New Creation Church Ethiopia

ርዕስ ጽድቅ (ክፍል አራት)

(የኢየሱስ ተቆጠረልን)

በሐዋርያ ጃፒ

¶...ጽድቅ ማለት ያለኩነኔ፣ያለፍርሃት፣ያለሃፍረት፣ያለጭንቀት፣ያለበታችነት ስሜት፣ያለመሸማቀቅ፣በእግዚአብሔር ፊት ትክክል ተብሎ የመቆም መብት ነው።

¶..ጻድቅ ማለት ደግሞ ጥፋት የሌለበት፣ንጹህ፣ነቀፋ፣ነውር ፣ወንጀል የሌለበት ተብሎ በእግዚአብሔር ፊት የታወጀለት ነው።

¶..ሮሜ 4÷1..እንግዲህ በስጋ የቀድሞ አባታችን የሆነ አብርሃም በዚህ ረገድ ምን አገኘ እንላለን?

አብርሃም በስራ ጸድቆ ቢሆን ኖሮ የሚመካበት ነበረው።ነገር ግን በእግዚአብሔር ፊት መመካት አይችልም።

መጽሃፍ ምን ይላል ?አብርሃም እግዚአብሔርን አመነ ፣ጽድቅም ሆኖ ተቆጠረለት።

¶..ጽድቃችንን አስቆጥረን ሳይሆን ተቆጥሮልን ነው ፣በኢየሱስ ምክንያት የተቀበልነው ጽድቅ ማንነታችን ሆኗል።

¶..በርካታ መልካም ተግባራት የሰው ስራዎችም አያጸድቁም።እኛ ግን ስለጸደቅን የጽድቅን ስራ እንሰራለን በሰማይም አክሊል እናገኛለን።

¶..ሮሜ ላይ 49 ጊዜ ጽድቅ እንደተቆጠረልን ተጽፏል፣ክርስትና ዉስጥ የግል ትምክህት የለም።ካለም እሱ የራስ ጽድቅ ይባላል።

¶..መዝሙር 11÷ 3..በጽድቅ ጉዳይ ላይ የተናጋ መሰረት ሊኖረን ስለማይገባ ከጸደቅን እንደጻድቅ ልንመላለስ ይገባል።አማኝ ለጻድቅ የተጻፉ ነገሮች ሁሉ የሚሆኑለት በእውቀት ሲመላለስ እና የጽድቁ ማንነት ሲገባው ነው።

¶..ሮሜ 4÷1 አብርሃም የተቆጠረለት ጽድቅ እምነቱ እንደሆነ ተጽፏል፣የእኛም እንዲሁ ነው ፣በስራ ካልጸደቅን ደግሞ ምንም የምንመካበት ነገር የለም።

¶..በክርስቶስ የጥል ግድግዳ ፈርሷል፣ከእግዚአብሔር ጋር መተያየት ተችሏል፣ይህ የሆነው ደግሞ ጌታ ኢየሱስ በሰራው ስራ በመሆኑ ምክንያት በእግዚአብሔር ፊት ለመቆም ድፍረት አለን።

¶..አባታችን ፊት አባ ብለን የመቆም ድፍረት ያገኘነው ስለጸደቅን ነው፣ጽድቅ በኢየሱስ የተገኘ ማንነታችን ነው፣ማንነት ደግሞ አይለዋወጥም።

¶..ሮሜ 4÷4..አንድ ሰው ስራ ከሰራ ደመወዙ እንደስጦታ ሳይሆን እንደ ተገቢ ዋጋው ይቆጠርለታል።የተቆጠረልን ጽድቅ የክርስቶስ የሆነው ለዚህ ነው።የሚገባን ሌላ ሆኖ ሳለ ጽድቅን ግን በክርስቶስ ተቀበልን፣ተሰጠን።

¶..ጽድቅ በነጻ የተቸረን እንጂ እኛ ያዋጣንበት ምንም አይነት ነገር የጨመርንበትም አንዳች አስተዋጽኦ የለም።እንድያ ቢሆን ኖሮ ጸጋ ጸጋ ባልሆነ ነበር።

ሮሜ 11÷6
ሮሜ 9÷30
ሮሜ 4÷5
¶..ብዙዎች ለጽድቅ እየለፉ እያሉ ኢየሱስ ግን ያልተገባቸው የተባሉትን አግኝቶ ጻድቅ አደረጋቸው።ለሚያምን ደግሞ ጽድቅ ይቆጠርለታል።

¶..ጨዋ ማለት ኢየሱስን አውቆ የህይወቱ ንጉስና ጌታ አድርጎ የተቀበለ ነው።

¶..እግዚአብሔር ፍትሃዊ አምላክ ነው።ፍርድ በስራ እንዳይሆን ጣልቃ ገብቶ በመዳን መንገዳችን በኢየሱስ አጸደቀን።ኢየሱስ ተፈርዶበት ጻድቅ ተደረግን ንጹሁ ላይ ተፈርዶ ግን እኛ ጸደቅን፣ለዚህም ዋጋችን ትልቅ ነው።(1ኛ ነገስት 8÷ 32 ..ዘዳግም 25÷1..ዘጸአት 23 7)

¶..እኔ በክርስቶስ የእግዚአብሔር ጽድቅ ነኝ የማለት ድፍረት ያገኘነው በተሰራልን ስራ እና በማመናችን ነው።ጌታ ኢየሱስ የሆነውን ሁሉ የሆነው ለእኛ ነው።

¶..መተላለፋቸው ይቅር የተባለላቸው ኃጢያታቸውም የተሰረየላቸው ብጹዓን ናቸው ኃጢያቱን ጌታ ከቶ የማይቆጥርበት ሰው ምስጉን ነው።(ሮሜ 4÷6)የኢየሱስ ጽድቅ ስለተቆቃተረልን ሃጢያት አይቆጠርብንም።

መዝሙር 32÷1
ኢሳያስ 43÷25
መዝሙር 103÷10

¶..እግዚአብሔር ሃጢያታችንን አያስብም እሱ ካላሰበው እኛም አናስብም።የምህረቱ ታላቅነት ደግሞ በእኛ ነገር ላይ የተመሰረተ ሳይሆን በተሰራልን ስራ ላይ የታመነ ነው።

¶..ይህን ካወቅንና ማንነታችንን ከተረዳን ሰይጣን በእኛ እድል ፈንታ የለውም፣ጽድቅ በሚገባ ሲገባንም ያለንን አቅም እንረዳለን ደግሞም ብዙ ነገሮች ላይ ደፋር እንሆናለን።እንደጻድቅም እንመላለሳለን።

ሮሜ 4 9 ፣5 1
ዘፍጥረት 17÷24
ሃዋርያት 13÷39
ገላትያ 3÷6፣3 ...10፣ 2÷16

¶..ጽድቅ ከገባን ደግሞም ከተመላለስንበት የእኛን ነገር ከሁኔታ ጋር፣ከምንም ነገር ጋር አናስተያየውም ይልቁን መንገዳንን እያስለቀቅን መሰናክሎችን እየጠረግን እንሄዳለን።

¶..ህግን በመጠበቅ ማንም በእግዚአብሔር ፊት እንደማይጸድቅ መረዳት ያስፈልጋል።በኢየሱስ ያመነ ሁሉ በአድርግ አታድርግ ያልተገኘውን ያገኛል።ኢየሱስን ስንቀበል ጽድቅ ይሰራብናል፣ እርግማን ደግሞ ፈጽሞ አይሰራብንም

¶..ጽድቅ ካለ በረከትና ክብር አለ፣በረከት ደግሞ(በጻድቅ)በራሳችን ላይ ነው።

ማንም በክርስቶስ ቢሆን አዲስ ፍጥረት ነው

https://www.youtube.com/watch?v=diDFG8iV0go

በወንድም ኤልያስ
እርዕስ (የከፍታ ምዕራፍ )
¶..ሁልጊዜ ከፍታችን እግዚአብሔር ነው።ገዢያችን እግዚአብሔር ነው።ይጠራናል ያከብረናል።ብቻውን ይችላል።
¶..ችግር አለ ማለት ከፊት ለፊታችን ክብር አለ ማለት ነው።
¶..ያለና የሚኖር እግዚአብሔር ብቻ ነው በዚህም ከስጋት ነጻ ነን፣አምላካችን ደግሞ ከማንም የማይመሳሰል የማይስተያይ ነው።
¶..እግዚአብሔር መመኪያችን ነው፣አንሰጋም፣እሱን የያዘ አያፍርምና።
¶..ዘዳግም 33÷26.ይሽሩን ሆይ በሰማያት ላይ ለረድኤትህ በደመናትም ላይ በታላቅነት እንደሚሄድ እንደእግዚአብሔር ያለ ማንም የለም ይላል።ረዳታችን በደመና ላይ የሚረማመድ አምላክ ነው ስለዚህም የተደረገልንን ሁሉ የማንረሳ ሰዎች መሆን አለብን።
የምንመካው በሁሉ ሰጪ እግዚአብሔር ነው።
¶..በማቲዎስ 5 ጽድቅን የሚራቡና የሚጠሙ ይጠግባሉ እንደሚል የእግዚአብሔርን ማንነት መራብ እና መጠማት ያስፈልጋል።
የምንበላውና የምንጠጣው ደግሞ የተራብነውንና የተጠማነውን ያህል ነው።
¶..እግዚአብሔር ለትሁታን ጸጋን የሚሰጥ አምላክ ስለሆነ እራሳችንን በፊቱ በማዋረድ ከፍታ ውስጥ መግባት እንችላለን።እግዚአብሔር ሊያከብረን ሲፈልግ ደግሞ ጓዳችን ይገባል።
¶..መመረጥን ማወቅ የከፍታ መንገድ ነው።እግዚአብሔር ጠርቶን መቆም፣መዘግየት አንችልም።መጠራታችንን ስናውቅ ወደከፍታ እንሄዳለን።
¶..ዮሴፍ በተሸጠበት መንገድ ብዙ ዋጋ ቢከፍልም ከፊት የጠበቀው ግን ክብር ብቻ ነው ።ጥሪ የእግዚአብሔር ከሆነ እግዚአብሔር እራሱ አለ ማለት ነው ።እሱ ካለ ደግሞ ማንኛውም ተግዳሮት ሊያስቆመን አይችልም።
¶..ዘፍጥረት 39÷7 እስከ 10 ዮሴፍ ኃጢአት እንቢ አለ።አልሰማምም አለ ነገር ግን ጲጢፋራ ተግዳሮት ሆነችበት እሱም ሸሽቷል።
¶..ከዛ ግን ዮሴፍ ብዙ መከራ ደረሰበት የለየውና የጠራው እግዚአብሔር ከእርሱ ጋር ስለነበረ ሞገስ ተጨመረለት።እግዚአብሔር መንገዱን ሁሉ ያቀናለት ነበር።ለእግዚአብሔር መለየት ሞገስ ያስጨምራል፣መዝሙር 105÷19
¶..ዘፍጥረት 45÷4 ዮሴፍ ወንድሞቹን ጭምር ያጽናናው እግዚአብሔር ሞገስ ስለሆነለት ነው ቀድሞ ወደዚያች ምድር የተላከው ለእግዚአብሔር ሃሳብ መሆኑን ይናገራል።
¶..እግዚአብሔር ከእኛ ጋር ከሆነና ከጠራን መንገድ መቅረት አይሆንም።ይልቁንም ወደከፍታና ክብር መሄድ ይሆናል።
¶..በእግዚአብሔር መመረጥን መጠራትን መረዳት ያስፈልጋል።እግዚአብሔር ደግሞ አደርጋለሁ ካለ ያደርጋል፣ጠላትንም ያስገዛልናል።
¶..የከፍታ ህይወት ውስጥ ለመግባት የልዩነት ህይወት ያስፈልጋል።ከአለም፣ከእርኩሰት፣ ከአመጽ፣መለየት ያስፈልጋል።
¶..ለእግዚአብሔር ብቻ መገዛት፣ለእርሱ ብቻ ጆሮን መበሳት፣ናዝራዊ መሆን ያስፈልጋል።እንዲህ ሲሆን ከእግዚአብሔር የሚለቀቅ ነገር አለ።
¶..አብርሃም ታላቅ ህዝብ አደርግሃለው የተባለውን ቃል አምኖ ተለይቷል።ደግሞም የታመነው አምላክ በብዙ አክብሮታል።
¶..የምንለየው ወደፍላጎታችን ሳይሆን ወደ እግዝአብሔር ሃሳብ መሆኑን ማወቅ አለብን።የልዩነት ህይወት ከእግዚአብሔር ዘንድ ጥበብን ማስተዋልንና መገለጥን ያመጣል።
¶..መለየት መከናወንንና ስኬትን ያጎናጽፋል።(ዳንኤል 1÷8) እግዚአብሔር ለዳንኤል ሞገስ ጨምሮለታል።እግዚአብሔር ለሃሳቡ የምንጨክንለት ከሆነ ወደከፍታ ያደርሰናል።
¶..ዕብራውያን 12÷1..የጌታ ኢየሱስ የከፍታው ምክንያት ነውርን መናቁ ነው።እኛም የተለየነው በኢየሱስ ደም ነው ለዚህ ነው ለእግዚአብሔር ልንለይለት የሚያስፈልገን።መለየት ደግሞ የምርጫ ጉዳይ ሳይሆን የህይወት ጉዳይ ነው።
¶..ትንቢታዊ ቃል ያለሂደት የሚሰራበት መንገድ ነው።ከፍታም ላይ የማስወጣት አቅም አለው ስለዚህ የሚነገረንን ትንቢታዊ አዋጆች ሁሉ በእምነት መቀበል ይገባናል።
¶..ትንቢታዊ አዋጅ ነገርን ያቀርባል፣እጥርት የለበትም፣የተባለው ነገር ይቀጥላል፣ተስፋ ያስቆረጠንን ጉዳይ ተስፋ ያስቆርጠዋል።
¶..እግዚአብሔር በእኛ ጉዳይ እንደጨከነ ማሳያው ደግሞ ትንቢታዊ አዋጅን መላኩ ነው።እግዚአብሔር እኛን በተመለለተ መንገድ አለው፣ያለውም ይፈጸማል።
¶..ህዝቅኤል 37÷1 ትንቢት ህይወት የሌለውን እንኳን ህይወት የሚሰጥ እግዚአብሔርም እግዚአብሔርነቱን የሚገልጥበት ነው።
¶..ስንለይለት እግዚአብሔር በእኛ ይገለጣል ያለውንም ይፈጽማል።
ማንም በክርስቶስ ቢሆን አዲስ ፍጥረት ነው

