Oolmaa Guyyaa ⌛️

Aanga’aan bulchiinsa yeroo #Tigraay aggaammii ajjeechaa irraa ooluu himan

Naannoo Tigraayitti bulchaan Godina Giddu-galeessaa kan ta’an Obbo Solomoon Ma’aashoo Dilbata darbe hojiif magaalaa Aksuum irraa gara Maqalee imalaa osoo jiranii hidhattoota eenyummaan isaanii hin beekamneen yaalii ajjeechaa irratti raawwatamuu himan.

Obbo Solomoon turtii BBC Tigrinyaa waliin taasisaniin, taatee kun ''yaalii ajjeechaa'' isaanirratti xiyyeeffate ta'uu akka malu himan.

Aanga’aa kanas ta’ee eegduu isaanii fi konkolaachisaan isaan waliin konkolaataa keessa turan miidhaan tokkollee kan irra hin geenye ta’uus, konkolaataan isaanii bakka afuritti rasaasaan rukutamuu mirkaneessaniiru.

Yeroo haleellaan kun raawwatametti Obbo Solomoon hojiif Aksuum irraa gara Maqaleetti imalaa akka turan eeruun, naannoo Maayqinaxaal jedhamu yommuu gahan "rasaasni nutti dhukaafame" jedhan.


@Olmaaguyyaa

Oduu: Mootummaan hiriira uummataa #Oromiyaa keessa gaggeeffame ‘qaama mootummaatin qindaa’e’ jedhamuu haale

Naannoo Oromiyaa godinaalee garaagaraa keessatti hiriirri waamicha nageenyaa kaleessa Sadaasa 14, 2024 gaggeeffame akka qaamaa mootummaan qindaa’eetti odeeffannoon tamsa’aa jiru “dhugaa irraa kan fagaatee” jechuun Mootummaan Naannoo Oromiyaa ibse.

Mootummaan naannichaa ibsa baaseen, “hiriira nagaa ummatni fedhii isaatiin bahu akka qaama mootummaan qindaa’eetti muldhisuuf yaaluun madaa ummataa mukaan horfuu akka ta'etti yaadama” jedhe.

Hiriira kanaan walqabatee namoota siyaasaa akka Jawaar Mohaammad qeeqaan mootummaatti quba qabaniiru. Jawaar fuula feesbuukii isaarratti “mootummaan gama tokkoon marii araaraa marsaa 3ffaa didaa, gama biraan ummata miskiina adutti baasanii waywaachisuun sirrii miti,” jedhe.



@Olmaaguyyaa

Oduu: Daballiin mindaa eegamaa ture ji’a Sadaasaatti akka hin taasifamin hojjatoonni mootummaa himan

Komishiniin Sivil Sarvisii daballiin mindaa hojjattoota mootummaatiif taasifamu ji’a Onkololeessaatiif kan gadhiifamu ta'uu haa ifoomsu malee daballiin mindaa ji'a kanatti akka hin taasifamin hojjattoonni biiroolee garaagaraa Addis Standard’tti himan.

Miseensi poolisii federaalaa maqaansaa akka hin eeramne gaafate Addis Standard dubbise akka himetti, “Ji’a Sadaasaatti nuuf dabalama jennee eegaa turre. Haa ta’u malee, hanga yoonaatti daballiin mindaa nuuf hin kaffalamne," jedheera.


@Olmaaguyyaa

Oduu: “Bulchiinsa yerooratti fonqolchi mootummaa ifatti raawwatamaa jira” – Bulchiinsa Yeroo Tigraay

Gareen Adda Bilisummaa Ummata Tigraay (ABUT) Dabratsiyoon Gabramikaa’eeliin hogganamu bulchiinsa yeroo Tigraay irratti fonqolcha mootummaa “ifatti” gaggeessaa jiraachuu pireezidaantiin bulchiinsi yeroo naannichaa beeksise.

Pireezidaantiin bulchinsa naannichaa Getaachoo Raddaa, ibsa kaleessa baaseen, gareen ABUT Dabratsiyoon Gabramikaa’eeliin durfamu kan ji’a Hagayyaa keessa yaa’ii taasisee ture bulchiinsa yeroo naannichaarraa humnaan aangoo dhuunfachuuf fonqolcha gaggeessaa jira jedhe.

