ព័ត៌មានឯកឧត្តមបណ្ឌិត ប៉ែន ស៊ីម៉ន

ឯកឧត្តមបណ្ឌិត ប៉ែន ស៊ីម៉ន  អញ្ជើញចូលរួមគោរពវិញ្ញាក្ខន្ធសពព្រឹទ្ធមហាឧបាសិកា គង់ លាន់

សូមបួងសួងដល់វត្ថុស័ក្តិសិទ្ធិក្នុងលោកតាមជួយបីបាច់ថែរក្សា និងប្រសិទ្ធិពរជ័យ សិរីមង្គលបវរមហាប្រសើរ ជូនចំពោះ

ឯកឧត្តមបណ្ឌិត ប៉ែន ស៊ីម៉ន

សមាជិកគណៈកម្មាធិការកណ្តាលគណបក្សប្រជានជនកម្ពុជា ប្រធានក្រុមការងារថ្នាក់កណ្តាលចុះជួយខេត្តកំពត តំណាងរាស្ត្រខេត្តកំពត និងជាប្រធានគណៈកម្មការទី១០ នៃរដ្ឋសភាជាតិនីតិកាលទី៧

ក្នុងឱកាសបុណ្យចូលឆ្នាំថ្មី ឆ្នាំសកល គ.ស.២០២៥
សូម ឯកឧត្តមបណ្ឌិត និងលោកជំទាវ ទទួលបាននូវសុខភាពល្អបរិបូរណ៍ ប្រាជ្ញាឈ្លាសវៃ អាយុយឺនយូរ និងទទួលបាននូវជោគជ័យថ្មីៗថែមទៀតក្នុងការ ដឹកនាំឱ្យកាន់តែរីកចម្រើនឡើង ។
សូម ឯកឧត្តមបណ្ឌិត និងលោកជំទាវ ព្រមទាំងក្រុមគ្រួសារជាទីស្រលាញ់ សូមជួបប្រទះតែសេចក្តីសុខ សុភមង្គល និងប្រកបដោយពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។

សូមគោរពជូនពរពីថ្នាក់ដឹកនាំ

និងមន្ត្រីរាជការទាំងអស់នៃវិទ្យាស្ថានពហុបច្ចេកទេសភូមិភាគតេជោសែនកំពត

សូមគោរពប្រសិទ្ធិពរជ័យបវរសួស្តី សិរីមង្គលវិបុលសុខ មហាប្រសើរជូនចំពោះឯកឧត្តមបណ្ឌិត ប៉ែន ស៊ីម៉ន សមាជិករដ្ឋសភា និងជាប្រធានគណៈកម្មាធិការទី១០ នៃរដ្ឋសភានិតិកាលទី៧ ក្នុងឱកាសបុណ្យចូលឆ្នាំថ្មី ឆ្នាំសកល ២០២៥។
សូមគោរពជូនពរពី
នាយកសាលាគរុកោសល្យ និងវិក្រឹតការខេត្តកំពតព្រមទាំងគរុសិស្ស និងអតីតគរុសិស្សជំនាន់ទី:២៥, ៣៦, ៣៧, ៣៨ និង៤០ ។

ក្នុងឳកាសបុណ្យចូលឆ្នាំថ្មី ឆ្នាំសកល ២០២៥

ខ្ញុំបាទ អ៉ឹម ច័ន្ទសោធន និងភរិយា ព្រមទាំងមន្ត្រីរាជការ កងកម្លាំងទាំង៣ប្រភេទ និងប្រជាពលរដ្ឋក្នុងស្រុកទឹកឈូទាំងអស់ សូមបួងសួងដល់ទេវតាឆ្នាំថ្មី តាមបីបាច់ថែរក្សា និងប្រសិទ្ធិពរជ័យ បវរប្រសើរជូនចំពោះ៖

ឯកឧត្តមបណ្ឌិត ប៉ែន ស៊ីម៉ន ប្រធានគណៈកម្មាធិការទី១០ នៃរដ្ឋសភាជាតិ និងជាអ្នកតំណាងរាស្ត្រ មណ្ឌលកំពត និងលោកជំទាវ ក្នុងឳកាសបុណ្យចូលឆ្នាំថ្មី ឆ្នាំសកល ២០២៥។