https://youtu.be/LHYuPazsHoQ

በሐዋርያ ጃፒ
ርዕስ ጽድቅ(ክፍል ሶስት)
የእግዚአብሔር ጽድቅ
¶...ጽድቅ ማለት ያለኩነኔ፣ያለፍርሃት፣ያለሃፍረት፣ያለጭንቀት፣ያለበታችነት ስሜት፣ያለመሸማቀቅ፣በእግዚአብሔር ፊት ትክክል ተብሎ የመቆም መብት ነው።
¶..ጻድቅ ማለት ደግሞ ጥፋት የሌለበት፣ንጹህ፣ነቀፋ፣ነውር ፣ወንጀል የሌለበት ተብሎ በእግዚአብሔር ፊት የታወጀለት ነው።
¶..የሰው ጽድቅ ወደ እግዚአብሔር ጽድቅ የማምጣት አቅም የለውም።ለዚህ ነው የእግዚአብሔርን ጽድቅ የተቀበልነው።
ጽድቅን የተቀበልነውና የእኛ የሆነው በስጦታና በእምነት ነው
¶..የእግዚአብሔር ጽድቅ የልፋታችን ውጤት ሳይሆን በነጻ የተሰጠን ነው፣በመሆኑም የምንመጻደቅበት ሳይሆን የምንደነቅበት ሆኖልናል።
¶..ባንዱ አለመታዘዝ ኃጢያት ተቆጠረብን ጽድቅ ደግሞ በኢየሱስ ምክንያት ተቆጠረልን።
¶..ይህን የእግዚአብሔርን ጽድቅ እንደ ጽድቃችን ስንቆጥር ታዲያ ፍሬ ማፍራት እንጀምራለን።ምክንያቱም ጽድቅ አንድ ሲሆን እርሱም የእግዚአብሔር ጽድቅ ነው፣በኛ ግን በፍሬ ይገለጣል።
¶..የእግዚአብሔር ጽድቅ ኢየሱስ ነው በዚህ በተቀበልነው ህይወት ምክንያት በምድር ላይ በህይወት ልንነግስ ተጠርተናል።በኃጢያት፣በበሽታ፣በድህነት፣በእርግማን፣በጭንገፋ፣ላይ መንገስ ችለናል።
¶..ጌታን ስንቀበል የተቀመጥነው በአብ ቀኝ ነው የተቀበልነውም የጽድቅ ስጦታ እንድንነግስ ያደርገናል።ጽድቅ በዚህ ልክ ሲገባን ደግሞ የንግስና ስፍራችን ላይ ሆነን በንግስና እንመላለሳለን።
¶..ባለማወቃችን ምክንያት የነገሰብንን ሁሉ በማወቅ እንነግስበታለን
ሮሜ 5÷17
ኢሳያስ 61÷10
ራዕይ 1÷5
ኤፌሶን 2÷8
2ኛ ቆሮንቶስ 5÷21
¶..የጽድቅን መጎናጸፊያ እንደተደረገልን የሚናገረው የእግዚአብሔር ቃል የኛ ጽድቅ ላይ አንዳች ተሳትፎ እንደሌለን፣ኢየሱስ ክርስቶስ ጽድቃችን፣ቅድስናችን፣ቤዛችን እንደሆነና ይህ ሁሉ የእግዚአብሔር ስጦታ መሆኑን ይናገራል።
¶..በክርስቶስ ኢየሱስ መልካም ነገር በሙሉ ናችሁ ለተባልነው እውቅና ስንሰጥ ውጤታማ እንሆናለን።ማንም እንዳይመካ በስራ አይደለምና የሆነውን የሆነው በጸጋው መሆኑን ልናስብ ይገባል።
¶..ጻድቅ ከሆንን በኃላ ቅድስና ኑሯችን ይሆናል፣በሥጋ እንኳን የሆኑልን መልካም ነገሮች ሁሉ ከእርሱ የተነሳ ነው ።ምክንያቱም ልጅ የሆነው የጸደቅነው የዘላለም ህይወት ያገኘነው ከኢየሱስ የተነሳ ነው።
¶..ሌላው ጽድቅን የተቀበልነውና የእኛ የሆነው ደግሞ በእምነት ነው፣የጸደቀ የጽድቅ ስራ ይሰራል እንጂ በጽድቅ ስራ ጻድቅ መሆን አይቻልም።ጽድቅ ልጁን በማመን ብቻ የሚገኝ ነው።
ሮሜ 3÷20 -22
ሮሜ 6÷14-15
¶..የእግዚአብሔር ጽድቅ ያለህግ ነው የተገለጠው።
ይህ ደግሞ በኢየሱስ ክርስቶስ በማመን የሚገኘው የእግዚአብሔር ጽድቅ ነው።
¶..ፍጥረታዊ ሰው ምንም መልካም ነገር ቢያደርግ ኢየሱስ ክርስቶስ ከሌለው አይጸድቅም።ሽልማቱም በምድር ብቻ ይሆናል።
¶..ስለዚህ እኛ ውስጥ ያለውን የጽድቅ ፍሬ የሚካፈል፣ ለሌሎች ደስታ የሚሆን መሆኑን ልናውቅ ይገባናል።
ማንም በክርስቶስ ቢሆን አዲስ ፍጥረት ነው

https://youtu.be/TRf2LTU8dlw

ሙሉ ቪዲዮውን ለማግኘት ሊንኩን ይጫኑ
https://www.youtube.com/watch?v=e4mPHJf0g68&t=1679s

https://www.youtube.com/watch?v=e4mPHJf0g68&t=1559s

እርዕስ (የአንደበት ኃይል)
ሐዋርያ ጃፒ

¶...ጻድቅ መኖሪያው እምነት ነው።እምነት ከመስማት ነው መስማት ደግሞ የእግዚአብሔርን ቃል ነው።ቃሉን ያለማቋረጥ መስማት ከቻልን አለማመን አይቻልም።(ሮሜ 10 ÷17)

¶...በእያንዳንዱ መንገዳችን ህይወት መንፈሳዊ መሆኑን መረዳት ከብዙ ነገር ነጻ ያወጣናል።ከሰማይ የሆነ በረከት በሁሉ አቅጣጫ በረከት ያገኘናል።

¶...ሮሜ 10 8 አፍና ልብ ያላቸውን ዋጋ ይነግረናል።የምንሰማው የእምነት ቃል ደግሞ ታላቅ ነገርን ማድረግ የሚችል መሆኑን መረዳት ይገባል። ዛሬ ላይ የምንናገረው ንግግር ዘመናችንን ሁሉ የሚከተለን ነውና ማየት የምንፈልገውን ነገር ዛሬ መናገር እንችላለን።

¶...ለጻድቁ መልካም ይሆናል ተብሎ እንደተጻፈ ቃሉን ስንለው(መልካም ይሆንልሃል)ስንለው ለተቀባዩ ይሆንለታል በሁሉም የህይወቱ አቅጣጫም የእግዚአብሔር መልካምነት ይፈጸማል።

¶..አፋችን ላይ የትንሳኤ ቃል እንጂ የመርዶ ቃል መኖር የለበትም ምክንያቱም( ምሳሌ 18 ÷ 20) የሰው ሆድ ከአፉ ፍሬ ይሞላል ከንፈሩም ከሚያፈራው ይጠግባል እንደሚል።

...የእግዚአብሔርን ቃል እንናገራለን ቃሉ ህይወታችንን ይሞላዋል..

¶..የኔ ነገር ደህና ነው ሁሉ ደህና ነው ማለትን አንደበታችንን ማስለመድ አለብን መናገርም አለብን።

¶...አየሩ ላይ የሚሰሩ አዎንታዊውንም አሉታዊውንም ንግግር የሚያስፈጽሙ መናፍስት ስላሉ ለቋንቋችን መጠንቀቅ ይገባናል።የምንናገረው ደግሞ እንደ እግዚአብሔር ቃል መሆን አለበት

ምክንያቱም የኛ ምንጭ እግዚአብሔር እንጂ ሁኔታና በዙሪያችን የሚክወኑ ጉዳዮች አይደሉም።

¶..ለዚህም ህይወትን በሙከራ ሳይሆን በእምነት እንኖራለን፣እግዝአብሔር እውቅና ያልሰጠውን ነገር በሙሉም በቃሉ መነቃቀል አለበት።

¶...ለጻድቅ የልቡ መሻት ይሰጠዋል ከእግዚአብሔር ሞገስ የተነሳ ደግሞ ህይወታችን ጉዞው ሁሉ ከክብር ወደክብር፣ከኃይል ወደ ኃይል፣ከቅባት ወደቅባት፣ከጸጋ ወደ ጸጋ ነው።

ኢሳያስ 33÷ 24
ዕብራውያን 12 ÷ 22
ምሳሌ 18÷ 21
ምሳሌ 21 ÷23
ምሳሌ 13÷ 2 እና 3
ምሳሌ 12 ÷14

¶..ሞትም ህይወትም በምላስ እጅ ላይ ነው። አፍና ምላስን መጠበቅ ደግሞ ነፍስን ከመከራ መጠበቅ ነውና በልባችን ውስጥ የሚሞላውን አስተካክለን የተማረ አንደበትን ማበጀት ይገባናል።ከዚያም እንደቃሉ የሆነ መልካም ነገርን ሁሉ እንጠግባለን።

¶...ማቴዎስ 12 ÷ 33 - 37 በልብ ሞልቶ ከተረፈው አፍ ይናገራልና መጽሐፍ ደካማው እኔ ብርቱ ነኝ ይበል ደሃው ባለጠጋ ነኝ ይበል እንደሚል በንግግራችን ኃይል ብዙ በረከት ማድረግ እንችላለን።

¶...ክፉ ሰው መልካም መናገር ይሳነዋል፣መልካም ሰው ግን ከልቡ መልካም መዝገብ መልካም ነገርን ያወጣል።ከቃል የተነሳ መጽደቅና መኮነን ስላለ እያንዳንዷ ንግግራችን እንደምትመዘገብ መረዳት አለብን።

¶...የእግዚአብሔር ቃል ደግሞ የሌለውን እንዳለ አድርጎ የሚጠራ ነውና አንደበታችንን በዚህ ማሰልጠን ይገባናል።

¶..ያዕቆብ መልክት 3 ÷ 1 እና 5 የአንደበታችንን ኃይል በመረዳት እና በውስጣችን የትንሳኤ መንፈስ እያለ ነገራችን በንግግራችን ሊገታ ስለማይገባው የቃል ልጓም ልናበጅ ያስፈልገናል።

¶..የኛ አንደበት ግን የሰማዩን ይናገራል።የእግዚአብሔር ቃል መንፈስና ህይወት ነው።እኛ ደግሞ የምንሞላው ነገር ውጤት በመሆናችን የምንሞላውን ነገር መለየት ያስፈልገናል።

¶...አንደበታችን ከእግዚአብሔር ቃል ታላላቅ ነገር መናገር አለበት ፣አንደበታችን በእግዚአብሔር ቃል መከፈት አለበት ፣ምክንያቱም ከአፋችን ቃል በቀር የሚሆን የለምና ነው።

''ማንም በክርስቶስ ቢሆን አዲስ ፍጥረት ነው''

https://youtu.be/VSzZiwppQ-U

https://youtu.be/l7I6hPIztIg

ፖስተር መላኩ

መዝ 118:14

↪️ ታላቁን የእግዚያብሔርንኃይልየምንቀበልበት እና የምንሞላበት አንደኛው መንገድ በአምልኮ በዝማሬ በዜማ በቅኔ ለእግዚአብሔር በመንፈስ በመቀኘት ነው ።


↪️ ኃይል የተሞላ ሰው በነገሮች ላይ የሚልቅበት የሚገንበት ጉልበት ስለተቀበለ ከየትኛውም ስፍራ በምንም ነገር ሊደበቅ እና ሊከለል በማይችል ከፍታ ላይ ሆኖ ይታያል የሚፈራው አንዳች ነገር አይኖርም ወደፊት በድፍረት ይወጣል ።

↪️ ኃይል የተቀበለ ሠው የሚናገረው እያንዳንዱ ቃል ገዢ ነው የአንደበቱ ንግግር የሠዎችን ልብ የማሸነፍ እና የመግዛት ጉልበት አለው ።

ኤፌ 5:14

↪️ አማኝ ሊነቃ ይገባዋል ቅዱሳን ህይወታቸውን በሙሉ በዜማ እግዚአብሔርን በማመስገን እንቅፋት እና ተግዳሮታቸውን በማስወገድ መጓዝ ይችላሉ በዜማ እና በቅኔ እግዘብሔርን ማመስገን ከየትኛውም የጭንቀት እና የድብርት ስሜት መንጭቆ አውጥቶ ህይወትን ብሩህ የሚያደርግ ሀይልን በውስጣችን ይከታል።

↪️ የክርስትና ከፍታ በሰዋዊው አደራረግ አይደረስም ልፋት እና አታጋይ ነው የሚሆነው ክርስትና ወደ መንፈሳዊው ልህቀት የሚደርሰው ትክክለኛውን መንገድ በማወቅ ነው ። በዝማሬ እና አምልኮ ውስጥ ኃይል መረዳት አስቸጋሪ እና የማይታለፉ የሚባሉ ነገሮችን ወደ ተአምራት ይገለባብጣቸዋል ።

ሐዋ ሥራ 16፤25

↪️ በመንፈቀ ሌሊት ግን ጳውሎስና ሲላስ እየጸለዩ እግዚአብሔርን በዜማ ያመሰግኑ ነበር፥ እስረኞቹም ያደምጡአቸው ነበር ።

↪️በአምልኮ ውስጥ ሳሉ ሀይል ወረደባቸው !
➢ ሠንሰለትን የሚበጣጥስ ኃይል
➢ እስረኞችን ሁሉ የሚፈታ ኃይል
➢ የወህኒውን መሠረት የሚነቀንቅኃይል

↪️አምልኮ በስኬትም ያለ ስኬትም በድካምም በብርታትም በደስታም በሀዘንም ግዜ መቋረጥ የሌለበት ቅዱሳን በየትኛውም ሁኔታ ውስጥ ሆነው ቀኑን እና ዘመኑን የሚዋጁበት እለትከእለት ሊተገብሩት የሚገባ በሰማይም የሚቀጥል ዘላለማዊ ተግባር ነው ።

↪️በዜማ እና በቅኔ በምናመሰግንበት ግዜ እግዚአብሔር ከመለኮታዊ አለም መለኮታዊ ቅንብር አድርጎ ድብቅ ጦር ስለኛ ይልካል ጠላታችን ከመሠረቱ ይመታል ተግዳሮታችን ከፊታችን ይፈጠፈጣል ።

➢ ሌላኛው ኃይልየምንቀበልበት መንገድ እምነት ነው

ኢሳ 40:28

↪️ እምነት ለደካማ ኃይል ብርታትን ላጣ ጉልበትን ይጨምራል ሁል ግዜ መነቃቃት ሁል ግዜ መበርታት የምንችለው በእምነት ስንቆይ ነው ።

↪️ እምነት እግዚአብሔርን በመተማመን የሚጠበቅ ቀጣይነት ያለው የማይቋረጥ እየተጨመረ የሚሄድ ሀይልና ጉልበታችንን የሚያድስ የአማኝ መሳሪያ ነው ።

↪️ቅዱሳን የእምነትን ኃይልከሚሸረሽሩ እና ወደኋላ ከሚስቡ ነገሮች ዘመድ ቢሆን ጓደኛ ክብር ቢሆን ገንዘብ ከየትኛውም ሁኔታ መራቅ እና እምነትን ከሚያነሳሱ ጋር ህብረትን ማድረግ አለባቸው ።

↪️ የእምነት ሠዎች መለያቸው ፈተና በበረታ ግዜ ሀይላቸው እየጨመረ የሚሄድና ሁልግዜ እና በምንም አይነት ሁኔታ በአምላካቸው የሚተማመን ልባቸው ሙሉ ናቸው

https://youtu.be/J3c5zToC9Ro

https://youtu.be/E6bAv--ow_Y

ፖስተር መላኩ
➢መጽ መሣ 13፤25
↪️የእግዚአብሔርም መንፈስ በጾርዓና በኤሽታኦል መካከል ባለው በዳን ሰፈር ውስጥ ሊያነቃቃው ጀመረ።
ያነቃቃው የነበረው ከፊቱ የሚጋፈጣቸውን ብዙ ተግዳሮቶች ገንጥሎ የሚያልፍበትን የኃይል ቅባት እያስታጠቀው ነበረ ።
➢ ሐዋ 1:8
↪️ የትኛውንም ነገር ሁሉ መግዣ ማዘዣ እና መቆጣጠሪያ መንገድ ኃይል ነው ። ቅዱሳን በጉዳዮቻችን እና በፈተና ላይ በሞገስ እንድንቆምበት አልፎ መሄድ እና በድል መጓዝ እንድንችል የእግዚያብሔርን የኃይል ቅባት ልንለብስ ያስፈልገናል ።
➢ኤፌ 6:10
↪️ለህይወት ጉዟችንም ሆነ ለአገልግሎታችን ሰማያዊ ኃይል አስፈላጊ ስለሆነ ቅዱሳን ሁልግዜም ሀይል ከምናገኝበት ምንጫችን ጋር መጣበቅ አለብን ።
↪️ የክፉ መንግስት ለይቶ የሚያውቀን ሊቋቋመው በማይችለው ከተፅእኖ ስር ሊገባ በማይችል ሀይላችን ጌታ በሰጠን ጉልበት ነው ።
↪️ ኃይልን የተሞላ እና ሰባሪ ቅባትን ከጌታ የተሞላ ሰው ጉዞውን የሚገታ አገልግሎቱን ሊያስቆም እና ሊገታ የሚችል የሚቋቋመው ማንም አይኖርም ።
➢መዝ 118:14
↪️ ታላቁን የእግዚያብሔርን ኃይል የምንቀበልበት እና የምንሞላበት አንደኛው መንገድ በአምልኮ በዝማሬ በዜማ በቅኔ ለእግዚአብሔር በመንፈስ በመቀኘት ነው ።

ፖስተር ሔኖክ

ዘፍ 3:2 ፣ ሉቃ 4:1

↪️ የሠው ልጅ ባልገባው እና ባልተረዳው ነገር ሁሌም ብልጫ ይወሰድበታል ሽንፈት እድል ፈንታው ይሆናል ያለ እውቀት የሆነ ነገር ሁሉ ፍፃሜው ውድቀት ነው ።

↪️ሰይጣን እና ሀይማኖት የሚጠይቀው አንድ ነገር ማንነታችንን በትክክል መረዳታችንን ነው ለሄዋንም ለኢየሱስም ተመሳሳይ ጥያቄ ነው የጠየቀው ። የሆነውን ነገር የተደረግነውን ማንነታችንን ያለማወቃችንን ተጠቅሞ የሆነውን ነገር እንደገና ለማግኘት ያለፋናል ይጥለናል የመጀመሪያው አዳም እውቀቱ ልክ ስላልነበረ በልቶ ወደቀ ሁለተኛው አዳም ማንነቱን ስለሚያውቅ አሸነፈው ።