Gabaasa guutuuf 👉 @Olmaaguyyaa

Oduu: #Oromiyaatti qonnaan bultoota fi hojjettoonni mootummaa 'deeggarsa milishaaf' birrii akka buusan dirqisiifamaa jiraachuu himan

Qonnaan bulaan godina #Arsii Lixaa aanaa Kofalee tokko, jalqaba bara 2024 irraa eegalee jiraattonni sagantaa nyaata barattootaa, uffata milishaa, fi dhiyeessii nyaata milishaaf maallaqa akka gumaachan gaafatamuu himan.

Barbaachisummaa sagantaa nyaata barattootaa irratti kan amanan ta’us, hanga ammaa “nyaanni tokkollee barattootaaf hin kennamne” jedhan. Itti dabaluudhaan qonnaan bulaa dide hidhaan kan isa eeggatu ta'u eeran.

Hojjetaan mootummaa Addis Standard dubbise gama isaatin, "deeggarsa namoomaa ykn milishaaf akka ta’e osoo nu hin beeksisin mindaa keenya irraa hir’isu” jedhe.

@Olmaaguyyaa

Oduu: Daandiin Qilleensaa #Itoophiyaa xiyyaara Afrikaatti jalqabaa A350-1000 bitachuu beeksise

Daandiin Qilleensaa Itoophiyaa xiyyaara akka #Afrikaatti isa jalqabaa ta’e A350 - 1000 jedhamu dhaabbata biyya #Faransaay ‘Eer Baas’ jedhamu irraa gara biyyaa galchuun hojii eegalsiisuuf akka jiru beeksise.

Xiyyaarri daandiin qilleensichaa Dhaabbata Eer Baasirraa fudhate kun Itoophiyaa madda dhala namaa (Ethiopia Land of Origins) jedhamuun kan moggaafame kun akka Afrikaatti kan jalqabaati.

Xiyyaarichi Buufata xiyyaaraa Faransaayi Tuluus irraa ka'uun guyyaa har’aa sa'aatii 8:00 irratti buufata xiyyaaraa idil addunyaa Boolee ni gaha jedhamee yeroo isaatti gahuun qubateera.


@Olmaaguyyaa

Af-gaaffii: “#Somaalilaand biyya kamiinuu waliin waliigaltee taasisuuf mirga qabdi” - Mohaammad Abdillaahi Omar, hogganaa paartii mormituu

Filannoo pireezidaantummaa Somaalilaand guyyoota muraasa booda gaggeeffamuun dura hoggantoonni Paartii Biyyaalessaa Somaalilaand ykn Waddani, paartii mormituu teessoo paarlaamaa harka caalu qabu, tibbana #Finfinnee daawwataniiru.

Hogganaa paartichaa fi Ministira Dhimma Alaa Somaalilaand duraanii Mohaammad Abdillaahi Omar dhimma turtii isaanii fi waliigaltee ulaa galaanaa Somaalilaand fi #Itoophiyaa gidduu mallatteeffame ilaalchisee Addis Standard waliin turtii taasisaniiru.

Paartiin isaanii filannicha yoo injifate hariiroo Itoophiyaa waliin qabu cimsuuf kutannoo akka qabu mootummaa Itoophiyaaf mirkaneessuuf Finfinneetti argamuu kan eeran hogganichi, tumsa Itoophiyaa waliin jiru gama daldala, nageenyaa fi anniisaan babal’isuuf akka barbaadan ibsaniiru.

“Itoophiyaan buufata doonii argachuuf fedhiin qabdu dantaa seera qabeessaati,” kan jedhan Omar, paartiin isaanii Itoophiyaan buufata doonii Somaalilaand kan ta’e Barbaraa akka fayyadamtuuf fedhii qabaachuu himan. “Tumsi gama kanaan jirus, hoggansa keenya jalatti daran ni cima” jedhan.


@Olmaaguyyaa

Majors torbee tokkoon booda ni dhaabbata. Namoonni hanga ammaatti hin jalqabiin jirtan hundi 👇👇

https://t.me/major/start?startapp=399162343

Oduu: #Naqamteetti namoota gudeeddii dubartoota lamaan shakkaman jaha to’ataman

Namoota tibbana magaalaa Naqamteetti shamarran lama walcinaatti gareedhaan gudeeduufi yakkicha viidiyoo waraabanii miidiyaa hawaasummaa irratti qooduu keessa harka qabaachuun shakkaman jaha to’ataman.

