Society Problems

دلوقتي جوزي في الامارات بيقولي انا هحجزلك زيارة عندي هنا تقعدي معايا شهرين بس قبل ما تيجي لازم تكوني عارفة اني قاعد في استوديو وكده فمش عارفة ايه الاستوديو ده صورهولي لقيته اوضة مفيهاش غير سرير وكنبة وشاشة صغيرة وحتة يصلي فيها وبوتجاز شعلتين بس والغسالة في الحمام وتلاجة مكتب ، قالي عشان متكونيش جاية غصب عنك شوفي نفسك الاول كده كده جايبك عشان افسحك بس اكيد وانا في الشغل مش هتنزلي منها غير لما اجي والمكان ضيق جدا والله مش بهزر ، قولت لماما قالتلي متروحيش دي قلة قيمة ويقعدك في استوديو ليه ميأجر شقة ولما تمشي يقعد فيها تاني ، بابا قالي مكان ما جوزك بيقعد اقعدي معاه وبرضه انتي حرة فمش عارفة والله اعمل ايه ؟
اروح وخلاص واستحمل ♥️
لا المكان ضيق هتبقي في خنقة 😭

انا كنت متجوزه من ٤ سنين ونص كانت الجوازه التانيه ليا ومعايا ولد .. ويعلم ربنا انا اطلقت اول مره وكنت مظلومه ظلم محدش كان يستحمله المهم ربنا اشاء ان اتجوز تاني وقولت ده عوض ربنا ليا وابني بقي معايا بعد ماحملت وجبت ولد والاتنين هيتربو سوا من اول يوم انا ليا دخل وشغلانه خاصه وربنا فتح عليا من وسعه عشان ابني من اول يوم وانا بصرف عليه بحجه ان اي حاجه بجيبها ف البيت كانت عشان ابني.. قروض تتاخد انا اللي كنت ادفع وانا مبسوطه كفايه بقا ان ربنا عوضني بواحد قبل بيا بابني ذلني ٤ سنين ونص عارف نقطه ضعفي وهي طلاق لتاني مره وكان يدوس عليها مكنتش بعمل اي حاجه مش عجباني الا عليا الطلاق لتعمليها لتتطلقي كل حاجه كانت تبقي ع الراجل انا اللي كنت شيلاها مسوليتي انا نحيته وناحيه بيته وابنه مافيش انا اللي كنت شايله كل حاجه من دكاتره للبس لدخله مواسم لكله مكنتش لاقيه كلمه شكر كل اللي بسمعه انتي بتجيبي عشان ابنك .. بتصرفي عشان ابنك كنت نفسي يقولي كتر خيرك انا مش عاوزه اكتر من كدا والله كنت هديله اكتر من اللي كنت بعمله مكنش ليا مصروف زي اي ست .. مكنش ليا حياه ان اخرج واروح معاه .. انا لو حكيت هتقولولي انتي كنتي مستحمله اازاي بس مستحمله عشان ولادي جيت ف مره كان هيطلق رجعتله اتذلله واعيط له عشان خاطر ابنك اللي مكملش سنه ويقولي مش عاوزك واتذلييت واتحطيت تحت رجله عشان ولادي وكان يزيد فيها اكتر . من غير دخول ف تفاصيل اكتر من كدا شغله وقفه وقعد منه واخر مكالمه بييني وبينه بيتخانق وبيقولي نصا ( لو مشلتيش معايا ف الصغيره قبل الكبيره انتي ماتلزمنيش) جيت تعبت من الوضع ده وجبت اهله وحكيت كل اللي عندي وكنت منهاره وصريخ وف وسط القاعده قعد والده يعتزر ومااقبلش ع بنتي اللي حصل.. تاني يوم مجرد ماراحه لمامته وحكي كلام باباه اتغير احنا عاوزين نطلق انتي واحده غير امينه مستحملتهوش وفضحت سر من اسرار بيتها وتنزل من شقتها بهدومها هي وولادها هي فضحتني وكرامتي ومنظري قدام الناس مع العلم لو انا كدابه كان انكر اي كلمه بس ده محصلش .. جيت من كتر الضغط اللي كنت فيه ف ظرف يومين جالي جلطه ونزلت من بيتي ع مستشفي وهو مجاليش ولا عتبها مع ان نازله من بيته ف نفس اليوم كلم زميل والدي عشان يطلق وانا كنت ف مستشفي بين ايادي ربنا وولادي الاتنين عياط عليا وكنت بموت مافكرش فيا ولا ف ابنه كل همه هو واهله الشقه واالدتي رااحت تاخد هدوم ليا اخدو مفتاحي وانا كنت داخله المستشفي حافيه يومين ونزلو عفشي وسابو شقتي كانت ايجار وسلموها ومااعرفش عنه حاجه لحد دلوقتي واتظلمت ظلم انا حاسه ان ف كابوس قلبي انكسرر ع ابني ونفسي و ادمرت حياتي بيت بيتخرب وبيتهد عشان اي عشان اول مره اتكلم واطلب حق من حقوقي مااعرفش انا عملت اي اوصل لكدا كل اللي عملته ان مااقولتش مش هصرف انا قولتله شاركني شيل معايا الشيله تقلت عليا اوي بقت مسوليه طفلين ونفسي وبيت وكل حاجه كانت عليا ده يبقي جزاتي دلوقتي انا بقالي ٦ شهور وسايبني زي بيت الوقف وهو عاوز يطلق واتنازل عن كله بس هيديني نفقه الولد والقايمه بس انا المفروض اعمل اي اوافق وابقي طلعت بالجوازه دي بولد وخسرت نفسي وحياتي وعمري معاه جوازه سهله كدا مقدرش السنين اللي كنت ف ظهره معاه ولا اعمل اي عشان انا بجد تايهه ادخل محاكم وماسبش حقي من حقوقي وحق ابني

