إشراقة 💛 @ishraaqaa Channel on Telegram

إشراقة 💛

13 Feb, 18:35

دونكم:
لقاء إفراغ القلب قبل رمضان😀

◀️ يأتي هذا اللقاء ضمن سلـسلـة #الاستعداد_لرمضان، في حديث عن القوة الإيمانية التي يحتاجها العبد المسلم حتى يستطيع الاستمرار على العبادة وتجويدها في رمضان وغيره، كما يوضّح أسباب عدم الاستمرار في العبادة، مع طرح عدة من التطبيقات العمليّة التي تُعين على إفراغ القلب من الملهيّات

#النفس_المطمئنة
#رمضان

554

إشراقة 💛

13 Feb, 05:56

من قدواتي بالحياة أ. أحمد دعدوش 🕯️

حدا تعلم تعلم تعلم وكسب خبرة كبيرة جدا بمجاله سواء الإعلامي أو مقارنة الأديان، ولما انتقل لمرحلة العطاء قدر يواكب اهتمامات الشباب وبنفس الوقت كان عطاؤه غزيرًا جدا!

نحسبه ولا نزكّيه، الله يقويه ويلهمه سبيل الرشاد.

1,028

إشراقة 💛

13 Feb, 04:44

تعيشُ جدّتي - حفظَها اللهُ وأحبابَكم - حياةً هانئةً هادئة بعد أن بلغ بها العمر مبلغه 🪟

إذ يحفُّها بالعنايةِ والرّعاية أبناءٌ بررة يقومون على شؤونها ويؤمّنون لها المسكن والغذاء والدواء والتطبيب، والأُنس! ☕️

أتخيّل لو أنّ جدّتي فضّلت العمل والمال على الزواج والإنجاب.. لا أظنّ أن المرتّب التقاعديّ لأكبر موظّفٍ في أيّامنا يفي بقوت اليوم! ناهيكَ عن أجار المنزل وتكلفة الدواء العالية، هذا ولم نتكلّم في الرفاهيات إطلاقًا، فنحن سوريّون "))

عاشت جدّتي حياةً عاديةً جدًا، ربّما حسدت النسويّات يومًا على خروجهنّ و "استقلالهنّ المادي" و "تحرّرهنّ" من أسرِ الزواج والأولاد كما يصوّرنه، تعبت واعتنت وربّت ورعت.. لكنّ حياتها اليوم أفضل من حياة معظمهنّ، فقد تعدّدت مواردُها وتسابقَ أبناؤُها على برّها، ولم يفكّر أحدُهم يومًا أن يلقيها في "دار العجزة" بل يجدون في رعايتهم لها قربى إلى الله تبارك وتعالى 🎁

أمانُ المرأة في عملِها ❌
أمانُ المرأة الحقيقيّ في بيتٍ مؤمن وأبناءٍ بررة 😀

بعد مصدر الأمان المطلق وهو الله تبارك وتعالى.

#إشراقة || @Ishraaqaa

1,181

إشراقة 💛

12 Feb, 19:56

قليلٌ فعّال خيرٌ من كثيرٍ مُشتّت!

1,199

إشراقة 💛

12 Feb, 19:55

نشر كلّ برنامج أعلم به هو أمر في غاية الصعوبة، وأيضا غاية التشتيت لكم، وأرى أحيانا أنّ ضرر معرفة الإنسان بكل هذه البرامج أكبر من نفعه لأنه يشتته ويسحب طاقته ويكلّفه بما هو أكبر من وسعه!

لذلك أتحرّى نشر القليل المفيد العامّ بإذن الله.

1,168

إشراقة 💛

12 Feb, 08:42

العلم بحلّ تلت أرباع المشاكل!

ف مثلًا لما يجي حدا يقلك: المرأة حرة بنفسها حتى لو طلعت عارية، المهم تعمل الشي يلي بريحها طالما إنها ما عم تؤذي حدا، انتو ضد المرأة وضدّ الحرية 😠

- إذا ما عندك علم رح تنلخم بالكلام فعلًا، وخصوصي بحجة (ما عم تؤذي حدا) يلي تصنف كأبيخ وأسخف حجة بالعالم.
بينما إذا عندك علم صدّقني هالكلام ما رح يحرّك فيك ساكن! لإنك بتعرف نظام الحياة وبتعرف كيف عناصر الحياة بتتفاعل مع بعضها وكيف بصير التأثير لفعل قد يبدو "بسيط".

ضربت هدا المثال لإنه هدا المجال يلي أنا متوسعة فيه وعم أدرسه..
بس المهمّ: العلم بحلّ كتير مشاكل، العلم بهدّي النفس وبزيدها يقينًا واطمئنانًا 🕯️

🕯️

1,150

إشراقة 💛

12 Feb, 08:33

بصير كتير بالحياة انه يُتّهم الإسلام بتُهم، وهالشي عادي ترا! لإنه البشر في شي جواتهم بدلّهم على الله عز وجل بس هنن بكابروا ف بينزلوا فينا بتهم وقال يعني شبهات وكذا:
يلي بقلك انتو ضدّ الفنّ، ويلي بقلك انتو ضدّ المرأة واضطهدتوها وحطيتوها بس لتتزوج وتخلف، وشي بتسمع نحنا ما بنفهم بالجمال، وشي نحنا ما بنفهم بالاقتصاد.. وخود بقا

بهي الحالة المسلمين بتتحرّك عواطفهم ليدافعوا عن دينهم، وبرابو كتير إنه عندك عاطفة دينية ومالك متجمّد عاطفيا.. المهمّ، بتتحرك الناس للدفاع عن دينها بس بأي طريقة؟
ما يلي: بدافع عن التهمة عن طريق نفي التهمة وجلب دليل من الشرع على نفيها.
وياما يااما هالطريقة عملت مصايب.

• الحلّ؟

مو يلي عم يتّهمك المرجع والمصدر ومحور الكون لحتّى تطوّع الدّين لإرضائه، العكس هو الصحيح: ديننا هو المرجع والمحور، وعلى حسب ديننا بنقرّر إذا هالتهمة تهمة خاطئة فعلًا ولازم نصحح فكرة المتّهم، أو التهمة مش تهمة أساسًا بل هي جزء من الدين ونحنا بنتبنّاها وبنفتخر فيها.

معناها أول شي صحح مرجعيتك مشان ما تنهار نفسيا لما حدا يقلك (الإسلام ضدّ الجمال، أو الإسلام ضد الحرية) مثلا يعني.
تاني شي: الدفاع عن الدين يكون عن علم وليس عن هوى، يعني ما بجيب أي آية أو حادثة وبأوّلها وبفسرها على كيفي، يا جماعة والله العظيم هالأمر أخطر مما تتصورون!
الدين مبني على أسس ثابتة، نحنا ما عنا سيولة وميوعة بالفهم أبدا، في أسس وقواعد وفهم ثابت وعلى أساسه يُفهم كل الشرع.. فما بصير أبدا جيب أي آية وحطّها بسياق غير سياقها، والغاية لا تبرر الوسيلة.

🕌 كل تفصيلة بالإسلام محطوطة بمكانها لتؤمن للبشر نظام حياة مثالي وفقا لطبيعتهم والغاية من وجودهم على الأرض.
إن قلتوا عنا إننا ضد الحرية ولا ضدّ التطور ولا ضدّ البشر نفسهم! هاد الحاضر، ما رح نغيّر الدين الحقّ لحتى يناسب أمزجتكم وأهواءكم 😄

1,155

إشراقة 💛

11 Feb, 19:10

.

ما بعرف إذا هالشي مفيد الإفصاح عنه بس رح أحكي:
أنا ما بحبّ العلاقات القريبة بشكل مبالغ فيه، وضدّ هالقرب الزايد.

هي الظاهرة كنت لاحظها بشكل كبير عند طالبات المدارس والجامعات، بالنسبة للشباب ما عندي فكرة بس أعتقد هالشي معروف عند البنات.

بتلاقي البنت عمرها مثلا 16 سنة وعندها رفيقة تقريبا تقريبا عايشة معها الحياة لحظة بلحظة، وزاد الأمر سوء مع مكالمات الفيديو = حرمات البيوت تدمّرت، أسرار البيوت والأهل انفضحت، الإنسان صار مكشوف لدرجة انه لو هالرفيقة غدرت برفيقتها ف بتقدر تؤذيها بشكل شديد جدا لإنها بتعرف عنها كل شي.. ما بعرف شو كمان، بس بالنسبة إلي كإشراقة هالشي مضاره تتجاوز منافعه بمراحل.

وببساطة؟ مالك بحاجة للعلاقات الملتصقة بهالشكل.. حاسس حالك ضعيف لدرجة ما فيك تقاوم انه حدا يشاركك كل فكرة وكل شعور وكل تجربة؟ عادي، قاوم لحتى تقوى وتتعوّد.

1,232

إشراقة 💛

11 Feb, 19:03

listen and we don't judge!

انتشر هدا الترند على تيك توك بالفترة الأخيرة، وفكرته ما يلي: اتنين رفقات أو زوجين بدهم يحكوا لبعض أخطاء عملوها بحقّ بعض فيما سبق أو مقالب أو أشياء سيئة أو حتى طباع بيكرهوها ببعض، ويلي بيسمع لازم ما يحكم وياخد الموضوع بروح رياضية 💆🏻‍♀

•• هدا الترند فيه كتير بلاوي سودا، بس من المفيد نحكي عن شوي منها:

• أولًا: طلب "عدم الحكم" على حدا اكتشفت انه خدعك أو أذاك أو عمل شي بيزعجك عن عمد.

للأمانة الترند ما إجى من المريخ وإنما هي الثقافة منتشرة بين كتير ناس وعندهم حساسية من الحكم على الآخرين لأي سبب كان.
هالشي كتير بعيد عن الواقع.. لإنه الإنسان بطبيعته بصنّف كل شي بالحياة: هاد بيشبهني وهاد لاء، هاد بناسبني وهاد لاء، هاد حلو وهاد بشع، هاد حقّ وهاد باطل..وهكذا
ف لما نطلب من الناس ما تحكم بتاتا - حتى لو بينها وبين نفسها - فهالشي خيالي.

بهدا الترند انت مو بس مطلوب منك ما تحكم، وإنما ما تحسّ كمان.. طلع رفيقك عنده نظرة سلبية تجاهك أو خدعك أو أذاك أو أو..عادي، خود الموضوع بروح رياضية، بإمكانك تكون "حائط" وتطفي الإحساس بالخيبة أو الخذلان أو الحزن.
= نظرة تفكيكية للإنسان الطبيعي.

• ثانيًا: الصراحة القاتلة..

بهي الحياة ما في حدا كامل، لا أنا بعجب الناس كلها ولا الناس كلها بتعجبني، لا رفقاتي شايفيني كاملة ولا أنا شايفتن كاملين، وهي الحياة الطبيعية للبشر.
يلي مو طبيعي هو إني روح لعند الناس واحد واحد وقلهم هالخصلة فيك مو عاجبتني.

الطبيعي جدا انه الناس بتغلط بحق بعضها، هالشي غلط إذا كان مقصود ويمكن تجاوزه إذا كان غير مقصود.. وكتير بتصير فينا إننا بنغلط بحق حدا بعدين بنرجع بنتوب وبنحاول نصحح ونراضي - بشكل غير مباشر - ونصلح يلي صار.
يلي مو طبيعي هو إني روح لعند كل حدا غلطت بحقه وقله: أنا كنت سيء بالموقف الفلاني وأذيتك عن سابق إصرار وترصُّد، أنا كنت سيء بالموقف الفلاني وخدعتك أو خربت علاقتك مع رفيقك أو خربطتلك شي شغلة بحياتك.

هي مو صراحة، هي وقاحة!
وقاحة وقلة أدب وإساءة مضاعفة للشخص لإنك أذيته مرّتين.

بذكرني هالشي بلعبة الصراحة - كتير بكرهها - يلي ياما وقّعت بين الناس وخربت علاقاتهم.

