حبيبة محمد

النجاح طعمه حلو.. ⁦♡

بس لو عايز تنجح نجاح حقيقي يبقى لازم تدفع الضريبة وتدوق أيام مُرة كتير.. ومش هيبقى قدامك غير إنك تتحمل..

- مرارة قلة النوم في كتير من الأحيان
- مرارة التعلم والتركيز
- مرارة كثرة التخطيط والتعديل
- مرارة الفشل
- مرارة الضغوطات
- مرارة بعدك عن أهلك وأصحابك وعيلتك في فترات كتير
- مرارة بعدك عن الموبايل والحاجات اللي بتضيع وقتك

مفيش نجاح سهل إلا لو كان نجاح مزيف مش بينفع في دنيا ولا أخرة..

النجاح عاوز سعي واستمرارية ومرونة للظروف وبال طويل وصبر ومحاولات كتير للبدء من جديد..

فإما تنجح وتدفع الضريبة أو تتفرج على الناس اللي نجحت، بس وقتها متزعلش..

- حبيبة محمد..

https://www.facebook.com/100012141961760/posts/pfbid02yEq8rGtoGU65XXF1VZQz6a2MDNNYbjCcjEPVo7RC1v5Q17pZAZuxsGxTyiTawZfal/?app=fbl

5 سلاسل للاستعداد لرمضان

https://www.facebook.com/100012141961760/posts/pfbid0ZDJyjTNihiFtrh2PsCrz21tW6zZCcbpRAmLXCjKpBTmmjiBFc4qfhHUUw9FwEudvl/?app=fbl

فترة الامتحانات ممكن تكون سبب تغيير جذري في حياتك

من الحاجات اللي جربتها وأنا في فترة الامتحانات.. وكانت بتزودلي البركة في وقتي وجهدي الأضعاف ⁦♡

هي إني كنت بذاكر بنظام
٢٥ - ٥ - ٥

٢٥ دقيقة مذاكرة.
٥ دقائق حفظ آية من القرآن.
٥ دقائق راحة.

- كنت بنبهر والله وكإنه سحر من كمية الحاجات اللي بخلصها في وقت قليل

- ومن سرعة حفظي للمعلومات

- وكمان من عدد الآيات اللي كنت بحفظها في فترة الامتحانات بس ومن غير ما أحس أو تاخد مني مجهود

- ومن كرم الله عليا في الامتحانات رغم إني في مواد مكنتش ببقى لحقت اخلصها قبل الامتحان بس كنت بحس دايما بفتح عظيم و الامتحانات بتيجي في المواضع اللي بكون مذاكراها ومراجعاها كويس جدا واللي بيتلخصوا في معنى كلمة ((توفيق الله))

من وقتها وأنا مؤمنة جدا إن فعلًا
((ما زاحم القرآن شيئًا إلا باركه))

- حبيبة محمد.

النية بتقلب المعادلة 180 درجة ‌♡

- المذاكرة:
لما تكون نيتك إنك بتطلب العلم
عشان تقرب من ربنا،
وعشان تبقى نافع لنفسك وللي حواليك
= هتحس إن المذاكرة بقت أسهل وأجمل.

- التربية:
لما تكون نيتك إنك بتربي أجيال صالحة ترضي ربنا،
وإن كل تعبك ده هدفه إنك تقدمي للأمة إنسان صالح مصلح
وإن ده كله هيكون صدقة جارية عنك
= هتلاقي نفسك بتتحملي بصبر وحب.

- الشغل: لما تكون نيتك إنك بتشتغل عشان تعمر الأرض،
وعشان ربنا يرزقك رزق حلال لبيتك،
وعشان تسيب أثر في الدنيا وتكون مصدر رزق أو نفع لغيرك.
= هتلاقي نفسك بتشتغل بحماس.

- طاعة الزوج:
لما تكون نيتك إن طاعتك لزوجك هي عبادة ترضي ربنا
وسبب دخولك للجنة،
وإنك بتعفي زوجك عن الحرام،
وإنك بتبني بيت مليان مودة ورحمة،
مش مجرد واجب تقيل
= هتحسي إنك بتعمليها بحب وبتظهري أجمل ما فيكي دايما.

- شغل البيت:
لما تكون نيتك إن كل طبق بتغسليه
وكل أكل بتحضريه
هو عبادة وحب لأهلك،
وإنك بتزرعي جو من الراحة
والسعادة في البيت،
وإنك بتطعمي الطعام بنية إنهم يقدروا يقوموا بمهامهم
= هتلاقي نفسك بتعمليها بروح مختلفة.

لما تكون نيتك في كل حاجة هي رضا ربنا
هتلاقي حياتك كلها بتتبدل للأحسن
وحتي التعب هيبقى أخف على نفسك وله معنى..
لإنك حاسس مع كل ذرة تعب..إنك مأجور إن شاء الله')) ♡

- حبيبة محمد

بوست من سلسلة أنثى كما ينبغي💜
للإناث فقط
https://www.facebook.com/100012141961760/posts/pfbid0379qfucmMXTZAStqpWU2Wu7a8yY3SkhNXwGvCYL9j5fctpENYwUPyBCpJpKmba2Rbl/?app=fbl

لو عايز طاقتك وتركيزك يبقوا أفضل في فترة الامتحانات نفذ الـ 10 تريكات ⁦♡

https://www.facebook.com/100012141961760/posts/pfbid0faDnYMx7DTjKkoB36RAqJ7waDaEPfcawehVRA8Fd1B1ZBSV6GbVsrdAWoZXreEu1l/?app=fbl

