TipSaya-تبسايه

شوفوهم ❤️

سوال انترفيوا ..
بنستخدم انهي محلول ف الـ hyponatramia والـHypernatramia ؟
في حالات نقص الصوديوم في الدم Hyponatremia بنختار المحلول بناء على درجة نقص الصوديوم و علي حاله العيان ..
فا لو كان نقص الصوديوم الحاد والشديد قل من 120 ميليمول/لتر وغالبا بيبق في أعراض زي التشنجات أو الغيبوبة. بنستخدم ملح مركز 3% Hypertonic Saline بيتاخد ببطء وبجرعات محددة لتجنب تصحيح الصوديوم بسرعة علشان ميحصلش مضاعفات.

لو كان نقث الصوديوم الخفيف إلى المعتدل ممكن نستخدم محلول الملح العادي 0.9% Normal Saline في حالات نقص الصوديوم الناتج عن فقدان السوائل. وممكن برضوا نظبط الصوديوم عن طريق السوائل الفمويه.

اما بقا في حاله الـ Hypernatramia
ارتفاع نسبة الصوديوم في الدم Hypernatremia بنحدد المحلول بناء علي السبب وحاله المريض ..
لو الـHypernatramia ناتج عن Dehydration
فابنستخدم الملح العادي 0.9% Normal Saline أو محلول رينجر اللاكتات Lactated Ringer's علشان نعوض السوائل المفقودة نعالج الجفاف من غير ما نزود الصوديوم.
لو الـHypernatramia ناتجة عن فقدان الماء بس زي الحمى أو التعرق الزائد بنستخدم سكر الجلوكوز 5% D5W لتعويض الماء المفقود وتقليل تركيز الصوديوم.
ولازم ناخد بالنا من مستوي الصوديوم أثناء العلاج لضمان عدم تصحيح الصوديوم بسرعة مفرطة.
وبسكده ♥️

سوال انترفيو ...
اي هما الـHigh Alert Medications؟
مضادات التخثر Anticoagulants زي الهيبارين والوارفارين.
الأدوية المؤثرة على القلب Cardiac drugs زي الديجوكسين والأدوية المستخدمة في حالات اضطراب النبض ادرينالين او اتروبين.
الأنسولين يُستخدم للتحكم في مستوى السكر في الدم.
الأدوية المخدرة Opioids زي المورفين والفنتانيل.
أدوية العلاج الكيميائي Chemotherapy drugs المستخدمة لعلاج السرطان.
العوامل المهدئة والمخدرة Sedatives and anesthetics زي البروبوفول.
المحاليل عالية التركيز من الإلكتروليتات Concentrated electrolyte solutions زي كلوريد البوتاسيوم.
ولو انت شغال في مستشفي كبيرة فالادويه دي بيكون عليها علامه الخطورة باللون الاحمر.
ولازم الفارخ بتاعها الكلينكل يشوفه.
وبسكده ♥️

🔸 تشخيص مرض السكر
●  سكر صايم  Fasting
اقل من 100   طبيعي
بين 100 و 125  معرض للسكر
اكتر من 126  مريض سكر
● سكر فاطر postprandial
اقل من 140  طبيعي
بين 140 الي 200  معرض للسكر
اكثر من 200  مريض سكر
● سكر تراكمي HB A1C
اقل من 5.7  طبيعي
بين 5.7 الي 6.4   معرض للسكر
اعلي من 6.4  مريض سكر

هيحصل ايه لو عملنا الجلسات بمحلول الجلوكوز !
هيزود المياة داخل الرئة و يعمل Pulmonary edema
طيب ليه بنستخدم محلول الملح ؟؟
عشان الملح بيدوب ال Secretion و يخليها تخرج و بالتالى تاخد نفسك بصورة طبيعية.
وبسكده ♥️