العلاقات بالحياة قائمة على التغاضي والتغافل والمداراة وحسن الخلق حتى مع أقرب الناس إلنا.. أنا كقناعة شخصية بحسّ انه ما في حدا بالحياة ممكن تعتبره "مرايتك" وتحكيله كل شي بحياتك وتفصح لك عن كل عوراتك النفسية ونقاط ضعفك وأسرارك وتاريخك، هو بشر ترا مش ملاك لحتى يغبّ كل سلبياتك ويبقى "يحبك لذاتك" .. هاد خيال!

نفسك هي نفسك والآخرين هم الآخرين، في علاقات أقرب من علاقات هالشي بديهي، بس ما في ولا حدا بالحياة بتقدر تفتح له قلبك ودواخلك بشكل تامّ.
- تقبّل هالحقيقة لتتعلّم تحمل مسؤولية نفسك وتكتم عوراتك ونقاط ضعفك وتحاول تحسن علاقاتك بشكل دائم.

• ثالثًا: ليش الناس تحوّلت ل "خراف" بشكل مبالغ فيه؟ ليش قبلانة تسلّم عقولها للآخرين يقولولها اعملي وساوي؟ وعم يعملوا شغلات مضرّة ومقرفة بشكل صارخ وهنن مبسوطين بحالهم.

غريب جدا ومؤسف جدا انه الإنسان ينقاد بهالطريقة المُهينة ويُسيء لأقرب الناس اله مشان شغلة اسمها "ترند" أكسبناها قدسيّة من لا شيء.

وبس.. فشة خلق ودعوة للتفكر وحبيت فكر معكم بصوت عالي 🌙

1,256

إشراقة 💛

11 Feb, 18:45

سردة؟

1,141

إشراقة 💛

11 Feb, 11:09

.

البرنامج لجميع الإناث فوق 14 سنة

وليس خاصًا بطالبات الأكاديمية

1,325

إشراقة 💛

11 Feb, 10:06

بدنا ننشر برنامج تأهيلي للشباب، يلي بتعرف هيك برنامج ومعها حساب من حساباتي الخاصّة تبعتلي لأنشره فضلًا 🕯️

1,488

إشراقة 💛

11 Feb, 10:04

للأمانة ما شاء الله الهندسة مختارة ناس فخمة لتقديم اللقاءات 🎀

1,342

إشراقة 💛

11 Feb, 10:00

.

جلَّ من سوّاه شهرًا من جمال
حانَ فيه السّعيُ للفردوسِ حان

هل تُرى أذّن في الكون بلال
أم هي الذكرى رواها رمضان؟

☁️

🕯️

1,368

إشراقة 💛

11 Feb, 09:59

🌙 تلوح أنوار رمضان في الآفاق، فهل قلبُكِ مستعدٌ لِحُسن الاستقبال وإعادة الوصال؟

💌 ندعوكِ، ومَن تُحبّين إلى إحياء القلبٍ وإيقاظِ الهِمّةٍ من خلال التّسجيل في برنامج:

🌷

وصــ🌙ــال

🌷

خُطُوات في السّيرِ لِذِي الجَلال

تجربة تأهيليّة متكاملة، تهدف إلى الجمع بين الإعداد الإيماني والإدارة الفعّالة للوقت بطريقةٍ عمليّةٍ ومؤثّرة تسهم في استثمار الشهر الفضيل على أكمل وجه، من خلال المعرفة العميقة والعمل المنظّم.

📌

لماذا تلتحقين ببرنامج وصال؟
✅يساعدك البرنامج على الاستعداد لشهر رمضان من الناحية الإيمانية، التزكوية، والإدارية.
✅ يعزّز ارتباطك بالقرآن والسنة من خلال محاضرات علميّة وعمليّة.
✅ يقدّم لكِ أفكارًا إبداعية لتوظيف الوقت بأفضل شكل خلال الشهر الفضيل.
✅ تحصلين على مفكرّة رمضانيّة لتسهيل التّخطيط والمتابعة اليوميّة.
✅نطرح عليكِ تطبيقات عمليّة بعد كل محاضرة؛ للاستفادة من محتوى المحاضرة على أرض الواقع.

🎯

الفئة المستهدفة؟
💗 الإناث 14 سنة فما فوق.

لا تتركي بابًا قد يَصِلُكِ بالجنّة 🌿 انضمّي إلينا!

📤

للتسجيل، اضغطي هنــــا

🦋 تابعونا:
تيلجرام 🌐 فيسبوك🌐 واتساب 🌐 تويتر 🌐 يوتيوب 🌐 انستغرام🌐

#وصال
#أكاديمية_هندسة_الأجيال ❤️

912

إشراقة 💛

11 Feb, 01:39

.

أبدًا أبدًا..

وما بتتفق بتاتا تكون مسلم وتسلّم عقلك لكافر!

الإسلام اجى ليرفع عنا الجهل والجاهلية بمختلف أشكالهم، سواء كان اسمهم دين قريش الوثني وتعصب أهل يثرب قبل الإسلام، أو بأسمائهم الحديثة: علمانية، ليبرالية، نسوية، إنسانوية، عِلموية تجريبية.. كله واحد، كله ضلال.

1,215

إشراقة 💛

10 Feb, 18:41

كلّ عمرنا بنعرف انه الإنجاب فضيلة والإجهاض جريمة، طيب سمعت باللاإنجابيين؟

كل عمرنا بنعرف انه الستر فضيلة والعري رذيلة، طيب سمعت بجزيرة العُراة يلي قرروا فيها العالم يعيشوا متل ما خُلقوا على حدا تعبيرهم؟

كلّ عمرنا بنعرف انه زواج المحارم أفحش الفواحش، طيب سمعت باللي بقولوا انه ما في أي دليل علمي أو مادي يمنع زواج المحارم؟

يا صديقي الخير والشر واضحين بذهنك انت بس، أما على الأرض الواقع ف بدون وحي وثوابت كل شي سائل، كل شي مائع، لدرجة انه ممكن فعلا ينقلب الحق باطل والباطل حقّ تحت ذريعة مبررات "علمية" و "فلسفية" .. !

أو بكلمات أخرى: مبررات شيطانية.

1,346

إشراقة 💛

10 Feb, 18:36

كم مرة كنت عرفان انه هدا الشي بضرّك مليون بالمية، بس عملته بدافع الرغبة المحضة؟
هي لحالك، طيب إذا اجتمعت انت ورفيقك؟
إذا زدناهم كمان شوي؟ 🤏🏻

ووسّع وسّع وسّع لتوصل لمستوى العالم كله، وشوف مقدار التضاربات والتخبُّطات يلي بدها تطفّ لو أوكلنا للناس حكم نفسها بنفسها..
ولا قلك، مالك مضطرّ، شوية اطّلاع ع شوية إحصائيات بتفهم كل شي.

1,187

إشراقة 💛

10 Feb, 18:33

بدكم نحكي عقل ومنطق؟
يلا تعالوا
رح نشيل الدين على جنب ونحكي عقل ومنطق..

- القاعدة البديهيّة تقول: يستحيل حكم العالَم من الداخل!

طيب ليش مثلًا؟

لإنه البشر كائنات بيحكمها مية ألف عامل وعامل، يعني الإنسان ما بفكر بس بعقله وإنما:
بعقله، وحسّه (الحس، المشاعر، الحدس..)، وتجاربه، والأشياء يلي متعوّد عليها، ومصالحه، وشهواته ورغباته (هي لحالها بدها كتب ومجلدات)..
طيب لنفترض انه قدرنا نصفي العقل تمامًا ونفكر فيه لحاله، الإنسان كائن عقلاته كتير صغار، والله.. لانه نحنا كائنات محدودة، علمنا قاصر جدًا، لا نعلم مآلات الأشياء ولا طبائعها بشكل نهائي وكلّي، وكل ما نكتشف شغلة جديدة بنكتشف معها بحور من المجاهيل!

- لاء لاء إشراقة، الخير واضح والشرّ واضح! الإنسان بفطرته قادر يميز بينهم..

بكتير أحيان اي فعلا الخير واضح والشر واضح، بس بلحظة المصلحة المعرفة هي كلها ما بتسوى قرش! ثمّ إذا أنا شايفة المجاملة فضيلة وطيب قول وغيري شايفها كذب ونفاق، مين بده يفصل بيننا؟
إذا أنا شايفة الربا (الفائدة) حرب عالإنسان وحرب من الغني تجاه الفقير، وانت شايفها تطوير للاقتصاد ونموّ، مين بده يفصل بيناتنا؟
ومئات مئات بل آلاف وملايين الجزئيات والقضايا مين بده يحطّ قوانينها؟
بالولايات الأمريكية ولاية بتمنع الشذوذ وولاية بتسمح فيه! هاد شايفة انحلال وتفلُّت وعنده أدلته وبراهينه وهاد شايفه حرية وديمقراطية وعنده أدلته وبراهينه.

= البشر كائنات ضعيفة، ناقصة العلم والحكمة، هي فعلا لحدّ اليوم ما بتعرف عن العالَم وعن نفسها حتى إلا محض معلومات بسيطة لا تقوم عليها الحياة.. وإذا حصلت العلم والحكمة فالمصالح والشهوات والغرائز أقوى بألف مرة وقادرة هي كمان تسيّر الكون وتتحكم فيه، والحقيقة هاد يلي صار بالعالم! العالم اليوم ما بسيّره العلم متل ما الخياليين الحالمين مفكرين، ولا بتسيره الفضيلة والخير، بل بتسيره المصالح و (يلي معه أكتر) قادر يشتري كل شي بما في ضمائر الناس والأبحاث العلمية للباحثين.

هاد العالم لا يقوم إلا بحكم خارجيّ!
حكم عليم خبير يعلم من أين وإلى أين، بيعرف انه هاد الفعل هيك آخرته، بيعرف المصالح والمفاسد بشكل مطلق، ومنزّه عن المصالح لإنه هو الغني يلي مو بحاجة حدا!
مطلق العلم، مطلق الحكمة، مطلق القدرة، لا يعجزه شيء، وما إله أي مصلحة من البشر.

فقط القانون يلي بيجي من عند هدا الإله هو الأحقّ بحكم البشرية.

1,101

إشراقة 💛

10 Feb, 18:18

.

- احنا ضدّ إدخال الدين في السياسة ☝️🏻

+ ممتاز اهو 🤩

- نحنُ نريد للدّين أن يهيمنَ على السياسة 🙂‍↕️

1,158

إشراقة 💛

10 Feb, 18:01

أحلى جملة انقالت بمحاضرة اليوم:

الإسلام هو الحلّ الوحيد لكل المشاكل!

1,104

إشراقة 💛

10 Feb, 13:39

إدمان المتعة = مرض العصر!

والحلّ؟
تحمُّل المسؤولية..

تحمّل مسؤولية حياتك، وقتك، دراستك، معتقداتك، شغلك، علاقاتك.. انت مخلوق لتتحمّل المسؤولية مو لتبقى كل عمرك عم تدوّر على "فسحة الراحة" بالحياة!

1,401

إشراقة 💛

10 Feb, 11:37

.

خيّبت أملك وطلعت دكتورة "مُسيطر عليي" و "دماغي متحجر" .. ؟
معلش، تبرّعنا لكم بالحريّة كلها 😄

1,355

إشراقة 💛

10 Feb, 11:12

أُنتَقد كثيرًا على الاهتمام الشّرعي والفِكري، يمكن عكس ما بتفكّروا.. وبسمع كتير حكي من قبيل: كم بطيخة بدك تحملي؟، كترة العلم فلسفة، درسنا قبلك وما استفدنا، شايفة هي الدورات يلي عم تعمليها كلها أنا عملتها وما استفدت شي.. مع انه الاهتمام ماشي بدمّي، مو شي بقدر أتخلّى عنه.

وحتى أنا، كنت بكتير أحيان أسأل حالي: وآخرة هالطريق؟ ليش عم أتعلم هي العلوم؟

بس بالسنة الفائتة تحديدا (عامي ال٢٤) قدرت أوصل لجواب..

ظاهرًا: شو يعني نتعلم نظام الأسرة بالإسلام؟ يعني مو باينة بالله! بعدين خلي كل واحد يعيش على كيفه ليش بدكن تعلمونا كيف نعيش؟
شو يعني نتعلم عقيدة وفقه وسيرة، عقّدتونا من كتر الحفظ والأسماء.

