🩺 نديمُ الطب 📚

يا دكاترة ما دام الجدول نزل فهقلكم على نصيحة تاخدوا بالكم منها بداية السنة:
١- ما تهتمش بالراوند اللي انت وفيه وتسيب مذاكرة المنهج،، يعني مثلا لو انت راوند طوارئ ده حرفيا يتلم في يومين قبل الامتحان،، فما تقعدش مدة الراوند كلها تذاكر طوارئ وسايب باقي المنهج،، والحل انك تشوف راوند تقيل عليك بعد الطوارئ (مثلا تروبيكال او كارديو) وتبدأ مذاكرته من دلوقتي)
٢- نفس الكلام بالنسبة للجراحة،، لو انت عندك تخدير مثلا،، ما تقعدش ١٨ يوم بتذاكر تخدير وسايب ال GIT اللي ملوش مكان ف الجدول اصلا 😁

ربنا معاكم 🤍

لازم اخد كورسات؟
لا مش (لازم)
الكورسات هتسهل عليك الدنيا وتجبرك تنتظم ف المذاكرة،، لكن هي مش لازم
اكتر حاجة ممكن تحتاج فيها كورس هي كلينكال الباطنة مش النظري،، بس برضو مش لازم واعرف ناس كتير اعتمدوا بشكل كامل على الحضور ف الراوندات
وهكلمكم ان شاء الله عن كلينكال الباطنة والمصادر بتاعته

حتى أشرقت شمس السيستم 🤍

👈 الجراحة
🟢 مصادر السماع:
على عكس الباطنة اللي كان فيها مصادر كتير جدا فالجراحة يعتبر مفيش ليها مصادر
المصادر المتوفرة كالتالي:
1- دكتور علي حسيب
عاشت الجراحة فترات مظلمة في تاريخ البشرية حتى أشرقت شمس السيستم 😁🤍
انا سمعت جدو علي في كل الجراحة تقريبا،، جدو علي رائع،، وفي برانشات زي ال GIT وال General أبدع فيها
لكن مشكلته سريع جدا جدا،، وفي ناس مش بتعرف تسمعه،، لأنه محتاج واحد شارب طن قهوة عشان يركز معاه 😂🤍

ملاحظات بالنسبة للسيستم:
● مش معنى انك هتلقى وقت الشرح أقل بشكل ملحوظ عن باقي الدكاترة انه مش قايل كل حاجة،، بالعكس هو كافي جدا ومش هتحس انك ناقصك حاجة
● جدو علي رائع كمراجعة،، ولكن برضو تقدر تسمعه اول مرة،، وانا سمعته اول مرة وزمايلي كتير عملوا كده برضو
● لو هتسمع جدو علي ذاكر من كتبه،، مشكلتها ابيض ف اسود كلها بس تعتبر ملخص رائع لكتاب القسم
2- دكتور محمد المطري:
في ريكوردات موجودة عالداتا بتاعت 2022 (الممنتجة)
https://t.me/Dr_Matary_No_Silence
دكتور مطري عظيم،، وبيفهمك الجراحة من الأساسات،، لكن مقدرتش اسمعه الا في حاجات قليلة بسبب انه بيضيع وقت كتير خلال الشرح في حاجات جانبية بيخليني اتوه منه،، وده اللي خلا الناس تعمل الريكوردات الممنتجة
تاني مشكلة انه ريكوردات وده هيبقا فيه صعوبة شويه في تخيل العمليات
3- دكتور وهدان:
رائع جدا جدا جدا اولا انه فيديو وثانيا انه بيجيب صور لكل حاجة
بس مشكلته كانت حاجتين،، اولا لو هتتابع معاه من كتاب القسم غالبا هتتوه عشان ماشي بترتيب تاني خالص وفي مواضيع هتلقاه بيزودها ومواضيع مش بيقولها
تاني حاجة انه ماشي على tone واحدة في الشرح وده بيخلي ناس كتير تزهق
4- دكتور وائل متولي:
مكانش مشهور اوي بس هو اكتشاف بصراحة،، ومن الحاجات اللي ندمت اني عرفتها متأخر،، لو حد هيسمعه هيلقاه ماشي على كتاب دكتور علي حسيب بالحرف بس بالراحة وشرحه كأنه بيقول قصة
https://youtube.com/playlist?list=PL0_tN0panMs9izK1As1u5xDhoIYoml3zE&si=OCL0xYFddM268Pdp
5- دكتور مصطفى رأفت (سايتو)
عدد كبير اوي من دفعتنا كان ماشي معاه بس كتبته اخر حاجة عشان كان كورس بس ملوش تسجيلات
💡تجربتي وترشيحي ⤵️
جربوا كل اللي موجود يا شباب،، بس لازم ف الاخر تختموا بجدو علي،، حتى لو هتسمعوه كمراجعة هيلملكم الدنيا كويس اوي اوي،، ال GIT كان تحفة وهو بصراحة عاوز كده تنجزه بسرعة حتى لا تغرق في بحار ال GIT

