📚ማንበብ ለላቀ አስተሳሰብ📚

የመልካም አስተሳሰብ ህጎች

1.በሳል ሁን
2.አሉታዊ ስተሳሰብ ችላ በል
3.ታጋሽና የተረጋጋ ሠው ሁን
4.ነገሮችን በብዙ አቅጣጫ አስብ
5.በህይወትህ ግቦች ላይ አተኩር
6.ጠንክረህ ከመስራት ጠንካራ አሳቢ ሁን

ለክርስትና እምነት ተከታዮች እንኳን ለገና በአል በሰላም አደረሳችሁ።

በተናደድክ ጊዜ...አትመልስ
በተደሰትክ ጊዜ...ቃል አትግባ
በአዘንክ ጊዜ...አትወስን

መሀል መርካቶ በጠራራ ፀሃይ አይፎን ስልክ ነዉ ብለው ለአንዱ የሸጡለት ይሄን ይመስላል
ተጠንቀቁ መንገድ ላይ ከምትገዙ አድራሻ ካለው ቦታ ብትገዙ እመክራችኋለሁ።

ብስለት ላይ መሆንህን የሚናገሩ ባህሪዎች
1.አብዝተህ ይቅር ትላለህ
2.አዳዲስ ሃሳቦችን ለመቀበል ዝግጁ ነህ
3.ልዩነቶችን ታከብራለህ
4.በቀላሉ አትፈርድም
5.የልብ ጉዳቶችን ትቀበላለህ
6.ከማይረባ ጭቅጭቅ ይልቅ ዝምታን ትመርጣለህ
7.ሰዎች እንዲወዱህ አታስገድድም
8.በተራ ወሬ ጊዜህን አታባክንም

በራስህ ላይ እንዲሆን የማትፈልገውን
በማንም ላይ አታድርግ!!

መቼም ቢሆን የማይጎዳህ ግኑኝነት
በአንተ እና በፈጣሪ መሀከል ያለው ነው።

😄😄😄

አንድ ነገር ልንገራችሁ ማንም አይመጣም ማንም አይደርስላችሁም አሁኑኑ እራሳችሁ ተነስታችሁ ለራሳችችሁ ማድረግ ያለባችሁ ነገር አድርጉ ሠው አጠብቁ።

የሰው ልጅ ገንዘብ ለማግኘት ሲሯሯጥ
ጤናውን ያጣል!
ከዛ ደግሞ መልሶ ጤናውን
ለማግኘት ሲሯሯጥ ገንዘቡን ያጣል!!

በትክክል🙏🙏🙏

አንዳንዴ ቤተሰቦችክ በየዕለቱ በስራ ምክንያት ተፍ ተፍ ስትል ያለህበትን ከባድ ውጥረት ላያውቁ ይችላሉ

ስራህ ደግሞ የቤትህን ሁኔታ ማወቅ አይፈልግም ሁሌም አንተን ይፈልጋል፣ አንዱ ስራ ሲያልቅ ሌላው ይቀጥላል ሁሌም ስራ አለ

ወዳጆችክ በጫንቃህ ላይ የተጣለውን አዲሱን የስራ ኃላፊነት አይረዱህም

የትዳር ጓደኛህ ሁልጊዜም ፍቅርና መዝናናት ትጠብቃለች ፥ የቱንም ያህል ያለህበትን የስራ ውጥረት ለማስረዳት ብትጥር አትረዳህም

ሲጠቃለል - ከአንተ ውጪ ያለህበትን በትክክል ሊረዳ የሚችል ያለ አይመስልም…..

የሆነ ሆነና መቼም ተስፋ እንዳትቆረጥ

ጉዞህን ልፋትህን ያለመታከት ቀጥል...❤

(MP Ethiopian)

ሰዎች በምን ሁኔታ ላይ እንዳሉ አታውቅምና ዝም በል‼️

ዶክተሩ ድንገተኛ የስልክ ጥሪ አንስትቶ በትህትና ጥሪውን አስተናግዶ ሲጨርስ ባስቸኳይ ሮጦ ወደ ሆስፒታል በመግባት የስራ ልብሱን ቀይሮ ወደ ቀዶ ጥገናው ክፍል እያመራ ሳለ ኮሪደር ጋር የዶክተሩን መምጣት በጉጉት ይጠብቅ  የነበረውን የታማሚ አባት አገኘው። ሰውየው “እንደት ለመምጣት ይህን ያህል ጊዜ ይፈጅብሃል? የልጀ ህይወት ሊጠፋ አደጋ ላይ እንዳለች አይታይህም?ትንሽ ህሌና የለህም?”በማለት ዶክተሩ ላይ ጮኸበት።ዶክተሩም ትንሽ ፈገግ አለና “አዝናለሁ ሆስፒታል ውስጥ አልነበርኩም”የስልክ ጥሪውን ከተቀበልኩ በኋላ በቻልኩት ፍጥነት እዚህ ለመድረስ ጥሪያለሁ። አሁን አንተም ብትረጋጋ አኔም ስራየን ብሰራ መልካም ነው”ብሎ አረጋግቶት ሊገባ ሞከረ።ሰውየው ግን “ተረጋጋ ነው ያልከው?! ልጀ ባለችበት ቦታ ያንተ ልጅ ቢሆን አሁን እዚህ ክፍል ውስጥ ትረጋጋ ነበር?”ልጅህስ ቢሞት ምን ታደርግ ነበር ?”አለ በንደትና በቁጣ።

ዶክተሩ አሁንም በትንሹ ፈገግ አለና እንዲህ ሲል ለእኝኸ አባት መለሰ “የአምላክ ፈቃድ ይሁን ዶክተር የሰውን ህይወት ሊያሳጥር፣ሊያረዝም፣ሊያጠፋ፣ሊተካ አይችልም።ነገር ግን እንደ አምላክ ፈቃድ የቻልነውን ያክል እንጥራለን፤ልጅህም ይድንልሃል አይዞህ።”በማለት ወደ ቀዶ ጥገናው ገባ። ሰውየውም መልሶ እንድህ አለ “ባልገቡበት ጭንቀት አስተያየትና ምክር መስጠት ቀላል ነው”አለ እያጉረመረመ። ቀዶ ጥገናው የተወሰኑ ሰዓታትን ወስዶ በተሳካ ሁኔታ ተጠናቀቀ። ዶክተሩ በደስታ እየተጣደፈ ከቀዶ ጥገናው ክፍል ወጣ። ለአባትየውም እንድህ አለው ”ፈጣሪ ይመስገን ቀዶ ጥገናው በተሳካ ሁኔታ ተጠናቆ ልጅህ ተርፏል።ማንኛውም አይነት  ጥያቄ ካለህ ሌሎች ረዳት ዶክተሮችን ስላሉ እነሱን መጠየቅ ትችላለህ” በማለት የሰውየውን መልስ ሳይጠብቅ መንገዱን በሩጫ ቀጠለ።

የልጁም አባት ለረዳት ዶክተሮች እንድህ ሲል አቤቱታ አቀረበ “ለምንድን ነው ዶክተሩ እንድህ ስሜታዊና  ችኩል የሆነው?ምናለ አንድ ደቂቃ ወስዶ የልጀን ሁኔታ ቢያስረዳኝ?”በማለት ጠየቀ። ይህንን ሲል የሰማች አንድት ነርስ እንባዋ በጉንጯ እየፈሰሰ “ትላንት ነበረ የዶክተሩ ልጅ በመኪና አደጋ የሞተው።ለልጅህ ህክምና ስንደውልለት የልጁ ለቅሶ ላይ ነበረ ሃዘኑን አቋርጦ መጥቶ ያንተን ልጅ ህይወት ታደገ።አሁን ደግሞ  የራሱን ልጅ የቀብር ስነ-ስርዓት ሊጨርስ በሩጫ ሄደ”አለች። በዚህ ጊዜ የልጅ አባት ከሰዓታት በፊት ዶክተሩ ያሳየው የነበረውን በንግግራቸው መሃል የነበረችን ትንሽ ፈገግታ እያሰበ አለቀሰ።😢

አንዳንዴ ሰዎች በምን ሁኔታ ላይ እንዳሉ አናውቅም።ስለዚህ በሰዎች ከመፍረድ ፣ከመውቀስ፣ከማዘንና ከመቆጣት በፊት ነገሩን በቅንነት እንመልከት።እስኪ ይህንን ባህሪ እናሳድግ ሰው ሰላም ሳይለን ሲያልፍ ልብ አላለኝም እንበል እንጅ ኮርቶ ነው፣ጠግቦ ነው አንበል።አንድ ሰው ያለምክንያት ሲቆጣን የተናደደበት ነገር ቢኖር ነው እንበል እንጅ ንቆኝ ነው አንበል። ያልተመቸን ነገር ካለ ልዩነትን በማክበር በግልፅ ለመነጋገር እንሞክር እንጅ ማንም ላይ አንፍረድ።

አትቸኩል!!

ቸኩለህ…

ቸኩለህ ቃል አትግባ
ቸኩለህ አታፍቅር
ቸኩለህ አትመን
ቸኩለህ አትገምት
ቸኩለህ አትወስን
ቸኩለህ አውቀዋለሁ አትበል።

ረጋ ስትል….✍️

የረጋ ፍቅሩ ይጣፍጣል
የረጋ እምነቱ ይጠነክራል፣
የረጋ ግምቱ ልክ ይሆናል፣
የረጋ ውሳኔው እንከን አልባ ይሆናል።

ስትረጋጋ….✍️

ስትረጋጋ አፍህን ከስድብ ትጠብቃለህ
ስትረጋጋ አንደበትህን ከቁጣ ትጠብቃለህ
ስትረጋጋ እጅህን ከመሰንዘር ትቆጠባለህ
ስትረጋጋ ስሜትህን ትቆጣጠራለህ
ስትረጋጋ አስበህ መወሰን ትችላለህ።

ስትረጋጋ ከሁሉም በላይ ከአላስፈላጊ ጸጸት ትድናለህ!

ከሰው ጋር በፍቅር ለመኖር ስታስብ…

ብር ሳይሆን የሰው ፍቅር ይኑርህ
ምላስ ሳይሆን ትሁት አንደበት ይኑርህ
ጉልበት ሳይሆን ቅንነት ይኑርህ
መልክ ሳይሆን መልካም ባህሪ ይኑርህ
የዝሙት ስሜት ሳይሆን የሚረዳ ስሜት ይኑርህ
ይህን አትርሳ…
ምግብህን በልክ
ንግግርህን በእውነት
ውደታህን ከልብህ
ደስታህን ያለ ስካር
ንግግርህን ያለ ስልክ በቀጥታ
ፈገግታህን  ያለፎቶ selfie
ህልምህን ያለ ሱስ
ፍቅርህን ያለቅድመ ሁኔታ
ጥረትህን ያለ ገደብ
ስጦታህን ያለስስት አድርገህ ኑረው።

የትዳር አጋር ስትመርጡ

💕ዳሌዋን ሳይሆን ልቧን አይተህ ምረጥ።
💕ጡንቻውን ሳይሆን አዕምሮውን አይተሽ ምረጭ።
💕ለዝሙት የሚያሯሩጧችሁን ሳይሆን ለዓላማና ሕልማችሁ የሚያተጏችሁን ምረጡ።
💕ዋጋ ለምትሰጡት ነገር ዋጋ የሚሰጥሏችሁን ምረጡ።
💕ጠበቃ የሚያቆሙባችሁን ሳይሆን ጠበቃ የሚቆሙላችሁን ምረጡ።
💕ተፎካካሪ ሳሆን አማካሪያችሁ፣ጭንቀት ሳይሆን ሰላም የሚሰጧችሁን ምረጡ።
💕ታናሽ የሚያደርጏችሁን ሳይሆን፣ታላቅነታችሁን ለማውጣት የሚተጉላችሁን ምረጡ።
💕በጀርባችሁ የሚማከሩባችሁን ሳይሆን ፊትለፊት የሚጋፈጡላችሁን ምረጡ።
💕ሳትግባቡ ወደ ቤተሰብ፣ጏደኛ እና ሶስተኛ ወገን የሚወስዷችሁ ሳይሆን ወደ ፈጣሪ የሚፀልዩላችሁን ምረጡ።
💕ሞግዚት ሳይሆን እናት የምትሆንልህን ምረጥ።
💕አራቢሽ ሳይሆን አባትሽ የሚሆንልሽን ምረጭ።