السلام عليكم 💜
حبيت بس أعرفكم إن النهاردة آخر فرصة للاستفادة بخصم ٣٥٪ على كورس سنة أولى إنجاز
والخصم ده مش هيتكرر تاني للأسف
فلو حد حابب يستفاد بيه يلحق يشترك قبل الساعة ١٢ منتصف الليل

وحبيت أسيبلكم موضوعات الدروس من جوا + ورشة التخطيط هتلاقوها مسجلة ومضافة للكورس برضو

وهسيبلكم تفاصيل الكورس والاشتراك في أول كومنت
بالتوفيق 💜

النية الصالحة
القلب السليم
بر الوالدين
إتمام الفروض

بيضمنولك أكتر من 50% من توفيق الله ليك وزيادة رزقك

جرب بقى تضيف عليهم
سعي
بذل مجهود
استمرارية
محاولات
يقين في الله

هتشوف فتوحات في حياتك عمرك ما تخيلتها))
ولا محتاج واسطة
ولا فلوس كتير
ولا إمكانيات محصلتش عشان توصل للي بتتمناه

كلمة السر فعلا
هي رضا الله وأهلك وسلامة قلبك وشوية سعي
وقبل كل دول طبعا لازم تخلص النية

وبس كدا '))
جرب تقعد مع نفسك وتراجعها وحسن الجوانب دي لو فيها مشكلة

وأوعدك إن بتركيزك معاهم حياتك هتتغير ١٨٠ درجة إن شاء الله..

بس انت جرب))

- حبيبة محمد

قرآن بوت:
@IslamicQuranBot

القرأن مباشر
https://play.google.com/store/apps/details?id=maknoon.student

ابلكيشن آيات
https://play.google.com/store/apps/details?id=sa.edu.ksu.Ayat

أنا الاول كنت مرشحة آية بس في كتير قالي إن تفسيره بقى في مشكلة وفيه حاجات خاطئة
فتطبيق آيات أنا بستخدمه من سنين تحفة 💜

دقائق بإذن الله وهبعتلكم رابط القرآن بوت
والقرآن مباشر
ومصحف التفسير الميسر

خطة حفظ القرآن في سنتين
https://www.facebook.com/100012141961760/posts/pfbid02zRxW7vAS3kwXF31PVeW8nrd1AsGG4Je6Wd7ibUM8VQdNuXCAhrb9NZXFDor5PoMFl/?app=fbl

سامحوني بتبقى صور كتير فبيبقى صعب ابعت هنا كل حاجة لوحدها
بس ربنا يكرم الناس اللي بتساعد وبتبعت الصور 💜

اخيرا خطة ٢٠٢٥
https://www.facebook.com/100012141961760/posts/pfbid0YvvgGQgpZzVMDg3D6JW4jB55oqUXLMmdrPmWVcqvLtZs3Lxv7GDr3sFw1VhrUPnvl/

https://www.facebook.com/100012141961760/posts/pfbid01KHfYP3jQZxVy2uH718hE7rg5R1ngtvarWJBumAgRpHwh9ZVboXsxyTU3hGVs8gkl/?app=fbl
٣٩ كتاب هيساعدكم تطوروا من شخصيتكم

النهاردة بعد المغرب هيبقى فيه حدثين مهمين: ⁦♡

- ليلة رأس سنة
واللي بتبقى أكتر ليلة فيها ذنوب في العالم كله

- ليلة ١ رجب
واللي بيبدأ معاها شهر من أشهر الحرم
وكل حسنة فيه بتتضاعف، وكل ذنب عقوبته أشد.

ولكل حدث فئة من الناس:

فئة هتحتفل وتسهر وتسكر وتغني وترقص وممكن تزني!

وفئة هتفتكر إن في الأشهر الحرم ربنا قال: ﴿ فَلَا تَظْلِمُوا فِيهِنَّ أَنفُسَكُمْ ۚ ﴾
يعني مش بس نظلم حد تاني، لكن كمان ما نظلمش نفسنا بمعصية أو تقصير فيهم.

وهتفتكر إن الشهر ده فرصة عظيمة إننا نتقرب من ربنا بعبادات بسيطة لكنها عظيمة في الأجر.

- ركعتين في الليل.
- آية واحدة بتقراها من القرآن.
- ذكر بسيط زي "سبحان الله وبحمده".
- حتى الكلمة الطيبة اللي بتقولها لحد ليها أجر كبير.

فانتبه!

﴿ ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ ﴾

نسأل الله إننا نكون من اللي بيعظموا شعائره، ويتقبل منا ومنكم صالح الأعمال ويعيننا على طاعته دايمًا.

- حبيبة محمد

https://www.facebook.com/100012141961760/posts/pfbid02zdrsyY9fZYQgBM5LUcruh8VUPDP58WMd4GKxUvSQp7JVbESVc8pArZ58UNiKz83Ql/?app=fbl

٢٣ هدف ل ٢٠٢٥

https://www.facebook.com/100012141961760/posts/pfbid0bRjjZSYg53bnPgqVjudeHUnXhiKoyAxqmRjK4JnUiZjAcVFquUDqn4NpC1hQeD34l/?app=fbl

٢٩ سلسلة عاليوتيوب لتطوير الذات
لو حد حابب يشارك في الأجر يحط الصور في الكومنتات 💜

الأهداف
الأحلام
الإنجازات
ملهمش وقت معين ولا عمر محدد ‌♡

مفيش كتالوج بيقولك إنك المفروض توصل لحاجة معينة في تاريخ معين وإلا هتبقى متأخر..

مفيش كتالوج عموما لحياة البشر على مر السنين والعصور

لو بصيت حواليك هتلاقي من الناس اللي حقق حاجات خرافية بعد الـ 60 من عمره
ومنهم اللي أنجز حاجات وهو أقل من 18 سنة

الظروف مختلفة
الفرص مختلفة
البيئة مختلفة

ومش بس من بلد لبلد
لا فرصك وظروفك واهتمامك مختلفة عن أخواتك وأصحابك وأقرب أشخاص ليك من عيلتك

فمتقارنش نفسك بحد
انت مش متأخر

انت بتاخد رزقك في كل حاجة في الوقت اللي مكتوبلك فيه..