Yakka gudeeddii kana kan raawwatan lamaan keessaa tokko Lalisaa Dirribaa kan jedhamuu fi dargaggoonni viidiyoo waraabuun miidiyaa hawaasummaa irratti qoodan shan to’annoo jala ooluu ibsameera.

Waajjira dhimma dubartootaa fi daa’immanii magaala Naqamteetti ogeettii seeraa kan ta’an Aadde Shawaayyee Didhaa BBC’tti akka himanitti, shakkamtoonni kunneen Roobii ganama to’annaa jala oolan.

Haata’u malee, “shakkamaan gudeeddii kana raawwate fi maqaa Gammachuu yookan Maammee jedhamuun beekamu yeroodhaaf miliqee barbaadamaa jira,” jedhan.

Shakkamtoonni yakka kana keessatti qooda qabu jechuun to’ataman jahan Kamisa darbe mana murtiitti dhihaachuun yaanni irraa fuudhamuus himan.


@Olmaaguyyaa

©Paws Airdrop yeroo ammaa jiran keessaa Gaariidha waanti isa jechisiisu maalidha?

Akkuma beeksisaa turre Airdrop kun Guyyoota muraasa keessatti beekamtii kan argateedha

Beekamtii maaf dafee argachuu dandahe?

✓Airdrop kun Projectoota amansiisoo kana dura namoonni baayyeen itti gammaddan kanneen Akka
✓Dogs fi
✓Notcoin dhaan
deeggeramaa kan jiru dha!

Kana irratti immo Telegram dhaan ille kan deeggeramuudha!

Telegram dhaan deeggaramuu isaa akkamitti beekna?

1 Osoo Telegram dhaan kan deeggaramu miti tahee Bara isin itti Telegram fayyadamuu eegaltan adda baasuun nii ulfaata ture

2 DOGS kana dura hanga isin hojjettanii turtan isaa dhugaa isinitti himuun ni ulfaata ture

3 Notcoin Hanga isin hojjettan akkasumas hojjechuu fi dhiisuu keessan isinitii himuun ulfaataa ture

4 Hamster illee akkasuma

Sababni Inni yeroo dhiyootti beekamtii akkasii argateefis deeggersa akkasii waan qabuufidha

Kutaa 2ffaa ammas itti fufnee bor isinii barreessina

Maatii channel keenyaa namni hin eegalle ni jiraa? @Olmaaguyyaa

As Tuquun eegalaa!

✓ https://t.me/PAWSOG_bot/PAWS?startapp=kuID5T6S

@Olmaaguyyaa

Maanguddoon #Arsii maatii 500 horuun Galmee Dinqisiisoo Afrikaa irratti galmaa'an boqotan

Godina Arsii Lixaa Aanaa #Nansabootti jiraachaa kan turan maanguddoon Abbaadaaluu Jaarsoo Onkoloolessa 20, 2024 du’aan addunyaa kanarraa boqochuu Kominikeeshinii Aanaa Nansaboo beeksise.

Maanguddoon kun umrii dheeraa qabaachuu fi maatii 500 ol horuun waggaa tokko dura Galmee Dinqisiisoo Afrikaa irratti galmaa'uun isaanii ni yaadatama.

Wayita Galmee Dinqisiisoo Afrikaa irratti galmaa'anitti  umriinsaanii waggaa 180 jedhamaa ture. Galmeen riikardii kun garuu umurii isaaniin osoo hin taanee baay’ina maatii horataniin akka galmeesse hojii gaggeessaan dhaabbata isaan galmeesse yeroos BBC'tti himanii turan.

“Haa ta’u malee, qorannoowwan tokko tokko taasifneen Abbaadaaluun maatii 500 ol akka horatan odeeffannoo arganne,” jechuun himu.

@Olmaaguyyaa

Oduu: Antooniyoo Guutareez waltajjii marii #Gamtaa_Afrikaa fi #UN irratti hirmaachuuf Finfinnee galan

Barreessaa Olaanaan Dhaabbata Mootummoota Gamtoomanii Antooniyoo Guutareez Itoophiyaatti turtii hojii taasisuuf kaleessa Onkoloolessa 20, 2024 Finfinnee galuu isaanii ibsame.