💕ምንግዜም ከእያንዳንዱ ታላቅ ወንድ እና ሴት  ጀርባ ታላቅ ሴት እና ወንድ እንዳሉ አትርሱ።

በህይወታችሁ ልትረዱ የሚገባው በየትኛውም ግንኙነት ውስጥ ነፃ ፈቃድ የሚባል ትልቅ ነገር እንዳለ አለመርሳት ነው።ፈጣሪ እንኳን ፈጥሮ ግደታ እኔን ምረጡ አላለም ።ታዳ ፈጣሪ ፈጥሮ እንድናመልከው ፣እንድናፈቅረው ያላሰ‍ገደደን እንደት እኛ ወደን እና ወልደን ነፃ ፈቃድ አናከብርም?! በፍቅር እንጅ በትግል አትመኑ።ከፍቅር ክብር ይቀድማልና ፍቅር እየሰጡ ክብራችሁን ከሚያሳጡ ሰዎች ራቁ።

✨ፍቀዱላቸው!
🕊️መሄድ ከፈለጉ ... ፍቀዱላቸው
🕊️ሌላ ሰው ከመረጡ… ፍቀዱላቸው
🕊️ካልደገፏችሁ… ፍቀዱላቸው
🕊️ካልጋበዟችሁ… ፍቀዱላቸው
🕊️ቢጠሏችሁም… ፍቀዱላቸው

ሌሎች ሰዎችን ለመቆጣጠር ጉልበታችሁን ማባከን አቁሙ።አናንተ  የምትችሉት ቀጣይ ምን ማድረግ እንዳለባችሁ፣መምረጥ ብቻ ነው።ሕይወት ምንም ገደብ የላትም፤አኛ ካስቀመጥናቸው ገደቦች በስተቀር።ስትመርጧቸው የሚመርጧችሁን አክብሩ።ትዳርን ለዘለአለም ከሚያስቡ እንጅ ለወለምዘለም ሃሳባቸው ካደረጉ ሰዎች ራቁ።
  via zelalem official

ውድቀትህ የሚጀምረው
አልችልም ማለት ስትጀምር ነው።

የሀቅ መንገድ ምንግዜም
የህሊና እረፍት ነው።

ጥሩ ሰው ሁን ነገር ግን
ጥሩ መሆንህን
ለሌሎች በማስረዳት
ጊዜ አትጨርስ።

አንተ እራስህን በምትመለከተው መልኩ ሰዎች እንዲመለከቱህ መጠበቅ ከእውነታው የራቀ አመለከካከት ነው።

ጭንቀት የነገን ችግር ላይፈታ
የዛሬን ቀን ያበላሻል!!

ቀድመህ ተረዳ፤ከመከራው በፊት ይግባህ

አስቀድመህ ተማር! ከቅጣቱ በፊት ተማር፣ከመከራው በፊት ይግባህ፣ከችግሩ በፊት ችግሩን ተረዳ፣ሳይደርስብህ ከደረሰባቸው ትምህርት ቅሰም፣እራስህን አንድ እርምጃ አስቀድም።ዛሬ የሚያስቡትን በማድረግ ከሚገኘው ድል በላይ ለነገ የሚቀመጠው የቁጪት ሸክም ይበልጣል።ምክንያቱም ድሉ ባለህ ላይ ሲጨምር ቁጪቱ ግን ህመም ይሆንብሃል፣እራስህን ያሳጣሃል፣ዋጋህን ያሳንሰዋል፣ለበታችነት ይዳርግሃል።ህይወት ብዙ አማራጭ ስታቀርብልህ፣እድሎችን ስትፈጥርልህ በጋፋሃቸው ልክ የግፊቱን ዋጋ፣የቸልተኝነቱን ውጤት ሳይውል ሳያድር ትከፍላለህ።ከዛሬ የተሻለ ነገ የሚያመጣልህ እድል የለም፤ከዛሬ በላይ ነገ የምታገኘው አጋጣሚ አይኖርም።የሁሉም ነገር ጣዕም በዛሬ ውስጥ፣በአሁን ውስጥ ነው።The real feeling is only NOW. እውነተኛው፣የሚጨበጠው፣የሚዳሰሰው፣የሚኖረው ስሜት አሁን ብቻ ነው።ቀሪው ጉም መሳይ የሚበተን ሃሳብ ነው፣አይጨበት፣አይዳሰስ፣አይኖር።

✨አሁንን ከመኖር፣አሁንን ከመምረጥ በላይ አዋጭና ስኬታማ ምርጫ የለም።ከምንም፣ከማንም በፊት በአሁንህ ላይ ንገስ ፣ አሁንን ተቆጣጠር ፣ አሁን ላይ ሰልጥን፣አሁን በሙላት ኑር ፣ የአሁን ዋጋ አሁን ይሰማህ። ብልህ ከጊዜ ሳይሆን ጊዜ ከእርሱ እንዲማር ያደርጋል። የእያንዳንዱ ተግባሩ ዋጋ ከውጤት በኋላ ሳይሆን ከውጤቱ በፊት ይገባዋል።"ምን ባደርግ ከምን እድናለሁ ? ምንስ አተርፋለሁ ? ለማንስ እተርፋለሁ ?" የሚለውን ቀድሞ ያውቀዋል።የሚጨበጠውን አሁን መጨበጥ ፣ የሚኖረውን አሁን መኖር ለድርድር የሚቀርብ ጥልቅ ሃሳብ ሳይሆን በስሜት የሚኖርና ከልብ የሚደረግ ነው።ከዚህች ቅፅበት በላይ ልዩ ቅፅበት በፍፁም አይኖርም።ባለንበት እንዳለን አሁንን እናጣጥም፤አሁንን እንኑር፤ዋጋ እንስጣት፤ለተሻለና ለላቀ ውጤት እንብቃባት፤አስደናቂውን የህይወት አቅጣጫም እንያዝባት፤ከቅጣት በፊት እንማርባት።እያንዳንዱ ተግባርህ ትልቅ ዋጋ አለው።ስታሸንፍ ብቻ ህይወትን በፈለከው መንገድ ትመራለህ፤ህይወትህን ስትቆጣጠር ብቻ የተሻልክ ሰው እየሆንክ ትመጣለህ፤ሁሌም የተሻልክ ስትሆን ብቻ የተሻሉ ነገሮችን ታገኛለህ።ሁሉም የጥረትህ ውጤት ነው።በእራስህ ላይ ሃላፊነት በወሰድክ ቁጥር ማንነትህን ታሳድጋለህ፣ስብዕናህን ትገነባለህ፣ትሻሻላለህ፣ትበለፅጋለህ።

የሰዎች ሃሳብ መማሪያችን እንጅ መደገፊያችን አይሁን

አንዱ ሰውዬ ወንዝ ዳር ቁጭ ብሎ ያለቅሳል።ይህንን የተመለከተ አንድ🙎‍♂ ሰው ወደ እርሱ ይመጣና"ለምንድነው የምታለቅሰው?" በማለት ይጠይቀዋል።ሰውዬውም " አንድ ማንኪያ ሙሉ ስኳር እዚህ ወንዝ ውስጥ ጨምሬ የወንዙን ውሃ ብቀምሰው ምንም አይጣፍጥም" በማለት ይነግረዋል ፤ሌላኛው ሰውዬ በሳቅ ፍርስ ይላል፡፡ ሰውዬው ግራ ተጋብቶ እንዴ"ምን ሆነህ ነው የምትስቀው?"በማለት ይጠይቀዋል።ሌላኛው ሰውየም በሳቁ መሃል አንተ ጅል! መጀመሪያ አታማስለውም ነበር! በማለት ይመልስለታል😃

አንዳንድ ሰዎችም እንደዚህ ናቸው ከእናንተ የባሰ ስህተት ውስጥ እያሉ የተሻሉ እየመሰላቸው በትንሿ ስህተታችሁ ይስቁባችኋል፤ይሳለቁባችኋል፣ያጣጥሏችኋል።አንዳንድ ሰወች ሀሳብና አስተያየት ሲሰጡን ትክክለኝነቱ ሀሳባቸውን በነፃነት መግለፃቸው ብቻ የሚሆንበት ጊዜ አለ።የሚያውቁትን ስለነገሩን ብቻ ለእኛ ይጠቅመናል ወይም ከእኛ የተሻለ አውቀዋል ማለት አይደለምና የተነገረንን ሁሉ ለመተግበር እና ለመቀበል ከመቸኮል ባለፈ ቆም ብለን ማሰብና መመርመር አለብን።ምክንያቱም የአንዳንድ ሰዎች ምክር እና አስተያየት ከእኛ የባሰ ስህተት ውስጥ መሆናቸውን እንድናውቅ ያደርገናልና ከስህተታቸው እንድንማር ይረዳናል እንጅ ለችግራችን መፍትሄ ላይሆን ይችላል።

ፈጣሪ ማስተዋልን ጥበብን እውቀትን ከፍቅር ጋር ይስጠን አሜን🙏።

ዝም ብለው በረባው ባረባው የሚከሱን ፣የሚወቅሱን። ሁሌ እኛ ነን የምናውቀው እያሉ የሚመክሩን።

ርህራሄያችን ቂልነት የሚመስላቸው ፣ ባቋማችን የሚያፌዙ።የሰጠናቸውን ዋጋ ያልተረዱ ፣ ማደጋችን የማይታያቸው ፣ስሜታችን የማያስጨንቃቸው።

 ቀስ ብለን ፦ልባችን ላይ የሰጠናቸውን ቦታ መንጠቅ ነው!
ልብ ላይ የሌለ ሰው ያን ያህል ልብ አይሰብርም!

❤ትዝታ ማለት በህይወት ረቂቅ ሚስጥር ውሰጥ የምናገኘው የፍቅር ትሩፋት ፤ የትናንት አስቤዛ ለነገ መጓዧ በትናንት እውነታ ውስጥ ሺህ ዛሬን ማንገሻ ነው ። በርግጥ ሁላችንም የተዘበራረቀውን የህይወታችንን ዳስ ለማደስ ስንቴ ምሶሶዎቻችንን አፈረስን ፤ በመጥበቅ እና በመመላላት ትርጉማችንን አረከስን .........??

እስከ ምንስ ድረስ ነው የትዝታ እውነታ ጠፍቶብን "ትዝታ " ብለን ሚዛን የማይደፋውን የእንክርዳድ እሳቤያችን ውስጥ ለመደበቅ ያለ ስሙ ያለ ማእረጉ የምንከተው መቀመቅ ? ወዴትስ ነው ዛሬን ከእኛ አሽሸን በራዕያችን አድማስ ተንሸራተን ትናንት ውስጥ ምንኮበልለው.......??

ትዝታ ማለት ከዛሬ መደበቂያ ሳይሆን ለነገ መወንጨፌያ የፅናት በትር ናት።❞

✍ህሊና በላይነሽ

@zephilosophy

ጋሽ ስብሃት😁😁

ዝም ብለው በረባው ባረባው የሚከሱን ፣የሚወቅሱን ። ሁሌ እኛ ነን የምናውቀው እያሉ የሚመክሩን ።

ርህራሄያችን ቂልነት የሚመስላቸው ፣ ባቋማችን የሚያፌዙ ። የሰጠናቸውን ዋጋ ያልተረዱ ፣ ማደጋችን የማይታያቸው ፣ስሜታችን የማያስጨንቃቸው ።

ቀስ ብለን
ልባችን ላይ የሰጠናቸውን
ቦታ መንጠቅ ነው!!
ልብ ላይ የሌለ ሰው ያን ያህል ልብ አይሰብርም!!

እድልህ ሲቀና ሁሉም ሰዉ ወዳጅህ ነዉ።
በችግር ጊዜ ዘመድህም ጠላት ነዉ።

#ልጅ ፡ አባቴ ባህሪዬ እንዴት ቢሆን ደስ ይልሃል ?

#አባት፡ እንደዚህ ሁን ልጄ

#ልጅ ፡ እንዴት ?

#አባት ፡ እንደ ውሃ ሁን ባስቸገረ ግዜ እሳትን ቢያጠፋም በተፈለገ ጊዜ ግን እንዲገኝ ዛፍ ማሳደጉን አይተውምና ፤ እንደጨውም ሁን ለሁሉም ምግብ ቢፈለግም በቀላሉ ይገዛ ዘንድ ግን-ዋጋው ውድ አይደለምና ፤

ከሁሉ ከሁሉ-ግን እንደ ወተት ሁን በተውት ግዜ በሌላ-መልክ ተመልሶ ይመጣል እንጅ አይበላሽምና-በተገፋም ግዜ ከፍ ከፍ ይላልና።

#ልጅ፡ እሽ አባቴ እንዳልሆንስ የምትፈልገው የለም ?

