منشورات Khit Thit Media على Telegram  

ပခုက္ကူမြို့မှ ပခန်းမြို့သို့ လာသည့် စစ်တပ် စစ်ကူစစ်ကြောင်းကို ကြားဖြတ်တိုက်ခိုက်မှု တပ်ကြပ်ကြီး ၂ ဦး အပါအဝင် စစ်သား ၁၄ ဦးထက်မနည်းသေဆုံး

ရန်ကုန်၊ မတ် ၂၅

မကွေးတိုင်း၊ ပခုက္ကူမြို့မှ ပခန်းမြို့သို့ လာသည့် စစ်ကူစစ်ကြောင်းကို ကြားဖြတ်တိုက်ခိုက်ခဲ့ရာ တပ်ကြပ်ကြီး ၂ ဦးအပါအဝင် ၁၄ ဦးထက်မနည်းသေဆုံးခဲ့ကြောင်း Southern YSO PDF တပ်ဖွဲ့ တာဝန်ခံ ကိုအောင်မောင်းက ရန်ကုန်ခေတ်သစ်သတင်းဌာနထံသို့ ပြောကြားသည်။

မတ်လ ၁၇ ရက်နေ့ ညနေ ၃ နာရီ ၂၀ မိနစ်အချိန် ပခုက္ကူမြို့မှ ပခန်းမြို့သို့ ထွက်လာသည့် အင်အား ၂၀ ဦး ကျော်ပါ ဂျန်ပါတပ်ဆင်ထားသော ရှေ့ပြေးကား ၁ စီးကို ပခုက္ကူ -ရေစကြိုလမ်းပိုင်းတနေရာတွင် ကြားဖြတ်တိုက်ခိုက်ခဲ့ရာ ကားပေါ်ပါ စစ်သား ၁၄ ဦးထက်မနည်းသေဆုံးပြီး ဒဏ်ရာရရှိသူများလည်း ရှိကြောင်း၊ ယင်းသေဆုံးသူများတွင် တပ်မ ၁၀၁ မှ တပ်ကြပ်ကြီး နိုင်လင်း၊ ခလရ ၂၃၅ တပ်ရင်းမှ တပ်ကြပ်ကြီးနေဝင်း ၊ ခလရ ၂၅၉ တပ်ရင်းမှ တပ်သား ၂ ဦးနှင့် မကွေးတိုင်းလှုပ်ရှားရဲတပ်ဖွဲ့မှ ရဲ ၁၀ ဦး ကျော်တို့ပါဝင်ကြောင်း သိရသည်။

“ကားကို တင့်ဖျက်အာပီဂျီနဲ့ ရှေ့တည့်တည့်ကနေပစ်တာ၊ ကားထဲကို ဖောက်ဝင်ပြီး နောက်ခန်းထဲမှာ ပေါက်ကွဲတယ်။ ပြီးတော့ ၄၀ မမ ဗုံး ၃ လုံးလည်း ကားထဲကို ကွက်တိကျအောင် ပစ်ထည့်နိုင်ခဲ့ တယ်။ ပြီးတော့ လက် နက်ငယ်တွေနဲ့ပါ ဝိုင်းပစ်ခဲ့တာ၊ ကားကို စီးနင်းပြီး သိမ်းပိုက်ဖို့လုပ်တဲ့အချိန်မှာ ကျနော်တို့တပ်ဖွဲ့ရဲ့ စစ်ကြောင်းမှူး လက်နက် error တက်ပြီး ထိခိုက်ဒဏ်ရာရရှိသွားလို့ လူ့အသက် ထက်ဘာမှ တန်ဖိုးမရှိဘူးဆိုပြီး ပြန်ဆုတ်လာခဲ့လိုက်တာ။” ဟု Southern YSO PDF တပ်ဖွဲ့တာဝန်ခံ ကိုအောင်မောင်းက ရန်ကုန်ခေတ်သစ်သတင်းဌာနထံသို့ ပြောကြားသည်။

သေဆုံးသွားသော စစ်သား၊ ရဲများ၏ အလောင်းများကို သက်ဆိုင်ရာ တပ်ရင်းတပ်ဖွဲ့များထံ သယ် ဆောင်သွားပြီး မကွေးတိုင်းလှုပ်ရှားရဲတပ်ဖွဲ့ဝင်များ၏ ရုပ်အလောင်းများကို အနီးအနားရှိ လေယာဉ် ကွင်းဂိတ်စခန်းသို့ သယ်ဆောင်ကာ သယ်ဂြိုလ်လိုက်ကြောင်း သိရသည်။

အဆိုပါ တိုက်ခိုက်မှုကို Southern YSO PDF ၏ နတ်မိကျောင်းစစ်ဆင်ရေးက ဦးစီးကာ Southern Local တပ်ပေါင်းစု ရဲဘော်များက တိုက်ခိုက်ခဲ့ခြင်းဖြစ်ပြီး မတော်တဆ ထိခိုက်ဒဏ်ရာရရှိခဲ့သော စစ်ကြောင်းမှူးသည်လည်း သက်သာလာပြီဖြစ်ကြောင်း သိရသည်။

စဉ့်ကူးမြို့နယ်၊ ကံတောင်၊ ဇိုက်ချောင်းနှင့် ထောက်ကြံ့ပင်ကျေးရွာတို့ကို စစ်တပ်က လေကြောင်းဖြင့် ဗုံးကျဲမှု ပြည်သူ ၁ ဦးသေဆုံးပြီး ၁ ဦးဒဏ်ရာရ

