إشراقة 💛

أي بنت لسا عندها تساؤلات عن دفعة العلياء بأكاديمية هندسة الأجيال وعن الدبلوم وطبيعة الدراسة وغيره وغيراته..

غدًا إن شاء الله يوجد لقاء تعريفي نسائي ونيس 🌷
https://t.me/handastajyal/1809

فلا تفوّتن الفرصة!

وبكلّ الأحوال حيكون أكيد شي مهضوم ولذيذ مع جماعة الهندسة بإذن الله 🥹🧕

.

الشباب محتلّين النقاش ما شاء الله "))

ليش البنات محطوطين عالصامت؟ 😏

.

لأهمية هذا الموضوع حابة أسمع آرائكم بالتعليقات حول نفس الموضوع، هل الدورات فعلا عالفاضي؟ وهل يستوي الذين يعلمون والذين لا يعلمون؟

قالت لي: أخدت من هي الدورات يلي عم تاخديها كتير، بالآخير الحياة هي يلي بتحكم وهاد العلم كله بروح عالكبّ..

الأخت كانت عم تحكي على دورات الزواج والتربية بالتحديد، وواضح من كلامها انها متبنية فكرة تقول: العلم لا يفيد في شيء، ومهما تعلم الإنسان "فالدنيا هيي يلي بتمشّيه" أستغفر الله 🙂

صراحة الفكرة استوقفتني وحابّة ردّ على هي الدعاوى المطروحة ونحاول تستكشف معًا المشاكل يلي فيها، بسم الله..

🖊 الزواج والتربية هنن المنظومتين يلي بتظهر فيهن أخلاق النّاس وخلفياتها عن كل شيء حرفيا.
يلي بده يربي طفل من اللطيف يعرف انه كل أفكاره عن الكون والحياة والإنسان والسياسة  والاقتصاد والنّاس والدين، وكل هالشي وأكثر رح ينعكس على تربيته لهدا الطفل.
وطبعا الأولى بالكلام طباعه الشخصية وعاداته وعباداته.

التربية عملية معقّدة جدا، لا تقتصر على الكلام "وهاد خطأ شائع"، الإنسان بكلّ ما فيه بينعكس على يلي قدامه، وبالتالي = دورة ودورتين بالتربية ما بيعملوا شي إذا المربّي نفسه بده إعادة تربية.
وجدير بالذكر انه لما نقول تربية فنحن لا نقصد الأدب، بده إعادة تربية = بده إعادة برمجة.

🖊 الناس بتنفي فائدة الدورات والتدريب لإنها عاطيته أكبر بكتييير من حجمه حقيقةً.
دورات التربية بتفيد شخص سوي، سوي نفسيا وفكريا وعقليا وعم يواجه صعوبة بجزئية معيّنة. أما بواقع معقد ومشربك متل واقعنا يلي تداخلت فيه الأمور ببعضها وصار الإنسان خليط معتقدات وآراء وتوجّهات، ف هون أنا أقرّ انه لا دورة ولا دورتين بيقدروا يعملوا شي.

🖊 العلم لحاله هو نصف الهداية.
الهداية الحقيقية هي علم وعمل، وبنشوف كتييير كتير ناس بتفكّر انه مجرد "سماعها للمعلومة" معناها هي عملت يلي عليها.
أولًا: سماع المعلومة لمرة واحدة أنا شخصيا أعتبره مجرد محو أمية وألفة للمصطلحات، وهالشي جربته بالكثير من المواد والفنون.
فإذا بدنا نحكي عن حدا تعلم علم معين برأيي بكون عالأقل آخد 3 - 4 دورات بهالشغلة، ودورات مرتبة وعميقة مو من تبع الكورس ساعة وساعتين 🙃
ثانيًا: العلم بدون عمل أكيد ما حيجيب نتيجة، إذا أنا بس عم أتعلم معلومات نظرية وما حدا عم يعلمني تطبيقها بل الحكمة في تطبيقها، وأنا بالمقابل ما جاهدت مرة ومرتين ومية وميتين "بدوون مبالغة" فحتمًا  المعلومة ستبقى في نطاق "الترف الفكري".

🖊 العلم، بل أي شيء بالدنيا = لا يعمل لوحده.
جيب أي قطعة من قطع الكمبيوتر بتشتغل لحالها شي؟ حتما لاء.. وتماما هيك الإنسان.
ما فينا أي عنصر أو مركب بيشتغل لحاله، نحنا عبارة عن تربية وخلفيات ومعتقدات ومعلومات وببيئة ورفقات وشهوات و و و..
وبالتالي فأي علم بتتعلمه رح يتداخل مع كللل هدول، عم أحكي عن علوم الحياة وليس العلوم النظرية كالطب مثلا، والنتيجة يلي بدك تحصل عليها ما بتكون نتيجة مباشرة للمعلومة وإنما نتيجة لمية ألف تفاعل بالنفس. هي عبارة عن دوائر كثيرة متداخلة.

📋 نهايةً أرى انه لو كان العلم فعلًا بلا نتيجة تُرجى ما كان في داعي يبعث لنا الله عز وجل رسول ورسالة.
الواقع صعب نعم، بس قطعًا قطعًا لا يستوي الذين لا يعلمون مع الذين لا يعلمون، وقطعًا لن يستوي طالب الهداية مع يلي ماشي عالتوكل.

.

صرلي كم يوم بوجع الراس بسبب كبت الكلام والمشاعر "))
بدي أحكي، بدي أنتقد، بدي أتخانق مع العالم.. بس خلص عم حاول بكل طاقتي ألتزم الصمت 😶

واللهُ المستعان 😮‍💨

#إشراقة_تقرأ 📚

#اقتباسات من كتاب #هنيئا_لمن_عرف_ربه 🕯️

اسمُ الله "الرّحمن" 👇🏻

الله يبعت الخير 🌧️


ادعوا لأنفسكم وأهليكم وإخوانكم في الله وللشّام ولأمّة الإسلام 🩵

وأن أكونَ تلك الفتاة الهيّنة الليّنة الودودة المتواضعة العالمة الحكيمة

اللهمّ آمين!

صرلي عم طبق هالتمرين ٤ - ٥ أيام، ولاحظت انه مشاكلي مع المحيط قلت للنصف تقريبًا 😁😌😌

أحلى نصيحة سمعتها آخر فترة مطلقًا، هو ما قاله المدرّب وألزمنا به:

سكّر تمّك 😂💔💔🤐

سكر تمك عن الانتقاد، عن المجادلة، عن الدفاع عن النفس.. واتّبع سياسة = صفر مشاكل 😎🤝🏻

كتابات د. خالد أبو شادي ما بتنوصف، كتاباته بتنعاش لإنها عبارة عن عالم كامل من الجمال والرقيّ 🕯

برشح لكم كتابين جميلين جددددا عن أسماء الله الحسنى؟

.


للهِ تشتاقُ أرواحٌ متيّمةٌ
لا أبعدَ اللهُ هذا الشوقَ عن بالي