យើងខ្ញុំទាំងអស់គ្នា សូមលើកដៃបួងសួងដល់គុណបុណ្យព្រះរតនត្រ័យ គុណកែវទាំងបី ឫទ្ធីបារមីខ្លាំងក្លា និងវត្ថុស័ក្តិសិទ្ធិក្នុងលោក សូមជួយថែរក្សា ប្រោះព្រំប្រសិទ្ធិពរជ័យ បវរសួស្តី សិរីមង្គល វិបុលសុខ ជូនដល់ ឯកឧត្តមបណ្ឌិត និងលោកជំទាវ ព្រមទាំងបុត្រា បុត្រី ជាទីស្រឡាញ់ សូមសមប្រកបតែនឹងព្រះពុទ្ធពរបួនប្រការ គឺ អាយុ វណ្ណៈ សុខៈ ពលៈ និងឈ្នះអស់មារសត្រូវ កុំបីឃ្លៀងឃ្លាតឡើយ🙏🙏

សូមភ្ជាប់មកកាន់ Telegram Channel: https://t.me/+Qrl2BIUx3CE2OTU9

#អរគុណសន្តិភាព
#imchansothon
#toekchhou_kampot

សួស្តីឆ្នាំថ្មី ឆ្នាំសកល

សូមគោរពជូនពរ
ឯកឧត្តមបណ្ឌិត ប៉ែន ស៊ីម៉ន ប្រធានគណៈកម្មការទី ១០ នៃរដ្ឋសភាជាតិ និងជាអ្នកតំណាងរាស្ត្រមណ្ឌលខេត្តកំពត

ក្នុងឱកាសឆ្នាំថ្មី ឆ្នាំសកល ២០២៥

ចៅៗទាំងអស់ សូមបួងសួងដល់វត្ថុស័ក្តសិទ្ធក្នុងលោក តាមជួយបីបាច់ថែរក្សា ការពារ លោកតា ឯកឧត្តមបណ្ឌិត និងលោកជំទាវ ព្រមទាំងក្រុមគ្រួសារ សូមប្រកបដោយបញ្ញាញាណភ្លឺថ្លា កាយពលរឹងមាំ សុខភាពល្អបរិបូរណ៍ ជន្មាយុយឺនយូរ និង សូមប្រកបដោយពុទ្ធពរបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

សូមគោរពជូនពរពី

ចៅៗទាំងអស់គ្នា ជាអតីតគរុសិស្សជំនាន់ទី ៣៧ នៃសាលាគរុកោសល្យ និងវិក្រឹតការ ខេត្តកំពត

ក្មួយ សូមលំឱនកាយ 🙏🙏🙏🙏🙏
សូមគោរពជូនពរចំពោះ លោកអ៊ំបណ្ឌិត ជាទីគោរពដ៏ខ្ពង់ខ្ពស់បំផុត ក្នុងឱកាសពិធីបុណ្យចូលឆ្នាំសកល គ្រិស្ដសករាជ២០២៥
ក្នុងឱកាសដ៍មហាមង្គល សិរីសួស្តី ប្រពៃថ្លៃថ្លា វិសេសវិសាលនេះ សូម លោកអ៊ំបណ្ឌិត សមប្រកបដោយសុខភាពល្អបរិបូរណ៍ កាយពលមាំមួន កម្លាំងខ្លាំងក្លា បញ្ញាញាណវាងវៃ ដើម្បីបន្តបំពេញបេសកម្មដ៏ឧត្តុង្គឧត្តម និងសម្រេចបានជោគជ័យដ៏ត្រចះត្រចង់ថ្មីៗបន្ថែមទៀតជូនជាតិមាតុភូមិ ជាពិសេសក្នុងខេត្តកំពត
ព្រមទាំងបុត្រា បុត្រី ចៅប្រុស ចៅស្រី ជាទីស្រឡាញ់សូមសមប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

ដោយក្តីគោរពបំផុតពីក្មួយ និងក្រុមគ្រួសារ🙏🙏🙏។

គោរពជូនពរពីខ្ញុំបាទ វ៉ាន់ ដារ៉ា តំណាងរាស្ត្រមណ្ឌលកំពត

ក្នុងឱកាសបុណ្យចូលឆ្នាំថ្មី ឆ្នាំសកល ២០២៥
ខ្ញុំបាទ ហេង ឌីណា សមាជិកក្រុមប្រឹក្សាស្រុកឈូក សូមបួងសួងដល់ទេវតាឆ្នាំថ្មី តាមបីបាច់ថែរក្សា និងប្រសិទ្ធិពរជ័យ បវរប្រសើរជូនចំពោះ៖

ឯកឧត្តមបណ្ឌិត ប៉ែន ស៊ីម៉ន ប្រធានគណៈកម្មាធិការទី១០ នៃរដ្ឋសភាជាតិ និងជាតំណាងរាស្ត្រមណ្ឌលកំពត  និងលោកជំទាវ ក្នុងឱកាសពិធីបុណ្យចូលឆ្នាំថ្មី ឆ្នាំសកល ២០២៥

