ماتی

وا عەجەب دڵ بێ قەرارم ، تۆ لەکوێی؟
نەوعی مەجنوون دەردەدارم ، تۆ لەکوێی؟

گەر نەکەی زامم بەچاوت مەرهەمێ
حاڵ پەشێو و نالەبارم ، تۆ لەکوێی؟

تا بپۆشێ ڕۆژی ڕووت زوڵفی سیا
کوێری ڕێی شەوگاری تارم ، تۆ لەکوێی؟

زوڵفەکەت لادا سەبا ، ڕووت دەرکەوێ
دێمە سووتان غەرقی نارم ، تۆ لەکوێی؟

نیمە چاو و چاو لەڕێتم دائیما
بۆکراست ئینتیزارم ، تۆ لەکوێی؟

گەر لە ئەمر و تاعەتت لامدا دەمێ
تا قیامەت تۆبەکارم ، تۆ لەکوێی؟

وەرگرە (ماتی) غەڵامی خۆتە هەر
ئەی کە دایم ئاگادارم ، تۆ لەکوێی؟


ماتی

سوڵتان حوسەینی دەستگیری دەروێش
شێخی پێنجوێنی شاهی خەڵوەکێش

دڵت پەیوەستە بە یادی خواوە
دەستت هاوە دەست ڕەسولەڵڵاوە


ماتی


کاک ئیسماعیل مەریوانیی

زۆر تایبەت

بە ئەو ئاورەی لەسینەم هەڵکراوە
لە ئاگردانی خۆم ، بابێ #بەراتم

لەدەستی نەفسی پڕ نەقسی لەدەستچووم
دە با لات بێ عەریزەی پڕ شکاتم

کە دەستت بەرئەدەی لێم خۆم ئەبینم
وەکو ڕەشماڵی بەر بای پڕ نەهاتم

ئەبێ تەقلیدی خەندەی تۆ بکەم هەر
ئەزانم چونکە پێت ناخۆشە ماتم

کوڕی لاساری تۆیە (ماتی) بۆیە
ئومێدی وایە لوتفت بێ خەڵاتم

ماتی

بای شەماڵ هێنای بەسەرما بۆنی خۆشی مووی دۆست
دڵ بەجــارێ هاتە جـــۆش و کەوتە یادی ڕووی
دۆست

ماتی


دەنگ : کاک ئیسماعیل مەریوانیی

دەسا ئەی ساقی چاو مەستم وەکو جارانی زوو هەستە
حیجابی زوڵفی پڕ چینت لەسەر ڕوخساری خۆ لادە

وەکو ئاوێ بەسەر کورەی زەڕەنگەردا بکەی وایە
بە ناز و لوتفی جارانت کە جارێ بێیە سەر وادە

لەژێر باری خەمی عیشقت دڵی لاواز نەما سەبری
کپ و بێدەنگ و مەحزوونە ، غەمی کەی بەس بەسەردا دە

لەگەڵ یەک نایەنە مەیدان شەڕی عیشق کەی دەبێ وابێ؟
دڵی داماوی دڵدار و دەسی ئەو زوڵفە جەللادە

کە (ماتی) مەست و سەرگەرمە یەکێ هاتۆتە نێو خەونی
سەراپا شوعلەیی نوورە و بەدەن وەک ئادەمیزادە


ماتی

مەقام : کاک میهران سنەیی

دەنگی گریان پێناسەی نییە...

ئەی ڕۆحی ئەتۆ نووری ئەدا مەوج وەکو دەریا
ئەی دڵ مەبە غایب ، کە تۆ موحتاجی لە (دەر)یا

بۆ حەرفی نیدا بۆ ئەگەڕێی بۆ مەدەدی ئەو
لوتفی هەموو دەم حازرە گەر (وا) یە ئەگەر (یا)

منداڵە دڵم ، گریە ئەکا ڕووی تۆ نەبینێ
جارێک بەسە گەر دەستی بەناز بێنی بە سەریا

غەیری نەزەری چاوی بەتینت دڵی عاشق
تاریکە دەروونی نییە بینا لە نەزەریا

ڕەنجانی نییە و شاکیــرە دایم لە حزوورت
گەرچی غەم و ڕەنجت گەلێ هێناوە بە سەریا

داناکەنرێ عەینی کفن ، تاکو قیامەت
ئەم مەلبەسی هیجرانە کە کردووتە بە بەریا

دەستت کە بدا قووەت و ڕووکاتە دڵی من
دڵ دێتە کوڵ و لەحزەیە خۆی ناگرێ لەبەریا

ئەی شاهی شرین شێوە لەدنیا نییە وەک تۆ
(ماتی) بە دووچاو نەیدی ، بە دڵ هەرچەنە گەڕیا

ماتی

یادێک لە مەرحووم شێخ موعەزەزی ڕەحمەتیی


مەرهەمی زامی دڵان و لابەری ژان بووی عەزیز
هەم پەناگە و جێگەڕازی دڵشکاوان بووی عەزیز