ရန်ကုန်၊ မတ် ၂၅

မန္တလေးတိုင်း၊ စဉ့်ကူးမြို့နယ်၊ ကံတောင်၊ ဇိုက်ချောင်း၊ ထောက်ကြံ့ပင်ကျေးရွာတို့ကို စစ်တပ်က လေ ကြောင်းဖြင့် ဗုံးသီးအလုံး ၂၀ ကျော် ကျဲချတိုက်ခိုက်ခဲ့ရာ ပြည်သူ ၁ ဦးသေဆုံးပြီး ၁ ဦးထိခိုက်ဒဏ်ရာ ရရှိခဲ့ကြောင်း ဒေသပြည်သူများက ရန်ကုန်ခေတ် သစ်သတင်းဌာနထံသို့ ပြောကြားသည်။

ယမန်နေ့မတ်လ ၂၄ ရက် ည ၈ နာရီ ၄၅ မိနစ်အချိန် စဉ့်ကူးမြို့နယ်၊ ကံတောင်ကျေးရွာ၊ ဇိုက်ချောင်း ကျေးရွာ၊ နှင့်ထောက်ကြံ့ကျေးရွာတို့ကို စစ်တပ်က တိုက်ပွဲဖြစ်ပွားခြင်းမရှိဘဲ တိုက်လေယာဉ်ဖြင့် ၄ ကြိမ် ဗုံး အလုံး ၂၀ ကျော်ကျဲချခဲ့ကြောင်း၊ အဆိုပါတိုက်ခိုက်မှုကြောင့် ထောက်ကြံ့ပင်ကျေးရွာမှ ပြည်သူ အမျိုးသား ၁ ဦးသေဆုံးပြီး မိန်းကလေးငယ် ၁ ဦးထိခိုက်ဒဏ်ရာရရှိခဲ့ကြောင်း၊ ထို့အပြင် နွား ၄ ကောင် လည်း ထိမှန်ဒဏ်ရာရရှိပြီး နေအိမ်များလည်း ထိခိုက်ပျက်စီးမှုရှိခဲ့ကြောင်း သိရသည်။

“စစ်တပ်က လေကြောင်း ဗုံးကျဲတာကြောင့် ကံတောင်ရွာက ကွက်မထဲမှာရှိတဲ့ နောဒီယာထူးကုမ္ပဏီဘက်မှာကျသွားတယ်။ ဇိုက်ချောင်းမှာက ရွာ ထဲကို ကျဲသွားတယ်။ ထောက်ကြံ့ပင်လည်းရွာထဲကို ကျဲသွားတယ်။ ပြည်သူ ၁ ဦးဒဏ်ရာရတယ်၊ ပြည်သူ ၁ ဦးသေဆုံးတယ်။ နွား ၄ ကောင်အပါအဝင်ပေါ့၊ ထိခိုက်ဒဏ်ရာရတာနဲ့သေဆုံးတာက ထောက်ကြံ့ပင်ရွာထဲကပါ။ ၄ ကြိမ်ပစ်ခတ်မှုဖြစ်သွားတဲ့အခြေအနေမှာ အလုံး ၂၀ ပေါက်ကွဲမှုဖြစ် တယ်။ မပေါက်ကွဲသေးတာက ၅ လုံးလောက်တော့ကျန်အုံးမယ်။ ရှာမတွေ့သေးတဲ့ အလုံးတွေလည်း ရှိပါသေးတယ်” ဟု ဒေသနေပြည်သူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြား သည်။

စစ်ကောင်စီတပ်က ဗုံးကျဲပစ်ခတ်တိုက်ခိုက်ခဲ့သည့် ဇိုက်ချောင်းကျေးရွာသည် အိမ်ခြေ ၂၀၀ ကျော်၊ ကံတောင်ကျေးရွာသည် အိမ်ခြေ ၁၃၀၀ ခန့်နှင့် ထောက်ကြံ့ပင်ကျေးရွာသည် အိမ်ခြေ ၃၀၀ ခန့်ရှိ ကြောင်း၊ ယင်းကျေးရွာ ၃ ရွာသည် တဆက်တည်း တည်ရှိပြီး ရွှေထွက်ရာဒေသဖြစ်ကြောင်း သိရ သည်။

မြန်မာစစ်ကောင်စီ စစ်မနိုင်တော့ဟု ထိုင်းလွှတ်တော်၏ နယ်စပ်လုံခြုံရေးဆိုင်ရာ ဆွေးနွေးပွဲတွင် အချက် ၅ ချက်ဖြင့် ပါမောက္ခ ဒေါက်တာ Zachary Abuza မှတ်ချက်ပြု

ရန်ကုန်၊ မတ် ၂၅

မြန်မာနိုင်ငံတစ်ဝန်း ဖြစ်ပွားနေသော တိုက်ပွဲများတွင် မြန်မာစစ်တပ်က စစ်အနိုင်မရနိုင်တော့ကြောင်း ထိုင်းလွှတ်တော်တွင် ပြုလုပ်ခဲ့သည့် နယ်စပ်လုံခြုံရေးဆိုင်ရာ ဆွေးနွေးပွဲတွင် အချက် ၅ ချက်ဖြင့် ပါမောက္ခ ဒေါက်တာ Zachary Abuzaက ပြောဆိုလိုက်သည်။

ပါမောက္ခ ဒေါက်တာ Zachary Abuza သည် အမေရိကန်ပြည်ထောင်စု ၀ါရှင်တန်ဒီစီအခြေစိုက် National War College မှ ပါမောက္ခတစ်ဦးဖြစ်ပြီး မတ်လ ၂၂ ရက်နေ့မှ မတ်လ ၂၃ ရက်နေ့အထိ ထိုင်းလွှတ်တော်တွင်ကျင်းပခဲ့သော “တည်တံ့ခိုင် မြဲသောငြိမ်ဝပ်ခြင်းနှင့်လုံခြုံရေး တိုးတက်အောင်မြင်စေခြင်း - ထိုင်းနှင့်အာဆီယံ၏ နယ်စပ်တည် ငြိမ်မှုနှင့် ဒီမိုကရေစီသို့အဖွဲ့အစည်းတည်ဆောက်ရေးလမ်းကြောင်း” ဆွေးနွေးပွဲတွင် ၎င်းက အထက်ပါအတိုင်း ပြောဆိုခဲ့ခြင်းဖြစ်သည်။