متجوزة من ١٢سنه
وجوزى عنده مشاريع وكسيب
تمام
وعندى منه ولدين ١٠سنين و ٧سنين
بيصحهم من خمسه الصبح يخدهم ويروح يعلمهم السباحه ويخليهم يجرو ويسبقو والعيال بتيجى على الساعه اتنين الضهر بيكونو خلاص طاقتهم خلصت وبيجبروهم يروحو جيم معه ولما اعترضت هب فيا وزعقلى وقالى ملكيش دعوة وقالى ولادى وانا حر فيهم وانا اللى بعمل بفرغ طاقتهم الزيادة
وانا ولادى اجسامهم ضعيفه اصلا
وغير انه بيجبرهم على شرب العسل وبيقول للعيال دى شفاء
ويجبرهم يشربوه لبن
دلوقتى هو بيعمل حركات متخلفين علشان العيال ممكن يموتو منه وساعتها مش هيكفينى أنه اسممه لو حد جارلو حاجه من عيالى
أنا خايفه عليهم
#مايكروسوفت
#مطارات_العالم
#يوم_الجمعه
#ElonMusk

السلام عليكم
انا شاب مهندس عندي ٣٠ سنه اتقدمت لبنت صيدلانيه وتم التعارف والرؤيه الشرعيه وفيه قبول بينا السؤال بتاعي هي قالتلي في وسط الكلام ان باباها عاملها شقه في بيتهم ومشطبه تقريباا وجايب لها شوية اجهزه تكييف وثلاجه وبوتاجاز لسه بالكراتين بتاعتهم بس مش جايب فيها فرش ولا حاجه لانها مقفوله محدش بيستخدمها وانا لسه معنديش شقه فانا اقترحت عليها اني افرشها ونتجوز فيها فحسيت انها مش مياله للفكره ديه رغم ان ماما رحبت جدا بالفكره لما قولتها وكلمتها قالتها كده كويس ابني يفرشها كلها وانتي هاتي باقي الحاجات زي السجاد والستاير والمطبخ ولوازمه عشان نقصر مدة الخطوبه ونفرح بيكم بس البنت فضلت تسالني يعني مينفعش تاجر شقه بره نتجوز فيها قولتها طيب وليه المصاريف طالما الشقه موجوده يبقى نوفر فلوسنا احسن وماما كمان قالتها كده
بس حاسس انها متردده شوية رغم اني شايف باباها معندوش مانع وسايب لها هي القرار
فكنت عاوز أشوف رايكم في تفكيري كده صح ولا غلط
والفكرة ديه كويسه ولا لأ
لو حد مر بموقف زي ده وانا هخليها تشوف رايكم ان شاء الله

#جمعة_مباركة
#مايكروسوفت
#يوم_الجمعة
#يوم_الجمعة_دعاء_للميت
#حبا_في_مصر_والسيسي
#مطارات_العالم

