الشاعر محمد مسلم الأسدي

(( رحمتك جابتني ليك ))


رحمتك جابتني ليك
من ضياعي معتنيك
نادم ايام العشتها ماچنت وياك اعيش
روحي تطشر وجيك
وتفزع اتلمني اديك
ابلا عيونك ياحبيبي فلس ما اسوالي بيش

جاباني حبك
دلاني دربك .... شفتك ضوء
روحي عليله
وحبك وسيله .... الروحي دوء
تكبر خنگتي
والگه ابصفنتي .... انت الهوء

ارجعلك ندمان ابدمعتي ... وتفتحلي چفينك حضن
بتقصيري مولاي اعترفلك ... وتلاگيني ابوجه الحسِن
ماعايش بالغربه غربتك ... لا عايش وياك الحزن

وحس ابلهفتك ودموعك وياي
عطشان اعلمودي ماضگت ماي
انت بالصحاري وانه بفياي

مولاي مولاي ....
"" "" "" "" "" "" "" "" "" "" "" "" "" ""
ابصورتك هام الخيال
والدمع بعيوني سال
صفنتي اجاوبني حيره اشلون داستك خيول
بالصور وشگد حنين
للذنَب چفك معين
هاذه ياماي اليعطشك وعنهن اشفافك يحول

اتروى ابدموعي
وفدوه ضلوعي .... الضلعك فده
ابچي الغربتك
تنزل دمعتك .... بين العده
بالهيمه حاير
ماكو مناصر .... ضل وحده

اتمنى يحسين ابغربتك ... وشگف عنك دوس الضلع
مايكفيني اعليك النياحه ... لايكفيني صب الدمع
مسلوبات اثيابك حبيبي ... والمحبس منك والصبع

أبلهفت حسّرتي وگلبي مجروح
على البالهيمه نايم عاري مذبوح
ويشوف ابلا حميه عيلته اتروح

مولاي مولاي ....
"" "" "" "" "" "" "" "" "" "" "" "" "" ""
قصتي وياك العذاب
عايش الدنيه سراب
من شفتها الدنيه خانت تبعت اچفوف الضلام
عالمدامع صرت اعيش
وبلاها انه بيش
عشت بالدنيه وشفتها ماشفت مثلك حرام

غاية حياتي
ابقه المماتي .... ابچي الك
اقبلني خادم
بجروحي نادم .... اتوسلك
ماعندي غيرك
انه اسيرك .... ابداعت هلك

مارحمت بيك الغاضرية ... منك سلبت خيمه واخو
مطروح انت ابهيمه وخيامك ... بيهه اتشاهد طب العدو
يم الماي الخوه عفتها ... غربه اليفزع صوبك منو

عطشان وطحت بالغربه وصيح
يلچمني اذا هب الهوء الريح
ودگوم وترد بجروحك اطيح

مولاي مولاي ....
"" "" "" "" "" "" "" "" "" "" "" "" "" ""
اگطع وياك الوصال
وچفك يگلي تعال
انه للضايع محطه بيها يشعر بالامان
جايب المثلي زغير
ابفضلك امسويه امير
مايوصفك قلم شاعر رحمة الله بالحنان

ضايع اجيتك
عشت ابسجيتك .... عندك عبد
يكبر جفائي
وتزغر سمائي .... ويمك ارد
يكسرني حزني
ويمك يردني .... شوگ البعد

مذنب ادخل انه ابعزائك ... وطلع منَ ابلون الگطن
دين اتصير الروحي البواچي ... وشتاگ الدمعات الجفن
ماعيش ابلا دمعة احسن ... گلبي الجرحك عمره يحن

ابچيلك وحس ابدمعي قاصر
ودموعي عدم ويه الحوافر
وموت ابحسرتي مكسور خاطر

مولاي مولاي ....
"" "" "" "" "" "" "" "" "" "" "" "" "" ""
ميت العاشك جفاء
وانت بچفوفك دواء
المايعيشك جرحه يبقه نادم ايام وسنين
مختصر كل الكلام
وكل محطات الغرام
وختصار الدنيه كلها ياحبيبي ياحسين

كل المشاعر
صوبك تباصر .... صوبك تهب
محبوبي دامي
ياوسفه ضامي .... من الشرب
دلالي شالع
ونياطي گاطع .... لوعه انتحب

شبچيلك يامحبوبي حاير ... لجروحك لو ابچي الألم
طلعت تركض بالبر خواتك ... من حرگوها اطناب الخيم
فزعت خيل ادوس ابضلوعك ... من شافو طايحلك علم

تكسرني غربتك وبقه محتار
ولجروحك تفور ابداخلي النار
طايح وبعيالك صار ماصار

مولاي مولاي ....
"" "" "" "" "" "" "" "" "" "" "" "" "" ""
سيد محمد الياسري
محمد مسلم الأسدي

(( ياشام ارحمني ))


ياشام ارحمني اشبعد مابس عذاب البيه
لازاير ابهاي السنه ولا اخو المر اعليه
ياشام مو هسه متت والطلعت روحي
من صعدّت النوگ الهزل وحچاية المسبيه

لازاير المر لاخو حرام
ارحمني ميته ابغربه يشام
حرمه وغريبه ارحم حالي
ومحد گصدلي ابموتي واجالي
هالسنه تفرق عن العام
"" "" "" "" "" "" "" "" "" "" "" "" ""
ياشام وبهاي السنه يبقه ابغرب تابوتي
بالغربه خلصت العمر چاغربه حته ابموتي
وين انطي وجهي بالغرب ياشام دليني
وياشام اهلك مو بشر منتضره تسمع صوتي

كلهه شماته امشي الوين
ياهو اليغمض ابموتي العين
محد يشيع نعشي ابغربه
صعبه يشام وتكلف صعبه
لايمي كافل لاكو حسين
"" "" "" "" "" "" "" "" "" "" "" "" ""
تابوتي تنگط مستحه من الفشل خشباته
وياگلبي مهضوم وعلي وتحرگ بلد حسراته
الماصايره ابواحد گبل بالشام سؤوها
ياهوا ممدود ابنعش ويسمع ضحك شماته

اكرام اليموت يدفنه انسان
وانه بقيت ابلا دفان
غربه وشماته كلهه الوادم
ومذبوحه كلهه خلفت هاشم
الله يعين الماله اخوان
"" "" "" "" "" "" "" "" "" "" "" "" ""
ابديره ماترحم بشر وصلني ضيم العاشر
ماتگضي ياشام وتفض يوميه اگولن باچر
المن عفتني ياوكت لو ميته احسلي
من ضيمك أهون والتعب ياشام دوس الحافر

اتمنيته راسي فوگ ارماح
احسلي بلكي ابموتي ارتاح
هنياله كلمن غمض ليله
وماياكل الشام ابكل حيله
ليلي يخلص كض اصفاح
"" "" "" "" "" "" "" "" "" "" "" "" ""
يهلي الحچي الماينحچي ابنص گلبي ماطلعته
الشام سمعوني حچي كل عمري ماسامعته
ياناگه زينب راكبه واحد يگل واحد
حته يلاگوني ابضحك والباقي خلو سكته

لاگوني يهلي كل الناس
يعيروني چا وين العباس
ماريد اسولف كل اجروحي
خليني اموت وحچيي ابروحي
الشام المصيبه ابلايه احساس
"" "" "" "" "" "" "" "" "" "" "" "" ""
عبد زينب
محمد مسلم الأسدي

(( الليله تنتهي القصه ))


اليله تنتهي القصه الطويله
الرحلة السبي وضيم الهزيله
الليله بت علي اتموت العقيله .... ابغرب
حيره بالغرب من حل اجلهه
ضل نعشهه محد هد حملهه
ولابقه اخو ولايمهه اهلهه .... ابغرب

هيه هاي الحيره هيه
ابنص غرب ماتت سبيه
الصعبه ماچن هاشميه .... عذاب
اجنازة ام عون الچبيره
ابديره ابد مابيهه غيره
وماكو اهل عدهه وعشيره .... عذاب

ماعاشت العقيله بس لوعه وبكسر
فرگت اهلهه باگت فرحتهه والعمر
وتالي ابخرابه تغفه ومچتوفه بالقصر .... يازينب
"" "" "" "" "" "" "" "" "" "" "" "" ""
ماكو بي رحم شام النوايب
بس حچي وهضم دمعه ومصايب
زينب وشنو وي الخرايب .... يناس
دمعه دمعه گضت كل عمرها
والجبل فلا يحمل صبرها
الميته بالغرب شنهي كسرها .... يناس

من الحزن والغربه ماتت
شافت اشگد حسره شافت
راحه ماكو لحضه عاشت .... تنوح
تشتكي المن كلهه غربه
الفاگد الله يعينكه گلبه
التلچم اكثر والله صعبه .... تنوح

لآ رآيه لا اخوها بس شامت وعدو
ماتت غريبه زينب وبعازة الاخو
يشيع نعشهه عگبه من الغرب منو .... يازينب
"" "" "" "" "" "" "" "" "" "" "" "" ""
كلفه مو سهل دمعتهه طاحت
وصاحت ابدمع ها يهلي صاحت
زينب انسبت والغربه راحت .... تصيح
چف عدو بقه اليبره الضعنهه
فاركت غصب زينب وطنهه
مصايب الأهل هنه الحننهه .... تصيح

اعليهه صعبه وماهي سهله
تنسبي اعله الناگه فشله
البيهه هم محد يحمله .... چبير
اعلى الهزل مسبيه زينب
ويم غرب مچتوفه تنهب
والگلب ياوسفه شيب .... چبير

فوگ الهزل اميره مو حلوه والصعب
مچتوفه وسفه تدخل وتباوع الغرب
يتحمل المصايب والحيره ياگلب .... يازينب
"" "" "" "" "" "" "" "" "" "" "" "" ""
جابت العمر گوه اعلى گوه
وماخذ الدهر من عدهه خوه
صاحت ابدمه ارحمني فدوه .... جروح
ياجرح مثل لچمة گلبهه
تركب الهزل ذابح غصبهه
وتنسبي ابدرب لامو دربهه .... جروح

من اليسر متعوبه ويلي
وين ابو فاضل يجيلي
يرد دلالي وذاكه حيلي .... يعود
من الدرب ذابل رسمهه
وناحل من الهم جدمهه
امخدره ماضن اسمهه .... يعود

مامر عليهه زينب لاصاير الجره
تطلع غريبه تمشي وخوتهه عالثره
اتموت احسن الهه زينب ماتبقه حايره .... يازينب
"" "" "" "" "" "" "" "" "" "" "" "" ""
عبد زينب
محمد مسلم الأسدي

https://youtu.be/xwOVLhlwdqo?si=72Pq4U8dLYw5KLQB

(( كلشي راح ))


الشمعه تموت يهلي وتخلص اصياح
وتحچي الـبيهه وي دمعات الاعيون
يــهلي المـوت مـــوت الفـارگ اعزاز
مو مــوت المشــو موت اليــضــلون
من إيخضر اعلى رموشـــك الشـيب
وتضل ليلك تخلصه اشلون بشــلون
اهنا تتمــنى مــــوتك المـن اتعــيش
من اتموت الرســاله ابچـلمة اتهــون

الفرگه موت .... الغربه موت .... كلشي موت
ابنادم الفارگ هله يخضر سكوت
حـسين راح .... حــيـلي راح .... كلــشي راح
امنيتي اغفه ومايفززني الصياح