យើងខ្ញុំទាំងអស់គ្នា សូមលើកដៃបួងសួងដល់គុណបុណ្យព្រះរតនត្រ័យ គុណកែវទាំងបី ឫទ្ធីបារមីខ្លាំងក្លា និងវត្ថុស័ក្តិសិទ្ធិក្នុងលោក សូមជួយថែរក្សា ប្រោះព្រំប្រសិទ្ធិពរជ័យ បវរសួស្តី សិរីមង្គល វិបុលសុខ ជូនដល់ ឯកឧត្តមបណ្ឌិត និងលោកជំទាវ ព្រមទាំងបុត្រា បុត្រី ជាទីស្រឡាញ់ សូមសមប្រកបតែនឹងព្រះពុទ្ធពរបួនប្រការ គឺ អាយុ វណ្ណៈ សុខៈ ពលៈ និងឈ្នះអស់មារសត្រូវ កុំបីឃ្លៀងឃ្លាតឡើយ

ក្នុងឱកាសបុណ្យចូលឆ្នាំថ្មី ឆ្នាំសកល ២០២៥
នាងខ្ញុំ ហួត រី ប្រធានមន្ទីរកិច្ចការនារីខេត្តកំពត ព្រមទាំងមន្ត្រីរាជការទាំងអស់ សូមបួងសួងដល់ទេវតាឆ្នាំថ្មី តាមបីបាច់ថែរក្សា និងប្រសិទ្ធិពរជ័យ បវរប្រសើរជូនចំពោះ៖

ឯកឧត្តមបណ្ឌិត ប៉ែន ស៊ីម៉ន ប្រធានគណៈកម្មាធិការទី១០ នៃរដ្ឋសភាជាតិ និងជាតំណាងរាស្ត្រមណ្ឌលកំពត និងលោកជំទាវ ក្នុងឱកាសពិធីបុណ្យចូលឆ្នាំថ្មី ឆ្នាំសកល ២០២៥

យើងខ្ញុំទាំងអស់គ្នា សូមលើកដៃបួងសួងដល់គុណបុណ្យព្រះរតនត្រ័យ គុណកែវទាំងបី ឫទ្ធីបារមីខ្លាំងក្លា និងវត្ថុស័ក្តិសិទ្ធិក្នុងលោក សូមជួយថែរក្សា ប្រោះព្រំប្រសិទ្ធិពរជ័យ បវរសួស្តី សិរីមង្គល វិបុលសុខ ជូនដល់ ឯកឧត្តមបណ្ឌិត និងលោកជំទាវ ព្រមទាំងបុត្រា បុត្រី ជាទីស្រឡាញ់ សូមសមប្រកបតែនឹងព្រះពុទ្ធពរបួនប្រការ គឺ អាយុ វណ្ណៈ សុខៈ ពលៈ និងឈ្នះអស់មារសត្រូវ កុំបីឃ្លៀងឃ្លាតឡើយ

ឯកឧត្តម ម៉ាត់ សេត អ្នកតំណាងរាស្ត្រមណ្ឌលខេត្តកំពត គោរពជូនពរ ឯកឧត្តមបណ្ឌិត ប៉ែន ស៊ីម៉ន ប្រធានគណៈកម្មការទី១០ នៃរដ្ឋសភា ក្នុងឱកាសចូលឆ្នាំថ្មី ឆ្នាំសកល គ្រិស្តសករាជ ២០២៥ ខាងមុខនេះ។

សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា អញ្ជើញជាអធិបតីពិធី «ការប្រកួតកីឡាវាយកូនហ្គោល ពានរង្វាន់ សម្ដេចតេជោ ហ៊ុន សែន លើកទី៨ » នៅទីលានវាយកូនហ្គោល ឈុន អូន ហ្គោលរីហ៊្សត ក្នុងស្រុកពញាឮ ខេត្តកណ្ដាល។
ថ្ងៃសៅរ៍ ទី២៨ ខែធ្នូ ឆ្នាំ២០២៤

សូមរាយការណ៍  !  អប្សរា ផ្សាយម៉ោង១២ ថ្ងៃត្រង់នេះ   លេខ ៨និង ITV  ព្រឹកថ្ងៃចន្ទ  ព្រោះ សៅរ៍អាទិត្យ  ប៉ុស្តិ៍គេសម្រាកហើយ  ។

BTV

ឯកឧត្តមបណ្ឌិត ប៉ែន  ស៊ីម៉ន  បានចុះផ្សព្វផ្សាយខ្លឹមសារ អនុសំវច្ឆរមហាសន្និបាតមន្ត្រីសង្ឃទូទាំងប្រទេសលើកទី៣២ ដល់ព្រះមន្ត្រីសង្ឃ នៅខេត្តកំពត
 
