــلاهـن
يعذبني يـــريد بهاي كـــــل شويه هــزاهـن
انه انظر الراسك فوگ يقره ايات يــقراهن
ويوصيني البنيات امانه حــسين عـافاهـن

چدامي الرمح يحرس
حـتى هنانه تحـرسني
...................................................

آه ابطـبـة الـديـــوان هــاي شلـــون احـچـيهـا
آه حـسيـن آه و آه مايـنـجــــــــاب طـــاريـهــا
شِفتك بالصعا ابن زياد جـــاساها ويطگ بيها
وگال حسين هذا حسين واخته اليوم
سابيها

بأيده ايأشـر اعـلـيــه
بالديوان جاب اسمي
...................................................

ناس بلا ضمير اهنا لاشــــيمـه ولا نـخـــوه
وحدي وبس عليل وياي لا خوان لا تچــوه
وين اسياد هاي الگوم هاشم اهــل المـروّه
تاخذ ثارها مــربـــع مــن هـاي الزلــم گـوه

تاخذ ثار اخوي حسين
وطـفّـي جـمـر حــزني

===========================
✍️عباس مالك العفريت

#محرم_الحرام١٤٤٦هـ
نسألكم الدعاء
اللحن 👇

للامام الهادي ع
…………………………………………………………

نعمة الله و راحت امن ايديها
اليوم سامره افگدت هاديها
وا اماماه .. وا اماماه

……………………………………………………………


مثل ام ارتحل من عدها الولد
مثله لا هيهات ما تنجب بعد
جانت اتنام اعله جف ايده ابرغد
اليوم منها النور يم الرب صعد

والظلام امخيّم ابواديها
اليوم سامره افگدت هاديها
وا اماماه … وا اماماه

…………………………………………………………..


عاشر اقمار الزجيه الطاهره
انخسف بغيوم العصابه الجائره
وجهه اليضوّي الشمس حدر الثره
مات اليوزّع امان اعل لوره

الله وبنوره الخلگ باديها
اليوم سامره افگدت هاديها
وا اماماه … وا اماماه

……………………………………………………………


العسكري ايهيل التراب و منفجع
يلطم اعالراس و يهل الدمع
شال ابوه الجان للهندس شمع
ظل وحيد ابأيد سلطان القمع

دوم لولاد النبي يعاديها
اليوم سامره افگدت هاديها
وا اماماه ... وا اماماه

……………………………………………………………


نعشك اعل لروس ظل يابو الحسن
وسط بيتك جسمك الطُهر اندفن
جسم جدك تحت الخيول انطحن
لا امغسل غسله ولا صح چفن

والحرم ظل الشمر يحديها
اليوم سامره افگدت هاديها
وا اماماه … وا اماماه

……………………………………………………………


بيها طعم ازيارتك ما ينوصف
للتحدي انسوي مقطوعه عزف
ركضة طويريج جن جتف ابجتف
شيعتك يالهادي نهر الما يجف

و لك ارواح بشرف نفديها
اليوم سامره افگدت هاديها
وا اماماه … وا اماماه

……………………………………………………………


الفجّروا لازم يفجرون الگلب
لان بي شباج الك ظل منّصب
الشيعي وايمامه جرف نام ابعذب
اثنعش گبه امذهبه ابگلب المحب

وعينه بيت المنتظر مهديها
اليوم سامره افگدت هاديها
وا اماماه …  وا اماماه
……………………………………………………………
✍️ ( سيد خضر الزاملي )

( ميمر ) . الاعلام عندما يريد الرمز لسامراء يرمز لها بـ ( الملويه) متجاهل الامامين . فكتبت هذه القصيده. 
……………………………………………………………

شمس وكمر  • جن وبشر
انخلقت لجل • اربع عشر
بيهم علت سامراء . موش ابعلو الملويه

……………………………………………………………


مو للبنايه العلو علو الهامه
رگبتمن اطول أسد لو نعامه
هو الامير وهي حدر اجدامه
سامره مرفوعه اعل شكل اعمامه

اعمامة علي   • الهادي الولي
وابنه الحسن •  ظل معتلي
واعمامه بسم الموعود . بيها الارض مطويه

……………………………………………………………


اعلام الوطن يتجاهل بأخباره
لسامره و الملويه هي الشاره
يتجاهل الهادي و مضيفه وداره
مثل اليضم الشمس حدر اكتاره

گبه ولوه  • اتوزّع ضوه
منها الهوه • يشتم هوه
منها الگمر ياخذ نور . منها الشمس مضويه

……………………………………………………………


الملويه شاهد عل الرجس واحقاده
عالشيعه مبنيه و رگاب الساده
جواها جم سيد الصاح و ناده
صاغوها روس الشيعه الها گلاده

تشبه هند    • تنگط حقد
امن الرافضه • تاكل كبد
ملويه للاعدامات . جم سيد و علويه

……………………………………………………………


سامره عاشت كالبقيع ابفتره
مرقد اليمه وبيد ذيج الزمره
مامش علي بصوت الاذان اليقره
ومحد يصلي اعل النبي و عالزهره

راح الحكم • واهل الظلم
رده العزه   • و رد اللطم
ردينه نصرخ يحسين . يا زينب المسبيه

……………………………………………………………


سر من رأى وتعرف شنو معناها
بالگبه يفرح كلمن الشافاها
والحضرة جن جنة عدن طبّاها
جن بالمدينه ام الحسن زاراها

اتحس الصحن • بيه الحسن
لحيدر علي     • الزاير حضن
حسين و مجانه السرداب . للمهدي عينه أربيه

……………………………………………………………


يالفجّرت نعرف شنو الناويها
حضرة الهادي اوي الارض تسحيها
الملويتك ويصفه الامر تاليها
احسابك غلط يبن التعرين بيها

الگبلك منع • ايد وگطع
مية ذهب   • زاير دفع
هد الفرات اعل حسين . بس ظل يطوف ابميه

……………………………………………………………
✍️ ( سيد خضر الزاملي )

هم خَلّص هالعام . و انصارك ايتام
يل غايـب چنـدوب .  نتحمـل آلام
نار افراگك تچوينه •• يمته نشوفك مهدينه

……………………………………………………………


مثل خيط الشمع نحترك بالفرگه
كل عـام اليمر نزداد بيه حرگه 
نخاف انموت واحنه ابلهفة الملگه
انت اول مُغيّب عالحجي انعشگه

انت اول محبوب . عن ناسك محجوب
غايب عـن اعيون . بـس حاضر بگلوب
يبن الزهره اشتاگينه • يمته نشوفك مهدينه

……………………………………………………………


تره المهضوم گلبه و ينتظر صعبه
تضل عينه ابدمعها اعل لدرب تربه
ويضل حچي الشماته ايجرّح ابگله
ما يظـهر حبيـبك  و الفـرج كـذبه

گالـوها الشـمات .  مـا يظهر هيـهات
صحنه وبينه ايعيش . ابن احمد ما مات
شلون ايموت اليحيينه • يمته نشوفك مهدينه

……………………………………………………………


يمته انشوف راية عمك الخضره
و لبو فاضل ابجفك اثر من عطره
نشـمك شمة الزوار للحـضـره
و نشبگك شـبگة الكرار للـفقره

مو وحده وألفين .مرحب ببن حسين
من طولك هيهات . تشـبع هاي العـين
عطشانين و تروينه • يمته نشوفك مهدينه

……………………………………………………………


يمـته ابكربله و  ترفع طفـل جـدك
ونشوف اشطوط من دم تجري ابخدك
و يقيم العالـم اقرايه و لطـم عـندك
ونقرالك : ( يعبد الله اهـز مهـدك )

نبچيلك و انوح . عل طفل المذبوح
وانگلك مولاي .  ذب اعلينه اجروح
انواسي وانت اتواسينه • يمته نشوفك مهدينه

……………………………………………………………


مو بس احنه ننتظرك يالمشكّر
ويّانه ضـلع معصور و اتكسر
ويّانه قميص امسلّب و أحمر
ويّانه عبايه و سوط بيها أثر

ويّانه الاطـفال  .  مجـتوفين احبال
بيهم حسره و آه . من صعدة لجمال
ارقيه اتنطرك وسكينه• يمته نشوفك مهدينه

……………………………………………………………


سفيـنتنه ابحر وامواج تتلاطـم
وارياح الفـتن تعصف و لا ترحم
شيعي يعادي شيعي وبالعلن شتّم
تركنه اعداءنه و عل منّه نتـحزّم

صرنه المكـروهين . چي نخدم لحسين
عالطمه وعالنوح . نتحارب كل حين
اليكره من عدنه وبينه • يمته نشوفك مهدينه

……………………………………………………………
✍️ ( سيد خضر الزاملي )

مولد فاطمه الزهراء عليها السلام موال

.
بيوم ميلادج يزهره  . العرش فرحان وذهول
.
والله محتار شأوصفج .  انتي حيرتي العقول
.
اليوم عرش الله ينادي  .  يا هلا بجيت البتول
.
نورج مضوي الدنيه    .   هلا يا بنت الرسول
.
ادري مااكدر اوصفج  .  بيج محتار وخجول
.
وصف هذا اعله كد حالي غيره مااكدر اكول
.
الشاعر الرايد يوصفج  . كون يصفن دور حول

انتي ايه برحم طاهر   .  عنج شأحجي وشكول

انتي بــت طه محمد   .  وام الابطال الفحول

يعني اصل وفصل انتي  ، حك نكلج بت اصول

انتي ريحانة الهادي   .  انتي الزهره البتول

حبكم امن الله هديه  .  للممات ومـا يزول
.
نور فاطم يختلف  عن كل خلق

فاطمه نعمه و هديه و الرزق

الها حبنه جان عذري وبي شفق

كلمن يحب بــل نهايه يفترق

اول ايام الطفوله حبكم وياي انطلق

هذا حب يعيش بيه لاخر انفاس ورمق
.
حسن صالح العيساوي
.

