الشاعرة ام زينب كربلاء

‏صورة من لاتجري الرياح كما تشتهي ا

:
فزاعيه لتشيع  زينب ع

ليش جنازتج يم عون
ماكو   اخوان  وياها
..............
محد  ويه  المشيعين
وين الكافلج وحسين
وحدج غمضيتي العين
وراعي الجود  ماجاها
............
نعشج  ياهو   الشالاه
يازينب عليج   احاه
مصابج  ماسده  بلواه
مشت والضيم  سلاها
..........
وين الجانو  يسطرون
وزينب  غاليه يكولون
خلوها غريبه  شلون
ومحد  كام  زتاها
.........
محد  من  هلج وياج
خوانه  صدك دنياج
اه يم عون وين  اعضاج
نومه   وترب   غطاها
.........
اليوم نشيعج عالراس
ونواسي البطل  عباس
هاي الجاسبه  النوماس
بونت  حزن   ننعاها

✍ام زينب كربلاء غير مبري الذمه من ياخذ الكلام وينسبه له او يحذف الاسم  من كتاب مآسي ام البنين الجزء الثاني

https://telegram.me/um_zainab_kar telgram

فزاعيه  الزينب ع

ماكو اخوان   وتونين يم عون
كون  اليوم  عد راسج يكعدون
...........
ماكو  اخوان  وكت الموت يمها
وين البيه محنه  وريحت امها
شحلاته اليوم حاضر خال ابنها
ومحلاهم  عليها  من  يديرون
..........
وكت الموت  يلتمون  كلهم
ويونون وي و نات    اختهم
يم  عون المنايه   عطلتهم
لو عدلين  اخوتج  مايضلون
...........
درب الشام  جاكطعوه بليل
لو عدلين جاهدو عله الخيل
بس ياحيف  خوانج مجاتيل
وراعي الزود  بتربان  مدفون   
  ..........
يازينب   عليهم    لا  تعتبين
ذوله احنان بيهم زين تدرين
بس الموت عنج عطل حسين
هذا  والعذر  زينب   يكولون
...........
يكولون العذر  يارفعت الراس
شبيده عليج هذا اليوم عباس
يزينب ماحضرتج بآخر انفاس
لا شلتج  ولا غمضت العيون

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم 


https://t.me/Um_Zainab_Kar

‏هذا جزء العشرين مختص بالسيده زينب والإمام الكاظم ع

نعي الزينب ع

ليالي الحزن دلالي  لون بيه
ون مايشبه الوادم لون بيه
نفس عباس هاليله لون بيه 
يدرب الشام ماكضه عليه
..............
جاسوه  درب الشام رمشه
شد  الحزام وغبش غبشه
ادء  العليه  وشال  نعشه
.............
هذا  النعش وانه كفيله
وسويت درب الشام ليله
هذا  العهد  ويه العقيله
.............

اليوم  زينب ثكل ونها
وماخبرو  عباس  عنها
يطارش تعنه الخال ابنها
...........
وينه العله اخوتها تعنه
ويأخذ عتبها  وبيه ونه
ويذبه عله الكله  محنه
..........
يذب العتب ويكول كعدو
يهل  الشيم  لشام   هدو
دفنو   عزيزتكم    وردو
............
كرب موتها وتريد اخوها
والجابته امها وابن ابوها
سكته الدفن  لوشيعوها
.............
نشدو العابد  من خذاها
سكته الدفن  لو شيعاها
اخوان منيلها وتمشي وراها
............
حط  الجنازه وصاح حيهم
حشم هله  وحشم  شيمهم
يفزعون  ويشيعون اختهم
............
ردت طارش اليكصد لهلها
يروح  ودمعة عيونه يهلها
ينيام   زينب  كومو   الها 
..........
اخذ عتابها العباس وديه
وكله  العزيزه تعتب عليه
مطروح  نعشي ومالحك بيه
..........
يعباس عمت ابنك تريدك
تريدك تزت النعش بيدك 
دفانه بيها انته وعضيدك
........

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم 


https://t.me/Um_Zainab_Kar

فزاعيه الزينب ع

ودو طروش للعباس لايتعطل عليها
تريده  للكبر  بيده  يوديها
..........
ودو  طروش   للمهيوب
ماتت  يم كلب مصيوب
واليها  وعليه   معتوب
زينب بين  غربه  لايخليها
..........
خله يكوم  ابوالهدات
زينب تجذب الونات
فزعو  الشايل  الكلفات
هاي  ام الخدر جاوين اهاليها
..........
خل يفزع كمر   عدنان
تريده ايرافك  الدفان
اليوم بعازة  الاخوان
شيال الجنازه تريد  واليها
...........
تعتب عمت ابنه اليوم
تريده  للجنازه  ايكوم
اكعد  ياعجيد  الكوم 
شيل  اختك  وامش بيها
.........
يكوم   بغيرته  العباس
واخته يشيلها عالراس
يهيبه وراعي النوماس
هاي الي تزامط  بيك تدريها

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم 


https://t.me/Um_Zainab_Kar

‏صورة من لاتجري الرياح كما تشتهي ا

لطميه  الزينب ع هذه السنه    

وحشه عله زينب هالسنه وحشه عله زينب
ولاناعي   يمها ولامحب   وحشه  عله زينب 
يم عون وين احبابج .. ماكو  مناحه ابابج
وحشه  عله  زينب
...........
يازينب  وكل ماتمر  ذكراج  ذني   الايام 
عليج المواكب تعتني وتنرفع سود الاعلام
صرخت يزينب تعتلي واحبابج ادك عالهام
جنه ابوفاضل بالعزه وحسين واكف جدام
ياهو اليبرد صوابج .. ماكو مناحه ابابج
وحشه عله زينب
............
مكتوب مايشفى الجرح  وتنزف تضل دمومه
بالدنيه اسمج منكتب   يازينب   المهظومه 
يالقصتج قصة حزن  بالوح العرش مرسومه
جاليش حتى بموتتج  يم الحزن   مالومه
ليش الدهر ماهابج  . ماكو مناحه ابابج
وحشه عله زينب
..........
جن يطلب بعتبه الدهر  ويريد منج دينه
وياج ابد مابيه رحم صلفه يزينب عينه
عشتي بعذاب ملوعه ومات الكلب بونينه
يالحيلج من الهم كضه وعمرج عذاب سنينه
وجنه رجع سلابج  .  وماكو مناحه ابابج
وحشه عله زينب
..........
هاي السنه ياوحشتج وماكو احباب تواسيج
جن ردت ايام السبي وليل اهدعش رد عليج
جنج عله نوك  الهزل  وجفوف اميه  تباريج
جانت مواكب تعتني والناعي صوته يسليج
من ينعه عله مصابج . ماكو مناحه ابابج
وحشه عله زينب
..........
ياحزن موتج ياحزن   مابين  غربه  تونين
وياحيف عن اجنازتج عباس غايب وحسين
احبابج يزينب كل سنه يم حضرتج متعنين  
يم بابج يصير الطم وعليج دم تجري العين
هالسنه وحشه اعتابج . وماكو مناحه ابابج
وحشه عله زينب

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم 


https://t.me/Um_Zainab_Kar

ماسي ام البنين ع
الجزء الثاني

خاص باام البنين والسيدة زينب والامام الكاظم ع

⬇️ للتواصل والاستفسار ⬇️
@ABRAR5325
@ABRAR5325

كروب اجهزة يفيد ملايات👇👇

https://t.me/+n-BgqsOHygw5OWNh

ابوذيه الزينب ع

رساله وصلت الكافل  من خته
اهتز  الكبر   واترابه   من خته
تذكر واشكلت ظعني  من خته
دكيت الصدر عباس اليه

