Motivational Speech & Truth

🙏ሰላም ለእናንተ ይሁን🙏

"የመስታወት ያህል ጥራት የበረዶ ያህል ንጣት
ቢኖረንም ሰዎች ከሚስነዝሩብን ትችት አናመልጥም"

✍ሼክስፒር✍

ሰዎች የሚሰጡት ትችት ስለኛ ከሚናገረው ይበልጥ ስለእነሱ እንደሚናገር ማወቅ አለብን፡፡በተጨማሪም አንድ ድርጊት ላይ ያለን ድክመት ስለማንነታችን እንደማይናር ማወቅ አስፈላጊ ነው፡፡ ሂሣብ ላይ ቀሽም ከሆንን የሚያሳየው ሂሳብ ላይ ቀሽም እንደሆንን እንጂ እኛ ቀሺም እንደሆንን አይደለም፡፡

አንዳንዴ ትችት ደካማ ጎን ላይ በማተኮር ራሣችንን እንድንጠራጠርና ያሉንን ብዙ ብቃቶች
እንድንዘነጋ ያረገናል፡፡ ስለዚህ ትችትን በግል አለመውሰድ ለራሣችን ያለን ግምት እንዳይቀነስ ይረዳናል፡፡

motivational6

"ታዋቂው ቢሊየነር ኤሎን መስክ በአንድ ወቅት የተናገረው ፦

" በህይወታችሁ ውስጥ የሚፈጠሩ ፈተናዎች ለምክንያት ነው ፤ እነዛ ፈተናዎች አንተን ሊለውጡህ እና ሊያሳድጉህ ይመጣሉ ፤ አንዳንዴ በጣም ሊያሳምም ፣ ሊሰብርህ እና ሊጎዳህ ይችላል ፤ ነገርግን በስተመጨረሻ ያ ፈተና አንተን የተሻለ ነገር ላይ እና ከፍታ ላይ አሳርፎ ይሄዳል ።" ሲል ተናግሯል ።"

@motivational6

የትንሳኤ በዓል ኢየሱስ ክርስቶስ ለሰው ልጆች ሁሉ በመስቀል ላይ እስከሞት ድረስ ራሱን አሳልፎ በመሰጠት ወደር የለሽ ፅኑ ፍቅር ያሳየበት እና እንዲሁም ለበደልነው ለኛ ይቅርታና ምህረትን የሰጠበት፣ ሞትንም ድል ያደረገበት መታሰቢያ በዓል ነው!

በዚህች ቀን አዲስ ፍጥርት ሆነናል ቀንድሞ ወገን ባንሆንም አሁን ግን በልጅ በክርስቶስ ደም የእግዚአብሔር ልጆች መሆን ችለናል!

የዮሐንስ ወንጌል 11
25፤ ትንሣኤና ሕይወት እኔ ነኝ፤ የሚያምንብኝ ቢሞት እንኳ ሕያው ይሆናል፤

ሁላቹንም ለዚህች ድንቅ ቀን እንኳን አደርሰን!

በዓሉ የፍቅር፣ የሰላም፣ የይቅርታ፣ የምህረት፣ የመርዳዳት እና የደስታ ይሁንላቹ!

@motivational6 መልካም በዓል

የምሽቱ ወሳኝ ጥያቄዎች!

አንድ እውነታ ጋር የመድረሻው ትክክለኛው፣ አቋራጩና ፈጣኑ መንገድ ትክክለኛውን ጥያቄ መጠየቅ ነው፡፡

ከዛሬ በመጀመር ቢያንስ በወር አንድ ጊዜ ራሳችሁን ልትጠይቁ የሚገባችሁ ወሳኝ ነገሮች . . .

• በፍጹም እንደማያስኬደኝ የገባኝና ማቋረጥ ያለብኝ ተግባር ምንድን ነው?

• በፍጹም ማቆም ሳይገባኝ ያቆምኩትና እንደገና መጀመር ያለብኝ ተግባር ምንድን ነው?

• በፍጹም እንደማያዛልቀኝ የተረዳሁትና ማቆም ያለብኝ ግንኙነት የትኛው ነው?

• በፍጹም ላቋርጠው ሳይገባኝ በስሜታዊነት ያቋረጥኩትና እንደገና በይቅርታ ማስተካከል ያለብኝ ግንኙነት የትኛው ነው?

• በፍጹም ትኩረቴን ልጥልበት የማይገባኝና የትኩረት ለውጥ ላደርግበት የሚገባኝ አእምሮዬን የተቆጣጠረው ሃሳብ ምንድን ነው?