( مَولِدُ الحَنانِ )


انخلق كل الحنان بخلقة الزهرة
أول عيد هذا يفرّح الفقره

ورد الجنّة احسه وقبل ورد الگاع
غطه الكون كلّه وانتشر عطره

فرحة شگد چبيرة صفت ذاك اليوم
وبگلب النبي الله بيها أدرى

افرح يا محمد جاك كل الخير
من ربك الك واستقبل البُشرى

الكوثر يابو فاطم إنا أعطيناك
ملائكة السما كلها الك تقرا

أمان من الله نزلت تمحي كل الخوف
أمان وللبشر ما ينكشف سرّه

ظهر إبداع ربي بخلقة الزهراء
واتجلّت رحمته وظهرت القُدرة

الما يحبها مو عمره نصه يضيع
يضيع الما يحبها والله كل عمره

هنيال العدها خادم عمره كلّه يعيش
وبخيت المنها حصّل يا بشر نظرة
_____
حسين علي الدليمي

(( #تفاحة_السماء ))

……………………………………………………………

هاليوم طير السعد رف اجناحه
أمن السمه نزلت للارض تفاحه
الزهره أسمها………  الزهره اسمها .

……………………………………………………………


الله العظيم و فاطمه بأجلاله عظمها
جانت جنين وبالخليقه  اتعلم بأمها
تگـلها لأجل بنتج خلق حواء وآدمها
عمامه صرت ولكل نبي خالقنه عمّمها

الزهره حوراء .. انسيه
الها السماوات .. مبنيه
وسوالها الكاع ..مدحيه
ربها كرمها ….. والزهره اسمها .

……………………………………………………………


شاف الله متليق النسه تحضر بـلو لاده
ام المسيح  و هاجر  اعليهن أمر ناده
يا اخت موسى انتن خدم عد جدة الساده
اغطه لخديجه اتمددن و لفاطمه وساده

الراضيه هاي    ..  ومرضيه
من كل الارجاس ..  محميه
و الجنه منها   ..    مضويه
ويرف علمها …..  والزهره اسمها .

……… ،…………………………………………………


بمولدها وجه المصطفى ضل يشع بالفرحه
كلمة الابتر أذته و اليوم شل جرحه
من صنع جبريل المهد و يهز بقه بجنحه
وبگماطها روح القدس يتبرك بمسحه

اليوم الملائك .. فرحانه
للنبي انولدت ..  ريحانه
سبحانه ربـها .. سبحانه
بيده رسمها ..…  والزهره أسمها

……………………………………………………………


و النبي أرسل تهنئه للمرتضى ايبشره
ياعلي عگالك فاطمه و چفيتك الخضره
ويموت هندس ليلك ومتشوف بس كمره
لا انا وانت نشم هوه لو لاها هالزهره

سر الله خلاه .. بالزهراء
فاطمه الايات ..   والآلاء
بلموته تدري ..  والاحياء
كله بعلمها ….. والزهره اسمها .

……………………………………………………………


كل شيعي مؤمن فاطمه تحبه اكثر من امه
ما ادخل الجنه اذا مـو گبلي طب جدمه
و تگلها يا نار اخمدي  و لا توصلي يمه
بس شرط في سجل الخدامه تعاين الأسمه

أيگر بالاخلاق .. عيناها
و لازم يوالـي .. الوالاها
ويعادي كلمن .. عاداها
و سلْم لسلمها ….. الزهره اسمها .

……………………………………………………………


انقدم تهانينه ابفرح للمنتظر يومه
والمرجعيه اللي حمت هالدين وعلومه
يارب بجاه ام الحسن هالشيعه مرحومه
مو عالتفرق و الكره . عالـخير ملمومه

وحب ابو السجاد .. يجمعنه
و عباس بلواه   ..  يوحدنه
نرضي الزجيه   .. وتسعدنه
وتنسه المها …..  والزهره اسمها

……………………………………………………………
✍️ ( سيد خضر الزاملي )

ليلةً ٢٠/جمادي الآخره /١٤٤٦ هجري الاحد 22\12\2024 بصوت خادمكم الرادود ابو هاشم الربيعي ليلة ولادة السيده فاطمة الزهراء عليها السلام #قصائد1446هج

بالمولــد انحييهـــا
الف الصلاة اعليها
برواحنـــه نفديهـا
بت سيـد الاكـوان
🌺🌺🌺🌺🌺🌺🌺🌺🌺🌺🌺🌺
من عالم الذر احنــه حبيناهــا
كلمــة عهـد للزهـــره خطيناها
شما عشنه بالدنيه نظل وياها
مثل النبض بالگلب ما ننساها

حبهـا نجــاة الأمـــه
نشكر فضل هالنعمه
للناس خيـر ورحمـه
بت سيـــد الاكــوان
🍀🍀🍀🍀🍀🍀🍀🍀🍀🍀🍀🍀
سهــم الشفاعــه حصــة الوالاهـا
خصها الجليل وهالكرامه انطاها
خيــر النسا بارينـــا هل خلاهـــا
حجــة المعبــود وحبيبـــة طـــه

اصل اونبــع للكوثــر
شافعه بيوم المحشر
الها فضــل ما ينكـــر
بت سيـــد الاكـــوان
❤️❤️❤️❤️❤️❤️❤️❤️❤️❤️❤️❤️
أم الاطايب والنعم مـن عدهــا
نلنه السعاده من بـزغ مولدهــا
جينــا نهنـــي بالحفـل والدهــا
كلمـــة تهانينـــا الثغــر رددهـا

احبابــهـــا مجتمعـــه
بالفرحه تعلگ شمعـه
حضرت تهني البضعه
بـت سيـــد الاكـــوان
💐💐💐💐💐💐💐💐💐💐💐💐
نجم السعد شع بسماء السبعه
حـور الجنـان أصواتها مرتفعه
يردد صداها يــا هلا بالبضعـه
أم المياميـن الهـداة التسعـــه

للعتره هيــه المصـدر
بيهـم الكــون اتنـــور
فاطمه قطب المحور
بت سيـــد الاكــــوان
🌷🌷🌷🌷🌷🌷🌷🌷🌷🌷🌷🌷
نبعث رسايـــل تهنئه لمهدينا
انباركلك ابهـذا الحفل والينـا
مولانا من كثـر الظلم عانينـا
ندعي يعجل طلعتـك بارينـا

عَجّــل يلاهــي امره
منــك انريد البشـرى
بجاه الوديعه الزهره
بت سيــد الأكـــوان
🌸🌸🌸🌸🌸🌸🌸🌸🌸🌸🌸
الشاعر عمار الراشدي



ليلة ٢٠/جمادي الآخره /١٤٤٦
الاحد 22\12\2024 ليلة
ولادة السيده فاطمة الزهراء
عليها السلام #قصائد1446هج

في رحاب سيدة نساء العالمين سيدتي ومولاتي الصديقة الطاهرة الشهيدة فاطمة الزهراء عليها السلام.

قصيدة ( شهادة السيدة الزهراء عليها السلام)

راحت والدمع ما فارگ العين
ويلي عالزچيه أم الحسين
صحت الله أكبر يا هضيمه
زينب ظلت الليلة يتيمه
وين أمي تنادي هالمسه وين
ويلي عالزچيه أم الحسين
..................................................................
فاطمه غمضت جفنهه وأصبح العالم كئيب
بيت الأحزان بأثرهه هالمسه وحشه وغريب
حيدر بدمعات عينه يا جرح عنده يطيب
ودع الليله الزچيه بالمدامع والنحيب

بعد أم الحسن ما طابت جروح
رايح بالمواجع يدفن الروح
يا حسرة مصابه
ما يخلص عذابه
فارگ فاطمه من گطعت البين
ويلي عالزچيه أم الحسين
..................................................................
بدفعة الباب وهضمهه وبالحطب مشتعله نار
تنكسر ضلعين منهه والدهر عالزهره دار
طيحت المحسن مصيبه شيبت حتى الزغار
والظلام بحزنه دائم ما أظن يطلع نهار

بسمار الحقد صوب صدرهه
بعده اثمنطعش وردة عمرهه
هالحاله عجيبه
هاي اكبر مصيبه
ترجع لليتامه فاطمه منين
ويلي عالزچيه أم الحسين
..................................................................
بالحسن وحسين حسره ما تطفيهه الدموع
ظلو الليله يتامه كل شهم روحه تلوع
شمعة البيت الزچيه تنطفي وتطفه الشموع
والكسر ضلعين منهه للسبط يهشم ضلوع

باچر كربله وحسرتهه حسره
حسين الداست الخيل اعله صدره
برض الغاضريه
بالطف هالرزيه
ما بين الخيم والباب نارين
ويلي عالزچيه أم الحسين
..................................................................
آخ يا حزن العقيله يا جفن عدهه ينام
من بعد أمهه تعاني والصبح يمسي ظلام
بكربله وتطلع سبيه والدمع كل دمعه شام
تنضرب بالسوط وسفه وعالترب واليهه نام

باچر والكفيل اخلاف عينه
سيوف التگطع ايساره ويمينه
تحتار العقيله
ما عدهه وسيله
تندب فاطمه وبالروح جرحين
ويلي عالزچيه أم الحسين
..................................................................
فاطمه الزهره الزچيه والمصاب أفجع مصاب
حيدر يشيع نعشهه وتندفن جوه التراب
ينخفي وسفه گبرهه وللفرج نحسب حساب
يظهر المهدي علينا من بعد طول الغياب

يبني المرقد بأيده الشريفه
لا تبقى نواصب لا سقيفه
ونعود الگبرهه
ونشارك قهرهه
ونصيح بعزاهه هناك صوبين
ويلي عالزچيه أم الحسين
..................................................................

