OCA (ATKO )

Guyyaa 05/05/2017
Induustrii Konistraakshinii Aammayyeessuuf Hojjetamaa Jira
-----------------

Induustiriin Konistiraakshinii carraa hojii bal’aa keessummeessuun dinagdee biyyaa ceesisuu keessatti shoora olaanaa kan qabudha. Mootummaanis sektaricha ammayyeessuuf xiyyeeffannoo olaanaan hojjechaa jira.

Abbaan Taayitaa Konistiraakshinii Magaalaa Shaashamannee teknoloojii induustirii yeroon gaafatu hojiirra oolchuun sektericha ammayyeessuuf xiyyeeffannaadhaan hojjechaa jira.

Abbaan Taayitichaa tajaajila yeroon gaafatu kennuuf leenjii dandeettii raawwachiisummaa ogeessota sadarkaan jiraniif nannoo oromiyaatti kenname hordofee ogeeyyiin leenjicha fudhatan hubannoo argatan oggeeyyii abbaa Taayitaa magaalichaa sadarkaan jiaraniif kennan. Guyyaa har’aas ogeessota teknoloojii 'Building Information Modeling' (BIM) irratti Inistiitiyuutii Maanajimantii Konistiraakshinii Federaalaatiin leenji’aa turan gara hojiitti galuuf sochiin taasifamaa jira.

Leenjii kana irratti argamuun ergaa kan dabarsan Itti Gaafatamaan Abbaa Taayitaa Konistiraakshinii Magaalaa Shaashamannee obbo Kamaal Amaan akka jedhanitti rakkoowwan induustirii konistiraakshinii keessatti mul’atu maqsuuf hojjetamaa jirachuu ibsuun, Leenjiin teknoloojii 'Building Information Modeling' (BIM) ogeessotaaf kenname rakkoowwan qulqullina irratti jiru furuu keessatti gahee olaanaa kan qabu ta’uu himaniiru.

Induustirii konistiraakshinii foyyeessuuf Abbaan Taayitaa Konistiraakshinii Magaalaa shaashamannee Sistema Furtuu Hojii irra oolchuun kenna tajaajola foyyeessuun bu'aawwan abdachiisaa galmeessisuun kenna tajaajila si'ataa fi dhaqqabamaa taasiisuun qisaasama bajataafi tutuqqiiwwaan hedduu hanbisuu himuun, Siistama 'BIM' immoo qulqullina ijaarsa, yeroo ijaarsa, gama qisaasama baasii xiqqeessuu danda'amuun hojjachuuf kan gargaaru waan ta'eef yeroo torbee tokko hin caalleetti hojii irra kan oolchanu ta'uu himanii jiru.

Teknoloojicha qixa barbaadamuun hojii irra oolchuuf sektarri konistiraakshinii kutannoo olaanaadhaan kan hojjetamu ta’uu ibsuun,, hudhaawwan hedduun xaxamaa jiru ammayyeessuuf hojjetamaa kan jiru ta’uu himaniiru.

Teknoloojii 'Building Information Modeling' (BIM) irratti ogeessota Abbaa Taayitaa Konistiraakshinii magaalichaa leenjii hubannoo argatanis sistamichi qisaasama qabeenyaafi humna namaa hambisuun induustiricha kan ceesisudha jedhan. Kana malees ragaa guutuu kennuun rakkoo iftoominaa jiru kan hambisu akka ta’e eeraniiru. Ogeessonni leenjicha fudhatanis hojii qabatamaatti jijjiiruun qaama furmaataa sektarichaa ta’uu akka qabanis waadaa galaniiru.

