Italyan tili

#Italiyada_Sigaret_Sotish_va_istemoli

Italiyada sigaret savdosi, mamlakatning sog'liqni saqlash siyosatiga va xalqaro tamoyillarga mos ravishda, qat'iy tartibga solingan. Italiya Yevropadagi sigaret iste'moli eng yuqori bo'lgan mamlakatlardan biri hisoblanadi, biroq so'nggi yillarda sigaret iste'molini kamaytirish bo'yicha bir qator choralar ko'rilgan.


Italiyada sigaretlar faqat rasmiy davlat do'konlarida, ya'ni Tabaccheria (davlat tomonidan litsenziyalanadigan sigaret do'konlari) orqali sotiladi. Tabaccheria ( o'qilishi Tabakkeriya) (Tabacchi emas) Ushbu do'konlar davlat tomonidan belgilangan qoidalar asosida ishlaydi. Sigaret sotish faqatgina 18 yoshdan katta bo'lgan shaxslar uchun ruxsat etilgan.

Sigaretlar narxi Italiyada soliq siyosatiga qarab o'zgaradi. Italiya hukumati tamaki mahsulotlaridan katta miqdorda soliqlar oladi. Bu soliq, sigaret narxlarini oshiradi, ammo bu, shuningdek, mamlakatda sigaret iste'molining kamayishiga yordam beradi. Narxlar davlat tomonidan tartibga solinadi va asosan aktsiz solig'i va Qo'shimcha qiymat solig'i 22% (IVA) ni o'z ichiga oladi.

Elektron sigaretlar va boshqa alternativ tamaki mahsulotlarining savdosi ham rasmiy ravishda tartibga solinadi. Elektron sigaretlar Italiyada qonuniy hisoblanadi, ammo ularning sotilishi ham tartibga solingan va ba'zi cheklovlar mavjud, masalan, yoshi kichiklar uchun sotish taqiqlangan.

Italiyada sigaret paketlarining dizayni va brendlarni reklama qilish juda cheklangan. Yevropa Ittifoqining standartlariga mos ravishda, barcha tamaki mahsulotlari bir xil ko'rinishda bo'lishi kerak: paketlar katta sog'liqni saqlash ogohlantirishlari bilan to'ldirilgan, brend nomlari esa kichikroq va kamroq ko'zga tashlanadigan bo'lishi kerak. Bunday paketlar "yashirin" tamaki marketingi sifatida qaraladi, bu esa chekishni rag'batlantirishni kamaytiradi.

Italiyada 18 yoshdan kichik bo'lgan shaxsga sigaret sotish qat'iyan man etilgan. Agar biror do'kon yoki sotuvchi 18 yoshga to'lmagan shaxsga sigaret sotsa, ular katta jarimaga tortilishi mumkin. Bu jarima 1000 yevrodan 3000 yevrogacha bo'lishi mumkin.

Italiyada ko'plab jamoat joylarida, jumladan, restoranlarda, kafe va ofislarda, yopiq joylarda chekish taqiqlanadi. Agar kimdir taqiqlangan joyda cheksa, ular 250 yevrodan 500 yevrogacha jarimaga tortilishi mumkin

Sigaretlarni litsenziyasiz sotish yoki noqonuniy savdo qilish jiddiy jinoiy huquqbuzarlik hisoblanadi. Agar kimdir noqonuniy sigaret savdosi bilan shug'ullansa, ular katta jarima yoki hatto qamoq jazosiga tortilishi mumkin.

Sigaret brendlarini targ'ib qilish yoki reklama qilish uchun qonun buzilgan holda, jiddiy jarimalar belgilangan. Bunday holatlarda 3000 yevrodan 10 000 yevrogacha jarima solinishi mumkin, shuningdek, reklama kompaniyasi yoki do'konning litsenziyasini yo'qotishi ham mumkin.

Italiyada dunyoga mashxur bir quti MARLBORO , CAMEL , LUCKY STRIKE 20 dona sigaret narxlari 5.2 eurodan 6.5 eurogacha

MS va REGINA sigaretlari eng arzon sigaretlardan bo'lib narxlari 4.5 euro atrofida bo'ladi .

DUN HILL , PALL MALL va GOLD LEAF sigaretlari esa 7 eurodan yuqori narxlarda sotiladi .

Elektron sigaret kartuslari 3 eurodan 10 eurogacha bo'lgan narxlarda sotiladi .


🇮🇹 @italian_lan 🇮🇹

O'zbekistonda yashab turgan o'quvchilar uchun italyan tilidan online kurs

Haftasiga 2 marta
Seshanba va Juma kunlari

Oylik to'lov :

379 ming so'mdan

Murojaat uchun menga @Samarcanda_99 bog'lanishingiz mumkin

11-fevral Seshanba kuni dars boshlanadi

#Contratto_a_tempo_determinato_va_indeterminato_haqida_malumot

Contratto a tempo determinato va contratto a tempo indeterminato – bu Italiyadagi mehnat shartnomalarining ikkita asosiy turi.

Determinato - muayyan muddatga 1-2 yilgacha tuziladi.

Indeterminato - muddati noma'lum

Determinato shartnomani yangilash mumkin, Indeterminato shartnoma tugash muddati yo'q

Determinatoda oylik va maoshlar biroz pastroq bo'ladi
Indeterminato oylik kattaroq ko'proq kafolatlangan bonuslar va imtiyozlarga ega bo'ladi.

