قناة الشاعر كامل السعيدي

تم نشر كل مايخص الولادات المحمديه الشعبانيه

مولد علي الاكبر ع..لحن المستهل وختام النص هوسات…

ميــــــلاد الأكبــر هليله
يستاهل فرحه انسويله
           @🌹@🌹@🌹@

هله وميت هله بأصل البساله
ورث من حيدر افنونه وقتاله
من جده النبي ماخـذ خصاله

وماخذ من غيرة عباسه………
           @🌹@🌹@🌹@

الاكـــبر نـور ميـــــــــلاده تـلاله
شبيه المصطفى ابخلقه وجماله
ومن حـــيدر اخذ قدره وجلاله

يستاهل صفگه وهلهوله………
           @🌹@🌹@🌹@

يوم اهدعش من شعبان ســـرنه
وبمـــــولد علـي اليـله احتفلـــنه
حتى الزهره اجت تحظر فرحنه

وتهني حسين ابميلاده………
             @🌹@🌹@🌹@

حســـين ابتشر هليله وتبسم
وصله اعله النبي وعليه سلم
باســه ابجبهــــته أويا تكلــم

يمكن عالطف ضل يحچيله………
         @🌹@🌹@🌹@

حرت شكتب شوصفك انته آيه
جمــــــيل وصــورك رب البرايه
الك هوســــــاتنه اقبلهن هدايه

وسجلنه ابحبك وفايه……
            @🌹@🌹@🌹@


         الخادم
✍كامل السعيدي

هلا بهاي الانوار وهلا بطاريها
ابوالسـجاد والعباس شع بيها
گلـبي فرح بيهم
فدوه الاساميهم
            ـ………………………ـ

هاي الليالي امن العمر غنيمة
موفقه ومبــــــــاركه وكريمه
بيـــــها ولادات اربعه عظيمه
وبيـها انولد للمصطفى كليمة

ليالي اثمرت خدمه حسينيه
ليالي مكلله باقمار قدســــيه
فرض واصـليهم
فدوه الاساميهم
           ـ………………………ـ

وجه الحسين امن المهد تلاله
انجوم الســمه تتغازل بجماله
هيبه انخلق ما اعظمه بكماله
فاز الذي بيه انجعل وصـــاله

مصحف للغرام نرتله كل ليله
يشفه المعتلي لوعنه نحچيله
فاز اليــــــواليهم
فدوه الاساميهم
           ـ………………………ـ

عبـــــاس اول ما فتـــحها عيـنه
تبـــسم الان شاف اخته الحنينه
مدري شحچتله وطلع الها ادينه
وضـــلت تبوس ابيسرته ويمينه

ابتسبيحة الزهره امگمط اليله
وزينب گاعده ابصفه وتلوليله
يامـحله طاريهم
فدوه الاساميهم
         ـ………………………ـ

الســجاد مملكة العشگ نشوفه
نكشــــخ ابحــبه وابد مانعوفه
ينشرح صدره الينطق بحروفه
كاروكه ورده والنـــحل يطوفه

نولد راعي الصحيفه ومنبر الشيعه
نبــــــــيع الدنيه كلها وحبه منبيعه
للمــــوت اواليهم
فدوه الاساميهم
      ـ………………………ـ

الاكبر حبيبي وافتخر عشگته
اسمه على ارواق الگلب كتبته
نور النبي ايشع وترس وجنته
ذبت بهواه وابـــد ما تركـــــته

شبيه المصطفى مااجمل اعيونه
حضاره امن العشگ عند اليحبونه
راسي ارتفع بيهم
فدوه الاساميهم
       ـ……………………ـ

✍الخادم
كامل السعيدي

مولد شيخ العشيرة ـ ومولد بدر العشيرة
الله شلون اثنين ،،،، أبوفاضل وحسين
🌹🌹🌹🌹🌹🌹🌹🌹🌹

يا اهــــلاً كلنه انرحب بالاقـــمار الميـــــمونه
واحدهم حلى الدنيه ومحتاره ابلون اعيونه
عباس الكشخه الهيبه وراعي الغيره يسمونه
وحســــــين الشيخ العام وكل الناس يحبونه

حبهم رحمه وهدايه ــ حبهم اجمل بدايه
انسميهم فخر الدين ــ أبوفاضل وحسين
🌹🌹🌹🌹🌹🌹🌹🌹🌹

فرحــــــة زينب هاي الليله اولا فرحه تماثلها
مولود القـــــــــدوه وهيبتها وعزوتها وكافلها
ضل يهمس بذن اخته الكافل ماندري شگاللها
يمكن دگ صــــدره الها ابمهده واعدها ايدللها

ضحكت من كل گلبها ــ انولدو رفگت دربها
يالتسأل ذوله منين ــ أبوفاضل وحسين
🌹🌹🌹🌹🌹🌹🌹🌹🌹


همه اجمل وطهر ورقه وافه اخوان بدنيانه
بدرين ويتساطع ضــــــيهم ومحلين اسمانه
مو عالگاع الله امـــــــــنزلهم آيات ابقـــرئانه
مايگدر يوصـــفهم شاعر من وحيه اوجدانه

صارو مصدر غرامي ــ حبهم رافعلي هامي
اليشبهم يحصل وين ــ أبوفاضل وحسين
🌹🌹🌹🌹🌹🌹🌹🌹🌹

حيـــــدر فرحان ابمولدهم بيــــهم رافـــع راسه
أذن بذن حســــــــين اليمنه وشم عباس وباسه
شايل بيـــــــــده اورود الجنه اوزع اهله وناسه
اليهديه الله افحول اثنين اتوقع شنهو احساسه

بيهم صار افتخاره ــ چنهم نور المناره
ابمولدهم فرحانين ــ أبوفاضل وحسين
🌹🌹🌹🌹🌹🌹🌹🌹🌹


  ✍الخادم
كامل السعيدي

#مولد_الاقمار_المحمديه

كشخة شـعبان مولدكم
ومحيرة الناس هيبتكم
سيادة…  قيادة … عباده
🌹🌹🌹🌹🌹🌹🌹🌹🌹

ميلادك يحســـــــين الاول منبع للنور
ياهيبتنه وياكشـــــــخته وللعالم سور
بيك اتباهينه ابهل ليله والكل مسرور
غالي وتستاهل نفرحلك ونعلگ ازهور

بيــك الاكوان فرحانه
يانجم اسهيل بسمانه
سياده .. قياده .. عباده
🌹🌹🌹🌹🌹🌹🌹🌹

يوم الرابع من شعبان اشــگد حبيناه
ميـــلادك عباس الغيــره انولدة وياه
بالمحفل حاضر مهدينه اهنا حسيناه
نقرالك اجمل مانكتب ويصـــيح الله

يا آية زود ومــــروه
بيرغ مرفوع للخوه
سياده .. قياده .. عباده

🌹🌹🌹🌹🌹🌹🌹🌹🌹

يومك يالسجاد الخامس ومفرح الناس
نستنشق بي عطـر المولد نسـم بالراس
من عندك نتعلم كلشي حتى الاحساس
ياكعـــــبة معــرفه للعالم بيمن تنقاس؟

بيك الاحساس هناني
يالحبك صــار عنواني
سياده .. قياده .. عباده

🌹🌹🌹🌹🌹🌹🌹🌹

يالاكبر يالتشـــــبه جدك والله شمحلاك
نحبك حب الطـــير العشه واكثر نهواك
اجمل قصة حب عشناها بشعبان اوياك
حتى الاملاك اتحب تلهج دوم ابطرواك

ذكــــرك آيات قدسيه
واسمك ينهاب طاريه
سياده .. قياده .. عباده

🌹🌹🌹🌹🌹🌹🌹🌹🌹

يالمهدي الاملاك ابحفلك مصطفه اصفوف
حبك كعبه وبيه اكليبي يوميه ايطوف
يالساكن وســط الدلال وغيرك منشوف
نور الكون ابوجهك شع وقدرك معروف

والله امن اصباي حبيتك
وبنص الروح ضميـــــتك
سياده..  قياده..  عباده
💐💐💐💐💐💐

✍️الخادم
كامل السعيدي

مولد الامام السجاد ع… ..

ابعث اشواقي وسلامي
الحظرت السجاد امامي
مرحبه بميلاده بميلاده بميلاده
ازهـرت اعيـاده اعيـاده اعيـاده
@🌹@🌹@🌹@

بخمسه شعبان انولد نـــوّر المعــــموره
وكل الامـــلاك انزلت اتبركت مـن نوره
ألعـرش وهل الارض بالفرح مســـروره
سـور يصبح للمحب ومحتمين ابسوره

عاشگ ومحبوبي غالي
وهايم ابحـــبه المثالي
مرحبه بميلاده بميلاده بميلاده
ازهـرت اعيـاده اعيـاده اعيـاده
@🌹@🌹@🌹@

العلـــــم والمعرفه انوجدن ابشخصيته
ابدار طه وحيدره نشـــأته وتربيــــــته
حافظ دروب السمه واخذ منهن صيته
هوه حبـي الاولي وبالگلب ضميــــــته

سيدي وزهرت زماني
ابمولده انقــدم تهاني
مرحبه بميلاده بميلاده بميلاده
ازهـرت اعيـاده اعيـاده اعيـاده
@🌹@🌹@🌹@

صلو ياشيـعة علي عل رســـول وآله
علي السجاد انولد وهل علينه اهلاله
كل محب ذايب صبح بالعشـگ دلاله
ياعشگ غـيره بعد يرهـم ويحــلاله

سولفت قصـة غرامي
وبينت ملخص كلامي
مرحبه بميلاده بميلاده بميلاده
ازهـرت اعيـاده اعيـاده اعيـاده
@🌹@🌹@🌹@

سوله بالعاشگ يضل يلهــج ابمحبـــــوبه
والرســــــايل تنبعث بالـورد مصحـــــوبه
مدمعه وشوگه سوه ايمزجه وي مكتوبه
ابلاحبيبه يختــــنگ تصير ظلمه ادروبه

ابهه لحظات السعاده
مـرّن ابهــاي الـولاده
مرحبه بميلاده بميلاده بميلاده
ازهـرت اعيـاده اعيـاده اعيـاده
@🌹@🌹@🌹@

بمولده اطيور السعد   ابفـرح كلهن غــردن
يا هـله وميــت هـله   بصــوت واحد رددن
فرفحن فــوگ المهد   احس چن مولد قرن
ويه خُلّص شيــعتك   بالــولاده استبشــرن

گمر بين انجوم ضاوي
الكل علل حـبه يداوي
مرحبه بميلاده بميلاده بميلاده
ازهـرت اعيـاده اعيـاده اعيـاده
@🌹@🌹@🌹@

          الخادم
✍ كامل السعيدي

مولد الامام العباس ع🌹🌹

اليوم زينب ضاحكه ومستبشره
بمولد العبـاس ســــبع الگنطــره
ــــــــــــــــــ✮✩✮ــــــــــــــــــ

منـــــولد كافلهه ــ الباچر ايدللهه
حظرت محفلهه ــ بالولاده……….
ألگـــمر ضـــوانه ــ وزهرت دنيانه
اتهلهل وفرحـانه ــ بالولاده……...
استبشــــرت هليله ــ اتلعبه وتناغيله
وبين اديهه اتشيله ــ بالولاده………

اتصيح سبحان الألآه الصوره
بمولد العباس ســـبع الگنطره
ــــــــــــــــــ✮✩✮ــــــــــــــــــ

ابرايته امگمطـــينه ــ الكافل امسمينه
احزام ظهر احسينه ــ ابوفاظل........
هـوه مرجـــع غيـــره ــ سر صعب تفسيره
ابوصفه اضل ابحيره ــ ابوفاظل……..
سور زينب هوه ــ هوه رمز الخوه
نوره شع وضوه ــ  ابوفاظل……..

استبشرو طه الرسول وحيدره
بمولد العبــاس ســـبع الگنطره
ــــــــــــــــــ✮✩✮ــــــــــــــــــ

للمحـافل رحنه ــ بصوت واحد صحنه
مولده ايفرحنه ــ هذا عيده……..
زينــب انهنيــــهه ــ بالگمـــر واليهه
اشگد ورد نهديهه ــ هذا عيده……..
بالفـرح مــن نقــــره ــ نشم ريحة عطره
انحبه حب عالفطره ــ هذا عيده……..

الشعر وهل العقول امحيره
بمولد العباس سبع الگنطره
ــــــــــــــــــ✮✩✮ــــــــــــــــــ

اسمه بالدم يجري ــ هوه روحي وعمري
المـادره خل يدري ــ بيه هايم………
افـرح ابطـــاريه ــ حبه عايش بيه
انفاسي عباسيه ــ  بيه هايم…….
دار حيدر داره ــ مولده احلى ابشاره
اتبركت بنواره ــ بيه هايم……..