Sistama kana hojjiiraa oolchuuf deeggarsaafi tumsa qaamoota garagaraa kan gaafatu, ta'uufi qaamoota milkaa'ina hojii kanaatiif qooda isaanii bahan obbo Kamaal galateeffatanii jiru

Guyyaa 03/05/2017
Abbaan Taayitaa Konistiraakshinii Oromiyaa Ogeessota BIM (Building information modeling) irratti leenjii Kenne.
Rakkoo Qulqullina Diizaayinii fi Ijaarsa Piroojektoota gamoo Waliin walqabate akka Naannoo keenyaatti jiru maqsuuf Abbaan Taayitaa Konistiraakshinii Oromiyaa Inistitiyuutii Maanaajimantii Federaalaa Waliin ta'uudhaan Ogeessota 21 Godinaa fi magaalota gara garaa irraa Guyyoota 16f Leenjisiisaa ture guyyaa har’aa leenjii xumuraniru.
Xumura Leenjii kanaa irrattis Inj.Leensaa Margaa ATKOtti Itti Aantuu Daayreektera Olaanaa fi Hooggantuun Damee Reegulaatorii ATKO, Inj. Gaaromsa Baqqalaa Bakka Bu’aa Damee Qorannoo fi Qo’annoo akkasumas Inj.Fallaqaa Asaffaa Daayrekteera Ce’umsa Teekinoolojii konistiraakshini Inistitiyuutii Manaajimantii Federaalaa irraa bakka argamanitti haala ho’aan goolabame jira.
Inj. Leensaa Margaa niis Ergaa Leenjifamtootaaf dabarsaniin Leenjii argattan kana irra deddeebitanii shaakaluudhaan hojiitti jijjiiruu qabdu jedhaniiru. Hojii dadhabsiisaa fi boodatti hafaa keessaa bahuun gara ceehumsa Tekinooloojii BIM (Building information modeling) kanatti fayyadamuun qisaasama yeroo fi Baasii akkasumas qindoomina hojii qophii fi ijaarsaa daran fooyyeessuun piroojektootni gamoo qophii ijaarsaa hanga xumura ijaarsaatii bifa qindoominaa fi karoorfameen akka raawwatamu waan taasisuuf xiyyeefannoo addaan hojii qabatamaatti akka jijjiran akeekaniru. Gamoowwan abbaa Darbii G+4 fi isaa ol ta’aniif mala qophii dizaayini kanaan akka hojirra oolu armaan dura caasaale sadarkaan jiraniif beeksifamuun isaa yaadachiisaniru. Xumura irrattis Inistitiyuutii Manaajimantii Federaalaa fi Leenjistoota Leenjii kana Ogeessotaaf laachaa turanif deeggarsa yeroo adda addaa itti fufinsan mana hojichaaf taasisaa turanif haala addaan galateeffataniiru.
Inj. Gaaromsaa Baqqallaa niis, Leenjii kenname gara hojitti jijjiruun bu’aa qabatamaa akka argamsiisuu qabu hubachisuun deeggarsa barbaachisaa ta’e yeroo fi bakkaan osoo hin daangeeffamiin akka taasisan beeksisani jiru.
Leenjifamtootnis Carraa leenjii Tekinoloojii BIM (Building information modeling) qindoomina ATKOtti fi Inistitiyuutii Maanaajimentii Feederaalaan kennameef galateeffachuun, Carraan leenjii kuni bal’inaan akka kennamuu qabu, Kompitaraa fi Sooftwerii hojirraa oolmaa teekinoloojichaaf kan gargaaraan irratti xiyyeeffanoon akka kennamu qabu beeksisani jiru.
Xumura Leenjii irrattis Waraqaan Ragaa Leenjifamtootaaf kennun Xumurameera!

Guyyaa 03/05/2017
Gamoo G+2 Waajjira Poolisii Magaalaa Beddellee Godina Buunnoo Beddellee Magaalaa Beddellee keessatti ijaarsi isaa Kontiraaktera EY Konistiraakshinii jedhamuun waggaa 2 keessatti xumuruudhaaf gaafa Guyyaa 20/06/2015 Qarshii 36,841,326.14 dhaan Kan Waliigalame , yeroo itti waliigalame osoo hinxumuramin Cimina kontiraakterichaa fi Degersaa fi Hordoffii Abbaan Taayitaa Konistiraakshinii Godina Buunnoo Beddellee taasiseen gamoo qulqulinaan ijaaramee xumuramee jiru.