ኢሳ 9:1

↪️ ነቢያቶች በጭንቀት ለሚኖረው ህዝብ በዘመናቸው ተስፋ እንዳለ የወረሰው ጨለማ እንደሚነሳለት ታላቅ ብርሀን እንደሚመጣ ለሠው ሁሉ እንደሚያበራ ጨለማው እንደሚፈፀም እና ነፃ ሚያወጣቸው እንደሚመጣ ይናገሩ ነበረ ።

ዮሓ 1:4

↪️ጨለማም ብርሀንም ማንነት ነው ጨለማ ነበራችሁ እንባል የነበረውን በኢየሱስ ብርሀን ናችሁ ተባልን ማንነታችን ተቀየረ ።

ኤፌ 5:8

↪️ ጨለማም ብርሀንም ምንጭ አለው አባት የሚለው ስያሜ አንዱ ትርጓሜ ምንጭ ነው ምንጭ ቀይረናል አባታችን ተለውጧል የእግዚያብሔር ልጆች ሆነናል ።

ያዕ 1:17

↪️ በክርስቶስ ስፍራ ቀይረናል ወገን ያልነበርነውን ወገን ህዝብ ያልነበርነውን ህዝብ አድርጎናል ።

1ኛ ጴጥ 2:9

↪️ አገዛዝ እና የመንግስት ስርአት በክርስቶስ ቀይረናል ከጨለማው ስርአት ወደ ፍቅሩ ልጅ መንግስት አፍልሶናል በዚህ መንግስት ውስጥ በመንፈስ ቅዱስ የሆነ ሰላም እና ደስታ ውስጥ ገብተናል ። በክርስቶስ አለቃ ቀይረናል የሠላም አለቃ ነው እኛን የሚያስተዳድረን

ቆላ 1:13-14

↪️ እውነትን የሚያውቅ ነፃ ነው መጠየቅ ያለበትን መብቱን ያውቃል በበግ እና በኮርማ ደም ሳይሆን እጅግ ውድ በሆነው በኢየሱስ ደም ተዋጅቻለሁ ከእግዚአብሔር የተቀበልኩት የመንፈስ ማደሪያ ሰውነቴን ለህገወጥ ጉዳይ መጠቀሚያነት ፈፅሞ አልፈቅድም ብሎ ይከለክላል ።

ኢሳ 60:1, ማቴ 5:14

↪️ ህይወት የሚታይ ነው ብርሀንም ሊደበቅ አይችልም በህይወታችን የተካፈልነውን የእግዚአብሔር መልካምነት ሁሉ በተንቀሳቀስንበት ስፍራ ሁሉ ስናሳየው በሰማይ ያለው አባታችን ይከበራል በዚህ አለም ስርአት መካከል ሆነን የሠማይን ስርአት በህይወታችን ማሳየት ጨለማውን በብርሀናችን መግፈፍ እንችላለን ።

ኢሳ 49:9

↪️ እግዚአብሔር ብርሀን ሲያደርገን በጨለማ ያሉትን በእስራት የሚገኙትን ከስቃይ ከመከራና ከሞት ኑ ውጡ ብለን እንድናበራላቸው መንገድ እንድናሳያቸው ነው ።

ሮሜ 13:12

↪️ ሠው ማንነቱ ተቀይሮ እውቀቱ በእግዚአብሔር ቃል እውቀት ካልተለወጠ ባካኝ እና ከደረጃው ወርዶ ነው የሚገኘው በብርሀን መንግስት ውስጥ እየኖረ ብርሀን ተደርጎ ህይወቱ እና ተግባሩ ግን አሁንም በጨለማ ይኖራል ስለዚህ ቀን በቀን የቃሉ ፍቺ እየበራልን እውነትን እየተቀበልን በእግዚአብሔር ቃል አመለካከታችን እና አስተሳሰባችን መቀየር ብርሀናችን ለሠው ሁሉ መታየት አለበት ።

➢ በጨለማ ነበርን ወደ ብርሀን ወጥተናል።
➢ ጨለማ ነበርን ብርሀን ተደርገናል።
➢ ዲያቢሎስ አባታችን ነበረ የቁጣ ልጆች ነበርን አሁን ግን የእግዘብሔር ልጆች ነን።
➢ የምንተዳደረው በሰይጣን አገዛዝ ስር ነበረ አሁን ግን ገዢያችን የሠላም አለቃው ኢየሱስ ነው።

ሀሌሉያ በኢየሱስ ሁሉን ተደርገናል

https://youtu.be/bXFouXatbZg

https://youtu.be/RO4mYlNcmgw

https://youtu.be/eQE4FJ-Dl5I

https://youtu.be/lFHKX-wtU10

https://youtu.be/k9nc6AiVWIM

ሻሎም ሻሎም የተወደዳችሁ ቅዱሳን ኒው ክርኤሽን አለም አቀፍ ቤተክርስቲያን የፊታችን እሁድ ታህሳስ 27 ከቀኑ 7 ሰአት ጀምሮ ልዩ የኢየሱስ ክርስቶስ ልደት በአል ፕሮግራም የሚኖረን ሲሆን በዚህ ፕሮግራም ላይ የእግዚአብሔር ቃል እና የጌታ ሥጋና ደም የምንወስድበት ጊዜ ከሐዋርያ ጃፒ ጋር
እንዲሁም ልዩ የአምልኮ ጊዜ ከቤተክርስቲያኒቱ መዘምራን እና ከማሃናየም የዘማሬ እና የወንጌል አገልግሎት ጋር ይኖረናል በዚህ ልዩ ዝግጅት ላይ እንድትካፈሉ በፍቅር ተጋብዛችኋል!!!!!

https://youtu.be/4jPwDQzOKdk

https://youtu.be/MzDgP48OPpA

ሙሉ ቪዲዮውን ለማግኘት ሊንኩን ይጫኑ
https://www.youtube.com/watch?v=UgZcpNzT238

https://youtu.be/UgZcpNzT238

ፖስተር ሱራፌል

አርዕስት - የህይወት ታላቁ ውሳኔ

➢ የህይወት ትልቁና ትክክለኛው ውሳኔ የእግዚአብሔርን ህልውና እና መገኘቱን መፈለግ ነው ።
➢ የእግዚአብሔር መገኘት) ማለት አሁን እና እዚሁ በእኛ ሁኔታ ፍቅሩ ተአምራቱና ሀይሉ ሲገለጥ ማለት ነው

መገኘቱን እና ህልዎናውን ለምን እንፈልጋለን ???
¯¯¯¯¯¯¯¯¯¯ ¯¯¯¯¯¯¯¯¯¯ ¯¯¯¯¯¯¯¯¯¯
➣ የእግዚአብሔር ህልውና ወይም መገኘቱ ለተፈጠርንለት አላማ ተስማሚና ምቹ ከባቢ ስለሆነ ያለህልውናው እግዚአብሔር በክርስቶስ የሠጠንን ልዩ መብት መጠቀም አንችልም ::

✝️ ኦሪት ዘፍጥረት 2:9
¯¯¯¯¯¯¯¯¯¯
↪️ ሰው ከእግዚአብሔር መገኘት እና ህልውና ውጪ ሲሆን ተቅበዝባዥ ነው የሚሆነው ።

✝️ ኦሪት ዘፍጥረት 4:13 ,14
¯¯¯¯¯¯¯¯¯¯ ¯¯¯¯¯¯¯¯¯¯
↪️ የሠው ልጅ ትክክለኛው ልክ የእግዚአብሔር መገኘት ውስጥ ነው ያለው ።

መዝሙር 17:14-15 NASV
¯¯¯¯¯¯¯¯¯¯ ¯¯¯¯¯¯¯¯¯¯

↪️ የአማኝ የመጨረሻ የእርካታው ጥግ በእግዚአብሔር ክብርና ህልውና ውስጥ መገኘት ነው ።
ምሳሌ 30 :26
¯¯¯¯¯¯¯¯¯¯
↪️መዝሙር 91:1-3
¯¯¯¯¯¯¯¯¯¯
➊ ራስን ወይም እኔነትን መተው

➣ ሰይጣን አዳም እና ባቢሎን የውድቀታቸው ምክንያት ትዕቢት እና እኔነት ነው መስዋዕት ሲሞት እና ሲጨስ መአዛው እንደሚወጣ ሁሉ ሰው እኔነቱን ሲገድል አምላኩን ብቻ ሲታመን በእግዚአብሔር ህልውና ውስጥ በቀላሉ መግባት ይቻለዋል ።

ኢሳይያስ 56:1-7
¯¯¯¯¯¯¯¯¯¯
↪️ 2ኛ ጢሞቴዎስ 2:3-4
¯¯¯¯¯¯¯¯¯¯
➋ መሠዊያውን መስራት

ዘጸአት 20:24
¯¯¯¯¯¯¯¯¯
➣ መሠዊያ የእግዚአብሔር ስም የሚከበረብት የሠማይ በር የሚከፈትበት እና ኪዳናዊ የመለኮትን ቅባት ለህይወት የምንቀበልበት መግቢያ ነው ።

➣ አማኝ በምንም ነገር እና በየትኛውም ሁኔታ የማያስነካው የእርሱና የእግዚአብሔር የተለየ ስፍራና ሰአት ሊኖረው ያስፈልጋል ።

➣ መፅሀፍ እንደሚናገር ሁልግዜ ፀልዩ ፣ ሳታቋርጡ ፀልዩ ፣ ሳትታክቱ ፀልዩ ፣ አጥብቃችሁ ፀልዩ ፣ ትጉና ፀልዩ እንደሚል ፀሎትን ተከትለው የተቀመጡ ቃላት ሁሉ ጠንካራነትን እና ድግግሞሽን እንደሚፈልጉ ስለሚያስረዱ ፀሎት እና በመሠዊያችን ላይ መገኘት ስንፍና የሌለበት እለት እለት የሚፈፀም የሁልጊዜ ተግባር መሆን አለበት ።

➣ ትልልቅ ሰማያዊ ተግባርን የፈፀሙ እና ምሳሌ ብለን የምናነሳቸው የእግዚአብሔር ሰዎች ሁሉ ረጅሙን ግዜያቸውን በፀሎት እና በመሠዊያቸው ፊት ተንበርክከው ያሳለፉ ናቸው ብዙ መገኘቱን የምናገኘው በፊቱ ብዙ ስንገኝ ነው ።

➣ ፈጣን ሯጭ በውድድር ጅማሬ ለመወርወር እንደሚንበረከክ በህይወታችን ፈጣን ለውጥ ከፈለግን እና የህልውናው መሻት ካለን መንበርከክ ግድ ነው ስንንበረከክ ሙሉ ሀይላችን ይወጣልና ።

https://youtu.be/hsV_yEZYsuw

ዛሬ ከ11:30 ጀምሮ ልዩ ጊዜ ከሐዋርያ ጃፒ ጋር በፍጹም አይቀርም!!!!!!!

https://youtu.be/qwkfKSRF33A

https://youtu.be/ANB3cfY1RU8

ወንድም እስከአድማስ በቀለ
አርዕስት - ጸጋን ማወቅ
➢ ኤፌሶን 4:20-21
[20] እናንተ ግን ክርስቶስን ያወቃችሁት እንደዚህ ባለ መንገድ አይደለም፤
➣ 2 ጴጥሮስ 1:2
[2] እግዚአብሔርንና ጌታችን ኢየሱስን በማወቅ ጸጋና ሰላም ይብዛላችሁ።
🔥 ጸጋን ማወቅ ማለት ስለ ጸጋ በቂ መረጃ መሠብሰብ ስለ ጸጋ በተቀላጠፈ ቋንቋ እና በሚማርክ ንግግር ማብራራት ሳይሆን ከህይወት ጋር መቀላቀል እና ማዋሀድ በነገርህ ሁሉ ላይ የእግዚአብሔር ስጦታ በሆነው ጸጋ መገለጥ ነው ።
➣ ጸጋ የትኛውም ሀጢያት ወለድ ኬላ በሽታ ድህነት ወድቀት .....ሊከለክለውና ሊያቆመው የማይችል የመለኮት ሀይል ነው
➢ ጸጋ በሽታውን የምትነቅልበት መንገድ ተብሎ የሚብራራበት የሐይማኖት ትምህርት እና ትንታኔ ሳይሆን በሽታን የሚነቅል ነው ።
➣ ጸጋ ውድም እርከሽም አይደለም ተመን የለሽ ከየትኛውም ነገር ጋር ለውድድር የማይቀርብ የእግዚያብሔር አቅም እና ነጻ ስጦታ ነው ።
➢ ጸጋ ወዴት እና እንዴት እንደምትሄድ መቼ ምን መሆን እንዳለበት ለማን ምን እንደሚያስፈልገው የሚያውቅ እና እጅግ ከኛ ጋር የተዋሀደ እና የነገሮቻችን ሁሉ መልስ ነው ።
2 ጢሞቴዎስ 1:9 NASV
[9] እኛ ስላደረግነው አንዳች ነገር ሳይሆን፣ ከዕቅዱና ከጸጋው የተነሣ ያዳነን፣ ወደ ቅዱስ ሕይወትም የጠራን እርሱ ነው። ይህም ጸጋ ከዘላለም ዘመናት በፊት በክርስቶስ ኢየሱስ ተሰጠን፤
➣ እግዚአብሔር ለሰውን ሁሉ ድህነት የከፈለው እጅግ ውድ ስጦታው ነው ።
ኤፌሶን 2
¯¯¯¯¯¯¯¯¯¯
⁴ ነገር ግን እግዚአብሔር በምሕረቱ ባለ ጠጋ ስለ ሆነ፥
⁵ ከወደደን ከትልቅ ፍቅሩ የተነሣ በበደላችን ሙታን እንኳ በሆንን ጊዜ ከክርስቶስ ጋር ሕይወት ሰጠን፥ በጸጋ ድናችኋልና፥
⁶-⁷ በሚመጡ ዘመናትም በክርስቶስ ኢየሱስ ለእኛ ባለው ቸርነት ከሁሉ የሚበልጠውን የጸጋውን ባለ ጠግነት ያሳይ ዘንድ፥ ከእርሱ ጋር አስነሣን በክርስቶስ ኢየሱስም በሰማያዊ ስፍራ ከእርሱ ጋር አስቀመጠን።
⁸ ጸጋው በእምነት አድኖአችኋልና፤ ይህም የእግዚአብሔር ስጦታ ነው እንጂ ከእናንተ አይደለም፤
⁹ ማንም እንዳይመካ ከሥራ አይደለም።
¹⁰ እኛ ፍጥረቱ ነንና፤ እንመላለስበት ዘንድ እግዚአብሔር አስቀድሞ ያዘጋጀውን መልካሙን ሥራ ለማድረግ በክርስቶስ ኢየሱስ ተፈጠርን።
➢ እግዘብሔር ባለጠግነቱን የገለጠው እና ያሳየው በኛ በልጆቹ ላይ ነው ።
ቲቶ 2:12 NASV
[12] ይህም ጸጋ በኀጢአት መኖርንና ዓለማዊ ምኞትን ክደን፣ በአሁኑ ዘመን ራሳችንን በመግዛትና በጽድቅ፣ በእውነተኛ መንፈሳዊ ሕይወት እንድንኖር ያስተምረናል፤
➢ ጸጋ እንደሆነ ጎበዝ ተብሎ የተጠራ ሰዎች መአረግ እንደሠጡት ሰው የሚያደርገን ሳይሆን ጸጋ ትልቁን እግዚአብሔርን እራሳችንን በመግዛት እና በፅድቅ እራሱን እንድንመስል የሚሰራን እና የሚያስተምረን መንፈስ ነው ።
ዕብራውያን 4:16 NASV
[16] እንግዲህ ምሕረትን እንድንቀበልና በሚያስፈልገንም ጊዜ የሚረዳንን ጸጋ እንድናገኝ፣ ወደ ጸጋው ዙፋን በእምነት እንቅረብ።
➢ ጸጋ የትኛውም ነገር በሚያስፈልገን ግዜ እንዴት የቱን ከየት እንደምናገኝ የሚያስተምረን አቅርቦታችን ነው ።
2ኛ ቆሮ 12
¯¯¯¯¯¯¯¯¯¯
⁹ እርሱም፦ ጸጋዬ ይበቃሃል፥ ኃይሌ በድካም ይፈጸማልና አለኝ። እንግዲህ የክርስቶስ ኃይል ያድርብኝ ዘንድ በብዙ ደስታ በድካሜ ልመካ እወዳለሁ።
➢ ጸጋ ያደከመን ነገር ላይ በኀይል የሚገልጠን ህይወታችን ላይ የማንፈልገውን የትኛውንም ነገር የምንነቅልበት መለኮታዊ ጉልበት ነው ።
ፊልጵስዩስ 4
¯¯¯¯¯¯¯¯¯¯
¹³ ኃይልን በሚሰጠኝ በክርስቶስ ሁሉን እችላለሁ።