هەرکەسێ تۆی کرد بەیاری سەرفرازی ئاخیرە
چونکە مەحبوبی ڕەسول و زاتی سُبحان بووی عەزیز

هەڵوەدای نووری حەقیقەت ، پیری دەسگیری نەجات
بۆ دڵی بێ نووری دەروێش ماهی تابان بووی عەزیز

هیممەتی تۆ بوو نەجاتی زۆری دا وەختی خەتەر
من بەفیدای غیرەتت بم ، شێری مەیدان بووی عەزیز

دوور لەتۆ کێ بێ بکا دەسگیری ڕێگەی چاڵ و چەوت؟
تۆ عەسای دەستی مورید و نووری چاوان بووی عەزیز

حاڵ پەشێو و دەردەدارن جەمعی دەروێشان لەدووت
بۆ دڵی پڕ دەرد و مەینەت چونکە دەرمان بووی عەزیز

ژینی بێ تۆیی لەگەڵ مەرگا یەکە و فەرقی نییە
سەیرە تۆ چووی و نەمردم چون دڵ وگیان بووی عەزیز


ماتی


٢٦.٨.٢٠١٧

لەڕێی عیشقا ئەوەی مەردە ئەمێستا شێت و شەیدایە
کە ڕازیین بەو هەموو دەردە عەجەب سڕڕێکی تێدایە

ئەگەر مەستی مەی و بادەی ئەبێ دڵ بێنی سەر بادەی
لەڕێی هوشیاری زوو لادەی هەتا هۆشت لەسەردایە

ئەبێ دانێی سەری تەقدیر لەڕێی ئەمر و ئیتاعەی #پیر
هەتا هیممەت بکا دەسگیر ، کە خۆی چاوساغی ڕێگایە

لە حاڵی شەمع و پەروانە کەمێ تێفکرە بیزانە
لە ئەم ئاگر لەئەو گیانە ، ئەسووتێ و دەنگی لێ نایە

بەقانوونی ئەوینداریی لەناو زیندانی دڵداریی
بەسەربا شەو بەبێداریی ، کەسێ تەوقی لەملدایە

،

بەدەستی پیری مەیخانە ئەگەر نۆشیوتە یەک بادە
هەتا ئاخر نەفەس ڕۆحت لەسەر لێو دانێ سەر بادە

یەکێ مەشغووڵی ئەسرار و یەکێ مەستی نیگاهی یار
لەنێو مەجلیسی مەستانا کە ناڵە و شین و فەریادە

یەکێ گەر تێ نەگا یاران خەتای مەگرن کە ئەهلی دڵ
بە باتین شاهـ و سوڵتانن بەزاهیر وەک گەدا سادە

ماتی


مەقام : کاک هەڵگورد

ئیزنی تۆ بوو بێمە نێو مەیدانی عیـــشق و ڕێ درام
ڕۆژ و شەو تاکو لە دەوری تۆ بسووڕێم ئەی چرام

چون لەبەرچاوم نەماوی مردنم لا خۆشترە
دەرگەتان گەر داخرێ لێم بێکەس و تاک و تەرام

تابمێنم هەر لەسەر عەهدی قەدیمم چاوەکەم
گەر بەقەد موویێ لەعیشقت لابدەم زۆر بێ وەفام

بەڵکو جارێ تر نسیبم بێ تەوافی کوڵمەکەت
بمسوتێنی ، جا بە ناز بانگم بفەرمووی : ئەی فەنام

گەر شکایەت کا لەدەردی عیشقی تۆ ، دڵ  دەر ئەکەم
گەرچی هەر ئەتلێمەوە و بەینێکە پێوەی موبتەلام

سەربەسەر باخی بەهارم کرد تەماشا گوڵ بەگوڵ
ئەی گوڵی چوار وەرزە! وەک تۆ گەش نەبوو  هەرچەن گەڕام

دڵ ئەڵێ : بۆ حوببی تۆیە ئاگرم تــــیا هەڵبـووە
سەر ئەڵێ : بۆ شەوقی تۆیە گەر هەزار جار بادرام

وەک نەفـــــــامێ وێڵ و نابینا لە ژینا بووم منیش
تیری چاوت بەر دڵم کەوت فەزڵی خوا بوو پێکرام

سینە پڕ غەوغا و سەدای ئەغیار و حوببی بێ بەها
لوتفی تۆ بوو دەستی قودرەت گرتمی و سەر ڕێ خرام

دەرگەتان دەرگاهـی شاهە و کەس لەوێ بێکەس نییە
ئەی دەسی وەختی زەرووریی بۆ نەجاتیی خاس و عام

مەجلیست گەرمە لەسایەی شەوق و نووری ڕووتەوە
دائەبارێنن مەلائیک ، ڕەحمەت و فەیز و سەلام

ئیزنی خۆتە هەرکەسێ بێ بەش نەکەی لەو ڕەحمەتە
یەک بەچاو و یەک بەدەست و یەک بەئەحواڵ و کەلام

زۆر و کەم و لوتفت بەرابەر بەندەیی خۆت هەر بووە
فەخرە بۆ(ماتی)قەبووڵی گەر بفەرمووی وەک غوڵام