موتي مشتهيه وعلي
انه ياهــو الضـل الي
اشتــكيله مـن هــلي .... غــربة الـحال
آنـه مــو انــه صـرت
من العذاب اتغــيرت
يهلي زينـب شــيبت .... چني الاخيال
"" "" "" "" "" "" "" "" "" "" "" ""
گـلـب رايد صــلف هـ الليل يانـاس
وگلبي اشـگد ترف جنح الحمامات
الورد مخــلوق للشم موش للدوس
حـــرامات الـورد يعطــش حرامات
وانــه الــشــيــبت مـو مـن الاوداع
مــن ضلـن بـگلبي اهــواي چــلمات
اعاتــب والعــتب مثل النـدى ابماي
اشــينفع من تشـگ الزيج عالــمات

ليلــي آآه .... دمعي آآه .... عــمري آآه
كـون الأيفـارگ مـحـب موتـه وراه
گـلبي نار .... دمعي نار .... شوگي نار
ابروحه كلمن فارگ يموت الخضار

امــسامر وياي الحزن
شيب ارموش الجفن
لــيـلي ونــهــاري أون .... ونعه بجروح
مات بعـــيوني الأمل
غـــفله فارگت الأهل
امتانيه ابلهفه الأجل .... طلعي ياروح
"" "" "" "" "" "" "" "" "" "" "" ""
أول خـطــوه بــيهه يبــين الشـيب
مــن اعـــزاز گـلـبك تــرحل ابــعيد
ابــلايه اچــفوف بـس الـليل ذبـاح
يلــچم كل جـرح بجــروحك يـهيد
اهــنا تحتار بيــن الحــسره والـ آه
وماتـعرف عليــمن تــصــفگ الأيـد
من اصــور التحـبهم تـشغل البــال
اهنا ماتعرف ابروحـك شنـو اتريد

الروح غربه .... النــاس غربه .... الـدنـيه غربه
الفاگد يسولف عليمن ضيم گلبه
الـيل حيـره .... الصفنه حيره .... الصور حيره
اليا مچان يسافر الـماعنده ديره

اشـلون وياهــم تـفـض
ســاعه ويهــيد النـبض
الفرگه بضـلوعي ترض .... رضت الخيل
اشلون تخــلص ياگلب
اعــــزازك إبعـاد الدرب
اتعـيش وتمـوت ابغرب .... رايح الحيل
"" "" "" "" "" "" "" "" "" "" "" ""
وي كل ذكــره صـوت يفـزز الـروح
وتاكــل بالگلـــب تبـقه التـــصاوير
اهــــنا ياما گــعـدنه اهنــانه وهـنا
لــحد ما تصبح ابلــون الطـباشـير
طبع اليــنكسر من يجــبّر يــطيب
واليـنكــسر گلــبه مـــاله تــجــبير
اهنانه اتعيش بين الموت والموت
حل ماعــنـدك المــن نــاضــر ادير

وين اروح .... هـا يـــروح .... مــاكـو روح
العايش ابغربه يضل ينزف جروح
گلـبي ذاب .... حيلي ذاب .... صبري ذاب
لحــضه اريـد ارتاح بسك ياعذاب

تعرض ابعــيني الصور
وينــشلع مــوگ النضر
آآخ مــــنــك يـادهــــر .... نشـفت العين
مــاشــــفت راحـه ابـد
ودمعي لحـضه مــابرد
اســكت ونــوحِ انــولد .... امشي لآوين
"" "" "" "" "" "" "" "" "" "" "" ""
شــــويه شـــويه تبـــدي روحــك اذوب
مــن تشــــتاگ وانــــت بگلــبك اهــموم
اذا تحـچي وصـــداك يــردلــك الصـوت
اهــنانه اتمـــوت حــزنك بــيك مكـتوم
مـــــرات العــــطش مـو مـاي يــانــاس
مــن تتـلضـى روحــك تعــطش ارسوم
تتـــمايل تـــضل لـــــو جـــاسـك الريح
الحزن گـاضــيك عايـش عظم وهدوم

اتمــوت شوگ .... تبـچي شوگ .... السهر شوگ
الليل يبقه ابحيلك وعمرك يبوگ
اتــــريد حـيل .... مــاكو حــيل .... الموت حيل
قـــصتك وي الحزن آآه وعــويل

مايجف لحضه الدمع
انيــاط گلـبك تنــشلع
ذايبــه روحـي شـــمع .... گــلبي نــــيران
مــني شــيريد الزمــن
بــس عذابات ومــحن
مايمر عيــني الـــؤسن .... حيلي خلصان
"" "" "" "" "" "" "" "" "" "" "" ""
عبد زينب
محمد مسلم الأسدي

(( ابنت المختار ))


ابنَـتُ المُخـتارِ طـهٓ زينبٌ بـنَـتُ علـي
ورثة نَهجُ ابآها نطَقت بـأِسمِ الوصـي
شـامخً كانَ لوآهـا حاشى أن لإينثنـي
شـــهِـدَ الطّـفُ عُلاها جـبـلٌ لآ تنحنـي

وقار وهيبه وگفت زود الحسين
مثــل عــباس ما همــتها سبعين
فــارس ناده فارس حيدر الحيد
مــــن عباس يــمكن خلف اثنين

طگ الجيش وهواس
بقــت تـتناشد الناس
زينـب مـــدري عباس ..... يحيرهم فعلها
بالطف وگفت اوگوف
وترست عينهم خوف
السباع ابكربله اشوف ..... تطــخ ادنگلها

زينب زينب زينب يافخر آلُ علي .....
"" "" "" "" "" "" "" "" "" "" "" "" "" "" "" ""
ضــنهُمْ ذُلت ولكنْ في الـــصوابِ خاطئين
صدحت بالجيشِ صوتً كـ أميرُ المـؤمنين
هيبةَ الــعباسِ زينـب وتُـرئ صبر الحسين
لـمّ تُبآلـي الهاشمية في عيـونِ الخآفقـيـن

ذو الفــقـار كـــل حــچايه تـــطلع
چــبير الجــيش خلت عينه تدمع
صنطه وحته رمش العين ممنوع
للأبره اهـناك بالطف صوت تسمع

خرسـه أكبار وزغــار
حــچيها يشبه الــنار
ســوت يـــوم ماصار ..... عقيلة آل هاشم
يـمها ادنــگ اســـباع
تطخ اخشـوم بالگاع
تفـر الجـيش مصرآع ..... ودوس العمايم

زينب زينب زينب يافخر آلُ علي .....
"" "" "" "" "" "" "" "" "" "" "" "" "" "" "" ""
شقتَ الجيشِ كـ موسئ عِندما شقّ البحرّ
اخرستّ صوتُ الطُغاتِ في احآديثِ العِبرّ
عَجبتّ كُلّ الجـِـموعِ فــي خطابً مُستـعرّ
جـَعـلـتّ مَـن ينضِروها يّـنـدبُ أيــنَ المّفرْ

تنطق عن لسان الحيدر اقوال
حرمه بس تــعادل الـف رجال
اخت البالزغر ماگمــطه اگماط
وهمان اليضن اتگضها الأحبال

اكبــر مـــن الاوصـاف
علي وعباس تنــشاف
منها الخــوف خـواف ..... عذاب انصب عليهم
چبيره اهواي وهواي
الضعنها كوسر افياي
فصـيحة منطق ورآي ..... فلا تــسمع حچـيهم

زينب زينب زينب يافخر آلُ علي .....
"" "" "" "" "" "" "" "" "" "" "" "" "" "" "" ""
وبخـتّ قـومَ الـبغـايآ رغـمَ كُــل الإضـــطهادّ
اضهرتّ شمسْ الحقيقه في متاهات السوادّ
خــــــرءَ لـلأرضِ ذلــــيلاً مـِـنـــهآ ابـنُ زيــادّ
في قِــصورِ الـكوفةَ كانت زينبٌ حقّ الجِهادّ

بدت تفضح ابرسهم من الاجداد
حـدما وصــلت الأفـعال الاحـفاد
بزر الأدعـــــــياء ردتـــــهم اردود
للــشيخين رجــعت بيـــهم أبـعاد

ردت بيــــــــهم اردود
إلذيچ اسوالف السود
عــليهم ماكو منــگود ..... شذوذ واستحاله
رس اجـــــدادهـم ذاه
العـيب انجيب طرواه
العــدهــم زين تلـــگاه ..... يرجف من خياله

زينب زينب زينب يافخر آلُ علي .....
"" "" "" "" "" "" "" "" "" "" "" "" "" "" "" ""
دخــلتّ للشامِ زينــبْ لمّ تُبآلي بِالطُغات
هزت الشــامِ بِأهلهه مـِثل ريح العاتيات
كانتَ العباسُ زينبْ خطفَتّ مِنهُم حياة
صوتِها بالـحقِ يعلو فضحتّ أهلّ البُغاة

خـطبت والقصر ضل يرجف اشوف
وبن هـند الدعيه امــحاوطه الخوف
شُــــــبِــه لهـــم حــيدر جـاي للــشام
يحچي وچان صوته ارماح وسيوف

تـــسولف ماضي الشام
تـــشوف اشبـاه الازلام
يابس ريــجــهم گـــــام ..... ولإ تنـطق لسنهم
عرجــهم حقـــد دساس
وطــــلعو ناس مو ناس
وحوش اشـرار ورجاس ..... درس هم لقنتهم

زينب زينب زينب يافخر آلُ علي .....
"" "" "" "" "" "" "" "" "" "" "" "" "" "" "" ""
سيد محمد الياسري
محمد مسلم الاسدي

(( العمر غربه ))


العمر غربه ....
عاشت عمر غريبه
شام وطف ومصيبه .... من ذيچ الأيام
الوكت صعبه ....
رد الجرح عليهه
وكل حِيله مابديهه .... من غربة الشام

حلم مات ابنضرها
وسوالف كثره بيهه
عليهه الغربه رجعت
من الشام وحچيهه

على اعيونچ يزينب حلم مذبوح
وكل عينچ دمع بس مابچيتي
بچيتي اجروح طهرتي المسافات
وكل خطوة يسر منضر بنيتي
ياهيبة علي الدخلت على ايزيد
خورستي الزلم وتسيديتي
نضرات الزعل بعيونچ اسيوف
ذو الفقار صوتچ من حچيتي

لايمهه اخو اليحميهه بالغربه
وكل مغربيه تنسد الصعبه
الشام مامش رحمه ابگلبه .... غربه غربه
"" "" "" "" "" "" "" "" "" "" "" "" ""
الجرح نفسهه ....
وعاد السبي وعذابه
وهّم محنت الخرابه .... رد السبي اليوم
شنو تنسه ....
سوگ وحبل يسرهم
وسب وضحك قصرهم .... ماتنسه الأهموم

اشتنسه الحيره هيه
من ضيم الشماته
حبلهم لو قصرهم
لو خوها وبناته

عتابي يخوتي ويامن عتباي
اذا چان الزمن رايد عذابي
شهر حزني وجرحني ابطلعت اهلاله
صده صوت المصاب الضيع اسنيني
ليل انهار يازينب يناديني
يهيج كل جرح بيه ويبچيني
يذكرني ابكفيلي الچان يحميني

الله يعابي الجرحو احساسچ
وسدو هواچ وخنگو انفاسچ
وصرتي غريبه ابلايه عباسچ .... غربه غربه
"" "" "" "" "" "" "" "" "" "" "" "" ""
هشم عاشت ....
من صعدت الهزيله
ابدرب السبي العقيله .... وصار الذي صار
اشكثر شافت ....
من السبي اجروح
وبن امها مذبوح .... هذا الجرح نار

السبي عذبها دربه
من صاحو اسيره
تهل دمعتهه حسره
رغم چانت اميره

عذبني درب الشام ... ماطبگ جفني ونام
سهمك رماني .... آآه يازماني
يازمن من عندك سبب كل بلواي
من زغري وتگابلت بالضيم وياي
وجفوني ذبلن من كثر دمع ابچاي
لمن وگع كافل اضعوني الوفاي

ماشافت الراحه ابد زينب
فوگ الهزل راحت سبي تنحب
وسوگ وقصر غربه الهضم تچهب
"" "" "" "" "" "" "" "" "" "" "" "" ""
عتب خوه ....
اتنادي ابحزن اخوها
من الغرب سبوها .... نادت يعباس
رحت گوه ....
اعلى الهزله يابو فاضل
وبيدي اشكثر سلاسل .... مخنوگه الأنفاس

تعبت الغربه خويه
اشكثر بيهه اذيه
عليه الغربه صاحت
يبو فاضل سبيه

عباس يعيوني .... ترضه يذلوني .... للشام يهدوني
عندك يبو فاضل يخوي ....
أشتكي حالي .... حرمه بلا والي .... والشمر يبرالي
واليحدي للناگه زجر ....
عباس يعيوني ... ترضه يذلوني .... لشام يهدوني
انت الجبتني من الوطن ....
وتكفلت بينه .... بيدك تبارينه .... هسه تخلينه
مابين عدوان وكفر ....