لغز حبه ابگلي محد فسـره
بمولد العباس سبع الگنطره
ــــــــــــــــــ✮✩✮ــــــــــــــــــ

           الخادم
✍ كامل السعيدي

مولد الامام الحسين ع… .

يا نبض دلالي … ياحسين الغالي
انته شمعت ديني
حبــــك امسليني
ياحسين الغالي
@🌷@🌷@🌷@

انتــه عشگك جنه
واني بيـــك امهنه
گلبي بالحب هايم
واللـه مامل مـــنه
انته عشـگي الأول اختــاريته
اسمك اويه الدم جره حسيته
راسـي عالي ابخدمـتك عليته

وياك اضل للتالي … ياحسين الغالي
خدمتك تكفيني
حبــك امسليني
ياحسين الغالي
@🌷@🌷@🌷@

بيــك يكبر شــاني
ومنـــــبرك ربــاني
من الزغر حسيتك
عايش ابوجــداني
يـا هـواي العـايش بأنفــــــاسي
انته محبوبي وملكت احساسي
انته صيتي وانته رفعت راسـي

دوم شاغل بالي … ياحسين الغالي
انتــه المعليني
حبك امسليني
ياحسين الغالي
@🌷@🌷@🌷@

اشگد خدمتك حلوه
لروحــي صاير سلوه
سيــــدي ابميـــلادك
نـور وجـــهك ضــوه
ياطبيب اجروحي يا دكتوري
انتـه بالدنيه مـلاذي وسـوري
ضامن ابحبك جناني وحوري

اوياك ابد مابالي … ياحسين الغالي
انتـه التنجيني
حبك امسليني
ياحسين الغالي
@🌷@🌷@🌷@

يـا نجــــات الأمــــه
اسنيني دونك ظلمه
المثل شخصك غالي
بالارواح انضـــــــمه
بيك محســودين يا مولانه
انتـــه نعمه وكرمك غطانه
الباري خدامك الك خصانه

بيك الف هنيالي … ياحسين الغالي
خيرك امكفيني
حبـك امسليني
ياحسين الغالي
@🌷@🌷@🌷@

انزف تهاني وبشره
للزچـــــــيه الزهـره
شــعر نقــــره اليله
ونحتفل بالحــظره
نشعل اشموع الفرح والزينه
انتـه رحمه وآيـه مـن بارينه
تبــقه واليــنه وابن واليــنه

غيرك شيحلالي … ياحسين الغالي
الك فدوه اسنيني
حبـــك امســليني
ياحسين الغالي
@🌷@🌷@🌷@


          الخادم
✍ كامل السعيدي

من عندي اسمع هاي يا لايم
ابحب ابوسكينه الگلب هايم
وفتخر حبيته
وفتخر حبيته
ـ🌷🌷🌷🌷🌷ـ

گلبـــي مرتـاح اشكــثر هالليله
انولد محــــبوبه ونبض يهديله
حســـــين قرئان اوجب ترتيله
اليقره بحروفه استعد وصغيله

اســـوالف العشاگ محلاهه
احساس بيها وشعر نقراهه
وفتخر حبيته
وفتخر حبيته
ـ🌷🌷🌷🌷🌷ـ

حسين عنوان العشگ سميته
واعتـــرف بي مغـرم وحبـيته
بس اله گلبـــي وقف خليـتنه
بيه والله امـــن الزغر ضميته

هوه عشگي الماردت غيره
عنه شكتب عايش ابحيره
وفتخر حبيته
وفتخر حبيته
ـ🌷🌷🌷🌷🌷ـ

اثلاثه مــن شــعبان هل اهلاله
وجهه احلى امـن البــدر يتلاله
اعـــذب واترف شــــــعر نقراله
بحـبه كلمن يحضه الف هنياله

گلبي ضل ايترجم اشواگه
وي حبـــيبه امنيته يتلاگه
وفتخر حبيته
وفتخر حبيته
ـ🌷🌷🌷🌷🌷🌷ـ

بلبل الحب غـــــــــرد بأنشاده
ياهلا ابســــــيد شباب الساده
كل محب هالليله يدعي وناده
حفظه يارب مـن حقد حساده

حســـــين اجمل ورده فواحه
ابمهده فطرس يمسح اجناحه
وفتخر حبيته
وفتخر حبيته

ـ🌷🌷🌷🌷🌷🌷ـ

     الخادم
كامل السعيدي

اقره قصيده بهل مسيه
ابميــــلاد سادات البريه
احبهم . احبهم  گلبي ينبض بيهم
احبهم . احبهم  والله ماناســيهم
     ـ🌷🌷🌷🌷🌷🌷ـ

بأسم الحســين الفرحه نبديها
اول ولاده نحـــــــــــتفل بيها
ليلة نزول الخــــــــير اسميها
الدنيه ابضحكته الوان منطيها

مبتشر گلبي بهاي الأفـراح
همـي بشـهر شعبان ينزاح
احبهم . احبهم  وبحيـاتي أشريهم
احبهم . احبهم  والله ماناســــيهم
      ـ🌷🌷🌷🌷🌷🌷ـ

عباس هــيبه ابيـوم ميـــــلاده
كشخة الــزهره وبيرق الساده
فرحــــــه لعلـي الكـرار وولاده
يامرحـــــبا ابجيته الگلب ناده

خيــــر الله كله بهل شهر زاد
وحتى السرور ابداخلي انعاد
احبهم . احبهم  افرح ابطـــاريهم
احبهم . احبهم  واللـه ماناســيهم
ـ🌷🌷🌷🌷🌷🌷ـ

مـولد علـي الســجاد مولانه
واهس وبهجه ونور غــذانه
الگمر هـــل بأجــــمل الوانه
واليـل طـش نجـماته ويانه

نهر الحنين ابگلبي جاري
بهاي الولادت افتــــخاري
أحبهم . أحبـهم . وخالقي امزكيهم
احبهم . احبهم .  واللـه ماناســيهم
ـ🌷🌷🌷🌷🌷🌷ـ

يرتفع شاني ابخـــدمتي ويكبر
امن اقره القصيده بمولد الأكبر
يشبه نبينه ويشـــــــــبه لحيدر
اللـه يحرسه من الحسد والشر

خل يرتفع صوت الموالين
بحب النــبي وآله الميامين
أحبهم . أحبهم  بمهجتي افديهم
احبهم . احبهم  واللـه ماناســيهم
ـ🌷🌷🌷🌷🌷🌷ـ

هـايم دليلي بكـل بنـي هـاشم
الهم فخور من انحسب خادم
مـولـود عـدهـم للـحسن قـادم
يـاس أورد  صيــنيت القاسـم

يامحب گوم اوطـش الـورود
عند الحســـن هاليله مــولـود
أحبهم . احبهم  منبري امسميهم
احبهم . احبهم  والله ماناســيهم
ـ🌷🌷🌷🌷🌷🌷

لصاحب زماني ماخنت عهدي
حبيـــــــته وانه ازغير ابمهدي
ابميـــلاده حاير يا بشر شهدي
محتـــــار شقره ابمولد المهدي

مسك الختام بهل شهر صار
نوره انجعل ســادس الانوار
احبهم . احبهم . واجب افرح بيهم
احبهم احبهم . والله ماناسيـــــــهم
ـ🌷🌷🌷🌷🌷🌷🌷

✍الخادم
كامل السعيدي

https://t.me/hussenadnan

مالوم المحـب لو راد يبچـــــــيله
فوگ الجسر نعشه ومحد ايشيله
""""""""""""""""""""""""""'

نص عمره خلص بالسجن مولانه
ايكابر عالعذاب وضــــيم عدوانه
ياوسفه الغريب ايصــــير عنوانه
مگيد والسـناسل خذت من حيله
"""""""""""""""""""""""""""'""

العين البچت دم اعليه معـذوره
حــدر الگاع سجنه ومحد يزوره
ابغربه وعايش ابظلمة الطاموره
مايعـــرف نهــاره ولاعـــرف ليله
"""""""""""""""""""""""""""

جرع ســم المنيه ابكاس سـجانه
وروحه امـن النوايب حيل ذبلانه
ياوحشـــــــه المات ابدون خوانه
ياهو اعليه اتراب المگبره ايهيله
""""""""""""""""""""""""""""

المات ابنص هله چادر ينصبوله
وتلتم كل اخــوته وحيل يبچـوله
وبالتشييع لجله امتون مهــدوله
ذاك الينـحب وذاك اليصـــــليله
 
""""""""""""""""""""""""""

مات البل سجن مابطل آذانه
صبور وحيل حيَّر عقل سجانه
اله ربه السـمه فاتحها بيــبانه
وديره امن الامل بالسجن بانيله
"""""""""""""""""""""""""

   ✍الخادم
كامل السعيدي

نزال للامام الكاظم ع

مشايه عالوعد  ـــــ  وفايه بالعهد
  ياموسى ابن جعفر الك جينه
<><><><><><><><>

اتعنــينه الك ياراهب السجانه
هزنه الحنين وشوگنه الجابانه
نبــقه ابعهدنه اوياك يا مولانه
ماننسه لحظه وانته لاتنســانه

ماننسه ازيارتك ــ راحتنه ابحظرتك
    ياموسى ابن جعفر الك جينه
<><><><><><><><>

طلعن ابدربك رايـه تتـــبع رايه
راهـب العالم موكب المشــــايه
شيب وشـــــباب اتعنتك يا آيه
شنوفي وفضالك علينه اهوايه

ماننكر نعمتك ــــ جامعنه ابخيمتك
   ياموسى ابن جعفر الك جينه
<><><><><><><><>

يسـعدنه والله اشما الك ضحينه
ويبقه الجسر شاهد عيان اعلينه
ما همــــنه شتـكرمنه وشتنطينه
همنه رضاك وخـــــدمتك تكفينه

وفقنه الخدمتك ـــ ورزقنه نضرتك
    ياموسى ابن جعفر الك جنيه
<><><><><><><><>

نكنس ضريحك هذا حلم احبابك
وغبار يملي اوجوهنه امن اترابك
نتبــــرك امـن انبوس عتبت بابك
ونعقد مجالس بالصـحن لمصابك

من نخدم منبرك ـــ سجلنه ابدفترك
     ياموسى ابن جعفر الك جنيه
<><><><><><><><>

نتـــرك منازلنه ونجـي ابهمتنه
انزورك يمـاي اعيـونه وهيبتنه
تسعدنه وتحقق طلب حاجتنه
قبل الدعاء تفهـم شـنو ابنيتنه

ياسلطان العشگ ـــ عنك مانفترگ
  ياموسى ابن جعفر الك جنيه
<><><><><><><><>

    الخادم
كامل السعيدي

خدامك   يالكاظم اتسمــــينه
خدامك   والصحنك اشتاگينه
خدامك   يا سيـــدي اتباهينه  ـــ خدامك
@@

بيـــنه لهفه الگبتك ابـد ما موجـــوده
يمته ندخل حظرتك بالهـدوم السوده
الداگ بابك سيدي وضاگ نعمة جوده
اشلون مايرجع الك لو يخون اوعوده

يم بابك   اشگد شِــدَد محلوله
يم بابك   دعوه المُحب مقبوله
يم بابك   مثل النّحل صفـــينه ــ خدامك
@@

برَكـاتك سيـــــدي كل وكــت نحچـــيهه
ما ترد كلمن گصــــد حاجته تگضـــــيهه
نجي بذكرى امصيبتك بالصحن نحييهه
والزيـاره احـــنه ابگلب خاشــــع نأديهه

احبابك   يا ســــيدي اتقبّلنه
احبابك   عندك خدم سجلنه
احبابك   وبحبــــك امتازينه ــ خدامك
@@

بالعشگ گلبي إمْتله بيــك الف هنياله
لو جهبتك عن بُعد يرف مدري اشماله
كل محب ذايب صبـــح بالعشگ دلاله
غير حبك سيـــــدي كلشي ما يحلاله

يتباهه   كلمن صرت محبوبه
يتباهه   حبك يضوي ادروبه
يتباهه   لن انته شمعت دينه ــ خدامك
@@

يالتحــــديت الظلم بصـبرك وبصرارك
السجن اضلم بس ابد ما طُفَت انوارك
اعظم وافضل شرف نخــــدم ابزوارك
وليطوف بحضـرتك ينحسب خطـارك

شمحلاهه   هالخدمه يامولانه
شمحلاهه   يا راهب السـجانه
شمحلاهه   اباب الحرم نادينه ــ خدامك
@@

عشت شامخ سيدي رغم اليعادونك
اســد بغـداد الشــهم گامو ايسمونك
الكرم عنــدك طبــع تكـــرم اليلفونك
خيرك امكفي الخلگ مافرق ماعونك