#አባት አለ ልጄ፤ እንደዚህ አትሁን

#ልጅ ፡ እንዴት ?

#አባት፡ልጄ ሆይ እንደ መርፌ አትሁን የሌሎች ብዙ ቀዳዳ እየደፈነ የራሱን አንዷን መድፈን አይችልምና፤ እንደ መቋሚያም አትሁን ለሌሎች መደገፊያ እየሆነ ለራሱ ግን መቆም አይችልምና ፤

ከሁሉ ግን እንደ ደወል አትሁን ! ከሁሉ ቀድሞ ነቅቶ ሌሎችን ለቅዳሴ ቢቀሰቅስም እርሱ ግን አያስቀድስምና።
...............

Dogs ብዙዎችን በገንዘብ እንዳበሸበሸ ይታወቃል ልክ እንደዛው ደሞ Paws የተባለ ምርጥ airdrop ነው ልክ ስትጀምሩት ቴሌግራም በከፈታችሁበት አመተምህረት ነጥብ ይሰጣችኋል ሌላው አንድ አንድ ታስኮች መስራት ነው ቀላል ነው። ለመጀመር 👇👇👇
https://t.me/PAWSOG_bot/PAWS?startapp=XLfKcPlB

#ይህን_ፅሁፍ_እስከመጨረሻው_በማንበብህ_አትቆጭም!

አንድ ሰው በመንገድ ላይ ሳለ እንግዳ የሆነ ነገር ትኩረቱን ይስበዋል። ይህን የሚያህል ግዙፍ ፍጡር እንዴት በቀላሉ ሊንቀሳቀስ በሚችል ትንሽ ወንበር እና ሊበጠስ በሚችል ቀጭን ገመድ ተይዞና ተገድቦ ሊቆም ቻለ?

ለምን የሚለውን ለማወቅ በጣም በመጓጓት አካባቢው ላይ የሚገኝ አንድ ዝሆኑን የሚያሰለጥን ሰዉ ለምን ለማምለጥ አንዳልሞከረ ጠየቀው።

አሰልጣኙም " ዝሆኑ በጣም ትንሽ እያለ ይሄንኑ ነበር ለማሰሪያነት ስንጠቀም የነበረው። እናም በዛ እድሜው እሱን ለማሰር ይሄ በቂ ነበር። አሁን እንደምታየው እንዲህ በአካል ቢገዝፍም ዛሬም ድረስ የታሰረበት ነገር ሃይል ያለው ይመስለዋል። ስለዚህ የታሰረበትን በጥሶ ለመሄድ ምንም አይነት ሙከራ አያደርግም።

የታሰረው እግሩ ሳይሆን ጭንቅላቱ ነው!” ብሎ መለሰለት።

የሰው ልጅም እንዲሁ ነው። ልጆች ሳለን በብዙ ቀጫጭን ገመዶች ታስረን አድገናል። አድገንም እነዚህ ገመዶች በአእምሯችን እንደገዘፉ ይቀሩና ዘመናችንን ሁሉ ጠፍንገው እንዳሰሩን እንኖራለን። እነዚህ ገመዶች ከአስተዳደግ፣ ከባህል፣ ከሃይማኖትና ሌሎች ተመሳሳይ ማነቆ የሆኑ ተጽእኖዎች ጋር የተያያዙ ናቸው።

#የሰው_ልጅ ግን የታሰረበትን ገመድ በጥሶ ሳይሆን ፈትቶ መላቀቅ የሚችል ገደብ የለሽ እምቅ አቅምን የተጎናፀፈ አእምሮ ያለው ልዩ ፍጡር ነው!

የምንችለውንና የማንችለውን ነገር የሚወስንልን ማን ነው? ለምን ይህንን ብቻ በማድረግ ተገደብን?

እነዚህን ጥያቄዎች ለራሳችን ጠይቀን እውነተኛውን መልስ ብናገኝ ያቃተን ነገር እስካሁን ድረስ ያልሞከርነው ነገር እንደሆነ እንደርስበታለን፡፡

ሰውነታችን አእምሮአችን የነገረውን ለመታዘዝና ለመፈጸም የተዘጋጀ ፍጥረት ነው፡፡ አእምሮዬ ትችላለህ ሲለው ሊሞክር፣ አትችልም ካለው ደግሞ ላይንቀሳቀስ ተገድቦ ይገኛል፡፡

በዚህ እውነታ ውስጥ የኦሎምፒክ ውድድሮች ክብረ-ወሰን የመስበራቸውንም ምስጢር እናገኘዋለን፡፡ የጨከነና ራሱን ያዘጋጀ ሰው ክብረ-ወሰንን እንደሰበረ ይኖራል- የራሱን ክብረ-ወሰን!

ይህንን አትዘንጋ - የውስንነታችን የመኖሪያ ስፍራ አእምሮአችን ብቻ ነው!

“አይኖችህ አይተው የሚነግሩህን አትመን፡፡ የሚነግሩህ ውስንነትን ነው፡፡ መገንዘብ የምትችለውን ያህል ተገንዘብ፣ የምታውቀውንና የምትችለውን ለይተህ እወቅ፣ ወደከፍታ የምትወጣበትን መንገዱን ታየዋለህ”

– Richard Batch

አንድ ሰው ካለበት ወጥቶ መሆን የሚገባውን ለመሆን ከፈለገ የግድ እስከዛሬ ያመነውን ነገር ለጥያቄ ማቅረብ አለበት፡፡ ካለማቋረጥ፣ “ለምን?” ብሎ ካልጠየቀ ባለበት ሁኔታና አመለካከት ታስሮና ሃውልት ሆኖ ይኖራል፡፡

“ሁኔታዬ ለምን እንደዚህ ሆነ?”

“ይህንን ነገር ለምን አልችለውም?”

“ይህንን ነገር ለምን አመንኩት?”

የሚሉትን ጥያቄዎች መጠየቅ አለበት፡፡

ሰዎች የተለያዩ ገደቦችን በፊታችን ሊያስቀምጡብን ይችላሉ፣ ከማሰብና ከመጠየቅ ግን ሊከለክሉን አይችሉም፡፡ መልስ የምታገኘው ስትጠይቅ ነው፡፡

እውነታና ብልሃት ላይ የምትደርሰው ስታስብ ነው፡፡ ዝም ብለህ ሁኔታህን በመቀበልና ከአመታት በፊት የተነገረህን ገደብ አምነህ መኖር ይበቃሃል፡፡

የተሳሳትከውን፣ “ተሳስቼ ነበር” በማለት አዲስ ነገርን ለመሞከር ካልተነሳህ ሁኔታህ አይለወጥም፡፡

ይህንን አስታውስ!

እስካሁን ያልቻልከው ነገር ያልሞከርከው ነገር ነው፡፡ የገደቡህን ነገሮች እወቃቸው፣ ነገር ግን በፍጹም አትቀበላቸው፡፡ ያመንካቸውን መልእክቶች ደግሞ ለማጣራት ምንጩን ለይተህ ማወቅ አስፈላጊ ነው፡፡ የሚከተሉት ዋና ዋናዎቹ ናቸው፡፡

1. ለራስህ የነገርከው

“ለራስህ የምትነግረው ነገርና የምታሰላስለው ነገር ባለጠጋ ወይም ደኃ፣ የተወደደህ ወይም የተጠላህ፣ ደስተኛ ወይም ኃዘንተኛ፣ ሰዎችን የምትስብ ወይም የምታርቅ፣ ኃይለኛ ወይም ደካማ የማድረግ አቅም አለው”

- Ralph Charell

ከሌላ አካል ከምንሰማው ነገር የበለጠ ለራሳችን የምንነግረው ነገር ተጽእኖው እጅግ የላቀ ነው፡፡

ሰው ራሱን “ሊዘጋው” ወይም “አላናግርህም” ሊለው አይችልም - ሁሌ ከራሱ ጋር ነው፡፡ ሰው ሃሳብን ላለማሰብ የማይችል ፍጡር ነው፡፡ ይህ እውነታ ደግሞ የተስፋ መቁረጥ ወይም የተስፋ ጭላንጭል ምንጭ ሊሆን የሚችል እውነታ ነው፡፡ ተስፋ አስቆራጭ የሚሆንበት ምክንያት ለራሳችን የምንናገረውን መቆጣጠር ካቃተንና በጨለምተኝነት የተሞላን ሰዎች ከሆንን ነው፡፡

2. ሰዎች የነገሩህ

“አንደበታችንን በፈለግነው ጊዜ መክፈትና መዝጋት እንደምንችል፣ ጆሯችንንም እንደዚያ ማድረግ ቢቻል እንዴት ግሩም ነበር?”

– Chinese Proverb

ጆሮአችን ምንም እንዳይሰማ ማድረግ አንችልም፣ በጆሮአችን የገባውን መልእክት ግን የማጣራትና የማይጠቅመንን በመጣል ጠቃሚውን ብቻ ማሰላሰል መብቱ የእኛ ነው፡፡ አይናችንም እንዳያይ ማድረግ አንችልም፣ ለምናየው ነገር የምንሰጠውን ምላሽ ግን መቆጣጠር እንችላለን፡፡

3. መገናኛ ብዙሃን የነገረህ

“ሁሉንም ስማ፣ የቱን እንደምታምን ግን በግልህ አመዛዝነህ ድረስበት”

- George Eliot

እንደ እውነቱ ከሆነ የምታነባቸው መጻሕፍትና የምታያቸው ፊልሞች የማንነትህ ነጸብራቆች ናቸው፡፡ ወይ ያንን ነህ፣ ወይም ደግሞ ወደመሆን ትመጣለህ፡፡ ስለዚህ ወደ ማንነትህ የምታስገባቸውን መልእክቶች የምታጣራ ሰው ሁን!
❓የአእምሮህን እምቅ አቅም በማውጣት ለመጠቀም ዝግጁ ነህ?

Bums በጣም በብዙ ነገር ከ X-empire ተመሳሳይ የሆነ Project ነው።

በTwitter በጣም መነጋገርያ ሆኖ ነበረ በዚህም trend ሆነው በ social media ብዙ ከተነገረላቸው መሀል አንዱ ነው።

ከሁሉም በላይ በ ቴሌግራም መስራች Pavel Durove ጭምር ስማቸው ተነስቷል።

ይሄም ጥሩ Airdrop መሆኑ ማሳያ ነው እንደምታውቁት X empire ከበፊት ጀምሮ ሲሰሩ የነበሩ ልጆች በብዙ አትርፈዋል።

አሁንም ይሄን ከመጀመርያው ጀምሮ መስራት ያዋጣል። ምን አልባት ትልቅ project ይሆናል። who knows?
👇
https://t.me/bums/app?startapp=ref_zulb6d8L Hey buddy! Check out BUMS!

Join now and level up from a bum to the king of the streets!

በተጀመረ በጥቂት ቀናት ብዙ ተስፋ የተጣለበት Paws airdrop መነጋገሪያ ሆኗል።

እንደ ብዙ ሰዎች አስተያየት ይሄ Airdrop ብዙ ላይቆይ ይችላል በቀናቶች ውስጥም Verify ተደርጓል።

የተወሰኑ Tasks ስላሉት ብዙ ለማግኘት ያስቸግራል ቢሆንም ብዙ sim በመጠቀም እና invite በማድረግ ብዙ መስራት ትችላላችሁ
✅ ያልጀመራችሁ ጀምሩ ጥሩ እድል ነው                                .
Paws ረጅም ጊዜ የሚቆይ ኤርድሮፕ አይደለም ስለዚ ያልጀመራቹ ጊዜያቹን ተጠቀሙበት....                                            https://t.me/PAWSOG_bot/PAWS?startapp=XLfKcPlB                       

t.me/seed_coin_bot/app?startapp=350835600

መልካም ቃል መናገር
ከስጦታዎች ሁሉ ይበልጣል!!