خادم الإمام الحسين عليه السلام
عمار هليل الواسطي

قصيدة { الفاتحة }
ذكرى وفاة سيدتي ومولاتي أم البنين عليها السلام


إقــره الفاتِـحــه واطلــــب مـنــهــه بأمــر باريهه
عليهه اقسم بنحر حسين وأصعب شِدّه تگظيهه
...................................................................................................................

كفاهه امن الفخر جابت سلطان الوفه العباس
هاي أم البنين وبــيـك تدري وتعرف الاحساس
إذا ضـــاگ الدهـــر مرّه بــيــك وكـــدّر الأنفاس
إدعي الباري وانخاهه ... باب الحاجة تلگاهه
بيهه الفخر يتباهه
من حضرة أبو فاضل هاي الليله حاچيهه
...................................................................................................................

حاچيهه بگلب محروگ إنعاهه بدموع العين
هاي البقت منتظره يــرد ليهه الشهيد حسين
لاچن ما رجع والنوح فرض أمره وگصاهه البين
أم الأربعه الأقمار ... ظلت تسچب الأعبار
على آل النبي الأطهار
وفيّه وصابره للموت ما گطعت بواچيهه
...................................................................................................................

كفو منهه يزايــرهــه تحضــر بالشـدد يمّك
أكرمهه الآله بــهــاي بـيــهـه ينـجـلــي همّك
تواسيهه بحزنهه اليوم وتكتب بالسجل إسمك
يلّي تنوح هذا أجرك ... أم الأربعة تحضرك
بيهه ينكشف ضرّك
ما دام بدموع العين والحسرات توفيهه
...................................................................................................................

چانت أمنيتهه يصير گبرهه بكربله المظلوم
بين حسين والعباس لاچن كل قدر مرسوم
ثلث تنعام من عدهه هذا اليوم وبكل يوم
توافي الزهره بالأبطال ... نشامى وكل فحل خيّال
وبيوم الملاگه ارجال
تشهد كربلاء حسين من لمعت مواضيهه
...................................................................................................................

يالزاير تعال وشـــوف من حضرة أبو فاضل
حاچيهه بگلب مشتاگ ولأعلى الحزن واصل
إذا حل البلاء اعــلـيـــك والأصعــب بعد نازل
بس گلهه يماي العين ... عليچ أقسم بنحر حسين
ودم الأربعة الطيبين
من بعد العسر صدّگ يكون اليسر تاليهه
...................................................................................................................

لا تتردد وترجــع إطلب منـهــه كلشــي تريد
إقره الفاتحه بدمعك ثـــق هاي الدموع اتفيد
يا أم البنــيـــن أنــخــاچ صيــح وكرّر الترديد
ما تبقى أبد صعبه ... وحق مدمعهه بالغربه
هاذي لا تظن عجبه
كرامه وربنا أكرمهه وأكرم من يواسيهه
...................................................................................................................

دمعك واللطم مذخور وبيوم القيامه اهناك
أم الأربعة الأطـهـــار توگف بالشديدة اوياك
بآه يحسيـن ومــصـــابه يوم الحشر تتلگاك
سلام الله على الحرّه ... بالآهات والحسره
مصاب وواجب انذكره
عزاهه وواجب انقيمه وبالحسرات نرثيهه
...................................................................................................................

خادم الإمام الحسين عليه السلام
عمار هليل الواسطي

قصيدة { نبع الشهامة }
ذكرى وفاة سيدتي ومولاتي أم البنين عليها السلام

نبع الشهامه ... ربّت نشامى
.................................................................................................................................

أم البنــيــن الطاهــره ولكل وفــه برهان
يكفيهه من باب الفخر جابت گمر عدنان
هالليله ليلتهه بحزن تتوشح الأكوان
بسم الوفه يخط الدمع فوگ السمه عنوان

منهل كرامه ... ربّت نشامى
.................................................................................................................................

هاي الوفيّه الصابره وتشهد دموع العين
ظلّت على جمر الحزن تنطر قدوم حسين
مشبوحه العيون وفلا تدري الطريق منين
بالفجعه محنية الظهر وسفه گصاهه البين

لجل الإمامه ... ربّت نشامى
.................................................................................................................................

وصّت ولدهه الأربعه ومنهه الدمع مدرار
كلكم فداء بكربله السبــــط النبي المختار
گدّامـــه طيحتكم شـرف يالأربعه الأقمار
ســـور وعــلـى إبن الولي ماريد أبد يحتار

تنطر علامه ... ربّت نشامى
.................................................................................................................................

لجل العقيله والضعن يهل الشرف حرّاس
عهدي كتبتــه الفاطــمــة ولآخـــر الأنفاس
أتباهى يكفل زينــبــي بطف كربله العباس
هالغالي تربات الفحـــل والغيره غيرةْ راس

باشط حُسامه ... ربّت نشامى
.................................................................................................................................

من صاح إبن حذلم بشر والنبره كلهه اهموم
گالتله جايب يا خـبــر چنّ هالخبر مشؤوم
گلهه النشامى الأربعه راحت سوه بفد يوم
گالتله عــوف الأربعه حاچــيــني بالمظلوم

فِهمت كلامه ... ربّت نشامى
.................................................................................................................................

من سمعت حسين إنذبح أحنت ظهرهه بنوح
لطمــت على الراس بحــزن واويلي عالمذبوح
فگد الغـــيــارى بـكــربـله ضاعف عليها اجروح
رادت عــلـــى جــنــح الهــوه للغاضـــريه تروح

حد القيامه ... ربّت نشامى
.................................................................................................................................

إكراماً لهذا الوفـــه وي عـتــرة الأطياب
رب العرش شاء وبقت للحاجه هيّه الباب
إنخاهه يالطحت بعسر تاخذ أكيد إجواب
إقسم عليهه بكــربــلــه وبفجــعـت الغيّاب

تعود بسلامه ... ربّت نشامى
.................................................................................................................................

خادم الإمام الحسين عليه السلام
عمار هليل الواسطي

قصيدة { إخذ روحي}
ذكرى وفاة سيدتي ومولاتي أم البنين عليها السلام



يا موت إخذ روحي ... حتى الگه مذبوحي
مشتاگه لحسين
.............................................................................................................................

آني أم البنيــن وهالطلب منّـي
طال الإنتظار وما خلـص ونّـي
أرحّب بيك أنا يا موت صدّگني
ما دامك تجي ولحسين تاخذني

من تاخذ اسنيني ... توصّلني لحسيني
وسنيني لحسين
.............................................................................................................................

صبرت وكابرت والشوگ مو عابر
يگظي اليــوم أگولــن أنتظر باچر
مشه ضعن الأحبّة وگلبي ظل صابر
على جمر الحزن صبـح ومسه يناطر

كل عمري أنتظره ... حسره بعد حسره
حسراتي لحسين
.............................................................................................................................

مو بس أربعة لو عشرة أولادي
أنذرهم سوه الريحانت الهادي
چانت شوفته آمالـــي ومْرادي
الدنيه بوادي كلها ودمعتي بوادي

أزرع ورد دربه ... لن فرگته صعبه
كل نذري لحسين
.............................................................................................................................

نعم يا موت نار بمهجتي الأشواگ
إخذ روحي الگظت من كثر ما تشتاگ
شحسبهه الجروح جروحي كلها اغماگ
مل مني الصبر والكون الأوسع ضاگ

من سافر الغالي... حال الحزن حالي
أحزاني لحسين
.............................................................................................................................

خلهه تموت روحي وما تظل اتنوح
من عاشر محرم ميته بيّه الروح
عشت بس الجسد ومناطره المذبوح
أنفاسي مواجع وانتظاري جروح

من تنتهي ايامي ... تاخذني للظامي
أيامي لحسين
.............................................................................................................................

تقرّبني يموتي لو إلك جيّه
من العاف أكثر من جرح بيّه
حسين وبالدمع أنعاه ليليّه
عزيز الطاهره الراضيّه المرضيّه

يا موتي نمشيله ... والموعد الليله
ملهوفه لحسين
.............................................................................................................................

چانت أُمنيه لو گبري يم گبره
نسيم الهاب منّه يزورني بعطره
حسين العنده ظلّت بالگلب حضره
شگد مشتاگه أشوفه هواي منتظره

ما ترجع ظنوني ... لو شفته بعيوني
وعيوني لحسين
.............................................................................................................................