المقارنة مش هتفيدك بحاجة غير أنها هتوقفك سنين عن الإنجاز بسبب شعور الإحباط..

افتكر دايمًا:
((إن الحياة ملهاش كتالوج
وإن رحلتك مختلفة تماما
وانك عندك فرص كتير وحياة مميزة بس محتاج تركز معاها))

رسولنا الكريم صلى الله عليه وسلم بدأ الرسالة وعمره ٤٠ سنة
وتوفى وعمره ٦٣ سنة

((في ٢٣ سنة بس))

غير وجه البشرية كلها،
رسم منهج حياة متكامل ومتوازن،
أسس أعظم القيم والمبادئ اللي لسه بتلهم الناس لحد وقتنا الحالي..

فمهما كان عمرك دلوقتي افتكر إنك مش متأخر
رزقك هيجي في الوقت المناسب
بس انت اسعى
وارضى
وغمض عنيك
وبلاش مقارنات))

- حبيبة محمد

مفيش كتالوج
https://www.facebook.com/100012141961760/posts/pfbid02GAqviJLJN5NStu7nRdLZ9xjNxV7djEfaUthUV2rNGgxRArU6vBTSeY33DPaBiP6Xl/?app=fbl

https://www.facebook.com/100012141961760/posts/pfbid02m84MHHVs8rHTfZYbyhc4YipdsjKhTkWRJqMdT8zJYW4aRpdFxgcx2bEQaLJVUsfjl/?app=fbl

٤٧ سلسلة دينية على اليوتيوب لخطة ٢٠٢٥

صعب أضيفها هنا عشان صور كتير
بس لو حد حابب يشارك في الثواب ممكن يحطهم في الكومنتات 💜

وانت بتعمل خطة وبتحط أهدافك لـ 2025 لازم تخلي المبدأ ده قدامك ⁦♡

«قلل من المقدار
وحافظ على الاستمرار»

- بدل ما تحدد إنك عاوز تحفظ ١٢ جزء من القرآن في السنة.
خليهم ٦ أو ٣ بس المهم تستمر ولو همتك عالية خلصهم في وقت أقل وكمل.

- بدل ما يكون هدفك تقرأ ١٠٠ كتاب
خليهم ١٢ بس المهم تستمر.

- بدل ما يكون هدفك تتقن اللغة الإنجليزية.
خليهم مستويين بس استمر..

- بدل ما يكون هدفك إنك كـ أم تحلي كل مشكلات أولادك اللي بتواجهك معاهم.
اختاري مشكلتين بس وحطي طاقتك فيهم المهم تستمري.

- بدل ما يكون هدفك تعمل فورمة محصلتش في سنة.
خليها إنك تواظب على أكل صحي وتقلل عاداتك السلبيـ.ة مع الأكل وابدأ رياضة ولو مرة أو مرتين أسبوعيا المهم تستمر..

وهكذا..
لإن الأهداف الكبيرة بتعمل عندك نوع من الضغط واللي بعد كدا بيكون سبب في التسويف وعدم الإنجاز أصلًا بسبب الإحباط))

وأنا مقدرة شعورك إنك عاوز كل حاجة بسرعة بس افتكر كام هدف كبير حطيته ومنفذتهوش واتركن جنب اخواته..

فـ وانت بتعمل خطتك قلل من المقدار والمهم إنك حافظ على الاستمرار')) ⁦♡

- حبيبة محمد.

#يلا_نخطط_مع_حبيبة_محمد

دورة مجانية للاستعداد لرمضان.. التفاصيل في أول كومنت 💜

21 عادة مينفعش متضيفهمش في خطة ٢٠٢٥
https://www.facebook.com/100012141961760/posts/pfbid0yXRfrFCPu5nZHVuWwhxiQAbvrr3wQBRYh25G66hm5E8p5Kd1Xc8o8ZZUa1fgtPSbl/?app=fbl

وللأسف البوست ده صعب انشره هنا عشان فيه صور كتير

عزيزي الإنسان: ⁦♡

«نفس المعطيات والأفعال تؤدي إلى نفس النتائج»
.
.
1 يناير 2025
مش هيختلف كتير عن
31 ديسمبر 2024

لإن مفيش حاجة في حياتك هتتغير لوحدها أو بمجرد دخولك سنة جديدة..

لازم انت تبذل مجهود عشان تلمس التغيير ده
ولازم تاخد بالك إيه اللي وصلك للنتيجة الحالية وتحاول وتسعى وتجتهد إنك تحله.

لإن طبيعي لو انت مش راضي عن حالك السنادي ولا عن النتائج اللي وصلتلها
ودخلت سنة جديدة وانت بنفس الأفعال والعادات

مفيش حاجة هتتغير والنتيجة للأسف هتبقى واحدة..

يعني لو مجبتش التقدير اللي بتتمناه السنادي شوف ايه السبب اللي وصلك لكدا وحاول تبذل مجهود أكبر وتحله وإلا هتوصل لنفس النتيجة في 2025

لو كان عندك خطة وأهداف معينة نفسك تحققها في 2024 وعدت سنة كاملة بدون أي تقدم ملحوظ راجع نفسك وشوف إيه اللي وقفك مكانك عشان متوصلش لنفس النتيجة

وهكذا..

فـ راجع نفسك كويس جدًا وسلوكياتك الحالية من دلوقتي..