Antooniyoo Guutareez gara Finfinnee kan dhufan waltajjii marii olaanaa Gamtaa Afrikaa fi Dhaabbata Mootummoota Gamtoomanii sadattaffaa irratti hirmaachuuf akka ta’e eerameera.

Waltajjii har’a Onkoloolessa 21, 2024 eegale kana Komishinara Gamtaa Afrikaa Muusaa Faaqii Mahaammat waliin ta’uun dura taa’ummaan akka geggeessan ibsameera.

Waltajjichi raawwii hammattoowwan tumsa dhaabbilee lamaanii kan gamaaggamu yoo ta’u, akkasumas nageenyaa fi tasgabbii dabalatee dhimmoota adda addaa irratti bal’inaan ni mari’atuun eegama.

@Olmaaguyyaa

Birriin #Itoophiyaa tarree maallaqa biyyoota Sahaaraa gadii humna bittaa isaanii gadi aanaa ta'etti ramadame

Birrii Itoophiyaa dabalatee Naayiraa #Naayijeeriyaa fi Paawundiin #Sudaan_Kibbaa maallaqa biyyoota Sahaaraa gadii humni bittaa isaanii gadi aanaa ta’e keessatti ramadamuu isaanii gabaasni Baankii Addunyaa beeksise.

Gabaasichi, "Hagayya 2024 irraa eegalee maallaqa biyyoota sahaaraan gadi argaman keessaa Birriin Itoophiyaa, Naayiraa Naayijeeriyaa fi Paawundii Sudaan Kibbaa humna bittaa gadi aanaa agarsiisaniiru," jedhe.

Faallaa kanaatiin maallaqni shilingii #Keeniyaa fooyya’insa dhibbeentaa 21 agarsiisu isaa kan ibsame yoo ta’u, biyyoonni Afrikaa hedduun garuu rakkoo sharafa alaa isaan mudachaa jiru itti fufuun diinagdee isaanirratti dhiibbaa geessise baankichi ibseera.

Naayijeeriyaa fi biyyoonni naannichaa biroo hanqinni sharafa alaa olaanaa fi dhiibbaa sharafa alaa isaan mudachaa jiraachuu gabaasni baankii addunyaa kun akeekeera.


@Olmaaguyyaa

Naannoo #Amaaraatti hidhattoonni baankii cabsuun birrii miiliyoona 67 ol saaman

Waldhabdee humnoota mootummaa fi hidhattoota #Faannoo gidduu gaggeeffamaa jiruun raafamaa kan jiru naannoo Amaaraatti, dhuma torban darbe hidhattoonni baankii lama cabsanii birrii miiliyoona 67 ol saamuun ibsame.

Taateen kun kan raawwatame Fulbaana 25, 2017 ALI dameelee baankiiwwan #Abisiiniyaa fi #Tsaday jedhaman irratti ta’uu hoji gaggeessitoota baankiiwwan kanneen wabeeffachuun Korporeeshinii Miidiyaa Amaaraa gabaaseera.

Hoji gaggeessaan baankii Abisiiniyaa damee Gishan Dabra Karbee kan ta’an Obbo Zawuduu Qannaa, hidhattoonni eenyummaan isaanii hin ibsamne waaree booda naannoo sa’aatii 11:30 baankicha cabsanii seenuun hojjettoota ugguruu himan.

"Hidhattoonni doorsisuu fi reebicha raawwachuun erga kaaznaa bansiisanii booda birrii miiliyoona 63 ol saamanii deeman" jedhan.

@Olmaaguyyaa ... Join gochuu hin dagatinaa

📸 Irreechi #Hora_Harsadii nagaan xumurame

Ayyaanni Irreechaa Hora Harsadii magaalaa #Bishooftuutti haala miidhagaa ta'een kabajamee xumurame.

Abbootiin #Gadaa fi Haadholiin #Siinqee uummata hedduu dursuun bariidhaan malkaatti irreeffataniiru.

Irreeffattoonni miiliyoonaan lakkaawwamanis uffata aadaatiin faayamanii bariidhaan gara malkaa yaa'uun irreeffatan.

Warreen irreeffatanii deebi'anis sirba fi shubbisa aadaa taphachaa agarsiisa hawwataa uumaniiru.

Suuraa: EBC

@Olmaaguyyaa