خادم الإمام الحسين عليه السلام
عمار هليل الواسطي

(( #معجزة_الوفاء ))
…………………………………………………………

معجزةُ الوفاء •• سلطانةٌ العزاء
في هذهِ الارضُ أسمُها أم البنينِ
وفي السماءِ كعبةُ الحُبِ الحسيني
ام البنينِ .. أم البنينِ

……………………………………………………………


من عدها الاخلاص انخلق
والوفه من عدها انطلق  . لاهل البريه
جي ماكو اخت عد فاطمه
خلقاها جبار السمه . لفاطم هديه

من طين سبحة فاطمه . رب العرش خلقاها
من عطر الحسين الزكي . قبل الخلق رشّاها
حتى تضل ريه و نفس . تختنگ لو عافاها

طينتُها دُموع •• للنحرِ و الضلوع
للطفِ نهرٌ قد جَرى في كُلِ عينِ
وفي السماءِ كعبةُ الحبِ الحُسيني
أم البنينِ .. أم البنينِ

……………………………………………………………


في عالم الذر اختبر
ربك جمع كل البشر . بيهم يسائل
من يخدم حسين وسأل
اول بشر گام و قبل . ام ابو فاضل

مو ايد وحده ام الگمر  . رفعت اثنين ايديها
مو مره من گالت أنا . مرات عادت بيها
يارب اسس مملكه . ومن الخدم امليها

يا واهبَ الحياة •• عهدٌ الى الممات
صوتُ العزاءِ يعتلي في الخاقينِ
وفي السماءِ كعبةُ الحبِ الحسيني
أم البنينِ ..أم البنينِ

……………………………………………………………


ازغيره ما عرفت لعب
عدها حرز بيه منكتب . احروف اسم الحسين
تنوح وتظل تمطر مُطر
امبلل بگه بيت الشَعَر . من دمعة العين

لو صدت العين الشمس . وجه الحسين اتنظره
وبالگمر تنظر هامته . تضوي العمامه الخضره
وكل ليله تحلم بيه أجه . چـ الفضّه يلمع نحره

تحسّهُ شَهيق  •• كـ نسمةِ الغريق
تراهُ في شِمالِها و في اليمينِ
وفي السماءِ كعبةُ الحبِ الحسيني
أم البنينِ .. أم البنينِ

……………………………………………………………


من وصلت البيت ام حسن
رجلين وايدين ارجفن . اصعب مهمه
وما صدگت چن ابحلم
يگلها الحسين و مبتسم . اهلا ييمه

لا يا بعد نبض الگلب . وبعد اليشوفن ذني
خدامه لترابك تره . خيعوني لو تقبلني
هالچلمه من ارض السمه . الفوگ الگمر رفعتني

يا ربِ يا قدير •• أُمٌ لهُ أصير
سلطانةٌ يعني انكتب فوقَ الجبينِ
وفي السماءِ كعبةُ الحبِ الحسيني
أم البنينِ .. أم البنينِ

……………………………………………………………


كل امهات اذب جهد
وتباري و اتربي الوِلِد . لساعة كبرهن
بس هي وبحرص و تعب
ربتهن الاربع رگب . لسيف اليحزهن

والاعجب و تحسب تظل . هالعدد عدها شويه
تعصر بديها امن الخجل.من ام الحسن مستحيه
لحسين تحسبهم صفر . لو عدها جانوا ميه

أسطورةُ الفداء •• مملوءةٌ سخاء
والابنُ صارَ مثلُها اعطى اليدينِ
وفي السماءِ كعبةُ الحبِ الحسيني
أم البنينِ .. أم البنينِ

……………………………………………………………


عدها أمنيه ظلت جرح
من الگفه هم تنذبح . منها الدمه يسيل
وضلوع تطبگ عالظهر
وتنسحگ في عظم النحر . من حافر الخيل

وي روحها تحجي ابدمع . ابيت أكعد ومحميه
وابزينب اتچوّي الشمس . ابسوط الشمر محنيه
ياريت وياهن واظل . مدفونه يم ارقيه

في ضَعنِهن أكون •• السوطُ في المتون
ياسوطُ دع بنتَ النبي قم واعتليني
وفي السماءِ كعبةُ الحبِ الحسيني
أم البنينِ .. أم البنينِ

……………………………………………………………
✍️ ( سيد خضر الزاملي )

اقرى الفاتحه والنيه صفيها
راح ام البنين الحاجه تكضيها
.
:::::-----:::::
.
اصيله بت عرب من بيت بدويه
اسمها يشرف التاريخ طاريه
يمها الحاجه ام عباس مكضيه
تسهيل الامر من الله منطيها
.
:::::-----:::::
.
عــلــي الكاله تخطبلي وفـايـه
اردن خلفتي لحسين تـجـايـه
وكلاله اعله امرك تبشر بهايه
عقيل اختارها يعرف شنو البيها
.
:::::-----:::::
.
بت حزام من عدها الوفه يروه
عنوان الاصاله و لشرف قدوه
مقبولة بأسمها تمشي الدعوه
دوم وكل مكان نكوم ندعيها
.
:::::-----:::::
.
من تختار خال الخلفتك زينه
الدليل الكافل العباس لحسينه
لجل الماي طفاها الكمر عينه
كفو العباس صار الخوه راعيها
.
:::::-----:::::
.
من اختار ام البيت من هيبه
مثل ام البنين تربت بطيبه
بت شجعان اهل الكرم والنيبه
اهلها الخطو الدنيا سوانيها
.
:::::-----::::
.
حسن صالح العيساوي

الفاطمه ام البنين الليله
كومو المدمع سويه نسيله
هايه مصباح الدعاء
هايه مفتاح الرجاء
بيها حيدر بالشدد شد حيله
*
فاطمه من بيت طاهر فاطمه ام الفحول
عنها والتاريخ عاجز ماعرف شنهي يكول
شلون اوصفها نجيبه تحير الساني شيكول
هذا مو بس انه اكوله حيرت كل العقول
اربعه الراحو جزاء
هايه مفتاح الرجاء
بيها سر ومن عرف تحليله
*
بيها يطهر لسانه الكال عنها بكل  كلام
ام فحول ومن فحول فاطمه يابت حزام
بالطفوف شكبر اسمها صار للدنيه وسام
دوم مصدره البطوله بكلهن اسمج بالامام
هيه تاج الكل نساء
هايه مفتاح الرجاء
كل حرف عنها يجب ترتيله
*
الله خص الها خصأص لو قرية الفاتحه
راح يسهل كلشي عندك بالحسين ومذبحه
بهاي احنه جربينه و لازم احنه نوضحه
ابو تراب العرف قدرج والعقول الراجحه
بيها ميزات السماء
هايه مفتاح الرجاء
الما تمسك بالطهر ياويله
*
ما يجازيها دمعنه الضحت ابربع ولد
الواحد يعادل كتيبه بالسيوف وبالعدد
هيه جانت عن بصيره واليقين ومعتقد
البيها نتحده الصعيبه بكل زمان وللأبد
البيها نتحده البلاء
هايه مفتاح الرجاء
بدم ولدها كل خطر نمشيله
*
حره وفايه واصيله وعل صعاب معلمه
رغم هذا الجره اعليها بوجه زينب باسمه
كالت يروحون فدوه ولدي لبنج فاطمه
من يلزمون الصوارم عالجيوش الضالمه
ما تحسسها الاذاء
هايه مفتاح الرجاء
بدم كمرها مو دمع تبجيله
****
حسن صالح العيساوي

نزله  (( #طاعة_الأم ))  أم البنين ع
……………………………………………………………

طاعة الام واجـبه   .  و انا اريد الطـاعه
حسين مو يوم وشهر . خدمته ابكل ساعه
الهمه يا اولادي .. الهمه يا اولادي

……………………………………………………………


هاي ابدن مو وصيه بل امر يولادي
احنا مخلوقين يمه وقف لبن الهادي
جبل ابن الزهره وانتو حدره مثل الوادي
اگبال عينه و خاف يطلب ما اريده اينادي

گبل لا يطلب و اقروا اعيونه
الغيم من بطن السمه اتجرونه

افياي من هاي الشمس . ما اريد اتلوحه
تره واحدكم عبد  .  خله يحسب روحه
الهمه يا اولادي .. الهمه يا اولادي

……………………………………………………………


عين وتشابگ رمشها هيجي وتحيطونه
وخيلكم هم عدها واجب تخدم ابـ ميمونه
دربه گبل ابميل يمه لازم اتفحصونه
والهوه الگاصد انفاسه واجب اتفتشونه

لو نزل من مهره واصبح گاعد
اربعه اتهفوله مو بس واحد

وگفه مامش گعده ابد . و خلفه مو جدامه
للخدامه اترقبوا  .  بس يحرك الهامه
الهمه يا اولادي .. الهمه يا اولادي

……………………………………………………………


يمه وكت الليل ظلمه انتو صيروا اقماره
ما اريده ابوحشه يشعر چنه وسطة داره
ينام يانوم العوافي لچن انتو اسهاره
تره هذا الكون بيته و ننحسب خطاره

يمه مصباح السعد مصباحه
شوفة عيونه اساس الراحه

والشمس وكت الصبح . تشرگ امن اجبينه
اليوم ما يبدي ابد . امتاني يفتح عينه
الهمه يا اولادي .. الهمه يا اولادي

……………………………………………………………


لو سمتعو ماي رايد حاضر اتگلوله
اسرع امن الصوت ركضه زمزم اتجيبوله
وخاف تمشون ابصحاري و قطره ما تلگوله
نهر من النيل اطول بالعجل حفروله

واحه كل واحد تشيل اجتافه
ولا يغير العطش لون اشفافه

مثل اسمكم واحفظوا . راح أكول احجايه
ابد ما حسبه اولدي . الگبله يشرب مايه
الهمه يا اولادي .. الهمه يا اولادي

……………………………………………………………


فدوه لا سبعين فدوه الزينب السلطانه
الناگه كون الهودج ابدن ما تهز اركانه
الخدر كل واحد اريده عايش ابوجدانه
كون واحدكم و يفحط من اسمها السانه

ما اريدن هودج اتحرسونه
كعبه بحرام الفده اطوفونه

فوگ كل هذا الحچي . يمه اريد ازياده
من اجل زينب تره . اتموت كل الساده
الهمه يا اولادي .. الهمه يا اولادي

……………………………………………………………


يمه هذا الضعن قدسي كلها ضنوة فاطم
يمه موتوا اثنعش موته كون الاكبر سالم
بزودكم وانتم عمامه امدلل ايظل جاسم
كون عبدالله شحلاته وعلى اديكم نايم

عاملوا السجاد مثل احسينه
بعده يتنصب امام اعلينه

ما اريدن تنهظم . بالسفر علويه
اطيح روس الاربعه . و لا دموع ارقيه
الهمه ياولادي .. الهمه يا اولادي

……………………………………………………………
✍️ ( سيد خضر الزاملي )

#قصائد_ام_البنين_ع


وفاة ام البنين
.
.
.