الـ Atrovent و Pulmicort و Farcolin
ادوية مشهورين في توسيع الشعب الهوائية بنستخدمهم في عمل جلسات النيبولايزر ولو شغال حكومه بـ سنتر الاوكسيجن او الفيلومتر عادي ..
كلهم بنستخدمهم في حالات الـ (bronchial asthma) الربو القصبي علشان بيعمل (bronchial dilatation) توسع الشعب الهوائية.
الـ Atrovent اتروفنت ..
من ادوية (anticholinergic drug) مضادات الكولين ومش بيسبب زيادة في ضربات القلب وعشان كده هو امن اكتر من الفاركولين
ولازم ثبت الماسك علي العيان كويس وخلي بالك بلاش البخار يدخل في عين العيان عشان بيعمل (blurred vision) تشوه في الرؤية وبيأثر علي العين.
الـ Pulmicort بلمكورت ..
خلي بالك منه عشان حساس للضوء وبيترج قبل التحضير ومينفعش يتركن اكتر من ربع ساعة وهو مفتوح
وبيمنع حدوث (inflammatory) اللتهابات وبالتالي بيقلل عدد مرات حدوث الـ ( asthma)
الـ Farcolin فاركولين ..
يفضل عدم استخدامه مع مرضي القلب عشان بيزود ضربات القلب و بيعمل رعشة مع بعض الناس.
وبسكده ♥️

🔬 مع بداية الموسم وتغيير الجو، كلنا بنبقى عرضة لدور البرد اللي ممكن يعطلنا عن شغلنا وحياتنا اليومية. علشان كده، فريق 2A بيقدملكم سيشن مميز ومجاني عن كيفية الوقاية من دور البرد.

🎓 السيشن هيقدمه د. أحمد النقراشي ، وهيشاركنا بأهم النصائح والإرشادات اللي هتساعدك تحافظ على صحتك وتبقى في أفضل حال.💥 اهزم البرد قبل ما يهزمك!📅

التاريخ: [ 5/9/2024]
🕒 الوقت: [9pm ]
💻 المكان: أونلاين عبر [تليجرام]

💡 أهم المحاور اللي هنتكلم عنها:

إزاي تقوي مناعتك
أهم العادات اللي لازم تتبعها
التعامل مع الأعراض الأولية لدور البرد

📍 السيشن ده مجانًا تمامًا! متفوتش الفرصة دي واستعد لموسم الشتاء بأفضل طريقة!

للاشتراك انضم لجروب الواتس

https://chat.whatsapp.com/EJ0OxftKv334k0Dt65f8AU

نسبة الكالسيوم الطبيعه في الدم 8.5mg-10.5mg%
1- لو ارتفعت النسبة اكثر من 11mg
تبدأ ظهور الاعراض (Nausia - vomiting - abdominal pain )
2- لو ارتفعت النسبة اكثر من 13mg
يبدا المريض الدخول في مراحل تضرر الكلى renal) impairment)
3- لو ارتفعت النسبة اكثر من 14mg
يبدأ المريض في الدخول في مرحلة الطوارئ ( Hypercalcaemic crisis )
غيبوبة وسكتة قلبية( coma - cardiac arrest )
وبسكده ♥️

أي عيان جاي الاستقبال عرقان جامد، لازم تعمله حاجتين:
١) رسم قلب ECG :
To exclude MI