باطنًا: الحفاظ على هدا النظام فقط هو أكبر إنجاز بالتاريخ!
هي الثوابت هي أكبر إعجاز بالشريعة - من وجهة نظري طبعا - لإنه بدونها البشرية جنّت، جنت جنت والله.. لما تقرا آية (إنا خلقناكم من ذكر وأنثى) لأول وهلة بتقول _ أستغفر الله أستغفر الله - يعني باينة! بدها آية بالقرآن انه البشر ذكر وأنثى؟
لكن بعلم الله تبارك وتعالى يلي وسع علمه كل شيء نحنا وصلنا فعلا لزمن فيه أشباه بشر بقولوا لا تحدّونا بجنس معين، ما بفضلوا يعبروا عن جنسهم، وبقولوا انه المولود لازم تعامله بحيادية لحتى يكبر وهو يحدد جنسه!
جنان بعرف، بس الإنسان "لحاله" وبدون وحي عنده قدرة مرعبة على الانحراف، وهدا الانحراف ما اله حدّ ترا.

لهيك: كل آية، كل حديث، كل حكم بتتعلمه هو إنجاز كبير جدا جدا جدا
ويلي بيسأل شو عم تقدموا للبشرية بتعلم الشرع؟ هل قدمتوا لقاح؟ هل قدمتوا اختراع؟
بحب قلك: يلي عم نقدمه للبشرية هو انه نحافظ عليها انها تبقى بشرية وما تتحوّل لشيطانية أو لبهيمية حيوانية.

بنتمي لكل آية وحديث، بفتخر بكل آية وحديث صحيح لو عن شو ما كان، خلاياي هي أحرف القرآن والشرع لانه بدونهم الحياة ما بتسوى شي.

وعنجد: الله يؤجر كل مين علّمنا، كل مين تخلى عن زينة الدنيا وقام لتعليم الناس دينهم، المساجد والشيوخ، الآنسات يلي ضحوا بشبابهم وملذاتهم ليعلمونا القرآن وقراءته وتجويده والفقه والسيرة، هندسة الأجيال والنفس المطمئنة والبناء المنهجي ومشايخ الشام ومشايخ الدنيا كلها.. كلهم عندهم أخطاء وهالشي مفهوم جدا، بس كلهم أسيادنا وعالعين والراس من فوق .. انتو كنتوا السبب - بمشيئة الله عز وجل - بهدايتنا، نحنا مدينين الكم ليوم الدين 👑

1,410

إشراقة 💛

10 Feb, 06:50

دعواتكم 🎀

لاء مو امتحان
شي أهمّ صراحة "))

1,365

إشراقة 💛

25 Jan, 16:56

.

الانضمام إلى القناة في الرابط = الانضمام إلى البرنامج 📚

603

إشراقة 💛

25 Jan, 16:55

💡 ننتظرُ ضيفًا كريمًا يأتي كل عامٍ ليغسل أدراننا ويطهّر قلوبنا فنجدّد به العهد مع مولانا جلّ وعلا

💡 حُقّ لشهر رمضان المُبارك أن تكون له تهيأة خاصّة!

💡 جئت لكم ببرنامج للشيخ العصيمي حفظه له، هدفه تعلم أحكام الصيام والقيام وفضائل الشهر الكريم لنعبدَ الله عز وجل على بصيرة.

💡 البرنامج أون لاين ولا يحتاج إلى أكثر من نصف ساعة يوميًا.

💡https://t.me/MAFAATEH/437

📖 باركَ اللهُ الهمم وتقبّل العمل.

#إشراقة || @Ishraaqaa

649

إشراقة 💛

24 Jan, 19:08

كل سنة عم نندم إننا ضيعنا وقت وضيعنا فرص، هي الحياة متل الشمعة بتشعل وقت تولد، صحيح ما حدا بيعرف امتى رح تطفي لكن حتما رح تطفي، وكل سنة وكل يوم نحنا عم نقرب من النهاية فمن قلة العقل أن نعلم ظاهرا من الحياة الدنيا ونكون عن علم الآخرة غافلين!

وهذه فرصة مفتوحة للغد فقط، نحسب القائمين عليها _ والله حسيبهم _ على خير، ونسأل الله أن لا يخيّب بهم ظنوننا 👇

https://t.me/BinaaManhaji/152

على هاتفك وفي أي ساعة مناسبة من يومك، لا تتطلب منك إلا قلبًا حريصاً على النجاة!

1,124

إشراقة 💛

24 Jan, 17:47

مطالبةُ النفس بالأعلى والأفضل دائماً ينهكُها!

1,217

إشراقة 💛

24 Jan, 11:49

السلام عليكم

حذفنا المجموعة يلي كانت مرتبطة بالقناة، لحتى ما حدا يفكر أنه حظرناه أو قيدناه.. وهالشي ما اله أي علاقة بإشراقة، القناة مستقلة عن المجموعة ومستمرة بإذن الله.

ولا يوجد أي بوت تابع لنا بالفترة الحالية، البوتات كلها حُذفت.

مجرد محاولة للهدوء والتركيز وإعادة الحسابات بإذن الله.

1,317

إشراقة 💛

23 Jan, 14:31

حريٌّ بنا أن نوحّد الصفّ والكلمة، تمهيداً لإنقاذ البشرية من هذه الظلمات التي غرقت بها.

1,512

إشراقة 💛

23 Jan, 14:24

.

اليوم الطاقة بالسالب وآخدة جرعة ملل مرتّبة، قلت يا بنت بنفوت نقلب على يوتيوب..

ما قدرت ما أتذكّر هي الفقرة!
العالم يلي عايشين فيه بيشبه كل شي إلا العالم الطبيعي..
وبالذات أحوال من يسمّونهم (الفنانين والفنانات) والمؤثرين والمؤثرات وهالشلة.

بتطلع هيك: حرفيا ما بتلاقي رجولة ولا بتلاقي أنوثة، ولا أخلاق ولا قيم، ولا رسالة ولا فحوى.. بتلاقي فقط انحلال وإصرار على إفساد ما تبقّى من فطرة البشر.

وبعدين الضالّين المضلّين شياطين الإنس بجيبوا هالفاسدين وبيعملولهم حفل وبيعطوهم جوائز، أوضح من هيك تلبيس إبليس ما عاد في.

مساكين، عايشين بجحيم أرضية تمهيدا لجحيم أبدية والعياذ بالله (مو حكم طبعا، لكن كوصف للفعل).

الحمد لله الذي عافانا وامتنّ علينا بنعمة الحقيقة والهداية، اللهمّ لا تحرمنا هدايتك!

1,575

إشراقة 💛

23 Jan, 11:12

يا صاحبَ الرسالة، أما آنَ لك؟🧑

https://t.me/Ishraaqaa/s/16

1,431

إشراقة 💛

23 Jan, 01:39

.

بعرف انه بعض الكلام قاسي ويثير الشجون، وأنا قلتلكم مرارا انه إي العلم مؤلم!

بس الحقيقة لازم تنقال..
الدين مو شوية مناظرات هون ونقاشات هونيك..
الدين مو صف حكي وقراية كتب..
الدين مو معادلات فيزيائية جامدة..
الدين مو قناة تليجرام عملتها وصارت العالم تصفق لك..
الدين مو تنظير!

البعض يُقال عنهم "متدينين" والأولى يُقال "لديهم ثقافة دينية" ..
ولا تفكر اني هون عم أحكي عن الزلّات فكل الناس خطاؤون، وإنما عم أحكي عن الفهم السقيم لمفهوم التديُّن.

وما أبرّئ نفسي، اللهمّ اهدِنا 🤲🏻

1,694

إشراقة 💛

22 Jan, 16:39

.

مما يثير غرابتي: بكون وقت صلاة ومجموعة شباب على مجموعة أو عالفيس أو بأي مكان من فضاء التواصل فاتحين أحاديث وتعليقات، قال عم يتناقشوا بأمور دينية.. أيّ دين والصلاة قائمة وحضرتُك قاعد بالبيت! "))

1,547

إشراقة 💛

22 Jan, 16:21

علّموا أبناءَكم أنّ الصلاة لا يصليها في البيت إلا النساء!

وأنّ الله فضّلهم بالجُمعِ والجماعات 🕌

1,682

إشراقة 💛

22 Jan, 09:32

للقرآن العظيم في قلب المؤمن شوقٌ لا يُسكِنه غيره! 😀

1,778

إشراقة 💛

21 Jan, 18:23

💭

✔️

ومجالسٍ دارت على صعب الفنون وسهلها
أغلى من الدّنيا إذا حيزت وأحلى في اللسان!

سل عن حلاوتِها وفي الأرواح سل عن فعلها
تلقَ المجرّب لو أتى يخبرك يعجزهُ البيان!

https://t.me/Ishraaqaa/s/15

1,713

إشراقة 💛

21 Jan, 18:19

١٧٥ ألف شابّ وشابّة ينتظرك لانطلاق قافلة العلم، في رحاب العلم وجنانه.. فهل انضممت لهم؟

⬅ https://t.me/BinaaManhaji/169

هيا نحن بانتظاركم 🕯
نحن بحاجتكم جميعا فرداً فرداً لنعيد أمجاد أمّتنا.

1,833

إشراقة 💛

21 Jan, 12:44

إشراقة 💛 pinned «نوقدُ في عقلك بقعًا مظلمة 🧕 فهاكَ مجموعةً من أبرز ما نشرنا.. ارفع مستوى دراستك باستخدام هذه التكنيكات الاحترافية 📚🌼 التطوع في الجامعة، ما له وما عليه 👥 مفاتيح تختصرُ عليك مسافات ✍🔑 تطبيقات ثمينة في المتجر، تعال أعرّفك عليها 📱 عاكس ترندات التباهي ولا…»

0

إشراقة 💛

19 Jan, 20:42

.

رغم ولَعي بالفكر ومحبّتي للمفكرين والمثقفين (برواية أخرى بقولوا عنهم المفزلكين "))

لكنني أنحاز دائما للمؤدبين 🕯

اللهم اهدنا لأحسن الأخلاق لا يهدي لأحسنها إلا أنت، واصرف عنا سيئها لا يصرف عنا سيئها إلا أنت ✨

2,295

إشراقة 💛

07 Jan, 18:04

.

قبل ما تجاوب!

تذكّر نموذجين من حياتك واختار خيار واقعي لا خيار نظري..

451

إشراقة 💛

07 Jan, 17:13

تجاوز فكرة انه ممكن يمرّ يوم بهالدنيا بدون ابتلاء 🤷🏻‍♀

تصالح مع طبيعة هالدنيا وانها دار عبور واختبار.. 📝

630

إشراقة 💛

07 Jan, 14:01

تعقيبًا..

هل الدين ضدّ الشهوات؟
طبعًا لاء..

الدين مو ضد الشهوات ولا ضد العلاقات لانه هاد الشي من طبيعة الإنسان أساسًا، يعني بدون شهوات وبدون حاجات وأمور دنيوية نحنا ما بقا عم نخاطب إنسان، صرنا عم نخاطب ملاك.

أحلى شي بالإسلام العظيم انه إجى ليهذّب بشريتك مو ليلغيها!
لذلك فالدين مو "ضد" الشهوات وإنما "مهذّب" للشهوات، واضعها بنطاق بحيث تخدم الإنسان مو هو يلي يخدمها! تكون جزء من الحياة وليس كلّ الحياة، توضع بنطاق تخدم الغاية الكبيرة مو تصير هيي الغاية الكبيرة.

شايف هي النظرة المتوازنة؟
إذا بتتقنها لا بتجنح نحو الغفلة المطلقة والغرق بوحل الأرض، ولا بتترهبن وبتطلع عن دين الله عز وجل.

945

إشراقة 💛

07 Jan, 13:53

رح تشوف انهم عايشين، اي عايشين حياة أحلى بكتير من حياتنا!