كربـله عـنـي بعــيده .. وگبري يم گبره اريده
حـيره والله حيرتي
من يوصل اجنازتي
يم الحسين



گـلبــي حطـيـتـه اعلـه دربـه دگـه تـتبـع دگـه
وبخيالي اگطع لي ديره الشخصه حتى اتلگه
المـوت اجـاني ومـاجاني البـيه عـايش شهگه
الفـرگه تكــتل والـيمـوت امـن المــفارگ حگه

بلكت ايسمعوني ناسي .. وياخذوني التاج راسي
رايده احچي قصتي
مـن يـوصل اجنازتي
يم الحسين



ابليل هـجر حسين عـيني للصبح مـفتوحه
اعليه احسها ازغيره كلش كلمة المجروحه
البِـگلبه اجروح فـرگـه ماتطــيب اجـروحه
المنتـظر مـثل ابـو اليمه حـقـه تطلع روحه

ياهو احشمه وياهو اصيحه .. حتى يدفنـي ابضريحه
عگب ولدي وعزوتي
من يوصـل اجنازتي
يم الحسين



الكربله كـل امنياتي اجـنازتي ايوصـلونها
وكـون بــين الحــرمين الـوادم ايـنزلـونها
بالشــمس تبــقه ثــلاث ايــام ميــشلـونها
بلكت ايصير ازدحام وجثتي ايسحگونها

بلكي احس بالام صدره .. الَهـشمتها اخيول عشره
جاي احچي ابحسرتي
من يــوصـل اجـنازتي
يم الحسين



نعشي عالـشــباچ يفـتر هـاي ويـن الگـاها
والله گــلـب ام البنــين اشـكـثر يـتمــناها
والصــلاة اعلــه الجنازه هــوه لـو صـلاها
باچر اعله الموته اني ابـها الصلاة اتـباها

مـن يگـول الله اكـبر .. جلدي وانه احچيها كزبر
ادعي وابچي ابدعوتي
مـن يـوصـل اجــنازتي
يم الحسين



يـامــن اتشيــعون نعـــش ام البــنيـن ابلــوعه
علـى بــاب القــبــله صيـحو وصلت المـفـجوعه
ادري من يسمعني اجيت ابساع تجري ادموعه
لايــدنــگ عــالجــنازه امــكــســرات اضــلــوعه

مـن كـثر خـيل العساكر .. طشرت صدره الحوافر
على هايـه لــوعـتي
من يوصل اجنازتي
يم الحسين

_

ارد انــاشــدكـــم يشــيعه بدمعــتي والـوَنه
ابكـربلاء ايـصــير گــبـــره مــنو مـــايتــمنه
شرد اگول اعله الحسين وشرد اسولف عنه
انـه احــس ابصحنه جــنه واحله من الجنه

انـدفن بالجــنه يــاريت .. ابصحن ابو اليمه تمنيت
الهذي تجري دمعتي
من يوصل اجنازتي
يم الحسين

تمت والحمد لله
حيدر تركي الكربلائي

(( #مدرسة_الوفاء ))
……………………………………………………………

خل ندخل ابمدرسة ابو فاضل
المنها تخرج للـخدر كافل
ام البنين .. ام البنين

……………………………………………………………


هالدعوه من رب النِعم
الكل واحد ابـ آل الخدم . وايسجل اسمه
في مدرسة عز وفخر
اسم المديره ام الگمر . و هي المعلمه

لازم تجيب اربع صور . في مجلس ابن الزهره
وحده ابلطم وحده ابدمع . واثنين ونه وحسره
وتأييد تسكن بالعزا . امن المنبر انت اتحضره

والگلب جنسيتك يهل خادم
ينبض يريدونه ابعشگ فاطم
نبضه الگمر .. نبضه الحُسين
ام البنين .. ام البنين

……………………………………………………………


وضعت شروط المدرسه
المابيه ابد مندرّسه . اخلاص وعقيده
واللي تكبر عالخدم
يعتبر هاجم عالخيم . حارگها بيده

عالباب ام المدرسه . كتبت عباره اچبيره
ما يدخل الـ بالشهره هَم . وبس بالرياء تفكيره
نستقبل اليشتم وفه . وبي عالشعائر غيره

نحنُ نرحب بالكثر نوحه
السحگ الحوافر تنزف جروحه
مثل البچت .. طول السنين
   ام البنين .. ام البنين

……………………………………………………………



والمنهج وما بيه حذف
امن الالف للياء ينعرف . عنوانه الحسين
ظلمه الجهل نور العلم
واستاذتك تحمل اسم . الحره ام لبـ نين

لو شرحت الطف تنگلب . ارض وسمه احسينيه
واتعيشك ابنص الخيم . وتسمع بواجي ارقيه
من كثر ما تفهم تظل . كل درس تاخذ ميه

والمجتهد تكريم إله اتقدمه
اتعلگ وسام ابموضع اللطمه
امن ام الوفه .. و گلب الحنين
     ام البنين  …  ام البنين

……………………………………………………………


ما بيها عطله و معلنه
لا نص سنه واخر سنه . دوم الخدامه
بالجمعه هم واجب حضر
تندب المهدي المنتظر . نور الامامه

تبتدي ابعاشور النحر . و الخدمه لو مشايه
وامحرم الباب وضلع . اثلثتشر كلها اقرايه
وبرجب لم عون الذكر . و الموسى نرفع رايه

ولكل امام المجلس انعيده
ذكر الحسين ايدوم تجديده
منها الوفاء .. امعلمين
ام البنين .. ام البنين

……………………………………………………………


تتخرج امن ام الگمر
ابرتبة امير اعل البشر . اتعيشك ابجنه
ابموكبها وتسجلك عضو
ام وحضنها اقدس دفو . ام المحنه

لا مو خرافه ولا حجي . و لا شعر صار ابالي
اقرب مثل اضرب الك . تشييع سيد الفالي
ابقم والنجف و بكربله . تابوته يفتر عالي

والقبله سيد جاسم و صيته
وي الحسين اندفن تاليته
عدها ادرسوا .. همه الثنين
  ام البنين ... ام البنين

……………………………………………………………


يا اخت فاطم والوعد
نمشي اعل دربج للابد . مانترك حسين
تسعر تظل نار الذبح
وصورة شمس فوگ الرمح . مرسومه بالعين

انظل ننذبح لمن نصد . كاروك لو ترچيه
باذانه جمرة صده . من جلمة المسبيه
ماننسه سوط المنطبع . في متن چم علويه

والماي يجرح لمن انشوفه
بي صورة الگطعوهن أچفوفه
وبخيمته .. متجمعين
ام البنين ... ام البنين

……………………………………………………………
✍️ ( سيد خضر الزاملي )

( ما ينبش كبرها ) الشاعر ذوالفقار جلعاوي

الدافع بابي عالزهره بجمرها وبحايط حجر جدمه عصرها
وبديه لثنين عالوجنه صفعها وشارب علي ما ينبش كبرها
.................
بقبائي الاصفر اتحزم طلعت ابعمتي املثم
بشبابي وحيلي اركض صاير أكدر
بعيني وجدت دربي وما يوكف بعد كلبي
ولا طيح اعله وجهي وجدمي يعثر

مو شايب علي راجع علي الشاب
الكبل يتجه عالحيطان والباب
ابو تراب اليشيع الزهره ويصيح
عينوني بنعشها ويوكع تراب

منا ونتها دور الوصيه البيهم زلمه خل يجتف أديه
والضلعين للزهره الكسرها وشارب علي ما ينبش كبرها
.................
كلبي يكلي الحكها بكبرها وخاف يحركها
مثل ما بابك إيحركه عليها
خذتتي الدنيه للذكره جمر ويجوي بالزهره
وتطفي بثوبها ومحتركه أديها

الحركها البابي صاح بعتبة الدار
و أن الزهره احركو الزهره بالنار
الجمر طاح بمتنها وبالوجه رماد
وزلم هجمت عليها الباب بحجار

وتسند باب محتركه بأديها تخاف الزهره لا يوكع عليها
وبديها فاطمه اتغطي سترها وشارب علي ما ينبش كبرها
.................
بركضتي وصفنتي أتذكر وصيحن يا علي يكدر
الرفسها ابابي يرفسها بكبرها
يطلع جثة الزهره وضلعها يرجع يكسره
مثل ما عصر بسمار بصدرها

بين الحايط وباب من الجذوع
حصرها وكسّر ثنين من الضلوع
يعت بالباب ومجلب البسمار
يهشم ضلع بس الثاني مشلوع

تعبت والنفس كوه تجره وثكل الباب بالزهره يعصره
يغمه أعليها وبقوه حصرها وشارب علي ما ينبش كبرها
.................
بطريقي و أسرع الخطوه وذكرت بفاطمه شسوه
عليها إيطيح الباب بجذعها
تكوم وحيل يدفعها وبديه لثنين يصفعها
من اذنها ويالقرط وذره شلعها

خدها من جفوفه يورمه صفعات
وكعب سيفه الخصرها يحفره طعنات
بجدمه عالصدر كلما رفس حيل
كافي تكله ابني المحسن ومات

كلما يسمع من الزهره ونها ما ماتت يصيح ارفس ابنها
تزحف والرمل بي دم أثرها وشارب علي ما ينبش كبرها
.................
بديه لسى انظرها أثر من الحبل جرها
وذكرت الزهره من لحكتني ترجف
وقنفذ بالرمح يرجع دفعها وعالظهر توكع
ويشاكف جفها سوطه وكلها تنزف

عله الزهره الزلم من ركضو هواي
وكلها تصيح اضربو أم الحسن هاي
وعلي لوما الوصيه الزهره ما جان
بسياط نضربت من الرايح وجاي

توكف كوه بس طيحتها توجع لا بيها تجي ولا بيها ترجع
هذا اليوم حل ثاري الخدرها     وشارب علي ما ينبش كبرها
.................
وصلت وشلته فقاري وصحت حل موعده الثاري
القيامه بأيدي وجهنم تراقب
شافو لمعت الصارم وادم تعثر أب وادم
و أجه صاحو علي أبن ابو طالب

يشردون وصحت يا معشر الناس
علي وبضهري جبته ويايه عباس
اكسر ضلوع وسطر وحرك الكون
الثار الزهره اطك الراس بالراس

من يدنه الكبر وينبشه لحده لا مو علي اذا ما نبشه جده
والكالت صحابه اكسر ضهرها وشارب علي ما ينبش كبرها
.................
.................