ឯកឧត្តមបណ្ឌិត ប៉ែន  ស៊ីម៉ន  អ្នកតំណាងរាស្រ្ត មណ្ឌលកំពតប្រធានគណៈកម្មាធិការទី១០នៃរដ្ឋសភា នីតិកាលទី៧ ប្រធានក្រុមការងារគណបក្សប្រជាជនកម្ពុជា ចុះមូលដ្ឋានខេត្តកំពត អញ្ជើញជាអធិបតីពិធីសំណេះសំណាលនិងផ្សព្វផ្សាយខ្លឹមសារសង្ឃប្រកាស អនុសំវច្ឆរមហាសន្និបាតមន្ត្រីសង្ឃទូទាំងប្រទេសលើកទី៣២ ដល់ព្រះមន្ត្រីសង្ឃ ព្រះគ្រូចៅអធិការ អាចារ្យគណៈកម្មការវត្តទូទាំងខេត្តកំពត នៅសាលសន្និសិទបូកគោ នាព្រឹកថ្ងៃសុក្រ ៥រោច ខែមិគសិរ ឆ្នាំរោង ឆស័ក ព.ស. ត្រូវនឹងថ្ងៃទី ២០ ខែ ធ្នូ ឆ្នាំ២០២៤  ពិធីនេះដែរក៏មានការនិមន្តនិងអញ្ជើញចូលរួមពីសំណាក់ ព្រះគម្ពីរត្ថេរ ញ៉ែត ចន្ទតារា ព្រះរាជាគណៈថ្នាក់ចត្វា ព្រះជលធីវាសី ព្រះមេគណខេត្ត ព្រះគម្ពោតនិរោធសមាបត្តិមុនី ច័ន្ទ សុវណ្ណ ព្រះរាជាគណៈថ្នាក់កិត្តិយស ព្រះមហាសមុទ្ទមុនី ព្រះមេគណខេត្ត នៃគណៈធម្មយុត្តិកនិកាយ ឯកឧត្តម តាក់ ហាប់ ប្រធានក្រុមប្រឹក្សាខេត្ត ឯកឧត្តម ខាន់ សុខា អភិបាលរងខេត្តកំពត ឯកឧត្ដម លោកជំទាវ សមាជិក សមាជិកាព្រឹទ្ធសភា រដ្ឋសភា ក្នុងជួររាជរដ្ឋាភិបាល រួមជាមួយឯកឧត្តម លោកជំទាវ លោក-លោកស្រី សមាជិកក្រុមប្រឹក្សាខេត្ត អភិបាលរងខេត្ត ថ្នាក់ដឹកនាំមន្ទីរ អង្គភាពជុំវិញខេត្ត ព្រះមេគណ ព្រះអនុគណខេត្តក្រុង ស្រុក ព្រះមន្ត្រីសង្ឃទាំងពីរគណៈ អាចារ្យគណៈកម្មការវត្ត គ្រប់វត្ត ចំនួន ៧៥៦ រូប ។ លោក នាក់ យិតថូ ប្រធានមន្ទីរធម្មការ និងសាសនាបានថ្លែងថានៅក្នុងឆ្នាំ ២០២៤នេះខេត្តកំពត     វត្ត មានចំនួន២៧៤វត្ត  ក្នុងនោះ វត្តគណៈមហានិកាយចំនួន២៤៧វត្ត. និងវត្តគណៈធម្មយុត្តិក
និកាយចំនួន២៧វត្ត ព្រះសង្ឃសរុបចំនួន២.៦៣៧ អង្គ ក្នុងនោះគណៈមហានិកាយចំនួន២.៤៤៦អង្គ និងគណៈធម្មយុត្ត ចំនួន១៩១អង្គ ។    លោកអាចារ្យប្រចាំវត្តចំនួន ៩០៣ នាក់   អាចារ្យយោគី ចំនួន២១៥ នាក់   អាចារ្យមង្គលការ (អាចារ្យដឹកនាំពិធីអាពាហ៍ពិពាហ៍)ចំនួន៣៧៥ នាក់និងគណៈកម្មការវត្ត មានចំនួន១.៥៩៦នាក់ ។   សិស្ស និស្សិត  សីលវន្ត សីលវតី អ្នកស្នាក់នៅក្នុងវត្ត មានចំនួន៦០២ នាក់  ក្នុងនោះមានដូនជី