Guyyaa 29/04/2017
Abbaa Taayitaa Konistiraakshiinii Godina Arsii Lixaa kabaja Ayyaana Qillee Bara 2017 sababeeffachuun hojiilee kenna tajaajila eegalchiise.

Sagantaa hojii kenna tajaajilaa lammummaa  taasifame kana irratti argamuun sochii misoomaaf hawaas-diinagdee biyyaa utubuuf hojiilee tajaajila lammummaa cimsuuf yaadamee ijaarsi mana jireenya maatii harkaa qalleeyyiif kan taasisame ta'uu Ittigaafatamaan Abbaa Taayitaa Konistiraakshiinii Godina Arsii Lixaa Engineer Anbassee Bulloo himan.

Hordoftoota amantaa Kiristaanaa naannoo fi biyya keenyaa maraan baga Ayyaana Qillee kan bara 2017 ittiin isin gahe.

Ayyaanni kun kan  gammachuu,kan jaalaalaa fi Nageenyaa Isiniif ha ta’u

                 Ayyaana gaarii.

Abbaa Taayitaa Konistiraakshinii Oromiyaa.

Guyyaa 22/04/2017
Koreen Manaajimantii Abbaa Taayitaa konistiraakshinii Oromiyaa Gamaggama raawwii hojii kurmaana 2ffaa bara 2017 taasiseen cimanaa fi hanqina jiru ilaaleera.
Bu'uuruma kanaan ciminni jiru itti fufee hanqina jiru kurmana 3ffaa keessatti akka fooyya'uu qabu Inji.Leensaa Margaa Itti Aantuu Daayreektera Olaanaa Damee Reguraatorii ATKO kallattii ka'aniiru

Qinddeesummaa Komishiinii Naamusaa fi Farra Malaammaltummaa Naannoo Oromiyaatiin leenjiin hubannoo uumuu kenname.
===============================
Abbaan Taayitaa Konistiraakshinii Oromiyaa Akkasumas qoodaa fudhatoota IK addaa addaatiin leenjiin mata duree seera, safuu, qorannoo addaa addaa IK irratti akkasumas haala qabatamaa IK Naannoo keenyaa irratti guyyoota sadiif Magaalaa Shaashamanneetti leenjii huubannoo uumu qooda fudhattootaaf kename.leenjii kana irratti Itti Aantuun Daayirekteera Olaanaaf  Hoggantuun Damee Regulaatorii  Abbaa Taayitichaa Inj.Leensaa Margaa dokimenti Haala qabatamaa industirii ijaarsaa fi tarkaanfiiwwan gurguddoo jedhu dhihessuun  irratti mar'atamee jira


Leenjii kana cinattis bakka hoggantoonni ol aanoofi qaamoleen qooda fudhattoota garaagaraa argamanitti  Pirojektootaa magalichatti argaman daawwanna taasisuun duub_deebiin addaa addaa kenamee irratti mari'atamee jira

Mudde 17,2017
Guyyaan Kabaja Yaadannoo  Mirga Daa'immanii fi HIV/AIDS  akka Abbaa Taayitaa Konistiraakshinii  Oromiyaatti kabajame.

Abbaan Taayitaa Konistiraakshinii Oromayaa kabaja guyyaa ayyaanaa daa'immanii  Akka aduunyaatti yeroo 35ffaa, Akka biyya keenyaatti yeroo 19ffaa fi guyyaa yaadannoo HIV/AIDS Akka aduunyaatti yeroo 37ffaa ,Akka biyyaa keenyaatti yeroo 36ffaaf akkasumas Guyyaa Rivayini Adii sirnoota ho'aan kabaje.

