منارة

بتجري ورا الدنيا ليه؟ كل حاجة ليها وقتها! ⏳

يا مؤنسات الحياة مش سباق، كل حاجة بتيجي بوقتها، إذا كان النبتة بتحتاج وقت وجهد وصبر علشان تتحول من بذرة لثمرة! الكون كله قائم على إن لكل شي وقت ودورة حياة ومراحل لازم تمر بيها علشان تكمل!

وأنتِ كمان مش لازم تكوني في كل مكان في نفس الوقت. خدي وقتك، استمتعي بكل لحظة، واعملي كل حاجة على مهلك لأنك مش في سباق ومش مضظره تعيشي كده، تفتكري لو بتجري كده طول الوقت هتوصلي لسعادة أو إنجاز؟!

خلي بالك من نفسك، وخصصي وقت لنفسك كل يوم، وابدأي من دلوقتي، اعملي جدول بسيط لمهامك اليومية، وحاولي تلتزمي بيه. هتندهشي من النتائج وانتظرينا الشهر ده هنقدم سلسلة عن إدارة الوقت، مين متحمس😉💜
#مؤنسات #إدارة_الوقت #منارة

بتجري ورا الدنيا ليه؟
كل حاجة ليها وقتها!⏳


https://www.facebook.com/share/p/1CmNcSs8aU/

تاج الأنوثة 👑❤️

تعرفي إن للأنوثة تاج مينفعش تستغني عنه.؟ تاج يحافظ على بريقك وقوة حضورك وجاذبيتك وأنوثتك؟!
وهو رائحتك الجميلة عزيزتي المؤنسة 😉

الرائحة هي سلاحكِ السري، معروف عن نساء العرب من قديم الزمان التعطير وحب الزينة والرائحة الحلوة - طبعًا داخل المنزل - والنهاردة هنشاركك بنصائح يومية لرائحة أنثوية♥️

▪️روتين العناية بالجسم:

التنظيف اليومي: طبعًا الشاور أساسي وبانتظام مع استخدام صابون طبيعي برائحة لطيفة ومناسب لنوع بشرتك.
ترطيب عميق: استخدمي زبدة الجسم أو مرطب خاصة بعد الاستحمام وجسمك ندي، لتغذية بشرتك والحفاظ على رطوبتها وبريقها وريحتها الفواحة😇
تقشير البشرة: تقشير بشرتكِ باسكراب طبيعي وغني بانتظام لإزالة الخلايا الميتة وتوحيد لون البشرة، وهذا يساعد على تثبيت العطر لفترة أطول💋
طبعاااا مش محتاجين نأكد على مزيل العرق سواء كنتِ بالبيت أو خارجة وطبعًا يكون بدون رائحة نفاذة خاصة لو خارجين👌

▪️اختيار العطور المناسبة:
اختاري العطر الذي يتناسب مع الوقت من اليوم والمناسبة، يعني مينفعش تستخدمي عطر تقيل للنهار لأنك محتاجة عطر خفيف زهري أو بودري يحسسك بالانتعاش "وتاني بنقول ده داخل منزلك ومملكتك بس!"

الحفاظ على نظافة الملابس:
مهم جدًا تختاري منظف برائحة منعشة ولطيفة لتنظيف وغسل ملابسك.
جفيف الملابس في الشمس لأن هذا يخلصها من أي روائح.

التغذية الصحية:
شرب كمية كافية من الماء- بجد مش كلام بلوجرز😁" يساعد على طرد السموم من الجسم ويخلي جلدك وبشرتك أكثر نضارة.
تناول الغذاء الصحي يؤثر بشكل كبير على رائحة جسمك، وياريت تبعدي عن الأطعمة الدسمة والحارة واللي ممكن تسبب رائحة عرق غير مرغوبة✋

طبعًا مش هننسى نذكرك إن نفس الملابس اللي بتخلصي فيها مهام البيت من طبخ وترويق وغيره ضروري نغيرها لما نخلص وناخذ شاور سريع ونرطب ونعطر جسمنا بشكل لطيف مع الحفاظ على الروتين الأسبوعي للعناية اللي ذكرناه فوق، طبقي الخطوات واستمتعي برواق ورائحة أنثوية تعبر عن جمالك وقوة حضورك🤗♥️
#المؤنسات #سلسلة_عناية #منارة #أنوثة