ចំនួន៣០៣ នាក់    តាជី មានចំនួន៧០នាក់    និង សិស្ស និស្សិត ក្មេងវត្ត ចំនួន២២៩នាក់។ ក្នុងឱកាសសំណេះសំណាលផ្សព្វផ្សាយខ្លឹមសារសង្ឃប្រកាសអនុសំវច្ឆរមហាសន្និបាតមន្ត្រីសង្ឃទូទាំងប្រទេស លើកទី៣២នេះដែរ ឯកឧត្តមបណ្ឌិតប៉ែន ស៊ីម៉ន បានគូសបញ្ជាក់ថា ព្រះមន្រ្តីសង្ឃ សមណសិស្សគ្រប់អង្គ មានស្មារតីភ្ញាក់រលឹក ប្រកាន់ខ្ជាប់នូវការបដិបត្តិធម៌វិន័យ ខិតខំព្យាយាមសិក្សារៀនសូត្រ និងធ្វើខ្លួនឱ្យជាស្រែបុណ្យដ៏ល្អដល់ពុទ្ធបរិស័ទ ដើម្បីធានាបាននូវសណ្តាប់ធ្នាប់ របៀបរៀបរយ និងត្រូវចូលរួមលើកកម្ពស់កិត្យានុភាព តម្លៃ និងសេចក្តីថ្លៃថ្នូរ របស់ព្រះសង្ឃពុទ្ធសាសនា ព្រមទាំងរក្សាការពារ និងលើកស្ទួយព្រះពុទ្ធសាសនាដែលជាសាសនារបស់រដ្ឋឱ្យបានគង់វង្ស ស្ថិតស្ថេរចីរកាល ។ ឯកឧត្តមបណ្ឌិតប៉ែន ស៊ីម៉ន សូមថ្វាយបង្គំស្នើដល់ព្រះមេគណខេត្តកំពត ទាំង២គណៈ ណែនាំដល់ព្រះចៅអធិការគ្រប់វត្ត ពង្រឹងនូវធម៌វិន័យ ដល់ភិក្ខុ សាមណេរ សមទៅនិងអភិក្រម ៥ របស់ព្រះពុទ្ធសាសនារួមមាន ៖ ១៖ បព្វជ្ជា (ការបួស) ២៖ បរិយត្តិ (ការសិក្សា) ៣៖ បដិបត្តិ ( ការប្រតិបត្តិ) ៤៖ បដិវេធៈ(លទ្ធផល) ៥៖ បព្វាជនីយកម្ម (ការដាក់ទោស ឬ បញ្ចប់ភារកិច្ច) និងបន្តថែរក្សាឱ្យបានអភិក្រម ស៣ សម្រាប់វត្តអារាម របស់ក្រសួងធម្មការនិងសាសនាគឺ វត្តស្អាត វត្តស្ងប់ និងវត្តស្វាង ដើម្បីឱ្យសាកសមជាខេត្តដែលកំពុងមានសក្តានុពលផ្នែកទេសចរណ៍ វប្បធម៌ បេតិកភណ្ឌ និងសាសនា ។
ឯកឧត្តមបណ្ឌិត បានសូមបវរណាដល់ព្រះមន្រ្តីសង្ឃគ្រប់ព្រះអង្គ សូមគោរពប្រតិបត្តិនូវព្រះធម៌វិន័យ ខិតខំសិក្សារៀនសូត្រ ទាំងចំណេះដឹងទូទៅ ភាសាបាលី សំស្ក្រឹត សូត្រគម្ពីរព្រះត្រ័យបិដកសូត្របាតិមោក្ខនិងសិក្សាប្រព័ន្ធបច្ចេកវិទ្យាឌីជីថល ដើម្បីជាទុនក្នុងការផ្តល់នូវឱវាទដល់ព្រះជាពុទ្ធបរិស័ទ ទូទាំងប្រទេស និងផ្សព្វផ្សាយ លើពិភពលោក ខាងវិស័យអប់រំ ផ្នែកចរិយាធម៌ សីលធម៌ គុណធម៌ សុជីវធម៌ និងសូមថ្វាយបង្គំស្នើដល់គណៈសង្ឃ ពិនិត្យណែនាំដល់ ភិក្ខុ សាមណេរណា ដែលប្រើប្រាស់បណ្តាញសង្គម បង្ហោះវីដេអូផ្សេងៗដែលប្រាស់ចាកពីធម៌វិន័យជាព្រះសង្ឃ ដែលធ្វើប៉ះពាល់ដល់តម្លៃនៃព្រះពុទ្ធសាសនា និងជៀសវាងការចែករំលែកនូវសកម្មភាពដែលនាំឱ្យប៉ះពាល់ដល់សណ្តាប់ធ្នាប់សង្គម ។ ឯកឧត្តមបណ្ឌិត ប៉ែន ស៊ីម៉ន បានប្រគេនបច្ច័យដល់ព្រះសង្ឃ២៧៤អង្គ  ព្រះមេគុណខត្ត ទាំង២គណៈ ៤០០,០០០រៀល មន្ត្រីសង្ឃខេត្ត ៥អង្គ ក្នុង១អង្គ៣០០,០០០រៀល អនុគណខេត្ត ស្រុក ក្រុង ក្នុង១អង្គ ២០០,០០០រៀល ព្រះសង្ឃ២៤៨អង្គ មកពី២៤៨វត្ត ក្នុង១អង្គ ១០០,០០០រៀល និងថវិកាដល់គណៈកម្មាធិការ អាចារ្យវត្ត ក្នុង១នាក់ ៥០,០០០រៀល  ហើយក៏បានចូលរួមប្រគេនចង្ហាន់និងអាហារ១០,០០០,០០០រៀល  សរុបការចំណាយក្នុងពិធីអស់ ជាង៥២,០០០,០០០រៀលផងដែរ ។

សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភា អញ្ជើញដឹកនាំបន្តសម័យប្រជុំរដ្ឋសភាលើកទី៣ នីតិកាលទី៧
---------------------------

វិមានរដ្ឋសភា នៅព្រឹក ថ្ងៃពុធ ៥រោច ខែកត្តិក ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២០ ខែវិច្ឆិកា ឆ្នាំ២០២៤ វេលាម៉ោង ៨:០០នាទី រដ្ឋសភានៃព្រះរាជាណាចក្រកម្ពុជា បានបន្តសម័យប្រជុំរដ្ឋសភាលើកទី៣ នីតិកាលទី៧ ក្រោមអធិបតីភាពដ៏ខ្ពង់ខ្ពស់ សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភា។

ត្រៀមសម្រាប់ក្មួយៗជ័យលាភី និងនិទ្ទេសAខេត្តកំពតឆ្នាំ២០២៤
...............................................................
ឯកឧត្តមបណ្ឌិត ប៉ែន ស៊ីម៉ន អ្នកតំណាងរាស្រ្តមណ្ឌលកំពត និងជាប្រធានគណៈកម្មាធិការទី១០ នៃរដ្ឋសភាជាតិ នឹងគ្រោងកម្មវិធីជួបសំណេះសំណាលជាមួយសិស្សជ័យលាភី ប្រឡងជាប់សញ្ញាបត្រមធ្យមសិក្សាទុតិយភូមិ និងនិទ្ទេសA ឆ្នាំ២០២៤ វេលាម៉ោង៨:០០នាទីព្រឹកនាថ្ងៃទី៣០ ខែវិច្ឆិកា ឆ្នាំ២០២៤ នៅពហុកីឡដ្ឋានខេត្តកំពត។

(បុណ្យកឋិនទានគណបក្សប្រជាជនកម្ពុជា ខេត្តកំពត)

គណបក្សប្រជាជនកម្ពុជា
បានរួបរួមគ្នាធ្វើកឋិនទាន
ដើម្បីប្រយោជន៍ផលបុណ្យជាស្ពាន
អានិសង្សមានដូចគ្នាទាំងអស់។

កឋិនដង្ហែទៅវត្តអូរធំ
យើងប្រមូលផ្តុំគ្រប់សប្បុរស
ធ្វើបុណ្យកឋិនដោយចិត្តស្មគ្រស្មោះ
ផលបុណ្យទាំងអស់ចូរមានគ្រប់គ្នា។

ពិធីបុណ្យកឋិនទានសាមគ្គី របស់គណបក្សប្រជាជនកម្ពុជា ខេត្តកំពត
រសៀលថ្ងៃទី៩ ខែវិច្ឆិកា ឆ្នាំ២០២៤
ឯកឧត្តមបណ្ឌិត​ ប៉ែន​ ស៊ីម៉ន​ ប្រធានក្រុមការងារគណបក្សចុះមូលដ្ឋានខេត្តកំពត តំណាងរាស្ត្រមណ្ឌលកំពត និងជាប្រធាន គណៈកម្មការអង្កេត បោសសំអាត និងប្រឆាំងអំពើពុករលួយនៃរដ្ឋសភាជាតិ បានអញ្ជើញចូលរួមក្នុងពិធី សូត្រមន្ត នមស្ការ​ ព្រះរតនត្រ័យ សមាទានសីល និមន្តព្រះសង្ឃសម្ដែងធម្មទេសនា នៅមន្ទីរគណបក្សប្រជាជនកម្ពុជាខេត្តកំពត ដើម្បីដង្ហែរអង្គកឋិនទានឆ្ពោះទៅកាន់​ វត្តគិរីរតន:​ហៅវត្តអូរធំ​ ក្នុងស្រុកទឹកឈូ​ ខេត្តកំពត៕

https://www.facebook.com/share/p/185kTz8wA8/

បញ្ជីរាយនាមបេក្ខជនជាប់ជា #ស្ថាពរ ទទួលអាហារូបករណ៍ចូលរៀនថ្នាក់បរិញ្ញាបត្រមិនបង់ថ្លៃសិក្សា ១០០% នៅ #សាកលវិទ្យាល័យភូមិន្ទភ្នំពេញ

