قناة الانكليزي مع د. براء المدلل

سمعت انو وضعك النفسي بالحضيض، انا جاي هون اسلخك كفين واقعيات لاني بحبك:

🔹 شايف لما كنت صف اول وفرحان زي السنفور ب اول 10/10 جبتها؟
🔸 طب شايف لما صرت سادس وجلاءك كله كان عشرات؟
🔹 طيب وقت الكفاءة، لما جبت معدل خارق وكاسح وصاروا اهلك يرفعوا راسهن فيك قدام ابناء عمومك واخوالك؟
🔸 طيب.. شايف لما بالبكالوريا سهرت ليلة ورا ليلة ورحت كل يوم ع المدرسة لتركز 6 ساعات ورا بعض، واكتئبت وخفت، وبالاخير سلختها 230+ واشتغل العيد بالبيت عندك.

🔶 طيب شو شعورك لما قلك انو كل هالانجازات من الصف الاول لليوم، كل ليلة سهرتها وكل علامة تامة جبتها، اغلبها بلا طعمة نسبياً..

🔶 هال12 سنة دراسة بحياتك كانت حرفياً طريق لا غير، وكانت الفائدة الوحيدة لهاد الطريق هو انه يوصلك ل يللي انت عليه اليوم، انو يعطيك فرصة لتقعد بهالمقعد اليوم، وهي كانت فحوى السنين ال12 الماضية بحياتك: طريق حفره الطفل منك، ودرس الاف الساعات ليعطيك فرصة هالكم شهر اليوم.

ما حدا اليوم مهتم قديش نقصك ب رياضيات السابع وكم علامة عن التامة بقيلك بالتاسع والعاشر...

🔷 الشي الوحيد يلي ح يضل معك بعد 40 سنة تانيات هو مهنتك، اما كل هالتعب وديق الخلق والتفاصيل حتروح، متل ما راح ملل التاسع وضجر البكالوريا وغيره، بس ما راحت علامتك بالبكالوريا يلي فوتتك الفرع وكملتلك حجر اخر بهالطريق.

🔷 انجازك العلمي بالحياة يخضع لقانون "الكل أو لا شيء"، انجازاتك لن تعني شيء اذا ما كملت الطريق لاخره، ما حدا ح يقللك برافو عليك انك عبرت اغلب الطريق بسلاسة، او انت تعبت ع حالك بالعاشر والحادي والبكالوريا وخلص حاجتك معك حق.

🔷 اذا انت حفرت لل99% من الكنز وقررت "تملّ" ع اخر 1%، ف كل ال99% كانت ع الفاضي. ولا تفكر انك تقول "اي حاجتي انا حفرت 99%"، لانو العالم الاكاديمي محا يحاسبك ب قديش تعبت سابقاً لحتى وصلت لهي السنة، وإنما ح يحاسبك ع قديش اشتغلت لمّا قدرت توصل لهي السنة.

🔶 واوعا تستخدم تعبك بالطريق ك عذر ع خمولك اليوم، لانك اذا بدك تفكر هيك، بتكون عم تظلم نفسك السابقة يلي اشتغلت 12 سنة وفوق ال100.000 ساعة لتقدر تحطك بهالموقع اليوم.

🔸 أما أنا، ف دائماً بقول لما قرر تنح ووقف سعي: شو حيكون شعور براء الصغير لما يعرف اني اجيت كبيت شغل 12 و 15 سنة من دراسته، كرمال انو "داق خلقي" من دراسة كم اسبوع قادم؟ هالطريق أنا مدين لبراء الصغير ب اني كمل فيه لآخره وأسعى فيه عالاقل، ووقتها سواء نجحت او لم أتوفق، بكون ما فشلت، وبكون ما ضيعت الفرصة بايدي، لاني عرفان اني عملت جهدي واخدت بالاسباب.
انت مدين تكمل ال 1% لنفسك السابقة يلي بنت الك ال99% من هالطريق.

تحياتي لجميع طلاب العلم 💜
د. براء المدلل @Dr_BMOD

الرسالة المثبتة لقناة اللغة الإنجليزية مرتّبة بشكل ممنهج لسهولة وسرعة الوصول، سيتم تحديث الجدول بشكل دوري.

تستطيع الضغط على أي عنوان للوصول للرسالة المطلوبة:


◻️ ما يجب عليك أن تبدأ به:

🔹 جدول المراجعة لمختلف الطلاب

🔹 فيديو تعريفي عن مادة اللغة الانكليزية للسنة التحضيرية

🔹 مراجعة المطلوب من منهاج المدرسة (فيديو الأزمنة)

━━━━━━━━━━━━━

◻️ البوستات الهامة في القناة:

🔹أسماء المكاتب المعتمدة لكورس ونوطة الانكليزي

🔹رابط تطبيق BMOD Academy لمتابعة الكورس الإلكتروني

🔹جروب مادة اللغة الانكليزية مع الدكتور براء المدلل للاجابة على جميع اسئلتكم العلمية

🔹العينة المجانية من نوطة English for pre 10

🔹تصويبات نوطة English for Pre 10

🔹كيف أبدأ بدراسة المادة

🔹إجابة عن بعض الأسئلة المتكررة

🔹أخطاء شائعة عليك تجنبها

━━━━━━━━━━━━━

◻️ ملفات تدريبية للنصوص الخارجية مع الحلول والنصائح:

النص الأول | النص الثاني | النص الثالث

━━━━━━━━━━━━━
◻️ أسئلة أتمتة شائكة مع تفسيرها:

1A (Indirect Question)
1B (So / Neither)       
1B (Echo / Tag)
1V (Vocabulary)

2A (Adjectives)
2B (Narrative tenses)
2B
3A (The passive)

◻️ تنبيه على النكشات:

🔹الفرق ما بين ال Echo وال Tag question

━━━━━━━━━━━━━
◻️ جداول الدراسة:
(بإمكانك أخذ فكرة عن المطلوب ثم وضع جدول خاص بك).

🔴 لمن بدأ من قبل المفاضلة:
الشهر الأول | الشهر الثاني | الشهر الثالث

⚫ لمن بدأ من بعد المفاضلة:
الشهر الأول | الشهر الثاني

━━━━━━━━━━━━━━━━━
◻️ دعم نفسي (أنت اكثر من مجرد آلة):

🔹هل زميلي أذكى مني؟ 🤔
🔹عن الـ Burnout Syndrome

🔹كيف تحقق جميع أهدافك اياََ كانت؟ (فيديو)
🔹أنت تصنع الفرع، الفرع لا يصنعك

🔹كيف تتغلب على النسيان، الـ Forgetting Curve
🔹ضياع الدوام وقلة الوقت، ما الحل؟

🔹عادي انك تكون عادي
🔹"رفقاتي اسرع مني" ال Egocyntric Bias

🔹الوقت المفتوح عدو الإنتاجية

مساء الخير جميعاً 💜
جهزت هدية الأسبوع الرابع والأخير، وبعدها سيتم تخفيف منشورات قناة الإنكليزي للتركيز على مادتكم الاولى 🎉

- تم رفع مستوى النص إلى مستوى متوسط عوضاً عن سهل، وذلك تتمة لأسلوب التدريب الذي أمشي معكم فيه، حيث بدأنا بالسهل وسننتهي بالأصعب.

