لا تحزن | La Tahzanim

Muhaddis va alloma Badriddin Hasaniydan «Bir soatdan keyin vafot etishingizni bilib qolsangiz, qanday amal qilardingiz?» deb so‘rashdi. U kishi: «Ilm o‘qirdim», dedilar. «Nima uchun aynan ilm o‘qirdingiz?» deyishdi. Alloma: «Rasululloh sollallohu alayhi vasallamning hadislariga binoan. Chunki u zot: «Kimning ajali ilm izlayotganida kelsa, Alloh azza va jallaning huzuriga borganda u bilan payg‘ambarlar o‘rtasida faqat payg‘ambarlikdan boshqa farq bo‘lmaydi», deganlar» deya javob bergan ekanlar.

@Latahzanim

"МЕН УНИНГ МУҲАББАТИ ИЛА РИЗҚЛАНДИМ!".
Хадича!
Нақадар чиройли исм!
Ундаги ҳарфлар нақадар бежирим!
Бу аёл каби аёл башарият тарихида иккинчи бор ўтмайди. Унинг иккинчи нусхасини топа олмайсиз бу заминдан.
У Набий саллоллоҳу алайҳи ва салламнинг қалбларини забт этган.
Зотан у севилишга муносиб эди. Набий саллоллоҳу алайҳи ва саллам ҳаётларининг охиригача уни эслаб юрдилар. Унута олмадилар уни.
Зотан у шунга муносиб эди!

Набий саллоллоҳу алайҳи ва салламнинг: "Мен унинг муҳаббати ила ризқландим!", деган гапларидан фақатгина "мен уни севаман"ни тушунмаслик керак. Балки "У ҳам мени севади!"ни англаш лозим.
Севгини қабул қилиб олиш ҳам худди уни тақдим қилиш каби ризқдир.
Фақат икки қалб қучоқлашсагина, бир-биридан унсу-улфат топсагина, сакинатни ҳис қилсагина, бир-бирининг руҳига таянч бўлишсагина муҳаббат камолига етади.
Хадича розияллоҳу анҳо Набиййимиз саллоллоҳу алайҳи ва салламни севди, бутун молини олдиларига тўкди. Бу молларни истаганингизча сарфланг деди. Набий саллоллоҳу алайҳи ва салламга кўз қувончи бўлмиш фарзандлар тақдим қилди.
Хадича розияллоҳу анҳо у зотга иймон келтирди, орқа фронтлари бўлди, омонлик маконига айланди Набиййимиз саллоллоҳу алайҳи ва саллам учун...
Фақатгина Набий саллоллоҳу алайҳи ва саллам севиб қолмадилар, балки Хадича розияллоҳу анҳо ҳам севди!

@Latahzanim

Рахимберди домла

Жаноза одобларидан

@Latahzanim

Сиз ҳам кечириб юборинг...

@Latahzanim

"Шундай инсонларни кўрдим, улар айбсиз эди. Аммо бировларнинг айбини гапираверишди. Натижада Аллоҳ уларни айбдор қилиб қўйди.
Яна шундай инсонларни кўрдим, улар айбдор эди. Аммо бошқаларнинг айбини гапирмас, уларни яширар эди. Аллоҳ ҳам уларнинг айбини беркитди!".

Ҳасан Басрий роҳимаҳуллоҳ

@Latahzanim

@Latahzanim

Ассаламу алайкум ва рохматуллохи

Ражаб ойингиз муборак булсин.

Аллохумма барик лана фи Ражаб ва Шаъбан ва баллиғна фи Ромазон
اللهم بارك لنا في رجب و شعبان و بلّغنا رمضان

САЛОМЛАР БЎЛСИН!
Бир куни Набий саллоллоҳу алайҳи ва саллам қалб юмшоқлининг муҳимлигига саҳобаларнинг эътиборини тортиш учун шундай дедилар:
"Жаннатга шунақанги инсонлар кирадики, уларнинг қалби худди қушларнинг қалбидек бўлади!".

Мен айтаман:
Аллоҳ кимга юмшоқ қалб берган бўлса унга жуда кўп неъмат берилгандир.
Кишиларга азият бермаслик учун сўзларини териб гапирадиганларга саломлар бўлсин!
Юмшоқ, хушмуомала, ғазаби секин келиб тез кетадиган, тез рози бўладиган кишиларга саломлар бўлсин!
Сотганида, сотиб олганида, талаб қилганида бағрикенг бўлганларга саломлар бўлсин!
Қаерда тушса наф берадиган ёмғир каби бўлганларга саломлар бўлсин!
Кишилар орасида кўнгил кўтариш, кишилар қалбини шод қилиш, кўнгил олиш учун юрадиганларга саломлар бўлсин!
Кишиларнинг эҳтиёжини ўрганиб, миннат ва озорсиз саховат қиладиганларга саломлар бўлсин!
Кишилар эҳтиёжи тушганда уни қидирадиганларга, жароҳатларини унга ишонадиганларга саломлар бўлсин!
Танг аҳволда қолганларга паноҳ бўладиган, хавфда турганларга омонлик бўлган, маҳзун қалбларга тасалли бўладиганларга саломлар бўлсин!

Хуллас, инсонларга бўлган муҳаббати ила Аллоҳга ибодат қиладиганларга саломлар бўлсин!

@Latahzanim

Hazrati Muhammad Mustafo Sollallohu alayhi va sallam.

Usmon Nuri To'pbosh.

Test👇👇👇

ТАЪНА
Бир киши масжид олдидан ўтди. Унинг ёнида камон ўқлари бор эди. Уни кўрган Набий саллоллоҳу алайҳи ва саллам унга шундай дедилар:
- Камон ўқларининг тиғидан ушлаб ол!

Кишиларга жароҳат етказиши мумкин бўлган ҳар қандай тиғли нарсани тиғидан ушлаб кишиларга озор етказмайдиган ҳолатда юриш Пайғамбарлар тарбиясидир.
Шу нарсани унутмаслигимиз лозимки, тилимизнинг тиғи камонникидан ўткирроқдир. Аммо кўпчилик бундан ғофилдир.
Бундан ўттиз йиллар олдин бир дўстим мени "фақир" деб кўпчилик ичида камситган эди. Сўнгра келиб ўзимдан кечирим ҳам сўраган. Мен кечирдим деганман. Аммо қалбимдан ҳали ҳам қон томчилайди...
Гоҳида тилдан етган жароҳат тиғникидан ҳам ёмонроқ бўлади. Тиғнинг жароҳати вақт ўтиб битиб тузалиб кетади. Аммо тилнинг жароҳатидан қалбдан доим қон оқиб туради.

"Нега ҳалигача уйланмадинг?!". Бу саволми ёки таъна?
"Нега ҳалигача турмушга чиқмадинг?!". Бу сўроқми ёки шапалоқми?
"Нега ҳалигача уй жиҳозларингиз эски?!". Бу уларга ачинишми ёки уларнинг сабрини вайрон қилишми?
"Нега фақат эски кийим кийиб юрасан?!". Бу муҳаббатми ёки ғаламисликми?!
"Нега ҳамма умрага борди, сен бормаяпсан?!". Бу меҳрибонликми ёки бефаҳмлик?

Таънанинг шакли кўп. Аҳмоқона савол шулардан биридир!

@Latahzanim

“Сизни яхши кўраман”
Учта сўз ва олам-олам қувонч, қисқа аммо жуда кучли мотивация.
Инсон доимо севилишга эҳтиёж туядиган фитратда яратилган.
Йўқса Росулуллоҳ алайҳиссалом
“Яхши кўрсаларинг ўзига айтиб қўйинглар” деб буюрмас эдилар.

Эркаклар аёлингизга эътибор фақат гул ёки совға билан белгиланмайди.
Кутилмаганда, онийдан қўнғироқ қилиб
“Сени яхши кўраман,менга жуда ҳам кераксан”, демоқ энг қиммат совғани ҳам йўлда қолдирадиган даражада кучга эга.