ماتی

شیعری شێخی بەهایی
وەرگێڕانی : ماتی

تاکەی بەتەمەننایی ئەتۆ تاکی یەکانە
بڕژێ لە دیەمدا هەموو ئەم ئەشکە ڕەوانە؟
پایانی ئەبێ ئەم غەمی هیجرانە وە یا نە؟
ئەی تیری غەمت بۆ دڵی عوششاقە نیشانە
جەمعێ بە تۆ مەشغووڵ و ئەتۆ غەیبی لەمانە

ڕۆیم بە دەری صەومیعەدا ، عابید و زاهید..
بینیم لە حزوورت هەمویان ڕاکیع و ساجید
بۆ مەیکەدە ڕاهیــبم و بۆ سەومیعە عابید
گاهێ کە لە دەیرام و گەهێ ساکینی مەسجید
یەعنی ئەگەڕێم ، وێڵی ئەتۆم خانە بە خـــانە

ڕۆژێ کە حەریفان هەمویان چوونە سەری کار
زاهید چوە مزگەوت و ئەمن هاودەمی خوممار
من یارم ئەوێ ئەو چووە بۆ جیلوەگەهی یار
حاجی چووە بۆ کەعبە و من تاڵبی دیدار
ئەو خانی خودای مەتڵەبە من خاوەنی خانە

هەر دەرگەیە چووم ساحەبی ئەو خانە ئەتۆی هەر
هەر جێیە بڕۆم پرتەوی کاشانە ئەتۆی هەر
گەر دەیرە ، ئەگەر مەیکەدە ، جانانە ئەتۆی هەر
مەقسوودی حەرەم ، کەعبە و بتخانە ئەتۆی هەر
هەر تۆ هەدەفی کەعبە و بتخانە بەهانە

بولبول لەچەمەن دا گوڵ و ڕوخساری نیشان بوو
پەروانە لە گڕدا ، هەموو ئەسراری عەیان بوو
تۆی دیوە کە غەرقی نەزەری پیر و جەوان بوو
یەعنی کە نیشانەت لەهەموو جێیە بەیان بوو
دێوانە منم من ، کە ئەڕۆم خانە بە خانە

عاقڵ بە حەکیمیی ئەبڕێ ڕاهی ویساڵت
دێوانە بەبێ عادەتیی وا بۆتە عەواڵت
تا غونچە بدا بۆن و بپشکوێ بە کەماڵت
هەرکەس بە زمانحاڵی ئەکا حەمدی جەماڵت
بولبول بە غەزەلخوانیی و قومری بە تەرانە

لە نێو عەشقت سوتام ، ئەی گیان لە کوێی تۆ؟
کە ماوم بێ سەر و سامان لە کوێی تۆ؟

نە گیانیت و نە غەیری گیان شتێ تر
لە ناو و دەر لە غەیری گیان لە کوێی تۆ؟

بە پەیدایی لە پەنهانا بمێنە
چەنێ پەیدا ، چەنێ پەنهان لە کوێی تۆ؟

هەزار دەردم هەیە ، جانا بە بێ تۆ
نییە بۆ دەردی من دەرمان ، لە کوێی تۆ؟

کەسێ حەیرانی تۆ بێ ، دەستی ئەگری
لە پێ کەوتم ، نەمام ، حەیران لەکوێی تۆ؟

لە تاو عیشقت لە خوێنا غەرقە گیانم
نەما کوفرم ، نەما ئیمان لەکوێی تۆ؟

وەرە تا لەم غەما شێوەم ببینی
چەماوم وەک خەمی گۆچان ، لەکوێی تۆ؟

لە تاوی تەڵعەتی ڕووی ئافتابت
منم وەک زەڕڕە سەرگەردان ، لەکوێی تۆ؟

لە ئاوی چاوەکانم غەرقە کەشتی
نەزانم تا لە نێو تۆفان لەکوێی تۆ

(عەتار) بێ تۆ ، چەنێ دڵتەنگە ئەی دۆست
جهانی لێ بووە زیندان ، لەکوێی تۆ؟


حەزرەتی عەتتاری نەیشاپووریی

غەزەلیات ، ژمارە ٨٤٣

وەرگێڕانی : ماتی

پێنجخشتەکیی ماتی ـ بێخود

لەسینەمدا دڵم مەستانە ئەگری
کپ و بێدەنگ چ بەستەزمانە ئەگری
بەداوێ سەد دڵی دێوانە ئەگری
(دڵم بۆ زوڵف و ڕووی جانانە ئەگری
مناڵەو بۆ گوڵ و ڕێــحانە ئەگری)

یەکێ گەر لەززەتی سووتان بچێژێ
ئیتر فکری بەهەشت و باخ ئەنێژێ
دڵم سووتا و سکووتی کرد ، چ بێژێ
(چرا ئیمشەو کەوا فرمێسک ئەڕێژێ
ئەڵێی هەر بۆ منی پەروانە ئەگری)