မြန်မာစစ်တပ်အနေဖြင့် ယခုတိုက်နေသည့် စစ်ပွဲကို အနိုင်ရမည်မဟုတ်ကြောင်း၊ မနိုင်နိုင်သည့် စစ်ပွဲကို အလွန်အကျွံ တိုက်နေခြင်းဖြစ်ပြီး အဆိုပါ လုပ်ရပ်ကြောင့် တစ်နိုင်ငံလုံးကို ၎င်းတို့နှင့်အတူ ဆွဲချနေခြင်းဖြစ်ကြောင်း ၊ စစ်တပ်အနေဖြင့် အနိုင်မရနိုင်သည့် စစ်ဖြစ်သည်ကို အထောက်အထား ၅ ချက်က ပြဆိုနေကြောင်း ၎င်း ဆိုသည်။

ပထမအချက်အနေဖြင့် မြန်မာ စစ်တပ်က နိုင်ငံအနှံအပြားကျယ်ပြန့်များပြားစွာ စစ်မျက်နှာဖွင့်ပြီးတပ်ဖြန့်ထားရကြောင်း၊ ဒုတိယအနေဖြင့် လူအင်အား ပြတ်လပ်မှု ဆိုးဆိုးရွားရွား ရင်ဆိုင်နေရပြီး မည်သို့ အရှိန်အဟုန်ပြင်း ပြင်းဖြင့် ပြဿနာကိုကိုင်တွယ်ရန် ကြိုးစားစေကာမူ ဖြေရှင်းနိုင်မည်မဟုတ်ကြောင်း၊ ထို့ပြင် စစ်တပ်၏ ထောက်ပံ့ပို့ဆောင်ရေး ကွန်ရက်များ ပြိုပျက်နေကြောင်း၊ မြန်မာစစ်တပ်မှာ ယခင်က တပ်စခန်း ပေါင်း ၅၀၀ ကျော်ဖြင့် တိုင်းပြည်ကို သိမ်းပိုက်ထိန်းချုပ်ထားခဲ့ကြောင်း၊ လက်ရှိအခြေအနေအရ အဆိုပါ စစ်တပ် တပ်စခန်းအများအပြားကို ပြန်လည်ထောက်ပံ့ခြင်း သို့မဟုတ် ပြန်လည်လက်နက်တပ်ဆင်ခြင်း မပြုနိုင်ကြောင်း၊ ထောက်ပံ့ရေးလိုင်းများ ဖြတ်တောက်ခံနေရပြီး အဆိုပါ စစ်တပ်စခန်းများကို ထိန်းသိမ်းထားနိုင်ရန် လုံလောက်သည့် လေ ကြောင်းနှင့် သယ်ယူပို့ဆောင်ရေး ရဟတ်ယာဉ် အရေအတွက်လည်း မလုံလောက်ကြောင်း သိရှိရသည်။

စတုတ္တအချက်အနေဖြင့် စစ်တပ်အတွက် အရေးကြီးဆုံး ဖြစ်သည့် ကာကွယ်ရေးပစ္စည်း စက်ရုံ ၂၄ ရှိပြီး ရခိုင်တပ်တော် AA နှင့် မဟာမိတ်တော်လှန်ရေးများက ယင်းစက်ရုံများနှင့် နီးသည်ထက်ပိုနီး အောင် ဝင်ရောက်လာနေကြောင်း၊ အဆိုပါစက်ရုံများကို တိုက်ခိုက်သိမ်းပိုက်ရန် မလိုအပ်ဘဲ ထောက်ပံ့ရေး ဖြတ်တောက်နိုင်ကြောင်း ၎င်းက ဆိုသည်။

ထို့ပြင် မြန်မာစစ်တပ်အတွင်း မညီမျှမှုများမှာ နက်ရှိုင်းပြီး ကွဲထွက်နေကြကြောင်း၊ မြန်မာစစ်တပ်တွင် လေကြောင်းအားသာချက်ရှိသော်လည်း စစ်ရေးရည်ရွယ်ချက်အတွက် မသုံးဘဲ အရပ်သား ပြည်သူများ ထိခိုက်စေရန် ၊ ကြောက်ရွံ့စေရန် လုပ်ဆောင်လျက်ရှိကြောင်း သိရှိရသည်။

စစ်ကောင်စီအနေဖြင့် အရင်းအမြစ်များ ဆုံးရှုံးလာနေပြီး အဆိုပါ ဆုံးရှုံးမှုများကို ပြန်လည်ဖြည့်ဆည်းရန် တခြားဝင်ငွေ အရင်းအမြစ်များ မရှိတော့ကြောင်း၊ ယင်းအခြေအနေကို ဖြစ်လာစေခြင်းက မြန်မာ စစ်တပ် ကိုယ်တိုင်ဖြစ်ပြီး စစ်တပ်၏ ရက်စက်ကြမ်းကြုတ်သည့် လုပ်ရပ်များက မြန်မာ့စီးပွားရေးကို ဖျက်ဆီးလိုက်ကြောင်း၊ ယခင်က စစ်တပ်တွင် ဝင်ငွေရရှိနိုင်သည့် အရင်းအမြစ်များစွာရှိပြီး ယခုအခါတွင်မူ အဆိုပါ အရင်းအမြစ်များစွာ ပျောက်ဆုံးသွားကြောင်း ၎င်းက ထောက်ပြ ပြောဆိုသွားသည်။