🟢 مصادر المذاكرة:
كتب القسم او كتب دكتور مطري او كتب دكتور علي حسيب
كتب القسم هما كتابين ١٣٠٠ صفحة مشكلتهم تنظيمهم وتنسيقهم سيء شويه
كتب دكتور مطري هي هي كتب القسم بالضبط بس نسقها ولونها وزبطها
كتب دكتور علي هي (اختصار) لكتب القسم،، هتلقا نفس الكلام برضو ولكن مختصر من غير رغي كتير

ربنا معاكم 🤍

👈 مصادر السماع والمذاكرة
السنادي هي اكتر سنة في الكلية هتلقا فيها مصادر،، فالموضوع مش محتاج تشتت وادي نفسك فرصة تجرب الكل وبعدين امشي مع اللي ارتحتله

👈 الباطنة
🟢 مصادر السماع:
المصادر اللي هكتبها تقريبا محدش خرج عنها في السماع،، هحطلكم اللينكات وبعدين اقلكم ترشيحي:
1- دكتور محمود علام
https://t.me/Allaam2019
دي تسجيلات 2019،، مع ملاحظة ان في تسجيلات انتشرت بتاعت السنة اللي فاتت الدكتور مش مسامح فيها
2- دكتور شريف الهواري
في تسجيلات عالداتا بس سمعت ان دكتور شريف مش مسامح فيها فعشان كده مش هحط اللينك،، ممكن تتأكدوا من النقطة دي
3- دكتور أحمد موافي
https://youtube.com/playlist?list=PL0_tN0panMs-pfXReGZeHeBuxP8x66H4l&si=1-xhgip2ZFQY61wD
دي تسجيلات 2019
4- دكتور محمد الشافعي
https://youtube.com/playlist?list=PL0_tN0panMs-31Hzpm_563wBRQKtXpSUI&si=57yGkgk2P632Cqfc
5- دكتور أسامة محمود
https://youtube.com/playlist?list=PL0_tN0panMs-kKLzxqQ_3WszqCxx5YXpi&si=dGLUL6S1wkoEGBdo

💡تجربتي وترشيحي⤵️

انا جربت كل الدكاترة في بداية الراوند وبعدين كملت مع دكتور شريف الهواري لحد الآخر،، واشتركت في الكورس الجديد عشان الكلام انه مش مسامح ف التسجيلات،، وده كان أحسن حاجة عملتها في سنة خامسة،، دكتور شريف شرحه لو هوصفه في كلمة واحدة هقول perfect!