السلام عليكم
عندي مشكلة نزليها ف الجروب بدون اسم لو سمحتي
دلوقتي اخويا متجوز من قريب ومراته ماشاء الله حامل وبتتوحم
المهم كل يومين تجيلنا البيت وتحرجني قدام اخويا اني اعملها اكل
واكل مرهق بحجة انها بتتوحم
وبقولها باقي الحاجات اللي جوزك جابها خديها ف شقتك اعملي بيها اكل
قالتلي لا ما انا نفسي ف مكرونة بشاميل تاني هاجي بعد يومين تعملهالي
وبقول لماما بافكر اعمل كيكة نفطر بيها قالتلي وانا نفسي فيها اعمليلي واحدة ولا اتنين اخدهم الشقة
ولما أعمل الاكل مبتساعدش معايا ف اي حاجة ولا تقطع حاجة ولا تغسل المواعين ولا حاجة رغم ان معمولة ليها بتاخد الصنية ع الجهاز وتمشي بيها علي شقتها
روحت مرة قولتلها هاقولك علي طريقة الفراخ وابقي اعمليها المرة الجاية علشان تتعلمي راحت قالتلي لا انا عايزها من ايدك
رغم ان هي اكبر مني المفروض تكون عارفة كل الاكل دا غير أنها متجوزة يعني
غير ان ف الاغلب بيجي جوزها ياخد اكل من عندنا لانها مش طابخة وباقي الايام بيكلوا معلبات او اكل جاهز رغم ان مش تعبانة ف الحمل والجنين كويس الحمدلله بس انا مليش دعوة باللي ف شقتها انا عايزة حل اعمل اي علشان اوقفها متطلبش مني اعملها اكل علشان تعبت
#متضري_صندوق_يناشدون_ولي_العهد
#هيثم_عرابى_فين
#مشكلة_زوجية
#مشكلتى

من غير تجريح لو سمحت اخويا كان قالي امسك تليفون مراتي اعمل حجة انك غيرت باسوورد الواي فاي وفتش ف الفيس وهات كل الرسايل اسكرينات عشان بتمسك الفون ومش بتتكلم معانا لقيت رسايل بينها وبين شخص غريب حكياله ع مشاكلها بينها وبين اخويا ورسايل بينها وبين اخوها شاتم علينا وحكياله علي كل حاجة ومنزلة بوستات شكوي مننا بعت الاسكرينات لاخويا وابويا وبعتنا لصاحب ابوها عشان اهلها ميتين وملهاش حد ومتعرفش حد الا هو وفضحناها وجيت اطلع الموبايل اوريهم وساختها عني كانت عاملة بلوك للشخص الغريب ده من مدة قصيرة جيت اطلعلهم الرسايل قالو لا مش عوزين نشوف حاجة وعملنا فضـيحة لها وحرمناها من ابنها واطقت وخدت الحاجة اللي جبتها بس واخويا طلقها بعد ماكان نفسها ترجع تاني تربي ابنها بعدها بكام شهر رفعت قضـية وخدت الولد اخويا مطلبش يشوفه الا مرة واحدة من وقتها مسالش عليه وكانت مسلفة اخويا ورث امها كله اخويا حرمها منه ومرضيش يديها مليم منه دلوقت هي اتفضحت عندنا وعندهم هناك ف البلد ومش نعرف عنها حاجة كدة احنا غلطانين ف حاجة
#هيثم_عرابى_فين
#حتي_لا_ننسي
#كلنا_معاك_يا_سيسي
#إخوان_كاذبون

من غير تجريح انا زوجه تانيه فرق السن بيننا ١٨ سنه انا ٢٧ وهو ٤٥ ميسوره الحال وهو شغال ف مصنع والدي وهو محترم جدا وبيحبني جدااا وبيتقي الله فيا ومعايا مولود شهرين وحامل وطول منا ف بيته اللي ف محافظه غير محافظتي هو معايا ومش بيروح لو قعدت سنه لكن زوجته الأولي بتفتعل المشاكل بدون سبب المشاكل التافهه زي مثلا تعالي لقيت صرصار وحاجات شبه كده غريبه وهو ساعات يروح والعافيه وساعات لا ويفضل يقعد عندي وسبب الزواج التاني المعامله السيئه وعدم العلاقه الشرعيه والتلاكيك علي كل شيء وهو مطلقهاش علشان بنته صغيره ١٠ سنين وهو متعلق بوجود البنت جداا .. انا بعشقه حرفيا وهو كمان انا مش عارفه اتحمل دوشتها لانها شرشوحه اووي ومستواها البيئي والتعليمي صعب جدا وولاده كمان جعلتهم دون المستوي التعليمي دون المستوي الأخلاقي فيهم ولد بيسب الدين للاسف الشديد سعادتي معاه هي اني اشوفه مبسوط لكن مش عايزه اسمع عن مشاكلها وهو بيحكيلي لاني اقرب حد له لكن انا زهقت وهو سعيد جدا جدا معايا بشهادته هو وبيخاف علي زعلي وعليا وبيغير من الهوا انا عايزه اطلق لاني مكسوفه اخيره بيني وبينها وأحط نفسي ف مقارنه زي دي رأيكم اي وياريت باحترام لاني ف الآخر مش عامله حاجه حرام ولا عيب انا اتجوزت بفرح وعلم وهي عارفه من قبل ما نتخطب ووافقت
#السيسي_زعيم_بحجم_عالم
#صاحب_المحل
صاحب المحل
#المواجهة_مع_فايق
#مجزرة_مواصي_خانيونس
#ارجع_صلي
#Trump2024