ዛሬ ማታ እነዚህን ጥያቄዎች በመጠየቅ መልስን ሳታገኙ ወደ መኝታችሁ ላለመሄድ ሞክሩ፡፡

ጥያቄዎቻችሁ ሰፋ ካሉና ጊዜን ከጠየቁ የተወሰኑትን ከመለሳችሁ በኋላ ከራሳችሁ ጋር ለነገ ቀጠሮን በማድረግ ነገ ቀጥሉት፡፡

ከላይ የተጠቀሱትንና መሰል ጥያቄዎችን መጠየቅና እውነታው ጋር መድረስ የመጀመሪያው የቆራትነት እርምጃ ሲሆን፣ ከዚያ አለፍ ያለው ቆራጥነት ደግሞ የደረስንበትን እውነታ ለመቀበልና ለውጥን ለማምጣት የመወሰን ቆራጥነት ነው፡፡

መልካም አዳር!

@motivational6

እስካሁን በዚች በምንኖርባት ምድር ላይ 100.8 ቢሊየን ሰዎች ሙተዋል ተብሎ ይገመታል። አሁን በምድር ላይ የሚኖረውን ህዝብ 14 እጥፍ አፈር ድሜ በልቷል ማለት ነው! ይታያችሁ ስንት ጀግና ፣ ስንት ምሁር፣ ስንት ቆንጆ ስንት ሐብታም ፣ ስንት ባለስልጣን ፣ ስንት ተዓምረኛ ከነኮተቱ እንደተጋዘ! አሁን ምድራችን 8 ቢሊየን ሰዎች እንኖርባታለን፤ ከመቶ ዓመት በኋላ አንድኛችንም አንኖርም፤ በአዲስ እንተካለን! እና ምን ለማለት ነው ? ቶሎ ቶሎ ኑሩ😀የራሳችሁን ኑሮ ኑሩ! እና እራሳችሁን እስከመክፈል የሚያደርስ ስግብግብነት ውስጥ አትነከሩ! ሕይዎት ድራማ ናት ፤ከመድረክ ሳትወርዱ በደንብ ተውኑ! (አነቃቂ ይሁን አስደባሪ ባለውቅም ለአጠቃላይ እውቀት ያዙት) አመሠግናለሁ🙏😀

@motivational6

እነዚህን ሰዎች ቼክ ማድረግ አትርሱ…

ብዙ ሰው እንደዚህ አይነት ሰዎች "ብረት ለበስ" የሆኑ አድርጎ ይወስዳል

👇🏾

💁‍♂ከቅርብ ጊዜ ወዲህ ዝምተኛ የሆኑ/ ከሰዎች የራቁ ሰዎች

💁‍♂ቢቸግራቸው እንኳ የሌሎችን እርዳታ የማይጠይቁ ሰዎች

💁‍♂ሁልጊዜ ደስተኛ የሚመስሉ ሰዎች

💁‍♂'ጠንካራ' ናቸው ተብለው የተፈረጁ ሰዎች

💁‍♂'መለኞች ናቸው: ምንም ቢሆኑ መፍትሄ አያጡም' የተባሉ ሰዎች

💁‍♂ሰው በፈለጋቸው ጊዜ የማይታጡ/ ሁሌም ለሰው ደራሽ ሰዎች

💁‍♂ሁሌም መልሳቸው 'ደህና ነኝ' የሆኑ ሰዎች

👇🏾

ደውሉላቸው: አዋሯቸው ፤ ከምድራዊው የመንፈስ እርካታ በላይ በሰማይ ዋጋ ታገኛላችኹ !!

Check on them !!
❤️መልካም አመሻሽ🙌🏼

@motivational6

ፈጣሪ ፀሎትክን ከሰማህ እምነትክም በዚያኑ ልክ ይጨምራል፤ካረፈደ ደግሞ ትእግስትህን ይጨምረዋል፤ሙሉ ለሙሉ ምላሽ ካልሰጠክ የተሻለ ነገር አዘጋጅቶልካል ማለት ነውና በደስታ ጠብቀው።