Аёллар унутманг, эркаклар яхши кўрилишга энг мойил инсонлардир.
Мен уяламан, айтолмайман деманг, яхши кўришингизни соҳибларига тез-тез айтиб, етгазиб туринг.
Яхши кўришга уялмай, уни изҳорига уялиш мантиқсизлик.

Аввал эътибор бермас эдим.
Дадам вафот этганларидан кейин, дадамни эслатадиган энг кўп гаплари
“Мени яхши кўрасизми” бўлиб қолган.

Дадам одатда менга сиз деб мурожаат қилмас эдилар.
Лекин кунора ушбу саволни берганларида сиз дердилар.
Доим сўрардилар
“Мени ҳам яхши кўрасизми, ёки фақат онангизними?”-деб.

Демак мен уларга яхши кўришимни ҳис қилдира олмаганман.
Мени изҳоримга доим эҳтиёжлари бўлган.
Шу учта сўз юзларини ёриштириб, кайфиятларини кўтарган, ҳаётга боғлаган, яшашга иштиёқ уйғотган.

Агар дадамни эрта йўқотишимни билганимда эди, улар ғанимат эканликларини ҳис қилганимда эди,
ҳар куни сўрамасларидан аввал бағриларига отилиб
“Сизни жуда ҳам яхши кўраман, яхшиям мени дадамсиз”
деган бўлардим.

Мана энди дадамга бўлган қалбимдаги улкан муҳаббат, чидаш оғир бўлган ҳасратга, соғинчга айланган.
Мен муҳаббатимни изҳор қилишга кеч қолдим.
Сиз кеч қолманг.

Агар севганларингиз ҳаётда бўлсалар, ҳеч иккиланмай, чекинмай уларга муҳаббатингизни изҳор қилинг.
Улардан бу севинчни, саодатни дариғ тутманг. Керакликларини кунда бўлмаса ҳам кун ора ҳис қилдириб туринг “КЕРАКЛИКЛАРИНГИЗГА”.
Ҳаёт қисқа, бир кун уларнинг ёки сизнинг бу дунёдаги ризқингизга нуқта қўйилади.

Ана ўшанда эсласангиз ҳам, эслансангиз ҳам муҳаббат билан ёд оласиз, ёд олинасиз.
Афсус ва надомат билан эмас…
•Осиё Абдулазим қизи

@Latahzanim

СИНОВ
Бир куни Абдуллоҳ ибн Масъуд розияллоҳу анҳу Набий саллоллоҳу алайҳи ва салламнинг ҳузурларига кирди. У зот бемор эканлар. Абдуллоҳ деди:
- Эй Аллоҳнинг Расули! Қаттиқ иситмангиз бор-ку!
Набий саллоллоҳу алайҳи ва саллам дедилар:
- Ҳа, мен сизлардан икки кишининг иситмаси билан иситма қиламан!

Мўъмин кишига ҳатто тикан кирса ҳам Аллоҳ буни унинг гуноҳларига каффорат қилади.
Аллоҳ таоло бизга доим рисола- мактуб жўнатиб туради. Беморлик ўша рисолалардан биридир. Бу билан Аллоҳ бизга: "Эй бандам! Кўрдингми қанчалар заифсан!", демоқчи бўлади.
Биз вақти-вақти билан ҳақиқий ҳажмимизни билиб туришга муҳтожмиз. Беморлик Аллоҳнинг раҳматига зид эмас. Бу айни раҳматдир.
Гоҳида Аллоҳ бизни биз тоатларимиз билан поклай олмайдиган гуноҳлардан беморлик билан тозалайди.
Гоҳида бизни Ўзидан узоқлашиб кетганимизни кўриб беморлик билан Ўзига қайтаради.
Бизни Ўзи тайёрлаб қўйган мукофотга лойиқ банда бўлишимиз учун балолантиради.
Бу дунё имтиҳон ва синов дунёсидир. Қуръондаги Пайғамбарлар қиссасига боқинг. Уларда хавф, беморлик, йўқотиш, қувғин, фақирлик, фарзандсизлик, ёлғонга чиқариш кабиларни кўрасиз.
Аммо банда бу синовларда одобла тура билса мукофоти Аллоҳнинг розилиги бўлади!

@Latahzanim

“Атрофингдагилар сени гўзал хотиралар билан эслайдиган инсон бўл. Улар келажакда сенинг руҳлантирувчи сўзларингни хотирлаб юришсин. Чунки сен уларга яхши гумон қилиш дарсини ўргатган, уларга “Бас, албатта, қийинчилик билан осончилик бордир”, оятини ёдлатган инсон бўласан”.

@Latahzanim

"Золимдан одил бўлишни талаб қилиш худди жиннидан ақилли бўлишни талаб қилишдек бир гап. Ҳолбуки, жинни ўзини одамлар ичидаги ягона ақлли инсон деб билади!".

Доктор Али Вардий

@Latahzanim

Гўзаллар гўзали,
Яхшилар яхшиси,
Севгилилар севгилиси Сарвари коинот Ҳазрати Муҳаммад Мустафо соллаллоҳу алайҳи ва салламнинг муборак жисм ва нурлари оламларни ёритиб бизларга чексиз қувонч ва саодат бағишлаган кун муборак бўлсин!
У зоти шарифнинг гўзал хулқларидан барчамиз хулқланишимизни, охиратда эса шафоат ва рафоқатларини Карийм Роббим насиб этсин!
Истасангиз ҳар қаю ғамдин нажот,
Сидқ ила айтинг ассалот.
Ассалоту вассалому алайка ё Расулаллоҳ
Ассалоту вассалому алайка ё Ҳабибаллоҳ
Ассалоту вассалому алайка ё Набиййаллоҳ

@Latahzanim

"ШОШМАСАНГИЗ ИЖОБАТ ҚИЛИНАДИ!".
Дуодан умидсиз бўлмаслик керак. Агар ижобат қилинса бу раҳмат.
Агар рад қилинса бу ҳикмат...
Солиҳларимиз дуо қилса-ю дуоси ижобат бўлмаса дуоси ижобат бўлганлардан кўра кўпроқ хурсанд бўлишар эди. Чунки ижобат бўлган дуо банданинг танловидир. Ижобат бўлмаган дуо эса Аллоҳнинг уларга бўлган танловидир.
Дуонинг ўзи айни ибодат эканлигини унутмаслик керак. Дуойингиз ижобат қилинадими ёки йўқми сиз икки ҳолатда ҳам ажрни олаверасиз.
Аммо гоҳида гуноҳимиз туфайли ижобат кечикиши мумкин. Ижобат учун Аллоҳ бизни Ўзига қайтишимизни истайди.
Гохида сўрайдиган нарсамиз биз учун зарарли бўлиши мумкин. Аллоҳ бизга истаганимизни эмас, керагини беради.
Гоҳида ҳали вақти бўлмагани учун ижобат бўлмай туради. Эҳтимол Аллоҳ ижобат қилган-у, аммо сабаблар тайёр эмас...
Унинг ҳикмати буюк. Энг тезни эмас, энг яхши вақтни танлайди!

@Latahzanim

Бу синовлар ақли етганлар учун хайр билан қовушишга йўлбошчидир. Аллоҳ қулларига зулм қилмайди, фақатгина дунёвий орзулар дарвозасидан олиб, уларнинг ибрат юртига боришларини ва кўришларини тилайди. Қулини афв этиш учун Раббимизнинг сабаблари чексиздир, зеро, раҳмати ҳамма нарсани қамраб олган. Ҳамма нарса деганда бунга ғазабини ҳам қўшишинг мумкин, чунки ғазаб қилганда ҳам бир раҳматга етказиш учун ғазабланган бўлиши мумкин.