گوم الغرب ياخويه اذتني
كل مغربيه ينقفل صحني
حچي الشماته اهواي تعبني .... غربه غربه
"" "" "" "" "" "" "" "" "" "" "" "" ""
عبد زينب
محمد مسلم الأسدي

https://youtu.be/I4GcmQtB6ak?si=Fo37ayWfZMFEp_q0

https://youtu.be/fBZpWgWYoAA?si=1xBv7sGBRAIs8mQ8

https://youtu.be/SJj4rWmjgW0?si=UUAT7iCr6T5oDph3

https://youtu.be/ud2swdbrV9Y?si=phY2KGCXySnZa-Gl

(( ديني عباسي ))


نادت أعماقي
عاشق الساقي
للأزل باقي .... ياقمر بني هاشم
مُلهِم أحساسي
وسيد انفاسي
ديني عباسي .... ياقمر بني هاشم
مأوى وجداني
وأسمه رباني
أول وثاني .... ياقمر بني هاشم

ياسحر العيون == ياعينّ المنون == ياعشق الجنون
.... كافل الحب باقي

معنى الكبرياء == مرساة النجاء == ساقي كربلاء
.... قمر نَعمّ الساقي

دين كل وفايه .... وحچايه .... قمر قمر
رآية الحب بيده .... وتريده .... قمر قمر
بأسمه تحلى السيره .... والغيره .... قمر قمر

أيُها الساقي ياقمر بني هاشم ....
"" "" "" "" "" "" "" "" "" "" "" "" ""
ياكمال العَيّن
يامؤفي الدَيّن
ياغرام حسين .... ياقمر بني هاشم
رآيةُ الحقِ
آيةُ الصدقِ
سيدُ العشقِ .... ياقمر بني هاشم
كافلٌ ضِرغام
مُنتهى الأحلام
موطن الأيتام .... ياقمر بني هاشم

ياصنيع الوفاء == يانور السماء == مشكاة الضياء
.... والقمر من نوره

أجمل مايكون == العمُ الحنون == مآبين العِيون
.... أنت اجمل صوره

احلى واحلى اوصافه .... اللطافه .... قمر قمر
سيد اهل الشوره .... المعموره .... قمر قمر
الله صاغ اعيونه .... المفتونه .... قمر قمر

أيُها الساقي ياقمر بني هاشم ....
"" "" "" "" "" "" "" "" "" "" "" "" ""
أنقى مايُكتب
كافلُ زينب
الساقي الأعذب .... ياقمر بني هاشم
محتوى النورِ
نفخت الصورِ
السينِ الطورِ .... ياقمر بني هاشم
ذِكرهُ يحلو
فـ السماء يعلو
أُنّس مايدلو .... ياقمر بني هاشم

يانهر الجمال == يادرب الدلآل == ياباب الخصال
.... أنت اعظم كافل

صرآع الألوف == سيآف السيوف == سردار الطفوف
.... علي ابرسمك شايل

شبه قالع خيبر .... والحيدر .... قمر قمر
درع ماكو ابضهره .... والخزره .... قمر قمر
أسم شايل يرهب .... واليكتب .... قمر قمر

أيُها الساقي ياقمر بني هاشم ....
"" "" "" "" "" "" "" "" "" "" "" "" ""
فـِ الضِمىٔ كوثر
عِندما يحضر
يُرهِبُ المنضر .... ياقمر بني هاشم
سيدُ الفرسان
ياقمر عدنان
بالصحف عنوان .... ياقمر بني هاشم
آيـةُ النبراس
مسقطُ الأحساس
أسمهُ العباس .... ياقمر بني هاشم

ماتجلى مثيل == مِثلهُ مستحيل == يارحيم الذليل
.... الله صاغك للناس

كافلٌ لآسِوآك == أحتوآنه هوآك == والجميع دعآك
.... عاشق أسم العباس

ديرة الحب رسمك .... وأسمك .... قمر قمر
ياهو غيرك كافل .... ابو فاضل .... قمر قمر
احلى مآ سوينه .... حبينه .... قمر قمر

أيُها الساقي ياقمر بني هاشم ....
"" "" "" "" "" "" "" "" "" "" "" "" ""
عبد زينب
محمد مسلم الأسدي

https://youtu.be/COINjXolUtY?si=-QlicQnXKW9wwe2A

(( دارت سنه ))


ابچيله كل عام ونعاله بجروح
عاري بلا ثوب حبيبي مذبوح

مرة سنه ومرة ليالي
وصوت العطش دوم ابخيالي
وذاك الرمح شاغلي بالي .... حسين
كل مايمر يوم ابحياتي
يكبر جرح من ذكرياتي
ابعاشور أحب ساعة فاتي .... حسين

كل عام انوح ..... وبچي الخيام التحترگ
كل عام انوح ..... وتغرب ابدين العشگ
كل عام انوح ..... والمجلسك حاشه أفترگ

يعيش الطف وياي قصه طويله
ابچيله كل عام لاتغفه ليله
"" "" "" "" "" "" "" "" "" "" "" "" ""
عايش على حسين وبالخدمه وفاي
وكل عام اناديه شكراً يمولاي

رغم الذنب جرني الخدمته
عيشني حب عالم رحمته
قاصر شكر ابقه النعمته .... حسين
لبسني ثوب وهوا عاري
ابحر الهجير اعلى صحاري
وشابع سحگ خيل البراري .... حسين

كل عام اعيش ..... ممنونك الآخر نفس
كل عام اعيش ..... يالجرحك ابروحي انغرس
كل عام اعيش ..... يالچفي بفضاله انترس

عايش أُنس بيك ماكو مثيله
ابچيله كل عام لاتغفه ليله
"" "" "" "" "" "" "" "" "" "" "" "" ""
افزعله كل عام بالدمعه ناصر
واللطم ودگ حيل الدوس الحوافر

محني الضهر ابقه الكسرته
من النهر ساعة رجعته
وناگع ردن ثوبه ابدمعته .... حسين
امحدب رجع ضهره الخيامه
فاگد اخو وعبره ابكلامه
عين الاخوه عين اليتامه .... حسين

كل عام اشوف ..... وبعيني تعرضلي الصور
كل عام اشوف ..... الوحده ايدير النضر
كل عام اشوف ..... لاناصر ولاچف گمر

ضهري انكسر صاح مابيدي حِيله
ابچيله كل عام لاتغفه ليله
"" "" "" "" "" "" "" "" "" "" "" "" ""
كل عمري عاشور وديني المجالس
ومن اشكر حسين مدرستي عابس

دين الخدم ديني وهويتي
واسم الگمر كافلهه نيتي
من غيرته تنبض حميتي .... حسين
كلمن خدم تدبيره يمه
ومن الوفه يرزقنه بأسمه
عيشنه حب عيشنه رحمه .... حسين

كل عام اجيك ..... واستشعر الحب والعطف
كل عام اجيك ..... انت وطن ماتنوصف
كل عام اجيك ..... يا أجمل أيآت اللطف

عندي العزاء صار غايه اوسيله
ابچيله كل عام لاتغفه ليله
"" "" "" "" "" "" "" "" "" "" "" "" ""
اشلون اغفه ورتاح وعندي عشيره
راحت سبي ابنوگ وانت ابحصيره

نص ابرمح نص ابهزيله
شالو اخو وشالو عقيله
ودرب اليسر ماكو مثيله .... حسين
عندك أهل عاشور مناحه
شافو تعب شام وجراحه
ابچي العمر ماعندي راحه .... حسين

كل عام اصيح ..... ياجرحي لاتبرد ابد
كل عام اصيح ..... احرگني بالعاشر بعد
كل عام اصيح ..... مايبرد الاهله فگد

غيره الطف يريد وجرح العقيله
ابچيله كل عام لاتغفه ليله
"" "" "" "" "" "" "" "" "" "" "" "" ""
عبد زينب
محمد مسلم الأسدي

https://youtu.be/s3YQohMaeTE?si=3fcIxPwbpOosnq7u

(( گوطر ضعن آمالي ))


مـن شـفـته شال الـغالي
وگـوطر ضـعـن آمــــالي
منهه وصـحت يـاروحي
هـســه الـدمـع يـحـلالي

وي ڪل خطوة الــيبعد أذبل
امنيتي ابضعن الشالو محمل
مـن شـفت الــنوگ اتــخيلتك
هسـه اتصـيح ابأسـمي اتأمل

حلمي انطفه وسال الدمع من عيني
اتـمنيتـه ويـاك الأجــل يـحـسـيـنـي
لو تـدري الافــراگ اشـكثر يسـبـيني

يـاصـبري ... ماي انچفه من فارگتني اضعونك
لو تــدري ... أم الـبنين اشـحالي يـمـه ابـدونك
ياڪسري ... المـا يـنـجبر إلى ابـسواد اعـيونك

وآويـلآهہ‌‏ .... وآويـلآهہ‌‏
"" "" "" "" "" "" "" "" "" "" "" "" "" ""
من غبشة تبدي ادموعي
وطـف الحزن موضوعي
اتـمـنـيـتـه يـمه الــحافر
آنــه الـيدوس اضـلوعي

بـعيوني ارسـم طـولك بـاچر
فـوگك يـسحك يبني الحافر
طـايح مـحد يرؤي اشـفافك
ويـشح عنـك وجـه الـــناصر

باچر تطيح اعلى الثره اتضل عاري
خـذني فـيآي مـن الشـمس بـكتاري
تـذبحني طـايح وآنـه اضل بدياري

وبـدربي ... صوت ورسم چان الحلم بسنيني
يـاتـعبي ... أنت الـرمل وآنـه الـجمر يچويني
ياڪلبي ... حنيت غصن من عاشرك تحنيني

وآويـلآهہ‌‏ .... وآويـلآهہ‌‏
"" "" "" "" "" "" "" "" "" "" "" "" "" ""
مـن شع وجه صبحيتك
ابـدور وگـمـر ضـحيـتك
افـديك يـبني ابـروحـي
وسـالم تـعـود الـبـيـتـك

فدوه الطولك روحي أولـدي
غـايـة روحـي تـسـلم عـنـدي
تـرجـع ســــالم روح الـزهـره
ديرة الـعينك من ولدي افدي