Khit Thit သတင်းဌာန၏ မတ် ၂၅ ရက် နေ့လယ်ပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ မတ် ၂၅ ရက် နေ့လယ်ပိုင်း တင်ဆက်ပေးမယ့် သတင်းတွေကတော့

အကြမ်းဖက် မင်းအောင်လှိုင် ခန့်ထားတဲ့ စစ်ကောင်စီတပ်ဖွဲ့ဝင် ဒေါက်တာမှုထန် ရဲ့ ချင်းပြည်နယ် ထန်တလန်မြို့က နေအိမ်၊ ခြံနဲ့ မြေအားလုံးကို ပြည်သူပိုင်အဖြစ် ချိတ်ပိတ်သိမ်းဆည်းလိုက်ပြီ ဖြစ်တယ်လို့ ချင်းပြည်သူ့ကာကွယ်ရေးတပ် (CDF -TT) က တရားဝင် ထုတ်ပြန်ကြေညာလိုက်ပါတယ်။

-စစ်ကိုင်းတိုင်းက မင်းကွန်းဒေသ တိုက်ပွဲမှာ အကြမ်းဖက် စစ်ကောင်စီရဲ့ တပ်မ ၃၃ က ဒုတပ်မမှူး ဗိုလ်မှူးကြီး ဇင်မျိုးဦး ထိခိုက်ဒဏ်ရာရရှိခဲ့ပြီးနောက် သူကျန်ခဲ့တဲ့ ဖုန်းကိုတော်လှန်ရေးတပ်တွေက သိမ်းဆည်း ရရှိခဲ့တဲ့အချိန် ဖုန်းထဲမှာ အဲ့ဒီ့ ဗိုလ်မှုးကြီး ဇင်မျိုးဦး ရဲ့ လူမှုရေး ဖောက်ပြန်မှု အချက်အလက်တွေကိုပါ သိမ်းဆည်းရရှိ ထားတယ်လို့ ယူနီကွန်း ပျောက်ကြားတပ်ဖွဲ့က ရန်ကုန်ခေတ်သစ်ကို ပြောပါတယ်။

မကွေးတိုင်း ဆိပ်ဖြူမြို့နယ်မှာရှိတဲ့ အကြမ်းဖက် စစ်ကောင်စီရဲ့ အမှတ် ၉ လေကြောင်းရန် ကာကွယ်ရေးတပ်က ဗိုလ်မှူး ဇော်ဇော်ဝင်း ဆိုသူဟာ စစ်ဆေးရေး ဂိတ်ဖွင့်ပြီး ကုန်တင်ကား နဲ့ ခရီးသွားပြည်သူတွေဆီကနေ ဆက်ကြေး ကောက်တာတွေ စစ်မှုထမ်းအကြောင်းပြပြီးလူငယ်တွေရဲ့ မိဘတွေဆီကနေ ငွေညှစ်တောင်းရမ်း တာတွေ လုပ်နေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
https://youtu.be/-LhNsUmnePg?si=RvBQ9bJ8SIxHBwxh

“အမေ့ကို နေအိမ်အကျယ်ချုပ်ပြောင်းလိုက်ပြီလို့ ပြည်သူတွေက ပြောနေကြပေမယ့် တကယ်တော့ ဒါတွေက စစ်တပ်က ဖြန့်တဲ့ သတင်းမှားတွေပါ”

ဒေါ်အောင်ဆန်းစုကြည်၏ သားငယ် ကင်မ်အဲရစ်စ် (ခ) ကိုထိန်လင်းနှင့် တွေ့ဆုံမေးမြန်းခြင်း

By ရန်ကုန်ခေတ်သစ်

ဒေါ်အောင်ဆန်းစုကြည်၏ သားငယ်ဖြစ်သူ ကင်မ်အဲရစ်စ်သည် ၎င်း၏မိခင်ဖြစ်သူ ဒေါ်အောင်ဆန်းစုကြည်အမြန် ဆုံးလွတ် မြောက်စေချင်သည့် မီးတောက်လိုပြင်းပြသောဆန္ဒကြောင့် အမေရိကားခရီးစဉ်ကို မတ်လ ၁၂ ရက်နေ့တွင် စတင်ခဲ့ပြီး မတ်လ ၂၂ ရက်နေ့တွင်မူ မေရီလန်းပြည်နယ် Hyattsville မြို့ Northwestern High School တွင် မြန်မာလူထုနှင့် တွေ့ဆုံပွဲပြုလုပ်ခဲ့စဉ် ခေတ်သစ်သတင်းဌာနနှင့် တွေ့ဆုံမေးမြန်းခဲ့သည်များကို ဖော်ပြလိုက်ပါသည်။

၎င်း၏ အမေရိကန်ခရီးစဉ်အတွင်း ၎င်း၏အမေနှင့်အတူ မတရားဖမ်းဆီးခံထားရသော နိုင်ငံရေးအကျဉ်းသားများအားလုံး လွတ် မြောက်ဖို့၊ မြန်မာနိုင်ငံရဲ့ စစ်ဘေးခံပြည်သူများ အမြန်ဆုံး လူသားခြင်းစာနာထောက်ထားမှုဆိုင်ရာ အကူအညီရရှိဖို့ ဦးစားပေးလုပ်ဆောင်ပြီး အမေရိကားရောက် မြန်မာနွယ်ဖွားများ၊ ကူညီထောက်ပံ့ပေးသူများနှင့် တွေ့ဆုံသွားမည်ဖြစ်သည်။