ሰዎች በጩኸት ያልሰሙህን
ፈጣሪ በዝምታህ ይሰማሀል ይረዳሀል
ምክንያቱም ልብህ ካንተ ይልቅ
ለሱ ቅርብ ናትና።
ከሰዎች ዘንድ ፈልገህ ያጣኸውን
ከፈጣሪ ዘንድ ሳትፈልግ ታገኘዋለህ።
ምክንያቱም ፈጣሪ ከምትፈልገው ይልቅ
የሚያስፈልግህን ያውቃልና።

ማንም ቅስማችሁን ሊሰብር እንደሚሯሯጠው ሊፈውሳችሁ አይሯሯጥምና ወደራሳችሁ ተመለሱ

በአንድም በሌላም በህይወት አጋጣሚ በሚደርሱባችሁ የተለያዩ ጫናዎችና ፈተናዎች የምታጡት ብዙ ነገር ይኖራል። ከቀድሞ አቋማችሁ ትወርዳላችሁ፣ ተነሳሽነት ታጣላችሁ፣ ገደቦቻችሁ ይበዛሉ፣ በትልቁ ማሰበ በጥቂቱ መጓዝ ያቅታችኋል፣ ትኩረታችሁን መሰብሰብና ውጤታማ መሆን ይሳናችኋል። በዚህ ሁኔታ ለረጅም ጊዜ በቀጠላችሁ ቁጥርም የምታጡት ትንሽ ነገር አይደለም። በዋናነት የምታጡት እራሳችሁን ነው፤ የምትሸረሽሩት ጠንካራዎቹን መገለጫዎቻችሁን ነው። ምንም እንኳን ወደፊት ብትጓዙ አንዳንዴ ልትቆሙ ትችላለችሁ፣ ምንም እንኳን እራሳችሁን ብታስጨንቁና ብትፈትኑ ውስጣችሁ አልተረጋጋምና ከውጤታማነት ይልቅ የኪሳራችሁ መጠን ሊጨምር ይችላል። እራሳችሁን እንዳትሆኑ ያደረጋችሁ መጥፎው የፍቅር ህይወታችሁ ከሆነ ለአፍታ ቆም አድርጋችሁ ከርቀት ተመልከቱት፣ ዘወትር የሚረብሻችሁ የስራ ሁኔታችሁ ከሆነ ለትንሽ ጊዜ መስራት አቁሙና በጥልቀት መርምሩት፣ ሰላማችሁን የሚመርዘው ማህበራዊ ህይወታችሁ ከሆነ ለአፍታ ገለልተኛ ሆናችሁ አስተውሉት።

ወደ ራሳችሁ ተመለሱ! ለልባችሁ ቅርብ ሁኑ፣ ውስጣችሁን አዳምጡት፣ እራሳችሁ ላይ ማተኮር ጀምሩ። ማንም ቅስማችሁን ሊሰብር እንደሚሯሯጠው ሊፈውሳችሁ አይሯሯጥም፤ ማንም በጉዳታችሁ እንደሚያሾፈው ሊረዳችሁ አይፈልግም፤ ማንም ሁኔታችሁን እንደሚያቃልለው ትንሽ ነገር ሊያደርግላችሁ ፍቃደኛ አይደለም። አብዛኛው የህይወት ጉዟችሁ ብቻችሁን እራሳችሁን በመረዳት የምምጓዙት ነው። ማንም ባይረዳችሁና እናንተ ብቻ እራሳችሁን ብትረዱ ትልቅ አቅም ይኖራችኋል። ሰውንም ሆነ ሁኔታዎችን ፈርታችሁ ባላችሁበት ቆማችሁ ከሆነ ከዚህ በላይ በፍረሃት የምትታሰሩበት፣ አቅማችሁን የምትገድቡበት፣ የምትኖሯትን አጭር ህይወት ይበልጥ የምታሳጥሩበት ምክንያት የለምና እየፈራችሁም ቢሆን መንቀሳቀስ ጀምሩ፣ ምቾት ባይሰማችሁም ከባባድ ውሳኔዎችን ወስኑ፣ እያመማችሁም ቢሆን እራሳችሁን ለአደጋ አጋልጡት።

ማህበረሰቡ ከሚሰጥህ ማህበረሰባዊ ማንነት ውጪ የእራስህ የግል ማንነት እንዳለህ አስታውስ። አምነህ የጎደለብህ ቢኖር፣ ጠብቀህ ያጣሀው ቢኖር፣ ፈልገህ ያላገኘው፣ ተስፋ አድርገህ ያልተፈፀመልህ፣ ደክመህ ውጤት ያላገኘህበት ነገር ቢኖር ከዚህ ሁኔታ በመውጣት በአዲስ መንገድ መቀጠል እንደምትችል አስተውል። ከጉዳትህ በፊት የነበረህን ጠንካራ ማንነት አስታውስ፣ ከመከዳትህ አስቀድሞ የነበረህን የእምነት ደረጃ፣ ከመገፋትህ በፊት የነበረህን የተግባቦት አቅም አስታውስ። ምንም ከአሁኑ ሁኔታህ የተሻለ ነገር መፍጠር ባትችል እንኳን ወደቀድሞ ማንነትህ ግን መመለስ ትችላለህ። ማንንም ለማስደሰት ሰላምህን የማጣት ግዴታ ውስጥ አትግባ፤ የማንንም ይሁንታና አድናቆት ለማግኘት እራስህን አታዋርድ። ቀና በል፣ ለእራስህ ህይወት ሃላፊነት ውሰድ፣ እያንዳንዱን የተቀማሀውን ውድ ንብረትህን አስመልስ።

የራስህ ዋጋ እንዲጨምር
የሌሎችን ዋጋ አታሳንስ!!!

ህይወት እንዲህ ናት!

ዛሬ አስከሬን በአውሮፕላን ካርጎ ሲጫን በአካል ተመለከትኩ።

ዛሬ በአንደኛ ደረጃ ትበራለህ፣ ነገ አስከሬንህ በካርጎ ይጫናል።

👉 ሁል ጊዜ ትሑት ሁን።
👉 ሁሌም አመስጋኝ ሁን።
👉 ሰዎችን አክብር ውደድ።
👉 የሚቆጭና ለነገ የምትለው ህይወት አይኑርህ ዛሬ ያንተ ነው ዛሬን ኑር!

መልካምነት ዋጋ አለው ❤🙏

ከሀብት ሁሉ እጅግ የሚበልጠው
ጤና ነው እና ፈጣሪ አምላክ
ጤና ይስጠን።

ዱንያ እንዲ ነች

ይህ በምስሉ የምትመለከቱት መልከመልካም ወጣት የጆርዳን ቆንጆ በሚል ቅፅል ስም ይታወቃል አይመን_አሊ ይባላል::

ከአመት በፊት የካንሰር በሽታ ታማሚ ሆኗል ህመሙ እየተባባሰበት ስለሆነ ዱአ አድርጉልኝ ብሎ ከስር የምትመለከቱትን አሁን የለበትን ሁኔታ የሚያሰይ ፎቶ ለቋል::

ዱንያ እንዲ ነች ሁሉም ነገር በነበረበት አይቀጥልም የትላንቱ ቆንጆ አሁን ማንነቱ በሚያጠራጥር ሁኔታ እንዲ ተቀይሯል 😢😢

ፈጣሪ ይጠብቀን 🤲🤲

ፈጣሪ አፊያውን ይመልስለት ሁላችን ዱአ እናድርግለት::🙏

ምንጭ፡HijraTube ኢስላማዊ ድህረ ገፅ

🙏🙏🙏

ማርፈድ ብቻ ሳይሆን
መቸኮልም ዋጋ ያስከፍላል!!

ሲያጌጡ ይመለጡ የሚባለው አባባል አይደርስባችሁ!

ይህች ልጅ ሳህር ታቦር የምትባል ሞዴል ኢራናዊት ናት። ምን ዋጋ አለው እንዲሉ ፈጣሪ ውብ አድርጎ ቢፈጥራትም በጣም ውብ መሆን ፈለገችና በጣም የምታደንቃትን አንጀሊና ጆሊን መምሰል ፈለገች።

ወደ አንድ ፕላስቲክ ሰርጀሪ ወደሚሰራ ክሊኒክ ሄደችና ክፍያዋን ከፍላ አንጀሊና ጆሊን አስመስላችሁ ስሩኝ አለች። ፕላስቲክ ሰርጀሪው ረጅም ጊዜ ወስዶ ተሰራላት።
ለውጡ የሚከተለውን መስሏል።

ምን መስላለች ትላላችሁ?
ለማንኛውም ፈጣሪ ሁላችንንም የፈጠረን ራሳችንን እንድንሆን አድርጎ ነው! ውበታችን ጎልቶ የሚወጣውም ሌላን ሰው ስንመስል ሳይሆን ራሳችንን ስንሆን ብቻ ነው!

#ህይወታችን እንዳይቀየር የሚያረጉን
4 ነገሮች
1.ጊዜያችን በማይረባ ነገር ማሳለፍ
2.ቁርጠኝነት አለመኖር
3.ሠው ምን ይለኛል ማለት
4.በራሳችን አለመተማመን

እላለሁኝ እንጂ እንደው ገባኝ ገባኝ
እንኳንስ ያልገባኝ የገባኝ አልገባኝ
ያልገባኝ ሲገባኝ የገባኝ መች ገባኝ።

የገባው እስኪ??😄

✅መረዳት ይበልጣል
ሐብት በሐብት ብትጥለቀለቅ፣እውቀት በእውቀት፣ጥበብ በጥበብ በትጎናፀፍ መረዳት ከሌለህ ሁሉ ከንቱ ነው። አንድ ወጣት መንገድ ዳር ቆመው ከሚለምኑ ሚስኪን አባት ጋር እያለፈ ሳንቲም ሊሰጣቸው አሰበና ከፊታቸው ቆሞ ኪሱን ሲፈትሽ ያዩታል። ወጣቱም ኪሱን ሲፈትሽ ዋሌቱን ቤት እንደረሳ ተረዳ።ምንም ሳንቲም ከኪሱ አላገኘም።በዚህ ጊዜ የሚመለከቱትን ሚስኪን አባት ይቅርታ አባ ፓርሳየን ቤት እረሳሁ። አሁን ቤት ሄጀ ስለማገኘው ስመለስ እሰጥዎታለሁ ይላቸዋል።እሳቸውም ፊታቸው በፈገግታ ተሞልቶ እንድህ አሉት።ልጅ አመሰግናለሁ ሌሎች ከሰጡኝ በላይ አንተ ሰጥተኸኛል።ልጁ ግራ ተጋባ።እንደ አባ ምንም አልሰጠዎትምኮ አላቸው። አይ ልጀ ሳንቲም አለመያዝህን እና እንደተመለከትኩህ አውቀህ ከገንዘቡ በላይ ለስሜቴ ዋጋ ሰጠህ።በዛ ላይ ገንዘብ እንዳልያዝክ ይቅርታ ስጠይቀኝ #አባቴ አልከኝ። ከዚህ በላይ ምን አለ ልጅ።ይህን መረዳትህን እና አባቴ የሚለውን ቃል ከማንም አይቸው እና ሰምቸው አላውቂም።#አባቴ ከሚለው ጥሪም በላይ የምወደውና የማከብረውም ነገር የለም፤በማለት ደስታቸውን ገለፁለት።
አያችሁ ሰውን መርዳት ማለት ገንዘብ ስላለን ብቻ ገንዘብ መስጠት አይደለም።መርዳትን ከገንዘብ ጋር ብቻ አናገናኘው።ሰውን ለመርዳት ሰው መሆን በቂ ነው።
ከሁሉም በፊት መረዳት፣ማክበር፣ማዘን፣ፍቅር መስጠት፣ትህትናን ማሳየት ትልቅ እርዳታ ነው፤የሚበልጠው እሱ ነው። የሰው ልጅ በፍቅርም እንጅ በምግብ ብቻ አይኖርም።ለዛም ነው ፈጣሪ ለመስጠት ከዘረጋሃው እጅ እበላይ የዘረጋህበትን የልብ እርህራሄ የሚያይልህ።ፈጣሪ ጋር የገንዘብ መጠን አይታወቅም ወይም ቁስ አይታወቅም።ከሰጠኸው እቃ በላይ የልብህ አዘኔታ እና ባለህ ለመርዳት መፍጨርጨርህ የበለጠ ለፈጣሪ ዋጋ አለው።የሰጠኸው ለምስጋና ብለህ ከሆነ አጎደልክ፣የሰጠኸው አለው ለመባል ከሆነ ከሰርክ፣የሰጠኸው ለታይታ ከሆነ ተበላሸህ፣የሰጠኸው ከሱ የተሻልክ መሆንህን ለማሳየት ከሆነ ሞተሃል።ፅደቅ ያለው በውሃ ይፀድቃል ሲባል አልሰማችሁም?! ከእጃችን በፊት ልባችን ይቅደም።የሚበልጠው መስጠታችን ሳይሆን መረዳታችን ነው።
እግዚአብሔር ማስተዋልን ጥበብን እውቀትን ከፍቅር ጋር ይስጠን አሜን ❤