https://youtu.be/Gqqal2EC-a4

https://youtu.be/FWqWxX9tL8Q

ወንድም ኤልያስ ተረፈ
አርዕስት - የከፍታ ምዕራፍ
ገላትያ 1
¯¯¯¯¯¯¯¯¯¯
¹-² በኢየሱስ ክርስቶስ ከሙታንም ባነሣው በእግዚአብሔር አብ ሐዋርያ የሆነ እንጂ ከሰዎች ወይም በሰው ያልሆነ ጳውሎስ ከእኔም ጋር ያሉት ወንድሞች ሁሉ፥ ወደ ገላትያ አብያተ ክርስቲያናት፤
³ ከእግዚአብሔር ከአባታችን ከጌታችንም ከኢየሱስ ክርስቶስ ጸጋና ሰላም ለእናንተ ይሁን።
⁴ ክፉ ከሆነ ከአሁኑ ዓለም ያድነን ዘንድ እንደ አምላካችንና እንደ አባታችን ፈቃድ ስለ ኃጢአታችን ራሱን ሰጠ።
⁵ ለአብ ከዘላለም እስከ ዘላለም ክብር ይሁን፤ አሜን።
➣ ከፍታን መውረስ ማንነታችን ነው በክርስቶስ ኢየሱስ በአብ ቀኝ ተቀምጠናል
➢ እኛ በዚህ አለም ያለውን እንድንሻ አልተጠራንም ።
1ኛ ቆሮንቶስ 15
¯¯¯¯¯¯¯¯¯¯
¹⁰ ነገር ግን በእግዚአብሔር ጸጋ የሆንሁ እኔ ነኝ፤ ለእኔም የተሰጠኝ ጸጋው ከንቱ አልነበረም ከሁላቸው ይልቅ ግን ደከምሁ፥ ዳሩ ግን ከእኔ ጋር ያለው የእግዚአብሔር ጸጋ ነው እንጂ እኔ አይደለሁም።
➣ ክርስትና ከዚህ አለም ብቻ ቢሆን ይሰለች ነበረ የኛ ምንጭ የሚቀዳው ከሰማይ ነው ።
2ኛ ቆሮ 12
¯¯¯¯¯¯¯¯¯¯
¹ ትምክህት የሚያስፈልግ ነው፤ አይጠቅምም ነገር ግን ከጌታ ወዳለው ራእይና መገለጥ እመጣለሁ።
² ሰውን በክርስቶስ አውቃለሁ፥ በሥጋ እንደ ሆነ አላውቅም ወይም ከሥጋ ውጭ እንደ ሆነ አላውቅም፥ እግዚአብሔር ያውቃል፤ እንዲህ ያለው ሰው ከአሥራ አራት ዓመት በፊት እስከ ሦስተኛው ሰማይ ድረስ ተነጠቀ።
³ እንዲህ ያለውንም ሰው አውቃለሁ፥ በሥጋ እንደ ሆነ ወይም ያለ ሥጋ እንደ ሆነ አላውቅም፥ እግዚአብሔር ያውቃል፤
⁴ ወደ ገነት ተነጠቀ፥ ሰውም ሊናገር የማይገባውን የማይነገረውን ቃል ሰማ።
⁵ እንደዚህ ስላለው እመካለሁ፥ ስለ ራሴ ግን ከድካሜ በቀር አልመካም።
➢ ትምክህት ያስፈልጋል ነገር ግን እኛ መመኪያችን ምድራዊ ነገር ሳይሆን ሰማያዊው መገለጥ እና የአምላካችን ክብር ነው ።
↪️ መንፈሳዊው አለም በድንገት በምኞት ወይንም በእድል አይሰራም የእግዚአብሔር መንግስት የሚሰራው በመርህ ነው ።
🔑 ሰማያዊው አለም በቅናት በናፍቆት መጠማት እና በመራብን ይፈልጋል ።
መዝሙር 42
¯¯¯¯¯¯¯¯¯¯
¹ ዋላ ወደ ውኃ ምንጭ እንደሚናፍቅ፥ አቤቱ፥ እንዲሁ ነፍሴ ወደ አንተ ትናፍቃለች።
² ነፍሴ ወደ ሕያው አምላክ ተጠማች፤ መቼ እደርሳለሁ? የአምላክንስ ፊት መቼ አያለሁ?
↪️ እግዚአብሔር በሙሉ ክብሩ ይገለጥ ዘንድ መንፈሳችን እርሱን በናፍቆት እና በረሀብ መጠባበቅ የግድ ነው ።
➢ እግዚአብሔርን መፈለግ ክብሩን መጠማት የአንድ ግዜ ሳይሆን የህይወት ዘመን ጉዳይ ነው ።
መዝሙር 63
¯¯¯¯¯¯¯¯¯¯
¹ አምላኬ፥ አምላኬ፥ ወደ አንተ እገሠግሣለሁ፤ ነፍሴ አንተን ተጠማች፥ ሥጋዬ አንተን እንዴት ናፈቀች እንጨትና ውኃ በሌለበት በምድረ በዳ።
² ኃይልህንና ክብርህን አይ ዘንድ እንዲሁ በመቅደስ ውስጥ ተመለከትሁህ።
➣ እግዚአብሔርን ፈልጎ እርሱን ተጠምቶ እና ናፍቆ ጠብቆ ክብሩን ያላየ አንድስ እንኳ የለም ።
↪️ የከፍታ ምዕራፍን ለመቆናጠጥ እና በሰማያዊው ክብር ለመኖር የመንግሥቱ ሠራተኛ ሆነን ለመሾም የእግዚአብሔር የቤቱ ቅናት ሊበላን በክብሩ የማንደራደር መሆን አለብን ።
1ኛ ነገሥት 17
¯¯¯¯¯¯¯¯¯¯
¹ በገለዓድ ቴስቢ የነበረው ቴስብያዊው ኤልያስ አክዓብን፦ በፊቱ የቆምሁት የእስራኤል አምላክ ሕያው እግዚአብሔርን! ከአፌ ቃል በቀር በእነዚህ ዓመታት ጠልና ዝናብ አይሆንም አለው።
² የእግዚአብሔርም ቃል እንዲህ ሲል ለእርሱ መጣለት።
³ ከዚህ ተነሥተህ ወደ ምሥራቅ ሂድ፥ በዮርዳኖስም ትይዩ ባለው በኮራት ፈፋ ውስጥ ተሸሸግ።
⁴ ከወንዙም ትጠጣለህ፥ ቍራዎችም በዚያ ይመግቡህ ዘንድ አዝዣለሁ።
⁵ ሄደም እንደ እግዚአብሔር ቃልም አደረገ። ሄዶም በዮርዳኖስ ትይዩ ባለው በኮራት ፈፋ ውስጥ ተቀመጠ።
⁶ ቍራዎቹም በየጥዋትና በየማታው እንጀራና ሥጋ ያመጡለት ነበር፤ ከወንዙም ይጠጣ ነበር።
⁷ ከብዙ ቀንም በኋላ በምድር ላይ ዝናብ አልነበረምና ወንዙ ደረቀ።
⁸ ተነሥተህም በሲዶና አጠገብ ወዳለችው ወደ ሰራፕታ ሂድ፥ በዚያም ተቀመጥ፤
⁹ እነሆም፥ ትመግብህ ዘንድ አንዲት ባልቴት አዝዣለሁ የሚል የእግዚአብሔር ቃል መጣለት።
¹⁰ ተነሥቶም ወደ ሰራፕታ ሄደ፤ ወደ ከተማይቱም በር በደረሰ ጊዜ አንዲት ባልቴት በዚያ እንጨት ትለቅም ነበር፤ እርሱም ጠርቶ፦ የምጠጣው ጥቂት ውኃ በጽዋ ታመጭልኝ ዘንድ እለምንሻለሁ አላት።
¹¹ ውኃም ልታመጣለት በሄደች ጊዜ ወደ እርስዋ ጠርቶ፥ ቁራሽ እንጀራ በእጅሽ ይዘሽ ትመጭ ዘንድ እለምንሻለሁ አላት።
¹² እርስዋም፦ አምላክህ ሕያው እግዚአብሔርን! በማድጋ ካለው ከእፍኝ ዱቄት፥ በማሰሮም ካለው ከጥቂት ዘይት በቀር እንጀራ የለኝም፤ እነሆም፥ ገብቼ ለእኔና ለልጄ እጋግረው ዘንድ በልተነውም እንሞት ዘንድ ጥቂት እንጨት እሰበስባለሁ አለች።
¹³ ኤልያስም አላት፦ አትፍሪ ይልቅስ ሄደሽ እንዳልሺው አድርጊ፤ አስቀድመሽ ግን ከዱቄቱ ለእኔ ታናሽ እንጎቻ አድርገሽ አምጭልኝ፥ ከዚያም በኋላ ለአንቺና ለልጅሽ አድርጊ፤
¹⁴ የእስራኤል አምላክ እግዚአብሔር እንዲህ ይላልና፦ በምድር ላይ እግዚአብሔር ዝናብ እስከሚሰጥበት ቀን ድረስ፥ ዱቄቱ ከማድጋ አይጨረስም፥ ዘይቱም ከማሰሮው አይጎድልም።
↪️ እግዚአብሔርን ፈልጎ ክብሩን ተጠምቶ ለቆመ እግዚያብሔር ሁልግዜ ከአንደበቱ ቃል እና ከእያንዱ እርምጃው ጋር ይወግናል ።
🔑 የሚታየው የመጣው ከማይታየው ነው የማይታየው ደግሞ እውነተኛ እና እርግጥ ነው ።
ኢሳይያስ 44
¯¯¯¯¯¯¯¯¯¯
¹ አሁንም ባሪያዬ ያዕቆብ የመረጥሁህም እስራኤል ሆይ፥ ስማ።
² የፈጠረህ ከማኅፀንም የሠራህ የሚረዳህም እግዚአብሔር እንዲህ ይላል፦ ባሪያዬ ያዕቆብ የመረጥሁህም ይሹሩን ሆይ፥ አትፍራ።
³ በተጠማ ላይ ውኃን በደረቅም መሬት ላይ ፈሳሾችን አፈስሳለሁና፤ መንፈሴን በዘርህ ላይ በረከቴንም በልጆችህ ላይ አፈስሳለሁ፥
⁴ በፈሳሾችም አጠገብ እንደሚበቅሉ እንደ አኻያ ዛፎች በሣር መካከል ይበቅላሉ።
⁵ ይህ፦ እኔ የእግዚአብሔር ነኝ ይላል፥ ያም በያዕቆብ ስም ይጠራል፤ ይህም፦ እኔ የእግዚአብሔር ነኝ ብሎ በእጁ ይጽፋል በእስራኤልም የቁልምጫ ስም ይጠራል።
➣ "ይሹሩን " ማለት እጅግ የተወደድክ የሚል ትርጓሜ ያለው የቁልምጫ ስም ነው ።
እግዚአብሔርን እንፈልገዋለን እርሱም እነሆኝ ይለናል
አሜን ❗️❗️❗️

https://youtu.be/BNMEVkXSFZY

➣ ክርስቶስን በመልበሳችን ልክ ከአብ ቀኝ ሆነን በዚያ የስልጣን መጠን ስንናገር የትኛውም ነገር መልስ አለመስጠት አይችልም

➋ የእግዚአብሔርን ቃል ስንናገር ማንነታችንን መሆን አለበት (speak your identity )

መክብብ 11
¯¯¯¯¯¯¯¯¯¯
³ ደመናት ዝናብ በሞሉ ጊዜ በምድር ላይ ያፈስሱታል፤ ዛፍም ወደ ደቡብ ወይም ወደ ሰሜን ቢወድቅ፥ ዛፉ በወደቀበት ስፍራ በዚያ ይኖራል።
⁴ ነፋስን የሚጠባበቅ አይዘራም፥ ደመናንም የሚመለከት አያጭድም።
⁵ የነፋስ መንገድ እንዴት እንደ ሆነች አጥንትም በእርጉዝ ሆድ እንዴት እንድትዋደድ እንደማታውቅ፥ እንዲሁም ሁሉን የሚሠራውን የእግዚአብሔርን ሥራ አታውቅም።
⁶ ወይም ይህ ወይም ያ ማናቸው እንዲበቅል ወይም ሁለቱ መልካም እንዲሆኑ አታውቅምና በማለዳ ዘርህን ዝራ፥ በማታም እጅህን አትተው።