- تم انتقاء النص، وإعداد الأسئلة وخياراتها فيما يماثل أسلوب الامتحان، كما أضفت لكم جدول الحل ونصائح عامة عن النص الخارجي والوقت اللازم.

شاركوا الملف ولا تنسونا من دعواتكم.
قناة د. براء المدلل @DR_BMOD

🔸 الطبيب المقيم: نيال الاختصاصيين، خلصوا هم فحص الفاخ ارزت..

🔸أنا بألمانيا: نيال يلي خلصوا الأبروباسيون.. مستحيل استقر قبل ما خلص كل الفحوصات وصير طبيب مقيم.

🔸 الطبيب المتخرج: نيال الدكتور براء تخطى الفاخ بألمانيا..

🔸طلاب الطب: نيال الخريجين خلصوا قرف الجامعة والوطني وتخرجوا.

🔸طلاب التحضيري: نيال طلاب الطب نفدوا من التحضيري وفاتوا كلية أحلامن..

🔸 طلاب البكالوريا: نيال طلاب التحضيري نجحوا بكالوريا وخلصوا هالهم..

🔹أنا والاختصاصيين والأطباء المقيمين بألمانيا: نيال كل الطلاب الشباب، لسا قدامهن عمر كامل مليء بالإمكانيات والمستقبلات، لساتهم عايشين ناح أهلهم وناسهم بعصر جديد على سوريا..

كل واحد بيشوف يلي ناقصه، وما بيشوف النعمة يلي عايشها ليفقدها ❤️
خليك مقتنع بواقعك ولا تتمنى عمرك يمشي عالسريع، كله جاي وقته.

د. براء - القناة العامة @More_Baraa

Note: All medical students.

خليك هيك ولسا لتلاقي حالك عمرك 50 سنة ولسا هاكل هم يلي بعده.

د. براء المدلل @DR_BMOD

أجاب 74% من الطلاب على الجواب بشكل صحيح، مما يعكس تطور ملحوظ عند الغالبية في فهم الأزمنة 💜

للتفصيل في فهم الازمنة:

🔹 يوجد مصطلح last Saturday في اخر الجملة، وهي دلالة أن الجملة بزمن الماضي البسيط.
بما ان الجملة بالماضي، فهذا يحصر خيارات أجوبتنا بال Narrative Tenses، ويمحي صحة خيار الحاضر التام have put.

🔹 سارة إنسانة فهمانة، درست الإنكليزي قبل امتحانها السبت الماضي، بدليل كلمة Before.
وللتعبير عن الزمن (الأمضى) من الماضي، سنستعمل الماضي التام.
---------

قد يتسائل أحد الطلاب، لا يوجد فعل ماضي بسيط في النصف الثاني من الجملة مع كلمة Before، فكيف افترضنا انه يوجد فعل ماضي بسيط ونحن بحاجة إلى فعل أمضى منه؟

بصراحة، كانت دلالة الماضي البسيط last Saturday الكلاسيكية كافية في افتراض زمن الجملة بأنه ماضي بسيط.

تخيل أنه يوجد مجازيا فعل ماضي بسيط بمعنى: (قبل تقديمها لامتحانها في الاسبوع الماضي)

Before she (did) her English exam last Saturday.

وذلك على غرار احدى اسئلة الكتاب:
My parents had flown before our holiday to China last year.


دمتم بألف خير 💜
د. براء المدلل للانكليزي @DR_BMOD

ابتداء من النص الثالث فما فوق ح نبلش أسلوب (الفطم).
انه بداية نتعلم البسكليتة بعجلات مساعدة.. بعدين بدون عجلات، بعدين عالشارع.

وكذلك الأمر، يبدأ الامر اني معد فسر النص، وشوي شوي ح يصير مستوى النص اصعب بشوي ليصفى كأسوأ سيناريو مرق بال9 سنين الماضية، لتكونوا متجهزين لأي شي ولتتدربوا تحلوه بأقل عدد من الكلمات المترجمة أو يلي فعليا بتعرفوها.

شو وضع النص السابق؟ جربت حالك فيه ولا البوست خلاك تشتاق للألعاب ونسيت شي اسمه دراسة؟ 😁

د. براء المدلل للانكليزي @DR_BMOD

جمعة مباركة 💜
جهزت هدية الأسبوع الثالث 🎉

انتقيتلكم النص هالمرة ممتع جداً، عن الجيمينج (ألعاب الكمبيوتر) وقديشها مفيدة ببعض الأحيان للبني آدم 😂😂
من محسوبكن صاحب رانك Unreal بالفورت.

الملف لن يأخذ أكثر من 15 دقيقة من وقتك، وبتدريب اسبوعي، تستطيع الوصول إلى علامة أعلى ترضيك في اللغة بإذنه تعالى.

تم انتقاء النص، وإعداد الأسئلة وخياراتها فيما يماثل أسلوب الامتحان، كما أضفت لكم جدول الحل ونصائح عامة عن النص الخارجي والوقت اللازم.

شاركوا الملف ولا تنسونا من دعواتكم.
قناة د. براء المدلل @DR_BMOD

مساء الخير جميعا ❤️
إليكم جدول يحتوي ما يجب على كل نوع من الطلاب مراجعته (أو دراسته) من الانكليزي خلال شهر مراجعة المواد هذا 🌸

كمية خفيفة ومنطقية لعدة ساعات لكافة الشهر، تضمن الدخول إلى شهر الامتحان بضمير مرتاح ووقت دراسة مرحرح بأسبوعها.

كما سنستأنف التدرب على النص الخارجي غدا باذن الله ❤️

د. براء المدلل للانكليزي @DR_BMOD

كيف حال الجميع ❤️

بعد ما تحددت الأيام يلي صفيانة:
اغلب الطلاب بلشت تعيد التموضع وتحط خطط خمسية للترميم والمراجعة وغيرها.

وعلى هذا الأساس حجهزلكم بكرا باذن الله جدول صغير بيحتوي على توضيح شو خرج يندرس بالانكليزي هالفترة لكل نوع من الطلاب (ما بلش، مخلص شي خفيف، مخلص وماشي عالخطة) بحيث ترتاحوا من الانكليزي وتقيموا همها من راسكن بدون التأثير بوقتكم بباقي المواد ❤️

بالإضافة طبعا لاستمرارنا بسلسلة النص الخارجي ودورات النكشات عالخفيف.

بالتوفيق للجميع يا رب 💚

د. براء المدلل للانكليزي @DR_BMOD

نزل برنامج الامتحان 😪
قبل سنة، إجاني إيميل حدد موعد فحص تعديل لغتي الطبية بألمانيا.
هبط قلبي وما عاد اعرف كيف مفروض لحق الجبال يلي عليي..

بس لو عرفان انو تحديد موعد الفحص كانت نعمة كتير كبيرة عليي.
ما عاد في تبريرات أجل فيها دراستي بدون تأنيب ضمير.

تسجيل لجميع الطلاب بمناسبة صدور برنامج الفحص ❤️

د. براء المدلل للانكليزي @DR_BMOD

Chat this is real
Rip.