العذر منج يبت عودي اريده
جف المنكطع  مكدر    اريده
خبر موتج لفه عضيدج واريده  (وارداه)
ولبس ثوب السواد بهالمسيه

يخويه وياج ماينكطع  ودي
انتي للدليل   دواي    ودي (والداي)
يزينب اشعندج عتب ودي
وياعمت الولد حكج عليه

الزمان الخان   بينه  شله منه
تطشرنه وبعد يختي شله منه
نعش زينب يحادي   شله منه( شيله مناه)
اخذه واروح لرض الغاضريه

لبوفاضل اخوها النعش وصله
تعرف الجسد هذا منين  وصله
هاي المابكت  بالكلب    وصله
وصال الكلب كل وحده بنويه
.........
النوايب كلن دلالي   ولاجن
ماهود حزن  كلبي   ولا جن
ردت خوان يلفوني  ولاجن
المات شلون اردنه عليه

..........
الفكد اله خوان  ماهود  ولاعن
لا روح البكت  عنده   ولاعن
خواتك بالغرب ماتن   ولاعن
ونخن باسمك يعز الهاشميه

ابوذيه ونعي للخوان

شملذ جلمت الخويه  لو كلتها
عساها  اختك فدوتك لوكلت ها
تكطع هروش كلبي   لو كلتها (لوكلت اه)
واموتن من يمر اسمك عليه

نعي

اثاري الاخو  عازاته عازه
شمحلاه  لوشال الجنازه
ون الكلب رايد    اعزازه

ون الكلب واريد الاحنان
واريد فزعه وهدت اخوان
يمضيعه وني بحيل نحلانه

يالفاكده  الاخوان   وني
ذكري خوال ابنج وحني
جري العتب ياعين وعمي

الشوف ياعيني شلج بيه
واليسر شوفه  ضيعيتيه
هلي دمع  بالج تكطعيه


محله الاخو لوصاح يختي
كض  شاربه وكال  بركبتي
ابن امج  انه وعد  جلمتي


بالباب لومر   خال ابنها
مسير عليها ونشد عنها
ايروح كل التعب منها

هيبه الاخوه وهوه بمجانه
ماخذ من حليب امي حنانه
واشلون بالفاكد   اخوانه

الفاكد يروح العين حكه
لوضاك عله خوان خلكه
مثل الجابته امه وين يلكه

والجابته امه وين يلكاه
لونام والتربان   غطاه
ماصح رفك ونروح وياه

ضلي بونينج لاتبطلين
يروحي عالشالو تونين
وعزاز كلبج وين تلكين

الجنه نودهم صارو ابعاد
حزني يروحي ولبسي اسواد
فراك  الاخو لاتظن  يراد

✍ام زينب كربلاء غير مبري الذمه من ياخذ الكلام وينسبه له او يحذف الاسم  من كتاب مآسي ام البنين الجزء الثاني

https://telegram.me/um_zainab_kar telgram

فزاعيه او مربوعه لزينب ع

يجون اليوم  وصيت الخوال ابني
حسين يشيلني  وعباس  يدفني
...............
مطروح  النعش  وين اليشيلونه
وصيت الخوال ابني يحضرونه
حنان ونعش اختهم  مايخلونه
اريد الطول   عمره   ماتعذرني
.............
اخوي البيه حميه اليوم اريدنه
أريده اليوم ماريد  العذر  منه
هذا  الماتعذر  يوم  عمت ابنه
ردت راعي العلم للمكبره ايزتني
..............
وديت الوصيه  والعتب بيها
تعالو  لجنازه  ولحكو   عليها
محد شالها  ومحد  كرب ليها
حسين ابنك تحير  من يشيعني
..............
تعالوا ابساع شيلوني  يخواني
ياموت الغرايب  زود   احزاني
محتازه  واريدن  يوم   ولياني
يلحكون  اخوتي دفان عطلني
..............
خليني عله هونك  ها  يدفانه
يامحله النعش شيالته اخوانه
ماحضروج مت عيني يحزنانه
يخت عباس يومج حيل هاظمني

.✍ام زينب كربلاء غير مبري الذمه من ياخذ الكلام وينسبه له او يحذف الاسم من الجزء العشرين من المآسي الفاطميه
https://telegram.me/um_zainab_kar

فزاعيه بدايتها نعي الزينب ع
                ( نعي)
يدفانه الخبر عباس ودوله
لايزغل اخوها عليها كلوله
ذوله اخوانها واهل الشيم ذوله

          ( نزلت فزاعيه)

خبرو اخوانها    خافن يزعلون
لا يختاض اخوها يكلب الكون
................
خبرو اهل الشيم خلهم يجوها
مايرضون    غربه  ايشيعوها
لا  يختاض   عباس ابن ابوها
تموج الكاع منهم من يهدون
..............
وصلوله الخبر ياطارش بليل
خل تفزع اخوتها وتسرج الخيل
الجنازه تريد  يازينب رياجيل
خاف  اتميل  بجتاف  اليشعون
...........
شتكولون من يوصل الفراس
يجيها برايته  محزم العباس
اذا دخن وصعدت غيرت الراس
من يختاض اخوها وين ترحون
..........
سبع اخوان عد زينب تعرفون
تموج  الكاع منهم من يهدون
غربه تشيل  اختهم مايقبلون
تطخ الروس لو رادو يفزعون
...........
هذوله اخوانها مومثل الاخوان
ومنهم ابد  ماجابت  النسوان
ابوالسجاد اخوها وكمر عدنان
اسباع وعله العيله  ماينامون

✍ام زينب كربلاء غير مبري الذمه من ياخذ الكلام وينسبه له او يحذف الاسم  من كتاب مآسي ام البنين الجزء الثاني

https://telegram.me/um_zainab_kar telgram

لطميه  الزينب ع خطاب مع الزهراء ع

صحت طري الكبر وتعاي ليه
وشوفي  حال  بتج   يازجيه
...........
يمه تعاي ليه    كرب  الموت
بعيدين اخوتي ماسمعو الصوت
عني  ابعاد   شيالت    التابوت
وعيني عله الدرب  ضلت  اربيه
..........
اربيه  العين   لدروب   الحبايب
اجر   ونات    والدلال   ذايب
نحيله وهدمت حيلي المصايب
مره  يم  حسن  مري  عليه
............
كرب موتي يالحبيبه  وند بتج
ييمه  هلت عيوني   وذكرتج
مابين  الغرب   وتلوج   بتج
لايمها   اخو    ولامن   تجيه
...........
يزهره  بالغرب   ونيت  وحدي
تعاي اليوم  عد راسي  واكعدي
مري  يم  حسن وعليه  نشدي
خوانج  وين   ساعات   المنيه
..........
بعيدين اخوتي  والموت اجاني
اسوه  يم  حسن   بيه    زماني
روحي  الكربله  وحشمي اخواني
ذبي  اعتاب  زينب  عالشفيه
...........
نعي  حبايب  بين الزهراء وزينب ع

مو  هاي ساعات الحنينات
وعد  روسنه  يجرن الونات
يسهر ن اليل  ويه  المرحلات
.............
انه  اليوم  اون ودايره العين
وردتج   لعد راسي  تكعدين 
شنهي اليوجعج يمه تنشدين
............
اليوم   الكلب ثاكل  ونينه
والمن ييمه  أدير    عينه
لامن  حنين   ولا  حنينه
خايب كوم دور اهلك يكلبي
........
ونيت   والونه   ثجيله
واريد التبات وياي ليلة
وراسي من الوساده تشيله
.........
عدر راسي والمدمع تهله
ولو  مال  الحبيبه  تعدله
وتحشم الوالي وتكله
محتاز كلبي وراد فزعه
...........
انه  بعازتج   مري  عليه
وخفي الجدم وتعاي ليه
تره الموت  كرب  يازجيه
.............
زينب تره بعازت حبايب
وتلوج  مابين    الغرايب
لامن  ولي  ولامن كرايب 
...........
اريدج  لعد راسي تكعدين
يزهره  وعله  بتج  تونين
جاوين  خوانج  تصيحين
ثكلان الحمل وصو عله اهله
.............