የተናገርነውን እንጠግባለን አሜን ❗️❗️❗️

https://youtu.be/LKFj2ZdaISA

ሐዋሪያው ጃፒ
አርዕስት - የምስጋና ኋይል ( The power of praise)
↪️ አማኞች የሚተገብሯቸው ብዙ አይነት የፀሎት አይነቶች አሉ ከእነዚህ መሀከል ግን በጣም የላቀ የፀሎት አይነት ምስጋና (የምስጋና ፀሎት )ይባላል ::
↪️ የእግዚአብሔር ቃል በአማኝ ህይወት የበላይ ባለስልጣን እና ለሁሉ ነገር ሙሉ እና በቂ ነው።
🔑 አመስጋኝ ሰዎች እግዚአብሔርን በትክክል የሚያውቁ መደገፊያቸው መመኪያቸው አምላካቸውና አምላካቸው ብቻ የሆነ አንዳች እንዲደረግላቸው ሳይሆን የህይወት ቅኝታቸው እልልታ እና ውዳሴ የሆነ በምንም አይነት ሁኔታ ውስጥ ሆነው በሁሉ እግዚአብሔርን የሚያወድሱ የድል ሰዎች ናቸው።
↪️በአመስጋኞች ህይወት ውስጥ ሰይጣን ምንም አይነት የክፋት ማደራጃ ስፍራ(Network) የለውም።
🔥 ዳዊት በእጁ በገና ሳወል ከእጁ ጦር አይለይም ነበረ እጃችን ላይ ያለው ነገር ፍፃሜያችንን ይወስነዋል።
↪️ አሞጽ 9
¯¯¯¯¯¯¯¯¯¯
¹¹ በዚያ ቀን የወደቀችውን የዳዊትን ድንኳን አነሣለሁ፥ የተናደውንም ቅጥርዋን እጠግናለሁ፤ የፈረሰውንም አድሳለሁ፥ እንደ ቀደመውም ዘመን እሠራታለሁ፤
↪️የአዲስ ኪዳን ዋነኛው ፀሎት ምስጋና ነው በተደረገልን በተሠራልን ኢየሱስ መስቀል ላይ በፈፀመልን ህይወት ነው የምንኖረው
↪️መዝሙር 150
¯¯¯¯¯¯¯¯¯¯
⁶ እስትንፋስ ያለው ሁሉ እግዚአብሔርን ያመስግን፦ ሃሌ ሉያ።
↪️መዝሙር 115
¯¯¯¯¯¯¯¯¯¯
¹⁷ አቤቱ፥ ሙታን የሚያመሰግኑህ አይደሉም፥ ወደ ሲኦልም የሚወርዱ ሁሉ፤
¹⁸ እኛ ሕያዋን ግን ከዛሬ ጀምሮ እስከ ዘላለም እግዚአብሔርን እንባርካለን። ሃሌ ሉያ።
↪️መዝሙር 100
¯¯¯¯¯¯¯¯¯¯
¹ ምድር ሁሉ፥ ለእግዚአብሔር እልል በሉ፥
² በደስታም ለእግዚአብሔር ተገዙ፥ በሐሤትም ወደ ፊቱ ግቡ።
³ እግዚአብሔር እርሱ አምላክ እንደ ሆነ እወቁ፤ እርሱ ሠራን እኛም አይደለንም፤ እኛስ ሕዝቡ የማሰማርያውም በጎች ነን።
⁴ ወደ ደጆቹ በመገዛት፥ ወደ አደባባዮቹም በምስጋና ግቡ፤ አመስግኑት፥ ስሙንም ባርኩ፤
⁵ እግዚአብሔር ቸር፥ ምሕረቱም ለዘላለም፥ እውነቱም ለልጅ ልጅ ነውና።
🔑 በየትኛውም ሁኔታ እለት እለት በምስጋና ወደ ማደሪያው እንግባ የትኛውም ነገር የመጣው ከእኛ በኋላ ነው ❗️
↪️2ኛ ሳሙኤል 6
¯¯¯¯¯¯¯¯¯¯
¹⁴ ዳዊትም በሙሉ ኃይሉ በእግዚአብሔር ፊት ይዘፍን ነበር፤ ዳዊትም የበፍታ ኤፉድ ለብሶ ነበር።
¹⁵ ዳዊትና የእስራኤልም ቤት ሁሉ ሆ እያሉ ቀንደ መለከትም እየነፉ የእግዚአብሔርን ታቦት አመጡ።
¹⁶ የእግዚአብሔርም ታቦት ወደ ዳዊት ከተማ በገባ ጊዜ የሳኦል ልጅ ሜልኮል በመስኮት ሆና ተመለከተች፥ ንጉሡም ዳዊት በእግዚአብሔር ፊት ሲዘልልና ሲዘፍን አየች፤ በልብዋም ናቀችው።
¹⁷ የእግዚአብሔርንም ታቦት አገቡ፥ ዳዊትም በተከለለት ድንኳን ውስጥ በስፍራው አኖሩት፤ ዳዊትም የሚቃጠልና የደኅንነት መሥዋዕትን በእግዚአብሔር ፊት አሳረገ።
¹⁸ ዳዊትም የሚቃጠልና የደኅንነት መሥዋዕት ማሳረግ ከፈጸመ በኋላ ሕዝቡን በሠራዊት ጌታ በእግዚአብሔር ስም መረቀ።
¹⁹ ለሕዝቡም ሁሉ ለእስራኤል ወገን ለወንዱም ለሴቱም ለእያንዳንዱ አንዳንድ እንጀራ አንዳንድም የሥጋ ቍራጭ አንዳንድም የዘቢብ ጥፍጥፍ አከፋፈለ። ሕዝቡም ሁሉ እያንዳንዱ ወደ ቤቱ ሄደ።
²⁰ ዳዊትም ቤተ ሰቡን ሊመርቅ ተመለሰ። የሳኦልም ልጅ ሜልኮል ዳዊትን ለመቀበል ወጣችና፦ ምናምንቴዎች እርቃናቸውን እንደሚገልጡ የእስራኤል ንጉሥ በባሪያዎቹ ቈነጃጅት ፊት እርቃኑን በመግለጡ ምንኛ የተከበረ ነው! አለችው።
²¹ ዳዊትም ሜልኮልን፦ በእግዚአብሔር ፊት ዘፍኛለሁ፤ በእግዚአብሔር ሕዝብ በእስራኤል ላይ አለቃ እሆን ዘንድ ከአባትሽና ከቤቱ ሁሉ ይልቅ የመረጠኝ እግዚአብሔር የተባረከ ይሁን ስለዚህም በእግዚአብሔር ፊት እጫወታለሁ።
²² አሁንም ከሆንሁት ይልቅ የተናቅሁ እሆናለሁ፥ በዓይንሽም እዋረዳለሁ፤ ነገር ግን በተናገርሽው ቈነጃጅት ዘንድ እከብራለሁ አላት።
🔥 ንግስናን ስልጣንን ሀብትናንብረትን የትኛውንም ምድር ክብር ብላ የሠየመችውን ስፍራ የሚያስንቀው የማይሰረቅ የማይሰበር ታቦታችን ኢየሱስ በኛ ውስጥ ነው ያለው።
↪️ኢሳይያስ 61
¯¯¯¯¯¯¯¯¯¯
¹ የጌታ የእግዚአብሔር መንፈስ በእኔ ላይ ነው፥ ለድሆች የምሥራችን እሰብክ ዘንድ እግዚአብሔር ቀብቶኛልና፤ ልባቸው የተሰበረውን እጠግን ዘንድ፥ ለተማረኩትም ነጻነትን ለታሰሩትም መፈታትን እናገር ዘንድ ልኮኛል።
² የተወደደችውን የእግዚአብሔርን ዓመት አምላካችንም የሚበቀልበትን ቀን እናገር ዘንድ፥ የሚያለቅሱትንም ሁሉ አጽናና ዘንድ፤
³ እግዚአብሔር ለክብሩ የተከላቸው የጽድቅ ዛፎች እንዲባሉ ለጽዮን አልቃሾች አደርግላቸው ዘንድ፥ በአመድ ፋንታ አክሊልን፥ በልቅሶም ፋንታ የደስታን ዘይት፥ በኀዘንም መንፈስ ፋንታd የምስጋናን መጐናጸፊያ እሰጣቸው ዘንድ ልኮኛል።
🔥 ትአምራት የአመስጋኝ ቁርስና ምሳው ነው ። እግዚአብሔርን የሚፈልጉ ከመልካም ነገር አይጎድሉም እየሱስ ያለው ሁሉነገር አለው
↪️መዝሙር 18
¯¯¯¯¯¯¯¯¯¯
³ ምስጋና የሚገባውን እግዚአብሔርን እጠራለሁ፥ ከጠላቶቼም እድናለሁ።
🔑 ከየትኛውም የክፋት ስራና ከጭንቅ ማምለጫ ሰማያዊ የጦር እቃ ምስጋና ይባላል ❗️
↪️ 2 ዜና 20
¯¯¯¯¯¯¯¯¯¯
¹² አምላካችን ሆይ፥ አንተ አትፈርድባቸውምን? ይህን የመጣብንን ታላቅ ወገን እንቃወም ዘንድ አንችልም፤ የምናደርገውንም አናውቅም፤ ነገር ግን ዓይኖቻችን ወደ አንተ ናቸው።
…
¹⁵ እንዲህም አለ፦ ይሁዳ ሁሉ፥ በኢየሩሳሌምም የምትኖሩ፥ አንተም ንጉሡ ኢዮሣፍጥ፥ ስሙ፤ እግዚአብሔር እንዲህ ይላችኋል፦ ሰልፉ የእግዚአብሔር ነው እንጂ የእናንተ አይደለምና ከዚህ ታላቅ ወገን የተነሣ አትፍሩ፥ አትደንግጡም
¹⁶ ነገ በእነርሱ ላይ ውረዱ፤ እነሆ፥ በጺጽ ዓቀበት ይወጣሉ፤ በሸለቆውም መጨረሻ በይሩኤል ምድረ በዳ ፊት ለፊት ታገኙአቸዋላችሁ።
…
¹⁹ ሌዋውያንም፥ የቀዓት ልጆችና የቆሬ ልጆች፥ የእስራኤልን አምላክ እግዚአብሔርን በእጅግ ታላቅ ድምፅ ያመሰገኑት ዘንድ ቆሙ።
²² ዝማሬውንና ምስጋናውንም በጀመሩ ጊዜ ይሁዳን ሊወጉ በመጡት በአሞንና በሞዓብ ልጆች በሴይርም ተራራ ሰዎች ላይ እግዚአብሔር ድብቅ ጦርን አመጣባቸው፤ እነርሱም ተመቱ።
*“ምስጋናና ውበት በፊቱ፥ ቅዱስነትና ግርማ በመቅደሱ ውስጥ ናቸው።” ❗️❗️❗️

https://youtu.be/v-Y7F6A03M8

በሐዋሪያው ጃፒ
ርዕስ - ደካማ እና የማይደክም (weak and miserable)

↪️ ገላትያ 4
¯¯¯¯¯¯¯¯¯¯
⁹ አሁን ግን እግዚአብሔርን ስታውቁ ይልቅስ በእግዚአብሔር ስትታወቁ እንደ ገና ወደ ደካማ ወደሚናቅም ወደ መጀመሪያ ትምህርት እንዴት ትመለሳላችሁ? እንደ ገና ባሪያዎች ሆናችሁ ዳግመኛ ለዚያ ልትገዙ ትወዳላችሁን?

ገላትያ 4 (አዲሱ መ.ት)
¯¯¯¯¯¯¯¯¯¯
⁹ አሁን ግን እግዚአብሔርን ዐውቃችሁታል፤ ይልቁን ደግሞ በእግዚአብሔር ታውቃችኋል። ታዲያ እንደ ገና ወደ ደካማና ወደማይጠቅም ትምህርት እንዴት ትመለሳላችሁ? ዳግም በእርሱ በባርነት ለመጠመድ ትፈልጋላችሁን?


↪️ ህግ እና ጸጋ ፈፅሞ አይቀላቀልም የትኛውም ትምህርት ጸጋን ከህግ ጋር ከቀላቀለ ደካማና የማይጠቅም ትምህርት ነው አጋር ከሳራ ህግም ከጸጋ ተቀላቅለው ሊኖሩ አይችሉም።

↪️ ዘሌዋውያን 19
¯¯¯¯¯¯¯¯¯¯
¹⁹ ሥርዓቴን ጠብቁ። እንስሳህ ከሌላ ዓይነት ጋር አይደባለቅ፤ በእርሻህም ሁለት ዓይነት ዘር አትዝራ፤ ከሁለት ዓይነት ነገር የተሠራ ልብስ አትልበስ።

↪️አማኞች በተለያየ ተፅእኖ ስር የሚኖሩት ህግን ከጸጋ ቀላቅለው ሲረዱ ነው የሰሙት ስለማይጠቅማቸው በህይወት ተጨባጭ ነገር መስራት አይችሉም።

🔑 ሰዋዊ ዘዴ ወይም ለአይምሮ የሚመች ትምህርት ሳይሆን እግዚአብሔር ያለው ቃል ነው ነጻ የሚያወጣው።

↪️ሮሜ 5
¯¯¯¯¯¯¯¯¯¯
¹⁶ አንድ ሰውም ኃጢአትን በማድረጉ እንደ ሆነው መጠን እንደዚያው ስጦታው አይደለም፤ ፍርድ ከአንድ ሰው ለኵነኔ መጥቶአልና፥ ስጦታው ግን በብዙ በደል ለማጽደቅ መጣ።
¹⁷ በአንዱም በደል ሞት በአንዱ በኩል ከነገሠ፥ ይልቁን የጸጋን ብዛትና የጽድቅን ስጦታ ብዛት የሚቀበሉ በአንዱ በኢየሱስ ክርስቶስ በኩል በሕይወት ይነግሣሉ።

↪️ ጸጋ እየሠራ መሆኑ አንዱ መገለጫ ሰዋዊ ብልሀትን እና አቋራጭ መጠቀም አቁመን ጌታ ላይ ብቻ ተመርኩዘን ተረጋግተን ሰው በሚዳክርበት ጉዳይ ላይ በፍፁም እረፍት ሆነን ስንነግስበት ነው።
2ኛ ቆሮ 3
¯¯¯¯¯¯¯¯¯¯
⁷ ዳሩ ግን የእስራኤል ልጆች ስለዚያ ስለ ተሻረው ስለ ፊቱ ክብር የሙሴን ፊት ትኩር ብለው መመልከት እስኪሳናቸው ድረስ፥ ያ በፊደላት በድንጋዮች ላይ የተቀረጸ የሞት አገልግሎት በክብር ከሆነ፥

↪️ ህጉ ለአመዛዛኝ አይምሮ ምቹ ነው አድርግ አታድርግ ስለሚል ከተደነገገው አንዷን የፈፀሙ የመሠላቸው ቀን እርካታን ስለሚያገኙ ነው ነገር ግን የሞት አገልግሎት ነው ፊደል ይገድላል መንፈስ ግን ጸጋ እና ህይወትን ይሠጣል።

↪️ዮሐንስ 1 (አዲሱ መ.ት)
¯¯¯¯¯¯¯¯¯¯
¹⁷ ሕግ በሙሴ በኩል ተሰጥቶ ነበር፤ ጸጋና እውነት ግን በኢየሱስ ክርስቶስ በኩል መጣ።

↪️ ህግ ማድረግ የማይቻል ተፈፅመህ የማይጨረስ መሆኑን አውቆ ሠው አዳኝ እንዲፈልግ ነው የተሠጠው

↪️ኤፌሶን 3
¯¯¯¯¯¯¯¯¯¯
²⁰ እንግዲህ በእኛ እንደሚሠራው ኃይል መጠን ከምንለምነው ወይም ከምናስበው ሁሉ ይልቅ እጅግ አብልጦ ሊያደርግ ለሚቻለው፥

↪️ህግ ከውጪ የሚሰጥ ይህን አድርግ ይህን አታድርግ የሚል ከልካይ እና ኮናኝ አገልግሎት ሲሆን ጸጋ ግን ከውስጥ ሆኖ የሚያበረታ ውጤቱ ከውጪ ለሁሉ የሚታይ እና ግልፅ ነው።

↪️ 1ኛ ቆሮንቶስ 15
¯¯¯¯¯¯¯¯¯¯
⁵⁶ የሞት መውጊያ ኃጢአት ነው የኃጢአትም ኃይል ሕግ ነው፤

↪️ ሮሜ 3
¯¯¯¯¯¯¯¯¯¯
²⁰ ይህም የሕግን ሥራ በመሥራት ሥጋ የለበሰ ሁሉ በእርሱ ፊት ስለማይጸድቅ ነው፤ ኃጢአት በሕግ ይታወቃልና።

↪️ ህጉ የኀጢአት ኀይል እና ጉልበት ነው ኃጢአት እንኳን የሚታወቀው በሕግ በኩል ነው።

↪️ በእኛ አንድ መልካም ነገር ከተገኘ ያንን ያደረገው የእግዚአብሔር ጸጋ ነው የሰው ጀግና የለውም ድል የሚሠጥ በነገሮች ላይ ተዘልለህ እንድትኖር የሚያደርግ ጸጋ ነው።
↪️ ገላትያ 3
¯¯¯¯¯¯¯¯¯¯
¹ የማታስተውሉ የገላትያ ሰዎች ሆይ፥ በዓይናችሁ ፊት ኢየሱስ ክርስቶስ እንደ ተሰቀለ ሆኖ ተሥሎ ነበር፤ ለእውነት እንዳትታዘዙ አዚም ያደረገባችሁ ማን ነው?

↪️ገላትያ 3 (አዲሱ መ.ት)
¯¯¯¯¯¯¯¯¯¯
¹ እናንተ የማታስተውሉ የገላትያ ሰዎች ሆይ! ለመሆኑ ማን መተት አደረገባችሁ? ኢየሱስ ክርስቶስ እንደ ተሰቀለ ሆኖ በፊት ለፊታችሁ በግልጥ ተሥሎ ነበር።

↪️ሕጉ የክርስቶስን የመስቀል ስራ የሚሸፍን መጋረጃ ነው የስህተት ትምህርት ማለት ህግ እና ጸጋን መቀላቀል እና ኩነኔ እና ሞትን ደባልቆ ማስተማር ነው።

↪️ ገላትያ 1
¯¯¯¯¯¯¯¯¯¯
⁶ በክርስቶስ ጸጋ እናንተን ከጠራችሁ ከእርሱ ወደ ልዩ ወንጌል እንዲህ ፈጥናችሁ እንዴት እንዳለፋችሁ እደነቃለሁ፤
⁷ እርሱ ግን ሌላ ወንጌል አይደለም፤ የሚያናውጡአችሁ የክርስቶስንም ወንጌል ሊያጣምሙ የሚወዱ አንዳንዶች አሉ እንጂ።

↪️ገላትያ 2
¯¯¯¯¯¯¯¯¯¯
⁴ ነገር ግን ባሪያዎች ሊያደርጉን በክርስቶስ ኢየሱስ ያለንን አርነታችንን ይሰልሉ ዘንድ ሾልከው በስውር ስለ ገቡ ስለ ሐሰተኞች ወንድሞች ነበረ።

🔑 መፅሀፍ ሀሰተኛ የሚላቸው በክርስቶስ ያገኘነውን አርነት አስትተው በህግ ባርያ የሚያደርጉትን አስተማሪዎች ነው።

↪️1ኛ ጢሞቴዎስ 1
¯¯¯¯¯¯¯¯¯¯
⁶-⁷ ከእነዚህም አንዳንዶች ስተው፥ የሚሉትን ወይም ስለ እነርሱ አስረግጠው የሚናገሩትን ሳያስተውሉ፥ የሕግ አስተማሪዎች ሊሆኑ እየወደዱ፥ ወደ ከንቱ ንግግር ፈቀቅ ብለዋል።

↪️ስድብ እና ከንቱ ንግግር ጸጋን የማጣት እና የመሳት ዋንኛ ምልክቶች ናቸው

➩ የስህተት ድብልቅ አዚም ያለበት ትምህርት ምን ያደርገል?
የክርስቶስን መስቀሉን ስራ ይከልላል ምትካችን ሆኖ እኛን ወክሎ ኢየሱስ መሠቀሉን እንዳናስተውል ይሸፍናል።

↪️ በእንጨት ላይ የተሠቀለ የተረገመ ነው እየሱስ ስለኛ እርግማን ሆኖ ከህግ እርግማን ዋጅቶናል ባለጠጋ እንድንሆን ደህይቷል ድህነት በኛ ላይ አይሰራም

➸ እኔ በክርስቶስ የእግዚአብሔር ጽድቅ ነኝ ❗️❗️❗️
Not Me But Christ

https://youtu.be/mCwSY2PxQSM

https://youtu.be/1-tBYl-Xcj0

https://youtu.be/9kEcOcXAt-c

ነገ ማክሰኞ ህዳር 3/2017 ከ11:30 ጀምሮልዩ ጊዜ ከሐዋርያ ጃፒ ጋር በፍጹም አይቀርም!!!!