بەهەر لادا ئەڕۆم و دێم ، گەڕیدەم
سەر و سامان نەزر بێ بۆت کە بیدەم
مەلی گیانت ئەوێ گەر ، با بەریدەم
(ئەکا شاباشی کێ دەریایی دیـــدەم
کە چەشنی گەوهەری یەکدانە ئەگری؟)

لەگەڵ بەعزێ بەتین و گەرمی وەک خۆر
لەگەڵ مندا نەما لوتفت کەم و زۆر
بەڕووزەردیی لەسەر ئەژنۆ سەرم شۆڕ
(چییە پیری دڵ ئیمشەو وەک عەرەق خۆر
لە کونجی تەکییە بۆ مەیخانە ئەگری)

بەیادی تۆ بەشەو بێدارە تا ڕۆژ
غەم و دەردی گرانی ، یارە تا ڕۆژ
بە وەڵڵاهی لەخۆی بێزارە تا ڕۆژ
(شەوێ بێ زوڵفی ئەو مەهپارە تا ڕۆژ
دڵم بۆ سینە چاکی شانە ئەگری)

ئەگەر یارم لە باخا چاو هەڵێنێ
بەهەشتی ئیرەم و گوڵزاری دێنێ
بەبێ تۆ وەحشەتە و یاڕەب نەمێنێ
(غەزاڵی من ئەگەر ساتێ نەبینێ
بیابان قوڕ ئەپێوێ ، لانە ئەگری)

ئیتر وادەی نیازە و تۆش عەتاکەی
سەری شووشەی شەراب وا چاکە بادەی
لە جامی من ئەوەڵ تێکەی پەیاپەی
(کەوان ئەبرۆ، بەتیغی غەمزە تاکەی
لە جەرگم بێ گوناهـ نیشانە ئەگری؟!)

دڵم مورغە و ئەسیری داوی تۆ بێ
غەزالی من نیشانەی ڕاوی تۆ بێ
سەرم ناوێ ، بە فیدای ناوی تۆ بێ
(لە بەزمێکا کە ساقی چاوی تۆ بێ
مەی ئەڕژێ، دڵ ئەچێ ، پەیمانە ئەگری)

دڵم مەستی خەیاڵی تۆیە ، بۆیە
بە هەر لادا خەریکی هاتوچۆیە
بەڵێ کوشتەی نیگای چاو و برۆیە
(بەیادی نەو بەهاری ڕووی تۆیە
کە چاوم هەوری زستانانە ئەگری)

نزا و ناڵەت ئەگەر ناگاتە بەر گوێی
ئەبێ گەردن کەچانە بەرنەدەی ڕێی
بەڕۆح تا پێ بگەی ، تا تێ بگەی لێی!
(برا تا نەبییە تۆز و گەردی بەر پێی
بە زەحمەت چاکی ئەو دامانە ئەگری)

بەفیڕۆ تا نەچی (ماتی) بە بێ هوود
ئەگەر هی تۆیە موڵک و تەختی نەمروود
ئەگەر یارت نەبێ ، بۆچییتە ، چی سوود؟
(لە دڵتا گەنجی یادی کێیە بێخوود)
کە ئیمشەو نۆبەتی وێرانە ئەگری)

سوڵتان حوسەینی  دەسگیری دەروێش
شێخی پێنجوێنی شاهی خەڵوەکێش
دڵت پەیوەستە بە یادی خواوە
دەستت هاوە دەست ڕەسولەڵڵاوە
تەکیە بە نووری تۆ ئاوەدانە
سایەی هیممەتت هەر لە سەرمانە
لەهەردوو دونیا ڕووسوری لای خوای
تۆ وەک کێوی طوور جێگەی تەجەللای
تۆ یەکەم دەرگای ڕێگای موریدی
لەم بازاڕەدا خاوەن تەجدیدی
دەروێشە ڕووتبەت بێ پێگە و ناوی
بۆ ڕووناکیی ڕێ وەک خۆرەتاوی
ڕەنجاوی دنیای عەینی زیندانی
شارەزای فێڵی نەفس و شەیتانی
ئوستادی ڕێگەی خوداناسیی بووی
بەحرە تەریقەت تۆ غەواسی بووی
ڕۆڵەی خاکنشین بابی طاهیری
خاوەن تەئسیری مەعنا و ظاهیری
بە یادی تۆوە ماوین بەپێوە
بێ تۆ دەروێشیی ناچێ بەڕێوە
لە دڵ هەڵقوڵا هاتە سەر زمان
ئەڵڵا ئەڵڵاکەت دەرد ئەکا دەرمان
ڕێگەت پڕ حاڵ و ڕوتبەی مەعنەوی
ئازا ئەو کەسەی بــــکا پەیڕەوی
قوربان ڕووی دڵمان کردە دەرگای تۆ
بە هیوای لوتفی دەستی ڕەجای تۆ


ماتی

شێخی حاڵزانم پیری خاکنشیــن
ئەی دەرگای فەیزی ئاسمان و زەمین
پڕبوو لە دەنگی تەپڵەکەت ئاسمان
گەشتە گوێی ئەهلی عێراق و ئێران
موبارەک ئەبێ جێ پێی پیرۆزت
بەتینی گەرمی دڵی پڕ سۆزت
لە دین و دنیا پیر و دەسگیری
ساحێب هیمەتی یەعنی ئەمیری
فریادڕەسەکەی ڕێگەی باریکی
ماهی تابانی شەوی تاریکی
گەر لاکاتەوە شێخ کاکە حەمە
لە دارەی دنیا ئیتر چیم کەمە؟!