ولو عايز نتائج مختلفة
اعمل أفعال مختلفة))

- حبيبة محمد

#يلا_نخطط_مع_حبيبة_محمد

البوست التاني من السلسلة
https://www.facebook.com/100012141961760/posts/pfbid02HWvo7W3rdY2FVfm1hJVNergtNQRKTLHo6MEr59DZ1rnb8ymZcaiGEnTqPbs2tsXul/?app=fbl

البوست عشان الناس اللي مش بتفتح فيسبوك 💜

بنبدأ سلسلة يلا نخطط
تابعوا الهاشتاج 💜
https://www.facebook.com/100012141961760/posts/pfbid02wG9pWUYjCqtfLrPHfgvJk3xsu1fEsP1eCP9Q7ZMbzynCupWqFu4RNSZkd7giNQFYl/?app=fbl

ساعة إجابة إن شاء الله
لا تنسوني أنا وأهلي من دعائكم 💜
ولا تنسوا أخواتنا المستضعفين في كل مكان

مساء الخير
النهاردة اكتشفت التلاوات الرائعة دي لقارئ أول مرة أعرفه اسمه غيث سمرين
حقيقي حسيت وأنا بسمعله بالخشوع والهدوء والسكينة
فحبيت أشارككم بيها

https://on.soundcloud.com/u64m5dnqAdjsALRL8

ولو تعرفوا تلاوات مميزة وفيها خشوع لنفس القارئ أو لناس تانية شاركونا بيها في الكومنتات 💜

بما إن الامتحانات على الأبواب
فحابة أقولكم إن في فكرة بدأتها من سنتين اسمها كامباتنا
عبارة عن معسكرات للمذاكرة في أوقات محددة

وأنا بقالي سنة للأسف مش مهتمة بيها لضيق الوقت ولكن في تيم ربنا يكرمه مازال مستمر
وكل يوم بيتابعوا كامبات اليوم

فلو عاوزين بيئة تشجعكم تذاكروا وتستعدوا للميد تيرم والفاينال بدون سوشيال ميديا

انضموا لكامباتنا 💜

https://t.me/campatna

بتصحى من النوم ‌♡

وأنت مدرك إنه صباح جديد من يوم جديد محسوب من عمرك

فبتيجي في بالك الحاجات اللي وراك من مذاكرة/ شغل/ دروس/ شغل بيت/ مشاوير

فبتفتكر إن وجهتك هي الجنة وإنك فالدنيا في اختبار.. وإنك محتاج تكسب أكبر قدر من الحسنات.

فبتقرر إنك تجدد نيتك عن اليوم وبدل ما أنت شايل هم مهامه.. بتخليه كله خالص لوجه الله وفي ميزان حسناتك.

ومع كل حدث في اليوم بتذكر نفسك إن رد فعلك وطريقة تعاملك معاه.. إما بتقربك من الجنة خطوة أو بتبعدك خطوة وعلى أساسه بتختار..

تفتكر اليوم ده هيكون يوم عادي؟

--

صباح الخير💜
متنسوش تجددوا نواياكم عن اليوم

https://www.facebook.com/100012141961760/posts/pfbid0iMwsgWxub2GEevzQQPJmvyspL48psQgjDn78wMZeSubNzcr5D7eqnbo7yVdxbSKil/?app=fbl

20 فكرة لإنقاذ آخر 20 يوم في السنة

فضلا محتاجة منكم نرفع البوست بكومنت وريأكت عشان المحتوى للأسف بطل يوصل للناس

الوقت مثالي لبدء تدبر القرآن 💜

https://www.facebook.com/100012141961760/posts/pfbid02HneKo3NzASh3YzYwP3t5ms2pJzyjCXX6DtYbULRxDjSzjW1MEhdP86GDAdLi2jN8l/?app=fbl

دورة مجانية للبنات والسيدات
حقيقي الدورة دي تحفة كنت في الدفعة اللي فاتت هتخليكم تراجعوا أنفسكم في حاجات كتير أوي

التفاصيل في أول تعليق 👇

بعيدا عن أي كلام أو نصائح بتقرأها وبتسمعها في الإنتاجية والتخطيط والإنجاز
فالخلاصة هي «لو مساعدتش نفسك محدش هيساعدك» ⁦♡

طول ما انت مصمم تفضل بنفس العقلية ونفس التفكير ونفس الأفعال مستحيل حاجة تتغير في حياتك..

مفيش أي مصدر معلومات ولا مليون كورس بمجرد اقتنائه هتتغير أو هيحصلك أي اختلاف

كل حاجة في الدنيا عاوزة منك محاولة وتعب ومجهود وسعي
فلو مش مستعد تتعب وتساعد نفسك يبقى ارضى بوضعك الحالي ومتشتكيش لإن حقيقي وفعليا محدش هيساعدك.

صحيح ممكن تلاقي كتير ينصحك ويديك معلومات ويفيدك بخبرته بس لو مألزمتش نفسك بتطبيقها والاستمرارية عليها وتحاول مرة واتنين وتلاتة للأسف مش هتلاقي اللي بينصحك أو كان بيساعدك عاوز يكمل معاك وياخد بإيديك

لإنك بكل بساطة مش بتحاول ومش عاوز تحاول وهو وقته بيبقى غالي عليه ومش هيضيعه مع حد مش بيحاول
وفي نفس الوقت بيبقى فيه أشخاص تانية بتحاول ممكن يستثمر فيها..

- اقعد وراجع نفسك واكتب كل حاجة عاوز تغيرها أو تتعلمها واختار حاجة واحدة بس واتحمل ألمها وتعبها والزم نفسك بيها كل يوم.