تاج الأنوثة🤩
يا ترى يعني إيه؟!💜👇

https://www.facebook.com/share/p/1XVviMveph/

شاركونا يا مُؤنِسات برأيكم هنا 💜👇

https://www.facebook.com/share/p/19Wr23Gq2H/

اعرفها وعرّفها لغيرك .. الجزء الثاني✋

لأن نقل الأحاديث المغلوطة عن النبي صلى الله عليه وسلم منتشر للأسف، فحبينا نشارككم بعض الأحاديث المنتشرة والمتداولة والخاطئة تمامً، مثل:

- فضل شهر شعبان كفضلي على سائر الأنبياء.
- من مشى في حاجة أخيه، كان خيرًا له من اعتكاف عَشر سنين، ومَن اعتكف يومًا ابتغاء وجه الله، جعل الله بينه وبين النار ثلاثة خنادق، كل خندق أبعد ممَّا بين الخافقين. الدرجة: لا يصح، ويغني عنه حديث: (لَأَنْ أمْشِيَ مع أخِي المسلمِ في حاجةٍ أحَبُّ إليَّ من أنْ أعتكِفَ في المسجدِ شهْرًا.
- التمس لأخيك بِضعًا وسبعين عُذرًا. الدرجة: الحديث بهذا اللفظ لم نجدْه، لكنْ هناك حديث صحيح رواه أبو داود في سننه عن عبد الله بن عمر، قال: جاء رجل إلى النبي ﷺ فقال: يا رسول الله كم نعفو عن الخادم؟ فصمت ثم أعاد عليه الكلام فصمت فلما كان في الثالثة قال: اعفوا عنه في كل يوم سبعين مرة.
- اللهم إني لا أسألك ردَّ القضاء، ولكني أسألك اللُّطف فيه. الدرجة: ليس بحديث، ومعناه غير صحيح
- لا تُظهر الشماتة بأخيك، فيرحمه الله ويبتليك .الدرجة: لا يصح.
- لا سلام على طعام – وفي لفظ: لا سلام على أكل. الدرجة: لا أصل له.

القائمة تطول، علشان كده شاركونا يا مؤنسات بأمثلة مقولات منتشرة والناس بتدابلها على أنها أحاديث، وشير البوست علشان توعي غيرك💜

#المؤنسات #الحديث #صلواعليه

جمعة مباركة عليكم وعلينا وعلى أمة الإسلام اللهم آمين 😃💜👇

https://www.facebook.com/share/17mBiX9UJ2/

يا ترى أنتِ محتاجة إيه النهاردة؟!

#مشاعر #منارة #المؤنسات


https://www.facebook.com/share/18E7DQwhhW/

تذكير هام✋

في الوقت اللي بنسمع فيه كلام مثل "زي أخوها" بنلاقي إن القرآن والسنة بيقولوا لنا: لأ!
نذكر اليوم نفسنا بقول الحبيب المصطفى صلى الله عليه وسلم: إياكم والدخول على النساء، فقال رجل من الأنصار: يا رسول الله أفرأيت الحمو؟ قال: الحمو الموت.

قال الإمام النووي في شرحه لصحيح مسلم: الحمو أخو الزوج وما أشبهه من أقارب الزوج.. إلى أن قال: وأما قوله صلى الله عليه وسلم: الحمو الموت، فمعناه أن الخوف منه ومن الأقارب المقربة بشكل عام أكثر من غيرهم والشر والفتنة أكثر لتمكنهم من الوصول إلى المرأة والخلوة من غير أن ينكر عليهم بخلاف الأجنبي.

نذكر أنفسنا ونرجع لأصل الدين ونسأل الله أن يحفظنا يا مؤنسات💜
#المؤنسات #منارة

تذكير هام غالياتنا.. 🌸👇

https://www.facebook.com/share/p/18ZmnzFM84/

احنا مقدرين تعبك ومحاولاتك مع ولادك🫂

علشان كده بنذكرك أنتِ وكل أم إن كل محاولة وكل جهد بتبذليه معاهم وعلشانهم، أنتِ مأجورة عليه وجدًا.