Determinatoda shartnoma tugasa ishchi ishsiz qolishi mumkin
Indeterminatoda ish beruvchi ogohlantirish berishi va kompensatsiya to'lashi kerak bo'ladi

Agar siz barqaror ish va kafolatlangan kelajak istasangiz, tempo indeterminato foydaliroq. Bu sizga uzoq muddatli ish bilan ta’minlanish, kredit olish yoki boshqa moliyaviy rejalarni amalga oshirish imkonini beradi.

Tempo determinato haqida qo‘shimcha ma’lumotlar

Maksimal davomiylik:
Italiyada contratto a tempo determinato maksimal 24 oy (2 yil) davom etishi mumkin. Agar bu muddatdan oshsa, shartnoma avtomatik ravishda tempo indeterminato ga aylanadi.

Yangilanish imkoniyati:
Ba’zan ish beruvchilar shartnomani bir necha marta uzaytirishi mumkin. Biroq, bir ishchi bilan maksimal 4 marta yangilash mumkin.

Contribuzioni INPS (pensiya badallari):
Har ikkala shartnoma turi bo‘yicha INPS (Italiya davlat pensiya instituti) ga to‘lovlar amalga oshiriladi, lekin vaqtinchalik shartnomalarda qo‘shimcha 1.4% soliq to‘lanadi.

Tempo indeterminato haqida qo‘shimcha ma’lumotlar

Ishdan bo‘shatish qoidalari:
Ish beruvchi sabab ko‘rsatmasdan ishchini ishdan bo‘shata olmaydi. Bo‘shatish faqat quyidagi hollarda mumkin:

Xodimning intizomiy xatosi (masalan, ishga kelmaslik, firibgarlik)

Kompaniya moliyaviy muammoga duch kelsa va shtat qisqartirilsa

Ishchining ishlash qobiliyati pasaysa (masalan, jiddiy sog‘liq muammolari sabab)

Tashabbus bilan ishdan bo‘shash:
Agar xodim o‘z xohishiga ko‘ra ishdan bo‘shasa, u ogohlantirish muddati bilan chiqishi kerak (odatda 15-30 kun).

Sinov muddati davri (Periodo di prova)

Har ikkala shartnoma turi uchun sinov muddati (periodo di prova) bo‘lishi mumkin. Odatda:

Oddiy ishchilar uchun: 1-3 oy

Rahbarlar yoki maxsus malaka talab qiladigan ishlar uchun: 6 oy
Shartnoma buzilganda kompensatsiya
Tempo determinato shartnomasi muddati tugashidan oldin bekor qilinsa, ishchi kompensatsiya olish huquqiga ega bo‘lishi mumkin.
Tempo indeterminato shartnomasi bekor qilinganda, agar bo‘shatish noqonuniy deb topilsa, ishchi qayta ishga tiklanish yoki tovon puli olish huquqiga ega.
5. Qaysi biri yaxshi?
Agar siz Italiyada uzoq muddat qolish, uy yoki mashina kreditiga ariza berish, barqaror ish izlayotgan bo‘lsangiz – tempo indeterminato eng yaxshi variant.
Agar siz tajriba orttirish, turli kompaniyalarda ishlash yoki vaqtinchalik daromad topish niyatida bo‘lsangiz – tempo determinato ham yaxshi tanlov bo‘lishi mumkin.
Agar xodim shartnomasi tugaganidan keyin yangi ish topa olmasa, u NASpI (Nuova Assicurazione Sociale per l'Impiego) ya’ni ishsizlik nafaqasi olish huquqiga ega bo‘lishi mumkin.
Shartlari: Oxirgi 4 yilda kamida 13 hafta ishlagan bo‘lishi
So‘nggi 12 oy ichida kamida 30 kun ishlagan bo‘lishi
Ishdan o‘z xohishi bilan bo‘shaganlarga NASpI to‘lanmaydi (istisnolar bor)


Miqdori:

Oxirgi 4 oy ichida olingan maoshning 75% gacha miqdorda bo‘lishi mumkin

To‘lov 24 oy (2 yil) davomida berilishi mumkin

Ish vaqti va ta’tillar

To‘liq stavka (full-time): Haftasiga 40 soat

Yarim stavka (part-time): Ish soatlari shartnomaga qarab belgilanadi

Ortiqcha ish (straordinario): 100% gacha qo‘shimcha to‘lanishi mumkin


Yillik ta’til huquqlari:

Ishchilarga har yili kamida 4 hafta (28 kun) yillik pullik ta’til (ferie) berilishi shart

Ta’tildan foydalanilmagan taqdirda, ish beruvchi ta’til pulini kompensatsiya sifatida to‘lashi lozim

Agar talaba 1 yil davomida haftasiga 20 soatdan ishlagan bo'lsa va oyligi tahminan 800 euro bo'lsa ishdan ketgandan so'ng kompensatsiya olish huquqiga ega bo'ladi, bu tahminan 3600-4200 euro atrofida bo'ladi

🇮🇹 @italian_lan 🇮🇹

Italyan tili pinned «Online italyan tili darslari - Boshlang'ich va o'rta daraja Italyan tilini online o'rganishni xohlaysizmi? Men sizga yordam bera olaman! 🟢 O'quvchilar uchun individual darslar 🟢 Tillarni tez va samarali o'rganish uchun soddalashtirilgan metodikalar 🟢 Tezkor…»

#Ibora


<< Daje >>


"Daje" — bu butun Italiyada mashhur bo‘lib ketgan Rim shevasiga oid ibora. Uning ma'nosi kontekstga bog‘liq holda turlicha bo‘lishi mumkin, lekin asosan bu norasmiy ibora bo‘lib, energiya, hissiyot yoki urg‘uni ifodalaydi.