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم  من كتاب ماسي ام البنين ع الجزء الثاني


https://t.me/Um_Zainab_Kar

لطميه  الزينب ع

وسفه   سموج   الغريبه 
وانتي الج يم عون هيبه
اه  يزينب   اه  يزينب
..........
مايدرون  بيج  اهل  الحميه
خذوج عالهزل حرمه وسبيه
الف  ياحيف وانتي  الهاشميه
قصتج  صعبه   وعجيبه
وانتي  الج يم عون هيبه
اه يزينب   اه يزينب
...........
عمت عين الدهر ماعنده انصاف
يالطولج  ابد   ماجان  ينشاف
وسفه عله الهزل ومجتفه اجتاف
والكلب  موجر  لهيبه
وانتي الج يم عون هيبه
اه يزينب  اه يزينب
..........
عشتي   معززه  ومرفوعة الراس
يزينب  شان الج ماوصلته   الناس
اخت  حسين والمهيوب   عباس 
وتالي ميسوره وسليبه
وانتي الج يم عون هيبه
اه  يزينب    اه يزينب
..........
زينب وغدر الدهر عذب دليلج
والمصايب  والمحن نزلت حيلج
غريبه  وفسر  المرمر   عويلج
وساعة العاشر  رهيبه
وانتي الج يم عون هيبه
اه يزينب     اه يزينب
..........
الج يازيتب وعد من كل الاحباب
الج دمع المانشف يابت الاطياب
اه يالمشيتي ميسره وبولية اجناب
نصيح  والدمعه سجيبه
وانتي الج يم عون هيبه
اه يزينب   اه يزينب

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم  القصيده من كتاب المآسي الزينبيه الجزء الحادي عشر


https://t.me/Um_Zainab_Kar

‏فيديو من لاتجري الرياح كما تشتهي ا

ألسِنَتُنا القاصرة غير قادرة على مِثلِ هذا القول،
شكرا لله على نعمة وجود آل محمد و حبّنا لآل محمد وتمسّكنا بآل محمد الذين سهّلوا لنا الطريق الى الله.
و في ذكرى شهادته شكرا للإمام الهادي عليه السلام على عظيم هذه الزيارة.

"فَثَبَّتَنيَ اللهُ أبَداً ما حَيِيتُ عَلى مُوالاتِكُم وَمَحَبَّتِكُم وَدِينِكُم وَوَفَّقَني لِطاعَتِكُم وَرَزَقَني شَفاعَتَكُم وَجَعَلَني مِن خِيارِ مَوالِيكُم التَّابِعِينَ لِما دَعَوتُم إلَيهِ، وَجَعَلَني مِمَّن يَقتَصُّ آثارَكُم وَيَسلُكُ سَبِيلَكُم وَيَهتَدي بِهُداكُم وَيُحشَرُ في زُمرَتِكُم وَيَكُرُّ في رَجعَتِكُم وَيُملَّكُ في دَولَتِكُم وَيُشَرَّفُ في عافِيَتِكُم وَيُمَكَّنُ في أيامِكُم وَتَقِرُّ عَينُهُ غَداً بِرُؤيَتِكُم."

-من الزيارة الجامعة الكبيرة.

🌱 من مواعظ الإمام الهادي عليه السلام:

⭕️الموت والسيّئات:

🕯عن الحسن بن علي (عليه السلام) قال: دخل علي بن محمّد (عليه السلام) على مريض من أصحابه وهو يبكي ويجزع من الموت، فقال له:

(يا عبد الله تخاف من الموت لأنّك ﻻ تعرفه، أرأيتك إذا اتّسخت وتقذّرت وتأذّيت من كثرة القذر والوسخ عليك، وأصابك قروح وجرب، وعلمت أنّ الغسل في حمّام يزيل ذلك كلّه، أما تريد أن تدخله فتغسل ذلك عنك؟ أو ما تكره أن ﻻ تدخله فيبقى ذلك عليك)؟

قال: بلى يا بن رسول الله.

قال: (فذاك الموت هو ذلك الحمّام، وهو آخر ما بقي عليك من تمحيص ذنوبك وتنقيتك من سيّئاتك، فإذا أنت وردت عليه وجاوزته فقد نجوت من كلّ غمّ وهمّ وأذى ووصلت إلى كلّ سرور وفرح). فسكن الرجل ونشط واستسلم وغمض عين نفسه ومضى لسبيله).
 
........................

زيارة الإمام علي الهادي (عليه السلام):

السَّلَامُ عَلَيْكَ يَا أَبَا الْحَسَنِ عَلِيَّ بْنَ مُحَمَّدٍ الزَّكِيَّ الرَّاشِدَ النُّورَ الثَّاقِبَ وَرَحْمَةُ اللهِ وَبَرَكَاتُهُ، السَّلَامُ عَلَيْكَ يَا صَفِيَّ اللهِ، السَّلَامُ عَلَيْكَ يَا سِرَّ اللهِ، السَّلَامُ عَلَيْكَ يَا حَبْلَ اللهِ، السَّلَامُ عَلَيْكَ يَا آلَ اللهِ، السَّلَامُ عَلَيْكَ يَا خِيَرةِ اللهِ، السَّلَامُ عَلَيْكَ يَا صَفْوَةَ اللهِ، السَّلَامُ عَلَيْكَ يَا أَمِينَ اللهِ، السَّلَامُ عَلَيْكَ يَا حَقَّ اللهِ، السَّلَامُ عَلَيْكَ يَا حَبِيبَ اللهِ، السَّلَامُ عَلَيْكَ يَا نُورَ الأَنْوَارِ، السَّلَامُ عَلَيْكَ يَا زَيْنَ الأَبْرَارِ، السَّلَامُ عَلَيْكَ يَا سَلِيلَ الأَخْيَارِ، السَّلَامُ عَلَيْكَ يَا عُنْصُرَ الأَطْهَارِ، السَّلَامُ عَلَيْكَ يَا حُجَّةَ الرَّحْمٰنِ، السَّلَامُ عَلَيْكَ يَا رُكْنَ الإِيمَانِ،