أحد أكبر الأعداء للطالب الجامعي: رفقاتي اذكى مني.

"زميلي عم ينجز أكثر مني دراسياً، حاسس حالي مقصر ومالي عرفان إذا العالم بالكليات الطبية فعلاً أذكى مني.."

الدراسة عن ال Egocentric Bias يلي بتخليك عايش بوهم انو غيرك اذكى منك، لانك حاسس حالك انك الوحيد يلي عم تدرس بهالكمية.

شدوا همتكم، كلنا متساويين بالجدبة 💜
د. براء المدلل. @Dr_BMOD

مساء الخير لجميع الطلاب المعطلين 🍓

للزيادة في شرح وفهم النص الخارجي.
إليكم التسجيل (2) الذي يتضمن تفسير مفصّل لإجابات اختبار النص الثاني الذي أعددته لكم.

التسجيل يتضمن الأسئلة 5-10

د. براء المدلل @DR_BMOD

مساء الخير لجميع الطلاب المعطلين 🍓

للزيادة في شرح وفهم النص الخارجي.
إليكم التسجيل (1) الذي يتضمن تفسير مفصّل لإجابات اختبار النص الثاني الذي أعددته لكم.

التسجيل يتضمن الأسئلة 1-4

د. براء المدلل @DR_BMOD

جمعة مباركة للجميع 💜

كما اتفقنا كل جمعة، إليكم ملف النص الخارجي الثاني للتدرب على نصوص B2.
الملف لن يأخذ أكثر من 15 دقيقة من وقتك، وبتدريب اسبوعي، تستطيع الوصول إلى علامة أعلى ترضيك في اللغة بإذنه تعالى.

تم انتقاء النص، وإعداد الأسئلة وخياراتها فيما يماثل أسلوب الامتحان، كما أضفت لكم جدول الحل ونصائح عامة عن النص الخارجي والوقت اللازم.

كما سأوافيكم لاحقاً بتسجيل صوتي يفسّر كل إجابة على قناتي.

شاركوا الملف ولا تنسونا من دعواتكم.
قناة د. براء المدلل @DR_BMOD

😞😞💔
تنويه: الفيديو للدعابة فقط.

د. براء المدلل للانكليزي @DR_BMOD

أساليب خاطئة في الدراسة بتوعى عليها ب اسبوع الامتحان:

🔹 دكتور لو الواحد خلص الانكليزي جوا الفصل، ضروري يعمللها مراجعة؟

🔸 انك تدرس جوا الفصل 65% من الانكليزي مع مراجعة، أحسن ب الف مرة من انك تخلص 100% جوا الفصل بدون مراجعة.

دراسة أي مادة على الاطلاق، بدون مراجعة وحل دوراتها، ح توصل لاسبوعا كأنك مو دارسها.
بدون مراجعة مخك ح يكب المعلومات لانو حيفكرها مو مهمة، ومحا تكتشف هالشي غير لجوا اسبوع المادة لما تلاقي حالك مسطر ع شغلة ع اساس دارسها وانت مالك متذكرها.
ما تضغط حالك لتدرس اكتر، بعرف ما معك وقت، بس بدال ما تختمها كلها جوا الفصل وتكون بيرفكت، احفظ ثلثينها مع مراجعة، بيكون وضعك بالسليم.

-----

🔹 خلص عندي انا الوضع، كل يوم ح حط للانكليزي ساعة من هون ل شهر الفحص، منيح؟

🔸 لا، محا تحط للانكليزي ساعة كل يوم، ح تمشي 3 أيام بهيك برنامج بعدين تفونس وتكبه، حط جدول واقعي يتضمن كم ساعة بنهاية الاسبوع وامورك بالسليم، لا تحط برامج غير واقعية بدراستك من ورا دفقة الهمة المؤقتة يلي بتجيك، خود بعين الاعتبار وضعك الطبيعي وتعبك وقرفك للدراسة ب اغلب الأيام، بعدين تعا قلي انا كل يوم ح ادرس ١٠ فيزيا و ٥ بيو و ١ انكليزي و ٢ فرنسي..

----

🔹 انا مستواي تعيس ف محا عذب حالي بالانكليزي وحركز ع غير مواد لرمم الوضع، خصوصي انو هالمادة ما بينحزر عليها وعلى مفرداتها ونصوصها ععكس باقي المواد.

🔸 طالما ح تضل تتجاهلها للمادة وتخاف من انك تفتحها ف طبيعي يضل مستواك تعيس، بس مبروك عليك عندك ٤ مواد انكليزي بمسيرتك الطبية، مادتين منهن بالتحضيري، ورد عندك ياها امتحان ضروري لتكمل ماجستير، ورد اي باطنة بدك تفهمها بالرابعة والخامسة ح تتعلمه من المراجع الاجنبية، لايمت ح تضل عم تمشي حالك تمشاية؟
ما في حدا بيناتنا خلقان ب ربوع بريطانيا، بس الفرق انو واحد صدق انو بحياته محا يتحسن، وواحد حط شوية وقت جوا الفصل ليتحسن.

خود شوف هالتجربة من رسوب بالفصل الاول لعلامة معدل بالفصل التاني بس لانها تحررت من الفكير تبع خلص مافي امل من هيك مادة.

https://t.me/Dr_BMOD/1490

دمتم بألف خير 💜
د. براء المدلل للانكليزي @DR_BMOD

Live stream finished (44 minutes)

ابتدأت الجلسة.
تستطيعون الوصول لها عبر الضغط على الزر أعلاه.
سيتم قراءة جميع التعليقات على هذا البوست (حصرا) والإجابة عنه.

Live stream started

ستبتدأ الدردشة الصوتية معكم بعد عشر دقائق باذن الله 🌸

أما عن الدردشة الصوتية المباشرة معكم على القناة، فستكون مساء الساعة 8 باذن الله 🌸💚

د. براء المدلل للانكليزي @DR_BMOD

مساء الخير لطلاب العلم ❤️

إليكم التسجيل (2) الذي يتضمن تفسير مفصّل لإجابات اختبار النص الأول الذي أعددته لكم.

التسجيل يتضمن الأسئلة 6-10

د. براء المدلل @DR_BMOD

مساء الخير لطلاب العلم ❤️

تتمة لسلسلتنا في فهم النص الخارجي وللزيادة في شرح أسئلته.
إليكم التسجيل (1) الذي يتضمن تفسير مفصّل لإجابات اختبار النص الأول الذي أعددته لكم.

التسجيل يتضمن الأسئلة 1-5

د. براء المدلل @DR_BMOD

مساء الخير 🌸

بما انه كتير طلاب ضايعة بالدراسة ومشوشة ومو عرفانة شو تعمل بالانكليزي ولا تعرف شو تدرس بالفترة.

حابب أعمللكن بكرا دردشة صوتية مباشرة عالقناة لمدة نصف ساعة لجاوب عن أسئلتكم حوالين الدراسة وايمت فيني حط الانكليزي ع جنب، كيف بدي اتدارك يلي قصرته وارجع ع مود الدراسة وشو ادرس ووو.

شو رأيكم؟
إذا جاهزين هاتوا اقتراح توقيت مناسب الكم.