Tafsilotlari :

🟢 1. Ruhlantirish va motivatsiya

Qani, bo'la qol!

🇮🇹 Daje, che ce la fai! - 🇺🇿 Qani, bo'la qol, buni uddalay olasan


🟢 2. Hayajon yoki ishtiyoq

Ha-aa! Ajoyib!

🇮🇹 Abbiamo vinto! Daje! - 🇺🇿Biz yutdik! Ha-aa!🥳


🟢 3. Sarosima va sabrsizlik

Bo'la qol(sangchi), shoshil

🇮🇹 Daje, muoviti! - 🇺🇿 Bo'la qol, harakatlansangchi!


🟢 4. Rozilik va Tayyorlik

(qani) ketdik!

🇮🇹 " Andiamo al concerto"? -Daje - 🇺🇿 "konsertga boramizmi?" - " ketdik"


" Daje " so'zining tarixiy kelib chiqishi

"Daje" so‘zi Rim shevasi (Rimning mahalliy dialekti)dan kelib chiqqan. U "da" (italyan tilida "ber" yoki "davom et" degan ma'noni bildiruvchi fe’l) va "je" (adabiy italyan tilidagi "gli" olmoshidan kelib chiqqan bo‘lib, "unga/ularga" degan ma’noni anglatadi) so‘zlarining birikmasidan hosil bo‘lgan. Birgalikda u "Ularga bering!" yoki "Harakat qil!" degan tarjimani bildiradi.

Tarixan, bu ibora Rim madaniyati va nutqining jonli, ifodali tabiatini aks ettirgan bo‘lib, kundalik suhbatlarda, sport shiorlarida yoki ko‘cha muloqotlarida tez-tez ishlatilgan.

Vaqt o‘tishi bilan "daje" Rim shevasining madaniy ramziga aylangan, Rim filmlari, musiqasi va ayniqsa O'zbekistonlik futbolchi Eldor Shomurodov to'p suradigan AS Roma futbol jamoasi muxlislarining shiorlarida tez-tez uchraydi.



🇮🇹 @italian_lan 🇮🇹

Online italyan tili darslari - Boshlang'ich va o'rta daraja

Italyan tilini online o'rganishni xohlaysizmi? Men sizga yordam bera olaman!

🟢 O'quvchilar uchun individual darslar
🟢 Tillarni tez va samarali o'rganish uchun soddalashtirilgan metodikalar
🟢 Tezkor natijalar
🟢 Qulay vaqt
🟢 Quiz savollar
🟢 Suhbatlashish bo'yicha individual va guruh darslari
🟢 Real hayotda ishlatiladigan so'zlar va iboralar
🟢O'qib tushunish ko'nikmasini rivojlantirish
🟢 Tinglab tushunish
🟢 Zoom va Telegram online darslar

Darslar :

📅 Haftasiga 2 marta

Oylik to'lov :

👨 uchun To'lov 69€ (guruh)
👩 uchun To'lov 49€ ( guruh)

Individual darslar uchun 1 oylik to'lov 139€

Batafsil ma'lumot olish va kursga yozilish uchun @Samarcanda_99 ga murojaat qiling.

Ro'yxatdan o'tish 31-yanvar kuni yakunlanadi.

#Italyan_shevalari

Italiyada "bambini" (bolalar) so‘zi hududiy shevalarga ko‘ra turli xil shakllarda talaffuz qilinadi yoki yoziladi. Quyida Italiyadagi 20 ta viloyat bo‘yicha bu so‘zning variantlari keltirilgan:

1. Lombardiya: Bambì yoki Bagaj


2. Veneto: Fiòi yoki Putèi


3. Piyemont: Bambin yoki Gagiòt


4. Emiliya-Romanya: Bambén yoki Pütléin


5. Toskana: Bimbi


6. Latsio: Bambini (standart shakl, lekin talaffuz kuchliroq urg‘uli)


7. Kampaniya: Creatur yoki Criaturi


8. Apuliya: Criature yoki Figghi


9. Basilikata: Criature yoki Guagliune


10. Kalabriya: Carusi yoki Criaturi


11. Sitsiliya: Picciriddi


12. Sardiniya: Pitzinnos yoki Pizzinnu


13. Abrutso: Bambinie yoki Criature


14. Molize: Criature yoki Figlie


15. Umbria: Bambocci


16. Marke: Creatùre yoki Bambocci


17. Liguriya: Bambin yoki Figgeu


18. Friuli-Venetsiya : Fruts yoki Frutins


19. Trentino-Alto Adije: Pützer (Germaniyaga yaqin hududlarda) yoki Bambini


20. Valle d'Aosta: Enfants (fransuz ta’siri) yoki Bamben



E’tiborli jihatlar:

Janubiy Italiyada (masalan, Kampaniya, Kalabriya, va Sitsiliya) so‘z ko‘pincha criaturi yoki picciriddi kabi shakllarga ega bo‘ladi.

Shimoliy hududlarda (masalan, Veneto va Friuli) mahalliy lahjalarda fiòi yoki fruts kabi shakllar qo‘llaniladi.

Toskana va Latsioda standart italyancha talaffuz yaqinroq saqlanadi.


⚠️ Savol ❓

Quyidagi gap qaysi shevada yozilgan deb o'ylaysiz?

"U nostru paisi è assai beddu."
( Bizning mamlakat - juda chiroyli)


🇮🇹 @italian_lan 🇮🇹

#ITALIYADA_SOLIQ_TIZIMI


Italiyaning soliq tizimi (sistema fiscale italiano) murakkab va turli darajalarni o‘z ichiga oladi. Quyida Italiya soliq tizimining asosiy xususiyatlarI bilan tanishib chiqishingiz mumkin .