ውብ🔆🔅
@motivational6

አስተውል!
  ከዘፋኞች የማን አድናቂ ነህ?
      ከደራሲያን የማን አድናቂ ነህ?
ከአትሌቶችስ የማን አድናቂ ነህ?
በርግጠኝነት ከእያንዳንዱ ጥያቄ አንድ አንድ ሰው እንደሞትጠራልኝ።
አንተስ  በስራህ እንዴት ነህ? ማለቴ ከጓደኞችህ ውጭ፣ከቤተሰቦችህ ውጭ፣ከስራ ባልደረቦችህ ውጭ በምትሰራው ስራ አድናቂህ ነኝ ያሉህ ሰወች አሉ?????
እነሱ በሙያቸው ታዋቂ የሆኑት መስራት ያለባቸውን ጥግ ድረስ መክፈል ያለባቸውን መስዋትነት ከፍለው ስለሰሩ ነው ስኬታማ ሁነው አንተን ጨምሮ በርካታ ተከታይ እና አድናቂ ያላቸው። ቁምነገሩ ስለ ተደናቂ እና አድናቂ ለማውራት አይደለም።
ጥያቄው አንተስ ስኬታማ የሚያደርግህን ስራ ነው ወይ እየሰራህ ያለህው? ስትበላ ትንሽ ልብላ፣ስትዝናና ትንሽ ልዝናና ፣ስትዘንጥ ትንሽ ልዘንጥ እንደማትል ሁሉ ትሰራም በደንብ አድምተህ ከሰራህ አንተም እንደምታደንቃቸው ሰወች ስኬታማ ሁነህ ለሰወች ተምሳሌት ትሆናለህ።
ካልሆነ ግን ሁሌም አጨብጫቢ፣ሁሌም አማራሪ።ሁሌም ችግር አውሪ ትሆናለህ ያ እንዳይሆን አሁን ንቃ!
ዛሬ ሂወትህ ላይ  ብዙ መራራ ነገሮች ሊኖሩህ ይችላሉ ።አሞህ መራሩን ኪኒን ስትውጥ ወይም የሚያመውን መርፌ ስትወጋ ነው  ምህረት ያለው።

@motivational6

GOOD MORNING 🌞

ልጅ ከትምህርት ቤት እያለቀሰ ሲመጣ አባት ይጠይቀዋል

"ልጄ ምን ኾነኽ ነው"

"ትምህርት ቤት ጓደኞቼ የአትክልተኛ ልጆች እያሉ እየሰደቡ እና እያሾፉብኝ ተቸገርኹኝ፡ ከዚኽ በኋላ ትምህርት ቤት መሔድ አልፈልግም"

አባትየው ትንሽ አሰብ አድርጎ ልጁን ወደ አበባው እርሻ ወሰደው

" ልጄ አሁን ኹለት አበቦችን እንተክላለን። አንደኛው የእኔ ነው ሌላኛው የአንተ ነው። የእኔን አበቤ ንፁህ ውሃ ብቻ እናጠጣዋለን። የአንተን ደግሞ ማሳውን አቋርጦ ከሚመጣው ቆሻሻ ውሃ እናጠጣዋለን።"


በዚህ ተስማምተው ለቀናቶች ያህል አበቦቹን ተንከባከቧቸው

ተክሎቹ አበባ ማፍራት ሲጀምሩ ልጁ ተገረመ - የእሱ ተክል በሚያምር መልኩ አፍርቷል: የአባቱ ደግሞ መጠነኛ አበቦችን ብቻ ያዘ

"አባዬ የእኔ ተክል ቆሻሻ ውሃ ስለጠጣ እንዲህ ውብ አበቦችን የሚያፈራ አልመሰለኝም ነበር: የአንተ ንፁህ ውሃ ብቻ እየጠጣ እንዴት ከእኔ የተሻለ አላፈራም?" ልጅ ጠየቀ

"ልጄ ይኸውልህ ቆሻሻ ውሃ አንድን ተክል አበባ ከማፍራት አያግደውም: ይልቁንስ በውስጡ በያዘው የቆሻሻ ማዳበርያነት ይበልጥ እንዲያፈራ ነው የሚያደርገው" አባት መለሰ

👇🏾

“ልጄ! የሰዎች ሀሜት: ሹፈት: ስም ማጥፋት እና አሉባልታ ከህልምህ እንዳያስቆምህ ይህ ተክል ምልክት ይሁንህ:: ቆሻሻውን ውሃ እንደማዳበርያ እንደሆነለት አንተም እንደዚያ ተክል ሁን!"

መጥፎ አስተያየቶችን እንደ መነሳሻና መጠንከሪያ እንጠቀምባቸው!

❤️ 🙇
@motivational6

የልማድ ምስጢር!