لا بد أن يدرك الوالدان أن معاناة التربية نوع من الجهاد والطاعة، وكل ما تلاقينه من الجهد والعناء لا يضيع عند الله، ولهذا جاء عن بعض السلف: إن من الذنوب ما لا يكفره إلا هم الأولاد. فإذا عرف الإنسان هذا هان عليه الأمر وعلم أنه في عبادة يؤجر عليها كما يؤجر على سائر العبادات🫂💜

ذكري نفسك بالمعنى ده واحضنيها واشكريها على سعيها في وقت أصبحت فيه الفتن والشبهات سائدة، أنتِ بطلة💜
#مؤنسات #منارة #أمومة

رسالة طيّبة لكنّ يا مُؤنِسات 🕊️👇


https://www.facebook.com/share/19XC6ipAyp/

جمعة مباركة عليكن وعلى أُمّتنا الإسلامية اللهم آمين 💜.

3 أفكار ملهمة وجميلة للتدوين مينفعش تفوتك😉

1- التوكيدات الذاتية
أكدي لنفسك المعاني الجميلة عنها، خليها تسمع وتشوف ده منك، مثال "أنا جميلة - أنا معطاءة - النهاردة ساعدت فلانة - اليوم كنت صادقة جدًا مع غيري ونفسي إلخ" أكدي لنفسك المعاني الطيبة الحَسنة عن ذاتك لان ده هيأثر بشكل إيجابي جداا على صحتك النفسية.

2- المحاولات
سجلي محاولاتك، وهنا بنقول المحاولات مش الإنجازات😁
قدريها وشوفيها وسجليها لأن في النهاية الله عز وجل هيحاسبنا على السعي وبيقولنا إن السعي متشاف ومتسجل، دوّني محاولاتك وكوني فخورة بيها وبنفسك.

3- رسائل لنفسك
اكتبي لنفسك رسائل، رسالة امتنان، رسالة تذكير بأمر ما، رسالة مواساة، رسالة تشجيع، بس ابدأي من اليوم كتابة رسايل لنفسك ومتكسليش🫂

شاركي الخطوات والبوست مع صديقتك اللي محتاجة تعبر وتشارك مشاعرها، وشاركينا لو عندك خطوات تانية مفيدة💜
#المؤنسات #منارة

3 أفكار ملهمة وجميلة للتدوين مينفعش تفوتك📝😉👇


https://www.facebook.com/share/15Ew1VQUV5/

قالت لنا: "أنا بحس بقمة حريتي وأنا مستورة💜"

جملة صديقتنا الجميلة دي هي فعلًا التعبير الصحيح والسليم عن شعورنا بالحجاب، هو فعلًا حجب بينك وبين كل شر، ساتر بيحميكِ أنتِ وقلبك.

الأصوات اللي بتنادي إن الحجاب بيقيد، بيمنعنا من فرص معينة ويبعدنا عن أماكن معينة، بيحد حرية الأنثى وبيكممها! كلها أصوات فتن عظيمة لأن اللي بيبعدك عنه الحجاب هو بالضبط السبب اللي علشانه أمرنا الله عز وجل بالحجاب.

(وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِنْ وَرَاءِ حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنَّ) فإذا كان أطهر فلماذا يطلب بعض الناس إزالة الحجاب الذي هو من أسباب إزالة الطهارة إذا زال؟
وإذا كانت نزلت الآية في نساء النبي ﷺ وهن أطهر النساء وأفضل النساء في عصر هو عصر خير القرون فما ظنك بمن جاء بعدهن؟ 😉

اسمعي صوت عقيدتك ودينك وقلبك، واعرفي واتأكدي إن حجابك حريتك💜
##المؤنسات #منارة #الحجاب

قالت لنا ...💜🕊️👇

https://www.facebook.com/share/p/HTVXVWQ2oGSwp3DF/

قالوا لنا البنت زي الولد مش كمالة عدد😁
واحنا هنذكر لكم 5 مواضع - للذكر لا الحصر - القرآن ساوى فيها بين المرأة والرجل😉