1 . Soliq turlari 🟢
Italiyada soliq 3 asosiy darajada olinadi: milliy, mintaqaviy va mahalliy.

Milliy soliqlar:

IRPEF (Imposta sul Reddito delle Persone Fisiche):
Jismoniy shaxslarning daromad solig‘i. Progressiv tizim bo‘lib, daromad qanchalik yuqori bo‘lsa, soliq stavkasi shunchalik yuqori bo‘ladi.

0 – 15,000 €: 23%
15,001 – 28,000 €: 25%
28,001 – 50,000 €: 35%
50,001 € va undan yuqori: 43%

IRES (Imposta sul Reddito delle Società):
Korporatsiya daromad solig‘i (yuridik shaxslar uchun). Standart stavka 24%.


Mintaqaviy soliqlar:

IRAP (Imposta Regionale sulle Attività Produttive):
Biznes faoliyati uchun mintaqaviy soliq. Stavkasi odatda 3,9% atrofida, lekin hududga qarab o‘zgarishi mumkin.


Mahalliy soliqlar:

IMU (Imposta Municipale Unica):
Ko‘chmas mulk solig‘i. Bu soliqlar ko‘pincha ikkinchi darajali mulk yoki tijorat obyektlariga nisbatan qo‘llaniladi.

TARI (Tassa sui Rifiuti):
Mahalliy chiqindilarni yig‘ish va yo‘q qilish uchun to‘lov. yillik 150-500 eurogacha

TASI (Tassa sui Servizi Indivisibili):
Mahalliy xizmatlar uchun soliq (masalan, ko‘chalarning yoritilishi). Uy kadastr qiymatining 0.76% dan 1.14% gacha bo'lgan qiymati , tahminan o'rtacha yiliga 168 euro

2. Soliq to‘lash tartibi 🟢

Italiyada soliq to‘lash ishlari odatda quyidagicha amalga oshiriladi:

Ish beruvchi orqali: Yollangan ishchilar uchun ish beruvchi soliqni darhol ushlab qoladi va to‘laydi.

Mustaqil tadbirkorlar va yuridik shaxslar: O‘zlari hisob-kitob qilib, soliqlarni deklaratsiya orqali to‘laydi.

Deklaratsiya topshirish muddati: Odatda har yili 30-iyunga qadar.

3. Soliq imtiyozlari va chegirmalar 🟢
Italiya hukumati turli chegirmalar (detrazioni) va imtiyozlarni taklif qiladi, jumladan:

Oila va farzandlar uchun: Farzandlar soniga qarab daromad solig‘idan chegirma. tahminan 950-1220 euro yiliga

Uy-joyni ta'mirlash: Uy-joy ta'miri va energiyani tejaydigan texnologiyalarni o‘rnatish uchun soliq imtiyozlari.Xarajatlarning 50% soliqdan chegirmalab beriladi. Maksimal xarajat limiti 96.000 euro

Talabalar: O‘qish uchun to‘lov va boshqa xarajatlar bo‘yicha chegirmalar.

4. Soliq idoralari va tizimlari🟢
Italiyada soliqlarni nazorat qilish va yig‘ish uchun asosiy organlar :

Agenzia delle Entrate: Soliq agentligi.
INPS(Istituto Nazionale della Previdenza Sociale) : Ijtimoiy sug‘urta uchun mas’ul organ.

5. Jazo va kechiktirish🟢
Agar soliq o‘z vaqtida to‘lanmasa, kechiktirilgan har bir kun uchun foizlar hisoblanadi. Soliqni vaqtida to‘lash juda muhim.Yillik 4,5% lik foiz 365 kun bo‘lishi sababli kunlik foiz 0,0123% bo‘ladi.

Soliqni kechiktirib to‘lash uchun jazolar ham mavjud, va ular quyidagi shaklda bo‘lishi mumkin:

Past kechikish (1-14 kun): Soliqning 0,1% dan 1,5% gacha jazolar qo‘llanilishi mumkin.

O‘rtacha kechikish (15-30 kun): Jazolar 1,5% dan 3% gacha bo‘lishi mumkin.

Katta kechikish (30 kundan ortiq): Jazolar 3% dan 5% gacha bo‘ladi.

🇮🇹 @italian_lan 🇮🇹

La musica é finita
Sanremo 1967

Xodjiyeva Gulchehra Norovna Ispan va italyan tillari kafedrasi
https://youtube.com/live/iD7GhsCHu0U?si=yVFE9lKDhR-ZISqL

#Diqqat

Samarqand davlat chet tillar instituti Roman-german tillari fakulteti “Ispan va italyan filologiyasi, italyan tili va madaniyati markazi”da 2024-yil 5-dekabr kuni CILS imtihonlari (imtihonni muvaffaqiyatli topshirgandan so‘ng xalqaro sertifikat beriladi) bo‘lib o‘tishini ma’lum qilamiz.

Darajalar: A1, A2, B1, B2 (standart), B1 cittadinanza.
Ro‘yxatdan o‘tish: 2024-yil 26-oktabrgacha
Murojaat uchun telefon raqamlari: +998979123445, +998915589287

Italyancha-o'zbekcha 20.000 so'z A-Z lug'at kitobini sotib olmoqchi bo'lganlar bor bo'lsa menga @Shokhrukhdinho99 profiliga yozishingiz mumkin.

Kitob narxi 75 ming so'm.