( راح اموت ) الشاعر ذوالفقار جلعاوي

راح اموت شلون تاليتي نهدم بيتي بموت ام بيتي
اشبيه مدري شبيه بوكت الغروبيه شويه اموت شويه
...............
بداري كل حايط يذكرني بصورها
وعله أركانه الدخنت طبعات أثرها
جويه من أجفوفها وتجوه الظهرها

هنانه تتجه بمتنها من يوج الدار
هنانه دم اسود لديها محترك بالنار
هنانه آثار الظهرها بحايط من أحجار

وعالرماد الحار بأركانه بي ملامح وجه تعبانه
مبينه جانت كوه تزحف و تتجوه بيه أثرها شسوه
.................
بعتبة الباب اسمع اصوات البجيها
كوه اشيلن روحي وتراكض اجيها
بابي اخافن رجعت نطبكت عليها

زلمه بجدامه رفسها بيها أثر مطبوع
بحياط من حجار يعصر فاطمه وجذوع
وصل بسمار المتنها والضلع مشلوع

جانت شما صاحت الزهره حيل يرفس بابي ويعصره
وذره توكع وذره للضلع من كسره وينشلع من صدره
................
مره حامل عالظهر طيحتها توجع
وبابي حيل بقوّته وفوكاها يوكع
مدري روح الزهره لو محسنها يطلع

وزلمه يلطمها بوجهها والقرط مشمور
خدها بي آثار اصابع ورم ومسطور
وبكعب سيفه طعنها والخصر محفور

أعليها من كد الألم يغمه وتفز وي كل رفسه من جدمه
ويلجم اليوجعها كامت ويدفعها تزحف ويصفعها
......................
مجتف اخذوني وبجت وتصيح الحكه
بسوطه يرجع قنفذ وكتلتني حركه
تشكف وتنزف دمه ويديها زركه

عالوجه طاحت وصاحو بت محمد هاي
والزلم تلتم عليها بالسياط هواي
تنضرب خلوها فرجه لليروح وجاي

وزلمه ظل أيحشم بزلمه علي أمجتف داره خن هجمه
ورجع اعله الزهره عثره تسند عثره وحسره تدفع حسره
..................
ورجع الداري وتجي وياي الزجيه
وجاري والغربه هجم بابي عليه
يا علي جينه نهجر الخارجيه

جزعتنه من بجيها غادر الأوطان
من عسن ماتت الزهره صاحو الجيران
وهجروني بليل ظلمه أتجه عالحيطان

الدار الحزن ودوني تاليها وماتت الزهره وميت اعليها
وشيعتها متوني وطاح حيلي ولوني عالنعش عينوني
.......................
.......................

( قاضي اعله الزنيم ) الشاعر ذوالفقار جلعاوي

من المكبره الزمره استدعوهم المحكمة الجحيم
نصلبو عله الشجره والمهدي قاضي اعله الزنيم
حسب قانون الأرهاب انتحلو رتبة اصحاب
وجرمهم دفعو الباب عله الزهره و أبنها
..................
من بعد اكتماله وختم تصديقه
كل واحد كتابه وفعله توثيقه
حضر المحكمه أتكيده مواثيقه
وبيها المهدي قاضي ويبدي تحقيقه

من يفتح الصفحه الأولى غنه بيها وطبول
ويسمع بجي الزهره وتتراجف من صوت الخيول
المهدي ينحني يصيح أشسوت امي وتطيح
ريشه وشامت الريح عله الزهره و أبنها
..................
أول شيخ لعنه بصفحته يقره
شيطان بلحيته تحت كل شعره
أنه كلت ال وأن مو عالضلع كسره
ردت احرك الباب و أقتل الزهره

بالمحكمه يصرح للمهدي بأمك كلشي صار
جف اعله جف يضرب متحسف ما حركتها نار
محمد لو رجع جان نحرك فوكه الأركان
ونثرنه أعظامه دخان عله الزهره و أبنها
..................
اعترف الثاني ارفس بابها و ادفع
بلايه حجاب ردت ام الحسن تطلع
عليها بجذعه باب المحترك يوكع
وضلوع الصدر بالبسمار تتشلع

بالخاصره اضربها برمحي وضحك من تصيح
ما ادري ضلع امك يالمهدي لو محسن يطيح
جفي بخدها مطبوع وكع محسن والضلوع
وطيّح باب الجذوع عله الزهره و أبنها
..................
بثالث اعتراف المهدي شب حركه
طلعت فاطمه من الدار محتركه
أمجتف علي أنجره وركضت تلحكه
ونكطع سياطنه اعله متونها الزركه

زلمه ودفع زلمه عالزهره بسوط وخيزران
من قنفذ القنفذ يالمهدي يدفع بيها جان
مره وما بين الأرجال وعلي يجرونه بحبال
بضحك كل جلمه تنكال عله الزهره و أبنها
..................
جار الزهره صرح آني من حذر
وعله باب الزجيه بالحجر شّمّر
ندسته الجاري من رد علي يتعثر
الكسرو ضلع مرته يمشي ما يكدر

والزهره من تبجي أنهددها نكره منها صوت
لو وي علي تهاجر لو تبقه تبجي من سكوت
وتهجر الزهره جيران غريبه الدار الاحزان
وتشتم شكو نسوان عله الزهره و أبنها
..................
كف المهدي دمعه بطارف ردانه
ولا متوصي لا شد حبل ذرعانه
ويجيب الحطب نفسه الحرك بيبانه
ويصلب عله الشجره فلان وفلانه

ويلعن سقيفتهم ويحكمهم مؤبد بالجحيم
والمهدي بجفوفه يحركهم وينثرهم رميم
وجهنم تنفتح بير السقيفه يلمها ويدير
السوو بيهم يصير عله الزهره و أبنها
..................
..................

( كبري شحلاته ) الشاعر ذوالفقار جلعاوي

كبري شحلاته يا أبو تراب بضلوعي ما تدفع زلم باب
ما تحترك اديه بالنار ولامن عصرني بحايط حجار
وضلوعي ما يشلعها بسمار
...............
اليموت ارتاحن أصفاحه هدوء المكبره وراحه
بكبر لا أركض ولا دور حجاب
صهيل الخيل ما أسمع ولا ذاك الحجي اليوجع
اهجمو الدار احركو الزهره والباب

الكبر مابي زلم تهجم سويه
ولا بي باب ويحركو عليه
ولا واحد وأن يم الكبر صاح
بلايه حجاب طلعوها الزجيه

بس الوجعني بموتي الفراك يا علي هوايه الوجهك اشتاك
كلما يخيم عالكبر ليل وانه انهظم من فركتك حيل
يضك الكبر رحه وطحن هيل
....................
علي برغم الكبر ظلمه أطمئن مابي زلم زحمه
عله باب الكبر وكفو يهوسون
احركو الباب اهجموها وحته الزهره احركوها
وزلم ركضو سوه و كلهم يحركون

ذكرت الباب وج والجمر اسحكه
أندفع ويجوي بجفوفي من أطبكه
يشب أبوجهي من حرورة النار
ورماده الحار والدخان أشهكه

بكبري و أحس بصدري مخنوك جان النفس من بابي محروك
تارسها عيني لسى دخان وخشنه وتجرح متني حيطان
يا علي جرحي تلجمه تربان
....................
مره وما أحمل الدفعه وبابي اعله الصدر جذعه
ثكيل وعصر ظهري بحايط حجار
ويدفعه بالمتن زلمه ويرفسه بقوّته بجدمه
ونبت بين الضلع والباب بسمار

حصرني ابابي كل حيله يشمره
ويفطر ضلعي بسمار ويكسره
طحت من التعب واليرفس الباب
أون وصاح ما متي يزهره

يغمه عليه و أسمع الصوت سكتت الزهره بلكت تموت
وين ازحف وانطي الوجه وين مو بالجدم يرفس بجدمين
حيل ويهشم بصدري ضلعين
.....................
شمس وكت الغروبيه أموت شويه وشويه
دخل واحد وحس كَلبي سكت خوف
بنزيفي وحالي يتشفه وضربني بسوطه وبجفه
صحت مابيه أشاكف كافي ما شوف

سوطه بمتني وبجفي يكطعه
وتناثر قرطي من خدي يصفعه
بكعب سيفه وكف يضربني حد ما
يكطع بيه محسن قطعه قطعه

ظنيته محسن عالأرض طاح هجمو كلت ابني نسحك راح
اجدام الزلم خفت أتعثر بي لو عالجمر نايم يجوي
لا شفته لا لحكت اناغي
....................
الكبر كلما تجي تزوره ترجّع يا علي الصوره
بحبل من تنجتف والجرو هواي
لحكتك بيه ما بيه طحت عالوجه علويه
ورجع قنفذ يفرج الرايح وجاي

عظم ايدي برمح قنفذ تكسر
وجفي من شكف سوطه تفطر
وعليك الناس كلها أتأشر تصيح
الكسرو ضلع مرته بحبل ينجر

ومن نرجع أتلكتنه جيران إيهجرونه كوه الدار الأحزان
هيه الوصيه التكسر ظهور لو يا علي بالزهره مكسور
كل هذا أذكره من تجي أزور
......................
......................