ماتی

ڕووم کردە حزوور حەزرەت شا قادر
دڵم وەک تەنوور پڕ بوو لە ئاگر
شاسواری دەشتی (فنا في اللە)ی تۆ
بە ڕۆژ و بەشەو لە حزووردای تۆ
ڕۆحت سووتاوی نووری ئیمان بوو
هەنگاو هەڵنانت ئەمری قورئان بوو
پیری موهاجیر غەوسی سانی بووی
دەروێش دەردەدار ، تۆ دەرمانی بووی
خۆڵی بەردەرگای مەزاری ئێوە
نووری بینایی دەروێشی پێوە
بۆیە کربچنە خۆش و دڵگیــرە
مەسکەن و مەئوای شای موهاجیـــرە

ماتی

یادت هەر ماوە پیرەکەی پیــران
بابە شێخ کەریم شاهی کەسنەزان
بە ڕیازەت و بە خەڵوەکێشان
بووی بە ڕووناکیی ڕێگەی دەروێشان
قوربانی حاڵی ئێوارانت بم
فیدای جێ خەڵوەی کەس نەزانت بم
ساحێب هەیبەت و قووەت و شانی
بێ شک جێگەدار غەوسی گەیلانی
هەرکەسێ موحتاج هاتە بەر دەرگات
لەسایەی تۆوە گەیشت بە ئاوات
لە حاڵی خەوفا هەر تۆم پەناهی
من گەدای بێــناز  مەعلووم تۆ شاهی

ماتی

ئارەزووی دیداری جانان ، داویەتی پێم گیانی من
بێ لە ئەو ، ناچێتە سەر ژینی لەتاو هیجرانی من

سەروی من غەرقە لەخوێنی جەرگما ، ترسم نییە
بێ خەمم گەر باخەوان ئیزنی نەدا بوستانی من

سەیریکەن فەرقی نەماوە ، سێبەر و لەش پێکەوە
لەش وەکو سێبەر نەما ، ڕەش بوو لە تاو سووتانی من

حاڵەکەم وەک پیری کەنعانە تەماشاکەن دەسا
هێندە هات لافاوی ئاوی چاوی پڕ گریانی من

جامە چاکی دۆڵی عیشقی تۆ ئەگەر مابووم ، وەلێ..
ئێستە دڕکی غەم لەهەر لا ، گرتویە دامانی من

خوایە...کێ وەک من لەوەسڵی یاری خۆی ما بێ نسیب؟!
ئەی کە تۆ لێت دابڕیوم  صوحبەتی جانانی من

گەر لەگەڵ ئەهلی زەمانا هەڵ ئەکەم تۆ خاتری
تاقەتی قەولی ئەوانی کوا دڵی بریانی من؟؟!!

ماڵی من توونی حەمامە وفەرش ونەخشی خۆڵەمێش
تا بفەرمووی : سەیری (موحیی) بێ سەر و سامانی من

شێخ عبدالقادری گەیلانیی(موحیی)


وەرگێڕان : ماتی

حەبیبا...با لەگەڵ ناوت دڵم ڕەبتی حزوورت بێ
بەیەک لەحزە سەرم مەستی شەراب و مەی طەهوورت بێ

لەنێو عەرزی وەفای خۆما ئەویندارانە بمدوێنە
بەحەرفێ تا لەلێوانت وجوودم پڕ سروورت بێ

ماتی


دەنگ : کاک هەڵگورد

بە دڵ ناوت ئەبەم جانا
ئەبارێنێ شەکەر زارم

یانەبی..


برایانی مەداحی تەکیە..

شەوە و وادەی نیاز و ڕازە ئێستا
شەوە و دەرگای قەبووڵت بازە ئێستا

لە تۆ هەر تۆم ئەوێ یاری نەدیدەم
حیجاب لابە چ وەختی نازە ئێستا!؟

کە خۆت هەر حازری بۆ ڕووی جەماڵت
بەبێ شەمعیش دڵم پەروازە ئێستا

ئەوین ڕێگای بەگوڵ پەرژین بو ئەووەڵ
ئەوەی لێم دیارە هەر هەورازە ئێستا

موتیع و سەر لەڕێ ، حازر دڵی من
موقیمی دەرگەتە و سەربازە ئێسا

تەمەننامی ، بە تۆ موشتاقە چاوم
تەماشاتــکەم بەبێ ئەندازە ئێستا

بەبێ یادت چ لێ قەوماوە (ماتی)!
کە بێ تۆ بێ کەس و هاوڕازە ئێستا


ماتی

گەرچی ونبووی وا نەزانی شێوەتم بیرچێتەوە


تایبەت

ڤیستیڤاڵی هەنار ـ هەڵەبجەی شەهید

گەلێ دوورن لەیەک ڕۆژ و ویساڵی یاری جانانە
بەمەعنا هەر شەوی تارە لیقایی شەمع و پەروانە