በፓስተር ዳንኤል
አርዕስት - የመንግሰቱ ህይወት (The kingdom life)
↪️ዕብራውያን 12
¯¯¯¯¯¯¯¯¯¯
²² ነገር ግን ወደ ጽዮን ተራራና ወደ ሕያው እግዚአብሔር ከተማ ደርሳችኋል፥ ወደ ሰማያዊቱም ኢየሩሳሌም፥ በደስታም ወደ ተሰበሰቡት ወደ አእላፋት መላእክት፥
²³ በሰማያትም ወደ ተጻፉ ወደ በኵራት ማኅበር፥ የሁሉም ዳኛ ወደሚሆን ወደ እግዚአብሔር፥ ፍጹማንም ወደ ሆኑት ወደ ጻድቃን መንፈሶች፥
²⁴ የአዲስም ኪዳን መካከለኛ ወደሚሆን ወደ ኢየሱስ፥ ከአቤልም ደም ይልቅ የሚሻለውን ወደሚናገር ወደ መርጨት ደም ደርሳችኋል።
🔥 በኢየሱስ ስናምን የተጠራነው ወደ ተሻለ ወይም ወደ በለጠ ህይወት ሳይሆን ወደ እግዚአብሔር ወደ ራሱ መንግስት ወደ እግዚአብሔር ከተማ ነው የምንኖረው በዚህ መንግስት ውስጥ ነው
↪️ፊልጵስዩስ 3
¯¯¯¯¯¯¯¯¯¯
²⁰ እኛ አገራችን በሰማይ ነውና፥ ከዚያም ደግሞ የሚመጣ መድኃኒትን እርሱንም ጌታን ኢየሱስ ክርስቶስን እንጠባበቃለን፤
“For our conversation is in heaven; from whence also we look for the Saviour, the Lord Jesus Christ:”
— Philippians 3:20 (KJV)
🔥 ዜጋ የሚሰራው የሚኖረው የሚንቀሳቀሰው በሚኖርበት ሀገር መንግሰት መስፈርት እና ድንጋጌ ነውና እኛ በእግዚአብሔር መንግስት ውስጥ ስለምንኖር እንቅስቃሴያችን ሀሉ በሰማያዊው ህይወት ልክ እና ሚዛን መሆን አለበት።
↪️ማቴዎስ 6
¯¯¯¯¯¯¯¯¯¯
³³ ነገር ግን አስቀድማችሁ የእግዚአብሔርን መንግሥት ጽድቁንም ፈልጉ፥ ይህም ሁሉ ይጨመርላችኋል።
↪️ ትልቁ ጌታ ኢየሱስ ወደ እኛ ህይወት ከመጣ ሌላው ሁሉ ትንሽ እና ተከታይ ነው የእግዚአብሔር የሆነው ሁሉ የእኛ ነውና
↪️መዝሙር 24
¯¯¯¯¯¯¯¯¯¯
¹ ምድርና ሞላዋ ለእግዚአብሔር ናት፥ ዓለምም በእርስዋም የሚኖሩ ሁሉ።
🔥 የተጠራነው በአለንበት ሁሉ ለምልክት እንድንሆን ነው
ወደ ምድር የመጣነው በዕቅድ ነው ድንገት እግዚአብሔር የፈጠረው ማንም የለም
↪️ማርቆስ 10
¯¯¯¯¯¯¯¯¯¯
²⁸ ጴጥሮስም፦ እነሆ፥ እኛ ሁሉን ትተን ተከተልንህ ይለው ጀመር።
🔥በተገፋን ቁጥር በተገለልን ቁጥር እግዚያብሔር ወዳየልን ከፍታ እንወጣለን እግዚአብሔር ለኛ ያለውን ሀሳብ ማንም ሊያቆመው አይችልም ሠው ራሱን መጠበቅ ያለበት ገፊ እንዳይሆን ነው ።
↪️ሮሜ 14
¯¯¯¯¯¯¯¯¯¯
⁴ አንተ በሌላው ሎሌ የምትፈርድ ማን ነህ? እርሱ ቢቆም ወይም ቢወድቅ ለገዛ ጌታው ነው፤ ነገር ግን እግዚአብሔር ሊያቆመው ይችላልና ይቆማል።
⁵ ይህ ሰው አንድ ቀን ከሌላ ቀን እንዲሻል ያስባል፥ ያ ግን ቀን ሁሉ አንድ እንደ ሆነ ያስባል፤ እያንዳንዱ በገዛ አእምሮው አጥብቆ ይረዳ።
↪️ የምትናገረውን እና መልዕክትን ሠው መቃወም ይችል ይሆናል ነገር ግን ውጤትን ማንም ሊቃወም አይችልም የሚታይ ነው
🔑 የእግዚአብሔር መንግስት ከእኛ ምን ይፈልጋል ???
¯¯¯¯¯¯¯¯¯¯ ¯¯¯¯¯¯¯¯¯¯ ¯¯¯¯¯¯¯¯¯¯
➊ እግዚአብሔር በመንግስቱ ውስጥ አብሮ ሰራተኛ እንድንሆን ይፈልጋል
↪️2ኛ ቆሮ 6
¯¯¯¯¯¯¯¯¯¯
¹ አብረንም እየሠራን የእግዚአብሔርን ጸጋ በከንቱ እንዳትቀበሉ ደግሞ እንለምናለን፤
➋ እግዚአብሔር (Effective) የመንግስቱ መገለጫ እንድንሆን ይፈልጋል
↪️ዘዳግም 6፥1-2
¯¯¯¯¯¯¯¯¯¯
“አንተ ልጅህም የልጅ ልጅህም በዕድሜአችሁ ሁሉ ልትወርሱአት በምትገቡባት ምድር ታደርጉአት ዘንድ፥ አምላክህን እግዚአብሔርን ፈርተህ እኔ ለአንተ ያዘዝሁትን ሥርዓቱንና ትእዛዙን ሁሉ ትጠብቅ ዘንድ፥ ዕድሜህም ይረዝም ዘንድ፥ አምላካችሁ እግዚአብሔር እንዳስተምራችሁ ያዘዛት ትእዛዝና ሥርዓት ፍርድም ይህች ናት።”
🔥 ውስጣችን ክፉ ሀሳብና የማይረባ ዕውቀት ገብቶ እንዳይረብሸን ሁልግዜም በእግዚአብሔር ቃል ሙሉ መሆን ይገባናል
↪️ዮሐንስ 15
¯¯¯¯¯¯¯¯¯¯
¹⁶ እኔ መረጥኋችሁ እንጂ እናንተ አልመረጣችሁኝም፤ አብም በስሜ የምትለምኑትን ሁሉ እንዲሰጣችሁ፥ ልትሄዱና ፍሬ ልታፈሩ ፍሬአችሁም ሊኖር ሾምኋችሁ።
↪️የተመረጥነው ፈልገን ሳይሆን የእግዚአብሔርን መልካምነት እና ፍቅሩን እንናገር ዘንድ በህይወታችን እንድንገልጠው የመንግስቱ ምልክት እንድንሆን የሚኖር የሚታይ ፍሬ እንዲታይብን እግዚአብሔር ስለመረጠን ነው❗️
➌ የዚህ መንግስት አካል እስከሆንን ድረስ የአባታችን ባህሪ መስጠት ነውና እኛም ያለስስት እንድንሰጥ ለብዙዎች እንድንተርፍ ይፈልጋል
↪️ያዕቆብ 1 (አዲሱ መ.ት)
¯¯¯¯¯¯¯¯¯¯
⁵ ከእናንተ ማንም ጥበብ ቢጎድለው፣ ሳይነቅፍ በልግስና ለሁሉም የሚሰጠውን እግዚአብሔርን ይለምን፤ ለእርሱም ይሰጠዋል።
ሮሜ 12
¯¯¯¯¯¯¯¯¯¯
⁸ የሚመክርም ቢሆን በመምከሩ ይትጋ፤ የሚሰጥ በልግስና ይስጥ፤ የሚገዛ በትጋት ይግዛ፤ የሚምር በደስታ ይማር።
እኛ የእግዚአብሔር ሰርቶ ማሳያዎች ነን❗️❗️❗️

https://youtu.be/5XrAYLpNECg

በ ሐዋሪያው ጃፒ
አርዕስት - ምስጋና
↪️ አማኞች የሚተገብሯቸው ብዙ አይነት የፀሎት አይነቶች አሉ ከእነዚህ መሀከል ግን በጣም የላቀ የፀሎት አይነት ምስጋና (የምስጋና ፀሎት )ይባላል ::
↪️ዮሐንስ 6
¯¯¯¯¯¯¯¯¯¯
⁹ አምስት የገብስ እንጀራና ሁለት ዓሣ የያዘ ብላቴና በዚህ አለ፤ ነገር ግን እነዚህን ለሚያህሉ ሰዎች ይህ ምን ይሆናል? አለው።
¹⁰ ኢየሱስም፦ ሰዎቹን እንዲቀመጡ አድርጉ አለ። በዚያም ስፍራ ብዙ ሣር ነበረበት። ወንዶችም ተቀመጡ ቍጥራቸውም አምስት ሺህ የሚያህል ነበር።
¹¹ ኢየሱስም እንጀራውን ያዘ፥ አመስግኖም ለደቀ መዛሙርቱ ሰጠ፥ ደቀ መዛሙርቱም ለተቀመጡት ሰዎች ሰጡአቸው እንዲሁም ከዓሣው በፈለጉት መጠን።
🔑 ምስጋና የሌለን ነገር የሚፈጥር አይበቃም የተባለን የሚያበዛ የአማኝ ዋና መሳሪያ ነው
↪️ዮሐንስ 11
¯¯¯¯¯¯¯¯¯¯
³⁹ ኢየሱስ፦ ድንጋዩን አንሡ አለ። የሞተውም እኅት ማርታ፦ ጌታ ሆይ፥ ከሞተ አራት ቀን ሆኖታልና አሁን ይሸታል አለችው።
⁴⁰ ኢየሱስ፦ ብታምኚስ የእግዚአብሔርን ክብር እንድታዪ አልነገርሁሽምን? አላት።
⁴¹ ድንጋዩንም አነሡት፦ ኢየሱስም ዓይኖቹን ወደ ላይ አንሥቶ፦ አባት ሆይ፥ ስለ ሰማኸኝ አመሰግንሃለሁ።
↪️ አማኝ የሚያመሠግነው ባገኘው እና በሆነለት ነገር ድጋፍ ሳይሆን አምላኩ እግዚአብሔር ስለሆነ ነው
↪️አማኝ የሚያመሠግነው የፈተነው ነገር ወይም ተግዳሮቱ ሲወገድ ሳይሆን ነገሩ እያለ ነው ኢየሱስ አልአዛር አስክሬን ሆኖ እያለ ከሁሉ በፊት አይኖቹን አንስቶ አባቱን እግዚአብሔርን ነው ያመሰገነው።
🔑 የምናመሰግነው ለምንድን ነው ???
¯¯¯¯¯¯¯¯ ¯¯¯¯¯¯¯¯¯¯¯ ¯¯¯¯¯¯¯
🔥 እግዚአብሔር አምላክ ስለሆነ ስለሚገባው ነው
↪️ራእይ 5
¯¯¯¯¯¯¯¯¯¯
⁹-¹⁰ መጽሐፉን ትወስድ ዘንድ ማኅተሞቹንም ትፈታ ዘንድ ይገባሃል፥ ታርደሃልና፥ በደምህም ለእግዚአብሔር ከነገድ ሁሉ ከቋንቋም ሁሉ ከወገንም ሁሉ ከሕዝብም ሁሉ ሰዎችን ዋጅተህ ለአምላካችን መንግሥትና ካህናት ይሆኑ ዘንድ አደረግሃቸው፥ በምድርም ላይ ይነግሣሉ እያሉ አዲስን ቅኔ ይዘምራሉ።
…
¹² በታላቅም ድምፅ፦ የታረደው በግ ኃይልና ባለ ጠግነት ጥበብም ብርታትም ክብርም ምስጋናም በረከትም ሊቀበል ይገባዋል አሉ።