I/A.Daayreektera  Olaanaa fi Hoggantuun Damee Reeguulaatorii  Abbaa Taayitichaa Inj.Leensaa Margaa  hasawaa banisaa taasisan irratti
Waa'ee  daa'immanii fi dubartootaa yeroo haasofnu  waa'ee dhaloota boru yaaduu ta'usaa barre, dhaloota egaree kana immoo fayyummaan isaa egame misooma biyya keessatti hirmaate bu'aa galmeesisu akka danda'u irratti   hojjechu qabna jedhaniru.
Sirnichaa irratti karaa ogeessota biiroolee garagaraa waa'ee HIV/AIDS, mirga daa'immanii fi dhimma dubartootaa irratti hubannon kennameraa.

Guyyaa 27/03/2017
Abbaa Tayitaa Konistiraakshinii  Oromiyaatti Guyyaan Farra malaanmaltummaa kabajame.

Hoggansii fi Hojjettootni  Abbaa Taayitaa Konistiraakshinii Oromiyaa  sadarkaa Naannoo irra jiran Guyyaa Farra malaammaltummaa  akka Adunyaatti yeroo 21ffaa,akka Biyyaatti yeroo 20ffaa akka Naannootti yeroo 19ffaa kabajamu  Daadhannoo  ‘’Dhaloota safuu fi Naamuusa gaariin ijaaruun , Badhaadhina hunda galeessaaf ‘’ jedhuun  kabajameera.
Sirna kabaja Ayyanichaa irratti haasa’aa kan taasisan Inj. Leensaa Margaa Itti Aantuun Daayreektera olaanaa  fi Hoggantuun dame reguraatorii Abbaa Taayitichaa Malaanmaltummaan gocha duudhaa fi safuu uummataan ala ta’e Badhaadhina biyyaa fi diinagdee haawsaa qucarsuudha jedhanii ; gocha badaa kana balaaleffachuun hojjetoonni Abbaa Taayitichaa namuusa waloo qabaachuun hojii isaanii qixa Safuu fi duudhaa hawaasaa eegeen hojjechuun badhaadhina biyyaa keesatti qooda irraa eegamu bahachuu qabu jechuun dubbataniiru.

Sirna kabaja Ayyaaanichaa irratti barreffamni ka’umsa mariif Oolu Univarsitii Naannoo Oromiyaatti Barsiisaaf Qorataan Aadaa Ob. Leeniin Quuxoo tiin dhiyaatee irratti mari’atameera.

Xumura irrattis Hojjettoota Abbaa Tayitichaa  hojii isaaniitiin fakkeenyummaa fi  Naamusa gaarii qabaniif beekkamtiif onnachiftuun  kennameera.