✋السَّلَامُ عَلَيْكَ يَا مَوْلَىٰ الْمُؤْمِنِينَ، السَّلَامُ عَلَيْكَ يَا وَلِيَّ الصَّالِحِينَ، السَّلَامُ عَلَيْكَ يَا عَلَمَ الْهُدَىٰ، السَّلَامُ عَلَيْكَ يَا حَلِيفَ التُّقَىٰ، السَّلَامُ عَلَيْكَ يَا عَمُودَ الدِّينِ، السَّلَامُ عَلَيْكَ يَا بْنَ خَاتَمِ النَّبِيِّينَ، السَّلَامُ عَلَيْكَ يَا بْنَ سَيِّدِ الْوَصِيِّينَ، السَّلَامُ عَلَيْكَ يَا بْنَ فَاطِمَةَ الزَّهْرَاءِ سَيِّدَةِ نِسَاءِ الْعَالَمِينَ، السَّلَامُ عَلَيْكَ أَيُّهَا الأَمِينُ الْوَفِيُّ، السَّلَامُ عَلَيْكَ أَيُّهَا الْعَلَمُ الرَّضِيُّ، السَّلَامُ عَلَيْكَ أَيُّهَا الزَّاهِدُ التَّقِيُّ،

✋السَّلَامُ عَلَيْكَ أَيُّهَا الْحُجَّةُ عَلَىٰ الْخَلْقِ أَجْمَعِينَ، السَّلَامُ عَلَيْكَ أَيُّهَا التَّالِي لِلْقُرْآنِ، السَّلَامُ عَلَيْكَ أَيُّهَا الْمُبَيِّنُ لِلْحَلاَلِ مِنَ الْحَرَامِ، السَّلَامُ عَلَيْكَ أَيُّهَا الْوَلِيُّ النَّاصِحُ، السَّلَامُ عَلَيْكَ أَيُّهَا الطَّرِيقُ الْوَاضِحُ، السَّلَامُ عَلَيْكَ أَيُّهَا النَّجْمُ اللَّائِحُ،

✋أَشْهَدُ يَا مَوْلاَيَ يَا أَبَا الْحَسَنِ أَنَّكَ حُجَّةُ اللهِ عَلَىٰ خَلْقِهِ، وَخَلِيفَتُهُ فِي بَرِيَّتِهِ، وَأَمِينُهُ فِي بِلاَدِهِ، وَشَاهِدُهُ عَلَىٰ عِبَادِهِ، وَأَشْهَدُ أَنَّكَ كَلِمَةُ التَّقْوَىٰ، وَبَابُ الْهُدَىٰ، وَالْعُرْوَةُ الْوُثْقَىٰ، وَالْحُجَّةُ عَلَىٰ مَنْ فَوْقَ الأَرْضِ وَمَنْ تَحْتَ الثَّرَىٰ، وَأَشْهَدُ أَنَّكَ الْمُطَهَّرُ مِنَ الذُّنُوبِ، الْمُبَرَّأُ مِنَ الْعُيُوبِ، وَالْمُخْتَصُّ بِكَرَامَةِ اللهِ، وَالْمَحْبُوُّ بِحُجَّةِ اللهِ، وَالْمَوْهُوبُ لَهُ كَلِمَةُ اللهِ، وَالرُّكْنُ الَّذِي يَلْجَأُ إِلَيْهِ الْعِبَادُ، وَتُحْيَىٰ بِهِ الْبِلاَدُ، وَأَشْهَدُ يَا مَوْلاَيَ أَنِّي بِكَ وَبِآبَائِكَ وَأَبْنَائِكَ مُوقِنٌ مُقِرٌّ، وَلَكُمْ تَابِعٌ فِي ذَاتِ نَفْسِي وَشَرَائِعِ دِينِي وَخَاتِمَةِ عَمَلِي وَمُنْقَلَبِي وَمَثْوَايَ، وَأَنِّي وَلِيٌّ لِمَنْ وَالاَكُمْ وَعَدُوٌّ لِمَنْ عَادَاكُمْ، مُؤْمِنٌ بِسِرِّكُمْ وَعَلاَنِيَتِكُمْ وَأَوَّلِكُمْ وَآخِرِكُمْ بِأَبِي أَنْتَ وَأُمِّي وَالسَّلَامُ عَلَيْكَ وَرَحْمَةُ اللهِ وَبَرَكَاتُهُ.
ـــــــــــــــــــــــ

إشــــــراقة_حزينــــــــة

🏴3 رجب - أعظم الله لكم الأجر بشهادة الإمام علي بن محمد الهادي عليه السلام

◼️ببالغ الحزن والأسى نعزي مقام الرسول الأكرم صلى الله عليه وآله وسلّم وعترته الطيبة الطاهرة عليهم السلام، بذكرى إستشهاد علم الهدى وحليف التقى، الإمام علي بن محمد الهادي عليه السلام.

أنت المعزى سيدي يا صاحب الزمان ... عظم الله اجوركم💔

نعي  لزهراء  ع  عن لسان حال زينب ع

ادور  حنانج   مالكيته
موت الخذه امي عاتبيته
والبيت  عنها    ناشديته
جاوين  وجه  السامريته
استعجل الموت وفاركيته
رحتي  وزمانج  ضيعيته
دمعي عله الوجنه جريته
ضعنج مشه  ومارافكيته
واليفكد امه انهجم بيته
اعتب عله المانشدن عليه
...........
لاوين    وداها  زماني
سدر ضعنها وصحت تاني
ويه  الحبايب  ماخذاني
انه واكفه  وضعنج جزاني
طكني عله عيوني وعماني
يزهره بغيبتج غابت الواني
يالشايله  عله البيت ردي

...........
سدر ضعنها بليل  وعميت
وانه  بعبرتي  لدار   رديت
صبت دمعتي بعتبه البيت
جا ماحملت وياج وامشيت
بدارج  يزهره شلون ضليت
خالي مجانها وبالعين صديت
ييمه شلون  عالفركه  تكويت
امي  بنار  فركاها   تجويت
خايب  يدهري شلون سويت
نارج  سريه   وخمدتني
...........

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم  من كتاب المآسي الفاطميه الجزء  الثامن عشر


https://t.me/Um_Zainab_Kar

نعي  كرناوي  لزهراء ع

جذب يالكال جرح كلوبنه يطيب
يضل  الجرح  يدي وينزف دموم
الفاكد   دنيته   ومدفونه  بالكاع
شلون  تفاركه  الحسره  والهموم
المضيع   حنانه  وكاطع  الياس
الدمعه بطرف عينه ودوم مالوم
يحاجيها  ويكلها  عليج مشتاك
مري  وخل  اشوفنج ولو  يوم
يعاتبها الدليل  ويجذب  الاه
تعاي  الخاطري يالغيبتج دوم
تعاي وشوفي حالي يم الحسين
عيوني  بفركتج ماضاكت النوم

.....
ابوذيه
المشت  من نار فركاها حنينه
يجينه اليل وعله امنه  حنينه
يطبع  الوالده   كلش  حنينه
ومثل جلماتها  مامر  عليه

.....