https://youtu.be/WzEHQukOnBY

https://youtu.be/HEp84XU51OI

እህት ጽዮን አድነው
ዕለት - 27/10/2024
አርዕስት - አንደበትን ማሠልጠን
↪️ዕብራውያን 12
¯¯¯¯¯¯¯¯¯¯
¹⁸ ሊዳሰስ ወደሚችል ወደሚቃጠልም እሳት ወደ ጭጋግም ወደ ጨለማም ወደ ዐውሎ ነፋስም ወደ መለከት ድምፅም ወደ ቃሎችም ነገር አልደረሳችሁምና፤
¹⁹ ያንም ነገር የሰሙት ሌላ ቃል እንዳይጨመርባቸው ለመኑ፤
²⁰ እንስሳ እንኳ ተራራውን ቢነካ ተወግሮ ይሙት የምትለውን ትእዛዝ ሊታገሡ አልቻሉምና፤
²¹ ሙሴም፦ እጅግ እፈራለሁ እንቀጠቀጥማለሁ እስኪል ድረስ የሚታየው እጅግ የሚያስፈራ ነበር፤
²² ነገር ግን ወደ ጽዮን ተራራና ወደ ሕያው እግዚአብሔር ከተማ ደርሳችኋል፥ ወደ ሰማያዊቱም ኢየሩሳሌም፥ በደስታም ወደ ተሰበሰቡት ወደ አእላፋት መላእክት፥
²³ በሰማያትም ወደ ተጻፉ ወደ በኵራት ማኅበር፥ የሁሉም ዳኛ ወደሚሆን ወደ እግዚአብሔር፥ ፍጹማንም ወደ ሆኑት ወደ ጻድቃን መንፈሶች፥
²⁴ የአዲስም ኪዳን መካከለኛ ወደሚሆን ወደ ኢየሱስ፥ ከአቤልም ደም ይልቅ የሚሻለውን ወደሚናገር ወደ መርጨት ደም ደርሳችኋል።
፨ የእኛ መኖሪያ እና መገኛ በአብ ቀኝ ነው ። አብ በሚንቀሳቀስበት ስልጣን ልክ እንድንቀሳቀስ እግዚአብሔር መብት ሠጥቶናል።
፨ ከጨለማ የተጠራነው ወደ ፍቅሩ ልጅ መንግስት ያፈለሸን የእግዚአብሔርን በጎነት እንድንናገር ነው ።
↪️ምሳሌ 13፥3
¯¯¯¯¯¯¯¯¯¯
“አፉን የሚጠብቅ ነፍሱን ይጠብቃል፤ ከንፈሩን የሚያሞጠሙጥ ግን ጥፋትን ያገኘዋል።”
🔥 አንደበት የሚናገረው ነፍሳችን ላይ ያለውን እውቀት ነው ከተጠራንበት ዋጋ በታች ስንንቀሳቀስ እንዳንገኝ እና ወደ ጥፋት እንዳንጓዝ ነፍስ በእግዚአብሔር ቃል መገራት አለባት ።
↪️መዝሙር 34፥11
¯¯¯¯¯¯¯¯¯
¹¹ ልጆቼ ኑ፥ ስሙኝ፤ እግዚአብሔርን መፍራት አስተምራችኋለሁ።
¹² ሕይወትን የሚፈቅድ ሰው ማን ነው? በጎንም ዘመን ለማየት የሚወድድ?
¹³ አንደበትህን ከክፉ ከልክል፥ ከንፈሮችህም ሽንገላን እንዳይናገሩ።
¹⁴ ከክፉ ሽሽ መልካምንም አድርግ፤ ሰላምን እሻ ተከተላትም።
¹⁵ የእግዚአብሔር ዓይኖች ወደ ጻድቃን ጆሮቹም ወደ ጩኸታቸው ናቸውና።
¹⁶ መታሰቢያቸውን ከምድር ያጠፋ ዘንድ የእግዚአብሔር ፊት ክፉን በሚያደርጉ ላይ ነው።
፨ የተገኘነው ከእግዚአብሔር ነው የምንቀዳው ከምንጩ ነው አንደበታችን መናገር ያለበት ከተገኘበት ከተቀዳበት ነው ምንጫችን አልችልም አይሆንም አቃተኝ የሚል ነገርን አያውቅም እግዚአብሔር በቦታ በግዜ በሁኔታ የማይወሠን ሀያል አምላክ የኛ ውድ አባት ነው ።
🔥 አንደበትን ለመጠበቅ ምን እናድርግ ???
⓵ ጤናማ ባለእንጀርነት
↪️ ምሳሌ 18፥24
¯¯¯¯¯¯¯¯¯
“ብዙ ወዳጆች ያሉት ሰው ይጠፋል፤ ነገር ግን ከወንድም አብልጦ የሚጠጋጋ ወዳጅ አለ።”
↪️ ምሳሌ 27፥17
¯¯¯¯¯¯¯¯¯
“ብረት ብረትን ይስለዋል፥ ሰውም ባልንጀራውን ይስላል።”
፨ ሩቅ መጓዝ ሩቅ መሄድ የፈለገ ዙሪያውን የለበሰውን አብሮት ያለውን ማጥራት ግድ ይለዋል።
🔥መንገዱ ሩቅ የሆነ አላማ ያለው ሰው ያገኘውን ሁሉ ሳይሆን የሚያስፈልገውን ብቻ ይዞ ይጓዛል
↪️ 1ኛ ነገሥት 12
¯¯¯¯¯¯¯¯¯¯
¹ እስራኤል ሁሉ ያነግሡት ዘንድ ወደ ሴኬም መጥተው ነበርና ሮብዓም ወደ ሴኬም ሄደ።
² እንዲህም ሆነ፤ የናባጥ ልጅ ኢዮርብዓም ይህን በሰማ ጊዜ፥ እርሱም ከንጉሡ ከሰሎሞን ፊት ኰብልሎ በግብጽ ተቀምጦ ነበርና፥ በግብጽም ሳለ ልከው ጠርተውት ነበርና
⁴ አባትህ ቀንበር አክብዶብን ነበር፤ አሁንም አንተ ጽኑውን የአባትህን አገዛዝ፥ በላያችንም የጫነውን የከበደውን ቀንበር አቃልልልን፤ እኛም እንገዛልሃለን ብለው ተናገሩት።
⁵ እርሱም፦ ሂዱ፥ በሦስተኛውም ቀን ወደ እኔ ተመለሱ አላቸው። ሕዝቡም ሄዱ።
⁶ ንጉሡም ሮብዓም፦ ለዚህ ሕዝብ እመልስለት ዘንድ የምትመክሩኝ ምንድር ነው? ብሎ አባቱ ሰሎሞን በሕይወቱ ሳለ በፊቱ ይቆሙ ከነበሩት ሽማግሌዎች ጋር ተማከረ።
⁷ እነርሱም፦ ለዚህ ሕዝብ አሁን ባሪያ ብትሆን ብትገዛላቸውም፥ መልሰህም በገርነት ብትናገራቸው፥ በዘመኑ ሁሉ ባሪያዎች ይሆኑልሃል ብለው ተናገሩት።
⁸ እርሱ ግን ሽማግሌዎች የመከሩትን ምክር ትቶ ከእርሱ ጋር ካደጉትና በፊቱ ይቆሙ ከነበሩት ብላቴኖች ጋር ተማከረ።
⁹ እርሱም፦ አባትህ የጫኑብንን ቀንበር አቃልልልን ለሚሉኝ ሕዝብ እመልስላቸው ዘንድ የምትመክሩኝ ምንድር ነው? አላቸው።
¹⁰ ከእርሱም ጋር ያደጉት ብላቴኖች፦ አባትህ ቀንበር አክብዶብናል፥ አንተ ግን አቃልልልን ለሚሉህ ሕዝብ፦ ታናሺቱ ጣቴ ከአባቴ ወገብ ትወፍራለች።
¹¹ አሁንም አባቴ ከባድ ቀንበር ጭኖባችኋል፥ እኔ ግን በቀንበራችሁ ላይ እጨምራለሁ፤ አባቴ በአለንጋ ገርፎአችኋል፥ እኔ ግን በጊንጥ እገርፋችኋለሁ በላቸው ብለው ተናገሩት።
¹² ንጉሡም፦ በሦስተኛው ቀን ወደ እኔ ተመለሱ ብሎ እንደ ተናገረ ኢዮርብዓምና ሕዝቡ ሁሉ በሦስተኛው ቀን ወደ ሮብዓም መጡ።
¹³ ንጉሡም ሽማግሌዎች የመከሩትን ምክር ትቶ ለሕዝቡ ጽኑ ምላሽ መለሰላቸው።
፨ የምንሰማውን የሚመክረንን መምረጥ ለመንገዳችን ወሳኝ ነው የሚጠቅመንን ከኛ የሚለይ ወይንም የሚያስፈልገንን ከእኛ ጋር የሚያጣብቅ ምክርን ልናገኝ እንችላለን መምረጥ ግዴታ ነው።
⓶ በእግዚአብሔር ቃል መሞላት
↪️ ቆላስይስ 3፥16
¯¯¯¯¯¯¯¯¯¯
“የእግዚአብሔር ቃል በሙላት ይኑርባችሁ፤ በጥበብ ሁሉ እርስ በርሳችሁ አስተምሩና ገሥጹ፤ በመዝሙርና በዝማሬ በመንፈሳዊም ቅኔ በጸጋው በልባችሁ ለእግዚአብሔር ዘምሩ፤”
↪️ 2ኛ ጢሞቴዎስ 2
¯¯¯¯¯¯¯¯¯¯
¹⁴ ይህን አሳስባቸው፥ በቃልም እንዳይጣሉ በእግዚአብሔር ፊት ምከራቸው፥ ይህ ምንም የማይረባ የሚሰሙትንም የሚያፈርስ ነውና።
¹⁵ የእውነትን ቃል በቅንነት የሚናገር የማያሳፍርም ሠራተኛ ሆነህ፥ የተፈተነውን ራስህን ለእግዚአብሔር ልታቀርብ ትጋ።
፨ የምንናገረው ነገር ወራሽ ቃል ስለሆነ ማንም ሰው ሲናገር እንደ እግዚአብሔር ቃል መሆን አለበት ሞት እና ህይወት በአንደበት ላይ ናቸውና።
*የእግዚአብሔር ቃል በሙላት ይኑርብን*❗️

New English service Every Sunday Morning 9 Am

በ ፓስተር ገነነ ወ/ሰማያት
አርዕስት - የእግዚአብሔር ፀጋ በጌዲዮን ህይወት
↪️መሳፍንት 6
¯¯¯¯¯¯¯¯¯¯
¹¹ የእግዚአብሔርም መልአክ መጥቶ በዖፍራ ባለችው ለአቢዔዝራዊው ለኢዮአስ በነበረችው በአድባሩ ዛፍ በታች ተቀመጠ፤ ልጁም ጌዴዎን ከምድያማውያን ለመሸሸግ በወይን መጥመቂያው ውስጥ ስንዴ ይወቃ ነበር።
¹² የእግዚአብሔርም መልአክ ለእርሱ ተገልጦ፦ አንተ ጽኑዕ ኃያል ሰው፥ እግዚአብሔር ከአንተ ጋር ነው አለው።
¹³ ጌዴዎንም፦ ጌታዬ ሆይ፥ እግዚአብሔር ከእኛ ጋር ከሆነ ይህ ነገር ሁሉ ለምን ደረሰብን? አባቶቻችንስ፦ እግዚአብሔር ከግብፅ አውጥቶናል ብለው ይነግሩን የነበረ ተአምራቱ ወዴት አለ? አሁን ግን እግዚአብሔር ትቶናል፥ በምድያማውያንም እጅ አሳልፎ ሰጥቶናል አለው።
¹⁴ እግዚአብሔርም ወደ እርሱ ዘወር ብሎ፦ በዚህ በጕልበትህ ሂድ፥ እስራኤልንም ከምድያም እጅ አድን፤ እነሆ፥ ልኬሃለሁ አለው።
¹⁵ እርሱም፦ ጌታ ሆይ፥ እስራኤልን በምን አድናለሁ? ወገኔ ከምናሴ ነገድ ከሁሉ ይልቅ የተጠቃ ነው፤ እኔም በአባቴ ቤት የሁሉ ታናሽ ነኝ አለው።
¹⁶ እግዚአብሔርም፦ በእርግጥ ከአንተ ጋር እሆናለሁ፥ ምድያምንም እንደ አንድ ሰው አድርገህ ትመታለህ አለው።
🔑 ፀጋ የፈራውን የተሸሸገውን የማይገባው ስፍራ የተቀመጠውን አንስቶ እግዚአብሔር ወዳየለት ስፍራ የሚያሻግር ሀይል ነው ።
↪️ እግዚአብሔርን በቃሉ ስናውቀው እና ራሳችንን በቃሉ በትክክል ስናውቅ ለነገሮች ያለን እይታ እና ትርጓሜም ይቀየራል።
↪️ የእግዚአብሔር ቃል ወደእኛ የሚመጣው
⓵ እይታን ሊያሠፋ የጋረደውን ሊያነሳ
⓶ ቋንቋን እና ንግግርን ሊለውጥ
⓷ ውሳኔዎች እና እርምጃዎችን ሊቀይር ነው
↪️ ዕብራውያን 13
¯¯¯¯¯¯¯¯¯¯
⁵ አካሄዳችሁ ገንዘብን ያለ መውደድ ይሁን፥ ያላችሁም ይብቃችሁ፤ እርሱ ራሱ፦ አልለቅህም ከቶም አልተውህም ብሎአልና፤
⁶ ስለዚህ በድፍረት፦ ጌታ ይረዳኛልና አልፈራም፤ ሰው ምን ያደርገኛል? እንላለን።
↪️ በዘመናት መካከል ቃሉን ስናየው እግዚአብሔር ሰውን ሲተው እና ሲጥል አንመለከተውም።
↪️ እግዚአብሔር ብቻ ነው ለእኔ ያለኝ ተብሎ አይለቀስም እግዚአብሔር ካለ ሁሉም አለ።
↪️ኢያሱ 1፥5
¯¯¯¯¯¯¯¯¯¯
⁵ በሕይወትህ ዕድሜ ሁሉ ማንም አይቋቋምህም፤ ከሙሴ ጋር እንደ ሆንሁ እንዲሁ ከአንተ ጋር እሆናለሁ፤ አልጥልህም፥ አልተውህም።
⁶ ለአባቶቻቸው፦ እሰጣችኋለሁ ብዬ የማልሁላቸውን ምድር ለዚህ ሕዝብ ታወርሳለህና ጽና፥ አይዞህ።
⁷ ነገር ግን ጽና፥ እጅግ በርታ፤ ባሪያዬ ሙሴ ያዘዘህን ሕግ ሁሉ ጠብቅ፥ አድርገውም፤ በምትሄድበትም ሁሉ እንዲከናወንልህ ወደ ቀኝም ወደ ግራም አትበል።
🔑ከላይ ቁጥር 7 ላይ እግዚያብሔር ለኢያሱ የሰጠውን ትዕዛዝ ስንመለከት በምትሄድበትም ሁሉ እንዲከናወንልህ ወደ ቀኝም ወደ ግራም አትበል።
🔑 ፀጋ እውነተኛ ነው እግዚአብሔር ለተናገረው ቃል ታማኝ ነው ያለውን ይፈፅማል ወሳኙ ነገር ግን የእኛ ከሰማነው ቃል ሳንወጣ ወደግራ ወደቀኝ ሌላ አማራጭ ሳንፈልግ እግዚአብሔር ባሳየን መንገድ ብቻ መጓዝ ከመልካሙ ፍፃሜ ያደርሳል።
↪️2ኛ ቆሮ 10
¯¯¯¯¯¯¯¯¯¯
³ በሰው ልማድ ምንም እንኳ የምንመላለስ ብንሆን፥ እንደ ሰው ልማድ አንዋጋም፤
⁴ የጦር ዕቃችን ሥጋዊ አይደለምና፥ ምሽግን ለመስበር ግን በእግዚአብሔር ፊት ብርቱ ነው፤
⁵ የሰውንም አሳብ በእግዚአብሔርም እውቀት ላይ የሚነሣውን ከፍ ያለውን ነገር ሁሉ እናፈርሳለን ለክርስቶስም ለመታዘዝ አእምሮን ሁሉ እንማርካለን፥
↪️ ሠውን ከፍፃሜው እንዳይደርስ የሚያሰናክሉ እና የሚከለክሉት ሰይጣን እና የተበላሸ እውቀት የሚያቀርቡት እግዚአብሔር በተናገረው ላይ በእርሱ እውቀት ላይ የሚነሱ እንዴት ለምን በምን የሚሉ ሀሳባዊ ጥያቄዎች ናቸው።
↪️መሳፍንት 6፥15
¯¯¯¯¯¯¯¯¯¯
“እርሱም፦ ጌታ ሆይ፥ እስራኤልን በምን አድናለሁ? ወገኔ ከምናሴ ነገድ ከሁሉ ይልቅ የተጠቃ ነው፤ እኔም በአባቴ ቤት የሁሉ ታናሽ ነኝ አለው።”
↪️ ጌዲዮን ስለራሱ የነበረው ሀሳብ ከሁሉ ያነሰ ታናሽ እንዲሁም የተጠቃ እንደሆነ ነበረ
🔑 ፀጋ ስለጌዲዮን የሚያውቀው እና የተናገረው ደግሞ “የእግዚአብሔርም መልአክ ለእርሱ ተገልጦ፦ አንተ ጽኑዕ ኃያል ሰው፥ እግዚአብሔር ከአንተ ጋር ነው አለው።”( መሳፍንት 6፥12) የተነገረለት እና የታየለት ሲገባው ግን ወደ ድሉ ተራመደ
🔑 ፀጋ ለእኛ የሚሰራ ብቻ ሳይሆን በእኛ የሚሰራም ነው።
🔑 ፀጋ በሀይል ባለን እውቀት የሚፈፀም ሳይሆን በመንፈስ የሆነ እኔነት እና አቅም የሌለበት ሁሉ ከእርሱ ለእርሱ በእርሱ የሆነ ነው።
🔑 ፀጋ ሲነገር የተነገረለትን ሰው ሁኔታ የሚመለከት ወይም ያገናዘበ አንዳች የለውም ይልቁንም ፀጋ አንዳች ያልተቀላቀለበት የተናጋሪውን የእግዚአብሔርን ሀይልንና ጉልበትን ብቻ የተሸከመ ቃል ነው።
1ኛ ቆሮንቶስ 2
¯¯¯¯¯¯¯¯¯¯
⁶ በበሰሉት መካከል ግን ጥበብን እንናገራለን፥ ነገር ግን የዚችን ዓለም ጥበብ አይደለም የሚሻሩትንም የዚችን ዓለም ገዦች ጥበብ አይደለም፤
⁷ ነገር ግን እግዚአብሔር አስቀድሞ ከዘመናት በፊት ለክብራችን የወሰነውን፥ ተሰውሮም የነበረውን የእግዚአብሔርን ጥበብ በምሥጢር እንናገራለን።
🔑 *የፀጋ ሁሉ አምላክ እግዚአብሔር ይባረክ* ❗️❗️❗️

https://youtu.be/FJ9rorhowgo

https://youtu.be/NJ6SCx3hxeo

ርዕሰ የኢየሱስ ደም ይናገራል
አገልጋይ ሐዋርያው ጃፒ
➡️መንፈሳዊ ዓለም ላይ ያከማቸነው ቃል ለነገ ውጤታማነታችን ጉልህ ሚና አለው።
➡️የእግዚአብሔርን ቃል ሁልጊዜ ወደ ውስጣችን አስገባን ማለት ለእግዚአብሔር ድምፅ ንቁ እንሆናለን
✅ድምፆች በሙሉ የመቆጣጠር ኃይል አላቸው። ➡️የስሜታችንን ድምፅ: የሰው ድምፅ :የሁኔታ የኢኮኖሚ የጠላት :የወዳጅ ድምፅ እንዳይቆጣጠረን በእግዚአብሔር ድምፅ :ድምፅን በድምፅ መሻር እንችላለን ።
🔥“ረጅምን ዕድሜ አጠግበዋለሁ፥ ማዳኔንም አሳየዋለሁ።”
— መዝሙር 91፥16
🔥“የአዲስም ኪዳን መካከለኛ ወደሚሆን ወደ ኢየሱስ፥ ከአቤልም ደም ይልቅ የሚሻለውን ወደሚናገር ወደ መርጨት ደም ደርሳችኋል።”
— ዕብራውያን 12፥24
➡️ይሄ የገባንበት ኪዳን የተሻለን ስለ እኛ ሁልጊዜ የሚናገርልን የክርስቶስንም ኢየሱስ ደም ህያው የሚሆንበት ኪዳን ነው።
➡️ምንም አይነት ጠላት እንዲሰራ ፡የሚያደርገው ground ? የኢየሱስን ደም በህይወታችን እንዲሰራ ከፈቀድንለት የሰይጣንን ዕቅድ እንዳይሰራ እናደርገዋለን ።
🔥“በውድ ልጁም፥ እንደ ጸጋው ባለ ጠግነት መጠን፥ በደሙ የተደረገ ቤዛነታችንን አገኘን እርሱም የበደላችን ስርየት።”
— ኤፌሶን 1፥7
➡️የሰማይ ድምፅ ለቅዱሳን ሁሉ ተከፍሎዋል ነው።
it's paid
✅የክርስቶስ ኢየሱስ ደም ስለ እኔ መናገር የሚያስችለው ?
1ኛ ➡️የክርስቶስ ኢየሱስ ደም የከበረ ነውር እና እድፍ አልባ እንከን አልባ ስለሆነ
🔥“ነውር የሌለው ሆኖ በዘላለም መንፈስ ራሱን ለእግዚአብሔር ያቀረበ የክርስቶስ ደም እንዴት ይልቅ ሕያውን እግዚአብሔርን ልታመልኩ ከሞተ ሥራ ሕሊናችሁን ያነጻ ይሆን?”
— ዕብራውያን 9፥14
2ኛ➡️ የተዋጀንበት ወይንም የተገዛንበት በደም ስለሆነ በከበረ ዋጋ በኢየሱስ ደም ስለሆነ
🔥“መጽሐፉን ትወስድ ዘንድ ማኅተሞቹንም ትፈታ ዘንድ ይገባሃል፥ ታርደሃልና፥ በደምህም ለእግዚአብሔር ከነገድ ሁሉ ከቋንቋም ሁሉ ከወገንም ሁሉ ከሕዝብም ሁሉ ሰዎችን ዋጅተህ ለአምላካችን መንግሥትና ካህናት ይሆኑ ዘንድ አደረግሃቸው፥ በምድርም ላይ ይነግሣሉ እያሉ አዲስን ቅኔ ይዘምራሉ።”
— ራእይ 5፥9-10
3ኛ የዘላለም ኪዳን ስለሆነ
4ኛ የውጊያ መሳሪያችን ስለሆነ
🔥“እነርሱም ከበጉ ደም የተነሣ ከምስክራቸውም ቃል የተነሣ ድል ነሡት፥ ነፍሳቸውንም እስከ ሞት ድረስ አልወደዱም።”
— ራእይ 12፥11

እሁድጥቅምት 3 /2017 ከጠዋቱ 3:30 ጀምሮ ልዩ የጌታ ሥጋና ደም የምንወስድበት ጊዜ በኒው ክርኤሽን ቤተክርስቲያን ሁላችሁም ተጋብዛችኋል !!!!!!