( بيدي أدفنها ) استشهاد الزهراء ع
الشاعر ذوالفقار جلعاوي

متلثم وجهي بنكاب أمتيه ما أندل الباب
بمتني اتجه اعله الحيطان راجع من الزهره تراب
.................
الجانت أمي وختي روحي وكلبي مرتي
والنسمه الجنت كل صبح أشمها
شمس بالمغربيه طاحت بين أديه
بيدي أدفنها بس ما موت يمها

رجعت اعله الظهر إيدي شايب مو هذاك الشاب
بحياطين اتعب أتجه أمتيه ما اشوف الباب
ابو تراب امشي وتعثر اعله وجهي بخطوه أطيح تراب

كون اكدر ووصل للدار ولا وادم الكه ولا جار
فشله أسألهم عالعنوان راجع من الزهره تراب
.................
جدمي بجدمي يعثر طولي هوايه يكصر
وبكيفه الهوه إيرجفني سعفه
غربه وجاري شفته يم داري أبعتبته
تسأل عالزجيه عيون صلفه

بعمامة راسي أتنكب أضمن وجهي عن العين
أمر من يمهم أمدنك وعلي أسمعها تسأل وين
عثرت وينفل أنكابي وعله وجهي طحت مرتين

بين الفشله وضحك أصوات علي يوكع من علي جن مات
كمت بوجهي اشكد تربان راجع من الزهره تراب
.................
دافن بيدي زهره وراجع عيني حمره
ويم بابي الشماته هوايه الكه
روحي المنه تطلع وهذا البابي يدفع
والكايل وأن هل باب أحركه

اشوفن كل وجه وذكر من بابي احترك بالنار
وبديها اتسنده الزهره ويكسرونه بشمر لحجار
وجها أتجوه برماده ومتنها أيحركه جمر الحار

وسلاب إيحشم سلاب أحركها الزهره ويالباب
لو خلفه النبي هم حركو راجع من الزهره تراب
.................
ينشف بيه دمي يحتر كله جسمي
من شفته الدفع بابي ويكسره
غيظ أبجفي أعصر شفته الوجها وذكر
بصدر الزهره بابي من يعصره

بجدمه من رفس بابي الخشن حيل وثكيل جذوع
الصدر الزهره بسماره يحفره او يطحن الها ضلوع
أنعوج ويجلب او جره ويطلعه او بي طفل مشلوع

طاح المحسن طيحت ماي بركضه يرفسه الرايح جاي
تلثميه الهجمو عالدار راجع من الزهره تراب
.................
واحد شفته دنك اسود وجها مزرك
بعيني ما يخلي عينه لو مُر
يعرف بالوصيه من جتف أديه
جرني ويضحك شما أعثر إيجُر

وذكرت الزهره لحكتني تزحف كوه بين الناس
ازدحام وضاعت بنصهم مره وجوه الزلم تنداس
ورجع قنفذ رفع سوطه ويكطعه اعله المتن والراس

يترس جسم الزهره السوط جروح أمورمه وزركه خطوط
طلعت روحي أموصه بهاي راجع من الزهره تراب
.................
لفيته النكابي وتجه اعله بابي
تراب أكبور سألو بيك شحجي
خايف دمعه تنزل اكبال الشامت أتذل
أبتسمو واني دم عيوني تبجي

وين الزهره سألوني الهجروها اعله دار أحزان
ما نسمعها من تبجي عالعاده وتغث جيران
وصيحن ماتت الزخره وبديه أدفنها بالتربان

الكسرو لضلوع إيشمتون تتحمل تدفنها شلون
وعيون أتظم الضحكات راجع من الزهره تراب
.................
.................

( شنو هل عظمه ) الشاعر ذوالفقار جلعاوي

شنو هل عظمه بابك كدامك محتركه وناس أدفعه
شنو هل عظمه ومجلب بسماره بضلع الزهره يشلعه
وعله طولك توكف تكدر من بجفوفك تتخوصر
شنو هل عظمه يا علي
..................
يالوحدك بالحرب تصول وعالفرسان تركب خيول
وهاجم دنيه شلون الدارك ناس تهجمه
يمسكتهم بالأصلاب شلون أتحملت اعله الباب
هوسه طبول وخيل وزلمه يحشم زلمه

وسمعت الزهره من صاحت تكللهم بدون حجاب
وأن صاحو لون خلفه محمد بي نهجمه الباب
ونكسر ضلوعه ونحركه ونخسفه ونطش صدره تراب

يا علي تسمع يرجف كلب الزهره يدك شويه ويكطع
يا علي تسمع ونته أموصه بغيضك توكف حيلك يوكع
واكف بس طولك يكصر من بجفوفك تتخوصر
شنو هل عظمه يا علي
..................
علي ساكت لو جنت تموت توكف بس توكع تابوت
من تسمعها الناس ابابك حطب تحركه
وسعفه الزهره بجف الريح تركض تتمايل وتطيح
لا يوكع بابك محروك تريد تلحكه

بديها أتسند ابابك العليها إيشامرون أحجار
الرماد أيجوي وجنتها وديها احتركت من النار
طرف هدمتها مشتعله بجدمها تسحكه جمر الحار

شصار بكلبك من حسيت احتركت بالنار العلويه
شصار بكلبك من عنك ضمت ونتها شويه شويه
كلبك عالصيحه أتحسر من بجفوفك تتخوصر
شنو هل عظمه يا علي
..................
يا علي تصبر بالله شلون وعله صدر الزهره يدفعون
باب وحيل الزلمه بجدمه ومتنه يدفعه
مره ما تكدر جفها نحيل شلون أتوسد باب أثكيل
بحايط من حجار الظهر الزهره يطبعه

خنكها او ونت بسكته خشن يعصرها من جذوع
تحس بحروره وجعتها دخل بسماره بين ضلوع
أنعوج بضلوعها وعتهن كسر ضلع و ضلع مشلوع

من تتنفس بهيده وتلجم ضلع بضلع وطك تسمعه
من تتنفس ضلوع المكسورات يطيحن قطعه وقطعه
جم ضلع تسمعه اتفطر من بجفوفك تتخوصر
شنو هل عظمه يا علي
..................
تكوم الزهره وحيل اطيح مابيها من الوجع اصيح
الوكع بابك فوك الزهره يصعده يعبره
بين الكاع وبين الباب خله عظام الزهره تراب
ويطعن حيل بغمد السيف بخصر الزهره

تشاكف ضربته بجفها وخصرها من الطعن محفور
وتشوف أبكل كتر محسن وصل متكطع و مشمور
وسطرها بسوطه عالوجنه وقرطها الينشلع منثور

بهاي الزهره بغمد السيف احتارت لو بالسوط اتشكفه
بهاي الزهره جوه الباب ادور المحسن وصله أتلفه
عيونك بيمن تتحير من بجفوفك تتخوصر
شنو هل عظمه يا علي
..................
تلثميه يهجمون الدار وشامت يضحك ويه الجار
بحبال امجتف والزهره اكبالك تبجي
تشهك ما تكدر مخنوك علي انته وتنجر بالسوك
وهذه الضربو مرته الوادم عنك تحجي

وتشوف الزهره من تزحف تلحكك يا علي بهداي
ورفع سوطه وركض قنفذ وزلم تلتم عليها هواي
بديها اتشاكف الزهره وضربها الرايح ويالجاي

من تلحكك تزحف بين سياط العسكر تنهض توكع
من تلحكك أموصه وتزهك عينك حمره وروحك تطلع
جا أول تالي وتنجر                   من بجفوفك تتخوصر
                         شنو هل عظمه يا علي
..................
بيا وجه الدارك رديت أملثم ما تندل البيت
وشامت يندس شامت راجع علي يتعثر
بليلك رجعولك للدار يا علي هنه ضلوع شصار
اشكد تبجي الزهره أتجزع لازم تتهجر

تتجيها وتتجيلك وتسند متنك الحيطان
نفتكم يا علي الديره شماته أتهجرك او جيران
شكدرت وكلبك أتحمل تسكن الزهره دار أحزان

ونته أموصه تتحمل شامت وضلوع الزهره او محسن
ونته أموصه تسكت وتشيعهن وبنص كلبك تدفن
تلم روحك ماي أمطشر                   من بجفوفك تتخوصر
                         شنو هل عظمه يا علي
..................
..................