Samarqand, Toshkent, Shahrisabz, Buxoro va Xorazm viloyatida istiqomat qiluvchilar uchun ma'lum bir hududlargacha yetkazib berish pullik xizmati mavjud

#Italiyada_Islom_Dini
#Masjid

Italiyada umumiy 1.6 million musulmonlar bor.

Umumiy hisobda 8 ta rasmiy Masjid, 4906 ta namozxona va 341 ta Islom assotsiatsiyasi mavjud.

Italiyadagi eng katta masjid Rimda joylashgan bo'lib naqd 12.000 inson bir vaqtning o'zida namoz o'qishi mumkin.

Italiyada bir masjid qurish uchun tahminan 40-50 million euro kerak bo'ladi.

Italiyada dastlabki masjid 1984 yildan qurila boshlangan, dastlab 1974-yil Rim shahrida musulmonlarga yer ajratilgan va masjid 1994-yil qurib bitkazilgan. Masjid qurilishini moliyalashtirishda Saudiya Arabistoni qiroli Saud Faysal va Bangladesh Prezidenti Muhammad Ershod yordam berishgan. Masjid qurilishi loyihasi va g'oyasi Afg'onistondan surgun qilingan shahzoda Muhammad Hasan va uning rafiqasi Roziya tomonidan o'ylab topilgan.

Italiya qamoqxonalarida umumiy 64.760 maxbus bor va ularning 13.500 nafari ya'ni 20.8% Islom mamlakatlaridan(asosan Marokash va Tunis) kelgan muhojirlardir. Ular terakt va diniy ekstremizmda ayblangan.

2008 yilgacha Musulmonlar istalgan joyda namoz o'qishlari mumkin bo'lgan qaror yakun topgan va ular faqat belgilangan hududlarda ya'ni katta masjid va namozxonalarda ibodat qilish huquqiga ega bo'lgan.

Italiyada yashovchi musulmonlarning katta qismi quyidagi davlatlardan :

🇲🇦 Marokash 417 ming
🇦🇱 Albaniya 157 ming
🇧🇩 Bangladesh 135 ming
🇵🇰 Pokiston 129 ming
🇸🇳 Senegal 109 ming
🇪🇬 Misr 102 ming
🇹🇳 Tunis 101 ming


🇮🇹 @italian_lan 🇮🇹

Gazeta va jurnallarni mutolaa qiluvchilar uchun

#Passaporto_Italiano

Italiya pasportiga ega bo'lgan fuqarolar dunyoning 194 mamlakatiga Visasiz kirishlari mumkin hisoblanadi va shu bois Italiya passporti dunyodagi TOP 5 ro'yxatiga kiritilgan.

Ammo italyanlar quyidagi davlatlarga kirish uchun Visa talab etiladi :

1. Afg'oniston 🇦🇫
2. Jazoir 🇩🇿
3. Markaziy Afrika Respublikasi🇨🇫
4. Chad🇹🇩
5. Kongo 🇨🇬
6. Kuba 🇨🇺
7. Eritrea🇪🇷
8. Gana 🇬🇭
9. Liberiya🇱🇷
10.Mali 🇲🇱
11. Nauru🇳🇷
12. Niger 🇳🇪
13. Shimoliy Koreya 🇰🇵
14. Somali🇸🇴
15. Sudan🇸🇩
16. Suriya 🇸🇾
17. Turkmaniston 🇹🇲
18. Yaman🇾🇪

Italyanlarga qaysi davlatlarlar uchun Visa so'ralishi siz uchun kutilmagan hol bo'ldi? Izohda yozib qoldiring. Men uchun Jazoir va Somali.

🇮🇹 @italian_lan 🇮🇹

#Qonuniy_va_Noqonuniy_italiyaga_kelish

O'zbekistonda ko'pchilik Amerika Qo'shma shtatlariga borishni orzu qilishadi va bu orzu yo'lida insonlar qonuniy va noqonuniy yo'llar orqali sehrli o'lkaga talpinishadi. Bilamizki, Yevropa qit'asi sanoatlashgan qit'a hisoblanib dunyoning har bir burchagidan minglab insonlar qonuniy va noqonuniy yo'llar orqali Italiya hududiga kirib kelishmoqda.
Agar siz Yevropaga borishga harakat qilmoqchi bo'lsangiz, bilishingiz kerak bo'lgan bir nechta foydali ma'lumotlar bor.

Italiyaga borishning yuridik va xavfsiz variantlari nisbatan cheklangan ya'ni siz Italiyaga Italiyada qonuniy yashab turgan qarindoshingizni ko'rish uchun qonuniy kirib kelishingiz mumkin. Siyosiy qochqin bo'la turib ham hamma hujjatlaringiz a'lo darajada bo'lsa yaqin qarindoshingizni chaqirib olishingiz mumkin. Shuningdek, sizda Permesso per Motivi di Lavoro(ishlash va yashash uchun ruxsatnoma) ,Permesso per motivi di Studio (o'qish va yashash uchun ruxsatnoma), Permesso per Motivi di familiari ( oilaviy qarindoshchilik uchun yashash ruxsatnoma), Permesso di Lungo Periodo( Uzoq muddatlik yashash uchun ruxsatnoma) bo'lsa quyidagi qarindoshlaringizni olib kelish mumkin :

-18 yoshdan oshgan er yoki xotin

- 18 yoshdan kichik ota-onasining qaramog'ida bo'lgan farzand

-18 yoshdan oshgan sog'liqida muammo mavjud bo'lgan va nogiron farzand

- 65 yoshdan kichik O'zbekistonda qaramog'ida hech qanday farzand bo'lmagan ota-ona

-65 yoshdan oshgan sog'liqida muammosi borligi uchun farzandlari tomonidan boqishga qurbi yetmaydigan ota-ona

- agar siz 18 yoshdan kichik bo'lsangiz ota-onangizni olib kelish uchun so'rovnoma jo'natishingiz mumkin

Kimni olib kelib bo'lmaydi?