1- خاطب القرآن الرجال والنساء على قدم المساواة بشأن العمل الصالح في قوله عز وجل: ﴿وَمَن يَعْمَلْ مِنَ الصَّالِحَاتَ مِن ذَكَرٍ أَوْ أُنثَى وَهُوَ مُؤْمِنٌ فَأُولَئِكَ يَدْخُلُونَ الْجَنَّةَ وَلاَ يُظْلَمُونَ نَقِيرًا﴾

2- في الإرث - ومع اختلاف التقسيم والنصيب - إلا إن المرأة ترث شأنها شأن الرجل "لِّلرِّجَالِ نَصِيبٌ مِّمَّا تَرَكَ الْوَالِدَانِ وَالْأَقْرَبُونَ وَلِلنِّسَاءِ نَصِيبٌ مِّمَّا تَرَكَ الْوَالِدَانِ وَالْأَقْرَبُونَ"

3- في العِوض، في حالة الطلاق ﴿ وَإِن يَتَفَرَّقَا يُغْنِ اللَّهُ كُلًّا مِّن سَعَتِهِ ۚ وَكَانَ اللَّهُ وَاسِعًا حَكِيمًا﴾

4- كل إنسان في ميزان الشرع مسؤول عن عمله سواء ذكر أو أنثى { كُلُّ امْرِئٍ بِمَا كَسَبَ رَهِينٌ}

5- ساوى الإسلام بين الجنسين في الحقوق المدنية مثل التملك والتعاقد والبيع والشراء والهبة والحق في توكيل الغير أو ضمانة؛ فللمرأة شخصيتها الكاملة مثل الرجل في الإسلام ولها حق التصرف في حالها قبل الزواج وبعده كيفما شاءت في إطار الشريعة الإسلامية.

الحقيقة إن النماذج والحالات كثيرة وجميعها يخضع للشريعة - قرآن وسنة - ولكن المقصد إن دينك لم يعاملك أبدًا كدرجة ثانية بل أميرة وملكة متوجة لها حقوقها الكاملة ولها أيضًا من يقوم على رعايتها والعناية بيها في مبدأ "القوامة" .. احنا المؤنسات الغاليات المُكرمات دائمًا وأبًدا❤️
#منارة #المؤنسات #القوامة #المساواة

دخول مفاااجئ يا مُؤنِسات 😉 لعلّكنّ بخير حال 💜

فيا ترى إيه الحكاية... 😃👇

https://www.facebook.com/share/qSCU4ywZ6NwMwQmo/

هو في حاجات مينفعش تكون في بيتي؟!
طبعًا🥰

1- الكلاب: نهى النبي صلى الله عليه وسلم عن اقتناء الكلاب داخل المنزل، قال رسول الله صلى الله عليه وسلم: «من أمسك كلبا، فإنه ينقص كل يوم من عمله قيراط، إلا كلب حرث أو ماشية» والحالة الوحيدة الجائزة أنه يكون للحراسة وخارج البيت.

2- التمائم: التميمة زي الخرز الأزرق والكف والـ dream capture وغيرها، حتى لو مش مقصود أنها تميمة فتركها أولى وأكمل لقوله ﷺ: من تعلق تميمة فلا أتم الله له، ومن تعلق ودعة فلا ودع الله له، وفي رواية: من تعلق تميمة فقد أشرك.

3- صور ذات الأرواح: الواجب طمس الصور إذا وجدت بقطع رؤوسها أو محوها بالكلية، لقوله ﷺ في الحديث الصحيح لـعلي رضي الله عنه: لا تدع صورة إلا طمستها" وحتى إن كان الأمر فيه خلاف فالأولى الترك لقول
النبي صلى الله عليه وسلم: دع ما يريبك إلى ما لا يريبك.

ذكري غيرك بالحاجات دي وشاركينا أمور تانية مينفعش تكون في بيت المسلم💜
#منارة ##المؤنسات #بيت_المسلم

هل فيه حاجات مينفعش تكون في بيتي ؟!

🤔👇🌸
https://www.facebook.com/share/P18U4YeuUA9QiV3n/