كُن ذا أثر✨

صباح الخير

وافتح علينا فتوحًا لا حدود لها
يا واسع الفضل والإنعامِ والكرمِ

صباح الخير يا أبطال🌞 خلو اليوم بداية جديدة، امشوا بخطوات صغيرة لكن واثقة، وخليكم دايمًا فاكرين إن كل جهد بسيط بيقربكم خطوة لحلمكم. خليكم أقوياء ومتفائلين، ويومكم مليان إنجازات وسعادة 💪🌟

إنسان بدون أخطاء=إنسان لا يحاول ان يفعل شيئًا .

السلام عليكم ورحمة الله وبركاته
صباح الخير يا شباب

مع كثرة الضغوط وشدتها
يضيق صدرك أحيانا كثيرة
تخور قواك النفسية، والبدنية
يتشتت قلبك في أودية كثيرة
ينتهز الشيطان الفرصة ويزداد هجوما
فيُزين لك ترك الطريق، بحجة أنك لا تصلح

ولكن..
إياك أن تستسلم وتترك الطريق، فليس لك إلا طريق الله..
إياك أن تستسلم وتترك ثغور الإصلاح التي أقامك الله فيها بفضله، فمن يسدها إن تخاذل المصلحون!

نعم تتألم، ولكن تحمل
اصبر، فإن لم تستطع؛ فتصبَّر
ليُصبِّرك الله، ثم يرضيك
واستعن بالله ولا تعجز

فتلك طبيعة الطريق
شاقٌ، محفوفٌ بالمكاره
وخاتمته جنة ونعيم مقيم.

ليس عليك إلا السعى، و قد تأتيك نفحة من توفيق الله تدفعك للأمام بعشرات أضعاف سعيك..

اشتغل بالمتاح،متتمناش وجود شيء عشان تشتغل بيه.. اللي قدامك اعمله، لحد ما ربنا يأذن بتغيير الحال…

لما تصحى من النوم، اعرف إن ربنا أمهلك يوم جديد عشان تتوب وتبدأ من جديد، مش عشان تكمل في المعاصي اللي فاتت. اليوم ده فرصة جديدة، ويمكن تكون الأخيرة.

الأمس كان آخر فرصة لحد غيرك.

فاحمد الله على نعمة يوم جديد.

#أذكار_الصباح

اسمه لا تحزن يا شباب عشان ناس كتير سألتنى عليه

الكتاب دا حرفيًا مبزهقش منه ، دائمًا برجعله بقاله معايا سنين ومخلصتوش ،ممكن كل يوم أقرأ نفس الصفحات عادى، بحس ان كلامه ميتزهقش منه خصوصًا آيات القرآن الكريم اللى فيه اللى بتطبطب على قلبى وتطمنى ..

إنَّ المرء إذا زاد نضجه ووعيه، وكثُر حِلمه وعلمه، انطفأت فيه رغبة الجدال شيئًا فشيئا، وبات أبعد عن الملاسنة والمماتنة، وأقرب إلى التجاهل والتغافل، وأيقن أنَّ وقته أغلى من أن يضيعه في جدلٍ بغير طائل، ومزاجَه أولى من أن يكدِّره للانتصار في موقفٍ عابر.

-د/ مصطفى محمود.

آمنًا في سربه + معافًى في بدنه + عنده قوت يومه = حيزت له الدنيا بحذافيرها.

من كتاب إبدأ بالاهم ولو كان صعبًا .
يومكم جميل 🩶

الحمدلله الذي أذن لنا بيوم جديد
لنعبده ونحمده ونتوب إليه

الجو العام مُحبط أنا عارفة، بس يظل فيه أمل، وأي مشكلة وليها حل، وهفضل أفكرك خليك قد التحدي!

شيء مُحزن بصراحة لما يكون خريج فريش تربية علم نفس أو فلسفة أو ألماني، ويلاقي مرة واحدة كاريره اللي بيتعب علشانه سنين بح
العصر اللي إحنا فيه ده محتاج إنسان عنده مرونة رهيبة للتأقلم على مجالات كتيرة في وقت قصير، سوق العمل بيتحول مع الوقت من صعب لمستحيل، والبقاء للأقوى!

بس كالعادة ربنا مابينساش ولا بيسيب، لكل مجتهد نصيب، ماحدش عالم يمكن المجال اللي اتقفل ده يتفتح مكانه مجال أكبر وأوسع، والله أعلم.

الخبرة بتيجي من المرمطة في الشغل على الأرض، والكفاءة بتيجي لمّا بنغلط كتير و نتعلم من اخطائنا، والنصيحة بتيجي من كتر ما جرّبنا حاجات و نجحنا وفشلنا، والهدوء بييجي من كتر ما دقّت على الراس طبول وصمدنا وكمّلنا، والاصرار بييجي من حواديت اللي سبقونا و تعبوا زيّنا بس كمّلوا و عملوها.

والثقة بتيجي من اليقين بان ربنا موجود وكريم وشايف وعارف ورزّاق والي الله ترجع الأمور.

كمل سعي .. اوعى توقف !!!

مصطفى عادل