لو عاوزين نقسم الدكاترة في الباطنة هيكون في واحد في أقصى اليمين بيشرح كل حرف وكل تفصيلة وهتطلع من تحت ايده فاهم باطنة حلو اوي اوي هو دكتور هواري ربنا يباركله،، وفي أقصى اليسار هنلقى دكتور أحمد موافي بيحفظك المنهج -حرفيًا- لكن في ناس بتحبه عشان بينجز في الوقت وبيلم الموضوع بسرعة

وفي بقا دكتور أسامة محمود ودكتور علام زمايلي شكروا كتير فيهم وهتلقاهم في النص يعني هتفهم وبرضو هتحفظ في وقت قصير
دكتور الشافعي تحسه بيشرحلك من جوا العيادة،، شرحه كله قصص ويقلك مثلا لو جالك حد بتحليل وظائف كبد تعمل ايه عشان توصل للتشخيص وهكذا،، ستايل شرحه ما قدرتش اتحمله عشان بيهزق وبيشتم كتير في التسجيلات 🤦‍♂️

🟢 مصادر المذاكرة:
المصادر الأساسية أربعة ونبدأ بأشهرهم،، ولكن أأكد تاني (اللي هتسمعه هات كتبه) (وما تجيبش الكتب كلها مرة واحدة):
1- كتب دكتور موافي
أشهر مصدر الناس بتعتمد عليه في السنين الأخيرة، اللي بيحبوا التفاصيل مش هيناسبهم الكتاب ابدا وهيحسوا انه ناقص منه حاجات كتير، بس ميزته هيفيدك نهاية السنة لما تراجع للريتن

2- كتب دكتور محمود علام
جميلة جدا في تنسيقها وعرض المعلومة وبرضو فيها تفاصيل عن كتب دكتور موافي، ميزتها لو هتسمع دكتور علام هتلقاه شارح كتبه بالحرف

3- كتب دكتور هواري:
برضو ميزتها لو هتسمع دكتور هواري هتلقاه شارح كتابه بالحرف،، لكن مكانتش حلوة كتنسيق وعرض للمعلومة،، ما عدا كتاب الكارديو كان رائع
كمقارنة مع باقي الكتب هتلقاها فيها معلومات وتفاصيل اكتر

4- كتب دكتور علي القزاز:
اول مرة تنزل السنة اللي فاتت وكل اللي جربها عجبته،، تنسيقها حلو جدا وعرضها للمعلومة لكن انا ما جربتهاش عشان نزلت اخر السنة

ترشحياتي للكتب عن تجربتي وتجربة صحابي⤵️
انا ذاكرت من كتب دكتور هواري في كل البرانشات وكانت حلوة كمعلومات بس تنسيقها مش احسن حاجة
والكتب الباقية زمايلي اللي جربوا كتب دكتور القزاز قالوا ارتاحوا معاها
وطبعا كنت قلتلكم قبل كده اللي تسمعله ذاكر من كتابه هترتاح جدا،، وفي الاخر كله نفس المحتوى وكلهم يعتبروا عاملين كتبهم تلخيص لكتاب القسم

ده كان عرض سريع لكل المصادر المتوفرة باطنة سماع ومذاكرة،، بس بقول تاني جرب بنفسك وما تمشيش ورا حد
ربنا معاكم 🤍

طبعا اللي عندهم باطنة قالوا باطنة واللي جراحة قالوا جراحة
بس انا هنزل الباطنة عشان هي اللي خلصتها 😂🤍

نبدأ باطنة مع جراحة؟
في رأيي وده اللي شفت أغلب دفعتنا عمله ان كل حاجة ليها وقتها اللي يكفيها جدا
جدو علي حسيب قال نبدأ الاتنين بداية السنة
فمفيش حاجة صح وحاجة غلط في النقطة دي .. كل واحد يعمل اللي يريحه

👈 راوند الجراحة
الجراحة كعلم يعتبر جديد عليكم مش زي الباطنة،، خصوصا في نقطة العمليات،، يعني الباطنة قبل كده اخدنا اجزاء كبيرة منها اطفال،، بعكس الجراحة اللي يعتبر هتاخدوا مواضيعها اول مرة