د. براء المدلل للانكليزي @DR_BMOD

مساء الخير جميعاً 💜
جهزت الهدية 🎉

إليكم ملف النص الخارجي الأول الذي أعددته لكم للتدرب على نصوص B2.

تم انتقاء النص، وإعداد الأسئلة وخياراتها فيما يماثل أسلوب الامتحان، كما أضفت لكم جدول الحل ونصائح عامة عن النص الخارجي والوقت اللازم.

كما سأوافيكم غدا بتسجيل صوتي يفسّر اسلوب تفكيرنا بكل إجابة على قناتي.

شاركوا الملف ولا تنسونا من دعواتكم.
قناة د. براء المدلل @DR_BMOD

تعديل: انتهت الأكواد المجانية، الله يجبر بخاطركم ويفتح عليكم جميعا ❤️🌹

أعزائي وزملائي وطلابي الغاليين، أرجو من الجميع قراءة هذه الرسالة.

لا ينبغي أن يكون الجانب المادي عائقاً بينك وبين العلم، ولذلك حرصتُ على إبقاء سعر نوطتي وكورسي متوسطاً بما يناسب أغلب الطلاب.

ولكني أعلم وأقدّر أن سعر الكورس قد يكون عائقا لدى العديد من الأشخاص، ولذلك قمتُ بالتنسيق مع إدارة تطبيقي BMOD Academy مشكورةً بحجز عدد معيّن من الكورسات سأقدمها كهدية لوجه الله.

من أحب الاشتراك بالكورس ولم يستطع ذلك مادياً، تستطيعون التواصل على حسابي على الانستغرام او الفيس:

https://instagram.com/baraamodallal

https://www.facebook.com/BaraaModallal

حتى يتم حجز كود كورس الانكليزي على اسمكم كاملاً بالمجان، وبسريّة تامة.

مع أخذ العلم أن عدد الاكواد محدودة، فدع لزميلك فرصة الاستفادة من الأكواد ولا تحرمه منها، إن كنتَ قادراً على ذلك.

وإن كنتَ تعلم زميلاً لك يريد الكورس ولا يقدر على ذلك، فقم بتمرير الرسالة له وقم بمشاركة البوست لنشر الفائدة.

لا تنسونا من دعواتكم 💜
د. براء المدلل @DR_BMOD

بتعرف شو المشكلة؟
المشكلة انو هاد الطالب مفكر حاله الوحيد الضايع، مفكر انه هوي الحالة الشاذة، وكل الطلاب الباقية ماشية متل المسطرة.

لو يعرف بس انه هو الانسان الطبيعي، أما الطالب يلي لهلق ما واجه مشاكل بدراسته هوي الحالة الشاذة.

اول مرة حليت فيها دورات بيولوجيا (كان اسمها خلية) طلعت مجاوب 18 سؤال صح من 50..

واليوم قاعد بهالمكتب عم حكم المرضى يلي ما بيعرفوا اني فرشت بالخلية 😁

بتعرف شو الفرق بيني وبين هالطالب يلي بالصورة؟
بتعرف شو الفرق بيني وبينك؟
لا، ما هوي الهمة ولا النشاط ولا الذكاء ولا بطيخ.

الفرق بيني وبينكن هوي الوقت فقط، هوي 9 سنين.
كلنا كنا بمقاعدكن، كلنا واجهنا نفس افكاركن، كلنا حسينا حالنا ما مننتمي لهون.
قبل بسنة كنت عم قله لرفيقي مستحيل حس حالي قادر ع اني انجح قدام لجنة من دكاترة المان، قدرتي ع قدها.

مو شطارة الاستاذ يعمل حاله انه كان النيرد يلي خاتمها يلي ماشي بكل مسيرته الاكاديمية بعلامات بيرفكت وبدون اي مشاكل، كيف ممكن اصلا يوصل الك او يحس فيك ليعرف كيف يعلمك؟

مشكلتنا انو بنعتبر كلمات يلي اكبر منا مقدسة، وكل واحد اجا يعطيك معلومة للاسف بيقعد على كرسي عالي كتير، وبيتعامى عن انه يحس بوجعك، بينسى حاله لما كان بموقعك، بكل لحظة فكرت حالك فيها مالك قد هالحمل.

محا تسمعوها من الكل، لانو ع ضخامة هالمنافسة، صرنا رابطين سرعة تعلمنا البشرية البطيئة بالفشل والغباء، ف ما حدا بيسترجي يعترف انو كلنا تعذبنا نفس العذاب.

هالعذاب مفروض المدرس يعرفه تماما ويحاول يستأصله، مو يعمل حاله أذكى من انه يكون واجهه لما كان قدك.

لما يبلشوا يلي اكبر منكن يعترفوا انهن كانوا بنفس محلكن وبنفس شعوركم ب(الغباء).. بتعرفوا انو هالشي من اساسيات عملية التعلم، ومالها نهاية طريق التعلم بنوب.

انت زلمة عادي، والله العظيم عادي.
مالك مطلوب تكون اسطورة العباقرة حتى تمشي بهالفرع.
مو ضروري تكون مميز وجايب ٩٩٪

مطلوب بس انك ما ترسم خط النهاية ب ايدك.

د. براء المدلل @DR_BMOD

أجاب 55% من الطلاب على السؤال بشكل صحيح، بينما أخطأ فوق ال 1000 طالب به، انتبه!

عواقب الأفعال (ملامح الغضب والعروق البارزة الذي استطاع الولد رؤيتها على وجه أمه وأبيه)
ما كانت لتظهر إلا عند استمرار الخناقة لمدة زمنية طويلة، مما يدلنا على التام المستمر.

أما لو كانت قد انتهت الخناقة بلحظة واحدة:
🧔🏻 ليش ما حطيتي الأكل؟
👩🏻‍⚕️ حقك عليي ابن عمي دقيقتين بيكون جاهز

لما كانت ملامح الغضب لتظهر على الطرفين وكانت الأسرة والمجتمع بخير وسلامة.

ومنه نستنتج أن الفعل يحتاج الى ان يكون تام مستمر، واستطعنا معرفة انه Narrative من الملاحظة السابقة.

دمتم بألف خير 🌸
د. براء المدلل للانكليزي @DR_BMOD

حسب رأي الآلاف منكم:

أقر معظم الطلاب بخوف من النص الخارجي وعدم معرفة اسلوب التعامل معه 🤓

على هذا الاساس، وابتداء من الاسبوع القادم، سنبدأ بسلسلة جديدة على القناة تتضمن نصائح وملفات وتسجيلات لحل النص الخارجي، لتعليمكم الاسلوب الامثل للتفكير بداخل الامتحان وحل اكبر عدد من اسئلة النص بأقل الخسائر، مهما كان مستواك في الترجمة 💜

لا تنس تتابع القناة لتستفيد من كل جديد.
د. براء المدلل للانكليزي
https://t.me/Dr_BMOD

مساء الخير لطلاب العلم ❤️

تمت إضافة فوكابيولاري الوحدة الثانية + مناقشة أسئلتها من العام الماضي والذي قبله على الكورس.