- 18 yoshdan oshgan sog'liqida muammo bo'lsada ammo majruh bo'lmagan farzand

- aka-uka, opa-singil nechchi yosh bo'lishidan qat'iy nazar olib kelib bo'lmaydi


Ta'lim orqali ham Italiya kelsa bo'ladi. Italyan tilini bilish darajasini aniqlovchi( CILS, Celi, AIL, PLIDA, IT2, CEDILS), Ingliz tilidagi darajangizni aniqlovchi xalqaro sertifikatlar ( IELTS, TOEFL, DUOLINGO) va xalqaro talabalar almashinuvi dasturlari imtihonlaridan o'tgan holda ham Italiyaga kelsa bo'ladi.


Noqonuniy migratsiya Italiyada yildan-yilga o'sib bormoqda. Ayni damda Italiyaning 8.7% aholisi ya'ni 5.2 million muhojirlardan tashkil topgan va har yili Italiyaga 300 ming atrofida noqonuniy muhojirlar asosan O'rta Yer dengizi orqali kirib keladi. O'rta Yer dengizi Yevropaga noqonuniy immigratsiya uchun eng faol nuqta hisoblanib uning 3 ta asosiy nuqtalari bor.

1) Turkiya-Gretsiya-Italiya suv havzalari
2) Liviya-Italiya, Tunis-Italiya(asosiy)
3) Marokash-Italiya

Yiliga o'rta Yer dengizi orqali Italiyaga kirib keladigan muhojirlarning naqd 11%i tahminan 30 ming odam dengizda halokatga uchraydi. Rumin-Alban-Arab mafiyasi bu biznesga boshchilik qilishadi. Har bir kichik kemaga 50-55 nafar insonlarni joylashtirishadi. Hattoki qarzga ham insonlarni olib o'tishadi ammo kontrabanda orqali qarz bilan kelganlar soatiga 2.5 Euro evaziga erkaklar og'ir ishlarni bajarishadi, ayollar esa asosan foxishalik(80%) qilib pul topishga majburlanadi. Qarz odatda 2 yilda uziladi. Noqonuniy olib o'tish narxlari 7000-13.000 Euro. Immigrantlarni 6000-8000 nafarga yetqizgandan so'ng odatda guruh-guruh qilib Liviya va Tunisda to'plab olib o'tishadi.

Janubiy Italiya noqonuniy immigratsiyaning o'chog'i hisoblanadi, zero Janubiy Italiya hanuzgacha Mafiya ta'siri doirasida va og'ir sanoat asosan shu hududga to'g'ri kelganligi uchun barcha muhojirlar dastlab Sitsiliya orolida ishlashadi va 2 yildan keyin Shimol tarafga ko'chib ketishadi. Janubiy Italiyada naqd 27% muhojirlar bor va ular asosan erkinligi cheklangan va yangilardir, 73% muhojirlar esa Markaziy va Shimoliy Italiyada yashab kelishmoqda


🇮🇹 @italian_lan 🇮🇹

#Italiya_Qurolli_Kuchlari

Nomlanishi : Forze Armate Italiane

Tashkil topgan yil : 1861-yil, 4-may

Italiya Qurolli Kuchlari quyidagi bo'limlarni o'z ichiga oladi :

1️⃣ Esercito Italiano (Italiya armiyasi)

2️⃣ Marina Militare (Italiya dengiz floti)

3️⃣ Aeronautica Militare ( Italiya havo kuchlari)

4️⃣ Carabinieri ( fuqarolik politsiyasi)

5️⃣ Guardia di Finanza ( Moliya politsiyasi)

Yuqorida nomlari keltirilgan barcha 5 ta bo'linmada umumiy 340.885 erkak va ayol harbiylar xizmat qiladi, va ularning naqd 167.057 nafari Italiya Armiyasi, Dengiz floti va havo kuchlarida xizmat qiladi.

165.500 askar shay holatda
18.300 zahiradagi askarlar

Italiya Respublikasi Prezidenti Qurolli Kuchlarni Italiya Konstitutsiyasining 87-moddasida binoan Mudofaa Kengashi Prezidenti hisoblanadi. 78-moddaga binoan esa, parlament urush holatini va hukumatda urushni boshqarish vakolatlarini e'lon qilish vakolatiga ega.

Italiya mudofasi yillik byudjeti :32 milliard $(dunyoda 11-o'rin), Yalpi Ichki Mahsulotning naqd 1.5%.

Yillik qurol importi :326 million$
Yillik qurol eksporti :886 million$

Asosiy qurol savdosidagi hamkorlar :

🇺🇸AQSh,
🇮🇱Isroil,
🇩🇪 Germaniya,
🇨🇵 Fransiya,
🇨🇦 Kanada

Italiya Qurolli Kuchlari dunyoning ko'plab burchaklarida o'z harbiy istehkomlariga ega va Birlashgan Millatlar Tashkiloti, NATO, YI qoshidagi bir qancha harbiy operatsiyalarda keng qatnashgan. Qo'shni Afg'onistonda ham NATO tarkibidagi davlat sifatida tinchlikparvar kuchlarini kiritib keyinchalik olib chiqib ketgan.