من خيرك   شما املك بدنياتي
من خيرك   كاتبهن احجـاياتي
من خيرك   تذْكرنه ما ناسينه  ــ خدامك
@@

         الخادم
✍كامل السعيدي

الحمــــدلله   الحمــــدلله   الله رزقــــنه ازيــــارتك
ياحجة الله   ياحجة الله   نتشرف احنه ابخدمتك
                               ***

يالكاظم ابشـــــوگ نتعــــنه ونطب دارك
يـا بـاب المـــــراد يالما تـرد خطـــــــــارك
هاي الصفه ألبيك سر سيدي امن أسرارك
طلبتـــــــنه مـولاي تجعلـــــنه مـن زوارك

نتنومس اهواي    نتنومس اهوي
لمن نطب ابحظرتك
الحمــــــــــدلله    الحمـــــــــدلله
الله رزقــنه ازيارتك
  -----؛؛؛؛-----؛؛؛؛-----؛؛؛؛----؛؛؛؛----

مركز جذب صار گبرك جذب عشـــاگه
ونصـــــارك اليــوم يـم گبتك تتـــلاگه
شخصك يمولاي مانحمل احنه افراگه
لملاگه الأحباب روحي اشكثر مشتاگه

كل حلمي والله   كل حلمي والله  
بجفوفي ابدل رايتك
الحمـــــــــدلله    الحمــــــــــدلله 
الله رزقـــنه ازيارتك
---؛؛؛؛----؛؛؛؛-----؛؛؛؛-----؛؛؛؛؛--؛؛؛؛

للشيعه مبعوث رحمه انته من بارينه
يا اغله محبـوب وبحــبك اتباهـــينه
دربك يمولاي بيه چم شهـيد انطينه
والشـــاهد ابهاي جسر الأئمه اعلينه

يابوالجوادين    يابوالجوادين 
ماتنسه فضلك شيعتك
الحمـــــــدلله    الحمـــــــدلله 
الله رزقــــــنه ازيارتك
---؛؛؛؛----؛؛؛؛----؛؛؛؛----؛؛؛؛؛---؛؛؛--

حاجات ألي أهواي وبصحنك ارد احجيهه
وهمـومي حسيت بس شوفـــتك تمحيهه
دمعــات المصــــاب يم گبتــك ابجـــــيهه
والغــايه مــولاي انتـــه ادره وعلم بيــهه

لوجسمي معلول    لوجسمي معلول 
اشفه امن اشمن تربتك
الحمــــــــــــدلله    الحمــــــــــــدلله 
الله رزقـــــــنه ازيارتك
  ----؛؛؛؛؛-----؛؛؛؛؛-----؛؛؛؛-----؛؛؛؛---

مفتـــوح ألك بـاب للمغفـــره والتـوبه
ولحمل اذنوب يمك تطــــــيح اذنوبه
كل عاشق ايفوز مـن يلتقي ابمحبوبه
اجعلهه مولاي هالخدمه ألي محسوبه 

ياكاظم الغيض    ياكاظم الغيض
يالقركتنه ابنعمتك
الحمـــــــــدلله     الحمـــــــــدلله
الله رزقنه ازيارتك
----؛؛؛؛؛-----؛؛؛؛؛-----؛؛؛؛-----؛؛؛؛---

                 الخادم
        ✍ كامل السعيدي

الله خلقنه الخدمتك. سيدي سيدي موسى ابن جعفر
                                 **
يبو السجده الطويله وداعت اعيونك
الدنيــــه انشوفهه ماتسوه من دونك
خيمه وضللت فــــــــــوگ اليحبونك
نفـــــرح ننحسب مـــــن اليخدمونك

يمته نحقق هالحلم.  سيدي سيدي موسى ابن جعفر
****
                              
يباب الحـــــــاجه يلما رجعت زاير
اليطيح ابشــده يمك مايضل حاير
ضريحك للمحب مركز جذب صاير
يمن گلبي ابهــواك امن الزغر طاير

جننه مولاي العشگ. سيدي سيدي موسى ابن جعفر
                             ****
كريــــــم وما تـــــرد كلمن يدگ بابك
عنــــدك غاليه اشگـــد دمعت احبابك
وحق صبرك يموسى ولوعت اصوابك
نرتـــــاح اشكثر مــــن نشتــم اترابك

نشتم هوى الله بحظرتك. سيدي سيدي موسى ابن جعفر
                             
*
تشافي المعتلي ومارجعت عـاني
دكتــــــور وعـلاجك دوم مجاني
عن وصفك عجز ياسيدي الساني
مو بالشعر مدحـــــك مدح رباني

بيك العقول اتحيرت. سيدي سيدي موسى ابن جعفر
                            
****
كرامـه ابخدمتك مولاي شفناهه
وأحلى ايام يمـك احنه عشناهه
هل خــدمه عظيمه وماتركناهه
بس احبابكـــــــم تفتهم معناهه

حصلنه بيه اشگد اجر. سيدي سيدي موسى ابن جعفر
                          *-**
            الخــــــادم
          كامل السعيدي

الله خلقنه الخدمتك. سيدي سيدي موسى ابن جعفر
                                 **
يبو السجده الطويله وداعت اعيونك
الدنيــــه انشوفهه ماتسوه من دونك
خيمه وضللت فــــــــــوگ اليحبونك
نفـــــرح ننحسب مـــــن اليخدمونك

يمته نحقق هالحلم.  سيدي سيدي موسى ابن جعفر
****
                              
يباب الحـــــــاجه يلما رجعت زاير
اليطيح ابشــده يمك مايضل حاير
ضريحك للمحب مركز جذب صاير
يمن گلبي ابهــواك امن الزغر طاير

جننه مولاي العشگ. سيدي سيدي موسى ابن جعفر
                             ****
كريــــــم وما تـــــرد كلمن يدگ بابك
عنــــدك غاليه اشگـــد دمعت احبابك
وحق صبرك يموسى ولوعت اصوابك
نرتـــــاح اشكثر مــــن نشتــم اترابك

نشتم هوى الله بحظرتك. سيدي سيدي موسى ابن جعفر
                             
*
تشافي المعتلي ومارجعت عـاني
دكتــــــور وعـلاجك دوم مجاني
عن وصفك عجز ياسيدي الساني
مو بالشعر مدحـــــك مدح رباني

بيك العقول اتحيرت. سيدي سيدي موسى ابن جعفر
                            
****
كرامـه ابخدمتك مولاي شفناهه
وأحلى ايام يمـك احنه عشناهه
هل خــدمه عظيمه وماتركناهه
بس احبابكـــــــم تفتهم معناهه

حصلنه بيه اشگد اجر. سيدي سيدي موسى ابن جعفر
                          *-**
            الخــــــادم
          كامل السعيدي

بالسجن وحيد--  گضه عمره
امگيد ابحديد--   گضه عمره
يا مـــوالي ابكل حنــــين
صيح ويلي اعله السجين
****

اليوم ياشيعي ابعزائك -ألبس اسود-  زيد حزنك
آه عالمسموم نادي -وانعه امامك-  وجري دمعك
بالبكاء الصوت ارفعه  -وبن جعفر-  خل يسمعك
باب للحاجه اويسعدك  -بالشــدايد-  هوه درعك

احضر العزاء--  يالتخدمه
تاخذ الجزاء--   يالتخدمه
تصبــــــــح امن الفائــزين
صيح ويلي اعله السجين
       *

ابسجن هارون الضلاله  -وسفه خلص-  نص حياته
ماعرف ليله اونهاره  -ابضلمه عايش-  حــــد وفاته
حيل خاشـــــــــــع بالعباده  -وبدعــائه-  وبصــلاته
كاظم الغيض اوتصــــبر  -حين كثرت-   نايبـــــاته

السندي مارعاه--   ياحسافه
ابسجنه عذباه--    ياحسافه
عاش مضلـــــوم وحــزين
صيح ويلي اعله السجين
   ****

اجنازته وحشه يشيعه  -والنواصب-  يحملوهه
من طوامير الطواقي  -ابلايه ناعــي-  طلعوهه
بالغرب وبلا عشــــــيره  -ولا گرابه-  ايقسلوهه
عالجسر مطروحه ضلت -وين اهله- ايشيعوهه

نادي ياشهيد--   بالمجالس
ولعن الرشيد--   بالمجالس
علّي صـــــــــوتك بالونين
صيح ويلي اعله السجين
**

واحد امن اهل المكارم  -والســـلاله-  الاحمــديه
سابع أهل البيت نوره  -وفضله ســابج  -عالبريه
اتحده هارون وزمرته -ابكل شجاعه- وكل حميه
ســـيد الاخيار كلهه  -وتحمل اسمه-  الرافضـــيه

وارث الوقـــار--   ابن جعفر
ياضحى النهار--   ابن جعفر
يا أمــام المهتــــــــــــدين
صيح ويلي اعله السجين
         **

موسى ابن جعفر امامـــي -ما نسيــته-  عاش بيه
گلبي من اعماقه باقي -ابحـــبه يهتف-  كل مسيه
أهواي مشتاگ اعتنيله -وگبره اضمه-  ابذني اديه
وشــتم اترابه المطهر  -وبجــي يمه-   امن الرزيه

الشوفت المقام--  بيه حسره
واللــه ياامـام---   بيه حسره
ابكــــــــثر ممشه الزائرين
صيح ويلي اعله السجين
  ****
             الخادم
       كامل السعيدي

من باب المراد  ــ اتمنـه ادخل حضرتك
من باب المراد  ــ اقره يموسى ازيارتك
حلمي ياموسى الوحيد
اكنس ابصحـنك اريـــد
                                     ****

اطلب استـــإذان ودخــل يا امــامي
أوگف استعــــــداد ادّيلك ســـــلامي
من مصابك كون جرح اعيوني دامي
حتى يحلى اويــــاك يالكاظم كلامي

ملجومـه الگوب ــ ياموسى جرحك موسهل
ملجومه الگلوب ــ يالشيعــــــــــوك ابلا أهل
يالعشت عمـرك وحيد
اكنس ابصحنــك اريد
                                      ****

عـن بعـد مــــولاي لوشفت المناره
روحـي ترتــاح واضل اقره الزياره
إليحبـــك منـك ايحصل وقـــــاره
فايز ابيوم الحشر كون انته جـاره

منك يمــــولاي ــ الحاجه آخــــــــذهه وأرد
منك يمــــولاي ــ بجفوفي احس خضّر ورد
كلبي يالكاظم سعيد
اكنس ابصحنك اريد
                                   ****

اگعد اباب الجزاء واخذ جـــزائي
ماتردني واعـــــرف اتقــدر ولائي
والدليل ابكل وكـت هذا انتمــائي
كاضميـــــاً حيــــــدرياً كــــربلائي

مهيوب اضل دوم ــ وشعر أبواهس خدمتي
مهيوب اضل دوم ــ وبحبك ارفــــــع هامتي
والله عنك ما احــيد
اكنس ابصحنك اريد
                           *

يلي ماسديت بابك عـن ضيوفك
والله يالكاظـم اموت وما اعوفك
كل وكت اتعـنه مــولاي واطوفك
حيل يرتـاح الگلب لمن أشــوفك

شايل ألك شوگ ــ كثـر النجـــــوم ألبسمه
شايل ألك شوگ ــ شوگ الحسين الفاطمه
ابگلبي گاعد مو بعيد
اكنس ابصحنك اريـد
                                  *

ادگ بــاب القبــله بجفوفي وانادي
جيــت يابن جعفــر انطيني مرادي
يا شهـيد اليــوم الك اعلن حـدادي
يالگضيت اسنينك ابسجن الأعادي

كلك كـــــرامات ــ يالما تفشــــل شيعتك
كلك كـــــرامات ــ واليـوم اجيت الگبّتك
اي وحق يوم الوعيد
اكنس ابصحنك اريد
                       *   

       الخادم
   كامل السعيدي

#حسينية_وهئية_شباب_الزهراء_ع
#العراق_البصرة_الزبير_شارع17
الرادود حسين العيساوي
كلمات كامل السعيـــدي
ليلة وفاة السيده زينب ع

https://youtu.be/V6P7OFaBWEg?si=DJXQEDNvajGz3H80

بصوت ملا وهب الخضرائي (الاهواز)

قصيدة (ميمر) في ذكرى مصاب السيده زينب ع


عگب الاهل والوليان … زينب تموت اوحيده
          @@@

اخ اشكــــثر گلب العقيـــله اتمرمر
امصايبهه حتى الحجر منهه اتفطر
اتكــابر علـى لوعاتهه وتتصـــــــبر
وجرح الطفوف الماطاب …  يصعب علي تحديده
           @@@@@