دمتم بألف خير 🌸
د. براء المدلل للانكليزي @DR_BMOD

أجاب 37% من الطلاب بشكل صحيح، فيما أخطأ فوق الـ 1000 طالب!

أحد الاخطاء المميتة (والمكررة) في قاعدة الصفات هو وصف الشعب، فبالنسبة للجنسيات التي تكون على شكل صفات، والتي تنتهي ب:
Ese / sh / ch / ss
كالجنسيات Japanese / English / Swiss / Dutch

وللحديث عن الشعوب، إما تقوم بوضع موصوف بعدها، وهو People، أي تصبح:
English People
أو تقوم بوضع The قبل الصفة، أي تصبح:
The English

وذلك للحديث عن الشعب، ومن الاخطاء المكررة والمميتة أن تقوم بوضع الاسلوبين معاً ليصبح الجواب:
The English People

فالجواب بهذا الشكل خاطئ تماماً، وذلك على صعيد صفات الجنسيات وجميع الصفات لمجموعة من الناس.

فعلى سبيل المثال، للحديث عن الأغنياء نستطيع أن نقول:

The rich ✅
Rich people ✅
The rich people ❌

وهو خطأ اكاديمي مكرر، على الرغم من اعتبارها جملة طبيعية عند اغلب الطلاب.
علماً أنه في العام الماضي أتت هذه النكشة على صعيد سؤالين، واحد في الجنسيات وآخر للحديث عن مجموعة العالم المرضى The sick.

للمزيد من النكشات والتمارين، تستطيعون متابعة كورسي الالكتروني، حيث أقوم بتفصيل أي سؤال شائك وشرح نكشته 💜

قناة د. براء المدلل للانكليزي @Dr_BMOD

جمعة مباركة لجميع طلاب العلم 💜

إليكم جداول الدراسة لهذا الشهر لكلا الخطتين
الخطة A للمبكرين في الدراسة (باللون الأحمر) 🔴
الخطة B للذين بدؤوا بعد المفاضلة (باللون أسود) ⚫

هالمرة الكن هدية صغيرة بالخطة: الأسبوع الرابع راحة وترميم 😁

وهيك بنكون وصلانين لحدود ال75% من المطلوب باللغة بحلول منتصف الشهر القادم 😎
شدولنا مزبوط لانو حنبلش ملفات واختبارات عما قريب.

د. براء المدلل للانكليزي @DR_BMOD

كلمتين تحفيزيات حبيت أعطيكن ياها بمناسبة عثوري على خمس دقائق فراغ 😂
"قسم أهدافك لتضل متحفز للأخير، لا تتوقع نتائج سنين بأشهر".
كم نصيحة من القلب لجميع الطلاب ❤️

رابط اليوتيوب لمن أحب مشاهدته هناك:
https://youtu.be/fY0mwUSbCeU


د. براء - عام @More_Baraa
د. براء المدلل للانكليزي @DR_BMOD

دكتور أنا واقع بمصيبة:
ضاع وقتي.. بعد ما بلشنا نداوم عملي وكركبة الدوام والمواصلات ووو..
عم شوف العالم صارت بنص الكتاب.
كيف عاد مفروض ادرس أنا؟ قصرت كتير وخجلان احكي لحدا.

تسجيل بسيط عن بداية الدوام والدراسة والضياع بهالفترة 🌸

د. براء المدلل للانكليزي @DR_BMOD

وهكذا تطير علامات ما يقارب ألف طالب 🪽

معلومات سخيفة وصغيرة بتفكر حالك عم تحلها صح، وبتقرأها عالسريع بداخل دراستك انها (بديهية).
ما حدا انتبه انو كلمة Twisty غير كلمة Twisted، بل Twisty لا معنى لها في فوكاب الجسم.
أو أن الكلمة هي Sprained وليس Spainted.

"طيب والله بيشبهوا بعض"
هي الفكرة، أحيانا على صعيد حرف بيصير الخيار غلط، حل دورات وراجع معلوماتك، وإلا بكرا بتفكر حالك جايب 90 وبسا تطلع العلامات بتتفاجأ من ال 75 يلي (ضربوك بالتصحيح) فيها.

ديروا بالكم مزبوط ❤️
د. براء المدلل @DR_BMOD

اتشكركم من كل قلبي على كلامكم الرائع، شكراً لكل طالب أعطى من وقته لكتابة رأيه ❤️
على هذا الأساس أحببت مضاعفة عدد الرابحين ليصبحوا 4:
Lujain A Wakeel
Hasan
Shahed Dery
Khalil Daher
عدم وجود اسمك من بين الرابحين أعلاه لا يعني أن كلامك لم يصل للقلب ❤️
آرائكم فرداً فرداً ستضل الدافع لي لتقديم جهدي في اللغة.

بالتوفيق للجميع ونعود للمحتوى العلمي على القناة 🌹
د. براء المدلل للانكليزي @DR_BMOD

مساء الخير لطلاب العلم ❤️

🔸خبر سار: صارت قواعد الوحدة الثانية (ودوراتها الحديثة) متاحين على التطبيق لجميع مشتركي الكورس.
كل قاعدة تتضمن مراجعة اللازم من المدرسة، شرح كل تفصيل فيها وحيل لتذكرها، وطبعا قسم الأسئلة بنت الحلال (دفشة واقع) يلي ح يناقش أسوأ سيناريو بالامتحان ويعلمك كيف تخلص حالك منه.

صار قدامكن كلشي لازمكن لتخلصوا ما يقارب ثلثي المادة اليوم، سواء من النوطة أو الكورس الشامل للمادة.
_______

🔶 وأخيراً، حرصاً على إتقان الكورس في كل عام، حابب آخد رأيكم عن يلي تابعتوه عن الانكليزي، سواء حضرت فيديوهات العينة المجانية أو عم تتابع فيديوهات الكورس الكامل. كيف لقيتوا وضعكم باللغة؟ حسيتوا بتوفير الوقت لفهم الأفكار، أو ارتحتوا بحل الدورات؟ احكوا يلي ببالكم بكل وضوح وصراحة.

تقديراً لآرائكم يلي حتحثني على تطوير الكورس إلكم ولزملائكم، ح انتقي تعليق من آراء متابعي العينة المجانية ليربح كورس الانكليزي للفصل الأول.
ورأي آخر من متابعي الكورس الكامل ليربح كورس الانكليزي للفصل الثاني ❤️

دمتم بألف خير 🌹
قناة د. براء المدلل للانكليزي @DR_BMOD

أجاب 58% من الطلاب بشكل صحيح، بينما أخطأ فوق ال 1000 طالب، انتبه سؤال دورة مشابه في 2022!

🔹 كما نبهتكم بفيديو ال Auxiliar:
كلمة Has to، على الرغم من كونها بنفس معنى ال Must، إلا أنها ليست فعل مساعد Modal Verb بتاتا.

🔹 يتم تصنيف ال Have to مجااازيا كفعل مساعد بسبب شبهه الشديد بالافعال المساعدة، حيث يأتي فعل مصدر Infinitive بعده، كحال ال Modals، إلا أنه حقيقة يأتي المصدر بعد ال have to كرمال ال to المصدرية لا غير.