البعض من جيلنا، عايشين مرحلة الشباب متل ما بصوّرها الإعلام: أكل وشرب ومطاعم، جمعات ورفقات، مصاري ومشاوير، سفر، حرية وانفتاح كاامل باللبس والعلاقات، ما عندهم كتير من العقد تبعنا .. 🧁

☕️

🏠

وحتى المواسم الدينية بينبسطوا فيها معنا، بينبسطوا بأجواء رمضان والعيد وراس السنة الهجرية وكل شي..

حياتهم حياة وحياتنا حياة؟!! ☹️

للأمانة والصدق؟ لاء
حياتهم غيرحياتنا تمامًا

أنا ما رح قلك انهم غرقانين بالشهوات لدرجة انه أرواحهم عم تئنّ، لا عادي ممكن تكون أرواحهم ماتت أصلا وما عاد في أي شي يذكرهم بغفلتهم..

بس الحقيقة انهم عايشين حياة "وهمية" .. كل الشغلات يلي عموم الناس بتركض وراها عادةً هي لذّات مؤقتة وناقصة وغير مُشبِعة لهيك بتلاقي الإنسان ما بيكتفي أبدا، ما بيشبع أبدا، بضل عم يقول: هاتوا كمان.

من نعم الله عزّ وجل عليك انك تدرك حقيقة الحياة وانت صغير = بعمر الشباب
أولًا: لسا الشهوات ما تمكّنت من قلبك، وكل الأفكار الخاطئة يلي غبّيتها من البيئة والمجتمع والإعلام قابلة تتصلح، وبسهولة أكبر بكتير من حدا قطع ال٣٥ وال٤٠.
ثانيًا: عندك فرصة تعيش صح، تغير اختصاصك مثلا أو شغلك، تعيد تشكيل رفقاتك وبيئتك الصغيرة، تشكل منظومة أفكارك بالكامل، تنقي شريك حياة مُعين مش عدوّ.
ثالثًا: فرصتك ذهبية لتقضي العمر بشي باقي، مو بشي فاني.. عندك فرصة تعيش لأهداف وقضايا حقيقية، وتخدم دينك وأمتك.
رابعًا: انت عايش بالحياة الحقيقية وعم تبذل الها، مو للوهم!

افرح افرح افرحححح انك بتعرف الحقيقة! في عالم مو خاطرلها أساسا انها غرقانة بطين الأرض وانه بلحظة موتها هاد كله بح خلص انتهى! يلا شو حضرت للحياة الأبدية؟ ولا شي!
تخيل هالموقف أديش صعب، تدرك انك خسرت مع استحالة العودة للتصحيح!

الحمد لله على نعمة الهداية بعمر الشباب، اللهمّ اجعلنا من زمرة "وشابّ نشأ في طاعة الله" 🤲🏻

961

إشراقة 💛

06 Jan, 18:23

.

هو كان منيح اذا طلع الطالب من كلية الشريعة تبعنا مسلم، وما قلب على دينه 🙂

1,236

إشراقة 💛

06 Jan, 18:22

يا الله أديش حكيه حقيقي..

اليوم الجامعات تخرّج مثقفا عاديًا، مشتتا ما عنده ثقة بنفسه وما عنده عقلية الباحث.

طبعا عم يحكي على كلية الشريعة..

1,279

إشراقة 💛

06 Jan, 18:10

.

تواءمت معه من وقت ما تابعته من سنتين لإنه بشجع الواحد يشغّل مخه ويكسر عقيدة الخوف والتبعيّة يلي تربينا عليها حتى بالأوساط الدينية للأسف.

1,251

إشراقة 💛

06 Jan, 18:06

أبي الروحي د. ثائر الحلاق عامل بث مباشر 🔥

1,280

إشراقة 💛

06 Jan, 17:26

✔️

قناة السبيل أنا متابعتها بشغف من لما فتت جامعة، بس ما كنت أسترجي أذكرها، الحمد لله انه الله فرج عنا "))

وأيضا قناة رواسخ اقترحتها عدة مرات ✔️

1,280

إشراقة 💛

06 Jan, 16:52

أسعدَ اللهُ مساءَكم بكلِّ خير ✔️

✔️ نحنا عايشين بعالم يُراد لنا بشكل خبيث جدًا ومدروس جدًا اننا نعتقد بمعتقدات معيّنة، مثلًا من هذا المعتقدات: تقديس العلم التجريبي واعتباره المصدر الأول والوحيد للمعرفة، الولع بالحضارة الغربية وتمنّي الوصول إلى عشر ما وصلوا إليه، فقدان الثقة بشريعتنا الغرّاء ويمكن هي أمكر وأسوأ فكرة.

✔️ لذلك أحضرت لكم بعض الأفلام الوثائقية يلي بتخلّي نظرتنا للعالم يلي عايشين فيه واقعية وحقيقية:

✔️ بودكاست من الربا إلى الكفر لعالم الاقتصاد د. محمد طلال لحلو.
أقلّ ما يُقال عن هذه الثلاث ساعات أنها ستغيّر نظرتك للعالم.

✔️ المطرودون
كيف يُطرد الباحثون من جامعات عالميّة بتهمة عدم موافقة "المزاج" العلمي العامّ؟

✔️ صناعة الجهل
فيلم وثائقي عن التلاعب الممنهج بالدراسات التجريبية.

✔️ ما وراء الموضة
ما هو الثمن الذي يدفعه الكوكب عبادةً للاستهلاك وزيادةً لرصيد الشركات؟

✔️ من أحرق الغابات؟
هل العالم يتطوّر أم يتدهور؟

✔️ الله يكتب بهالساعات القليلة النفع والفائدة..
وأرجو إذا حدا متابع محتوى مُشابه قيّم ومفيد يبعتلنا الاسم أو الرابط على البوت @Zomorodah_Bot.

#إشراقة || @Ishraaqaa

1,359

إشراقة 💛

06 Jan, 09:01

شدّوا الهمّة طيب "))

1,325

إشراقة 💛

06 Jan, 08:58

شكلنا ماشيين بال 6k أسرع من ال 5k 👏🏻

1,301

إشراقة 💛

06 Jan, 05:34

إجت الكهربا بعد انقطاع متواصل لمدة ٥٤ ساعة، مع انقطاع الماء طبعا لإنه أصلا الماء تنقطع وما بتجي إلا ساعات محدودة بالنهار..

هلأ أنا مو بصدد إلقاء اللوم عالحكومة بتاتا، لإنه ضعاف النفوس ومرضى القلوب من سكان الحي هنن يلي ضربولنا الكهربا، الله ينتقم منهم!

بس عنجد عنجد، من الكآبة والغمّ يلي سيطروا عليي هاليومين أدركت أنه مستحيييل نقدّر ولا واحد بالألف من يلي عم يعيشوه أهلنا بغزة!
بهاليومين ما غابوا عن بالي ولا لحظة، وأنا قاعدة ببيتي وحرفيا ما صاير عليي شي، اوكي صارت الأمور أصعب وتشنططنا شوي بس ماشي الحال..
هنن شو يلي عم يصير فيهن؟

يا رب تكون معهم يا ربّ، يا رب تغفر قلة حيلتنا يا رب 😭💔💔

1,416

إشراقة 💛

05 Jan, 18:10

للهِ كلُّ صفاتِ الحمدِ كاملةً
هو المُنَزَّهُ عن نقصٍ وإخلالِ

للهِ تشتاقُ أرواحٌ مُتيَّمةٌ
لا أبعدَ اللهُ هذا الشّوقَ عن بالي

🤲

1,477

إشراقة 💛

05 Jan, 18:05

لا يمكن أن أنسى:

بمتل هالوقت تماامًا السنة الماضية، كان فيه موضوع عاملّي قلق شديد، أرق بكاء تفكير دائم.. وما إلي ولا حدا بالدنيا أستعين فيه أو حتى أشكيله همّي!

واللهِ وأنا غرقانة بالأفكار والأرق بتبعتلي بنوتة عالبوت وبتفتح الموضوع لحالها "))

سبحان الله! مستحيل ربّ العالمين يتركك وأنت عم تبحث عن الحقّ ورايده.
وصارت من أعزّ صديقاتي من وقتا 🌱

1,445

إشراقة 💛

05 Jan, 18:02

⏺️ كان عمري ١٤ سنة لمّا كنت صلي التراويح بجامع الرحمة - منطقة حاميش مُسبق الصنع، وكان يصلي فينا إمامًا الشيخ علاء الدين السايق الله يحفظه ويطول بعمره..

📔 وبوقتا نصحنا نصيحة، قلنا بكلّ سجود ادعوا بهاد الدعاء: اللهمّ يا مقلّب القلوب والأبصار ثبّت قلبي على دينك.

🗓️ من وقتا لليوم، أكتر من ١٠ سنين، وأنا محافظة على هالدعاء بكلّ سجود.. لا أذكر إني تركته إلا نادرًا، لحتى صار عادة وجزء أساسي بكل سجود.

📌 واللهِ لا أُحصي بركات وأنوار هالدُّعاء!
هالعشر سنين صارت فيهم أحداث رهيبة رهيبة جدا، بكلّ مرحلة كان ربّ العالمين جلّ وعلا يسخّر لي ناس أو أصدقاء أو كتُب أو دورات أو وازع داخلي يحفظني بهالمرحلة ويسلّمني للي بعدها، كيف وشلون ما بعرف!

✔️ أولًا هنيئا للشيخ علاء، يمكن حتى هو نسيان انه نصح حدا هالنصيحة من قبل، بس بكل مرة دعيت فيها بالدعاء نزلت بميزان حسناته.
✔️ ثانيًا الدعاء وطلب الهداية شيء أساسي جدا بطريق المسلم إلى الله عزّ وجل.
اوعك تفكر بشطارتك، باجتهادك، بجهدك! اوعك!
وإنما بهداية الهادي جلّ وعلا، باصطفائه الك، بتيسيره.. هو يلي هداك وهو يلي حبّب الخير لقلبك وهو يلي نجّاك بكلّ مرة.

💫

نحن أصفارٌ إلا إذا أسندَنا الواحدُ إليه!

#إشراقة || @Ishraaqaa

1,491

إشراقة 💛

04 Jan, 19:50

الكم عندي منشورين، واحد واعدتكم فيه والتاني مفاجأة

مالي نسيانة، دعواتكم بالتيسير
وبتصليح الكهربا ☹

1,512

إشراقة 💛

04 Jan, 15:45

من يومين كنت عم أتخانق مع حدا مُلحِد عالفيس "))
ف قلّي بالأول روحي اقري عن دينك! 😳

الي هاد الحكي يا دادا؟

أنا كل ما اقرا عن ديني ببكي، وين مخبّى كل هالجمال والعظمة تحت قرف الثقافة المُعاصرة؟
ليش البشرية كلها مظلومة بالبعد عن الحقّ؟

مستحيل حدا يفهم الدين وما يعشقه!

1,676

إشراقة 💛

04 Jan, 15:39

هذا الدِّينُ أحبُّه أهواهُ! 🩷

1,383

إشراقة 💛

04 Jan, 11:43

يا أصدقاء، بتعرفوا حدا عم يجيب أغراض من برا؟

بعد ما لغيت فكرة شراء باور بانك لما تحررت سوريا شكله هدا أقرب حلّ بالوقت الحالي

بدي وصي على باور بانك ريدمي الأصلي وما عم أهتدي لجهة وصّيها

يلي بيقدر يفيدني يا ريت يبعتلي اسم الشخص أو الجهة يلي عم تشحن لدمشق على هدا البوت: @Zomorodah_Bot

1,497

إشراقة 💛

04 Jan, 10:05

بعد النصر حمدٌ وتسبيح 🤲

https://t.me/Ishraaqaa/s/11

1,477

إشراقة 💛

04 Jan, 08:37

بادروا بالأعمالٍ فِتنًا كقِطع الليل المظلم 💔

1,438

إشراقة 💛

04 Jan, 08:37

نحنا مضطرّين نلملم بقايا أعصابنا ونقوم.. مضطرّين نتحول لفيران كتب.. مضطرّين نوصل الليل بالنهار
مضطرين، مو باختيارنا أبدًا..