✍ام زينب كربلاء غير مبري الذمه من يأخذ الكلام وينسبه له اويحذف الإسم


https://telegram.me/um_zainab_kar telgram

مربوعه للوالده والمواسات  بزينب ع

عازه عازت امي    ودوم اريدنها 
الدنيه  شماتضيك عليه اذكرنها

لوضاكت  الدنيه وصغرت بعيني 
لمي  الغاليه  وين   اليوديني
واعاتبها  واكلها  ليش عفتيني
بعد  دمعات  عيني   مايردنها
..............
غفت عين الحنينه وزودت همي
وين اشكي الهظايم بعد عين امي
انسه  الضيم   كله لواجت  يمي
غطاها  التراب   اوين اشوفنها
............
ضليت بدليلي حابسه همومي
من هم  العليه ثكلن  هدومي
وهموم الكلب تلتم  وكت نومي
وحسرات الكلب بهداي اجرنها
...........
اجرحسرات يمي وتكتل الحسره
صبح مكسور كلبي محد يجبره
محتامه  عليها  واسجب العبره
مريضه الروح والونات ياذنها
...........
تحن الروح ويزود االالم بيها
واكول ام الخدر الله اليكويها
الدنيه غايبه امها وجارت عليها
من يوم ام حسن مابطلت ونها

✍ام زينب كربلاء غير مبري الذمه من يأخذ الكلام وينسبه له اويحذف الإسم  كتاب الجزء   الاول المآسي الفاطميه


https://telegram.me/um_zainab_kar telgram

فزاعيه  بدايتها نعي لزهراء ع

حك  الوالده   يكثر  بجيها
وأهل الدمع من دم  عليها
امي  محنه  وطيب  بيها
هاي المسحت دموعي بديها

نزلت الفزاعيه

امي الدللتني    وسهرت اليل 
شلون تعوفني بالضيم وتشيل
...........
شلون اتعوفني وتغمض العين
أمر وانشد عليها حملت  وين
هاي  الدللتني سنين واسنين
اوداع  امي كتلني ونزل الحيل
............
نزل حيلي عليها ولكدر  اكوم
ريت اندار  فدو  الذيج الارسوم
بعد  المن اروحن واشكي الهموم
حبيبه  والدمع  لفراكها   ايسيل
.........
شالت والدمع يجري من العيون
اكضي اليل كله شلون  بشلون
اصيح  بصوت من راحو يدفنون
يدفان  الحبايب  ريض دخيل
.........
دخيلك  لاتسد   باب  الحنينه
هاي  التعبت   وسهرت  علينه
اضل  بضيم  والفكدتج حزينه
عكب عين الحنينه دنيتي  تميل
..........
عدلي ونتج  وابجي عله مبجاي
وين  الفاكده  امها  تنحب وياي
عزيزه  امي عليه وطفت عيناي
الوكت عكب الزجيه بينه ايعيل

✍ام زينب كربلاء غير مبري الذمه من يأخذ الكلام وينسبه له اويحذف الإسم  من كتاب الجزء   التاسع عشر الماشي الفاطميه


https://telegram.me/um_zainab_kar telgram

نعي ابوذيه لزهراء ع

عيوني من الدمع ماضل  بهاماي
كضيت ومحد  اليدري  بهاماي
شحلات الدار  من جانت بهاماي
اجيها ومرحبت كل ساع بيه

نعي
وين الهله وجلمة اليمه
جيت ولكيت الدار ضلمه
ون  الدليل وثكل  همه

ضاك الخلك واريد ليها
شتاكيت لشفجه وحجيها
ياهو الانشدنه    عليها


اثاري الموت للمضلم خذها
وين انشوفها ونكعد وياها
والله فراكها  عيني عماها

ياضعن  هذا الشال مني
عليمن  اونن   ناشدني
الشالن اعزاز الكلب ذني

علمين  اون وثكل همي
ياتبوت هذا الشال يمي
هاي الحنينه الوالده امي

بتابوتها  مرت عليه
ونت  اونتها  شجيه
الله وياج صاحت يالبنيه

الله وياج  كالت واسمعتها
سوده  علي   ماعطلتها
ليلة  اتبات ويانه  ردتها

سدر الحادي وشال بيها
وعيوني دم هلن  عليها
صحت يالوالده بنيتج خذيها


صحتلها  والاردت  عليه
اركض  ودمعاتي  جريه
لزمت  النعش بثنين اديه

لزمته وكلت ريض يجناز
حط الحنينه اتودع الاعزاز
بعده  الكلب للمشت محتاز

انه  بعوز  كعداتج  بعدني
حبيبات  وياجن  اخذني
تعدن  على بابي  وجزني

حنينات  شنهي  الغيراهن
والوصل  كطعنه  شجاهن 
اخلص الكلب بالون وراهن

✍ام زينب كربلاء غير مبري الذمه من يأخذ الكلام وينسبه له اويحذف الإسم  من كتاب المآسي الفاطميه


https://telegram.me/um_zainab_kar telgram

فزاعيه بدايتها نعي لزهراء ع

كون اليوم  نتعنه  المحمد
وبابه  نصيح  الله  ولحد
كبر بتك علينه ضاع  وابعد

نزلت الفزاعيه

مشونه اليوم   نكصد كبر  ابوها
نكله  فاطمه   وين   ادفنوها
...........
مشونه انروح  يم كبره ونكله
ودمع العين   يم بابه   نهله
ليش بلا  كبر  بته   نسأله
علينه   يامحمد   ضيعوها
...........
مشونه نكعد اليله عله الاعتاب 
ونكله  يامحمد   رد   الاجواب
ليش بليل  سدر  داحي الباب
بلاتشيع  غاليتك  خذوها 
..........
هاي الغاليه  الوصيت  بيها
ماعدها  كبر  ونمر   عليها
نجيب اعلامنه ونروح ليها
بمواكب  والبيارغ   علكوها
.........
كون اليوم يم كبره ونعازيه
نصيح بصوت يازهره ونبجيه
شاف ضلوعها من ردت  عليه
شكت يمه عله كوم العذبوها
........
عله بتك يامحمد حركو الدار
وضل  بسمارها  للموت تذكار
وماعدها  كبر  لليوم   ينزار 
عكب عيناك  بتك   لوعوها
.....

✍ام زينب كربلاء غير مبري الذمه من يأخذ الكلام وينسبه له اويحذف الإسم جديد من كتاب الجزء   الثاني والثلاثين الخاص بالفزاعي والهوسات


https://telegram.me/um_zainab_kar telgram

فزاعيه  لزهراء  ع من كتاب الجزء التاسع  الماسي الفاطميه


يمنه معدله    واتريد هوسات
موش بليل     زتوها بعرضات
.........
زتوها   بهيابه   يالتشيعون
تسوه النوح وعليها شتكولون
وين اهل العراضه خل يطلعون
الج ميدان  هوسه وبيه رايات
............
الج بيرغ يزهره كون ينشال
بسكته دفتنج ماهي عله البال
يابت النبي   وتربات   الارجال
يزهره بس الج لاكت الونات
...........
الف ياحيف ضعنج غرب بليل
عليج اتحسفو  ركابت الخيل
حيدر حملاج ومدمعه ايسيل
حطاج عالمتنه والجدم مات
..........
شالها علي والحيل خلصان
وتسعر بالدليل عليج  نيران
الف ياحيف يابت سيد الاكوان
لاصايح   وراج  والامشيعات
..............
تريد اليوم  ونه يم الاطهار
شالت بضلع  نابت  البسمار
هاي معدله  واربات الاخيار
تسوين  العزه بت الهيابات

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم   

https://telegram.me/um_zainab_kar telgra

فزاعيه لزهراء ع

صدك مكسور  ضلعج
يم الحسين
...........
صدك باالباب طحتي
يبويه بصوت صحتي
عله المحسن  صرختي
يزهره والجنينج هلت العين
..............
عله المحسن بجيتي
وبحيدر    نخيتي
وعله الباب انتجيتي 
مفجوعه  وصرختي يامسلمين
.............
اليومج   مانسينه
ولمصابج بجينه 
حزن وهموم بينه
عليج تنوح  يازهره المحبين 
.............
يهل  بالعين  دمعج
ننسه  شلون ضلعج
نون  كلنه  عله ونج
الج ماتم حزن واحنه المعزين
.............
الج ماتم   نصبنه
وعله المحسن لطمنه
يمظلومه   وصرخنه
نعازي  المرتضى وسيد الكونين