Мен Робия китобидан

@Latahzanim

Исҳоқжон домла

@Latahzanim

МУШУК
   Айтилишича, бир киши мушугига овқат пайтида шам ушлаб туришни ўргатибди. Буни билган бир меҳмон бир куни чўнтагига сичқон солиб келиб дастурхон устига қўйиб юборибди. Сичқонни кўрган мушук дарров шамни ташлаб сичқонни қувиб кетибди. Шам юмалаб дастурхонни куйдириб юборибди.
   Кишиларни мавъизалар ва қуруқ гаплар билан ўзгартирмоқчи бўлганлар мана шу мушукнинг эгасига ўхшайди. Кишилар уни эшитиши, унинг олдида ўзини авлиёдек тутиши мумкин. Аммо уларнинг олдига бир қимматбаҳо нарса улоқтирилиши билан очкўзлик билан унга ташланишади. Воиз айтган гаплар унутилади!
   Масжиддан чиқибоқ ўзгаларнинг оёқ кийимини тепиб тескари қилиб кетаётганлар,  масжид ташқарисида машинасини кишиларга халақит  қиладиган ҳолатда тартибсиз жойлайдиганлар, динни фақат масжидда деб хаёл қиладиганлар, масжиддан ташқарида одоб-ахлоқни унутадиганлар мана шу мушукка ўхшашади!

@Latahzanim

Эрталаб саодатла уйғонишни истасангиз кечаси ким билан суҳбатлашишни ҳал қилиб олинг!

Маҳмуд Дарвиш

@Latahzanim

Бахтли яшашнинг энг муҳим ва ягона сири, айбинг бўлмаса ҳам “Узр бегим, хатолик мендан ўтибди, кечира қолинг”, демоқдир.
Бу сирни билмайдиган хотин оилавий бахтни орзу қилмасин!

(Бетга чопарларга илиниб қўярсизлар)))

@Latahzanim

Баъзан катталар болаларнинг хатоларини билиб қолсалар, ўша хатоларни қайта-қайта боланинг юзига солаверадилар.
Боланинг хатосини бир калтак қилиб олиб, у билан хоҳлаганда болани савалайдилар.

Шундай қилсалар фарзандлари қайтиб хато қилмайди деб ўйлайдилар.
Ҳолбуки болалар хатоларини ошкор қилганлар билан эмас, хатоларини сир сақлаб, уларга тўғри насиҳат қилганлар билан ўзларини эркин ва бахтли ҳис қиладилар.

Агар болаларингиз сизни ўзига душман кўрмаслигини, ҳамма сирини сизга айтишини хоҳласангиз, уларнинг хатоларини юзига солаверманг, айбларини хеч кимга айтманг ва сирларининг омонатчиси бўлинг.

Адем Гунеш “Жазосиз тарбия” китобидан

@Latahzanim

Ilm
@Latahzanim

Йиллар аввал ишлаган хатоларингиз ёки гуноҳларингизни қайта-қайта эслатиб, қалбингизга пушаймонликни, тилингизга истиғфорни келтираётгани Роббимнинг раҳматидир.

Унуттириб юборишгаям қодир Роббим, кеча, хатто бир соат аввал қўйган нарсасини жойини эслолмайдиган бандасига раҳмат айлаб, йиллар олдинги гуноҳларини эслатяпти.
Бу эслатмадан унумли фойдаланиб қолинг!

“Астағфируллоҳал ъазийм аллазий лаа илааҳа илла ҳувал ҳаййул қоййум ва атубу илайҳ”.

@Latahzanim

БИР ОЯТ
   "Биз улар тақдим қилган асарларини ва қолдирган асарларини ёзурмиз!".
   Ёсин сураси 12-оят

Инсон асардир, издир...
Роббим!  Бизга ёрдам бер!
  Кишиларнинг қалбини топтамайлик...
   Кишиларни йиғлатмайлик...
Кўнгил олганлар сафида бизни эслашсин...
   Юзимиз ёдларига тушганида юзларида табассум югурсин...
   "Яхши инсон эди, ўтиб кетди..." дея ёд этишсин...
   Айбларни яширайлик...
   Кишиларни шарманда қилмайлик...
   Гуноҳ билан айбламайлик, аксинча гуноҳдан қутилишга ёрдамчи бўлайлик...
   Келувчиларга эшигимиз очиқ бўлсин...
   Ишончли инсон бўлайлик, кишилар бизга сирини ишонсин...
   Яхши кўрайлик, қўрқмайлик...
   Ҳурмат қилайлик, хавфсирамайлик...

   Кишининг қиймати унинг қалблардаги ўрнига боғлиқ. Эй Роббим! Кишилар қалбидаги ўрнимизни гўзал қил. Юқоридаги ишларда бизга мададкор бўлгин!

@Latahzanim

#ШЕЪРИЯТ

ТАВБА

Мусулмонлар, замон уятли бўлди,
Ҳалол арзон, ҳаром қийматли бўлди.

Қуръон ўқиганга қулоқ солмаслар,
Шайтонлар семириб, қувватли бўлди.

Ҳаром билан ҳариш тутди жаҳонни,
Бузғунчи фосиқлар ҳайбатли бўлди.

Аллоҳни эслатсанг, мунофиқ, жоҳил -
Сенга қарши ўн минг ҳужжатли бўлди.

Шогирд устозига ақл ўргатар,
Ўғил ота билан иззатли бўлди.

Фақирлар кибрли, кекса енгилтак,
Пойгакдаги машшоқ ҳурматли бўлди.

Пайғамбар ўрнига номзод «муллалар»,
Бу халқнинг бошига заҳматли бўлди.

Расулнинг мероси эгасиз қолиб,
Бесуннатлар бугун «суннатли» бўлди.

Юнус, кел, тавба қил, ошиқ иши шу,
Тавба қабул бўлса не бахтли бўлди!

Юнус Эмро
Таржимон Маҳбубий

@Latahzanim

Салафлардан бирлари айтадилар: "Агар дуомиз ижобат бўлишини хоҳласак, дўстларимизнинг ҳақларига ўзларига билдирмай дуо қилардик".

@Latahzanim

Эй, Одам болалари, ҳар бир ибодат чоғида ўз зийнатингизни олинг. Еб-ичинг ва исроф қилманг. Чунки, У исроф қилувчиларни севмас.

Ўтган ояти карима тафсирида келганидек, кийимсиз холда ибодат-тавоф қилиш ёхуд жанда, йиртиқ-ямоқ кийим билан бажариш ибодат фазли ва савобини зиёда этмайди. Лекин табиати «бузук, кишилар бузуқ диндорликка уринадилар, тақвони жулдур кийимлар ила ҳосил бўладиган этиб кўрсатишга харакат қиладилар. Аллоҳ таоло эса энгил-бошда ҳаддан ошиб фахр ва ғурурга кетишни коралаганидек, унинг паст ва табиатсиз ҳолда истеъмол қилинишини ҳам қоралайди.

«Эй Одам болалари, ҳар бир ибодат чоғида ўз зийнатингизни олинг».

Аввало, авратингиз тўсиқ ортида бўлсин, қолаверса, ибодат чоғи Роббингиз ила бўладиган мулоқот чоғи гўзал алфозда бўлганингиз афзал. Ўтган баъзи азизлар ушбу амрга итоат маъносида намоз учун алоҳида гўзал кийим тайёрлаб қўйганпар

«Еб-ичинг ва исроф қилманг».

Юкорида зикр қилинган бузук, диндорликнинг бир кўриниши, озиқ-овқатга муносабатда ҳам зоҳир бўлади. Баъзи бузуқ табиатли одамлар яхши таом истеъмол қилмасликни тақводорликнинг чўққиси сифатида кўрсатишга уринадилар. Аллоҳ таоло фақат емиш ғамида, доимо унинг лаззатлисини ахтарувчи қорин бандаси бўлишни қоралаганидек, лазиз таомлардан ўзини тийиб, сифатсизинигина ихтиёр қилишни ҳам қаттиқ қоралайди Араб мушрикларида ҳаж мавсумида яхши таомларни емай қўйиш одати бор экан. Ояти карима ўша одатни ҳам танкид қилади

«Еб-ичинг ва исроф қилманг, Чунки У исроф қилувчиларни севмас».