مضطرين نخرج الناس من عبادة العباد إلى عبادة ربّ العباد
مضطرين نغزوهم فكريًا قبل ما يغزونا

صرت خايفة على أولادي والأجيال يلي جاية من أولاد بلدي نفسهم، للأسف

لا تدّخر ذرة من جهد، العالم عم تتجه للكفر بسرعة مُرعبة

1,587

إشراقة 💛

04 Jan, 08:32

من أكتر الناس يلي شجعتني اعمل مدونة شخصية على فيسبوك، اليوم كتير مهمّ وجود شخصيات نسائية مسلمة مضادة للفكر النسوي..

بس المشكلة أنا ما بعرف كولك وأكسب دعم المجاهير 🥲💔

أنا بس صرّح بخلفيتي الدينية وهات يا مسبّات 🙂

1,473

إشراقة 💛

04 Jan, 08:30

أصغر مني بسنتين هاي البنوتة عالفيس بوك 🥲

محجّبة، يعني بتحط هيك شغلة على راسها، بس بتفوت على صفحتها ما بتفهم هي شو؟؟ الانتماء بالضبط بس لو سمحتوا لإننا حرفيا ما عد فهمنا عليكن! 😂💔

تعديل: طلعت نسويّة
وهيك بالمشرمحي ✌🏻

1,331

إشراقة 💛

03 Jan, 15:05

هل في طريقة احذف الفيس من جوالي تماما؟

سامسونج نوت 9 وأندرويد 10
الفيس ما بينحذف من النظام

1,523

إشراقة 💛

03 Jan, 12:40

إذا بنشكر الله على نعمة العلم النافع مع كلّ نفَس ما بنوفّيه حقه جلّ وعلا!

الحمد لله الحمد لله الحمد لله 🪔

ربِّ زدني علما وعملا صالحا خالٍصا لوجهك متقبلا عندك، وجميع شباب المسلمين 🤲🏻

1,625

إشراقة 💛

03 Jan, 12:27

▪️

الحياة الصحيحة المتّزنة ليست مغرية، ليست ملفتة، إلا للحكماء والعقلاء!

▪️

1,635

إشراقة 💛

03 Jan, 05:22

أفلام وثائقية يُنصح بها للخروج من تقديس العلم والغرب وموازنة النظرة تجاههم..

SOON!

1,637

إشراقة 💛

02 Jan, 21:39

كنت متابعة بنت من جيلي تماماً:

ترحّمت على حسن زمّيرة وأبدت أخسّ أنواع التعاطف والحزن
ثمّ هللت للثورة وفرحت بإسقاط النظام
فرحت بالصلاة بالجامعات
جنت وقت المناهج
دافعت عن شرح آية "غير المغضوب عليهم ولا الضالين"
بتحط صورها متبرّجة لابسة الضيّق والقصير
وبالستوري يلي بعدها آية وحديث!

الشاطر فيكم يكتشف ما هذه التناقضات كلها!

🔘 صراحة الهدف من ذكر هيك شي هو التنبيه: لا موقف ولا اتنين بخلوك تأمّن لشخص وتصير توثق فيه وبمواقفه، العالم يلي عندها مبادئ راسخة قليلة كتير، الهوائيّون أكثر بكثير.

1,726

إشراقة 💛

02 Jan, 21:33

يلي مبارح كان عم يبرّر فصل العلم عم "النطاق الديني" اليوم كاتب: خذوا الإسلام جملةً واحدة أو دعوه جملة واحدة

واات! 😃
هدّوا علينا، نحنا ناس بسطاء ما بنفهم تفكيركم العميق

أنا بس بدي أفهم دينكم بالضبط شو؟ 😂💔💔

1,687

إشراقة 💛

02 Jan, 20:58

إشراقة 💛 pinned «📌 من أكتر الناس يلي خلتني أفهم شو يعني "عالمانية" .. ! من أكتر الناس يلي خدمت الدين بل البشرية بمواضيع الإلحاد والعالمانية والنسوية وبراهين وجود الله عز وجل وبراهين النبوّة. ⏺️الباحث المحنّك د. سامي عامري، معنا قلبًا وقالبًا وباحث تفخر به أمّة الإسلام:…»

0

إشراقة 💛

20 Nov, 16:15

أي بنت لسا عندها تساؤلات عن دفعة العلياء بأكاديمية هندسة الأجيال وعن الدبلوم وطبيعة الدراسة وغيره وغيراته..

غدًا إن شاء الله يوجد لقاء تعريفي نسائي ونيس 🌷
https://t.me/handastajyal/1809

فلا تفوّتن الفرصة!

وبكلّ الأحوال حيكون أكيد شي مهضوم ولذيذ مع جماعة الهندسة بإذن الله 🥹

🧕

709

إشراقة 💛

20 Nov, 15:34

.

الشباب محتلّين النقاش ما شاء الله "))

ليش البنات محطوطين عالصامت؟ 😏

828

إشراقة 💛

20 Nov, 12:31

.

لأهمية هذا الموضوع حابة أسمع آرائكم بالتعليقات حول نفس الموضوع، هل الدورات فعلا عالفاضي؟ وهل يستوي الذين يعلمون والذين لا يعلمون؟

933

إشراقة 💛

20 Nov, 12:30

قالت لي: أخدت من هي الدورات يلي عم تاخديها كتير، بالآخير الحياة هي يلي بتحكم وهاد العلم كله بروح عالكبّ..

الأخت كانت عم تحكي على دورات الزواج والتربية بالتحديد، وواضح من كلامها انها متبنية فكرة تقول: العلم لا يفيد في شيء، ومهما تعلم الإنسان "فالدنيا هيي يلي بتمشّيه" أستغفر الله 🙂

صراحة الفكرة استوقفتني وحابّة ردّ على هي الدعاوى المطروحة ونحاول تستكشف معًا المشاكل يلي فيها، بسم الله..

🖊 الزواج والتربية هنن المنظومتين يلي بتظهر فيهن أخلاق النّاس وخلفياتها عن كل شيء حرفيا.
يلي بده يربي طفل من اللطيف يعرف انه كل أفكاره عن الكون والحياة والإنسان والسياسة والاقتصاد والنّاس والدين، وكل هالشي وأكثر رح ينعكس على تربيته لهدا الطفل.
وطبعا الأولى بالكلام طباعه الشخصية وعاداته وعباداته.

التربية عملية معقّدة جدا، لا تقتصر على الكلام "وهاد خطأ شائع"، الإنسان بكلّ ما فيه بينعكس على يلي قدامه، وبالتالي = دورة ودورتين بالتربية ما بيعملوا شي إذا المربّي نفسه بده إعادة تربية.
وجدير بالذكر انه لما نقول تربية فنحن لا نقصد الأدب، بده إعادة تربية = بده إعادة برمجة.

🖊 الناس بتنفي فائدة الدورات والتدريب لإنها عاطيته أكبر بكتييير من حجمه حقيقةً.
دورات التربية بتفيد شخص سوي، سوي نفسيا وفكريا وعقليا وعم يواجه صعوبة بجزئية معيّنة. أما بواقع معقد ومشربك متل واقعنا يلي تداخلت فيه الأمور ببعضها وصار الإنسان خليط معتقدات وآراء وتوجّهات، ف هون أنا أقرّ انه لا دورة ولا دورتين بيقدروا يعملوا شي.

🖊 العلم لحاله هو نصف الهداية.
الهداية الحقيقية هي علم وعمل، وبنشوف كتييير كتير ناس بتفكّر انه مجرد "سماعها للمعلومة" معناها هي عملت يلي عليها.
أولًا: سماع المعلومة لمرة واحدة أنا شخصيا أعتبره مجرد محو أمية وألفة للمصطلحات، وهالشي جربته بالكثير من المواد والفنون.
فإذا بدنا نحكي عن حدا تعلم علم معين برأيي بكون عالأقل آخد 3 - 4 دورات بهالشغلة، ودورات مرتبة وعميقة مو من تبع الكورس ساعة وساعتين 🙃
ثانيًا: العلم بدون عمل أكيد ما حيجيب نتيجة، إذا أنا بس عم أتعلم معلومات نظرية وما حدا عم يعلمني تطبيقها بل الحكمة في تطبيقها، وأنا بالمقابل ما جاهدت مرة ومرتين ومية وميتين "بدوون مبالغة" فحتمًا المعلومة ستبقى في نطاق "الترف الفكري".

🖊 العلم، بل أي شيء بالدنيا = لا يعمل لوحده.
جيب أي قطعة من قطع الكمبيوتر بتشتغل لحالها شي؟ حتما لاء.. وتماما هيك الإنسان.
ما فينا أي عنصر أو مركب بيشتغل لحاله، نحنا عبارة عن تربية وخلفيات ومعتقدات ومعلومات وببيئة ورفقات وشهوات و و و..
وبالتالي فأي علم بتتعلمه رح يتداخل مع كللل هدول، عم أحكي عن علوم الحياة وليس العلوم النظرية كالطب مثلا، والنتيجة يلي بدك تحصل عليها ما بتكون نتيجة مباشرة للمعلومة وإنما نتيجة لمية ألف تفاعل بالنفس. هي عبارة عن دوائر كثيرة متداخلة.

📋 نهايةً أرى انه لو كان العلم فعلًا بلا نتيجة تُرجى ما كان في داعي يبعث لنا الله عز وجل رسول ورسالة.
الواقع صعب نعم، بس قطعًا قطعًا لا يستوي الذين لا يعلمون مع الذين لا يعلمون، وقطعًا لن يستوي طالب الهداية مع يلي ماشي عالتوكل.

934

إشراقة 💛

18 Nov, 14:07

.

صرلي كم يوم بوجع الراس بسبب كبت الكلام والمشاعر "))
بدي أحكي، بدي أنتقد، بدي أتخانق مع العالم.. بس خلص عم حاول بكل طاقتي ألتزم الصمت 😶

واللهُ المستعان 😮‍💨

1,299

إشراقة 💛

18 Nov, 13:59

#إشراقة_تقرأ

📚

#اقتباسات من كتاب #هنيئا_لمن_عرف_ربه 🕯️

اسمُ الله "الرّحمن" 👇🏻

1,109

إشراقة 💛

18 Nov, 09:13

الله يبعت الخير 🌧️

ادعوا لأنفسكم وأهليكم وإخوانكم في الله وللشّام ولأمّة الإسلام 🩵

1,219

إشراقة 💛

17 Nov, 18:02

وأن أكونَ تلك الفتاة الهيّنة الليّنة الودودة المتواضعة العالمة الحكيمة

اللهمّ آمين!

1,354

إشراقة 💛

17 Nov, 15:53

صرلي عم طبق هالتمرين ٤ - ٥ أيام، ولاحظت انه مشاكلي مع المحيط قلت للنصف تقريبًا 😁😌😌

1,406

إشراقة 💛

17 Nov, 15:50

أحلى نصيحة سمعتها آخر فترة مطلقًا، هو ما قاله المدرّب وألزمنا به:

سكّر تمّك 😂💔💔🤐

سكر تمك عن الانتقاد، عن المجادلة، عن الدفاع عن النفس.. واتّبع سياسة = صفر مشاكل 😎🤝🏻

1,464

إشراقة 💛

16 Nov, 18:12

كتابات د. خالد أبو شادي ما بتنوصف، كتاباته بتنعاش لإنها عبارة عن عالم كامل من الجمال والرقيّ 🕯

1,681

إشراقة 💛

16 Nov, 17:08

برشح لكم كتابين جميلين جددددا عن أسماء الله الحسنى؟

1,581

إشراقة 💛

16 Nov, 17:07

.

للهِ تشتاقُ أرواحٌ متيّمةٌ
لا أبعدَ اللهُ هذا الشوقَ عن بالي

1,575

إشراقة 💛

15 Nov, 16:24

طبعا أنا ما عم أنفي أهمية التذكير!
أكيد الإنسان بحاجة لمين يذكره بين فترة وفترة بالعبادة والإحسان و و و ..

بس عم قلكم انه غالب المحتوى عم يكون عناوين عريييضة، وحكي فضفاض ملفت برّاق، بس بالحقيقة على فافوش.

633

إشراقة 💛

15 Nov, 16:22

.

مثال..