انا جوزي مسافر الكويت هو واخوه وشغله ومرتبه حلو جدا يعيشني حلوين اوي بس دا لو مكنش بيبعت فلوس لاخته
اصل اخته جوزها متوفي وسايب ليها طفل عنده 4 سنين وطفله كانت حامل فيها بقي عندها دلوقتي سنه ونصف من يوم جوزها ما اتوفي وهي قاعده مع حماتي ورافضه تتجوز نهائي حتي لما اخويا انفصل مراته وقولتها تجوزه قالت عيالي بالدنيا واللي يخليني اخدم عيال اخوكي واسيب عيالي عند امي يبقي اقعد اخدم عيالي اولي بخدمتي ليهم وهي بتاخد معاش ابوها 1700 جنيه المشكله بقا ان جوزي بيحولي الفلوس كل شهر لازم ادي لاخته منهم 2500 جنيه وانا باخد الباقي والباقي مش قليل بس الصراحه الشهر اللي فات والشهر دا اديتها 1500 بس واخدت ال 1000 التاني مهو انا معايا طفل في حضانه خاصه المشكله بقا ان هي عايشه سعيده بالفلوس دي وجابت حلق وخاتم لبنتها وخلتني اشوفهم وتقولي من خير سعيد ربنا يزود رزقه ويسترها معاها وأنا طفل واحد ومش ملحقه مصاريف عليه مع ان الفلوس اللي باخدها بزياده وفهمت منها ان اخوها التاني مش بيبعت لها حاجه لان سلفتي جامده عليه ومشياله الهم وبتقوله عيالك الثلاثه اولي بالفلوس دي ازاي اقنع جوزي انها مش تاخد فلوس لان كل ما احاول اتكلم معاه يقولي لحمي ومش هرميه ووعد مني قدام ربنا لاخر يوم في عمري هتكفل بيها وبعيالي اللي هما عيالها اصلا وبزعل اوي لما الولد يقوله يا بابا وبزعل لما يكلم مومن ابني ويقوله دا اخوك حتي لما بينزل نفس اللبس بتاع ابني يجيب منه للولد
مش معني ان الولد اسمه سعيد علي اسمه يعمل كل دا معاه
#الغمري_يفضح_الاخوان
#جمعة_مباركة

وحيات بنتي كل كلمه بقولها حصلت بالفعل ..
اخت جوزي كانت ملبوسه ، والعفريت كان بيديها اي فلوس تطلبها وكانت تشتري احسن عبايات واحسن ستاير وسجاجيد للشقه وجت ف مره العفريت ده طلب منها حاجه وهو لابسها وموافقتش عليها بدا يدخل ف جوزها وبقوا هما الاتنين ف نفس الموجه ملبوسين لحد ما شدوا مع بعض وطلب منهم الفلوس كلها الي العفريت اداها ليهم والا يخليهم يرموا نفسهم وهما نايمين من البلكونه لحد ما خلاهم كلهم واخدين قروض من البنك علشان يسددوا الفلوس دي كلها
#مهيب_عبد_الهادي
#أحمد_شوبير
#احمد_شوبير_لازم_يتحاكم
#الشركة_المتحدة

السلام عليكم ورحمة الله وبركاته انا عندي 41 سنه متجوز من 4 سنين وعندي ولد، مراتي اصغر مني ب 13 سنة هي ست جميله ومؤدبه والناس بتشكر فيها وانا بصراحه حالتي الماديه علي قدي، ولما اتقدمتلها هي ماكنتش عيزاني بس ابوها أجبرها لانه صاحب ابويا من زمان ومتأكد من اخلاقي وأننا ناس سمعتنا كويسه، اول مااتجوزتها ماكنتش متقبلاني اوي بس مع الوقت خدنا علي بعض، وبسبب حالتي الماديه كنت عايزها تنزل تشتغل وهي قالتلي انها عايزه تقعد في البيت وتربى الولد مش عايزه الشغل، بس مع ضغط اهلي وضغط مني أن الست لازم تساعد جوزها نزلت اشتغلت، في البدايه كانت بتقولي أنها مش حابه الشغل وعايزه تهتم بالبيت وأنها مضغوطه من الشغل بس انا طبعا رفضت انها تقعد من الشغل ومن فتره ابتديت الاحظ أنها بقت متقلبه، يعني شويه تبقى نشيطه وتنظف وتلعب مع الولد وتفكر تطبخ اي بعدها بنص ساعه حالها يتغير وتسكت وتبقي زعلانه أو مكتئبه الاصح وتغطي وشها بالمخده وتنام ع السرير وماتبقاش عايزه حتي تبص للولد، بعدها بساعه ترجع تبقى مبسوطه ونشيطه من تاني، لوحدها بدون ماتمسك الموبايل حتي، غير أن الموبايل ديما مفتوح وفي يد الولد، يعني مافيش طرف تالت في الموضوع، بس بقت مزاجيه اوي وساعات تكتئب، بفكر اخدها لشيخ ولا لدكتور نفسي مش عارف اعمل اي
#الشعب_يجدد_ثقته_بالسيسي
#ره_لك
#Netherlands
#شيرين_عبد_الوهاب
#رايت_الفضيحه
#السويس