لإن إنجاز وتغيير كل حاجة معتمد عليك.. عليك أنت وبس!
فبلاش تضيع عمرك وانقذ نفسك وساعدها قبل فوات الآوان))

- حبيبة محمد

- ورشة مجانية لعمل خطة 2025 خطوة بخطوة ‌♡
- استمرار خصم 35% على كورس سنة أولى إنجاز لفترة محددة..
- جروب تليجرام مقفول لدعم ومتابعة طلاب الكورس..

إيه الحاجات دي؟
دول الـ 3 مفاجآت اللي وعدتكم بيهم الفترة اللي فاتت..

أول ما أعلنت عن كورس سنة أولى إنجاز قولتلكم إن أول 100 مشترك هيكون ليهم ورشة مجانية لعمل خطة 2025

والنهاردة حابة أفرحكم وأقولكم إن أي شخص اشترك في كورس سنة أولى إنجاز طول الفترة اللي فاتت أو لسه هيشترك لحد يوم 21 ديسمبر
هيحضر معايا الورشة دي

- الورشة مش هنتعلم فيها ازاي نخطط وبس لا.. احنا هنعمل خطتنا مع بعض خطوة بخطوة ✅
وكمان بطريقة مختلفة عن اللي موجودة في الكورس
بحيث تخرجوا منها خطتكم جاهزة علطول

ومش بس كدا
الورشة آخر ساعة فيها هتكون للرد على الاستفسارات الخاصة بالكورس أو بالإنتاجية والتخطيط عموما عشان تكونوا مستعدين تبدأوا سنة جديدة بكل حماس

وكمان فيه مكافآت هيتم الإعلان عنها في الورشة إن شاء الله 🤩

امتى ميعاد الورشة وهتكون فين؟
هتكون على قناة التليجرام الخاصة بطلاب الكورس يوم السبت 21 ديسمبر الساعة 7م
يعني نصلي العشاء ونحضر دفتر وورقة وقلم ونتجمع علطول💜

أما المفاجأة التانية ودي بناء على طلبكم هي:
إنه تم مد فترة الخصم لحد يوم 21 ديسمبر
فأي شخص هيشترك لحد يوم 21 ديسمبر الساعة 7م
هياخد خصم 35% بإذن الله
وبعد التاريخ ده الكورس هيرجع لسعره تاني..

- أما المفاجأة التالتة فهي خاصة بكل المشتركين بالفعل..
مش نفسكم يكون فيه مجتمع بيجمعكم كلكم مع بعض؟

بما إن وجود بيئة بتعمل نفس الحاجة ده بيفرق اوي في الإنجاز فعملتلكم جروب مقفول على التليجرام تقدروا من خلاله تسألوا بعض وتشجعوا بعض باستمرار على كل خطوة داخل الكورس عشان محدش يكون لوحده.

وبالنسبة لمتابعتي أنا فهبعتلكم السيستم على الجروب إن شاء الله..

طب توصلوا للجروب وقناة التليجرام بتاعت الطلاب والورشة ازاي؟
ابعتوا سكرين شوت بصورة اشتراككم في الكورس على صفحة سنة أولى إنجاز:
https://www.facebook.com/profile.php?id=61566380290503
وهنبعتلكم علطول اللينكات

- طب لو حد مهتم بالكورس وعاوز يشترك دلوقتي؟
سيبو كومنت
أو ابعتولنا كلمة تفاصيل على رسائل الصفحة
وهنرد عليكم بكل التفاصيل

وبس كدا مستنية جدا أقابلكم كلكم عشان نخطط سوا 💜

الصفحات اللي بتّابعها على السوشيل ميديا
أصحابك
الأشخاص المقربين منك
مكتبك
أوضتك
جيرانك
زمايلك في الشغل

كل دول مش مجرد حاجات بتملى يومك.. الحاجات دي عبارة عن بيئتك المحيطة اللي بتحدد (تفكيرك/ تعاملاتك/ قراراتك/ طريقة كلامك/ أسلوبك)

«فاهتم بإنك تختار بيئتك المحيطة بعناية أوي»
لإنها بتأثر فيك أكتر ما انت ممكن تتخيل ومش هتكتشف ده غير متأخر اوي))

بيئتك الحالية = انت وشكل حياتك في المستقبل ⁦♡

الحساب رجع يا جماعة امبارح الحمدلله تسلمولي على دعواتكم ربنا يكرمكم

أنا أكاونتي اتقفل يا جماعة.. الله أعلم هيرجع ولالا بس دعواتكم.. ولحد ما يرجع إن شاء الله هنشر أي محتوى هنا لحد ما أشوف حل المشكلة دي😔

الخصم متاح لمدة 14 يوم فقط!

السلام عليكم ورحمة الله 💜

فيه زميلة لينا هنا محتاجة أكبر عدد من الشباب والبنات اللي في المرحلة العمرية من ١٨ ل ٢٥ يجاوبوا على الاستبيان ده:
https://docs.google.com/forms/d/e/1FAIpQLScO4f8pRqzr-oTNxD-4e7C-GzDVSwfYrCTwLD_k4UiKcf1e3Q/viewform?usp=pp_url
عشان هيساعدها في رسالة الماجستير

فخدو نية إنكم تعينوها واملوه 💜

ليه الأجيال اللي قبلنا أفضل مننا عقليًا ونفسيًا بالرغم إننا متطورين أكتر منهم؟

في لحظة تأمل كدا جه على بالي السؤال ده وقعدت أفكر كتير في إجابته
ولاقيت إن الفضل في الأجيال دي يرجع لصعوبة حياتهم..

لو قعدت في جلسة مع حد من الجيل اللي قبل التسعينات.. هتلاقيه بيحكيلك قد إيه كانوا عشان يوصلوا لمعلومة كانوا بيبحثوا كتير جدا في المراجع والمكتبات

كانت السيدات عشان يقدروا ينظفوا بيوتهم بيبذلوا مجهود كبير جدا جدا في الغسيل على إيديهم وعشان يطبخوا كانوا بيستخدام الأدوات البسيطة في الطبخ زي (الباجور) وغيره..