وحيده وگرب منهه الاجل وتنازع
و تذكــرت عثـــرات يوم الســـابع
صاحت يعباس اعله اخيتك باوع
النفس خلص وتناك ... تحظر الريتي اتعيده
          @@@@@

ون ياگلب لم المصايب ونحب
وبحرگه نادي وصيح آ يازينب
مالومك امـن اتگوم نارك تلهب
وليلچمله ابمحبوب ... كثر الدمع شيفيده
           @@@@@

گـرب اجلهه وما بقـت اي حيـله
اتمنت اخوهه حسين يمهه اليله
يبچيلهه اعله امصـابهه وتبچيله
وتمنت ابهذ اليوم ... يدفنه اخوهه بأيده
           @@@@@

نحظر عزاهه وفاطمه انواســــيهه
ابمجلسهه حاجات اشكثر تگظيهه
المعلول زينب علته اتشافــــــــيهه
لاما ترد المحتـــاج ... ومن العطاء اتزيده
         @@@@@

          الخادم
✍ كامل السعيدي

نزله لمولاتي زينب ع…

مولاتي   وفقيـــني الخدمــــتچ
مولاتي   مسحي راسي ابرايتچ
مولاتي   عبد عشت ابخيمـــتچ ..  يازينب
©©©©©©

نضــره يا مـــولاتي رايد منچ
اعيوني خلصت العمر يبچنچ
امقصر اشما اقره وكتب عنچ
اشويه ذني وخاف مايرضنچ
نضـريني ــ اوفقيني  ـــ اوسجليني ابكتابچ
حسراتي ــ وآهــاتي  ـــ ودمــعاتي اببثوابچ
عالمنـــبر ــ اتكــــدر  ـــ مـن اذْكَــــر مصابچ
وجروحي   ولاجرح منهن سَلَم
وجروحي    ما يفــــارگها الالم
وجروحي   وگفن ابابچ خـــدم .. يازينب
©©©©©©

شـلِي بعمـري ابلا لطـم وقرايه
ولمصـــــــابچ ما اعــــلگ رايه
انتي مصحف انتي سوره وآيه
جـــنه وبيت النبـــي امـــربايه
مهظومه ــ ومهمومه ـــ وملچومه وحزينه
احبــابچ ــ يم بابــچ ـــ بمصـــابچ بچيــنه
أنيـــــنه ــ اونينـــيه ـــ وعالمنـــبر قريـــنه
بالمجلس    حظرو املاك السمه
بالمجلس    عـزو امــچ فاطـمه
بالمجلس     دمعة الخادم دمه .. يازينب
©©©©©©

فطرس ابجنحه كتب لطميه
ألـــچ يابت فاطمه الحـوريه
عــم حــزنها اليله يالمســبيه
بالسـمه وكل الكـره الارضيه
يا آيــه ــ ويارايـه ـــ  كل هايه المجالس
نحييها ــ ونهديها ـــ  ليـچ وكلنه واهس
ماتبـرد ــ ماتخمد ـــ  جمـرات العــوابس
لمصابچ    حيل ادگن عالصدر
لمصابچ    ابچي دم يم الخدر
لمصابچ    منكسف نور البــدر… يازينب
©©©©©©

الچ كل عمــري وقف سويته
وحبــچ ابگلبي فرض صليته
خادم وهـــــذا العمل حبــيته
مواليوم امن الصبه اختاريته
بيه انسر ــ بيه افخر ـــ هيبه اكثر نطاني
هـــذبني ــ وادبـــني ـــ ومعليـــلي شاني
شگد نعمه ــ ابهالخدمه ـــ رابـح بيها آني
هنيالي    ابهل عمل وبهل شرف
هنيالي    گلبــي بالنعمه اعتـرف
هنيالي    ابهل نعيـــم وهل ترف… يازينب
©©©©©©

اكتب وناعــي الحزن يقرالچ
وذكـر الطف المعـــذب حالچ
شيبيتي وماكو اخو اليبارلچ
ولحد موتـچ كـــــربلاء ابالچ
علــــويه ــ ومســـــبيه ــ ومحنيه ابصلاتچ
اتعـذبتي ــ اتمرمـــرتي ــ لحد لحظه مماتچ
مفجوعه ــ وبس لوعه ــ شاهدتي ابحياتچ
يازينب    حزنچ امفطر الصخر
يازينب    مارحـــــم بيچ الدهر
يازينب     خلصت اسنينچ قهر… يازينب
©©©©©©

         الخادم
✍كامل السعيدي

قصيده لاستشهاد السيده زينب ع👇👇

نادو اصحاب الوفاء --- اليوم ننصبلچ عزاء --- ياغريبة كربلاء --- زينباً وا زينبا
                                      «»«»«»«»
مو فقط بالارض مجلس ينصب
مأتــــــم انسويلچ ابنص الگلب
يطلم الرادود والمـــدمع يصب
ياربيبت فاطمه امصابچ صعب

اليوم نجهش بالبكاء-- احنه وملاك السماء-- إلچ نخلص بالولاء -- زينباً وا زينباء
                               *
المـــــــــــــلائك نزلت اتحصل اجر
وشي اكيد المصطفى اوياهم حضر
لابس اســــود لچلچ وگلبـــه انفطر
زينب امصابچ لچــــــم كل البشـــر

چم محب عاش ابنحيب--عذبه اوداع الحبيب-- ياجرحنه الما يطيب-- زينباً وا زينبا
                             *
سوه مجلس حيدر ابوادي الطفوف
والحضــور اشكثـر ماعينك تشوف
حاضر العبـــاس وي هــــاي الألوف
ايريد يلطم لچن مگطوعه الچفوف

صاح سبع الگنطرة-- يختي ارجو المعذرة - اچفوف اخوچ امبترة-- زينباً وا زينبا
                            *
نقسم ابچفين شيــــــــــال العلم
نبقه ألــچ يازينب احباب وخـدم
ريت ابد مــــن خدمتچ ماننحرم
انموت لوعفنه المجالس والّطــم

يبت علام الغيوب-- من عشقكم ما نتوب-- حبكم ايزيل الذنوب-- زينباً وا زينبا
                             *
وصل صوت المجلس السوح الجهاد
وحتى حشد الله إلبسو ثوب السواد
عالسواتر علّگو رايـــــــــة حــــــداد
زينب امصابچ جـــــرح كل العبــــاد

اليوم عاشر زينبي-- وهم فجع گلب النبي-- الفرق بي بس السبي-- زينباً وازينبا
                     «»«»«»«»«»
       الخادم
      كامل السعيدي

#شور

يازينب يازينب         يازينب يازينب
…………………………

للعقـــــــيله اليوم اون ونحب بأحزاني
مجلس الحوراء صــبح يوم عاشر ثاني
دمعــــتي الأم الخــــدر شيــبت اجفاني
من لهفتي اعله الطم صرت عابس ثاني
يازينب يازينب         يازينب يازينب
…………………………

لوقره المله ونعه ابدمعي اچوي اخدودي
وبالطم لم الصـــــــبر اله اگطــــع ازنودي
ارفع ايدي بكل مسه وحچي وي معبودي
ربي اقبل مأتمي وخدمتـــــي ومجهودي
يازينب يازينب         يازينب يازينب
…………………………

ابموكبي آنه اتحزمت حضرت زنجيلي
والأقـــامة مجلسـچ أمي بس تدعيلي
عن مصـيبة كربله امن الزغر تحچيلي
ولمن اذكر محنـتچ ابچي اخلص ليلي
يازينب يازينب         يازينب يازينب
…………………………

اليشعر ابنار الهظـــم والألـم ولوعه
يبــقه كل عمــره يون الـچ يالمفجوعه
الليله يم عون شكثر شيعتچ موجوعه
وكل موالي ابمجلسچ دم تهل ادموعه
يازينب يازينب         يازينب يازينب
…………………………

     الخادك
كامل السعيدي

نزال للسيده زينب ع…

احـنه الاربعه   نحمل النعش
نحمل النعش   احـنه الاربعه

هاي زينب هاي اختــــنه هيـه ربتنه
علمتـنه اشلون نفـــزع مـن طفولتنه
هيه خيمـتنه وســندنه وهيه رايتنه
اليوم لمصاب العقيله اتسيل دمعتنه
بركان الدمع .. هل مثل الشمع
وجمرتنه اسعرت .. احنه الاربعه

//////////////////

الهه حـق اعليــــنه نحظر يمها هاليله
والنعش احنه اربعتنه نحــظر انشيله
ومن مدامعنه جسدها ايصير تغسيله
اويانه اجت ام البنين المدمع اتسيله
شمتها اوتون ،،،، ابساعة الدفن
اتألمنه اشكثر ،،، احنه الاربعه

///////////////////

عفنه خطار الضــريح ابكربله اوجيــنه
دين مطلـــوبين الها ومـا اموفــــــــينه
ابليلة الوحشه احضـرتنه اتريد تبچينه
اليوم اجينه اومو غيــور الما تهل عينه
ونشدالنكاب ،، لجل ام الحجاب
ونقيم العزاء ،،، احنه الاربعه

///////////////////

اشنسه ياموقف عظيم الوگفته اويانه
والله مانحصــي فضلها اهواي غطانه
وبوفاضل بعـد مـوته ســـدت امچانه
عزبت للضيــــف فتحــت باب ديوانه
منج ونعم ،،، ناموس وعزم
بسمج نفتخر ،،، احنه الاربعه

/////////////

أنـه عثمان اويه جعفر وإنـه عبــــدالله
وآنه ابوفاضل اخـــوچ العل نعش صله
جسمچ ابكبره وضعته ابصوت الصملله
هلله يا زينـب عليـــچ وعالجــــرح هلله

ورشينه التراب ،،،، من دم الركاب
وضوينه الكبر ،،، احنه الاربعه

//////////////////

للفـــــجر نلطم نضل وننعه يم لحــدچ
اربعتــــنه انبـات يمج مو فقط وحدچ
ابمجلسـچ موجوده امنه وامچ اولدچ
ضجت الدنيه ابكبرها اليوم من اجلچ
والكون انخسف ،، والهاتف هتف
شمعتنه انطفت ،،، احنه الاربعه

////////////////

ابگلبه مأتم سوه جعفر ساعة الشـالچ
بطــورچ ابمصباح عاشـر گام يقـرالچ
حيل عتمه السمه اليله غايب اهـلالچ
يا مــره البالكون كله شـالت اهــوالچ
تبجيلج دمه ،،، هالليله السمه
ويانه احزنت ،،، احنه الاربعه

/////////////////


    الخادم
كامل السعيدي

مولد الامام علي ع

گلبـي شمسويله ـ ياعلي
اوياك يسهر ليله ـ ياعلي
گلبي مجنون بغرامك وأنت جننته
🌷🌷🌷🌷🌷

يالملكت اگليبي كله وصـــــــرت نبضه
اســــــــــمك اتوضـه وجـوباً يله الفضه
انتــه قــرأن الحكــــــــيم وانتــه فرضه
كل حديث ايخص حياتك گمت احفظه
يالشغلت اذهاني ـ ياعلي
مذهـبي وقرئآني ـ ياعلي
گلبي مجنون بغرامك ونته جننته
🌷🌷🌷🌷🌷

انته ممـــلكة العواطف والمشـــاعر
كثر مابيك انه مغرم صرت شاعـــر
صـــورتك مرسوه بعماق النواضــر
عالمنـصه اتباهه بيـــك وعالمنـــابر
فرحتك نحييها ـ ياعلي
الفاطمه نهديها ـ ياعلي
گلبي مجنون بغرامك ونته جننته
🌷🌷🌷🌷🌷

استبشرت بيــك الانس والجـان كلها
مـولدك فـرحه وابـد ما صــــح مثلها
لايگــه الكعـــــــبه عليــك ولايگ الها
هالكـــــــرامه بس الك ربـك جعـــلها
وحدك انته اختارك ـ ياعلي
وبـارك  بـأنـــــوارك ـ ياعلي
گلبي مجنون بغرامك ونته جننته
🌷🌷🌷🌷🌷

والله احلى امن الشهد اسمك قريته
مــركز اگلوب البشــــر حبــك لكيته
مولدك شع بالســــمه وبالگاع صيته
العلي حبـــك يا علي ونطــــاك بيته
الك فاتــح بابه ـ ياعلي
انته اعز احبابه ـ ياعلي
گلبي مجنون بغرامك ونته جننته
🌷🌷🌷🌷🌷

الك بيت الله انفتح ونشق جداره
وبقــدومك رحب وســرفن ستاره
هلهلن بالفرحه اجن مريم وسـاره
يا وليد الكعبه انته اجمل بشــاره
اتشـرفت بقدومك ـ ياعلي
يالعظيمه اعلومك ـ ياعلي
گلبي مجنون بغرامك ونته جننته
🌷🌷🌷🌷🌷