کەچاوی دڵ بکەی ڕۆشن لەدەرحەق عاشقی ڕووتا
شەوی یەڵدایە یا دەیجوور ، بە باتین نووری ئیمانە

خەبەریان دا شەوێ هاتی و لەئەحواڵی منت پرسی
لەئەوساوە نەما هۆش و دڵم بۆت بۆتە دێوانە

لەمەستییم قەت مەپرسە توخوا قوربان دەخیلت بم
کە لێوت بادەیە و چاوت بە نەشئە و پێکی پەیمانە

بەخاک و خۆڵی دەرگاکەت دڵەی نالایەقم گەر بێ
بە لوتفی تێئەگا چونکێ گەداکەی شاهی شاهانە

وەکو زوڵفی ڕەشت جانا نەکەی پشتگوێم بخەی ئاخر
بە نوورت (ماتی) گڕ بگرێ ، شکور بەو باخی ڕیزوانە

ماتی

لەباخا تۆی گوڵ و هەم باخەوانم
گوڵی وەسڵت لەبەرچی هەڵوەرانم؟!

هەتیوم بێ نسیبی نازی چاوت
گەلێکت داوە داخ و دەرد نیشانم


ماتی

دەنگ : کاک ئیسماعیل مەریوانیی
کاک ئیسماعیل ڕەحیمیی

تەکیەی مەریوان

Channel photo updated

Channel name was changed to «ماتی»

گیان و ڕۆحم با بەجارێ گشت ببن قوربانی تۆ
سەر بەسەودا تا هەبێ مەودا ببم حەیرانی تۆ

خۆزگە ئەتزانی کە ڕۆژی وەسڵەکەت ئاواتمە
ئەی من و دڵ چاوەڕێی ڕۆژی وەفا هێنانی تۆ

ماتی

دەنگ : کاک زانیار

لەسەر #عەهدی قەدیمانە کەسێ ڕۆحی فیدای تۆ بێ
بەڵێ ئایاتی قورئانە #ڕیجال شایانە بۆ ناوی

فیدای تۆو ئال و ئەصحابی کیڕام و جەمعی #ئەحبابت
ئەوەی وا نیمە بۆت دانێم ئەوەی وا ماوە #پێمداوی!

ماتی


ئینشائەڵڵاهـ لەخزمەت خۆشەویستان ئێستا ، مژدەبێ جارێکی تر مردن ناچێژن..

بینینتان بەشەهیدیی نوور و و پێداگریی لەسەر ئیمان زیادەکا لەدڵمانا ، چونکە وێنای شەهیدانی شەڕی #موئتە و #یەرموک و #قادسیەـمان بیرەخاتەوە..

ساقیا توبی و خودا بۆم تێکەوە
هاتمە مەیخانەکەت بەم پێکەوە

هاتم و مەستییم لەچاوانت ئەوێ
جێگە بۆ من قەت نەڵێی نابێتەوە

لێم نەکەی مەنعی خەیاڵی چاوەکەت
چون پەناگەی حەسرەت و داخی شەوە

بەو نیگایەت ڕۆحەکەم چوو ، ڕۆحەکەم
باعیسی زامی دڵ و جەرگم ئەوە

تۆ کە بردت دڵ بە ناز و خەندەکەت
پاکی سووتا ، ئاگرت تیا کردەوە

تا سەراپا ببمە کێوی طووری تۆ
لەحزەیەک بێ پەردە دیسان دەرکەوە

تۆزێ دەرکەوتی نەما حاڵم ، شکوور
زوڵفەکەت پۆشیی قەرارم گرتەوە

زوڵف و ڕووی تۆ گەر نەبێ نەمدیوە قەت
ڕۆژ و شەو خۆیان نیشاندەن پێکەوە

(ماتی) گەر دانا سەری باکی نییە
چونکە سەودای عیشقەکەی تۆی بردەوە


ماتی

فیدای جێ پێت کە باخی جەننەتی لێ هاتە پەیدابوون
بەبێ تۆ جەننەتیی چی بکەن لە باخ و کەوسەر و ئاوی؟

چ یارێکی..! گڕی عەشقت لە قەلبی عالەما هەڵکرد
چ نوورێکی..! بەنووری حەق نەماوی هەم نەسووتاوی

لە مەدحی ڕووتە تەفسیراتی ئایەی (أحسن التقویم)
کە یەعنی خوا بەقودرەت صورەتی بێ نەقسی کێشاوی

جەماڵت گەر بڵێم ماهە ئەبێتە مەحوی ڕوخسارت
بڵێم خۆرە ، ئەبێ ئاوا لە شەوقی تۆ نەما تاوی