كانوا الرجال والسيدات اللي في الأرياف شغالين في الزراعة وبيعملوا كل حاجة بإيديهم وبيبذلوا مجهود كبير جدا لده عشان يقدروا ياكلوا ..

كل حاجة في حياتهم كانت صعبة فده قوى عضلاتهم جدًا.. ومش بس عضلات جسمهم.. كمان عضلات عقلهم ونفسيتهم..

وده اللي خلاهم أقوى وأفضل مننا بمراحل على جميع المستويات..

لإن للأسف التطور اللي حصل في حياتنا وإن كل حاجة باقت سهلة وحرفيًا ((بضغطة زرار))..

ده وقف كل العضلات عن العمل..
وقف عضلات الحركة بالشراء الأونلاين والأجهزة المنزلية المتطورة..
وقف عضلات العقل والتفكير والبحث واستبدلها بجوجل و شات GPT
وقف عضلات الصلابة النفسية لإننا من كتر سهولة حياتنا حرفيًا مبنقدرش نتحمل الألم مهما كان بسيط وحتى لو ألم سببه مجهود مش ألم أو وجع بالمعنى الحرفي وباقينا بنستسهل الشكوى..
وقف عضلات الصبر والانتظار والتحمل وده للأسف سبب من أسباب كثرة وسرعة الطلاق في الوقت الحالي..

فباقينا نشوف جيلنا من واحنا في أوائل العشرينات بنشتكي من آلام في العظام وبنشتكي من إننا بقى قلة قليلة مننا اللي عنده علم حقيقي في حاجة ومش مجرد قشور بيعمل بيهم شو ونسبة كبيرة بيعانوا نفسيًا..

وده ذكرني باقتباس جميل جدا قرأته في كتاب الهشاشة النفسية من فترة..

«فإن أغلب الناس الذين غيروا الدنيا تجدهم ينتمون للطبقات المعدمة لا الطبقات المدللة، فهولاء صارعوا الحياة وصارعتهم، فكونوا عضلات إرادية وأنشأزوا بداخلهم روحًا هائلة للتحدي.. أما الولد أو الفتاة الذي يربون على حياة خالية من المسؤوليات فلا عضلات إرادية لديهم، إرادتهم ضعفية فلا يستطيعون مجاهدة أنفسهم.. لأن تربيته كانت مشوهة، فأي حزن يكسره لأنه نفسيًا ضعيف لا يتحمل الحزن ولا صراعات الحياة، وغاية نجاحه أن يعيش في حياة مستقرة لا صدمات فيها ولا صراع ولا مواجهة»

فلو عاوز تكون أفضل وتتطور وتتحسن.. قوي عضلاتك

اتحرك
اقرأ
فكر
ابحث
اصبر

ومتستسهلش)) ♡

- حبيبة محمد

خطة الـ 90 يوم
بدايتها من بكرة إن شاء الله
اضغطوا هنا للتفاصيل 💜

دوش بنية الاغتسال ⁦♡
بجامة مريحة وعليها عطر مفضل
صلاة الجمعة
سورة الكهف وتقعد تقرأ وتستشعر كل آية بتأني وهدوء
الإكثار من الصلاة على النبي
راحة من التصفح على السوشيل ميديا
جلسة دعاء قبل المغرب
تتجمع مع أهلك في البيت وتاكلوا وتتكلموا سوا

مبروك عليك يوم جمعة ياخد 10/10 ⭐

يوم الخميس ⁦♡
نقدر دلوقتي ناخد وقتنا الخاص مع مشروبنا المفضل بعيد عن الضوضاء ونستمتع بالإجازة الأسبوعية ⁦♡

مش دايمًا بيكون الحاجة اللي هتخليك أفضل هي إنك تنجز ♡

احيانا بيكون في:

١- العزلة عن الناس.
٢- الراحة التامة من كل شئ.
٣- إعادة ترتيب الأفكار.
٤- الترفيه عن النفس والصبر عليها.
٥- البعد عن السوشيل ميديا.

- لما تكون فاقد الشغف تجاه كل حاجة.. متضغطش على نفسك وتجبرها على الإنجاز وتحسسها طول الوقت بالتقصير.
جرب تريحها حتى لو معندكش الرفاهية دي حاول تعملها عشان تقدر تكمل))

ومتستناش حد يقدمهالك لإن ده مش هيحصل.
«دلل نفسك وطبطب عليها وقت ضعفها وقلة حيلتها زي ما بتطبطب على أصحابك»

ومتنساش تلزم الدعاء والقرآن وقت الراحة، لإن بيهم فعلا هتقدر ترجع من تاني إن شاء الله.

- حبيبة محمد.

هاشتاج حلقة وصل على جروب سنة أولى إنجاز 💜
النهاردة قررنا نكون حلقة وصل بين معلمين ومعلمات القرآن والطلاب
فلو كنت معلم أو معلمة أو شخص محتاج لمعلم قرآن
شاركنا في البوست دا
https://www.facebook.com/groups/sanaoulaenjaz/permalink/526299896614297/?app=fbl

أسئلة كتير بتجيلنا بخصوص كورس سنة أولى إنجاز 💜

فحبيت أجاوب عليكم في البوست دا..