ياهو قبــلك لقبوه ابحـــامي جـاره
ومــــــن يقــرر ربك يأيــد قـــراره
ياهو غيـــــرك ثبـت الديـن ابفقاره
ابكلهن اول يا علي ونلت الصـداره
انته آيه ورايه ـ ياعلي
والامل والغايه ـ ياعلي
گلبي مجنون بغرامك ونته جننته
🌷🌷🌷🌷🌷

    الخادم
كامل السعيدي

مولد الامام علي ابن ابي طالب ع

أحبك ــ كثر امـن امي وبوي
أندبك ــ الي تفزع قبل اخوي
خادمك افرح بمولدك
       ـ🌺....•❀🌷❀•....🌺ـ

ختاريتك انت اول عشگ
من عنــدك هيهات افترگ
وحساس الحب غيرك چذب….
بس حبك ياحيدر صدگ

تشهگك .. ريتي.  انفاس.  وبخور
اعشگك .. بيك حتى بحلمي ازور
خادمك افرح ابمولدك
       ـ🌺....•❀🌷❀•....🌺ـ

يافرحه وضحكة كل طفل
ســـــــوينه الميلادك حفل
نعمه انته ونحسبك وطن……
نتمســـــــك بيك او مانفل

نشوفك .. گمره ومحلي الوجود
تطوفك .. ضـــلت انواع الورود
خادمك افرح ابمولدك
          ـ🌺....•❀🌷❀•....🌺ـ

نفك حضن الكعبه ونادتك
واكـــثر مــن امــك حبتك
ماصارت وي غيــــــرك ابد....
من طلگت بيك وجابتك

كرامه .. هاي الك وحدك تصير
زعامه..  امن الطفوله انته امير
خادمك افرح ابمولدك
         ـ🌺....•❀🌷❀•....🌺ـ

بأســـمك نتقرب للعلي
ونموت بحــــبك ياعلي
انته الروح وانت النفس..
والدنه  وقائدنه  اولي

رسمتك .. صور بحلامي امن انام
عشكتك .. يالصــــرت سر الغرام
خادمك افرح بمولدك
         ـ🌺....•❀🌷❀•....🌺ـ

✍الخادم
كامل السعيدي

ياقالع الباب ابوصفك احتار
ويابيت اليليق ابشيخ الاكرام
يامن تحت سيفك تخضع ارگاب
انحنت گدام وصفك روس القلام
نهارك موعضه وارشاد للناس
وليلك يختلف بي فقره ويتام
چفك چم طفل جوعان غذاء
وچم مسكين فوگ اذراعك اينام
رفيچك بالحرب سيفك يبوحسين
وذا چلچل الليل اتبدله بالثام
بيتك چان مهبط كل الملاك
وفضلك عالخلق ماينحسب گام
علي ابوكتك جنت متواضع اهواي
والنشر الرساله امحزم احزام

✍كامل السعيدي

مقدمه للامام علي ع…

البت أســد رب العرش شق الجدار
ودخلت وحيـــــدر علي ابيته نولد
الكعبه مهده ومو الكل واحد تصير
لغير ابوالحســـــنين ما تلصح مهد


وحــق العل فواطم بات ينطار
لحد ماشاف نجم الفجر ينطار
جـدار الكعبة بس العلي ينطار
منو غيره استحق هاي الهدية

كامل السعيدي

مولد الامام علي ع👇


ياهله ابميلادك يحيدر
اشرقت اعيادك يحيدر
گلبي احس ناداني
انولد طــه الثاني
ـ🌷🌷🌷🌷🌷🌷🌷ـ

ياحبيب المصطفى شعشع ضياء انوارك
والملاك اتعنــــــتك كلهه انزلت يم دارك
اتنهي طه ابمولدك يا سيـــــدي وتتبارك
ماكو واحد بالعرش ضل بالفرح ماشارك

هل فرح موعادي يحيدر
يا حبيب الهادي يحيدر
هل فرح رباني
انولد طه الثاني
ـ🌷🌷🌷🌷🌷🌷🌷ـ

انشق جدار الكعبه الك صارت مهد بصيارك
وحدك الهذا الشـــــرف رب السماء اختارك
لا فتى ألا علي ولاصـــــــــــح مثل فقارك
غير بس رب العرش محد يعــرف اسرارك

اشگد عزيز وغالي يحيدر
ولي ونعم الوالي يحيدر
بصوتي اهتف آني
انولد طه الثاني
ـ🌷🌷🌷🌷🌷🌷🌷ـ

ياحلات احروف اسمك لو لفضهه الساني
علي يااجمل قصيده انزمجت اويه الحاني
گلبي بس وحدك يحبك ما شغلته ابثاني
اني مجنون وهواك ابلا عگل خــــــلاني

من الزغر حبيتك يحيدر
وبلگلب ضميتك يحيدر
احجي من وجداني
انولد طـــــه الثاني
ـ🌷🌷🌷🌷🌷🌷🌷ـ

اني مجنون ابهواك وافتـــــخر بجنوني
انته روحي ونبض گلبي ونته نور عيوني
افتخر خادم الك يا سيـــــــدي ايسموني
ياعلي ابكل محفل احظر رغم اليعادوني

ياطبيب اجروحي يحيدر
يلي ساكن روحي يحيدر
اترددت بلساني
انولد طه الثاني
ـ🌷🌷🌷🌷🌷🌷🌷ـ

    الخادم
كامل السعيدي

الشكر لله الشكر لله … الله رزقنه امحبتك
ياسبع الدجيل ــ ياسبع الدجيل

*
لزيارتك حــيل يا سيـــدي اشتـاگينه
اويم گبرك ابشوگ يابن علي اتعنينه
كل زاير اتشوف دمع المصيبه ابعينه
يلمتت مسمـــوم مـــن اجلك اتأذينه

بدموع العيون… جينه ودخلنه الحضرتك


يابو الكرامـــات فضلك فلا ناسينه
والعنــده حاجات يمك يمـد چفينه
انعرفك يمولاي تسعدنه اوترضينه
يلما تسد بـاب نركض البابك جينه

فرحنه مولاي … وحسبنه خلص شيعتك
**

احبابك اهواي وبيك اشكر مجنونه
واسمك يمولاي آيـة عشـگ يقرونه
كل هــاي الارواح بمحبـتك مفتونه
اليتعـنه مشـاي مجنونك ايسمـونه

حتى الحمامات… تنزل تقبل تربتك
**

بمصـــابك اليوم انعزي ابوك الهادي
وبصوت الاحزان يم الضريح انادي
لا والله مولاي هذا الولاء مو عادي
من الله توفيق ومن المهد بي بادي

منك فلا اتوب… يالشرفتني ازيارتك
*

منهج للجيـال علمك بقه ايدرسونه
وبحبك ايزود كلمن عرف مضمونه
خسرت يمولاي أعــــدائك الملعونه
ماعـرفو اشلون تاريخك ايفسرونه

الحمدلله… احنه الربحنه ابجنتك
*

يم بـاب المراد نتـوسل ابدعوانه
حاجتنه نرجاك اقضيهه يامولانه
لحبابك ابشوگ گلبك فتح بيبانه
انحلف يمولاي بالزهـره لاتنسانه

مالحضه ننساك … نبچي ونون لمصيبتك
*

✍الخادم
كامل السعيدي

مولد الامام الباقر والامام الهادي عليهم السلام🌺

اليروي العطش ميلادهم
هَلّت عليـــــــنه اعيادهم
النّون همّه والقَلـمْ
اثنينهم يعني القِممْ
اليروي العطش ميلادهم
ـــــــــــــــــــــــــــــــــــــــــــــ

اول بدايات الشــــــهر .. فرحتنه الهم
واحد رجب ثاني رجب .. اللــه رسلهم
هَلْ شهر خير وسعاده
مبتــــدي بأجمل ولاده
والأصب اسمه تسمه..
بي قدوم هـــواي قاده

زاد الله بيه احســــــــانه
وصار الأصـب عنــــــوانه
هَلّو عَلَم يسبگ عَلَم
اثنينهم يعني القــمم
اليروي العطش ميلادهم
ـــــــــــــــــــــــــــــــــــــــــــــ

اتزينــــــــت دار الخُلد … هليله بيـهم
والله بعظمته بالعرش … صلى عليهم
واحدهم الله أمجِّده
والخير صــارو مورده
عِبْرو معــاير الوصف..
اثنين ارقه امن النده

الحَبــْـــهُم ربَح بسنينه
الضدهم طلع عن دنيه
الوالهم يفوز وسَلَمْ
اثنينهم يعني القِممْ
اليروي العطش ميلادهم
ـــــــــــــــــــــــــــــــــــــــــــــ

باقر علوم اهل الوفه … وللباري صفوه
اعمارنه فــــــدوه اله … وللهادي فدوه

مــن الســّـمه جانه الخبر
نولدو الاحلى امـن الگمر
وجبــــريل ناده بالعرش….
ضيهم على الدنيه انتشــر

حُبهم مِلك وجــــداني
وهذا العشــــگ رباني
يابلسم يسكن الالمْ
اثنينهم يعـني القممْ
اليروي العطش ميلادهم
ـــــــــــــــــــــــــــــــــــــــــــــ

رحمة الباري الواسعه .. وقدرته وحيله
ينــزاح كرب اليحتفل .. بيهـــــــم اليله

نار الله تطــفه وتنخمد
بســـــــمائكم لمن نعد
يتوارث اويانه العشگ…
مو توه مــن وِلْد لوِلد

بيهم الف هنيالنه
يا مرحـبا ابوليانه
ميـلادهم اكبر نِعَم
اثنينهم يعني القمم
اليروي العطش ميلادهم
ـــــــــــــــــــــــــــــــــــــــــــــ

✍الخادم
كامل السعيدي

ميــــــلاد الزچيه
الفرحه الفاطمه

الرادود البرعم عباس النصار
كلمات خادمكم كامل السعيدي

#برنامج_اطوار_ومقامات
تقديم الرادود محمد السيلاوي
قناة الام الحسين ع 2
الرادود البرعم عباس النصار
كلمات الشاعر كامل السعيدي

#مقدمه_للامامين_الباقر_والهادي ع

عاشگ وحيل افتخـــر حبيتكم
سيدي ومـــــن المهد واليتكم
بروحي يالباقر الك باني مضيف
انته والهادي فرض صليتـــــكم
علّي ألكم فضل ماانســا محال
ادبيتــــوني وربيت ابيـــــــــتكم
خادم ومجنون بيكم مــن زمان
سيــــدي ابنص الگلب خليتكم

✍كامل السعيدي

#مولد
#الامام_محمد_الباقر_ع
#والامام_علي_الهادي_ع

للباقــر يحلى الليله الغـــرام
وفرح من گلبي العاشر أمام
أحبهم احبهم    يشهد الله احبهم
🌷🌷💐💐🌹🌹

للباقر والهادي الليله تحزمـــــــــنه احزام
وبالمحفل مرسومه الفرحه ابوجه الخدام
هنينه الشــيعه ومرجعـــنه وكل الاسـلام
ونقره اجمل ماخطت عنهم روس الاقلام

بيـــهم نتباهه وبيهم نفوز
وبحبهم نار المحشر نجوز
أحبهم احبهم      يشهد الله احبهم
🌷🌷💐💐🌹🌹

خامس آيات الرحمــــــــــن ونور الايمان
هل بدره اعله العالم كله وشع ضيه وبان
كل عاشگ هالليله استبشر بيـه وفرحان
واليعلن حــــبه اويه الباقر باچــر ربحان

يامهجت روحي وكل الهيام
حبهم ضل يزرع بيه احترام
أحبهم احبهم      يشهد الله احبهم
🌷🌷💐💐🌹🌹

الشاعر من يكتب للهادي ايدنگ خجلان
شيريد ايوصف المــــــذكور ابنص القرآن
بالكلمه المملوحه ايسولف عنه الوجدان
اترف من جنح الفراشه احساس الولهان

يا اجمل ونقه واترف زهـــور
مولدهم فرحه وبهجه وسرور
احبهم احبهم       يشهد الله احبهم
🌷🌷💐💐🌹🌹

كون ألي يقره ابمحفلهم متروس احساس
ويقدم بيده الكل خادم بس جوري وياس
يوجوه الخـــــير التتــــلامع مثـل الألماس
يا خيمة عزنه المرفـوعه ومحتـويه الناس

ينجوم الضلت تضـوي ابسماي
يضماد اجروحي اوصفت دواي
احبهم احبهم       يشهد الله احبهم
🌷🌷💐💐🌹🌹

     الخادم
كامل السعيدي

قريباً ولادة الامام الباقر ع والامام الهادي ع

برنامج نسائم فاطيمه
#قناة_الامام_الحسينيه_الفضائيه
الرادود المبدع عصام المحمداوي
كلمات الشاعر كامل السعيدي