#Rim_Fiumichino_Aeroporti

To'liq nomi : Aeroporto Leonardo da Vinci di Roma - Fiumicino (FCO)

Hudud : Rim, Italiya

Kattaligi jihatidan, Fiumicino
Italiyada 1-o'rindagi aeroport hisoblanadi.

Gavjumligi jihatidan Yevropaning 9-o'rindagi aeroporti

Dunyoning xizmat ko'rsatish doirasi bo'yicha 46 o'rindagi aeroport(yiliga 41 million sayyoh)

Maydoni : 16.2 kvadrat kilometr

Ochilgan sanasi : 1961 yil 15-may

ITA Airways va POSTE AIR Cargo uchun hub hisoblanadi.

Asosiy tashuvchi kompaniyalar :

Aeroitalia
Neos
RyanAir
Vueling
WizzAir

Aeroportning nomi ko'p bilimlar egasi, rassom va daho Leonardo Da Vinci sharafiga nomlab " Leonardo da Vinci" qo'yilgan bo'lib, aeroportning turli burchaklarida uning san'at asarlari ilib chiqilgan.

2022 - yil Leonardo da Vinci aeroporti " Yilning eng yaxshi aeroporti" nomiga sazovor bo'lgan.

Fiumicino aeroporti Rim shahridan 30 km uzoqlikda, Ostia dengiziga tutash joyda qurilgan va qurilish ishlari boshlanganda bir qancha halokatga uchragan kemalarning qoldiqlari topilgan.

Aeroport dastlab ochilganda shahardagi ikkinchi kichik aeroport Ciampino arzon narxdagi uchoqlar va charter reyslar uchun xizmat qilgan.

Garchi 1961 yil aeroport tashkil topgan yil deb hisoblansada, aeroport aslida 1960 yillari Yozgi Olimpiya o'yinlari davomida Ciampino aeroportidagi tirbandliklarni oldini olish maqsadida foydalanishga topshirilgan.


2021 yil holatiga ko'ra Fiumicino aeroportida 2 ta terminal faoliyat yuritib kelmoqda. Terminal 1 va Terminal 3

Terminal 1 bu asosan ITA Airways nomidan uchuvchi mahalliy yo'nalishlarga ixtisoslashgan bo'lib quyidagi GATE( darvoza) bor (A1-83) , Terminal 3 xalqaro reyslar uchun xizmat ko'rsatib undagi Gate(darvoza)lar (E1-E52) hisoblanadi.

Ayrim statistikalar :

Italiya hududlari orasida Fiumicino aeroportidan eng ko'p qatnalgan hudud bu 🇮🇹Kataniya(1.5 million), 🇮🇹Palermo(1.3 million),🇮🇹Milan(800 ming)

Yevropa hududlari orasida Fiumicino aeroportidan eng ko'p qatnalgan hudud 🇪🇦Madrid(1.7 million),🇪🇦Barselona(1.4 million), 🇨🇵Parij( 1 million)

Fiumicino aeroportidan eng ko'p qatnalgan xalqaro hududlar 🇺🇸AQSH(981 ming),🇮🇱 Tel Aviv(579 ming), 🇦🇪Abu Dhabi(520 ming)

Rim shahrini aeroport bilan bog'laydigan tez yurar Leonardo Express poyezdi(30 daqiqa markazgacha, 16 euro, har 15 daqiqada) bo'lib 1989 yil birinchi poyezd ishga tushirilgan va Avtobus(55 daqiqa 9 euro, A91 yo'li orqali, har 15 daqiqada) mavjud.

1960-1980 yillar Aeroport tarixidagi eng qorong'u davr hisoblanadi, zero 20 ga yaqin terroristik hujumlar, samolyotlarni egallash uchun operatsiyalar va teraktlar sodir bo'lgan.

🇮🇹 @italian_lan 🇮🇹

#italiya_statistika

👫Aholisi - - > 58.940.000

🤰Aholining yillik o'sishi : - 0.429% (kamaymoqda)

🕴Ishga yaroqli aholi foizi - - > 57.44%


🏙🏢Urbanizatsiya darajasi ya'ni shaharlarda doimiy aholining yashash ko'rsatkichi - - >71.65%

👩‍🍼Bola o'limi 2.2 kishi har - - >1000 bolaga

🧑‍🦯O'rtacha umr ko'rish - - >83 yosh

🏃‍➡️0-14 yoshdagi aholining ulushi - - > 12.43%

🚶‍➡️👨‍🦼15-64 yoshdagi aholining ulushi--> 63.52%

👨‍🦼‍➡️👨‍🦯‍➡️65+ yoshdan oshgan aholining ulushi - - > 24.05%

✈️Aeroportlar soni : 130 ta

🗺Italiya yiliga 148 million mijozga havo yo'llar xizmatini ko'rsatadi va bu butun Yevropa bo'yicha 5-o'rin, umumiy 10%.

📱Italiyada 83.342.486 dona uyali aloqa telefoni ro'yxatdan o'tgan

🛜Internet foydalanuvchilari : 52 million kishi

🚅🚉Temiryo'llar uzunligi :20.182km


🇮🇹 @italian_lan 🇮🇹

#Emilya_Romanya

Joylashuvi : Italiyaning shimoliy-sharqiy qismi ( dengiz sathidan 211 metr yuqorida joylashgan)

Maydoni : 22,509.67 km²

Aholisi : 4.458.990 kishi

Aholi zichligi : 198.09 kishi/ km²

Ma'muriy markazi : Bologna (Bolonya)

Hokim : Stefano Bonaccini (2014 yildan buyon)


Ma'muriy hududiy chegalari : shimolda Lombardiya va Veneto ; janubda Liguriya , Toskana , Marke va San Marino Respublikasi bilan chegaradosh ; sharq qismi Adriatika dengizi bilan tutashgan