✍ام زينب كربلاء غير مبري الذمه من يأخذ الكلام وينسبه له اويحذف الإسم  من كتاب الجزء   الثامن عشر


https://telegram.me/um_zainab_kar telgram

قناة الشاعره أم ياس الساعديه

نتشرف بنضمامكم الينا رابط القناة 👇👇👇

https://t.me/Alsaidyh

صدر حديثا ديوان

المآسي الفاطمية ج٣٦

الشاعرة ام زينب كربلاء

خاص بالسيدة فاطمة الزهراء عليها السلام

والسيدة ام البنين عليها السلام

للطلب او الاستفسار





⬇️ للتواصل والاستفسار ⬇️
@ABRAR5325
@ABRAR5325

كروب اجهزة يفيد ملايات👇👇

https://t.me/+n-BgqsOHygw5OWNh

لطميه  لزهراء ع عن لسان حال زينب ع

فاركتها ..  الاعز  من روحي عليه
ودعتها ...  امي   اوداع     المنيه
روحي ماتصبر عليها
يازماني عود    بيها
فاركتها         فاركتها
..............
ودعتني  والكلب  بالفركه  ذايب
امي  نامت عينها حدر   الترايب
جن غريبه بدنيتي وماكو حبايب
بعد شيفيد  البجه ياكلبي خايب
لاتجيني  اولااجيها
يازماني  عود بيها

فاركتها    فاركتها
..............
ماتجيني  شما  قست  بيه اليالي
شكثر  ردت عيونها تصد عله حالي
ماكطع  من يومها  دمعي اليلالي
اشكد صحتها بمحنتي يمه تعالي

تعاي  بتج  كابليها
يازماني عود  بيها

فاركتها    فاركتها
.............
شكثر  محتازه   الحنانج  يالحنينه  
يمه  محد  ساعده   كلبي  بونينه
رحتي يمي ومادريتي شصار  بينه
الدنيا  بعدج  ابد   ماحنت   علينه

عيني  ما كطعت بجيها
يازماني  عود     بيها

فاركتها    فاركتها
..............

ريت  ايام  الخذن عمرج   خذني
وريت حيدر من دفن شخصج دفني
ولابكيت  ولاشفت  يوم    الفجعني 
لاركضت عله الاخو  واعثرت بابني

عالجره روحي شبديها
يازماني   عود    بيها 

فاركتها      فاركتها
..............
يمه ليمت عاتبت  نشدي  يزهره
بالمعاره  من رحت لحسين انضره
شفت عشر خيول يايمه عالصدره
درت عيني ولن شفت بلرمح نحره

جيتج جنت ارتجيها
يازماني  عود   بيها

فاركتها        فاركتها

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم  من كتاب المآسي الفاطميه الجزء  الثامن عشر


https://t.me/Um_Zainab_Kar

‏صورة من ياحسين

صدر حديثا ديوان

المآسي الفاطمية ج٣٦

الشاعرة ام زينب كربلاء

خاص بالسيدة فاطمة الزهراء عليها السلام

والسيدة ام البنين عليها السلام

للطلب او الاستفسار

07832535076
07830861950


https://t.me/hrmrm7

هاي القصيده قديمه من الجزء الأول

وحده من الشاعرات خذتها وبدلت كلمات بسيطه الأصل قصيدتي

فزاعيه لزهراء ع

شويه  اتريضي يالشايله بليل
خن نشبع موادع كبل الارحيل
.......
ييمه تعطلي خن احجي وياج
اريد اعاتبج  واسمع حجياج
بعدني مشبعت من لذت ارباج
حبيبه اويوم  فكدج نزل الحيل
.......
راح الحيل من كمتي تودعين
شديتي الضعون اوين   تردين
ها  يالوالده يم كلب   الحنين
ودعت النعش  والمدمع ايسيل
.........
من شال النعش روحي خذاها
وضل البيت خالي من  ضواها
روحي بفركت الزهره اشكواها
عمتها عيونه من رادت اتشيل
.......
يمه الخاطري ردي عله الدار
لاتبطين  عنهم  عندج ازغار
صحنه هنا ييمه وبالكلب نار
يوم  الشال بيها حامي الادخيل
.......
يمه تريضي يابعد   الاعيون
واسمعي ونت اولادج يونون
ازغار وعله افراكج مايصبرون
يزهره عليج بتج صاحت الويل

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم  من كتاب المآسي الفاطميه الجزء الأول  


https://t.me/Um_Zainab_Kar

فزاعيه بدايتها نعي وصية الزهراء ع الى امير المؤمنين عليه السلام

يبوحسين  اوصيك بوصيه
لو  غمضت عيني المنيه
خذني بليل  ياحمي الحميه

نزلت الفزاعيه

اخذني بليل  يمخوف اليعلون
ماريد الخذو  حكي  يحضرون
............
صاحت ياعلي اسمع يصنديد
يالكاطع  اركاب الزلم  ياحيد
الحارك باب داري يروح ماريد
يزت جنازتي  ويه اليشعون
.................
ماريد الكسر  بالباب  ضلعي
وخلاني اون ويسيل  دمعي
وديني لبوي يشوف وضعي
اكله  ضلو  اولادي  يصرخون
............
شيع  اجنازتي ياحيدر بليل
هضمه هضمتك يمحير الخيل
انذال  الحيروك وهدو  الحيل
اشوفك بالحزن وتهل العيون
...........
يحيدر حيروك وتهمل العين
ناس  المالهم رحمه  ولادين
تهل اليوم خلو دمعت حسين
باجر  يوم  الملاكه  شيكولون
...........
وصيه اوصيك ياداحي البيبان
ماريد  الضلمني  يروح دفان
خليلي يبو الحسنين  عنوان
لابد  يوم  وبحكي  تطلبون
............
(اطلبونه / الكاسر  ضلعي)

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم  


https://t.me/Um_Zainab_Kar

نعي  ليلة رحيل   الزهراء ع

ازيح  الموت لوصح  ودعنها 
يكول بعيد  ضعنج  ود عنها
شلون عيون  عندي  ودعنها
عساهن عمن بوداع الزجيه 
.............
اليلة  الموادع  يهدم الحيل
وامنه الحنينه ناويه تشيل
صار اوداعنه  بليل   بليل
..............
صار الموادع والدمع سال
وضعن النحبها حمل وشال
يزهره دهرنه شلون  ميال
............
لاوين   عن  بتج  تشيلين
ونصيح ماجنج   تسمعين
ردي يزهره وسكتي حسين
...........
اليوم    الزجيه   ودعتنه
عله الباب يحبيبه  وكفنه
يمه يزهره حيل  صحنه
...........
شيال  تابوتج    جزانه
تعد ه بنعشها ولاتوانه
ويه الزجيه   ماخذانه
كفت اليمه  وهاي هيه
...........
يجلمة اليمه اليوم كفت
وروحي عليها حيل ونت
بتج للحزن والنوح ضلت