هلأ بدي أعطيكم درس عن برّ الوالدين شو رأيكم؟
درس مثالي صح؟

يلا باسم الله، هاتوا دلائل شرعية وعلمية وإنسانية عن برّ الوالدين، وقصص عن إحسان الوالدين لأبنائهم وعظم حقهم عالأبناء، وانه رب العالمين أوصى بالوالدين وصية خاصة بالقرآن.. كيف الحكي؟ رائع، ورح تبكي، وتتأثر..

طيب كيف نبرّ والدينا؟ كيف نتعامل مع طباعهم الشخصية يلي بكتير أحيان بتكون عكس طباعنا، شو حدود البرّ؟ وكثييير من الأسئلة لن يجيبك عليها أخونا المؤثر لانه ببساطة هو حافظ العناوين فقط بدون مضمون أو محتوى!

عرفتوا كيف بنعمل فولو لعالم ما بتستاهل! 🥲💔

653

إشراقة 💛

15 Nov, 16:19

التنظير مااا في أسهل منه! والله..

روح هلأ شوف بودكاست على يوتيوب بأي مجال، حرفيا بأي مجال، بيطلع معك ١٠ بوستات تنشرهم للناس ويسفقولك 👏🏻

طيب ليش الناس بتصفّق لمؤثرين أكثر من عاديين على السوشال ميديا؟
ببساطة شديدة: بسبب الجهل
لما يجي حدا يحكي بإدارة الأعمال وأنا ما بفهم فيها، إذا بيحكي أي شي بيقدر يلعب بعقلي لإنه ما عندي خلفية سابقة عن الموضوع.

لذلك: بتشوف عالسوشال ميديا خييير الله حكي حلو، وخير الله حكي نظري بياااخد العقل وصحيح نظريا، لكن غير قابل للتطبيق عمليًا أو صح من جانب واحد دون مراعاة بقية الجوانب 🙃

ولهيك السوشال ميديا عملت كوارث بحقّ الناس، وموضة التدريب وتعليم الأقران و و و، عملت مصايب.. لإنه الأستاذ المؤثر يلي عم يحكي غير مؤهل إنه يحكي، الشغلة أكبر بكتير من حدا عنده مهارات عرض وبيعرف يصفّ كلمتين جنب بعض!

من أجل كل ما سبق، ما رح ملّ بحياتي قلكم: تعلموا!
العلم الحقيقي الصحيح من مظانّه، وتعلم الحكمة بشكل خاصّ، هدول الوسائل الوحيدة للحماية من سيل المعلومات يلي عم ينهال علينا على مدار الساعة 🕰

661

إشراقة 💛

15 Nov, 07:00

.

للهِ كلُّ صفاتِ الحمدِ كاملةً
هو المنزَّه عن نقصٍ وإخلال

للهِ تشتاقُ أرواحٌ متيّمةٌ
لا أبعدَ اللهُ هذا الشوقَ عن بالي

💛💛🕯

900

إشراقة 💛

14 Nov, 19:24

.

آخر مغامراتي مع Chatgpt 😂💔💔

معه معه بيتحسّن "))

1,190

إشراقة 💛

14 Nov, 19:08

خاارقة!

https://youtu.be/QkwQT9YMGLY?si=u5G3VSLsZmItTVHy

1,114

إشراقة 💛

14 Nov, 18:00

ما شاء الله أديش ليل الشتاء طويل 🙃

مفكرة الساعة شي 11 طلعت 9 🫣

1,152

إشراقة 💛

13 Nov, 07:12

.

صباحكم خير وتفاؤل وإنجاز 💛

1,409

إشراقة 💛

12 Nov, 16:58

أنا وإن كنت أخطأت - وهذا شيء لا بدّ منه أساسا - بس ما بحمل وزر حدا طالما عن غير قصد.

إذا فيه رسالة وحدة عم ركز عليها من ٥ سنين لهلأ فهيي: تعلّم ولا تسلم عقلك وآخرتك لحدا! هي الفكرة الأكثر تكرارا بقناتي كلها.

فمن غير المقبول بتاتا بعد كل هالتركيز على هالفكرة يجي حدا يحملني وزر لشي أنا مالي علاقة فيه!

1,377

إشراقة 💛

12 Nov, 16:55

البوت مغلق يا كرام

حتى متى؟

حتى تبطل الناس تتهمني اتهامات ما أنزل الله بها من سلطان وتحمّلني أوزار الأمّة..
أو لحتى أكتسب القوة النفسية والوقت والجلد للجدال والحكي المطوّل.

- وبهذا الصدد، أعيد وأكرر: أنا لست طالبة شريعة ولا فقيهة ولا أي شيء من هذا القبيل، أنا طالبة طب بتحب دينها لا أكثر.
فلا تحملوني ما لا أطيق، ولا تدّعوا على لساني ما لم أدّعه يومًا ولم أتجرأ، ورجاءً ما حدا يقول إشراقة هيك قالت وأنا أخدت عنها! إشراقة ليست البخاري يا أخي!

واللهِ الحكي يلي وصلني مبارح واليوم بهدّ جبال، والله المستعان 💔

1,364

إشراقة 💛

12 Nov, 13:05

السلام عليكم

بدي جيب باور بانك للتاب، بحيث تكون نوعيته جيدة وما يضرب البطارية
وسعة +20000

حدا عنده خبرة بهالقصص أو تجربة مع باور منيح؟؟

1,471

إشراقة 💛

11 Nov, 19:21

https://youtu.be/63_AOCldyXo?si=YTGz07V_Uj2z20yH

كتييير بنفسي شوفه 😭

.

1,681

إشراقة 💛

11 Nov, 16:09

.

بكرة إن شاء الله بس تتزوجي ويصير عندك أولاد ومسؤولية تربية وبيت وخلافه؛ حيصير هاد برنامجك 👆🏻
ساعة بالنهار لنفسك وإن شاااء الله تحصّليها! "))

هي الساعة هيي اليوم عدّة ساعات..
اليوم حتى لو عندك دراسة وعندك مهمّات منزلية تجاه أهلك (ولااازم يكون عندك مهمات منزلية) وعندك وعندك؛ هالشي لا يُقارن ب لمّا تصيري انتي المسؤولة عن كل شي.

يلي بدي وصله؟
لا تضيعي وقت لإنه الوقت الضائع اليوم رح تندمي عليه بكرة، بلا فيسبوك وانستاغرام إلا عشر دقايق يوميا، بلا أي شي بضيّع الوقت، وتعلّمي كل شي ممكن يفيدك لقدّام.

لا تروحي هلأ تسجّلي مونتاج وتصميم وتسويق 😃
تعلّمي الشي يلي انتي بحاجته، مو الشي يلي دارج موضة وخلصنا!

ونفس الشي للشباب، الفرص المُتاحة هلأ غير متاحة بعدين، لا تضيّع وقت! ⏳

1,993

إشراقة 💛

10 Nov, 19:14

أكاديمية هندسة الأجيال || 🌷

• تعريف إشراقة

• ملفّ التعريف من الأكاديمية

• تجربتي الشخصية

• استفسارات عن التسجيل

• القناة الرسمية للأكاديمية

#إشراقة || @Ishraaqaa

1,547

إشراقة 💛

10 Nov, 18:57

التسجيل رح يسكر هدا الأسبوع، والأعداد محدودة على فكرة، مو شي مفتوح.. يعني وقت يلي بيكتمل العدد بسكر التسجيل فورا.

ف يلي مقتنعة ومقتدرة تسجل فورًا، ويلي مقتنع ومقتدر يسجل فورًا لأخته أو خطيبته أو زوجته لأنه أثر هالعلم العظيم رح ينعكس عالأمة كلها بإذن الله ❤️

1,515

إشراقة 💛

10 Nov, 18:54

هاد مو تعصب للهندسة وإنما تعصب للعلوم يلي بتقدمها هندسة الأجيال..

لإنه تقريبا كل يلي درسوا بهالأكاديمية أجمعوا انه هاد هو العلم الشرعي الواجب على كل أنثى، ويلي للأسف - وبشكل عجيب جدا - بعمره ما تقدّم للإناث بشكل كافي 🤷🏻‍♀

1,614

إشراقة 💛

10 Nov, 18:50

سؤال متكرر ❓

إشراقة أنا طالبة جامعة "وغالبا بتكون طب أو صيدلة" وملتزمة بجامع ومسجلة بالبناء المنهجي، وبدي سجل بهندسة الأجيال.. ساعديني كيف بدي نظم وقتي ولحق 😭🥺

😭

- طيب..
نحنا عنا صورة خاطئة عن تنظيم الوقت حقيقةً، تنظيم الوقت صحيح بخليني قلل اللهو وكتر الإنجاز والعبادة وما إلى هنالك، بس ما في ولا طريقة بتخلي اليوم 40 ساعة 😅
والتلحيق على كل هدول 98 بالمية مستحيل، هي الحقيقة.

لمّا دلكم على باب من أبواب الخير فهاد لا يعني انه تسجل فيه هلأ حالًا، أنا بتعمد دلّ على كتير أشياء لأنه كل شغلة منهن رح تنفع نسبة معينة، ما في شي بناسب الكل.. فلما تشوف إعلان عن باب من أبواب العلم لا تسجل فيه وخلصنا، التسجيل هو أهون خطوة، ولكن فكر هل بقدر التزم وأعطي هالشي حقه ولا لاء؟؟

الصيدلة هي كلية المية ألف مذاكرة بالفصل، معروفة.. بعد أول أسبوعين من بداية الفصل ببلش سيل المذاكرات وما بيخلص ليخلص الفصل.
وبالطب كل يوم ستاج وكل أسبوع فحص عملي..
يعني حقيقة الموضوع جلل وماله بهالسهولة، فلا تحمّلوا أنفسكم ما لا تطيقون.

طيب، رفيقتي من فترة سألتني أنو الأهمّ من بين الثلاثة السابقين؟ أو حتى من بين الأربعة السابقين إذا حطينا الجامعة معهن؟
جاوبتها بكل صدق وبحسب رأيي الشخصي: الهندسة أهمّ وحدة

أهمّ شي بالعلم الشرعي بالنسبة للأنثى:فقه العبادات وتلاوة القرآن بشكل صحيح، هدول بتاخديهن بالهندسة
وأهم شي بالدنيا والآخرة تكوني زوجة وأم صالحة، وهاد هو هدف الهندسة.

فبرأيي الشخصي "الشخصي، لإني بعرف سيل الانتقاد يلي رح ينفتح هلأ 😂🙂" الهندسة أهمّ شي، وطبعا ليست الوحيدة لكن إذا حبينا نرتب بتجي الهندسة رقم واحد.

تمام يا قوم؟ 💆🏻‍♀

1,375

إشراقة 💛

10 Nov, 15:05

.

النصّ مو إلي بس الفكرة إلي وبشدّة، بفضل الله..

ماما ما ربّتني أبدًا إني أنظر لغيري، علّمتني إنه المعايير شيء شخصي بيتبع الظروف والإمكانيات والرغبات طالما ما في شي بخالف الشرع.

ولهلأ، ما بيخطرلي أبدًا شوف إنجازات هي وحساب هديك وعلامات مدري مين.. ما عندي طاقة أصرفها على هيك شي، ولو الوقت بينشرى لاشتريته.

رح تتحاسب على قدراتك، فأوعك تهدر شيء منها بهيك مقارنات ما الها أي معنى!

1,313

إشراقة 💛

10 Nov, 12:33

لا أجيد المنافسة!

ستجدني دائمًا في الطرق الخالية
أتسابق مع نفسي التي كنتُ عليها بالأمس
عيني لا تلمح غيري!

فاطمة رحيم || 📚

1,346

إشراقة 💛

10 Nov, 10:55

😏😏

1,304

إشراقة 💛

10 Nov, 04:03

صباح الخير 🪔

مبارح طلعت نتائج الهندسة للفصل الماضي 🤩
يلي سجلوا بالدفعة الخامسة طمنوني نجحتوووا؟ 😭😭
@Zomorodah_Bot

1,414

إشراقة 💛

08 Nov, 16:07

فيه فرق شاااسع جدًا بين: فعل المعصية و الدعوة إلى المعصية!

