Osiyo texnologiyalar universiteti

#profilaktik_tadbir

⚡️ "YOSHLAR ORASIDA GIYOHVANDLIK VOSITALARINING TARQALISHIGA QARSHI KURASH” MAVZUSIDA PROFILAKTIK TADBIR O‘TKAZILDI

👥 Bugun, 21-noyabr kuni Osiyo texnologiyalar universitetining faollar zalida yoshlar orasida giyohvandlikning oldini olish va sog‘lom turmush tarzini keng targ‘ib qilish maqsadida "Yoshlar orasida giyohvandlik vositalarining tarqalishiga qarshi kurash” mavzusida huquqiy-profilaktik tadbir o‘tkazildi.

👥 Unda Yoshlar masalalari va maʼnaviy-maʼrifiy ishlar bo‘yicha birinchi prorektor E.Ibragimov, rektor maslahatchisi R.Bozorov, Qashqadaryo viloyati DXX boshqarmasi mas’ul xodimlari O.Toshtemirov, I.Tojiyev, viloyat Ichki ishlar boshqarmasi mas’ul xodimi A.Rashidov hamda talaba-yoshlar ishtirok etdi.

📌 Tadbir davomida ma'ruzachilar tomonidan giyohvandlik moddalarining inson salomatligi uchun keltiradigan zararlari, uning inson va jamiyat kelajagi uchun katta tahdid ekanligi, giyohvandlikning ko‘plab tuzalmas kasalliklarni keltirib chiqarishi xususida batafsil ma'lumot hamda tushunchalar berib o'tildi.

⭐️ Shuningdek, mas'ullar talabalarga O‘zbekiston Respublikasi qonunchiligida giyohvand moddalarni iste’mol qilish, saqlash yoki tarqatishga nisbatan qat’iy taqiqlar belgilanganligi hamda jinoiy javobgarlik turlari to'g'risida alohida ta'kidlab o'tdilar.

➡️ Ushbu profilaktik tadbir orqali talabalarga zararli odatlardan saqlanish, sog‘lom va ma’naviy yetuk hayot kechirish bo‘yicha muhim tavsiyalar berildi. Yakunda yig'ilganlar o'zlarini qiziqtirgan barcha savollariga mas'ullar tomonidan javoblar olishdi.

🫥🫥🫥🫥🫥🫥🫥🫥🫥
Ijtimoiy tarmoqlarimiz:
🌐 Veb-sayt  | 🔹 Instagram
🔹 YouTube  | 🔹 Telegram

🟦🟦🟦🟦

🧠 “ZAKOVAT" INTELLEKTUAL O'YININING 8-TUR BELLASHUVLARI BO'LIB O'TDI

👥 Joriy yilning 21-noyabr kuni Osiyo texnologiyalar universitetida “ZAKOVAT” intellektual o'yinining navbatdagi 8-tur bellashuvlari o'tkazildi. Ushbu intellektual o'yin talabalarga o'z bilimlarini sinab ko'rish va o'zaro tajriba almashish imkonini berdi.

📌 Qiziqarli va keng munozaralarga boy oʻtgan "Zakovat" intellektual oʻyinining 8-turida "FEMIDA" jamoasi peshqadamlikni qo'ldan boy bermadi.

➡️ "Zakovat" intellektual o‘yini yana davom etadi. Keyingi turlarda talabalarni yanada murakkab savollar va kuchli raqobat kutmoqda!

🫥🫥🫥🫥🫥🫥🫥🫥🫥
Ijtimoiy tarmoqlarimiz:
🌐 Veb-sayt  | 🔹 Instagram 
🔹 YouTube  | 🔹 Telegram

🟥🟥🟥

⚡️ XALQARO HAMKORLIK IZCHIL RIVOJLANMOQDA

👥 Xabaringiz bor, joriy yilning 15-noyabr kuni universitetimizda “Globallashuv davrida filologiya fanlarini o‘qitishning dolzarb muammolari” mavzusida xalqaro ilmiy-amaliy konferensiya bo‘lib o‘tgan edi. Ushbu xalqaro anjumanda Turkiyaning nufuzli Ushak universiteti dotsenti Dr. Arif Yilmaz ham faol ishtirok etib, o‘zining qimmatli fikrlari va ilmiy tajribasi bilan o‘rtoqlashgan edi.

📨 Bugun esa, janob Arif Yilmaz tomonidan Osiyo texnologiyalar universiteti rahbariyati hamda jamoasiga yo‘llangan samimiy minnatdorchilik maktubi bizni yanada ilhomlantirdi. Mazkur maktubda universitetimizning yuqori darajadagi tashkilotchiligini, ilmiy hamkorlikdagi ochiqlik va mehmondo‘stlikni yuksak baholadi.

➡️ Bu kabi e’tirof xalqaro hamkorlikni yanada mustahkamlash va yangi marralarga intilishimizga zamin yaratadi!

🫥🫥🫥🫥🫥🫥🫥🫥🫥
Ijtimoiy tarmoqlarimiz:
🌐 Veb-sayt  | 🔹 Instagram
🔹 YouTube  | 🔹 Telegram

👥 TALABALAR XONOBOD QO‘RG‘ONIDA JOYLASHGAN 63226-SONLI HARBIY QISMGA TASHRIF BUYURISHDI

📄 Bugun, 20-noyabr kuni talaba-yoshlarni vatanparvarlik va Vatanga sadoqat ruhida tarbiyalash, ularni harbiy qismda mavjud moddiy-texnik baza bilan yaqindan tanishtirish maqsadida Osiyo texnologiyalar universiteti talabalari Havo hujumidan mudofaa qo‘shinlari va Harbiy havo kuchlari qo‘mondonligi tasarrufidagi Qarshi tumani Xonobod qo‘rg‘onida joylashgan 63226-sonli harbiy qismga tashrif buyurishdi.

👥 Tashrif davomida talabalar harbiy qismning moddiy-texnik bazasi, jangovar texnika va uskunalar, maxsus trenajyorlar hamda o‘quv jarayonlari bilan tanishishdi. Harbiy xizmatchilar tomonidan harbiy qismning asosiy vazifalari, texnika va qurollarning imkoniyatlari hamda zamonaviy harbiy texnologiyalar haqida batafsil ma’lumot berildi.

📌 Shuningdek, harbiy qism boshlig'i o'rinbosari E.Berdiyev yoshlarga o'zlarining hayotiy tajribasi, harbiylik kasbining mashaqqati hamda mas'uliyati, har bir yosh Vatanni sevishi va ardoqlashi, uni himoya qilishi, yurtidan faxrlanish hissi bilan yashashi kerakligi borasidagi fikr-mulohazalari bilan o'rtoqlashdi.

➡️ Talabalar ishtirokida uyushtirilgan bu kabi tashriflar yosh avlodni Vatan ravnaqi yo‘lida o‘z mas’uliyatini anglashga, fidoyilik ruhida shakllanishiga xizmat qiladi.

🫥🫥🫥🫥🫥🫥🫥🫥🫥
Ijtimoiy tarmoqlarimiz:
🌐 Veb-sayt  | 🔹 Instagram
🔹 YouTube  | 🔹 Telegram