ကင်မ်သည် အမေရိကန်ပြည်ထောင်စု နယူးယောက်သို့ မတ်လ ၁၂ ရက်နေ့တွင် ရောက်ရှိခဲ့ပြီးနယူး ယောက် တွင် မြန်မာများနှင့်တွေ့ဆုံမှုမှ အမေရိကန်ဒေါ်လာ ၅၃,၉၀၈ ၊ ဘောစတွန်တွင် မြန်မာများနှင့် တွေ့ဆုံမှုမှ အမေရိကန်ဒေါ်လာ ၃၅,၀၀၀၊ မေရီလန်းတွင် မြန်မာများနှင့်တွေ့ဆုံမှုမှ အမေရိကန်ဒေါ်လာ ၄၀၀၀၀ နီးပါး အလှူငွေများ ရရှိခဲ့ကာ လိုအပ်သောနေရာများကို ပြန်လည်ပေးအပ်သွားမည်ဖြစ်ပြီး လှူဒါန်းပြီးပါက အသေးစိတ်ကို အသိပေးကြေငြာသွားမည်ဖြစ်ကြောင်း ကင်မ်အဲရစ်စ် (ခ) ကိုထိန်လင်းက အသိပေးထားသည်။https://youtu.be/YOW7ok0zlQM?si=fO2yy3teAbagUxsT

ရေဖြူ၊ ရေး-ထားဝယ်လမ်းတွင် လမ်းကင်း ထွက်လာသော စစ်ကြောင်းကို တိုက်ခိုက်မှု ဗိုလ်မှူး ၁ ဦး အပါအဝင် စစ်သား ၂၀ ကျော်သေဆုံးပြီး RPG ၁ လက် အပါအဝင် လက်နက် ၅ လက်သိမ်းဆည်းရရှိ

ရန်ကုန်၊ မတ် ၂၅

တနင်္သာရီတိုင်း၊ ထားဝယ်ခရိုင် ၊ ရေဖြူမြို့နယ်၊ အမှတ် ၈ ပြည်ထောင်စုလမ်းတွင် လမ်း ကင်းထွက်လာသော စစ်တပ်စစ်ကြောင်း ကို တိုက်ခိုက်ခဲ့ရာ ဗိုလ်မှူး ၁ ဦးအပါအဝင် စစ်သား ၂၀ ကျော် သေဆုံးပြီး RPG ၁ လက်အပါအဝင် လက်နက် ၅ လက်သိမ်းဆည်းရရှိခဲ့ကြောင်း ဒူရက စစ်ကြောင်း မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

ယမန်နေ့ မတ်လ ၂၄ ရက်နေ့ နံနက် ၉ နာရီခန့်အချိန် ရေဖြူမြို့နယ်၊ ညင်းထွေးရွာ နှင့် ကျောက်ကညှာရွာ အကြား ရေး-ထားဝယ်အမှတ် ၈ ပြည်ထောင်စုလမ်းမကြီးတစ်လျှောက်တွင် လမ်းကင်း ထွက်လာ သော စစ်ကောင်စီ တပ်ဖွဲ့ဝင်များကို ဒူရကစစ်ကြောင်း၏ ရဲဘော်များက ကြားဖြတ်ဝင်ရောက် ပစ်ခတ် တိုက်ခိုက်ခဲ့ကြောင်း သိရသည်။

ထိုသို့ ပစ်ခတ်တိုက်ခိုက်မှုအတွင်း ဗိုလ်မှူးအဆင့်ရှိသူ ၁ ဦးအပါအဝင် စစ်သား ၂၀ ကျော်သေဆုံး ပြီး အများအပြား ဒဏ်ရာရရှိကာ RPG 7 အမျိုးအစား လက်နက် ၁ လက်၊ MA4 အမျိုးအစား သေနတ် ၁ လက်၊ MA3 အမျိုးအစား သေနတ် ၁ လက်၊ MA1 အမျိုးအစား သေနတ်၂ လက် နှင့် ဆက်စပ် ပစ္စည်း အချို့ သိမ်းဆည်းရရှိခဲ့ပြီး စစ်ကောင်စီတပ်တပ်က လက်နက်ကြီး ပစ်ကူအများအပြားနှင့် Paramotor တစ်စီးဖြင့် ပစ်ကူ ပေးခဲ့ကြောင်း သိရသည်။

“အင်အားက ၁၅၀ ကနေ ၂၀၀ နီးပါးရှိပါတယ်။ အမတ ၃၀၄ ကျောက်ကညာ အမြောက်တပ်ကနေ လက်နက်ကြီးနဲ့ ပစ်ကူပေးသလို ထားဝယ်မြို့ဘက်ကနေ စက်တပ် လေထီးတက်လာပြီး ပစ်ကူပေး တိုက်ခိုက်ခဲ့ပါတယ်” ဟု ဒူရက စစ်ကြောင်း မှ တာဝန်ရှိသူတစ်ဦးက ရန်ကုန်ခေတ်သစ်သတင်း ဌာန ထံသို့ ပြောကြားသည်။

အဆိုပါ တိုက်ခိုက်မှုကို ထိုတိုက်ခိုက်မှုကို ဓဝယ်အမျိုးသားလွတ်မြောက်ရေးတပ်တော် (DNLA) ၏ ဒူရကစစ်ကြောင်းဦးဆောင်မှုဖြင့် ရေဖြူပြည်သူ့ကာကွယ်ရေးတပ်ဖွဲ့ (YPPDF) တို့မှ ပူးပေါင်း လုပ် ဆောင်ခဲ့ခြင်းဖြစ်ပြီး ပြည်သူ့ကာကွယ်ရေး ရဲဘော်များအထိအခိုက်မရှိပြန်လည် ဆုတ်ခွာနိုင်ခဲ့ ကြောင်း သိရသည်။