🔹 دليل اختلافه عن ال Modals هو أنه يقبل التصريف كأي فعل أساسي، فيستطيع ان يصبح have / has / had كما يستطيع أن يصبح بالمستمر without having to...

🔹 أما ال Must وكل ال Modal Verbs، فلا تستطيع على سبيل المثال ان تصبح Musts / Musted الخ.

🔹 ولهذا نعامل ال Has to كأنه فعل اساسي بالجملة، وبهذا التصريف يعتبر فعل حاضر بسيط، والفعل المساعد للحاضر البسيط عند النفي هو don't/doesn't. وهو ما اخترناه هنا في ال Question Tag.

ديروا بالكم مزبوط 🧐

د. براء المدلل للانكليزي @DR_BMOD

مفاجأة بداخل بعض نوط English for PRE 10 😎

العشرات من المحظوظين حيكتشفوا أكواد كورس الانكليزي الالكتروني بداخل نوطتهم بقيمة 250 ألف، كهدية لهم لاختيارهم نوطتي لدراسة اللغة الانكليزية وشراء النسخة الأصلية من المكاتب المعتمدة ❤️

الكود ممكن تلاقيه بأحد الصفحات العشوائية بالنوطة عن طريق الصدفة، بعض النوط بتحتوي الكود، بلش دراسة انكليزي وبركي بتنقش معك 😂

تمت كتابة نوطتي للانكليزي وتسجيل كورس الالكتروني مع مزيج كبير من الحب لكم، والحب للغة، والحب لإعطاء اللغة الفرصة لإتقانها كما كان ينبغي أن تتعلموها، وأنتم، ما رأيكم عن النوطة لمن بدأ بها؟ 💜
----

.. ملاحظة صغيرة، في هدية بقلب الصورة 😉

قناة د. براء المدلل للانكليزي @DR_BMOD

هام: تصحيحات نوطة الانكليزي English for PRE 10 لعام 2025.

🔹 أفتخر بثقتكم واعتمادكم على نوطتي في دراسة المادة، إليكم التصحيحات ضماناً للدقة العلمية.
انشروها على أوسع نطاق لزملائكم.

🔹 كما أود تذكرتكم باستمرار توافر الكورس الالكتروني في جميع المكاتب المعتمدة، وذلك لاختصار أكثر من نصف وقت دراسة الانكليزي وتثبيتها.

دمتم بألف خير 💜
د. براء المدلل للانكليزي @DR_BMOD

الاختبار التجريبي للوحدة الأولى صار متوافر للجميع بشكل مجاني على التطبيق 🥰

10 أسئلة يتضمن قواعد الوحدة الاولى، اختبروا حالكم فيها وهاتوا علامتكم لنشوف 🌸

د. براء المدلل @DR_BMOD

بعض الأسئلة المتكررة والهامة من الطلاب، خصوصا يلي لسا ضايع:

🔹 شفت الكل بلش ومالي عرفان كيف بلش دراسة انكليزي، انصحني يا دكتور:

- أفضل وسيلة للبدء هو انك ترجع تتأسس صح، كلشي معلومات عشوائية من ايام المدرسة نظمها لتقدر تواجه ال90 سؤال بالفحص بمنطقية، وافضل حل لتراجع كلشي بيلزمك صح هو انك تتابع فيديو الازمنة المجاني لترمم حالك ب 12 زمن أي ما يقارب 20 علامة بالامتحان، موجود بشكل مجاني على التطبيق

-------------------------------

🔹 هل النوطة كافية كمصدر لدراسة المنهاج وأسئلته؟

- أجل بإذن الله، فهي تحتوي 250% من يلي عندك بالكتاب، بالإضافة لجميع الدورات (لتفصيل ما تحتويه النوطة، تستطيع قراءة مقدمتها)، ثقتكن هو شيء أنا بعزه وما بفرط فيه، فاعلم اني مارق عالحرف الواحد فوق العشر مرات لحتى حطه، والكتاب مفصفصه مئات المرات لاستخلص منه كل كلمة مفيدة واتوسع منه بكل قاعدة 💜

-------------------------------

🔹 لك حاج تصرعني انا مستواي قوي، ما في داعي اشتغل جوا السنة، دراسة يومين بتكفي.

- لربما ذلك صحيح، بس الاف الطلاب قالت هالحكي وجابت علامة ما كانوا متوقعينها، الشي يلي بيخدع باللغة انك ممكن تفكر مستواك أعلى من الحقيقة من ورا الفطرة يلي اخدناها بالافلام وعلامة البكالوريا، باستفتاء صغير صار السنة قبل الماضية، اكتر علامة مخيبة للأمل عند 4000 طالب كانت اللغة الانكليزية، مو معناها انك تخاف، بس معناها انك ما تفرّط فيها، لربما فعلاً انت مميز باللغة، بس الكل بيظن حاله هو الاستثناء.
هل ضمان عشرات العلامات الاضافية بدراسة 5 ساعات بنهاية الاسبوع مستاهل هالrisk؟ بعرف اشخاص فعلاً مميزين وجابوا بالسبعينات لانهن شلفوها لاسبوعها وتلبكوا بالخارجي والنص والوقت، وبعرف عالم مستواها متوسط وجابت 85+.
شوف هالبوست لتعتبر من تجارب الطلاب
-------------------------------

🔹طيب الامور الخارجية متل النصوص وكذا كيف بدي اتدرب عليها اذا حتماً خارجية؟

نصوص الكتاب فعلياً ما نفسها يلي بتجيك بالامتحان، ممكن تستفاد من المفردات لتزيد مخزونك اذا خلصت المنهاج، بتلاقيها بنهاية النوطة

لكان شو بدي اعمل للنص الخارجي؟ لا تخف، تابع القناة ولح علمك عبر عدة تسجيلات وملفات نصوص خارجية مجانية كيف تتعامل وتتحايل ع اغلب اسئلة النص، كتير من الطلاب بالفصل الثاني السنة الماضية وصلوا لضمان علامة النص الخارجي بسبب الملفات والتدريب بداخل العام، القصة مجرد ملكة فيك تتعلمها حتى لو مستواك متوسط اذا ما حشرت كلشي لاسبوعها، وكذلك الأمر بالنسبة لقسم دفشة واقع بالكورس.

بالتوفيق للجميع 💜
د. براء المدلل للانكليزي @DR_BMOD

سر السعادة
@DR_BMOD

صباح الخير 🌞

🔸 جماعة الخطة B، جهزولي حالكن نهاية هالاسبوع، في اختبار حينزل لقواعد الوحدة الأولى لنشوف دراستكم 😎

🔸 أما للنيردات يلي مسبقين عن المنهاج، فالقاعدة 2B صارت متوافرة على التطبيق 🌸

د. براء المدلل @DR_BMOD

@DR_BMOD

تذكروا الفرق بين نوعي السؤال: من القاعدة 1A.
هالفرق عليه أقل شي سؤالين بالامتحان، يعني بتحط 2-3 علامات بجيبتك من فهمك للاختلاف بهالجدول.