Walii galteen nageenyaa Mootummaa Naannoo Oromiyaafi Qondaaltota WBO gidduutti mallatteeffame
~~~

Mootummaan Naannoo Oromiyaa naannicha keessatti qilleensi nagaa bubbisee uummanni Oromoos boqonnaa argatee hojii hawaas dinagdee irratti fuuleffachuun badhaadhina maatiifi biyyaa keessatti shoora isaa akka bahatuuf xiyyeeffannaan hojjechaa tureera, hojjechaas jira. Dhibdeen Oromoofi Oromiyaa Karaa nagaa akka furamuufis nuffi tokko malee walitti fufiinsaan waamicha nagaa taasisaa tureera.

Qaamoleen quuqamni Oromummaa Manaa isaan baaseefi dhibdeen siyaasa Oromoo afaan qawween qofaan fala argata jedhanii yaadaa turan miseensonni WBO hedduunis ejjennoo mootummaan Nageenya waaressuuf qabuufi waamicha isaaniif dhihaachaa ture fudhatanii karaa nagaa galaa turaniiru.

Yeroo ammaas Mootummaan Naannoo Oromiyaa egereefi hiree ummata Oromootiif jecha garaagarummaa jiru dhiphisuun naannicha keessatti nageenya waaraa fiduuf qondaaltootaafi miseensota WBO waamicha nageenyaa fudhatan waliin mariin taasifamaa jiru milkaa’aadha.

Guyyaa har’aas Hooggansa Olaanoo Mootummaa Naannoo Oromiyaafi qondaaltota WBO gidduutti walii galteen araaraa mallatteeffameera. Walii galtee kana gama mootummaa Naannoo Oromiyaan kan mallatteessan Pirezedaantii Mootummaa naannoo Oromiyaa Obbo Shimallis Andiisaa yoo ta’an, gama WBOn ammoo qondaala olaanoo WBO kan ta’an Obbo Sanyii Nagaasaatu mallatteesse.

Pirezedaant Shimallis saganticha irratti WBO Waamicha Uummataafi Mootummaa simatanii qabsoo Karaa nagaa filatan galateeffatanii wal dhabdeen keessoo Oromoo diinotaaf Karaa banuu irraa kan hafe Oromoof faayidaa homaa akka hin qabne kaasaniiru.

Qondaalli WBO Obbo Sanyii Nagaasaan kan nufide waamicha uummanni taasise simachuufi dararaan Oromoo hafee qilleensi nagaan Oromiyaaf akka bubbisu yaadneeti jedhan.

Araarri bu'uura Nageenya waaraati!
Tokkummaan Oromoo ijaarsa biyyaaf!
Mareef marabbaan duudhaa sirna Gadaati!
Elaaf elaameen waldhabdee furuun Nageenya Waaressa!

[Sadaasa 17/2017]
Magaalaa Mojootti Abbaan Taayitaa Konistiraakshinii Oromiyaa Hojii Tajaajila Lammummaatiin Mana Haadha Harka-qalleettii Baasii Qarshii Kuma 700'n jaarsise Eebbisuun Wal-harkaa Fuudhinsa Gaggeesse.
።።።።።።።።።
Sagantaa eebba manaa kanarratti Daayreekteera Olaanaan Abbaa Taayitaa Konistiraakshinii Oromiyaa Injinar Naatinaa'eel Geetaahun, Itti Aanaan Kantiibaa Bulchiinsa Magaalaa Mojoo Obbo Isheetuu Shuumii, Itti Aantuun Daayreektera Olaanaa fi Hoggantuun Damee Reeguulaatorii Abbaa Taayitaa Konistiraakshinii Oromiyaa Injinar Leensaa Margaa, Waajjira Paartii Badhaadhinaa Magaalaa Mojootti Itti Gaafatamaan Ijaarsaa Obbo Ahimad Ibraahim, Itti Gaafatamaan Waajjira Konistiraakshinii Bulchiinsa Magaalaa Mojoo Obbo Ashannaafii Tiniintii fi keessummootni adda addaa bakka argamanitti manni Viillaa haadha harka-qalleettiif ijaarame eebbifamuun furtuun dabarfamee kenname.