တစ်နိုင်ငံလုံးအတိုင်းအတာဖြင့် စစ်ရေးများအား အရှိန်အဟုန်တိုးမြင့်စွာ ဆောင်ရွက်နေသည့်အချိန် ဖြစ်သော ကြောင့် ပြည်သူများ အနေဖြင့် စစ်ရေးအထူး သတိ/သတိပြု သွားလာနေထိုင်ကြပါရန် နှင့် တနင်္သာရီတိုင်းအတွင်း စစ်ကောင်စီတပ်မှ အချိန်မရွေး လေကြောင်းအသုံးပြုတိုက်ခိုက်မှုများ ရှိ နိုင် သောကြောင့် လေကြောင်းရန်ကာကွယ်ရေးနှင့်ပတ်သက်သည့် သတင်းအချက်အလက်များကို လိုက်နာကြရန် မေတ္တာရပ်ခံတိုက် တွန်းထားသည်။

တော်လှန်ရေးနှင့် စစ်ရေးအရှိန် မြင့်လာသည်နှင့်အမျှ ပြည်သူ့ဘက်၊ အမှန်တရားဘက် ရပ်တည်လို သောစစ်ကောင် စီတပ်မှ စစ်သည်တော်များ၊ ရဲတပ်ဖွဲ့ဝင်များအနေဖြင့် ပြည်သူ့ရင်ခွင် ခိုလှုံ၍ အမြန် ဆုံး ပူးပေါင်းပေးကြပါရန် တိုက်တွန်းဖိတ်ခေါ်ထားသည်။

လာမည့် ဒီဇင်ဘာလတွင် ရွေးကောက်ပွဲ ကျင်းပနိုင်ရေး လုံခြုံရေး စိုးမိုးရေး ဆောင်ရွက်ရန် အကြမ်းဖက် မင်းအောင်လှိုင် ပြောပြန်

ရန်ကုန်၊ မတ် ၂၅

ယခုလာမည့် ဒီဇင်ဘာလတွင် ရွေးကောက်ပွဲကျင်းပနိုင်ရေး လုံခြုံရေး စိုးမိုးရန် စနစ်တကျ ဆောင်ရွက်ရန် အကြမ်း ဖက်မင်းအောင်လှိုင်က ပြောဆိုပြန်သည်။

ယမန်နေ့ နေပြည်တော်တွင် ပြုလုပ်သော အမျိုးသားစီမံကိန်းကော်မရှင် အစည်း အဝေးတွင် အကြမ်းဖက် မင်းအောင်လှိုင်က အထက်ပါအတိုင်း ပြောဆိုခြင်းဖြစ်သည်။

လာမည့် ဒီဇင်ဘာလအတွင်း ပါတီစုံ ဒီမိုကရေစီ ရွေးကောက်ပွဲ ကျင်းပနိုင်ရေးအတွက် လုံခြုံရေးနှင့် တရားဥပဒေစိုးမိုးရေး ဆောင်ရွက်ရန်၊ တိုင်းနှင့် ပြည်နယ်အလိုက် လုံခြုံရေးလုပ်ငန်းများကို စနစ်တကျ ဆောင်ရွက်ကြရန်လိုကြောင်း အကြမ်းဖက် စစ်ခေါင်းဆောင် က ထုတ်ဖော်ပြောဆိုသည်။

ထို့ပြင် နိုင်ငံတစ်နိုင်ငံ၏ နိုင်ငံရေးအင်အား၊ စီးပွားရေးအင်အားနှင့် ကာကွယ်ရေးအင်အားများ ကောင်းမွန်ရန်အတွက် လုပ်သင့်လုပ်ထိုက်သည့်လုပ်ငန်းများကို ရဲရဲဝံ့ဝံ့ ဆောင်ရွက်ကြရန်လည်း အကြမ်းဖက် မင်းအောင်လှိုင်က ပြောဆိုသည်။

အမျိုးသားညီညွတ်ရေးအစိုးရ-NUG ကမူ လက်ရှိ နိုင်ငံ၏ တစ်ဝက်ကျော်ကို တော်လှန်ရေးတပ်ဖွဲ့များနှင့် တိုင်းရင်းသားတော်လှန်ရေးတပ်များက ထိန်းချုပ် သိမ်းပိုက်ထားကြောင်း တရားဝင် ထုတ်ပြန်ကြေညာထားသည်။

ရန်ကုန်တွင် အခြေစိုက် ၂၀၂၀ ရွေးကောက်ပွဲ ဝင်ရောက်ယှဉ်ပြိုင်ခဲ့သည့် ရှမ်းတိုင်းရင်းသားလွှတ်တော်ကိုယ်စား လှယ်လောင်းတစ်ဦးကမူ စစ်ခေါင်းဆောင်က ရွေးကောက်ပွဲ ကျင်းပရန် မကြာခဏ ထုတ်ဖော်ပြောဆိုနေသော် လည်း လက် တွေ့တွင် လုံခြုံရေးအခြေအနေအရ အလွန်ရှုပ်ထွေးနေကြောင်း၊ တစ်ပြည်လုံးအတိုင်းအတာ ဖြင့် ရွေးကောက်ပွဲ လုပ်နိုင်မည်မဟုတ်ဘဲ စစ်တပ်က လုံခြုံရေးစိုးမိုးသော ဒေသများကို အပိုင်းလိုက် ရွေးကောက်ပွဲ ပြုလုပ်၍ အမည် ခံ လွှတ်တော်နှင့် အမည်ခံ အစိုးရ ဖွဲ့စည်းမည့် အခြေအနေဟု ယူဆကြောင်း သုံးသပ်ပြောဆိုသည်။