١- هل الكورس له علاقة بالجروب؟
ج: الجروب أنا جاتلي فكرته وأنا بعمل الكورس عشان كدا سميتهم بنفس الاسم لكنه منفصل عن الكورس تماما.. تقدروا تستفيدوا من تاسكات الجروب بشكل منفصل واحنا أسبوعيا بيبقى عندنا خطة وكمان آخر 3 شهور في السنة هنعملكم مفاجأة في التاسكات فمتقلقوش هتقدروا تستفادوا من الجروب بشكل كامل بعيدًا عن الكورس خالص.

٢- الاشتراك في الكورس هينتهي امتى؟
ج: الكورس هيبقى موجود دايما على موقع أكاديمية بناء.. لكن خصم 50% هو اللي هينتهي بعد بكرة إن شاء الله. (يوم الخميس)

٣- هل الكورس فيه متابعة؟
ج: الكورس كله تطبيقي وعملي.. فليه تاسكات كتير تقدروا تنفذوها وبتابع معاكم تطبيقها على الجروب هنا بس متنسوش هاشتاج #كورس_سنة_أولى_إنجاز عشان أعرف أوصل للتاسكات بسهولة وكمان أعرف أرد على كل أسئلتكم..

٤- هل الكورس موجود على زوم؟
ج: لا الكورس موجود على موقع وتطبيق أكاديمية بناء وبمجرد الاشتراك بيبقى معاكم مدى الحياة عشان تستفادوا منه دايما وعشان الاشتراك ميضيعش عليكم.

٥- إيه حكاية ورشة التخطيط بطريقة ال ١٢ أسبوع لسنة ٢٠٢٥ اللي بتتكلمي عنها؟
ج: الورشة دي أنا بقدمها كـ هدية بشكل مجاني لأول 100 مشترك في الكورس احتفالاً بإطلاق الكورس بعد تعبي فيه لشهور بفضل الله.. وعايزة أقولكم إن باقي مكان لـ 10 بس وهنتم الـ 100 مشترك إن شاء الله
بس مهم إن قبل ميعاد الورشة تكونوا خلصتوا الكورس عشان لو عندكم أي استفسار أقدر أجاوب عليكم في الورشة.

٦- الورشة هتبقى امتى؟
ج: الورشة هتبقى قبل بداية السنة إن شاء الله بفترة وهعلن عنها هنا على الجروب وهعلن عن الأسماء اللي هتحضرها كمان إن شاء الله.

٧- الكورس ينفع للأمهات؟
ج: ينفع لأني وأنا بعمله كنت دايما بدي أمثلة للأمهات عشان عارفة إن عندهم نفس المشكلات.. الكورس لكل شخص تايه ومشتت سواء كان طالب أو خريج أو أم.

٨- الكورس إيه موضوعاته؟
ج: الكورس عبارة عن 5 × 1 وكإنه:
- كورس لاكتشاف الذات
- كورس لتعلم التخطيط
- كورس لإدارة الوقت
- كورس لبناء العادات الإيجابية والتخلص من السلبيـ.ة
- كورس لتحسين جودة الحياة (ازاي نصحى بدري - ازاي نتعلم التدوين والامتنان - وهكذا)
وسيبتلكم اسكرين من داخل الكورس بكل الموضوعات..

٩- مدة الكورس قد إيه؟
الكورس مدته 8 ساعات ومقسمين على 55 درس

بالتوفيق.. ولو عندكم أي استفسار تاني اسألوني في الكومنتات💜

مفيش خطة ينفع تتنفذ من غير To do list ♡

- وعشان كدا النهاردة موعدنا مع صناعة قائمة مهام جامدة جمودة في 5 دقائق بس

- يلا بينا.

هنجيب نوت بوك شكلها حلو ولونها نكون بنحبه.
وده عشان هتبقى صاحبتنا فترة كبيرة فلازم نكون بنحبها.
- هنفتح الصفحة ونكتب التاريخ واليوم.

مثلًا. الثلاثاء 10 سبتمبر.

- تحتها هنكتب جملة تحفيزية سواء مقولة مثلًا بنحبها أو جملة من تأليفنا زي: المهام كتيرة النهاردة بس أنا قدها وهنفذها.

وبعد كدا نبدأ نشوف ورانا إيه هنكتب كل المهام اللي ورانا كلها حرفيًا وكل مهمة وقتها إمتى بضبط.

وجنب كل مهمة عدد نقاط معين.

وفي أخر الصفحة مكافأة اليوم.

ناخد مثال:

✅الثلاثاء ٢٣ مايو.
الجملة «وفي يوم هكون زي ما بتمنى»

من ٥ لـ ٦ هصحى، هصلي الفجر، هقرأ ورد القرآن.
من ٦ لـ ٧ تجهيز الفطار وأذكار الصباح والفطار.
من ٧ لـ ٨ مذاكرة إنجليزي من ذاميركان إنجلش.
من ٨ لـ ٨ ونص راحة.

وهكذا بقى لحد آخر اليوم تكونوا عارفين كل حاجة بضبط هتتعمل في وقت قد إيه لحد ميعاد النوم.

وفي أخر الصفحة تكتبوا تقييم بناء عن تجميع النقاط مثلا النهاردة حققت ٧٠ نقطة من الـ ١٠٠.
لو حققت أعلى من ٧٠٪ من نقاط اليوم فده معناه إنك تستحق المكافأة))

طب تعملوها إمتى؟
يفضل كل يوم قبل ما تناموا.

ونصيحة:

- متملوش القائمة بمهام وخلاص، ومتكتروش الأهداف قليل دائم خير من كثير منقطع.
- أدوا وقت الراحة حقه.
- لو أي مهمة جت فجأة باقت مطلوبة منكم خليكم مرنين وادوها وقت مهمة تانية حسب الأولوية لكن لو المهمة دي مش حاجة ليها أولوية بنسبالك كلفها لحد غيرك أو متعملهاش.