السلام عليكم لو انا خاطب داخل على ٣ سنين والمفروض كان جوازنا فريب يعني المرفوض يكون في خلال كام شهر لكن خطبتي دلوقتي جالها مرض صعب جدا جدا وقررت اني اسيبها عشان مظلمش نفسي معاها هل كده هبقى هظلمها ؟ وبالنسبه للشبكه والهدايا خلال فترة الخطوبه هل من حقي استردهم بالكامل ولا مش من حقي هي كل حاجه محتفظه بيها زي ما هي وكان فيه مبالغ ماديه في المناسبات والاعيااد بس اكيد مش هتكلم عليهم انا لسه مبلغتهاش باي حاجه قولت اسال الأول ايه اللي بيتم في ظروف زي ديه احب اسمع نصايحكم بالنسبة للموضوع ده وايه انسب حاجة اعملها عشان انهي في ظروف زي ديه وشكرا ليكم مقدما
#بيت_السعد
#عمرو_سعد
#دولجيه_تويتر_ملوك_الترند
#مصر_تدعم_القضية_الفلسطينية

السلام عليكم ورحمة الله وبركاته انا مغتربه في دولة خليجيه من ٩ سنين اتعرفت على زوجي هناك و اتجوزنا بقالنا سنتين بساهم في البيت انا مرتبي اعلى منه ف بحط فلوس اكتر منه في البيت بحجة انه لازم يبعت لاهله جزء من فلوسه مع العلم احنا الاتنين بنبعت هدايا لاهلنا بالشحن كل فتره و هكذا لما سافرنا الصيف اللي فات بعد جوازنا بسنه قعدنا في بيت عيله لقيت لبس ليا و جزم جديده ليا جيباها مش موجوده سالته لو شافهم قالي لا بعدها بكام يوم الاقي اخته لابسه منهم هو ارتبك جدا وقتها انا فضلت ساكته بس لما طلعنا البيت واجهته قالي ان هي شافتهم و قالت له انها عاوزاهم و معرفش يقولها لا يعني هي دخلت شقتي وانا بزور اهلي و شافت دولابي و جزمي واخدت منهم و هو سابها عادي طبعا زعلت لاننا اصلا مش مقصرين غير كده انا جايباهم من البلد ال بشتغل فيها و حباهم يعني دي حاجتي و خسرتها ف هو اعتذر و بس و عدينا الموضوع دلوقتي انا من فلوسي جبت قطعة ارض و مسوراها غير ذهب ليا والدي توفى من شهرين و جالي ميراث مبلغ و شقة في بيت والدي رحمة الله عليه انا ليا اخ هو كان عامل شقه ليا و شقه ل اخويا من فترة طلع لي بفكرة انه عاوز ينزل مصر نهائي و يعمل مشروع بس هيكون مكلف اوي له ف عاوزني ابيع الارض بتاعتي و اديله فلوسها يعمل مشروعه قلتله لا انا حاطه شقايا فيها و عامله حسابي ابيعها لاولادي في المستقبل عشان ميتعبوش زي ما تعبنا دلوقتي بقه سمع من صاحبه ان مراته كاتبه ورقه ان املاكها كتبتها لجوزها في حالة ان حصلها حاجه و جاي لي عاوزني اعمل زيها ف زعلت انه ازاي كده و ازاي يقول عليا يعني و غير كده هو بقا كتب لها حاجه ولا هي بس اللي كتبت فجاه لقيته بيزعق زعيق مش طبيعي زي ما يكون بيتلكك لاننا كنا بنتكلم بنبره عاديه و نزل من امبارح معرفش راح فين هو اللي بيحصل ده طبيعي حد عمل حاجه زي دي قبل كده !
#شريف_عثمان_اجنده
#محمد_رمضان
#مصر_تعيد_اعمار_درنه
#انا_هبدا_الهتاف
#الشعب_يجدد_ثقته_بالسيسي