#scholarship

តាមព័ត៌មានជាក់លាក់ពីអ្នកដែលជិតដិតនឹងលោកអ៊ុំ​ ឯកឧត្ដមបណ្ឌិត​ ប៉ែន​ ស៉ីម៉ន​ **សិស្សនិទ្ទេស​ A ទាំង​ 79នាក់​ របស់ខេត្ដកំពត​ នឹងទទួលបាន​ ម៉ូតូ​ Honda Beat (2025) ម្នាក់មួយគ្រឿង​ និងពានរង្វាន់​និទ្ទេសA (Crystal USA) ម្នាក់មួយ​ អមដោយទឹកប្រាក់​ 400 000រៀល​ ដូចរាល់ឆ្នាំ​។
#Kampot 💐

ឯកឧត្តមបណ្ឌិត ប៉ែន ស៊ីម៉ន ផ្ញេីសារលិខិតជូនពរ សូមគោរពជូន សម្តេចពិជ័យសេនា ទៀ បាញ់ ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសដ៏មហានក្ខត្តឫក្សឧត្តុង្គឧត្តម ប្រកបដោយសេចក្តីសោមនស្សរីករាយបំផុត នៃពិធីចម្រើនជន្មាយុ សម្តេចពិជ័យសេនា គម្រប់ ៧៨ ឈានចូល ៧៩ឆ្នាំ ដែលនឹងប្រព្រឹត្តទៅនៅថ្ងៃអង្គារ ៥កើត ខែកត្តិក ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៥ ខែវិច្ឆិកា ឆ្នាំ២០២៤។

សូមរាយការណ៍  !  ទទក ៥ ល្ងាចស្អែកលេខ៨និងITV ផ្សាយម៉ោង៧ ព្រឹកស្អែក  ចំណែកអប្សរាផ្សាយម៉ោង ១២ថ្ងៃត្រង់ស្អែក។  សូមអរគុណ។