٢) تقيس السكر:
To exclude Hypoglycemia
وبسكده ♥️

بعض ادويه العناية المركزة واشهر استخدماتهم :
📌الفولتارين مسكن ومش بيتاخد إلا IM واوعي تديه لمرضى الربو.
📌الادرينالين بيستخدم توقف النزيف من الجروح ويستخدم كمان لانعاش ضربات القلب.
📌النورادريناين بيعلي الضغط الشريان الرئوي.
📌اللازكس بينزل الميااه اللي في الجسم للناس اللي عندها odema وبيستخدم في حالات الضغط العالي يعني diuretics وفي منه 20 و40.
📌زانتاك يستخدم لمرضى قرحة المعده والاثنى عشر وكمان بيقلل حموضه المعده.
📌أمينوفللين bronchial dialtor موسع للشعب الهوائيه.
📌أفيل بيستخدم في حالات allargy يعني حساسيه من اي علاج.
📌ديكسا ويستخدم لو في اي Reaction من علاج وكمان في جلسات الأكسجين للكبار وللااطفال في علاج الالتهاب الشعبي وهو اصلا كورتيزون يعني هو موسع شعب هوائيه وللحساسيه.
📌كابوتين للضغط المرتفع.
📌ترايديل hypertension في حالات أنه الصوديوم CHO3 دا بيكارب يعني بيظبط الحموضه.
📌كابرون ودايسنون وكوناكيون وفيتامين k كل ده للنزيف
📌الـVitamin K بنديه للاطفال قبل م تتولد علشان يوقف النزيف.
📌سوليو كوريتف في Allargy بنعطيه في حالات اللي بياخدو صفأئح او دم وفي حالات العلاج الشديد اوي ننلجا ليه بعد مندي افيل وديكسا ومعملوش اي حاجه.
📌دانيترا في حالات Angina pectoris لأنه بيزود كميه الدم للقلب وبيوسع الشرايين.
📌سوما زينا ‎بيستخدم في حالات stroke بيحسن تدفق الدم للمخ
📌 سيبرولايسن منشط للمخ
📌ميداثيتك نيوريل او ميدازولام بنستخدمو في في حالات الفينت اللي عايزنهم ينامو وميصحوش خالص مخدر يعني او في حالات الشنجات بديل « الدورمكيم »
📌ديبريفان منوم بنستخدمه لحالات الفينت ال عايزينهم يناموا.
📌كلكسان في منه تركيزات 20 و40 و 60 و80 مضاد للتجلط.
📌بلافكس مضاد للتجلط.
📌ايبانوتين مهدىء يستخدم ف حالات الـfets
📌ميرونام وتينام anti biotic قوى
📌الـanti histamine زي ديكسا وافيل وسولوكورتيف ودول مضاد للحساسية.
بسكده ♥️

مساعدتك لحد فى نفس مجالك وسكتك عمرها ما هتقلل من رزقك اللى مكتوبلك هتاخده بسعيك واجتهادك وكرم ربنا لو حتى كنت فى اول الدنيا ونصيبك فى اخرها هتاخده برضه ربنا كريم .. 🤍

أمبولات النور أدرينالين او الـ Levo مينفعش اديها والدورة الدمويه تكون نازلة يعني الـCVP قليل خالص (اقل من7)

أمتي العيان يغسل كلي ؟
لو كان عنده حاجة من 3
رقم 1- serum Creatinine
يكون أكثر من 8mg في الشخص العادي أو أكثر من 6mg في مريض السكر.
رقم 2- GFR (Glomerular Filtration Rate)
يكون أقل من 10ml/min في الشخص العادي أو أقل من 15ml/min في مريض السكر
رقم 3- Blood Urea
وهذا يكون أكثر من 200mg/dl

طب اي أنواع الغسيل الكلوي ؟
النوع الأول غسيل دموي أسمه haemodialysis
وهذا بيكون 3 جلسات أسبوعياً مدة كل جلسة 3-4 ساعات
أما النوع الثاني أسمه غسيل بريتوني peritoneal dialysis وبيكون 3 جلسات أسبوعياً مدة كل جلسة 12 ساعة طوال الليل او يتم تغيير سائل التنقية يدويًّا بين ثلاث وأربع مرات في اليوم. ويستغرق تغييره في كل مرة بين 30 و40 دقيقة تقريبًا، ويبقى داخل منطقة البطن لمدة تتراوح بين أربع وست ساعات.
وبسكده ♥️

لو شغال طؤاري .. مينفعش تخلط امبول Buscopan مع امبول Voltaren
هيترسب في خلايا العضلة اللي هتحقن فيها الامبول ومش هيتحرك من مكانه.
ممكن تستخدم امبول Spasmofen وفيها هيوسين وكيتوبروفين يعني هتقوم بنفس دور الامبولين اللي انت كنت هتخلطهم ع بعض.
وبسكدة ❤️

ما نعرفه حتي الان عن MPOX او جدري القرود
وما هو مطلوب منا اننا نعمله...
-لا حاجه لاستخدام مضادات الفيرس المتاحه ف السوق لانها مش هتجيب نتيجه
لكن لو اشتبهت ف مريض ابدأ ع طول ف اعطاءه سوايل وخليه يرتاح خالص ومفيش مشكله من اعطاء محاليل وخوافض حراره...