نـاعي الـمدينة لـو اجـه مآ خبره
عن ولدي وفكاري ابعزيز الزهره
سـالم يـرد هـاذ الـخـبر مـنتضره

يـاحيلي ... ابلهفه انتضر سالم ترد لـديـارك
وبـليـلي ... تـخلص مـدامـع لهفتي لـخـبارك
يـاويـلي ... لـو جـاوب الناعي وگـع فـقـارك

وآويـلآهہ‌‏ .... وآويـلآهہ‌‏
"" "" "" "" "" "" "" "" "" "" "" "" "" ""
الـذاك الضمه من العاشر
اتـمنيت اعـيـشـن بـاچـر
تـحرڪني نـار اخـيامـك
وجدمي ابركضتي يعاثر

ابشمس الصحره ذيـچ التلهب
يركض جدمي يوآسي ابزينب
اتـمـنـيـت اهـواي ومـا صـارت
مـثـل ابـنيـتك ڪون اتـسـلـب

هـاذ التـمنـيتـه وبـعـد حـيـل أكثر
حـال الـعـلآوي مـن يـفـرن بـالـبـر
وسوط الغرب فوگ المتن يتبختر

يـاحالي ... كون الشمس والـعطش غير لوني
يـاغـالي ... ودخـان الامخيم يـطفي اعيوني
بـأمـالي ... وي الامـيره اعلى الهزل يـسبوني

وآويـلآهہ‌‏ .... وآويـلآهہ‌‏
"" "" "" "" "" "" "" "" "" "" "" "" "" ""
اتهل دمعتي اعلى الناگه
فــــوگ الـوجـن حـراگـه
ريـت الـسـلاسـل بـيـدي
آاخ اشـڪـثر مـشـتـاگـه

ڪـل دمـعه من عين ابنيه
ڪون ابچيهه وهم مسبيه
ريت ابمتني سوط الحادي
ڪل طـگه إيـطـگ عـلـويه

ڪل حـرمـه تعثر بـالـدرب ريت آنه
وسـالم ضعـن ابـن الـنبـي ونسـوآنه
ريت امشي بدروب السبي عطشآنه

يـاريتـه ... هـاذ الحـلم صـار وتحقق حـلمي
الحبيته ... مـسـبيه بحلوگ الأجانب أسـمي
وآفـيته ... بأربع ولد ومقصره احس ابدمي

وآويـلآهہ‌‏ .... وآويـلآهہ‌‏
"" "" "" "" "" "" "" "" "" "" "" "" "" ""
عبد زينب
محمد مسلم الأسدي

(( الدمعه وجودي ))


الدمعه وجودي ... ومجلس خلودي ... البكاء
جرحك جذبني ... وهيجلي حزني ... العزاء

بچيت الخيمه من تحترگ
ولگيت الدمعه مغزه العشگ
حرام ابرد ابلطمتي
وحوافرهم ترضك سحگ

تكسرني غربتك
من طاحت دمعتك .... حاير
سبعينك تباصر
عالغبره وتناطر .... ناصر
نعمة الله صدرك
ماترهم يسحگك .... حافر

اقصدوني .... وتركو أخيامي
ومنعوهم .... عرضت إيتامي
ياحسرتي .... للوگع ضامي

مولاي مولاي ....
"" "" "" "" "" "" "" "" "" "" ""
الضعن التغرب ... انزفله ونحب ... جراح
ابن الزچيه ... اكبر رزيه ... ابرماح

اعيش الغاضرية جرح
واسمك من يمر انذبح
اتذكر حبيبي بقه
عاري وراسه فوگ الرمح

محتار البچالك
جرحك لو جمالك .... ينعه
لو يسچب مدامع
بچفوفك اصابع .... تسعه
لو ينعه ثيابك
مسلوبه ومصابك .... دمعه

للِكاسر .... للحجر خاطر
والتفرهد .... طوله بالعاشر
ومابقاله .... لا اخو وناصر

مولاي مولاي ....
"" "" "" "" "" "" "" "" "" "" ""
جرحي وعذابه ... فوگ الترابه ... إمام
اشلون ابراري ... وشمس الصحاري ... تنام

ابواتر جسمك امن انفرش
لچمني وانت جاسك عطش
عزيز الزهره طايح صفه
اموذر مايلمه نعش

حيلك بالحوافر
مطشر تباصر .... أختك
وعيالك سبوها
اطفالك عطشوها .... وشفتك
ما واحد يلمك
عاري ابهيمه جسمك .... شفتك

المماتي .... بالگلب لچمه
للفزعله .... القرى أتلمه
ياكسرتي .... الجرح ابو إليمه

مولاي مولاي ....
"" "" "" "" "" "" "" "" "" "" ""
سواني حزنك ... يلخيري منك ... يصير
لمن خدمتك ... صرت ابدمعتك ... امير

سترني وهوا ضل منسلب
سباني وجرحه بيه يشب
الإيضحي ابرضيعه الي
ويموت اعلى ماي العذب

ماسالم رضيعك
رجعته ودموعك .... هامل
يصعب وصفه حالك
رديت العيالك .... ذابل
مالاگي اليوآسي
جرحك بالمأآسي .... ناحل

بالمدامع .... ساعد الزهره
ونتحبله .... ابلوعه وبحسره
للتسلب .... بالسحگ عطره

مولاي مولاي ....
"" "" "" "" "" "" "" "" "" "" ""
طلعت بناتك ... انعه وخواتك ... تروح
من چتفوهن ... ابهزله وسبوهن ... انوح

سبايه راحن ابچف غرب
ويتوصف حزنهن صعب
عيش ابدمعتك للأجل
من تبرد فشل ياگلب

ذباحك حداهن
وبهزله سباهن .... حيره
فوگ الهزله يغفن
من ديره يطبن .... ديره
حيرتهن بچيهن
ابچي ماعليهن .... غيره

للسبوهن .... والغرب راحن
وبيسرهن .... راحه ماشافن
يافشلتي .... اجروحي لو هادن

مولاي مولاي ....
"" "" "" "" "" "" "" "" "" "" ""
عبد زينب
محمد مسلم الأسدي

https://youtu.be/J5G0QBSzwWo?si=paHfozkYkSBndISf

(( صاحب نعمتي ))


حسين ... ربــي گلبــي بس الدمــعتك
حسين ... اشنفعه عمري لومآ خِدِمتك
حسين ... ضـــايع انه ابــلايه رحمتك … حسين

من عــالم الـــذِل والـوهم
جيت أثبــتِ أبــحبك قدم
من رحـمة أچــفوفك ردت
ترزقني دمعه اعلى الخيم

شفتك وطن ...... ساجـيتي
وبس مأتمك ...... تعزيتـــي
أذبـــــل وأرد ...... تِحـــيني
يــمك شـفت ...... مـآهيتي

صلى الله عليك يا أبا عبدلله .....
"" "" "" "" "" "" "" "" "" "" "" "" "" "" ""
ضياع ... يابــو الأكـــبر انــه دونــك
ضياع ... أشـملني من رحمة عيونك
ضياع ... حب وهب ورزقني جونك ... ضياع

صاحب نعمـتي وخير أدَي
يالـــرحمــتك مــنَت علَــيّ
عايش علـى الله ورحمتك
كلهه شـمس بس أنت فـَي

عــنــــك فــلا ...... تبــعدنـي
ومن مجلسك ...... تحـرمني
ماريد أحـــس ...... بالــراحه
ابجرح الخيام ...... أضهدني

صلى الله عليك يا أبا عبدلله .....
"" "" "" "" "" "" "" "" "" "" "" "" "" "" ""
أعيش ... روحي دمعه ابكل عزِيه
أعيش ... من أبچي للـجـثته رِمِيه
أعيش ... ويه أمـك ابذيچ المِسيه ... أعيش

يالضـامي مــن ماي العـــذب
كل عــمــري انوح وانتـــحب
الموتي أنكسر لإسمك حسين
أوي كلــمة الـناعــــي أشــب

للــماله أخـــــو ...... بالغـــربه
وحافر يدوس ...... ابگـــــلبه
المــــن بعـــــد ...... ياروحي
عايــش أضـــل ...... ياصعبه

صلى الله عليك يا أبا عبدلله .....
"" "" "" "" "" "" "" "" "" "" "" "" "" "" ""
حنين ... من زغــر گــالتــلي أمــــي
حنين ... مـــن اندبه الگـــــه يمـــي
حنين ... ابكبره همه ويگضي همي ... حنين

فاگد اخــو وفــاگـــد زلــم
أبچي الك يقــــضه وحـلم
ساترني وأنت اعلى الرمل
أبحر الهــجــير ابلا هـــدم

أبچي علـيك ...... أمــربـــــع
لجلي فديت ...... الــــيرضع
قاصر شـــكر ...... يحسيني
بمصابي الك ...... والمـــدمع

صلى الله عليك يا أبا عبدلله .....
"" "" "" "" "" "" "" "" "" "" "" "" "" "" ""
لگيت ... أكـــثـــر مــن امـــي تـــحـبني
لگيت ... مــن الــذنب چـفك يگـضـــني
لگيت ... عاصي أجي وحضنك يضمني ... لگيت

أرحــم عليـــه مــن هـلـي
گلبك شفت يابــو عـلـــي
گبـل الربــع گبل الأهــــل
لمن أطيـح تركــض الــي

مديون أضــل ..... لچــفوفك
لآيــذ عـــشت ...... بحروفك
ميــت عطـش ...... ياضامي
وترؤي اليحب ...... إيشوفك

صلى الله عليك يا أبا عبدلله .....
"" "" "" "" "" "" "" "" "" "" "" "" "" "" ""
عبد زينب
محمد مسلم الأسدي

(( قصة محسن وي عبدلله ))


قصــه اتــهز اركـــان الــدنـيـه
وبيــــهه اهــواي من الأســرار
عبدلله اتـــلاگه ويه المحــسن
اوحـــد يشـكي الثـاني الــصار
المحسن يبدي يسولف جـرحه
وعبـــدلله يهـــــل مــدمع حـار
انــه الــماشـــــايفــهه الــدنــيه
ولا عــــايـــــش مــثـلِ الإزغـار

اتبدت فــوگ العــتبه اســـنيني
انه المــاشـــــفـت امي ابعـينـي
اليــفــرق بيــــنك هـذا وبيـــني

يمــه مالحـگت انــــطـق وجــار
وكتــي وتـفـاجئـة بـيه مـســمار
ينعصــر ياذنب البــعـده مـاصـار
"" "" "" "" "" "" "" "" "" "" "" "" "" "" ""
هنا عـبــدلله ابدمع اعــيونه
يبدي المحــسن يرؤي النوح
تـوك صــاير عمــرك لــحـضه
وتســــمع اول كلــمـه انروح
ست اشـهر عمـري ومتــغرب
گاصــــد ديره وكلهه اجـروح
فارگت أمي وعبدلله أســـمي
بس مـــــن رديـت الـــمذبوح

المن جاي الـــهاي الــدنيه
ماكو اعلى اليرضع حـنيه
يموت اليطلب بيهه امـيه

انــت بعـد المـمات انــــت مرتاح
انه راسـي انـرفع فــوگ الارمـاح
ويابس من العطش شابع اجراح
"" "" "" "" "" "" "" "" "" "" "" "" "" "" ""
عبدلله اشـــگد چــنت اتمنى
ومســمار الخــرب كل حلمي
العــب وي اطـــفال ابــحـلي
اوكــت اغروب اتنــادي أمي
عشت ابضلمه ومت ابضلمه
هـــذا الكــبر حـزني وهــمي
چنت أتمنى ابنص اخــواني
اگــعد وينـــــادون ابأســمي