Еб-ичиш гуноҳ эмас, исроф қилиш гуноҳдир.

Имом Бухорий келтирган ривоятда ҳазрати Абдуллоҳ ибн Аббос розияллоҳу анҳу: «Сени икки хислат фахрланиш ва исрофгарчилик хатога бошламаса, хоҳлаганингни еб, хоҳлаганингни ичавер», деганлар.

Афсуски, баъзи кишилар еб-ичишнинг хилма-хил ва кўп бўлишини ҳаётнинг асосий мезони деб билсалар, бошқа кишилар хусусан, бизда одамлар озиқ-овқатни исроф қилиш деганда, емай ташлаб юборишни тушунадилар. Бу аслида, тўғри. Аммо, керагидан ортиқ емоқ ҳам исрофдир. Еб-ичиш керак экан деб, қорин бандаси бўлиш ҳам Исломга, мусулмонга муносиб эмас.

Аъроф сураси 31 оят

Тафсири Ҳилол китобидан

@Latahzanim

МУҲСИН БАНДА
Доим Юсуф алайҳис саломнинг яхши инсон, муҳсин банда бўлгани ҳақида ўйлайман. У ёшлигидан умрини бешафқат ҳаёт билан курашда ўтказди.
Аммо таажжуб, шунча қийин вазиятларда ҳам муҳсинлардан бўлиб қолаверди.
Юсуф алайҳис саломнинг қиссаси келмиш сура охиридан бунинг сирини англагандек бўлдим. Сура охирида Юсуф алайҳис салом: "Дарҳақиқат У (Аллоҳ) менга яхшилик қилди!", дейди.
У бу қийинчилик ва синовларда ҳам фақат Аллоҳнинг эҳсонини, яхшилигини, лутфини кўради.
Зиндонга ташланганида "Мен мазлум бўлдим" демади. Аксинча қамоқдан чиққанида: "У менга яхшилик қилди, мени қамоқдан чиқарди!", деди.
Акалари унга зулм қилишганда "Нега акаларим менга зулм қилишди?", деб акаларини айбламади, балки отасига: "Шайтон мен билан акаларим ўртасига низо солгач, биёбондан сизларини (бу ерга) жамлади!", деди.
Ҳатто Миср азизининг хотини билан фитналанганда ҳам унинг яхшилигини унутмаган эди: "Аллоҳ сақласин, ахир у(Миср азизи) жойимни яхшилаб берган хўжам-ку!", деган эди. Яъни, менга шунча яхшилик қилган инсоннинг хотини билан бузуқлик қиламанми, деган эди.
Юсуф алайҳис салом бошига тушган ҳар балода Аллоҳнинг яхшилигини, лутфини кўра олган эди. Умрининг ҳар бир тафсилотида Аллоҳнинг фазли ва карамини идрок қила олган эди. Табиийки, унинг қалби шукрга, нурга тўлиб атрофидагиларга ҳам тошар эди.
Аллоҳ унга доимий эҳсон қилар экан, қандай қилиб у ҳам муҳсин банда бўлмасин?!

Агар тадаббур қилсак, ҳаммамиз Аллоҳнинг эҳсони ичидамиз!

@Latahzanim

• “Оғриқнинг давоси нима?” деб сўрашди. “Давоси – бироз сабр” дедим.
• “Муваффақиятсизликнинг давоси нима?” деб сўрашди.
“Давоси – ўша ишни такроран бажариб кўриш” дедим.
• “Ҳасаднинг давоси нима?” деб сўрашди. “Давоси – ўзини билмаганга олиш” дедим.
• “Фақирликнинг давоси нима?” деб сўрашди. “Давоси – қаноат” дедим.
• “Заифликнинг давоси нима?” деб сўрашди. “Давоси – иймон” дедим.
• “Хунукликнинг давоси нима?” деб сўрашди. “Давоси – гўзал ахлоқ” дедим.
• “Жоҳилликнинг давоси нима?” деб сўрашди. “Давоси – илм ўрганиш” дедим.
• “Aҳмоқликнинг давоси нима?” деб сўрашди. “Давоси – сукут сақлаш” дедим.
• “Душманликнинг давоси нима?” деб сўрашди. “Давоси – эҳсон, яхшилик қилиш” дедим.
• “Ёқтирмасликнинг давоси нима?” деб сўрашди. “Давоси – бошқа муҳаббат” дедим.
• “Оғриқ ва изтиробларнинг давоси нима?” деб сўрашди. “Давоси – чин табассум” дедим.
• “Мусибатнинг давоси нима?” деб сўрашди. “Давоси – истиғфор айтиш” дедим.
• “Нафснинг гуноҳ бўлган истаклари давоси нима?” деб сўрашди. “Давоси – ўша истаклардан маҳрум этиш” дедим.
• “Чарчоқнинг давоси нима?” деб сўрашди. “Давоси – яхши уйқу” дедим.
• “Юқоридаги ҳолатларнинг давоси нима?” деб сўрашди. “Давоси – “Эй Роббим!” деб дуога қўл очмоқ” дедим...

@Latahzanim

Тўғри 👍

Нотўғри 👎

@Latahzanim

БУРГАГА АЧЧИҚ ҚИЛИБ КЎРПАНИ КУЙДИРМАСЛИК КЕРАК

Яқинда юртимиздан келган бир киши билан суҳбатлашиб қолдим. Суҳбат асносида:
— Имомларнинг аксарининг ваъз-насиҳатлари ёқмайди. Шунинг учун хутба тугашига етиб бораман. Бўйнимдаги фарзни адо этаману қайтаман, - деб қолди.
Айтишига қараганда, шу ишни қиладиганлар озчилик эмас экан.

Унинг бу гапларини эшитиб ўтирар эканман, шайтони лаиннинг одамлар ақлини нақадар ҳийлакорлик билан қориштиришига яна бир бор амин бўлдим. Қилаётган ишларини уларга чиройли қилиб кўрсатганига қаранг!

Ҳолбуки, Расулуллоҳ алайҳиссалом киши жумага қанча эрта борса, шунчалик савоби катта бўлишини бир неча ҳадисларда таъкидлаб ўтганлар.
Шулардан бирини келтириб ўтаман.

Пайғамбар алайҳиссалом шундай марҳамат қиладилар:
"Ким жума куни ғусл қилиб, биринчи соатда борса худди туя садақа қилгандек бўлади. Иккинчи соатда борса сигир садақа қилгандек, учинчи соатда борса худди шохдор қўчқор садақа қилгандек, тўртинчи соатда борса худди товуқ садақа қилгандек, бешинчи соатда борса худди тухум садақа қилгандек бўлади. Имом минбарга чиқиб келгач, фаришталар савобларни ёзиб турган дафтарни ёпиб, зикр эшитиш учун ўтирадилар".
Бухорий ва Муслим ривояти.

Уламолар кун чиқиши билан биринчи соат бошланиб, имом минбарга хутба учун ўтирганда бешинчи соат тугашини айтадилар. Демак, кун чиқиш билан имом минбарга хутба учун чиқиши орасидаги вақт беш бўлакка тенг бўлинади. Орадаги замон узайиши-қисқаришининг аҳамияти йўқ. Балки шу беш соатнинг ҳар бири бир соатлик вақтга тўғри келар, балки ундан ошар, балки қисқароқ бўлар. Фарқи йўқ. Муҳими - шу муддат бешга тенг бўлинади. Биринчи муддатда келганга туя садақа қилган савоби, иккинчисида келганга сигир... ва ҳоказо охиригача. Боз устига, қанча эрта келса шунча кўп тиловат, зикр қила олишини, нафл намозларни кўп ўқий олишини ҳисобга олсак, эҳҳе, савобнинг тагида қолиб кетади. Бундай кишилар кўпайиши эса, юртга Аллоҳнинг марҳамати ва баракаси ёғилиб, яхшилик ва яхшилар ортишига, ёмонлик ва ёмонлар секин-аста камайишига олиб келади.