🟢 تقسيمة السنة وشرح جدول الجراحة
الناس اللي هتبدأ جراحة هيتقسموا جزئين فيما يخص محاضرات ( 10 - 12) :
جزء هيتقسموا على وحدات الجينرال وهيبدأ جينرال جراحة هيقعدوا فيه شهرين ونص وفي نهايته هيمتحنوا امتحان End general OSCE ب 40 درجة
الجزء التاني هيبدؤوا large specialities اللي هما تلاتة: pediatric & plastic & vascular .. كل واحدة من دول نهايتها في امتحان زي اي اسبيشياليتي تاني
بعد ما تخلصوا المدة دي هتبدلوا مع بعض

بالنسبة لمحاضرات (12 - 2) دي هتكون زي الجدول اللي هينزلكم عادي بتاع الاسبيشيالات،، ونهاية كل اسبيشيال في امتحان عادي

🔴 الامتحانات
غير امتحانات السبيشيالات هيبقا عندكم ف الجراحة امتحانين:
1- امتحان End general OSCE وده بيكون على مواضيع الجينرال (هيرنيا ..إلخ) زي اللي امتحنتوه ف رابعة بالضبط وبيكون ب 40 درجة
2- امتحان End round MCQ وغالبا بينزله تحديدات محدش بيلتزم بيها 😂💔 وبيبقا عليه 65 درجة

🟢 الغياب؟
أغلب وحدات الجراحة في الجينرال مكانوش بيدققوا كتير في الغياب،، فالناس اللي هتبدأ جراحة دي فرصة ليكم ترتاحوا وتذاكروا كويس لو حد مشواره بعيد

دي نظرة عامة عن الجراحة وهكلمكم شويه عن المصادر النهاردة ان شاء الله

دعواتكم 🤍

الشغل يمشي مع سنة خامسة ولا لا؟
يمشي جدا،، انت لو بدأت السنة من الأول مش محتاج اكتر من اربع ساعات مذاكرة ف اليوم!،، وانا اعرف كتير من زمايلنا كانوا بيشتغلوا خلال السنة وما شاء الله متفوقين وقدروا يذاكروا كويس،، فالموضوع كله تنظيم وقت وتوكل على ربنا قبل كل حاجة 🤍

نجيب كتب مين؟
نصيحتين كنت اتمنى حد يقولهوملي بداية السنة:
١- ما تشتريش الكتب كلها مرة واحدة،، الكتاب اللي هتبدأ مذاكرته اشتريه بس،، ومع كل راوند اشتري الكتاب بتاعه
٢- الدكتور اللي هتسمعه اشتري كتبه،، هنزلكم مصادر السماع والمذاكرة بكرة ان شاء الله

هل الحضور مهم؟
لو قصدك كاستفادة فهي فعلا بتختلف من سبيشيال للتاني،، بس احنا كده كده مجبرين عالحضور عشان الغياب فنحاول نستفيد بأكبر قدر ممكن
وانا اعرف ناس كتير من زمايلي كان اعتمادهم عالكلية بشكل كبير في الكلينكال

تقسيمة السنة والجدول الزمني
.
السنة دي طويلة شويه وبالضبط كده 16 شهر،، 11 شهر دراسة هيتقسموا بالنص باطنة وجراحة،، وآخر 5 شهور هيكونوا للامتحنات
.
👈 راوند الباطنة
أساس الطب والبحر اللي كل التخصصات التانية بتاخد منه،، وأطول مادة في كل سنين الكلية 😄،، ليالي الباطنة مش زي أي ليالي،، لدرجة انهم بيقولوا طالب الطب بيمر بعدد من ال milestones اصعبها ليلة امتحان الباثو وبعدين ليلة امتحان الباطنة 😁
.
🟢 تقسيمة السنة وشرح جدول الباطنة
في الباطنة هتتقسموا على الوحدات في مستشفى الباطنة وفي مستشفى القصر العيني وهيكون عندكم حضور 5 ايام ف الأسبوع من (10 - 12) وده اسمه جينرال الباطنة 》》هتاخدوا فيه كلينكال الأربعة الكبار في اول شهرين ونص كل واحد في يوم (الكارديو والشيست والأبدومين والنيورو) وبعدين تمتحنوا عليهم امتحان midround .. وفي يوم هيبقا سيمنار (برزنتيشن) .... بعد ما تخلصوا امتحان ال midround هيبدؤوا يدخلولكم حالات برانشات صغيرة زي الهيما والنفرو والإندوكراين.
الجينرال هيستمر معاكم طول الخمس شهور ونص،، كل يوم بتروحوا تحضروا في نفس الوحدة ونفس المكان وتشوفوا نفس الناس،، هتزهقوا من صحابكم 😂🤍