عاوز اسأل سؤال يا حماعه هوا الطبيعي لما الخطوبة تكون عالضيق ف بيت العروسة للاهلين فقط عشان ظروف اهل العروسه متسحمش باكتر من كده هل واجب ان اهل العروسه يعملوا عشاء مثلا لأهل العريس الحمد لله احنا مش بنبص ل اكل احنا عنينا و الله مليانه بس إحنا بنبص لتقدير مش اكتر والله والله احنا متغديين قبل ما ننزل عشان محدش يفتكر اننا رايحين جاعانين ابدا دا احنا متغديين عشان مناكلش عند حد بس أنا بتكلم فى التقدير ولما بسأل خطبتي تقولي معلمناش عشاء عشان الظروف متسحمش قولتها طيب ليه مقولتيش كنت اتصرفت واديتك فلوس تديها لامك تعمل بيها اكل او حتى استلفتو فلوس من اي حد بدل ما شكلي بقى وحش كده قدام اهلي تقولي لا احنا منقبلش ناخد فلوس من حد وجبنا فاكهه وجاتوه على قد امكانياتنا واحنا ٣ بنات وماما الحمل عليها تقيل من بعد ما ابويا مات ومقدرش اقولها تعمل ايه او متعملش ايه قولتلها احنا لما اختي جالها عريس والله قبل الخطوبة كنت بنوجب اخر واجب كمان لأهل العريس ف للزيارات و ساعة الخطوبة دي بيكون أقل حاجه بيكون بط و واجب كبير وانتو حتى معزمتنيش غير مرة واحدة وانتم ضيافتكم مش قد كده وقولتها بصراحه انتو مش اهل كرم طبعا والله انا عارف الدنيا بقت غالية وهما على قدمهم بس الناس في المناسبات لو هتستلف عادي المهم الناس تاخد واجبها على اكمل وجه انا بتكلم ف الأصول يا جماعة دي بتكون مرة وإحنا مش عاملين خطوبة ف قاعة مثلا عشان التقصير بالشكل ده ياريت تجاوبو على سؤالي انا ليا حق ازعل وافكر في الموضوع ده ولا لأ اهلي كلهم اشتكولي من الموقف ده وانا كنت محرج منهم
#حق_رفعت_لازم_يرجع
#الشعب_يجدد_ثقته_بالسيسي
#الشعب_يجدد_ثقته_بالسيسي_محصلش
#مصر_تعيد_اعمار_درنه
#اردوغان

اخويا متجوز من العيد الصغير ومراته حلوه بصراحه وقاعده معانا ف بيت عيله بس بحكم انه بيت عيله المفروض الابواب كلها تكون مفتوحه يعني مطلعش عند اخويا الاقي بابه مقفول واخبط عشان مراته تفتح او متفتحش باي حجه وهي رافضه تماما تسيب المفتاح ف الباب من برا عشان لما اطلع افتح وادخل من غير ماخبط واخويا موافقها ومابيتكلمش وحسست اخويا كذا مره اني زعلت ومابيتكلمش تاني حاجه انا لما بطلع وبخبط بلاقيها تتأخر علي ماتفتح وبتكون لابسه لبسه قليل الادب قصير وعريان وانا بتحرج من شكلها وبقولها تدخل تغير تقولي انا ف بيتي واخويا بيكون موجود ومابيتكلمش وكذا مره الفت نظره برضو مصمم ان مراته صح ماما قالتله ماينفعش تبقي وسطنا وقافله علي نفسها كدا برضو هي ولا بتنزل تروق معانا ولا فاتحه بابها ولا مدياني مفتاح اعمل ايه مع اخويا اللي مقويها علينا ومن غير غلط لو سمحتي
#احمد_رفعت
آللھُم أجرني منْ مَوت آلغفله
#بلغ_عن_لاجئ
#شيرين_عبد_الوهاب
#نجوم_الإيمي_في_أبوظبي
#عالقهوة_مع_فايق

السلام عليكم انا عندي مشكلة ومحتاج رايكم
انا متجوز من ١٢ سنه وعندي ٣ اطفال مراتي بتشتغل وانا مش ممانع بالعكس بشجعها على الشغل عشان المصاريف والدنيا دلوقتي يقت غاليه على الكل فهي بتشتغل ومرتبها بتصرفه كله في البيت وانا مرتبي بصرف منه جزء وبشيل حاجه منه للزمن احنا ساكنين في بيت العيله انا في تاني دور وليا اخ متجوز وساكن معايا في نفس البيت فوقي وتحتي بيت ابويا وليا اختين بنات بس كل واحده في بيتها
امي لما توفت ابويا اتجوز واحده عشان تاخد بحسه وتخدمه
بس للاسف حصل مشاكل بينهم وطلقها من شهرين
دلوقتي المشكلة اني ابويا بقى لوحده ومراتي رافضه تنزله كل يوم شوية تنضفله البيت وتشوفه محتاج ايه وتعمله ده طبعا بعد ما ترجع من شغلها وتشوف بيتها وولادها وبقولها بعد ما تخلصي حاجتي برحتك انزلي شوية عشان تخدميه شوية عشان ابويا وله حق علينا وهو بيحب يقعد في النضافه بترفض بحجه انها تعبانه من الشغل والبيت و الاولاد وانا والله بقولها لما تخلصي برحتك تقولي خلي مرات اخوك تنزله ومرات اخويا رافضه تخدم و هي عموما من الاول عامله حدود اوي مع الكل ومتفقه على انها تبقى معزوله وملهاش دعوة باي حاجه من ديه وعاوزاني اجيب اخواتي البنات من بيتوهم يخدموه وطبعا هما كل واحده ملخومه في بيتها وجوزها يعني مفيش حل غير مراتي وهي بتقولي انا صحيا مقدرش ع النظام ده ورافضه واخواتي وابويا كل يوم يسالوني منزلتش ليه لابونا ومبقتش عارف اعمل ايه وايه الحلول اللي ممكن اعملها عشان اخلص من الموضوع ده والزن عليا من اخواتي وابويا ومن كل ناحيه والله انا لو فاضي كنت نزلت عملت معاها حاجه لكن انا عندي شغلي انا حاليا مش بتكلم معاها خالص وبفكر اشتكي لاهلها يشوفوا بنتهم ياريت لو عندكم حلول تقترحوها عليا هو لولا ان ابويا طلق اللي كانت معاه مكنش حصل كل ده وصعب نجوزه تاني دلوقتي