ڕەسولی ئەکرەمی یەعنی مەقامت بەرز و بێ هەمتا
خودا خۆی ڕۆژی ئەووەڵ تاجی میعراجی لەسەرناوی


ماتی


مەقام : کاک هەڵگوردی ئەزیز
تەکیەی سلێمانی

مەست

دەنگ : کاک زانیار

پەشێو و نیگەرانی تۆم حەبیبا
حەزین و دڵ بەژانی تۆم حەبیبا

ئەگەرچی لەیلی عالەم بی ، چ باکم
کەمەجنوونی زەمانی تۆم حەبیبا

گەلێکم میحنەتی بێ تۆیی کێشا
تەڕی ئەشکی ڕەوانی تۆم حەبیبا

بەدەم یادی ئەوینی تۆوە ماوم
بەعیشق تەنراوی گیانی تۆم حەبیبا

گیرۆدەی نێو حەپسخانەی فیراقم
غەمی دەردی گرانی تۆم حەبیبا

دەمێ با ڕووی لەمن بێ دەستی لوتفت
غوڵامی دەرک و بانی تۆم حەبیبا

منم کوژراوی نازی چاوەکانت
لەئەو ڕۆژەی نیشانی تۆم حەبیبا

لەدەس جەوری زەمان و ئەقریبائم
لەلێواری نەمانی تۆم حەبیبا

لەچاوم باتەمی دوورییت نەمێنێ
کەتەیری ئاســ ـمانی تۆم حەبیبا

بەچاوانت ئەنازم شاهەکەی من
بەفیدای چاوەکانی تۆم حەبیبا

ئەتۆی هەر شا نەزەربازی حەیاتم
کە من (ماتی) جـهانی تۆم حەبیبا

ماتی

سڵاوتان لێبێت دۆستان
عەزێت نەبێت لەپێناو فراوانبوونی چەناڵەکە ، لینکی چەناڵ بنێرن بۆ دۆستانتان..

https://t.me/matiabdulla

شیعر و شیعر نووسین

شیعر زمانحاڵی دڵ و فەنی زمانە ، بەڵگە و بەیانی دیوی ناوەوەی ئینسانە ، قسەی نەوتراوە کە بە زمانی ئاسایی ناوترێ و کوخێکی دوورە دەستی پڕ لە ڕەمز و ڕازی عالەمی دڵە..

بۆ نووسینی شیعر سەلیقەیەکی هونەریی پێویستە کە لە زمانی خەڵکا پێی ئەوترێ بەهرەی شیعرنووسین ، بەڵام ئەوەی ڕەنگ و بۆن و تام ئەیا بەو سەلیقە و هونەرە ، (دەرد)ە ، دەردێ کە ئینسان موبتەلا ئەکا بەخۆیەوە و ئەبێتە دافعێک کە لە دیوی ناوەوەی ئینسانا کەڵکەڵە ئەکا و ئارامیی لەو کەسە تێک ئەدا ، واتا لە حاڵەتی ئاساییەوە ئەیگۆڕێ بۆ ئەو حاڵەتەی لە دەروونیا زاڵە ، زمان و دەربڕین و سەلیقەی باڵا ، شیعری جوان بەرهەم ئەهێنێ ، بەڵام شیعرێ کە دڵ بگرێ و پەیامێکی باڵا بە ڕۆح و دڵی ئینسان بگەیەنێ ، ئەبێ خاوەنەکەی خاوەنی دەردێکی سەختتر و حاڵەتێکی قورس و باڵاتر بێ..

کاتێ تام و بۆنی دوو شیعری هەمان شاعیر بەراورد ئەکەی و یەکێکیان لەوی تر دڵگیرترە ، هی ئەوەیە ئەو دڵ و دەروونەی کە شیعرەکەی پێ نووسراوە لە حاڵەتێکی بەرز و باڵاتردا بووە.

وسلام

موبارەک ئەی دڵەی تیرەم لەقاپیی شاهێ وەستاوی
سەراپا کائینات یەک یەک سەری دانا لەپێناوی

چ شاهێکە کە جاهی سەد شەهـ و سوڵتانی پێ ناگا
چ شۆخێکە هەموو عالەم فیدان بۆ یەک نیگای چاوی

ماتی

دەنگ : کاک خەلیل شەکرالیی

ئەلا ئەی طاهیری قەلبم بە بێ تۆ دیدە ناڕوونە
دەخیلی چاوی باطینت کەسێ شێواوی گەردوونە