ពិធីចែកសញ្ញាបត្រជូននិស្សិតជ័យលាភីបញ្ចប់ការសិក្សាកម្រិត បរិញ្ញាបត្រ និងបរិញ្ញាបត្ររង នៃសាកលវិទ្យាល័យអង្គរខេមរា
ខេត្តកំពត៖ នាព្រឹកថ្ងៃ សៅរ៍ ២រោច ខែអស្សុជ ឆ្នាំ រោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ១៩ ខែតុលា ឆ្នាំ២០២៤ នៅសាលសន្និសិទបូកគោ ឯកឧត្ដមបណ្ឌិត ប៉ែន ស៊ីម៉ន តំណាងរាស្រ្តមណ្ឌលកំពត និងជាប្រធានគណៈកម្មាធិការអង្គេតបោសសំអាត និងប្រឆាំងអំពើពុករលួយ នៃរដ្ឋសភាជាតិ អញ្ជើញចូលរួមជាអធិបតី ក្នុងពិធីចែកសញ្ញាបត្រជូននិស្សិតជ័យលាភីបញ្ចប់ការសិក្សាកម្រិតបរិញ្ញាបត្រ និងបរិញ្ញាបត្ររង នៃសាកលវិទ្យាល័យអង្គរខេមរា ដោយមានការចូលរួមពីសំណាក់ ឯកឧត្តម តាក់ ហាប់ ប្រធានក្រុមប្រឹក្សាខេត្ត ឯកឧត្តម ម៉ៅ ធនិន អភិបាល នៃគណៈអភិបាលខេត្តកំពត ឯកឧត្ដម លោកជំទាវ សមាជិក សមាជិកាព្រឹទ្ធសភា រដ្ឋសភា ក្នុង ជួររាជរដ្ឋាភិបាលឯកឧត្តម លោកជំទាវ សមាជិកក្រុមប្រឹក្សាខេត្ត លោក លោកស្រី អភិបាលរងខេត្ត អស់លោក លោកស្រីប្រធានមន្ទីរអង្គភាពជុំវិញខេត្ត  សាកលវិទ្យាធិការ សមាជិកក្រុមប្រឹក្សាភិបាល គណៈគ្រប់គ្រង សាស្រ្តាចារ្យ លោក លោកស្រី និងសិស្សនិស្សិតទាំងអស់សរុបប្រមាណ ១,៣០០នាក់។ មានប្រសាសន៍ក្នុងឱកាសនេះ ឯកឧត្ដមបណ្ឌិត ប៉ែន ស៊ីម៉ន បានចូលរួមអបអរសាទរចំពោះសិស្សនិស្សិតជ័យលាភីទាំងអស់ ដែលបានបញ្ចប់ការសិក្សា និងទទួលសញ្ញាបត្រនៅថ្ងៃនេះ បានសម្តែងការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ក្រុមប្រឹក្សាភិបាល គណៈគ្រប់គ្រង បុគ្គលិក សាស្រ្តាចារ្យនៃសាកលវិទ្យាល័យអង្គរខេមរា ក្នុងការសម្រេចបាននូវលទ្ធផលគួរជាទីមោទនៈ ទាំងការបណ្តុះបណ្តាលនិស្សិតប្រកបដោយគុណភាព ចំណេះដឹង និងសីលធម៌ខ្ពស់  ។ ឯកឧត្តមបានបន្តទៀតថាទាំងការអភិវឌ្ឍកម្មវិធីសិក្សាដោយផ្តោតលើការអនុវត្តការងារជាក់ស្តែង  និងបានលើកឡើងពីឥទ្ធិពលនៃបញ្ញាសិប្បនិម្មិត AI ក្នុងការសិក្សារៀនសូត្រ ដូចជាការឆ្លើយតបទៅតាមតម្រូវការរបស់សិស្សនីមួយៗ និងចំណង់ចំណូលចិត្តផ្សេងៗគ្នារបស់សិស្ស។ ក្រៅពីនេះ បញ្ញាសិប្បនិម្មិត ក៏អាចប្រើប្រាស់សម្រាប់ជួយគាំទ្រសាស្ត្រាចារ្យ អាចរៀបចំជាប្រព័ន្ធធ្វើតេស្ត ប្រព័ន្ធវាយតម្លៃការសិក្សាដែលមានលក្ខណៈស្វ័យប្រវត្តិ ជួយកាត់បន្ថយការងាររបស់គ្រូបង្រៀន ដើម្បីឱ្យគ្រូបង្រៀនផ្តោតលើការជួយគាំទ្រ និងទំនាក់ទំនងជាមួយសិស្សផ្ទាល់ទៅតាមស្ថានភាពជាក់ស្តែង ឆ្ពោះទៅរកការសិក្សាពេញមួយជីវិត ក្នុងយុគសម័យថ្មី។
ឯកឧត្ដមបណ្ឌិត បានគូសបញ្ជាក់ថា ការទទួលបានសញ្ញាបត្រនាថ្ងៃនេះគឺមិនទាន់គ្រប់គ្រាន់ទេសម្រាប់ជីវិតនៃការសិក្សារបស់សិស្សនិស្សិត គឺត្រូវបន្តសិក្សារៀនសូត្របន្ថែមនៅកម្រិតសិក្សា និងនៅកន្លែងការងារបន្ថែមទៀត ដើម្បីពង្រីកចំណេះដឹងរបស់ខ្លួនឱ្យកាន់តែទូលំទូលាយ ពោលគឺត្រូវបន្តរៀនសូត្រពេញមួយជីវិត ឬក៏អាចនិយាយម្យ៉ាងទៀតថាគ្មានទេទីបញ្ចប់នៃការសិក្សា។ ឯកឧត្ដមបណ្ឌិត បានចូលរួមអបអរសាទរជាមួយសិស្សនិស្សិតជ័យលាភីទាំង ២៥០ នាក់ និងសូមឱ្យបន្តបណ្តុះបណ្តាលធនធានមនុស្សទាំងអស់គ្នាចូលរួមបន្តលើកស្ទួយគុណភាពវិស័យអប់រំ ឱ្យកាន់តែល្អប្រសើរថែមទៀត ដើម្បីរួមចំណែកជាមួយរាជរដ្ឋាភិបាល  ក្នុងការអភិវឌ្ឍធនធានមនុស្សនៅកម្ពុជា  ។ ឯកឧត្តមបណ្ឌិត ប៉ែន ស៊ីម៉ន បានអញ្ជើញចែកជូនថវិកាដល់និស្សិតជ័យលាភី ម្នាក់ៗថវិកា ៥០,០០០រៀល និស្សិតសកលវិទ្យាល័យ អង្គរខេមរា ៣៥០នាក់ ម្នាក់ៗ ៥០,០០០រៀល គរុសិស្សជំនាន់ទី៤០ ៣៦ នាក់ ម្នាក់ៗ ៥០,០០០រៀលផងដែរ៕