Tumanlar soni : 9 ta Piacenza, Parma , Reggio Emilia , Modena , Ferrara , Ravenna , Forlì-Cesena , Rimini va Bologna

Relyefi : 25.1 % tog' , 47.8% tekislik va 27.1% qir-adirliklar

Etnik guruhlar tarkibi : 365,687 ( Viloyat aholisining 8.5%i )

Ruminlar 🇷🇴 93,428
Marokashliklar 🇲🇦 60,680
Albanlar 🇦🇱 57,148
Ukrainlar 🇺🇦 31,895
Xitoyliklar 🇨🇳 28,931
Moldovanlar 🇲🇩 26,363
Pokistonliklar 🇵🇰 22,752
Tunisliklar 🇹🇳 18,319
Hindlar 🇮🇳 17,583
Nigeriyaliklar 🇳🇬 15,632

1876-yildan hozirgi kungacha Emilya Romanyadan umumiy miqdorda 1.3 million aholi Argentina , Shvetsariya, Fransiya, Buyuk Britaniyaga ko'chib ketgan

Emilya Romanya italiyada Lombardiya , Trentino Aldo Adige va Valle d'Aostadan keyin 4-eng boy viloyat hisoblanadi. Ishsizlik darajasi bor yo'g'i 5,1% ( ammo yildan yilga o'sib bormoqda)

Viloyatda joylashgan mashxur zavod va fabrikalar : Dallara , Ducati , Ferrari , Italjet , Moto Morini , Malaguti , Maserati , Pagani Automobili , De Tomaso , Lamborghini

Turizm salohiyati : Umumiy 42 million ichki turizm va 7 million tashqi turizm

Ta'lim dargohlari : 6 ta Universitet (Alma Mater Studiorum-Universita di Bologna dunyodagi eng birinchi universitet bo'lib talabalarning soni 81 mingdan ortiq , va 6 ta Akademiya mavjud .

Viloyat yillik iqtisodi : 163 milliard euro

Viloyat iqtisodiyoti mamlakatning boshqa hududlariga qaraganda eksport bozorlariga ko'proq yo'naltirilgan: asosiy eksport mashinasozlik (53%), foydali qazilmalarni qazib olish (13%) va tikuvchilik sanoati (10%).

Viloyatning umumiy 9 ta futbol jamoasi mavjud va ulardan eng mashxurlari Bologna , Sassuolo , Parma va Cesena

🇮🇹 @italian_lan 🇮🇹

#Kalabriya_Viloyati

❇️Aholisi 1.877.527 kishi( 10-o'rin Italiyada) , Italiya janubida joylashgan viloyat. Markazi Katanzaro.

❇️5 ta tumandan tashkil topgan

❇️Eng katta bog'i Pollino milliy bog'i 192.565 gektar bo'lib bu Italiyadagi eng katta bog' va dunyoda kattaligi bo'yicha 10-o'rinda turadigan bog' hisoblanadi

❇️Kalabriyaning asosiy daromadi - Dehqonchilik (2-o'rin Italiyada)

❇️Zaytun yog'i Kalabriyaning dehqonchilikka asoslangan yerlarining 29.6% tashkil etadi

❇️Kalabriya Italiyaning 1/4 sitrus mevasini yetishtiradi

❇️Kalabriyada turizm 12 oy davomida mavjud. Qor deyarli bo'lmaydi.

❇️Ishsizlik darajasi oxirgi 10 yilda 12.8% dan 20.1% yetdi.

❇️Asosiy portlari - Reggio Calabria va Gioia Tauro

❇️3 ta aeroport bor va birinchi aeroport 1939-yil qurilgan

❇️Eng katta va tarixiy shahri - Reggio Calabria (734.000 kishi)

❇️Kalabriyada shevalar ko'p va ular Napolitan tillar oilasiga kiradi

❇️3 ta Universitet bor : Kalabriya Universiteti (Kosenza)
Magna Graecia nomli Universitet (Katanzaro)
Reggio Kalabriya nomli O'rta Yer dengizi Universiteti

❇️Kalabriyada 1 ta uyushgan jinoiy guruh( Mafiya) mavjud bo'lib uning nomi - 'Ndrangheta


🇮🇹 @italian_lan 🇮🇹

🇮🇹 https://www.initalia.uz

#VISA
#Notizia

Si avvisa che, a partire da lunedì 3 giugno, sarà possibile presentare richiesta di visto per gli studenti che desiderano immatricolarsi ad un corso di studio presso le Università italiane.

I richiedenti visto potranno fissare un appuntamento chiamando ogni giovedì dalle ore 10 alle ore 12 al seguente numero di telefono: +998781206601. Non si accetteranno prenotazioni al di fuori della fascia oraria sopraindicata.
Si comunica infine che, a partire da quest’anno, sarà possibile richiedere il visto solamente dopo aver presentato la documentazione necessaria (clicca qui) al fine di ottenere la dichiarazione di valore presso questa Ambasciata o attraverso il portale CIMEA.


E'londa aytilishicha, Talabalar Visasiga topshirish 3 Iyun 2024 yil, o'tgan dushanbadan boshlab, endilikda faqatgina belgilangan soatlarda, 10 da 12 gacha qo'ng'iroq qilib, ro'yxatdan o'tish mumkin bo'lar ekan.

Italiya talaba Visasi uchun Online websitedan joy olish umuman ochilmasligi mumkin, va belgilangan vaqtdan tashqarida ro'yhatdan o'tish hisobga olinmaydi.