مـالـي گـلـب فـاطـمه == بعيـوني اشوفنج
متوسده عل مغتسل==وبجفوفي اغسلنج
مـاطـاوعانـي الـگلب == يـدريـنـي احبـنـج

يزهراء
عشرتنه كـضّت جف اديـه
وغـسلج يـزهره عَـز عـليه
شلون اني اغسلج يالزجيه = صُعب

يزهراء
المـاتصعب اعـليه الكـلايف
بلـحيره هـسه گلبـي خايف
كسرت ضلع بعيوني شايف = صُعب


كسـرت علـي تبـقين يـافاطـمه انتـي
وماتت بسمتي وياج يوم انتي متي
ولـو ادري دمـع العيـن ايـردج اوياي
لبـجيج حد ماصير جن ساجية ماي

فاطمتي الحبيبه أنِ علي
================
دمـع الـزلـم يخـتلـف == مـن الكـلـب دمـعه
وهاذه اني گلبي الج == مصيبوب بالبضعة
مر جفي صوب الضلع == وتحسست وضعه

كسيره
والضلعه مكسور اشيصبره
يـغـص بـنفـس كلـما يـجره
وضميتي كسرج آه يزهره = جرح

كسيره
عـن ولـدج وعـني خفيتي
الـكـسره السـطره يـبيـتي
لخاطر هضمنه اتجرعيتي = جرح

بـصدرج نبـت بـسمار وصوابه يكتل
وكل هاذه ضميتي جرحج عله الكل
وكدامي متصلّين عـن لا احس بيج
يالـبدعا اتـرفعيـن ويطـيحن ايـديج

فاطمتي الحبيبه أنِ علي
================
جهزت بيدي الجفن== وشفته انخطف لونج
مـعـقـوله يـافاطمه == انـي ادفـن اعيـونـج
تـمـنـيت يـازهـرتـي == انـي انـدفـن دونـج

مصيبه
كلبـي بـچفن چـفّن حبيـبه
وتعفيره من دمعه ونحيبه
شلون الجرح يدفن طيبيه = هضُم

مصيبه
كلـما تصد بعيوني عينج
تناشدني جنها عن بنينج
يـا أم مثل هـاذه حنينج = هضُم

مـاعـده يـوم اوهـيـج مـشـتاگه الهُـم
لو صرتي جـوه اتراب شيسد فكدهُم
حـنيّــة ام تـبـجيـن لـولادج ابـشـوگ
بروحج بقت شبكات وبس الهُم اتلوگ

فاطمتي الحبيبه أنِ علي
================
يم حجرت المغتسل == شبيها امنا كلولي
متاـنين جلمت گبل .== يـمـه تـعـالـولـي
علباب مات الحلم == وبيـن كسر طولي

تعالو
ودعوه امكم وبجو ليها
وعذروها متحرگة اديها
هـلمره ماكو شبـگ بيها = الام

تعالو
العاش ابدفو امه وحضنها
وكـدامـه متـوزره ابجـفنها
يذبحه الحنين الفي وطنها = الام

يثغب جبير البيت نوحه الحسن نوح
بحضنج يرف جن طير وبعشه بذبوح
ويبوس اديج احسين وبجاني هضمه
حـاجيني يـمه ايكـول وكومي لي يمه
فاطمتي الحبيبه أنِ علي
================
يام بيتنه ولمته == يلعازتج عازه
الدار وحشه وحزن .. من ليل الجنازه
وجناز اشيع الگلب .. چي ماتو اعزازه

يروحي
اني اليشيع روحه بيديه
وگليلي يزهره الشهيده
يادم قبل شيع وريده ؟.. هضُم

يروحي
بليل المكابر امشي محني
يم عشرة الحلوه الكسرني
تاليتج اجنازه اعلمتني .. هضُم


ياسلوتي اتمنيت ولب الگلب ذاب
بضلوعي تندفنين مو جوه التراب
بگاع المكابر هاي اشلون اعوفج
واني العشت دنياي كله اعله مودج
فاطمتي الحبيبه أنِ علي
================
الخادم مصطفى الجبوري

يوم اصعب من يوم
لأم ضلع المهشوم
منو يحمل عصرتها
تتوجه ابگومتها
__
المكسور من عنده ضلع مو هينه ياناس
ايام واليالي ام حسن تلجمها الانفاس
لا تگدر اتحرك الضلع لا ترفع الراس
شيحملها حرمه تنولي والبيت ينداس

حرمة حامي الجار
تشمت بيها الجار
ما قصرت ديرتها
تتوجه ابگومتها
__
اعله الفقره وأيتام السلف متعلمه تنشد
جانت لحد خيط الفجر تركع وتسجد
كسرو ضلعها وضلت ابحسرتها تگعد
وتأشر وزينب عليها اتروح واترد

تشيل الجف گوه
طگها الما يسوه
محتاره ابنيتها
تتوجه ابگومتها
__
عاشت ظليمه وماتت الزهره ظليمه
كل ديره تحزن لو مشت حرمه كريمه
بس فاطمه ماتت وما گالو هضيمه
والاخس جتال ام حسن صارتله قيمه

صاير رمز الدين
ومنسيه ام حسين
ما طلبو ديتها
تتوجه ابگومتها
__
شيحملها تنطگ المره ولا ذنب عدها
غالي الضنه وبس فاطمه رخصو ولدها
الحد هسه ناس الفازعه محد نشدها
شسوت الزهره وينصطر بالباب خدها

لهسه ابلا نغار
من حرگوها الدار
شي عوض صطرتها
تتوجه ابگومتها
__
صاحب الحگ لمن سكت سولف المطلوب
مو هينه اذا بين السلف غاصب وغصوب
الدنيا العمر متبسمه وحيدر المتعوب
مجبور بالظلمه علي يدفن المحبوب

كسرو كلبه أمرار
محدب حامي الجار
اعله الزهره وحرمتها
تتوجه ابگومتها
__
أول جريمه بكل عصر وبزمن تنعاد
كل يوم للزهره مره تركض عالرماد
كل يوم حرمه امخدره عليها عمر راد
شيحملها تنشاف المره تركض بالوهاد

كل يوم الهم حال
وملاگه ابجتال
ما رحمو عيلتها
تتوجه ابگومتها


بسام قابل الياسري

حيدر من دفن فاطم بليله و الخلك نومه
محد جان يمشي وياه محد يدري من كومه
*
*
حيدركلبه ضل محروك بعينه ضاكت الوسعه
بحسره سيد الكونين و جمره نزلت الدمعه
غير الغالي من ايروح احبابه تحضر اتودعه
و راحت فاطمه الزهراء راحت ما بعد رجعه
تدرون اشكثر يا ناس بيها الزهراء مضلومه
*
*
ام الحسن مضلومه مضلومه شكثر يا ناس
ناح اعليها داحي الباب وحزنه بحزن ماينقاس
بت سيد العرب فاطم  ضلعها كسرته الارجاس
نفطر كلب الحسن وحسين مفجوعه اخت عباس
و املاك السمه بهل اليوم منها اكلوب مالومه
*
*
زينب تنضر الكرار  و حسين بكلب حيران
تكله بويه يا حيدر اشوفك من رحت دفان
وجهك منخطف لونه اعليك التعب كلش بان
يرضا الله الرضا الزهراء عليها اشكال بالقرآن 
مجتف بل وصيه جان و الا شافو اعلومه
*
*
تصدك حيدر بهايه يسكت ما يرد عل صار
بيوم الشاف بعيونه بكسر الضلع و البسمار
غير التزم من وصاه و كله تسكت المختار
شال اهموم يابو اهموم وصابر حيدر الكرار
جاردها علي اعليهم وعاود ساعته ويومه
*
*
الله اليرضه لرضاها الكون اضلم عليها اليوم
وزينب بت علي الليله مره اطيح مره اتكوم
وكلبها بنار هل حره و فوكاها بحزن وهموم
شافت من زمنها اشكال شافت بلنهار انجوم
عليها اليوم وجهه الكون كله انخطفت ارسومه
*
*
حسن صالح العيساوي

#الليالي_الفاطمية


قريت الفاتحة لروحي
دافن بالگبر روحي
من ماتت مت وياها .. گلبي شلون ينساها
دافن بالگبر روحي
________________________

البشر من يموت أهله . لروحه تقرا الفاتحة
واني قاريها اعله روحي . وحيلي دمعة وطايحه
امن اسمعت الحسين گلّي . لـ ربها فاطم رايحه
اسيوف ما لاحته گلبي .. الفرگه گلبي لايحه

انه ضاگ الهوه بريتي
منهد ما راحت ام بيتي
شكثر يوجعني فرگاها .. گلبي شلون ينساها
دافن بالگبر روحي

________________________

بدمع لو يرجع الرايح .. ابچي كل أعوامي
وخالدًا حزني عليها .. وما تطيب آلامي
شلون تتهنالي عيشة .. وهي روح ايامي
فاطمة لـ ايامي چانت .. مثل ماي لـ ضامي

چانت فاطمة عيوني
وعليها بقوة طگوني
الضلع أذّاني واذاها .. گلبي شلون ينساها
دافن بالگبر روحي

________________________

يرد مو نفسه اعله بيته .. اليدفن أغلى احبابه
ومن حبيبه وياه يرجع .. على امتونه اترابه
تنعقل حيدر يعالم .. گوه يفتح بابه
بحرب مو مصيوب حتى .. يداوي بيده صوابه

يرد اليدفن اعزازه
جنارة ودافن جنازة
الكون اظلم بلياها .. گلبي شلون ينساها
دافن بالگبر روحي

________________________

نوحي يا نفسي عليها .. شگد عزيزة الراحت
الكسرة مو بس الزچية .. گلب حيدر لاحت
وطاح يا خدّام گلبي .. وحيلي لمن طاحت
وخافت الزهره عليّه .. لـ فضة اسمع صاحت

صعب البگلبك امچانه
أنتَ تصير دفّانه
تراب ودمعي غطّاها .. گلبي شلون ينساها
دافن بالگبر روحي

________________________

فاطمة سلوة حياتي .. والهوه بنص ريتي
جرح ما ظل اليطيّبه .. بالگلب خـلّيـتي
يطيب جرحچ واني اموتن .. عندي هاي أمنيتي
روحي تطلع من اشوفچ .. يـ ام حسن ونّيتي

فكدچ روحي خلّاني
ما فارگهن احزاني
بچيي السمه بچّاها .. گلبي شلون ينساها
دافن بالگبر روحي

________________________
حسين علي الدليمي