“ደጋግመን የምናደርገውን ነገር ነን፡፡ ስለሆነም፣ ልቀትና ምርጥነት የአንድ ጊዜ ተግባር ጉዳይ ሳይሆን የልማድ ጉዳይ ነው” - Aristotle

“እኔ የአንተ የዘወትር አጋርህ ነኝ፡፡ ታላቅ የሆንኩ ረዳትህ ነኝ ወይም ደግሞ ከባድ የምባል ሸክምህ፡፡ ወደ ስኬት ልገፋህ እችላለሁ፣ ወይም ደግሞ ወደ ውድቀት ልጎትትህ ብቃት አለኝ፡፡ ሁል ጊዜ እንዳዘዝከኝ ለመሆን ዝግጁ ነኝ፡፡ በየእለቱ ከምታደርጋቸው ነገሮች ገሚሶቹን ለእኔ አሳልፈህ ብትሰጠኝ ባፋጣኝና በትክክለኛው መንገድ አከናውናቸዋለሁ፡፡ ጠንከርና ጨከን ካልክብኝ፣ በቀላሉ ልትገራኝና ልታስተዳደረኝ ትችላለሀ፡፡ አንድ ነገር በምን መልኩ መደረግ እንዳለበት አሳየኝና ትንሽ ካለማመድከኝ በኋላ በፈለከው ጊዜ ሁሉ በፍጥነት አከናውንልሃለሁ፡፡ ታላላቅ የተሰኙ ሰዎች አገልጋይ ነኝ፤ ሆኖም የውድቀትና ያለመሳካትም ምክንያት እኔው ነኝ፡፡ ታላላቅ የሆኑን ሰዎች ታላቅ ወደ መሆን ያመጣኋቸው፤ የወደቁና ያልተሳካላቸውንም ሰዎች ለዚያ ያበቃኋቸው እኔ ነኝ፡፡ ማሽን አይደለሁም፤ ነገር ግን ልክ እንደ ማሽን የተሰጠኝን ሁሉ ሳላዛባ፣ ልክ እንደሰው ደግሞ በብልህነት እሰራለሁ፡፡ ከፈለክ ለትርፍ ተጠቀምብኝ ካለዚያም ለክስረት ተጠቀምብኝ፣ በእኔ በኩል እንደሆነ ምንም ልዩነት አያመጣም፡፡ ውሰደኝ፣ የራስህ አድርገኝ፣ አሰልጥነኝ፣ ጠንከርና ጨከን በልብኝ እኔም በተራየ አለምን አስገዛልሃለሁ፡፡ ቀለል በልልኝና ችላ በለኝ፣ አጠፋሃለሁ፡፡ ማን ነኝ? እኔ ልማድ እባላለሁ!” – Anonymous

ልማድ ማለት በአንድ ነገር አቅጣጫ ራሳችንን ከማስለመዳችን የተነሳ ያንን ነገር በቀላሉ ማድረግ ስንጀምርና እንደውም ማቆም ሲሳነን ማለት ነው፡፡ ይህ እውነታ ደግሞ ለጤናማውም ሆነ ለጤና ቢሱ ልማድ የሚሰራ እውነታ ነው፡፡ ልማድ ማለት ካለምንም የውጭ ግፊትና ጉትጎታ ማድረግ የጀመርነውና “የማንነታችን” ክፍል ወደ መሆን የመጣ ጉዳይ ነው፡፡ ከመልካም ልማድ ውጪ ማንም ሰው ምንም ነገር ማድረግ አይችልም፡፡ በሌላ አባባል ወደ ልማድ ባልመጣ መልካም ነገር ወደ ስኬት መምጣት አንችልም፡፡

ብቃትና ጥራት ማለት የተለመደን ነገር ባልተለመደ መልኩ ማድረግ ማለት ነው፡፡ ይህ እንዲሆን ደግሞ መልካምን ልማድ ማዳበር የግድ ነው፡፡ ለምሳሌ፣ በአንድ ስፖርት ኦሎምፒክ ላይ የሚወዳደሩ ሰዎች በአማካኝ ካለማቋረጥ ለስድስት ዓመታት ሙሉ በአመት ለ310 ቀናት፣ በየቀኑ ለአራት ሰዓታት ልምምድ ያደርጋሉ፡፡ ሌሎች ሰዎች ቀኑን ሙሉ የማይሰሩትን ስራ እነዚህ ስፖርተኞች ጠዋት አንድ ሰዓት ከመሆኑ በፊት ሰርተው ይጨርሳሉ፡፡