النص التاني من الباطنة عبارة عن سبيشيالات (12- 2) وده هتلفوا فيه على اقسام الباطنة كلها تقريبا،، هنا مش هيكون في وحدة ثابتة زي الجينرال،، بس انتو هتلفوا فيه عالأقسام،، كل سبيشيال بيكون 18 يوم وبيكون في نهايته امتحان صغير وتنتقلوا للسبيشيال اللي بعده وهكذا،، فمثلا قسم ٢٣ القلب هتاخدوا فيه 18 يوم وتخلصوه وتروحوا للجلدية وهكذا...
في 3 سبيشيالات مالهمش أيام في الجدول (نيفرو وهيما وإندوكراين)

🔴 الامتحانات
غير امتحانات السبيشيالات اللي بتبقا درجاتها صغيرة هيبقا عندكم 3 امتحانات في الباطنة
1- امتحان Mid round كلينكال الباطنة على السبيشيالات الأربعة الكبيرة وعليه 30 درجة وبيبقا بعد شهرين ونص في نفس الوحدة اللي بتاخدوا فيها الجينرال
2- امتحان End round كلينكال بعد نهاية راوند الباطنة كله ب 60 درجة (غالبا بيبقا عالسبيشيالات الأربعة الكبار برضو) بس في وحدات دخلولهم حالات نيفرو ف الإند!
3- امتحان نظري MCQ بعد نهاية الراوند ب 50 درجة هتمتحنوا على اغلب منهج النظري تقريبا

🟢 الغياب؟
للأسف الباطنة بيرخموا في الغياب،، وفي وحدات حرمت فعلا،، فيا ريت ما نستهترش فيه،، خصوصا ان ليك ف الخمس شهور ونص كلهم تقريبا 25 يوم بس غياب

دي نظرة عامة على الباطنة وهنزلكم الجراحة بالليل ان شاء الله 🤍

مساء الخير على أجمد Seniors 🫡🤍
السنة دي من أحلى السنين اللي هتقضوها في الكلية من غير مبالغة 😁
سنة هتكون طويلة اوي بس في نفس الوقت حلوة اوي .. هتنزلوا في اقسام الباطنة والجراحة بقا وتلفوا على كل انواع المرضى اللي ممكن تتخيلوهم 🤍
ركزوا كويس اوي في السنة دي عشان تستغلوها افضل استغلال وتطلعوا منها بأكبر فايدة 🤍

انا فاكر كمية التوهان اللي كنا فيها بداية السنة .. عشان كده هنزلكم نصايح مني ومن زمايلي واحاول اجمع لكم تجارب كتير اوي واقول على اخطاء وقعنا فيها تتجنبوها 🤍

بس قبلها عاوز اعرف اي اسئلتكم عن السنة؟ .. ابعتولي وانا هجاوب هنا عالقناة 🤍
http://T.me/Nadeem02

Channel name was changed to «🩺 نديمُ الطب 📚»

ألف ألف مبروووووك النجاح يا شباب 🥳
خلاص هانت وبقيتوا seniors 🤩🫶
دعواتكم لينا بقا نخلص على خير 🙏