قال رسول الله صلى الله عليه وسلم: " كُلُّ أُمَّتِي مُعَافًى إِلَّا الْمُجَاهِرِينَ ، وَإِنَّ مِنَ الْمَجَانَةِ أَنْ يَعْمَلَ الرَّجُلُ بِاللَّيْلِ عَمَلًا، ثُمَّ يُصْبِحَ وَقَدْ سَتَرَهُ اللَّهُ، فَيَقُولَ : يَا فُلَانُ، عَمِلْتُ الْبَارِحَةَ كَذَا وَكَذَا. وَقَدْ بَاتَ يَسْتُرُهُ رَبُّهُ، وَيُصْبِحُ يَكْشِفُ سِتْرَ اللَّهِ عَنْهُ " أخرجه البخاري 📚

كلنا أصحاب معاصي.. حدا بيتجرّأ يقول انه مو صاحب معصية؟
بس هاد ما بيعني أبدًا نتفاخر فيها ونحطّها عالسوشال ميديا ونطبّع معها.

السَّتر نعمة، فحافظ عليها وادعُ الله عزّ وجل أن يتوب عليك حتى تلقاه وهو راضٍ عنك💛

1,804

إشراقة 💛

08 Nov, 08:03

جمعة مباركة يا أصدقااء 🪔

💛

1,796

إشراقة 💛

07 Nov, 17:34

الحفل رااائع تبارك الله!

أمسية سعيدة 🪔💛💛

2,091

إشراقة 💛

07 Nov, 17:22

.

قرّت عيونُ المجدِ يا يومَ الحصاد
فهنيئًا لكم زاد العلا يا خيرَ زاد 😍😍

شاركونا الحفل وفقراته الماتعة 🥳

عقبى لكل طالبات الهندسة الحبيبة 💐🩷🕯🕯

2,109

إشراقة 💛

04 Nov, 18:10

التعليقات مفتوحة في حال حدا حابب يسأل عن دبلوم التأهيل الأسري وأصدقاءنا المسجّلين فيه يجيبوا ..

690

إشراقة 💛

04 Nov, 17:21

حدا هون مسجل بدبلوم التأهيل الأسري؟

إذا حدا مسجل يا ريت يحطلنا لايك على هي الرسالة 👍

774

إشراقة 💛

04 Nov, 11:09

.

بيلفت نظري الدبلوم ❌

بيلفت نظري انه لازمهم كاتب محتوى يزبط هالمنشور ")) ✅

1,065

إشراقة 💛

04 Nov, 11:08

.

هذه لمن سألني عن دبلوم التأهيل الأسري 👆🏻

مالي مجربته بس بقولوا منيح، والله أعلى وأعلم 💛🪔

991

إشراقة 💛

04 Nov, 11:07

قيم| برنامج التأهيل الأسري (المستوى الأول)2025
⚫️ دراسة شرعية تربوية نفسية واجتماعية متخصصة بشؤون الأسرة.
⚫️ يتضمن البرنامج مواد في: الفقه، والتفسير، والحديث، والتربية، وأخلاقيات الأسرة، وإدارة الإنفاق الأسري، والمشاكل الأسرية في المحاكم الشرعية، وقضايا اجتماعية أسرية.
بالإضافة إلى مجموعة من المحاضرات التي تقدم معلومات تطبيقية حول أبرز المشكلات التي تعاني منها الأسرة وغيرها من المواضيع التي سيناقشها اختصاصيون في شتى المجالات.
⚫️الفئة المستهدفة: المقبلون على الزواج أو المهتمون بمجال الأسرة والتربية والدعوة.
⚫️ للتسجيل يرجى إدخال بياناتكم الشخصية على الرابط التالي ومن ثم التوجه إلى المركز من قبلكم أو من قبل وكيل عنكم لتثبيت التسجيل:
https://docs.google.com/forms/d/e/1FAIpQLSfMBuC7OITX34HEQLB79il1POpYJrRKLo2Gs5k2CpGHDuPyqw/viewform?usp=sf_link

لمزيد من التفاصيل والاستفسارات يرجى التواصل على أرقام المركز أثناء الدوام الرسمي من السبت إلى الأربعاء بين الساعة 9 صباحاً حتى الساعة 2.30 ظهراً (عطلة المركز الرسمية يومي الخميس والجمعة)
الهاتف:+963112333316
+963112333317
الموبايل:+963955980008

946

إشراقة 💛

03 Nov, 21:03

أنا رايحة، ولما توصل إشراقة 5k اعملولي تعليمة 🚶🏻‍♀️

1,081

إشراقة 💛

03 Nov, 18:18

نوقدُ في عقلك بقعًا مظلمة 🧕

فهاكَ مجموعةً من أبرز ما نشرنا..

ارفع مستوى دراستك باستخدام هذه التكنيكات الاحترافية 📚

🌼

التطوع في الجامعة، ما له وما عليه 👥

مفاتيح تختصرُ عليك مسافات ✍

🔑

تطبيقات ثمينة في المتجر، تعال أعرّفك عليها 📱

عاكس ترندات التباهي ولا تمدنّ عينيك 👀

نعمٌ منسيّة 🫀

أفلا يتدبّرون القرآن؟ 📔

منصّات نظيفة لأطفالنا 🎞️

#إشراقة || @Ishraaqaa ☀️

1,173

إشراقة 💛

03 Nov, 14:02

.

أول مطرة بدمشق 🌧😍😍

اللهمّ غيثًا مغيثًا يروي أرضَنا وقلوبَنا 🤲🏻

1,245

إشراقة 💛

03 Nov, 13:19

كإننا قربنا عال 5k؟؟ 😍🔥

1,295

إشراقة 💛

02 Nov, 17:27

هذا عمر الانشغال، إياك والجلوس فارغا!

1,725

إشراقة 💛

02 Nov, 17:13

بسبب شدة الانشغال يا كرام، رجاء يلي بيبعت عالبوت يبعت كل شي بده ياه برسالة واحدة

لما شوف "السلام عليكم" و "كيفك" غالبا ما برد صراحة، والرسائل المطولة والاستشارات كمان ما برد لإني لستُ أهلًا لذلك

أما الشغلات البسيطة فأهلا وسهلا بس بدون مقدّمات، وجزاكم الله خيرا

1,343

إشراقة 💛

01 Nov, 16:09

اللهمّ عونَك!

اللهمّ توفيقك في أشدّ منعطفات حياتنا شدّةً!

1,518

إشراقة 💛

31 Oct, 17:50

.

أنت من نرنو إليها درةً بين الجموع
يا جمالًا شعَّ فيه الحسنُ من بينِ الضلوع 🧕

1,620

إشراقة 💛

30 Oct, 21:32

https://t.me/Ishraaqaa/s/6 🕯💛

1,914

إشراقة 💛

29 Oct, 21:30

الحجاب فريضة عظيمة لأنثى مكرّمة عند ربها جلّ وعلا، من أهدافها المحافظة على العفّة بالمجتمع المسلم 🧕

بس لاء يا أخيّة، الحجاب مو هو قطعة القماش يلي بنحطها على راسنا وبس! الحجاب لازم يحقّق شرط الاحتجاب عن أعين الناس.

هنيئًا لكلّ فتاة مسلمة تسعى لتصحيح حجابها بزمن صاروا البنات يتباروا فيه مين بدها تطالع شعرها من تحت الحجاب أكتر، ومين بدها تطوّل الآيلاينر أكتر، ومين بدها تلبس بنطال أضيق! وصارت المحجّبة الحقيقية لافتة للنظر بسترها وحيائها.

اللهمّ أعنّا واكتب لنا القيام بحقّ الحجاب وارتداءه على النحو الذي يرضيك، على خطى أمّهات المؤمنين والصحابيّات.. اللهمّ آمين 🤲

🎈

2,598

إشراقة 💛

29 Oct, 19:44

الهدف العظيم بده جهد عظيم، وبدك تتعب.. ايأس من فكرة انك ممكن توصل لأي شيء بدون تعب.. 🧗🏻‍♀

1,915

إشراقة 💛

29 Oct, 05:29

أسعدَ اللهُ صباَحكم بكلِّ خير 💐

لا تنسوا أن تنظروا في البوست المثبّت 💐

2,234

إشراقة 💛

28 Oct, 16:16

.

الحمدُ لله كثيرًا طيّبًا مباركًا فيه 💛

أنا عندَ ظنِّ عبدي بي، فليظن عبدي بي ما شاء.. ما ظننتُ به يومًا إلا خيرًا، فالحمد لله الحمد لله.
اللهمّ وفّقْنا لما تحبُّ وترضى 💐

2,434

إشراقة 💛

28 Oct, 15:05

إشراقة 💛 pinned «»

0

إشراقة 💛

25 Oct, 19:53

أنا متل كل الشباب بسرد عالشورتز والريلز وفيسبوك، بس هلأ عم حاول قد ما بقدر اني قلهم: لاء ما رح تسرقوا عمري، لاء ما رح تكون العالم عم تموت وأنا عم أتفرّج على شي سخيف.

وحابة نحاول سوا، لإنه ايد لحالها ما بتصفق.. ونحنا مو بس بدنا نصفق، نحنا بدنا نسمع الدنيا كلها انه مبلا لساتنا موجودين 🤝🏻

474

إشراقة 💛

25 Oct, 19:50

.

مركز الثقل بهدا البوست مو مناقشة المشروع وطبيعته ومدته، بس أنا لما بسرد بفوت بتفاصيل مالي فيها "))

محور هدا البوست هو نبذ التفاهة للأبد وحمل مسؤولية الأمّة..
نحنا بنعرف انهم عملوا السوشال ميديا ومية وسيلة أخرى ليسرقوا أعمارنا ويلهونا عن قضايا أمّتنا، بس العجيب كيف عم نسمح لهم؟؟

لهلأ بنسرد عالريلز وعلى إنستاغرام، لهلأ بنحطّ عقلنا من عقل هدول المراهقين يلي ما عم يقدموا للأمة غير الخراب وما عم يفيدوا المجتمع بليرة، هدول يلي سمّوهم بلوغرز وتبنتهم الشركات وصنعتهم لتحقق مصالحها.

هدا هو محور البوست حقيقةً مشان ما نفوت بتفاصيل جانبية..
لا تقبل من حدا يسرق عمرك خصوصي إذا كان عدوّ، وواااضح العداوة {قال فبعزّتك لأغوينّهم أجمعين، إلا عبادك منهم المخلصين}

ولا تقبل بظلّ كللل يلي عم يصير بأمّتك إلا يكون همك من همها ومولّف حياتك تبعا لمصالحها، وتأكّد انه هالشي عظيم الأجر عند الله سبحانه وتعالى بإذن الله.

484

إشراقة 💛

25 Oct, 15:37

عم يقتّلوا فينا ويدمّروا عقولنا وبنفس الوقت شغّالين على إلهاء شبابنا بما سمّوه وسائل ترفيه: مهرجانات، حفلات، طغيان طريقة الحياة يلي كلّ همها الأكل والسفر، ترندات.. وحتى للمنتوف الفقير متلنا: يوتيوب، فيسبوك، انستاغرام.

اصحى! امتى ناوي تصحى؟
فيه مدينة كاملة يجري الآن محوها من على ظهر الأرض ونحنا لسا غافلين

ما عم قلك يلا امسك ال🔪 والحقني!
بس عم قلك: واجب عليك ك ابن لهي الأمّة انك توقف ضدّ هي المكائر كلها، وااجبك ما يضل آخد عقلك الأكل والشرب والنجاح الشخصي.. لإنه الغرب التافه الغبي صدرلنا نماذج النجاح الشخصي على إنها قمة النجاح والإنجاز.

وااجبك من هلأ يكون عندك خطة بتقول: من هلأ ل ١٠ - ١٥ سنة قادمة رح كون انتقلت من ميدان المشاهدة إلى مَيدان العمل!

870

إشراقة 💛

24 Oct, 15:51

.