عبدلله اصـــفن عايــن همي
انه الذبحـــوني أبطـــن أمي
مذنب بيش وغـسلي ابدمي

انت لأمك سمعت اشكثر صوت
انه سكته العمر ونگضه اسكوت
ماسمعت الدللول وجـــه الموت
"" "" "" "" "" "" "" "" "" "" "" "" "" "" ""
محسن ماعشت العشته انه
شوف الـــبيه اشــگد يآذيك
تــوك تــعــرف كــلــــمة بابا
وسهم امثـــلث يركض ليك
الناس الضنگ تـــشبه گلبك
صدفه الماي اتمـنعه اعليك
ست اشهر عمـرك مامـذنب
چا ليش الــناس اتبــــچيك

محسن عيش ابهذا المنـضر
اترد لأمك سهـمك بالمنــحر
ذابل وجــهك لـونك اصـفر

مالحــــــگت اشـــبـع مـن الدللول
وسهم الأمثـلث ابنــــحري مغلول
محسن انه ابرمح راسـي مشيول
"" "" "" "" "" "" "" "" "" "" "" "" "" "" ""
قــصة محـســــــن وي عــبدلله
قــصه اتشـيب الـــهـه الرضعان
واحــد بــاب الـــطــــلـع روحـه
واحــــــد سـهــم امثـــلث چـان
عــبدلله ايهل دمعـه المـــحسن
ومحسن يبچي اعلى العطشان
لا عـــبدلله المــــــاشه اخــوانه
ولا مــــحـســن شاف الــخوان

اثنين اورود ابلوعه وحــسره
محـــــد عاش ايـامه وعــمره
انذبحو ويلي ابلچمه وكـسره

راحـــو ابــيا ذنب هـمه الأثــــــنين
حــته مالحـــگو فتـــــــحو العـــين
وصدفه اجاهم ركض يركض البِين
"" "" "" "" "" "" "" "" "" "" "" "" "" "" ""
سيد محمد الياسري
محمد مسلم الأسدي

https://youtu.be/pWH0Sg56oNk?si=u29xKPXA2Ejn3R2Z

حوآر الأسى حولَ مصيبة مولاي القاسم صلوات الله عليه وما عاش من غربة بلا أهلً ولا أخوته وكانت الذكريات حولَ مصيبة جدهُ الحسين وعمتهُ زينب عليهم السلام لاتُفارق مخيلته أبداً فكان الحوار هكذا ...

(( ياغربة الروح ))


ياغربة الروح .... أصعب أحساس يعيشه الأنسان
ايموت مذبوح .... العايش غريبه وماله خوان

ياغربة الروح ....
نيشان الأمفارگ دمع وعيونه تحچي الصاير
اليتغرب ابديرة غرب بالعيشه گوه يكابر
المن يسولف غربته عايش ابكسرة خاطر

الغربه ..... عالگلب صعبه
ياحيرة الماله أهل
مكسور خاطر دمعته بعيونه

حاله ..... يشبه اخياله
متعوب بالفرگه اشكثر
مهضوم مايلگه اليگله اشلونه
"" "" "" "" "" "" "" "" "" "" "" "" "" "" ""
يتنفس اهموم .... بالغرب ينطيه الوجه وين
بالغربه مضلوم .... عايش ابغربة جده الحسين

يتنفس اهموم ....
يتذكر حسين ابغرب جده ويعيش الغربه
بالحافر حسين انسحگ والغربه سحگت گلبه
عاش الوداع وقصته اشلون اليوادع صعبه

ابنَيته ..... فارگ ابنَيته
يذكر رقيه الفارگت
عمهه وبوها وبالغرب مسبيه

يبچي ..... ابدمعته يحچي
الله يعينه ياخلگ
كلمن يفارگله عزيزه ابنَيه
"" "" "" "" "" "" "" "" "" "" "" "" "" "" ""
يتألم اهواي .... تعرض ابعينه الطف والأجروح
وحچاية الماي .... كلما سمعهه تطلع الروح

يتألم اهواي ....
تعرض ابعينه غربته وصيحات ذيچ الأطفال
وغربته ابجده أتذكره هٓل مُناصر من گال
ابنياته غربتهن مثل عماته بالطف والحال

تعرض ..... عمته تركض
وتنادي ياحيره الذبح
ماخله واحد من هلي

تنزل ..... دمعته تكتل
ويبچي الغريبه عمته
لا فاطمة يمهه وعلي
"" "" "" "" "" "" "" "" "" "" "" "" "" "" ""
إيتعب الليل .... يحلم الفاگد اهله يرتاح
إيخلص الحيل .... ابلا اچفوف الليل ذباح

إيتعب الليل ....
كلما يسير ينذبح بالطف وغربة روحه
المايمه اهله وخوته يحلم تطيب اجروحه
يحاول يضمهه دمعته بس بالغرب مفضوحه

الراحه ..... ينسه ونياحه
مافارگت روحه وألم
عايش هضم كل عمره

ابغربه ..... يندعي الربه
عجل ألهي بالأجل
صبري نفذ كل صبره
"" "" "" "" "" "" "" "" "" "" "" "" "" "" ""
ايموت ويموت .... مرتين كلمن عايش ألآم
ويتمنه تابوت .... العماته راحت سبي للشام

ايموت ويموت ....
الينشال جده عالرمح والغربه تسبي اعياله
لـبگـد ابنيته تنچتف واليسبي خشنه احباله
البالغربه مذبوح وتمر هاي السوالف باله

اتكتله ..... عمته عالهزله
يتذكر وتمشي بدرب
مابيدهه بس الحبل مجبوره

اتذبحه ..... وخاطره اجرحه
العايش الغربه والدمع
ويشوف اهله ابغربته ابهالصوره
"" "" "" "" "" "" "" "" "" "" "" "" "" "" ""
عبد زينب
محمد مسلم الأسدي

(( اول آه ))


قصتي ويه النوح .... وچان اول آآه
من جرح الباب .... من امي الزهراء
من خمس أسنين .... بس همّ ويلاه

من حرگو أعتاب الله گدامي
اهنانه اعرفت باچر على اخيامي
من شفت محسن العترب طايح
باچر حسين اعلى الترب دامي

أمي والضلع .... چان الكسر اول جرح
اهنانه أيقنت .... باچر اخوي اعلى الرمح
وانه أنسبي .... ومشي اهزل من الصبح
"" "" "" "" "" "" "" "" "" "" "" "" "" "" ""
بس دم ونار .... ودمع أمي يسيل
من عصر الباب .... ماضل كل حيل
باب امي وهيچ .... اشلون آآه الخيل

باب الجذع لأمي ضلع كاسر
اشلون الحدر خيل العده باچر
اتلوج أمي تتنفس شفت گوه
أبني أمي باچر يكسر الخاطر

أشيحمل الگلب .... چم لوعه ومصاب وألم
باب الأحترگ .... أول جرح من الخيم
دمعتي جرت .... باچر اضل ابلا علم
"" "" "" "" "" "" "" "" "" "" "" "" "" "" ""
من شفت السوط .... أبمتن أمي يصيح
اهنا درت العين .... من حسين يطيح
انفر مثل الطير .... من إيهيم ابريح

اول رسالة السوط الي الحزني
المتن أمي طگ باچر يطگ متني
مارحمو أمي ولا مرء گالو
چا باچر انه ياهو يرحمني

حيره حيرتي .... آآخ اشكبر طف كربله
افگد اخوتي .... وطلع ركض وسط الفله
ورآية الگمر .... اطيح ويضل چف حرمله
"" "" "" "" "" "" "" "" "" "" "" "" "" "" ""
ابيت اهل البيت .... من صار الصار
وچف غربه اشلون .... بيهه ايشب نار
ولأم اشرف روح .... ما يفزع جار

محد فزع من طاحت الزهره
وبن أمي باچر محد ينصره
الله يعينك گلبي چا باچر
من تبقه غربه وتفزع العشره

زين الدمع .... ماجف أبد من الوجن
أمي سافرت .... وفاگد گلبي زينب حضن
باچر الخلگ .... ماتعرف الشي أسمه هِجنّ
"" "" "" "" "" "" "" "" "" "" "" "" "" "" ""
أمنين ابدي الـ آآه .... مو حرمه وليش
بس أمي وصار .... ضدهه اشگد جيش
لا محسن عاش .... ولآ هيه أتعيش

هذا البدايه من الألم چانت
بت اشرف الخلق ابكسر طاحت
حرمه وعليهه المو زلم ركضو
ذبحو ابنهه وهيه هم ماتت

تلچم الگلب .... من زغرك أتفارگلك أم
تبقه بالهوء .... وي كل نفس تشهگ هضم
يكبر الجرح .... وانت تضل جلد وعظم
"" "" "" "" "" "" "" "" "" "" "" "" "" "" ""
عبد زينب
محمد مسلم الأسدي

(( يوم الأموادع ))


يوم الأموادع وحقچ اشلون افضهه قصته
الأسمه حلال الشدايد هسهه حار ابشدته
حيدر الماباچي عمره ابطوله طاحت دمعته
الشمس بعيونه ضلمه البيده يدفن شمعته

اليدفن بيده الزهره
اهلال من ايرد ضهره
النسمه اجيسه اتعوره ..... ومابيه كل حيل
ورده وذابل لوني
شالت موگ اعيوني
ودمعي امقرح اجفوني ..... اشلون اغفه ابليل

رديت البيت امشيب من ارجعت
مادافن بس الزهره روحي ادفنت
انه الكلمن فارگ احبابه صبر
هسه ابفرگت فاطم ما اصبر صرت

فاطمة انا حبيبكِ علي .....
"" "" "" "" "" "" "" "" "" "" "" "" "" "" ""
اليطخ الغيم طوله هسه حدب فاطمة
ومو السابع جار توصل ونِته السابع سمه
البالبن شيبه يؤچد لحضة افراگچ عمه
البيده شايل باب خيبر نسمه هسه اتئلمه

رحتي وبين كسري
خنگه بنفسي وصدري
يگصر بعدچ عمري ..... وكل عمري اجروح
راحت راحت روحي
خلت دمعي ونوحي
وليلي وهم اجروحي ..... من الهم مذبوح

نجمه نجمه احسبهن ماطابگ جفن
اگعد كل يوم انه بمچانچ أون
وحشه البيت اخلافچ رحتي ياضوء
اشلون أصبر ومفارگ أم وإبن

فاطمة انا حبيبكِ علي .....
"" "" "" "" "" "" "" "" "" "" "" "" "" "" ""
روحي وياچ ادفنتهه بس جسد راجع عدل
اليدفن ابيده عزيزه دمعته الموته تهل
شاب حيدر وبوداعچ هسه متغير كهل
ناحل وأشبه خيالي والله سليتيني سل

كلما عاين بابچ
يكبر جرح اغيابچ
وذكر باب امصابچ ..... من طحتي اعليه
ليلي ايمر بدموعي
وكسرچ حاني اضلوعي
بس جرحچ موضوعي ..... بكل لحضه انعيه

دمعي اعيوني يسولف فگدچ والهضم
حيدر ضل بفراگچ بس جلد وعظم
شالت بير اسراري وبروحي حچي
ليلي يخلص بعدچ بالنوح ولطم