قناة د. براء المدلل للانكليزي @Dr_BMOD

"أنا طالب تحضيري عم ادرس واوصل لاخر الاسبوع مالي متذكر شي من يلي درسته 😞 الكميات مو طبيعية ومخي ماله لهالدرجة من القدرة الحفظية"

- تسجيل مهم جداً بيعلمك كيف تتغلب على النسيان، معتمد على بحث ألماني عن ال Forgetting Curve، يشرح الاسلوب الافضل لدراسة أي معلومة في أي مادة وعدم نسيانها 🎲

قناة د. براء المدلل للانكليزي @Dr_BMOD

دمتم بألف خير 💜

@DR_BMOD

جمعة مباركة للجميع ❤️
خبرتني الطيرة انو في كم واحد لسا ما بلش بالانكليزي.

قلتلها حاج سلبة، كلشي متوفر لدراسة أول شهر ببلاش.
قالتلي بعرف واحد ما بيدرس الا اذا معه كود.

مع احتدام النقاش، اكتشفت انو ما في عصفور بيحكي.
و ما في طالب تحضيرية ما بلش.
حوينة الكود يلي كنت مجهزه.

د. براء المدلل للانكليزي @DR_BMOD

السؤال الماضي كان نكشة حلوة اجت السنة قبل الماضية.
معقولة مو نفي 🙃
@DR_BMOD

أجاب 60% من الطلاب على الجواب بشكل صحيح، بينما أخطأ أكثر من 1000 طالب به.

انتبه وتذكر: في السؤال غير المباشر Indirect Question
قم بإعادة الجملة إلى شكلها الاصلي.

أي: في السؤال الطبيعي، تستطيع أن تقول
How much does it cost?
فقد وضعنا Does للمساعدة في تشكيل السؤال.

أما هنا، فستقوم بإرجاع الجملة الى شكلها الطبيعي دون السؤال، وكأنك تقوم بالإجابة:
It costs xx Euro...

انتبه! بما أننا حذفنا Does، فقم بإرجاع الs التي سحبتها does إلى الفعل الاصلي costs عوضاً عن does cost.

----------------

ابرز مصطلحات السؤال غير المباشر "المؤدب" هي:
Do you know
Could I know
Can you tell me
Could you tell me
May I know

قناتنا للاتمتة والملفات والنكشات في اللغة @DR_BMOD

بالتوفيق للجميع 💜
د. براء المدلل

جمعة مباركة على جميع طلاب العلم ❤️

🔸 للطلاب يلي حابة تبدأ دراسة انكليزي من بعد المفاضلة: اليوم بداية أول أسبوع بالخطة B (اضغط)

ضروري قبل ما تبلش بشي اسمه انكليزي انك تحضر فيديو المقدمة (اضغط) لحتى تتعرف على:
كيف تدرس المادة بالجامعة، شو تقسيماتها، شو المهم وشو مو مهم، شو يعني 1A 1B، كيف أسئلة امتحانها، طريقة التعامل معها حتى تتجنب الأخطاء يلي وقعوا فيها زملائك من قبل.

🔸 المطلوب بهي العطلة بده حوالي 5 ساعات، وهو:
- مراجعة المطلوب من منهاج المدرسة.
- القاعدة 1A
- القاعدة 1B

كلهن موجودين بشكل مجاني على التطبيق (اضغط) ❤️

واذا ما معك النوطة فلا تزعل بتقدر تدرس المطلوب من هالاسبوع من العينة المجانية (اضغط)

بعد ما تحضروا المطلوب حنبلش نحط نكشات واسئلة دورات هون عالقناة.
ما ضللك حجة يا حبيبي، بلش وقول يارب.

بالتوفيق ❤️
د. براء المدلل للانكليزي @DR_BMOD

نهاية الأسبوع 🧚🏻

أحلا أيام الأسبوع، لأنو استراحة وما فيه دوام، ولأنه وقتها بتتذكروا شي اسمه انكليزي 😂

حنحكي شوي عن خطة دراستنا الجديدة ابتداء من يوم غد وكيف ح كون معكم طول هالسنة ❤️

د. براء المدلل للانكليزي @DR_BMOD

مساء الخير جميعاً 💜
وصلت الخطة B.

حسب استفتاءات جماهير الطلاب، فوق ال 2300 طالب صوت أنه لسا ما بلش بالانكليزي وناوي يبلش فيها عالخفيف بنهاية هالاسبوع.

ولهذا السبب حبيت أعمل خطة دراسة جديدة اسمها B، لكل من لم يبدأ بالمادة بعد.

الخطط بمادة اللغة الانكليزية ستكون كالتالي:
🔴 الخطة A (بالأحمر) للذين بدؤوا قبل شهر.
⚫ الخطة B (بالأسود) للذين سيبدؤون بالانكليزي عن جديد.

أنت لست ملزما بتطبيق الخطة بحذافيرها، ولكن بالاستعانة بها سأشرف على وصول الطلاب لأغلب المنهاج بحلول شهر الامتحان باذن الله. عبر إنجاز بسيط لا يتعدى بضع ساعات اسبوعيا.

الدراسة داخل الفصل مهمة جدا لتزداد سرعة حلك وتتذكر قواعدك داخل الامتحان وتتخلص من شعور الذعر، وعبرها حتقدر تركز أقسام امتحانية أخرى كالنص الخارجي والمفردات الخارجية، يلي حنتعلم كيف ممكن ننفد بعدد من أسئلتها.

الكمية خفيفة وبسيطة، ولكن الاستمرار الاسبوعي هو سر نجاحك بأي مادة بتحطها براسك.

موفقين يا أكابر 💜
قناة د. براء المدلل للانكليزي @DR_BMOD

صباح الخيرات والبركات، خبر جميل للنيردات الخفيين 🤓

القاعدة الرابعة (الوحدة الثانية) صارت متاحة لمشتركي الكورس الالكتروني.

أما عن الطلاب يلي هلق عم يصحصحوا، فخطة الدراسة الجديدة هاليومين باذن الله.

د. براء المدلل للانكليزي @DR_BMOD

بداية سنة دراسية مباركة على الجميع 💜

متل كل سنة، الطلاب بهالوقت بتحدد مصادرها حتى تبدأ الدراسة بعد صدور المفاضلة.

بالنسبة للانكليزي، كان لي فخر اعتماد أكثر من 92% من طلاب السنين السابقة بأعمالي في دراسة المادة الإنكليزية، وهذه ثقة لم تأتي بالهين، حيث سعيت جاهداً في السنوات السبع الماضية أن أكون قد هذه الأمانة العلمية أمامكم وأمام الله، حيث أكرس عليها مئات الساعات في كل شهر للحفاظ على وصول أدق المعلومات لكم.

ولكن من حقك كطالب علم عدم الانسياق لأي مصدر دون وجود دليل يقيني عن صحة كلامه، واحتراماً لعقولكم، أحببت أن أعرض جزء من تجارب آلاف الطلاب من الدفعة السابقة الذين أُكرِمتُ باعتمادهم أعمالي سواء نوطة Baraa Modallal's English، او الكورس الالكتروني بأقسامه الجديدة.