"သူက ရွေးကောက်ပွဲ လုပ်မယ်သာ ပြောနေတာ။ တကယ် ရွေးကောက်ပွဲ ဖြစ်ဖို့ကလည်း ခက်ပါတယ်။ ခက်နေတာကြီးကို အတင်းတွန်းလုပ်ရင်လည်း တစ်ပြည်လုံးရွေးကောက်ပွဲ မဖြစ်နိုင်ဘူး။ မည်ကာမတ္တ ရွေးကောက်ပွဲပဲ ဖြစ်မယ်။ ဒီရွေးကောက်ပွဲမှာ ပေါ်လာမယ့် အစိုးရကလည်း စစ်တပ်က ချုပ်ကိုင်ထားမယ့် အစိုးရပဲ ပေါ်လာမှာပါ။ အဲဒီတော့ ပြောချင်တာက လက်ရှိ စစ်တပ်ကပဲ ကြီးစိုးအုပ်ချုပ်မယ့် အရပ်သားအမည်ခံ အစိုးရတက်လာမယ့် သဘောလို့ ပြောလို့ရတယ်။ နိုင်ငံရေးအကျပ်အတည်းနဲ့ ငြိမ်းချမ်းရေးအတွက်တော့ ဘာမှ သိပ်မထူးနိုင်ဘူး" ဟု ၎င်းက သုံးသပ်ပြောဆိုသည်။

အဆိုပါ ရှမ်းတိုင်းရင်းသား နိုင်ငံရေးသမားကပင် ရွေးကောက်ပွဲ ကျင်းပပြီးနောက် စစ်ခေါင်းဆောင် မင်းအောင် လှိုင်အနေဖြင့် သမ္မတအဖြစ် တာဝန်ထမ်းဆောင်နိုင်ဖွယ်ရှိကြောင်းလည်း သုံးသပ်ပြောဆိုသည်။

"လက်ရှိ စစ်ခေါင်းဆောင်ကတော့ ကြံ့ခိုင်ရေးပါတီဘက်ကဖြစ်ဖြစ်၊ တပ်မ တော်သားလွှတ်တော်ကိုယ်စားလှယ် ဘက်ကဖြစ်ဖြစ် ဒုတိယသမ္မတလောင်းအဖြစ် အမည်စာရင်း တင်သွင်းပြီး သမ္မတ တက်လုပ်နိုင်တယ်လို့ ကျနော်တော့ ယူဆပါတယ်။ သူပါချင်လို့ လုပ်ချင်လို့ကို ဒီအခင်းအကျင်းကို ဖန်တီးထားတာပဲလေ" ဟု ၎င်းက ဆိုသည်။

စစ်ခေါင်းဆောင်မင်းအောင်လှိုင်က ၂၀၂၀ ရွေးကောက်ပွဲတွင် မဲမသမာမှုရှိသည်ဟုဆိုကာ ၂၀၂၁ ခုနှစ် ဖေဖော်ဝါရီလ ၁ ရက်နေ့တွင် လူထု ရွေးကောက်တင်မြှောက်ထားသော အစိုးရခေါင်းဆောင်များကို ဖမ်းဆီးပြီး မတရားစစ်အာဏာသိမ်းခဲ့ခြင်းဖြစ်သည်။

အကြမ်းဖက်စစ်ခေါင်းဆောင် မင်းအောင်လှိုင် ထိုင်းနိုင်ငံဘန်ကောက်မြို့တွင် ကျင်းပမည့် BIMSTEC အစည်းအဝေး တက်မည်

ရန်ကုန်၊ မတ် ၂၃

အကြမ်းဖက်စစ်ခေါင်းဆောင် မင်းအောင်လှိုင် ထိုင်းနိုင်ငံဘန်ကောက်မြို့တွင် ကျင်းပမည့် BIMSTEC အစည်းအဝေးသို့ တက်ရောက်မည်ဖြစ်ကြောင်း ထိုင်းသတင်းဌာနများက သတင်းဖော်ပြသည်။

BIMSTEC အစည်းအဝေးတက်ရောက်ရန် ဧပြီလ ၃ ရက်မှ ၄ ရက်အထိ ဘန်ကောက်မြို့သို့ လာရောက်မည်ဖြစ်ပြီး အဆိုပါအစည်းအဝေးကို ထိုင်းနိုင်ငံက အိမ်ရှင်အဖြစ် လက်ခံကျင်းပမည်ဖြစ်ကြောင်း သိရှိရသည်။

BIMSTEC အစည်းအဝေး၏ ၆ ကြိမ်မြောက် ထိပ်သီးအစည်းအဝေးသို့ တက်ရောက်မည့် မင်းအောင်လှိုင်မှာ ထိုင်းနိုင်ငံသို့ ပထမဆုံး လာရောက်ခြင်းလည်းဖြစ်သည်။

ယင်းအစည်းအဝေးကို ထိုင်းဝန်ကြီးချုပ် Paetongtarn Shinawatra က သဘာပတိအဖြစ် တာဝန်ယူကျင်းပမည်ဖြစ်ပြီး BIMSTEC အဖွဲ့ဝင်နိုင်ငံများလည်း တက်ရောက်ကြမည်ဖြစ်သည်။

BIMSTEC အဖွဲ့ဝင်နိုင်ငံများတွင် အိန္ဒိယ၊ သီရိလင်္ကာ၊ ဘင်္ဂလားဒေ့ရှ်၊ ဘူတန်၊ မြန်မာ၊ နီပေါနှင့် ထိုင်းနိုင်ငံတို့ပါဝင်သည်။

ရန်ကုန်မြို့လယ်ခေါင် ပန်ဘဲတန်းမြို့နယ်ရှိ တိတ်ရှိန်ရွှေဆိုင်ဓားပြတိုက်ခံရပြီး ရွှေထည်များပါသွား၊ ရဲနှင့်စစ်တပ်က ကင်းလှည့်နေသည့်ကြားမှ ဓားပြတိုက်ခံရဟုဆို

ရန်ကုန်၊ မတ် ၂၃

ရန်ကုန်မြို့လယ်ခေါင်၊ ပန်းဘဲတန်းမြို့နယ်၊ မဟာဗန္ဓုလလမ်းမပေါ် ရွှေဘုံသာလမ်းနှင့် ၂၈ လမ်းကြားရှိ တိတ် ရှိန် ရွှေဆိုင်ဓားပြတိုက်ခံရပြီး ရွှေထည်ပစ္စည်းများပါသွားကြောင်း ရန်ကုန်တိုင်းရွှေကုန်သည်များက ရန်ကုန်ခေတ်သစ်သတင်း ဌာနထံသို့ ပြောဆိုသည်။