"Имом ёмон гап гапиради" деган даъво билан шунчалик катта савобдан маҳрум қолиш катта йўқотишдир. Ўзбеклар мақоли билан айтадиган бўлсак, бургага аччиқ қилиб кўрпани куйдиргандек гапдир.

Хулоса шуки, ким юқоридаги савобга эришмоқчи бўлса, бунга фурсати ва шароити бўлса, эртароқ жумага боришга ҳаракат қилсин, бундай улкан савобдан маҳрум қолиб кетмасин.

Сайфуллоҳ Носир

@Latahzanim

Тақдир қулфини бузишга ҳаракат қилма. Уни фақатгина Аллоҳ очади. Аллоҳнинг ҳоҳиш-иродасини унутма! Аллоҳ таоло ирода қилса, киши тишини сут ичаётиб ҳам синдириши мумкин.
Аллоҳ таоло ирода қилса, киши тишини мармар тошга ҳам ўтказиб қўйиши мумкин. Шу сабабдан тақдирни зўрлаб, ўзингга ташвиш келтирма. Аллоҳга таслим бўл, Унинг розилигига интил!

МAВЛОНО ЖАЛОЛИДДИН РУМИЙ ҚУДДИСА СИРРУҲУ

@Latahzanim

СИЗ БУЮКСИЗ!
Витас Герулайтес кетма-кет ўн олти марта Жимми Коннорсга теннисда бой берди. Ва ниҳоят ўн еттинчи мартада ғалаба қозонди. Мусобақадан сўнг шундай деб бақирди:
"Шуни билишингизни истар эдим, мени кетма-кет ўн етти марта енгиб бўлмайди!".

Тўғрисини айтсам, мени Герулайтесга ўхшаган инсонлар ҳайратлантиради. Унақалар қарсак чаладиган киши топилмаганида ўзларига-ўзлари қарсак чалаверишади. Елкаларини силайдиган қўл топа олишмаганда ўзлари силаб қўяверишади. Эришган озгина ютуқларини катта нарса деб билишади.
Уни ўн олтита мағлубият эга олмади, синдира олмади. Журналистлар олдида юқоридаги жумласини баралла айтишдан уни бу мағлубиятлар тўса олмади. Эҳтимол унинг рақиби Жимми Коннерс ўшанда кечаси билан ухлай олмай ўзини- ўзи маломат қилиб чиққандир.
Ҳаммамизда кўз бор, аммо бир хил қарашга эга эмасмиз. Бу дунёдаги кўп нарсалар бизнинг назаримиз орқали ўз чегарасига эга бўлади аслида.
Мен уларни фақатгина буюк ғалабалар ва ёрқин муваффақиятларгина қониқтирадиган олийҳиммат кишиларни айбламоқчи эмасман. Аксинча, буни баъзиларнинг табиати эканлигини ҳам тушунаман. Тарихни ўзгартирганлар ҳам асосан шунақалар эканлигини ҳам эътироф этаман. Аммо...
Нега энди инсон доимо ўзгаларга идеал кўриниш хаёли билан яшаши керак?!
Нега энди биз инсонлигимизни унутиб тоқатимиздан ортиқ юкни гарданимизга олишимиз керак?!
Ҳаётда ўзи шундоқ ҳам бизни жазолаш учун етарлича муаммолар тиқилиб ётибди. Нега энди яна янги муаммолар пайдо қилишга уринамиз?!
Ҳаётга доим ҳам жиддий нигоҳ билан боқавериш ҳикматдан бўлавермайди. Баъзида нафсингизни эркалаб ҳам туринг. Уни ўзгалардан кутманг. Саодат ғолибан замиримиздан балқади, атрофимиздан эмас.
Бир китобни ўқиб тугатсангиз нафсингизга бирор нарса ҳадя қилинг. Кишилар билмасада, буюк ишни бажардингиз. Қийин бир фандан яхши баҳо олсангиз Архимеднинг "Эврика"си каби нафсингиз қўлидан тутиб: "Сен муҳим ва буюк ишни амалга оширдинг!", денг. Кўзгу олдига келсангиз: "Сен чиройлисан, хушбичимсан!", денг. Нега энди бу гапларни бировлардан кутиб ўтиришингиз керак?!
Азиз сингилларим! Фарзандингиз ютуққа эришса ортиғи билан уларни қутланг, тақдирланг. Булардан олдин ўзингизни ҳам қутланг: "Мен буюк онаман. Бу менинг мевам, самарам. Муваффақият буни териб олишда!".

Биз оддий бўлсакда, буюклармиз.
Ўзининг қадрига етмаганнинг ўзгалар ҳам қадрламайди. Ўзингизни тақдирланг. Бизнинг ҳар биримиз гарчи саккиз миллиард инсон ичида яшасакда, такрорланмас нусхамиз аслида.
Фақат яҳудийларни буюк деявериш ўзни унутишдир. Улар ҳеч қачон буюк бўлишмаган. Улар Аллоҳнинг ғазабига учраган халқ. Уларни бўрттириб кўрсатишдан ҳам тўхтанг.
Аслида сиз буюксиз!

@Latahzanim

Амир Темур ва Боязид Йилдирим ўртасида бўлиб ўтган жанг ҳақида

@Latahzanim

Umr mavsumlari.

Islomda farzand tarbiyasi.

@islomiy_multfilmlar_uz_uz

Кўзимизга кучли ва мустаҳкам кўринган баъзи кишилар аслида ҳаётда ўзининг сочилиб кетган бўлакларини жамлаш билан овора кишилар бўлиб чиқади!

@Latahzanim

«Robiya» to'liq kino
(O'zbek tilida)
@Latahzanim

ДЎСТИМ
Менинг бир яқин дўстим бор. У менда тўқсон тўққизта айб ва биттагина яхши хислат борлиги билар, одамларга фақат мана шу яхши хислатимни гапирар эди.
У мана шу яхши хислатимни кишиларга юз марта такрорлади. Ниҳоят кишилар мен ҳақимда ҳатто ўзим ҳам қилмайдиган яхши гумонларни қила бошлашди!

@Latahzanim

УМАРДАН ҲАЁ ҚИЛИБ...
Имом Аҳмад роҳимаҳуллоҳ ўзининг "Муснад"ида Оиша розияллоҳу анҳудан хадис келтиради:
"Расулуллоҳ саллоллоҳу алайҳи ва саллам ва отам дафн қилинган хонага кирганимда: "Булар эрим ва отам-ку!", деб ёпинчиғимни ечиб қўяр эдим. Сўнгра у ерда Умар розияллоҳу анҳу дафн қилингач, у ерга кирганимда Умар розияллоҳу анҳудан ҳаё қилиб ёпинчиғимни ўраб кирадиган бўлдим!".

Оиша розияллоҳу анҳонинг ҳаёсини қаранг. Қабрдаги инсондан ҳаё қилиб у хонага ёпинчиққа ўралиб кирмоқда.
Сизларга нима бўлди азиз онахонлар, опалар, сингиллар?! Сочингиз очиқ, бўйнингиз очиқ, атирингиз ҳиди ҳар томонга таралмоқда!
Эркакларни баттар жалб қиладиган "ҳижоб"ингиз нимаси?! Ундан қоматингиз билиниб бўртиб турибди!
Қадимда бунақа кийимларни фақат жориялар кийишган. Чунки улар доим олди-сотди қилинган. Озод аёлларнинг баданини эса фақат эрлари кўрган!

@Latahzanim

НИҚОБ
Имом Бағавий роҳимаҳуллоҳ ўзининг "Шарҳус сунна" китобида келтиради:
"Зайд ибн Собит розияллоҳу анҳу уйида энг қувноқ кишилардан эди. Кўчага чиққанида ҳақиқий рижолга айланар эди!".