ماتی


دەنگ : کاک ئیسماعیل مەریوانیی

ئەمشەو دڵە پڕ جۆش و پەرێشانی موحەممەد
پڕ تاسەیە بۆ نەرگسی مەستانی موحەممەد

ماتی


مەقام : کاک ئەیاد ئەحمەد

ئەی من بە فیدای خاکی دەر و بانی مەدینە
ڕۆح و دڵەکەم مایل و حەیرانی مەدینە

نادەم بە بەهاری گوڵ و گوڵزاری جیهانیی
مشتێ لە لم و دڕکی بیابانی مەدینە

چ بکەم لەسەفا و کەیف و سروور قەسوەتی قەلبە
شاهم کە بدا حاڵەتی گریانی مەدینە

تا قوببەیی سەوزت بکەمە نووری بیناییم
شەوقی بە مەسەل شوعلەیی پەخشانی مەدینە


ماتی

دەنگ : کاک هەڵگورد
مەجلیسی سلێمانی

یا رسول اللە لەقاپیی هیممەتت وەستاومە
مەتڵەبم عەرزی پەرێشانیی دڵەی شێواومە

گەر لە توێشووی ڕێ ئەپرسی چیم هەیە بێمە حزوور؟
پڕ بە ئاسمانی جەماڵت خەجڵەتە هێناومە

لێمگەڕێ جارێ بکەم شۆڕی بەری ئاستانەکەت
ئەم سەرەی بۆ گیانفیدایی تۆ سەری داناومە

حەزرەتا..! یادی مەدینەت قووتی ڕۆحی عاشقە
هەر ئەوینی تۆیە تین و هێزی پێ و هەنگاومە

ماتی

مەقام : کاک هەڵگورد
تەکیەی پێنجوێن

پشتیوان بەخوا لە ماوەی داهاتوودا تەواوی شیعرە فارسییەکانی (شێخ عبدالقادری گەیلانیی) لە دووتوێی کتێبێکدا بەزمانی کوردیی،دێتە بەردەستتان.

لە شیکردنەوەو ڕاڤەکردنی : م.حەمە یوسف
نووسینەوە و ڕێکخستن : شکار جەلال
داڕشتنەوە و بە شیعرکردنی : ماتی

دوعای تەوفیق و بەرەکەتدارییمان بۆ بفەرموون بۆ زوو تەواوکردنی ئەو بەرهەمە نازدارە..

چ خۆرێکی! بەتۆ ڕووناکە سەرتاپای زەمینی من
چ ماهێکی! ئەڕۆی و دێی و سەییاحی سەماواتی

فیدای سەروی خەرامانت سەر و خەرمانی عومرم بێ
بە ئیزنی خوا لەسای تۆوە لەباخاتم نەما قاتیی

غوڵامانت لەهەر لاوە موتیعی ئەمری تۆن قوربان
کەچونکێ شاهی دەورانی،لە نەسلی پاکی ساداتی

لەمەدحی تۆ بڵێم هەرچی کەم و کورتە لەباڵاتا
کە ڕوونە وەسفی کورت و کەم بە زەم ئەکرێ حساباتی

شکور ئەی دڵ لەقاپیی پڕ لە فەیز و لوتفی یاری خۆت
هەتاکو ببیە خاکی ڕێ هەتا مەحشەر بەئاواتی

ئەوەندە ئەمسەر و ئەو سەر بەپایان چۆن ئەگەی ئاخر؟!
دەمێ سوجدەبەری قیبلە و دەمێ مەستی خەراباتی

لەخۆت دەست بەر نەدەی ناگەی بە ساحەی کاری دەسگیرت
بەباری قورسەوە ڕێگا نییە بۆ طەی مەقاماتی

بچۆرە بەر دەسی پیرێ کە فێری دەرسی مەعنا بی
کە تۆ ئەهلی دڵی ، با هەر بڵێن ئەهلی خوڕافاتی

ئەگەر جامێکی پڕ نەشئە لە چاوی یار ببێ نۆشت
ئیتر خۆت تێئەگەی حاڵی دڵ و ناڵە و بەسەرهاتی

دەسا ئەی یاری سەنگینم،نەرمکە قەلبی سەنگینم
کە دایم ڕوو لەڕووی تۆبێ سەنا و ڕەبت و موناجاتی

لە سەر ، ئاواتی وەسڵی ڕووت چ جۆشێکی بە دڵ داوە
کە بەڵکو بێتە دی ڕۆژێ فەنا فی تۆ ببێ (ماتی)

ماتی

سەلامی پڕ لەبۆنی عاشقانە
ئەنێرم بۆ کەسێ ئارامی گیانە

ماتی

دەنگ : کاک ئیسماعیل مەریوانیی

تۆ ئەی پەری نێو خەیاڵی دابڕاوم
ئەی شاپەڕی باڵی ئەوین
ئەی ئاواتی بەجێماوم
ئەی بەهاری بێ خەزان و
گوڵستانی بولبولان و
هەتاوی گەرمی هەناوم
ڕوو وەرمەگێڕە لەچاوم
گەر تۆ نەبی
بینای ڕازاوە و بڵند بم
داڕوخاوم
وەک منداڵێ خەوی ناخۆشی بینیبێ
پەشۆکاوم
ئەی نازەنین..!!!
بێ تۆم مەکە
من بە بۆنەی تۆوە ماوم..

ماتی

لەئەشکی چاو مەپرسن کاری عیشقە
دەبا دڵ هەر بسووتێ ناری عیشقە

ماتی


دەنگ : م.سەرکۆ
پێنجوێن