Daayreektera Olaanaan Abbaa Taayitaa Konistiraakshinii Oromiyaa Injinar Naatinaa'eel Geetaahun haasawa taasisaniin, kallattii Paartiin Badhaadhinaa fi Mootummaan jijjiiramaa kennaaniin hojiilee boonsaa fi gammachiisaan gama hojii tajaajila lammummaatiin hojjetamaa jiran lammiilee keenya namoota harka-qalleeyyii tumsaa fi deeggarsa barbaadaniif hirkoo ta'uun qabatamaatti duudhaa gaarii babal'isaa jiraachuu ibsaniiru.

Akka Abbaa Taayitaa Konistiraakshinii Oromiyaattis hojiileen tajaajila lammummaa adda addaa lammiilee keenya rakkoo keessa jiraniif tumsaa fi deeggarsa ta'an hojjetamaa jiraachuu Injinar Naatinaa'eel dubbatanii, bara darbe Magaalaa Mojootti Manneen Viillaa sadii ijaaruun namoota harka-qalleeyyiif gumaachuu ibsanii, bara kanas magaaluma Mojootti Mana haadha Harka-qalleettii Viillaa tokko baasii qarshii Kuma 700'n ijaaruun guyyaa har'aa eebbbisanii wal-harkaa fuudhinsa furtuu taasisuu dubbataniiru.

Itti Aanaan Kantiibaa Bulchiinsa Magaalaa Mojoo Obbo Isheetuu Shuumii gamasaaniitiin haasawa taasisaniin, tajaajilli lammummaa duudhaa boonsaa waan qabnu walitti fiduun waliin taanee rakkoo lammiilee keenyaa waloon kan ittiin hiiknuu fi hirkoo dhugaa waliif kan ittiin taanu; gaarummaa hojjennuuf immoo kan eebba ittiin argannu hojii eebbifamaa fi jaalatamaa cimee itti fufuu qabu ta'uu ibsanii, Abbaan Taayitaa Konistiraakshinii Oromiyaas hojii eebbifamaa fi jaalatamaa kana Magaalaa Mojootti namoota keessattuu haadholii deeggarsa hin qabneef bara darbe fi bara kana manneen sadarkaa isaanii eeggatan afur ijaaruun tumsa taasisaniin maqaasaanii fi maqaa Bulchiinsa Magaalaa Mojootiin guddaa galateeffataniiru.

Haati manni ijaarameefis Abbaa Taayitaa Konistiraakshinii Oromiyaa fi Bulchiinsa Magaalaa Mojoo akkasumas qaamolee hojii eebbifamaa kana isaaniif raawwatan hunda eebbisuun galateeffataniiru.

https://youtu.be/lW9-G1CjTVI?si=aTuYa66GZlNP5uTr

Qoranno Gabaa

Guyyaa 29/02/2017
Kabaja hundeeffama Waggaa 5ffaa Paartiii Badhaadhinaa fi Konfiraansii Hundee paartii konistiraakshinii.
Baga geenye!
=========================
Inj.Leensaa Margaa I/A/Dasreektara Olaanaa Damee Reguratoorii ATKO kabajni hundeeffama waggaa 5ffaa Paartii Badhaadhinaa kun milkaahinoota gurguddoo gama siyaasaa, diinagdee fi hawaasummaatiin argaman qixaan hubachuudhaan injifannoo caalmaatti cehuudhaaf qophaa’ummaa ol’aanaa goonfachuun kan kabajamudha jedhan.

Milkaa'inoota jiran itti fufsiisuun milkaa'inoota biroo milkeessuuf paartii hojjetaa jiru ta'uu isaa miseensotni paartii badhaadhinaa koonfiransicha irratti kaasani jiru.

Galmoota Badhaadhinaa qabame milkeessuufis karaa guutuu ta'een nuti miseensotni paartichaa dirqama nu irraa eegamu baa'achuu qabnas jedhaniit jiru

Guyyaa 27/02/2017
Humna abjuu guddina amansiisaaf

Abbaan Taayitaa konistiraakshinii Oromiyaa miseensota mana hojichaaf leenjii humna abjuu guddina amansiisaaf jedhu irratti kennaa jira.

Leenji kanaaf barreeffama qophaa'e ifa kan taasisan It/A/ Day / Olaanaa ATKO Inj.Leensaa Margaa karaa ifaa fi qabatamuu danda'uun leenjichi akka hubatamuuf ibsa ga'aa kennanii jiru.