فاطمة انا حبيبكِ علي .....
"" "" "" "" "" "" "" "" "" "" "" "" "" "" ""
عمري مابي طعم بعدچ فاطمة بس البچي
التنتخي بأسمه الشوارب على الحايط ينتچي
الفاگد اعيونه تسولف بالدمع كل الحچي
وينتضر ساعة وفاته والاجل يمته يجي

ذكرى الضلت منچ
دم ونار وحزنچ
وباب الطيح ابنچ ..... بي موتي يصير
رسمچ تارس عيني
اشگد جرحچ يآذيني
يگعد الموته اونيني ..... بي موته اتحير

جرح افراگچ يكلف مامثله جرح
حيدر خلآ ينحب من صبح الصبح
كلما حاولت اغفه طاريچ يمر
وگعد چني ابجرحي بغيابچ ملح

فاطمة انا حبيبكِ علي .....
"" "" "" "" "" "" "" "" "" "" "" "" "" "" ""
فاطمة شمعة سنيني ضلمة بعدچ دنيتي
السعف هين وحقچ من اقيسه ابكسرتي
ثوبي ليل انهار ناگع فاطمة من دمعتي
روحي تهده اشلون بالله وبيدي دافن زهرتي

بابچ حيلي يهده
رحتي ابعمر الورده
امچانچ ياهو يسده ..... ضل فاهي البيت
دم العتبه الباقي
يهدم كل اعماقي
دفنچ كل اوراقي ..... طيح من جيت

حيدر ذاك اليكلف ذابل فاطمة
بعدچ ناحل كله وكلشي ايئلمه
حيدر ذاك اليصبر ماعنده صبر
بعدچ واصل گلبه دخانه السمه

فاطمة انا حبيبكِ علي .....
"" "" "" "" "" "" "" "" "" "" "" "" "" "" ""
عبد زينب
محمد مسلم الأسدي

(( ساقي ساقي ))


الكلشي  منك يبتدي ... يالعابر الناس
من الجهات الاربعه ... متكامل احساس
اليختصر كل الحجي ... اينادي عباس

سيد الهيام ... واجد الغرام
أسمه كبرياء ... نبذة الكلام

سر غرام الجنون
كانَ أو مايكون
رسمه سحر العيون .... ساقي ساقي
مختصر كل جمال
حبه معنى الحلال
اسمه درب الوصال .... ساقي ساقي

مدرسه الزلم .... ينبوع العلم
عباس وكفى .... مايعله خشم
ابن المرتضى .... يكفيه الاسم

دخيلك ياابو فاضل
"" "" "" "" "" "" "" "" "" "" "" "" "" "" ""
امحير اقلام وعقل ... كل اليكتبون
مافسرو منك حرف ... طلسم يشوفون
الباري صاغك معجزه ... سبحان الاعيون

عابر العقول ... والشرح يطول
خلفك ثگيل ... سيد الفحول

معجزه من الاله
الله هو ابتغاه
من خفايه مُنئاه .... ساقي ساقي
الله صاغه عجيب
لاملك لامُيهب
لابشر شي مُريب .... ساقي ساقي

معجزة الخلق .... آيات الصدق
الحب والوفه .... منه ينبثق
مامثله انوجد .... ابمغرب لاشرق

دخيلك ياابو فاضل
"" "" "" "" "" "" "" "" "" "" "" "" "" "" ""
ريشاته الاتوجه الهوء ... ابكيفه المسارات
مايعله رأي ابحضرته ... بيده القرارات
والأمه جايبته وسبع ... يدناله هيهات

محتوى الكمال ... اشجع الرجال
عباس الامير ... باقي الايزال

أسد أم البنين
كافل أخت الحسين
باسمه كل نستعين .... ساقي ساقي
من عجيب العجاب
لايرد لايهاب
چفه نار العذاب .... ساقي ساقي

ماتوسع أرض .... لمن ينتفض
يوصلهه الازلم .... للكوفه ركض
لو رف شاربه .... العركه ماتفض

دخيلك ياابو فاضل
"" "" "" "" "" "" "" "" "" "" "" "" "" "" ""
لا شيء يضاهيه الگمر ...ولمعت حسامه
ريشاته رفتهن غضب ... يوم القيامة
من المستحيل الگابله ... يرجع سلامه

عباس الثكيل ... معنى المستحيل
غيض الله الجبير ... والزلمه الطويل

چفه يلوي الحديد
كل حياته جديد
كلنه عنده عبيد .... ساقي ساقي
زلمه مامثله صار
سيفه اوراسه نار
چفه ماطگ زغار .... ساقي ساقي

يختار الصلف .... بطباعه الكلف
سواها الگمر .... بالحومه نزف
دومه منتصر .... والرآيه ترف

دخيلك ياابو فاضل
"" "" "" "" "" "" "" "" "" "" "" "" "" "" ""
عبد زينب
محمد مسلم الاسدي

(( شمس الحياة ))


شمس الحياة أنطفت .... والكلشي بعيوني مات
أمه التغمض بعد .... المن يعيش الحياة
مثل السعف ينحني .... كلما تمر ذكريات

رسمهه ....
مافارگ أعيوني وخيالي
وحچاية اليمه اعلى بالي
تراودني بطيوفي وسؤالي

رسمهه ....
من سافر وعافيتي راحت
وحچاية اليا يمه ماتت
والراحه يم العتبه طاحت

كلما يجيني الليل .... يسير حزنهه
أتذكر أمي اشلون .... اغفه ابحضنهه
اليتيتم من ازغير .... ويفارگ أمه
وياها روحه اتموت .... ساعة دفنهه

أماااه ....
انا عزيزكِ الحسين كلميني
"" "" "" "" "" "" "" "" "" "" "" "" "" "" ""
سلوى الصور والدمع .... للفارگ أمه تصير
يادمعة الماله أم .... تنزل تشيب الزغير
ليل اليوادع صعب .... يذلك لؤنك امير

ابفگدهه ....
تتنفس وخنگه تحسهه
حدر الترب روحك نفسهه
دافن هوء الريه وشمسهه

ابفگدهه ....
بعيونك الدنيه ضواها
هندس ومايصلح هواها
تتمنى بس موتك وراها

ماصخ تحس الزاد .... والعيشه مُرء
ويزغر الكون اتشوف .... والدنيه ذره
وحشه تحس البيت .... مابيه ضواها
الأم صعب ياناس .... فرگتهه كسره

أماااه ....
انا عزيزكِ الحسين كلميني
"" "" "" "" "" "" "" "" "" "" "" "" "" "" ""
بير المحنه نشف .... ومات الورد بالوادع
مثل الورد بالعطش .... الفاگد يحس بالضياع
كلما يسير ألـم .... تتفطر اجروحه گاع

تعاشر ....
ليل الثكالى والنواعي
الفارگ أمه ليله واعي
عايش حياته ماله داعي

تعاشر ....
دمعاتك ومو أنت أنت
مثل النعش تگضيهه سكته
تحرگ بلد گلبك حسرته

يتغير من الـ آه .... الأمه فاگد
وتحرگه نار الشوگ .... مثل الكواغد
ناحل هدم وعضام .... كلمن يشوفه
ينعه نهاره ادموع .... اوليله گاعد

أماااه ....
انا عزيزكِ الحسين كلميني
"" "" "" "" "" "" "" "" "" "" "" "" "" "" ""
صوت أمه ليفارگه .... يتذكره ابكل مكان
شمعه يذوبه البُعد .... ويتمنى لحضه الحنان
بعيونه تعرض صور .... أمه وهذاك الأمان

حضنهه ....
يتذكره وذيچ المحنه
والعشره وهنانه گعدنه
الماترد مابيهه ضنه

حضنهه ....
وحچاية اليمه الحنينه
يتذكر وتگصر سنينه
ينطي العمر لوصح بدينه

ليش النحب مَيدوم .... ويدوم ألمنه
نتمنى بعده الموت .... شلنه ابعمرنه
ليش العمر نگضيهه .... حسره وبواچي
ابصف گبره نتمناه .... ينحط گبرنه

أماااه ....
انا عزيزكِ الحسين كلميني
"" "" "" "" "" "" "" "" "" "" "" "" "" "" ""
بعيونه كلمن فگد .... أمه يموت الصبح
وليل الهجر والصور .... بجروحه حفنت ملح
من الزغر للممات .... مايبرء بِيه الجرح

حچيهه ....
يغفه ويفز تارس خياله
وحال الهضم والضيم حاله
فارگ حضن أمه ودلاله

حچيهه ....
يسير على باله وجروحه
ومن الهضم ماتبقه روحه
الميت گعد ليسمعه نوحه

صورتهه وسط الروح .... ترسم أذيه
وتخنگه من الشوگ .... كل مغربيه
ماعيش أبد ماشوف .... بالدنيه راحه
خليتي حفنه اجروح .... يايمه بيه

أماااه ....
انا عزيزكِ الحسين كلميني
"" "" "" "" "" "" "" "" "" "" "" "" "" "" ""
سيد محمد الياسري
محمد مسلم الأسدي

https://youtu.be/rW7NKKTthsY?si=ezOPyGaL8yQlzSDb

(( نار الهشيم ))


نار الهشيم ... ابلا رحم
چوتهن أچفوف الستر
من فاطمة ... سلبت طفل
ماضايگ ايام العمر
نار وجذع ... كاسر ضلع
وتناوشو سوط وزجر

ياروحي .... دفعوها ما گالو مرء
ياروحي .... وحيدرهه كسرو خاطره
وبس ينزف أدموع
ياروحي .... ما اقسى الأگلوب الأجت
ياروحي .... وحرگو بخت أهل البخت
ومن فاطمة أضلوع

من الدفع بقت ياروحي
تندب ابالم مذبوحي
ياعلي الهضم وجروحي .... ثالثهم يطيح
ياعلي گلب أم آنـه
الشوفته اشكثر لهفانه
ثالث الگلب وخوانه .... يافاطمة يصيح
"" "" "" "" "" "" "" "" "" "" "" "" "" "" ""
ابنص حايط ... وباب الجذع
ياروحي وگفت فاطمة
گوم اعلى ... باب أجمعت
وتناوشو أهل السمه
أم وأبن ... ذبحو غصب
والعتبه فاضت بالدمه

ياويلي .... الدنيه دارت بالعكس
ياويلي .... واهل الله سموهم رجس
وبيت الله حرگوه
ياويلي .... ليش أختلف كل الأمر
ياويلي .... وخد الشمس چف ينصطر
وباب الله دفعوه

كلفه ينچتف عرش الله
وينكسر ضلع للزهره
وتنسحگ شكو اسمالله .... ماتنعقل هاي
توگع الشمس عالعتبه
وينذبح ورد وشذنبه
الماسجد عمر الربه .... يتملك الرآي
"" "" "" "" "" "" "" "" "" "" "" "" "" "" ""
كلما نفس ... شهگت ألم
يوجعهه مسمار الضلع
أتهل الدمع ... تبچي همس
وبالسمه الكسره تنسمع
الهه العرش ... وأهل العرش
مِتكَدرهٓ وتسچب دمع

مهضومه .... ودمعتهه تنزل من دمه
مهضومه .... اتبچي السمه وأهل السمه
من دمعة ألآه
مهضومه .... ليش أم أبيهه وكوثرهٓ
مهضومه .... ياخالقً ماذا جره
من آذى زهراء