Буюклар шунақа бўлади. Энг гўзал муомаласига аввал уйидагиларни муносиб деб билишади.
Бугунги дардлардан бири шуки, баъзилар кўчада очиқ юзли ва қувноқ юради. Уйига кириши билан жиддий бўлиб олиб қовоғидан қор ёғилади. Гўё мотамда дейсиз уни.
Баъзилар уйидан ташқарида қўли очиқ, уйига кириши билан қўли қаттиқ бахилга айланади.
Баъзилар кўчада кечиримли ва бағрикенг, уйда эса аҳлининг юрагини сиқиб юборадиган даражада мижғов.
Жуда ҳам қизиқ бир тафовут. Қандай тушунтиришни ҳам билмайсиз, буни оқлаб ҳам бўлмайди.
Уйида хулқи гўзал бўлмаганларнинг кўчадаги ахлоқи ниқобдир!

@Latahzanim

САЛОМЛАР БЎЛСИН!
Имом Молик роҳимаҳуллоҳнинг "Муватто"сида келади:
Бир куни Набий саллоллоҳу алайҳи ва саллам саҳобаларга дедилар:
- Мендан сўнг нима ишлар қиласизлар, билмадим!
Шунда Абу Бакр розиёллоҳу анҳу такрор-такрор, узоқ йиғлади ва деди:
-Ҳали сиздан кейин ҳам қоламизми, эй Аллоҳнинг Расули?!

Сизга саломлар бўлсин эй саййидимиз, пешвомиз, ўрнагимиз, шафоатчимиз, бошимиз тожи!
Туғилган кунингизда, вафот этган кунингизда, қиёматда оламларга саййид ўлароқ тирилган кунингизда сизга саломлар бўлсин!
Бизга динни саломат етказиш учун Абу Толиб дарасида қорнингиз оч ҳолатда юрган кунингизда сизга саломлар бўлсин!
Бизга соғлом ақидани етказиш учун Тоифда ва Уҳудда қонга беланган кунларингизда сизга саломлар бўлсин!
Азизлик ва давлат учун Маккадан ҳижрат қилаётиб кўзингиздан ёшлар тўккан кунингизда сизга саломлар бўлсин!
Кечаси оёқларингиз шишиб кетганича таҳажжудда туриб, сўнгра: "Аллоҳим! Умматим, умматим!", деган кунда сизга саломлар бўлсин!
Токи Жаброил алайҳис салом Аллоҳдан хабар олиб келиб: "Биз сени умматинг борасида рози қиламиз!", демагунича тинчлана олмаган кунингизда сизга саломлар бўлсин!
Сизга саломлар бўлсин эй Ҳабибимиз!
Сизни яхши кўрамиз...
Сизни яхши кўрганларни ҳам яхши кўрамиз...
Сизсизликка сабр қиламиз...
Иншааллоҳ ваъдангиз Ҳавзнинг бўйидадир!

@Latahzanim

ХОИНЛАР
Ибн Касир роҳимаҳуллоҳ айтишича, Мусо алайҳис салом Бани Исроил яҳудийларини Фиръавн зулмидан қутқариб Мисрдан кечаси олиб чиқиб кетган экан.
Йўлга чиқишдан олдин уларни кечаси чиқишлари ҳақида огоҳлантириб қўйган. Улар кетиш олдидан Мусо алайҳис саломга билдирмасдан маслаҳатлашиб Фиръавн қавми бўлмиш ерлик аҳолидан жуда кўп кийим-кечаклар, зеб-зийнатлар ва асбоб-анжомларни омонатга сўраб олишган. Мақсад уларнинг нарсаларини ўзлаштириб суриб қолиш бўлган...!
Буларнинг аждодлари қонида ҳам хиёнат бор эканда!

-----------
Дарвоқе, суратда овқат учун навбатда турган ва овқат етмай қолишидан хавфда бўлган Ғазолик қизалоқ...!

@Latahzanim

ЁЛҒИЗ КЕЛИШАДИ!
“Уларнинг барчаси У зотнинг ҳузурига ёлғиз келишади!”.
Марям сураси 95-оят.

Атрофингизда кишиларнинг кўплиги сизни ғурурга солмасин. Охират сафарига ёлғиз чиқасиз.
Ҳузурингизга ўлим фариштаси кирганида уни ёлғиз ўзингиз кўрасиз.
Тобутда ёлғиз ўзингиз бўласиз.
Қабрда ёлғиз ўзингизни қўйиб келишади.
Сўралганда ёлғиз ўзингиз сўраласиз.
Қайта тирилганда ёлғиз ўзингиз қайта тириласиз.
Ҳисоб вақти келганида Аллоҳнинг ҳузурида ёлғиз ўзингиз тик турасиз.
Ҳатто Маҳшарда ҳам: “Ўзим-ўзим!”, дейсиз.

Шундай экан, кишиларни эмас, шариатни риоясини қилинг. Аввало ўзингиз ҳақингизда Аллоҳдан қўрқинг!

@Latahzanim

ЁРДАМ БЕРИШМАЙДИ!
Бир куни Набий саллоллоҳу алайҳи ва саллам саҳобаларга дедилар:
"Аллоҳ таоло сахийдир, саховатни севади. Буюк ахлоқларни яхши кўради, арзимас ва паст ишларни ёмон кўради!".

Мақсадингиз буюк бўлсин. Қуръонни тўлиқ ёд оламан денг. Ўз мутахассислигим бўйича энг зўри бўламан денг. Миллатимнинг савиясини кўтараман денг!

Ўз ҳаётингизда яшанг. Қайсидир тиктокернинг ейдиган овқати ёки қайсидир ютубернинг кийими, қайсидир хонанданинг соч турмаги сизга аҳамиятсиз бўлсин.
Фалончи қаерга сафар қилди, пистончи кимга уйланди, фалончи аёл нега ажрашди, бу сиз учун мухим эмас. Бу ишлар қуруқ ишлар. Арзимас мақсадлар...
Биз булар учун яратилмаганмиз. Бу заминда бизнинг ғоямиз бу эмас.
Узоқ ётадиган қабримизни гўзал амаллар, буюк мақсадлар билан обод қилайлик. У ерда ёлғиз бўламиз. Қайсидир тиктокер ёки ютубер у ерда ўзи билан ўзи овора бўлади, бизга қабрда улар ёрдам бера олмайди!

@Latahzanim

Сизнинг бахонангиз қандай?!?!

@Latahzanim

Бир донишманд шундай деганини эслайман: Агар чуқурроқ ўйлаб кўрилса, ота-она ўз оилаларининг сотиб олган қуллари, ёлланган малайларидир. Қулнинг кўрган кулфатлари хўжасининг кўзига кўринмаганидек, ота-онанинг тортган машаққатлари ҳам болалар кўзига кўпинча кўринмайди. Агар бу сўзнинг ростлигига шубҳанг бўлса, инсоф қилиб, ўйлаб кўрчи, сен отангга нима қилгансан? Шуни ўйла ва эсингдан чиқармаки, отангга нима қилган бўлсанг, болангдан ҳам шуни кўрасан...

"СОҒУНИЙ"  китобидан

@Latahzanim

Biror izoh shart emas, siz bilan shunchaki faxrlanamiz🫶

Bugun kitob o‘qidingizmi o‘zi?)

@Latahzanim

“АЛЛОҲ ТАОЛО У ЗОТНИНГ СЎЛАКЛАРИ БИЛАН МЕНИНГ СЎЛАГИМНИ ЖАМЛАДИ!”.

Оиша розиёллоҳу анҳо айтади:
“Расулуллоҳ саллоллоҳу алайҳи ва саллам менинг навбатим куни менинг уйимда, менинг қучоғимда вафот қилдилар. Аллоҳ таоло менинг сўлагим билан у зотнинг сўлакларини жамлади. Абдурраҳмон ибн Абу Бакрнинг қўлида мисвок бор эди. Расулуллоҳ саллоллоҳу алайҳи ва саллам мисвокка термулиб қарадилар. Билдимки, мисвок ишлатишни истаяптилар. Мен мисвокни олиб уни чайнаб юмшатдим. Сўнгра уни Набий саллоллоҳу алайҳи ва салламга бердим. У зот мисвокни ишлатдилар ва қўллари пастга тушиб кетди!”.