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم  


https://t.me/Um_Zainab_Kar

لطميه للزهراء ع عن لسان حال زينب ع

اخذوني الكبرها   واشتم  عطرها
اكعد وادك الباب   وابجي ابكترها
...........
ضاك الخلك  يعزاز ودوني ليها
بلكت تفك الباب واسمع  حجيها
همومي يابوحسين يمها  اشتكيها
وياها  عندي اعتاب   وابجي بكترها
............
عدنه عتب وياج  يمنه الحنينه
كلبي يون  عليج   سمعي ونينه
شوفتج يم حسين  عنت  علينه 
بلكت تردلي جواب   وابجي بكترها
...........
تسمع حنين الروح  وترد  عليه
واسمعها من تكول  هاي البنيه
رحتلها  وتمنيت   تكعد شويه
اهل الدمع سجاب  وابجي بكترها
...........
كون اليدك الباب  تكعدله  امه 
بجلمه هله تلاكيه وتكله  يمه
عطر الحنان الراح انده واشمه
يمه بدليلي اصواب   وابجي بكترها
...........
اخذ هظم دنياي يم كبرج اشكيه
يايمه فكي الباب من اجبل عليه
بوجهي يبعد الروح لا  لا  تسديه
عالراس اهيل اتراب  وبجي بكترها

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم  


https://t.me/Um_Zainab_Kar

#ميلاد_صادق_ال_البيت

🍃 أنا فرع من فروع الزيتونة وقنديل من قناديل بيت النبوة..

👤 عن الحسين بن محمد بن عامر بإسناده أن أبا عبد الله جعفر بن محمد الصادق (عليه السلام) استحضره المنصور في مجلس غاص بأهله, فأمره بالجلوس, فأطرق مليا ثم رفع رأسه وقال له:

💬 يا جعفر إن النبي (صلى الله عليه وآله) قال لأبيك علي بن أبي طالب (عليه السَّلام) يوما: لولا أن تقول فيك طوائف من أمتي ما قالت النصارى في المسيح لقلت فيك قولا لا تمر بملإ إلا أخذوا من تراب قدميك يستشفعون به,

☀️ وقال علي (عليه السّلام): يهلك فيّ اثنان محب مفرط ومبغض مفرط, فالاعتذار منه أن لا يرضى بما يقول فيه المفرط, ولعمري إن عيسى ابن مريم (عليه السّلام) لو سكت عما قالت فيه النصارى لعذبه الله,

☝️ وقد نعلم ما يقال فيك من الزور والبهتان وإمساك عمن يقول ذلك فيك ورضاك به سخط الديان, زعم أوغاد الشام وأوباش العراق أنك حبر الدهر وناموسه, وحجة المعبود وترجمانه, وعيبة علمه وميزان قسطه, ومصباحه الذي يقطع به الطالب عرض الظلمة إلى فضاء النور, وإن الله تبارك وتعالى لا يقبل من عامل جهل حقك في الدنيا عملا ولا يرفع له يوم القيامة وزنا,

💥 فنسبوك إلى غير حدك, وقالوا فيك ما ليس فيك,فقل فإن أول من قال الحق لجدك, وأول من صدقه عليه أبوك (عليه السّلام), فأنت حري بأن تقتص آثارهما وتسلك سبيلهما, فقال أبو عبد الله (عليه السلام):

🍃 أنا فرع من فروع الزيتونة, وقنديل من قناديل بيت النبوة, وسليل الرسالة, وأديب السفرة, وربيب الكرام البررة, ومصباح من مصابيح المشكاة التي فيها نور النور, وصفوة الكلمة الباقية في عقب المصطفين إلى يوم الحشر,

👤 فالتفت المنصور إلى جلسائه فقال: قد أحالني على بحر مواج لا يدرك طرفه ولا يبلغ عمقه, تغرق فيه السبحاء ويحار فيه العلماء ويضيق بالسامع عرض الفضاء, هذا الشجا المعترض في حلوق الخلفاء الذي لا يحل قتله, ولا يجوز نفيه.

📚بحار الأنوار ج ١٠ ص ٢١٦
📚الأمالي للصدوق ص ٦١١ نحوه

اَللّـهُمَّ صَلِّ عَلَى مُحَمَّدٍ كَمَا حَمَلَ وَحْيَكَ، وَبَلَّغَ رِسَالاتِكَ، وَصَلِّ عَلَى مُحَمَّدٍ كَمَا أَحَلَّ حَلالَكَ، وَحَرَّمَ حَرامَكَ، وَعَلَّمَ كِتابَكَ، وَصَلِّ عَلَى مُحَمَّدٍ كَمَا أَقامَ الصَّلَاةَ، وَآتَى الزَّكَاةَ، وَدَعا اِلى دينِكَ، وَصَلِّ عَلَى مُحَمَّدٍ كَمَا صَدَّقَ بِوَعْدِكَ، وَأَشْفَقَ مِنْ وَعيدِكَ، وَصَلِّ عَلَى مُحَمَّدٍ كَمَا غَفَرْتَ بِهِ الذُّنُوبَ، وَسَتَرْتَ بِهِ الْعُيُوبَ وَفَرَّجْتَ بِهِ الْكُرُوبَ، وَصَلِّ عَلَى مُحَمَّدٍ كَمَا دَفَعْتَ بِهِ الشَّقاءَ، وَكَشَفْتَ بِهِ الْغَمّاءَ، وَأَجَبْتَ بِهِ الدُّعاءَ، وَنَجَّيْتَ بِهِ مِنَ الْبَلاءِ، وَصَلِّ عَلَى مُحَمَّدٍ كَمَا رَحِمْتَ بِهِ الْعِبادَ، وَأَحْيَيْتَ بِهِ الْبِلادَ، وَقَصَمْتَ بِهِ الْجَبابِرَةَ، وَأَهْلَكْتَ بِهِ الْفَراعِنَةَ، وَصَلِّ عَلَى مُحَمَّدٍ كَمَا أَضْعَفْتَ بِهِ الأَمْوالَ، وَأَحْرَزْتَ بِهِ مِنَ الأَهْوالِ، وَكَسَرْتَ بِهِ الأَصْنامَ، وَرَحِمْتَ بِهِ الأَنامَ، وَصَلِّ عَلَى مُحَمَّدٍ كَما بَعَثْتَهُ بِخَيْرِ الأَدْيانِ، وَأَعْزَزْتَ بِهِ الإيْمانَ، وَتَبَّرْتَ بِهِ الأَوْثانَ، وَعَظَّمْتَ بِهِ الْبَيْتَ الْحَرامَ، وَصَلِّ عَلَى مُحَمَّدٍ وَأَهْلِ بَيْتِهِ الطّاهِرِينَ الأَخْيارِ وَسَلِّمْ تَسْليماً.

وَأَحسَنُ مِنكَ لَم تَرَ قَطُّ عَيني
وَأَجمَلُ مِنكَ لَم تَلِدِ النِساءُ
خُلِقتَ مُبَرَّأً مِن كُلِّ عَيبٍ
كَأَنَّكَ قَد خُلِقتَ كَما تَشاءُ

رحمة الله تجلت في سماء هذا اليوم وفي كل القلوب شع نورها وحلت بركتها

إنها ذكرى ميلاد نبي الرحمة محمد صلوات ربي وسلامه عليه وعلى اهل بيته أسعد الله أيامكم جميعاً....

لطميه  لفقد  الاحبه وكذالك نواسي بها الزهراء ع

ياعذاب الدنيا     ياضيم الليالي
صعبه عالواحد يودع اغله  غالي

ياوداع  الماله جيه / اليبعد اعزازي عليه

والله    صعبه     والله  صعبه

..............

