Muhammad Yusuf sara she'rlar

Kanalimiz a'zosidan ajoyib ijro

Firklaringizni kutib qolamiz😊😊😊

https://youtu.be/WErMwqZiimc?si=J-fV0WNycE1IXMpT

Muhammad Yusufning Shavkat Rahmon xotirsiga bag‘ishlangan she'ri

Kanalimiz a'zosi Islombek Mirzaqulov ijrosida

https://t.me/hamster_kombat_bot?start=kentId630668663
Play with me, become cryptoexchange CEO and get a token airdrop!
💸 +2k Coins as a first-time gift
🔥 +25k Coins if you have Telegram Premium

Kanalimizning yosh a'zolaridan❤️❤️❤️, mehnatlariga munosib baho berasiz degan umiddaman😊

📝Vatanni seving...
✍Muhammad Yusuf
🎤Xusniddinov Muhammadiy

📝Andijonim...
✍Muhammad Yusuf
🎤Robiya Usmanova

📝Mehir qolur muhabbat qolur
✍Muhammad Yusuf
🎤Tasnima Muqumjonova

5 б синф Козимжонова Муниса

5 б синф Шавкатбекова Мухлиса

5 б синф укувчиси Жалолдинов Мухаммадамин

#kanalimiz a'zosidan

Onam yig'lar.

🎤 Salima Yakubova

https://youtu.be/L-_BeiDsdiE?si=wCAlBiPm7XUplfGd

O‘tganga ber, xudoyim,
Ketganga ber, xudoyim.
Ozodlikni qadriga
Yetganga ber, xudoyim.

Hurlik qanday tansiq so‘z,
Qullik qalbga sanchiq so‘z.
Hurriyatni boshida
Tutganga ber, xudoyim.

Avaylab har yaprog‘in,
Ko‘zga sursin tuprog‘in.
Erkni bersang - erk deb qon
Yutganga ber, xudoyim.

Xoh ziyoli, xoh kosib,
Bo‘lsin unga munosib.
Vatan bersang, orziqib
Kutganga ber, xudoyim!..

Rizqni bilgan zotga ber,
Shukur qilgan zotga ber.
Yurtni har kun ziyorat
Etganga ber, xudoyim.

http://T.ME/MUHAMMAD_YUSUF_shoir

Yurtim, ado bo‘lmas armonlaring bor...

Yurtim, ado boʻlmas armonlaring bor,
Toshlarni yigʻlatgan dostonlaring bor,
Oʻtmishingni oʻylab ogʻriydi jonim,
Koʻksing toʻla shahid oʻgʻlonlaring bor.

Bagʻrim oʻrtar bir oʻy bahor ayyomlar,
Oy borgan yoqlarga termulib shomlar.
Aybin bilmay ketgan Akmal Ikromlar,
Fayzullodek mardi-maydonlaring bor…

Yurtim, koʻnglingdek keng osmonlaring bor,
Yulduzni yigʻlatgan dostonlaring bor.
Osmonlaringdan ham diydoringga zor,
Jayrondek termulgan Choʻlponlaring bor.

Qoʻling qadogʻiga bosay yuzimni,
Onamsan-ku, ogʻir olma soʻzimni,
Qayinbarglar yopib qaro koʻzini
Olislarda qolgan Usmonlaring bor.

Alhazar, alhazar, ming bor alhazar,
Ana, yurishibdi kiyganlari zar,
Qodiriyni sotib shoir boʻlganlar -
Mehrobingdan chiqqan chayonlaring bor…

Qurboning boʻlayin, ey onajonim,
Sening faryodlaring, mening figʻonim,
Oʻtmishingni oʻylab oʻrtanar jonim,
Aytsam ado boʻlmas dostonlaring bor.

http://T.ME/MUHAMMAD_YUSUF_shoir

IZHORI DIL

Ko‘hna tolbeshikdan
Boshlangan olam.
Senga iddaolar
Qilmay sevaman.
Bir kuni singlim, deb,
Bir kuni onam-
Vatan,
Kimligingni
Bilmay sevaman!..