وبس كدا، دي كانت طريقة عمل الخطة اليومية بطريقة بسيطة))

لو حابب تشوف طريقة عملها خطوة بخطوة وبشكل عملي هي والخطة السنوية والشهرية والأسبوعية
وكمان تتعرف على جوانب حياتك كلها
وتعرف ازاي تحدد أهدافك
وازاي تدير وقتك صح وتحدد أولوياتك
وتتعلم كمان التدوين وطرق بناء العادات
وتتخلص من عاداتك السلبية

هسيبلك التفاصيل في أول كومنت

- عايزة أقولكم إن باقي 3 أيام بس على انتهاء عرض خصم 50%
- وكمان لأول 100 مشترك هيحضروا معايا ورشة مجانية عن التخطيط لـ 2025 والعدد قرب يكتمل..

بالتوفيق.. ولاتنسوني من صالح دعائكم. ♥️

- حبيبة محمد.

باقي 3 شهور على نهاية السنة ‌♡
فتعالوا نتعلم بكل بساطة ازاي ممكن نعمل خطة شهرية خطوة بخطوة..

أول خطوة هي الأدوات:

١- نوت بوك.
٢- قلم بتحبه

ويلا بينا نبدأ

هتفتح دفتر التخطيط
وهتكتب في أول صفحة كل أهدافك (كل حاجة عاوز تحققها في حياتك)

بس على هيئة جوانب وكل جانب تحته أهدافه.

يعني مثلا:

اكتب أهداف الجانب الديني وتحته أهدافه زي:
- حفظ ٤ أرباع من القرآن.
- المواظبة على صلاة قيام الليل.
- حفظ 40 حديث.

أهداف الجانب الصحي وتحته أهدافه.. زي:
- إنقاص 10 كيلو من الوزن.
- الوصول لشكل معين للجسم..

وهكذا في باقي الجوانب لحد ما تكتب أهدافك..

٢- هتفتح الصفحة التانية وهتكتب فيها من فوق اسم شهر
مثلًا
أهداف شهر سبتمبر.

وهتختار من كل جانب هدف واحد بس.

يعني مثلا:
هدف واحد من الجانب الديني وهدف في الجانب الصحي وهكذا..

٣- هتفتح الصفحة الثالثة وهيبقى عنوانها (خطتي الشهرية)

وهتقسم فيها الشهر ÷ 4 أسابيع.

وكل هدف ÷ ٤

يعني مثلا: 🤸

هدفك في المجال الديني في شهر سبتمبر إنك تحفظ ٤ أرباع من القرآن.
يعني في الأسبوع هتحفظ ربع واحد

- هدفك في المجال التطويري تذاكر ٢٤ درس إنجليزي
هتقسمهم على ٤
يعني «في الأسبوع ٦ دروس»

وهكذا..

وكدا خطتك اتقسمت وبقت زي الفل.

٤- افتح الصفحة اللي بعدها واكتب من فوق الأسبوع الأول.

- واختار كل الاهداف الصغيرة اللي قسمتها دي وحطها في الصفحة دي

مثلًا:

(الاسبوع الاول)
- حفظ ربع من القرآن يعني ٣ صفحات.
- مذاكرة ٦ دروس انجليزي.

وتكمل باقي اهدفك اللي حددتها في جميع الجوانب

وبعد كدا تقسمهم على الاسبوع ماعدا يوم الجمعة دايما خده إجازة فاقسم ÷ ٦.

يبقى كدا في اليوم الواحد..

- هتحفظ نصف صفحة من القرآن.
- هتذاكر درس انجليزي.

وبس كدا خطتك بقت جاهزة جدًا للتنفيذ.

بس هتجيب نوت بوك تاني سميها قائمة المهام.

كل يوم قبل ما تنام اكتب كل مهامك اللي عليك في اليوم اللي بعده فيها.

يعني مثلا:

✅السبت

١- مذاكرة درس انجليزي.
٢- حفظ صفحة من القرآن.
٣- شغل من ٩ لـ ٥
٤- زيارة عائلية.
٥- صلواتي.
٦- مشاهدة فيديو من قناة دروس أونلاين.

ومتنساش كل شهر تكتب أهدافه على ورقة قدامك عالحيطة وتحته أسباب كل هدف عشان تتحفز.

يعني مثلا:

حفظ ٤ أرباع من القرآن عشان:

- أنال بركة القرآن في حياتي.
- أكون من أهل القرآن.
- يكون صاحبي في القبر.

وهكذا لكل هدف.

وماذا عن يوم الجمعة؟

ده يوم ترفيهي ولو حققت من ٨٠ لـ ١٠٠ ٪ من مهامك لازم تكافئ نفسك فيه بحاجة حلوة بتحبها.

ومتنساش:

- تقعد مع أهل بيتك.
- تقلل سوشيل ميديا.
- تقرأ سورة الكهف.
- تدعي قبل المغرب.
- تكثر من الصلاة على النبي.

وبس كدا.. دي كانت طريقة عمل الخطة الشهرية.

لو حابب تشوف طريقة عملها خطوة بخطوة وبشكل عملي هي والخطة السنوية والأسبوعية واليومية
وكمان تتعرف على جوانب حياتك كلها
وتعرف ازاي تحدد أهدافك
وازاي تدير وقتك صح وتحدد أولوياتك
وتتعلم كمان التدوين وطرق بناء العادات
وتتخلص من عاداتك السلبية

اسألني في الكومنتات عن كورس سنة أولى إنجاز وهبعتلك التفاصيل.. ⭐

- عايزة أقولكم إن باقي 4 أيام بس على انتهاء عرض خصم 50%
- وكمان لأول 100 مشترك هيحضروا معايا ورشة مجانية عن التخطيط لـ 2025 والعدد قرب يكتمل..

بالتوفيق ♥️