أبدعَ شيخُنا د. سُليمان النبهان المشرف العلمي في الهندسة الحبيبة؛ في بيانِ أهمية استقرار الأسرة والدور الجوهريّ للأمّ المسلمة في بناء الحضارة وإصلاح الجيل ✉️

هذا البودكاست خيارٌ رائع لأمسيتك اليوم، فإليك: 🎙
https://youtu.be/6q4-5W1OwAY?si=3vv8zFnuvQ2puabn

#أكاديمية_هندسة_الأجيال ❤️

1,123

إشراقة 💛

23 Oct, 20:21

جاوبوا قبل ما اجي احكي

جاوب بأي شي، أكيد عندك جواب

1,263

إشراقة 💛

23 Oct, 19:46

مقابل الاستنزاف يلي بيستنزفه منا، شو بيعطينا العلم؟ 📚

1,211

إشراقة 💛

23 Oct, 19:44

العلم مؤلم، قد ما كنت بتحبّ الشي يلي عم تدرسه، هي الحقيقة ما بتتغير..

مؤلم لما يعرّفك بجهلك، مؤلم لمّا يحط ايده على نقاط ضعفك.. مؤلم لما يعرّيك وتكتشف انك ملول وما عندك صبر وروووح قلبك التسويف.

بس بالمقابل يلي بيصبر بيكسب كتير، كتير كتير والله 💛

1,212

إشراقة 💛

23 Oct, 19:24

بعمل كابتشينو قبل ما أدرس لفيق وأصحى ❌

بعمل كابتشينو لأقنع حالي انه فيه شغلة حلوة أقعد مشانها ✅🥲

1,266

إشراقة 💛

23 Oct, 15:50

عجبتُ لجلدِ الفاجر وعجز الثقة!

1,267

إشراقة 💛

21 Oct, 16:06

.

تذكرت لما بطفولتي (العقلية) ومن كللل عقلي رحت تطوعت بفريق من فرق الجامعة، الله يهديني 😂💔

ومشان يرغبونا بالتطوع البائس قالولنا انه حيعلمونا الإدارة وكيف نمسك فريق وكذا "))

هلأ ما رح احكي تفاصيل مشان السرية وكذا، بس لن أنسى في حياتي انه كان هالفريق أتعس مؤسسة بتمرّ عليي من ناحية الإدارة والتنسيق 🙂
ومقتنعين من كل عقلهم انه مجرد وجودهم بمكان وهمي هنن يلي اخترعوه بخليهم مُدراء، مو بس مدراء وبدهم يعلمونا كمان!

فيلم كوميدي أقسم بالله 😂

أصعب ابتلاء بالعالم: جهل الجاهل أنه جاهل 🙂

1,897

إشراقة 💛

21 Oct, 16:00

الشغل النضيف بده وقت.. ⏳

تذكرت هي المقولة وأنا عم أشتغل على مهمة من شهر ولحد الآن، كان فيني خلصها من أول أسبوع، بس الإتقان هو يلي عم ياكل كل هاد الوقت..

نحنا اليوم عايشين بعصر السرعة والكبسولات في كل شيء!
مو بس الأكل سريع.. المعلومة يلي كانت من قبل بدك ربما أسبوع أو أسبوعين لتحصل عليها اليوم بتحصل عليها بكبسة زر على تشات جيبيتي..

نحنا فقدنا أهمّ شي بيحتاجوه البشر = الصبر!
الصبر عالعلم، الصبر على البناء، الصبر على تكوين الخبرة، الصبر على إيذاء الناس والأقارب وما إلى ذلك.. الصبر على حالنا حتى!

وأكتر شي بيقلقني بكلللل هاد هو تصدُّر المبتدئين 🙂
وسيادة عقلية تعليم الأقران والصغار بالعمر بكتير مجالات..
ظاهرة خطيرة ومُرعبة، كل واحد بياخد شهادة هيك قدها 🤏🏻 بصير يفكر انه بحقله يتصدر! حتى لو كانت الشهادة بوادي ومجال العمل يلي بده يشتغل فيه بوادي آخر.

طوّل بالك، واصبر، وكثّف العمل..
كتير غلطان يلي بقلك زتّ حالك بمكان معين وتتعلم من التجربة.. افتح برنامج تصميم ولحالك بتتعلم، امسك فريق ولحالك بتتعلم، امسكي حلقة قرآن والتجربة بتعلمك.. نحنا عم نعيد اختراع العجلة يا جماعة، العلم موجود ليختصر علينا مراحل مو لحتى نرجع نجرب من أول وجديد.
نعم في مرحلة معينة بصير لازم تنزل على ساحة العمل وبصير العمل نفسه محفز الك تتعلم وتتطور، بس مو من البداية، مو بسم الله مسّكوني شغل! 🙂
ع شو بدك تمسك شغل يا ماما؟ على شهاداتك (الحقيقية) ولا خبراتك ولا التدريب المكثف تحت أيدي أخصائيين؟

الله المستعان..

المهم وصيتي الكم تمرنوا عضلة الصبر عندكم وتتذكروا: لا يمكن يتساوى شخص بذل على حاله ١٠ سنين بالبناء بشخص تعلم كلمتين بسنتين وبعدين تصدّر، وهالشي بكل المجالات.

طيب ليش؟ لأنه الشغل النضيف بياكل وقت 😉

1,600

إشراقة 💛

21 Oct, 13:51

حرفيا عم احضر بدموعي، حرفيا بدموعي أقسم بالله ..

الله المستعان
اللهمّ فرجك على أهل الشام يا رب

1,423

إشراقة 💛

21 Oct, 13:49

فيه دروس بحضرها بعيوني ودروس يحضرها بدموعي 🥺

مطلوب ملياردير خليجي يكفل طلاب العلم 🙂💔💔

1,408

إشراقة 💛

21 Oct, 13:49

السلام عليكم ورحمة الله وبركاته،

🟤

دونكم رابط اللقاء الأول من برنامج بوصلة الأخصائي النفسي:

https://us02web.zoom.us/j/81392788466?pwd=EJ1zldAVLGvPo4hhkyD0tKaBWhrJQm.1

1,480

إشراقة 💛

21 Oct, 12:34

مسكين هالشبّ، قلبي من جوا عم يتقطع عليه..
أنا كمان بحبه، لإنه من ديني وملتي وبلدي وجيلي، بس محبّة مختلفة، محبة يلي خايف عالتاني من جبال الأوزار يلي عم تنحطّ بميزانه كل ما قلبت الثانية وهو مبسوط والمراهقين والجهّال عم يصفقوله 💔

أديش صعبة الواحد يبلش شبابه بكمية سيئات مرعبة متل هيك، أديش صعب يكون حادي الناس إلى جهنم والعياذ بالله.

اللهمّ أقم لأمتي أمر رشدٍ وردّ شباب المسلمين إلى دينهم ردًا جميلا.

1,462

إشراقة 💛

21 Oct, 12:32

الإجابة القرآنية..

1,543

إشراقة 💛

21 Oct, 06:07

إشراقة 💛 pinned «نوقدُ في عقلك بقعًا مظلمة 🧕 فهاكَ مجموعةً من أبرز ما نشرنا.. ارفع مستوى دراستك باستخدام هذه التكنيكات الاحترافية 📚🌼 التطوع في الجامعة، ما له وما عليه 👥 مفاتيح تختصرُ عليك مسافات ✍🔑 تطبيقات ثمينة في المتجر، تعال أعرّفك عليها 📱 عاكس ترندات التباهي ولا…»

0

إشراقة 💛

21 Oct, 00:06

لا يمكن للإنسان أن يكونَ مسلمًا ويبقى جاهلًا..

1,540

إشراقة 💛

20 Oct, 19:56

مالي مفارقة حدا الحمد لله، بس بتجنن 💗

1,655

إشراقة 💛

20 Oct, 19:56

💆🏻‍♀

🎧

Listen to منذ فارقت الديار للمنشد سلمان الملا by Masterpieces songs on #SoundCloud
https://soundcloud.com/ebraheem1993/haekrf1iijdw?ref=clipboard&p=a&c=0&si=9e83410717be49ceb98b385028446655&utm_source=clipboard&utm_medium=text&utm_campaign=social_sharing

1,206

إشراقة 💛

20 Oct, 19:26

.

إذا أعجبكم البوست، فيكم تحولوه على قنواتكم ومجموعاتكم؟ فضلًا .. 💐

1,011

إشراقة 💛

20 Oct, 18:44

نوقدُ في عقلك بقعًا مظلمة 🧕

فهاكَ مجموعةً من أبرز ما نشرنا..

ارفع مستوى دراستك باستخدام هذه التكنيكات الاحترافية 📚

🌼

التطوع في الجامعة، ما له وما عليه 👥

مفاتيح تختصرُ عليك مسافات ✍

🔑

تطبيقات ثمينة في المتجر، تعال أعرّفك عليها 📱

عاكس ترندات التباهي ولا تمدنّ عينيك 👀

نعمٌ منسيّة 🫀

أفلا يتدبّرون القرآن؟ 📔

منصّات نظيفة لأطفالنا 🎞️

1,519

إشراقة 💛

20 Oct, 17:02

العمر يمرّ.. ⏳

1,100

إشراقة 💛

18 Oct, 21:16

ويتبع لذلك لما تسأل بنت متدينة شوي: ما هي مواصفات فارس أحلامك؟

بتقلك: حاافظ للقرآن الكريم، بصوم اثنين وخميس، وبصلي التهجد

ايه، خيرًا ان شاء الله :"))

1,453

إشراقة 💛

18 Oct, 21:15

برأيي، كل مسجد أو مركز ديني أو أكاديمية شرعية أو أو.. أوّل ما يدخل الإنسان عليها لازم يكون فيه محاضرة اسمها: ما هو الالتزام الديني؟ أو ما هو التديُّن؟ ما حنختلف عالاسم..

بس نحنا بحاجة ماسّة لإعادة تعريف التدين أو الالتزام..
مصيبة لما ينحصر الالتزام بشغلتين هنن الأكثر شيوعا: حفظ القرآن، وصلاة التهجد 😃💔

هدول الشغلتين عظيمتين كتير، كتير كتير، بس هاد هو الإسلام؟ خلص هيك خلّصنا؟؟ ولا هلأ بلشنا؟ 🙂🙂

1,410

إشراقة 💛

18 Oct, 20:27

.

أنا بانتظاركم هونيك، لنعزز ثقتنا بأنفسنا "))

1,353

إشراقة 💛

18 Oct, 17:36

هل تبحث عن كلمة السر لتفجير طاقاتك وتحقيق نقلة نوعية في حياتك الشخصية والمهنية؟

🔍

الثقة بالنفس هي المفتاح السري الذي يزيل العقبات، يساعدك على التفاعل الإيجابي مع نفسك ومع الآخرين، ويزيد من فرص نجاحك في كل جوانب حياتك 🔑

نقدم لك من منصّة طمأنينة للتدريب والدعم النفسي دورة متخصصة ومكثفة لتعزيز ثقتك بنفسك واكتشاف إمكانياتك الحقيقية 📝

🤩

ماذا ستتعلم في هذه الدورة؟ ❔
• تطوير مهارات التواصل الفعّال وفهم الذات بعمق.
• اكتشاف نقاط قوتك وتعزيز الثقة بالنفس.
• تحسين علاقاتك الشخصية والمهنية لبناء حياة أكثر توازنًا ونجاحًا.

🕯️ مميزات الدورة:
• أونلاين: وقت يناسب جدولك الشخصي.
• متطلبات بسيطة: كل ما تحتاجه هو شحن هاتفك وتجهيز مشروبك المفضل!

💻 لا تضيع الفرصة! التفاصيل الكاملة وطريقة التسجيل هنا:
https://www.facebook.com/share/p/RYNtzBzK7CbyeKFu/

انضم الآن وابدأ أولى خطواتك نحو حياة مليئة بالفرص والنجاحات 🔥

1,459

إشراقة 💛

18 Oct, 08:51

من المؤمنين رجالٌ صدقوا ما عاهدوا اللهَ عليه ✋🏼

رحمَ اللهُ سيّد الطّوفان وتقبله في الشُّهداء.

اللهمّ أجرنا في مصيبتنا وأبدلنا خيرًا منها 💔

1,402

إشراقة 💛

إشراقة 💛 (Arabic)

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛

إشراقة 💛