To‘zg‘iydi to‘ningdan
Tortgan to‘ralar.
Kecha tuzingni yeb
Sotgan to‘ralar.
Endi pushaymonda,
Tuynuk mo‘ralar-
Men sening
Yoningdan
Jilmay sevaman.

Menga yering suyuk,
Osmoning suyuk.
Boqsam, teng
To‘rttala
Tomoning suyuk.
Tovonimga kirgan
Tikoning suyuk-
Kaftdan
Zirapchang ham
Yulmay sevaman.

Cho‘ksang,
Tur, singlim deb,
Soching silayman.
So‘ksang,
Opam deyman,
Umring tilayman.
Sendan ranjimayman,
Gina qilmayman-
Xoh xo‘mray,
Xoh jilmay,
Birday sevaman.

Vatan-
Yuragimning
Olampanohi,
Bu dunyo
Bukri bir
Jiydaning shohi!..
Ko‘zim yoshi bilan
Sug‘orib gohi
Ko‘ksimda o‘stirgan
Gulday sevaman.

Bu yorug‘ jahonda
Yo‘g‘-u borimsan,
Tilimning ostida
Novvot-zarimsan.
Sen mening yagona
Payg‘ambarimsan,
Men Bilol,
Men Habash-
Qulday sevaman!..


📃🖍1998

http://T.ME/MUHAMMAD_YUSUF_shoir

QIZG'ALDOQ

Qizg'aldog'im, qirdan bo'lak koshonang yo'q,
Kokil yoysang, yerdan bo'lak toshoynang yo'q,
O'ksib-O'ksib-o'ksib turganingda o'zim borib,
Peshonangdan o'pay desam, peshonang yo'q...

Sollanasan kelinchakday boshing egib,
Jayron o'tgan so'qmoqlarga yoshing to'kib,
Qizil yuzing qon dilimga turar tegib,
Meningdek sen g'aribning ham parvonang yo'q...

Qadring bilgan, darding bilgan, ayt, kiming bor?..

Kelib-ketar bahor senga bevafo yor,
Go'zalsanki, senga bari gullar ag'yor,
"Oh" ursang, bir ohing tinglar ostonang yo'q...

Oldingga men borolmasam, o't gunohim,
Bir yo'qlab qo'y, men dunyodan o'tgan chog'im,
Qabrim uzra hilpirab tur, qizg'aldog'im,
Muhammaddan bo'lak do'sti devonang yo'q.

http://T.ME/MUHAMMAD_YUSUF_shoir

TALABALAR MADHIYASI

Alp o'g'lonlar o'lkasi bu ko'hna Turon
Qalqonlari, qanotlari, ilm istang.
Yarim jahon bunyod etgan Sohibqiron,
Alisherning avlodlari, ilm istang!

Taxtdan tushganda ham otdan tushmay yurgan,
Ajdodingiz uy qurmagan-Davlat qurgan.
Yurti uchun yelkasida tog'lar surgan,
Rustamlari, Farhodlari, ilm istang.

Ko'z ochganda kezib yetti bahri ummon,
Yetti tilda so'ylashgan biz tili biyron.
Vatanida Tojmahallar tiklar sulton-
Boburlari, Behzodlari, ilm istang.

Haq yo'lida siz ilmning ummatlari,
Xalq yo'lida hidoyati, himmatlari.
Madad bo'lsin Yassaviyning hikmatlari,
Bobo Mashrab bayotlari, ilm istang.

Ilm istang, izingizdan ibrat yog'sin,
Ixlosingiz, shaxdingizdan shiddat yog'sin.
Ortingizdan mag'rur-mag'rur millat yog'sin-
Mulki Turon najotlari, ilm istang!..

Alp o'g'lonlar o'lkasidir O'zbekiston,
Erkli elning qanotlari, ilm istang.
Yarim jahon bunyld etgan Sohibqiron,
Alisherning avlodlari, ilm istang.

http://T.ME/MUHAMMAD_YUSUF_shoir

#kanalimiz a'zosidan

Mehr qolur.

🎤 Salima Yakubova

https://youtu.be/NUFjrpfSb58?si=Pui8WBgWqiknLEQ6