ሚዛናዊ የስሜት አገላለጥ

ከሰዎች ጋር ባላችሁ ግንኙነት ስሜታችሁን የሚነካ ነገር ሲያጋጥማችሁ ከሁለት ስህቶች ተጠንቀቁ፡፡

1. ስሜታችሁን እንደወረደ ከመልቀቅ መጠንቀቅ

አንድ ስሜት ሲሰማን ያንን ስሜት ካለምንም ገደብና ሚዛናዊነት እንደወረደ ስንለቀው ያልተጠበቀና ልንቆጣጠረው የማንችለው ውጤት ሊያስከትልብን ይችላል፡፡ ከእነዚህ አጉል ውጤቶች መካከል፣ ሰዎችን መጉዳት፣ ከቁጥጥር ውጪ የሆነና ነገሩን የሚያባብስ የሰዎች ምላሽ መከሰት እና የመሳሰሉት ይገኙበታል፡፡ እነዚህ ሁኔታዎች ነገሮች እየተባባሱ የኋላ ኋላ የማንፈልጋቸውንና መዘዝ የሚያመጡ ሁኔታዎችን ሊወልዱ ይችላሉ፡፡

2. ስሜታችሁን ከማፈን መጠንቀቅ

ሰዎች ስሜታዊ የሚያደርገንን ነገር ሲያደርጉብን፣ የሚሰማንን ስሜት አምቀን በያዝነው ቁጥር ከፍተኛ የሆነ ጉዳትን በራሳችን ላይ ያስከትላል፡፡ ከእነዚህ ጉዳቶች አንዱ፣ በታመቀው ስሜት ምክንያት የሚመጣ የውስጥ መጎዳት ነው፡፡ ከዚህ የተለየውና ብዙዎች የማያስተውሉት ሌላው ጉዳት፣ ስሜታችንን አምቀን ከቆየን በኋላ ሲብስን ድንገት “የመፈንዳት” ሁኔታ የሚያስከትለው መዘዝ ነው፡፡

የዚህ ሁኔታ ችግሩ፣ አምቀን የቆየነውንና ማንም ሰው የማያውቀውን ስሜት በድንገት ስንለቀው ሰዎች እስካሁን ያለፍንበትን ሁኔታ እና ያመቅነውን ስሜት ስለማያውቁት፣ እንደ አጉል ስሜታዊ ይቆጥሩንና ጥፋቱን ሁሉ በእኛ ላይ ያደርጉታል፡፡ ይህ ደግሞ ሌላ ጉዳትን ያስከትልብናል፡፡

እነዚህ ከላይ የተጠቀሱት ጎጂ ሁኔታዎች እንዳይከሰቱ ለማድረግ ከፈለግን ስሜታችንን ለትክክለኛው ሰው፣ በትክክለኛው ቦታ፣ በትክክለኛው ጊዜ እና በትክክለኛው መጠን መግለጥን መለማመድ አስፈላጊ ነው፡፡ ይህንን ሁኔታ የተለማመደ ሰው ከፍተኛ የስሜት ብልህነት ደረጃ ላይ ያለ ሰው ነው፡፡ ምንም እንኳን ሙሉ ለሙሉ ከስሜታዊነት ነጻ የሆነ ልምምድ ባይኖረንም በተቻለን መጠን ግን ይህንን መመሪያ መከተል ለግልም ሆነ ለማሕበራ ስኬታማነታች አስፈላጊና ወሳኝ ነው፡፡

ዶ/ር እዮብ ማሞ

አለማችንን በቴክኖሎጂ በተለይ በ Ai ላይ እምነቷን ለማድረግ ቆርጣ ተነስታለች።አሁን ከወደ አሜሪካ የተሰማው ደግሞ tesla robot የተባለ የሰው ልጅ ከተኛ በኋላ የልብ ምቱን-የደም ዝውውሩን-የአተነፍፈስ ስርዓቱን እንዲሁም ጠቅላላ ድህነቱን ይጠብቃል።ይህ ብቻ አይደለም የግለሰቡን ንብረት ከሌባ እና ከእሳት አደጋ የመከላከል ሙሉ ሃላፊነቱ የሮቦቱ ሲሆን ለዚህም ይረዳው ዘንድ የግቢውን ዙሪያ ገባ እየዞረ ይቃኛል።የአባወራውን ደህንነት ብቻ ሳይሆን የልጆቹንም ደህንነት በተወሰኑ ደቂቃዎች እየተመላለሰ ያረጋግጣል።እንዲሁም የግለሰቡን ደህንነት ለመጠበቅ አስፈላጊውን እርምጃ በሌባው ላይ መውሰድ እንደሚችል ተገልፃል።

ሠው በህይወቱ የሚወደው ነገር ቢኖር የሚረዳው ሠው ነው።
ከተረዳንለት ወደራሱ ከወረድን ድክመቶቹን ሁሉ ትቶ ለኛ መኖር ይጀምራል።

ብሩህ አመለካከት ትልቅ
ሀብት ነው።

የፍቅር ግንኙነትን ሊጎዱ የሚችሉ ተግባሮች
ሰላም ቤተሰብ የፍቅር ግንኙነትን ሊገድሉ የሚችሉ ጉዳዮች ከብዙ በጥቂቱ እነዚህ ናቸው ብዬ አምናለሁ።እናንተም የምታውቁት ካለ ጨምሩበት ቤተሰብ።
የፍቅር ህይወት በተሞክሮ ውስጥ የምናልፍበትና በሂደት የምናዳብረው ክህሎት ነው፡፡ እንደ ሰው በፍቅር ግንኙነት ውስጥ መፈጸም የማይገባንና የፍቅር አጋራችንን ስሜት ሊጎዱ የሚችሉ ስህተቶችን ልንፈጽም እንችላለን።ለምሳሌ፡ የጓደኛችንን የልደት ቀን መርሳት፣በቀጠሮ ሰዓት መዘግየት፣የፍቅር ጓደኛችንን የስጦታ ምርጫ አለማወቅ፣አለማክበር፣ቃልን አለመጠበቅ፣ቸልተኛ መሆን፣አለመደማመጥ፣የመሳሰሉት ለጊዜው ቅሬታ ቢፈጥሩም፤ተወቃቅሰንና ተነጋግረን በይቅርታ ልናልፋቸው የሚገቡ ጉዳዮች ናቸው።ይሁን እንጂ የፍቅር ግኑኝነታችን ጤናማ ሆኖ እንዳይቀጥል የሚያደርጉና ቀጣይነቱን እንድንጠይቅ የሚያስገድዱን ስህተቶችም ይኖራሉ፡፡ የሚከተሉት አምስት ስህተቶች በፍቅር ግንኙነት ላይ አዳጋ ሊያስከትሉ ከሚችሉ ጉዳዮች ውስጥ ይካተታሉ፡፡
1. ምልዑነትን መጠበቅ (Expecting Perfection):- ብዙዎቻችን ወደ ፍቅር ግንኙነት የምንገባው ፍቅረኛችን
ውብ እንደሆነ/ች እና በሁሉም ነገር ደግሞ ብቁ እንደሆኑ አድርገን አስበን ነው፡፡ በጊዜ ሂደት ውስጥ የፍቅር አጋራችን ጉደለቶች መታየት ሲጀምሩ ያንን ሰው አስበነው ወደ ነበረው ምልዑነት ለመቀየር ግርግር መፍጠር እንጀምራለን፡፡ ሰዎች ደግሞ በባህሪያቸው በማንነታቸው እንዳሉ ተቀባይነት እንዲያገኙ እንጂ “የመቀየር አለብህ/አለብሽ '' ግፊት ብዙም ምቾት አይሰጣቸውም፡፡ ለዚህ መፍትሄው የፍቅር አጋርዎን አሁን ባለበት ሁኔታ ሳያቅማሙ መቀበል፤ ሁሉም ሰው (እራስዎን ጨምሮ) ጉድለቶች እንዳሉበት መረዳትና የፍቅረኛችንን ክፍተቶች እኛ መሙላት የምንችልበት መንገድ ካለ መሞከር የተሻለ ነው፡፡
2. መወስለት (Cheating)፡- ፍቅር በመርህ ደረጃ የሁለት ተቀራኒ ፆታዎች የአካልና የመንፈስ ውህደትን ይጠይቃል፡፡ ከፍቅረኛችን አሻግረን ሌላ ይምናይ ከሆነ፤ ይባስ ብሎም ከሌላ ተቃራኒ ፆታ ጋር የስሜት ትስስር
መፍጠር ወይም ወሲብ መፈጸም የፍቅር ግንኙነትን በፍጥነት ከሚገድሉ ጉዳዮች አንዱና ዋነኛው ነው፡፡
እንደዚህ ዓይነት ስህተት ውስጥ የገቡ ከሆነ ማድረግ የሚገባዎት የፈጸሙትን ስህተት ለፍቅረኛዎ ነግሮ፤ በቀጣይ መደረግ ስለሚገባው ጉዳይ መወያየት ነው፡፡ ውስልትናን ከፍቅር ጓደኛ ደብቆ ማቆየት ቢቻልም በግንኙነታችን ላይ ተጽዕኖውን በተለያየ መንገድ ስለሚያሳርፍ ፍቅራችንን ይገድለዋል፡፡
3. ማኩረፍ (Silent treatment):- በፍቅር ግንኙነት ውስጥ አለመግባባቶችና ጸቦች ይከሰታሉ፡፡ ይሁን እንጂ ችግሮችን ለመፍታት የምንመርጠው መንገድ ማኩረፍ፤ ስልክ መዝጋትና መሸሽ ከሆነ የፍቅር ግንኙነታችን
እየገደልነው ነው፡፡ ፍቅርን ጠብቀው ከሚያቆዩ ምሰሶዎች አንዱ ግልጽ ውይይት ነው፡፡ ንዴታችን እስኪበርድልን ጠብቀን በአልተግባባንበት ጉዳይ ላይ መነጋገር ወደተሻለ መንገድ ይመራናል፡፡ በተቃራኒው ያልተወያየንባቸው አለመግባባቶች በውስጣችን በተጠራቀሙ ቁጥር፤ ግንኙነታችን
በየጊዜው ይረበሻል፡፡
4. ውሸት (lying ):-የፍቅር ግንኙነትን ጤናማነት ጠብቀው ከሚያቆዩ ነገሮች አንዱ ሀቀኝነት ነው፡፡ ማንኛውንም ጉዳይለፍቅረኛችን/ የትዳር አጋራችን በግልጽ የመናገር ልምድ ሲኖረን ግንኙነታችን ይጠነክራል፡፡ ነገር ግን ጓደኛችን በሆነ ጉዳይ ላይ ስንዋሽ ከያዘን/ከያዘችን በቀጣይ ለመታመን ዋስትና የለንም፡፡
ፈጣሪ ንፁህ ፍቅር ይስጠን ! የሰው ልጅ ያለ ፍቅር መኖር የለበትም። ፍቅር የለለው ሰው ተራጋጭ አይያ፣ተናካሽ ውሻ፣ተናዳፊ እባብ፣ተቅበዝባዥ አውሬ ጨካኝ አረመኔ ነው የሚሆነው። እምነት ፣ትህትና፣ደግ እና ሩህሩህነት ከፍቅር ይወዳሉ

የህይወት እውነታዎች....✍️

1- የምትወዳቸው ሁሉ ይሞታሉ ቋሚ ነገር የለም።
2- ፍጹም የሚባል የሕይወት አጋር የለም።
3- አንተ ራስህ ፍጹም አይደለህም።
5- ለሕይወትህ ትርጉም የምትሰጠው አንተ ነህ!
6-ሁሉም። ሰው ሊወድህ አይችልም።
7-መጥፎን ቀን  መከላከል እንጅ ማስቀረት አይቻልም።
8-ስኬት ላይ እስክትደርስ አለም አትደግፍህም የራስህ ደጋፊ ሁን።
9-ላንተ ምቹ የሆነ ለሌሎች ይመቻል ማለት አይደለም።
10-ከቁጥጥርህ በላይ የሆነውን በፈቃድህ ተቀበል።

የህይወትን እውነታዎች  ተቀብለን ከራሳችን እና  ከሌሎች ሰዎች ጋር እንዲሁም ከተፈጥሮ ጋር ተስማምተን  በሰላም እንኑር።

እንደ በረዶ የረጋህ፣እንደ ጥጥ
የፀዳህ ብትሆንም እንኳ ከስም መጉደፍ ልታመልጥ አትችልም''።

#ቀን እስኪያልፍ
ንዴትህን በትግስት ዋጠው።
ሀዘንህን በፈገግታ እለፈው።
ምኞትህን በተስፋ ጠብቅ።
ጠባሳህን በልብስህ ሸፍነው
እውነትን በልብህ አኑራት
መከፋትህን በውስጥህ ያዘው
ቀን አለው ለሁሉም!!