زهرة النبي والبضعه
من دمه تهل الدمعه
الحجر گلب أتصدعه .... بالحسره والنوح
ناحله الضلع ياذيهه
وحنيت الغصن حانيهه
والسمه بقت تنعيهه .... أوتمطر اجروح
"" "" "" "" "" "" "" "" "" "" "" "" "" "" ""
ليل اليمر ... يخلص دمع
ماتطبگ اعيون وجفن
تذكر ابنها ... من وگع
وتناشغ ابعظم حزن
بيهه ألم ... صوت الگلب
وبلهفة اليمه تحن

يايمه .... اتنادي ابنها ياعلي
يايمه .... ما فتحت عينك الي
لو باسمي ناديت
يايمه .... حاچيني ياموگ النضر
يايمه .... ابداعت علي وضلعي انكسر
چم لچمه خليت

حيلي هدمت يوليدي
عمري ابدله لو بيدي
انطي يمه الك ياعيدي .... ويآغرة العين
خلصت عمر بالضلمه
وماصحت عليّ يايمه
أكبر الجرح والهضمه .... مايرحم البين
"" "" "" "" "" "" "" "" "" "" "" "" "" "" ""
عبد زينب
محمد مسلم الأسدي

(( بدار فاطم ))


وثبو على الدار ابحقد
وتعالت اصوات النشد
من فيهه والسمعو يرد .... بدار فاطم
لمن نطق كلمة وإن
اهنا بانت ارسوم الحزن
وآ غربتاه أم الحسن .... نادت يوآدم

بس غمض اعيونه النبي
هجمو على الدار ..... وبيهه اشعلو نار
ودفعو الباب اعليهه
الضنهه گبل بي تحتمي
منهه سلب روح ..... وبس تنزف اجروح
ومحد فزع يحميهه

اتلثميه وگفو ضد مرء .... هذا الجره
وبم الحسن صار
لأم الحسن كسرو ضلع .... وتهل دمع
بيه الوكت دار
اعلى العتبه طاحت فاطمة .... وبلا حمه
وچفه انچوه ابنار
"" "" "" "" "" "" "" "" "" "" "" "" "" "" ""
بس طه غمض ورتحل
انكشفت وجوه ام الجمل
ياسائلاً عن ما تسئل .... هاي الحقيقه
ولد البغايه ابلا هِجِنّ
كسرو ضلع ام وابن
جازو تعب كه ابـ وإن .... وضلو طريقه

ورده ابربيع اثمنطعش
حقهه انغصب ليش ..... وضدهه وگف جيش
وسل الصدر مسمارهم
چانت ضمايرهم دغش
يم طه زينين ..... وبس غمض العين
طلعو كل احقادهم

باب الجذع منهه ولد .... سالب بعد
يايمه ماصاح
صاحت يبو الغيره علي .... الحگ الي
راح الولد راح
عالحايط ابحسره انتچت .... ومدمع بچت
وگضتهه الأصفاح
"" "" "" "" "" "" "" "" "" "" "" "" "" "" ""
الماتم فرض لولآ أسف
ابچف ارذل الخلق انچتف
والحال الأكثر بي كلف .... حرگوهه داره
رس الكذب وأهل الصدق
ارذل خلق وأطهر خلق
سلبوله حق ابلايه حق .... وبان انكساره

عصرو زهرته ابلا رحم
ومن ابنه محروم ..... وكل عمره مضلوم
وحاله صعوبه اتشرحه
البيده الأمر سيل العرم
بس چفه ماشال ..... ومن الهضم گال
قلبي ملأتم قيحى

المر ابعلي مامر بشر .... شاف وصبر
منه ابنه سلبوه
عصرو زهرته بكل حقد .... عمر الورد
وبيهه اشگد آذوه
الجابلهم الدين الأصح .... ليش ابجرح
وبحسره جازوه
"" "" "" "" "" "" "" "" "" "" "" "" "" "" ""
عن ياجريمة وياضلم
نسكت بعد يهل اللطم
بالزهره مر اكبر هضم .... وكسرو غصنهه
حرمه وجنين ابلا ذنب
شي منكسر شي عاّلعِتِب
ابعقر النزل شامت يطب .... ويصفع وجنهه

ابنص حايط وباب الجذع
وگفت ضوء العين ..... وعن دين ابو حسين
چان الدفاع الغايه
وخسرت جنين الهه وضلع
من عصرت الباب ..... ونادت يبو اتراب
كسرو ضلع للآيه

يافضه الحگي ابكل همم .... حيلي انهدم
من عصرت الباب
فوگ الوجن سال الدمع .... وشافت وگع
محسن عاّلِتراب
ابسوطه نذل يضرب متن .... ام الحسن
زهرة ابو اتراب
"" "" "" "" "" "" "" "" "" "" "" "" "" "" ""
چفهه نوت صوب السمه
اترفعه وتحل الحاطمه
بكلمن هتك حق فاطمة .... وچان الأذيه
وصبرهه عالهم حيدرهٓ
ابهول الرزيه وماجره
لو شائت اطبگه الثره .... فوگ الثريه

گوم اعلى عتبتهه تهد
ابلا رئفه ونسآب ..... ومن الجذع باب
تطبگ عليهه اضلوعهه
زهرة علي عمر الورد
بيهه الوكت دار ..... لا حامي لاجار
طاحت تسيل ادموعهه

طاحت كسيره ابكل ألم .... وبالعبته دم
من هم الأحزان
نادته ياعم مارعو .... داري احرگو
ياعم يسلمان
هاي الرزيه وكل امر .... بيهه يمر
مامر على انسان
"" "" "" "" "" "" "" "" "" "" "" "" "" "" ""
عبد زينب
محمد مسلم الأسدي

(( قصة الخوه ))


جـايه ابـلهفـه وتحــن
ابقــافـلة نوح وحــزن
ودمعه تهمل عـالوجن .... ترسم معـانات
مـــن حــزنها گـوضت
ومثـل زينـب شــيبت
من زغــرها اتعلـــعلت .... گضتها لچمات

يشـــبه حـزنها حــزن الـغريبه
عاشت عذاب وغربه ومصيبه
اتفرهد حنان الخوه من اديهه
التفگد ضعنها اتعيش النحيبه

شافـت ذبح == شافت عجايب
والــيا اخــو == تنـعه ومصايب
ابنـار الحزن == مـدمعهه ذايب

يفــت الاجبـال گلبـها اهمومه
اليا اخو ادموع تهل معصومه
چــلمة الخــــويه مــاتت بيهه
اتعيش وتموت گلب مهضومه

"" "" "" "" "" "" "" "" "" "" "" "" "" "" ""
قصـــة الخوه انتـهت
وقصــة النوح ابتدت
وي اهلـهـا اتـفــارگت .... تتنـفــس آلآم
اتــنزل المدمع هـمس
غربه عــن لاتنهــجس
ابهاي قصــتهه تحس .... عمتها بالشام

هاي المصـيبه وجيــب اليحلها
دمعــــتــهه جـمره صارت تهلها
معــصومه عاشت حال العقيله
ابنوگ العـــقــيله وفاطـم بهلها

نفس الحزن == ينـبع مــصابه
فاطـم غرب == زينب خــرابه
ماضل اخـو == ولاضل گرابه

تشكي بالعــــــين دمع غربـــتهه
ابلا اخــو اتصير مثـل عــــمتهه
زينــب ارماح تشـوف الغــالي
فاطمة اخضاب تشوف اخوتهه

"" "" "" "" "" "" "" "" "" "" "" "" "" "" ""
تهمل ابحــسره الدمع
يآاا گلـــبها الـــمنفجع
ذايب امــــثال الشمع .... حسرتهه تنشـاف
اشتحمل اكثر ياگلب
ياعــــــذاب وياغرب
من معــانات الــدرب .... متغيره الاوصاف

العايش غريب يذبحونه صوته
وليــــــل اليمـــــره يتمـنه موته
اشلون التفارگ فـيـهه وخدرها
الغـــربه تذله الفـــــارگ اخـوته

ابلهفه وحــزن == فاطم تــتاني
يحين الاجـــل == موت الاماني
ابكسره اندبت == مــايل زماني

حايــــره الوين وجــهه اديره
ابلايه خــوان ولاچـف غيـره
اتخشن البال والاصعب هايه
تطـــلع الديــره تــدخل ديره

"" "" "" "" "" "" "" "" "" "" "" "" "" "" ""
تـــنزف اجروح وألم
والگلب حسره ألچم
تشبه امصاب الخيم .... والطف والاحزان
الغربه بيــهه امكفـله
چنــــها ذيـچ العـايله
العاشت ابطف كربله .... مــذبوحه وليان

عاشت عذاب اجروح الســبيه
من تحدي بيهه اعيون اجنبيه
معصومه عاشت قصة ضلامه
وضلــت لهلــها المــدمع ربــيه

التمشي بدرب == ماعـدها كـافل
تشـبــع غــرب == مـــن العــواذل
ويبقه الـــدمع == بالغـــربه هامل

عاشت امصاب عذاب العاشر
حالت ام عون غريبه اتباصر
من الاخـــوان فرغ مـــحملها
يعني عالنـوگ غريبه اتسـافر

"" "" "" "" "" "" "" "" "" "" "" "" "" "" ""
عاشـــت اسـنين الدهر
بس عذابــــات وقـــهر
الگلب بالخوه انكـــسر .... والحسره مذبوح
من الحـــنان اتفرهدت
ياذنــب يهل البــــخت
بالغرب ميته اصبحت .... وندفــــنت الروح

بالغربه ماتـــت مثل الامـــيره
زينب كسيره وفاطم كــسيره
المـــن تـدير النــاضــر يـوادم
الماعدها ضلت خوه وعشيره

ميته ابأرض == غربه الثجيله
مايمــها اخو == مثــل العقيله
بيهه الحــزن == قـصه طويله

أليـــمــوت ابغــرب مو داره
يموت الادموع جواب اخباره
فگد الاخوان ذبح معـــصومه
ومذبح ام عون شـبيهه وناره

"" "" "" "" "" "" "" "" "" "" "" "" "" "" ""
عبد زينب
محمد مسلم الأسدي

https://youtu.be/9rhjv1C_x98?si=8jOIu8XLmKdZqGxt

https://youtu.be/ihIuTymH-eE?si=nyzB6PBMMeXTyOcB

(( انا الهفهاف ))


سـمع ... واعـيـة حبــيبه
فــزع ... بالدمـع يجـيـبه
انشلع ... گلبه من نحيبه

صوت الضماير ينسمع بالگلب
طـبع اليـحب مايــحده الدرب
يمشي الحبيبه ودمعته تصب

ابلـهـفة تعـنه وجـاب البـنين
ودمعه ينادي حبيبي حسين
مايـدري عشگه فوگ التراب
امضيعه البواتر رسم الحنين

على اعيونه ... بـانت غربته وحس بالمصيبه
اختلف لونه ... يـحس محبوبه اثيابه سـليبه
يحس دونه ... يضل بالغربه مثل اخته الغريبه

كل خطوة يگرب كربله
يشــعـر بـنـات امـدلـلـه ... تسحگ جمر
بگلبه يشوف ام الخـدر
من خـيمة ألخيــمة تفر ... ادور ســـــتر

يآ آيهّا الجنِدي المجّنِد
آنِآ الهفهّآف بًنِ المهّنِد
احميَ عٌيَآلَآتٌ محمد

"" "" "" "" "" "" "" "" "" "" "" "" "" "" "" ""
وصل ... شـاهد المضارب
تضل ... ابـلا اهل تطـالب
سئل ... عن ضعن اطايب