ယနေ့မတ်လ ၂၃ ရက် နံနက် ၈ နာရီ ၄၅ မိနစ်ဝန်းကျင်အချိန် ပန်းဘဲတန်းမြို့နယ်၊ မဟာဗန္ဓုလလမ်းမပေါ် ရွှေဘုံသာ လမ်း နှင့် ၂၈ လမ်းကြား အမှတ် ၅၀၇/၅၀၉ အခန်း ၇ တွင်ဖွင့်လှစ်ထားသော တိတ်ရှိန်ရွှေဆိုင်ကို လူအချို့က ဝင်ရောက်ဓားပြတိုက်ရာ ရွှေထည်အချို့ပါသွားပြီး ယင်းအမှုနှင့်ပတ်သက်၍ ရဲနှင့်စစ်တပ်က စစ်ဆေးနေကြောင်း သိရသည်။

“ဓားပြတိုက်ခံရတာမှန်ပါတယ်။ ရွှေထည်အချို့ပါသွားတယ်။ ဘယ်လောက်ပါသွားလဲဆိုတာတော့ မသိရသေးဘူး။ ဆိုင်ပိုင်ရှင်ကတော့ အမှုအခင်းနဲ့ပတ်သက်ပြီး လိုက်လုပ်နေတယ်။” ဟု ရွှေဆိုင်နှင့် နီးစပ်သော ရန်ကုန်ရွှေကုန်သည်က အတည်ပြုပြောကြားသည်။

ရန်ကုန်တိုင်း၊ ပန်းဘဲတန်း၊ ၂၉ လမ်းတွင် နေထိုင်သူ ဒေသပြည်သူတစ်ဦးက ရွှေဆိုင်ဓားပြတိုက်ခံရပြီးမှ ပြည်သူများက သိရှိခဲ့ကြခြင်းဖြစ်ပြီး နံနက်စောစောအချိန် ရုတ်တရက် ဝင်ရောက်ဓားပြတိုက်သွားခြင်းဖြစ်သည်ဟု ပြောဆိုသည်။

"လူ ၄ ဦး လာတိုက်သွားတာလို့ပြောတယ်။ တိုက်သွားတဲ့အချိန်မှာမသိဘူး။ ဓားပြတိုက်ခံရပြီးမှ သိတာ" ဟု ၂၉ လမ်းတွင် နေထိုင်သူ ပြည်သူက ရှင်းလင်းပြောဆိုသည်။

ရန်ကုန်မြို့ခံများ၏ အဆိုအရ ရန်ကုန်မြို့လယ်ခေါင်တွင် ယခုရက်ပိုင်း မတ်လ ၂၇ ရက်နေ့ တပ်မတော်နေ့ အတွက် စစ်တပ်နှင့်ရဲများက လုံခြုံရေးများ တိုးမြှင့်ထားပြီးနေ့ည မရွေး လုံခြုံရေးတင်းကျပ်ထားချိန်တွင် ဓားပြတိုက်ခံရခြင်းဖြစ်ကြောင်း သိရှိရသည်။

“ကျနော်တို့က KIA ဘက်မှာ စစ်ရေးဗျူဟာအပိုင်းတွေ သင်ခဲ့တယ်ဗျ။ ငါ့သရောက်တိုက်ပွဲမှာဆိုရင် စစ်ခွေးတွေကို ဦးဆောင်တဲ့ စစ်ကြောင်းမှူးက အတော်ညံ့တယ်၊ တိုက်ပွဲဖြစ်ပြီး ၁၀ မိနစ်အတွင်းကျသွားတယ်။သူကျသွားတာနဲ့ ပရမ်းပတာတွေနဲ့တပ်သားတွေက ပြေးတော့ ကျနော်တို့ သတ်ကွင်းထဲရောက်လာပြီး အကုန်သေကုန်တာ”

ပုဂံဘီလူးတပ်ဖွဲ့ခေါင်းဆောင်၊ ညောင်ဦးမြို့နယ် ပြည်သူ့ကာကွယ်ရေးတပ်ဖွဲ့ မြို့နယ်တာဝန်ခံ ကိုဇီးနှင့်တွေ့ဆုံမေးမြန်းခြင်း

By ရန်ကုန်ခေတ်သစ်

မန္တလေးတိုင်း၊ ညောင်ဦးမြို့နယ်၊ ငါ့သရောက်မြို့နယ်ခွဲထဲကို စစ်ကြောင်းထိုး ဝင်ရောက်လာသည့် အင်အား ၂၀၀ ပါ စစ်ကောင်စီတပ်၏ စစ်ကြောင်းကို တော်လှန်ရေးတပ်ဖွဲ့များက ပိတ်ဆို့တိုက်ခိုက်ခဲ့ရာမှာ စစ်ကြောင်း တစ်ခုလုံးချေမှုန်းခံရပြီး စစ်ကြောင်းမှူးအပါအဝင် စစ်ကောင်စီတပ်ဖွဲ့ဝင် ၇၄ ဦး သေဆုံးခဲ့သည်။

ယင်းကဲ့သို့ စစ်ကြောင်းလိုက်ပြုတ်အောင်ချေမှုန်းလိုက်သည့် ညောင်ဦးပြည်သူ့ကာကွယ်ရေး တပ်ဖွဲ့၏ မြို့နယ်တာဝန်ခံ ကိုဇီးကို ရန်ကုန်ခေတ်သစ်သတင်းဌာနက တွေ့ဆုံမေမြန်းထားပါသည်။

https://www.youtube.com/watch?v=KCcViKbqLpw