ተራራ ላይ ከቆመ ሠው ይልቅ
ፈጣሪ ፊት የተንበረከከ ሠው
ብዙ ያያል።

ስልክዎ የእርስዎ እንጂ እርስዎ የስልክዎ አይደሉም!

“ቀንዎ ጤናማ እንዲሆን ከፈለጉ ጠዋት ላይ ከእጅ ስልክዎ ጋር የሚኖሮትን ቁርኝት ይቀንሱ”- አጥኚዎች

አንተርኔት የሚጠቀሙ ሰዎች በቀን ውስጥ በአማካይ ከ96 ጊዜ በላይ የእጅ ስልካቸውን የሚነካኩ ሲሆን ከእንቅልፋቸው ከተነሱ በኋላም ከ30 ደቂቃ እስከ 1 ሰዓት ድረስ ሞባይላቸው ላይ እንደሚያሳልፉ የተለያዩ ጥናቶች ያመለክታሉ፡፡

አጥኚዎቹ እንደሚገልጹት ብዙዎች ከመኝታቸው ሲነቁ የእጅ ስልካቸው ላይ ከግማሽ ሰዓት በላይ የሚቆዩ በመሆናቸው በውሏቸው ስሜታቸው ሊረበሽ እንደሚችል እና ጥሩ የመስራት አቅም እንዳይፈጠርባቸው እንደሚያደርግ ገልጸዋል፡፡

በጠዋት ከኢንተርኔት እና ከስልክ መተግበርዎች ጋር ከመጠን ያለፈ ቆይታ ማድረግም አዕምሮ ሊያደርገው የሚገባውን የማሰብ እና ማሰላሰል ሒደት ላይ ተጽዕኖ ሊፈጥር እንደሚችል የሲ ኤን ኤን የጤና ድረ ገጽ አስፍሯል፡፡

ስልክዎ የእርስዎ እንጂ እርስዎ የስልክዎ አይደሉም ሲልም ጥንቃቄ ማድረግ እንደሚያስፈልግ አሳስቧል።

ከዚህ ድርጊት ለመላቀቅ መፍትሔ ሲል ያስቀመጠውም የበይነ መረብ እና የማሕበራዊ ትስስር ገጾች ላይ ከድንገቴ መልዕክቶች መቆጠብ፤ በደንብ ነቅተው እንቅስቃሴ እስኪያደርጉ ድረስ ስልክን ከአጠገብ ማራቅ እና አጠገብዎ ካሉ የትዳር አጋር ዘመድ አልያም ቤተሰብ ጋር በመነጋገር ጤናን መጠበቅ እንደሚያስፈልግ አስቀምጧል፡፡

(ፍቅረሚካኤል ዘየደ - NBC)

የመጥፎ ባህሪ ድግግሞሽ የህይወት መርዝ ነዉ.....
✵ በዚህ ምድር እንደ ሰው አይነት ክቡር እና መልካም ፍጡር የለም፡፡ ከሰዎች ስህተት በላይ ክብራቸው ልዩ ነው።የሆነ ሰዉ መልእክት ልከህለት ካልመለሰልህ ለምን አልመለሰልኝም ብለህ ሌላ አተካራ ዉስጥ አትግባ፡፡በግድ የሆነ ጓደኝነትና የፍቅር ግንኙነት የትም አይደርስም።ለነገሮች ትንተና አትስጥ፡፡ አስፈላጊ ሆኖ የተገኘ ሰአት ብቻ እንጂ ስለእያንዳንዱ ነገር ገለፃ የምታደርግ ከሆነ እራስህን ታደክማለህ።ሰዎችን መቼም ቢሆን ለመለወጥ አትነሳ፡፡ማንም ቢሆን ላንተ ብሎ እራሱን አይቀይርም፡፡ ሲጋራ የሚያጨስን ሰዉ 'አታጭስ' ስላልከዉ ማጨሱን አያቆምም።ይልቅስ ለምን ማጨስ እንደማያስፈልገዉ የሚረዳበትን ፍንጭ አሳየዉ..እምቢ ካለ ፈቃዱን አክብረህ ተወው እንጅ አትከራከረው።
አንተ ጋር ብቻ ያለ ፍቅር ከምትወደዉ ሰዉ ዉስጥ ከሌለ እራስህን እያጎሳቆልክ ነዉና አሁኑኑ አቁም።የመጥፎ ባህሪ ድግግሞሽ የህይወት መርዝ ነዉ።ለማንም ቢሆን
እራስህን ግልጥልጥ አድርገህ አታሳይ ምክንያቱም
90% የሚሆነዉ ሰዉ ማንነትህን እስከጥጉ ካወቀ በደካማ ጎንህ መጫወት ይጀምራል።ሰዎች እንደሚወዱህ ቢነግሩህና ጥሩ ለመሆን ብትሞክርም አንተ ላይ መፍረዳቸዉን አያቆሙም።
✵ በዚህ ዘመን ስኬታማ ሰው መሆን ማለት አለምን ንቆ ከፈጣሪ ጋር ዝምድና የፈጠረ ሰው ነው።ስለ ፈጠረን
ስንል የእውነት ሰው እንሁን፣እስኪ አይናችን እያየ አንጥፋ እንመለስ፣ከልባችን ሰው እንሁን። ስለትውልድ እንጨነቅ። እኛ የፍጡራን ሁሉ ሃላፊነት ያለብን ከፈጣሪ ቀጥለን ስለፍጥረት ግድ የሚለን ሰዎች መሆናችንን አንርሳ። በእውነት ቆም ብለን እንሰብ ወደት እየሄድን ነው ? ፈጣሪ መረዳቱን ይስጠን ከሚጠፉት መሃል እንዳንሆን ይጠብቀን በማስተዋል እንጠንቀቅ !!
ፈጣሪ ማስተዋልን ጥበብን እውቀትን ከፍቅር ጋር ይስጠን አሜን

* ከሚወዱት ሰው ጋር *
~~
ከሚወዱት ሰው ጋር መኖር ያስደስታል ፡
እስከመጨረሻ ፍቅራቸው ይቆያል ፣
እዩ ተመልከቱ በፅናት ቆመናል ፡
ዛሬም እንደጥንቱ ባሌ እኔን አቅፎኛል ፣
የኛን ያየ ይማር ፍቅርእኮ እንዲህ ነው ፡
ብናረጅ አያረጅ ልባችን አንድ ነው ፣
ሲያጠፋ ስመክረው ሲመክረኝ ሳጠፋ ፡
ይኸው እስከዛሬ አለን ሳንከፋ ፣
ከብርም ከወርቅም ፍቅር ያኖርሀል ፡
ሌባም እንዳይወስደው በልብ ይታተማል ።
~~
በክንፈ ጀማነህ (የእልፍነሽ ልጅ)

🏅🏅በየትኛውም ሁኔታ የነገሮችን መልካም ጎን ለመመልከት ሞክር። በረባ ባረባው የማትሸበር ሁን። ከሚገጥምህ ፈተና ጋር ራስህን ለማስማማት ታገል እንጂ እኔ እንደፈለግሁት ካልሆነ አትበል። ጠንክረህ በሰራህ መጠን የበለጠ እድለኛ እየሆንክ ትመጣለህ፤ የራስ መተማመንህም በዛው ልክ ይጨምራል።
🏅🏅በማንኛውም ሁኔታ ውስጥ ብትሆን እራስህን ዋጋና ክብር እንዳለው ሰው አድርገህ ተቀበለው። አንድ ቦታ ላይ ተቀምጠህ እንዳትገኝ ትክክለኛው መንገድ ላይ ብትሆንም እንኳ ዝም ብለህ ከተቀመጥክ ትረገጣለህ ስለዚህ ሁሌም ለመጓዝ ሞክር። ከዚህ በፊት ያልነበረህ ስኬት እንዲኖርህ ከፈለክ ከዚህ በፊት ያላደረከውን አዲስ ነገር በድፍረት ማድረግ እንደሚጠበቅብህ አትዘንጋ።
🏅🏅ብዙ ጊዜ ውድቀት ከስኬት ቀድሞ ይመጣል ነገር ግን በእያንዳንዱ ውድቀት ውስጥ ለስኬትህ የሚያበቃህን ትምህርት ትማራለህ። በአዕምሮህ ውስጥ ትልቅ ነገር አስብ ምክንያቱም አብዛኛዉን ጊዜ እኛ የምንሆነው በአዕምሯችን ውስጥ በምስጢር የምናስበውን ነው ለዚህም ነው ብዙ ሰዎች የሚታዩበት ቦታ ሳይሆን የማይታሰቡበት ቦታ የሚደርሱት።


👉ደራሲ መምህር በረደድ ገዳሙ እንደፃፈው🙏

ለአሸናፊነት ታመኑ!
፨፨፨/////////፨፨፨
ፀጋችሁ ምንድነው? ምን አይነት ስጦታ አላችሁ? በየትኛው መንገድ ላይ ናችሁ? ምንስ ጀምራችኋል? እምነታችሁስ በምን ተፈትኗል? ምርጫውን ጠንቅቆ የመረጠ ሰው፣ አንድን ነገር ለማሳካት የሚተጋ ሰው፣ ከብዙ ሰው በተለየ መንገድ የሚጓዝ ሰው፣ የዛሬን ችግር ሳይሆን የነገን ድልና አሸናፊነት የሚመለከት ሰው በዋናነት ሊፈተን የሚችለው በእምነቱ ነው። ከጅማሬው ማግስት ብዙ ፈተናዎች ከፊቱ ይደቀናሉ፣ ልክ እንደጀመረ በብዙ ተስፋ አስቆራጭ ክስተቶች የሞላል፣ ነገሮች ባሰበው መንገድ አልሔድ ሲሉት ይመለከታል፣ የተማመነባቸው ሰዎች ሲሸሹ፣ የቀደመ ተነሳሽነቱም ሲቀንስ ያስተውላል። በዚህ ሁሉ ፈታኝ ሁነት ውስጥ ሆኖም ግን በጥረቱ የሚያምን፣ በፈጣሪውና በራሱ የሚተማመን ከሆነ ዝናቡ እስኪያባራ ጥላውን ይዞም ሆነ በዝናብ እየተመታ እስኪያባራ ይታገሳል፣ ሁሉም ነገር እስኪስተካከል ይፀናል። አሸናፊነት የመጨረሻ መዳረሻው ይሆን ዘንድ መክፈል ያለበትን ዋጋ ሁሉ ይከፍላል። ዛሬ ላይ ሆናችሁ ወደፊት ትልቅ ነገር እንደሚታያችሁ ካመናችሁ በምንም መንገድ ያንን ያያችሁትን ነገር በእጃችሁ ሳታስገቡ ጥረታችሁን እንዳታቆሙ።

አዎ! ለአሸናፊነት ታመኑ! ለድል አድራጊነት ያላችሁን ሁሉ ስጡ፣ ለምትመኙት ህይወት ራሳችሁን መስዋዕት አድርጉ። ከጀመራችሁ ጨርሱ፣ ካልጨረሳችሁ አትጀምሩ። አንድ ነገር ይስራ አይስራ፣ ለእናንተ ይሁን አይሁን፣ ይጥቀማችሁ አይጥቀማችሁ፣ ፍላጎታችሁ ይሁን አይሁን ከመጀመራችሁ በፊት ለማወቅ ሞክሩ። ከጀመራችሁም ቦሃላ ቢሆን ረጅም ርቀት ሳትጓዙ በጊዜ ወስኑ፣ ለውሳኔያችሁም ታመኑ። በህይወታችሁ ውስጥ እየተከናወነ ላለ የትኛውም ነገር ማንንም አትውቀሱ። ጥሩ ሰዎች ደስታን ይሰጧችኋል መጥፎ ሰዎች ጥሩ የህይወት ትምህርት ያስተምሯችኋል። ለማንም ብላችሁ የጀመራችሁትን የታላቅነት ጉዞ ለማቆም እንዳታስቡ። ህይወት መቆም ውስጥ የለችም፣ ህይወት ከተስፋ መቁረጥ ጋር ህብረት የላትም፣ ህይወት ያለፈ ታሪክን ከመኖር ጋር ምንም አያገናኛትም። ወደፊት መጓዝ ካለባችሁ የዛሬ ችግራችሁን ዋጥ አድርጉት፣ የዛሬ ህይወታችሁን ታሪክ ማድረግ ከፈለጋችሁ በራሳችሁ ላይ ጨክኑ፣ በህመማችሁ ላይ ተረማመዱ፣ ችግራችሁን ወደ አድል ቀይሩት፣ የግል ዓለማችሁን ከየትኛውም ጥፋት ተከላከሉት።

