Ривоят.
Бордир Ҳақнинг пайғамбари,
Юнус исмли сарвари.
Роббим юборди ани
Рисолатин етказгани.
Қавмига келди тўлиб,
Борлиғидан нур ёғилиб.
Пайғомини айтган заҳот,
Ёлғончига чиқди наҳот?
Ҳалол, ҳаром, гуноҳ, савоб,
Фарқин айтди, бағри кавоб.
Ишонмади қавми унга,
Асаблари таранг шунга.
Тўққиз йилки, қилди даъват,
Иймонга келмас қавми бад.
Баддуосин айтди наби,
Бошқа пайғамбарлар каби.
Уч кун аро бордир бало,
Қилмишингиз бўлди ало'.
Ажалингизни чақирди,
Феьлингиздандир у "сабо".
Қавм кўрса уч кундан сўнг,
Оламни босибди тутун.
Эсхонаси чиқди барин,
Ҳуши учди ёшу қарин.
Югур, деди Юнусни кўр,
Уйидами, хабарин бер.
Уйда бўлса кўнгил тўқдир,
Йўқ бўлса гар, даво йўқдир.
Тополмади пайғамбарин,
Дод—вой тутди, чор— атрофин.
Қайга қочар, билмас алар,
Сичқон ини минг тангалар.
Қирга чиқди оқсоқоли,
Шу қишлоқда бор соқолли.
Қилганига пушаймондир,
Қайсар феьллари душмандир.
Бўлинг, бало келди бизга,
Ёшу қари, ўғил—қизга.
Мол—ҳолни ҳам олинг тезда,
Шошилмасак ушбу кезда.
Юзи қаро биз бўлурмиз,
Ҳаммамиз бирдан ўлурмиз.
Она—болани айириб,
Сигир, бузоқни қайириб.
Тавба қилишди шу заҳот,
Саждададир халқи ҳайҳот.
Йиғлашарлар, бўзлашарлар,
Ҳақ авфини кўзлашарлар.
Гўдаклари чақиради онам, дея,
Бузоқчалар маьраб турар боши қия.
Оналарин кўкси ияр, бағри гирён,
Уввос солар, тавба қилар туман ҳар ён.
Роббим Аллоҳ авф этгунча шу бўзлашда,
Емай, ичмай давом этишди, додлашда.
Охир бало кўтарилди бошларидан,
Дуо қабул, ажал кетди қошларидан.
Эсин йиғиб, пайғамбарин излашдилар,
Тополмасдан ёқа йиртиб бўзлашдилар.
Кечир, Роббим осийларинг гуноҳларин,
Қабул этгин илтижоси, оҳ, воҳларин.
Имкон бердинг Марҳамати улуғ Аллоҳ,
Ҳар балодан бизга бўлдинг Ўзинг паноҳ.
Пайғамбаримиз дийдорини кўрсат, дея,
Айтганига амал қилар фурсат, дея.
Тополмасак юрагимиз бўлур пора,
Бу орада пайғамбар ҳам кулфат ора.
Жаҳл қилиб чиқиб кетди қишлоғидан,
Айби бордир, бошига тушган доғидан.
Аллоҳ амрин икки қилди, сабрланмай,
Денгиз томон йўл олдилар кўнгли тўлмай.
Наҳанг балиқ кутиб турар, келган Амр:
"Кемадан отган заҳот, ани симир".
Ютиб юборди ул Наҳанг Пайғамбарим,
Роббисига айбдорим, дарди борим.
Дуо қилди,"Пок Ўзингсан ё Роббано,
Ўз —ўзимга зулм қилдим кечир мано.
Ўзинг борсан, Ўзинг бирсан Қодир Эгам,
Кечир мени, нуқсонлардан қоматим хам.
Уч қат зулмат ичида нола қилар зор—зор,
Ла илаҳа илла анта —зикри такрор.
Тили билан қилар такрор, дил нидоси,
Исми аьзам бўлди унинг илтижоси.
Тавбасини қабул қилди Парвардигор,
Қирғоқ узра отди Наҳанг бағри шудгор.
Ошқовоқнинг барглари бўлди чодир,
Жазирамадан сақлади исми, Қодир.
Излаб, бўзлаб топишдилар қавми ани,
Суяб, сийлаб ўтишдилар Одам бани.
Ҳар бирини кечирди ул Роббим Ғани,
Сизу бизга ибрат бордир дўстим мани.
Тавба қилса кечиргувчи Роббим Аллоҳ,
Ҳар лаҳзада ёлғиз қўймас бўлур паноҳ.
То қиёмат бардавомлик бўлгай динда,
Жаннати ҳам, роҳати ҳам етгай анда.
Ўша куни Муҳаррамнинг ашир куни,
Ҳаммаларин ёруғ бўлди ҳатто туни.
Қутилдилар дарди, бало неки анда,
Кўп Пайғамбар нажот топган улуғ кунда.
Машааллоҳ, субҳаноллоҳ, алҳамдулиллаҳ,
Барчамизнинг паноҳимиз Роббим Аллоҳ...
Сабр ила Кавсар бўйда кутар Ҳабиб,
Жонлар узра жонга дармон ҳозиқ табиб.
Юзи ёруғ ҳолда етиб боргайдурмиз,
Ин шаь Аллоҳ, дийдорига тўйгайдирмиз.
Жаннат ичра мангу, абад қолгайдирмуз,
Меҳрибон Зот Саломига қонгайдирмиз.
Ниятимга етай, деган гўзал ҳолат,
Такрор —такрор янграгайсиз, саловат.
Аллоҳумма солли васаллим ва баарик ала саййидина Муҳаммад.
Нуртож Сайдолим қизи.
23 ноябр 2022 йил.
https://t.me/nurli_toj