#الكورة_مع_فايق
#جمعة_مباركة #نصاب_مصري
(((نصاب مصرى)))

كنا بنشرب شيشه انا وسلفتي وجوزها دخل علينا ضربنا إحنا الاتنين وهو مالوش ضرب عليه وانا عاوزه اعرف جوزي علشان يجبلي حقي منه بس مش هينفع أقوله إنه ضربني بسبب الشيشه..عاوزه فكره اعمل منها حوار علشان أقول لجوزي .. ساعدوني بأفكار لأني منهاره من كتر الضرب ومش عارفه افكر🥺
#وزير_التربية_والتعليم
#أسامة_عسكر
#ترحيل_السوريين_من_مصر
#عام_هجري_جديد١٤٤٦هـ
#خلي_لتشجيعك_طعم
#يوم_الجمعة
#الأكاديمية_الوطنية_مصنع_القادة
#هاشتاقك_هنا_اعلن_لك_Oち558ち9281

لما تعرف ان ام عيالك طلعت خاينة ووصلت لمرحلة صعبة فى الخيانة والعياذ بالله واجهتها وساومتها واتنازلت عن كل حاجه العيال والقايمه والمؤخر وكل حاجه ووافقت طبعا منعاً للفضايح وخلاص طلقتها وهي قالت لاهلها انها مش مستريحه معايا ومش عاوزه تكمل معايا وقالتلهم لو غصبتو عليا ارجعله هموت نفسي و ده كان بالاتفاق بينا لاني رفضت انها تقولهم انها قفشتني بكلم واحده او بخونها او كلام من ده وراحت لاهلها بقالها اكتر من شهر وبتكلم الولاد وبتطمن عليهم ولا باين عليها اى تأثر ولا حاسة بأى ذنب ولا كأن بيتها اتخرب ولا الهوى وانا اللى مقهور وحاسس انى معرفتش اخد حقى واتساهلت زيادة عن اللزوم وعديت الموضوع كده عشان خاطر عيالى مايشلوش ذنب امهم ويتعايروا بيها لما يكبروا والموضوع ده تاعبنى نفسيا جدا وبفكر اعرف اخوها وامها عشان طبعا هى مش حاكيالهم الحقيقة زي ما قولتكم ومعايا كل الاثباتات الممكنه اللي تفضحها وتاكد كلامي لو حد عنده حل يقولى لان بجد مش عارف اركز ف شغلى ولا مع عيالى من كتر الضغط النفسي والتفكير وعامل زي واحد اتنصب عليه ومش عارف ياخد حقه من اللي ضحك عليه
#جريمة_القرن
#ترحيل_السوريين_من_مصر
#حماس
#التشكيل_الوزاري_الجديد
#أسامة_عسكر
#صلوا_علي_شفيعكم
#استغفر_الله_لتمحي_ذنوبك
#اصاله_ليله_ورده
#ليلة_الجمعة
#الخميس_الونيس

انا كنت بعت قبل كده اني قدامي جوازه من رقاصه
ودلوقتي اتجوزنا بعض ومعانا فلوس كتير متتعدش واملاك كتير دلوقتي انا حسيت بالذنب ومش قادر اخليها تتوب عن المهنه دي وترجع لربنا
المهم عملت كل حاجه مفيش فايده
قولولي حل للمشكلة دي وفي حاجات من فلوسها هي مكتوبة ب اسمي لو حصل بينا طلاق واخدت منها ال ب اسمي هتبقى حرام ولا عادي مع العلم ان الاملاك دي من فلوس المهنة وانا لو سيبتها هبقى عالحديدة وانا نيتي لو حصل كده هستغل الفلوس دي ف حاجات خير كتير
#جريمة_القرن
#نظام_التأمينات_الجديد
#اكذب_علينا_بتغريده
#الخميس_الونيسᅠ
#كلمة_حلوه
#ليلة_الجمعة