شاهد حبيبه مـشيول ابرمح
وبروحه فزت دمعات الجرح
ونوگ الـهزيله للـمشه الصبح

مات ابحرگته اعلى الصيوان
مــن شـافـه يـتلاهـب نيـران
چم طفلة شاف ادگوم اطيح
امـضيعه دربـهه مـن الـدخان

لگه الغربه  ... تـفرهد ضـلت ابضعن الهواشم
انكسر گلبه ... تعـثر بالـركض شـاف الفواطم
شعر صعبه ... تصير اعلى الرمح تالي العمايم

مؤقف لگه اكثـر يــنرفض
زينب چبيرة اعلى الركض ...  تركض بقت
ميتـلها بالــطف چـم اخـو
ليـش الـركض بـين الـعدو ...  يهـل البخت

يآ آيهّا الجنِدي المجّنِد
آنِآ الهفهّآف بًنِ المهّنِد
احميَ عٌيَآلَآتٌ محمد

"" "" "" "" "" "" "" "" "" "" "" "" "" "" "" ""
صـدر   ... داسته الحوافر
وعطر  ... سلــبته البــواتر
وزجر  ... بالـحـرم يـناطـر

المــن يـهـل امـحــير دمـــعـته
الصدر الحبيب الخيل الـرضته
لو للامــيره التـركــض هـيبـته

شـاهد مـصيبه المـا تـنشاف
ادافـع خـيول اربات العفاف
يمته اعلى زينب هاي اتلوگ
تمشي بدين المـوش انضاف

شلي ابعمري ... ينادي وعالرمح شالو اميري
نـفـذ صـبري ... اريــد بكربله يصبح مصيري
شـنو عـذري ... ارد ومنـذبح بالـطف چبيري

ســالـم ارد اعـلي فـشـل
وزينب تروح اعلى الهزل ... اشـنـفع العـمر
مـن الـزغر حـلمــي ردت
وياك انحسب عبدك متت ... امتاني ابجمر

يآ آيهّا الجنِدي المجّنِد
آنِآ الهفهّآف بًنِ المهّنِد
احميَ عٌيَآلَآتٌ محمد

"" "" "" "" "" "" "" "" "" "" "" "" "" "" "" ""
هــزل ... تصـعد الامــيـره
وحبل ... امچتفه واسيره
اهــل  ... دمـعتي الاخيره

امنيتي امـوت بحبك سيدي
هـذا التـمنــيته مـن مــؤلدي
بس ياحسافه اتأخر مؤعدي

لاعـنــدي مـدمـع لاضـل حـيل
اشلون وحبيبي ادوسه الخيل
اخـــتك اميــره اشـلون اتبات
مـاعـدهه خـيمة ابـنص الـليل

عسه اعيوني ... عـمـيـه ولا اشاهـد غربــة اعيالك
طحت دوني ... عطشان وغريـــب ومحد ابحـالـك
عسه امتوني ... تشيل اسياط اخيتك هيه وطفالك

چم طفلة تعبهه العـطش
من سابع اليـوم اهدعـش ... ماتت شفت
ضــحيتك اثنين واحــس
امقصر لون انطي النفس ... عذرك ردت

يآ آيهّا الجنِدي المجّنِد
آنِآ الهفهّآف بًنِ المهّنِد
احميَ عٌيَآلَآتٌ محمد

"" "" "" "" "" "" "" "" "" "" "" "" "" "" "" ""
عبد زينب
محمد مسلم الأسدي

خدام الحسين السلام عليكم...
اليوم اقدم الكم شاعر شاب ومهم جداً بالنص الحسيني أرجو منكم التمعن بالنص الحسيني الي يكتبه شاعر قادر على تحريك مشاعركم الجياشه بالبكاء والابحار بكم الي واقعة كربلاء الشاعر سيد محمد الياسري اتواصلو وياه وراح يكون بخدمتكم ومايقصر وياكم..

https://t.me/muhamu12

((سيد اوصياء الله))


سيد اوصياء الله
مستصعب صعب معناه
اسمه بكل صحف تقراه
.... سيد وجود الكائنات
طه واسمه بيه اعجاز
بحبه اللي تمسك فاز
عنده بكل حروب انجاز
.... اسمه مليئ المعطيات

غضمفر من يطب الروس تشمر على السبعه
من ايصيح كل الجيش صاحو صيحت الرجعه
من يشتد صليل السيف طه مابرز سيفه
منه اكبر شجاع يموت بس ايأشر ابصبعه

يطگ واحد ابواحد
عثر شارد ابشارد
فلا طب حرب بارد ... ينار العذاب
السبع دنگ الهامه
مثل سعفه جدامه
إيعثر يبقه بجدامه ... عجيب العجاب

شجاع اتعرفه ... الحروب ابوصفه
دخيل اچفوفه ... عذاب ابچفه
اليلوحه ابسيفه ... يطير نصفه

دخيلك ياطه دخيلك ....
"" "" "" "" "" "" "" "" "" "" "" "" "" ""
سيفه بكل رگب كرار
مقبل كل حرب مافار
ابزوده تشهد الفجار
.... وبصارمه اشگد مكرمات
طه من يزم بالسيف
يضهر بالجيوش الحيف
والشارد يذبحه ابطيف
.... ينعد عداد الفانيات

طه وكل شجاع يصير يمه ابعازة النسمه
خنگه ومن يطب الجيش مامش هوء يشتمه
حارو حيره والفرسان نادت ساعة السوده
اليبرزله بحيث ايصير أمر مستصعب اتلمه

عرج هاشم احساسه
الطلع يگطع انفاسه
يرد مايرد راسه ... يثني السيوف
الاشاوس بقه يذلها
من آخرها لولها
الرگب كلها دلدلها ... تهابه الالوف

الارض زلزلهه ... اذا يدخلها
السباع اتهابه ... شوارب ذلهه
هوا يعگدهه ... وحسامه يحلهه

دخيلك ياطه دخيلك ....
"" "" "" "" "" "" "" "" "" "" "" "" "" ""
حيل الله ابحسامه يدور
ويل اعلى الجيوش يفور
كاع الله تفيض انحور
.... يتخير اسباع الرجال
الجندي اللي برزله ينوح
خايف من يروح يروح
يم طه يسلم الروح
.... يرجع سلامه مستحال

طه اكبر شجاع يطيح بيده ينكسر ضهره
كلمن يطلع يلاگيه مارايد صدگ عمره
يركض راجل الخيال گد ماحاير ابروحه
گبل لاتشرد الفرسان فرت شردت المهره

صفه امتيه اطريجه
السبع من كثر ضيجه
ركض مابلع ريجه ... محمد اجاه
عذاب الله فقاره
صفت عيه وغباره
عليه خزره بتاره ... تموّت الوراه

عظيم القدره ... الاله امقدره
عذاب الباري ... ابچفوفه الصطره
اليطگه اللسانه ... يدور ابضهره

دخيلك ياطه دخيلك ....
"" "" "" "" "" "" "" "" "" "" "" "" "" ""
من يشتد وطيس الگوم
وحسرة بلعت الزردوم
يختل كل شجاع يگوم
.... طه يلاگيها السيوف
مرجع طه للشجعان
خلف چم گمر عدنان
اسمه بكل حرب عنوان
.... ماتگدر اتوصفه الچفوف

من يشتد وطيس السيف شارد يختل بشارد
ومحمد سيفه يحصد ضال وين النشمي والقائد
يطگ عرج الهواشم غيض نارد يجدحن اعيونه
يسويهه الرگاب اتلول منه ماسلم واحد

محمد بقه الصدله
انگطع سابع ابنسله
اليفر خوفه إليكتله ... بخياله يموت
الرگب بيده يگطعها
الحرب خرسه سابعها
تذب لبرء تسمعها ... فلا يعله صوت

عجيبه افنونه ... الزلم يدرونه
اليطگه يطلع ... فصوص اعيونه
شرار اچفوفه ... چذب يدنونه

دخيلك ياطه دخيلك ....
"" "" "" "" "" "" "" "" "" "" "" "" "" ""
عبد زينب
محمد مسلم الأسدي

https://youtu.be/xgPesOKJWwc?si=rG57L_DV0Uy_Y137

(( مصباح الاگشر ))


مصباح الأگشر صار .... من فرگت اعيونك
اول يتيمه اتعيش .... يابويه من دونك
تحرم عليله اشلون .... من كلمة شلونك

تنطي الوجه لآوين
التفگد ابو يحسين
ألمن تدير العين .... يآ بويه بالغربه
مابيه حيل افراگ
كلساعه بويه أشتاگ
وبريتي نفسي ضاگ .... جرةّ النفس صعبه

سافرو سافرو .... من داري هلي
سافرو سافرو .... والهم ضل اللي
سافرو سافرو .... بالدنيه شّلي

اذا بيكم محنه .... تعالولي يهلنه
"" "" "" "" "" "" "" "" "" "" "" "" "" ""
صار العصر والروح .... بيهه الحزن خيم
وحسيت ابوي حسين .... هاليله ما يسلم
وعرفته طاح الخير .... القاروره صارت دم

منهه وعرفت انشال
راسه ابرمح عذال
وخده انچوه برمال .... وخيل الترض صدره
الحرگ الخيام إيلوع
ومن العطش موجوع
الأكثر صعب مگطوع .... من الگفه نحره

انسبي انسبي ... للشام اعرفت
انسبي انسبي ... من الهم شيبت
انسبي انسبي ... ادعي الله متت

اذا بيكم محنه .... تعالولي يهلنه
"" "" "" "" "" "" "" "" "" "" "" "" "" ""
يرويلي بيك الصار .... اغراب الاجه شفته
املطخ شفت بدماك .... وينعه ابدمع سكته
شلونه گلتله وگال .... فوگ الترب عفته

منه تفرهد حيل
وبضلوعه داست خيل
عفته ابهذاك الليل .... مسلوب الاعمامه
وكتله العيال اشلون
وجاوبني دمع اعيون
كلي ابهزل يمشون .... للغربه ايتامه

بالخيم بالخيم ... شب نار وحرگ
بالخيم بالخيم ... فرو والسحگ
بالخيم بالخيم ... اشگد ماتو شبگ

اذا بيكم محنه .... تعالولي يهلنه
"" "" "" "" "" "" "" "" "" "" "" "" "" ""
ناعي المدينه الروح ... بيهه جرح خله
لمن ندب مذبوح .... وعماتي عالهزله
اهنا غمضيت العين .... ونعه ابدمع ثكله

أنت العطش ماذيك
وطحت الرمل يچويك
وسيف حار اعليك .... يابس عمت عيني
ووعمتي ابهزل للشام
اتعوفك صريع اتنام
وتحدي الضعم ضلام .... آااخ التأذيني

انحني انحني .... المن حيرتي
انحني انحني .... لحسين غربتي
انحني انحني .... الغربة عمتي

اذا بيكم محنه .... تعالولي يهلنه
"" "" "" "" "" "" "" "" "" "" "" "" "" ""
كلما اغمض العين .... يسير عّلي ضيمه
صوت العقيله الصاح .... من طاحت الخيمه
ياعمه وين انروح .... فرن على الهيمه

يفززني صوت الآااا
فرن على البيداء
موتي يحين اهنا .... يالذابله اشفافك
ماطول من النوح
بويه الگلب مذبوح
ماضل وكت والروح .... أتودع اخلافك

الضعن الضعن ... رد ابلا اهل
الضعن الضعن ... من دون الكفل
الضعن الضعن ... قد حان الأجل

اذا بيكم محنه .... تعالولي يهلنه
"" "" "" "" "" "" "" "" "" "" "" "" "" ""
عبد زينب
محمد مسلم الأسدي