مولد مولاتي فاطمة الزهراء ع🌹


ـ               ميــــــلاد الزچيه
ـ              الفرحه الفاطميه
للمصطفى وحامي الحمه هذا الحفل هديه
ـ⇔⇔⇔⇔⇔⇔⇔⇔⇔⇔ـ
                

بيها النبــي حيـل ابتشر والبسـمه بانت
وهـيه ابمهــــدها فاطمه وتكلمه چانت
آيه ابحضــن امها انزلت والفرحه حانت
والشمس من عازت ضوه بيها استعانت

ـ              تعيش الفرحه بيه
ـ              ولايگ حــبها اليه
للمصطفى وحامي الحمه هذا الحفل هديه
ـ⇔⇔⇔⇔⇔⇔⇔⇔⇔⇔ـ


الله الزعلها يزعل ويرضــــه لرضاها
دور القيـاده اعله النسه اليله نطاها
مثل النبي عدها شكثر هيبه اوجاها
وحقه محمد عالملا بيــــها ايتـــباها

ـ              هيبه اعله البريه
ـ              بنت طــــه الابيه
للمصطفى وحامي الحمه هذا الحفل هديه
ـ⇔⇔⇔⇔⇔⇔⇔⇔⇔⇔ـ


حبها هويه وبالحشـــر هيه الشفيعه
ونشكر الباري الفاطمه خالقنه شيعه
نكشخ بحبها بكل زمـن امنه الوديعه
الورد يكشـخ لو وصـــل موسم ربيعه

ـ              شيعه وجعفريه
ـ              ونردد ســـــويه
للمصطفى وحامي الحمه هذا الحفل هديه
ـ⇔⇔⇔⇔⇔⇔⇔⇔⇔⇔ـ


فاطمه بحر المعرفه وفرقد محمد
ماعون فايض بالوفه ويشبها محــد
بيبـــانها اتوزع نعم مالحظه تنســد
عنها محمد وعلي والباري يشـــهد

ـ              الريحـــــانه الوفيه
ـ              الاوله بكلشي هيه
للمصطفى وحامي الحمه هذا الحفل هديه
ـ⇔⇔⇔⇔⇔⇔⇔⇔⇔⇔ـ

   ✍الخادم
كامل السعيدي

مولد فاطمة الزهراء ع

اللهــــــــــم صــل على … محمد وآل محمد
انولدت فاطمة الزهراء … كوثر للنبي محمد
                ـ🌹🌹🌹🌹🌹ـ

بلحظة مانولدت ســـاجده لربها
اميره اعله النسـاء الباري نصبها
واجب عالبشر كلها انكتب حبها
الماحبها خسر والجـــنه ماطبها

جـــــددنه العهد بولاء … محمد وآل محمد
نولدت فاطمة الزهراء … كوثر للنبي محمد
              ـ🌹🌹🌹🌹🌹ـ

جبــــــــــرائيل بعنان العرش كبر
حين انولدت وشــع نورها وازهر
نزل يم باب طه وجاب هالمصدر
بالاصلاب گله نكتبت الحــــــيدر

الكون فيهم اســتضاء … محمد وآل محمد
نولدت فاطمة الزهراء … كوثر للنبي محمد
               ـ🌹🌹🌹🌹🌹ـ

نور الزهــــره مايرهم اگباله افياي
ماينصـد عكس نور الشمس بهواي
كلشي اتغيــــــر ابيت النبي الوفاي
اليشرب مايهم يشــعر ابطعم الماي

اصبــــــح الكل سـعداء … محمد وأل محمد
انولدت فاطمة الزهراء … كوثر للنبي محمد
                ـ🌹🌹🌹🌹🌹ـ

من شجرة علي الزهراء غصن ريحان
عطــــــــرها منفـرد ويفوح بالبســتان
متبسم علي ابميــــــــــلادها وفرحان
كعـــبه امـــــن الادب والزهد والايمان

تقيــــــــه بنت الاتقياء … محمد وآل محمد
انولدت فاطمة الزهراء … كوثر للنبي محمد
             ـ🌹🌹🌹🌹🌹ـ

✍️الخادم
كامل السعيدي

كعديه لولادة فاطمة الزهراء ع

نولدت فاطمة الزهره الزجيه
التشبه لنبي وحامي الحمـيه
انبــــارك للنبي انريد
ونقره اجمل اناشيد
       ـ🌷🌷🌷🌷🌷🌷ـ

نورها نور الجلاله ـ ومن غصن شجرة محمد
جنة الفردوس هيه ـ وسيده اعله الكون تنعد
فاطمه طوق النجاة ـ وعنها رب العرش يشهد
بفيايها الكل تستضل
اهواي الها عالدوام فضل
ابمولدها جينه نحتفل ـ هالفرح عدنه تجدد

لدرة ســـــيد الامه العظيمه
وسط گلوبنه المحفل نقيمه
بينه الواهس ايزيد
ونقره اجمل اناشيد
    ـ🌷🌷🌷🌷🌷🌷ـ

فرحت الاملاك كلها ـ وبأسمها العرش كبر
آية الله العظيمه  ـ استبشر ابمولدها حيدر
محجبه نولدت الزهره  ـ وللحجاب اصبحت مصدر
بيها النواضر تنترس
للعفه انطت چـــم درس
بيها الله يذهب كل رجس. ونطفه ابمولدها كل شر

فرحه امن العمر هاي الولاده
اوياها انفتحت ابواب السعاده
عدنه اويه النبي عيد
ونقره اجــمل اناشيد

   ـ🌷🌷🌷🌷🌷🌷ـ

بگلبي جنح الشوگ رفرف ـ واعلن لفاطم غرامه
وللنبي ايقــــدم تهاني ـ انصاغة اوياها ابتسامه
وردة الجنه الزجيه ـ النابته ابيت الكرامه
بخدودها ايحط الندى
والحزن خلص موعده
موسم سعادتنه ابتده ـ وفاطمه اول علامه

مرجع للنســـاء وبنت ابوها
الكتبو عجزو اشما وصفوها
الشــاعر يقره وعيد
ونقره اجمل اناشيد



✍الخادم
كامل السعيدي

ام البنين ع...

اليوم ننصبلچ مئاتم بالطفوف
يم الاقمار التشضت بالسيوف
كلنه نوگف بالعزاء «» يا أميرة كربلاء
   يم البنين               يم البنين
«»«»«»«»«»

يافاطمه..  يالماكو بالعـــالم مره توصل وفائچ
              تبجي السماء السابعه ابليلة مصابچ
              
يافاطمه.. العالم بأســرى انفجع لحضة وداعچ
              كل الكواكب نزلت اتنــــوح ابعزائچ
وفاطمه الزهراء حظرت بين اديج
اجت تقره الفاتحه وتلطم عليــــچ
وبقت تقرالچ دعاء «» يا أميرة كربلاء
«»«»«»«»«»
نار الحزن.. ماتنطفي اوسط الگلب يلهب جمرهه
                ورده ام الاقمار وخلص بالهم عمرهه

نار الحزن.. من عدهه روحي اتعذبت ونفت صبرهه
                بالدنيه معدوم الفـــــرح  محــد يسرهه
اجروحي لجلك يبچن ومتلچمات
انتي سجده وانتي ركعات الصلاة
الچ نجهش بالبكاء «» يا أميرة كربلاء
«»«»«»«»«»
يم الوفه.. كل الخدم لمصيبتچ تبتچي وحزينه
              ننعاچ حـــد ما ترتفع رايــــــة ولينه

يم الوفه.. ماننسه جرحچ والألـم موجـود بينه
              يالفــاكده اولاد اربعه ونـور الظعينه
گلبچ اتحمل مصايب مؤلمه
جارعه المر بالصبر يافاطمه
خلصن اسنينچ عناء «» يا أميرة كربلاء
«»«»«»
غيره وعزم.. عنــدچ ياام الاربعه العاشو كوافل
                 بالغاظريه اتسمو اصحاب المراجل

غيره وعزم.. رضعتي ولدچ وطلعو كلهم بواسل
                  محد وگف بوجوهه اليوث وتقاتل
رفعو الهــــامه الچ يم الحسين
حين طاحو بالمعاره امخذمين
يشهد الهم هالوفاء «» يا أميرة كربلاء
«»«»«»«»
طف كربله.. بيه اشكثر مئسات ألج وشكد مصايب
            بيه حسره ودموع وبچي اولوعه اونوايب

طف كربله.. سجلچ اعظـــم تضحيه يم الاطايب
               بيه شفتـي چتل اولادچ وكل الگرايب
وگفتچ ثوره وبطوله وانتصار
يشهد التاريخ عنـــــچ بفتخار
ماتصح مثلچ نساء «» يا أميرة كربلاء
«»«»«»«»
        الخادم
  كامل السعيدي

مقدمة لأُم البنين ع…..

سلام الله على صبرچ
على صبرچ سلام الله


خلصـتي العمـر شــوغات وجـروح
وي صوت ابن حذلم طلعت الروح
لحـد ســـاعة مماتچ ماهــده النوح
الله يعيــنچ اشــــگد شفـــتي اذيه


بيــه عـــازه الابـن والنـاس يدرون
يشيل اجنازت امه اويه اليشيعون
غايب ليش عنـــچ حـادي الضعون
هضيمه اچفوفه طاحن عالوطــيه


منو المثــلچ تضــحي باربع اقمـار
واحــــدهم كلف وسيــــوفهم نـار
يـم عباس بيــــچ الفكــــر يحــتار
فديتـــــي اهروش گلبـــچ للزچيه


فخــر عنـــدج يفاطم عيب ينقاس
النسه اتحسدج الان خلفتي عباس
ابوفائــچ وبولائــچ تشــــهد الناس
ومثل صبـــرچ صبـــح لهل البــريه

شگـد حلوه الولد يمـچ يحظرون
والعبـــاس بيــده يغمـض العيون
وفوگ امتونهم نعشـــچ يشيلون
ويدفنــــوچ وينصــــبولچ عــزيه


          الخادم
✍كامل السعيدي

شيعنه نعشچ فاطمه
مولاتي يامظلومه
ـ-------------

وي علي اوي الحسن وحسينچ
يالزچــــــيه احبــابچ امشيعينچ
الكون اضـلم يوم غمضت عينچ
وغابت امن اليل حتى انجـــومه
شيعنه نعشچ فاطمه
مولاتي يامظلومه
ـ--------------

لبست اســـــود شيعتچ هليله
الحزن واحــــدهم امهدم حيله
نعشچ ابوســط الگلوب انشيله
اجروحنه يم الحســـن ملچومه
شيعنه نعشچ فاطمه
مولاتي يامظلومه
ـ--------------

واجب انواسي الامـــام المنتظر
اويانه بالتشـــــــيع يافاطم حضر
نعشچ اتحمله الملائك والبشر
وكلها تصرخ ويلي عالمحـرومه
شيعنه نعشچ فاطمه
مولاتي يامظلومه
ـ--------------

ابيا ذنب كتلوچ عمـر اثمن طعش
وحتى محـد وي علي شال النعش
بيچ سـراً للدفن وحـــــــده غبش
وهسه كلنه اوياه انعينه ابيـــومه
شيعنه نعشچ فاطمه
مولاتي يامظلومه
ـ--------------

سجلينه ابدفترچ مـــــن الخدم
ابلا رضاچ الدنيه اشـــبه بالعدم
الماخـــدملچ باچر ايكتله الندم
ويشعر ابنقصه وضميره ايلومه
شيعنه نعشچ فاطمه
مولاتي يامظلومه
ـ--------------

✍ الخادم
كامل السعيدي

مقدمه للزهراء ع

عظم الله لك الاجر علي

فاطمه مـاتت ودارك طـــــــافيه
راحـت اوارحـــت اوياها العافيه
القبل چانت ماليه اعليـكم الدار
وســــفه هسه بالمـــگابر غافيه

عظم الله لك الاجر علي
ـ-------------------

باد حيـــــلك مــن ردت تغسيلها
خاف تاذي ضـلوعها امن اتشيلها
الله يجــــبر گلبك بهذا المصاب
جمر حگها دموعك امن اتسيلها

عظم الله لك الاجر علي
ـ---------------------

شــــلون راح اتنــام ليلك دونهه
وزهرتك بيدك امغمض اعيونهه
ياعلي ياحيـــــــــرتك بعد البتول
مــــــن بعد هاليوم متشوفونهه

عظم الله لك الاجر علي
ـ--------------------

شلون حـالك مـــــن بعد فرگاهه
الچنت تتشـــــارك بكلشي اوياهه
شلون لوگلبك يحن وكت الغروب
وتجــي اطـب للـــــــدار ماتلكاهه