الغايب  ايرد الهله  والسافر  يعود
امل يبقى ايشوفهم ويردهم اردود
بس الي نام وتغطي عيونه اللحود
ياونين   الضيعاهم   ماضن  ايهود

اشكد يحن الشوفهم / وشوك بيه لعيونهم

والله  صعبه    والله صعبه
.............
ايحاجي روحه من تحن لحبابها
منين اجيبه النام  حدر   اترابها
و المكابر    من  تسد     ابوابها
الغفت  بيها  مستحيل  اجوابها

ماترد الراح ضنه / ايس ايامك خذنه

والله  صعبه       والله صعبه
............
والله غداره  اليالي وصلفه العيون
تاخذ الروحك  تحبهم   مايعودون
لوتون  ليل  وانهارك   مايرجعون
جرح مايشفى عليهم  من يبعدون

كلبك ايضل بجراحه /  وماتحس بالدنيه راحه

والله  صعبه      والله صعبه
............
اتعاشر احزانك ولا تنشف دمعتك
دنيا ضلمه وانطفت بيها   شمعتك
اتصير وي جر النفس اه ياحسرتك
يالفكدت اعزاز  ما  تخمد   جمرتك

نار مشتعله بدليك  / تشب من تذكر خليلك

والله  صعبه      والله  صعبه
............
والله صعبه لو يمر بينه  ذكرهم
ياليالي ليش  باعدتي  النحبهم
لا يمرونه    ولا نكدر   نمرهم
اعزازنه والعين راحت من بعدهم

اعيونه اشتاكت عليهم / ولا يجون ولا نجيهم

والله  صعبه        والله صعبه

✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء السابع عشر

https://telegram.me/um_zainab_kar telgram

https://vt.tiktok.com/ZS2A3fgpR/

فزاعيه لرسول الله صل الله عليه وآله

ياجناز        هون ومشي براضه
الدنيه عله ابونه اليوم  مختاضه
.............
مختاضه عليه  وفاكده اعلومه
والدنيه  حزينه  اونت  اليومه
شال وكلب حيدر ينزف دمومه 
( من شاله / الحيل تهدم  )
.............
انهدحيل الصميده اونت اولاده
مالبست عمايم  محزنه  الساده
وحيدر  يوم  شاله مرد   افاده
(عله متونه  / جن شال الكون)
...........
يسمع صوت صاح تريض شويه
لنها ام الحسين تصيح   مابيه
يحيدر  يوم فكده يصعب عليه
(بغيابه   / هد حيلي وحيلك)
........
هذا تاج راسي وهيبت اولادي
غالي  ويا وداعه  مرد  افادي 
مالي روح واحمل  فركة الهادي
(بالهيبه   /  جناز   تريض)
.........
الدنيه مكدره  وتنوح   ويانه
وملاك السمه  هاليوم  حزنانه
تصيح حسين يمه شال ملفانه
(عينوني /  يولادي عله الون )

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم  


https://t.me/Um_Zainab_Kar

لطميه لرسول الله صل الله عليه وآله

شبيهه اليوم   دنيانه حزينه
جد  حسين كالو    فاكدينه
............
نشرت بالمدينه سود  الاعلام
الناس مكدره  وتلطم عله الهام
كالو شال عنها  مشيد الاسلام
وعلي  الكرار   مابطل ونينه
.............
تلطم والعكل هاليوم  هايم
فوك الكاع  مشموره العمايم
بصرخات وحزن والدمع ساجم
وصايح  صاح بركان  المدينه
............
كالو شال جده وهلت العين
بروايه السود طلعو يامسلمين
كولو شلون حالج يم الحسين
ابوج    وللمكابر    شايلينه
...........
دكو  ويالدجيه  وهلو العيون
بنعش المصطفى راحو يدفنون
حكه  لوبجاله   واضلم  الكون
هلو  العين  خل نبجي النبينه
............
حكها  تنوح  وتغيم  سمانه
راحل نورها وركن  الديانه
اليوم الهم يبوالزهره علانه
وحي الله  نعاك وبجت عينه
.............

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم 


https://t.me/Um_Zainab_Kar

فزاعيه  بدايتها ابوذيه لرسول  ص

نحن  الشوفتك كل ساع   ونريد
لبونه الراح منه اليوم    ون ريد
نروح  عليه   متعلمين    ونريد
شال  وضلت دياره  خليه

نزلت الفزاعيه

وين ايريد   شايل  هيبت  الزهره
ومكسوره  عليه  كسره 
.................
شال  وحمل  ضعونه
وحيدر  هلت  عيونه
يزهره  حالج  شلونه
ضلت  بالكلب  حسره
...............
حمل وابعد  الهيبه
بويه الراح  شيجيبه
وحيدر زايد  نحيبه
شاله   والدمع يجره
...............
شال البيه مهيوبه
عليه صواب مصيوبه
روحي أصبحت منكوبه
وجرح  الكلب مايبره
............
ضلت  تجذب  الونات
موحسره تجر  حسرات
يحسين اليحبكم  مات
غاب  وفركته   مره
..............
عليه  اليوم   حزنانه
شال وغلك  بيبانه
عليه ارتجت اكوانه
حمل  والد   العتره

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم  


https://t.me/Um_Zainab_Kar

‏مقطع صوتي من ابو رقيه

نعي  لرسول الله ص عن لسان حال الزهراء ع

راعي المحنه اليوم  شايل
وجن شايله عني  الحمايل
ودعت  الحنين بدمع هامل

شال الحنين الجآن الي سور
مشت هيبتي ونامت بالكبور
صبح خاطري عالمشو مكسور

كلبي انكسر كسره عالفركاك
انه  معلمه  دوم عله الملكاك
جاوين اشوفك واكعد وياك

جد الولد  حمل  بالاضعون
حمل وخله  الحيل مرهون
اوالادي بعد المن يكصدون

يابيت  من عكبك  يجونه
صعبه وحنانك   يفكدونه
حسين عليك دم سالت عيونه

عينه  بجت  وايريد  جده
ارد  اخذه الكبرك واكصده
غالي يبويه شكثر   عنده

ياباب  من عكبك   ندكه
ومثلك يبويه وين  نلكه
ابيتك بعد يابوي  شلكه

ياكسرتك كسره  جبيره
يضل العلينه  والعشيره
عفتنه ويناس بغير غيره

لوتدري  بالسادي  عالبتك
هظموني يوم انزلت لحدك
وين الكاك بالهظمه واكلك

اوكف  شويه  بعتبت الباب
ياهي  الطاحت يم الاعتاب
اسوت يبويه شوف اصحاب


ياضلع  خلف الباب كسروه
وعزيزك علي محتار  خلوه
وحكي يبوابراهيم  غصبوه


لوتدري بيه  اصار واشحل
حتى الدمع من الراس وشل
عله اغيابك يبويه بكثر ماهل

✍ام زينب كربلاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram

جديد 2024.


ديوان الماسي الزينبيه ج 13

الشاعره ام زينب كربلاء


يتضمن الكتاب بالسيدة رقيه والامام السجاد والامام الحسن ع والرسول ص والامامين الرضا والعسكري ع



⬇️ للتواصل والاستفسار ⬇️
@ABRAR5325
@ABRAR5325

كروب اجهزة يفيد ملايات👇👇

https://t.me/+n-BgqsOHygw5OWNh