سننطلق بالمادة العلمية على القناة والكورس والنوطة والدورات وكل ما يهمكم في الانكليزي عما قريب 🌸

دمتم بألف خير 💜
د. براء المدلل للانكليزي @DR_BMOD

ليلي ما بده يسمع 8 دقائق من صوتي العذب، تلخيص الريكورد السابق:

🔸هل تعلم أنك فيك تغش باختبار الذكاء IQ لتحصّل رقم أعلى من "الذكاء المولود به"؟

لربما تظن أنه زميلك النيرد انخلق وبيقدر يجيب 90 نات من قفا إيده، بقلك هالحكي صح وغلط.
بعض الأشخاص بتختلف عندها الـ G-Factor وهو الذكاء الفطري المولود.

🔸 اختلاف الـ G-Factor أو الذكاء الفطري لأي حدا فايت اليوم تحضيرية هي لا تتراوح بين 2 أو 3%، وهي تنعكس بفروقات علاماتكن بالبكالوريا..
ولكن في عوامل تانية بتأثر بأي علامة ممكن تجيبها.
الدراسات أثبتت أن العوامل المتغيرة بتأثر بـ 30% من النتيجة.
يعني بالعامي: الفرق بين حدا جايب 60 وحدا جايب 90 هي عوامل انت قادر ع صنعها وتغييرها، وليس العوامل يلي انت مخلوق فيها.
العوامل يلي انت مخلوق فيها بتوصلك بس لل 60%، يعني لعلامة النجاح، ولهيك بالأصل علامة النجاح هي 60%، وفرقك عن زميلك بالعوامل يلي مخلوق فيها لا يتجاوز 2 أو 3% فقط.

🔸العوامل انت بالأصل بتطورها لما تدرس جوا السنة بدون ما تحس، متل (الحافز المادي، الانصعاق بأسئلة الامتحان، القلق، التدريب على الدورات).
كل هي العوامل وعبر الكثير والكثير من الاختبارات السريرية عملت فرق لحد ال30% مع بعضها، لأشخاص كانت عندها نفس الذكاء الفطري G-Factor.
لهيك بالأصل بكورس ونوطة اللغة بحط الدورات مباشرة بعد كل قاعدة، كل الدراسات أثبتت انها أفضل اسلوب للتعلم.
===

🔸من الأخير، حبيبي انت بمكان فيه النخبة، عالم كلها عندها ذكاء فطري جيد، عادي تحس حالك نكرة، عادي تحس حالك غبي، هالشي كله ما بيتترجم لعلامات.
الشي الوحيد يلي بيتترجم لعلامات هو قديش مستعد تشتغل ع حالك جوا هالسنة بتطوير هال 30% الفرق بينك وبين زميلك.
أم أنك ح تضل تتونون عن ال2% يلي هو سابقك فيها وتروح على حالك تطوير جوا السنة؟
كنت سبقته بعشرات الأضعاف لو ما كنت مشغول بالبكاء أنو مستواه الأساسي أحسن منك.
لسا الأغلب ما بلشوا، كلكن ع نفس خط البداية قد ما حاولت تعمل أعذار أنهن أحسن منك.
لو كانوا فعلا أشطر منك، ما كنت انت معهن اليوم.

د. براء المدلل للانكليزي @DR_BMOD

هل تعلم أنك فيك تغش باختبار الذكاء IQ لتحصّل رقم أعلى من "الذكاء المولود به"؟
لربما تظن أنه زميلك النيرد انخلق وبيقدر يجيب 90 نات من قفا إيده، بقلك هالحكي صح وغلط.

اسمع التسجيل لتعرف كيف ممكن (تهكّر) علامات زيادة بأي امتحان حتقدمه هي السنة، وتتجاوز الفرق البسيط بينك وبين زميلك بسرعة الدراسة وفرق العقول.

د. براء المدلل للانكليزي @DR_BMOD
د براء - عام @More_Baraa

مساء الخير، سمعت اقتراحاتكم على جروب الانكليزي وشفت رسائلكم يلي وصلتني على الخاص ❤️

بالفترة الماضية شريحة من زملائكم تحمست بالفترة الأولى وبدأت بدراسة المادة وتعرفت عليها ودرست أوائل قواعدها.

🔹 ولكن لأني واقعي وكنت بأحد الأيام طالب متلكن، عرفان انو فوق ال 80% منكن لسا ما بلش بالمادة ولا بلشت بالخطة، كاشفكن 😂
هاد الشي طبيعي للصراحة نظراً انو المفاضلة ما كانت نازلة.

🔹 وعلى هذا الاساس حبيت خفف سابقاً البوستات العلمية بحيث لا يروح كتير عالطلاب يلي لسا ما بلشت، وولا تمل الطلاب يلي بلشت.
أما حالياً وبالأيام القادمة حان الوقت للانطلاقة باللغة الانكليزية، وكالعادة مجهزلكم مسيرة كاملة بما يوافق كل المستويات:

- فيديوهات الكورس الجديد متضمنا كلشي اجا بالسنة الماضية.
- فيديوهات ترميم ووحدة اولى مجانية على التطبيق، ملفات وامتحانات تجريبية متاحة للجميع.
- صفوة من الاتمتات والملاحظات الهامة بالمادة يلي جهزتها بعد دراسة اسئلة زملائكم ودوراتكم السابقة.
- حتنزل خطة دراسية جديدة بعد بأسبوع، بحيث تكونوا نزلتوا عالجامعة وجبتوا يلي بدكن تجيبوه، بما يواكب يلي بلش قبل بفترة.
- بوستات علمية تخفف ضياعك بالمادة وتعلمك كيف مفروض تبلش.

بالإضافة لمتابعة كامل اسئلتكم العلمية واستفساراتكم من قبل نخبة من المشرفين العلميين على جروب الإنكليزي.

والكثير من المفاجآت عالقناة والتطبيق 🌸
ضيفوا رفقاتكم لننطلق مزبوط بالخطة والكورس الاسبوع القادم 💜

دمتم بألف خير 💜
د. براء المدلل للانكليزي @DR_BMOD

شفتوا؟
هالنتيجة هي ابسط دليل انو يلي عم تشوفه عالجروبات عن طلاب طايرة وعم تسأل من نص المنهاج هنن اقل من 10% من الطلاب.

والباقي ال 90% متلك متله، عم يشوف البوست ويقول راحت عليي لهلق ما بلشت..
نحنا الادمنز بنشوف لما البوست عليه 6000 مشاهدة وبس 10 تعليقات، يعني 5990 واحد اكل رعبة متلك 😂

انت بني ادم طبيعي وكان من حقك انك تاخد وقت استراحة بما يلائمك، لا تحس بالذنب عليه، بس يعني بلشت نهاياته، بلش أقلع عالخفيف لتوصل، المهم انك لا تفكر انو معد صفي غيرك لهلق مو مأقلع.

معم قللك هالحكي لترخي، بس عم قللك هالحكي مشان ما تتكركب وتتشنج وتقول مشي الحال فاتني القطار وما خرجي هالفوتة وكل العالم متلي صارت بنص المنهاج.

المفاضلة ما صرلها يومين نازلة عفكرة 😂
في عندك كتير وقت اذا بلشت تأقلع صح ورتبت موادك صح.

+ برنامج دراسة اللغة الجديد من فيديوهات الكورس المجانية حينزل خلال أسبوع ان شاء الله 💜

د. براء المدلل للانكليزي @DR_BMOD