አሁን ምንም አይነት የላቀ ደረጃ ላይ የደረሰን ሰው ተመልከትና ጀርባውን አጥና፤ ለረጅም ጊዜ ደጋግሞ ያደረገውንና የገነባውን አንድ ነገር ታገኛለህ፡፡ በሌላ አባባል፣ አሁን የደረሰበት የላቀ ደረጃ የደረሰው በአጋጣሚ ሳይሆን አንድን መልካም ልማድ አዳብሮና በዚያ ልማድ ዙሪያ ደጋግሞ በመስራትና በመሻሻል ነው፡፡

የንጽህና ልማድ ቤትን፣ አካባቢንና አገርን በንጽህና ልቀው እንዲገኙ ያደርጋቸዋል፡፡ የስራ ልማድ በብልጽግና ልቀን እንድንገኝ ያደርገናል፡፡ የጥናት ልማድ በእውቀት እንድንልቅ መንገዱን ይጠርጋል፡፡ ከማንኛውም ውብ ነገር ጀርባ መልካም ልማድ አለ፡፡ በእኔና በአንተም ኑሮ ስሌቱ ያው ነው፡፡

አንድ ቀን ከእንቅልፋችን ስንነሳ በአንድ ነገር ልቀን አንገኝም፡፡ ከአንድ ግብ አንጻር በየእለቱ የገነባናቸው ልማዶቻችን ናቸው የነገን ልቀታችንን የሚወስኑት፡፡ ልማድ የሕወታችንን አብዛኞዎቹን (ምናልባት ሁሉንም) ነገሮች አቅጣጫ ወሳኝ የሆነ ጉዳይ ነው፡፡ ጤንነታችንን፣ ኢኮኖሚያችንን፣ ወዳጅነታችንን የኑሮአችንን ጥራትና ሌሎችም ዋና ዋና ነገሮችን ስለሚወስን፤ ልማድ ሲጨመቅ ማንነት ይሆናል፡፡

@motivational6

ብርቱ ሰራተኛ ሁኑ!

“ሕልምና ራእይ ወደ እውነታ የሚመጣው በምትሃት አይደለም፡፡ በላብ፣ በቆራጥነትና ጠንክሮ በመስራት ነው” - Colin Powell

አንድ ቀን የምመኘውን አገኘዋለሁ” በማለት ቁጭ ብሎ የሚጠብቅ ሰው አንድ ቀን የሚመኘውን የማግኘቱ እድል እጅግ የመነመነ ነው፡፡ ምናልባት እንኳ እንዴት እንደሆነ ባልገባን ሁኔታ አንድ ቀን የተመኘውን ቢያገኝም እንኳ፣ አንድ ቀን ደግሞ ያንን እንዲሁ በምኞትና ባጋጣሚ ያገኘውን ነገር ያጣዋል፡፡ ይህ የሚሆንበት ዋነኛ ምክንያቱት ቁጭ ብለን ያገኘነውን ነገር በዚህ ቁጭ ባለው ማንነታችን መጠበቅም ሆነ ማሻሻል ስለማንችል ነው፡፡

በላብ፣ በድካምና በብዙ ትጋት የመጣ ነገር በዚያ ድካም ምክንያት ባገኘነው የባህሪ ጽንአታችን ይቀጥላል፣ ይሻሻላል እንዲሁም ያድጋል፡፡ ስለዚህም ተቀምጦ አንድ ነገር ደጁ ድረስ እስኪመጣለት የሚጠብቅ ሰው ለብዙ ክስረት ራሱን ያጋልጣል፡፡ ከሁሉ የላቀው ክስረቱ ግን ተቀምጦ “እድል” ሲጠብቅ የኖረበት ዘመን የሚያባክንበት “ጊዜ” የተሰኘውን ሊመለስ የማይችል ውብ ሃብቱን ነው፡፡

ሕልምን ማለም ለሁሉ በነጻ የተሰጠ ስጦታ ነው፡፡ የታለመውን ሕልም ግን እውን ለማድረግ መንቀሳቀስ ጥቂቶች የሚለማመዱት ልምምድ ነው፡፡ ሁሉም ነገር በህልምና በራእይ ቢጀመርም የሚቀጥለው ግን በትጋትና በጠንካራነት ነው፡፡

የዛሬን የእረፍት ቀን በመጠቀም በሚከተሉት ነጥቦች ላይ በሚገባ አስቡና እቅድን በማውጣት ለመጻፍ ሞክሩ . . .