አዎ! ጀግናዬ..! በብዙ እንቅፋቶች ተከበሃል፣ ብዙ ችግሮች አሉብህ፣ አጣብቂኝ መሃል ያለህ ይመስልሃል። በፈጣሪህም ሆነ በራስህ ላይ እምነት እንዳለህ ስታስብ ግን ከሁሉም መሃል የመውጣት አቅሙ እንዳለህ ታስታውሳለህ። ጫወታው ተጀምሯል የእረፍት ሰዓት ሳይደርስ ወይም የጫወታው መጠናቀቂያ ፊሽካ ሳይነፋ ማቆም አትችልም። ህመም ድካም፣ ፈተና ተስፋ መቁረጥ፣ ውድቀት ፍረሃት፣ መገለል መበደል ሁሉ በየመንገዱ ከፊትህ ይደቀናሉ። ጥለሃቸው የማለፍ ሃላፊነት አለብህ። ብዙ ውድቀትህን በጉጉት የሚጠብቁ ሰዎች አሉ፣ ብዙ እንቅፋት ሊሆኑህ የሚጥሩ ሰዎች አሉ። አንተ ግን ትርዒቱን እስከመጨረሻው እንዲመለከቱ አድርግ፣ ስታሸንፍ በአይናቸው እንዲያዩ ጋብዛቸው። እያየሃቸው አትውደቅ፣ በቆፈሩልህ ጉድጓድ ውስጥ አትግባ። ቀና ብለህ ተራመድ፣ ዙሪያህን በሚገባ ቃኝ። ብዙ ጠላት ቢኖርብህም ስኬትና አሸናፊነት ወዳጆችህ እንደሆኑ በእጅህ አስገብተሃቸው አሳይ። ለራስህ የተናገርከውን የአሸናፊነት ቃል አስታውስ። እርሱንም በተግባር ፈፅመሀው ተገኝ።

(Epha A.)
ምክረ-አዕምሮ ለተሻለ ነገ! 🦋

«ኮንታ ትገባላችሁ… አዲስ አበባ ቦሌ ገባ»

በማህበራዊ ሚዲያ በተለቀቀ አጭር ቪዲዮ መንገድ ለማሳየት "በዚህ አትሂዱ፣ እንዲህ ሂዱ፣ በዚህ ከሄዳችሁ ኮንታ ትገባላች" የሚለው ገለፃው ዝነኛ የሆነው ግለሰብ በርካቶች ይህ ቀና ሰው ለቀናነቱ ሽልማት ያስፈልገዋል ምሳሌ ነው ሲሉ፣ ሌሎች የኮንታ ዞን የቱሪዝም ማስታወቂያ አምባሳደር አድርጎ ሊጠቀምበት ይገባል ሲሉ የተለያየ ሃሳብ ሲሰነዝሩ ቆይቷል። አሁን ኮንታ ትገባላችሁ ያለው ግለሰብ አዲስ አበባ መጥቻለሁ ብሏል።

#ከትናንት.....ፀፀት
#ከዛሬ..........ድካም
#ከነገ...........ስጋት

#ፈጣሪ_ይጠብቃችሁ

ትዳር ለብቸኝነት መፍትሔ አይሆንም የልብ ጓደኛህን ካላገባህ አግብተህም ብቸኛ ልትሆን ትችላለህ ..🤔

መገኘት የሌለብህ ቦታ አለ፤
ጓደኛ ማድረግ የሌለብህ ሰው አለ፤
መስማት የሌለብህ ድምፅ አለ፤
መናገር የማይገባህ ቃላት አለ፤
ወደ ህይወትህ ማስገባት የሌለብህ
ሠው አለ።

ነገን አታውቃትምና ዛሬን ኑር. . . .

በትላንት ውስጥ የተደበቀ ዛሬ ፤ በዛሬው ውስጥ የጨፈገገ ትላንት . . . የህይወት አውዱ ሲገለባበጥ ነገን በመሻት ፈንታ ዛሬን መደብዘዝ . . . ለምን ይሆን ?

ቀላል የሚመስል ከባድ ፤ ምላሹ ቅርብ የሆነ ሩቅ . . . . . የአእምሮ ዝለት የሰውነት ድካም ስሜት አልባ ፈገግታ 😁 ነጫጭ ጥርሶች ውስጥ ሳይሆን ውጭ ያደሩ . . . በአጉል ተስፋ ዛሬን የታሰረ . . . እንደ ቀልድ ከዛሬ ጋር ተሸዋወድን።

እጅና እግሬን አሳስሬ ቁጭ ካልኩበት የሀሳብ መንደር ዛሬን ለመሻገር ጉዞ ጀመርኩ ። ትንሽ እንደተጓዝኩ ከፊት ለፊቴ ካለው የመስታወት መሸጫ ሱቅ ከተሰቀለው መስታወት ውስጥ ምስሌን አየሁት ፤ ተያየን ።

ስስቅ ይስቃል ፤ ስንቀሳቀስ አብሮኝ ይንቀሳቀሳል ። እጄን ወደላይ አንስቼ አሾፍኩበት ፤ እሱም አሾፈብኝ ። ምላሴን አወጣሁበት ፤ እሱም አወጣብኝ ።

ቀጥ ብዬ በትኩረት ተመለከትኩት . . . .እሱም በትዝብት ብታሾፍ የምታሾፈው ራስህ ላይ ነው ። ጊዜ ቆሞ አይጠብቅህም ። ለነገ እያልክ ዛሬን አፈር አታልብሳት. . . ግድ
የለህም አፈር እንኳን ብታለብስ ዘር ዝራባት ። እስቲ እራስህን ተመልከት . . . . . ከፊት ለፊት . . . . ያየሁትን ለማረጋገጥ ወደኋላዬ ዘወር ስል ጥቂት የማይባሉ ሰዎች መኪናውን አጅበው ይጓዛሉ ።

እየቀረቡ ሲመጡ ግልጥ ብሎ ታየኝ ። መኪናው እሬሳ ጭኗል። ሰዎቹም እሬሳውን ለመሸኘት የተሰበሰቡ ናቸው ። የማየውን ማመን አቃተኝ ። አይኔን አሸት አሸት አድርጌ ተመለከትኩ ። እሬሳው ሳጥን ላይ የተሰቀለው ፎቶ የኔው ነበር ።. . . . ተከተልኳቸው ። ቀብሩን እስኪጨርሱ ጠብቄ ወደ ቦታው አመራሁ ።

የሟች መልእክት 💬
" ነገን አታውቃትምና ዛሬን ኑር "

ኬንያ ውስጥ አንድ ግለሰብ ከተለያዩ ሰዎች የተበደረውን ገንዘብ መክፈል ባለመቻሉ ቤቱ ድረስ እየመጡ ያስቸገሩትን አበዳሪዎች ለማስፈራራት ውሻውን በዚህ መልኩ የነብር ቀለም ቀብቶታል🤔 አጃኢብ 😍
#via tocusonኬንያ ውስጥ አንድ ግለሰብ ከተለያዩ ሰዎች የተበደረውን ገንዘብ መክፈል ባለመቻሉ ቤቱ ድረስ እየመጡ ያስቸገሩትን አበዳሪዎች ለማስፈራራት ውሻውን በዚህ መልኩ የነብር ቀለም ቀብቶታል🤔 አጃኢብ 😍
#via tocuson

መልካም ቀን🥰🥰

"የአልኮል ሱስ ህይወቴን አመሰቃቅሎብኛል ፤ ካሁን በኋላ አልኮል ስጠጣ ካገኛችሁኝ ግደ*ኝ ":- ያሬድ ነጉ

ተወዳጁ ድምጻዊ ያሬድ ነጉ ሰይፉ ሾዉ ላይ ቀርቦ ሕይወቱን እስከማመሰቃቀል የደረሰ የአልኮል እና ተጓዳኝ ሱሶች ተገዝዥ እንደሆነ ተናዟል ።

ፈፅሞ ድምፃዊ የያሬድ ነጉ ከምናየው መልክ ተቀይሮ የመጣበት እጅጉኑ አንጀት የሚበላ ሰው ሆኖ መቷል ፡፡ ታላላቅ በተለያየ ዘርፍ ያሉ አርቲስቶች ሰዎች በቴሌቪዥን መስኮት ብቻ ስንመለከታቸው ፍፁም ደስተኛ ስኬት አልጋ በ አልጋ የመጣ እና ምንም ነገር የማያስጨንቃቸው ይመስለናል ፍፅሞ ግን ስህተት ነው ፡፡

በፊት የነበረው የያሬድ ነጉ ባሕሪ ያሳለፈው የሕይወት መልክ በአንድ አጋጣሚ ቆም ብሎ ሲያየው ከንቱ አልባ መሆኑን ሲያውቅ ፀፀቱ በውስጥ አንገብግቦታል ፡፡ አርቲስት ሕይወቱን እስከማመሰቃቀል የደረሰ የአልኮል እና ተጓዳኝ ሱሶች ተገዝዥ እንደሆነ ተናዟል ። ድምጻዊው የቅርብ ወዳጆቹን ፣ አብሮ አደጎቹን ፣ የልጅነት ፍቅረኛውን ጭምር በዚህ ምክንያት እና ዝናውን መሸከም ክብረት ማጣቱን በእንባ ጭምር ተናግሯል ።

ተወዳጁ ድምጻዊ ከባድ የሚባል የአልኮል ሱስ ውስጥ እንደቆየ አስታውሶ ፣ አሁን ግን በፈጣሪ እርዳታ ከዚህ ሕይወት ነጻ መውጣቱን ተናግሯል ። ሁለተኛ መጠጥ አልጠጣም ሲጠጣ ካገኘኸኝ ግደለኝ ብሏል ።

ትከሻው ዝና እና ገንዘብን መሸከም አቅቶት ብዙዎችን አስቀይሜያለሁ ። ለዚህም ይቅርታ ጠይቋል ። ዝነኞች ዝናን መሸከም የሚችል ትከሻ ሊኖራቸው ይገባል ሲልም መክሯል ።
በቅርቡ አዲስ የበኩር አልበሙን በራሱ ዩቱብ ቻናል ጭኖ ያደርሰናል በርካታ ሰዎች ተሳትፈዋል ፋኑ ጊዳቦ ፣ስማገኘሁ ሳሙኤል እና ሌሎች አዳዲስ መጣቶች ያሉበት "ላሎዬ" የተሰኘ አልበሙን ያደርሰናል፡፡ አይዞን ወዳጄ ብዙ ነገር ይታለፋል አርቲስት ቀን ከፍ ያደርገዋል፡፡

ይቅናህ ወዳጄ ያሬድ ነጉ ፡፡
(✍️ጌጡ ተመስገን)

#የአንተ_ስበብ_ምንድነው?!

#1_ለምንህን_ፈልግ

መነቃቃትን ሳይሆን ለምንህን ፈልግ። ያን ጊዜ ባንተና በግብህ መካከል ሰበብ አይፈጠርም!

ለግቦችህና ለድርጊቶችህ ጠንካራ ምክንያት የሚሆንህ ለምን? ፈልግ እንጂ በየ ጊዜው የሚቀያየር የመነቃቃት ስሜትን በመጠበቅ ጊዜህን አታባክን። ሲደክምህም፣ ፈተና ሲበዛብህም ብርቱ የሚያደርግህ ለምንህ እንጂ ስሜትህ አይደለም።

#2_ካልፈራህ_በቀር_ሰበብ_አታበዛም!

አዎ ሰበብ የፈሪዎች መደበቂያ ነው። አንተ ግን ፈሪ አይደለህም። ስለማትፈራ ሰበብ በማብዛት አትደበቅም። ትወጣለህ፣ ትጋፈጣለህ፣ ታሸንፋለህ!