خطيبي ضربني ضرب جامد اوي لدرجة أنه صباعو اتكسر وكل دا عشان قولتلو كلملي الدكتور نروحله شوفوا لو موجود وبعد ما كلمو قالي يلا عشان تروحي قولتلو وانت مش جاي معايا ! قالي لا انتي روحي لوحدك وكنا الساعه ٩ بالليل قولتلو عادي اروح بالليل لوحدي؟ قالي اه هو مش لوحدو يعني وفضل مصمم ويقولي يلا هتتاخري برا وتجيبيلي انا مشاكل وانا مش راضيه امشي قام ضربني جامد وقلعني الدبله بالعافيه يقولي انتي متستاهليش تلبسي دبلتي ودا كله انا كنت عنده فى بيته كنت رايحه أقابله اخد منه حاجه .. انا دلوقتى عايزه اعمله محضر بس مش عارفه ينفع ولا لا لأن كنت ف بيته وهو اصلا كان عمال يقول هطلبلك البوليس وانا لما جيت ف الآخر وقولتلو انا اللي هعمل فيك محضر قعد يضربني ويقول هتتبلي عليا ويشتم جامد
#ارجع_ياسوري_ديارك
#العالم_جاي
#التشكيل_الوزاري_الجديد
#مصر_الحضارة
#رف_صب
#سلطان_القلوب
#رساله_لمن_تحب
#اكذب_علينا_بتغريده

السلام عليكم ورحمة الله وبركاته أنا متزوجة وعندي ولد وبنت عمري ٣٢ مشكلتي مع زوجي بالرغم انه طيب ومش بيقصر معايا انا وولادنا لكنه بعيد عنا بحكم شغله ومش بينزل غير خميس وجمعه ويمشي السبت وانا شايله هم البيت والولاد وكل حاجه فوق دماغي رغم اني معلمه في مدرسه خاصه وبدي دروس خصوصيه في البيت يعني عايشه في دوامه ربنا يعلم بيها وفي مره من المرات وانا رايحه المدرسه طلبت اوبر وجالي شاب من جنسيه عربيه اللي موجودين في مصر حاليا واتكلمت معاه انه يبقى يجي يوصلني كل ما اجي رايجه او راجعه من المدرسه أو المشاوير البعيده وهو وافق وفعلا ده حصل واتعرفنا على بعض وهو كلامه كله ذوق وتحضر وفضل يمدحني في شكلي واخلاقي واول مره يشوف ولادي مكنش مصدق اني متجوزه ومخلفه دول وانا عشان مفقتده حنيه والرجل عموما في حياتي اتعلقت بية تعلق مرضي لدرجه انه عرض عليا اني اطلق ونتجوز وانا وافقت وافتعلت المشاكل مع زوجي لاني خلاص مش قادره اعيش معاه اكتر من كده وعاوزه ابدء حياه جديده مع الشخص ده وللاسف الحب كان عاميني ومكنتش فاهمه بعمل ايه وفعلا قولت ده بيضربني وهاجرني و حاجات كتير لانه رافض يطلقني في الأول ولما اصريت وحس اني فعلا عيشتنا مش هتنقع تاني طلقني وفضلت مع الشاب ده وبعد طلاقي ب ٤ شهور قولته اتقدم لاهلي ماطل بحجه انه جاي مصر مش معاه فلوس ولا اي شيء عرضت عليه اسلفه عشان يجيب شبكه كويسه عشان يملى عين اهلي ويفهمهم انه مرتاح ماديا واخد مني فعلا ٦٠ الف على مرتين وبعدها بدء يتهرب مني ويقفل تليفونه وطبعا انتم فاهمين الباقي اختفى وعرفت انه كان مقدم على فيزا بلد اوربي واتقبل وسافر بره مصر وطبعا خسرت كل حاجه وبيتي اتهد وراحت فلوسي بالله عليكم بدون تجريح عاوزه ارجع لجوزي وعيالي بس مش عاوزه حاجه تاني قولولي طريقه اعمل ايه في حاله زي حالتي هو محدش يعرف التفاصيل ديه غير اختي ووحده صاحبتي بس هو عرف ان فيه رجل تاني في حياتي بس ميعرفش كل التفاصيل ديه و حاولت اكلمه مش بيوافق مجرد بس اني افتح موضوع اننا نرجع تاني هو انا كده مستاهلش يديني فرصه تاني وهانت عليه العشرة بنا بالله عليكم ساعدوني برايكم

#خونة_الأوطان
#حق_شيرين
#علمتني_الحياة