1. መለወጥ፣ ማደግና መሻሻል የምፈልግባቸው ነገሮች ምን ምን ናቸው?

2. ለውጡን ለማምጣት መጀመር ያለብኝ ነገሮች ምን ምን ናቸው?

3. ለውጡን ለማምጣት ማቆም ያለብኝ ነገሮች ምን ምን ናቸው?

4. መቼ የት መድረስ እፈልጋለሁ?

5. ከነገ ጀምሮ ማድረግ የምጀምራቸው ነገሮች ምን ምን ናቸው?

@motivational6

ትግላቹህን ምረጡ
Choose your Struggle

እስካሁን ምን ያስደስትሀል
ምን ብትሰራ ደስ ይልሀል ተብለን ነበር የምንጠየቀው ፣
ምን አይነት ችግሮች ይመቻቹሀል?
ለምን አይነት ችግሮች ዋጋ ለመክፈል ዝግጁ ናቹህ


ሀብታም———ስለሀብቱ ይጨነቃል
ድሀም ———በድህነቱ ይሰቃያል
ሲግሎች———ጉአድኛ ስለሌላቸው ያዝናሉ
ግንኙነት ውስጥ ያሉ——— ስለገቡበት ነገር ያማርራሉ
ልጂ ያልወለዱ———ልጂ ስለሌላቸው ያዝናሉ
የወለዱ ————በልጆቻቸው ይቃጠላሉ

በዝህ ዘመን ሰወች ይሄን ሳደርግ ፣ይሄን ስመስል ፣ ደስተኛ እሆናለሁ ብለው ያስባሉ እውነታው ግን ምንም ምሰል፣ከማንም ጋር ሁን ፣ አብረዋቸው የሚመጡ የማታስቀራቸው መዘዞች አሉ ::


የተለየን ስለሆን ሳይሆን ደረጃው ቢለያይም ሁሉም ሰው የሚያልፍበት መንገድ ነው

እግዲያውስ ደስታ ያለው ማስቀረት የማንችላቸውን አነዝህን ችግሮች በመፍታት ውስጥ ነው


ሁሉም ስቃይ እኩል ነው እያልኩ አይደለም ባይሆን ማስቀረት እደማይቻል እየነገርኳቹህ እንጂ

ችግሩን ለማቅለል የምንጠቀምበት ነገር ቢኖር ችግሩን መጋፈጥ ብቻ ነው

@motivational6

#ያላንተ

ህይወቴን ያላንተ ሳስበው ከሞትም የከፋ ሆኖ ነው የሚታየኝ፣ እሩጫዬም የኋሊት ነው የሚሆነው፣ መራመዴም ከመቆም ከፍቶ ይገኛል፣ ማሰቤ ከህልም ሳይሻል ይቀራል፣ መኖሬን ካላንተ ሳስበው በድን መሆኔ ይታወቀኛል፣ ያላንተ አለኝ ብልም ባዶነቴ ጆሮዬ ላይ ያቃጭላል፣ ክብሬ ግዙፍ መስሎ ቢታየኝም ክብሬን አንተን ትቼ ግን ለካ ውርደት እንጂ ክብር የለኝም፣ ያላንተ ምን ክብር አለ? ያለንተስ ምን ስኬት አለ?

ብቻዬን እራሴን ሳይ አለኝ የምለው ነገር እንኳን እንደ ጉም ይሆንብኛል። አለኝም ለካ እግዚአብሔር አለኝ የሚል ካልኖረው ከየለኝም የከፋ እራቁነት ነው። ካላንተ አለኝ ባልኩት ሁሉ የሚገጥመኝ ይሄ ነው ምክንያቱ ደግሞ አንተን ከሌለኝ ምን ቢኖረኝ ባዶ ስለሆንኩኝ ነው። የህይወት ዘመን ትዝታዬ የኔ የምለው ሳይሆን ከአንተ በመነጨ ፍቅር ወድህ የራስህ ያደረከኝ አንተ ሁን። ያኔ ሙሉነትን አገኛለሁ አንተን ካለኝ ምንም ባይኖረኝ ሙላቴ ነህና የጎደለኝ የለም።

✍ ከዲያቆን ተስፋ መሰረት


ሀሳብ አስተያየት ካለ👉@Teamtol
ለሌሎች ያጋሩ  ➟ @motivational6

⛪️
"የምታያቸውን ተጠንቀቃቸው-ታስባቸዋለህና፤
የምታስባቸውን- ተጠንቀቃቸው ታደርጋቸዋለህና ''



@motivational6