بعتذر عن التأخر بس حصل عندنا ظرف طارئ الفترة اللي فاتت
وانا معاكم اهو لو حد عنده اي سؤال يتفضل 🤍

بسم الله الرحمن الرحيم
آخر راوند في السنة (community + palliative + research)
✅️ الراوند كبير ومهم جدا جدا وعليه امتحان ريتن
✅️ مجموع درجات ١٩٠ درجة
.
أولًا: الكوميونتي (١٤٠ درجة)
✅️اعتقد مفيش مصدر غير كتاب القسم ... وهو كويس بصراحة ... بس برضو كبير ودسم ومدة الراوند قليلة يا ريت ما تراكموش عليكم وتبدؤوا بدري
✅️ مصادر السماع:
مبدئيا في حاجات كتير كانت بتتفهم من غير سماع وانا اعتمدت على القراءة في شباتر كتير
١- محاضرات القسم الأونلاين كانت كويسة في أغلب الحاجات
https://youtube.com/playlist?list=PL8N1HDWhzsTcParfRc20yb_hiSLQPYkbu
٢- محاضرات القسم القديمة ... وأوصيكم بمحاضرات دكتورة داليا خصوصا ال general epidemiology
https://youtube.com/playlist?list=PL0_tN0panMs-NgdsgLCogTBUtD8p9gglw
السؤال المصيري: الغياااب والحضور؟؟
مفيش غياب يا دكاترة إلا عالسكاشن .. والغياب مهم جدا وبيتاخد بالكارنيه والباركود ... غير كده ما دققوش على حاجة تانية
.
ثانيا: ال palliative (٤٠ درجة)
✅️ فيها جزء oncology و pharma و palliative
✅️ ال handout اللي كان نازل من القسم هحطه في الكومنتات (ممكن ينزلولكم حاجة جديدة فخليكم متابعين)
✅️ مصادر السماع
دكتور محمد عبد الرحمن كان شارح ال oncology وال pharma
https://youtube.com/playlist?list=PL8N1HDWhzsTc__-KKuhLg7-RQE7WntITe&si=EMhRal9riLT6m3S8
والأجزاء الباقية كانوا زمايلنا شارحينهم برضو على نفس اللينك
✅️ عليه امتحان mcq في الآخر ب ٤٠ درجة
.
ثالثا: ال Research
✅️ كان عليه ١٠ درجات ٤ عالحضور و ٦ امتحان MCQ بسيط
.
تنبيهات وملحوظات:
١- الراوند تقيل وطويل خصوصا ال community ووقته قليل ... حاولوا ما تضيعوش وقت
٢- الفترة الجاية مهمة جدا فحاولوا تشدوا حيلكم فيها عشان من بعد ال community هتلقوا نفسكم دخلتوا في شهر ونص امتحانات ... فمهم جدا ما نضيعش وقت وما نراكمش واللي كان مكسل يشد حيله
٣- شابتر ال epidemiology حاولوا تذاكروه على شكل جداول عشان الحاجات اللي فيه بتلخبط
٤- القسم كويس وبيقسمولكم في النهاية الشباتر حاجات written وحاجات MCQ في الامتحان ... غالبا امتحان الإند بيبقا MCQ والاينل بيبقا written
٥- العملي بتمتحنوه مع ال end round بيبقا ليه ورقة لوحده وهبقا احط المصادر بتاعته ان شاء الله بس يتلم قبلها عادي ... برضو هو منفصل في كتاب صغير لوحده
٦-  هحط امتحان الإند بتاعنا في التعليقات 👇

ألف مبرووك نهاية راوند الأطفال والنسا 👏
هبعتلكم ان شاء الله اليومين دول رسالة للكوميونتي بالتفصيل ... مادة مهمة جدا وعليها درجات كتير ... ووقتها مضغوط شويه
بس استمتعوا باليومين الاجازة دول 😂🤍

الرسالتين اللي فوق دول يا دكاترة فيهم كل ما يخص امتحان الإند راوند بتاع الأطفال 👆👆