Расулуллоҳ саллоллоҳу алайҳи ва саллам жон бераётганларида хотинларининг қучоғида бўлганлар. Бунинг маъноси шуки, хотин умрнинг охиригача сизга йўлдошдир. Сиз уники, у сизники....!
Инсон бемор бўлар экан, ана шунда хотинининг севгисини билади. Эҳтимол у сизга ошкор қилмагандир...!
Аёл киши эса синиқлик ва заифлик чоғида эрининг севишини, муҳаббатини тушунади!
Бу фаразий оламга қаттиқ ёпишиб ҳақиқий оламни унутманг. Яъни, ижтимоий тармоқларга берилиб кетиб атрофингиздаги оламни, аҳлингизни унутиб қўйманг. Ҳақиқий уйни барбод қилиш эвазига гумонлардан иборат бинони қурманг!
Мени ижтимоий тармоқларда кўп инсон кузатади, ўқийди. Аммо беморлигимда фақатгина ёнимда умр йўлдошим бўлган!

@Latahzanim

“САФИЙЯ РОЗИЁЛЛОҲУ АНҲО МИНИШИ УЧУН ТИЗЗАЛАРИНИ ҚЎЙДИЛАР!”.
Расулуллоҳ саллоллоҳу алайҳи ва салламнинг хизматкорлари Анас ибн Молик розиёллоҳу анҳу айтади:
“Набий саллоллоҳу алайҳи ва салламни туяларининг олдида ўтириб Сафийя розиёллоҳу анҳога тиззаларини тик қилиб қўйиб турганларини кўрдим. Сафийя розиёллоҳу анҳо Набий саллоллоҳу алайҳи ва салламнинг тиззаларига оёғини қўйиб туяга минди!”.

Бу дин муҳаббат, нафислик, раҳмат ва гўзал муомала динидир!
Аммо афсуслар бўлсинки, биз динни фақатгина эътиқод сифатида дин қилиб олганмиз, сулук сифатида эмас!
Гўё кўплар наздида муҳаббатни изҳор қилиш айбдек. Гўё лутфни кўрсатиш гуноҳ ва ҳаромдек.
Қалбимиз қотди. Фақатгина ғарбда кўрганларимиз кўзларимизни яшнатадиган ва қамаштирадиган бўлиб қолди. Ғарб киноларида бир эркак аёлига машина эшигини очиб берса “мана романтика” дея оғзимиз очиладиган бўлиб қолди.
Ҳолбуки, бундан бир минг тўрт юз йил аввал Набий саллоллоҳу алайҳи ва саллам хотинлари Сафийя розиёллоҳу анҳо туяга миниши учун ўтириб тиззаларини тик тутиб тураяптилар. Хотинлари тиззалари устига оёқ қўйиб туяга минмоқда.
Бу динда тошбағирлик, юз ўгириш, зулм, зўравонлик, хотинларни унутиш, уларга қаҳри қаттиқлик қилиш йўқ. Фақатгина биз ундан истаганимизни олиб истаганимизни тарк қилмоқдамиз холос!

@Latahzanim

Xayrulla Hamidov - Go’zal bir hikoya

@Latahzanim

ТОМОНИНГИЗ АНИҚ БЎЛСИН!
"У Иброҳимга ўт пуркаган эди!".

Умму Шурайк розиёллоҳу анҳодан ривоят қилинади: "Набий саллоллоҳу алайҳи ва саллам калтакесакни ўлдиришга амр қилиб дедилар: "У Иброҳимга олов пуркаган эди!".
Ботил аҳлидан кўра пасткаш инсонлар бўлмайди. Фақатгина ҳақ билан ботил ўртасидаги курашда бетараф турганлар улардан ҳам разилроқдир.
Жонсиз жисмлар, ҳайвонлар ва ўсимликлар бетарафликни билмайди.

"Уҳуд бизни яхши кўради, биз ҳам Уҳудни яхши кўрамиз!".
Ҳолбуки Ухуд оддий тошдан иборат тоғдир.
Набий саллоллоҳу алайҳи ва салламдан ажралиб қолганида жонсиз тўнка инграган эди.
Ҳайвонлар Иброҳим алайҳис салом оловга улоқтирилганида оловни ўчиришга ҳаракат қилишган эди. Фақат калтакесак олов янада ловуллаб ёниши учун оловга пуфлаган эди.
Ҳақ билан ботил ўртасидаги курашда ҳайвонлар, ўсимликлар ва жонсиз жисмлар ҳам ўз тарафини англатган эди.
Ҳали-ҳануз ақли ва қалби бўлатуриб ичимизда "мен бетарафман" дейдиган инсонлар топилади!

@Latahzanim

ҚАДРИГА  ЕТИНГ!    
   Устозимизнинг аёллари оламдан ўтгандан бироз вақт ўтиб яна уйландилар. Иккинчи аёллари билан ҳам жуда яхши умр кечирдилар. Бирор марта шикоят қилмадилар. Аммо тақдир экан, иккинчи аёллари ҳам вафот этди.
   Бир куни устоз билан суҳбатлашиб ўтирганимизда шундай деб қолдилар: "Иккинчи аёл тўнга ямоқ солгандек бир гап экан!".

   Албатта бу гап мутлақ эмас, нисбий гапдир. Аммо унутманг, тақдир сизни икки бора солиҳа аёл билан мукофотламаслиги мумкин!
  Аёлларимиз қадрига етайлик азизлар!

@Latahzanim

Бир куни Молик ибн Динорнинг уйига кечаси ўғри кирди. Оладиган ҳеч нарса топа олмасдан чиқиб кетмоқчи бўлиб турганида Молик унга деди:
-Дунёдан ҳеч нарса топа олмадинг. Охиратдан бирор нарса олиб кет!
-Майли!
-Таҳорат қил-да, икки ракаат намоз ўқи!
Ўғри туриб таҳорат қилди ва икки ракаат намоз ўқиди ва чиқиб кетди. Ўша куни бомдодда намоз тугаганидан сўнг ўша ўғри Молик ибн Динорнинг олдига келиб деди:
-Аллоҳга қасамки, қайтиб ўғрилик қилмайман!
Молик ибн Динор қачон ўша ўғрини эсласа: “Аллоҳ унга раҳм қилсин. Бизни тунамоқчи эди, аслида эса биз уни тунадик!”, дер эди.
Бу буюкликни, бу олийжанобликни бугунги осийлар ўз олимларида топа олишмаяпти.
Инсонлар доимо уларни Аллоҳ томон қўлларидан етаклайдиган кишига муҳтож бўлишади. Инсонлар қанчалик ёмон бўлишмасин, уларда яхшилик уруғи сақланиб қолаверади. Биз агар ўша уруғнинг устига камтарлик, раҳмат ва эътибор сувини қуйсак тамом, инсонлар Аллоҳнинг изни билан яхшилик томонга ўзгариб кетаверади!
Пайғамбарлар фаришталарга эмас, осий ва гуноҳкор инсонларга юборилган. Аллоҳ уларга инсонларни Ўзи томон бошлаш вазифасини топширган эди!
Бугун гарчи пайғамбарлик тугаган бўлсада, уларнинг вазифалари ҳали-ҳануз сақланиб қолган. Аллоҳни инсонларга севдирганларга саломлар бўлсин!

@Latahzanim

@Latahzanim

Аллоҳ бандасини шарманда қилмайди.