عظم الله لك الاجر علي
ـ---------------------

شلون لوشفت الحسن وحسينهه
وزينب المانشف مــــــدمع عينهه
ازغار عافتهم ويمك مــــــن يجون
يســــــــــــألونك بويه فاطم وينهه

عظم الله لك الاجر علي
ـ-------------------

✍ الخادم
كامل السعيدي

ميمر للزهراء ع

كسر الضلع حرگ الباب
يالزهره ماننساهن
----------------

هاي المصـــيبه ابكل زمـن تجدد
وجمـر الحزن يم الحســن مايبرد
هـــذا العــزاء طول الدهر يتخلد
مثل الورث واصـــــلنه أباً عن جَدْ
وعيونه انحسها اتشوف
لو الچ بچيناهن

--------------

موفقط اهل الارض مجلس يحيون
مأتم الــــچ اهل الجـــنان اينصبون
عنــــــــچ شعر كاظم وربعه يكتبون
وحمــــزه الزغير والرميثي اليقرون
وصدورنه اوياهم حيل
بالطم وشمناهن
----------------

تبـت يداه ذاك الكســـرها اظلـوعچ
وتبچين گمتي ويضحك اعله دموعچ
الموضوع اليفت الصـــخر موضوعچ
الظـــلام طفو شمعه مـــن شموعچ
طيحت المحسن عالگاع
اجروح النبي اذاهن
--------------------

اعـــداچ لمحمد يا عـــذر يحچونه
اصــــــــبع ندمهم باچـــر ايعضونه
معقـــوله عـار افعـــــــالهم ينسونه
البيـت النـزل بيه الوحـي يحرگونه
كلمة وأن والبسمار
يدمي الگلب بلواهن
------------------

باب البخـت بابــــچ ولكن حـــرگوه
وعصروچ خلفه وضلع منچ كسروه
ابفعلتهم الدين ونبــــــــــيهم باعوه
حقچ غصب يالزهره منـــچ اخذوه
وبسوطه قنفذ ويلا
امتونچ زرگ سواهن
----------------

✍️ الخادم
كامل السعيدي

https://youtu.be/yycXU2-79HM?si=hLTY7EcjChlDiVyC

https://youtu.be/fPKLrQAa720?si=2t9FrFopjnaG4eca

https://youtu.be/WJRzwUOd38A?si=jycZHAGF3j0mDAAk

https://youtu.be/gvgUJUBLCTM?si=arxORHkCkGZZktSg

https://vt.tiktok.com/ZSjBfQ3gS/

وحق شباچها وخفگت ــ علمها
علم المرتضى حيــــدر ــ علمها
اصيله وطـــالعه زينب ــ علمها
الكرم والعــــلم جمعتهن سويه

✍كامل السعيدي

لولادة السيده زينب ع🌹🌹

الزهـــره اتنطرت يغمرهه ميـــلادچ
وگعـــدت بيدهه اتخيطلچ اثيــابچ

تحچــــي اوياچ چانت قبل لتصيرين
وتحسب ساعه ساعه الحضت انجابچ

محمد والحسن وحسين فرحانين
وبالذر ابو فاضل فصل احجـــابچ

فضه الهلهلت من بزق وجه النور
لعلي زفت البشرى وفرحت احبابچ

ونزلت كاشخه املاك الله بالميلاد
وزينه اتعلگت مـن السمه البــابچ

✍كامل السعيدي

عباس   ابمولد زينب الحره الابيه
عباس    جايــــبك يبوفاضل هديه
بالطور التريـده
جايبلك قصيده
             ـ🌹🌹🌹🌹🌹ـ

جايبلك قوافي امسـگمه اسگام ـ
من عندي هديه
اتلوگ ابنت ابوها ولبـوة الشـام ـ
ذيچ الهاشميه
ابمولدها السرور بداخلي يعيش
هاي اجمل مسيه
منك اذن اطلب اقـــــره البيات ـ
ياتاج الخويه

عباس ـ جاي وللحفل جـايب هدايه
عباس ـ وبيدك جايب الزينب عبايه
يانور العقيـــده
جايبلك قصيده
              ـ🌹🌹🌹🌹🌹ـ

يا اجمل ثنائي واوفه خوان ـ
مايحصل مثلكم
نخـــتار ونرتب أجمل الحان ـ
نقراها ابحفلكم
يتوافد جمعنه امنــين ماچان ـ
ياعباس الكم
مولوده العقيله وكلشي فرحان ـ
مسروره خدمكم

عباس ـ جيتك والسرور ايگود بيه
عباس ـ شــــايلك فرح بثنين اديه
ياضخر الصميده
جايبلك قصــيده
           ـ🌹🌹🌹🌹🌹ـ

ياعبـــــــاس زينب ورده وتريد ـ
من عندك تشمها
يتكون اسمها امن اربع آيات ـ
الله اختار اسمها
يمك ياگمر نجمه اختك اتصير ـ
تكشخ ونته يمها
واجب نكتبلها ابيات حلوات ـ
تلمع وي رسمها

عباس ـ جايبلك حچي اينگط ترافه
عباس ـ نتمنه ابحفلها انتــه العرافه
موزونه وجديده
جايبلك قصـيده

          ـ🌹🌹🌹🌹🌹ـ

مجــــــــــتمعه البلابل بالبساتين ـ
والكل ينشد الها
بخدود الورد قطرت ندى اتعيش ـ
وين ايصح مثلها
اترف حتى من جنــح الفراشات ـ
منفرده ابشكلها
زينب بســمله بقرأن الاحســـاس ـ
حيدر يشهدلها

عباس ـ زينب شمس وتضوي ابسمانه
عباس ـ العنده هيــچ اخت سيد زمانه
يالروحك سعيده
جايبلك قصــيده
         ـ🌹🌹🌹🌹🌹ـ

✍الخادم
كامل السعيدي

مولد السيده زينب ع🌹💐🌷

يازينب ... الله اسمـچ اختاره
يازينب ... انتي اجمل ابشاره
ياهله ابميلادچ
ياهله ابميلادچ

🌷🌷🌷🌷
مـن اجمــل انواع الورد مولاتي اسمچ
وتفاحة الجنه انخلق من عدهه رسمچ
أيفوح مــن خــدچ عطر لو طــه شمچ
ابميـلادچ امــلاك العرش محتفله يمچ

يازينب ... يا ريحـة الجـــنه
يازينب ... بشخصچ تشرفنه
ياهله ابميلادچ
ياهله ابميلادچ
🌷🌷🌷🌷

هليله عيـــد وكل محـب اعلن فرحته
ومعلگ الزيــنه وبديه شـــايل شمعته
بالذر ابو فاضل فرح من صارت اخته
وبوجه ابوه المرتضى بانت ضحــتكه

يازينب ... وجهـچ بزق نوره
يازينب ... والشيعه مسروره
ياهله ابميلادچ
ياهله ابميلادچ
🌷🌷🌷🌷

رب العرش للمرتضى امقدمچ هديه
وخالقلچ اوصاف اشكثر من الزجيه
يالعلمه ابعلمــچ شهد ســــيد البريه
منـــچ ألف مــره ونعــــم يالهاشميه

يازينب ... انتي آيه قدســيه
يازينب ... نقــــــراهه ليلــيه
ياهله ابميلادچ
ياهله ابميلادچ
🌷🌷🌷🌷

الحسن وحسين اشكثر فرحه اغمرتهم
وشكثــر صلو عالنبي ابميــــلاد اختهم
فرحو لمـــن بالحـــره امهـــــم بشرتهم
حتى العقيله اتبسمت مــن شاهـــدتهم

يازينب ... يا شمعة اخـوانچ
يازينب ... عالي اشكر شانچ
ياهله ابميلادچ
ياهله ابميلادچ
🌷🌷🌷🌷

العالم بأسره احتفل والفرحه عمت
ميلادچ ابكل الارض انواره ضـوت
حتى المــلائك نزلت الوالينه هنت
وباب حيـــدر محفل ابهليله سوت

يازينب ... فطرس صفگ جنحه
يازينب ... شـــــاركنه بالفـــرحه
ياهله ابميلادچ
ياهله ابميلادچ
🌷🌷🌷🌷

يا مرحبه ابنورچ يبت وحــي الرسـاله
بأبهه المحاسن صـــورچ رب الجـــلاله
نورج خلق نور الكواكب مــن خـــلاله
والگمر منــچ بالســمه ماخــذ جمـــاله

يازينب ... يا فرحة الزهــره
يازينب ... بأسمج شعر نقره
ياهله ابميلادچ
ياهله ابميلادچ
🌷🌷🌷🌷


✍كامل السعيدي

مولد السيده زينب ع

زينب  مولد الحجاب
زينب   آية الكـــتاب
     ياهلا   ابقدوة النساء
©©©©©©©

مولوده العفيفه ـ الشريفه ـ البهيه
يامحلى رسمها ـ واسمها ـ الوفيه
معروفه ابعلمهه ـ على امهه ـ الزجيه

زينب بسمها اهل الشــعر محتاره
هـــذا الاســم رب العرش مختاره
مولدها للهادي وعلي احله ابشاره
ايســـمونها بت فاطمه الجـــماره

زينب   سـورة الاباء
زينب   دافـع الولاء
  ياهـــلا    ابقدوة النساء
*

ياهيبه ابسترها  ــ ابخدرها ــ وأباهه
چن آيه وتوزع ــ تشعشع ــ ضواهه
بارينه ابحلاته ــ ابصفاته ــ اصطفاهه
انصلي ونسلم عالنبي ابهاليله
وحيـدر علي باقة ورد نهديله
ابميلاد زينب محفل انسويله
والما فرح وي النـــبي ياويله

زينب   ثورة الفــداء
زينب   نصرة السماء
  ياهـــلا      ابقدوة النساء
*

حي الله الاميره ـ النذيره ـ الجليله
معروفه ابكرمها ـ ابعزمها ـ العقيله
والناس اعرفتها ـ ابصفتها ـ الاصيله
طــه بأذنـها أذن أذآن الغـــيره
شاد ابعلمها وهيه طفله زغيره
ياگمرة الزهره المضويه الديره
تبقه ابوصفها اهل العقول ابحيره

زينب  كعــبة الوفاء
زينب  خيمة العطاء
ياهـــلا    ابقدوة النساء
****

جيت بهل مسيه ـ وبـــــديه ـ شمـــــعتي
بحساسي وشعوري ـ وسروري ـ وفرحتي
بت حيدر سمعتي ـ ودمعتي ـ وضحكتي
زينب وطنه المحتمين ابسوره
ثورة شجاعه الكربلاء مضخوره
بحجابهه نزلن حديث وسوره
ابمولدها كل شيعة علي مسروره

زينب   فرحة القلوب
زينب   شمعة الدروب
ياهـــلا     ابقدوة النساء
****

✍الخادم
كامل السعيدي

ولادة الحوراء زينب🌹🌹

همـتنه … حيدريه
جمعتنه… مزهريه
فرحتنه… زينــبيه
         نهديها الفاطمه وعلي
🌷🌷🌷🌷
بالحره احلفچ يالزچــــــيه
اتقبلي من عـدنه الهــــديه
وكلمن حظر هذا حفلنه
سجلي اسمه خادم بالهويه

يالحبكم … بي هدايه
نخدمكم … للنهـــــايه
فرحـتنه … بيهه غايه
          نهديها الفاطمه وعلي
🌷🌷🌷🌷
نبعث تهــاني المنتظــــرنه
ونشــــــارك اوياه ابفرحنه
يالمقتدر عجل ظهــوره
ننتظره بيده ايشل جرحنه

يا منــبر … للسياده
يامصدر … للسعاده
فرحتـنه … بالولاده
        نهديها الفاطمه وعلي
🌷🌷🌷🌷
شمس الهواشــــم نورتنه
ورغم المواجـــع فرحتنه
حـورية الجنه العظيمه
ابليلة ولادتهه اجمعـــتنه

اشمحلاهه… من مسيه
اتســـر طه… والزچــيه
فرحـــــتنه… هاشــميه
           نهديها الفاطمه وعلي
🌷🌷🌷🌷
وبمـــولد الدره المصــــونه
نهـــدي الفرح للمانســــونه
ياربي بس همه الوسيله
وفايه عدهــــم سجلـــونه

احنه الهم … نبقه شيعه
يالحبـــهم … ما نبـــيعه
فرحــــتنه … يعني بيعه
             نهديها الفاطمه وعلي
🌷🌷🌷🌷

✍كامل السعيدي

https://vt.tiktok.com/ZSjN6CUjH/

قصيدة لسيدة معصومه ع…

الراد يمحي اهمومه ـــــ يعتني المعصومه
            اخت الرضا … اخت الرضا
@@@@

ازيارتهه لله اتقربك وتسكي الظمه
والزارهـه زار الزچــــــــــيه فاطمه
ام للكـرم وام للفضـــل والغــــانمه
من موسى ابن جعفر ابوهه معلمه