በፓስተር ሜሮን ወ/ሀዋርያት
አርዕስት - የነፍስ መልህቅ
መንፈስ
* ጌታ ኢየሱስን አምነን በተቀበልንበት በዚያችው ግዜ የሚፈፀመው የመጀመሪያ ነገር የመንፈሳችን ድነት ነው።
* ቆላስይስ 1፥13-14
* የመንፈሳችን ድነት የማይሻሻል የግዜ ሂደት የማያስፈልገው በአመንን በዚያችው ቅፅበት ፍጹም ወደ ሆነው ድነት የተሻገረ የሠው ጥረት ያልታከለበት የተረጋገጠ እና እንከን አልባ የእግዚአብሔር ስጦታ ነው።
* ኤፌሶን 2፥8“ጸጋው በእምነት አድኖአችኋልና፤ ይህም የእግዚአብሔር ስጦታ ነው እንጂ ከእናንተ አይደለም፤”
* ስለዚህም የዳነ ወይም ያልዳነ እንጂ ቀስ በቀስ ይሻሻላል የሚባል የመንፈስ ድነት የለም።
ነፍስ
* በሰው ሁለእንተና ውስጥ አንደኛው ክፍል ነፍስ ነው የዚህኛው ማንነት የሚድነው ደግሞ እንደ መንፈሳችን በእምነት ሳይሆን በእግዚአብሔር ቃል እውቀት ሲቃኝ ነው።
* የነፍሳችን መዳን በሒደት እና ቀስበቀስ እያደገ የሚሄድ የእውቀት የስሜትና የፍቃድ ለውጥ ነው
* በእምነታችን የዳነው ማንነት ወይም መንፈሳችን ፍፁም እና ንፁህ ስለሆነ ስጋችንን ለመግዛት ካልዳነው እና ያልተገራ አሮጌ እውቀት ከተሞላው ነፍሳችን ጋር ይቀዋወማሉ ስለዚህም የነፍሳችን መዳን ወሳኝ ነው ነገር ግን ነፍሳችን አልዳነም ማለት የእግዚአብሔር ልጅ አይደለንም ማለት እንዳልሆነ ልብ እንበል።
* የእግዚአብሔር ልጅነትን አግኝተን እንደማይገባ ስንመላለስ እንዳንገኝ እንደ እግዚአብሔር በሆነ እውቀት አእምሮአችንን በማደስ መለወጥ ያስፈልገዋል ይህንንም ቤተክርስቲያን መጥቶ በመካፈል ፋውንዴሽን በመማር እና ዘወትር ቃሉን እንደሚገባ በማንበብ የነፍሳችንን መዳን እለት እለት መስራት ይጠበቅብናል።
* እንግዲህ በህይወት በምንኖርበት ግዜ በተለያየ አይነት ወጀብ ውሰጥ ማለፋችን የማይቀር ነው ሁሌም ተጠቂ የምንሆነው ባልገባን እና ባልበራልን (እንደ እግዚያብሔር ቃል እውቀት አልባ በሆንበት) አቅጣጫ ነውና ወጀብ በመጣ ግዜ በፈራ ተባ ውስጥ በጭለማ ወይም ተስፋ በመቁረጥ ውስጥ ስናልፍ ወደ ተገፋንበት ሁሉ ተለቀን እንዳንነዳ የገጨን ሁሉ እንዳይፈነግለን ተረጋግተን እንድንቆም የሚያፀና የነፍስ መልህቅ ያስፈልገናል።
መልህቅ
* ሐዋ 27:29
* በመጀመሪያ ነፋሱም ወጀቡም
* እያለ እየተገፋን ሊገፈትረን እያፈገመገመን በሚታየው ነገር እንዳንሸበር የሚያበረታን ነገሩ አለ ግን ከሁኔታ በላይ የሆነ ከወጀቡ በላይ ሀያል የነፋሳቱ ፈጣሪ በጭንቅ ውስጥ ለኔ መንገድን የሚያዘጋጅ አምላኬ እግዚአብሔር አለ ብለን የምንፀናበት መልህቅ እምነት ይባላል።
መዝ 125:1
* እምነት በተፈጠረው በሆነው በውጤቱ ላይ የሚደገፍ ሳይሆን በጀማሪው በምንጩ እና በፈጣሪው ላይ የሚፀና ነው። ስለዚህም አማኝ ስም ቢወጣለት ቢገፋ ቢመታ የእምነቱን ጅማሬና ፍጻሜ ተመልክቶ ለሰከንድ እንዳይናወጥ በቦታው ተክሎ የሚያፀናው መልህቅ እምነት ይባላል።
* ብዙዎቻችን ችግር ወጀብ አዉሎ ነፋስ ወደኛ የሚመጣው ያለንን ሊወስድብን ወይም ሊቀማን ይመስለናል ነገርግን ወጀብ ወደእኛ የሚመጣበት ዋነኛው ምክንያት እምነታችንን ሊፈትሽ ነው። ስለዚህም መልህቃችንን እግዚአብሔር ላይ ባለን እምነት ከጣልን የተደላደልን የፀናን የእግዚአብሔር ማዳን የሚበዛልን እንሆናለን።
* ወጀብን እምነት አያስቀረውም ቢያስቀረው ኖሮ በመፅሀፍ ቅዱሳችን ላይ የምናውቃቸው ታላላቅ የእምነት አርበኞች አይፈተኑም ነበረ ቃሉ የሚነግረንም ወደ ፈተና እንዳትገቡ ትጉና ፀልዩ ብሎ እንጂ ፈተና ይቀራል አይልም ያ የመጣው ወጀብ የመታው በአሸዋ ላይ የተመሠረተውን ብቻ አልነበረም ሁለቱንም መታ የፀናው ግን በቃሉ ላይ የተመሠረተው ነበረ ስለዚህም እግዚአብሔር ላይ ባለን እምነት እንፅና።
የወጀብ አይነቶች
* ሶስት የወጀብ አይነቶች አሉ
* (1,) የመጀመሪያው ራሳችን የምናመጣው ወጀብ ነው
* የዚህ አይነቱ ወጀብ በመተላለፍ ካለስፍራችን በመገኘት የእግዚአብሔርን ቃል ባለማክበር በራሳችን ላይ የምናመጣው ፈተና ሲሆን በኮንፌሽን በመገሰፅ እና በተቃውሞ ፀሎት ከእኛ አይርቅም
መሳ 16:19
* ለዚህ ምሳሌ ከመፅሀፍ ሶምሶንን ብንመለከት እግዚአብሔር በከለከለው ስፍራ ተገኝቶ ከማይመስሉት ጋር ህብረት በማድረጉ ምክንያት በራሱ ላይ ወጀብ ሲያመጣ እና የእግዚአብሔር አብሮነት ሲለየው እናያለን ነገር ግን ወደ ልቡ በተመለሠ እና እግዚአብሔርን አስበኝ ባለው ግዜ ግን ሀይሉ እንደተመለሠለት እና በህይወት እያለ ከገደላቸው ይልቅ በንስሃው የገደላቸው እንደበዙ እንረዳለን ስለዚህም እንደዚህ በራሳችን ድካም የሚመጣ ወጀብ ከእኛ እንዲርቅ ብቸኛው መፍትሄ መመለስ ወይም ንስሀ (Repentance) ይባላል።
* ወጀብ በመጣብን ግዜ ሀይማኖት (Religion) የፍርድ አመለካከት ስላለው እግዚአብሔር የእጅህን ሰጠህ ፣ ፅዋህን ራስህ ተጋተው ፣ ቻለው ፣ ምን ልትሆን እዚህ ነገር ገባህ ሲል እግዚያብሔር ግን እንዴት ላውጣህ ይልሀል ፈጣሪያችን የመፍትሔ እና አዳኝ አምላክ ነው። በየትኛውም ክፉ እና መጥፎ ሁኔታ ውስጥ ብንገባ ልጆቹ ነን እና እግዚአብሔር ፈፅሞ አይተወንም ከኛ የሚጠበቀው መመለስ ወይም ንስሀ ነው።
* ንሰሀ ማለት የአእምሮ የሀሳብ እና የአቅጣጫ ለውጥ ማለት ነው። እንደ እግዚአብሔር ቃል የሆነ ንስሃ ፍሬው ሀሳብን በመቀየር ብቻ ሳይሆን አቅጣጫንም በመቀየር ነው የሚገለጠው።
* በንስሀ ስንመለስ ነገራችን ከ ነው ወደ ነበረ ይቀየራል ክፉ ነበረ ፣ተሳዳቢ ነበረ ፣አጥፊ ነበረ መልካም ያልሆነ የገራችንን ሁሉ በንስሃ ወደ ነበረ ቀይሮ በላዩ የሚያነግሰን ሀይል የእግዚአብሔር ጸጋ ይባላል።
* (2,) *በአጋንንት እና በተፈጥሮ የሚነሳ ወጀብ።
* የምንኖረው በወደቀ አለም ስለሆነ ሰይጣን በቤተሰብ በስራ በፋይናንስ ወይም በተለያዩ የህይወት አቅጣጫዎች ወጀብ ሊያስነሳ ይችላል ስለዚህም ይህኛውን የወጀብ አይነት የምንመክተው መፅሀፍ ዲያቢሎስን ተቃወሙት ከእናንተም ይሸሻል እንደሚል የወጀቡን መነሻ የተሠጠንን የእግዚአብሔር ልጅነት ስልጣን በመጠቀም በመቃወምና በመገሰጽ ነው።
* ዮሐ1:12 የእግዚአብሔር ልጅነት ስልጣን (Authority) ነው ይህ ደሞ ለተቀበሉት ሁሉ የተሠጠ ነው። የእግዚአብሔር ልጆች ነን ይህንን ስልጣን በመጠቀም ዲየቢሎስ ወደህይወታችን የሚያመጣውን ክፉ ወጀብ መገሰጽ እና ማባረር አለብን።
* * (3,) * በታላላቆች እና ወዳጅ ባልናቸው የሚነሳ ወጀብ።
* መዝ 57:1 ይሄኛው የወጀብ አይነት መሸሸጊያ እና ጥላን የሚፈልግ በተግሳጽ በተቃውሞ እና በንስሃ የማይርቅ ለጥቅማችን በተሠጡን ይጠብቁኛል ባልናቸው በወዳጆች ስንከዳ የሚመጣ ወጀብ ነው።
* ይህ አይነት ወጀብ ከባድ እና ያልታሰበ በድንገት የሚነሳ የማይገመት ስለሚሆን በየትኛውም የህይወት አቅጣጫ ገጥሞን የማያውቅ ወጀብ ልናስተናግድ እና በሞት ጥላ መካከል ልንራመድ እንችላለን። ከዚህ የሚያተርፈን የእግዚአብሔር ከለላ ብቻ ነው።
* መዝ 27:1-3 ሊያጠፉን ሲመጡ ሰልፍ ሲበዛብን ሊጥሉን ሲታገሉን የሚሸፍነን የሚታደገን ሁሉን የሚችል ጥላ ከለላ የሆነ አምላክ አለን። ወጀቡ እስኪቀልል ይጋርደናል የምናልፍበት መንገድ ማለት መቆያችን እና መክረሚያችን ማለት አይደለም ስለዚህም ከሰማይ ከለላ አለን።

* አንዳንድ ግዜ በበረሀ አውሎ ነፋስ በሚነሳ ግዜ ስር የሠደዱ ብርቱ እና ጠንካራ ነን ያሉ ዛፎች ተገትረው ነፋሱን ይጋፈጡታል ነገር ግን ከእነርሱ በላይ ጉልበታም እና ሀያል ስለሆነ በቅፅበት ከስራቸው ነቅሎ ይገለብጣቸዋል። ብልሆች የሆኑት መርጠው የሚዋጉ የወጀቡን አቅም እና አይነት የሚያስተውሉት ዛፎች ግን ከነፋሱ የግፊት አቅጣጫ ጋር በመስማማት እሺ ብለው ተኝተው ያሳልፉታል ነገር ግን ወጀቡ ባለፈ ግዜ በቦታቸው እና በቀደመው አቋማቸው ይገኛሉ። ስለዚህ በሀያላን ከአቅም በላይ የሆነ ወጀብ ሲነሳ ከመጋፈጥ ይልቅ በእግዚአብሔር ከለላ ውስጥ እሺ ብሎ ተሸሽጎ ማሳለፍ ታላቅ ጥበብ ነው ከውድቀት ይጋርዳል።
* እግዚአብሔር አንባችን ነው ይሸሽገናል ከሀይለኞች ከወንድሞች ጥላቻ ከብርቱ ሰልፍ ይሸፍነናል ጉዳት እስኪያልፍም ይጋርደናል።
** ማጠቃለያ በፈተና ሁሉ መሀል የሚያፀናን ምንድ ነው???
* ሐዋ 27:23 ወጀብ እና አውሎንፋስ እኛ አምላካችንን እንዳናይ የመከለል አቅም ቢኖረውም ነገር ግን ሰማያትን እና ነፋሳትን የፈጠረው እግዚአብሔር እኛን እንዳያይ የሚከልል አንዳች ሀይል የለም። በየትኛውም ሁኔታ የሚደርስልን ያለንበትን የሚያውቅ የሚያየን ካለንበት ሁሉ የሚታደገን ከከለለን በላይ ሀያል የሆነ ቀና ማለት ባቃተን ግዜ የሚደግፈን አበቃላቸው ጠፉ ስንባል የሚያለመልመን ታሪክን ቀያሪ ጌታ እግዚአብሔር አለን።
* ስለዚህም በየትኛውም ክፉ መነገድ ብናልፍ የማይለየን ነፍሳችንን የሚመልስ የሚመራን
በፈተና ሁሉ መሀል የሚያፀናን የእግዚአብሔር ህልውና ነው።
* ህልውናው በህይወታችን ሲኖር የትኛውን ከባድ ፈተና አሳልፎ በላዩ ያስረግጠናል የድል እና የእልልታ ድምፅ ከቤታችን ይሰማል።
አንፈራም
Jehovah Shammah
God is in Existence
እግዚአብሔር በእርግጥ አለ !!!

https://youtu.be/B752afyx8Qc

ሻሎም ሻሎም የተወደዳችሁ ቅዱሳን ነገ ማክሰኞ መስከረም 28/2016 ከ11:30 ጀምሮ ከሐዋርያ ጃፒ እና ከፓስተር ሜሮን ጋር ልዩ ጊዜ የሚኖረን ሲሆን በዚህ ፕሮግራም ላይ በመገኘት የእግዚአብሔርን ጸጋ እንድትካፈሉ በፍቅር ተጋብዛችኋል

https://youtu.be/zu6bOXXIY48

ሙሉ ቪዲዮውን ለማግኘት ሊንኩን ይጫኑ https://www.youtube.com/watch?v=C-Ok0d6QdJI
የፊተኛውን ነገር አታስተውሉ፥ የጥንቱንም ነገር አታስቡ።
እነሆ፥ አዲስ ነገርን አደርጋለሁ፤ እርሱም አሁን ይበቅላል፥ እናንተም አታውቁትምን? በምድረ በዳም መንገድን በበረሀም ወንዞችን አደርጋለሁ።

https://www.youtube.com/watch?v=h4vkr8USLo4