كوردستان , پێكڤە ژیان و رێزگرتن ل ئاينان ..
کا چەوا رێكخراوا (داعش) يا تيروريست و بێ وژدان نوينەراتیا (بوسلمانا) ناکەت , (قاسم شەشۆ) ژیک نوينەراتيا هەمی (ئێزديا) ناکەت ..
کا چەوا (داعش) ب مخابنیڤە ۆ ب شێوەکێ درندانە کۆمکۆژی ۆ جینۆساید ب دژی خويشك وبرايێن ئێزدی ئەنجام دا, بەلى ب هزارەهان بوسلمانێن كورد ل دهوكێ و كوردستانێ هاريكاريا ئێزديان كر و خزمەتا وان كر ل ديف پێچيبوونێن خۆ و دەرگەهين مزگەفتا بو هاتنە ڤەكرن , و ئەڤە ئەرك بوو نە مننەتە !
ئەگەر (قاسم شەشو) ي دفێت خۆ شيرين كەت ل نك (هندەك) ئێزديا وگروبەكێ تايبەت, بلا نە ب ڤی شێوەی بیت ، ۆ بلا ب زانيت ب فى شێوەى دى (فتنێ) هەلكەت و بيتە دەليڤە بو توندرەويێ سەرهلدەت وب چ شكلا خزمەتا ئێزديان ناهێتە كرن هووسا .. و بلا كاربكەت كا جەوا خزمەتگوزاريا ل شنگالێ ب زڤرينيت و خزمەتا خەلكێ هةژارێ شنگالى بكەت نە بەحسى پێغەمبەرێ بوسلمانا – سلافيێت خودێ ل سەر بن - بكەت!, ۆ بلا خزمةتكرنا ئێزديا و شنكالێ نە ب لێدانا فێ ئاوازێ كرێت ۆ نە شیرین بيت يێ جار جار دووبارەدبيت!
پەيوەنديين ئێزديا دگەل بوسلمانا ۆ هەر ش مێژە دئاسايى نە و ب هێزن ، و بەلكی گەلەکا هاش جياوازيا ئاينی د سةرەدەريێ دا نينە، و گەلەك بۆسلمانا كريڤێت خۆينێ يێت هةين - وەكى دبێژن د بنە ئیک مال و خێزان – و مە گەلەك هەڤال و دوست و برا و نياس و كريڤێن خوينێ ێیت هەین و ب فخر وشانازیڤە سەرەدەريەكا برايانە و دوستانە و مرۆڤانە ۆ هەڤالانە دكەل ئێك دكەین، ۆ كوردستان وارێ وانە و نشتیمانێ وانە ژیک كا جەوا يێ بوسلمانا يە !
محمد پێغەمبەر (سلافێت خودێ ل سەر بن) يێ پيروزە لنك بوسلمانا و دوماهيك پەيوەنديا عەردو عةسمانا يە، ۆ كەسەك نەشێت كەسايەتيا وى كرێت كەت یا خۆدێ تەعالا مەزن کرى (وَإِنَّكَ لَعَلى خُلُقٍ عَظِيمٍ) ..
هةر بو دياركرنا پەياما (محمد) پێغەمبەر پێ هاتی – يا قاسم ششو- ى هاڤێ تیێ , خودێ تەعالا دقورئانا پيروزدا دبێژيت:
(لا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُم مِّن دِيَارِكُمْ أَن تَبَرُّوهُمْ وَتُقْسِطُوا إِلَيْهِمْ ۚ إِنَّ اللَّهَ يُحِبُّ الْمُقْسِطِينَ)
پەیام ل ڤێرێ بو بوسلمانايە : يانكو ئەو كەسێن نەبوسلمان و دژايەتيا بوسلمانا نەكەن ۆ شەرێ وان نەکەن, دفێت بوسلمان ب دلوڤانى و ب رەحم و دادپەروەرى سەرەدرەیێ دگەل بكەن ( کا چەوا سەرەدریێ د گەل بۆسلمانا دکەن) و وێكاڤێ دێ خودێ تةعالا حەش هەوە كةت !
خودى هاريكار و پشتةڤانێ وی بيت يى پەیڤا خێر و رەحمێ و ئاشتیێ بەلاڤەكەت ..