@Latahzanim

ОҚҚА ИШОНМАНГ!
Ибнул Жавзий роҳимаҳуллоҳ ўзининг “Заммул ҳаво” китобида келтиради:
“Ардашернинг шавкати зиёда бўлиб, бирин-кетин бошқа подшоҳлар унга итоат изҳор қила бошлашди. Ардашер Сурёнийлар салтанатини қамал қилди. Аммо забт қилиш ниҳоятда қийин кечди. Чунки қалъа ниҳоятда бақувват ва ўтиб бўлмас эди.
Бир куни Сурёнийлар подшосининг қизи қалъа тепасига чиқиб Ардашерни кўриб қолиб ёни ёқтириб қолди. Қалъадан тушиб Ардашерга мактуб ёзди ва уни камон ўқига жойлаб қалъа ташқарисига отди. Мактубда шундай ёзилган эди:
“Агар менга уйланишга ваъда берсанг сенга қалъага кириш йўлини кўрсатаман!”.
Ардашер унга мактуб ёзди:
“Истаганинг бўлсин!”.
Ардашер қиз кўрсатган йўл билан қалъага кириб шаҳар аҳлини қатл қилди. Қизнинг отасини ҳам ўлдирди ва қизга уйланди.
Бир кеча бирга ётишганда қиз нимадандир безовта бўлди. Ардашер сўради:
-Сенга нима бўлди?
-Биқинимга нимадир қадалаяпти!
Ардашер унинг биқинига қаради. Унинг териси ниҳоятда юмшоқ эди. Ардашер сўради:
-Отанг сени нима билан боққан?
Қиз жавоб берди:
-Отам менга асал, ёнғоқ ва майиз бериб боқар эдилар!
Ардашер ғазаб билан деди:
-Ҳеч ким сенга отанг едирган нарсаларни едира олмайди. Сен эса отангга хиёнат қилиб ўтирибсан. Ўзимни сенга ишона олмайман!
Ардашер уни икки отга боғлади ва отларни икки томонга ҳайдади. Отлар қизни иккига бўлиб ташлади. Хоин қиз шу тариқа вафот қилди!”.

Бирор-бир қизга совчи бўлиб боришдан олдин унинг ота-онасига қиладиган муомаласини ўрганинг. Агар ота-онасига яхшилик қиладиган бўлса унга уйланинг, уни келин қилинг!
Ота-онасига яхшилик қилишни билмайдиган қиз гарчи ковушингизга патак бўлишни ваъда қилса ҳам унга уйланманг, уни келин қилманг. Ота-онасига яхшилик қилмаган киши сизга ҳеч қачон яхшилик қилмайди!
Баъзи қизлар ота-онасига эҳтироми баланд йигитлардан қўрқишади. Уларни шахсияти заиф деб ўйлашади.
Азиз сингилларим! Бунақа йигитлардан қўрқманг. Ота-онасига оқ бўлган фарзандлардан қўрқинг. Онасига яхшилик қилмаган йигит сизга яхшилик қилади деб ўйлайсизми?!
Азиз ёшларимиз! Онасига яхшилик қилмайдиган қиз гарчи сиз учун ўнта бармоғини шам қилишга тайёр бўлсада, унга уйланманг. Онасига қилмаган ишини сизга қилармиди?!
Яхши қиз билан ёмон қиз ўртасини ажратиш унчалик қийин эмас.
Қиз ва йигитларнинг ота-онасига, оиласига муомаласи ҳақида суриштиринг. Агар қиз отасини эҳтиром қилса, унинг гапини гап деса, унинг юзига тик қарамаган бўлса, отасининг лафзини ҳам, феълини ҳам ҳурмат қилса унга уйланса бўлади. У сизни ҳам ҳурмат қилади!
Агар тескари бўлса гарчи дунё маликаси бўлсада, ундан моховни кўрганда қандай қочсангиз шундай қочинг.
Баъзилар “уйланавер, уни тарбиялаб оласан”, дейишади. Бу гап нотўғри. Кўпларни кўрдим. Хотинларини ўзгартириш ўрнига ўзлари хотинларига тобе бўлиб кетишди. Баъзилари тобе бўлишмаган бўлсада, ҳаётлари жаҳаннамга айланган.
Нажотни орзу қилган ақлли инсон мавжланиб турган денгизга кирмайди. Тўлқинлар билан курашиб бўлмайди. Борди-ю нажот топса ҳам ниҳоятда ҳолдан тояди!

@Latahzanim

Ҳали вояга етмаган фарзандини илм баҳонаси ила узоқларга бериб юбориб, улардан ота-онасини, оиласини, уйини, маҳалласини соғинмасликни талаб қилаётган оналарга саволим:

“Сиз балоғат ёшига етиб, турмушга чиққанингизда ёнингизда меҳрибон жуфтингиз бўлишига қарамай, онангизни ва оилангизни неч кунда соғингансиз ажабо?

Ота уйингизга келганингизда, этагингиз тўла бола бўлса ҳам онангизни қистови билан қайнона уйига зўр-базўр кетганингизни унуттингизми?

Агар унутган бўлсангиз мен эслатиб қўйай, ўз нафсингизга оғир келганини фарзандингизга юкламанг.
Ахир унинг ҳам сизникидек қалби ва кечинмалари бор!

@Latahzanim

📹 Умар ибн Абдулазизнинг қалбни ларзага солган дуолари😢

☝️ Тафаккур ва диққат билан тингланг!

@Latahzanim

Бугун 30 сентябрь ~~Қиёматли дўстлар куни экан!!!

Дўстлар омон бўлсин!!!

@Latahzanim

Ўзингизни ўзингиз еб битирманг.
Доим Кучли бўлмоқ фақат Аллоҳга ҳос сифатдир.
Инсон баъзан ожиз, вақти келганида заиф, баъзан кучли, баъзан эса кўз ёшига ҳам кучи етмайдиган даражада бечора бўлиб қоладиган фитратда яратилган.

Инсон, қалбига йиғилиб қолган озорларни, кечинмаларни кимгадир тўкиб солмоқдан ожиз қолганида, йиғи билан овунади.
Сиз ана шу вақтда Аллоҳга йиғланг, йиғланг, йиғлайверинг.

Бесабаб келган маҳзунлик қалбингизни кемирганида, ўзингизни на ич дунёнгизга, на ташқи дунёга оид эмасдек ҳис қилганингизда, бутун инсонларга нисбатан бегоналик ҳисси сизни чулғаб олганида,
қаёққадир қочиб кетгингиз келганида, Роббингизга қочинг!

Ана шу қочмоқ, энг тўғри қочмоқдир…

@Latahzanim

ҚАЙТАРМАНГ!
Хароитийнинг “Макоримул ахлоқ” номли китобида келади:
“Мисъар ибн Кидом айтади:
"Суфён Саврий билан юриб кетаётган эдим. Суфёндан бир тиланчи пул сўради. Суфёнда пул йўқ экан. Тиланчи кетгач Суфён йиғлай бошлади. Мен ундан нега йиғлаётганини сўрадим. Суфён деди:
- Бир киши сендан яхшилик умид қилса-ю, уни сендан топа олмаса бундан ортиқ мусибат борми?!".

Шуни билинг! Инсонларнинг эҳтиёжи сиз билан ҳам бошқалар билан ҳам раво бўлаверади. Аммо тасаввур қилинг, бир киши Аллоҳдан ўзига зарур бўлган нарсани сўради. Аллоҳ эса унинг қалбига сизни солди. Сизга мурожаат қилиш кераклигини унга эслатди. Бунда Аллоҳнинг фазли аввало сизга бўлади, унга эмас. Кўринишда сиз бекаму-кўст бўлсангизда, аслида унга сиз кўпроқ муҳтожсиз. Кўринишда сиз бой кўринсангизда, аслида сиз фақирсиз. Аллоҳ сизга берганни қайтарманг. Инсонларнинг сиз ҳақингиздаги гумонларини пучга чиқарманг!

@Latahzanim

Siyrat.
Hazrati Muhammad Sollallohu Alayhi va Sallam.
Usmon Nuri To'pbosh.

Hazrat Payg'ambar Alayhissalomning tavalludlari va bolalik chog'lari.