والشكه ابدمعاته ــــ تگضي كل حاجاته
       اخت الرضا … اخت الرضا
@@@@

هنيــاله كلمن يوصـل الحظــره ويزور
ويستنشق ابشبـــاچهه احلى العطــور
گلب المحب يم بابهه ايحيطه السرور
يزداد فرحــه ابدارهه ويــزداد نـــــور

ترضه عني اتمنه ــــ البيهه عطر الجنه
       اخت الرضا … اخت الراضا
@@@@

كل زايـر ايسـولف شعـوره ولهفته
ابفرحت لقائه اوياهه تنزل دمعـته
اباب الصحن مرفوعه وترف رايته
وبعبرته المعصومه سولف حاجته

ما ترد خطارهه ـــ من يلوذ ابدراهه
      اخت الرضا… اخت الرضا
@@@@

منبــــع علوم ومعرفه وحكـــمه وأباء
كلنه حزن بس يمهه نصبــــح سعداء
وي فاطمه المعصومه هذا اجمل لقاء
انزورهه ونتبـــــرك ونقــــــره الدعاء

امجربه ومعروفه ـــ وبالكرم موصوفه
       اخت الرضا … اخت الرضا
@@@@

دكتورة الشيعه وتشـافي المعتلي
ويطيب كلمن يمهه يصرخ ياعلي
خادمــهم وگلبي ابعشگهم مبتلي
ومن الزغر بخلاصـي الهم معتلي

الله كلشي انطاهه ـــ وبالعلم غــــذاهه
         اخت الرضا … اخت الرضا
@@@@

         الخادم
✍كامل السعيدي

https://youtu.be/fd5GpTpb7VA?si=z99BJSJrz4Zf-HQd

مقدمه للزهراء ع

ظلعچ يم الحسن
نبچيله ابكل زمن
سلاماً سلاماً    سلاماً عالظلع
©©©©©©©©©©©

الگالو اصحاب النبي وطوع الرساله
ابمقتلچ غضـــبو علي ورب الجلاله
والجريمتهم كســـر ظلعــــــچ دلاله
حالــچ ايفت الصـــخر كلشي بچاله
نور الكون انطفه
ياروح المصطفى
سلاماً سلاماً    سلاماً عالظلع
©©©©©©©©©©©

ياسلام الله على المحسن جنينچ
طحتي يالزهره اوگع گدام عينچ
الله يجــــــــبر گلبچ والله يعينچ
امدوهنه وتتصـارخ اگبالچ بنينچ
گلبچ يلهب جمـر
يالخدچ منصـطر
سلاماً سلاماً    سلاماً عالظلع
©©©©©©©©©©©

صاح جبـــرائيل ودمــــــوعه جريه
الله يلعن قاتل الزهــره الزچـــــيه
اللــه واكــــبر ياعظـــم هاي الرزيه
عمره لحظه المحسن وميت خطيه
موهــــين مقتله
هاي اكبر معظله
سلاماً سلاماً    سلاماً عالظلع
©©©©©©©©©©©

شحال گلب الحسن وحسين ابغيابچ
وزينب اليلهب گلبـها ابنــــــار بابـــچ
يالوديعه ايشـــيب الرضــع عـــذابچ
الله يجـــبر كسرچ ويجبر مصــــابچ
الله انطاج الصبر
وتحمـلتي الكسر
سلاماً سلاماً    سلاماً عالظلع
©©©©©©©©©©©

بالروايات الثـــــــــلاثه الفاطمـــــيه
انموت اذا مانحـــــظر اقرايه وعزيه
اي وحق دمعة اعيـــــــونج يالزچيه
ايصير واهس عدنه من نلطم سويه
بالمجلس ننجمع
ونواسـيج ابدمع
سلاماً سلاماً    سلاماً عالظلع
©©©©©©©©©©

الخادم
كامل السعيدي

ذكرى استشهاد الزهراء ع


     عالوعد       والعهد
نحي الليالي الفاطميه جينه
©©©©
ابثوبي الاسود وبدموعي وهذا حالي
احظـــر المجلس اجيت وراسي عالي
والله اعــــــوف الدنيه كلها وما ابالي
اولا اعـــوفن ليله مـــن هاي الليــالي
   عهدي أنه    ابكل سنه
نحي الليالي الفاطميه جينه
©©©©

هالمجــالس هيه عشـي وهيه بيتي
وهالمـــنابر هيه المكبـــرتلي صيتي
خادم الزهـــــراء مكتــوب ابهويتي
وابقـــه انعاهه لحد ســـاعة منيتي
     بمدمعي      والنعي 
نحي الليالي الفاطميه جينه
©©©©

لو قره الناعي وذكــــر كسرت ظلعها
عيــــني من دم يبقه يتفايض دمعها
الزهره ورده اومو شريف ألي گطعها
دين ماعنــــــــــده الضربها والدفعها
   اتحزمت    حشمت
نحي الليالي الفاطميه جينه
©©©©

اهواي عــــدوان الزچيه وقله الاحباب
وگعو منها الجنـــــين ابعصـــرت الباب
ابيا ذنب ضربو متنهه وشنهو الاسباب؟
اليدعون اصــحاب هسه انگلبو اذياب
      بالهظم    والطم
نحي الليالي الفاطميه جينه
©©©©

شكبر بختي وصــرت خادم للزچيه
وربحي بالدنيه الولايه الحيــــدريه
ناجح ابحب الزچيه وخــــذت ميه
حيل ادگ صدري عليها ابهل مسيه
    ابهل ذكر     نستمر
نحي الليالي الفاطميه جينه
©©©©

ريت هاي اليله وي حامي الحميه
انشـــارك ابتشيعها وننصب عزيه
فايز اليحـــــــيي اليالي الفاطميه
ترضه عنه فاطمه وسيد البريه

انضل خدم    بالالــم
نحي الليالي الفاطميه جينه
©©©©
     الخادم
كامل السعيدي

بسك يالفحل. موخدك ذبل. كف عن البچي اشويه
ارحم حالتك. خفف ونتـك. گمــــت اسمعها ليليه
يابويه راسك شاب ---- جرح الفرگه ماطاب
                    ***
سهرانه طـــول اليل عذبني ونينك
والدمعه ياكرار مرسومه اعله عينك
بفراك أمي هل يوم بس الله اليعينك
حتى اكثر امن النوك للزهره حنينك

يا حامي الحمه.  دارك مظلمه.  نور أم الحسن طافي
الغايب مايرد.  ذبلان الورد.  ملينه الحزن كافي
كلبك يحيدر ذاب ----- جرح الفركه ماطاب
                   ****
صوت الزهره ناداك خلف الباب اسمعه
يا حيدر البسمار من اضلوعي طلعه
طاح المحسن ومات مالحكت اودعه
سل فقارك اوكوم عني الشر ادفعه

اتناديك اوتون.  أنه أم الحزن.  ياراعي المدد مدني
ونته اتعذرت.  من عدهه وكلت.  عنج طه كيدني
عذب دليلي الباب ---- جرح الفركه ماطاب
                 *
صبرني بويه اوياك وصبر عالمصيبه
يجرحني صوتك حيل من اسمع نحيبه
گلبك ادري شب نار ما يبرد لهيبه
ودري المحب يحتار لو ودع حبيبه

جم غالي الرحل.  يوم اوداعه حل.  تلسع جمرة امصابه
ليل الوحشه مر. گضيه بالصبر.  وجرع لوعة اغيابه
نور ام الحسن غاب---- جرح الفركه ماطاب
*
ما جاوز العشرين يابويه عمرهه
ميتهه اوياهه ياريت وتحطني ابكترهه
محرومه صار ايام ما اشتم عطرهه
يابويه اخذني اوياك دليني ابگبرهه

خل نگعد سوه - دلالي انچوه - وزادت لوعة اجروحي
هسه اني ابحلم- ماادري ابعلم - فگد الزهره حز روحي
عذب گلبي الامصاب ---- جرح الفرگه ماطاب
****
هون عليه آلام فگد امي الزچيه
باچر وراي امصاب برض الغاظريه
باچر اشوف حسين جثه اعله الوطيه
ولچم گلبك اهواي من اطلع سبيه

باچر بالغرب- بنتك تنظرب - وصحاب الشيم نومه
آه امن الزمن- راواني المحن- من زغري انه ملچومه
دلالي بويه انصاب ---- جرح الفرگه ماطاب
***

     الخادم
كامل السعيدي

#نزال_

فاطـمي فاطـمي للابـد
فاطمي فاطمي عالعهد
****

بالمجالس ـ ابقه عابس ـ وفختــــر خادم عشت
أقرء وخدم ـ ونعه ولطم ـ بالســـواد اتوشـحت
راسي عالي- الهل ليالي- والله كل عمري انذرت

امحـــزم ابهاي المجالس للأبد
ما اعوفنها وحـــق واحـد احد
هالشعائر عندي ألذ إمن الشهد
ألها نذرتني الحنينه امن المهد

ملتــزم ملتـــزم بالوعد
فاطمي فاطمي عالعهد
****
يالزجــيه ـ كلشي بيه ـ ملكچ وعبـدچ صرت
من البدايه ـ وللنهايه ـ ابهل وضيفه اتشرفت
اخدملكم ــ وكتبــلكم ــ صيــت ابـد مادورت

همي بس ترضـين عني ابدنيتي
يالسبب صرتي برفعتي وهيبتي
يالزچــــــــيه انتي ادره ابغايتي
ما ادور شــي مقابل خدمـــــتي

خدمتچ خدمتچ چن شهد
فاطمـي فاطمـي عالعـــهد
****
حبچ آيه ـ وبي هدايه ـ يخـتلف عن كل عشگ
مو حكايه ـ اولاروايه ـ يحمل اخلاص وصدگ
يالوفيـــه ـ ابهل عـــزيه ـ هامه اطبـرلچ وشگ

ســــجلي يم حســــين يمج لهفتي
ولطمتي وعزمي وحسرتي وعبرتي
اركض اعله المجلس آني ودمـعتي
وركضت اطويريج صـارت ركضتي

والگلب والگلب ما برد
فاطمي فاطمي عالعهد
*

هذا دوري ـ ابكل شـــعوري ـ لازم اتهدل وون
يالكسـيره ـ يالنـــــذيره ـ عسعس اليل ابحزن
انتي دمنه ـ وانتي امنه ـ وانتي للخادم وطن

انتي رايـه ارتفعت ابچـف الخــدم
رابــــح اليهـــواچ واللـه وما نـــدم
ابلا مجالس هالخـــدم تصبح عدم
نزحفلها ازحوف موش اعله الجدم

هالقسم هالقسم والصمد
فاطـمي فاطـمي عالعـهد
***

مانعوفچ ـ يالنشوفچ ـ بالسمه اهلال وشمس
من وفائچ - من ابائچ - شيعتج تاخذ درس
فاطميه - هاشميه - حبج اغلى امن النفس

احـــنه مـــن دونچ نضل ابلا هوه
انتي فضـــلچ عالجرح مثل الدوه
انتي آيات الحــــــــمد والقل هوه
ابلا وجودج كلشي يبقه ابلا ضوه

والعشگ والعشگ ماله حد
فاطـــمي فاطـــمي عالعهد
***

     الخادم
كامل السعيدي

لِفاطمه وأبيها
وبعلُها وبنيها
      الله خالقنه خدم…….

الله خالقــــنه خــــــــدم لترابهم
انجعلو انه احباب وحنه حبابهم
يمته نتــــعنه ونقبل اعتـــــابهم
ونخــــدم ونكنس ابعتبت بابهم
هذهِ آمالُنا نَحكيها…. 


الفاطمه احنه اعيونه انبچيهه
وهل مجالس نحضر ونحييهه
والله هل خدمه انتشرف بيهه
وبالدمــــاء وبالنفـس نشـريهه
ولها ارواحنُا نفديها.…..


شرف هاي الشـيعه ربك زادهه
بخدمة الزهره وعلي واولادهه
همه للدنـــيه العمد وســيادهه
وثورة حسين اصبحو قوادهه
ولهُم دمعاتُنا نبكيها..... 


هل مجالس نعمه من رب المله
جعل بيهه اعظم مكانه ومنزله
يوم فاطـــــم بالحزن نستقبله
وبالمجالس والدمـــوع السايله
نَنّصِبُ المأتَمَ كي نُرثيها..... 


يلي تلطم لم حسن ومصابهه
الجنه تفتحلك جميع ابوابهه
وحـق تربت فاطمه ومحرابه
اتفوز باجر بالجــنان احبابهه
ومِنَ الحوضِ غداً تسقيها…... 

✍كامل السعيدي