Dokomantiin dhiyaatu softi koppi waliin akka dhufu.pdf

Guyyaa 28/1/2017
Ergaa hojii kominikeeshiniifi miidiyaa torbee 4ffaa Fulbaana 2017
Ergaa ijoo:
1.Dinagdee damdaneessa, badhaadhina hunda galeessaaf!
Ergaalee torbee kanaa:
1.Bulchuun Gandaa; buluunis Ganda!
2.Kunuunsa gaarii, oomishtummaa olaanaaf!
3.Gurmaa’insa Gandaa tajaajila si’ataaf!
4.Gaaddisa marii; nagaa waaraaf!
5.Humna waloo; Icciitii milkaa’ina keenyaa!
6.Oromiyaan qe’ee misoomaati!
7.Magaalota ammayyaa; jireenya fooyya’aaf
8.Fayyaan maatii fayyaa hundaati!
9.Hundi Barnootaaf; Barnoonnis hundaaf!
Torban hojii gaarii!
Biiroo Kominikeeshinii Oromiyaa

Baga kabaaja Ayyaana Irreechaa Bara Kanaa Nagaan Geenye.
  Abbaa Taayitaa Konistiraakshinii Oromiyaa. Ayyaana Gaarii.

Baga  Ayyaana Masqalaa  Bara 2017 Nagaan Isin gahe Ayyaana Gaarii.
  Abbaa Taayitaa Konistiraakshinii Oromiyaa.

Guyyaa 11/01/2017
Abbaan Taayitaa konistiraakshinii Oromiyaa harka qalleeyyii Magaalaa Roobee kutaa Magaalaa Gobbaa keessa jiraataniif mana jireenyaa qarshii 900,000 oliin ijaaruu eegale.

Harka qalleeyyii nama gargaarsa hin qabne ganna roobaan bona hongeedhaan bara dheeraadhaaf rakkachaa turaniif ammas rakkoo keessa jiran Obbo Taaddasaa Ingidaa Magaalaa Goobbaa Ganda Finca'aa Boomaa keessa jiraataniif mana jireenyaa qarshii 994,914.15 ijaarsa isaa eegalera.

Obbo Tolosaa Naga'oo Bulchaa Kutaa Magaalaa Goobbaa akka jedhanitti Abbaan Taayitaa Konistiraakshinii Oromiyaa quuqamaa fi aantummaa Uummataa qabu irraa ka'uudhaan maatii rakkate kana qaqqabuu isaanitiif baayyee galateeffachaa hojii isaan jalqabsiisan kana qulqullinaan yeroo gabaabaa keessatti xumuramee galma yaadameef akka ooluuf kan hojjetan ta'uu himaniiru.

Abbaa Taayitichaatti It/A/Daayreektara Olaanaa damee reegulaatoorii kan ta'an Inj.Leensaa Margaa bakkichatti argamuun haasaa taasisaniin akka jedhanitti Abbaan Taayitichaa hojii idilee isaan alatti kenna tajaajila lammummaa waggaa waggaan karoorfatee hojjettoota isaa fi qooda fudhattoota isaa waliin barattoota harka qalleeyyii meeshaalee barnootaa guutachuu hin dandeenyee deggeraa,harka qalleeyyii mana hinqabneef mana ijaaraa akkasumas Ashaaraa magariisaa biqiltuu Dhaabaa fi kunuunsaa kan turan yommuu ta'u bara kanas namoota harka qalleeyyii mana jireenyaa hin qabnee magaalaa Jimmaa ,Mojoo fi Roobee keessatti hojjechuuf kan karoorfatan ta'uu fi guyyaa kanas magaalaa Roobee kutaa Magaalaa Gobbaa keessatti ijaarsa kana jalqabsiisuun Lammii deggeruun hojii gaarii waaqnis namnis jaallatu hojjechaa kan jirran ta'uu himuun badhaadhina waloo milkeessuuf hunduu tumsa isarraa eegamu ba'uu akka qabuu fi kenni tajaajila lammummaa cimee kan itti fufu ta'uu dubbataniiru.

Dhuma iarrattis maatiin deggersi taasifamee kunis Abbaan Taayitaa Konistiraakshinii Oromiyaa rakkoo isaanii kana hubatee qaqqabuu isaatti guddaa kan gammadan ta'uu fi qaama deggersa isaaniif taasisanis galateeffataniiru.