- الدور هيبدأ كأنه دور برد عنيف مع تكسير ف العظام
لكن ال Rash او الظهور ع الجلد هيكون بعد ال pro droma

-ف الصور شكل ال rash ومراحل تطورها وكمان ممكن تظهر ف ال tonsil فخد بالك لو تفحصها

-ياريت نلبس جوانتيات ف فحصنا لكل المرضي حتي لو مفيش عندهم اعراض لان فتره الحضانه قد تصل الي شهر والمرض ممكن ينتقل عن طريق التلامس والسوايل بتاع الجسم...

-ان شاء الله متبقاش الاصابات كتير لان لقاح ال small pox اللي بنتطعم بيه فعال برضه ضد ال Mpox
لكن فيه حتي الان اربع تطعيمات جاهزه تحت ايدينا ف اربع دول...
امريكا وكندا واليابان وروسيا
لكن العدد محدود جدا جدا جدا....

اخيرا.... العنايه بال rash هي اهم خطوه ف العلاج.... لذلك ياريت ان شاء الله المطهرات الموضعيه تكون موجوده بوفره عشان لو لا سمح الله العالم احتاجها
حفظ الله الوطن وأهله

ليه مش بيفضل إستخدام أدوية الكورتيزون (Dexamethasone) لفترات طويلة ؟
تسبب تثبيط للجهاز المناعي مما يجعل الجسم عرضة للإصابة بأمراض أخرى تسبب احتباس للسؤال داخل الجسم مما يرفع ضغط الدم والإصابة بمرض الوجه القمري
تسبب هشاشة في العظام
الكورتيزون عباره عن هرمون يفرز في الجسم طبيعيا من الغده الكظرية وعند استخدامه على شكل دواء نقوم بايقاف إفرازه من الغده.

pdf هدية للي هيجاوب 🥰

الـStreptokinase
طريقه اعطاءه ؟
وبيتاخد امتي ؟
وبيتحل علي ملح ولا جلكوز ؟
واي اشهر الـcomplicatiom بتاعته ؟

"فرصة ماتتكررّش! 🌟 فريق 2A بالتعاون مع مركز الأجيال للتدريب المهني بيقدّم لك كورس إسعافات أولية *مجاني* بالكامل! 🩺👨‍⚕️ الدورة دي هتخليك جاهز لأي موقف طارئ وتعلّمك إزاي تنقذ حياة الناس بمهارات بسيطة لكنها فعّالة. متخليش الفرصة دي تفوتك وسجل دلوقتي!

عناصر الدورة:
1. الإنعاش القلبي الرئوي (CPR): إزاي تتعامل بسرعة وفعالية مع حالات توقف القلب المفاجئ.
2. التعامل مع حالات الاختناق: الخطوات اللازمة لإنقاذ شخص يعاني من انسداد مجرى الهواء.
3. إسعاف حالات النزيف الشديد: إزاي توقف النزيف بطريقة صحيحة وتمنع فقدان المزيد من الدم.
4. الإسعافات الأولية للكسور والجروح: التعامل الآمن مع الكسور وتضميد الجروح لتقليل المضاعفات.
5. التنفس الاصطناعي: إزاي تساعد شخص ما على التنفس في حالات الطوارئ.
6. التعامل مع الحروق: كيفية إسعاف الحروق بدرجاتها المختلفة.
7. إسعاف حالات السكتة الدماغية: التعرف على أعراض السكتة الدماغية وكيفية تقديم الإسعاف الأولي.
8. إسعاف التشنجات والصرع: إزاي تتصرف في حالة حدوث نوبة صرع أو تشنجات.
9. التعامل مع حالات التسمم: الإسعافات الأولية الضرورية عند تعرض شخص للتسمم.
10. إسعاف إصابات العمود الفقري: كيفية التعامل بحذر مع إصابات الظهر والرقبة لتجنب تفاقم الحالة.
11. إعطاء الحقن بأمان: تعليمات وإرشادات حول كيفية إعطاء الحقن بطريقة صحيحة وآمنة.

🎓 الموعد والمكان: هيتم الإعلان عنهم قريبًا.
📞 للاستفسار والتسجيل: انضم للجروب https://chat.whatsapp.com/EJ0OxftKv334k0Dt65f8AU

دي فرصتك إنك تكون جاهز لمواجهة أي طارئ وتحمي اللي حواليك! سجل الآن وابدأ رحلتك في تعلم مهارات إنقاذ الحياة."

الدوره فى محافظه سوهاج