#3_የማታገኘውን_ዛሬህን_ሁሌም_በምታገኘው_ሰበብ_አትጣው!

ሰበብ ሁልጊዜ አለ። መልካም እድልና አጋጣሚ የሚመጣው ግን አልፎ አልፎ ነው። ሰበብን ከፈለግከው ዛሬ፣ ነገ ወይም ከዓመታት በኋላም አታጣውም። ዛሬህ ግን የዛሬ ብቻ ነውና ተጠቀምበት!

#4_ሰበብ_ማሸነፍን_አጥበቀው_ለማይፈልጉት_ሰዎች_ነው!

ግብህን ምን ያህል ትፈልገዋለህ? የአሸናፊነት ርሃብህ እስከ የት ድረስ ነው? ሰበብ ካበዛህ በቂ ፍላጎትና ርሃብ የለህም ማለት ነው።

#5_ወዴት_እየሄድክ_ነው?

የት ነበርክ ወይም የት ነህ የሚለው አያሳስብም። ዋናው ወደ የት እየሄድክ ነው የሚለው ነው። ሰበብ አታብዛ!

ዋናው ቁምነገር መድረሻህ ነው። መነሻህ የትም ሊሆን ይችላል። ሁሉም የተደላደለ መነሻ አይኖረውም፤ ሁሉም ግን መድረሻውን የተደላደለ ማድረግ ይችላል። ይህ የሚሆነው ደግሞ ሰበብን የቆሻሻ ቅርጫት ውስጥ በመጣል ነው!!

ሰበብህን የቆሻሻ ቅርጫት ውስጥ በመጣል ሕልምህን መኖር ያስፈልጋል!!!

😄😄

በዚህ መዳፍ መሻከር ውስጥ ብዙ የለሰለሱ የህፃናት እጆች ከአድካሚ ትላንቶች ጋር በጉልህ ይታዩኛል።

ዛሬን ለእኛ ለማበጀት ሲሉ ትላንታቸውን መስዋዕት ላደረጉ ሁሉ ክብር ይሁን…🙏🙏

#ጤናችን
<የአዕምሮ ኃይላችን እንዳይሸረሸር ስለመጠበቅ>

አፈር ብቻ አይደለም ተሸርሽሮ የሚያልቀው ። ለም መሬት ብቻም አይደለም የሚነጥፈው ። አዕምሮም ይሸረሸራል ይቦረቦራል ይነጥፋል ።

ታድያ እንዳይሸረሸር እንዴት ነው የምንጠበቀው ❓

How to Protecting yourself from mental energy drains ❓

አዕምሮ ውስጣችንም ሆነ ውጪያዊ ከባቢያዎቻችን አቅማችንን ከሚሸረሽሩ ነገሮች ነው የምንጠብቀው ።

ለመሆኑ ምን ምን ናቸው የሚሸረሽሩን ?

✅. የሚረብሹና አሉታዊ ዜናዎችን በእየለቱ መስማት
ሊሆን ይችላል።

✅. በማንወደው እና በማንፈልገው ተግባር ወይም ሥራ
ላይ መሰማራት ሊሆን ይችላል ።

✅. በቂ ምግብና እንቅልፍ አለማግኘት እንዲሁ አቅምን
ያሳጣል ።

✅. ራስን ከሌላ ጋር ማወዳደር ያደክማል ።

✅. በእቅድና በራስ መንገድ መጓዝ አለመቻል ይሸረሽራል ።

✅. ስለራሳችን አሉታዊ ነገር ከራስ ጋር ማውራት፣🙇‍♀️
ድክም ያደርጋል ።

✅. ፍፁማዊነትን ወይም perfectionist መሆንን
መጠበቅ ብስጭት አድርጎ ይጎዳል ፣

✅. Toxic Interactions ማድረግ እንዲሁ ኃይልን
ያሳጣል ፣

✅. ብዙ ኃላፊነትን መውሰድ ወይንም አሥር ድስትን
መጣድ ( multitasking ) ብኩን ያደርጋል ።

✅. በሌሎች ሰዎች ተፅዕኖ ሥር👊 መሆን ወይም
የማንፈልገውን ነገር NO ⛔የማለት አቅም ማጣት
የመሳሰሉት በጣም ጥቂቶቹ ናቸው ።

የአዕምሯችንን ኃይል ያለአግባብ አይባክን። ኤነርጂዎትን ይቆጥቡ ። በአግባቡ ይጠቀሙት ።
(✍️Kefe Hailu)

ምንም ነገር ለዘለዓለም አይቆይም!

ምንም እንኳን ብዙ ዓመታትን ቢያስቆጥር፣ አንበሳ ተጎሳቁሎ መሞቱ አይቀርም። ይህ የዓለም እውነታ ነው። አንበሶች በዘመናቸው ገዥ ናቸው። ሌሎች እንስሳትን ያሳድዳሉ፣ ይይዛሉ፣ ይጎትታሉ፣ ይበላሉ፤ ትራፊያቸውንም ለጅቦች ሳይቀር ትተውላቸው ይሄዳሉ።

ነገር ግን እድሜ ፈጣኑ እገሰገሰ ከች ይላል። ያረጀው አንበሳ ማደን አይችልም። መግደል አይችልም፣ ራሱን እንኳን መከላከል አይችልም። ከቦታ ቦታ ይዘዋወራል፣ ያገሳል። ግን እድል አይቀናውም። በጅቦች መንጋ ውስጥ ይወድቅና ከነ ሕይወቱ ይበላል። ጅቦቹ እስኪሞት እንኳን አይጠብቁትም።

ሕይወት አጭር ናት። ኃያልነትም ጊዚያዊ ነው። አካላዊ ውበትም ጊዜው እጅግ አጭር ነው። በአንበሳ ማየት ይቻላል። እርጅና በተጫጫናቸው ሰዎችም ማየት ይቻላል። ማንኛውም ረጅም እድሜ የኖረ ሰው የደካማነትና አቅመቢስነት ጊዜው ላይ የሆነ ወቅት ላይ መድረሱ አይቀርም።

ስለዚህም፣
ምንም እንኳን አንበሶቹ በተፈጥሯቸው አዳኝ ስለሆኑ የሕይወት መስመራቸውን መቀየር የማይችሉ ቢሆንም፣ የሰው ልጅ ግን በተሰጠው ከፍተኛ የአስተሳሰብ ጥበብ ሁሉን ነገር መቀየርና ማስተካከል የሚችል ፍጡር ነው። እናም ትሕትናን እንላበስ፣ የደከሙትን፣ የታመሙትን፣ የተጠቁትን እንርዳ። ከሁሉ በላይ መርሳት የሌለብን አንድ ቀን መድረኩን ለቀን እንሄዳለን።

#ለመፍረድ አንቸኩል

በድሮ ዘመን አንድ በእድሜ የገፉ ልብስ ሰፊ አዛውንት ከአንድ ዳቦ መሸጫ ሱቅ በራፍ ላይ ልብስ እየሰፉ ይኖሩ ነበር።ታዲያ እኚ አዛውንት ካላቸው ልብስ የመስፋት የረጅም ጊዜ ልምድ አንፃር ብዙ ደንበኞች ነበሯቸው ጥሩ የቀን ገቢም ነበራቸው።ይህ በእንዲህ እንዳለ ካጠገባቸው ያለው ዳቦ ሻጭ ደግሞ ብዙም ገቢ ባይኖረውም ነገር ግን ሁል ጊዜ ለድሆች በነፃ ዳቦ ይሰጥ ነበር።
# ከለታት በአንድ ቀን በአከባቢው የሚኖሩ ሰዎች እንዲህ ሲሉ ማውራት ጀመሩ፦ ይህ ሽማግሌ የዳቦ ሻጩ በራፍ ላይ ተጠግቶ ያለምንም የመንግስት ግብር ክፍያ እና የቤት ኪራይ ሳይከፍል ጥሩ ገቢ እያገኘ ነገር ግን ለድሆች ምንም አይነት እርዳታ (ምፅዋት) አይሰጥም።
በአንፃሩ ዳቦ ሻጩ ግን ብዙም ገቢ ሳይኖረውና ሳይተርፈው ለድሆች በየቀኑ ዳቦ በነፃ ይሰጣል።
ስለዚህ ለአከባቢው ማህበረሰብ ተናግረን ማንም ሰው ሽማግሌው ጋር ልብሱን እንዳያሰፋ ማድረግ አለብን ይሉና ባከባቢው የሽማግሌውን ስም ማጠልሸት እና ማጥፋት ይጀምራሉ። ይህም ሳይበቃቸው በአካል በመሄድ
ሽማግሌው ካከባቢው ለቀው እንዲጠፉ ዛቻና ማስፈራሪያ ይሰነዝራሉ።
#ሽማግሌውም በቅኔ እንዲህ ሲሉ ተናገሩ፦ # ስትመፀውቱ እንደግብዞች አትሁኑ። ሰው በሰው ላይ
የመፍረድ አቅምም ሆነ ስልጣን አልተሰጠውምና ውስጠ ሚስጥሩን ሳታውቁ በሰው ላይ ለመፍረድ አትቸኩሉ።
ፈጣሪ ማስተዋሉን ይስጣቹ ብለው አከባቢውን ለቀው ተሰደዱ፡፡
#ታዲያ እኚህ ሽማግሌ አከባቢውን ለቀው በሄዱ ማግስት ጀምሮ ዳቦ ሻጩ ለድሆች ዳቦ በነፃ መስጠቱን አቆመ። ቀናቶችም ተቆጠሩ ያከባቢው ድሀዎችም በረሀብ ቸነፈር ተመቱ። ተሰባስበውም ወደ ዳቦ ሻጩ በመሄድ አንተ ሰው እኛ አንተን ደግ ሰው ነው ብለን እውቅና ሰጥተንህ ስናሞግስህ እና ስናወድስህ አንተ ግን በአንፃሩ ለድሆች ዳቦ በነፃ መስጠትህን ያቆምከው ለምንድነው ሲሉ ዳቦ ሻጩን ጠየቁት???
# ዳቦ ሻጩም፦ እኔ ለትርፍ የምሰራ ነጋዴ ነኝ አንድም ቀን ለድሆች በነፃ ዳቦ ሰጥቼ አላውቅም ።እስከዛሬ ድረስም ዳቦ ሳድላቹ የነበረው በነፃ ሳይሆን ከበራፌ ላይ የነበሩት ልብስ ሰፊ አዛውንት ለምሰጣቹ እያንዳንዷ ዳቦ ሂሳቤን ቆጥረው በየቀኑ ስለሚከፍሉኝ ነበር። አሁን ግን እሳቸው ስለሌሉና ገንዘብም የሚከፍለኝ ስለሌለ ዳቦ መስጠቴን አቁሜያለው ሲል መለሰ።
#መንደርተኛውም ፦ አዛውንቱ በቅኔ የተናገሩት ነገር ዘግይቶም ቢሆን ተረዳቸው፦ (ስትመፀውቱ እንደግብዞች አትሁኑ )
ማለታቸው ለድሆች ስትረዱ ሰው እንዲያውቅላቹ አይሁን ማለታቸው ነበር።

አሳዛኝ ክስተት!

ክስተቱ የተከሰተዉ ከቢሮዬ ጀርባ፣ CMC ሚካኤል ነዉ፡፡
ወዳጆቼ ከእንደዚህ ዓይነት ጎዶሎ ቀን መድኃኔዓለም ይጠብቃችሁ!

አንዲት እናት ልጇን ትምህርት ቤት አድርሳዉ፣ ለጉሊት ስራዋ ዕቃ ገዝታ ዜብራ ስትሻገር አይሱዙ ገጭቶ ገደላት፡፡

⇒አስቧት፣ ኑሯን ለመግፋት፣ ልጆቿን ለማሳደግ፣ ያልፍልኛል ብላ ጉሊት እየሰራች፣
⇒አስቡት፣ ባልሞላት ኑሮ የምታሳድገኝ እናት አለችኝ እያለ ትምህርት ቤት የተሸኘዉ ልጇ ስመጣ እናትህ እንዲ ሆናለች ሲባል፣

የሀገረቷን ምግባረ-ቢስ አሽከርካሪዎችን የሚያስተካክል ጠንከራ ሥራ ያስፈልጋል፡፡

ሥራዬን መስራት አቅቶኝ እየቃዠዉ ነዉ፡፡

Via Fkru Mengesha